4   ᠳ᠋ᠤᠭᠡᠷ   ᠰᠠᠷ᠎ᠠ ᠵᠢᠨ 29᠎ᠤ   ᠡᠳᠤᠷ᠂   ᠤᠯᠠᠭ᠋ᠠᠨᠬᠠᠳᠠ ᠬᠤᠳᠠ ᠵᠢᠨ ᠪᠠᠭ᠋ᠠᠷᠢᠨ ᠵᠡᠬᠦᠨ ᠬᠤᠰᠢᠭᠤᠨ᠎ᠤ ᠯᠢᠨᠳᠦ᠋ᠡᠭ᠎ᠤᠨ ᠰᠢᠨᠬᠤᠸᠠ ᠲᠠᠯᠠᠪᠠᠢ᠎ᠳᠤ ᠰᠢᠨ᠎ᠠ ᠴᠠᠭ ᠡᠷᠢᠨ᠎ᠤ   ᠪᠤᠯᠪᠠᠰᠤᠨ ᠦᠢ᠍ᠯᠡᠳᠤᠯᠭᠡ ᠵᠢᠨ ᠲᠦᠪ 《8+N》᠎ᠤᠨ   ᠰᠠᠢ᠌ᠨ ᠲᠤᠷᠠᠴᠤᠤᠯ᠎ᠤᠨ ᠦᠢ᠍ᠯᠡᠴᠢᠯᠡᠭᠡᠨ᠎ᠤ ᠠᠩᠭᠢ᠎ᠳᠤ ᠲᠤᠭ ᠭᠠᠷᠳᠠᠭᠤᠯᠬᠤ ᠶᠤᠰᠤᠯᠠᠯ ᠶᠠᠪᠤᠭᠤᠯᠵᠤ᠂ 13   ᠰᠠᠢ᠌ᠨ ᠲᠤᠷᠠᠴᠤᠤᠯ᠎ᠤᠨ   ᠦᠢ᠍ᠯᠡᠴᠢᠯᠡᠭᠡᠨ᠎ᠤ   ᠠᠩᠭᠢ᠎ᠳᠤ ᠲᠤᠭ ᠤᠯᠭᠤᠵᠤ᠂   ᠡᠩᠨᠡᠭᠡ ᠵᠢᠨ ᠭᠡᠰᠢᠬᠦᠨ 200 ᠭᠠᠷᠤᠢ ᠬᠦᠷᠦᠭᠰᠡᠨ ᠪᠠᠢ᠌ᠯ᠎ᠠ᠃ ᠲᠤᠭ ᠭᠠᠷᠳᠠᠭᠤᠯᠬᠤ ᠶᠤᠰᠤᠯᠠᠯ᠎ᠤᠨ ᠲᠠᠷᠠᠭ᠎ᠠ ᠲᠤᠬᠠᠢ ᠵᠢᠨ ᠭᠠᠵᠠᠷ᠎ᠨᠢ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨ ᠦᠷᠨᠢᠬᠦᠯᠤᠨ ᠡᠪᠡᠳᠴᠢᠨ ᠦᠵᠡᠵᠤ᠂ ᠬᠠᠤᠯᠢ ᠴᠠᠭ᠋ᠠᠵᠠ ᠵᠢᠨ ᠲᠡᠮᠵᠢᠯᠭᠡ ᠦᠵᠡᠬᠦᠯᠵᠤ᠂ ᠲᠦᠷᠤ ᠵᠢᠨ ᠪᠤᠳᠤᠯᠭ᠎ᠠ ᠵᠢᠨ ᠠᠰᠠᠭᠤᠨ ᠯᠠᠪᠯᠠᠯᠭ᠎ᠠ ᠬᠠᠡᠭᠭ᠋ᠠᠨ᠂ 2000 ᠭᠠᠷᠤᠢ ᠤᠯᠠᠨ ᠲᠦᠮᠠᠨ᠎ᠢ ᠤᠷᠤᠯᠴᠠᠭᠰᠠᠨ ᠪᠠᠢ᠌ᠨ᠎ᠠ᠃
      ᠬᠤᠰᠢᠭᠤᠨ᠎ᠤ   ᠶᠠᠳᠠᠭᠤ ᠵᠢ ᠲᠡᠳᠬᠦᠬᠦ ᠠᠯᠪᠠᠨ ᠭᠡᠷ᠎ᠤᠨ   ᠰᠠᠢ᠌ᠨ ᠲᠤᠷᠠᠴᠤᠤᠯ᠎ᠤᠨ   ᠠᠩᠭᠢ ᠵᠢᠨ ᠲᠠᠷᠤᠭ᠎ᠠ ᠬᠤᠸᠠᠩ ᠶᠠ ᠨᠠᠨ ᠭᠡᠯᠡᠭᠰᠡᠨ᠎ᠨᠢ᠄ 《ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨ᠎ᠢ ᠶᠠᠳᠠᠭᠤ᠎ᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠪᠤᠭᠤᠮᠳᠠ ᠰᠢᠪᠳᠤᠯᠬᠤ ᠲᠠᠢ᠌ᠯᠠᠯᠳᠤᠭ᠋ᠠᠨ᠎ᠤ ᠦᠷ᠎ᠡ ᠪᠦᠳᠤᠭᠡᠯ᠎ᠢ   ᠦᠷᠭᠡᠳᠭᠡᠨ ᠪᠠᠳᠤᠳᠬᠠᠵᠤ᠂ ᠬᠦᠳᠡᠬᠡ ᠲᠤᠰᠬᠤᠨ᠎ᠢ ᠬᠦᠭᠵᠢᠬᠦᠯᠤᠨ ᠮᠠᠨᠳᠤᠭᠤᠯᠬᠤ ᠵᠢ ᠠᠬᠢᠭᠤᠯᠵᠤ᠂ ᠰᠢᠶᠠᠩ ᠲᠤᠰᠬᠤᠨ᠎ᠤ ᠬᠦᠭᠵᠢᠯᠳᠠ ᠵᠢ ᠦᠷᠭᠡᠳᠭᠡᠨ ᠠᠭᠢᠭᠤᠯᠵᠤ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ᠎ᠤ ᠤᠶᠤᠨ᠎ᠤ   ᠪᠤᠯᠪᠠᠰᠤᠨ᠎ᠢ ᠪᠠᠢ᠌ᠭᠤᠯᠬᠤ ᠵᠡᠷᠬᠡ ᠠᠵᠢᠯ᠎ᠳᠤ ᠬᠦᠴᠤᠨ ᠨᠡᠮᠡᠷᠢᠯᠡᠨ᠎ᠡ᠃ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨ᠎ᠤ   ᠠᠵᠢᠯ᠎ᠢ   ᠠᠷᠠᠤᠨ ᠤᠯᠠᠨ᠎ᠤ   ᠭᠡᠷ᠎ᠲᠤ ᠬᠦᠷᠭᠡᠵᠤ᠂   ᠤᠯᠠᠨ ᠲᠦᠮᠠᠨ᠎ᠤ   ᠬᠠᠵᠠᠭᠤ᠎ᠳᠤ᠎ᠨᠢ ᠤᠴᠢᠭᠤᠯᠵᠤ᠂   ᠦᠨᠳᠤᠰᠤᠨ ᠱᠠᠳᠤᠨ᠎ᠤ   ᠨᠠᠢ᠌ᠭᠡᠮ᠎ᠤᠨ   ᠵᠠᠰᠠᠯᠳᠠ᠎ᠳᠤ ᠬᠦᠨᠵᠡᠭᠡᠢ᠌ᠷᠠᠬᠦᠯᠵᠤ᠂   ᠰᠢᠨ᠎ᠠ ᠵᠢ ᠡᠬᠦᠳᠬᠦ ᠴᠢᠳᠠᠪᠤᠷᠢ ᠪᠠ ᠦᠢ᠍ᠯᠡᠴᠢᠯᠡᠭᠡᠨ᠎ᠤ   ᠭᠢᠷᠢ ᠭᠡᠮᠵᠢᠶ᠎ᠡ᠎ᠪᠠᠨ ᠲᠡᠭᠡᠭᠰᠢᠯᠡᠬᠦᠯᠵᠤ᠂   ᠠᠷᠠᠤᠨ ᠤᠯᠠᠨ᠎ᠳᠤ   ᠬᠠᠩᠭ᠋ᠠᠮᠵᠢᠳᠠᠢ ᠪᠤᠯᠭ᠋ᠠᠵᠤ᠂   ᠪᠠᠭ᠋ᠠᠷᠢᠨ ᠵᠡᠬᠦᠨ ᠬᠤᠰᠢᠭᠤᠨ᠎ᠤ   ᠤᠨᠴᠠᠯᠢᠭ ᠪᠦᠬᠦᠢ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨ᠎ᠢ   ᠪᠤᠢ ᠪᠤᠯᠭ᠋ᠠᠵᠤ᠂   ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨ᠎ᠤ   ᠴᠢᠬᠤᠯᠠ ᠦᠢ᠍ᠯᠡᠳᠤᠯ᠎ᠢ ᠦᠨᠡᠨ ᠬᠦ᠌ ᠪᠠᠳᠠᠷᠠᠭᠤᠯᠤᠨ᠎ᠠ〉〉   ᠭᠡᠵᠡᠢ᠃
ᠨᠠᠮ᠎ᠤᠨ   ᠲᠡᠤᠭᠡ ᠵᠢᠨ ᠰᠤᠷᠤᠯᠴᠠᠯᠭ᠎ᠠ ᠬᠦᠮᠤᠵᠢᠯ᠎ᠢ   ᠦᠷᠨᠢᠬᠦᠯᠦᠭᠰᠡᠨ᠎ᠠᠴᠠ ᠨᠠᠭ᠋ᠠᠰᠢ ᠪᠠᠭ᠋ᠠᠷᠢᠨ ᠵᠡᠬᠦᠨ ᠬᠤᠰᠢᠭᠤ᠎ᠨᠢ 《ᠪᠢ ᠲᠠᠨ᠎ᠢ ᠬᠠᠪᠰᠤᠷᠤᠶ᠎ᠠ》 ᠬᠡᠬᠦ ᠰᠢᠨ᠎ᠠ ᠡᠷᠢᠨ᠎ᠤ   ᠪᠤᠯᠪᠠᠰᠤᠨ ᠦᠢ᠍ᠯᠡᠳᠤᠯᠭᠡ ᠵᠢᠨ ᠰᠠᠢ᠌ᠨ   ᠲᠤᠷ᠎ᠠ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨ᠎ᠤ   ᠠᠵᠢᠯᠯᠠᠭ᠎ᠠ ᠵᠢ ᠢᠳᠠᠪᠭᠢᠳᠠᠢ ᠵᠤᠭᠢᠶᠠᠨ   ᠪᠠᠢ᠌ᠭᠤᠯᠵᠤ᠂   ᠡᠬᠦᠨ᠎ᠳᠤ᠎ᠪᠠᠨ ᠲᠤᠬᠢᠷᠠᠭᠰᠠᠨ ᠦᠢ᠍ᠯᠡᠴᠢᠯᠡᠭᠡᠨ᠎ᠤ   ᠲᠦᠷᠤᠯ ᠵᠤᠢ᠌ᠯ ᠲᠤᠭᠳᠠᠭ᠋ᠠᠵᠤ᠂   ᠡᠯ᠎ᠠ ᠱᠠᠳᠤᠨ᠎ᠤ   ᠨᠠᠮ ᠤᠯᠠᠨ ᠲᠦᠮᠠᠨ᠎ᠤ   ᠦᠢ᠍ᠯᠡᠴᠢᠯᠡᠭᠡᠨ᠎ᠤ   ᠲᠦᠪ᠂   ᠰᠠᠭᠤᠭ᠋ᠠᠯᠢ ᠠᠷᠠᠤᠨ᠎ᠤᠨ   ᠲᠦᠪᠯᠡᠷᠡᠭᠰᠡᠨ ᠤᠷᠤᠨ᠂   ᠤᠯᠠᠨ ᠨᠠᠢ᠌ᠳᠠ ᠵᠢᠨ ᠦᠢ᠍ᠯᠠᠴᠢᠯᠡᠭᠡᠨ᠎ᠤ ᠨᠢᠬᠡᠴᠢ ᠵᠡᠷᠭᠡ ᠬᠦᠮᠤᠨ ᠤᠯᠠᠨ ᠲᠦᠪᠯᠡᠷᠡᠭᠰᠡᠨ ᠭᠠᠵᠠᠷ᠎ᠲᠤ ᠰᠢᠨ᠎ᠡ ᠡᠷᠢᠨ᠎ᠤ   ᠪᠤᠯᠪᠠᠰᠤᠨ ᠦᠢ᠍ᠯᠡᠳᠤᠯᠭᠡ ᠵᠢᠨ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠠᠴᠢᠯᠡᠭᠡᠨ᠎ᠤ   ᠦᠷᠳᠡᠭᠡ ᠴᠢᠭ ᠪᠠᠢ᠌ᠭᠤᠯᠵᠤ᠂   ᠦᠢ᠍ᠯᠠᠴᠢᠯᠡᠬᠦ ᠭᠡᠪᠴᠢᠶ᠎ᠠ᠎ᠪᠠᠨ ᠲᠠᠰᠤᠷᠠᠯᠳᠠ ᠦᠭᠡᠢ ᠦᠷᠭᠡᠳᠭᠡᠵᠤ᠂  《ᠪᠢ ᠲᠠᠨ᠎ᠢ ᠬᠠᠪᠰᠤᠷᠤᠶ᠎ᠠ》  ᠂ 《ᠪᠢ ᠭᠢᠵᠤ ᠲᠠᠢ᠌ᠯᠤᠨ᠎ᠠ》 ᠵᠡᠷᠭᠡ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠠᠴᠢᠯᠡᠭᠡ᠎ᠪᠠᠨ ᠦᠨᠡᠩᠬᠦ ᠪᠠᠶᠠᠯᠠᠬᠦᠯᠪᠡ᠃   ᠤᠳᠤᠬᠠᠨ ᠪᠤᠯᠳᠠᠯ᠎ᠠ᠂   ᠪᠦᠬᠦ ᠬᠤᠰᠢᠭᠤᠨ᠎ᠳᠤ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠠᠴᠢᠯᠡᠭᠡᠨ᠎ᠤ   ᠦᠷᠳᠡᠭᠡ ᠴᠢᠭ 428   ᠪᠠᠢ᠌ᠭᠤᠯᠵᠤ᠂   ᠨᠠᠮ ᠵᠠᠰᠠᠭ᠎ᠤᠨ   ᠪᠠᠢ᠌ᠭᠤᠯᠤᠯᠭ᠎ᠠ᠂   ᠤᠯᠠᠨ ᠲᠦᠮᠠᠨ᠎ᠤ   ᠪᠦᠯᠬᠦᠮ᠂   ᠠᠵᠤ ᠠᠬᠤᠢ᠌ᠯᠠᠯ ᠠᠵᠢᠯ ᠦᠢ᠍ᠯᠡᠰ᠎ᠤᠨ ᠨᠢᠬᠡᠴᠢ ᠵᠢᠨ 5366 ᠨᠠᠮ᠎ᠤᠨ   ᠭᠡᠰᠢᠬᠦᠨ ᠺᠠᠳ᠋ᠷ ᠪᠤᠯᠪᠠᠰᠤᠨ ᠦᠢ᠍ᠯᠡᠳᠤᠯᠭᠡ ᠵᠢᠨ ᠰᠠᠢ᠌ᠨ ᠲᠤᠷᠠᠴᠤᠤᠯ᠎ᠤᠨ   ᠡᠩᠨᠡᠭᠡᠨ᠎ᠳᠤ ᠤᠷᠤᠯᠴᠠᠵᠤ᠂   ᠤᠯᠠᠨ ᠵᠤᠢ᠌ᠯ᠎ᠤᠨ   ᠭᠡᠯᠪᠡᠷᠢ ᠵᠢᠨ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠠᠴᠢᠯᠡᠭᠡᠨ᠎ᠤ   ᠠᠵᠢᠯᠯᠠᠭ᠎ᠠ᠎ᠳᠤ385   ᠤᠳᠠᠭ᠎ᠠ ᠤᠷᠤᠯᠴᠠᠵᠠᠢ᠃
    ᠤᠢ᠌ᠷ᠎ᠠ᠎ᠳᠤ᠂   ᠬᠤᠸᠠᠵᠢᠯᠠᠭ᠎ᠠ ᠰᠢᠶᠠᠩ᠎ᠤᠨ   ᠲᠡᠭᠡᠷ᠎ᠠ ᠰᠠᠨ ᠴᠢ ᠲᠤᠰᠬᠤᠨ᠎ᠤ   ᠭᠡᠮᠭᠡ ᠵᠢᠨ ᠦᠢ᠍ᠯᠡᠰ᠎ᠤᠨ   ᠬᠦᠷᠢᠶᠡᠯᠡᠩ᠎ᠳᠤ ᠭᠡᠳᠤᠨ 《ᠨᠤᠳᠤᠭ᠎ᠤᠨ ᠮᠡᠷᠭᠡᠵᠢᠯᠳᠠᠨ》 ᠢᠷᠠᠵᠤ᠂ ᠲᠠᠷᠢᠰᠢᠨ ᠡᠷᠤᠭᠡ᠎ᠳᠤ ᠦᠨ᠎ᠡ ᠲᠦᠯᠤᠪᠤᠷᠢ ᠦᠭᠡᠢ᠎ᠪᠠᠷ ᠭᠡᠮᠭᠢ ᠲᠠᠷᠢᠬᠤ ᠮᠡᠷᠭᠡᠵᠢᠯ᠎ᠢ   ᠵᠢᠭ᠋ᠠᠨ ᠵᠢᠯᠤᠭᠤᠳᠤᠭᠰᠠᠨ ᠪᠠᠢ᠌ᠨ᠎ᠠ᠃ ᠲᠠᠷᠢᠰᠢᠨ ᠡᠷᠤᠭᠡ ᠵᠢᠨ ᠡᠵᠡᠨ ᠢᠤᠢ ᠬᠤᠩ ᠶᠠᠨ᠄ 《ᠮᠠᠨ᠎ᠤᠨ  ᠎ᠬᠢᠨ ᠭᠤᠷᠪᠡᠨ ᠵᠢᠯ ᠲᠠᠷᠠᠭ᠋ᠠᠯᠠᠨ ᠭᠡᠮᠭᠡ ᠲᠠᠷᠢᠪᠡ᠃   ᠦᠨᠤ ᠵᠢᠯ᠎ᠤᠨ   ᠤᠷᠭᠤᠴᠠ᠎ᠨᠢ ᠪᠤᠰᠤᠤᠨ ᠵᠢᠯ  ᠎ᠤᠨ  ᠎ᠬᠢ   ᠬᠦᠷᠬᠦ ᠪᠤᠯᠬᠤᠷ ᠭᠤᠤᠷᠰᠤ ᠰᠤᠯᠢᠭᠰᠠᠨ ᠦᠭᠡᠢ ᠤᠴᠢᠷ᠎ᠠᠴᠠ ᠬᠤᠷᠢᠶᠠᠯᠳᠠ   ᠬᠠᠰᠤᠭᠳᠠᠬᠤ᠎ᠠᠴᠠ ᠠᠶᠤᠵᠤ ᠪᠠᠢ᠌ᠨ᠎ᠠ᠃   ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠠᠨ ᠵᠢᠯᠤᠭᠤᠳᠤᠯᠭ᠎ᠠ ᠲᠤᠩ   ᠱᠠᠭ᠋ᠠᠷᠳᠠᠭᠳᠠᠵᠤ ᠪᠠᠢ᠌ᠨ᠎ᠠ᠃   ᠮᠠᠨ᠎ᠤ   ᠲᠤᠰᠬᠤᠨ᠎ᠳᠤ ᠭᠠᠭᠴᠠᠬᠠᠨ ᠪᠢ ᠢᠩᠭᠢᠵᠤ ᠵᠤᠪᠠᠵᠤ ᠪᠠᠢ᠌ᠭ᠎ᠠ ᠪᠢᠰᠢ》 ᠭᠡᠵᠤ ᠭᠡᠯᠡᠪᠡ᠃
    ᠤᠯᠠᠨ᠎ᠤ   ᠲᠤᠰᠬᠠᠯ᠎ᠢ   ᠰᠤᠨᠤᠰᠤᠭᠰᠠᠨ᠎ᠤ   ᠲᠠᠷᠠᠭ᠎ᠠ ᠲᠡᠭᠡᠷ᠎ᠠ ᠰᠠᠨ ᠴᠢ ᠲᠤᠰᠬᠤᠨ᠎ᠤ   ᠨᠠᠮ᠎ᠤᠨ   ᠡᠬᠦᠷ᠎ᠤᠨ   ᠱᠦᠵᠢ ᠯᠠᠩ ᠳ᠋ᠸ ᠵᠢᠶᠤᠢ᠍ᠨ ᠬᠠᠪᠰᠤᠷᠤᠨ ᠲᠠᠮᠵᠢᠵᠤ ᠪᠠᠢ᠌ᠭ᠎ᠠ ᠨᠢᠬᠡᠴᠢ ᠵᠢᠨ ᠵᠢᠨᠨ ᠬᠠᠪᠰᠤᠷᠤᠯᠭ᠎ᠠ᠎ᠪᠠᠷ ᠬᠤᠰᠢᠭᠤᠨ᠎ᠤ   ᠰᠢᠨᠵᠯᠡᠬᠦ ᠮᠡᠷᠭᠡᠵᠢᠯ᠎ᠤᠨ ᠨᠠᠢ᠌ᠭᠡᠮᠯᠢᠭ᠎ᠤᠨ   ᠪᠤᠯᠪᠠᠰᠤᠨ ᠦᠢ᠍ᠯᠡᠳᠤᠯᠭᠡ ᠵᠢᠨ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠠᠴᠢᠯᠡᠭᠡᠨ᠎ᠤ   ᠠᠩᠭᠢ ᠵᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠠᠨ ᠤᠷᠢᠵᠤ ᠠᠪᠴᠢᠷᠠᠨ ᠲᠤᠬᠠᠢ ᠵᠢᠨ ᠭᠠᠵᠠᠷ᠎ᠨᠢ ᠵᠢᠯᠤᠭᠤᠳᠤᠯᠭ᠎ᠠ ᠭᠢᠯᠭᠡᠪᠡ᠃ ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠠᠨ᠎ᠨᠢ ᠲᠤᠰᠬᠤᠨ᠎ᠤ   ᠭᠤᠷᠪᠡᠨ ᠬᠦᠮᠤᠨ᠎ᠢ   ᠲᠤᠰᠬᠠᠢ᠌ᠯᠠᠨ ᠪᠤᠯᠪᠠᠰᠤᠷᠠᠭᠤᠯᠵᠤ 《ᠨᠤᠳᠤᠭ᠎ᠤᠨ   ᠮᠡᠷᠭᠡᠵᠢᠯᠳᠠᠨ》 ᠪᠤᠯᠭ᠋ᠠᠨ ᠬᠦᠮᠤᠵᠢᠬᠦᠯᠪᠡ᠃   ᠡᠨᠡ   ᠭᠤᠷᠪᠡᠨ 《ᠨᠤᠳᠤᠭ᠎ᠤᠨ   ᠮᠡᠷᠭᠡᠵᠢᠯᠳᠠᠨ》᠎ᠨᠢ ᠪᠠᠰᠠ ᠰᠠᠢ᠌ᠨ ᠲᠤᠷᠠᠴᠤᠤᠯ ᠪᠤᠯᠵᠤ᠂   ᠡᠷᠤᠭᠡ᠎ᠳᠤ ᠬᠦᠨᠵᠡᠭᠡᠢ᠌ᠷᠠᠨ ᠬᠦᠳᠠᠯᠤᠩᠬᠦᠢ᠎ᠪᠠᠷ ᠵᠢᠭ᠋ᠠᠨ ᠵᠢᠯᠤᠭᠤᠳᠤᠯᠭ᠎ᠠ   ᠭᠢᠬᠦ ᠪᠤᠯᠪᠡ᠃   ᠤᠯᠠᠨ ᠲᠦᠮᠠᠨ᠎ᠠᠴᠠ ᠲᠤᠷᠠᠳᠤᠭᠰᠠᠨ 《ᠨᠠᠷᠠᠳᠤ ᠪᠠᠷᠠᠭ᠎ᠠ ᠪᠤᠯᠭ᠋ᠠᠵᠤ᠂   ᠭᠡᠮᠭᠡ ᠵᠢ ᠨᠡᠷ᠎ᠡ ᠴᠤᠤ ᠮᠠᠨᠳᠤᠭᠤᠯᠵᠤ᠂   ᠪᠤᠷᠤᠯᠠᠭᠤᠯᠭ᠎ᠠ ᠵᠢᠨ ᠵᠠᠮ ᠵᠢᠨᠨ ᠦᠷᠭᠡᠳᠭᠡᠬᠦ》 ᠠᠰᠠᠭᠤᠳᠠᠯ᠎ᠳᠤ ᠴᠢᠭᠯᠡᠬᠦᠯᠤᠨ ᠬᠤᠸᠠᠵᠢᠯᠠᠭ᠎ᠠ ᠰᠢᠶᠠᠩ᠎ᠤᠨ ᠨᠠᠮ᠎ᠤᠨ ᠬᠤᠷᠢᠶ᠎ᠠ᠂ ᠵᠠᠰᠠᠭ᠎ᠤᠨ ᠤᠷᠳᠤᠨ᠂ ᠲᠤᠰᠬᠤᠨ᠎ᠤ ᠨᠠᠮ᠎ᠤᠨ ᠡᠬᠦᠷ᠂ ᠲᠤᠰᠬᠤᠨ᠎ᠤ ᠵᠦᠪᠯᠡᠯ᠎ᠨᠢ ᠬᠠᠮᠳᠤᠪᠠᠷ ᠶᠠᠷᠢᠯᠴᠠᠵᠤ᠂ ᠤᠷᠤᠨ᠎ᠤ  ᠎ᠪᠠᠨ 《ᠰᠦᠯᠵᠢᠶᠠᠨ ᠬᠤᠷᠤᠬᠠᠢ᠌ᠴᠤᠤᠯ》᠎ᠢ ᠡᠷᠢᠵᠤ ᠰᠢᠭᠤᠤᠨ ᠨᠠᠪᠳᠠᠷᠠᠬᠦᠯᠭᠡ᠎ᠪᠠᠷ ᠤᠬᠠᠭᠤᠯᠤᠭᠰᠠᠨ ᠮᠦᠷᠳᠡᠭᠡᠨ 《5.1》᠎ᠤ   ᠬᠤᠭᠤᠴᠠᠭ᠋ᠠᠨ᠎ᠳᠤ ᠭᠡᠮᠭᠡ ᠵᠢᠨ ᠪᠤᠷᠤᠯᠠᠭᠤᠯᠭ᠎ᠠ ᠵᠢᠨ ᠪᠠᠶᠠᠷ᠎ᠢ   ᠵᠤᠭᠢᠶᠠᠨ ᠪᠠᠢ᠌ᠭᠤᠯᠬᠤ᠎ᠪᠠᠷ ᠲᠤᠭᠳᠠᠭᠰᠠᠨ ᠪᠠᠢ᠌ᠨ᠎ᠠ᠃
    《ᠭᠤᠷᠪᠡ ᠵᠢ ᠠᠰᠠᠭᠤᠬᠤ》 ᠠᠵᠢᠯᠯᠠᠭ᠋ᠠᠨ ᠦᠷᠨᠢᠬᠦᠯᠦᠭᠰᠡᠨ᠎ᠠᠴᠠ ᠨᠠᠭ᠋ᠠᠰᠢ᠂ ᠪᠠᠭ᠋ᠠᠷᠢᠨ ᠵᠡᠬᠦᠨ ᠬᠤᠰᠢᠭᠤ᠎ᠨᠢ ᠬᠤᠰᠢᠭᠤ ᠰᠢᠶᠠᠩ ᠬᠤᠶᠠᠷ ᠱᠠᠳᠤᠨ᠎ᠤ   ᠨᠠᠮ ᠤᠯᠠᠨ ᠲᠦᠮᠠᠨ᠎ᠤ   ᠦᠢ᠍ᠯᠠᠴᠢᠯᠡᠭᠡᠨ᠎ᠤ   ᠲᠦᠪ᠂ ᠵᠠᠰᠠᠭ᠎ᠤᠨ ᠶᠠᠪᠤᠳᠠᠯ᠎ᠤᠨ ᠦᠢ᠍ᠯᠠᠴᠢᠯᠡᠭᠡᠨ᠎ᠤ   ᠲᠦᠪ᠂ ᠬᠠᠮᠳᠤᠷᠠᠭᠰᠠᠨ ᠵᠠᠭᠤᠴᠢ ᠵᠢᠨ ᠲᠦᠪ᠂ ᠲᠤᠤᠷ ᠰᠦᠯᠵᠢᠶ᠎ᠡ᠂ ᠰᠢᠨ᠎ᠠ ᠮᠠᠶᠢᠭ᠎ᠤᠨ ᠵᠠᠭᠤᠴᠢ᠂ ᠤᠯᠠᠨ ᠲᠦᠮᠠᠨ᠎ᠤ   ᠲᠤᠮᠳᠠ ᠬᠦᠨᠵᠡᠭᠡᠢ᠌ᠷᠠᠨ ᠪᠠᠢ᠌ᠴᠠᠭ᠋ᠠᠨ ᠰᠤᠳᠤᠯᠤᠯᠳᠠ ᠭᠢᠬᠦ ᠵᠡᠷᠭᠡ ᠭᠡᠯᠪᠡᠷᠢ᠎ᠪᠠᠷ ᠤᠯᠠᠨ ᠲᠦᠮᠠᠨ᠎ᠤ   ᠰᠠᠨᠠᠯ᠎ᠢ ᠬᠦᠢ᠍ᠴᠡᠤᠨ ᠰᠤᠨᠤᠰᠴᠤ᠂ ᠤᠯᠠᠨ᠎ᠤ   ᠱᠠᠭ᠋ᠠᠷᠳᠠᠯᠭ᠎ᠠ ᠵᠢ ᠤᠢ᠌ᠯᠠᠭ᠋ᠠᠵᠤ᠂ ᠤᠷᠤᠰᠢᠵᠤ ᠪᠠᠢ᠌ᠭ᠎ᠠ ᠠᠰᠠᠭᠤᠳᠠᠯ᠎ᠢ   ᠡᠮᠭᠢᠳᠭᠡᠨ ᠲᠢᠭᠯᠡᠵᠤ᠂ ᠨᠠᠮ᠎ᠤᠨ   ᠭᠡᠰᠢᠬᠦᠨ ᠺᠠᠳ᠋ᠷ ᠬᠠᠮᠳᠤ᠎ᠪᠠᠷ ᠶᠠᠷᠢᠯᠴᠠᠨ ᠰᠤᠳᠤᠯᠠᠵᠤ᠂ ᠠᠰᠠᠭᠤᠳᠠᠯ᠎ᠢ ᠰᠢᠢ᠍ᠳᠪᠤᠷᠢᠯᠡᠬᠦ ᠠᠷᠭ᠎ᠠ ᠭᠡᠮᠵᠢᠶ᠎ᠡ ᠵᠢ ᠡᠷᠢᠯᠭᠢᠯᠡᠪᠡ᠃ ᠤᠳᠤᠬᠠᠨ ᠪᠤᠯᠳᠠᠯ᠎ᠠ᠂ ᠪᠦᠬᠦ ᠬᠤᠰᠢᠭᠤᠨ᠎ᠤ   ᠨᠠᠮ᠎ᠤᠨ   ᠭᠡᠰᠢᠬᠦᠨ ᠺᠠᠳ᠋ᠷ 500   ᠭᠠᠷᠤᠢ ᠤᠳᠠᠭ᠎ᠠ ᠠᠰᠠᠭᠤᠨ ᠰᠤᠷᠪᠤᠯᠵᠢᠯᠠᠭ᠎ᠠ ᠭᠢᠬᠦ ᠪᠤᠶᠤ ᠪᠠᠢ᠌ᠴᠠᠭ᠋ᠠᠨ ᠰᠤᠳᠤᠯᠤᠯᠳᠠ ᠭᠢᠵᠤ᠂ ᠨᠠᠢ᠌ᠳᠠ 1835 ᠠᠰᠠᠭᠤᠳᠠᠯ᠎ᠢ ᠡᠮᠭᠢᠳᠭᠡᠨ ᠭᠠᠷᠭ᠋ᠠᠵᠤ᠂ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠠᠴᠢᠯᠡᠭᠡᠨ᠎ᠤ ᠭᠡᠯᠪᠡᠷᠢ᠎ᠪᠠᠷ 10681   ᠠᠰᠠᠭᠤᠳᠠᠯ᠎ᠢ   ᠰᠢᠳᠪᠤᠷᠢᠯᠡᠪᠡ᠃
    《ᠲᠡᠭᠡᠷ᠎ᠠ ᠠᠢ᠌ᠯ ᠬᠡᠷ ᠵᠶ᠋ᠡᠨ ᠴᠢᠮᠡᠬᠡᠳ ᠤᠰᠤ ᠭᠤᠭᠤᠵᠢᠵᠤ᠂   ᠮᠠᠨ᠎ᠤ ᠬᠠᠨ᠎ᠠ ᠵᠢ ᠨᠡᠪᠴᠢᠭᠡᠭᠰᠡᠨ᠎ᠳᠤ ᠪᠢᠳᠠ ᠬᠤᠭᠤᠷᠤᠨᠳᠤ᠎ᠪᠠᠨ ᠭᠡᠯᠡᠯᠴᠡᠭᠡᠤᠨ ᠰᠢᠢ᠍ᠳᠪᠤᠷᠢ ᠭᠠᠷᠤᠭᠰᠠᠨ ᠦᠭᠡᠢ᠃ ᠨᠠᠢ᠌ᠭᠡᠮ ᠲᠤᠭᠤᠷᠢᠭ᠎ᠤᠨ  ᠎ᠬᠢᠨ ᠬᠠᠪᠰᠤᠷᠴᠤ ᠰᠢᠳᠪᠤᠷᠢᠯᠡᠵᠤ ᠦᠭᠬᠦᠨ᠎ᠡ ᠤᠤ？》 ᠭᠡᠵᠤ ᠤᠢ᠌ᠷ᠎ᠠ᠎ᠳᠤ ᠪᠠᠭ᠋ᠠᠷᠢᠨ ᠵᠡᠬᠦᠨ ᠬᠤᠰᠢᠭᠤᠨ᠎ᠤᠨ ᠯᠢᠨᠳᠦᠢ᠍ᠩ᠎ᠤᠨ ᠳ᠋ᠦ᠍ᠢ᠍ᠩ ᠴᠸᠩ ᠵᠡᠭᠡᠯᠢ ᠭᠤᠳᠤᠮᠵᠢ ᠵᠢᠨ ᠭᠢᠵᠢᠭ᠎ᠢ ᠰᠡᠷᠭᠡᠢ᠌ᠯᠡᠬᠦ ᠦᠷᠳᠡᠭᠡ ᠵᠢᠨ ᠰᠠᠭᠤᠭ᠋ᠠᠯᠢ ᠠᠷᠠᠳ᠎ᠤᠨ ᠠᠰᠠᠷ᠎ᠤᠨ ᠴᠢᠶᠠᠨ ᠠᠪᠤᠭ᠋ᠠᠢ ᠨᠠᠢ᠌ᠭᠡᠮ ᠲᠤᠭᠤᠷᠢᠭ᠎ᠤᠨ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠠᠴᠢᠯᠡᠭᠡᠨ᠎ᠤ   ᠦᠷᠳᠡᠭᠡ᠎ᠳᠤ ᠢᠷᠠᠵᠤ ᠬᠠᠪᠰᠤᠷᠤᠯᠭ᠎ᠠ ᠭᠤᠶᠤᠪᠡ᠃ ᠪᠠᠢ᠌ᠳᠠᠯ᠎ᠢ ᠤᠢ᠌ᠯᠠᠭ᠋ᠠᠭᠰᠠᠨ᠎ᠤ ᠲᠠᠷᠠᠭ᠎ᠠ ᠨᠠᠢ᠌ᠭᠡᠮ ᠲᠤᠭᠤᠷᠢᠭ᠎ᠤᠨ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠠᠴᠢᠯᠡᠭᠡᠨ᠎ᠤ ᠦᠷᠳᠡᠬᠡ ᠵᠢᠨ᠎ᠬᠢᠨ ᠲᠠᠷᠤᠢ᠌ᠬᠠᠨ ᠡᠷᠤᠭᠡ᠎ᠳᠤ ᠤᠴᠢᠵᠤ ᠤᠰᠤ ᠭᠤᠭᠤᠵᠢᠭᠰᠠᠨ ᠪᠠᠢ᠌ᠳᠠᠯ᠎ᠢ ᠪᠠᠢ᠌ᠴᠠᠭ᠋ᠠᠨ ᠤᠢ᠌ᠯᠠᠭ᠋ᠠᠬᠰᠠᠨ᠎ᠤ ᠲᠠᠷᠠᠭ᠎ᠠ   ᠬᠤᠶᠠᠷ ᠲᠠᠯ᠎ᠠ ᠵᠢᠨ᠎ᠬᠢᠨ᠎ᠢ ᠡᠶᠡᠳᠡᠬᠦᠯᠪᠡ᠃   ᠡᠢ᠌ᠨ ᠬᠦ᠌   ᠸᠸᠩ ᠠᠪᠠᠬᠠᠢ᠎ᠠᠴᠠ ᠴᠢᠶᠠᠨ ᠠᠪᠤᠭ᠋ᠠᠢ᠎ᠳᠤ 500 ᠲᠦᠬᠦᠷᠢᠭ᠎ᠤᠨ ᠲᠦᠯᠤᠪᠤᠷᠢ ᠦᠭᠴᠤ᠂ ᠵᠦᠷᠢᠴᠠᠯ ᠮᠦᠷᠬᠦᠯᠳᠤᠭᠡᠨ᠎ᠢ   ᠵᠦᠪ ᠰᠠᠢ᠌ᠬᠠᠨ ᠰᠢᠢ᠍ᠳᠪᠤᠷᠢᠯᠡᠪᠡ᠃
    ᠲᠦᠷᠢᠮ ᠦᠵᠡᠬᠦᠯᠵᠤ ᠲᠠᠭ᠋ᠠᠭᠤᠯᠬᠤ ᠦᠢ᠍ᠯᠡᠳᠤᠯ᠎ᠢ   ᠬᠦᠢ᠍ᠴᠡᠤᠨ   ᠪᠠᠳᠠᠷᠠᠭᠤᠯᠬᠤ ᠵᠢᠨ ᠲᠦᠯᠤᠭᠡ ᠪᠠᠭ᠋ᠠᠷᠢᠨ ᠵᠡᠬᠦᠨ ᠬᠤᠰᠢᠭᠤ᠎ᠨᠢ ᠰᠠᠯᠠᠭ᠎ᠠ ᠵᠢᠨ ᠲᠡᠰ᠎ᠠᠴᠠ ᠲᠡᠭᠡᠭᠰᠢᠭᠢ ᠤᠳᠤᠷᠢᠳᠬᠤ ᠺᠠᠳ᠋ᠷ᠎ᠢ   ᠵᠤᠭᠢᠶᠠᠨ ᠪᠠᠢ᠌ᠭᠤᠯᠵᠤ᠂   ᠦᠨᠳᠤᠰᠤᠨ ᠱᠠᠳᠤᠨ᠎ᠳᠤ ᠤᠴᠢᠨ ᠰᠠᠨᠠᠯ ᠰᠤᠨᠤᠰᠴᠤ᠂   ᠲᠡᠷᠢᠶᠠᠨ ᠦᠵᠦᠬᠦᠷ ᠬᠦᠷᠴᠤ ᠲᠠᠷᠢᠶᠠᠴᠢᠨ᠎ᠤ   ᠭᠡᠷ᠎ᠲᠤ ᠤᠷᠤᠵᠤ ᠤᠯᠠᠨ ᠲᠦᠮᠠᠨ᠎ᠤ   ᠦᠢ᠍ᠯᠡᠳᠪᠤᠷᠢᠯᠡᠯ ᠠᠮᠢᠳᠤᠷᠠᠯ᠎ᠤᠨ   ᠪᠠᠢ᠌ᠳᠠᠯ᠎ᠢ   ᠤᠢ᠌ᠯᠠᠭ᠋ᠠᠵᠤ᠂   ᠦᠪᠡᠷ᠎ᠤᠨ   ᠪᠠᠶ᠎ᠠ᠎ᠪᠠᠷ ᠵᠢᠨᠨ ᠲᠠᠭ᠋ᠠᠭᠤᠯᠤᠨ ᠪᠤᠳᠠᠳᠠᠢ ᠠᠵᠢᠯ ᠭᠢᠪᠡ᠃   ᠨᠠᠮ᠎ᠤᠨ   ᠭᠡᠰᠢᠬᠦᠨ ᠺᠠᠳ᠋ᠷ ᠪᠤᠯᠭ᠋ᠠᠨ ᠨᠠᠮ᠎ᠤᠨ   ᠡᠬᠦᠷ᠎ᠤᠨ 《ᠠᠷᠠᠤᠨ᠎ᠲᠤ ᠪᠤᠳᠠᠳᠠᠢ ᠠᠵᠢᠯ ᠭᠢᠵᠤ ᠦᠭᠬᠦ》 ᠲᠦᠷᠤᠯ ᠵᠤᠢ᠌ᠯ᠎ᠠᠴᠠ ᠠᠷᠠᠤᠨ᠎ᠲᠤ ᠪᠤᠳᠠᠳᠠᠢ ᠠᠵᠢᠯ ᠭᠢᠵᠤ ᠦᠭᠬᠦ ᠨᠢᠭᠡ ᠵᠤᠢ᠌ᠯ᠎ᠢ   ᠰᠤᠩᠭᠤᠵᠤ᠂ ᠦᠨᠠᠨ ᠰᠡᠳᠭᠢᠯ᠎ᠠᠴᠠ᠎ᠪᠠᠨ ᠦᠨᠠᠨ ᠬᠦᠴᠤ ᠤᠷᠤᠭᠤᠯᠵᠤ ᠪᠤᠳᠠᠳᠠᠢ ᠠᠰᠠᠭᠤᠳᠠᠯ᠎ᠢ ᠰᠢᠢ᠍ᠳᠪᠤᠷᠢᠯᠡᠵᠤ᠂ ᠤᠯᠠᠨ ᠲᠦᠮᠠᠨ᠎ᠳᠤ ᠬᠤᠪᠢᠷᠠᠯᠳᠠ᠎ᠲᠠᠢ ᠮᠦᠷᠳᠡᠭᠡᠨ ᠬᠦᠷᠳᠡᠮᠵᠢ᠎ᠲᠠᠢ ᠭᠡᠳᠡᠭ᠎ᠢ   ᠦᠨᠡᠨ ᠬᠦ᠌ ᠮᠡᠳᠠᠬᠦᠯᠪᠡ᠃ 3000   ᠭᠠᠷᠤᠢ ᠭᠠᠴᠠᠭ᠎ᠠ ᠲᠤᠰᠬᠤᠨ ᠨᠠᠢ᠌ᠭᠡᠮ ᠲᠤᠭᠤᠷᠢᠭ᠎ᠤᠨ   ᠨᠠᠮ᠎ᠤᠨ   ᠭᠡᠰᠢᠬᠦᠨ᠎ᠤ   ᠲᠡᠷᠢᠬᠦᠨ᠎ᠤ   ᠵᠢᠱ᠌ᠢᠶᠠᠴᠢ ᠦᠢ᠍ᠯᠡᠳᠤᠯ᠎ᠢ  ᠎ᠨᠢ ᠢᠳᠠᠪᠭᠢᠳᠠᠢ ᠬᠦᠢ᠍ᠴᠡᠤᠨ ᠪᠠᠳᠠᠷᠠᠭᠤᠯᠵᠤ᠂ ᠬᠦᠳᠡᠬᠡ ᠲᠤᠰᠬᠤᠨ᠎ᠢ ᠬᠦᠭᠵᠢᠬᠦᠯᠤᠨ ᠮᠠᠨᠳᠤᠭᠤᠯᠬᠤ᠂   ᠦᠨᠳᠤᠰᠤᠨ ᠱᠠᠳᠤᠨ ᠵᠠᠰᠠᠯᠳᠠ᠂ ᠦᠨᠳᠤᠰᠤᠳᠠᠨ ᠪᠦᠯᠬᠦᠮᠳᠠᠯ ᠵᠡᠷᠭᠡ ᠲᠠᠯ᠎ᠠ ᠵᠢᠨ ᠠᠵᠢᠯ᠎ᠳᠤ ᠤᠷᠤᠯᠴᠠᠭᠤᠯᠵᠤ᠂ ᠠᠵᠤ   ᠦᠢ᠍ᠯᠡᠰ᠎ᠤᠨ   ᠬᠦᠭᠵᠢᠯᠳᠠ᠂ ᠡᠷᠡᠬᠦᠯ   ᠬᠠᠮᠠᠭ᠋ᠠᠯᠠᠯ ᠴᠡᠪᠡᠷᠯᠡᠨ ᠠᠷᠢᠯᠭ᠋ᠠᠬᠤ᠂   ᠬᠠᠤᠯᠢ ᠲᠦᠷᠢᠮ᠎ᠢ   ᠤᠬᠠᠭᠤᠯᠬᠤ᠂ ᠠᠮᠤᠷ ᠲᠦᠪᠰᠢᠨ ᠴᠠᠭᠳᠠᠨ ᠪᠠᠢ᠌ᠴᠠᠭ᠋ᠠᠬᠤ᠂   ᠵᠦᠷᠢᠴᠠᠯ ᠮᠦᠷᠬᠦᠯᠳᠤᠭᠡᠨ᠎ᠢ ᠡᠶᠡᠳᠡᠬᠦᠯᠤᠨ ᠰᠢᠢ᠍ᠳᠪᠤᠷᠢᠯᠡᠬᠦ ᠵᠡᠷᠭᠡ ᠰᠠᠢ᠌ᠨ ᠲᠤᠷ᠎ᠠ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨ᠎ᠤ ᠠᠵᠢᠯ᠎ᠳᠤ ᠬᠦᠳᠠᠯᠤᠩᠬᠦᠢ᠎ᠪᠠᠷ ᠤᠷᠤᠯᠴᠠᠭᠤᠯᠵᠤ᠂   ᠤᠯᠠᠨ ᠲᠦᠮᠠᠨ ᠰᠠᠨᠠᠭ᠋ᠠᠰᠢᠷᠠᠵᠤ ᠪᠠᠢ᠌ᠭ᠎ᠠ᠂ ᠰᠡᠳᠭᠢᠯ ᠵᠤᠪᠠᠵᠤ ᠪᠠᠢ᠌ᠭ᠎ᠠ᠂ ᠲᠦᠪᠡᠭᠰᠢᠶᠡᠵᠤ ᠪᠠᠢ᠌ᠭ᠎ᠠ ᠠᠰᠠᠭᠤᠳᠠᠯ᠎ᠤᠳ᠎ᠢ   ᠨᠢᠭᠤᠷᠳᠠᠨ ᠰᠢᠢ᠍ᠳᠪᠤᠷᠢᠯᠡᠭᠰᠡᠨ ᠪᠠᠢ᠌ᠨ᠎ᠠ᠃