ᠰᠢᠨᠡ ᠡᠵᠡᠩᠨᠡᠯᠲᠡ ᠵᠢᠨ ᠨᠡᠢ᠌ᠭᠡᠮᠤᠨ ᠪᠠᠲᠤᠯᠠᠪᠤᠷᠢ ᠵᠢ 《ᠨᠠᠢ᠌ᠳᠠᠪᠤᠷᠢᠵᠢᠭᠤᠯᠬᠤ ᠦᠭᠡᠢ》 ᠪᠠᠢ᠌ᠵᠤ ᠪᠤᠯᠬᠤ ᠦᠭᠡᠢ
ᠯᠸᠦ ᠢᠤᠢ ᠵᠤᠬᠢᠶᠠᠪᠠ
ᠮᠦᠡᠭᠭᠡᠪᠠᠶᠠᠷ ᠤᠷᠴᠢᠭᠤᠯᠪᠠ
2020 ᠤᠨᠤ 5 ᠰᠠᠷᠠᠳᠤ᠂ ᠨᠠᠮᠤᠨ ᠲᠦᠪ ᠬᠤᠷᠢᠶᠠ᠂ ᠲᠦᠷᠦ ᠵᠢᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠᠠᠴᠠ《ᠰᠢᠨᠡ ᠡᠷᠢᠨᠤ ᠨᠡᠢ᠌ᠭᠡᠮ ᠵᠢᠷᠤᠮᠳᠤ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠠᠵᠤ ᠠᠬᠤᠢ ᠵᠢᠨ ᠪᠠᠢ᠌ᠭᠤᠯᠤᠯᠢ ᠲᠦᠷᠭᠡᠳᠬᠡᠨ ᠲᠡᠭᠦᠯᠳᠡᠷᠵᠢᠭᠦᠯᠬᠦ ᠲᠤᠬᠠᠢ ᠰᠠᠨᠠᠯ》 ᠲᠤᠩᠬᠠᠭᠯᠠᠵᠠᠢ᠃ ᠲᠤᠰ ᠰᠠᠨᠠᠯᠳᠤ 〈ᠬᠤᠲᠠ ᠬᠦᠳᠡᠭᠡ᠂ ᠦᠷᠭᠦᠯᠵᠢᠯᠡᠬᠦᠢ᠌ᠴᠡ ᠨᠠᠰᠤᠵᠢᠯᠤᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯᠤᠨ ᠪᠠᠢ᠌ᠭᠤᠯᠤᠯ ᠪᠠ ᠡᠮᠨᠡᠯᠭᠡ ᠵᠢᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯᠤᠨ ᠪᠠᠢ᠌ᠭᠤᠯᠤᠯᠢ ᠨᠢᠭᠡᠲᠦᠯᠲᠡᠢ ᠲᠦᠯᠤᠪᠵᠢᠭᠦᠯᠦᠨ ᠪᠦᠷᠢᠨᠰᠢᠭᠦᠯᠬᠦ》ᠪᠠᠷ ᠦᠨᠳᠦᠷ ᠵᠢᠩᠳᠠᠭ᠋ᠠᠨᠤ ᠨᠡᠢ᠌ᠭᠡᠮ ᠵᠢᠷᠤᠮᠳᠤ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠠᠵᠤ ᠠᠬᠤᠢ ᠵᠢᠨ ᠪᠠᠢ᠌ᠭᠤᠯᠤᠯᠢ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠬᠤ ᠵᠢᠨ ᠬᠦᠨᠳᠦ ᠴᠢᠬᠤᠯᠠ ᠡᠭᠦᠷᠭᠡ ᠪᠤᠯᠭ᠋ᠠᠭᠰᠠᠨ ᠪᠦᠭᠡᠳ ᠤᠨᠴᠠᠭ᠋ᠠᠢ᠌ᠯᠠᠨ 《ᠰᠢᠨᠡ ᠡᠵᠡᠩᠨᠡᠯᠲᠡᠳᠤ ᠤᠷᠤᠯᠴᠠᠵᠤ ᠪᠠᠢ᠌ᠭᠠ ᠠᠵᠢᠯᠲᠠᠳᠤᠨ ᠠᠵᠢᠯᠤᠨ ᠰᠢᠷᠬᠠᠳᠤᠯ ᠭᠡᠮᠲᠤᠯᠢ ᠪᠠᠲᠤᠯᠠᠬᠤ ᠲᠤᠷᠰᠢᠯᠲᠠ ᠵᠢᠨ ᠴᠡᠭᠢ ᠦᠷᠨᠢᠭᠦᠯᠬᠦ》ᠪᠠᠷ ᠳᠤᠷᠠᠳᠴᠠᠢ᠃ ᠲᠤᠰ ᠰᠠᠨᠠᠯᠤᠨ ᠵᠤᠷᠢᠭ ᠰᠠᠨᠠᠭᠠ ᠵᠢ ᠭᠦᠨᠵᠡᠭᠡᠢ ᠤᠢ᠌ᠯᠠᠭ᠋ᠠᠵᠤ᠂ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨ （网约工）ᠤ ᠠᠵᠢᠯᠤᠨ ᠰᠢᠨᠵᠢ ᠴᠢᠨᠠᠷ ᠬᠢᠭᠡᠳ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠬᠠᠷᠢᠴᠠᠭᠠ ᠵᠢ ᠬᠠᠤᠯᠢ ᠶᠤᠰᠤᠨᠤ ᠳᠠᠪᠬᠤᠷᠭᠠᠳᠤ ᠵᠦᠪᠳᠡᠨ ᠶᠠᠷᠢᠯᠴᠠᠵᠤ᠂ ᠡᠳᠡᠭᠡᠷ ᠬᠦᠮᠦᠰᠲᠤ ᠡᠷᠬᠡ ᠲᠡᠭᠰᠢ᠂ ᠵᠤᠬᠢᠰᠲᠠᠢ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠬᠠᠤᠯᠢ ᠳᠦᠷᠢᠮ ᠲᠤᠭᠲᠠᠭ᠋ᠠᠵᠤ ᠦᠭᠭᠦ ᠬᠡᠷᠡᠭᠲᠡᠢ ᠬᠡᠮᠡᠨ ᠪᠢ ᠪᠤᠳᠤᠵᠤ ᠪᠠᠢ᠌ᠨᠠ᠃
ᠰᠢᠯᠵᠢᠮᠡᠯ ᠢᠨᠲᠸᠷᠨ᠋ᠸᠲ᠂ ᠳᠠᠭ᠋ᠠᠭᠤᠯᠢ ᠤᠳᠤᠨ ᠬᠦᠲᠦᠴᠢ᠂ ᠪᠤᠳᠤᠬᠤ ᠠᠷᠭᠠ ᠵᠡᠷᠭᠡ ᠰᠢᠨᠡ ᠮᠡᠷᠭᠡᠵᠯᠤᠨ ᠬᠡᠷᠡᠭᠯᠡᠯᠲᠡ ᠵᠢ ᠳᠠᠭ᠋ᠠᠯᠳᠤᠨ᠂ ᠮᠠᠨᠤ ᠤᠯᠤᠰᠲᠤ ᠨᠢᠭᠡ ᠪᠦᠯᠦᠭ ᠲᠠᠪᠴᠠᠩᠤᠨ ᠠᠵᠤ ᠠᠬᠤᠢ᠌ᠯᠡᠯ ᠮᠡᠨᠳᠦᠯᠡᠵᠡᠢ᠃ ᠡᠳᠡᠭᠡᠷ ᠠᠵᠤ ᠠᠬᠤᠢ᠌ᠯᠠᠯᠨᠢ ᠤᠯᠠᠮᠵᠢᠯᠠᠯᠲᠤ ᠠᠵᠤ ᠠᠬᠤᠢ᠌ᠯᠠᠯᠲᠠᠢ ᠠᠳᠠᠯᠢ ᠦᠭᠡᠢ᠃ ᠲᠡᠳᠡ ᠠᠵᠢᠯᠴᠢᠨ ᠡᠯᠰᠡᠬᠦ ᠦᠭᠡᠢ᠂ ᠬᠠᠷᠢᠨ ᠠᠵᠢᠯᠤᠨ ᠡᠭᠦᠷᠭᠡᠪᠠᠨ ᠲᠠᠪᠴᠠᠩᠳᠤᠪᠠᠨ ᠨᠡᠢ᠌ᠲᠡᠯᠡᠵᠦ᠂ ᠶᠠᠮᠠᠷᠪᠠ ᠬᠦᠮᠦᠨ ᠴᠦ᠍ ᠲᠠᠪᠴᠠᠩ ᠳᠡᠭᠡᠷᠡᠨᠢ ᠦᠢ᠍ᠯᠡᠴᠢᠯᠡᠬᠦ ᠬᠡᠷᠡᠭᠴᠡᠭᠡᠪᠠᠨ ᠢᠯᠡᠭᠡᠬᠦ ᠵᠢᠨ ᠳᠠᠭ᠋ᠠᠤ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨ ᠵᠶ᠋ᠠᠷ ᠪᠦᠷᠢᠳᠬᠡᠭᠦᠯᠵᠦ ᠪᠤᠯᠤᠨᠠ᠃ ᠲᠠᠩᠰᠠ ᠪᠤᠯᠢᠶᠠᠬᠤ ᠬᠡᠯᠪᠡᠷᠢᠪᠠᠷ ᠠᠵᠢᠯᠤᠨ ᠡᠭᠦᠷᠭᠡ ᠵᠢ ᠳᠠᠭ᠋ᠠᠭ᠋ᠠᠴᠢᠯᠠᠨ ᠠᠪᠴᠤ᠂ ᠲᠠᠪᠴᠠᠩᠠᠴᠠ ᠠᠵᠢᠯᠤᠨ ᠬᠡᠮᠵᠢᠶᠡ ᠵᠢᠨᠢ ᠦᠨᠳᠦᠰᠦᠯᠡᠨ ᠬᠠᠷᠠᠮᠵᠢ ᠵᠢᠨᠢ ᠪᠤᠳᠤᠵᠤ ᠦᠭᠭᠦᠨᠡ᠃ ᠶᠠᠭ ᠦᠨᠡᠨᠳᠤᠪᠠᠨ ᠲᠠᠪᠴᠠᠩᠤᠨ ᠠᠵᠤ ᠠᠬᠤᠢ᠌ᠯᠠᠯᠨᠢ ᠲᠡᠢ᠌ᠮᠦ ᠴᠦ᠍ ᠰᠢᠨᠡ ᠰᠡᠪᠡᠭᠦᠨ ᠵᠦᠢ᠍ᠯ ᠪᠢᠰᠢ ᠶᠤᠮ᠃ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠳᠤ ᠲᠤᠯᠭ᠋ᠠᠷᠠᠵᠤ ᠪᠠᠢ᠌ᠭᠠ ᠠᠵᠢᠯᠤᠨ ᠠᠶᠤᠯ ᠲᠦᠭᠰᠢᠭᠦᠷᠢ ᠪᠤᠯᠤᠨ ᠠᠮᠢᠳᠤᠷᠠᠯᠤᠨ ᠠᠶᠤᠯ ᠲᠦᠭᠰᠢᠭᠦᠷᠢᠨᠢ ᠤᠯᠠᠮᠵᠢᠯᠠᠯᠲᠤ ᠠᠵᠢᠯ ᠦᠢ᠍ᠯᠡᠰᠤᠨ ᠠᠵᠢᠯᠴᠢᠳᠲᠠᠢ ᠶᠠᠮᠠᠷ ᠴᠦ᠍ ᠢᠯᠭ᠋ᠠᠭᠠ ᠵᠦᠷᠢᠶᠡ ᠦᠭᠡᠢ᠃ ᠭᠡᠪᠡᠴᠦ ᠰᠢᠨᠡ ᠮᠡᠷᠭᠡᠵᠢᠯᠨᠢ ᠠᠵᠢᠯ ᠤᠯᠬᠤ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠤᠭᠰᠠᠨᠠᠴᠠ ᠬᠦᠳᠡᠯᠮᠦᠷᠢ ᠵᠢᠨ ᠬᠠᠷᠢᠴᠠᠭᠠ ᠬᠢᠭᠡᠳ ᠬᠦᠳᠡᠯᠮᠦᠷᠢ ᠵᠢᠨ ᠪᠤᠰᠤ ᠬᠠᠷᠢᠴᠠᠭᠠ ᠵᠢᠨ ᠵᠠᠭ᠋ᠠᠭ ᠱᠤᠭᠤᠮᠨᠢ ᠪᠠᠯᠠᠷᠬᠠᠢ ᠪᠤᠯᠵᠠᠢ᠃ ᠡᠢ᠌ᠮᠦᠠᠴᠠ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠢ ᠬᠢᠨᠠᠨ ᠲᠤᠭᠲᠠᠭ᠋ᠠᠬᠤᠨᠢ ᠤᠯᠠᠮ ᠯᠡ ᠬᠦᠴᠢᠷ ᠪᠤᠯᠵᠤ ᠪᠠᠢ᠌ᠨᠠ᠃ ᠡᠭᠦᠨᠠᠴᠠ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠳ ᠬᠦᠳᠡᠯᠮᠦᠷᠢ ᠵᠢᠨ ᠬᠠᠷᠢᠴᠠᠭᠠᠲᠠᠢ ᠬᠤᠯᠪᠤᠭᠰᠠᠨ ᠠᠵᠢᠯᠴᠢᠳᠤᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠢ ᠬᠦᠷᠲᠡᠬᠦᠳᠤ ᠲᠦᠪᠡᠭ ᠤᠴᠠᠷᠠᠭᠤᠯᠵᠠᠢ᠃ 《ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠬᠠᠤᠯᠢ》 ᠦᠨᠳᠦᠰᠦᠯᠡᠪᠡᠯ᠂ ᠬᠡᠳᠦᠢ᠌ᠪᠡᠷ ᠴᠢᠯᠦᠭᠡᠲᠡᠢᠪᠠᠷ ᠠᠵᠢᠯᠯᠠᠬᠤ ᠬᠦᠮᠦᠰ ᠰᠠᠢ᠌ᠨ ᠳᠤᠷᠠᠠᠴᠠᠪᠠᠨ ᠠᠵᠢᠯᠴᠢᠳᠤᠨ ᠨᠡᠢ᠌ᠭᠡᠮᠤᠨ ᠪᠠᠲᠤᠯᠠᠪᠤᠷᠢᠳᠤ ᠤᠷᠤᠯᠴᠠᠵᠤ ᠲᠦᠯᠦᠪᠦᠷᠢᠪᠠᠨ ᠦᠪᠡᠷᠲᠤᠪᠠᠨ ᠲᠤᠰᠢᠶᠠᠵᠤ ᠪᠤᠯᠬᠤ ᠠᠪᠠᠴᠤ ᠨᠢᠭᠡ ᠲᠠᠯᠠᠪᠠᠷ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠠᠯᠪᠠᠨ ᠪᠠᠢ᠌ᠭᠤᠯᠭᠠᠠᠴᠠ ᠲᠤᠰᠢᠶᠠᠬᠤ ᠬᠡᠰᠡᠭᠢ ᠠᠯᠳᠠᠪᠠᠯ ᠬᠤᠪᠢ ᠬᠦᠮᠦᠨᠤ ᠳᠠᠷᠤᠭ᠋ᠠᠰᠤ ᠬᠦᠨᠳᠦᠷᠡᠨᠡ； ᠨᠦᠭᠦᠭᠡ ᠲᠠᠯᠠᠪᠠᠷ ᠠᠯᠪᠠᠳᠠᠯᠭᠠ ᠵᠢᠨ ᠴᠢᠨᠠᠷᠲᠠᠢ ᠱᠠᠭ᠋ᠠᠷᠳᠠᠯᠭᠠ ᠦᠭᠡᠢ ᠠᠪᠠᠰᠤ ᠠᠵᠢᠯᠴᠢᠳᠤᠨ ᠨᠡᠢ᠌ᠭᠡᠮᠤᠨ ᠪᠠᠲᠤᠯᠠᠪᠤᠷᠢ ᠵᠢᠨ ᠪᠠᠢ᠌ᠭᠤᠯᠤᠯᠨᠢ ᠪᠦᠭᠦᠢ᠌ᠯᠡ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠳᠢ ᠬᠠᠮᠤᠷᠬᠤᠳᠤ ᠪᠡᠷᠭᠡᠲᠡᠢ ᠪᠤᠯᠤᠨᠠ᠃
ᠬᠦᠳᠡᠯᠮᠦᠷᠢ ᠵᠢᠨ ᠬᠠᠷᠢᠴᠠᠭᠠ᠂ ᠬᠦᠳᠡᠯᠮᠦᠷᠢ ᠦᠢ᠍ᠯᠡᠴᠢᠯᠡᠭᠡ ᠵᠢᠨ
ᠬᠠᠷᠢᠴᠠᠭᠠ ᠬᠢᠭᠡᠳ ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢ
ᠬᠦᠳᠡᠯᠮᠦᠷᠢ ᠵᠢᠨ ᠬᠠᠤᠯᠢᠳᠤ ᠶᠡᠷᠦᠳᠤᠪᠠᠨ ᠬᠦᠮᠦᠨᠴᠢ ᠴᠢᠨᠠᠷᠤᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢᠪᠠᠷ ᠬᠦᠳᠡᠯᠮᠦᠷᠢ ᠵᠢᠨ ᠬᠠᠷᠢᠴᠠᠭ᠋ᠠᠨᠤ ᠮᠦᠨ ᠴᠢᠨᠠᠷᠤᠨ ᠤᠨᠴᠠᠯᠢᠭ ᠪᠤᠯᠭ᠋ᠠᠳᠠᠭ᠃ ᠡᠢ᠌ᠮᠦᠠᠴᠠ ᠬᠦᠳᠡᠯᠮᠦᠷᠢᠯᠡᠭᠴᠢ ᠵᠢᠨ ᠠᠵᠢᠯᠯᠠᠬᠤ ᠴᠠᠭᠨᠢ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠠᠯᠪᠠᠨ ᠪᠠᠢ᠌ᠭᠤᠯᠭᠠᠳᠤ ᠡᠷᠬᠡᠰᠢᠶᠡᠭᠳᠡᠵᠦ᠂ ᠠᠵᠢᠯᠤᠨ ᠠᠯᠬᠤᠮ ᠳᠠᠷᠠᠭᠠ ᠵᠢ ᠠᠯᠪᠠᠨᠠᠴᠠ ᠲᠤᠬᠢᠷᠠᠭᠤᠯᠵᠤ᠂ ᠬᠦᠳᠡᠯᠮᠦᠷᠢᠯᠡᠭᠴᠢ 《ᠪᠡᠶᠡᠪᠠᠨ ᠳᠠᠭ᠋ᠠᠭ᠋ᠠᠭᠰᠠᠨ ᠪᠤᠰᠤ ᠴᠢᠨᠠᠷᠲᠠᠢ ᠬᠦᠳᠡᠯᠮᠦᠷᠢ》 ᠬᠢᠳᠡᠭ᠃ ᠭᠡᠪᠡᠴᠦ ᠬᠦᠮᠦᠨᠴᠢ ᠴᠢᠨᠠᠷᠤᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢ ᠵᠢ ᠴᠢᠬᠤᠯᠠᠴᠢᠯᠠᠬᠤᠪᠠᠷ ᠠᠯᠪᠠᠳᠠᠯᠭᠠ ᠵᠢᠨ ᠴᠢᠨᠠᠷ ᠪᠦᠬᠦᠢ ᠠᠵᠢᠯᠴᠢᠳᠤᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠪᠠᠢ᠌ᠭᠤᠯᠤᠯᠤᠨ ᠤᠷᠢᠳᠠᠯ ᠨᠦᠬᠦᠴᠡᠯ ᠪᠤᠯᠭ᠋ᠠᠬᠤᠨᠢ ᠵᠦᠢ ᠶᠤᠰᠤᠨᠳᠤ ᠪᠦᠷᠢᠮᠦᠰᠦᠨ ᠵᠤᠬᠢᠴᠠᠬᠤ ᠦᠭᠡᠢ᠃
ᠠᠵᠢᠯᠴᠢᠳᠤᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠨᠢ ᠠᠵᠢᠯᠴᠢᠨ ᠪᠠ ᠠᠯᠪᠠᠨ ᠪᠠᠢ᠌ᠭᠤᠯᠭᠠ ᠵᠢᠨᠬᠢᠨᠤ ᠲᠤᠰᠢᠶᠠᠭᠰᠠᠨ ᠲᠦᠯᠦᠪᠦᠷᠢᠪᠠᠷ ᠪᠡᠯᠡ ᠮᠦᠩᠭᠦᠨᠤ ᠢᠷᠡᠯᠲᠡ ᠪᠤᠯᠭ᠋ᠠᠵᠤ᠂ ᠬᠦᠳᠡᠯᠮᠦᠷᠢᠯᠡᠭᠴᠢ ᠵᠢᠨ ᠦᠨᠳᠦᠷ ᠨᠠᠰᠤᠲᠠᠢ᠂ ᠠᠵᠢᠯ ᠠᠯᠳᠠᠭᠰᠠᠨ᠂ ᠠᠵᠢᠯᠤᠨ ᠰᠢᠷᠬᠠᠳᠤᠯ ᠭᠡᠮᠲᠤᠯ᠂ ᠡᠪᠡᠳᠴᠢᠨ ᠡᠮᠬᠡᠭ᠂ ᠦᠷᠡᠵᠢᠯ ᠵᠡᠷᠭᠡ ᠵᠢᠨ ᠰᠢᠯᠲᠠᠭ᠋ᠠᠨ ᠵᠶ᠋ᠠᠷ ᠬᠦᠳᠡᠯᠮᠦᠷᠢᠯᠡᠬᠦ ᠴᠢᠳᠠᠪᠤᠷᠢ ᠪᠤᠶᠤ ᠬᠦᠳᠡᠯᠮᠦᠷᠢᠯᠡᠬᠦ ᠲᠤᠬᠢᠶᠠᠯ ᠵᠶ᠋ᠠᠨ ᠲᠦᠷ ᠵᠠᠭᠤᠷᠠ ᠪᠤᠶᠤ ᠦᠨᠢᠳᠡ ᠠᠯᠳᠠᠵᠤ᠂ ᠤᠷᠤᠯᠭᠠ ᠲᠠᠰᠤᠷᠠᠬᠤ᠂ ᠪᠠᠭ᠋ᠠᠰᠬᠤ ᠪᠤᠶᠤ ᠳᠠᠷᠤᠭ᠋ᠠᠰᠤᠨᠢ ᠬᠦᠨᠳᠦᠷᠡᠬᠦ ᠦᠶᠡᠰ ᠬᠤᠪᠢ ᠬᠦᠮᠦᠨ ᠪᠤᠶᠤ ᠭᠡᠷ ᠪᠦᠯᠢᠳᠤᠨᠢ ᠲᠤᠰᠠᠯᠠᠮᠵᠢ ᠦᠵᠡᠭᠦᠯᠵᠦ᠂ ᠦᠨᠳᠦᠰᠦᠨ ᠠᠮᠢᠳᠤᠷᠠᠯᠢᠨᠢ ᠪᠠᠲᠤᠯᠠᠨᠠ᠃ ᠡᠭᠦᠨᠳᠤ ᠵᠤᠷᠢᠭᠤᠯᠤᠭᠳᠠᠭᠰᠠᠨ ᠦᠨᠳᠦᠰᠦᠨ ᠲᠦᠰᠦᠭᠡᠯᠡᠯ ᠬᠤᠶᠠᠷ ᠪᠤᠢ᠄ ᠡᠩ ᠲᠡᠷᠢᠭᠦᠨᠳᠤ᠂ ᠬᠦᠳᠡᠯᠮᠦᠷᠢᠯᠡᠭᠴᠢ ᠵᠢᠨ ᠠᠵᠢᠯᠤᠨ ᠠᠶᠤᠯ ᠲᠦᠭᠰᠢᠭᠦᠷᠢ ᠶᠡᠬᠡ ᠪᠦᠭᠡᠳ ᠠᠵᠢᠯᠤᠨ ᠪᠠᠢ᠌ᠷᠢ ᠵᠢᠨ ᠴᠠᠯᠢᠩ ᠪᠤᠯᠤᠨ ᠠᠵᠢᠯᠤᠨ ᠰᠢᠨᠵᠢ ᠴᠢᠨᠠᠷᠲᠠᠢ ᠨᠢᠬᠲᠠ ᠬᠤᠯᠪᠤᠭᠳᠠᠵᠤ᠂ ᠡᠨᠳᠡᠯ ᠤᠰᠤᠯ ᠭᠠᠷᠬᠤ ᠨᠤᠷᠮᠠᠨᠢ ᠵᠢᠮᠡ ᠬᠠᠤᠯᠢᠲᠦ ᠴᠢᠨᠠᠷᠲᠠᠢ ᠪᠤᠯᠬᠤᠷ ᠳᠠᠭ᠋ᠠᠳᠬᠠᠯᠤᠨ ᠵᠤᠬᠢᠴᠠᠯᠳᠤᠬᠤ ᠳᠦᠷᠢᠮ ᠵᠶ᠋ᠠᠷ ᠬᠤᠤᠷ ᠬᠦᠨᠦᠭᠡᠯᠢᠨᠢ ᠪᠠᠭᠤᠷᠠᠭᠤᠯᠵᠤ ᠪᠤᠯᠤᠨᠠ； ᠳᠠᠷᠠᠭᠠᠨᠢ᠂ ᠬᠦᠳᠡᠯᠮᠦᠷᠢᠯᠡᠭᠴᠢ ᠵᠢᠨ ᠤᠷᠤᠯᠭᠠ ᠳᠤᠤᠷᠠ᠂ ᠵᠦᠪᠬᠡᠨ ᠴᠠᠯᠢᠩ ᠵᠶ᠋ᠠᠨ ᠲᠦᠰᠢᠨ ᠠᠮᠢᠳᠤᠷᠠᠵᠤ ᠪᠠᠢ᠌ᠭᠠ ᠪᠤᠯᠬᠤᠷ ᠦᠨᠳᠦᠷ ᠳᠠᠭ᠋ᠠᠳᠬᠠᠯᠤᠨ ᠲᠦᠯᠦᠪᠦᠷᠢ ᠵᠢ ᠲᠤᠰᠢᠶᠠᠵᠤ ᠲᠡᠢ᠌ᠯᠬᠦ ᠦᠭᠡᠢ᠃ ᠡᠢ᠌ᠮᠦᠠᠴᠠ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠠᠯᠪᠠᠨ ᠪᠠᠢ᠌ᠭᠤᠯᠭᠠᠨᠢ ᠬᠦᠳᠡᠯᠮᠦᠷᠢᠯᠡᠭᠴᠢᠳᠤ ᠤᠷᠤᠯᠭᠠ ᠬᠠᠩᠭ᠋ᠠᠵᠤ ᠪᠠᠢ᠌ᠭᠠ ᠪᠤᠯᠬᠤᠷ ᠳᠠᠭ᠋ᠠᠳᠬᠠᠯᠤᠨ ᠲᠦᠯᠦᠪᠦᠷᠢ ᠵᠢᠨᠢ ᠬᠤᠪᠢᠶᠠᠷᠢᠯᠠᠬᠤ ᠡᠭᠦᠷᠭᠡᠲᠠᠢ᠃ ᠬᠦᠳᠡᠯᠮᠦᠷᠢᠯᠡᠭᠴᠢ ᠪᠤᠰᠤᠳᠠᠴᠠ ᠤᠯᠭᠤᠭᠰᠠᠨ ᠬᠦᠳᠡᠯᠮᠦᠷᠢ ᠵᠢᠨ ᠴᠠᠯᠢᠩ ᠮᠦᠩᠭᠦ ᠪᠤᠯᠤᠨ ᠪᠤᠰᠤᠳ ᠬᠠᠷᠠᠮᠵᠢᠪᠠᠷ ᠵᠶ᠋ᠠᠨ ᠠᠮᠢᠳᠤᠷᠠᠯᠤᠨ ᠵᠶ᠋ᠠᠨ ᠭᠤᠤᠯ ᠵᠠᠷᠤᠳᠠᠯ ᠪᠤᠯᠭ᠋ᠠᠳᠠᠭ᠃ ᠡᠳᠡᠭᠡᠷ ᠴᠠᠯᠢᠩ ᠮᠦᠩᠭᠦ ᠪᠠ ᠬᠠᠷᠠᠮᠵᠢᠪᠠᠷ ᠬᠦᠳᠡᠯᠮᠦᠷᠢ ᠵᠢᠨ ᠵᠶ᠋ᠠᠨ 《ᠲᠡᠩᠴᠡᠭᠦᠦ ᠦᠷᠲᠡᠭ》 ᠪᠤᠯᠭ᠋ᠠᠳᠠᠭ᠃ ᠡᠢ᠌ᠮᠦᠷᠭᠦᠦ ᠤᠨᠴᠠᠯᠢᠭᠢ ᠬᠦᠳᠡᠯᠮᠦᠷᠢ ᠵᠢᠨ ᠬᠠᠷᠢᠴᠠᠭ᠋ᠠᠨᠤ ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢ ᠭᠡᠳᠡᠭ᠃
ᠶᠠᠭ ᠬᠡᠯᠡᠬᠦᠳᠤ᠂ ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢᠨᠢ ᠬᠦᠳᠡᠯᠮᠦᠷᠢ ᠵᠢᠨ ᠬᠦᠳᠡᠯᠮᠦᠷᠢ ᠵᠢᠨ ᠬᠠᠷᠢᠴᠠᠭᠠ ᠵᠢᠨ ᠮᠦᠨ ᠴᠢᠨᠠᠷᠤᠨ ᠤᠨᠴᠠᠯᠢᠭ ᠪᠢᠰᠢ᠂ ᠲᠡᠷᠡᠨᠢ ᠨᠢᠭᠡ ᠵᠦᠢ᠍ᠯᠤᠨ ᠰᠠᠭ᠋ᠠᠷᠮᠠᠭ （ᠪᠡᠰᠡᠷᠡᠭ） ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠴᠠᠭᠠ ᠵᠢ ᠲᠤᠰᠬᠠᠳᠠᠭ᠃ ᠬᠦᠳᠡᠯᠮᠦᠷᠢ ᠵᠢᠨ ᠬᠠᠷᠢᠴᠠᠭᠠᠲᠠᠢ ᠯᠡ ᠪᠤᠯ ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢᠲᠠᠢ ᠭᠡᠰᠡᠨ ᠪᠢᠰᠢ᠂ ᠠᠵᠢᠯᠤᠨ ᠡᠭᠦᠷᠭᠡ ᠵᠢᠨ ᠦᠢ᠍ᠯᠡᠳᠦᠯ ᠵᠶ᠋ᠡᠷ ᠬᠠᠷᠠᠯᠲᠠ ᠪᠤᠯᠭ᠋ᠠᠭᠰᠠᠨ ᠳᠠᠭ᠋ᠠᠭ᠋ᠠᠴᠢᠯᠠᠬᠤ ᠬᠠᠷᠢᠴᠠᠭᠠ ᠵᠢᠴᠢ ᠪᠤᠰᠤᠳ ᠵᠠᠷᠢᠮ ᠬᠦᠳᠡᠯᠮᠦᠷᠢ ᠦᠢ᠍ᠯᠡᠴᠢᠯᠡᠭᠡ ᠵᠢᠨ ᠠᠷᠠᠯᠵᠢᠶᠠᠪᠠᠷ ᠬᠠᠷᠠᠯᠲᠠᠪᠠᠨ ᠪᠤᠯᠭ᠋ᠠᠭᠰᠠᠨ ᠬᠠᠤᠯᠢ ᠵᠢᠨ ᠬᠠᠷᠢᠴᠠᠭᠠᠳᠤ ᠮᠦᠨ ᠠᠳᠠᠯᠢᠬᠠᠨ ᠵᠶ᠋ᠠᠷ ᠡᠢ᠌ᠮᠦᠷᠭᠦᠦ ᠤᠨᠴᠠᠯᠢᠭ ᠤᠷᠤᠰᠢᠵᠤ ᠪᠠᠢ᠌ᠳᠠᠭ᠃ ᠬᠡᠷᠪᠡ ᠠᠯᠪᠠᠳᠠᠯᠭᠠ ᠵᠢᠨ ᠴᠢᠨᠠᠷᠲᠠᠢ ᠠᠵᠢᠯᠲᠠᠳᠤᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠪᠠᠢ᠌ᠭᠤᠯᠤᠯᠳᠤ ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢᠪᠠᠷ ᠬᠠᠤᠯᠢ ᠶᠤᠰᠤᠨᠤ ᠪᠠᠷᠢᠮᠲᠠ ᠪᠤᠯᠭ᠋ᠠᠨᠠ ᠭᠡᠪᠡᠰᠦ ᠤᠨᠤᠯ ᠳᠡᠭᠡᠷᠡᠪᠠᠨ ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢᠲᠠᠢ ᠪᠦᠬᠦᠢ᠌ᠯᠡ ᠬᠦᠳᠡᠯᠮᠦᠷᠢ ᠦᠢ᠍ᠯᠡᠴᠢᠯᠡᠭᠡ ᠵᠢᠨ ᠬᠠᠷᠢᠴᠠᠭᠠᠳᠤ ᠠᠵᠢᠯᠲᠠᠳᠤᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠴᠢᠬᠤᠯᠠ ᠴᠢᠨᠠᠷᠲᠠᠢ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃
ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠨᠢ ᠲᠠᠪᠴᠠᠩᠤᠨ ᠳᠠᠭ᠋ᠠᠭ᠋ᠠᠴᠢᠯᠠᠭᠤᠯᠤᠭᠴᠢ ᠵᠢᠨ ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢᠳᠤ ᠶᠡᠬᠡᠲᠡ ᠲᠦᠰᠢᠭᠯᠡᠳᠡᠭ᠃ ᠵᠤᠬᠢᠶᠠᠭᠴᠢᠪᠠᠷ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠮᠠᠰᠢᠨ ᠲᠡᠷᠭᠡ ᠪᠤᠯᠤᠨ ᠲᠦᠷᠭᠡᠨ ᠭᠤᠪᠢᠭᠤᠯᠭᠠ ᠵᠢᠨ ᠠᠵᠢᠯ ᠲᠦᠷᠦᠯ （ᠬᠤᠭᠤᠯᠠ ᠬᠦᠷᠭᠡᠬᠦ ᠠᠵᠢᠯ ᠲᠦᠷᠦᠯ ᠪᠠᠭᠲᠠᠨᠠ）ᠤᠨ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠲᠠᠢ ᠬᠢᠭᠰᠡᠨ ᠰᠤᠷᠪᠤᠯᠵᠢᠯᠠᠭᠠ ᠶᠠᠷᠢᠯᠴᠠᠯᠭᠠᠠᠴᠠ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠵᠢᠷᠤᠨ ᠬᠦᠳᠡᠯᠮᠦᠷᠢᠯᠡᠭᠴᠢᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠤᠷᠲᠤ ᠬᠤᠭᠤᠴᠠᠭᠠᠪᠠᠷ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨ ᠬᠢᠪᠡᠯ ᠤᠷᠤᠭᠯᠠᠭᠠᠨᠢ ᠨᠡᠩ ᠦᠨᠳᠦᠷ᠂ ᠶᠡᠷᠦᠳᠤᠪᠠᠨ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠵᠶ᠋ᠠᠨ ᠳᠤᠮᠳᠠᠴᠢ ᠤᠷᠤᠯᠭᠠᠠᠴᠠ ᠦᠨᠳᠦᠷ᠂ ᠭᠡᠪᠡᠴᠦ ᠡᠳᠦᠷ ᠪᠦᠷᠢ 10 ᠴᠠᠭᠠᠴᠠ ᠢᠯᠡᠭᠦᠦ ᠠᠵᠢᠯᠯᠠᠵᠤ᠂ ᠤᠨᠴᠠᠭ᠋ᠠᠢ ᠵᠠᠷᠢᠮᠨᠢ 12 ᠴᠠᠭᠠᠴᠠ ᠢᠯᠡᠭᠦᠦ ᠠᠵᠢᠯᠯᠠᠳᠠᠭ᠃ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠤ ᠠᠮᠢᠳᠤᠷᠠᠯᠤᠨ ᠤᠷᠤᠯᠭᠠ ᠵᠢᠨ ᠢᠷᠡᠯᠲᠡᠨᠢ ᠭᠤᠤᠯᠳᠠᠭᠤ ᠲᠡᠪᠴᠠᠩᠤᠨ ᠠᠵᠢᠯᠠᠴᠠ ᠢᠷᠡᠳᠡᠭ ᠪᠤᠯᠬᠤᠷ ᠲᠠᠪᠴᠠᠩᠤᠨ ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢᠨᠢ ᠮᠠᠰᠢ ᠢᠯᠡᠷᠬᠡᠢ ᠪᠠᠢ᠌ᠳᠠᠭ᠃ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠳ ᠨᠢ ᠬᠦᠯᠦᠰᠦᠯᠡᠭᠳᠡᠭᠴᠢᠲᠠᠢ ᠲᠦᠰᠲᠡᠢ ᠪᠤᠯᠬᠤᠷ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠳᠤ ᠠᠯᠪᠠᠳᠠᠯᠭᠠᠪᠠᠷ ᠤᠷᠤᠯᠴᠠᠬᠤ ᠭᠤᠤᠯ ᠬᠦᠴᠦᠨ ᠪᠤᠯᠪᠠᠯ ᠵᠤᠬᠢᠰᠲᠠᠢ᠃
ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢ ᠵᠢᠨ ᠪᠠᠷᠢᠮᠵᠢᠶᠠ᠃ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨ ᠠᠯᠪᠠᠳᠠᠯᠭᠠᠪᠠᠷ ᠠᠵᠢᠯᠴᠢᠳᠤᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯ ᠬᠦᠷᠲᠡᠬᠦᠳᠤ ᠪᠤᠯᠬᠤᠢ᠌ᠴᠠ ᠴᠢᠨᠠᠷᠲᠠᠢ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃ ᠡᠨᠡᠨᠢ ᠬᠤᠶᠠᠷ ᠲᠠᠯᠠ ᠵᠢᠨ ᠪᠤᠳᠤᠯᠬᠢᠯᠠᠯ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃ ᠨᠢᠭᠡ ᠲᠠᠯᠠᠪᠠᠷ᠂ ᠤᠳᠤ ᠵᠢᠨ ᠬᠦᠳᠡᠯᠮᠦᠷᠢ ᠵᠢᠨ ᠬᠠᠤᠯᠢ ᠵᠢᠨ ᠪᠠᠢ᠌ᠭᠤᠯᠤᠯ ᠳ᠋ᠠ ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢ ᠵᠢ ᠬᠡᠷᠬᠢᠨ ᠬᠤᠪᠢᠶᠠᠷᠢᠯᠠᠭᠰᠠᠨ᠃ ᠨᠦᠭᠦᠭᠡ ᠲᠠᠯᠠᠪᠠᠷ᠂ ᠤᠳᠤ ᠵᠢᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠳᠤ ᠲᠦᠯᠦᠪᠦᠷᠢ ᠲᠤᠰᠢᠶᠠᠬᠤ ᠪᠠᠢ᠌ᠭᠤᠯᠤᠯᠨᠢ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠳᠤ ᠲᠤᠬᠢᠷᠠᠬᠤ ᠡᠰᠡᠬᠦ᠃
ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢᠨᠢ ᠠᠵᠢᠯᠯᠠᠭᠴᠢ ᠵᠢᠨ ᠠᠵᠢᠯ ᠤᠯᠭᠤᠭᠴᠢ ᠵᠢᠨ ᠠᠵᠤ ᠠᠬᠤᠢ ᠵᠢᠨ ᠨᠠᠢ᠌ᠳᠠᠮᠠᠭ᠋ᠠᠢ ᠴᠢᠨᠠᠷᠲᠤ ᠲᠦᠰᠢᠭᠯᠡᠳᠡᠭ᠃ ᠬᠡᠮᠵᠢᠶᠡᠯᠡᠬᠦ ᠵᠢᠨ ᠭᠦᠢ᠍ᠴᠡᠳᠬᠡᠯ ᠲᠤᠭᠠᠪᠠᠷ ᠲᠤᠭᠲᠠᠭ᠋ᠠᠵᠤ ᠪᠤᠯᠤᠨᠠ᠃ ᠮᠠᠨᠤ ᠤᠯᠤᠰᠤᠨ 《ᠬᠦᠳᠡᠯᠮᠦᠷᠢ ᠵᠢᠨ ᠭᠡᠷᠡᠤᠨ ᠬᠠᠤᠯᠢ》ᠳᠤ ᠠᠳᠠᠯᠢ ᠨᠢᠭᠡᠨ ᠠᠯᠪᠠᠨ ᠪᠠᠢ᠌ᠭᠤᠯᠭᠠᠳᠤ ᠡᠳᠦᠷ ᠪᠦᠷᠢ ᠵᠢᠨ ᠠᠵᠢᠯᠯᠠᠬᠤ ᠴᠠᠭᠨᠢ ᠲᠡᠭᠰᠢᠳᠬᠡᠭᠡᠳ 4 ᠴᠠᠭᠠᠴᠠ ᠬᠡᠲᠦᠷᠡᠬᠦ ᠦᠭᠡᠢ᠂ ᠭᠠᠷᠠᠭ ᠪᠦᠷᠢ ᠵᠢᠨ ᠠᠵᠢᠯᠯᠠᠬᠤ ᠴᠠᠭᠨᠢ 24 ᠴᠠᠭᠠᠴᠠ ᠬᠡᠲᠦᠷᠡᠬᠦ ᠦᠭᠡᠢ ᠬᠦᠳᠡᠯᠮᠦᠷᠢᠯᠡᠭᠴᠢ ᠵᠢ ᠪᠦᠬᠦᠯᠢ ᠡᠳᠦᠷᠤᠨ ᠲᠦᠷᠢᠮᠲᠦ ᠪᠤᠰᠤ ᠠᠵᠢᠯᠴᠢᠨ ᠭᠡᠵᠦ ᠲᠤᠭᠲᠠᠭ᠋ᠠᠵᠠᠢ᠃ 《ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠬᠠᠤᠯᠢ》 ᠵᠢᠨ ᠬᠠᠮᠢᠶᠠ ᠪᠦᠬᠦᠢ ᠱᠠᠭ᠋ᠠᠷᠳᠠᠯᠭᠠᠪᠠᠷ ᠡᠳᠡᠭᠡᠷ ᠬᠦᠳᠡᠯᠮᠦᠷᠢᠯᠡᠭᠴᠢᠨᠢ ᠠᠵᠢᠯᠴᠢᠳᠤᠨ ᠨᠠᠰᠤᠵᠢᠯᠤᠨ ᠳᠠᠭ᠋ᠠᠳᠬᠠᠯ᠂ ᠡᠮᠴᠢᠯᠡᠭᠡᠨᠤ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠯᠴᠠᠵᠤ ᠪᠤᠯᠤᠨᠠ ᠭᠡᠵᠡᠢ᠃ ᠡᠨᠡᠨᠢ ᠦᠨᠡᠨᠳᠤᠪᠠᠨ ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢᠤᠨ ᠬᠡᠮᠵᠢᠶᠡᠯᠡᠯᠢ ᠠᠭᠤᠯᠤᠭᠰᠠᠨ ᠪᠠᠢ᠌ᠳᠠᠭ᠃ ᠮᠠᠨᠤ ᠤᠯᠤᠰᠲᠤ ᠪᠦᠬᠦᠯᠢ ᠡᠳᠦᠷᠤᠨ ᠳᠦᠷᠢᠮᠲᠦ ᠬᠦᠳᠡᠯᠮᠦᠷᠢᠯᠡᠭᠴᠢ ᠵᠢᠨ ᠨᠦᠬᠦᠴᠡᠯᠳᠤ ᠨᠡᠢ᠌ᠴᠡᠭᠰᠡᠨ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠢ ᠲᠠᠪᠴᠠᠩᠤᠨ ᠠᠵᠤ ᠠᠬᠤᠢ᠌ᠯᠠᠯᠲᠠᠢᠪᠠᠨ ᠠᠵᠤ ᠠᠬᠤᠢ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠰᠢᠨᠵᠢᠲᠠᠢ ᠬᠡᠮᠡᠨ ᠦᠵᠡᠵᠦ ᠠᠵᠢᠯᠴᠢᠳᠤᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠯᠴᠠᠬᠤ ᠭᠤᠤᠯ ᠬᠦᠴᠦᠨ ᠪᠤᠯᠵᠤ ᠪᠤᠯᠤᠨᠠ ᠭᠡᠵᠡᠢ᠃ ᠤᠳᠤ ᠵᠢᠨ ᠮᠡᠷᠭᠡᠵᠢᠯᠤᠨ ᠨᠦᠬᠦᠴᠡᠯᠳᠤ᠂ ᠡᠨᠡᠬᠦ ᠪᠠᠷᠢᠮᠵᠢᠶᠠᠨᠢ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨ ᠪᠤᠯᠤᠨ ᠲᠠᠪᠴᠠᠩᠤᠨ ᠠᠵᠤ ᠠᠬᠤᠢ᠌ᠯᠠᠯ ᠡᠵᠡᠮᠰᠢᠬᠦᠳᠤ ᠮᠠᠰᠢ ᠬᠢᠯᠪᠡᠷ ᠪᠤᠯᠵᠠᠢ᠃
ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠤ ᠬᠦᠯᠦᠰᠦ ᠮᠦᠩᠭᠦ ᠵᠢ ᠤᠯᠢᠭᠤᠯᠬᠤ ᠠᠷᠭᠠ ᠬᠡᠯᠪᠡᠷᠢᠨᠢ ᠵᠢᠷᠤᠨ ᠬᠦᠳᠡᠯᠮᠦᠷᠢᠯᠡᠭᠴᠢᠳᠤᠨᠬᠢᠲᠠᠢ ᠠᠳᠠᠯᠢ ᠦᠭᠡᠢ᠃ ᠶᠡᠷᠦᠳᠤᠪᠠᠨ ᠲᠠᠩᠰᠠ ᠲᠤᠰᠤᠭᠰᠠᠨ ᠲᠤᠭᠠᠪᠠᠷᠨᠢ ᠬᠡᠮᠵᠢᠶᠡᠯᠡᠵᠦ᠂ ᠨᠢᠭᠡ ᠲᠠᠩᠰᠠᠳᠤ ᠨᠢᠭᠡ ᠲᠦᠯᠦᠪᠦᠷᠢ ᠤᠯᠭᠤᠨᠠ᠃ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠤ ᠠᠵᠢᠯᠤᠨ ᠴᠠᠭᠨᠢ ᠴᠢᠯᠦᠭᠡᠲᠡᠢ᠂ ᠬᠦᠯᠦᠰᠦ ᠮᠦᠩᠭᠦ ᠤᠯᠭᠤᠬᠤᠨᠢ ᠦᠶᠡᠯᠡᠯᠲᠦ ᠴᠢᠨᠠᠷ ᠦᠭᠡᠢ ᠪᠤᠯᠬᠤᠷ ᠤᠯᠠᠮᠵᠢᠯᠠᠯᠲᠤ ᠠᠵᠤ ᠠᠬᠤᠢ᠌ᠯᠠᠯᠤᠨ ᠠᠵᠢᠯᠴᠢᠳᠤᠨ ᠳᠠᠭ᠋ᠠᠳᠬᠠᠯᠤᠨ ᠲᠦᠯᠦᠪᠦᠷᠢ ᠲᠤᠰᠢᠶᠠᠬᠤ ᠠᠷᠭᠠ ᠵᠢ ᠬᠡᠷᠡᠭᠯᠡᠬᠦᠳᠤ ᠲᠤᠬᠢᠷᠠᠮᠵᠢ ᠦᠭᠡᠢ᠃ ᠭᠡᠪᠡᠴᠦ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠤ ᠰᠠᠷᠠ ᠪᠦᠷᠢ ᠵᠢᠨ ᠤᠷᠤᠯᠭᠠ ᠵᠢ ᠪᠦᠷᠢᠳᠬᠡᠨ ᠪᠤᠳᠤᠵᠤ ᠪᠤᠯᠳᠠᠭ᠃ ᠲᠠᠪᠴᠠᠩᠤᠨ ᠠᠵᠤ ᠠᠬᠤᠢ᠌ᠯᠠᠯᠠᠴᠠ ᠲᠠᠩᠰᠠ ᠪᠦᠷᠢ ᠵᠢᠨ ᠲᠦᠯᠦᠪᠦᠷᠢ ᠵᠢ ᠪᠤᠳᠤᠬᠤᠳᠤᠪᠠᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠲᠦᠯᠦᠪᠦᠷᠢ ᠵᠢᠨᠢ ᠤᠷᠢᠳᠴᠢᠯᠠᠨ ᠬᠠᠰᠤᠬᠤᠳᠤᠪᠠᠨ ᠠᠵᠢᠯᠴᠢᠳᠤᠨ ᠵᠶ᠋ᠠᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠲᠦᠯᠦᠪᠦᠷᠢ ᠵᠢ ᠤᠷᠤᠯᠠᠨ ᠬᠠᠰᠤᠵᠤ ᠤᠷᠤᠯᠠᠨ ᠲᠤᠰᠢᠶᠠᠬᠤ ᠠᠷᠭᠠᠪᠠᠨ ᠯᠠᠪᠯᠠᠵᠤ᠂ ᠰᠠᠷᠠ ᠪᠦᠷᠢ ᠵᠢᠨ ᠴᠠᠯᠢᠩ ᠬᠦᠯᠦᠰᠦ ᠵᠢᠨᠢ ᠪᠤᠳᠤᠬᠤᠳᠤᠪᠠᠨ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠤ ᠪᠤᠲᠠᠲᠠᠢ ᠤᠯᠬᠤ ᠴᠠᠯᠢᠩ ᠬᠦᠯᠦᠰᠦ ᠵᠢᠨᠢ ᠨᠢᠭᠡᠲᠦᠯᠲᠡᠢ ᠪᠤᠳᠤᠵᠤ ᠭᠠᠷᠭ᠋ᠠᠨᠠ᠃ ᠠᠵᠤ ᠠᠬᠤᠢ᠌ᠯᠠᠯᠤᠨ ᠡᠳ᠋ᠤᠨ ᠵᠠᠰᠠᠭᠤᠨ ᠪᠠᠢ᠌ᠭᠤᠯᠤᠯ ᠵᠢᠨ ᠬᠦᠷᠢᠶᠡ ᠬᠡᠪᠴᠢᠶᠠᠨᠳᠤ ᠪᠦᠷᠢᠮᠦᠰᠤᠨ ᠲᠤᠬᠢᠷᠠᠨᠠ᠃
ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨ ᠠᠵᠢᠯᠴᠢᠳᠤᠨ ᠨᠡᠢ᠌ᠭᠡᠮᠤᠨ
ᠳᠠᠭ᠋ᠠᠳᠬᠠᠯᠳᠤ ᠤᠷᠤᠯᠴᠠᠬᠤ ᠲᠤᠬᠢᠷᠠᠮᠵᠢᠲᠤ ᠰᠢᠨᠵᠢ
ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠡᠯᠡ ᠳᠠᠭ᠋ᠠᠳᠬᠠᠯᠤᠨ ᠲᠦᠷᠦᠯᠤᠨ ᠪᠠᠲᠤᠯᠠᠭᠠ ᠵᠢᠨ ᠴᠢᠳᠠᠮᠵᠢᠨᠢ ᠵᠦᠷᠢᠶᠡᠲᠠᠢ ᠪᠠᠢ᠌ᠳᠠᠭᠠᠴᠠ ᠪᠡᠶᠡᠯᠡᠭᠦᠯᠬᠦ ᠠᠰᠠᠷᠠᠮᠵᠢ ᠵᠢᠨ ᠬᠠᠷᠠᠯᠲᠠᠨᠢ ᠴᠦ᠍ ᠠᠳᠠᠯᠢ ᠪᠤᠰᠤ ᠪᠠᠢ᠌ᠳᠠᠭ ᠪᠤᠯᠬᠤᠷ ᠬᠦᠳᠡᠯᠮᠦᠷᠢᠯᠡᠭᠴᠢ ᠵᠢ ᠪᠦᠭᠡᠮ ᠵᠶ᠋ᠡᠷᠨᠢ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠭᠤᠯᠬᠤ ᠪᠠᠢ᠌ᠭᠤᠯᠤᠯᠨᠢ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠳᠤ ᠲᠤᠬᠢᠷᠠᠬᠤ ᠦᠭᠡᠢ᠃
ᠨᠠᠰᠤᠵᠢᠯᠤᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯ ᠪᠤᠯ ᠬᠦᠳᠡᠯᠮᠦᠷᠢᠯᠡᠭᠴᠢ ᠦᠨᠳᠦᠷ ᠨᠠᠰᠤᠲᠠᠢ ᠪᠤᠯᠤᠭ᠋ᠠᠳ ᠠᠮᠢᠳᠤᠷᠠᠯᠤᠨ ᠵᠠᠷᠤᠯᠭᠠᠪᠠᠨ ᠤᠯᠢᠬᠤ ᠴᠢᠳᠠᠪᠤᠷᠢᠪᠠᠨ ᠠᠯᠳᠠᠭᠰᠠᠨ ᠠᠶᠤᠯ ᠲᠦᠭᠰᠢᠭᠦᠷᠢ ᠵᠢ ᠰᠢᠢ᠍ᠳᠪᠦᠷᠢᠯᠡᠳᠡᠭ᠃ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠯᠴᠠᠨ ᠲᠦᠯᠦᠪᠦᠷᠢ ᠲᠤᠰᠢᠶᠠᠬᠤ ᠬᠢᠭᠡᠳ ᠤᠯᠭᠤᠮᠵᠢ ᠠᠪᠬᠤ ᠴᠠᠭᠤᠨ ᠠᠯᠤᠰᠯᠠᠯᠨᠢ ᠬᠠᠮᠤᠭᠤᠨ ᠤᠷᠲᠤ᠂ ᠤᠯᠭᠤᠮᠵᠢ ᠵᠢᠨ ᠪᠠᠷᠢᠮᠵᠢᠶᠠ ᠴᠦ᠍ ᠨᠡᠯᠢᠶᠡᠳ ᠦᠨᠳᠦᠷ ᠪᠠᠢ᠌ᠳᠠᠭ᠃ ᠨᠢᠭᠡ ᠲᠠᠯᠠᠪᠠᠷ᠂ ᠬᠦᠳᠡᠯᠮᠦᠷᠢᠯᠡᠬᠦ ᠴᠢᠳᠠᠪᠤᠷᠢ ᠵᠢᠨ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠᠨᠢ ᠬᠡᠳᠦᠨ ᠠᠷᠪᠠᠨ ᠵᠢᠯ ᠪᠠᠢ᠌ᠳᠠᠭ ᠪᠤᠯᠬᠤᠷ ᠦᠷᠭᠦᠯᠵᠢᠯᠡᠨ ᠲᠦᠯᠦᠪᠦᠷᠢ ᠲᠦᠯᠦᠵᠦ᠂ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢ ᠵᠢᠨ ᠮᠦᠩᠭᠦ ᠠᠪᠬᠤ ᠬᠤᠭᠤᠴᠠᠭᠠᠨᠢ ᠴᠦ᠍ ᠬᠡᠳᠦᠨ ᠠᠷᠪᠠᠨ ᠵᠢᠯ ᠦᠷᠭᠦᠯᠵᠢᠯᠡᠳᠡᠭ ᠤᠴᠢᠷᠠᠴᠠ ᠡᠯᠡ ᠲᠦᠷᠦᠯᠤᠨ ᠳᠠᠭ᠋ᠠᠳᠬᠠᠯᠤᠨ ᠲᠦᠯᠦᠪᠦᠷᠢ ᠵᠢᠨ ᠨᠤᠷᠮᠠᠨᠢ ᠴᠦ᠍ ᠬᠠᠮᠤᠭᠤᠨ ᠦᠨᠳᠦᠷ ᠪᠠᠢ᠌ᠳᠠᠭ； ᠨᠦᠭᠦᠭᠡ ᠲᠠᠯᠠᠪᠠᠷ᠂ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢ ᠵᠢᠨ ᠮᠦᠩᠭᠦᠨᠢ ᠠᠮᠢᠳᠤᠷᠠᠯᠤᠨ ᠦᠨᠳᠦᠰᠦᠨ ᠬᠡᠷᠡᠭᠴᠡᠭᠡ ᠵᠢ ᠪᠠᠲᠤᠯᠠᠳᠠᠭ ᠲᠤᠯᠠᠳᠠ ᠠᠵᠢᠯᠤᠨ ᠪᠠᠢ᠌ᠷᠢᠨᠳᠠᠬᠢ ᠴᠠᠯᠢᠩᠤᠨ ᠵᠦᠷᠢᠶᠡᠨᠢ ᠬᠡᠲᠦ ᠶᠡᠬᠡ ᠪᠠᠢ᠌ᠵᠤ ᠪᠤᠯᠬᠤ ᠦᠭᠡᠢ ᠭᠡᠳᠡᠭᠢ ᠪᠤᠳᠤᠯᠬᠢᠯᠠᠬᠤ ᠪᠦᠭᠡᠳ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢ ᠵᠢᠨ ᠮᠦᠩᠭᠦ ᠠᠪᠴᠤ ᠪᠠᠢ᠌ᠭᠠ ᠬᠤᠭᠤᠴᠠᠭ᠋ᠠᠨᠳᠤ ᠪᠤᠳᠠᠰᠤᠨ ᠦᠨᠡ ᠦᠰᠦᠷᠬᠦ ᠪᠤᠶᠤ ᠵᠤᠭᠤᠰ ᠮᠠᠭᠤᠳᠠᠬᠤ ᠪᠠᠢ᠌ᠳᠠᠯᠳᠤ ᠪᠤᠲᠠᠲᠠᠢ ᠤᠯᠭᠤᠮᠵᠢ ᠵᠢᠨᠢ ᠪᠠᠭᠤᠷᠠᠭᠤᠯᠵᠤ ᠪᠤᠯᠬᠤ ᠦᠭᠡᠢ ᠵᠢ ᠴᠦ᠍ ᠪᠤᠳᠤᠯᠬᠢᠯᠠᠬᠤ ᠬᠡᠷᠡᠭᠲᠡᠢ᠃ ᠡᠢ᠌ᠮᠦᠠᠴᠠ ᠨᠠᠰᠤᠵᠢᠯᠤᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯᠨᠢ ᠭᠦᠢ᠍ᠴᠡᠳ ᠬᠡᠮᠵᠢᠶᠡᠨᠤ ᠪᠤᠳᠠᠰᠤᠨ ᠰᠠᠭᠤᠷᠢᠲᠠᠢ ᠪᠠᠢ᠌ᠬᠤ ᠬᠡᠷᠡᠭᠲᠡᠢ ᠲᠤᠯᠠᠳᠠ ᠲᠦᠯᠦᠪᠦᠷᠢ ᠲᠦᠯᠦᠬᠦ ᠨᠤᠷᠮᠠᠨᠢ ᠬᠡᠲᠦᠷᠬᠡᠢ ᠳᠤᠤᠷᠠ ᠪᠠᠢ᠌ᠵᠤ ᠪᠤᠯᠬᠤ ᠦᠭᠡᠢ᠃ ᠡᠭᠦᠨᠤ ᠲᠤᠯᠠᠳᠠ ᠠᠮᠢᠳᠤᠯᠢᠭ᠂ ᠳᠦᠭᠦᠮ ᠵᠶ᠋ᠡᠷ ᠵᠶ᠋ᠡᠨ ᠠᠯᠳᠠᠷᠰᠢᠭᠰᠠᠨ ᠲᠠᠪᠴᠠᠩᠳᠤ ᠠᠵᠢᠯ ᠤᠯᠬᠤ ᠬᠢᠭᠡᠳ ᠠᠵᠢᠯᠴᠢᠳᠤᠨ ᠨᠠᠰᠤᠵᠢᠯᠤᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯᠤᠨ ᠬᠤᠭᠤᠷᠤᠨᠳᠦ ᠬᠠᠷᠢᠴᠠᠭᠠ ᠬᠤᠯᠪᠤᠭᠠᠲᠠᠢ ᠪᠤᠯᠭ᠋ᠠᠨᠠ ᠬᠡᠮᠡᠨ ᠱᠠᠭ᠋ᠠᠷᠳᠠᠭᠰᠠᠨᠤ ᠴᠢᠬᠤᠯᠠ ᠦᠭᠡᠢ ᠪᠢᠯᠡ᠃
ᠡᠮᠨᠡᠯᠭᠡ ᠵᠢᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯᠤᠨ ᠪᠠᠢ᠌ᠭᠤᠯᠤᠯᠨᠢ ᠡᠪᠡᠳᠴᠢᠨ ᠬᠢᠵᠢᠭ ᠪᠤᠯᠤᠨ ᠠᠵᠢᠯᠠᠴᠠ ᠪᠤᠯᠤᠭᠰᠠᠨ ᠦᠭᠡᠢ ᠰᠢᠷᠬᠠᠳᠤᠯ ᠭᠡᠮᠲᠤᠯᠲᠠᠢ ᠤᠷᠤᠯᠴᠠᠭᠴᠢᠳᠲᠤ ᠤᠨᠤᠰᠢᠯᠠᠯᠲᠠ ᠪᠠ ᠡᠮᠴᠢᠯᠡᠭᠡ ᠬᠠᠩᠭ᠋ᠠᠳᠠᠭ ᠪᠤᠯᠬᠤᠷ ᠪᠦᠷᠬᠦᠯᠲᠡ ᠵᠢᠨ ᠬᠦᠷᠢᠶᠡ ᠴᠠᠷᠠᠭᠠᠨᠢ ᠨᠢᠭᠡᠲᠦᠯᠲᠡᠢ᠂ ᠠᠰᠢᠭ ᠬᠦᠷᠲᠡᠬᠦ ᠬᠤᠭᠤᠴᠠᠭᠠᠨᠢ ᠤᠷᠲᠤ᠂ ᠵᠠᠷᠤᠯᠭᠠ ᠭᠠᠷᠭ᠋ᠠᠬᠤᠨᠢ ᠲᠤᠭᠲᠠᠪᠤᠷᠢ ᠦᠭᠡᠢ ᠪᠠᠢ᠌ᠳᠠᠭ ᠤᠨᠴᠠᠯᠢᠭᠲᠠᠢ᠃ ᠠᠮᠢ ᠵᠢᠨ ᠡᠷᠬᠡ ᠪᠠ ᠡᠷᠡᠭᠦᠯ ᠴᠢᠬᠢᠷᠠᠭ ᠴᠢᠬᠢᠮᠡᠢ ᠤᠨ ᠡᠷᠬᠡ ᠪᠤᠯ ᠦᠨᠳᠦᠰᠦᠨ ᠬᠠᠤᠯᠢᠳᠤ ᠪᠠᠲᠤᠯᠠᠭᠰᠠᠨ ᠡᠷᠬᠡᠲᠦ ᠠᠷᠠᠳ ᠨᠢᠭᠡ ᠪᠦᠷᠢ ᠵᠢᠨ ᠦᠨᠳᠦᠰᠦᠨ ᠡᠷᠬᠡ ᠮᠦᠨ᠃ ᠬᠦᠮᠦᠨ ᠪᠦᠬᠦᠨ ᠡᠳᠡᠭᠡᠷ ᠡᠷᠬᠡᠪᠠᠨ ᠡᠷᠬᠡ ᠲᠡᠭᠰᠢᠪᠠᠷ ᠡᠳ᠋ᠯᠡᠬᠦ ᠬᠡᠷᠡᠭᠲᠡᠢ ᠲᠤᠯᠠᠳᠠ ᠠᠯᠢ ᠴᠢᠳᠠᠬᠤᠢ᠌ᠴᠠ ᠪᠦᠷᠬᠦᠯᠲᠡ ᠵᠢᠨ ᠬᠦᠷᠢᠶᠡ ᠴᠠᠷᠠᠭᠠ ᠵᠢ ᠲᠡᠯᠡᠵᠦ ᠦᠷᠭᠡᠳᠬᠡᠨ᠂ ᠤᠯᠭᠤᠮᠵᠢ ᠵᠢᠨ ᠨᠢᠭᠡᠲᠦᠯᠲᠡᠢ ᠪᠠᠢ᠌ᠬᠤ ᠵᠢ ᠠᠬᠢᠭᠤᠯᠬᠤ ᠬᠡᠷᠡᠭᠲᠡᠢ᠃ ᠮᠠᠨᠤ ᠤᠯᠤᠰᠤᠨ ᠤᠳᠤᠬᠠᠨᠤ ᠡᠮᠨᠡᠯᠭᠡ ᠵᠢᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯᠤᠨ ᠪᠠᠢ᠌ᠭᠤᠯᠤᠯᠨᠢ ᠰᠦᠷᠦᠭᠵᠢᠯ ᠵᠶ᠋ᠡᠷᠨᠢ ᠠᠳᠠᠯᠢ ᠪᠤᠰᠤ ᠲᠦᠷᠦᠯᠳᠤ ᠬᠤᠪᠢᠶᠠᠵᠤ᠂ ᠠᠳᠠᠯᠢ ᠪᠤᠰᠤ ᠲᠦᠯᠦᠪᠦᠷᠢ ᠵᠢᠨ ᠨᠤᠷᠮᠠᠳᠤ ᠬᠠᠷᠠᠭ᠋ᠠᠯᠵᠠᠭᠤᠯᠳᠠᠭ᠃ ᠬᠡᠳᠦᠢ᠌ᠪᠡᠷ ᠠᠮᠢᠳᠤᠯᠢᠭ ᠵᠶ᠋ᠠᠷ ᠠᠵᠢᠯ ᠤᠯᠤᠭᠰᠠᠳᠨᠢ ᠪᠦᠬᠦ ᠲᠦᠯᠦᠪᠦᠷᠢᠪᠠᠨ ᠦᠪᠡᠷ ᠵᠶ᠋ᠡᠨ ᠭᠠᠷᠭ᠋ᠠᠵᠤ᠂ ᠠᠵᠢᠯᠴᠢᠳᠤᠨ ᠡᠮᠨᠡᠯᠭᠡ ᠵᠢᠨ ᠳᠠᠭ᠋ᠠᠳᠬᠠᠯᠳᠤ ᠰᠠᠢ᠌ᠨ ᠳᠤᠷᠠᠠᠴᠠᠪᠠᠨ ᠤᠷᠤᠯᠴᠠᠳᠠᠭ ᠪᠤᠯᠪᠠᠴᠤ ᠡᠢ᠌ᠮᠦᠷᠭᠦᠦ ᠬᠡᠰᠡᠭᠴᠢᠯᠡᠭᠰᠡᠨ ᠡᠮᠨᠡᠯᠭᠡ ᠵᠢᠨ ᠳᠠᠭ᠋ᠠᠳᠬᠠᠯᠤᠨ ᠪᠠᠢ᠌ᠭᠤᠯᠤᠯ ᠬᠢᠭᠡᠳ 《ᠢᠷᠭᠡᠳᠤᠨ ᠡᠮᠨᠡᠯᠭᠡ ᠵᠢᠨ ᠳᠠᠭ᠋ᠠᠳᠬᠠᠯ》ᠨᠢ ᠪᠠᠰᠠ ᠨᠡᠯᠢᠶᠡᠳ ᠵᠦᠷᠢᠶᠠᠲᠠᠢ ᠪᠠᠢ᠌ᠳᠠᠭ᠃ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠤ ᠤᠷᠤᠯᠭᠠᠨᠢ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠳᠤᠮᠳᠠᠴᠢ ᠴᠠᠯᠢᠩᠠᠴᠠ ᠦᠨᠳᠦᠷ ᠪᠠᠢ᠌ᠬᠤ ᠵᠢ ᠪᠤᠳᠤᠯᠬᠢᠯᠠᠪᠠᠯ ᠡᠨᠡᠬᠦ ᠰᠦᠷᠦᠭᠵᠢᠯᠨᠢ ᠠᠵᠢᠯᠴᠢᠳᠤᠨ ᠡᠮᠨᠡᠯᠭᠡ ᠵᠢᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠯᠴᠠᠬᠤ ᠠᠵᠤ ᠠᠬᠤᠢ ᠵᠢᠨ ᠨᠦᠬᠦᠴᠡᠯᠲᠠᠢ ᠪᠤᠯᠵᠠᠢ᠃
ᠠᠵᠢᠯᠠᠴᠠ ᠪᠤᠯᠤᠭᠰᠠᠨ ᠭᠡᠮᠲᠤᠯᠤᠨ ᠳᠠᠭ᠋ᠠᠳᠬᠠᠯᠨᠢ ᠬᠡᠳᠦᠢ᠌ᠪᠡᠷ ᠡᠪᠡᠳᠴᠢᠨ ᠬᠢᠵᠢᠭᠠᠴᠠ ᠡᠮᠨᠡᠵᠦ ᠠᠪᠤᠷᠠᠬᠤ ᠴᠢᠳᠠᠮᠵᠢᠲᠠᠢ ᠪᠦᠭᠡᠳ ᠤᠯᠭᠤᠮᠵᠢ ᠵᠢᠨ ᠭᠠᠷᠴᠠᠭ ᠬᠢᠭᠡᠳ ᠡᠮᠨᠡᠯᠭᠡ ᠵᠢᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯᠲᠠᠢ ᠠᠳᠠᠯᠢ ᠪᠤᠯᠪᠠᠴᠤ ᠠᠵᠢᠯᠠᠴᠠ ᠪᠤᠯᠤᠭᠰᠠᠨ ᠭᠡᠮᠲᠤᠯᠤᠨ ᠳᠠᠭ᠋ᠠᠳᠬᠠᠯᠨᠢ 《ᠰᠢᠯᠲᠠᠭ᠋ᠠᠨ》ᠲᠠᠢ ᠪᠤᠯ ᠰᠠᠶᠢ ᠤᠯᠭᠤᠳᠠᠭ᠃ ᠠᠵᠢᠯᠤᠨ ᠴᠠᠭ ᠪᠠ ᠠᠵᠢᠯᠤᠨ ᠭᠠᠵᠠᠷᠲᠤᠪᠠᠨ ᠠᠵᠢᠯᠤᠨ ᠰᠢᠯᠲᠠᠭ᠋ᠠᠨᠠᠴᠠ ᠪᠤᠯᠵᠤ ᠭᠡᠨᠡᠳᠲᠡ ᠵᠢᠨ ᠭᠡᠮᠲᠤᠯ ᠠᠪᠤᠪᠠᠯ ᠨᠦᠬᠦᠪᠦᠷᠢ ᠤᠯᠭᠤᠵᠤ ᠪᠤᠯᠳᠠᠭ᠃ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠤ ᠠᠵᠢᠯᠤᠨ ᠴᠠᠭᠨᠢ ᠲᠤᠭᠲᠠᠪᠤᠷᠢ ᠦᠭᠡᠢ᠂ ᠠᠵᠢᠯᠤᠨ ᠭᠠᠵᠠᠷ ᠬᠢᠭᠡᠳ ᠠᠮᠢᠳᠤᠷᠠᠯᠤᠨ ᠤᠷᠴᠢᠨᠨᠢ ᠢᠯᠠᠭ᠋ᠠᠭᠤᠷᠢ ᠦᠭᠡᠢ ᠲᠤᠯᠠᠳᠠ ᠴᠤᠬᠤᠮ ᠠᠵᠢᠯᠤᠨ ᠰᠢᠯᠲᠠᠭ᠋ᠠᠨ ᠤᠤ ᠪᠤᠰᠤ ᠤᠤ ᠭᠡᠳᠡᠭᠢ ᠢᠯᠭ᠋ᠠᠬᠤᠳᠤ ᠲᠦᠪᠡᠭᠲᠡᠢ ᠪᠤᠯᠬᠤᠷ ᠠᠵᠢᠯᠠᠴᠠ ᠪᠤᠯᠤᠭᠰᠠᠨ ᠭᠡᠮᠲᠤᠯᠢ ᠪᠠᠢ᠌ᠴᠠᠭ᠋ᠠᠬᠤ ᠪᠠ ᠭᠡᠷᠡᠴᠢ ᠠᠪᠬᠤᠳᠤ ᠬᠦᠴᠢᠷᠲᠠᠢ᠃ ᠦᠨᠡᠨᠳᠤᠪᠠᠨ ᠮᠠᠨᠤ ᠤᠯᠤᠰᠤᠨ ᠵᠢᠶᠠᠩᠰᠤ ᠮᠤᠵᠢ ᠵᠢᠨ ᠨᠠᠨᠲ᠋ᠦ᠋ᠡᠭ᠂ ᠲᠠᠢ᠌ᠽᠠᠡᠭ᠂ ᠱᠠᠨᠳᠦ᠋ᠩ ᠮᠤᠵᠢ ᠵᠢᠨ ᠸᠸᠡᠢ᠍ᠹᠠᠡᠭ ᠵᠡᠷᠭᠡ ᠤᠯᠠᠨ ᠭᠠᠵᠠᠷ ᠵᠶ᠋ᠠᠷ ᠠᠮᠢᠳᠤᠯᠢᠭ ᠴᠢᠯᠦᠭᠡᠲᠡᠢᠪᠠᠷ ᠠᠵᠢᠯᠤᠨ ᠪᠠᠢ᠌ᠷᠢᠳᠤ ᠭᠠᠷᠬᠤ ᠠᠵᠢᠯᠴᠢᠳᠤᠨ ᠠᠵᠢᠯᠠᠴᠠ ᠪᠤᠯᠤᠭᠰᠠᠨ ᠭᠡᠮᠲᠤᠯᠤᠨ ᠳᠠᠭ᠋ᠠᠳᠬᠠᠯᠤᠨ ᠲᠤᠷᠰᠢᠬᠤ ᠴᠡᠭᠤᠨ ᠲᠦᠷᠦ ᠵᠢᠨ ᠪᠤᠳᠤᠯᠭᠠ ᠶᠠᠪᠤᠭᠳᠠᠭᠤᠯᠵᠤ ᠦᠩᠭᠡᠷᠡᠭᠰᠡᠨ ᠪᠤᠯᠪᠠᠴᠤ ᠲᠡᠳᠦᠢ ᠬᠠᠨᠤᠮᠵᠢᠲᠠᠢ ᠪᠢᠰᠢ᠂ ᠭᠤᠤᠯ ᠰᠢᠯᠲᠠᠭ᠋ᠠᠨᠨᠢ ᠬᠢᠨᠠᠨ ᠲᠤᠭᠲᠠᠭ᠋ᠠᠯᠲᠠ ᠵᠢᠨ ᠬᠦᠴᠢᠷᠴᠡᠪᠠᠷ ᠶᠡᠬᠡᠠᠴᠠ ᠪᠤᠯᠵᠠᠢ᠃
ᠲᠠᠪᠴᠠᠩᠳᠤ ᠠᠵᠢᠯᠤᠨ ᠪᠠᠢ᠌ᠷᠢ ᠤᠯᠬᠤ ᠵᠢᠨ ᠤᠨᠴᠠᠯᠢᠭᠨᠢ ᠠᠮᠢᠳᠤᠯᠢᠭ᠂ ᠳᠦᠭᠦᠮ ᠠᠪᠰᠠᠷ᠂ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨ ᠦᠪᠡᠷᠤᠨ ᠠᠵᠢᠯᠯᠠᠬᠤ ᠴᠠᠭ ᠵᠶ᠋ᠠᠨ ᠰᠤᠩᠭᠤᠵᠤ ᠪᠤᠯᠬᠤ ᠤᠴᠢᠷᠠᠴᠠ ᠠᠵᠢᠯ ᠤᠯᠭᠤᠯᠲᠠ ᠵᠢᠨ ᠪᠠᠢ᠌ᠳᠠᠯᠨᠢ ᠲᠤᠭᠲᠠᠪᠤᠷᠢ ᠦᠭᠡᠢ ᠪᠠᠢ᠌ᠳᠠᠯᠲᠠᠢ ᠪᠠᠢ᠌ᠳᠠᠭ᠃ ᠲᠠᠪᠴᠠᠩᠤᠨ ᠠᠵᠤ ᠠᠬᠤᠢ ᠵᠢᠨ ᠴᠢᠳᠠᠮᠵᠢᠨᠢ ᠨᠡᠩ ᠤᠯᠠᠨ ᠠᠵᠢᠯᠤᠨ ᠪᠠᠢ᠌ᠷᠢ ᠬᠠᠩᠭ᠋ᠠᠳᠠᠭ᠃ ᠡᠨᠡᠨᠢ ᠠᠵᠢᠯ ᠠᠯᠳᠠᠬᠤ ᠳᠠᠭ᠋ᠠᠳᠬᠠᠯᠤᠨ ᠠᠵᠢᠯ ᠤᠯᠭᠤᠯᠲᠠ ᠵᠢ ᠠᠬᠢᠭᠤᠯᠬᠤ ᠴᠢᠳᠠᠮᠵᠢᠲᠠᠢ ᠠᠳᠠᠯᠢ ᠶᠤᠮ᠃ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠠᠵᠢᠯᠯᠠᠬᠤᠨᠢ ᠤᠨᠤᠯ ᠳᠡᠭᠡᠷᠡᠪᠠᠨ ᠬᠡᠮᠵᠢᠶᠡ ᠬᠢᠵᠠᠭ᠋ᠠᠷ ᠦᠭᠡᠢ᠂ ᠠᠵᠢᠯ ᠠᠯᠳᠠᠬᠤᠨᠢ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠳᠲᠠᠢ ᠳᠡᠮᠡᠢ ᠬᠠᠮᠢᠶᠠ ᠦᠭᠡᠢ ᠰᠢᠭ ᠶᠤᠮ᠃ ᠡᠢ᠌ᠮᠦᠠᠴᠠ᠂ ᠠᠵᠢᠯ ᠠᠯᠳᠠᠬᠤ ᠳᠠᠭ᠋ᠠᠳᠬᠠᠯᠨᠢ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠢ ᠠᠯᠪᠠᠳᠠᠯᠭᠠᠪᠠᠷ ᠤᠷᠤᠯᠴᠠᠭᠤᠯᠬᠤ ᠳᠠᠭ᠋ᠠᠳᠬᠠᠯᠤᠨ ᠲᠦᠷᠦᠯ ᠪᠤᠯᠭ᠋ᠠᠵᠤ ᠪᠤᠯᠬᠤ ᠦᠭᠡᠢ᠃
ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠢ ᠠᠵᠢᠯᠲᠠᠳᠤᠨ ᠨᠡᠢ᠌ᠭᠡᠮᠤᠨ
ᠳᠠᠭ᠋ᠠᠳᠬᠠᠯᠳᠤ ᠤᠷᠤᠯᠴᠠᠭᠤᠯᠬᠤ ᠲᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢᠨ ᠰᠠᠨᠠᠭᠤᠯᠭᠠ
ᠨᠢᠭᠡ᠂ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠤ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠠᠵᠢᠯᠯᠠᠬᠤ ᠴᠠᠭ ᠵᠶ᠋ᠠᠷᠨᠢ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠯᠴᠠᠬᠤ ᠡᠷᠬᠡ ᠪᠤᠯᠤᠨ ᠡᠭᠦᠷᠭᠡ ᠵᠢᠨᠢ ᠲᠤᠭᠲᠠᠭ᠋ᠠᠨᠠ
ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨ ᠪᠦᠬᠦᠯᠢ ᠡᠳᠦᠷ ᠵᠶ᠋ᠡᠷ ᠠᠵᠢᠯᠴᠢᠨ ᠬᠡᠷᠡᠭᠯᠡᠬᠦ ᠬᠢᠨᠡᠨ ᠲᠤᠭᠲᠠᠭ᠋ᠠᠯᠲᠠ ᠵᠢᠨ ᠨᠦᠬᠦᠴᠡᠯᠢ ᠦᠨᠳᠦᠰᠦᠯᠡᠨ ᠶᠠᠮᠠᠷ ᠨᠢᠭᠡᠨ ᠲᠠᠪᠴᠠᠩᠳᠤ ᠠᠵᠢᠯᠯᠠᠬᠤ ᠴᠠᠭᠨᠢ ᠬᠡᠷᠪᠡ ᠡᠳᠦᠷ ᠪᠦᠷᠢ 4 ᠴᠠᠭ᠂ ᠭᠠᠷᠠᠭ ᠪᠦᠷᠢ 24 ᠴᠠᠭᠠᠴᠠ ᠬᠡᠲᠦᠷᠡᠪᠡᠯ ᠠᠵᠢᠯᠲᠠᠳᠤᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠠᠯᠪᠠᠳᠠᠯᠭᠠᠪᠠᠷ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠯᠴᠠᠭᠰᠠᠨ ᠵᠶ᠋ᠠᠷ ᠦᠵᠡᠵᠦ ᠬᠠᠤᠯᠢ ᠵᠢᠨ ᠲᠤᠭᠲᠠᠭ᠋ᠠᠯ ᠶᠤᠰᠤᠭ᠋ᠠᠷ ᠲᠤᠰ ᠲᠠᠪᠴᠠᠩᠤᠨ ᠠᠵᠤ ᠠᠬᠤᠢ᠌ᠯᠠᠯ ᠪᠤᠯᠤᠨ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠨᠢ ᠬᠤᠪᠢ ᠬᠤᠪᠢᠪᠠᠷ ᠵᠶ᠋ᠠᠨ ᠬᠠᠷᠠᠭ᠋ᠠᠯᠵᠠᠭᠰᠠᠨ ᠲᠦᠯᠦᠪᠦᠷᠢ ᠲᠤᠰᠢᠶᠠᠬᠤ ᠬᠡᠷᠡᠭᠲᠡᠢ᠃ ᠤᠳᠤ ᠵᠢᠨ ᠮᠡᠷᠭᠡᠵᠢᠯᠤᠨ ᠨᠦᠬᠦᠴᠡᠯᠳᠤ᠂ ᠡᠢ᠌ᠮᠦᠷᠭᠦᠦ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠯᠴᠠᠬᠤ ᠪᠤᠯᠤᠨ ᠲᠦᠯᠦᠪᠦᠷᠢ ᠲᠤᠰᠢᠶᠠᠬᠤ ᠪᠠᠢ᠌ᠭᠤᠯᠤᠯᠨᠢ ᠠᠵᠢᠯᠯᠠᠬᠤᠢ᠌ᠴᠠ ᠴᠢᠨᠠᠷᠲᠠᠢ ᠪᠠᠢ᠌ᠨᠠ᠃ ᠢᠷᠡᠭᠡᠳᠦᠢᠳᠤ᠂ ᠲᠠᠪᠴᠠᠩᠤᠨ ᠠᠵᠤ ᠠᠬᠤᠢ᠌ᠯᠠᠯᠳᠤ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠤ ᠰᠦᠯᠵᠢᠶᠡᠨᠳᠤ ᠠᠵᠢᠯᠯᠠᠭᠰᠠᠨ ᠴᠠᠭᠢ ᠲᠡᠮᠳᠡᠭᠯᠡᠬᠦ ᠪᠦᠭᠡᠳ ᠵᠠᠬᠢᠶᠠᠯᠠᠭᠠ ᠵᠢᠨ ᠲᠠᠩᠰᠠ （订单） ᠪᠦᠷᠢᠠᠴᠠ ᠬᠤᠪᠢ ᠬᠦᠮᠦᠨᠤ ᠭᠠᠷᠭ᠋ᠠᠬᠤ ᠬᠡᠰᠡᠭᠢᠨᠢ ᠤᠷᠢᠳᠴᠢᠯᠠᠨ ᠬᠠᠰᠤᠵᠤ᠂ ᠬᠤᠢ᠌ᠰᠢᠲᠠ ᠰᠠᠷᠠ ᠪᠦᠷᠢ ᠨᠢᠭᠡ ᠤᠳᠠᠭᠠ ᠪᠦᠷᠢᠳᠬᠡᠵᠦ᠂ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠯᠴᠠᠵᠤ ᠪᠤᠯᠬᠤ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠢ ᠳᠠᠭ᠋ᠠᠳᠬᠠᠯᠤᠨ ᠠᠵᠢᠯ ᠬᠢᠳᠡᠭ ᠬᠡᠯᠲᠡᠰᠲᠤ ᠲᠠᠩᠰᠠᠯᠠᠬᠤ ᠪᠦᠭᠡᠳ ᠲᠠᠪᠴᠠᠩᠤᠨ ᠠᠵᠤ ᠠᠬᠤᠢ᠌ᠯᠠᠯᠤᠨ ᠳᠠᠭ᠋ᠠᠳᠬᠠᠯᠤᠨ ᠲᠦᠯᠦᠪᠦᠷᠢ ᠪᠤᠯᠤᠨ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠢ ᠤᠷᠤᠯᠠᠨ ᠬᠠᠰᠤᠭᠰᠠᠨ ᠳᠠᠭ᠋ᠠᠳᠬᠠᠯᠤᠨ ᠲᠦᠯᠦᠪᠦᠷᠢ ᠵᠢᠨᠢ ᠲᠤᠰᠢᠶᠠᠨᠠ᠃
ᠬᠤᠶᠠᠷ᠂ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠢ ᠠᠵᠢᠯᠲᠠᠳᠤᠨ ᠡᠮᠨᠡᠯᠭᠡ ᠵᠢᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯ ᠬᠢᠭᠡᠳ ᠲᠤᠰᠠᠭ᠋ᠠᠷ ᠡᠨᠳᠡᠯ ᠤᠰᠤᠯᠠᠭᠤᠨ ᠳᠠᠭ᠋ᠠᠳᠬᠠᠯᠳᠤ ᠠᠯᠪᠠᠳᠠᠯᠭᠠᠪᠠᠷ ᠤᠷᠤᠯᠴᠠᠭᠤᠯᠤᠨᠠ
ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠨᠢ ᠵᠢᠷᠤᠨ ᠬᠦᠳᠡᠯᠮᠦᠷᠢᠯᠡᠭᠴᠢᠲᠠᠢ ᠠᠳᠠᠯᠢᠬᠠᠨ ᠡᠮᠴᠢᠯᠡᠭᠡ ᠵᠢᠨ ᠳᠠᠭ᠋ᠠᠳᠬᠠᠯᠤᠨ ᠬᠡᠷᠡᠭᠴᠡᠭᠡ ᠱᠠᠭ᠋ᠠᠷᠳᠠᠯᠭᠠᠲᠠᠢ᠃ ᠤᠷᠲᠤ ᠬᠤᠭᠤᠴᠠᠭᠠᠪᠠᠷ ᠠᠵᠢᠯᠯᠠᠳᠠᠭ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠢ ᠠᠵᠢᠯᠲᠠᠳᠤᠨ ᠡᠮᠴᠢᠯᠡᠭᠡ ᠵᠢᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯᠳᠤ ᠠᠯᠪᠠᠳᠠᠯᠭᠠᠪᠠᠷ ᠤᠷᠤᠯᠴᠠᠭᠤᠯᠬᠤᠨᠢ ᠮᠠᠰᠢ ᠴᠢᠬᠤᠯᠠ ᠪᠦᠭᠡᠳ ᠶᠠᠪᠤᠭᠳᠠᠭᠤᠯᠵᠤ ᠪᠤᠯᠬᠤ ᠠᠵᠢᠯ ᠮᠦᠨ᠃ ᠮᠠᠨᠤ ᠤᠯᠤᠰ 《ᠪᠦᠬᠦ ᠢᠷᠭᠡᠳ ᠡᠮᠴᠢᠯᠡᠭᠡ ᠵᠢᠨ ᠳᠠᠭ᠋ᠠᠳᠬᠠᠯᠲᠠᠢ ᠪᠤᠯᠬᠤ》ᠠᠴᠠᠪᠠᠨ 《ᠪᠦᠬᠦ ᠢᠷᠭᠡᠳᠤᠨ ᠨᠢᠭᠡᠲᠦᠯᠲᠡᠢ ᠡᠮᠴᠢᠯᠡᠭᠡ ᠵᠢᠨ ᠳᠠᠭ᠋ᠠᠳᠬᠠᠯ》 ᠤᠷᠤᠭᠤ ᠰᠢᠯᠵᠢᠬᠦ ᠬᠠᠷᠠᠯᠲᠠ ᠵᠢ ᠪᠡᠶᠡᠯᠡᠭᠦᠯᠬᠦᠳᠤ ᠤᠷᠢᠳ ᠵᠶ᠋ᠠᠷ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠠᠴᠠ ᠭᠠᠷᠳᠠᠨ ᠬᠢᠵᠦ ᠪᠤᠯᠤᠨᠠ᠃ ᠠᠵᠢᠯᠲᠠᠳᠤᠨ ᠠᠵᠢᠯᠠᠴᠠ ᠪᠤᠯᠤᠭᠰᠠᠨ ᠭᠡᠮᠲᠤᠯᠤᠨ ᠳᠠᠭ᠋ᠠᠳᠬᠠᠯᠢ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠳᠤ ᠬᠡᠷᠡᠭᠯᠡᠬᠦᠳᠤ ᠲᠤᠬᠢᠷᠠᠮᠵᠢ ᠦᠭᠡᠢ᠃ ᠢᠷᠡᠭᠡᠳᠦᠢᠳᠤ᠂ ᠠᠵᠢᠯᠤᠨ ᠠᠶᠤᠯ ᠲᠦᠭᠰᠢᠭᠦᠷᠢᠪᠠᠷ ᠠᠳᠠᠯᠢᠬᠠᠨ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠤ ᠰᠦᠷᠦᠭᠵᠢᠯ （群体）ᠳᠤ ᠲᠤᠰᠬᠠᠢ ᠡᠨᠳᠡᠯ ᠤᠰᠤᠯᠤᠨ ᠳᠠᠭ᠋ᠠᠳᠬᠠᠯ ᠭᠠᠷᠭ᠋ᠠᠵᠤ ᠦᠭᠭᠦ ᠬᠡᠷᠡᠭᠲᠡᠢ᠃ ᠲᠦᠯᠦᠪᠦᠷᠢ ᠵᠢᠨ ᠨᠤᠷᠮᠠᠨᠢ ᠲᠤᠰ ᠠᠵᠢᠯ ᠲᠦᠷᠦᠯᠤᠨ ᠵᠶ᠋ᠡᠨ ᠭᠡᠰᠢᠭᠦᠳᠤᠨ ᠡᠯᠡ ᠠᠶᠤᠯ ᠲᠦᠭᠰᠢᠭᠦᠷᠢ ᠵᠢ ᠶᠡᠷᠦᠩᠬᠡᠢ᠌ᠯᠡᠨ ᠪᠤᠳᠤᠭᠰᠠᠨ ᠪᠠᠢ᠌ᠳᠠᠯᠳᠤ ᠰᠠᠭᠤᠷᠢᠯᠠᠵᠤ᠂ ᠠᠵᠢᠯᠤᠨ ᠰᠢᠯᠲᠠᠭ᠋ᠠᠨ ᠵᠶ᠋ᠠᠷ ᠢᠯᠭ᠋ᠠᠬᠤ ᠦᠭᠡᠢᠪᠠᠷ ᠡᠨᠳᠡᠯ ᠤᠰᠤᠯ ᠪᠦᠬᠦᠨᠳᠤ ᠨᠢᠭᠡᠲᠦᠯᠲᠡᠢ ᠤᠯᠭᠤᠮᠵᠢ ᠤᠯᠭᠤᠬᠤ ᠬᠡᠷᠡᠭᠲᠡᠢ᠃ ᠤᠳᠤ ᠵᠢᠨ ᠨᠡᠢ᠌ᠭᠡᠮᠤᠨ ᠨᠦᠬᠦᠴᠡᠯᠳᠤ ᠵᠤᠬᠢᠴᠠᠭᠤᠯᠤᠨ᠂ ᠤᠯᠤᠰᠤᠨ ᠭᠠᠢ᠌ᠯᠢ ᠵᠢᠨ ᠬᠡᠯᠲᠦᠷᠢᠭᠦᠯᠦᠯᠲᠡ ᠵᠢ ᠬᠦᠷᠲᠡᠬᠦ ᠡᠨᠳᠡᠯ ᠤᠰᠤᠯᠤᠨ ᠠᠷᠠᠯᠵᠢᠶᠠᠨᠤ ᠳᠠᠭ᠋ᠠᠳᠬᠠᠯ ᠭᠠᠷᠭ᠋ᠠᠬᠤ ᠵᠢ ᠪᠤᠳᠤᠯᠬᠢᠯᠠᠵᠤ ᠪᠤᠯᠤᠨᠠ᠃
ᠭᠤᠷᠪᠠ᠂ ᠡᠮᠴᠢᠯᠡᠭᠡ ᠵᠢᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯ ᠬᠢᠭᠡᠳ ᠨᠠᠰᠤᠵᠢᠯᠤᠨ ᠳᠠᠭ᠋ᠠᠳᠬᠠᠯᠤᠨ ᠳᠠᠪᠬᠤᠷᠳᠠᠵᠤ ᠪᠠᠢ᠌ᠭᠠ ᠠᠰᠠᠭᠤᠳᠠᠯᠢ ᠪᠤᠯᠭᠤᠮᠵᠢᠲᠠᠢ ᠰᠢᠢ᠍ᠳᠪᠦᠷᠢᠯᠡᠨᠡ
ᠲᠠᠪᠴᠠᠩᠳᠤ ᠠᠵᠢᠯᠯᠠᠬᠤᠨᠢ ᠨᠢᠭᠡ ᠵᠦᠢ᠍ᠯᠤᠨ ᠠᠮᠢᠳᠤᠯᠢᠭ ᠠᠵᠢᠯ ᠤᠯᠬᠤ ᠠᠷᠭᠠ ᠬᠡᠯᠪᠡᠷᠢ ᠪᠤᠯᠤᠭᠰᠠᠨ ᠤᠴᠢᠷᠠᠴᠠ ᠵᠠᠷᠢᠮ ᠬᠦᠳᠡᠯᠮᠦᠷᠢᠯᠡᠭᠴᠢ ᠬᠡᠳᠦᠨ ᠲᠦᠷᠦᠯᠤᠨ ᠠᠵᠢᠯ ᠬᠢᠬᠦ ᠪᠤᠯᠤᠮᠵᠢᠲᠠᠢ᠃ ᠨᠢᠭᠡ ᠠᠵᠢᠯᠲᠠᠨᠤ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠨᠢ ᠵᠦᠪᠬᠡᠨ ᠨᠢᠭᠡ ᠬᠦᠮᠦᠨᠤ ᠪᠡᠶᠡ ᠵᠢᠨ ᠦᠨᠡᠮᠯᠡᠬᠦᠲᠠᠢ ᠬᠠᠷᠠᠭ᠋ᠠᠯᠵᠠᠬᠤ ᠪᠤᠯᠬᠤᠷ ᠲᠠᠪᠬᠤᠴᠠᠭᠰᠠᠨ ᠬᠦᠳᠡᠯᠮᠦᠷᠢ ᠵᠢᠨ ᠬᠠᠷᠢᠴᠠᠭᠠᠨᠢ ᠠᠵᠢᠯᠲᠠᠳᠤᠨ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠳᠠᠪᠬᠤᠴᠠᠭᠰᠠᠨ ᠬᠠᠷᠢᠴᠠᠭᠠ ᠭᠠᠷᠬᠤ ᠦᠭᠡᠢ᠃ ᠰᠦᠯᠵᠢᠶᠡᠨᠳᠤ ᠪᠤᠯᠵᠤᠬᠤ ᠠᠵᠢᠯᠴᠢᠨᠨᠢ ᠬᠡᠷᠪᠡ ᠬᠤᠲᠠ ᠬᠦᠳᠡᠭᠡ ᠵᠢᠨ ᠰᠠᠭᠤᠭ᠋ᠠᠯᠢ ᠠᠷᠠᠳᠤᠨ ᠡᠮᠴᠢᠯᠡᠭᠡ ᠵᠢᠨ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠭᠰᠠᠨ ᠪᠦᠭᠡᠳ ᠠᠵᠢᠯᠲᠠᠳᠤᠨ ᠡᠮᠴᠢᠯᠡᠭᠡ ᠵᠢᠨ ᠳᠠᠭ᠋ᠠᠳᠬᠠᠯᠳᠤ ᠠᠯᠪᠠᠳᠠᠯᠭᠠᠪᠠᠷ ᠤᠷᠤᠬᠤ ᠨᠦᠬᠦᠴᠡᠯᠳᠤ ᠬᠦᠷᠦᠭᠰᠡᠨ ᠦᠶᠡᠳᠤ ᠡᠮᠴᠢᠯᠡᠭᠡ ᠵᠢᠨ ᠵᠠᠷᠤᠳᠠᠯ ᠭᠠᠷᠤᠭᠰᠠᠨ ᠪᠤᠯ ᠤᠯᠭᠤᠮᠵᠢ ᠵᠢᠨ ᠬᠢᠷᠢ ᠲᠦᠪᠰᠢᠨᠨᠢ ᠨᠡᠯᠢᠶᠡᠳ ᠦᠨᠳᠦᠷ ᠠᠵᠢᠯᠲᠠᠳᠤᠨ ᠡᠮᠴᠢᠯᠡᠭᠡ ᠵᠢᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯᠢ ᠰᠤᠩᠭᠤᠨ ᠲᠦᠯᠦᠪᠦᠷᠢ ᠲᠦᠯᠦᠬᠦ ᠵᠢᠨ ᠬᠠᠮᠲᠤ ᠠᠵᠢᠯᠲᠠᠳᠤᠨ ᠡᠮᠴᠢᠯᠡᠭᠡ ᠵᠢᠨ ᠦᠨᠳᠦᠰᠦᠨ ᠳᠠᠭ᠋ᠠᠳᠬᠠᠯᠳᠤ ᠤᠷᠤᠯᠴᠠᠵᠤ ᠪᠠᠢ᠌ᠭᠠ ᠬᠤᠭᠤᠴᠠᠭ᠋ᠠᠨᠳᠤᠪᠠᠨ ᠰᠠᠭᠤᠭ᠋ᠠᠯᠢ ᠠᠷᠠᠳᠤᠨ ᠡᠮᠴᠢᠯᠡᠭᠡ ᠵᠢᠨ ᠳᠠᠭ᠋ᠠᠳᠬᠠᠯᠠᠴᠠ ᠭᠠᠷᠬᠤ ᠬᠡᠷᠡᠭᠲᠡᠢ᠃ ᠰᠠᠭᠤᠭ᠋ᠠᠯᠢ ᠠᠷᠠᠳ ᠬᠢᠭᠡᠳ ᠠᠵᠢᠯᠲᠠᠳᠤᠨ ᠨᠠᠰᠤᠵᠢᠯᠤᠨ ᠳᠠᠭ᠋ᠠᠳᠬᠠᠯᠨᠢ ᠠᠳᠠᠯᠢ ᠪᠤᠰᠤ ᠢᠷᠭᠡᠳᠤᠨ ᠰᠦᠷᠦᠭᠵᠢᠯᠳᠤ ᠴᠢᠭᠯᠡᠭᠦᠯᠦᠭᠰᠡᠨ ᠪᠤᠯᠬᠤᠷ ᠲᠤᠰ ᠲᠤᠰᠤᠨ ᠵᠶ᠋ᠠᠨ ᠦᠪᠡᠷᠮᠢᠴᠡ ᠴᠢᠳᠠᠮᠵᠢᠲᠠᠢ᠃ ᠨᠢᠭᠡ ᠢᠷᠭᠡᠨ ᠠᠳᠠᠯᠢ ᠴᠠᠭ ᠡᠷᠢᠨᠳᠤ ᠬᠤᠶᠠᠷ ᠠᠳᠠᠯᠢ ᠪᠤᠰᠤ ᠪᠡᠶᠡ ᠭᠠᠷᠤᠯᠲᠠᠢ ᠪᠠᠢ᠌ᠵᠤ ᠪᠤᠯᠬᠤ ᠦᠭᠡᠢ᠃ ᠡᠢ᠌ᠮᠦᠠᠴᠠ ᠳᠠᠭ᠋ᠠᠳᠬᠠᠯ ᠳᠠᠪᠬᠤᠷᠳᠠᠭᠤᠯᠤᠨ ᠠᠪᠴᠤ ᠪᠤᠯᠬᠤ ᠦᠭᠡᠢ᠂ ᠳᠠᠭ᠋ᠠᠳᠬᠠᠯ ᠳᠠᠪᠬᠤᠷᠳᠠᠭᠰᠠᠨ ᠴᠦ᠍ ᠭᠡᠰᠡᠨ ᠬᠤᠶᠠᠷ ᠬᠤᠪᠢ ᠤᠯᠭᠤᠮᠵᠢ ᠠᠪᠴᠤ ᠪᠤᠯᠬᠤ ᠦᠭᠡᠢ ； ᠠᠳᠠᠯᠢ ᠪᠤᠰᠤ ᠴᠠᠭ ᠡᠷᠢᠨᠳᠤ᠂ ᠨᠢᠭᠡ ᠢᠷᠭᠡᠨ ᠬᠦᠮᠦᠨ ᠪᠡᠶᠡ ᠭᠠᠷᠤᠯᠤᠨ ᠬᠤᠪᠢᠷᠠᠯᠲᠠᠠᠴᠠᠪᠠᠨ ᠪᠤᠯᠵᠤ ᠬᠤᠶᠠᠷ ᠲᠦᠷᠦᠯᠤᠨ ᠪᠠᠢ᠌ᠭᠤᠯᠤᠯᠳᠤ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯ ᠵᠶ᠋ᠠᠨ ᠰᠤᠯᠢᠵᠤ ᠪᠤᠯᠤᠨᠠ᠃ ᠬᠤᠪᠢ ᠬᠦᠮᠦᠨᠤ ᠪᠠᠩᠬᠢ ᠵᠢᠨ ᠲᠠᠩᠰᠠᠨᠳᠠᠬᠢ ᠮᠦᠩᠭᠦᠪᠠᠨ ᠪᠠᠲᠤᠯᠠᠬᠤ ᠵᠢᠨ ᠳᠡᠭᠡᠷᠡ ᠨᠢᠭᠡ ᠪᠠᠢ᠌ᠭᠤᠯᠤᠯᠳᠠᠬᠢ ᠲᠦᠯᠦᠪᠦᠷᠢ ᠲᠦᠯᠦᠭᠰᠡᠨ ᠤᠨᠤ ᠬᠢᠵᠠᠭ᠋ᠠᠷᠯᠠᠯ ᠵᠶ᠋ᠠᠨ ᠨᠦᠭᠦᠭᠡ ᠪᠠᠢ᠌ᠭᠤᠯᠤᠯᠤᠨ ᠤᠨᠤ ᠬᠢᠵᠠᠭ᠋ᠠᠷᠯᠠᠯ ᠪᠤᠯᠭ᠋ᠠᠨ ᠨᠤᠭᠤᠯᠤᠨ ᠪᠤᠳᠤᠵᠤ ᠪᠤᠯᠤᠨᠠ᠃
）
ᠤᠷᠴᠢᠭᠤᠯᠤᠬ᠍ᠴᠢ ᠵᠢᠨ ᠬᠠᠶᠢᠭ᠄ ᠦᠪᠤᠷ ᠮᠤᠡᠭᠭᠤᠯᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ