ᠭᠠᠵᠠᠷ᠎ᠤᠨ ᠨᠡᠷ᠎ᠡ ᠵᠢᠨ ᠨᠤᠲᠠᠯᠠᠯᠲᠠ᠄ ᠬᠣᠣᠯᠢᠨ ᠭᠣᠣᠯ  

                          ᠸᠠᠩ ᠬᠠᠢ ᠹᠸᠩ ᠵᠤᠬᠢᠶᠠᠪᠠ

      ᠬᠣᠤᠯᠢᠨ ᠭᠣᠤᠯ ᠪᠣᠯ ᠰᠤᠩᠭ᠋ᠠᠷᠢ ᠮᠥᠷᠡᠨ᠎ᠤ ᠰᠠᠪᠠ ᠭᠠᠵᠠᠷ᠎ᠤᠨ ᠨᠤᠨ ᠮᠥᠷᠡᠨ᠎ᠤ ᠤᠰᠤᠨ ᠰᠢᠰᠲ᠋ᠧᠮ᠎ᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠥᠪᠥᠷ ᠮᠣᠩᠭᠣᠯ᠎ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ᠎ᠤ ᠲᠦᠩᠯᠢᠶᠣᠤ ᠬᠣᠲᠠ ᠵᠢᠨ ᠵᠠᠷᠤᠳ ᠬᠣᠰᠢᠭᠤᠨ᠎ᠤ   ᠲᠡᠬᠡ ᠵᠢᠨ ᠬᠠᠨ   ᠠᠭᠤᠯᠠ ᠵᠢᠨ ᠬᠣᠷᠮᠣᠶ᠎ᠠᠴᠠ ᠡᠬᠢ ᠠᠪᠴᠤ᠂ ᠬᠣᠣᠯᠢᠩᠭᠣᠣᠯ ᠬᠣᠲᠠ᠂ ᠬᠢᠩᠭ᠋ᠠᠨ ᠠᠢ᠌ᠮᠠᠭ᠎ᠤᠨ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤ᠎ᠪᠠᠷ ᠳᠡᠮᠵᠢᠨ᠂ ᠭᠢᠷᠢᠨ ᠮᠤᠵᠢ ᠵᠢᠨ ᠲᠦᠩ   ᠢᠣᠢ ᠰᠢᠶᠠᠨ᠂ ᠳ᠋ᠠ ᠠᠨ ᠰᠢᠶᠠᠨ ᠵᠶ᠋ᠠᠷ ᠤᠷᠤᠰᠤᠨ ᠥᠩᠭᠡᠷᠡᠭᠰᠡᠨ᠎ᠤ ᠳᠠᠷᠠᠭ᠎ᠠ᠂ ᠤᠰᠤᠨ ᠤᠷᠤᠰᠬᠠᠯ ᠠᠭ᠋ᠠᠵᠢᠮ ᠵᠶ᠋ᠠᠷ ᠳᠠᠷᠬᠠᠨ ᠠᠷᠢᠯᠳᠠᠭ᠃ ᠬᠣᠤᠯᠢᠨ ᠭᠣᠤᠯ ᠬᠣᠲᠠ ᠵᠢᠨ ᠬᠢᠯᠢ ᠳᠣᠲᠣᠷᠠᠬᠢ ᠴᠠᠭᠳᠠ ᠭᠣᠤᠯ᠂ ᠮᠠᠩᠭᠢᠷ ᠭᠣᠤᠯ᠂   ᠬᠡᠷᠡᠮᠲᠦ ᠭᠣᠤᠯ᠂ ᠪᠠᠷᠠᠭᠤᠨ ᠪᠤᠷᠭ᠋ᠠᠰᠤᠲᠠᠶ ᠭᠣᠤᠯ᠂ ᠬᠥᠨᠳᠡᠢ ᠵᠢᠨ ᠭᠣᠤᠯ ᠵᠡᠷᠭᠡ   ᠲᠠᠪᠤᠨ ᠵᠤᠷᠪᠤᠰ ᠳᠣᠲᠣᠭ᠋ᠠᠳᠤ ᠬᠠᠭᠤᠷᠠᠶ ᠭᠣᠤᠯ᠎ᠨᠢ ᠲᠣᠰ ᠭᠣᠤᠯ᠎ᠳᠤ ᠤᠷᠤᠰᠤᠨ ᠣᠷᠣᠵᠤ ᠪᠠᠢ᠌ᠨ᠎ᠠ᠃ ᠬᠣᠤᠯᠢᠨ ᠭᠣᠤᠯ᠎ᠤᠨ ᠭᠣᠤᠯ ᠤᠷᠤᠰᠬᠠᠯ᠎ᠤᠨ ᠪᠥᠬᠥ ᠣᠷᠳᠣ᠎ᠨᠢ 590 ᠺᠢᠯᠣᠮᠧᠲᠷ᠂ ᠰᠠᠪᠠ ᠭᠠᠵᠠᠷ᠎ᠤᠨ ᠲᠠᠯᠠᠪᠠᠶ᠎ᠨᠢ 27840 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ᠂ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ᠎ᠤ ᠬᠢᠯᠢ ᠳᠣᠲᠣᠷᠠᠬᠢ ᠣᠷᠳᠣ᠎ᠨᠢ 258 ᠺᠢᠯᠣᠮᠧᠲᠷ᠂ ᠰᠠᠪᠠ ᠭᠠᠵᠠᠷ᠎ᠤᠨ ᠲᠠᠯᠠᠪᠠᠶ᠎ᠨᠢ 14113 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠪᠣᠯᠤᠨ᠎ᠠ᠃ ᠲᠡᠭᠦᠨ᠎ᠤ ᠭᠣᠣᠯ ᠴᠢᠳᠬᠤᠯᠠᠩ ᠭᠡᠪᠡᠯ ᠵᠠᠢ᠌ᠰᠠᠩᠳᠤ ᠭᠣᠣᠯ᠂ ᠬᠥᠨᠳᠡᠯᠡᠨ ᠭᠣᠣᠯ᠂ ᠵᠡᠭᠦᠨ ᠵᠢᠷᠢᠮ ᠭᠣᠣᠯ᠂ ᠳᠤᠮᠳᠠ ᠤᠰᠤ᠂ ᠪᠠᠶᠠᠨ ᠬᠠᠷ᠎ᠠ ᠭᠣᠣᠯ ᠵᠡᠷᠭᠡ ᠲᠠᠪᠤᠨ ᠵᠤᠷᠪᠤᠰ ᠪᠠᠢ᠌ᠩᠭᠤ ᠵᠢᠨ ᠤᠷᠤᠰᠬᠠᠯ ᠭᠣᠣᠯ ᠪᠣᠯᠤᠨ᠎ᠠ  ᠃ ᠬᠢᠩᠭ᠋ᠠᠨ ᠠᠢ᠌ᠮᠠᠭ᠎ᠤᠨ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ ᠬᠠᠷᠢᠶᠠᠨ  ᠎ᠳᠤ᠎ᠬᠢ   ᠬᠠᠮᠤᠭ᠎ᠤᠨ ᠶᠡᠬᠡ ᠭᠣᠤᠯ ᠮᠥᠷᠡᠨ ᠪᠤᠯᠤᠨ᠎ᠠ᠃
    ᠬᠣᠣᠯᠢᠨ ᠭᠣᠣᠯ ᠎ᠢ ᠤᠳᠤ ᠬᠢᠲᠠᠳ ᠬᠡᠯᠡᠨ  ᠎ᠳᠤ  《霍林郭勒》 ᠭᠡᠵᠦ   ᠣᠷᠴᠢᠭᠤᠯᠤᠨ ᠪᠢᠴᠢᠳᠡᠭ᠃ ᠲᠡᠦᠬᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ᠎ᠲᠤ  《合河》᠂ 《鹤五河》᠂ 《霍勒河》᠂ 《哈古勒河》᠂ 《哈果伦河》 ᠵᠡᠷᠭᠡ ᠣᠯᠠᠨ ᠵᠦᠢ᠍ᠯ᠎ᠤᠨ ᠲᠡᠮᠳᠡᠭᠯᠡᠯ ᠪᠠᠢ᠌ᠳᠠᠭ᠃   ᠬᠣᠤᠯᠢᠨ ᠭᠣᠤᠯ᠎ᠤᠨ ᠦᠭᠡ ᠵᠢᠨ ᠤᠳᠬ᠎ᠠ ᠵᠢᠨ ᠲᠤᠬᠠᠶ  《  ᠴᠠᠢ ᠬᠤᠭᠤᠯᠠ ᠵᠢᠨ  》᠂  《ᠠᠯᠤᠰ ᠬᠣᠯᠠ ᠵᠢᠨ  》᠂  《ᠬᠤᠭᠤᠷ᠎ᠤᠨ  》᠂  《ᠬᠠᠪᠤᠷ᠎ᠤᠨ  》᠂  《  ᠬᠤᠭᠤᠯᠡᠢ ᠵᠢᠨ  》 ᠵᠡᠷᠭᠡ ᠣᠯᠠᠨ ᠵᠦᠢᠯ᠎ᠤᠨ ᠬᠡᠯᠡᠯᠭᠡ ᠪᠠᠢ᠍ᠨ᠎ᠠ᠃
    ᠨᠤᠲᠠᠯᠠᠭᠰᠠᠨ᠎ᠢ ᠦᠨᠳᠦᠰᠦᠯᠡᠪᠡᠯ᠂ ᠬᠣᠣᠯᠢᠨ ᠭᠣᠣᠯ  ᠎ᠤᠨ ᠰᠠᠪᠠ ᠭᠠᠵᠠᠷ ᠨᠡᠯᠢᠶᠡᠳ ᠥᠷᠭᠡᠨ᠂ ᠰᠠᠯᠪᠤᠷᠢ ᠤᠷᠤᠰᠬᠠᠯ ᠨᠡᠯᠢᠶᠡᠳ ᠤᠯᠠᠨ᠂ ᠲᠡᠦᠬᠡ ᠵᠢᠨ ᠳᠠᠭᠤᠳᠠᠯᠭ᠎ᠠ ᠠᠳᠠᠯᠢ ᠦᠭᠡᠢ᠂ ᠤᠳᠬ᠎ᠠ᠎ᠨᠢ ᠪᠠᠯᠠᠷᠬᠠᠢ ᠪᠠᠢ᠌ᠳᠠᠭ᠃ ᠭᠣᠣᠯᠳᠠᠭᠤ ᠳᠣᠣᠷᠠᠬᠢ ᠲᠠᠪᠤᠨ ᠵᠦᠢ᠍ᠯ᠎ᠤᠨ ᠬᠡᠯᠡᠯᠭᠡ ᠪᠤᠢ᠃
    ᠨᠢᠭᠡ  ᠂   ᠬᠣᠭᠤᠯᠡ ᠣᠮᠳᠠ ᠭᠡᠬᠦ ᠣᠳᠬ᠎ᠠ᠎ᠠᠴᠠ ᠢᠷᠡᠯᠲᠡᠢ ᠭᠡᠬᠦ ᠦᠵᠡᠯᠲᠡ  
    ᠴᠢᠩ ᠤᠯᠤᠰ᠎ᠤᠨ ᠦᠶ᠎ᠡ ᠵᠢᠨ  《ᠮᠣᠩᠭᠣᠯ᠎ᠤᠨ   ᠬᠤᠰᠢᠭᠤ ᠨᠤᠳᠤᠭ᠎ᠤᠨ ᠲᠡᠮᠳᠡᠭᠯᠡᠯ  》  ᠎ᠳᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠬᠢᠲᠠᠳ ᠪᠢᠴᠢᠯᠭᠡ 《哈古勒河  》 ᠵᠢ ᠮᠣᠩᠭᠣᠯ   ᠬᠡᠯᠡᠨ᠎ᠳᠤ 《ᠬᠠᠭᠤᠯ ᠭᠣᠣᠯ  》 ［1］   ᠭᠡᠵᠤ ᠲᠡᠮᠳᠡᠭᠯᠡᠵᠦ᠂   ᠪᠠᠳᠠᠷᠠᠭᠤᠯᠲᠤ ᠲᠦᠷᠦ ᠵᠢᠨ ᠭᠤᠴᠢᠨ ᠳᠥᠷᠪᠡᠳᠦᠭᠡᠷ ᠣᠨ᠎ᠤ  《ᠲᠦᠰᠢᠶᠡᠲᠦ ᠸᠠᠩ᠎ᠤᠨ ᠬᠣᠰᠢᠭᠤᠨ᠎ᠤ ᠭᠠᠵᠠᠷ᠎ᠤᠨ ᠵᠢᠷᠤᠭ  》 ［2］ ᠵᠢᠴᠢ  《ᠵᠢᠷᠢᠮ᠎ᠤᠨ ᠴᠢᠭᠤᠯᠭ᠋ᠠᠨ᠎ᠤ ᠨᠤᠨ   ᠠᠷᠪᠠᠨ ᠬᠣᠰᠢᠭᠤᠨ᠎ᠤ ᠲᠦᠰᠢᠶᠡᠲᠦ   ᠬᠣᠰᠢᠭᠤᠨ᠎ᠤ   ᠵᠢᠷᠤᠭ  》  ᠎ᠢ   ᠲᠡᠯᠭᠡᠨ ᠦᠵᠡᠪᠡᠯ᠂ ᠭᠠᠵᠠᠷ᠎ᠤᠨ ᠵᠢᠷᠤᠭ ᠳᠡᠭᠡᠷ᠎ᠡ ᠦᠨᠡᠬᠡᠷ  《ᠬᠠᠬᠤᠯ ᠭᠤᠤᠯ  》 ᠪᠠ 《ᠬᠠᠭᠤᠯ᠎ᠤᠨ ᠭᠣᠣᠯ  》 ［3］   ᠭᠡᠬᠦ ᠮᠡᠲᠦ ᠵᠢᠨ ᠨᠡᠷ᠎ᠡ᠎ᠲᠠᠢ ᠭᠣᠣᠯ ᠮᠥᠷᠡᠨ   ᠪᠠᠢ᠌ᠳᠠᠭ ᠪᠦᠭᠡᠳ ᠭᠠᠵᠠᠷ᠎ᠤᠨ ᠪᠠᠢ᠌ᠴᠠ᠎ᠨᠢ ᠮᠦᠨ ᠤᠳᠤ ᠵᠢᠨ ᠬᠤᠤᠯᠢᠨ   ᠭᠤᠤᠯ᠎ᠤᠨ ᠭᠠᠵᠠᠷ᠎ᠤᠨ ᠪᠠᠢ᠌ᠴᠠ᠎ᠲᠠᠢ ᠨᠡᠢ᠌ᠴᠡᠵᠤ ᠪᠤᠢ᠃ ᠰᠠᠳᠠ ᠺᠤᠤᠵᠢᠷᠣᠣ ᠵᠢᠨ  《ᠲᠦᠰᠢᠶᠡᠲᠦ ᠴᠢᠨ ᠸᠠᠩ᠎ᠤᠨ ᠬᠡᠷᠡᠭ ᠶᠠᠪᠤᠳᠠᠯ  》  ᠎ᠳᠠᠬᠢ  《ᠬᠣᠤᠯᠢᠨ ᠭᠣᠤᠯ  》 ᠭᠡᠳᠡᠭ ᠦᠭᠡ ᠵᠢᠨ ᠤᠳᠬ᠎ᠠ ᠵᠢ  ᠄ 《ᠨᠤᠲᠤᠭ᠎ᠤᠨ ᠬᠦᠮᠦᠰ᠎ᠤᠨ ᠬᠡᠯᠡᠬᠦ᠎ᠪᠠᠷ ᠤᠮᠳᠠᠭ᠋ᠠᠨ᠎ᠤ   ᠬᠠᠩᠭ᠋ᠠᠯᠲᠠ ᠪᠤᠯᠤᠨ᠎ᠠ》  ［4］ ᠭᠡᠵᠦ ᠲᠠᠢ᠌ᠯᠪᠤᠷᠢᠯᠠᠵᠠᠶ᠃ ᠡᠭᠦᠨ᠎ᠳᠤ 《ᠬᠤᠤᠯᠢᠨ ᠭᠤᠤᠯ》᠎ᠤᠨ ᠤᠳᠬ᠎ᠠ ᠵᠢ 《ᠣᠮᠳᠠᠭ᠋ᠠᠨ》 ᠭᠡᠵᠤ   ᠲᠠᠢ᠌ᠯᠪᠦᠷᠢᠯᠠᠭᠰᠠᠨ ᠪᠦᠭᠡᠳ 《ᠬᠤᠤᠯᠢᠨ》᠎ᠨᠢ 《ᠬᠤᠭᠤᠯᠠ hccl  》  ） ᠭᠡᠬᠦ ᠳᠠᠭᠤᠳᠠᠯᠭ᠎ᠠ ᠵᠢᠨ   ᠬᠤᠪᠢᠷᠠᠯ ᠭᠡᠵᠤ ᠦᠵᠡᠵᠡᠢ  ᠃ ᠭᠡᠪᠡᠴᠦ ᠡᠨᠡ ᠳ᠋ᠦᠩᠨᠡᠯᠲᠡ᠎ᠨᠢ ᠪᠠᠰᠠ ᠪᠤᠳᠠᠲᠠᠢ ᠪᠠᠢ᠌ᠴᠠᠭ᠋ᠠᠯᠲᠠ ᠬᠢᠬᠦ ᠳᠤᠮᠳᠠ᠎ᠪᠠᠨ ᠲᠤᠬᠠᠢ ᠵᠢᠨ ᠭᠠᠵᠠᠷ᠎ᠤᠨ ᠬᠥᠮᠦᠰ᠎ᠤᠨ ᠬᠡᠯᠡᠬᠦ ᠵᠢ ᠰᠣᠨᠣᠰᠤᠭᠰᠠᠨ᠎ᠠᠴᠠ ᠪᠢᠰᠢ᠂ ᠣᠨᠣᠪᠴᠢᠲᠠᠢ   ᠰᠣᠷᠪᠤᠯᠵᠢ ᠪᠢᠴᠢᠭ᠎ᠤᠨ ᠪᠠᠷᠢᠮᠲᠠ ᠦᠭᠡᠢ ᠶᠤᠮ᠃  《ᠳᠤᠮᠳᠠᠳᠤ ᠤᠯᠤᠰ᠎ᠤᠨ ᠭᠠᠵᠠᠷ᠎ᠤᠨ ᠨᠡᠷ᠎ᠡ ᠵᠢᠨ ᠬᠤᠪᠢᠰᠤᠯᠲᠠ ᠵᠢᠨ ᠭᠠᠷ ᠳᠡᠪᠲᠡᠷ — 1912 ᠣᠨ᠎ᠠᠴᠠ ᠨᠠᠭ᠋ᠠᠰᠢᠬᠢ ᠮᠤᠵᠢ ᠬᠣᠲᠠ ᠰᠢᠶᠠᠨ᠎ᠤ ᠰᠢᠨ᠎ᠡ ᠬᠠᠭᠤᠴᠢᠨ ᠭᠠᠵᠠᠷ᠎ᠤᠨ ᠨᠡᠷ᠎ᠡ》  ᠎ᠳᠤ᠄  《ᠬᠣᠤᠯᠢᠨ ᠭᠣᠤᠯ  》᠎ᠤᠨ 《ᠬᠤᠤᠯᠢᠨ》 ᠭᠡᠬᠦ ᠦᠭᠡ ᠪᠤᠯ ᠮᠣᠩᠭᠣᠯ ᠬᠡᠯᠡ ᠮᠥᠨ᠂ ᠬᠢᠲᠠᠳ ᠵᠶ᠋ᠠᠷ  《霍林》 ᠭᠡᠵᠦ ᠣᠷᠴᠢᠭᠤᠯᠵᠤ᠂  《ᠠᠮᠲᠠᠲᠤ ᠬᠣᠭᠣᠯᠠ   ᠰᠢᠭ᠋ ᠭᠣᠤᠯ   ᠭᠡᠰᠡᠨ ᠤᠳᠬ᠎ᠠ᠎ᠲᠠᠢ   ᠪᠠᠢ᠌ᠵᠤ᠂ ᠬᠣᠤᠯᠢᠨ ᠭᠣᠤᠯ ᠡᠭᠦᠨ᠎ᠠᠴᠠ ᠪᠣᠯᠵᠣ ᠢᠩᠭᠢᠵᠦ ᠨᠡᠷᠡᠯᠡᠭᠳᠡᠪᠡ  》 ［5］ ᠭᠡᠵᠦ ᠲᠠᠢ᠌ᠯᠪᠤᠷᠢᠯᠠᠵᠠᠶ᠃ 《ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ᠎ᠤ ᠭᠠᠵᠠᠷ᠎ᠤᠨ ᠨᠡᠷ᠎ᠡ ᠵᠢᠨ ᠣᠢ᠌ᠯᠠᠯᠭ᠎ᠠ》  ᠎ᠳᠤ᠂   ᠭᠦᠩᠵᠦ ᠵᠢᠨ ᠳᠠᠪᠠᠭ᠋ᠠᠨ᠎ᠠᠴᠠ ᠣᠯᠳᠠᠭᠰᠠᠨ ᠴᠢᠯᠠᠭᠤᠨ ᠬᠥᠰᠢᠢ᠎ᠡ ᠳᠡᠭᠡᠷ᠎ᠡ  《ᠴᠠ·   ᠬᠠᠬᠤᠯ ᠭᠣᠣᠯ  》 ［6］ ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠪᠠᠢ᠌ᠳᠠᠭ ᠭᠡᠰᠡᠨ ᠪᠦᠭᠡᠳ ᠡᠨᠡ᠎ᠨᠢ  《ᠴᠠᠢ   ᠬᠣᠭᠤᠯᠡ ᠵᠢᠨ ᠭᠣᠣᠯ  》 ᠭᠡᠰᠡᠨ ᠤᠳᠬ᠎ᠠ᠎ᠲᠠᠢ ᠭᠡᠰᠡᠨ ᠪᠦᠭᠡᠳ  《ᠬᠣᠣᠯᠢᠨ ᠭᠣᠣᠯ  》 ᠭᠡᠬᠦ ᠦᠭᠡ᠎ᠨᠢ ᠮᠣᠩᠭᠣᠯ ᠬᠡᠯᠡᠨ᠎ᠠᠴᠠ ᠢᠷᠡᠯᠲᠡᠢ ᠭᠡᠵᠦ   ᠦᠵᠡᠵᠡᠢ᠃  《ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ᠎ᠤ ᠰᠣᠶᠣᠯ ᠲᠡᠦᠬᠡ ᠵᠢᠨ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ  》  ᠎ᠤᠨ ᠳᠣᠯᠣᠳᠤᠭ᠋ᠠᠷ ᠳᠡᠪᠲᠡᠷ᠎ᠤᠨ ᠭᠠᠵᠠᠷ᠎ᠤᠨ ᠨᠡᠷ᠎ᠡ ᠵᠢᠨ ᠤᠳᠬ᠎ᠠ ᠵᠢ ᠲᠠᠢ᠌ᠯᠪᠤᠷᠢᠯᠠᠭᠰᠠᠨ ᠠᠭᠤᠯᠭ᠎ᠠ ᠵᠢᠴᠢ ᠨᠠᠢ᠍ᠮᠠᠳᠤᠭ᠋ᠠᠷ ᠳᠡᠪᠲᠡᠷ᠎ᠤᠨ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ᠎ᠤ ᠭᠣᠣᠯ ᠮᠥᠷᠡᠨ᠎ᠤ ᠡᠬᠢ ᠰᠤᠷᠪᠤᠯᠵᠢ ᠵᠢᠨ ᠪᠠᠢ᠌ᠴᠠᠭ᠋ᠠᠯᠲᠠ ᠳᠤᠮᠳᠠ ᠪᠦᠷ ᠲᠡᠭᠡᠷᠡᠬᠢ ᠴᠢᠯᠠᠭᠤᠨ ᠬᠥᠰᠢᠢ᠎ᠡ ᠵᠢᠨ ᠪᠢᠴᠢᠭᠡᠰᠦ ᠪᠤᠯᠬᠤ  《ᠴᠠ· ᠬᠠᠬᠤᠯ ᠭᠣᠣᠯ  》  ᠎ᠤᠨ   ᠤᠴᠠᠷ᠎ᠢ ᠳᠤᠷᠠᠳᠴᠠᠢ᠃ 1946 ᠣᠨ᠎ᠤ  《ᠪᠠᠷᠠᠭᠤᠨ ᠬᠣᠷᠴᠢᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ᠎ᠤ ᠪᠦᠷᠢᠨ ᠵᠢᠷᠤᠭ  》  ᠎ᠲᠤ ᠲᠤᠰ ᠭᠣᠣᠯ᠎ᠤᠨ ᠨᠡᠷ᠎ᠡ ᠵᠢᠨ  《ᠴᠠ》  ᠎ᠢ ᠬᠠᠰᠤᠵᠤ  《ᠬᠠᠭᠤᠯ ᠭᠣᠣᠯ  》 ［7］   ᠭᠡᠵᠦ ᠲᠡᠮᠳᠡᠭᠯᠡᠪᠡ᠃ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ᠎ᠤ ᠤᠤᠯ᠎ᠤᠨ ᠬᠣᠰᠢᠭᠤᠨ ᠳᠠᠷᠤᠭ᠎ᠠ ᠡᠷᠳᠡᠨᠢᠸᠴᠢᠷ ᠎ᠢ ᠰᠣᠷᠪᠤᠯᠵᠢᠯᠠᠭᠰᠠᠨ ᠵᠶ᠋ᠠᠷ ᠬᠢᠷᠢᠨ ᠬᠤᠲᠠᠨ᠎ᠳᠤ ᠠᠵᠢᠯᠯᠠᠵᠤ ᠪᠠᠢ᠌ᠬᠤ  ᠎ᠳᠤ᠎ᠪᠠᠨ᠂ ᠭᠢᠷᠢᠨ ᠮᠤᠵᠢ ᠵᠢᠨ ᠮᠦᠽᠧᠶ᠎ᠳᠤ ᠲᠤᠰ ᠬᠥᠰᠢᠶᠡᠨ᠎ᠤ ᠪᠢᠴᠢᠭ᠎ᠢ ᠣᠯᠵᠤ ᠦᠵᠡᠪᠡ   ᠭᠡᠵᠣ ᠶᠠᠷᠢᠭᠰᠠᠨ ᠪᠠᠢ᠌ᠨ᠎ᠠ᠃ ᠲᠤᠰ ᠬᠥᠰᠢᠶᠡᠨ᠎ᠤ ᠪᠢᠴᠢᠭ᠎ᠲᠤ  《  ᠬᠠᠬᠤᠯ ᠭᠣᠣᠯ》 ᠭᠡᠵᠦ ᠲᠡᠮᠳᠡᠭᠯᠡᠵᠦ᠂ ᠬᠢᠲᠠᠳ ᠵᠶ᠋ᠠᠷ  《哈古拉河》 ᠭᠡᠵᠦ ᠣᠷᠴᠢᠭᠤᠯᠪᠠ᠃   ᠡᠭᠦᠨ᠎ᠠᠴᠠ ᠪᠢᠳᠡ ᠴᠢᠯᠠᠭᠤᠨ ᠬᠥᠰᠢᠶᠡᠨ ᠳᠡᠭᠡᠷ᠎ᠡ  《  ᠴᠠ· ᠬᠠᠬᠤᠯ ᠭᠣᠣᠯ  》 ᠭᠡᠰᠡᠨ   ᠬᠡᠯᠪᠡᠷᠢ  ᠎ᠪᠠᠷ   ᠪᠢᠴᠢᠭᠳᠡᠭᠰᠡᠨ ᠭᠡᠵᠤ ᠪᠠᠳᠤᠲᠠᠢ ᠬᠡᠯᠡᠬᠦ᠎ᠳᠤ ᠪᠡᠷᠬᠡ ᠪᠠᠢ᠌ᠨ᠎ᠠ᠃
      ᠬᠣᠶᠠᠷ᠂   ᠠᠯᠤᠰ ᠬᠤᠯᠠ ᠭᠡᠬᠦ ᠣᠳᠬ᠎ᠠ᠎ᠠᠴᠠ ᠢᠷᠡᠯᠲᠡᠢ ᠭᠡᠬᠦ ᠦᠵᠡᠯᠲᠡ
   《ᠵᠢᠷᠢᠮ᠎ᠤᠨ ᠴᠢᠭᠤᠯᠭ᠋ᠠᠨ᠎ᠤ ᠠᠷᠪᠠᠨ ᠬᠣᠰᠢᠭᠤᠨ᠎ᠤ ᠪᠠᠢ᠌ᠴᠠᠭ᠋ᠠᠯᠲᠠ ᠵᠢᠨ ᠮᠡᠳᠡᠭᠦᠯᠦᠯᠲᠡ ᠵᠢᠨ ᠪᠢᠴᠢᠭ》 （ᠳᠡᠭᠡᠳᠦ）  ᠎ᠲᠤ ᠲᠡᠮᠳᠡᠭᠯᠡᠭᠰᠡᠨ᠎ᠢ ᠦᠨᠳᠦᠰᠦᠯᠡᠪᠡᠯ᠄  《ᠵᠣᠨ ᠨᠠᠮᠤᠷ ᠪᠣᠷᠣᠭ᠋ᠠᠨ᠎ᠤ ᠤᠯᠠᠷᠢᠯ ᠭᠣᠣᠯ ᠮᠥᠷᠡᠨ ᠤᠷᠤᠰᠤᠨ᠎ᠠ᠂ ᠤᠰᠤ ᠡᠪᠡᠰᠦ᠂ ᠵᠢᠱ᠌ᠢᠶᠡᠯᠡᠪᠡᠯ᠂   ᠬᠣᠯᠡ （霍勒） ᠭᠣᠣᠯ᠎ᠤᠨ ᠪᠣᠷᠣᠭ᠋ᠠᠨ᠎ᠤ ᠡᠷᠭᠢ᠎ᠳᠠᠬᠢ   ᠬᠦᠬᠡ ᠨᠠᠭᠤᠢ ᠰᠦᠮ᠎ᠡ ᠵᠢᠨ ᠪᠠᠶᠠᠨᠵᠤᠯᠠ ᠵᠢᠨ ᠡᠯ᠎ᠡ   ᠨᠠᠭᠤᠷ ᠴᠦᠩᠬᠦᠯ᠎ᠨᠢ ᠡᠪᠦᠯ᠎ᠤᠨ ᠮᠥᠰᠥ ᠬᠥᠯᠳᠡᠭᠰᠡᠨ ᠎ᠤ ᠲᠠᠷᠠᠭ᠎ᠠ ᠠᠢ᠌ᠯ ᠲᠣᠰᠬᠣᠨ  ᠎ᠳᠤ᠎ᠪᠠᠨ ᠪᠤᠴᠠᠨ᠎ᠠ》 ［8］᠃  《霍勒  》   ᠭᠡᠬᠦ ᠦᠭᠡᠨ᠎ᠠᠴᠠ ᠮᠣᠩᠭᠣᠯ ᠦᠭᠡ ᠵᠢ᠎ᠨᠢ   ᠰᠡᠷᠭᠦᠭᠡᠪᠡᠯ 《ᠬᠣᠯᠡ》 ᠪᠣᠯᠤᠨ᠎ᠡ᠃ 《  ᠬᠤᠤᠯᠢᠨ》᠎ᠨᠢ  《ᠬᠤᠯᠡ》 ᠵᠢᠨ ᠬᠤᠪᠢᠷᠠᠯ ᠭᠡᠵᠤ ᠦᠵᠡᠵᠡᠢ᠂ ᠤᠴᠢᠷ᠎ᠨᠢ ᠡᠨᠳᠡ ᠡᠪᠦᠯ᠎ᠳᠤ᠎ᠪᠠᠨ ᠬᠠᠬᠢᠷ ᠬᠦᠢ᠍ᠲᠡᠨ᠂ ᠵᠢᠯ  ᠎ᠳᠤ᠎ᠪᠠᠨ ᠰᠠᠭᠤᠵᠤ ᠳᠡᠢ᠌ᠯᠬᠦ ᠦᠭᠡᠢ   ᠲᠦᠢ᠍ᠯ᠎ᠤᠨ ᠠᠯᠤᠰ ᠬᠣᠯᠠ ᠪᠠᠢ᠌ᠨ᠎ᠠ   ᠭᠡᠵᠦ ᠦᠵᠡᠳᠡᠭ᠃ ᠡᠨᠡ ᠬᠦ᠌ ᠵᠦᠢ᠍ᠴᠢᠯᠡᠯ᠎ᠨᠢ ᠮᠥᠨ ᠴᠦ᠍ ᠨᠠᠢ᠌ᠳᠠᠪᠤᠷᠢᠲᠠᠢ ᠦᠨᠳᠦᠰᠦ ᠪᠠᠷᠢᠮᠲᠠ ᠦᠭᠡᠢ ᠶᠤᠮ᠃
      ᠭᠤᠷᠪᠡ  ᠂   ᠬᠤᠭᠤᠷ ᠭᠡᠬᠦ ᠭᠡᠬᠦ ᠣᠳᠬ᠎ᠠ᠎ᠠᠴᠠ ᠢᠷᠡᠯᠲᠡᠢ ᠭᠡᠬᠦ ᠦᠵᠡᠯᠲᠡ
  《ᠳᠤᠮᠳᠠᠳᠤ ᠤᠯᠤᠰ᠎ᠤᠨ ᠭᠠᠵᠠᠷ᠎ᠤᠨ ᠨᠡᠷ᠎ᠡ ᠵᠢᠨ ᠢᠷᠡᠯ ᠭᠠᠷᠤᠯ᠎ᠤᠨ ᠲᠣᠯᠢ  》  ᠎ᠳᠤ ᠲᠡᠮᠳᠡᠭᠯᠡᠭᠰᠡᠨ ᠵᠶ᠋ᠡᠷ᠄  《ᠬᠣᠤᠯᠢᠨ ᠭᠣᠤᠯ ᠥᠪᠥᠷ ᠮᠣᠩᠭᠣᠯ᠎ᠤᠨ ᠵᠢᠷᠢᠮ ᠠᠢ᠌ᠮᠠᠭ᠎ᠤᠨ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ᠎ᠳᠤ ᠪᠣᠶ᠂ ᠰᠤᠶᠤᠯᠵᠢ ᠠᠭᠤᠯᠠ᠎ᠠᠴᠠ ᠡᠬᠢ ᠠᠪᠴᠤ᠂ ᠤᠰᠤᠨ ᠤᠷᠤᠰᠬᠠᠯ ᠬᠤᠭᠤᠷ ᠲᠠᠲᠠᠵᠤ ᠪᠠᠢ᠌ᠭ᠎ᠠ ᠮᠡᠲᠦ ᠪᠣᠯᠬᠣᠷ ᠲᠡᠭᠡᠵᠤ ᠨᠡᠷᠡᠢ᠌ᠳᠴᠡᠢ ᠭᠡᠰᠡᠨ ᠤᠯᠠᠮᠵᠢᠯᠠᠯ᠎ᠲᠠᠢ᠃ ᠡᠰᠡᠬᠦᠯ᠎ᠡ  《ᠬᠤᠭᠤᠷ ᠭᠣᠣᠯ  》 ᠭᠡᠵᠦ ᠣᠷᠴᠢᠭᠤᠯᠤᠨ  《ᠬᠤᠭᠤᠷ  》 ᠭᠡᠰᠡᠨ ᠤᠳᠬ᠎ᠠ   ᠵᠢ ᠬᠠᠳᠠᠭ᠋ᠠᠯᠠᠵᠡᠢ》 ［9］ ᠭᠡᠰᠡᠨ᠃ ᠡᠨᠡ ᠬᠦ᠌ ᠵᠦᠢᠴᠢᠯᠡᠯᠲᠡ᠎ᠨᠢ ᠶᠠᠮᠠᠷ ᠴᠤ᠌ ᠲᠡᠦᠬᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ᠎ᠤᠨ ᠦᠨᠳᠦᠰᠦᠯᠡᠯ ᠪᠠᠢ᠌ᠬᠤ ᠦᠭᠡᠢ ᠎ᠠᠴᠠ ᠨᠠᠢ᠌ᠳᠠᠪᠤᠷᠢ ᠦᠭᠡᠢ ᠪᠠᠷᠢᠮᠲᠠ ᠪᠤᠯᠤᠭᠰᠠᠨ ᠪᠠᠢ᠌ᠨ᠎ᠠ᠃
      ᠲᠦᠷᠪᠡ  ᠂ ᠬᠠᠪᠤᠷ   ᠭᠡᠬᠦ ᠣᠳᠬ᠎ᠠ᠎ᠠᠴᠠ ᠢᠷᠡᠯᠲᠡᠢ ᠭᠡᠬᠦ ᠦᠵᠡᠯᠲᠡ
  ᠶᠠᠫᠣᠨ᠎ᠤ ᠡᠷᠳᠡᠮᠲᠡᠨ   ᠭᠦ᠋ ᠭᠤᠸᠠᠩ ᠱ᠌ᠢ ᠵᠢᠨ ᠵᠣᠬᠢᠶᠠᠭᠰᠠᠨ  《ᠮᠠᠨᠵᠤ ᠵᠢᠨ ᠭᠠᠵᠠᠷ᠎ᠤᠨ ᠨᠡᠷ᠎ᠡ ᠵᠢᠨ ᠰᠢᠨᠵᠢᠯᠡᠯ  》  ᠎ᠳᠤ ᠲᠡᠮᠳᠡᠭᠯᠡᠭᠰᠡᠨ ᠵᠶ᠋ᠡᠷ᠄  《  ᠡᠨᠡ᠎ᠨᠢ ᠮᠣᠩᠭᠣᠯ ᠬᠡᠯᠡᠨ᠎ᠳᠤ ᠬᠠᠪᠤᠷ᠎ᠤᠨ ᠤᠯᠠᠷᠢᠯ ᠭᠡᠰᠡᠨ ᠤᠳᠬ᠎ᠠ᠎ᠲᠠᠢ᠃  》᠃ ᠡᠭᠦᠨ᠎ᠠᠴᠠ ᠭᠠᠳᠠᠨ᠎ᠠ  《ᠮᠣᠩᠭᠣᠯ ᠭᠠᠵᠠᠷ᠎ᠤᠨ ᠨᠡᠷ᠎ᠡ ᠵᠢᠨ ᠲᠠᠢ᠌ᠯᠪᠤᠷᠢ  》᠎ᠳᠤ᠂  《ᠮᠣᠩᠭᠣᠯ ᠬᠡᠯᠡᠨ᠎ᠳᠤ ᠬᠠᠭᠤᠯ᠎ᠨᠢ ᠬᠠᠪᠤᠷ᠎ᠤᠨ ᠤᠯᠠᠷᠢᠯ᠎ᠤᠨ ᠤᠳᠬ᠎ᠠ ᠵᠢ ᠬᠠᠳᠠᠭ᠋ᠠᠯᠠᠵᠡᠢ  ᠂ ᠳᠠᠷᠤᠢ ᠮᠣᠩᠭᠣᠯ ᠬᠡᠯᠡᠨ᠎ᠳᠤ  《ᠬᠠᠭᠤᠯ  》 ᠪᠣᠯ ᠬᠠᠪᠤᠷ ᠭᠡᠳᠡᠭ》᠃ ᠡᠨᠳᠡ ᠮᠣᠩᠭᠣᠯ ᠬᠡᠯᠡᠨ᠎ᠤ  《ᠬᠠᠭᠤᠯ qagul  》᠎ᠢ  《ᠬᠠᠪᠤᠷ qabur  》 ᠭᠡᠵᠦ ᠤᠩᠰᠢᠭ᠋ᠠᠳ᠂ ᠳᠠᠬᠢᠨ  《qabur  》 ᠭᠡᠬᠦ ᠦᠭᠡ ᠵᠢᠨ   ᠲᠠᠭᠤᠳᠠᠯᠭ᠎ᠠ᠎ᠪᠠᠷ  《ᠬᠠᠪᠤᠷ  》 ᠭᠡᠬᠦ ᠲᠠᠭ᠋ᠠᠮᠠᠭᠯᠠᠯ ᠬᠢᠭᠰᠡᠨ᠎ᠠᠴᠠ ᠪᠤᠷᠤᠭᠤ ᠳ᠋ᠦᠩᠨᠡᠯᠲᠡ ᠪᠤᠯᠤᠭᠰᠠᠨ᠎ᠨᠢ ᠢᠯᠡᠷᠬᠡᠶ ᠪᠠᠢ᠌ᠨ᠎ᠠ᠃
        ᠲᠠᠪᠤ  ᠂   ᠬᠣᠭᠤᠯᠡᠢ ᠵᠢᠨ ᠭᠣᠣᠯ ᠭᠡᠬᠦ ᠣᠳᠬ᠎ᠠ᠎ᠠᠴᠠ   ᠢᠷᠡᠯᠲᠡᠢ ᠭᠡᠬᠦ ᠦᠵᠡᠯᠲᠡ
  ᠭᠠᠵᠠᠷ ᠤᠰᠤᠨ᠎ᠤ ᠨᠡᠷ᠎ᠡ᠎ᠪᠠᠨ ᠭᠠᠵᠠᠷ᠎ᠤᠨ ᠪᠠᠢ᠌ᠴᠠ ᠭᠠᠵᠠᠷ᠎ᠤᠨ ᠭᠠᠳᠠᠷᠭᠤ᠎ᠪᠠᠷ ᠨᠡᠷᠡᠢ᠌ᠳᠬᠦ᠎ᠨᠢ ᠨᠡᠭᠦᠳᠡᠯᠴᠢᠨ ᠦᠨᠳᠦᠰᠦᠲᠡᠨ᠎ᠤ ᠳᠠᠳᠬᠠᠯ ᠪᠤᠯᠤᠨ᠎ᠠ᠃ ᠬᠣᠤᠯᠢᠨ ᠭᠣᠤᠯ ᠠᠭᠤᠯᠠᠨ᠎ᠤ ᠬᠥᠨᠳᠡᠶ᠎ᠪᠠᠷ ᠤᠷᠤᠰᠴᠣ ᠪᠠᠢ᠌ᠨ᠎ᠠ  ᠃ ᠷᠢᠨᠴᠢᠨᠳᠣᠷᠵᠢ   ᠮᠣᠩᠭᠣᠯ ᠬᠡᠯᠡᠨ᠎ᠤ ᠭᠠᠵᠠᠷ᠎ᠤᠨ ᠨᠡᠷ᠎ᠡ   ᠵᠢ   ᠬᠠᠮᠠᠭ᠋ᠠᠯᠠᠬᠤ ᠲᠤᠬᠠᠢ ᠰᠢᠨᠵᠢᠯᠡᠯ  》 ᠭᠡᠬᠦ ᠨᠣᠮ᠎ᠳᠠᠭᠠᠨ  《ᠬᠣᠤᠯᠢᠨ ᠭᠣᠤᠯ  》 ᠭᠡᠳᠡᠭ ᠦᠭᠡ ᠵᠢᠨ ᠤᠳᠬ᠎ᠠ ᠵᠢ ᠲᠠᠭ᠋ᠠᠮᠠᠭᠯᠠᠵᠤ ᠪᠢᠴᠢᠬᠦ  ᠎ᠳᠤ᠎ᠪᠠᠨ᠄   ᠮᠣᠩᠭᠣᠯ ᠬᠡᠯᠡᠨ᠎ᠳᠤ ᠠᠭᠤᠯᠠᠨ ᠬᠥᠨᠳᠡᠶ ᠵᠢ   ᠪᠠᠰᠠ   《ᠬᠣᠭᠤᠯᠡᠢ》   ᠭᠡᠳᠡᠭ ᠪᠤᠯᠬᠤᠷ 《ᠬᠤᠤᠯᠢᠨ》 ᠭᠡᠬᠦ ᠦᠭᠡ ᠵᠢ 《ᠬᠣᠭᠤᠯᠡᠢ ᠵᠢᠨ》 ᠭᠡᠵᠤ ᠰᠡᠷᠭᠦᠭᠡᠭᠡᠳ ᠶᠡᠷᠦᠩᠬᠡᠢ ᠨᠡᠷ᠎ᠡ ᠭᠣᠣᠯ᠎ᠢ ᠵᠠᠯᠭ᠋ᠠᠪᠡᠯ 《ᠬᠣᠭᠤᠯᠡᠢ ᠵᠢᠨ ᠭᠣᠣᠯ》   ᠪᠤᠯᠴᠢᠬᠠᠬᠤ ᠶᠤᠮ᠃   ᠡᠨᠡ ᠮᠡᠲᠦ᠎ᠪᠠᠷ ᠦᠨᠦᠳᠦᠷ᠎ᠤᠨ ᠬᠤᠤᠯᠢᠨ ᠭᠣᠣᠯ᠎ᠤᠨ ᠮᠣᠩᠭᠤᠯ ᠲᠠᠭᠣᠳᠠᠯᠭ᠎ᠠ 《ᠬᠤᠤᠯᠢᠨ ᠭᠤᠤᠯ》᠎ᠢ 《ᠬᠣᠭᠤᠯᠠᠢ ᠵᠢᠨ ᠭᠣᠣᠯ》᠎ᠤᠨ ᠠᠪᠢᠶᠠᠨ᠎ᠤ ᠬᠣᠪᠢᠷᠠᠯ ᠮᠦᠨ ᠭᠡᠵᠤ ᠦᠵᠡᠪᠡᠯ   ᠲᠤᠰ ᠭᠣᠣᠯ᠎ᠤᠨ ᠪᠠᠢ᠌ᠭ᠋ᠠᠯᠢ ᠵᠢᠨ ᠭᠠᠵᠠᠷ ᠵᠦᠢ ᠵᠢᠨ ᠪᠠᠢ᠌ᠳᠠᠯ᠎ᠲᠠᠢ ᠨᠡᠯᠢᠶᠡᠳ ᠨᠡᠢ᠌ᠴᠡᠬᠦ ᠮᠥᠷᠲᠡᠭᠡᠨ ᠭᠠᠵᠠᠷ᠎ᠤᠨ ᠨᠡᠷ᠎ᠡ ᠵᠢᠨ ᠪᠦᠷᠢᠯᠳᠦᠬᠦ ᠵᠢᠮ᠎ᠡ ᠬᠠᠤᠯᠢ᠎ᠲᠠᠢ ᠨᠡᠢ᠌ᠴᠡᠵᠦ ᠪᠠᠢ᠌ᠬᠤ ᠶᠤᠮ  ［12］᠃ ᠭᠡᠪᠡᠴᠦ ᠲᠡᠷᠡ ᠪᠤᠯ ᠵᠥᠪᠬᠡᠨ ᠲᠠᠭ᠋ᠠᠮᠠᠭᠯᠠᠯ ᠲᠡᠳᠦᠢ᠂ ᠭᠦᠢ᠍ᠴᠡᠳ ᠲᠡᠦᠬᠡᠨ ᠮᠠᠲ᠋ᠧᠷᠢᠶᠠᠯ᠎ᠤᠨ ᠦᠨᠳᠦᠰᠦᠯᠡᠯ ᠪᠠᠢ᠌ᠬᠤ ᠦᠭᠡᠢ ᠭᠡᠵᠦ ᠬᠡᠯᠡᠪᠡ᠃ ᠤᠷᠤᠰ᠎ᠤᠨ ᠭᠠᠵᠠᠷ ᠵᠦᠢ ᠵᠢᠨ ᠤᠬᠠᠭ᠋ᠠᠨᠲᠠᠨ ᠭ᠊ · ᠨ᠊ · ᠫᠤᠲ᠋ᠧᠨᠢᠨ  ᠎ᠤ  《ᠮᠣᠩᠭᠣᠯ᠎ᠤᠨ ᠣᠢ᠌ᠯᠠᠪᠤᠷᠢ  》 ᠭᠡᠬᠦ ᠨᠣᠮ᠎ᠤᠨ ᠬᠣᠶᠠᠳᠤᠭ᠋ᠠᠷ ᠪᠦᠯᠦᠭ᠎ᠲᠤ  《ᠶᠡᠬᠡ ᠬᠢᠩᠭ᠋ᠠᠨ ᠳᠠᠪᠠᠭ᠋ᠠᠨ᠎ᠤ ᠳᠤᠮᠳᠠ ᠬᠡᠰᠡᠭ ᠵᠶ᠋ᠡᠷ ᠠᠶᠠᠯᠠᠭᠰᠠᠨ᠎ᠨᠢ  （1899 ᠣᠨ᠎ᠤ ᠵᠤᠨ）》  ᠎ᠳᠤ᠄  《ᠬᠠᠪᠴᠢᠯ᠎ᠤᠨ ᠠᠮᠠᠰᠠᠷ᠎ᠲᠤ ᠵᠣᠭᠰᠣᠪᠠᠯ   ᠮᠦᠭᠦᠴᠢᠨ （莫古钦） ᠭᠣᠣᠯ ᠪᠣᠯᠤᠨ     ᠬᠠᠭᠤᠯ᠎ᠤᠨ ᠭᠣᠣᠯ （霍伦戈尔河）  ᠎ᠤᠨ ᠬᠥᠨᠳᠡᠢ ᠵᠢᠨ ᠡᠷᠬᠢᠨ ᠲᠣᠭᠣᠷᠢᠨ  ᠎ᠳᠤ᠎ᠪᠠᠨ ᠠᠭᠤᠯᠠᠰ᠎ᠢ ᠣᠯᠵᠤ ᠬᠠᠷᠠᠬᠤ ᠪᠣᠯᠤᠨ᠎ᠠ᠃ ᠭᠣᠣᠯ᠎ᠤᠨ ᠬᠥᠨᠳᠡᠢ ᠵᠢᠨ 7 ᠪᠤᠶᠤ 8 ᠣᠷᠲᠣ ᠵᠢᠨ ᠥᠷᠭᠡᠨ ᠬᠥᠨᠳᠡᠢ ᠵᠢᠨ ᠠᠮᠠ᠎ᠨᠢ ᠠᠭᠤᠯᠠᠨ ᠬᠠᠪᠴᠢᠯ᠎ᠢ ᠨᠠᠭ᠋ᠠᠯᠳᠤᠵᠤ᠂ ᠭᠣᠣᠯ᠎ᠤᠨ ᠬᠥᠨᠳᠡᠢ ᠵᠢ ᠲᠠᠭ᠋ᠠᠵᠦ ᠪᠠᠭᠤᠪᠠᠯ᠂ ᠪᠢᠳᠡ ᠳᠠᠷᠤᠢ   ᠮᠦᠭᠦᠴᠢᠨ （  ᠮᠦᠭᠦᠲᠦ 莫古图） ᠭᠣᠣᠯ᠎ᠤᠨ ᠡᠷᠭᠢ᠎ᠳᠤ ᠬᠦᠷᠳᠡᠭ᠃ ᠲᠤᠰ ᠭᠣᠣᠯ᠎ᠤᠨ ᠬᠥᠨᠳᠡᠶ᠎ᠨᠢ ᠵᠠᠮ᠎ᠤᠨ ᠪᠠᠷᠠᠭᠤᠨ ᠲᠠᠯ᠎ᠠ᠎ᠳᠤ ᠪᠠᠢ᠌ᠬᠤ ᠲᠤᠯᠠ᠂ ᠨᠥᠭᠥᠭᠡ ᠨᠢᠭᠡ ᠬᠡᠰᠡᠭ᠎ᠨᠢ ᠪᠠᠰᠠ ᠪᠠᠷᠠᠭᠤᠨ ᠲᠠᠯ᠎ᠠ ᠵᠢᠨ ᠦᠷᠭᠦᠯᠵᠢᠯᠡᠨ ᠢᠷᠡᠭᠰᠡᠨ ᠭᠣᠣᠯ᠎ᠤᠨ ᠬᠥᠨᠳᠡᠶ᠎ᠲᠠᠢ ᠨᠡᠢ᠌ᠯᠡᠵᠦ ᠪᠠᠢ᠌ᠨ᠎ᠠ᠂ ᠲᠡᠷᠡ ᠬᠡᠰᠡᠭ ᠬᠥᠨᠳᠡᠶ᠎ᠳᠤ ᠪᠠᠢ᠌ᠬᠤ᠎ᠨᠢ   ᠬᠠᠭᠤᠯ᠎ᠤᠨ ᠭᠣᠣᠯ᠎ᠤᠨ ᠳᠡᠭᠡᠳᠦ ᠤᠷᠤᠰᠬᠠᠯ᠎ᠤᠨ ᠬᠡᠰᠡᠭ ᠪᠣᠯᠤᠨ᠎ᠠ᠃ ᠵᠠᠷᠤᠳ ᠬᠣᠰᠢᠭᠤᠨ᠎ᠤ ᠨᠢᠭᠡ ᠬᠥᠮᠦᠨ᠎ᠤ ᠬᠡᠯᠡᠬᠦ᠎ᠪᠠᠷ᠂   ᠬᠠᠭᠤᠯ᠎ᠤᠨ   ᠭᠣᠣᠯ （ᠬᠠᠭᠤᠯ ᠭᠣᠣᠯ）᠎ᠲᠤᠷ ᠮᠥᠷᠡᠨ᠎ᠳᠤ ᠤᠷᠤᠰᠤᠨ ᠣᠷᠣᠳᠠᠭ ᠭᠡᠨ᠎ᠡ᠂ ᠲᠡᠷᠡ ᠪᠠᠰᠠ ᠵᠠᠯᠭ᠋ᠠᠭ᠋ᠠᠳ᠎ᠲᠤᠷ （托罗河） ᠮᠥᠷᠡᠨ᠎ᠳᠤᠷ ᠤᠷᠤᠰᠤᠨ ᠤᠷᠤᠵᠤ᠂ ᠪᠠᠰᠠ ᠨᠦᠩ᠎ᠨᠢ ᠾᠧ（农尼河） ᠭᠣᠣᠯ᠎ᠳᠤ ᠤᠷᠤᠰᠤᠨ ᠣᠷᠣᠨ᠎ᠠ᠂ ᠪᠢᠳᠡ ᠬᠠᠭᠤᠯ᠎ᠤᠨ ᠭᠣᠣᠯ᠎ᠤᠨ ᠵᠡᠭᠦᠨ ᠡᠷᠭᠢ ᠵᠢ᠎ᠲᠠᠭᠠᠨ ᠤᠷᠤᠭᠰᠢᠯᠠᠨ᠎ᠠ  》 ［ 13］᠃ ᠳᠡᠭᠡᠷᠡᠬᠢ ᠲᠡᠮᠳᠡᠭᠯᠡᠯ᠎ᠠᠴᠠ  《霍伦戈尔》 ᠪᠤᠶᠤ 《霍雷音戈尔》 ᠎ᠢ   ᠲᠤᠬᠠᠶ ᠵᠢᠨ ᠦᠶ᠎ᠡ ᠵᠢᠨ ᠵᠠᠷᠤᠳ ᠬᠣᠰᠢᠭᠤᠨ᠎ᠤ ᠬᠥᠮᠦᠰ᠎ᠤᠨ ᠲᠠᠢ᠌ᠯᠪᠤᠷᠢᠯᠠᠯᠲᠠ᠎ᠪᠠᠷ  《霍雷音戈尔》  ᠎ᠢ   ᠮᠣᠩᠭᠣᠯ ᠬᠡᠯᠡᠨ᠎ᠳᠤ ᠰᠡᠷᠭᠦᠭᠡᠨ ᠪᠢᠴᠢᠪᠡᠯ  《ᠬᠤᠭᠤᠯᠠᠢ ᠵᠢᠨ ᠭᠤᠤᠯ》   ᠪᠣᠯᠤᠨ᠎ᠠ᠃  《  ᠬᠤᠭᠤᠯᠠᠢ ᠵᠢᠨ》 ᠭᠡᠰᠡᠨ᠎ᠨᠢ  《  ᠬᠦᠨᠳᠡᠢ ᠬᠤᠭᠤᠯᠡᠢ ᠵᠢᠨ  》 ᠭᠡᠰᠡᠨ ᠤᠳᠬ᠎ᠠ᠎ᠪᠠᠷ ᠢᠯᠡᠷᠡᠭᠰᠡᠨ᠎ᠨᠢ ᠲᠤᠳᠤᠷᠬᠠᠢ ᠪᠠᠢ᠌ᠨ᠎ᠠ᠃
    ᠡᠭᠦᠨ᠎ᠠᠴᠠ ᠭᠠᠳᠠᠨ᠎ᠠ᠂ ᠮᠦᠩᠭᠦᠨᠪᠠᠶᠠᠷ᠎ᠤᠨ《ᠬᠣᠤᠯᠢᠨ ᠭᠣᠤᠯ ᠬᠣᠲᠠ ᠵᠢᠨ ᠮᠣᠩᠭᠣᠯ ᠬᠡᠯᠡᠨ᠎ᠤ ᠭᠠᠵᠠᠷ᠎ᠤᠨ ᠨᠡᠷ᠎ᠡ ᠵᠢᠨ ᠢᠷᠡᠯᠲᠡ ᠪᠠ ᠠᠭᠤᠯᠭ᠎ᠠ ᠵᠢᠨ ᠲᠤᠬᠠᠶ》 ᠭᠡᠬᠦ ᠵᠣᠬᠢᠶᠠᠯ᠎ᠳᠤ᠄ ᠨᠠᠶᠠᠨ ᠨᠠᠰᠤᠲᠠᠶ ᠨᠠᠰᠤᠨ᠎ᠤ ᠠᠮᠠᠷᠠᠯᠲᠠ᠎ᠪᠠᠨ ᠠᠪᠤᠭᠰᠠᠨ ᠨᠢᠭᠡᠨ ᠰᠸᠯᠾᠸᠵᠠᠪ ᠨᠠᠰᠤᠲᠠᠨ ᠪᠣᠶ᠂ ᠲᠡᠷᠡ ᠪᠣᠯ ᠤᠤᠯ ᠎ᠠᠴᠠ ᠬᠤᠤᠯᠢᠩᠭᠣᠣᠯ ᠬᠣᠲᠠ ᠵᠢᠨ ᠬᠠᠪᠢ᠎ᠪᠠᠷ ᠰᠠᠭᠤᠵᠤ ᠪᠠᠢ᠌ᠭᠰᠠᠨ ᠮᠣᠩᠭᠣᠯ ᠬᠥᠮᠦᠨ ᠶᠤᠮ᠂   ᠪᠤᠷᠤᠬᠤᠵᠡᠷ᠎ᠳᠤ ᠳᠦᠷᠦᠵᠦ᠂ ᠪᠠᠭ᠎ᠠ  ᠎ᠳᠤ᠎ᠪᠠᠨ ᠬᠥᠨᠳᠡᠶ ᠬᠠᠨ  （ᠬᠠᠴᠢᠨ ᠠᠭᠤᠯᠠ  ）  ᠎ᠤ ᠳᠣᠤᠷ᠎ᠠ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠵᠤ   ᠪᠠᠢ᠌ᠵᠡᠢ᠃ ᠨᠠᠰᠤᠲᠠᠨ᠎ᠤ ᠬᠡᠯᠡᠬᠦ᠎ᠪᠠᠷ᠂   ᠵᠠᠷᠤᠳ ᠬᠣᠰᠢᠭᠤᠨ᠎ᠤ ᠬᠣᠢ᠌ᠲᠤ ᠬᠡᠰᠡᠭ᠎ᠲᠤ   ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠴᠢᠭᠯᠡᠯ᠎ᠤᠨ ᠭᠤᠷᠪᠠᠨ ᠬᠤᠩᠬᠢᠯ᠎ᠲᠠᠢ᠂ ᠳᠠᠷᠤᠶ ᠪᠠᠭ᠎ᠠ ᠬᠢᠩᠭ᠋ᠠᠨ ᠠᠯᠲᠠᠨ ᠳᠠᠪᠠᠭ᠎ᠠ᠎ᠪᠠᠷ ᠪᠠᠷᠢᠮᠵᠢᠶ᠎ᠠ ᠪᠣᠯᠭ᠋ᠠᠵᠤ᠂ ᠳᠠᠪᠠᠭ᠋ᠠᠨ᠎ᠤ ᠡᠮᠦᠨ᠎ᠡ ᠲᠠᠯ᠎ᠠ ᠵᠢ  《ᠥᠪᠥᠷ ᠬᠥᠨᠳᠡᠶ  》 ᠭᠡᠳᠡᠭ᠂ ᠥᠪᠥᠷ ᠭᠡᠳᠡᠭ᠎ᠨᠢ ᠳᠠᠪᠠᠭ᠎ᠠ ᠵᠢᠨ ᠡᠮᠦᠨ᠎ᠡ ᠲᠠᠯ᠎ᠠ ᠵᠢ ᠵᠢᠭ᠋ᠠᠵᠤ ᠪᠠᠢ᠌ᠨ᠎ᠠ᠂  《ᠬᠥᠨᠳᠡᠶ  》 ᠭᠡᠳᠡᠭ᠎ᠨᠢ ᠪᠠᠶᠠᠨᠪᠤᠯᠠᠭ ᠲᠣᠭᠣᠷᠢᠭ ᠪᠣᠯᠤᠨ ᠤᠯᠠᠭ᠋ᠠᠨᠬᠠᠳᠠ ᠣᠷᠴᠢᠮ᠎ᠤᠨ ᠬᠤᠩᠬᠢᠯ ᠪᠤᠯᠤᠨ᠎ᠠ᠂ ᠳᠠᠪᠠᠭ᠋ᠠᠨ᠎ᠤ ᠬᠣᠢ᠌ᠲᠤ ᠲᠠᠯ᠎ᠠ᠎ᠨᠢ  《ᠠᠷᠤ ᠬᠥᠨᠳᠡᠶ》 ᠪᠠ  《ᠬᠣᠭᠣᠯᠠᠶ   ᠬᠥᠨᠳᠡᠶ》 ᠭᠡᠬᠦ ᠬᠣᠶᠠᠷ ᠬᠣᠩᠭᠢᠯ ᠪᠠᠢ᠌ᠳᠠᠭ᠃  《ᠬᠣᠭᠣᠯᠠᠶ  》 ᠪᠣᠯ  《ᠠᠭᠤᠯᠠᠨ ᠬᠥᠨᠳᠡᠶ  》 ᠭᠡᠰᠡᠨ ᠤᠳᠬ᠎ᠠ᠎ᠲᠠᠢ᠂  《ᠬᠣᠤᠯᠢᠨ ᠭᠣᠤᠯ  》 ᠪᠣᠯ ᠠᠭᠤᠯᠠᠨ ᠬᠥᠨᠳᠡᠶ ᠵᠢᠨ ᠬᠣᠩᠭᠢᠯ᠎ᠤᠨ ᠨᠠᠷᠢᠨ ᠪᠥᠭᠡᠳ ᠣᠷᠳᠣ ᠭᠠᠵᠠᠷ ᠵᠦᠶ ᠵᠢᠨ ᠣᠨᠴᠠᠯᠢᠭ ᠵᠶ᠋ᠠᠷ ᠨᠡᠷᠡᠢ᠌ᠳᠦᠭᠰᠡᠨ ᠶᠤᠮ᠃ ᠡᠭᠦᠨ᠎ᠤ ᠬᠠᠮᠲᠤ᠂ ᠡᠨᠡ ᠭᠤᠷᠪᠠᠨ ᠠᠭᠤᠯᠠᠨ ᠬᠥᠨᠳᠡᠶ ᠵᠢᠨ ᠬᠣᠩᠭᠢᠯ᠎ᠳᠤ ᠲᠤᠰ ᠲᠤᠰ ᠨᠢᠭᠡ ᠭᠣᠣᠯ᠎ᠲᠠᠢ ᠪᠠᠢ᠌ᠵᠤ᠂ ᠭᠣᠣᠯ᠎ᠤᠨ ᠨᠡᠷ᠎ᠡ᠎ᠪᠠᠨ ᠠᠭᠤᠯᠠ ᠵᠢᠨ ᠬᠦᠨᠳᠡᠢ ᠵᠢᠨ ᠬᠡᠯᠪᠡᠷᠢ᠎ᠪᠠᠷ ᠨᠡᠷᠡᠯᠡᠭᠰᠡᠨ ᠪᠠᠢ᠌ᠨ᠎ᠠ᠂ ᠳᠠᠷᠤᠶ  《ᠥᠪᠥᠷ ᠬᠥᠨᠳᠡᠶ ᠭᠣᠣᠯ  》᠂  《ᠠᠷᠤ ᠬᠥᠨᠳᠡᠶ ᠭᠣᠣᠯ  》᠂ 《ᠬᠣᠭᠣᠯᠠᠢ ᠭᠣᠣᠯ  》 ᠭᠡᠬᠦ ᠭᠤᠷᠪᠠᠨ ᠭᠣᠣᠯ ᠪᠣᠯᠤᠨ᠎ᠠ᠃ ᠬᠣᠵᠢᠮ᠎ᠨᠢ ᠬᠥᠮᠦᠰ  《ᠬᠣᠭᠣᠯᠠᠢ ᠵᠢᠨ ᠭᠣᠣᠯ  》 ᠳᠣᠲᠣᠷᠠᠬᠢ  《ᠬᠣᠭᠣᠯᠠᠢ  》   ᠵᠢ ᠳᠥᠭᠥᠮᠴᠢᠯᠡᠭᠡᠳ  《ᠬᠤᠤᠯᠢᠨ  》 ᠭᠡᠵᠦ᠂  《ᠬᠣᠣᠯᠢᠨ ᠭᠣᠣᠯ  》 ᠪᠣᠯᠭ᠋ᠠᠵᠠᠢ᠃ ᠨᠠᠰᠤᠲᠠᠨ ᠮᠦᠨ ᠨᠦᠬᠦᠪᠦᠷᠢᠯᠡᠨ ᠶᠠᠷᠢᠬᠤ  ᠎ᠳᠤ᠎ᠪᠠᠨ 《ᠬᠦᠨᠳᠡᠢ ᠬᠠᠨ （ᠠᠭᠤᠯᠠᠨ ᠬᠦᠨᠳᠡᠢ）》 ᠪᠠ  《ᠬᠦᠨᠳᠡᠢ ᠵᠢᠨ ᠭᠣᠣᠯ  》  ᠎ᠠᠴᠠ ᠬᠤᠯᠠ ᠦᠭᠡᠢ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠨᠤᠳᠤᠭ᠎ᠲᠤ   《ᠬᠣᠭᠣᠯᠠᠢ ᠵᠢᠨ ᠭᠣᠣᠯ ᠪᠠᠯᠭ᠋ᠠᠰᠤ  》 ［14］ ᠭᠡᠵᠦ ᠪᠤᠢ᠃ ᠳᠡᠭᠡᠷᠡᠬᠢ ᠬᠣᠶᠠᠷ ᠵᠢᠱ᠌ᠢᠶ᠎ᠡ  ᠎ᠳᠤ᠎ᠬᠢ ᠬᠢᠲᠠᠳ ᠬᠡᠯᠡᠨ᠎ᠤ ᠠᠪᠢᠶᠠᠴᠢᠯᠠᠭᠰᠠᠨ ᠣᠷᠴᠢᠭᠤᠯᠭ᠎ᠠ   ᠪᠤᠯᠬᠤ 《霍雷音戈尔  》 ᠪᠣᠯᠤᠨ  《霍来音郭勒》᠎ᠨᠢ   ᠠᠳᠠᠯᠢ ᠨᠢᠭᠡ ᠦᠭᠡ ᠵᠢᠨ   ᠠᠳᠠᠯᠢ ᠪᠤᠰᠤ ᠲᠠᠭᠤᠳᠠᠯᠭ᠎ᠠ ᠪᠤᠯᠬᠤ ᠪᠦᠭᠡᠳ ᠮᠣᠩᠭᠣᠯ ᠬᠡᠯᠡᠨ  ᠎ᠳᠤ ᠰᠡᠷᠭᠦᠭᠡᠨ ᠪᠢᠴᠢᠪᠡᠯ 《ᠬᠣᠭᠤᠯᠡᠢ ᠵᠢᠨ ᠭᠤᠤᠯ》 ᠪᠤᠯᠣᠨ᠎ᠠ᠃
    ᠡᠨᠡ ᠬᠦ᠌   ᠮᠠᠭ᠋ᠠᠳᠯᠠᠯ᠎ᠤᠨ ᠣᠨᠣᠪᠴᠢᠲᠤ ᠴᠢᠨᠠᠷ᠎ᠢ ᠨᠤᠲᠠᠯᠠᠬᠤ ᠵᠢᠨ ᠲᠥᠯᠥᠭᠡ᠂   ᠰᠸᠯᠾᠸᠵᠠᠪ ᠨᠠᠰᠤᠲᠠᠨ ᠪᠣᠯᠤᠨ ᠮᠥᠩᠭᠦᠨᠪᠠᠶᠠᠷ᠎ᠲᠠᠢ ᠲᠠᠬᠢᠨ   ᠠᠭᠤᠯᠵᠠᠪᠠ᠃   ᠨᠠᠰᠤᠲᠡᠨ ᠬᠣᠤᠯᠢᠨ ᠭᠣᠤᠯ᠎ᠤᠨ ᠡᠬᠢ᠎ᠨᠢ ᠭᠣᠤᠯ ᠮᠥᠷᠡᠨ᠎ᠤ ᠲᠣᠰ ᠪᠡᠶ᠎ᠡ ᠵᠢ ᠣᠯᠵᠤ ᠬᠠᠷᠠᠬᠤ ᠥᠬᠡᠶ᠂ ᠠᠭᠤᠯᠠᠨ ᠵᠢᠯᠠᠭ᠎ᠠ ᠵᠢᠨ ᠬᠣᠭᠣᠯᠠᠶ ᠬᠡᠯᠪᠡᠷᠢᠲᠦ ᠠᠭᠤᠯᠠ᠎ᠠᠴᠠ ᠤᠷᠤᠰᠤᠨ ᠭᠠᠷᠴᠤ᠂ ᠠᠭᠤᠯᠠᠨ ᠳᠡᠭᠡᠷ᠎ᠡ ᠵᠣᠭᠰᠣᠪᠠᠯ ᠭᠠᠵᠠᠷ ᠳᠣᠤᠷᠠᠬᠢ ᠤᠰᠤᠨ᠎ᠤ ᠤᠷᠤᠰᠬᠠᠯ᠎ᠤᠨ ᠲᠠᠭᠤᠨ᠎ᠢ ᠣᠯᠵᠤ ᠰᠣᠨᠣᠰᠤᠨ᠎ᠠ ᠭᠡᠵᠦ ᠪᠠᠲᠤᠲᠠᠶ ᠬᠡᠯᠡᠵᠦ ᠪᠠᠢ᠌ᠯ᠎ᠠ᠃ ᠡᠢ᠌ᠮᠤ ᠮᠥᠷᠲᠡᠭᠡᠨ ᠨᠠᠷᠢᠨ ᠤᠷᠲᠤ ᠭᠠᠵᠠᠷ᠎ᠤᠨ ᠪᠠᠢ᠌ᠴᠠ᠎ᠨᠢ ᠮᠠᠰᠢ ᠤᠷᠲᠤ ᠬᠡᠰᠡᠭ ᠭᠠᠵᠠᠷ ᠦᠷᠭᠦᠯᠵᠢᠯᠡᠨ᠎ᠡ᠃ ᠮᠥᠩᠭᠦᠨᠪᠠᠶᠠᠷ᠄  《ᠲᠤᠬᠠᠶ ᠵᠢᠨ ᠭᠠᠵᠠᠷ᠎ᠤᠨ ᠮᠠᠯᠴᠢᠳ᠎ᠤᠨ ᠨᠤᠲᠤᠭ᠎ᠤᠨ   ᠠᠶᠠᠯᠭᠤᠨ᠎ᠳᠤ ᠨᠠᠷᠢᠨ ᠣᠷᠳᠣ ᠠᠭᠤᠯᠠᠨ ᠬᠥᠨᠳᠡᠶ ᠵᠢ   ᠬᠠᠭᠤᠯ   ᠭᠡᠳᠡᠭ᠂   ᠬᠣᠭᠤᠯᠠᠢ᠎ᠪᠠᠷ ᠤᠷᠤᠰᠤᠨ ᠥᠩᠭᠡᠷᠡᠬᠦ ᠭᠣᠣᠯ᠎ᠢ ᠬᠠᠭᠤᠯ ᠭᠣᠣᠯ ᠭᠡᠳᠡᠭ  》 ᠭᠡᠵᠤ ᠶᠠᠷᠢᠵᠤ ᠪᠠᠢ᠌ᠯ᠎ᠠ᠃ ᠲᠡᠭᠡᠪᠡᠯ ᠬᠠᠭᠤᠯ ᠭᠣᠤᠯ  （ᠬᠣᠣᠯᠢᠨ ᠭᠣᠤᠯ  ） ᠪᠣᠯ ᠳᠠᠷᠤᠶ ᠬᠥᠨᠳᠡᠶ ᠬᠣᠭᠤᠯᠡᠢ ᠵᠢᠨ ᠭᠣᠤᠯ ᠪᠣᠯᠤᠨ᠎ᠠ᠃
    ᠳᠡᠭᠡᠷ᠎ᠡ ᠶᠠᠷᠢᠭᠰᠠᠨ᠎ᠢ ᠬᠤᠷᠢᠶᠠᠩᠭᠤᠢ᠌ᠯᠠᠪᠠᠯ᠂ ᠪᠢᠳᠡ ᠲᠡᠦᠬᠡ ᠰᠣᠶᠣᠯ ᠭᠠᠵᠠᠷ᠎ᠤᠨ ᠨᠡᠷ᠎ᠡ ᠵᠢᠨ ᠦᠨ᠎ᠡ ᠴᠡᠨ᠎ᠡ ᠵᠢᠨ ᠵᠠᠷᠴᠢᠮ ᠪᠠ  《ᠨᠢᠭᠡᠨᠲᠡ ᠵᠠᠩᠰᠢᠭᠰᠠᠨ᠎ᠢ ᠵᠣᠷᠰᠢᠯ ᠵᠶ᠋ᠠᠷ ᠶᠠᠪᠤᠭᠤᠯᠬᠤ᠂ ᠨᠡᠷ᠎ᠡ᠎ᠨᠢ ᠡᠵᠡᠨ ᠵᠶ᠋ᠡᠨ ᠳᠠᠭ᠋ᠠᠬᠤ  》 ［15］ ᠵᠠᠷᠴᠢᠮ᠎ᠢ ᠵᠢᠷᠤᠮᠯᠠᠵᠤ᠂ ᠲᠤᠬᠠᠶ ᠵᠢᠨ ᠭᠠᠵᠠᠷ᠎ᠤᠨ ᠮᠣᠩᠭᠣᠯᠴᠤᠳ᠎ᠤᠨ ᠣᠢ᠌ᠯᠠᠭ᠋ᠠᠯᠲᠠ ᠪᠠ ᠲᠠᠢ᠌ᠯᠪᠤᠷᠢᠯᠠᠯᠲᠠ  ᠎ᠳᠤ ᠰᠠᠭᠤᠷᠢᠯᠠᠨ  ᠂ ᠥᠪᠥᠷ ᠮᠣᠩᠭᠣᠯ᠎ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ᠎ᠤ ᠲᠦᠩᠯᠢᠶᠣᠤ ᠬᠣᠲᠠ ᠵᠢᠨ ᠬᠠᠷᠢᠶᠠᠨ  ᠎ᠳᠤ  ᠎ᠬᠢ ᠰᠢᠶᠠᠨ᠎ᠤ ᠲᠠᠰ᠎ᠤᠨ ᠬᠣᠲᠠ ᠪᠤᠯᠬᠤ  《  ᠬᠤᠤᠯᠢᠩᠭᠤᠤᠯ ᠬᠣᠲᠠ  》   ᠵᠢᠨ ᠨᠡᠷᠡᠢ᠌ᠳᠦᠯ ᠵᠢᠴᠢ  《ᠬᠣᠣᠯᠢᠨ ᠭᠣᠣᠯ᠎ᠤᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠶ  》 ᠵᠢᠨ ᠪᠦᠯᠦᠭᠯᠡᠯ᠎ᠤᠨ ᠨᠡᠷᠡᠢ᠌ᠳᠦᠯ ᠵᠡᠷᠭᠡ ᠲᠡᠦᠬᠡ ᠰᠣᠶᠣᠯ᠎ᠤᠨ ᠠᠬᠤᠶ ᠪᠠᠢ᠌ᠳᠠᠯ ᠎ᠢ ᠦᠨᠳᠦᠰᠦᠯᠡᠨ᠂  《ᠬᠣᠣᠯᠢᠨ ᠭᠣᠣᠯ  》 ᠭᠡᠰᠡᠨ   ᠨᠡᠷ᠎ᠡ ᠵᠢ ᠦᠷᠭᠦᠯᠵᠢᠯᠡᠨ ᠬᠡᠷᠡᠭᠯᠡᠵᠦ᠂   ᠬᠢᠲᠠᠳ ᠨᠡᠷᠡᠢ᠌ᠳᠦᠯ᠎ᠢ ᠨᠡᠷ᠎ᠡ   ᠵᠢ 《霍林郭勒》 ᠭᠡᠵᠦ ᠨᠢᠭᠡᠳᠭᠡᠬᠦ ᠵᠢ ᠰᠠᠨᠠᠭᠤᠯᠵᠤ ᠪᠠᠢ᠌ᠨ᠎ᠠ᠃

  ᠵᠣᠬᠢᠶᠠᠭᠴᠢ ᠵᠢᠨ   ᠬᠠᠶᠢᠭ᠄ ᠦᠪᠦᠷ ᠮᠣᠩᠭᠤᠯ᠎ᠤᠨ ᠪᠠᠭᠰᠢ ᠵᠢᠨ ᠶᠡᠬᠡ ᠰᠣᠷᠭ᠋ᠠᠭᠤᠯᠢ ᠵᠢᠨ ᠲᠡᠤᠬᠡ ᠰᠣᠳᠤᠯᠤᠯ᠎ᠤᠨ ᠲᠡᠭᠡᠳᠤ ᠰᠤᠷᠭ᠋ᠠᠭᠤᠯᠢ