ᠭᠠᠵᠠᠷᠤᠨ ᠨᠡᠷᠡᠰᠤᠨ ᠤᠳᠬᠠ᠄
ᠦᠬᠠᠢ ᠬᠤᠳᠠ ᠵᠢᠨ ᠬᠢᠯᠢ ᠲᠤᠳᠤᠷᠠᠬᠢ ᠮᠠᠨᠪᠠ ᠷᠠᠰᠠᠡᠭ ᠰᠦᠮᠡ ᠪᠠᠢ᠌ᠳᠠᠭᠠᠴᠠ ᠢᠩᠭᠢᠵᠦ ᠨᠡᠷᠡᠯᠡᠵᠡᠢ᠃ 《ᠮᠠᠨᠪᠠ ᠷᠠᠰᠠᠡᠭ》 ᠪᠤᠯ ᠲᠥᠪᠡᠳ ᠬᠡᠯᠡ᠂ ᠡᠮᠨᠡᠯᠭᠡ ᠵᠢᠨ ᠰᠤᠷᠭ᠋ᠠᠭᠤᠯᠢ ᠭᠡᠰᠡᠨ ᠤᠳᠬᠠᠲᠠᠢ᠃
ᠭᠠᠵᠠᠷ ᠵᠦᠢ ᠵᠢᠨ ᠪᠠᠢ᠌ᠷᠢᠰᠢᠯ᠄
ᠷᠠᠰᠠᠡᠭ ᠰᠦᠮᠡ ᠪᠠᠯᠭ᠋ᠠᠰᠤᠨᠢ ᠦᠬᠠᠢ ᠬᠤᠳᠠ ᠵᠢᠨ ᠬᠠᠢ᠌ᠨᠠᠨ ᠲᠤᠭᠤᠷᠢᠭᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠬᠡᠰᠡᠭᠲᠤ ᠪᠠᠢ᠌ᠷᠢᠯᠠᠵᠤ᠂ ᠵᠡᠬᠦᠨ ᠲᠠᠯᠠᠪᠠᠷ ᠵᠶ᠋ᠡᠨ ᠬᠦᠨ ᠤᠰᠤ ᠪᠠᠯᠭ᠋ᠠᠰᠤ （公乌苏镇）ᠲᠠᠢ ᠵᠠᠯᠭ᠋ᠠᠯᠳᠤᠵᠤ᠂ ᠡᠮᠦᠨᠡ ᠪᠠ ᠪᠠᠷᠠᠭᠤᠨ ᠲᠠᠯᠠᠪᠠᠷ ᠵᠶ᠋ᠡᠨ ᠪᠠᠶᠠᠨᠲᠤᠬᠤᠢ ᠪᠠᠯᠭ᠋ᠠᠰᠤᠲᠠᠢ ᠵᠠᠬᠠ ᠨᠡᠢ᠌ᠯᠡᠵᠦ᠂ ᠤᠮᠠᠷᠠᠰᠢᠪᠠᠨ ᠷᠠᠰᠠᠡᠭ ᠵᠦᠩ ᠵᠡᠭᠡᠯᠢ ᠭᠤᠳᠤᠮᠵᠢ ᠵᠢᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷᠲᠠᠢ ᠵᠠᠬᠠ ᠨᠡᠢ᠌ᠯᠡᠭᠰᠡᠨ ᠪᠠᠢ᠌ᠳᠠᠭ᠃
ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠣᠷᠣᠨ ᠬᠤᠪᠢᠶᠠᠷᠢᠯᠠᠯ᠄
ᠷᠠᠰᠠᠡᠭ ᠰᠦᠮᠡ ᠪᠠᠯᠭ᠋ᠠᠰᠤ ᠪᠣᠯ ᠦᠬᠠᠢ ᠬᠣᠲᠠ ᠵᠢᠨ ᠬᠠᠢ᠌ᠨᠠᠨ ᠲᠣᠭᠣᠷᠢᠭᠲᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠪᠠᠯᠭ᠋ᠠᠰᠤᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠤᠤᠯᠤᠨ ᠮᠢᠨ ᠯᠧ ᠨᠡᠢ᠌ᠭᠡᠮ ᠲᠣᠭᠣᠷᠢᠭᠲᠤ ᠪᠠᠢ᠌ᠷᠢᠯᠠᠨᠠ᠃
ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠣᠷᠣᠨᠤ ᠤᠯᠠᠷᠢᠯ ᠬᠤᠪᠢᠰᠤᠯ᠄
1955 ᠣᠨᠳᠤ ᠷᠠᠰᠠᠡᠭ ᠰᠦᠮᠡ ᠪᠠᠯᠭ᠋ᠠᠰᠤᠨᠳᠤ ᠶᠡᠬᠡ ᠵᠤᠤ ᠠᠢ᠌ᠮᠠᠭᠤᠨ ᠵᠦᠸᠸ ᠽᠢ ᠱᠠᠨ ᠠᠭᠤᠷᠬᠠᠢ ᠵᠢᠨ ᠣᠷᠣᠨᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷᠢ ᠪᠠᠢ᠌ᠭᠤᠯᠵᠠᠢ᠃ 1958 ᠣᠨᠳᠤ ᠠᠭᠤᠷᠬᠠᠢ ᠵᠢᠨ ᠣᠷᠣᠨᠤ ᠠᠷᠠᠳᠤᠨ ᠵᠥᠪᠯᠡᠯᠢ ᠪᠠᠢ᠌ᠭᠤᠯᠪᠠ᠃ 1961 ᠣᠨᠳᠤ ᠷᠠᠰᠠᠡᠭ ᠰᠦᠮᠡ ᠵᠢᠨ ᠬᠣᠲᠠ ᠵᠢᠨ ᠠᠷᠠᠳᠤᠨ ᠨᠢᠭᠡᠳᠦᠯᠢ ᠪᠠᠢ᠌ᠭᠤᠯᠵᠤ᠂ ᠳᠣᠣᠷᠠᠨᠢ ᠣᠯᠣᠮ ᠪᠠ ᠷᠠᠰᠠᠡᠭ ᠰᠦᠮᠡ ᠭᠡᠬᠦ ᠬᠣᠶᠠᠷ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠣᠷᠣᠨᠢ ᠪᠠᠢ᠌ᠭᠤᠯᠵᠠᠢ᠃ 1976 ᠣᠨᠳᠤ ᠦᠬᠠᠢ ᠬᠣᠲᠠᠳᠤ ᠬᠠᠷᠢᠶᠠᠯᠠᠬᠳᠠᠪᠠ᠃ 1981 ᠣᠨᠳᠤ ᠷᠠᠰᠠᠡᠭ ᠰᠦᠮᠡ ᠵᠢᠨ ᠵᠡᠭᠡᠯᠢ ᠭᠤᠳᠤᠮᠵᠢ ᠵᠢᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ ᠪᠣᠯᠭ᠋ᠠᠨ ᠥᠭᠡᠷᠡᠴᠢᠯᠡᠪᠡ᠃ 2006 ᠣᠨᠳᠤ ᠯᠣᠣ ᠱ᠌ᠢ ᠳ᠋ᠠᠨ ᠪᠠᠯᠭ᠋ᠠᠰᠤ ᠪᠠ ᠷᠠᠰᠠᠡᠭ ᠰᠦᠮᠡ ᠵᠢᠨ ᠵᠡᠭᠡᠯᠢ ᠭᠤᠳᠤᠮᠵᠢ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷᠢ ᠨᠡᠢ᠌ᠯᠡᠭᠦᠯᠦᠭᠡᠳ ᠷᠠᠰᠠᠡᠭ ᠰᠦᠮᠡ ᠪᠠᠯᠭ᠋ᠠᠰᠤ ᠵᠢ ᠪᠠᠢ᠌ᠭᠤᠯᠵᠠᠢ᠃
ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠣᠷᠣᠨᠤ ᠲᠡᠦᠬᠡ ᠰᠣᠶᠣᠯ᠄
ᠷᠠᠰᠠᠡᠭ ᠰᠦᠮᠡ ᠪᠠᠯᠭ᠋ᠠᠰᠤᠨᠤ ᠲᠡᠦᠬᠡ ᠰᠣᠶᠣᠯᠤᠨ ᠰᠠᠭᠤᠷᠢ ᠭᠦᠨ ᠵᠤᠵᠠᠭ᠋ᠠᠨ ᠪᠠᠢ᠌ᠵᠤ᠂ ᠬᠢᠯᠢ ᠵᠢᠨ ᠳᠣᠲᠣᠷᠠ ᠮᠠᠨᠪᠠ ᠷᠠᠰᠠᠡᠭ ᠰᠦᠮᠡ᠂ ᠴᠠᠷᠠᠮᠤᠨ ᠬᠦᠨᠳᠡᠢ （雀尔沟岩画） ᠵᠢᠨ ᠬᠠᠳᠠᠨ ᠵᠢᠷᠤᠭ ᠪᠠ ᠴᠢᠨ ᠤᠯᠤᠰᠤᠨ ᠤᠷᠲᠤ ᠴᠠᠭ᠋ᠠᠨ ᠬᠡᠷᠡᠮ ᠵᠡᠷᠭᠡ ᠲᠡᠦᠬᠡ ᠰᠣᠶᠣᠯᠤᠨ ᠳᠤᠷᠠᠰᠬᠠᠯᠲᠤ ᠵᠦᠢ᠍ᠯᠡᠰᠤᠨ ᠬᠠᠮᠠᠭ᠋ᠠᠯᠠᠯᠲᠠ ᠵᠢᠨ ᠣᠷᠣᠨᠲᠠᠢ ᠪᠠᠢ᠌ᠳᠠᠭ᠃ ᠮᠠᠨᠪᠠ ᠷᠠᠰᠠᠡᠭ ᠰᠦᠮᠡ ᠪᠣᠯ ᠴᠢᠩ ᠤᠯᠤᠰᠤᠨ ᠡᠶᠡᠪᠡᠷ ᠵᠠᠰᠠᠭᠴᠢ ᠵᠢᠨ ᠶᠢᠰᠦᠳᠦᠭᠡᠷ ᠣᠨ （1652 ᠣᠨ）ᠳᠤ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ ᠬᠠᠭᠤᠴᠢᠨ ᠵᠣᠣ ᠰᠦᠮᠡ ᠵᠢᠨ ᠲᠠᠪᠤᠨ ᠷᠠᠰᠠᠡᠭᠤᠨ ᠨᠢᠭᠡ ᠪᠣᠯᠬᠤ 《ᠮᠠᠨᠪᠠ ᠷᠠᠰᠠᠡᠭ》 ᠪᠠᠢ᠌ᠵᠤ᠂ 371 ᠵᠢᠯᠤᠨ ᠲᠡᠦᠬᠡᠲᠠᠢ᠃ ᠴᠢᠩ ᠤᠯᠤᠰᠤᠨ ᠲᠡᠭᠷᠢ ᠲᠡᠳᠬᠦᠭᠴᠢ ᠵᠢᠨ ᠳᠥᠴᠢᠨ ᠭᠤᠷᠪᠠᠳᠤᠭ᠋ᠠᠷ ᠣᠨ （1778 ᠣᠨ）ᠳᠤ ᠤᠳᠤᠭᠤᠨ ᠳᠣᠯᠣᠳᠤᠭ᠋ᠠᠷ ᠵᠠᠰᠠᠭ ᠲᠤᠨᠤᠷᠤᠪᠰᠡᠷᠡᠡᠭ ᠮᠠᠨᠪᠠ ᠷᠠᠠᠰᠠᠡᠭ ᠰᠦᠮᠡ ᠵᠢ ᠬᠠᠭᠤᠴᠢᠨ ᠵᠤᠤ ᠰᠦᠮᠡ ᠡᠮᠤᠨ ᠮᠠᠲ᠋ᠧᠷᠢᠶᠠᠯ ᠡᠯᠪᠡᠭ ᠭᠠᠷᠳᠠᠭ᠂ ᠤᠰᠤ ᠪᠡᠯᠴᠢᠭᠡᠷ ᠰᠠᠢ᠌ᠳᠠᠢ ᠡᠯᠪᠡᠭ ᠷᠠᠰᠠᠡᠭ ᠰᠦᠮᠡ ᠲᠠᠤᠬᠠᠢ ᠵᠢᠨ ᠠᠭᠤᠯᠠᠨ （图海山᠂ ᠮᠠᠳᠠᠭᠲᠠᠢ）ᠳᠤ ᠨᠡᠬᠦᠯᠬᠡᠪᠡ᠃ 3 ᠲᠦᠮᠡ ᠭᠠᠷᠤᠢ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠲᠠᠯᠠᠪᠠᠶ ᠪᠦᠬᠦᠢ ᠡᠨᠡ ᠬᠦ᠌ ᠰᠦᠮᠡᠨᠢ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠥᠪᠥᠷ ᠮᠣᠩᠭᠣᠯᠤᠨ ᠪᠠᠷᠠᠭᠤᠨ ᠬᠡᠰᠡᠭᠤᠨ ᠬᠠᠮᠤᠭ ᠠᠯᠳᠠᠷᠲᠠᠢ ᠤᠳᠠᠴᠢ ᠵᠢᠨ ᠰᠦᠮᠡ ᠵᠢᠨ ᠨᠢᠭᠡ ᠪᠣᠯᠣᠨᠠ᠃ ᠣᠳᠣᠬᠠᠨᠳᠤ ᠮᠣᠩᠭᠣᠯ ᠠᠨᠠᠭ᠋ᠠᠬᠤ ᠤᠬᠠᠭ᠋ᠠᠨᠤ ᠲᠡᠦᠬᠡ ᠵᠢ ᠰᠤᠳᠤᠯᠬᠤ᠂ ᠰᠤᠷᠪᠤᠯᠵᠢ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯᠢ ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠬᠡᠬᠦ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠰᠤᠳᠤᠯᠭ᠋ᠠᠨᠤ ᠠᠵᠢᠯ ᠥᠷᠨᠢᠭᠦᠯᠬᠦ᠂ ᠰᠣᠶᠣᠯ ᠲᠡᠦᠬᠡ ᠵᠢ ᠤᠯᠠᠮᠵᠢᠯᠠᠬᠤ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠢ ᠬᠠᠮᠠᠭ᠋ᠠᠯᠠᠬᠤ ᠵᠡᠷᠭᠡ ᠠᠵᠢᠯ ᠵᠶ᠋ᠠᠷ ᠭᠣᠣᠯ ᠪᠣᠯᠭ᠋ᠠᠵᠤ᠂ ᠦᠵᠡᠭᠦᠯᠦᠯᠭᠡ ᠵᠢᠨ ᠵᠦᠢ᠍ᠯᠡᠰ 1810 ᠭᠠᠷᠤᠢ ᠪᠣᠶ᠃
ᠦᠬᠠᠢ ᠵᠢᠨ ᠨᠢᠭᠡᠳᠦᠭᠡᠷ ᠨᠠᠮᠤᠨ ᠡᠭᠦᠷᠤᠨ ᠳᠤᠷᠠᠰᠬᠠᠯᠤᠨ ᠣᠷᠳᠣᠨ ᠷᠠᠰᠠᠡᠭ ᠰᠦᠮᠡ ᠪᠠᠯᠭ᠋ᠠᠰᠤᠨᠳᠤ ᠪᠠᠢ᠌ᠷᠢᠯᠠᠳᠠᠭ᠃ 1953 ᠣᠨᠤ 3 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠦᠬᠠᠢ ᠣᠷᠣᠨᠳᠤ ᠠᠩᠬᠠᠳᠠᠭᠴᠢ ᠬᠣᠯᠪᠣᠭ᠋ᠠᠲᠤ ᠨᠠᠮᠤᠨ ᠡᠭᠦᠷ ᠪᠠᠢ᠌ᠭᠤᠯᠤᠭᠳᠠᠭᠰᠠᠨᠨᠢ ᠦᠬᠠᠢ ᠬᠤᠳᠠ ᠵᠢᠨ ᠨᠠᠮᠤᠨ ᠲᠡᠦᠬᠡ ᠪᠣᠯᠣᠨ ᠦᠢ᠍ᠯᠡᠰ ᠪᠣᠰᠬᠠᠭᠰᠠᠨ ᠲᠡᠦᠬᠡᠨᠳᠤ ᠴᠢᠬᠤᠯᠠ ᠪᠠᠢ᠌ᠷᠢ ᠰᠠᠭᠤᠷᠢᠲᠠᠢ ᠪᠦᠬᠡᠳ ᠦᠬᠠᠢ ᠣᠷᠣᠨᠤ ᠡᠷᠬᠢᠮ ᠨᠠᠨᠳᠢᠨ ᠬᠤᠪᠢᠰᠬᠠᠯᠤᠨ ᠡᠬᠢ ᠪᠠᠶᠠᠯᠢᠭ ᠪᠣᠯᠤᠭᠰᠠᠨ ᠪᠠᠢ᠌ᠨᠠ᠃ 2021 ᠣᠨᠳᠤ ᠦᠬᠠᠢ ᠬᠤᠳᠠ ᠵᠢᠨᠬᠢᠨ ᠬᠤᠯᠪᠤᠭ᠋ᠠᠳᠤ ᠨᠠᠮᠤᠨ ᠡᠬᠦᠷᠤᠨ ᠪᠠᠭᠤᠷᠢ ᠵᠢᠨ ᠬᠣᠶᠠᠷ ᠮᠥᠷ 40 ᠨᠦᠬᠡᠨ ᠭᠡᠷᠢ ᠰᠡᠯᠪᠢᠬᠡᠳ᠂ ᠦᠬᠠᠢ ᠵᠢᠨ ᠨᠢᠭᠡᠳᠦᠭᠡᠷ ᠨᠠᠮᠤᠨ ᠡᠭᠦᠷᠤᠨ ᠳᠤᠷᠠᠰᠬᠠᠯᠤᠨ ᠣᠷᠳᠣᠨ ᠪᠣᠯᠭ᠋ᠠᠨ ᠪᠠᠢ᠌ᠭᠤᠯᠵᠤ᠂ 1949 ᠣᠨᠠᠴᠠ ᠨᠠᠭ᠋ᠠᠰᠢᠬᠢ ᠦᠬᠠᠢ ᠣᠷᠣᠨᠤ ᠨᠠᠮᠤᠨ ᠬᠥᠭᠵᠢᠯᠲᠡ ᠵᠢᠨ ᠲᠡᠦᠬᠡ ᠪᠠ ᠬᠡᠰᠡᠭ ᠬᠠᠭᠤᠴᠢᠨ ᠡᠳ᠋ ᠪᠣᠳᠠᠰᠢ ᠳᠡᠯᠭᠡᠨ ᠦᠵᠡᠬᠦᠯᠵᠤ ᠪᠠᠢ᠌ᠨᠠ᠃