6 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 19ᠤ ᠠ᠋ᠳᠤᠷ ᠠᠯᠠᠱ᠌ᠠ ᠠᠢ᠌ᠮᠠᠭᠤᠨ ᠳᠤᠰᠠᠯᠠᠮᠵᠢ ᠵᠢᠨ ᠦᠷᠲᠡᠭᠡᠨᠤᠬᠢᠨ 〈〈ᠲᠣᠳᠣᠨᠤ ᠬᠦᠮᠤᠰᠢᠨᠢ ᠠ᠋ᠷᠢᠨ ᠣᠯᠵᠤ ᠳᠤᠯᠠᠭ᠋ᠠᠨ ᠭᠡᠷᠲᠤᠨᠢ ᠬᠠᠷᠢᠭᠤᠯᠬᠤ〉〉 ᠭᠣᠣᠯ ᠰᠡᠳᠤᠪᠲᠤ ᠴᠢᠯᠣᠭᠡᠲᠤ ᠠ᠋ᠳᠤᠷᠤᠨ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠵᠠᠢ᠃ ᠠᠯᠠᠱ᠌ᠠ ᠠᠢ᠌ᠮᠠᠭᠤᠨ ᠳᠡᠳ᠋ ᠳᠠᠷᠤᠭᠠ ᠰᠦᠨ ᠮᠢᠩ ᠴᠢᠤᠸᠠᠨ᠂ ᠴᠢᠨ ᠶᠠᠨ᠂ ᠰᠡᠴᠡᠨ᠂ ᠸᠠᠩ ᠴᠢᠶᠠᠩ ᠠᠵᠢᠯᠯᠠᠭ᠋ᠠᠨᠳᠤ ᠣᠷᠣᠯᠴᠠᠵᠤ᠂ ᠠᠢ᠌ᠮᠠᠭᠤᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠤᠬᠠᠭᠤᠯᠬᠤ ᠭᠡᠯᠲᠡᠰ᠂ ᠠᠢ᠌ᠮᠠᠭᠤᠨ ᠵᠠᠬᠢᠷᠭᠠ ᠵᠢᠨ ᠠᠯᠪᠠᠨ ᠭᠡᠷ ᠵᠡᠷᠭᠡ ᠨᠢᠭᠡᠴᠢ᠂ ᠨᠡᠢ᠌ᠬᠡᠮᠤᠨ ᠵᠣᠬᠢᠶᠠᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠴᠢ ᠰᠣᠨᠢᠨ ᠮᠡᠳᠡᠭᠡ ᠵᠠᠭᠤᠴᠢᠯᠠᠭᠤᠷᠤᠨᠬᠢᠨᠤ 50 ᠭᠠᠷᠤᠢ ᠬᠦᠮᠤᠨ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠪᠠ᠃
ᠠᠵᠢᠯᠯᠠᠭ᠋ᠠᠨᠤ ᠲᠠᠯᠠᠪᠡᠢᠳᠤ ᠠᠵᠢᠯᠲᠠᠨ ᠨᠠᠷ ᠠᠵᠢᠯᠯᠠᠭ᠋ᠠᠨᠳᠤ ᠣᠷᠣᠯᠴᠠᠬᠤᠪᠠᠷ ᠢᠷᠡᠭᠰᠡᠨ ᠬᠦᠮᠤᠰᠲᠤ ᠤᠬᠠᠭᠤᠯᠭᠠ ᠵᠢᠨ ᠬᠠᠭᠤᠳᠠᠰᠤ ᠳᠠᠷᠬᠠᠭ᠋ᠠᠨ᠂ ᠠᠮᠢᠳᠤᠷᠠᠯᠳᠤᠪᠠᠨ ᠮᠤᠬᠤᠷᠳᠠᠭᠰᠠᠨ ᠳᠡᠨᠤᠭᠦᠯᠴᠢ ᠭᠤᠢ᠌ᠷᠠᠨᠴᠢ ᠬᠦᠮᠤᠰᠢ ᠳᠤᠰᠠᠯᠠᠬᠤ ᠲᠦᠷᠤ ᠵᠢᠨ ᠪᠣᠳᠣᠯᠭᠠ ᠵᠢ ᠤᠬᠠᠭᠤᠯᠵᠤ᠂ ᠣᠯᠠᠨᠤ ᠰᠡᠳᠬᠢᠯ ᠲᠠᠯᠪᠢᠵᠤ ᠪᠠᠢ᠌ᠭᠠ ᠪᠣᠳᠠᠲᠠᠢ ᠠᠰᠠᠭᠤᠳᠠᠯᠢ ᠲᠠᠢ᠌ᠯᠪᠤᠷᠢᠯᠠᠭᠰᠠᠨ ᠪᠠ ᠳᠤᠰᠠᠯᠠᠮᠵᠢ ᠵᠢᠨ ᠦᠷᠲᠡᠭᠡᠨᠤ ᠣᠷᠴᠢᠨ ᠳᠣᠭᠣᠷᠢᠨ᠂ ᠤᠬᠠᠭᠤᠯᠭᠠ ᠵᠢᠨ ᠹᠢᠯᠢᠮ ᠵᠶ᠋ᠠᠨ ᠦᠵᠡᠭᠦᠯᠵᠤ᠂ ᠳᠤᠰᠠᠯᠠᠮᠵᠢ ᠵᠢᠨ ᠦᠷᠲᠡᠭᠡᠨᠤᠪᠠᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠪᠠᠢ᠌ᠳᠠᠯ᠂ ᠲᠡᠨᠤᠭᠦᠯᠴᠢ ᠭᠤᠢ᠌ᠷᠠᠨᠴᠢ ᠬᠦᠮᠤᠰᠢ ᠬᠠᠷᠠᠭ᠋ᠠᠯᠵᠠᠨ ᠳᠤᠰᠠᠯᠠᠵᠤ᠂ ᠦᠢ᠍ᠷᠠ ᠲᠣᠳᠣᠨᠤ ᠬᠦᠮᠤᠰᠢᠨᠢ ᠠ᠋ᠷᠢᠨ ᠰᠤᠷᠠᠵᠤ ᠪᠠᠢ᠌ᠭᠠ ᠪᠠᠢ᠌ᠳᠠᠯ ᠵᠶ᠋ᠠᠨ ᠣᠯᠠᠨᠳᠤ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠪᠠᠢ᠌ᠨᠠ᠃ ᠠᠢ᠌ᠮᠠᠭᠤᠨ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠳᠣᠪᠴᠢᠶᠠᠨᠤ ᠨᠠᠮᠤᠨ ᠳᠤᠭᠤᠢ᠌ᠯᠠᠩᠤ ᠪᠦᠷᠢᠯᠳᠤᠭᠦᠨ᠂ ᠳᠡᠳ᠋ ᠳᠣᠪᠴᠢᠶᠠᠨ ᠳᠠᠷᠣᠭᠠ ᠵᠠᠩ ᠰᠢᠤ ᠴᠢᠩ ᠣᠯᠠᠨᠳᠤ ᠳᠤᠰᠠᠯᠠᠮᠵᠢ ᠵᠢᠨ ᠦᠷᠲᠡᠭᠡᠨᠤ ᠦᠨᠳᠤᠰᠤᠨ ᠪᠠᠢ᠌ᠳᠠᠯ ᠪᠣᠯᠤᠨ ᠣᠷᠴᠢᠮᠤᠨ ᠬᠡᠳᠤᠨ ᠵᠢᠯᠤᠨ ᠣᠯᠤᠭᠰᠠᠨ ᠠᠮᠵᠢᠯᠲᠠᠪᠠᠨ ᠲᠠᠨᠢᠯᠴᠠᠭᠤᠯᠪᠠ᠃
ᠠᠵᠢᠯᠯᠠᠭ᠋ᠠᠨᠳᠤ ᠣᠷᠣᠯᠴᠠᠭᠰᠠᠨ ᠠᠢ᠌ᠮᠠᠭᠤᠨ ᠵᠠᠬᠢᠷᠭᠠ ᠵᠢᠨ ᠤᠳᠤᠷᠢᠳᠤᠯᠭᠠ ᠨᠠᠷ ᠳᠤᠰᠠᠯᠠᠮᠵᠢ ᠵᠢᠨ ᠦᠷᠲᠡᠭᠡᠨᠤ ᠠᠵᠢᠯᠤᠨ ᠠᠮᠵᠢᠯᠲᠠ ᠵᠢ ᠦᠨᠳᠤᠷ ᠦᠨᠡᠯᠡᠭᠰᠡᠨ ᠪᠦᠭᠡᠳ ᠳᠤᠰᠠᠯᠠᠮᠵᠢ ᠵᠢᠨ ᠦᠷᠲᠡᠭᠡᠨᠤ ᠠᠵᠢᠯᠤᠨ ᠠ᠋ᠭᠦᠷᠭᠡ ᠬᠦᠨᠳᠤ᠂ ᠠᠵᠢᠯᠲᠠᠨ ᠴᠦᠭᠡᠨ ᠪᠣᠯᠬᠣᠷ ᠬᠦᠴᠢᠷ ᠪᠡᠷᠬᠡ ᠵᠢ ᠢᠯᠠᠨ ᠳᠠᠪᠠᠵᠤ᠂ ᠠᠵᠢᠯ ᠵᠶ᠋ᠠᠨ ᠤᠯᠠᠮ ᠨᠠᠷᠢᠯᠢᠭᠵᠢᠭᠤᠯᠤᠨ᠂ ᠠᠶᠤᠯ ᠦᠭᠡᠢ ᠦᠯᠡᠳᠪᠤᠷᠢᠯᠡᠯᠤᠨ ᠬᠠᠮᠢᠶᠠᠷᠤᠯᠲᠠᠪᠠᠨ ᠴᠢᠩᠭ᠋ᠠᠳᠬᠠᠵᠤ᠂ ᠳᠡᠨᠤᠭᠦᠯᠴᠢ ᠭᠤᠢ᠌ᠷᠠᠨᠴᠢ ᠬᠦᠮᠤᠰᠢ ᠳᠤᠰᠠᠯᠠᠨ ᠬᠠᠮᠢᠶᠠᠷᠬᠤ ᠠᠵᠢᠯ ᠵᠶ᠋ᠠᠨ ᠦᠨᠡᠨᠬᠦ ᠨᠠᠷᠢᠨ ᠨᠢᠮᠪᠡᠢ ᠬᠢᠬᠦ ᠬᠡᠷᠡᠭᠲᠠᠢ᠃ ᠮᠡᠳᠡᠭᠡ ᠵᠠᠩᠭᠢ ᠵᠢᠨ ᠤᠬᠠᠭᠤᠯᠭᠠᠪᠠᠨ ᠰᠠᠢ᠌ᠨ ᠬᠢᠵᠤ᠂ ᠠ᠋ᠮᠡᠭᠲᠡᠢ᠌ᠴᠤᠳᠤᠨ ᠬᠣᠯᠪᠣᠭᠠ᠂ ᠲᠣᠳᠣᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠳᠣᠪᠴᠢᠶᠠ᠂ ᠡᠮ ᠠ᠋ᠮᠨᠡᠯᠭᠡ ᠵᠡᠷᠭᠡ ᠵᠢᠨ ᠰᠠᠯᠠᠭᠠ ᠮᠦᠴᠢᠷᠲᠠᠢ ᠬᠠᠷᠢᠴᠠᠭᠠ ᠬᠣᠯᠪᠣᠭᠠᠪᠠᠨ ᠴᠢᠩᠭ᠋ᠠᠳᠬᠠᠨ᠂ ᠨᠡᠢ᠌ᠬᠡᠮ ᠳᠠᠶᠠᠭ᠋ᠠᠷ ᠳᠤᠰᠠᠯᠠᠮᠵᠢ ᠵᠢᠨ ᠦᠷᠲᠡᠭᠡᠨᠤ ᠠᠵᠢᠯᠳᠤ ᠰᠠᠨᠠᠭᠠ ᠲᠠᠯᠪᠢᠨ᠂ ᠬᠠᠮᠲᠤᠪᠠᠷ ᠲᠡᠨᠤᠭᠦᠯᠴᠢ ᠭᠤᠢ᠌ᠷᠠᠨᠴᠢ ᠬᠦᠮᠤᠰᠢ ᠬᠠᠯᠠᠮᠵᠢᠯᠠᠨ ᠬᠠᠷᠠᠭ᠋ᠠᠯᠵᠠᠬᠤ ᠰᠠᠢ᠌ᠨ ᠰᠠᠢ᠌ᠬᠠᠨ ᠣᠷᠴᠢᠨᠢ ᠪᠣᠢ ᠪᠣᠯᠭ᠋ᠠᠬᠤᠪᠠᠷ ᠴᠢᠷᠮᠠᠢ᠌ᠬᠤ ᠬᠡᠷᠡᠭᠲᠠᠢ ᠭᠡᠪᠡ᠃
ᠲᠤᠰ ᠠ᠋ᠳᠤᠷᠨᠢ ᠬᠤᠸᠠ ᠳ᠋ᠦᠩ ᠠᠮᠠᠨ ᠬᠦᠨᠳᠡᠢ ᠵᠢᠨ ᠠ᠋ᠮᠨᠡᠯᠭᠡ ᠵᠢᠨ ᠬᠣᠷᠢᠶᠠᠠᠴᠠ ᠠᠢ᠌ᠮᠠᠭᠤᠨ ᠳᠤᠰᠠᠯᠠᠮᠵᠢ ᠵᠢᠨ ᠦᠷᠲᠡᠭᠡᠨᠳᠤ 200 ᠠ᠋ᠷᠡᠭᠦᠯᠵᠢᠯᠤᠨ ᠰᠢᠳᠤᠨ ᠱᠤᠸᠠᠵᠠ ᠪᠣᠯᠤᠨ ᠳᠤᠲᠤᠷᠭᠠ᠂ ᠭᠤᠯᠢᠷ᠂ ᠳᠣᠰᠤ ᠵᠡᠷᠭᠡ ᠵᠢᠨ ᠠᠮᠢᠳᠤᠷᠠᠯᠤᠨ ᠠ᠋ᠳ᠋ ᠪᠣᠳᠠᠰ ᠪᠡᠯᠡᠭᠯᠡᠨ ᠬᠦᠷᠭᠡᠵᠡᠢ᠃