ᠪᠤᠶᠠᠨᠮᠦ᠋ᠩᠭᠡ ᠬᠢᠭᠡᠳ 《ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ》
ᠨᠠ᠊ · ᠬᠦᠬᠡᠰᠢᠭᠤᠢ ᠵᠤᠬᠢᠶᠠᠪᠠ
ᠨᠢᠭᠡ
ᠰᠡᠳᠬᠢᠯ ᠰᠡᠷᠬᠦᠮᠠ ᠵᠤᠨᠤ ᠨᠢᠭᠡ ᠤᠷᠤᠢ ᠢᠷᠠᠭᠤ ᠨᠠᠢ᠌ᠷᠠᠭᠴᠢ ᠭ᠊ · ᠮᠠᠩᠬᠠᠨ ᠲᠡᠭᠦᠦ ᠤᠳᠠᠰᠤ ᠢᠷᠡᠭᠦᠯᠵᠤ ᠂ ᠪᠤᠶᠠᠨᠮᠦ᠋ᠩᠭᠡ ᠪᠠᠭᠰᠢ ᠵᠢᠨ 《ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ》 ᠵᠢᠨ ᠭᠤᠷᠪᠠᠳᠤᠭ᠋ᠠᠷ ᠪᠤᠳᠢ ᠨᠢ ᠮᠡᠨᠳᠦᠯᠡᠴᠢᠬᠡᠯᠡ᠃ ᠰᠢᠨᠡᠬᠡᠨ ᠢᠷᠡᠭᠰᠡᠨ ᠪᠡᠬᠡᠨᠢ ᠬᠠᠳᠠᠭᠠ ᠦᠭᠡᠢ ᠡᠨᠡ ᠬᠦ᠌ ᠨᠤᠮᠤᠨ ᠬᠡᠪᠯᠡᠭᠲᠡᠭᠰᠡᠨ ᠪᠠᠶᠠᠷᠢ ᠪᠢᠲᠡ ᠬᠡᠳᠦᠭᠦᠯᠡ ᠪᠡᠯᠭᠡᠯᠡᠬᠦᠪᠠᠷ ᠪᠠᠢ᠌ᠨᠠ᠂ ᠪᠠᠭᠰᠢ ᠲᠠᠨᠢ ᠪᠢ ᠲᠤᠰᠬᠤᠪᠠᠷ ᠤᠴᠢᠶᠡ ᠭᠡᠵᠤ ᠵᠠᠯᠠᠵᠤ ᠪᠠᠢ᠌ᠯᠠ᠃ ᠮᠢᠨᠤ ᠮᠡᠳᠡᠵᠤ ᠪᠠᠢ᠌ᠬᠤᠪᠠᠷ ᠂ 《ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ》 ᠵᠢᠨ ᠨᠢᠭᠡᠳᠦᠭᠡᠷ ᠪᠤᠳᠢᠨᠢ ᠭᠤᠤᠯᠳᠠᠭᠤ ᠵᠠᠷᠤᠳ ᠨᠤᠳᠤᠭᠤᠨ ᠭᠤᠤᠯ ᠭᠤᠷᠤᠬᠠ᠂ ᠨᠠᠭᠤᠷ ᠱᠠᠩᠲᠠ ᠵᠢ ᠲᠡᠮᠳᠡᠭᠯᠡᠵᠤ᠂ ᠬᠤᠶᠠᠳᠤᠭ᠋ᠠᠷ ᠪᠤᠳᠢᠨᠢ ᠠᠭᠤᠯᠠ ᠬᠠᠢ᠌ᠷᠬᠠᠨ᠂ ᠲᠠᠪᠠᠭᠠ ᠬᠦᠳᠦᠯᠢ ᠲᠡᠮᠳᠡᠭᠯᠡᠵᠤ᠂ ᠭᠤᠷᠪᠠᠳᠤᠭ᠋ᠠᠷ ᠪᠤᠳᠢᠨᠢ ᠲᠠᠯᠠ ᠵᠢᠯᠠᠭᠠ᠂ ᠮᠠᠩᠬᠠ ᠵᠤ ᠵᠢ ᠲᠡᠮᠳᠡᠭᠯᠡᠭᠰᠡᠨ ᠲᠡᠭᠦᠪᠦᠷᠢ ᠪᠤᠯᠬᠤ ᠶᠤᠮ᠃ ᠲᠤᠰ ᠢᠵᠢ ᠨᠤᠮᠤᠨ ᠭᠤᠷᠪᠠᠳᠤᠭ᠋ᠠᠷ ᠪᠤᠳᠢᠨᠢ ᠨᠢᠭᠡᠨᠲᠡ ᠬᠡᠪᠯᠡᠯᠳᠤ ᠤᠷᠤᠭᠰᠠᠨ ᠴᠢᠮᠡᠬᠡ ᠵᠢ ᠲᠦᠷᠦᠭᠦᠬᠡᠨ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷᠲᠠᠢ ᠸᠢᠴᠠᠲ ᠵᠶ᠋ᠡᠷ ᠨᠡᠪᠲᠡᠷᠡᠬᠦ ᠵᠠᠭᠤᠷᠠ ᠰᠤᠨᠤᠰᠴᠤ ᠪᠠᠢ᠌ᠭᠰᠠᠨ ᠪᠦᠭᠡᠳ ᠲᠦᠷᠬᠡᠨ ᠬᠡᠪᠯᠡᠭᠲᠡᠬᠦ ᠵᠢ ᠨᠢ ᠬᠦᠰᠡᠨ ᠪᠠᠷᠠᠯᠠᠵᠤ ᠪᠠᠢ᠌ᠭᠰᠠᠨ ᠵᠠᠷᠤᠳ ᠤᠩᠰᠢᠭᠴᠢ ᠵᠢᠨ ᠨᠢᠭᠡ ᠪᠤᠯᠬᠤᠷ ᠰᠢᠨᠠ ᠨᠤᠮᠤᠨ ᠰᠤᠷᠠᠭᠢ ᠰᠤᠨᠤᠷᠲᠠᠭ᠋ᠠᠳ ᠨᠡᠭᠡᠷᠡᠨ ᠰᠢᠬᠢᠷ ᠬᠦᠯᠬᠦᠭᠰᠡᠨ ᠬᠡᠦᠬᠡᠳ ᠰᠢᠭ ᠲᠡᠭᠳᠡᠯᠵᠡᠪᠠ᠃ 《ᠬᠦᠨᠳᠦ ᠬᠡᠮᠡᠨ ᠪᠤᠤ ᠠᠶᠤ ᠡᠷᠭᠦᠪᠠᠰᠦ ᠲᠠᠭ᠋ᠠᠭ᠋ᠠᠶᠤ᠃ ᠬᠤᠯᠠ ᠬᠡᠮᠡᠨ ᠪᠤᠤ ᠴᠦᠬᠦ ᠵᠤᠷᠢᠪᠠᠰᠤ ᠬᠦᠷᠦᠶᠦ》 ᠭᠡᠳᠡᠭ ᠵᠶ᠋ᠠᠷ ᠵᠠᠷᠤᠳ ᠬᠤᠰᠢᠭᠤᠨᠤ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤᠨ ᠰᠠᠨᠠᠯ ᠲᠤᠷᠠᠳᠤᠯᠭᠠᠪᠠᠷ ᠵᠠᠷᠤᠳ ᠬᠤᠰᠢᠭᠤᠨᠤ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤᠨ ᠪᠠᠢ᠌ᠩᠭᠤ ᠵᠢᠨ ᠬᠤᠷᠢᠶᠠ ᠲᠤᠰᠬᠠᠢ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠪᠠᠭᠤᠯᠭ᠋ᠠᠵᠤ᠂ ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ ᠵᠢ ᠲᠡᠮᠳᠡᠭᠯᠡᠨ ᠪᠢᠴᠢᠬᠦ ᠠᠵᠢᠯᠢ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷᠲᠤ ᠲᠠᠭ᠋ᠠᠭ᠋ᠠᠯᠭ᠋ᠠᠭᠰᠠᠨᠢ ᠲᠡᠷᠡᠪᠠᠷ ᠵᠢᠷᠭᠤᠭ᠋ᠠᠨ ᠵᠢᠯ ᠢᠯᠡᠭᠦᠦ ᠵᠢᠨ ᠴᠠᠭᠢ ᠵᠠᠷᠤᠴᠠᠭᠤᠯᠵᠤ 130 ᠲᠦᠮᠡᠨ ᠦᠰᠦᠭ ᠪᠦᠬᠦᠢ ᠭᠤᠷᠪᠠᠨ ᠪᠤᠳᠢ ᠨᠤᠮᠢ ᠨᠠᠢ᠌ᠷᠠᠭᠤᠯᠤᠨ ᠬᠡᠪᠯᠡᠭᠦᠯᠦᠭᠰᠡᠨᠨᠢ ᠨᠡᠭᠡᠷᠡᠨ 《ᠴᠢᠷᠠᠢ ᠡᠴᠡᠵᠤ᠂ ᠮᠢᠬᠠ ᠲᠤᠷᠠᠵᠤ᠂ ᠰᠢᠷᠪᠤᠰᠦ ᠰᠤᠩᠬᠤ》 ᠵᠢᠨ ᠦᠢ᠍ᠯᠡ ᠵᠢ ᠠᠮᠰᠠᠪᠠᠴᠤ ᠦᠨᠦᠳᠦᠷ ᠬᠠᠮᠤᠭ ᠰᠡᠭᠦᠯᠴᠢ ᠵᠢᠨ ᠭᠤᠷᠪᠠᠳᠤᠭ᠋ᠠᠷ ᠪᠤᠳᠢ ᠤᠩᠰᠢᠭᠴᠢ ᠤᠯᠠᠨᠲᠠᠢ ᠵᠤᠯᠭ᠋ᠠᠬᠤ ᠪᠤᠯᠤᠭᠰᠠᠨ ᠳᠤ ᠪᠢᠲᠠ ᠮᠦᠨᠲᠠᠭᠠᠨ ᠪᠠᠶᠠᠰᠤᠯᠴᠠᠪᠠ᠃
ᠬᠤᠶᠠᠷ
ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷᠲᠠᠢ ᠪᠢ ᠡᠷᠲᠡ ᠲᠠᠨᠢᠯᠴᠠᠳᠠᠭ᠃ ᠲᠡᠷᠡᠪᠠᠷ 1981 ᠤᠨᠳᠤ ᠪᠠᠭᠰᠢ ᠵᠢᠨ ᠰᠤᠷᠭ᠋ᠠᠭᠤᠯᠢ ᠲᠡᠭᠦᠰᠴᠤ ᠂ ᠪᠠᠶᠠᠷᠳᠤᠬᠤᠰᠢᠭᠤ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠠᠵᠢᠯᠤᠨ ᠭᠠᠷᠤᠭᠠ ᠠᠪᠤᠭᠰᠠᠨᠠᠴᠠ ᠬᠤᠢ᠌ᠰᠢ ᠠᠵᠢᠯᠤᠨ ᠰᠡᠯᠡᠭᠦᠦᠪᠠᠷ ᠰᠢᠯᠦᠭ ᠬᠤᠯᠪᠤᠭᠠ ᠪᠢᠴᠢᠵᠤ 《ᠬᠤᠨ ᠭᠠᠯᠠᠭᠤ》 《ᠵᠠᠯᠠᠭᠤ ᠵᠤᠬᠢᠶᠠᠯᠴᠢ》 《ᠦᠪᠦᠷ ᠮᠤᠩᠭᠤᠯᠤᠨ ᠡᠳᠦᠷᠤᠨ ᠰᠤᠨᠢᠨ》 ᠵᠡᠷᠭᠡ ᠰᠤᠨᠢᠨ ᠰᠡᠳᠬᠦᠯ ᠵᠶ᠋ᠠᠷ ᠠᠯᠳᠠᠭ ᠤᠨᠤᠭ ᠨᠡᠢ᠌ᠲᠡᠯᠡᠭᠦᠯᠵᠤ ᠪᠠᠢ᠌ᠭᠰᠠᠨᠨᠢ ᠲᠡᠭᠦᠨᠤ ᠤᠷᠠᠨ ᠵᠤᠬᠢᠶᠠᠯᠳᠤ ᠲᠤᠷᠠ ᠪᠠᠬᠠᠲᠠᠢ ᠪᠠᠢ᠌ᠭᠰᠠᠨ ᠮᠦᠷᠲᠡᠭᠡᠨ ᠨᠠᠢ᠌ᠷᠠᠭᠤᠯᠵᠤ ᠪᠢᠴᠢᠬᠦ ᠠᠪᠢᠶᠠᠰᠨᠢ ᠬᠠᠷᠠᠬᠠᠨ ᠬᠦᠭᠵᠢᠩᠭᠦᠢ ᠪᠠᠢ᠌ᠭᠰᠠᠨᠢ ᠬᠠᠷᠠᠭᠤᠯᠵᠤ ᠪᠠᠢ᠌ᠵᠠᠢ᠃ ᠲᠤᠬᠠᠢ ᠵᠢᠨ ᠦᠶᠡᠳᠤ ᠵᠠᠷᠤᠳ ᠬᠤᠰᠢᠭᠤᠨᠤ ᠰᠢᠨᠬᠤᠸᠠ ᠨᠤᠮᠤᠨ ᠲᠡᠯᠭᠡᠭᠦᠷᠲᠤ ᠰᠢᠯᠦᠭᠴᠢ ᠯ᠊ · ᠤᠳᠽᠡᠷᠤᠨ 《ᠡᠪᠡᠰᠦ ᠲᠡᠯᠡᠬᠡᠢ ᠬᠤᠶᠠᠷ》 ᠭᠡᠰᠡᠨ ᠰᠠᠢ᠌ᠬᠠᠨ ᠨᠤᠮ ᠢᠷᠡᠭᠰᠡᠨ ᠰᠤᠷᠠᠭᠢ ᠬᠠᠮᠳᠤ ᠰᠤᠷᠤᠭᠴᠢᠠᠴᠠᠪᠠᠨ ᠰᠤᠨᠤᠰᠤᠭ᠋ᠠᠳ ᠲᠤᠰᠬᠠᠢ᠌ᠯᠠᠨ ᠯᠦᠪᠧᠢ ᠪᠠᠯᠭ᠋ᠠᠰᠤᠨᠳᠤ ᠨᠤᠮ ᠠᠪᠬᠤᠪᠠᠷ ᠢᠷᠡᠭᠰᠡᠨᠨᠢ ᠲᠡᠭᠦᠨᠤ ᠤᠷᠠᠨ ᠵᠤᠬᠢᠶᠠᠯᠤᠨ ᠵᠠᠯᠠᠭᠤᠰ ᠪᠠᠢ᠌ᠭᠰᠠᠨᠤ ᠪᠠᠳᠤ ᠭᠡᠷᠡᠴᠢ ᠪᠤᠯᠵᠤ ᠬᠤᠴᠤᠷᠴᠠᠢ᠃ ᠰᠡᠭᠦᠯᠤᠨ ᠦᠶᠡᠳᠤ ᠲᠡᠷᠡ ᠪᠠᠭᠰᠢ ᠵᠢᠨ ᠠᠯᠪᠠᠨᠠᠴᠠ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠠᠵᠢᠯᠳᠤ ᠰᠢᠯᠵᠢᠭᠰᠡᠨ ᠵᠶ᠋ᠠᠷ ᠤᠷᠠᠨ ᠵᠤᠬᠢᠶᠠᠯ ᠤᠷᠤᠯᠳᠤᠬᠤ ᠴᠠᠭ ᠬᠤᠮᠰᠠᠳᠠᠵᠤ ᠨᠢᠭᠡᠨ ᠦᠶᠡ ᠪᠢᠷᠢ ᠬᠤᠷᠢᠶᠠᠵᠤ ᠰᠤᠳᠤᠷᠢ ᠡᠪᠬᠡᠵᠤ ᠶᠠᠪᠤᠵᠠᠢ᠃
ᠠᠷᠪᠠᠭ᠋ᠠᠳ ᠵᠢᠯᠤᠨ ᠡᠮᠤᠨᠠ ᠨᠠᠮᠠ ᠵᠢ ᠬᠤᠰᠢᠭᠤᠨᠤ ᠤᠳᠬᠠ ᠤᠷᠠᠯᠢᠭᠤᠨᠬᠢᠨᠤ ᠬᠤᠯᠪᠤᠭᠠᠳᠤ ᠠᠵᠢᠯᠯᠠᠵᠤ ᠪᠠᠢ᠌ᠬᠤᠳᠤ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠬᠤᠰᠢᠭᠤᠨᠤ ᠦᠨᠳᠦᠰᠦᠲᠡᠨᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠲᠤᠪᠴᠢᠶᠠᠳᠤ ᠲᠠᠷᠤᠭ᠋ᠠᠯᠠᠵᠤ ᠪᠠᠢ᠌ᠭᠰᠠᠨ ᠪᠠ ᠮᠠᠨᠤ ᠬᠤᠶᠠᠷᠤᠨ ᠪᠠᠢ᠌ᠭᠤᠯᠭᠠ ᠨᠢᠭᠡ ᠯᠡ ᠠᠰᠠᠷᠲᠤ ᠠᠯᠪᠠᠯᠠᠭᠰᠠᠨᠠᠴᠠ ᠬᠠᠷᠢᠯᠴᠠᠨ ᠶᠠᠪᠤᠯᠴᠠᠵᠤ ᠬᠠᠮᠲᠤᠪᠠᠷ ᠰᠤᠷᠤᠯᠴᠠᠬᠤ ᠰᠠᠢ᠌ᠬᠠᠨ ᠠᠵᠠ ᠲᠤᠬᠢᠶᠠᠯᠢ ᠤᠯᠭᠤᠭᠰᠠᠨ ᠶᠤᠮ᠃ ᠲᠡᠷᠡ ᠦᠶᠡᠳᠤ ᠬᠤᠶᠠᠷ ᠪᠠᠢ᠌ᠭᠤᠯᠭᠠᠪᠠᠷ ᠵᠶ᠋ᠠᠨ ᠬᠠᠮᠵᠢᠯᠴᠠᠨ 《ᠦᠨᠳᠦᠰᠦᠲᠡᠨᠤ ᠪᠦᠯᠭᠦᠮᠲᠡᠯ》 ᠬᠤᠨᠳᠠᠭ᠋ᠠᠳᠤ ᠰᠢᠯᠦᠭ ᠲᠠᠭᠤᠤ ᠵᠢᠨ ᠤᠷᠤᠯᠳᠤᠭ᠋ᠠᠨᠢ ᠤᠳᠠᠭᠠ ᠲᠠᠷᠠᠭ᠋ᠠᠯᠠᠨ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠵᠤ᠂ ᠦᠷᠭᠡᠨ ᠤᠯᠠᠨ ᠰᠢᠯᠦᠭᠴᠢ ᠤᠷᠠᠯᠢᠭᠴᠢᠨ ᠵᠶ᠋ᠠᠨ ᠤᠷᠮᠠᠰᠢᠭᠤᠯᠤᠨ ᠲᠡᠳᠬᠦᠵᠤ ᠪᠠᠢ᠌ᠭᠰᠠᠨᠢ ᠤᠳᠤ ᠡᠷᠬᠢᠴᠡᠭᠦᠯᠬᠦᠳᠤ ᠤᠷᠮᠠᠲᠠᠢ ᠪᠠᠢ᠌ᠨᠠ᠃ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷᠤᠨ ᠨᠠᠳᠠᠳᠤ ᠦᠭᠭᠦᠭᠰᠡᠨ ᠰᠠᠭᠤᠭᠳᠠᠯ ᠭᠡᠪᠡᠯ ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡ᠂ ᠨᠤᠳᠤᠭ ᠤᠰᠤᠨᠤ ᠦᠯᠢᠭᠡᠷ ᠲᠡᠦᠬᠡ᠂ ᠦᠯᠢᠭᠡᠷ ᠬᠤᠯᠪᠤᠭᠠ ᠂ ᠤᠷᠳᠤ ᠵᠢᠨ ᠲᠠᠭᠤᠤᠳᠤ ᠮᠠᠰᠢ ᠲᠤᠷᠠ ᠰᠤᠨᠢᠷᠬᠠᠯᠲᠠᠢ᠂ ᠬᠦᠮᠦᠨᠳᠤ ᠶᠡᠬᠡ ᠲᠤᠰᠠᠷᠬᠠᠭ᠂ ᠠᠵᠢᠯᠳᠤ ᠮᠠᠰᠢ ᠰᠢᠭᠤᠷᠬᠠᠢ᠂ ᠦᠢ᠍ᠯᠡᠰ ᠲᠤᠪᠠᠨ ᠲᠤᠩ ᠬᠠᠢ᠌ᠷᠠᠲᠠᠢ᠃ ᠠᠷᠪᠠ ᠭᠠᠷᠤᠢ ᠵᠢᠯᠤᠨ ᠡᠮᠤᠨᠠ ᠬᠤᠭᠤᠷᠴᠢ ᠯᠤᠤᠽᠡᠷ ᠨᠠᠰᠤ ᠪᠠᠷᠠᠭᠰᠠᠨᠳᠤ ᠲᠡᠷᠡ ᠮᠠᠰᠢᠲᠠ ᠡᠮᠭᠡᠨᠢᠵᠤ ᠬᠡᠳᠦᠨ ᠠᠬᠠ ᠲᠡᠭᠦᠦᠪᠠᠨ ᠲᠠᠭᠤᠳᠠᠵᠤ ᠲᠤᠷᠠᠳᠬᠠᠯ ᠮᠦᠷᠦᠭᠡᠳᠦᠯᠤᠨ ᠰᠢᠷᠡᠬᠡ ᠵᠠᠰᠠᠵᠤ ᠰᠡᠪ ᠰᠡᠮᠡᠬᠡᠷᠬᠡᠨ ᠨᠢᠯᠪᠤᠰᠤ ᠤᠷᠤᠰᠬᠠᠵᠤ ᠪᠠᠢ᠌ᠭᠰᠠᠨᠢ ᠪᠢ ᠤᠯᠵᠤ ᠬᠠᠷᠠᠭ᠋ᠠᠳ ᠶᠠᠭ᠋ᠠᠬᠢᠵᠤ ᠢᠳᠬᠠᠬᠤᠪᠠᠨ ᠤᠯᠬᠤ ᠦᠭᠡᠢ ᠪᠠᠢ᠌ᠭᠰᠠᠨ ᠶᠤᠮ ᠡ！ ᠲᠠᠭᠤᠤ ᠵᠢ ᠰᠠᠢ᠌ᠬᠠᠨ ᠲᠠᠭᠤᠯᠠᠳᠠᠭ᠂ ᠬᠤᠭᠤᠷᠢ ᠡᠭᠡᠰᠢᠭᠯᠡᠩᠲᠡᠢ ᠲᠠᠲᠠᠳᠠᠭ᠂ ᠮᠤᠩᠭᠤᠯ ᠦᠰᠦᠭ ᠵᠶ᠋ᠠᠨ ᠢᠲᠡᠯᠢᠭ ᠰᠠᠢ᠌ᠬᠠᠨ ᠪᠢᠴᠢᠲᠡᠭ ᠡᠨᠡ ᠬᠦᠮᠦᠨᠢ ᠪᠢ ᠤᠳᠬᠠ ᠤᠷᠠᠯᠢᠭᠤᠨ ᠵᠠᠮ ᠵᠶ᠋ᠠᠷ ᠵᠶ᠋ᠠᠨ ᠵᠠᠮᠨᠠᠭ᠋ᠠᠳ ᠪᠠᠢ᠌ᠭᠰᠠᠨ ᠪᠤᠯ ᠶᠡᠬᠡ ᠶᠠᠭᠤᠮᠠ ᠪᠦᠳᠦᠭᠡᠵᠤ ᠪᠤᠯᠬᠤ ᠬᠦᠮᠦᠨ ᠳ᠋ᠠ ᠭᠡᠵᠤ ᠪᠢᠲᠡᠭᠦᠬᠡᠨ ᠳᠤᠪᠠᠨ ᠪᠤᠳᠤᠵᠤ ᠪᠠᠢ᠌ᠭᠰᠠᠨ ᠵᠶ᠋ᠡᠨ ᠨᠢᠭᠤᠬᠤ ᠦᠭᠡᠢ᠃ ᠦᠭᠡ ᠵᠢᠨᠢ ᠪᠢ ᠪᠢᠴᠢᠵᠤ᠂ ᠠᠶᠠ ᠵᠢᠨᠢ ᠴᠢᠯᠠᠭᠤ ᠵᠤᠬᠢᠶᠠᠭᠰᠠᠨ 《ᠵᠡᠭᠦᠳᠦᠨ ᠴᠡᠩᠭᠡᠷ ᠵᠠᠷᠤᠳ》 ᠲᠠᠭᠤᠤ ᠵᠢ ᠠᠩᠬᠠ ᠰᠤᠨᠤᠰᠤᠭ᠋ᠠᠳ ᠰᠡᠳᠬᠢᠯ ᠬᠦᠲᠡᠯᠬᠦ ᠳᠤᠪᠠᠨ ᠨᠢᠭᠡ ᠰᠦᠨᠢ ᠬᠤᠭᠤᠷᠲᠠᠵᠤ ᠬᠤᠨᠤᠭᠰᠠᠨ ᠡᠨᠡ ᠬᠦᠮᠦᠨᠤ ᠤᠳᠬᠠ ᠤᠷᠠᠯᠢᠭᠤᠨ ᠲᠤᠷᠠ ᠪᠠᠬᠠᠷᠬᠠᠯ ᠬᠢᠷᠢ ᠵᠡᠷᠭᠡ ᠭᠡᠰᠡᠨᠢ ᠬᠡᠯᠡᠬᠦ ᠦᠭᠡᠢᠳᠤ ᠴᠦ᠍ ᠬᠦᠮᠦᠰ ᠮᠡᠳᠡᠨᠡ᠃
ᠰᠡᠬᠦᠯᠤᠨ ᠦᠶᠡᠳᠤ ᠪᠢ ᠬᠤᠰᠢᠭᠤᠨᠤ ᠤᠯᠤᠰ ᠲᠦᠷᠦ ᠵᠢᠨ ᠵᠦᠪᠯᠡᠯᠭᠡᠨᠳᠤ ᠠᠵᠢᠯ ᠰᠢᠯᠵᠢᠵᠤ᠂ ᠲᠡᠷᠡ ᠪᠠᠰᠠ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤᠨ ᠪᠠᠢ᠌ᠩᠭᠤ ᠵᠢᠨ ᠬᠤᠷᠢᠶᠠᠳᠤ ᠠᠵᠢᠯ ᠰᠢᠯᠵᠢᠭᠰᠡᠨ ᠵᠶ᠋ᠠᠷ ᠪᠢᠲᠡ ᠬᠤᠶᠠᠷ ᠬᠤᠶᠠᠳᠠᠬᠢ ᠤᠳᠠᠭᠠ ᠨᠢᠭᠡ ᠠᠰᠠᠷᠲᠤ ᠠᠯᠪᠠᠯᠠᠬᠤ ᠬᠤᠪᠢ ᠢᠷᠦᠭᠡᠯ ᠲᠤᠬᠢᠶᠠᠭᠰᠠᠨ ᠶᠤᠮ ᠡ᠃ ᠡᠩᠤᠨ ᠴᠠᠭᠲᠤ ᠬᠤᠷᠠᠯ ᠬᠤᠢ ᠭᠡᠳ ᠵᠤᠬᠢᠶᠠᠨ ᠪᠦᠳᠦᠬᠡᠬᠦ ᠴᠠᠭ ᠬᠤᠮᠰᠠ ᠪᠤᠯᠬᠤᠷ ᠪᠢ ᠭᠠᠷᠠᠭᠤᠨ ᠠᠮᠠᠷᠠᠯᠲᠠ ᠵᠢᠨ ᠬᠤᠶᠠᠷ ᠡᠳᠦᠷᠢ ᠠᠰᠢᠭᠯᠠᠵᠤ ᠠᠯᠪᠠᠨ ᠭᠡᠷᠲᠤ ᠢᠷᠡᠭᠡᠳ ᠨᠤᠮ ᠰᠤᠳᠤᠷᠲᠠᠢ ᠨᠦᠬᠦᠴᠡᠳᠡᠭ ᠵᠠᠩᠰᠢᠯᠲᠠᠢ᠃ ᠤᠷᠢᠳᠤᠨᠢ ᠪᠢ ᠲᠡᠮᠡᠢ ᠤᠪᠠᠢ᠌ᠯᠠᠭᠰᠠᠨ ᠦᠭᠡᠢ᠂ ᠬᠡᠵᠢᠶᠡ ᠬᠤᠢ᠌ᠨᠠᠨᠢ ᠰᠠᠶᠢ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷᠤᠨ ᠮᠤᠲ᠋ᠤᠷ ᠬᠡᠵᠢᠶᠡᠲᠡ ᠠᠯᠪᠠᠨ ᠠᠰᠠᠷᠤᠨ ᠠᠷᠤᠳᠤ ᠵᠤᠭᠰᠤᠵᠤ ᠪᠠᠢ᠌ᠳᠠᠭᠨᠢ ᠲᠡᠷᠡ ᠪᠠᠰᠠ ᠭᠠᠷᠠᠭᠤᠨ ᠠᠮᠠᠷᠠᠯᠳᠠ ᠪᠠᠷ ᠠᠯᠪᠠᠯᠠᠬᠤ ᠭᠡᠷ ᠲᠤᠪᠠᠨ ᠰᠤᠷᠪᠤᠯᠵᠢᠯᠠᠵᠤ ᠢᠷᠡᠭᠰᠡᠨ 《 ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ》ᠪᠠᠨ ᠨᠠᠢ᠌ᠷᠠᠭᠤᠯᠤᠨ ᠲᠡᠮᠳᠡᠭᠯᠡᠵᠤ ᠪᠠᠢ᠌ᠭᠰᠠᠨ ᠪᠦᠯᠦᠭᠡ᠃ ᠵᠢᠷᠭᠤᠭ᠋ᠠᠨ ᠵᠢᠯ ᠢᠯᠡᠭᠦᠦ ᠵᠢᠨ ᠴᠠᠭ᠂ ᠬᠤᠶᠠᠷ ᠮᠢᠩᠭᠠ ᠢᠯᠡᠬᠦᠦ ᠡᠳᠦᠷ ᠬᠤᠨᠤᠭ᠂ ᠤᠨᠴᠠᠭ᠋ᠠᠢ ᠵᠠᠷᠢᠮ ᠠᠮᠠᠷᠠᠯᠲᠠ ᠵᠢ ᠭᠠᠷᠭ᠋ᠠᠪᠠᠯ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠠᠮᠠᠷᠠᠯᠳᠠ ᠵᠢᠨ ᠡᠳᠦᠷ ᠬᠤᠨᠤᠭᠢ ᠪᠠᠷᠤᠭ ᠪᠦᠷ ᠡᠨᠡ ᠨᠤᠮᠳᠤ ᠵᠠᠷᠤᠴᠠᠭᠤᠯᠤᠭᠰᠠᠨ ᠭᠡᠬᠦᠳᠤ ᠲᠦᠯᠬᠢᠬᠦᠦ ᠬᠡᠯᠡᠭᠰᠡᠨ ᠦᠬᠡ ᠪᠢᠰᠢ᠃ ᠬᠠᠶᠠ ᠵᠠᠷᠢᠮ ᠦᠭᠡ ᠦᠰᠦᠭᠢ ᠶᠠᠭ᠋ᠠᠬᠢᠵᠤ ᠪᠢᠴᠢᠬᠦ ᠲᠤᠬᠠᠢ ᠨᠠᠳᠠᠠᠴᠠ ᠯᠠᠪᠯᠠᠬᠤᠪᠠᠷ ᠮᠢᠨᠤ ᠠᠯᠪᠠᠨ ᠭᠡᠷᠲᠤ ᠢᠷᠡᠳᠡᠭ ᠃ ᠪᠢ ᠲᠡᠭᠦᠨᠳᠤ ᠄ 《ᠲᠤᠰ ᠨᠤᠮ ᠲᠠᠨᠤ ᠦᠢ᠍ᠯᠡ ᠵᠢ ᠪᠠᠷᠠᠭ᠋ᠠᠵᠤ ᠪᠠᠢ᠌ᠨᠠ ᠳ᠋ᠠ》ᠭᠡᠵᠤ ᠬᠡᠯᠡᠬᠦᠳᠤ ᠲᠡᠷᠡᠪᠠᠷ᠄《ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢ ᠨᠠᠷ ᠵᠢᠴᠢ ᠦᠯᠵᠡᠢ᠌ᠮᠡᠨᠳᠤ ᠂ ᠪᠠᠶᠠᠨᠰᠠᠩ᠂ ᠡᠤ ᠴᠢᠩ ᠬᠠᠢ ᠡᠷᠬᠢᠯᠡᠭᠴᠢ ᠵᠢᠨ ᠢᠲᠡᠭᠡᠯ ᠨᠠᠢ᠌ᠲᠠᠯᠭᠠᠢ ᠬᠦᠰᠡᠷᠲᠡᠭᠦᠯᠬᠦ ᠦᠭᠡᠢ ᠵᠢᠨ ᠲᠦᠯᠦᠭᠡ ᠢᠩᠭᠢᠵᠤ ᠯᠡ ᠴᠢᠷᠮᠠᠢ᠌ᠵᠤ ᠶᠠᠪᠤᠭᠠ ᠰᠢᠦ᠂ ᠲᠡᠭᠡᠪᠡᠴᠤ ᠮᠠᠨᠤ ᠮᠤᠩᠭᠤᠯ ᠦᠭᠡᠨᠤ 〈ᠲᠤᠷᠠᠳᠤ ᠰᠢᠷᠠ ᠦᠭᠡᠢ〉 ᠭᠡᠳᠡᠭ ᠶᠠᠭ ᠲᠠᠭ᠋ᠠᠷᠠᠨᠠ᠂ ᠮᠠᠨᠤ ᠦᠶᠡᠳᠤ ᠡᠨᠡ ᠨᠡᠷᠡᠢ᠌ᠳᠦᠯᠢ ᠲᠡᠮᠳᠡᠭᠯᠡᠵᠤ ᠦᠯᠡᠳᠡᠬᠦᠨᠢ ᠮᠢᠨᠤ ᠬᠠᠷᠢᠭᠤᠴᠠᠯᠭᠠ ᠰᠢᠦ》 ᠭᠡᠵᠤ ᠮᠠᠭ ᠮᠠᠭ ᠬᠦᠬᠦᠷᠡᠵᠤ ᠪᠠᠢ᠌ᠯᠠ᠃
ᠲᠡᠷᠡᠪᠠᠷ ᠤᠤᠯ ᠳᠤᠪᠠᠨ ᠭᠠᠵᠠᠷ ᠵᠦᠢ ᠵᠢᠨ ᠪᠠᠭᠰᠢ᠂ ᠭᠠᠯᠢ ᠰᠡᠷᠭᠡᠢ᠌ᠯᠡᠬᠦ ᠠᠯᠪᠠᠨ ᠭᠡᠷᠤᠨ ᠡᠷᠬᠢᠯᠡᠭᠴᠢ ᠪᠠᠢ᠌ᠭᠰᠠᠨ ᠪᠤᠯᠬᠤᠷ ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤᠪᠠᠨ ᠠᠯᠠᠭ᠋ᠠᠨ ᠵᠢᠷᠤᠭ᠋ᠠᠰᠤᠪᠠᠨ ᠰᠢᠭ᠋ ᠦᠢ᠍ᠯᠠᠭ᠋ᠠᠳᠠᠭ ᠮᠦᠷᠲᠡᠭᠡᠨ ᠲᠡᠭᠦᠨᠤ ᠲᠡᠮᠳᠡᠭᠯᠡᠭᠰᠡᠨ ᠠᠭᠤᠯᠠ ᠲᠠᠪᠠᠭ᠋ᠠᠨᠤ ᠦᠨᠳᠦᠷᠴᠡ ᠵᠢᠨ ᠬᠡᠮᠵᠢᠶᠡᠨᠢ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠦᠨᠳᠦᠰᠦ ᠪᠠᠷᠢᠮᠳᠠᠲᠠᠢ ᠪᠠᠢ᠌ᠳᠠᠭ᠃ ᠪᠦᠷᠢᠨ ᠪᠤᠰᠤ ᠪᠦᠷᠢᠳᠬᠡᠯ ᠵᠶ᠋ᠠᠷ᠂ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷᠤᠨ ᠨᠠᠢ᠌ᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ 《ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ》ᠤᠨ 《ᠨᠢᠭᠡᠳᠦᠭᠡᠷ ᠪᠤᠳᠢ — ᠭᠤᠤᠯ ᠭᠤᠷᠤᠬᠠ ᠨᠠᠭᠤᠷ ᠱᠠᠩᠳᠠ》ᠳᠤ100 ᠭᠠᠷᠤᠢ ᠭᠤᠤᠯ ᠭᠤᠷᠤᠬᠠ᠂ 70 ᠭᠠᠷᠤᠢ ᠨᠠᠭᠤᠷ ᠬᠠᠭ᠂ 300 ᠢᠯᠡᠭᠦᠦ ᠪᠤᠯᠠᠭ ᠱᠠᠩᠲᠠ ᠵᠢᠨ ᠨᠡᠷᠡᠢ᠌ᠳᠦᠯ ᠤᠨ ᠢᠷᠠᠯ ᠭᠠᠷᠤᠯ᠂ ᠤᠨᠴᠠᠯᠢᠭ ᠰᠢᠨᠵᠢ᠂ ᠪᠠᠢ᠌ᠷᠢᠰᠢᠯ ᠵᠢᠴᠢ ᠲᠡᠭᠦᠨᠤ ᠬᠠᠮᠢᠶᠠᠲᠠᠢ ᠦᠯᠢᠭᠡᠷ ᠲᠤᠮᠤᠭᠢ ᠲᠤᠳᠤᠷᠬᠠᠢ᠌ᠯᠠᠨ ᠲᠠᠢ᠌ᠯᠪᠤᠷᠢᠯᠠᠵᠤ᠂ 《ᠬᠤᠶᠠᠳᠤᠭ᠋ᠠᠷ ᠪᠤᠳᠢ — ᠠᠭᠤᠯᠠ ᠬᠠᠢ᠌ᠷᠬᠠᠨ᠂ ᠲᠠᠪᠠᠭᠠ ᠬᠦᠳᠦᠯ》ᠳᠤ 5000 ᠭᠠᠷᠤᠢ ᠠᠭᠤᠯᠠ ᠬᠠᠢ᠌ᠷᠬᠠᠨ᠂ 400 ᠭᠠᠷᠤᠢ ᠲᠠᠪᠠᠭᠠ ᠬᠦᠲᠦᠯᠤᠨ ᠨᠡᠷᠡᠢ᠌ᠳᠦᠯᠤᠨ ᠤᠨᠴᠠᠯᠢᠭ ᠰᠢᠨᠵᠢ᠂ ᠢᠷᠠᠯ ᠭᠠᠷᠤᠯ᠂ ᠭᠠᠵᠠᠷᠤᠨ ᠪᠠᠢ᠌ᠴᠠ ᠪᠠᠢ᠌ᠷᠢᠰᠢᠯ ᠦᠨᠳᠦᠷᠴᠡ ᠵᠢᠨ ᠬᠡᠮᠵᠢᠶᠡ ᠂ ᠦᠯᠢᠭᠡᠷ ᠲᠤᠮᠤᠭᠢ ᠲᠡᠮᠳᠡᠭᠯᠡᠨ ᠪᠢᠴᠢᠵᠤ᠂ 《ᠭᠤᠷᠪᠠᠳᠤᠭ᠋ᠠᠷ ᠪᠤᠳᠢ — ᠲᠠᠯᠠ ᠵᠢᠯᠠᠭᠠ ᠮᠠᠩᠬᠠ ᠵᠤ》ᠳᠤ 1200 ᠭᠠᠷᠤᠢ ᠲᠠᠯᠠ ᠵᠢᠯᠠᠭᠠ᠂ ᠭᠤᠤ ᠭᠠᠩᠭᠠ᠂ ᠬᠠᠪᠴᠢᠯ ᠬᠦᠨᠲᠡᠢ᠂ ᠲᠡᠨᠵᠢ ᠲᠤᠰᠢ ᠪᠠ 500 ᠭᠠᠷᠤᠢ ᠡᠯᠡᠰᠦ ᠮᠠᠩᠬᠠ᠂ ᠪᠤᠷᠤ ᠵᠤ ᠵᠢᠨ ᠨᠡᠷᠡᠢ᠌ᠳᠦᠯᠤᠨ ᠢᠷᠡᠯ ᠭᠠᠷᠤᠯ᠂ ᠤᠨᠴᠠᠯᠢᠭ ᠰᠢᠨᠵᠢ᠂ ᠪᠠᠢ᠌ᠴᠠ ᠪᠠᠢ᠌ᠷᠢᠰᠢᠯ ᠪᠠ ᠦᠯᠢᠭᠡᠷ ᠲᠤᠮᠤᠭᠢ ᠲᠤᠳᠤᠭᠬᠠᠨ ᠲᠠᠢ᠌ᠯᠪᠤᠷᠢᠯᠠᠵᠠᠢ᠃ ᠪᠦᠬᠦᠢ᠌ᠯᠡ ᠢᠵᠢ ᠨᠤᠮᠳᠤ ᠢᠯᠡᠭᠦᠦ ᠲᠤᠳᠠᠭᠤ ᠨᠦᠬᠦᠪᠦᠷᠢᠯᠡᠵᠤ ᠪᠢᠴᠢᠭᠰᠡᠨᠢ ᠨᠡᠢ᠌ᠯᠡᠭᠦᠯᠵᠤ ᠪᠤᠳᠤᠪᠠᠯ 8000 ᠰᠢᠬᠠᠮ ᠭᠠᠵᠠᠷ ᠤᠰᠤ ᠵᠢᠨ ᠨᠠᠷᠠ ᠨᠡᠷᠡᠢ᠌ᠳᠦᠯᠢ ᠪᠦᠷᠢᠳᠬᠡᠨ ᠪᠢᠴᠢᠭᠰᠡᠨ ᠪᠠᠢ᠌ᠨᠠ᠃
ᠭᠤᠷᠪᠠ
ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠦᠪᠡᠷ ᠵᠶ᠋ᠠᠨ ᠦᠰᠦᠭ ᠴᠤᠬᠢᠵᠤ ᠴᠢᠲᠠᠬᠤ ᠦᠭᠡᠢ ᠪᠤᠯᠬᠤᠷ ᠪᠤᠢ ᠪᠦᠬᠦᠢ ᠰᠤᠷᠪᠤᠯᠵᠢᠯᠠᠭᠰᠠᠨ ᠮᠠᠲ᠋ᠧᠷᠢᠶᠠᠯ ᠲᠡᠮᠳᠡᠭᠯᠡᠭᠰᠡᠨ ᠵᠦᠢ᠍ᠯᠡᠰᠨᠢ ᠪᠦᠷ ᠯᠡ ᠭᠠᠷ ᠪᠢᠴᠢᠮᠡᠯ ᠪᠠᠢ᠌ᠳᠠᠭ᠃ 130 ᠲᠦᠮᠡᠨ ᠦᠰᠦᠭ ᠪᠦᠬᠦᠢ ᠭᠤᠷᠪᠠᠨ ᠪᠤᠳᠢ ᠨᠤᠮᠢ ᠭᠠᠷ ᠪᠢᠴᠢᠮᠡᠯ ᠵᠶ᠋ᠠᠷ ᠬᠡᠳᠦ ᠤᠳᠠᠭᠠ ᠬᠠᠭᠤᠯᠵᠤ ᠲᠡᠮᠳᠡᠭᠯᠡᠨᠡ ᠭᠡᠳᠡᠭ ᠬᠡᠴᠢᠨᠡᠭᠡᠨ ᠶᠡᠬᠡ ᠬᠦᠴᠦ ᠬᠦᠯᠦᠰᠦ ᠂ ᠬᠡᠴᠢᠨᠡᠬᠡᠨ ᠠᠷᠪᠢᠨ ᠴᠠᠭ ᠮᠦᠴᠡ ᠵᠠᠷᠤᠴᠠᠭᠤᠯᠤᠨᠠ ᠭᠡᠳᠡᠭᠢ ᠪᠤᠳᠤᠪᠠᠯ ᠪᠢᠰᠢᠷᠡᠯ ᠲᠦᠷᠦᠭᠲᠡᠨᠡ᠃ ᠵᠢᠷᠭᠤᠭ᠋ᠠᠨ ᠵᠢᠯ ᠢᠯᠡᠭᠦᠦ ᠵᠢᠨ ᠴᠠᠭ ᠬᠤᠭᠤᠴᠠᠭᠠ᠂ ᠵᠢᠷᠭᠤᠭ᠋ᠠᠨ ᠵᠠᠭᠤ ᠭᠠᠷᠤᠢ ᠬᠦᠮᠦᠨᠢ ᠰᠤᠷᠪᠤᠯᠵᠢᠯᠠᠭᠰᠠᠨ ᠲᠡᠮᠳᠡᠭᠯᠡᠯ᠂ ᠵᠢᠷᠠ ᠭᠠᠷᠤᠢ ᠲᠡᠮᠳᠡᠭᠯᠡᠯᠤᠨ ᠲᠡᠪᠳᠡᠷ ᠪᠤᠯᠤᠨ ᠵᠢᠷᠠ ᠭᠠᠷᠤᠢ ᠰᠢᠨᠠ ᠬᠠᠭᠤᠴᠢᠨ ᠭᠠᠵᠠᠷᠤᠨ ᠵᠢᠷᠤᠭ᠂ ᠬᠤᠢ᠌ᠨᠠ ᠡᠮᠤᠨᠠ ᠵᠢᠷᠭᠤᠭ᠋ᠠᠨ ᠲᠦᠮᠡ ᠢᠯᠡᠭᠦᠦ ᠭᠠᠵᠠᠷᠤᠨ ᠠᠶᠠᠯᠠᠯ ᠁ ᠡᠳᠡᠭᠡᠷ ᠵᠢᠯᠤᠨ ᠲᠤᠷᠰᠢ 《ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ》 ᠵᠢᠨ ᠨᠡᠷᠡᠢ᠌ᠳᠦᠯᠢ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠬᠦ ᠵᠢᠨ ᠲᠦᠯᠦᠭᠡ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠠᠭᠤᠯᠠᠨᠤ ᠰᠤᠵᠠᠭᠢ ᠲᠤᠭᠤᠯᠵᠤ᠂ ᠤᠰᠤ ᠮᠦᠷᠡᠨᠤ ᠤᠯᠤᠮᠢ ᠭᠡᠳᠦᠯᠵᠤ᠂ ᠤᠲᠤᠷ ᠲᠤᠪᠤᠪᠠᠷ ᠰᠤᠷᠪᠤᠯᠵᠢᠯᠠᠨ ᠤᠯᠠᠨ ᠲᠦᠮᠡᠨᠤ ᠲᠤᠮᠳᠠ ᠭᠦᠨᠵᠡᠭᠡᠢ᠌ᠷᠡᠵᠤ᠂ ᠮᠠᠰᠢᠨ ᠲᠡᠷᠭᠡ ᠤᠷᠤᠵᠤ ᠲᠡᠢ᠌ᠯᠬᠦ ᠦᠭᠡᠢ ᠭᠠᠵᠠᠷ ᠮᠤᠲ᠋ᠤᠷ ᠵᠶ᠋ᠠᠷ ᠵᠠᠮᠨᠠᠨᠠ᠂ ᠮᠤᠲ᠋ᠤᠷ ᠶᠠᠪᠤᠵᠤ ᠲᠡᠢ᠌ᠯᠬᠦ ᠦᠭᠡᠢ ᠭᠠᠵᠠᠷ ᠶᠠᠪᠠᠭ᠋ᠠᠨ ᠵᠶ᠋ᠠᠷ ᠬᠦᠷᠦᠨᠡ᠃ ᠲᠡᠭᠦᠨᠤ ᠡᠨᠡ ᠬᠦ᠌ ᠦᠢ᠍ᠯᠡ ᠠᠵᠢᠯᠯᠠᠭᠠ ᠵᠢ ᠨᠢ ᠨᠤᠳᠤᠭᠤᠨ ᠪᠤᠭᠤᠷᠤᠯᠴᠤᠳ ᠰᠤᠨᠤᠰᠤᠭ᠋ᠠᠳ ᠰᠡᠳᠬᠢᠯ ᠬᠦᠲᠡᠯᠵᠤ᠂ ᠰᠤᠷᠪᠤᠯᠵᠢᠯᠠᠨ ᠲᠡᠮᠳᠡᠭᠯᠡᠬᠦ ᠠᠵᠢᠯ ᠳᠤᠨᠢ ᠮᠠᠰᠢ ᠲᠤᠰᠠ ᠲᠡᠮ ᠪᠤᠯᠤᠭᠰᠠᠨ ᠭᠡᠵᠦ ᠲᠡᠷᠡ ᠨᠠᠳᠠᠳᠤ ᠶᠠᠷᠢᠵᠤ ᠪᠠᠢ᠌ᠭᠰᠠᠨ ᠶᠤᠮ᠃
ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠪᠤᠯᠭ᠋ᠠᠨᠨᠢ ᠲᠤᠮᠤᠭᠲᠠᠢ᠂ ᠤᠰᠤ ᠪᠤᠯᠭ᠋ᠠᠨᠨᠢ ᠦᠯᠢᠭᠡᠷᠲᠠᠢ᠂ ᠭᠤᠤᠯ ᠭᠤᠷᠤᠬᠠᠨᠢ ᠬᠤᠭᠤᠷᠤᠨ ᠠᠶᠠᠰ ᠰᠢᠭ᠋ ᠵᠶ᠋ᠠᠷ ᠬᠠᠷᠬᠢᠯᠠᠨ᠂ ᠭᠤᠷᠭᠤᠤᠯᠳᠠᠢ ᠰᠢᠪᠠᠭᠤᠨᠢ ᠦᠯᠢᠭᠡᠷᠤᠨ ᠠᠶᠠ ᠰᠢᠭ᠋ ᠵᠶ᠋ᠡᠷ ᠲᠤᠩᠭᠤᠳᠳᠠᠭ ᠃ ᠦᠨᠢᠷ ᠪᠠᠶᠠᠯᠢᠭ᠂ ᠦᠵᠡᠰᠭᠦᠯᠡᠩᠳᠤ ᠰᠠᠢ᠌ᠬᠠᠨ ᠵᠠᠷᠤᠳ ᠬᠤᠰᠢᠭᠤ ᠪᠤᠯ ᠬᠤᠷᠴᠢᠨ ᠨᠤᠳᠤᠭᠤᠨ ᠬᠤᠢ᠌ᠳᠦ ᠬᠡᠰᠡᠭᠲᠤ ᠰᠢᠭᠢᠳᠬᠡᠬᠡᠭᠰᠡᠨ ᠨᠢᠭᠡᠨ ᠭᠡᠷᠡᠯᠳᠤ ᠰᠤᠪᠤᠳ ᠪᠤᠯᠬᠤ ᠶᠤᠮ᠃ ᠬᠠᠲᠠᠨ ᠲᠡᠭᠡᠷᠡᠪᠠᠨ ᠪᠢᠴᠢᠭᠲᠠᠢ᠂ ᠬᠠᠳᠠᠭ ᠲᠡᠭᠡᠷᠡᠪᠠᠨ ᠢᠷᠦᠬᠡᠯᠲᠠᠢ ᠡᠨᠡ ᠨᠤᠳᠤᠭ 《ᠲᠤᠮᠳᠠᠳᠤ ᠤᠯᠤᠰᠤᠨ ᠲᠠᠭᠤᠷᠢᠯᠢᠭᠤᠨ ᠨᠤᠳᠤᠭ》 《ᠲᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠤᠷᠠᠯᠢᠭᠤᠨ ᠨᠤᠳᠤᠭ》 《ᠲᠤᠮᠳᠠᠳᠤ ᠤᠯᠤᠰᠤᠨ ᠦᠨᠳᠦᠰᠦᠲᠡᠨᠤᠪᠠᠷ ᠵᠢᠷᠤᠭᠤᠨ ᠨᠤᠳᠤᠭ》 ᠪᠤᠯᠬᠤ ᠶᠤᠮ᠃ ᠬᠠᠷᠠᠭᠠ ᠮᠣᠬᠤᠭ᠋ᠠᠮᠠ ᠨᠤᠭᠤᠭ᠋ᠠᠨ ᠲᠠᠯᠠ ᠵᠢᠨ ᠲᠤᠮᠳᠠᠭᠤᠷ᠂ ᠪᠠᠷᠠ ᠲᠠᠰᠤᠷᠠᠮᠠ ᠠᠭᠲᠠ ᠬᠦᠯᠦᠭ ᠴᠠᠬᠢᠯᠠᠭᠰᠠᠨ ᠰᠠᠷᠠᠭᠤᠯ ᠰᠠᠢ᠌ᠬᠠᠨ ᠬᠠᠩᠭ᠋ᠠᠢ ᠲᠠᠯᠠ ᠨᠤᠳᠤᠭᠲᠤ ᠰᠢᠨᠠ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡ ᠵᠢᠨ 《ᠬᠤᠩ ᠱᠠᠨᠤ ᠰᠤᠶᠤᠯ》 ᠪᠠ 《ᠫᠦ᠋ ᠾᠧ ᠵᠢᠨ ᠰᠤᠶᠤᠯ》ᠤᠨ ᠦᠯᠡᠳᠡᠭᠲᠡᠯ᠂ ᠡᠮᠤᠨᠡ ᠪᠤᠯᠠᠭᠳᠤ ᠵᠢᠨ ᠡᠷᠲᠡᠨᠤ ᠪᠠᠭᠤᠷᠢ᠂ ᠪᠠᠢ᠌ᠯᠳᠤᠭ᠋ᠠᠨᠳᠤ ᠤᠯᠤᠰᠤᠨ ᠦᠶᠡ ᠵᠢᠨ ᠴᠢᠯᠠᠭᠤᠨ ᠵᠡᠪᠰᠡᠭ᠂ ᠠᠯᠲᠠᠨ ᠤᠯᠤᠰᠤᠨ ᠦᠶᠡ ᠵᠢᠨ ᠪᠤᠷᠤ ᠬᠡᠷᠡᠮ᠂ ᠯᠢᠶᠤᠤ ᠵᠢᠨ ᠪᠤᠩᠬᠤᠨ᠂ ᠮᠢᠩ ᠴᠢᠩᠤᠨ ᠦᠶᠡ ᠵᠢᠨ ᠰᠦᠮᠡ ᠬᠡᠢ᠌ᠳ ᠪᠠ ᠤᠯᠠᠭ᠋ᠠᠨᠬᠠᠳᠠ ᠵᠢᠨ ᠠᠭᠤᠢ ᠳ᠋ᠦᠩ᠂ ᠬᠠᠨ ᠠᠭᠤᠯᠠ ᠵᠢᠨ ᠭᠠᠪᠤᠷᠤᠨ ᠷᠠᠰᠢᠶᠠᠨ᠂ ᠭᠠᠬᠠᠢ᠌ᠳᠤ ᠵᠢᠨ ᠠᠯᠲᠠᠨ ᠰᠢᠷᠭᠤᠭᠤᠯ᠂ ᠭᠡᠷᠴᠢᠯᠠᠭᠤ ᠵᠢᠨ ᠦᠯᠵᠡᠢ᠌ᠳᠤ ᠤᠷᠤᠨ ᠠᠭᠤᠯᠠ ᠁ ᠮᠡᠳᠦ ᠵᠢᠨ ᠪᠠᠢ᠌ᠭ᠋ᠠᠯᠢ ᠵᠢᠨ ᠦᠵᠡᠮᠵᠢᠳᠤ ᠤᠷᠤᠨ ᠪᠠ ᠰᠤᠶᠤᠯᠤᠨ ᠦᠨᠡᠳᠦ ᠦᠯᠡᠲᠡᠭᠳᠡᠯ ᠲᠠᠨᠠ ᠰᠤᠪᠤᠳ ᠰᠢᠭ᠋ ᠬᠢᠯᠠᠯᠵᠠᠨ᠂ ᠬᠤᠷᠸᠠ ᠵᠢᠨ ᠬᠦᠮᠦᠨ ᠵᠤᠨᠤ ᠬᠠᠢ᠌ᠷᠠ ᠪᠠᠬᠠᠷᠬᠠᠯᠢ ᠰᠤᠷᠢᠨᠵᠢᠨ ᠮᠡᠳᠦ ᠲᠠᠲᠠᠵᠤ ᠪᠠᠢ᠌ᠳᠠᠭ ᠰᠠᠨ᠃ ᠡᠨᠡ ᠰᠠᠢ᠌ᠬᠠᠨ ᠨᠤᠳᠤᠭᠤᠨ ᠵᠶ᠋ᠠᠨ ᠠᠭᠤᠯᠠ ᠤᠰᠤᠨᠤ ᠨᠡᠷᠡᠢ᠌ᠳᠦᠯᠢ ᠲᠡᠮᠳᠡᠭᠯᠡᠨ ᠬᠤᠵᠢᠮᠤᠨ ᠬᠦᠮᠦᠰᠲᠤ ᠰᠤᠶᠤᠯᠤᠨ ᠦᠪ ᠪᠤᠯᠭ᠋ᠠᠨ ᠦᠯᠡᠳᠡᠬᠦ ᠭᠡᠭᠴᠢ ᠶᠠᠭᠤᠳᠠᠢ ᠡᠷᠬᠢᠮ ᠵᠢᠳᠬᠦᠯ ᠠᠵᠢ᠃
ᠨᠤᠳᠤᠭ ᠤᠰᠤᠨᠤ ᠨᠡᠷᠡᠢ᠌ᠳᠦᠯᠳᠤ ᠮᠠᠰᠢ ᠶᠡᠬᠡ ᠰᠤᠶᠤᠯᠤᠨ ᠠᠭᠤᠯᠬᠤᠨᠲᠠᠢ ᠪᠠᠢ᠌ᠳᠠᠭ᠃ ᠬᠢᠲᠠᠳ᠂ ᠮᠤᠩᠭᠤᠯ᠂ ᠬᠤᠳᠤᠩ ᠵᠡᠷᠭᠡ ᠠᠷᠪᠠᠨ ᠭᠤᠷᠪᠠᠨ ᠦᠨᠳᠦᠰᠦᠲᠡᠨ ᠬᠤᠯᠢᠯᠳᠤᠨ ᠰᠠᠭᠤᠷᠢᠰᠢᠭᠰᠠᠨ ᠡᠨᠡ ᠨᠤᠳᠤᠭᠲᠤ ᠠᠭᠤᠯᠠ ᠤᠰᠤᠨᠢ ᠲᠡᠦᠬᠡ ᠵᠢᠨ ᠤᠷᠳᠤ ᠤᠳᠠᠭ᠋ᠠᠨ ᠬᠤᠪᠢᠷᠠᠯᠳᠠ ᠵᠢ ᠲᠠᠭ᠋ᠠᠭ᠋ᠠᠳ ᠦᠪᠡᠷᠤᠨ ᠭᠡᠰᠡᠨ ᠤᠨᠴᠠᠯᠢᠭ ᠪᠦᠬᠦᠢ ᠨᠡᠷᠡᠢ᠌ᠳᠦᠯᠲᠠᠢ ᠪᠤᠯᠤᠭᠰᠠᠨ ᠮᠦᠷᠲᠡᠭᠡᠨ ᠭᠤᠶᠤ ᠰᠠᠢ᠌ᠬᠠᠨ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠲᠡᠯᠤᠨ ᠦᠯᠢᠭᠡᠷ ᠲᠡᠦᠬᠡ ᠵᠢ ᠬᠠᠳᠠᠭ᠋ᠠᠯᠠᠵᠤ᠂ ᠲᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠳᠤ ᠴᠤᠭᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠠᠳᠤᠭᠬᠠᠬᠤᠳᠤ ᠮᠠᠰᠢ ᠰᠠᠢ᠌ᠨ ᠦᠢ᠍ᠯᠡᠳᠦᠯᠲᠠᠢ ᠪᠠᠢ᠌ᠳᠠᠭ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠵᠢᠷᠦᠭᠡ ᠪᠠᠯᠭ᠋ᠠᠰᠤᠨᠤ ᠵᠢᠷᠦᠬᠡ ᠠᠭᠤᠯᠠ ᠤᠳᠤ ᠬᠤᠪᠢᠰᠬᠠᠯᠳᠤ ᠬᠦᠮᠦᠵᠢᠯᠤᠨ ᠰᠠᠭᠤᠷᠢᠨ ᠭᠠᠵᠠᠷ ᠪᠤᠯᠵᠤ᠂ ᠪᠠᠶᠠᠨᠲᠠᠯᠠ ᠰᠤᠮᠤ ᠵᠢᠨ ᠹᠸᠩ ᠬᠤᠸᠠᠩ ᠱᠠᠨ ᠠᠭᠤᠯᠠ （ᠭᠠᠷᠤᠳᠢ ᠵᠢᠨ ᠠᠭᠤᠯᠠ） ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠲᠠᠢ᠌ᠨᠳᠤ ᠡᠷᠡᠯᠭᠡᠭᠯᠡᠨ ᠪᠠᠢ᠌ᠯᠳᠤᠭᠰᠠᠨ ᠰᠡᠴᠡᠨᠴᠤᠭᠳᠤ ᠵᠡᠷᠬᠡ 18 ᠦᠷᠡᠭᠳᠡᠭᠰᠡᠨ ᠪᠠᠭ᠋ᠠᠳᠤᠷᠴᠤᠳᠤᠨ ᠦᠯᠢᠭᠡᠷ ᠲᠡᠦᠭᠡ ᠵᠢ ᠬᠠᠢ᠌ᠯᠠᠵᠤ᠂ ᠯᠦᠪᠧᠢ ᠪᠠᠯᠭ᠋ᠠᠰᠤᠨᠤ ᠫᠤᠤᠲᠠᠢ ᠱᠠᠨ ᠠᠭᠤᠯᠠ ᠴᠢᠯᠦᠭᠡᠯᠡᠬᠦ ᠲᠠᠢ᠌ᠨᠳᠤ ᠦᠷᠡᠭᠳᠡᠭᠰᠡᠨ ᠪᠠᠭ᠋ᠠᠳᠤᠷᠴᠤᠳᠤᠨ ᠬᠦᠰᠢᠶᠡ ᠵᠢ ᠡᠯᠢᠭᠡᠨᠳᠤᠪᠠᠨ ᠪᠦᠪᠠᠢ᠌ᠯᠠᠵᠤ ᠪᠠᠢ᠌ᠳᠠᠭ ᠡ᠃
《ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ》 ᠨᠤᠮᠳᠤ ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ᠂ ᠲᠠᠪᠠᠭᠠ ᠬᠦᠲᠦᠯ᠂ ᠲᠠᠯᠠ ᠵᠢᠯᠠᠭᠠ᠂ ᠮᠠᠩᠬᠠ ᠵᠤ ᠵᠢ ᠭᠠᠭᠴᠠ ᠬᠦ᠌ ᠪᠠᠢ᠌ᠷᠢᠰᠢᠯ ᠂ ᠦᠨᠳᠤᠷᠴᠡ᠂ ᠤᠨᠴᠠᠯᠢᠭ ᠰᠢᠨᠵᠢ ᠵᠡᠷᠭᠡ ᠭᠠᠵᠠᠷ ᠵᠦᠢ ᠵᠢᠨ ᠲᠠᠯᠠᠠᠴᠠ ᠲᠡᠮᠳᠡᠭᠯᠡᠭᠡᠳ ᠯᠡ ᠵᠤᠭᠰᠤᠭᠰᠠᠨ ᠦᠭᠡᠢ ᠬᠠᠷᠢᠨ ᠲᠡᠭᠦᠨᠤ ᠲᠡᠦᠬᠡ ᠢᠷᠡᠯᠲᠡ᠂ ᠦᠯᠢᠭᠡᠷ ᠲᠤᠮᠤᠭ᠂ ᠬᠠᠭᠤᠴᠢ ᠶᠠᠷᠢᠶᠡ ᠵᠡᠷᠭᠡ ᠵᠢ ᠴᠢᠲᠠᠬᠤ ᠵᠢᠨ ᠬᠢᠷᠢᠪᠠᠷ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠭᠰᠡᠨᠨᠢ ᠲᠤᠰ ᠨᠤᠮᠤᠨ ᠤᠷᠠᠯᠢᠭ ᠰᠤᠨᠢᠷᠬᠠᠮᠵᠢ ᠵᠢᠨ ᠦᠨᠡ ᠦᠷᠲᠡᠭᠢ ᠲᠡᠭᠡᠭᠰᠢᠯᠡᠭᠦᠯᠵᠡᠢ᠃ ᠨᠤᠳᠤᠭ ᠤᠰᠤᠨᠤ ᠨᠡᠷᠡᠢ᠌ᠳᠦᠯ ᠪᠤᠯ ᠨᠢᠭᠡ ᠲᠡᠦᠬᠡ ᠶᠤᠮ᠂ ᠦᠷᠡ ᠬᠤᠢ᠌ᠴᠢᠰ ᠲᠤᠪᠠᠨ ᠦᠪᠯᠡᠨ ᠤᠯᠠᠮᠵᠢᠯᠠᠬᠤ ᠤᠶᠤᠨᠤ ᠲᠦᠯᠬᠢᠭᠦᠷ ᠶᠤᠮ᠃ ᠡᠨᠡ ᠲᠠᠯᠠᠠᠴᠠ ᠪᠤᠳᠤᠪᠠᠯ ᠲᠤᠰ ᠨᠤᠮ ᠲᠡᠦᠭᠡ ᠵᠢᠨ ᠦᠨᠡ ᠦᠷᠲᠡᠭᠲᠠᠢ ᠨᠠᠳᠠᠳᠤ ᠰᠠᠨᠠᠭᠳᠠᠵᠤ ᠪᠠᠢ᠌ᠨᠠ᠃ 《ᠨᠤᠮ ᠪᠤᠯ ᠱᠠᠳᠤ᠂ ᠨᠤᠮ ᠪᠤᠯ ᠲᠤᠯᠢ》 ᠭᠡᠵᠤ ᠮᠡᠷᠭᠡᠳᠤᠨ ᠦᠬᠡᠨᠳᠤ ᠪᠠᠢ᠌ᠳᠠᠭ᠃ 《ᠨᠤᠮᠢ ᠬᠠᠳᠠᠭ ᠵᠶ᠋ᠠᠷ ᠪᠠᠭᠯᠠᠵᠤ᠂ ᠬᠡᠦᠬᠡᠳ ᠵᠶ᠋ᠠᠨ ᠲᠠᠪᠤᠤᠪᠠᠷ ᠪᠠᠭᠯᠠᠳᠠᠭ》 ᠪᠢᠲᠡᠨᠳᠤ ᠪᠤᠯ ᠨᠤᠮ ᠪᠤᠯ ᠤᠯᠳᠠᠰᠢ ᠦᠭᠡᠢ ᠡᠷᠳᠡᠨᠢ᠂ ᠦᠨᠡᠯᠡᠰᠢ ᠦᠭᠡᠢ ᠰᠤᠪᠤᠳ ᠪᠤᠯᠬᠤ ᠶᠤᠮ᠃ ᠡᠨᠡ ᠤᠳᠬᠠᠠᠴᠠ ᠦᠵᠡᠪᠡᠯ ᠲᠤᠰ ᠨᠤᠮ ᠪᠤᠯ ᠲᠤᠩ ᠶᠡᠬᠡ ᠬᠠᠳᠠᠭ᠋ᠠᠯᠠᠮᠵᠢ ᠵᠢᠨ ᠦᠨᠡ ᠦᠷᠲᠡᠭᠲᠠᠢ ᠰᠠᠨ᠃
ᠲᠦᠷᠪᠡ
ᠰᠢ ᠵᠢᠨ ᠫᠢᠩ ᠶᠡᠷᠦᠩᠬᠡᠢ ᠱᠦᠵᠢ ᠄ 《 ᠲᠡᠭᠡᠳᠦ ᠬᠡᠮᠵᠢᠶᠡᠨᠤ ᠰᠤᠶᠤᠯᠤᠨ ᠢᠲᠡᠭᠡᠯ ᠦᠭᠡᠢ ᠪᠤᠯ ᠰᠤᠶᠤᠯᠤᠨ ᠴᠡᠴᠡᠭᠯᠡᠯ ᠬᠦᠭᠵᠢᠯ ᠪᠠᠢ᠌ᠬᠤ ᠦᠭᠡᠢ᠂ ᠲᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠲᠡᠨᠤ ᠠᠭᠤᠤ ᠶᠡᠬᠡ ᠰᠡᠷᠭᠦᠨ ᠮᠠᠨᠳᠤᠯᠲᠠ ᠪᠠᠢ᠌ᠬᠤ ᠦᠭᠡᠢ》 ᠭᠡᠵᠤ ᠵᠢᠭ᠋ᠠᠪᠤᠷᠢᠯᠠᠭᠰᠠᠨ ᠶᠤᠮ᠃ ᠡᠭᠦᠨᠲᠠᠢ ᠠᠳᠠᠯᠢᠪᠠᠷ ᠨᠤᠳᠤᠭ ᠤᠰᠤᠨᠤ ᠰᠤᠶᠤᠯᠤᠨ ᠲᠤᠬᠠᠢ ᠲᠡᠭᠡᠳᠦ ᠬᠡᠮᠵᠢᠶᠡᠨᠤ ᠢᠲᠡᠭᠡᠯ ᠪᠠ ᠤᠬᠠᠮᠰᠠᠷ ᠪᠠᠢ᠌ᠬᠤ ᠦᠭᠡᠢ ᠪᠤᠯ ᠬᠦᠲᠡᠭᠡ ᠲᠤᠰᠬᠤᠨᠤ ᠬᠦᠭᠵᠢᠯ ᠮᠠᠨᠳᠤᠯ ᠪᠠᠢ᠌ᠵᠤ ᠴᠢᠲᠠᠬᠤ ᠦᠭᠡᠢ᠂ ᠬᠦᠲᠡᠬᠡ ᠲᠤᠰᠬᠤᠨᠢ ᠪᠦᠬᠦ ᠲᠠᠯᠠᠪᠠᠷ ᠬᠦᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠬᠠᠷᠠᠯᠲᠠ ᠵᠢ ᠦᠨᠡᠨ ᠬᠦ᠌ ᠪᠡᠶᠡᠯᠡᠬᠦᠯᠬᠦᠳᠤ ᠪᠡᠷᠬᠡ ᠶᠤᠮ᠃ ᠬᠦᠲᠡᠭᠡ ᠲᠤᠰᠬᠤᠨᠤ ᠰᠤᠶᠤᠯ ᠦᠨᠢ ᠤᠳᠠᠭ᠋ᠠᠨ ᠦᠦᠬᠡ ᠲᠡᠦᠭᠡᠲᠠᠢ᠂ ᠠᠷᠠᠳᠤᠨ ᠲᠤᠮᠤᠭ ᠶᠠᠷᠢᠶᠡ᠂ ᠲᠤᠰᠬᠤᠨᠤ ᠲᠦᠷᠢᠮ ᠠᠷᠠᠳᠤᠨ ᠭᠡᠷᠡ᠂ ᠤᠯᠠᠮᠵᠢᠯᠠᠯᠳᠤ ᠰᠢᠯᠢᠲᠡᠭ ᠵᠠᠩ ᠲᠠᠳᠬᠠᠯ᠂ ᠪᠠᠶᠠᠷ ᠲᠤᠷᠠᠰᠬᠠᠯᠤᠨ ᠠᠵᠢᠯᠯᠠᠭᠠ᠂ ᠠᠭᠤᠯᠠ ᠤᠰᠤᠨᠤ ᠨᠡᠷᠡᠢ᠌ᠳᠳᠦᠯ᠂ ᠭᠠᠷ ᠤᠷᠠᠯᠠᠯ ᠁ ᠵᠡᠷᠭᠡᠨᠢ ᠬᠦᠲᠡᠭᠡ ᠲᠤᠰᠬᠤᠨᠤ ᠰᠤᠶᠤᠯᠤᠨ ᠪᠠᠶᠠᠯᠢᠭ ᠠᠭᠤᠯᠬᠤᠨᠢ ᠪᠤᠢ ᠪᠤᠯᠭ᠋ᠠᠭᠰᠠᠨ ᠶᠤᠮ᠃ ᠬᠦᠲᠡᠭᠡ ᠲᠤᠰᠬᠤᠨᠢ ᠬᠦᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠵᠢ ᠪᠦᠬᠦ ᠲᠠᠯᠠᠪᠠᠷ ᠠᠬᠢᠭᠤᠯᠬᠤ ᠶᠠᠪᠤᠴᠠᠳᠤ᠂ ᠬᠦᠲᠡᠭᠡ ᠲᠤᠰᠬᠤᠨᠤ ᠰᠤᠶᠤᠯᠢ ᠤᠯᠠᠮᠵᠢᠯᠠᠨ ᠬᠦᠭᠵᠢᠬᠦᠯᠵᠤ᠂ ᠦᠨᠢ ᠤᠳᠠᠭ᠋ᠠᠨ ᠬᠦᠲᠡᠭᠡ ᠲᠤᠰᠬᠤᠨᠤ ᠰᠤᠶᠤᠯᠢ ᠰᠢᠨᠠ ᠴᠠᠭ ᠦᠶᠡᠳᠤ ᠬᠢᠵᠠᠭ᠋ᠠᠯᠠᠰᠢ ᠦᠭᠡᠢ ᠲᠠᠳᠠᠬᠤ ᠬᠦᠴᠦᠨ ᠪᠠ ᠴᠤᠭ ᠵᠢᠪᠬᠤᠭᠠᠲᠠᠢ ᠪᠤᠯᠭ᠋ᠠᠵᠤ᠂ ᠬᠦᠲᠡᠭᠡ ᠲᠤᠰᠬᠤᠨᠢ ᠪᠦᠬᠦ ᠲᠠᠯᠠᠪᠠᠷ ᠬᠦᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤᠳᠤ ᠡᠯᠪᠡᠭ ᠪᠠᠶᠠᠯᠢᠭ ᠰᠤᠶᠤᠯᠤᠨ ᠰᠢᠮᠠ ᠲᠡᠵᠢᠭᠡᠯ ᠬᠠᠩᠭ᠋ᠠᠬᠤ ᠬᠡᠷᠡᠭᠲᠡᠢ᠃ 《ᠨᠢᠭᠡ ᠭᠠᠵᠠᠷᠤᠨ ᠪᠦᠷᠢᠨ ᠲᠡᠦᠬᠡ》 《ᠨᠢᠭᠡ ᠭᠠᠵᠠᠷᠤᠨ ᠨᠡᠪᠲᠡᠷᠭᠡᠢ ᠲᠤᠯᠢ》 ᠪᠤᠯᠤᠭᠰᠠᠨ ᠨᠤᠳᠤᠭ ᠤᠰᠤᠨᠤ ᠨᠡᠷᠡᠢ᠌ᠳᠦᠯᠨᠢ ᠬᠦᠲᠡᠭᠡ ᠲᠤᠰᠬᠤᠨᠤ ᠰᠤᠶᠤᠯᠢ ᠲᠡᠮᠳᠡᠭᠯᠡᠬᠦ᠂ ᠰᠤᠶᠤᠯᠤᠨ ᠦᠨᠳᠤᠰᠤ ᠰᠤᠷᠪᠤᠯᠵᠢ ᠵᠢ ᠦᠯᠡᠳᠡᠭᠡᠬᠦ᠂ ᠲᠡᠦᠬᠡ ᠵᠢᠨ ᠪᠤᠯᠪᠠᠰᠤᠨᠢ ᠤᠯᠠᠮᠵᠢᠯᠠᠬᠤ ᠵᠡᠷᠭᠡ ᠲᠠᠯᠠᠪᠠᠷ ᠪᠤᠰᠤᠳ ᠨᠤᠮ ᠪᠢᠴᠢᠭ ᠵᠶ᠋ᠠᠷ ᠤᠷᠤᠯᠠᠭᠤᠯᠵᠤ ᠲᠡᠢ᠌ᠯᠬᠦ ᠦᠭᠡᠢ ᠴᠢᠬᠤᠯᠠ ᠦᠢ᠍ᠯᠡᠳᠦᠯᠲᠠᠢ ᠶᠤᠮ᠃
ᠠᠭᠤᠯᠠ ᠤᠰᠤᠨᠤ ᠨᠠᠷᠠ᠂ ᠨᠤᠳᠤᠭ ᠤᠰᠤᠨᠤ ᠲᠡᠦᠬᠡ ᠵᠡᠷᠭᠡ ᠨᠤᠮ ᠪᠢᠴᠢᠭᠨᠢ ᠨᠤᠳᠤᠭ ᠤᠰᠤᠨᠤ ᠠᠭᠤᠷ ᠠᠮᠢᠰᠬᠤᠯ ᠵᠶ᠋ᠠᠷ ᠵᠤᠵᠠᠭ᠋ᠠᠨ᠂ ᠰᠤᠶᠤᠯᠤᠨ ᠠᠭᠤᠯᠬᠤᠨ ᠵᠶ᠋ᠠᠷ ᠭᠦᠨ᠂ ᠠᠭᠤᠯᠭᠠᠨᠢ ᠪᠦᠬᠦ ᠲᠠᠯᠠ ᠵᠢ ᠬᠠᠮᠤᠷᠴᠤ ᠨᠠᠷᠢᠨ ᠪᠤᠳᠠᠳᠠᠢ ᠪᠤᠯᠬᠤᠷ᠂ ᠬᠦᠲᠡᠭᠡ ᠲᠤᠰᠬᠤᠨᠤ ᠵᠠᠰᠠᠯᠲᠠ ᠵᠢᠨ ᠰᠢᠰᠲ᠋ᠧᠮᠢ ᠲᠡᠭᠦᠯᠲᠡᠷᠵᠢᠭᠦᠯᠬᠦ᠂ ᠬᠦᠲᠡᠭᠡ ᠲᠤᠰᠬᠤᠨᠤ ᠵᠠᠰᠠᠯᠲᠠ ᠵᠢᠨ ᠴᠢᠲᠠᠪᠤᠷᠢ ᠵᠢ ᠲᠡᠭᠡᠭᠰᠢᠯᠡᠬᠦᠯᠬᠦᠳᠤ ᠤᠨᠤᠪᠴᠢᠲᠠᠢ ᠮᠠᠲ᠋ᠧᠷᠢᠶᠠᠯ ᠮᠡᠳᠡᠭᠡ ᠵᠠᠩᠭᠢ ᠪᠤᠯᠤᠨ ᠠᠰᠢᠭᠲᠠᠢ ᠲᠡᠦᠭᠡ ᠵᠢᠨ ᠲᠤᠯᠢᠯᠠᠯ ᠬᠠᠩᠭ᠋ᠠᠵᠤ ᠪᠤᠯᠤᠨᠠ᠃ ᠪᠢᠲᠡ ᠨᠤᠳᠤᠭ ᠤᠰᠤᠨᠤ ᠲᠡᠦᠬᠡ ᠴᠠᠳᠢᠭᠢ ᠡᠮᠬᠢᠳᠬᠡᠨ ᠨᠠᠢ᠌ᠷᠠᠭᠤᠯᠬᠤ ᠳᠤᠪᠠᠨ ᠰᠢ ᠵᠢᠨ ᠫᠢᠩ ᠶᠡᠷᠦᠩᠭᠡᠢ ᠱᠦᠵᠢ ᠵᠢᠨ ᠲᠡᠦᠭᠡ ᠦᠢ᠍ᠯᠠᠯᠭᠠ ᠵᠢᠨ ᠠᠵᠢᠯᠤᠨ ᠲᠤᠬᠠᠢ ᠴᠢᠬᠤᠯᠡ ᠵᠢᠭ᠋ᠠᠪᠤᠷᠢ ᠵᠢ ᠬᠢᠨᠠᠮᠠᠭ᠋ᠠᠢ ᠲᠤᠭᠤᠰᠢᠯᠠᠭᠤᠯᠤᠨ ᠨᠠᠢ᠌ᠳᠠᠪᠤᠷᠢᠵᠢᠭᠤᠯᠵᠤ᠂ ᠲᠡᠦᠬᠡ ᠦᠢ᠍ᠯᠠᠯᠭᠠ ᠵᠢᠨ ᠨᠤᠮ ᠪᠢᠴᠢᠭᠲᠤ ᠬᠠᠳᠠᠭ᠋ᠠᠯᠠᠭᠲᠠᠵᠤ ᠪᠠᠢ᠌ᠭᠠ ᠯᠤᠳᠤ ᠶᠡᠬᠡ ᠡᠬᠢ ᠪᠠᠶᠠᠯᠢᠭᠤᠨ ᠲᠠᠪᠠᠭᠤᠯᠢᠭᠢ ᠬᠦᠢ᠍ᠴᠡᠳ ᠪᠠᠳᠠᠷᠠᠭᠤᠯᠵᠤ᠂ ᠲᠡᠭᠦᠨᠤ ᠲᠤᠳᠤᠷᠠᠬᠢ ᠡᠷᠬᠢᠮ ᠨᠠᠨᠳᠢᠨ ᠲᠡᠦᠬᠡ ᠵᠢᠨ ᠤᠶᠤᠨ ᠤᠬᠠᠭ᠋ᠠᠨᠢ ᠬᠦᠨᠵᠡᠬᠡᠢ ᠠᠭᠤᠳᠠᠯᠵᠤ᠂ ᠲᠡᠦᠬᠡ ᠵᠢᠨ ᠲᠤᠷᠰᠢᠯᠭᠠ ᠪᠤᠯᠤᠨ ᠤᠶᠤᠨ ᠤᠬᠠᠭ᠋ᠠᠨᠪᠠᠷ ᠬᠦᠲᠡᠭᠡ ᠲᠤᠰᠬᠤᠨᠤ ᠵᠠᠰᠠᠯᠲᠠ ᠵᠢᠨ ᠲᠦᠷᠢᠮᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠡᠭᠦᠯᠲᠡᠷᠵᠢᠭᠦᠯᠵᠤ᠂ ᠬᠠᠮᠲᠤᠪᠠᠷ ᠪᠠᠢ᠌ᠭᠤᠯᠬᠤ᠂ ᠬᠠᠮᠲᠤᠪᠠᠷ ᠵᠠᠰᠠᠬᠤ᠂ ᠬᠠᠮᠲᠤᠪᠠᠷ ᠡᠳ᠋ᠯᠡᠬᠦ ᠬᠦᠲᠡᠭᠡ ᠲᠤᠰᠬᠤᠨᠤ ᠵᠠᠰᠠᠯᠲᠠ ᠵᠢᠨ ᠰᠢᠰᠲ᠋ᠧᠮᠢ ᠪᠦᠷᠢᠨᠰᠢᠭᠦᠯᠵᠤ᠂ ᠬᠦᠲᠡᠭᠡ ᠲᠤᠰᠬᠤᠨᠤ ᠪᠦᠬᠦ ᠲᠠᠯᠠ ᠵᠢᠨ ᠬᠦᠭᠵᠢᠯ ᠮᠠᠨᠳᠤᠯᠢ ᠠᠬᠢᠭᠤᠯᠬᠤ ᠬᠡᠷᠡᠭᠲᠡᠢ᠃
ᠪᠤᠶᠠᠨᠮᠦ᠋ᠩᠭᠡ ᠬᠢᠭᠡᠳ ᠲᠡᠭᠦᠨᠤ 《 ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ 》 ᠪᠤᠯ ᠨᠢᠭᠡ ᠢᠵᠢ ᠴᠢᠨᠠᠷ ᠰᠠᠢ᠌ᠲᠠᠢ ᠨᠤᠮ ᠪᠤᠯᠬᠤ ᠵᠢ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ ᠨᠠᠮᠤᠨ ᠲᠡᠦᠬᠡ ᠤᠷᠤᠨ ᠨᠤᠳᠤᠭᠤᠨ ᠦᠢ᠍ᠯᠠᠯᠭᠠ ᠰᠤᠳᠤᠯᠬᠤ ᠭᠡᠷᠠᠴᠠ 2020—2023 ᠤᠨᠤ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ ᠨᠠᠮᠤᠨ ᠲᠡᠦᠬᠡ ᠬᠢᠭᠡᠳ ᠤᠷᠤᠨ ᠨᠤᠳᠤᠭᠤᠨ ᠦᠢ᠍ᠯᠠᠯᠭᠠ ᠵᠢᠨ ᠰᠢᠯᠢᠳᠡᠭ ᠪᠦᠳᠦᠮᠵᠢ ᠵᠢᠨ ᠰᠢᠯᠭ᠋ᠠᠷᠠᠭᠤᠯᠤᠯᠲᠠᠳᠤ ᠰᠢᠯᠢᠲᠡᠭ ᠪᠦᠲᠦᠭᠡᠯᠤᠨ ᠱᠠᠩᠨᠠᠯ ᠤᠯᠭᠤᠭᠰᠠᠨᠨᠢ ᠲᠡᠭᠦᠨᠤ ᠭᠡᠷᠡᠴᠢ ᠪᠠᠢ᠌ᠵᠤ ᠲᠠᠭ᠋ᠠᠷᠠᠨᠠ᠃ ᠰᠢᠨᠠ ᠮᠡᠳᠡᠭᠡ ᠵᠠᠭᠤᠴᠢᠯᠠᠭᠤᠷ ᠪᠤᠯᠤᠨ ᠡᠯᠧᠷᠲ᠋ᠤᠷᠦᠨ ᠨᠤᠮᠤᠨ ᠰᠢᠬᠠᠯᠲᠠ ᠲᠤᠤᠷᠠ ᠴᠠᠭ᠋ᠠᠰᠤᠨ ᠬᠡᠪᠯᠡᠯᠤᠨ ᠨᠤᠮᠤᠨ ᠲᠠᠷᠬᠠᠭ᠋ᠠᠯᠲᠠ ᠬᠠᠰᠤᠭᠳᠠᠵᠤ ᠪᠠᠢ᠌ᠭᠠ ᠪᠠᠢ᠌ᠲᠠᠯ ᠲᠤᠤᠷᠠ ᠬᠡᠳᠦᠨ ᠮᠢᠩᠭ᠋ᠠᠨ ᠲᠡᠪᠲᠡᠷ ᠬᠡᠪᠯᠡᠭᠰᠡᠨ ᠡᠨᠡ ᠬᠦ᠌ ᠨᠤᠮ ᠬᠦᠮᠦᠰᠤᠨ ᠠᠰᠠᠭᠤᠨ ᠰᠤᠷᠠᠭᠯᠠᠨ ᠪᠤᠯᠢᠶᠠᠯᠳᠤᠨ ᠦᠵᠡᠬᠦ ᠨᠤᠮ ᠪᠤᠯᠵᠤ ᠪᠠᠢ᠌ᠭᠠᠨᠢ ᠲᠣᠰ ᠨᠤᠮᠤᠨ ᠦᠨᠡ ᠴᠡᠨᠠ ᠵᠢ ᠪᠠᠰᠠ ᠨᠢᠭᠡ ᠤᠳᠬᠠᠠᠴᠠ ᠬᠠᠷᠠᠭᠤᠯᠵᠤ ᠪᠠᠢ᠌ᠭᠠ ᠶᠤᠮ᠃ ᠬᠦᠯᠦᠰᠦ ᠴᠢᠰᠦᠪᠠᠷ ᠤᠮᠳᠠᠯᠠᠨ ᠠᠷᠠᠴᠢᠯᠠᠭᠰᠠᠨ ᠴᠠᠩᠬᠤᠢ ᠴᠡᠴᠡᠭ ᠵᠶ᠋ᠠᠨ ᠬᠦᠮᠦᠰ ᠦᠵᠡᠭᠡᠳ ᠪᠠᠶᠠᠰᠬᠤ ᠰᠢᠭ᠋ ᠬᠡᠳᠦᠢ᠌ᠴᠢᠨᠡᠬᠡᠨ ᠵᠢᠯᠤᠨ ᠬᠦᠴᠦ ᠬᠦᠲᠡᠯᠮᠤᠷᠢᠪᠠᠷ ᠵᠶ᠋ᠠᠨ ᠨᠠᠢ᠌ᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ 《ᠵᠠᠷᠤᠳ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ》ᠨᠢ ᠵᠤᠬᠢᠶᠠᠭᠴᠢ ᠪᠤᠶᠠᠨᠮᠦ᠋ᠩᠭᠡ ᠵᠢᠴᠢ ᠤᠩᠰᠢᠭᠴᠢ ᠪᠢᠲᠡᠨᠳᠤ ᠬᠢᠵᠠᠭ᠋ᠠᠷ ᠦᠭᠡᠢ ᠪᠠᠶᠠᠷ ᠪᠠᠬᠠᠳᠤᠯ ᠠᠪᠴᠢᠷᠠᠵᠤ ᠦᠭᠭᠦ ᠵᠢ ᠪᠢ ᠢᠲᠡᠭᠡᠵᠤ ᠪᠠᠢ᠌ᠨᠠ᠃