ᠪᠠᠶᠠᠭᠤᠳ ᠰᠠᠩᠵᠠᠢ ᠵᠤᠬᠢᠶᠠᠪᠠ  

   ᠪᠤᠳ᠋ᠳ᠋ᠾᠨ ᠨᠢᠬᠡᠨ ᠤᠳᠠᠭ᠎ᠠ ᠱᠠᠪᠢ᠎ᠳᠤ᠎ᠪᠠᠨ 《ᠵᠠᠮ ᠦᠪᠡᠷ ᠵᠢᠡᠨ ᠯᠠ  ᠠᠵᠠ ᠵᠢᠷᠭ᠋ᠠᠯ ᠶᠤᠮ ᠰᠢᠤ》 ᠬᠡᠵᠤ ᠰᠤᠷᠭ᠋ᠠᠭᠰᠠᠨ ᠬᠡᠳᠡᠭ᠃ ᠳᠡᠢ᠌ᠮᠦ ᠎ᠠᠴᠠ᠎ᠪᠠᠨ ᠶᠠᠮᠠᠷ ᠵᠠᠮ᠎ᠢ  ᠰᠤᠩᠭᠤᠬᠤ ᠎ᠨᠢ ᠶᠡᠬᠡ ᠴᠢᠬᠤᠯᠠ ᠃ ᠶᠠᠷᠢᠶᠠᠨ ᠦᠬᠡᠢ ᠬᠦᠮᠦᠨ ᠪᠦᠬᠦᠨ ᠬᠡᠷᠡᠯ ᠬᠡᠬᠡ᠎ᠲᠠᠢ᠂ ᠠᠵᠠ ᠵᠢᠷᠭ᠋ᠠᠯ᠎ᠳᠤ ᠬᠦᠷᠬᠦ ᠵᠠᠮ᠎ᠢ ᠰᠤᠩᠭᠤᠬᠤ ᠵᠢ ᠪᠤᠳᠤᠳᠠᠭ ᠃    ᠬᠡᠪᠡᠴᠦ  ᠰᠤᠩᠭᠤᠯᠳᠠ᠎ᠨᠢ ᠳᠠᠰᠢᠶᠠᠷᠠᠭᠰᠠᠨ᠎ᠠᠴᠠ ᠪᠤᠯᠤᠭ᠋ᠠᠳ ᠵᠠᠷᠢᠮ᠎ᠨᠢ ᠲᠦᠨᠡᠷ ᠬᠠᠷᠠᠩᠭᠤᠢ ᠵᠠᠮ ᠵᠢᠡᠷ ᠠᠶᠠᠯᠠᠵᠤ᠂ ᠠᠮᠢᠳᠤᠷᠠᠯ᠎ᠤᠨ ᠤᠢ ᠭᠤᠨᠢᠭ᠎ᠢ ᠦᠪᠡᠷ ᠵᠢᠡᠨ ᠴᠤ᠌ ᠮᠡᠳᠡᠯ ᠦᠬᠡᠢ᠎ᠪᠠᠷ ᠠᠮᠰᠠᠵᠤ ᠡᠬᠢᠯᠡᠳᠡᠭ  ᠃ ᠬᠡᠪᠡᠴᠦ ᠬᠡᠤᠬᠡᠳ ᠲᠦᠷᠦᠮᠡᠭᠴᠡ᠎ᠪᠠᠨ ᠮᠠᠭᠤ ᠬᠦᠮᠦᠨ ᠪᠤᠯᠤᠨ᠎ᠠ ᠬᠡᠵᠤ ᠲᠦᠷᠦᠳᠡᠭ ᠦᠬᠡᠢ ᠎ᠲᠠᠢ ᠠᠳᠠᠯᠢ᠎ᠪᠠᠷ᠂  ᠬᠦᠮᠦᠨ  ᠪᠦᠬᠦᠨ ᠮᠠᠭᠤ ᠵᠠᠮ ᠵᠢᠡᠷ ᠶᠠᠪᠤᠶ᠎ᠠ ᠬᠡᠵᠤ  ᠪᠤᠳᠤᠳᠠᠭ ᠦᠬᠡᠢ ᠪᠢᠵᠡ᠃ 
    ᠪᠢ ᠦᠨᠦᠳᠦᠷ ᠵᠠᠮ᠎ᠤᠨ ᠲᠤᠬᠠᠢ ᠪᠢᠰᠢ᠂ ᠬᠠᠷᠢᠨ ᠰᠤᠩᠭᠤᠭᠰᠠᠨ ᠵᠠᠮ ᠵᠢᠡᠷ ᠵᠢᠡᠨ ᠬᠡᠷᠬᠢᠨ ᠠᠶᠠᠯᠠᠪᠠᠯ ᠠᠵᠠ ᠵᠢᠷᠭ᠋ᠠᠯ᠎ᠳᠤ ᠬᠦᠷᠬᠦ ᠪᠤᠢ ᠬᠡᠳᠡᠭ ᠳᠠᠯ᠎ᠠ᠎ᠪᠠᠷ ᠰᠡᠳᠬᠢᠵᠤ ᠪᠠᠢ᠌ᠨ᠎ᠠ ᠃  ᠰᠡᠳᠬᠢᠵᠤ ᠪᠠᠢ᠌ᠪᠠᠯ ᠤᠷᠤᠰᠢᠵᠤ ᠪᠠᠢ᠌ᠬᠤ ᠵᠢᠨ ᠬᠡᠷᠡᠴᠢ ᠶᠤᠮ᠃  ᠤᠷᠠᠨ ᠪᠦᠲᠦᠬᠡᠯ  ᠪᠦᠲᠦᠬᠡᠬᠦ᠎ᠨᠢ ᠴᠤ᠌ ᠰᠡᠳᠬᠢᠬᠦ᠎ᠠᠴᠠ ᠡᠬᠢᠯᠡᠳᠡᠭ ᠃  ᠶᠡᠷᠦ᠎ᠨᠢ ᠠᠵᠠ ᠵᠢᠷᠭ᠋ᠠᠯ᠎ᠳᠤ ᠬᠦᠷᠬᠦ ᠵᠠᠮ ᠤᠯᠠᠨ ᠪᠤᠢ᠂ ᠠᠷᠭ᠎ᠠ ᠬᠡᠯᠪᠡᠷᠢ ᠎ᠨᠢ ᠴᠤ᠌ ᠤᠯᠠᠨ ᠪᠤᠢ ᠃ ᠬᠡᠬᠦ᠎ᠳᠤ᠎ᠪᠠᠨ ᠶᠠᠭᠤ ᠵᠢ ᠠᠵᠠ ᠵᠢᠷᠭ᠋ᠠᠯ ᠬᠡᠳᠡᠭ᠎ᠢ ᠤᠬᠠᠭ᠋ᠠᠷᠠᠬᠤ ᠎ᠳᠤ ᠯᠠ ᠠᠰᠠᠭᠤᠳᠠᠯ᠎ᠤᠨ ᠭᠤᠤᠯ᠎ᠨᠢ ᠤᠷᠤᠰᠢᠨ᠎ᠠ᠃  ᠪᠢ ᠶᠡᠷᠦ᠎ᠳᠤ᠎ᠪᠠᠨ 《ᠠᠵᠠ ᠵᠢᠷᠭ᠋ᠠᠯ᠎ᠤᠨ ᠨᠢᠬᠡ ᠲᠦᠷᠦᠯ᠎ᠨᠢ ᠬᠦᠳᠡᠯᠮᠦᠷᠢ ᠶᠤᠮ ᠂    ᠬᠦᠳᠡᠯᠮᠦᠷᠢ ᠦᠪᠡᠷ ᠵᠢᠡᠨ ᠯᠠ ᠠᠵᠠ ᠵᠢᠷᠭ᠋ᠠᠯ  》 ᠬᠡᠵᠤ ᠪᠤᠳᠤᠳᠠᠭ ᠃
   ᠬᠦᠳᠡᠯᠮᠦᠷᠢ ᠦᠪᠡᠷ ᠵᠢᠡᠨ ᠠᠵᠠ ᠵᠢᠷᠭ᠋ᠠᠯ ᠪᠠᠢ᠌ᠭᠰᠠᠨ ᠤᠴᠢᠷ᠎ᠠᠴᠠ ᠬᠦᠳᠡᠯᠮᠦᠷᠢᠯᠡᠵᠤ ᠪᠠᠢ᠌ᠵᠤ ᠯᠠ ᠠᠵᠠ ᠵᠢᠷᠭ᠋ᠠᠯ᠎ᠤᠨ ᠬᠡᠷᠡᠯ ᠬᠡᠬᠡ ᠵᠢ᠂ ᠳᠡᠷᠡ ᠬᠦ᠌ ᠢᠯᠴᠢ ᠡᠨᠧᠷᠬᠢ ᠵᠢ ᠤᠯᠵᠤ ᠮᠡᠳᠡᠷᠡᠬᠦ ᠪᠤᠯᠤᠨ᠎ᠠ᠃ ᠬᠦᠳᠡᠯᠮᠦᠷᠢ ᠵᠢᠨ ᠠᠵᠠ ᠵᠢᠷᠭ᠋ᠠᠯ ᠳᠠᠩᠳᠠ  ᠬᠦᠳᠡᠯᠮᠦᠷᠢᠴᠢ ᠬᠦᠮᠦᠰ᠎ᠲᠤ  ᠤᠯᠳᠠᠳᠠᠭ᠂ ᠬᠠᠷᠢᠨ ᠪᠡᠶ᠎ᠡ᠎ᠪᠠᠨ  ᠤᠳᠤᠷᠯᠠᠭᠰᠠᠳ  ᠳᠡᠷᠡ ᠬᠦ᠌ ᠠᠵᠠ ᠵᠢᠷᠭ᠋ᠠᠯ᠎ᠠᠴᠠ  ᠬᠤᠯᠠ ᠤᠷᠤᠰᠢᠳᠠᠭ᠃   ᠠᠵᠠ ᠵᠢᠷᠭ᠋ᠠᠯ   ᠪᠤᠯ  ᠠᠯᠤᠰ᠎ᠤᠨ ᠵᠡᠷᠬᠡᠯᠬᠡᠨ᠂ ᠳᠡᠭᠷᠢ ᠵᠢᠨ ᠰᠤᠯᠤᠩᠭ᠎ᠠ ᠴᠤ᠌ ᠪᠢᠰᠢ᠂ ᠳᠡᠷᠡ ᠳᠠᠩᠳᠠ ᠴᠢᠨᠤ ᠳᠡᠷᠭᠡᠳᠡ ᠪᠠᠢ᠌ᠳᠠᠭ᠃   ᠭᠡᠬᠦ᠎ᠳᠤ᠎ᠪᠠᠨ ᠪᠢᠳᠡ ᠳᠡᠷᠬᠡᠳᠡ ᠪᠠᠢ᠌ᠭᠰᠠᠨ ᠠᠵᠠ ᠵᠢᠷᠭ᠋ᠠᠯ ᠵᠢᠡᠨ ᠤᠮᠠᠷᠳᠠᠭ᠋ᠠᠳ᠂ ᠬᠡᠨ ᠴᠤ᠌ ᠤᠯᠬᠤ᠎ᠳᠤ ᠪᠡᠷᠬᠡ᠂ ᠡᠰᠡᠬᠦᠯ᠎ᠡ ᠮᠠᠰᠢ ᠶᠡᠬᠡ ᠬᠦᠴᠢᠷ  ᠎ᠲᠠᠢ  ᠵᠦᠢ᠍ᠯ  ᠰᠢᠤᠬᠠᠨ ᠵᠢᠡᠷ ᠠᠵᠠ ᠵᠢᠷᠭ᠋ᠠᠯ᠎ᠢ ᠤᠢ᠌ᠯᠠᠭ᠋ᠠᠬᠤ ᠬᠡᠳ᠂ ᠤᠯᠬᠤ ᠬᠡᠳ ᠳᠡᠮᠡᠤᠯᠳᠡᠭ᠎ᠨᠢ ᠰᠤᠨᠢᠨ᠂ ᠮᠦᠨ ᠴᠤ᠌ ᠬᠠᠴᠢᠨ ᠃
   ᠬᠦᠳᠡᠯᠮᠦᠷᠢ ᠪᠤᠯ ᠠᠵᠠ ᠵᠢᠷᠭ᠋ᠠᠯ᠂ ᠬᠡᠳᠡᠯ᠎ᠡ ᠡᠨᠡ ᠮᠠᠨᠤᠰ᠎ᠤᠨ ᠳᠡᠷᠬᠡᠳᠡ ᠪᠠᠢ᠌ᠨ᠎ᠠ ᠬᠡᠵᠤ ᠤᠤ？ ᠪᠢ ᠨᠢᠬᠡ ᠨᠠᠰᠤ᠎ᠪᠠᠨ ᠵᠢᠡᠨ ᠮᠠᠯᠴᠢᠨ ᠪᠤᠯᠤᠯ᠎ᠠ᠂ ᠨᠠᠳᠠ᠎ᠳᠤ ᠬᠠᠯᠠᠭᠤᠨ᠎ᠳᠤ ᠬᠠᠯᠠᠵᠤ ᠬᠦᠢ᠍ᠳᠡᠨ᠎ᠳᠤ ᠬᠦᠷᠦᠵᠤ ᠶᠠᠪᠤᠭᠰᠠᠨ ᠯᠠ ᠬᠦᠴᠢᠷ ᠵᠤᠪᠭ᠋ᠠᠭᠤᠷᠢ᠎ᠲᠠᠢ ᠠᠮᠢᠳᠤᠷᠠᠯ ᠯᠠ ᠪᠠᠢ᠌ᠨ᠎ᠠ᠂ ᠡᠰᠡᠬᠦᠯ᠎ᠡ ᠪᠢ ᠨᠢᠬᠡ ᠨᠠᠰᠤ ᠎ᠪᠠᠷ ᠵᠢᠡᠨ ᠪᠢᠴᠢᠭ ᠰᠤᠶᠤᠯ᠎ᠤᠨ ᠠᠵᠢᠯ ᠬᠢᠯ᠎ᠡ᠂ ᠡᠴᠦᠰ᠎ᠲᠤ᠎ᠪᠠᠨ ᠤᠯᠤᠭᠰᠠᠨ ᠮᠦᠩᠬᠦ ᠬᠡᠵᠤ ᠶᠠᠭᠤᠮ᠎ᠠ ᠠᠯᠠᠭ᠎ᠠ᠂ ᠨᠡᠷ᠎ᠡ ᠲᠦᠷᠦ ᠴᠤ᠌ ᠠᠯᠠᠭ᠎ᠠ ᠬᠡᠵᠤ ᠶᠠᠷᠢᠬᠤ᠂ ᠭᠤᠮᠤᠷᠬᠠᠬᠤ ᠬᠦᠮᠦᠰ ᠯᠠᠪᠳᠠᠢ ᠤᠯᠠᠨ  ᠪᠠᠢ᠌ᠬ᠎ᠠ ᠃ ᠬᠡᠪᠡᠴᠦ ᠮᠢᠨᠤ ᠪᠤᠳᠤᠬᠤ᠎ᠪᠠᠷ ᠠᠵᠠ ᠵᠢᠷᠭ᠋ᠠᠯ ᠮᠦᠩᠬᠦᠨ᠎ᠳᠤ ᠪᠠᠢ᠌ᠬᠤ ᠪᠢᠰᠢ᠂ ᠠᠵᠠ ᠵᠢᠷᠭ᠋ᠠᠯ ᠡᠷᠬᠡ ᠳᠤᠰᠢᠶᠠᠯ᠎ᠳᠤ ᠪᠠᠢ᠌ᠬᠤ ᠪᠢᠰᠢ᠂ ᠠᠵᠠ ᠵᠢᠷᠭ᠋ᠠᠯ ᠨᠢᠳᠦᠨ ᠡᠮᠦᠨᠡᠬᠢ ᠵᠤᠯ ᠵᠢᠷᠭ᠋ᠠᠯ᠎ᠳᠤ ᠯᠠ ᠪᠠᠢ᠌ᠬᠤ ᠪᠢᠰᠢ᠃  ᠲᠠ ᠨᠢᠬᠡ ᠨᠠᠰᠤ᠎ᠪᠠᠷ ᠵᠢᠡᠨ ᠮᠠᠯ ᠬᠠᠷᠠᠭᠤᠯᠤᠭᠰᠠᠨ ᠪᠠᠢ᠌ᠵᠤ ᠪᠤᠯᠤᠨ᠎ᠠ᠂ ᠬᠡᠳᠡᠯ᠎ᠡ ᠲᠠ ᠮᠠᠰᠢ ᠶᠡᠬᠡ ᠠᠵᠠ ᠵᠢᠷᠭ᠋ᠠᠯ᠎ᠲᠠᠢ ᠬᠦᠮᠦᠨ᠂ ᠶᠠᠭ᠋ᠠᠬᠢᠭ᠋ᠠᠳ ᠬᠡᠬᠦᠯᠡᠷ ᠲᠠ ᠦᠪᠡᠷ᠎ᠤᠨ ᠡᠷᠬᠢᠯᠡᠵᠤ ᠪᠠᠢ᠌ᠭ᠎ᠠ ᠠᠵᠢᠯ᠎ᠳᠤ᠎ᠪᠠᠨ᠂ ᠮᠠᠯᠴᠢᠨ ᠬᠡᠰᠡᠨ ᠨᠡᠷ᠎ᠡ᠎ᠳᠤ᠎ᠪᠠᠨ  ᠤᠰᠤᠯᠳᠤᠵᠤ ᠦᠵᠡᠬᠡ ᠦᠬᠡᠢ᠂ ᠲᠠ ᠮᠠᠯᠴᠢᠨ ᠪᠤᠯᠤᠭᠰᠠᠨ᠎ᠠᠴᠠ ᠮᠠᠯᠵᠢᠯ ᠰᠤᠶᠤᠯ᠎ᠤᠨ ᠲᠤᠮᠤᠬᠠᠨ ᠡᠨᠧᠷᠬᠢ ᠦᠯᠦ ᠮᠡᠳᠡᠬᠦ ᠵᠢᠨ ᠳᠤᠮᠳᠠ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ᠎ᠤ ᠰᠤᠶᠤᠯ᠎ᠤᠨ ᠨᠢᠬᠡᠨ  ᠬᠡᠰᠡᠭ ᠪᠤᠯᠤᠨ ᠦᠯᠡᠳᠡᠵᠤ ᠪᠠᠢ᠌ᠨ᠎ᠠ᠃ ᠬᠡᠷᠪᠡ ᠨᠢᠬᠡ ᠴᠤ᠌ ᠬᠦᠮᠦᠨ ᠮᠠᠯᠴᠢᠨ ᠪᠤᠯᠤᠭ᠎ᠠ ᠦᠬᠡᠢ ᠪᠤᠯ ᠮᠠᠯᠵᠢᠯ ᠰᠤᠶᠤᠯ᠎ᠤᠨ᠂ ᠨᠡᠬᠦᠳᠡᠯ ᠰᠤᠶᠤᠯ᠎ᠤᠨ ᠶᠡᠬᠡ ᠭᠠᠯ ᠭᠤᠯᠤᠮᠳᠠ ᠵᠢ  ᠬᠡᠨ ᠲᠦᠷᠡᠯᠵᠡᠬᠦᠯᠬᠦ ᠪᠢᠯᠡ⁈ ᠨᠦᠬᠦᠬᠡ ᠳᠠᠯ᠎ᠠ᠎ᠠᠴᠠ᠎ᠨᠢ ᠬᠡᠯᠡᠬᠦ᠎ᠳᠤ ᠲᠠ ᠬᠦᠳᠡᠯᠮᠦᠷᠢ᠎ᠳᠤ ᠤᠰᠤᠯᠳᠤᠭ᠎ᠠ ᠦᠬᠡᠢ ᠤᠴᠢᠷ᠎ᠠᠴᠠ ᠲᠠ ᠠᠵᠠ ᠵᠢᠷᠭ᠋ᠠᠯ᠎ᠲᠠᠢ᠂ ᠵᠦᠪᠬᠡᠨ ᠤᠶᠤᠨ᠎ᠤ ᠬᠦᠳᠡᠯᠮᠦᠷᠢ ᠬᠢᠭᠰᠡᠨ ᠬᠦᠮᠦᠰ᠎ᠨᠢ ᠠᠤᠭ᠎ᠠ ᠶᠡᠬᠡ᠂ ᠪᠡᠶ᠎ᠡ ᠵᠢᠨ ᠬᠦᠳᠡᠯᠮᠦᠷᠢ ᠬᠢᠭᠰᠡᠳ᠎ᠨᠢ ᠡᠬᠡᠯ ᠳᠤᠤᠷᠠᠳᠤ ᠬᠡᠵᠤ ᠦᠵᠡᠳᠡᠭ ᠶᠤᠮ ᠪᠤᠯ ᠪᠢᠳᠡ ᠦᠪᠡᠷᠰᠡᠳ᠎ᠢ᠎ᠪᠠᠨ ᠤᠶᠤᠨ  ᠤᠬᠠᠭ᠋ᠠᠨ᠎ᠤ  ᠶᠡᠬᠡ ᠪᠡᠷᠬᠡᠰᠢᠶᠡᠯ᠎ᠲᠠᠢ ᠬᠦᠮᠦᠰ ᠬᠡᠵᠤ     ᠦᠨᠡᠯᠡᠬᠦ ᠬᠡᠷᠡᠭᠳᠡᠢ  ᠪᠤᠯᠵᠤ ᠳᠠᠭ᠋ᠠᠷᠠᠨ᠎ᠠ᠃ ᠪᠢᠳᠡᠨ᠎ᠤ ᠢᠳᠡᠵᠤ ᠪᠤᠢ᠂ ᠤᠤᠭᠤᠵᠤ ᠪᠤᠢ᠂ ᠡᠳ᠋ᠯᠡᠵᠤ ᠪᠤᠢ  ᠪᠦᠬᠦ ᠵᠦᠢ᠍ᠯ᠎ᠢ ᠵᠦᠪᠬᠡᠨ ᠤᠶᠤᠨ᠎ᠤ ᠬᠦᠳᠡᠯᠮᠦᠷᠢᠴᠢᠳ ᠬᠠᠩᠭ᠋ᠠᠭ᠎ᠠ ᠦᠬᠡᠢ᠂ ᠳᠡᠢ᠌ᠮᠦ᠎ᠠᠴᠠ ᠠᠵᠠ ᠵᠢᠷᠭ᠋ᠠᠯ ᠪᠤᠯ ᠳᠡᠷᠬᠡᠳᠡ ᠴᠢᠨᠢ ᠪᠠᠢ᠌ᠨ᠎ᠠ᠂ ᠬᠡᠷᠪᠡ ᠬᠤᠶᠠᠷ ᠭᠠᠷ ᠴᠢᠨᠢ ᠪᠠᠢ᠌ᠬᠤ᠎ᠳᠤ ᠯᠠ  ᠬᠦᠷᠪᠡᠯ ᠬᠤᠷᠸ᠎ᠠ ᠵᠢ ᠳᠠᠬᠢᠨ ᠪᠦᠲᠦᠬᠡᠵᠤ ᠪᠤᠯᠤᠨ᠎ᠠ᠃ ᠳᠡᠢ᠌ᠮᠦ᠎ᠠᠴᠠ ᠲᠠ ᠮᠠᠯᠴᠢᠨ ᠪᠠᠢ᠌ᠯ᠎ᠠ ᠴᠤ᠌ ᠬᠡᠰᠡᠨ ᠠᠵᠠ ᠵᠢᠷᠭ᠋ᠠᠯ᠎ᠤᠨ ᠰᠠᠬᠢᠭᠤᠯᠰᠤᠨ᠂ ᠦᠪᠡᠷ᠎ᠲᠤ᠎ᠪᠠᠨ ᠢᠳᠡᠬᠡ᠃
    ᠬᠦᠳᠡᠯᠮᠦᠷᠢ ᠪᠤᠯ ᠠᠵᠠ ᠵᠢᠷᠭ᠋ᠠᠯ᠂ ᠤᠶᠤᠳᠠᠳ ᠠᠵᠠ ᠵᠢᠷᠭ᠋ᠠᠯ᠎ᠢ ᠮᠠᠰᠢ ᠶᠡᠬᠡ ᠬᠦᠬᠡᠬᠡᠴᠡᠯᠳᠦᠳᠡᠭ᠂ ᠤᠶᠤᠳᠠᠨ ᠠᠮᠢᠳᠤᠷᠠᠯ ᠵᠢᠡᠨ ᠲᠦᠬᠦᠷᠬᠡᠬᠡᠳ ᠰᠠᠢ᠌ᠬᠠᠨ ᠠᠵᠢᠯ ᠤᠯᠤᠨ᠎ᠠ᠂  ᠮᠠᠰᠢ ᠭᠤᠶᠤ ᠬᠡᠷ᠎ᠲᠤ ᠰᠠᠭᠤᠨ᠎ᠠ᠂ ᠰᠠᠢ᠌ᠬᠠᠨ ᠮᠠᠰᠢᠨ  ᠵᠢᠯᠤᠭᠤᠳᠤᠨ᠎ᠠ ᠬᠡᠳ ᠬᠦᠰᠡᠳᠡᠭ᠂ ᠮᠦᠨ ᠴᠤ᠌ ᠬᠦᠬᠡᠬᠡᠴᠡᠯᠳᠦᠳᠡᠭ᠃ ᠡᠨᠡ ᠶᠠᠷᠢᠶᠠᠨ ᠦᠬᠡᠢ ᠵᠦᠢ᠍ᠳᠡᠢ ᠃ ᠠᠵᠠ ᠵᠢᠷᠭ᠋ᠠᠯ᠎ᠢ ᠬᠦᠰᠡᠬᠦ ᠦᠬᠡᠢ ᠬᠡᠨ ᠪᠠᠢ᠌ᠬᠤ  ᠪᠢᠯᠡ？ ᠬᠡᠪᠡᠴᠦ ᠡᠳᠡᠬᠡᠷ ᠠᠵᠠ ᠵᠢᠷᠭ᠋ᠠᠯ  ᠪᠤᠯ ᠬᠡᠢ ᠬᠤᠭᠤᠰᠤᠨ ᠵᠡᠬᠦᠳᠦ ᠪᠢᠰᠢ ᠰᠢᠤ  ᠂ ᠵᠡᠬᠦᠳᠦᠯᠡᠬᠡᠳ ᠢᠷᠡᠳᠡᠭ ᠵᠦᠢ᠍ᠯ ᠪᠦᠷ ᠴᠤ᠌ ᠪᠢᠰᠢ᠃ ᠳᠡᠢ᠌ᠮᠦ᠎ᠠᠴᠠ ᠮᠠᠨ᠎ᠤ ᠤᠶᠤᠳᠠᠳ᠂ ᠮᠠᠨ᠎ᠤ  ᠵᠠᠯᠠᠭᠤᠰ ᠬᠦᠳᠡᠯᠮᠦᠷᠢᠯᠡᠬᠦ ᠬᠡᠷᠡᠭᠳᠡᠢ᠂ ᠬᠦᠳᠡᠯᠮᠦᠷᠢ ᠵᠢ ᠬᠠᠢ᠌ᠷᠠᠯᠠᠬᠤ ᠬᠡᠷᠡᠭᠳᠡᠢ᠂ ᠦᠪᠡᠷ᠎ᠤᠨ ᠠᠵᠢᠯ᠎ᠳᠤ᠎ᠪᠠᠨ ᠬᠠᠷᠢᠭᠤᠴᠠᠯᠭ᠎ᠠ᠎ᠲᠠᠢ ᠪᠠᠢ᠌ᠬᠤ ᠬᠡᠷᠡᠭᠳᠡᠢ᠃  ᠦᠨᠦᠳᠦᠷ᠎ᠤᠨ ᠲᠦᠯᠦᠬᠡ ᠯᠠ ᠪᠢᠰᠢ᠂ ᠬᠠᠷᠢᠨ ᠮᠠᠷᠭ᠋ᠠᠰᠢ ᠵᠢᠨ ᠲᠦᠯᠦᠬᠡ 《  ᠠᠯᠢᠮ᠎ᠠ ᠵᠢᠨ ᠮᠤᠳᠤ》 ᠳᠠᠷᠢᠭᠰᠠᠨ ᠨᠢᠬᠡᠨ ᠰᠤᠷᠭ᠋ᠠᠮᠵᠢᠳᠤ ᠦᠬᠦᠯᠡᠯᠬᠡ ᠵᠢ ᠲᠠ ᠨᠠᠷ ᠤᠩᠰᠢᠵᠤ ᠦᠵᠡᠬᠡᠷᠡᠢ᠃ ᠳᠡᠭᠡᠬᠦ᠎ᠳᠤ ᠯᠠ ᠡᠨᠡ ᠪᠦᠬᠦᠨ᠎ᠤ ᠤᠳᠬ᠎ᠠ ᠠᠭᠤᠯᠭ᠎ᠠ᠎ᠨᠢ ᠳᠤᠳᠤᠷᠬᠠᠢ ᠪᠤᠯᠤᠨ᠎ᠠ᠃
   ᠦᠨᠡᠨ᠎ᠳᠤ᠎ᠪᠠᠨ ᠰᠤᠷᠤᠯᠴᠠᠯᠭ᠎ᠠ ᠪᠤᠯ ᠠᠮᠢᠳᠤᠷᠠᠯ᠂ ᠰᠤᠷᠤᠯᠴᠠᠯᠭ᠎ᠠ ᠪᠤᠯ ᠬᠠᠷᠢᠭᠤᠴᠠᠯᠭ᠎ᠠ᠂ ᠮᠡᠷᠬᠡᠵᠢᠯ ᠪᠤᠯ ᠬᠦᠳᠡᠯᠮᠦᠷᠢ᠃ ᠵᠠᠷᠢᠮ ᠤᠶᠤᠳᠠᠨ《ᠪᠢᠳᠡ ᠴᠢᠨᠢ ᠰᠤᠷᠤᠭᠴᠢ᠂ ᠪᠢᠳ᠋ᠨ ᠰᠤᠷᠤᠯᠴᠠᠵᠤ   ᠪᠠᠢ᠌ᠨ᠎ᠠ》 ᠬᠡᠵᠤ  ᠪᠤᠳᠤᠳᠠᠭ ᠃  ᠬᠡᠳᠡᠯ᠎ᠡ  ᠲᠠ ᠠᠮᠢ ᠨᠠᠰᠤᠨ᠎ᠤ᠎ᠪᠠᠨ ᠬᠠᠮᠤᠭ ᠰᠠᠢ᠌ᠨ ᠰᠠᠢ᠌ᠬᠠᠨ ᠴᠠᠭ ᠦᠶ᠎ᠡ ᠵᠢᠨ ᠠᠮᠢᠳᠤᠷᠠᠯ᠎ᠢ ᠡᠳ᠋ᠯᠡᠵᠤ ᠪᠠᠢ᠌ᠨ᠎ᠠ᠂ ᠡᠨᠡ ᠠᠮᠢᠳᠤᠷᠠᠯ᠎ᠳᠤ ᠴᠢᠨᠢ ᠮᠦᠨ  ᠬᠦᠳᠡᠯᠮᠦᠷᠢ ᠱᠠᠭ᠋ᠠᠷᠳᠠᠭᠳᠠᠵᠤ ᠪᠤᠢ᠂ ᠳᠡᠷᠡ᠎ᠨᠢ ᠳᠠᠷᠤᠢ ᠴᠢᠷᠮᠠᠢ᠌ᠨ ᠰᠤᠷᠤᠯᠴᠠᠵᠤ᠂ ᠵᠢᠩᠬᠢᠨᠢ ᠮᠡᠳᠡᠯᠬᠡ᠂ ᠵᠢᠩᠬᠢᠨᠢ ᠴᠢᠳᠠᠪᠤᠷᠢ ᠵᠢ ᠰᠤᠷᠤᠯᠴᠠᠬᠤ  ᠶᠠᠪᠤᠳᠠᠯ ᠬᠡᠳᠡᠭ ᠵᠢᠡᠨ ᠡᠷᠬᠢᠴᠡᠬᠦᠯᠦᠨ ᠪᠤᠳᠤᠬᠤ ᠬᠡᠷᠡᠭᠳᠡᠢ  ᠪᠢᠵᠡ᠃  ᠮᠠᠨ᠎ᠤ᠎ᠬᠢᠨ᠎ᠤ ᠤᠶᠤᠳᠠᠳ᠎ᠤᠨ  ᠵᠠᠷᠢᠮ᠎ᠨᠢ ᠰᠤᠷᠤᠯᠴᠠᠬᠤ ᠳᠤᠷ᠎ᠠ ᠦᠬᠡᠢ᠂ ᠵᠢᠷᠭ᠋ᠠᠵᠤ ᠴᠡᠩᠬᠡᠬᠦ ᠵᠢ ᠯᠠ ᠬᠦᠬᠡᠬᠡᠴᠡᠯᠳᠦᠨ᠎ᠡ ᠃ ᠡᠰᠡᠬᠦᠯ᠎ᠡ  ᠬᠤᠷᠳᠤᠬᠠᠨ  ᠰᠢᠭ᠋ ᠠᠵᠢᠯ ᠤᠯᠬᠤ ᠵᠢ ᠯᠠ  ᠬᠦᠰᠡᠳᠡᠭ᠃ ᠬᠡᠪᠡᠴᠦ  ᠬᠦᠳᠡᠯᠮᠦᠷᠢ ᠬᠢᠵᠤ ᠰᠤᠷᠤᠭ᠎ᠠ ᠦᠬᠡᠢ᠎ᠪᠠᠷ ᠬᠦᠳᠡᠯᠮᠦᠷᠢᠴᠢᠨ ᠪᠤᠯᠤᠨ᠎ᠠ ᠬᠡᠵᠤ ᠪᠠᠢ᠌ᠵᠤ ᠪᠤᠯᠬᠤ ᠤᠤ？ ᠶᠡᠷᠦ᠎ᠨᠢ᠃ ᠮᠠᠯᠴᠢᠨ ᠪᠤᠯᠬᠤ᠎ᠪᠠᠷ ᠪᠤᠳᠤᠬᠤ᠎ᠳᠤ ᠬᠠᠷᠠᠬᠠᠨ ᠪᠠᠭ᠎ᠠ᠎ᠠᠴᠠ᠎ᠪᠠᠨ ᠠᠪᠤ ᠡᠵᠢ᠎ᠪᠠᠨ ᠬᠠᠪᠰᠤᠷᠤᠨ ᠬᠤᠨᠢᠨ᠎ᠤ ᠪᠠᠷ᠎ᠠ ᠬᠠᠷᠠᠵᠤ᠂ ᠬᠤᠷᠠᠭ᠎ᠠ ᠢᠰᠢᠬᠡ ᠬᠠᠷᠠᠭᠤᠯᠵᠤ᠂ ᠦᠨᠢᠶ᠎ᠡ ᠳᠤᠭᠤᠯ ᠡᠷᠬᠢᠬᠦᠯᠦᠨ ᠦᠭᠴᠦ ᠪᠠᠢ᠌ᠮᠠᠨᠵᠢᠨ ᠠᠭ᠋ᠠᠵᠢᠮ ᠠᠭ᠋ᠠᠵᠢᠮ ᠵᠢᠡᠷ  ᠮᠠᠯ ᠮᠠᠯᠵᠢᠬᠤ ᠤᠬᠠᠭ᠋ᠠᠨ᠎ᠳᠤ  ᠭᠠᠷᠰᠢᠳᠠᠭ ᠰᠢᠤ ᠳ᠋ᠠ᠃ ᠡᠬᠦᠨ᠎ᠲᠠᠢ  ᠠᠳᠠᠯᠢ᠎ᠪᠠᠷ ᠤᠶᠤᠳᠠᠨ᠎ᠤ ᠠᠮᠢᠳᠤᠷᠠᠯ᠎ᠳᠤ᠎ᠪᠠᠨ ᠦᠨᠳᠦᠰᠦᠨ ᠮᠡᠳᠡᠯᠬᠡ᠎ᠪᠠᠨ ᠰᠠᠢ᠌ᠨ  ᠰᠤᠷᠴᠤ᠂ ᠦᠪᠡᠷ᠎ᠤᠨ ᠮᠡᠷᠬᠡᠵᠢᠯ᠎ᠳᠤ᠎ᠪᠠᠨ ᠦᠨᠡᠨᠴᠢ᠎ᠪᠠᠷ ᠬᠠᠨᠳᠤᠵᠤ᠂ ᠨᠤᠮ᠎ᠤᠨ ᠳᠠᠯᠠᠢ᠎ᠳᠤ ᠱᠤᠩᠪᠠᠵᠤ ᠪᠠᠢ᠌ᠮᠠᠨᠵᠢᠨ ᠰᠠᠶᠢ ᠦᠪᠡᠷ᠎ᠤᠨ ᠰᠠᠨᠠᠭᠰᠠᠨ  ᠠᠵᠢᠯ ᠵᠢᠡᠨ ᠬᠢᠵᠤ ᠪᠦᠲᠦᠬᠡᠵᠤ ᠂ ᠬᠦᠮᠦᠨ᠎ᠠᠴᠠ ᠲᠤᠤᠷ᠎ᠠ ᠦᠬᠡᠢ ᠠᠮᠢᠳᠤᠷᠠᠬᠤ ᠪᠢᠰᠢ ᠪᠢᠯᠡ ᠤᠤ？ ᠡᠨᠡ ᠠᠵᠠ ᠵᠢᠷᠭ᠋ᠠᠯ᠎ᠢ ᠤᠯᠬᠤ ᠵᠢᠨ ᠳᠤᠯᠠᠳᠠ ᠶᠠᠭ᠋ᠠᠬᠢᠬᠤ ᠪᠤᠢ ᠬᠡᠪᠡᠯ ᠬᠦᠳᠡᠯᠮᠦᠷᠢ  ᠵᠢ  ᠬᠠᠢ᠌ᠷᠠᠯᠠ᠂ ᠰᠤᠷᠤᠯᠴᠠᠯᠭ᠎ᠠ ᠵᠢ ᠡᠷᠬᠢᠮᠯᠡᠨ᠂ ᠨᠤᠮ᠎ᠢ ᠳᠡᠬᠡᠳᠦᠯᠡ！ ᠠᠵᠠ ᠵᠢᠷᠭ᠋ᠠᠯ ᠬᠤᠯᠠ ᠪᠢᠰᠢ᠂ ᠳᠡᠷᠬᠡᠳᠡ ᠴᠢᠨᠢ ᠪᠠᠢ᠌ᠨ᠎ᠠ᠂ ᠠᠵᠠ ᠵᠢᠷᠭ᠋ᠠᠯ ᠎ᠤᠨ ᠴᠡᠴᠡᠭ ᠳᠠᠷᠢᠬᠢᠨ᠎ᠳᠤ ᠴᠢᠨᠢ ᠂ ᠭᠠᠷ᠎ᠲᠤ ᠴᠢᠨᠢ  ᠪᠤᠢ᠃ ᠡᠨᠡ ᠴᠡᠴᠡᠭ᠎ᠢ ᠤᠷᠭᠤᠭᠤᠯᠬᠤ ᠤᠤ？ ᠡᠰᠡᠬᠦᠯ᠎ᠡ ᠬᠤᠪᠠᠬᠠᠢ᠌ᠷᠠᠭᠤᠯᠬᠤ ᠤᠤ ᠬᠡᠳᠡᠭ  ᠤᠨᠴᠠ ᠡᠷᠬᠡ ᠮᠦᠨ ᠴᠤ᠌ ᠳᠠᠨ᠎ᠳᠤ ᠪᠤᠢ᠃ ᠲᠠ ᠠᠵᠠ ᠵᠢᠷᠭ᠋ᠠᠯ᠎ᠤᠨ ᠡᠷᠢᠯᠴᠢᠨ ᠪᠢᠰᠢ᠂ ᠠᠵᠠ ᠵᠢᠷᠭ᠋ᠠᠯ᠎ᠤᠨ ᠡᠬᠦᠳᠦᠭᠴᠢ ᠰᠢᠤ᠂ ᠤᠶᠤᠳᠠᠳ ᠡ᠂ ᠵᠠᠯᠠᠭᠤᠰ ᠡ ᠃
   ᠬᠦᠳᠡᠯᠮᠦᠷᠢ ᠦᠪᠡᠷ ᠵᠢᠡᠨ ᠠᠵᠠ ᠵᠢᠷᠭ᠋ᠠᠯ ᠶᠤᠮ ᠰᠢᠤ᠂  ᠵᠠᠯᠠᠭᠤᠰ ᠡ᠂ ᠪᠢᠳᠡ 《  ᠠᠵᠠ ᠵᠢᠷᠭ᠋ᠠᠯ᠎ᠤᠨ ᠲᠦᠯᠦᠬᠡ ᠁》 ᠬᠡᠵᠤ ᠪᠤᠳᠤᠳᠠᠭ ᠪᠤᠯ ᠳᠡᠷᠬᠡᠳᠡ ᠪᠠᠢ᠌ᠭ᠎ᠠ ᠠᠵᠠ ᠵᠢᠷᠭ᠋ᠠᠯ᠎ᠠᠴᠠ᠎ᠪᠠᠨ ᠬᠡᠵᠢᠶ᠎ᠡ ᠴᠤ᠌ ᠪᠢᠳᠡᠬᠡᠢ  ᠵᠢᠭᠤᠳᠠᠭ᠋ᠠᠳ ᠪᠠᠢ᠌ᠶ᠎ᠠ᠃ ᠬᠠᠷᠢᠨ ᠳᠡᠷᠡ ᠠᠵᠠ ᠵᠢᠷᠭ᠋ᠠᠯ᠎ᠤᠨ ᠬᠡᠷᠡᠯ ᠬᠡᠬᠡ᠎ᠢ  ᠤᠯᠠᠮ ᠶᠡᠬᠡ᠎ᠪᠠᠷ ᠲᠦᠬᠡᠬᠡᠨ ᠳᠡᠯᠬᠡᠷᠡᠬᠦᠯᠵᠤ ᠪᠠᠢ᠌ᠬᠤ᠎ᠨᠢ ᠯᠠ  ᠵᠦᠢ᠍ᠳᠡᠢ᠃
    ᠪᠢ ᠡᠨᠡ ᠰᠦᠨᠢ ᠴᠤ᠌ ᠬᠦᠳᠡᠯᠮᠦᠷᠢ ᠵᠢᠨ ᠠᠵᠠ ᠵᠢᠷᠭ᠋ᠠᠯ᠎ᠢ  ᠡᠳ᠋ᠯᠡᠵᠤ ᠪᠠᠢ᠌ᠨ᠎ᠠ᠂ ᠮᠢᠨᠤ ᠡᠨᠡ ᠤᠬᠤᠷᠬᠠᠨ ᠪᠦᠲᠦᠬᠡᠯ ᠮᠢᠨᠤ ᠠᠵᠠ ᠵᠢᠷᠭ᠋ᠠᠯ᠎ᠤᠨ ᠦᠷ᠎ᠡ ᠰᠠᠳᠤ᠂ ᠬᠡᠷᠪᠡ ᠳᠡᠷᠡ ᠠᠵᠠ ᠵᠢᠷᠭ᠋ᠠᠯ ᠪᠠᠢ᠌ᠭ᠎ᠠ ᠦᠬᠡᠢ ᠪᠤᠯ ᠶᠠᠭ᠋ᠠᠬᠢᠬᠤ ᠪᠠᠢ᠌ᠭᠰᠠᠨ ᠪᠤᠢ？ ᠠᠵᠠ ᠵᠢᠷᠭ᠋ᠠᠯ᠎ᠢ ᠮᠡᠳᠡᠷᠡᠬᠦ ᠳᠤᠰᠤᠮ ᠪᠢᠳᠡ ᠴᠢᠨᠢ ᠠᠵᠠ ᠵᠢᠷᠭ᠋ᠠᠯ ᠎ᠤᠨ ᠡᠷᠢᠯᠴᠢᠨ ᠪᠢᠰᠢ᠂ ᠬᠠᠷᠢᠨ ᠠᠵᠠ ᠵᠢᠷᠭ᠋ᠠᠯ᠎ᠤᠨ ᠡᠵᠡᠨᠳᠡᠨ ᠪᠠᠢ᠌ᠳᠠᠭ᠎ᠢ ᠤᠬᠠᠭ᠋ᠠᠷᠠᠬᠤ  ᠶᠤᠰᠤᠳᠠᠢ  ᠪᠢᠰᠢ ᠬᠡᠵᠤ ᠤᠤ？ 
   ᠭᠠᠳᠠᠨ᠎ᠠ ᠬᠠᠪᠤᠷ᠎ᠤᠨ ᠰᠠᠯᠬᠢᠨ ᠬᠠᠤᠬᠢᠭ᠋ᠠᠳ ᠪᠠᠢ᠌ᠭᠰᠠᠨ ᠴᠤ᠌ ᠠᠵᠠ ᠵᠢᠷᠭ᠋ᠠᠯ ᠵᠢᠡᠷ ᠪᠢ ᠵᠢᠷᠭ᠋ᠠᠵᠤ ᠪᠠᠢ᠌ᠨ᠎ᠠ᠃ ᠠᠵᠠ ᠵᠢᠷᠭ᠋ᠠᠯ ᠳᠡᠷᠬᠡᠳᠡ᠎ᠠᠴᠠ ᠮᠢᠨᠢ ᠁
   ᠮᠠᠷᠭ᠋ᠠᠰᠢ ᠪᠠᠰᠠ ᠯᠠ ᠠᠵᠠ ᠵᠢᠷᠭ᠋ᠠᠯ ᠁ ᠪᠠᠶᠠᠷᠳᠠᠢ᠂  ᠤᠩᠰᠢᠭᠴᠢ ᠮᠢᠨᠢ ᠂ ᠠᠵᠠ ᠵᠢᠷᠭ᠋ᠠᠯ ᠬᠦᠰᠡᠶ᠎ᠡ᠃ ᠬᠦᠳᠡᠯᠮᠦᠷᠢ᠎ᠠᠴᠠ ᠠᠵᠠ ᠵᠢᠷᠭ᠋ᠠᠯ᠎ᠤᠨ ᠬᠤᠷ᠎ᠠ ᠱᠠᠬᠢᠳᠠᠭ᠂ ᠬᠦᠳᠡᠯᠮᠦᠷᠢ᠎ᠠᠴᠠ ᠠᠵᠠ ᠵᠢᠷᠭ᠋ᠠᠯ᠎ᠲᠠᠢ ᠦᠨᠦᠳᠦᠷ ᠤᠷᠭᠤᠵᠤ᠂ ᠠᠵᠠ ᠵᠢᠷᠭ᠋ᠠᠯ᠎ᠲᠠᠢ ᠮᠠᠷᠭ᠋ᠠᠰᠢ ᠡᠬᠢᠯᠡᠳᠡᠭ᠃

    ᠬᠠᠶᠢᠭ᠄ ᠦᠪᠦᠷ ᠮᠤᠩᠭᠤᠯ᠎ᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ᠎ᠤᠨ ᠬᠡᠪᠯᠡᠯ᠎ᠤᠨ ᠬᠤᠷᠢᠶ᠎ᠠ