| — ︽ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠭᠢᠨ ᠦᠷᠪᠢᠰᠦᠯ︾ ᠢ ᠬᠤᠷᠢᠭᠯᠠᠬᠤ ᠳᠠᠶᠢᠨ ᠳᠤ᠂ | ᠰᠢᠵᠢᠷ ᠠᠯᠲᠠᠨ ᠠᠮᠢ ᠨᠠᠰᠤ ᠪᠠᠨ ᠵᠣᠷᠢᠭᠤᠯᠤᠭᠰᠠᠨ ᠴᠢᠨ ᠬᠤᠩ ᠱᠦᠵᠢ ᠳᠤ ᠵᠣᠷᠢᠭᠤᠯᠪᠠ | | ᠴ᠊ · ᠪᠦᠬᠡᠳᠡᠯᠭᠡᠷ ᠰᠤᠷᠪᠤᠯᠵᠢᠯᠠᠪᠠ | ᠬᠦᠮᠦᠨ ᠤ ︽ᠠᠮᠢ ᠨᠠᠰᠤ︾ ᠶᠢ ᠲᠡᠩᠨᠡᠭᠦᠷ ᠢᠶᠠᠷ ᠲᠡᠩᠨᠡᠵᠦ᠂ ᠲᠠᠦᠬᠠᠢ ᠭᠦᠶᠦᠯᠭᠡᠵᠦ ᠳᠠᠩᠰᠠᠯᠠᠵᠤ ᠳᠡᠶᠢᠯᠳᠡᠭ | ᠬᠤᠶᠢᠨᠠ ᠲᠡᠭᠦᠨ ᠤ ︽ᠬᠦᠨᠳᠦ ᠶᠢᠨ ᠵᠢᠩ︾ ᠨᠢ ᠬᠡᠳᠦᠢ ᠪᠠᠶᠢᠳᠠᠭ ᠪᠣᠯ⁈ ᠮᠦᠩᠭᠦ ᠪᠠᠷ ᠲᠣᠭᠠᠴᠠᠯᠠᠵᠤ | ᠠᠯᠲᠠ ᠪᠠᠷ ᠦᠨᠡᠯᠡᠵᠦ ᠪᠣᠯᠳᠠᠭ ᠬᠤᠶᠢᠨᠠ ᠲᠡᠭᠦᠨ ᠤ ︽ᠦᠨᠡ ᠦᠷᠲᠡᠭ︾ ᠨᠢ ᠬᠡᠳᠦᠢ ᠪᠠᠶᠢᠳᠠᠭ ᠪᠣᠯ⁈ ᠠᠶᠠ᠂ | ᠣᠷᠴᠢᠯᠠᠩ ᠬᠢᠵᠠᠭᠠᠷ ᠦᠭᠡᠢ ᠲᠠᠢ ᠠᠳᠠᠯᠢ᠂ ᠬᠦᠮᠦᠨ ᠤ ᠠᠮᠢ ᠨᠠᠰᠤ ᠴᠤ ᠦᠨᠡᠯᠡᠰᠢ ᠦᠭᠡᠢ ᠠᠵᠢ︕ | ︽ᠴᠢᠨ ᠬᠤᠩ︾ ᠭᠡᠳᠡᠭ ᠨᠢᠭᠡ ᠨᠡᠷᠡ ᠴᠡᠭᠡᠵᠢ ᠤᠶᠤᠨ ᠤ ᠮᠠᠨᠢ ᠴᠡᠭᠡᠯ ᠦᠨᠳᠦᠷ ᠲᠡᠭᠷᠢ ᠳᠤ ᠰᠠᠷᠠ ᠲᠠᠢ | ᠰᠦᠨᠢ ᠶᠢᠨ ᠰᠠᠷᠠ᠂ ᠰᠠᠷᠠ ᠦᠭᠡᠢ ᠰᠦᠨᠢ ᠶᠢᠨ ᠨᠠᠷᠠ ᠪᠣᠯᠵᠤ ᠣᠯᠠᠨ ᠣᠯᠠᠨ ᠡᠳᠦᠷ ᠬᠤᠨᠤᠭ ᠭᠡᠷᠡᠯᠳᠦᠵᠡᠢ᠃ | ᠶᠠᠭᠠᠬᠢᠭᠠᠳ ᠶᠤᠮ ᠪᠢᠯᠡ ᠶᠠᠭᠠᠬᠢᠭᠠᠳ ᠴᠦ ᠶᠤᠮ ᠪᠢᠯᠡ⁈ ᠭᠡᠵᠦ ᠤᠷᠪᠠᠨ ᠬᠦᠷᠪᠡᠨ ᠣᠯᠠᠨ ᠣᠯᠠᠨ ᠤᠴᠢᠭ | ᠪᠣᠳᠤᠯ ᠤᠶᠤᠨ ᠢ ᠮᠢᠨᠢ ᠢᠷᠯᠡᠵᠦ᠂ ᠤᠬᠠᠭᠠᠨ ᠢ ᠮᠢᠨᠢ ᠬᠡᠭᠡᠯᠡᠵᠦ ᠦᠷᠢᠶᠡᠴᠡᠯᠳᠦᠨ ᠬᠦᠪᠦᠷᠡᠨᠡᠮ ᠪᠢᠯᠡ᠃ | ᠰᠢᠪᠠᠭᠤ ︽ᠦᠳᠦᠨ︾ ᠳᠡᠭᠡᠨ ᠡᠭᠡᠯᠢᠲᠡᠢ᠂ ᠬᠦᠮᠦᠨ ︽ᠠᠮᠢ ᠨᠠᠰᠤᠨ︾ ᠳᠠᠭᠠᠨ ᠬᠠᠶᠢᠷᠠᠲᠠᠢ᠃ ᠤᠴᠢᠷ ᠨᠢ | ︽ᠡᠭᠡᠵᠦ ᠢᠷᠡᠬᠦ ᠦᠭᠡᠢ᠂ ᠣᠯᠠᠨ ᠳᠠᠪᠲᠠᠭᠳᠠᠬᠤ ᠦᠭᠡᠢ︾ ᠶᠠᠭᠤᠮᠠᠨ ᠳᠠᠭᠠᠨ ᠡᠭᠡᠯᠢ ᠬᠠᠶᠢᠷᠠ ᠲᠠᠢ ᠪᠠᠶᠢᠳᠠᠭ ᠪᠣᠯ | ︽ᠠᠮᠢᠲᠠᠨ ᠭᠤᠣᠯᠳᠠᠨ ᠤ ᠣᠣᠷ ᠠᠷᠠᠨᠰᠢ︾ ᠠᠵᠢ᠃ | ᠠᠮᠢ ᠨᠠᠰᠤ ᠡᠬᠢᠯᠡᠨ ᠪᠦᠷᠢᠯᠳᠦᠬᠦ ᠳᠡᠭᠡᠨ ︽ᠤᠶᠤᠳᠠᠯ ᠤᠨ ᠵᠡᠭᠦᠦ︾ ᠶᠢᠨ ᠦᠵᠦᠭᠦᠷ ᠲᠤ᠂ ︽ᠬᠤᠨᠤᠭ ᠠᠮᠤ | ︾ ᠲᠣᠭᠲᠠᠬᠤ ᠶᠢᠨ ᠬᠦᠴᠢᠷ ᠲᠠᠪᠢᠯᠠᠩ ᠢᠶᠠᠷ ᠪᠦᠷᠢᠯᠳᠦᠳᠡᠭ᠃ ᠠᠮᠢ ᠨᠠᠰᠤ ᠣᠷᠤᠰᠢᠨ ᠲᠣᠭᠲᠠᠨᠢᠬᠤ ᠳᠠᠭᠠᠨ ᠨᠠᠷᠠ | ᠰᠠᠷᠠᠨ ᠤ ᠭᠡᠷᠡᠯ ᠤᠨ ᠵᠣᠷᠪᠤᠰ ᠢᠶᠠᠷ ᠨᠠᠨᠳᠢᠨ ᠡᠷᠬᠢᠮ ᠪᠦᠬᠦᠨ ᠢ ᠡᠷᠢᠭᠡᠯᠡᠵᠦ᠂ ᠠᠮᠢᠰᠬᠤᠵᠤ ᠠᠮᠢᠳᠤᠷᠠᠬᠤ ᠶᠢᠨ ᠢᠶᠠᠨ | ᠲᠤᠭᠠᠯᠠᠩ ᠢᠶᠠᠷ ᠠᠷᠢᠭᠤᠨ ᠡᠷᠬᠢᠮᠰᠦᠭ ᠴᠡᠩᠬᠡᠷ ᠪᠦᠮᠪᠦᠷᠴᠡᠭ ᠤᠨ ︽ᠠᠮᠢ ᠨᠠᠰᠤᠨ ᠤ ᠠᠶᠠ︾ ᠶᠢ ᠬᠦᠭᠯᠡᠵᠦ | ᠣᠷᠤᠰᠢᠳᠠᠭ᠃ ᠠᠮᠢᠳᠤᠷᠠᠵᠤ ᠶᠠᠪᠤᠭᠠ ᠣᠣᠷ ᠬᠡᠨ ᠨᠢᠭᠡᠨ ᠳᠤ ᠴᠦ ︽ᠠᠮᠢ ᠨᠠᠰᠤ︾ ᠡᠷᠭᠢᠵᠦ ᠢᠷᠡᠬᠦ ᠦᠭᠡᠢ᠃ ︽ | ᠠᠮᠢ ᠨᠠᠰᠤ︾ ᠶᠢ ︽ᠠᠯᠲᠠ︾ ᠪᠠᠷ ᠵᠦᠢᠷᠯᠡᠬᠦ ᠭᠡᠭᠴᠢ ᠮᠠᠨᠠᠢ ᠦᠨᠡᠨ ᠳᠡᠭᠡᠨ ︽ᠠᠳᠠᠭ ᠤᠨ ᠳᠣᠣᠷᠠᠳᠤ︾ ᠵᠦᠢᠷᠯᠡᠯ | ᠶᠤᠮ ᠰᠠᠨ ᠁ | ᠠᠷᠭᠠ ᠶᠢᠨ ᠲᠣᠭᠠᠯᠠᠯ ᠤᠨ 2020 ᠣᠨ ᠤ 1 ᠰᠠᠷᠠ ᠶᠢᠨ 25᠂ ᠳᠠᠷᠤᠢ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠴᠠᠭᠠᠨ | ᠰᠠᠷᠠ ᠶᠢᠨ ᠰᠢᠨᠡ ᠨᠢᠭᠡᠨ ᠤ ᠦᠷᠯᠦᠭᠡ— ︽ᠬᠢᠵᠢᠭ︾ ᠤᠨ ᠲᠤᠬᠠᠢ ᠬᠦᠨᠳᠦ ᠴᠢᠮᠡᠭᠡ᠂ ᠬᠠᠲᠠᠭᠤ ᠵᠠᠷᠯᠢᠭ | ᠬᠦᠯᠢᠶᠡᠭᠰᠡᠨ ᠨᠢᠭᠡᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠭᠡᠰᠢᠭᠦᠨ᠂ ᠳᠤᠮᠳᠠᠲᠤ ᠤᠯᠤᠰ ᠤᠨ ᠨᠢᠭᠡᠨ ᠭᠠᠴᠠᠭᠠ ᠲᠤᠰᠬᠤᠨ ᠤ | ᠭᠤᠣᠯᠯᠠᠭᠴᠢ ᠬᠠᠷᠢᠭᠤᠴᠠᠯᠭᠠᠲᠠᠨ᠂ ᠪᠣᠷᠤᠭᠵᠢᠭᠤᠨ ᠡᠷᠡ ᠪᠣᠶᠤ ᠲᠠᠷᠢᠶᠠᠴᠢᠨ ᠬᠦᠮᠦᠨ ᠪᠠᠴᠢᠮᠳᠠᠯ ᠰᠠᠨᠳᠤᠷᠤᠯ ᠤᠨ | ᠳᠤᠮᠳᠠ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠪᠠᠩᠰᠢ ᠪᠠᠨ ᠴᠦ ᠰᠢᠮᠡᠲᠡᠢ ᠬᠡᠳᠦ ᠢᠳᠡᠯ ᠦᠭᠡᠢ ᠴᠡᠮᠴᠡᠭᠡᠷᠭᠡᠨ ᠪᠣᠷᠤ ᠪᠠᠶᠢᠰᠢᠩ ᠤᠨ | ᠬᠠᠭᠠᠯᠭᠠ ᠬᠠᠶᠠᠵᠤ ᠭᠠᠷᠴᠤ ᠢᠷᠡᠵᠡᠢ᠃ | ︽ᠴᠢᠰᠤᠨ ᠳᠠᠷᠤᠯᠲᠠ ᠪᠠᠭᠤᠷᠠᠭᠤᠯᠬᠤ ᠡᠮ ᠢᠶᠠᠨ ᠠᠪᠤᠭᠰᠠᠨ ᠦᠦ⁈︾ ᠭᠡᠵᠦ ᠰᠠᠨᠠᠭᠠ ᠪᠣᠯᠵᠤ | ᠬᠠᠰᠭᠢᠷᠤᠭᠰᠠᠨ ᠰᠡᠳᠬᠢᠯ ᠤᠨ ᠬᠠᠶᠢᠷᠠᠲᠤ ᠪᠦᠰᠡᠭᠦᠢ ᠶᠢᠨ ᠬᠢᠨᠢ ᠦᠭᠡ᠂ ᠴᠢᠬᠢᠨ ᠤ ᠬᠢᠨᠢ ᠠᠷᠤ ᠳᠤ ᠬᠠᠶᠠᠭᠳᠠᠵᠠᠢ᠃ | ︽ᠡᠪᠦᠭᠡ ᠡ᠂ ᠡᠷᠲᠡ ᠬᠠᠷᠢᠵᠤ ᠢᠷᠡ ᠡ ᠁︾ ᠭᠡᠵᠦ ᠬᠠᠰᠭᠢᠷᠤᠭᠰᠠᠨ ᠣᠮᠪᠤᠯᠤ ᠦᠬᠢᠨ ᠤ ᠬᠢᠨᠢ | ᠦᠭᠡ᠂ ᠦᠷᠦ ᠵᠢᠷᠦᠬᠡᠨ ᠠᠴᠠ ᠨᠢ ᠤᠭᠵᠠᠷᠠᠨ ᠲᠠᠲᠠᠬᠤ ᠰᠢᠭ᠋ ᠰᠣᠨᠤᠰᠳᠠᠭᠰᠠᠨ ᠴᠦ ᠲᠡᠷᠡ ᠡᠷᠭᠢᠵᠦ ᠬᠠᠷᠠᠬᠤ ᠶᠢ | ᠵᠣᠷᠢᠭᠯᠠᠭᠰᠠᠨ ᠦᠭᠡᠢ᠃ ᠤᠴᠢᠷ ᠨᠢ ︽ᠨᠠᠮ ᠤᠨ ᠵᠢᠭᠠᠪᠤᠷᠢ᠂ ᠵᠠᠰᠠᠭ ᠤᠨ ᠵᠠᠷᠯᠢᠭ ᠪᠣᠯ ᠠᠮᠢ ᠨᠠᠰᠤᠨ ᠠᠴᠠ ᠬᠦᠨᠳᠦ | ︕︾ ᠭᠡᠵᠦ ᠬᠠᠶᠢᠷᠠ᠂ ᠬᠠᠷᠢᠭᠤᠴᠠᠯᠭᠠ ᠶᠢ ᠬᠡᠵᠢᠶᠡᠲᠡ ᠣᠪᠤᠭ ᠤᠨ ᠢᠶᠠᠨ ᠦᠰᠦᠭ᠂ ᠠᠯᠳᠠᠷ ᠤᠨ ᠢᠶᠠᠨ | ᠲᠢᠳᠢᠮ ᠪᠣᠯᠭᠠᠵᠤ ᠶᠠᠪᠤᠭᠰᠠᠨ ᠡᠨᠡ ᠬᠠᠲᠠᠭᠤ ᠡᠷᠡ ᠠᠯᠢ ᠬᠡᠳᠦᠶᠢᠨ ᠪᠣᠳᠤᠵᠤ ᠵᠠᠩᠰᠢᠭᠰᠠᠨ ᠶᠤᠮ | ᠪᠦᠯᠦᠭᠡ᠃ | ᠢᠩᠭᠢᠬᠦ ᠳᠤ᠂ ᠡᠨᠡ ᠬᠦᠮᠦᠨ ᠬᠡᠨ ᠶᠤᠮ ᠪᠤᠢ⁈ ᠡᠨᠡ ᠬᠦᠮᠦᠨ ᠪᠣᠯ ᠦᠪᠦᠷ ᠮᠣᠩᠭᠤᠯ ᠤᠨ ᠲᠦᠩᠯᠢᠶᠣᠣ | ᠬᠤᠲᠠ ᠶᠢᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠣᠣ ᠯᠦᠭ ᠱᠠᠨ ᠪᠠᠯᠭᠠᠰᠤᠨ ᠤ ᠪᠠᠷᠠᠭᠤᠨ ᠪᠣᠣ | ᠯᠦᠩ ᠱᠠᠨ ᠭᠠᠴᠠᠭᠠᠨ ᠤ ᠱᠦᠵᠢ ᠴᠢᠨ ᠬᠤᠩ︕ | ︽ᠦᠨᠡᠨ ᠤ ᠮᠦᠷ ᠲᠤ ᠬᠦᠳᠦᠰ ᠡᠷᠡ᠂ ᠠᠮᠢᠳᠤᠷᠠᠯ ᠤᠨ ᠮᠦᠷ ᠲᠤ ᠤᠬᠠᠭᠠᠯᠢᠭ ᠡᠷᠡ᠂ ᠠᠵᠢᠯ ᠤᠨ | ᠮᠦᠷ ᠲᠤ ᠠᠪᠢᠶᠠᠰᠯᠢᠭ ᠡᠷᠡ᠂ ᠠᠶᠠᠨ ᠤ ᠮᠦᠷ ᠲᠤ ᠲᠠᠭᠠᠭᠠᠮᠠᠭᠠᠢ ᠡᠷᠡ᠂ ᠡᠭᠡᠯ ᠲᠦᠮᠡᠨ ᠳᠤ ᠰᠢᠳᠤᠷᠭᠤ ᠡᠷᠡ᠂ | ᠦᠷᠢᠭᠦᠦ ᠵᠦᠷᠢᠭᠦᠦ ᠳᠤ ᠬᠠᠲᠠᠭᠤ ᠡᠷᠡ᠂ ᠦᠨᠡᠨ ᠤ ᠮᠦᠷ ᠲᠤ ᠦᠨᠡᠨᠴᠢ ᠡᠷᠡ ᠁︾ ᠭᠡᠵᠦ ᠠᠶᠠᠯᠠᠨ | ᠰᠣᠷᠪᠤᠯᠵᠢᠯᠠᠬᠤ ᠶᠠᠪᠤᠴᠠ ᠳᠤ ᠠᠷᠠᠳ ᠵᠤᠨ ᠠᠴᠠ ᠰᠣᠨᠤᠰᠤᠭᠰᠠᠨ ᠡᠨᠡ ᠬᠦ ︽ᠰᠣᠨᠤᠰᠬᠠᠯ︾ ᠢᠶᠠᠷ ︽ᠠᠷᠠᠳ ᠤᠨ | ᠵᠠᠷᠤᠴᠠ᠂ ᠠᠷᠠᠯ ᠤᠨ ᠱᠠᠷ︾ ᠴᠢᠨ ᠬᠤᠩ ᠱᠦᠵᠢ ᠶᠢ ᠠᠪᠰᠠᠷᠬᠠᠨ ᠲᠠᠨᠢᠯᠴᠠᠭᠤᠯᠬᠤ ᠳᠤ ᠦᠭᠡ ᠶᠢᠨ | ᠬᠤᠮᠰᠠᠳᠠᠯ᠂ ᠦᠭᠦᠯᠡᠪᠦᠷᠢ ᠶᠢᠨ ᠲᠠᠲᠠᠭᠤᠳᠠᠯ ᠭᠡᠵᠦ ᠡᠭᠡᠯ ᠪᠢᠷᠯᠡᠭᠴᠢ ᠪᠢ ᠦᠯᠦ ᠪᠣᠳᠤᠨᠠᠮ ᠡ᠃ ᠤᠴᠢᠷ ᠨᠢ ︽ | ᠠᠷᠠᠳ ᠲᠦᠮᠡᠨ ᠤ ᠠᠮᠠᠨ ᠠᠭᠤᠷ ᠠᠯᠲᠠ ᠬᠠᠰ ᠢ ᠰᠢᠷᠭᠠᠭᠠᠬᠤ︾ ᠶᠤᠮ ᠬᠤᠶᠢᠨᠠ ᠳ᠋ᠠ︕ | 2020 ᠣᠨ ᠤ 1 ᠰᠠᠷᠠ ᠶᠢᠨ 25 ᠠᠴᠠ ᠡᠬᠢᠯᠡᠵᠦ᠂ ︽ᠪᠠᠷᠴᠢᠳᠲᠤ ᠺᠣᠷᠤᠨᠠ︾ ᠶᠢ ᠡᠰᠡᠷᠭᠦᠴᠡᠨ | ᠬᠤᠷᠢᠭᠯᠠᠬᠤ ᠪᠠᠲᠤ ᠪᠠᠬᠢᠯᠡᠯᠲᠡ ᠪᠠᠷᠠᠭᠤᠨ ᠪᠣᠣ ᠯᠦᠩ ᠱᠠᠨ ᠭᠠᠴᠠᠭᠠᠨ ᠳᠤ ᠪᠣᠰᠤᠯᠠ᠃ ᠨᠠᠮ ᠤᠨ ᠭᠡᠰᠢᠭᠦᠨ᠂ | ᠰᠠᠶᠢᠨ ᠳᠤᠷᠠᠴᠤᠳ ᠲᠡᠷᠢᠭᠦᠯᠡᠵᠦ ᠴᠢᠨ ᠬᠤᠩ ᠱᠦᠵᠢ ᠶᠢᠨ ᠢᠶᠠᠨ ᠲᠣᠭᠤᠷᠢᠨ ᠳᠤ ᠴᠢᠩᠭᠠ ᠪᠠᠲᠤ | ᠰᠡᠷᠭᠡᠶᠢᠯᠡᠯᠲᠡ ᠶᠢᠨ ᠬᠡᠷᠡᠮ ᠪᠣᠯᠵᠤ ᠪᠣᠰᠤᠯᠠ᠃ | ︽ᠲᠦᠢᠳᠭᠡᠷᠲᠦ ᠺᠣᠷᠤᠨᠠ︾ ᠶᠢ ᠡᠰᠡᠷᠭᠦᠴᠡᠬᠦ ᠳᠠᠶᠠᠭᠠᠷ ᠳᠤᠮᠳᠠᠳᠤ᠂ ᠳᠡᠯᠡᠬᠡᠢ ᠨᠡᠶᠢᠲᠡ ᠶᠢᠨ ᠡᠨᠡ ᠬᠦ ︽ | ᠳᠠᠶᠢᠨ︾ ᠤ ᠪᠠᠭᠠᠰᠬᠠᠯ ᠵᠢᠷᠤᠭ ᠢ ᠪᠢᠳᠡ ︽ᠪᠠᠷᠠᠭᠤᠨ ᠪᠣᠣ ᠯᠦᠩ ᠱᠠᠨ ᠭᠠᠴᠠᠭᠠᠨ︾ ᠳᠤ ᠳᠡᠯᠭᠡᠵᠦ ᠦᠵᠡᠬᠦ ᠭᠡᠬᠦ | ᠲᠦᠰᠦᠭᠡᠯᠡᠯ ᠬᠢᠬᠦ ᠳᠤ ᠪᠣᠯᠬᠤ ᠦᠭᠡᠢ ᠨᠢ ᠶᠠᠭᠤ ᠶᠤᠮ ᠪᠢᠯᠡ⁈ ︽ᠪᠠᠭᠠᠲᠤᠷᠴᠤᠳ ᠮᠠᠨᠳᠤᠳᠤᠭᠠᠢ︕︾ ᠁ | ᠠᠶᠤᠯ ᠭᠠᠮᠰᠢᠭ ᠢᠶᠠᠷ ᠳᠦᠭᠦᠷᠦᠭᠰᠡᠨ ᠠᠮᠢ ᠬᠦᠵᠢᠷᠡᠬᠦ ᠲᠤᠯᠤᠯᠳᠤᠭᠠᠨ ᠳᠤ ᠦᠷᠦᠭᠡᠯ ᠪᠣᠰᠤᠳ ᠤᠨ ᠲᠦᠯᠦᠭᠡ᠂ | ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠶᠢᠨ ᠲᠦᠯᠦᠭᠡ᠂ ᠦᠵᠡᠯᠲᠡ ᠵᠣᠭᠰᠤᠯᠲᠠ ᠦᠨᠡᠨ ᠲᠠᠩᠭᠠᠷᠢᠭ ᠤᠨ ᠲᠦᠯᠦᠭᠡ ᠦᠬᠦᠵᠦ | ᠤᠨᠠᠬᠤ ᠪᠠᠨ ᠦᠯᠦ ᠬᠠᠶᠢᠬᠤᠷᠤᠭᠴᠢ ︽ᠠᠭᠤᠤ ᠶᠡᠭᠡ ᠪᠠᠭᠠᠲᠤᠷᠴᠤᠳ ᠮᠠᠨᠳᠤᠳᠤᠭᠠᠢ︕︾ ᠭᠡᠵᠦ ᠤᠷᠢᠶᠠᠯᠠᠬᠤ ᠳᠤ | ᠶᠠᠭᠤᠲᠠᠢ ᠵᠢᠪᠬᠤᠭᠠᠯᠢᠭ᠂ ᠶᠠᠭᠤᠲᠠᠢ ᠴᠣᠣᠷᠢᠶᠠᠯᠢᠭ ᠠᠵᠢ᠃ | 2020 ᠣᠨ ᠤ 2 ᠰᠠᠷᠠ ᠶᠢᠨ 1 ᠤ ᠡᠳᠦᠷ᠂ ᠡᠨᠡ ᠨᠢ ᠡᠷᠡᠰ ᠬᠠᠲᠠᠨ᠂ ᠢᠳᠡ ᠲᠠᠭᠠᠭᠠᠮᠠᠭᠠᠢ ᠵᠠᠩ | ᠲᠠᠢ ᠡᠷᠡ ᠬᠦᠮᠦᠨ — ᠴᠢᠨ ᠬᠤᠩ ᠤᠨ ᠬᠤᠪᠢ ᠳᠤ ︽ᠡᠷᠯᠢᠭ ᠺᠣᠷᠤᠨᠠ︾ ᠲᠠᠢ ᠪᠠᠶᠢᠯᠳᠤᠵᠤ ᠶᠠᠪᠤᠭᠰᠠᠨ | ᠨᠠᠢᠮᠠᠳᠡᠬᠢ ᠡᠳᠦᠷ᠃ | ᠳᠠᠶᠢᠨ ᠪᠣᠯ ᠳᠠᠶᠢᠨ᠂ ᠳᠠᠶᠢᠰᠤᠨ ᠪᠣᠯ ᠳᠠᠶᠢᠰᠤᠨ᠃ ︽ᠲᠦᠢᠳᠭᠡᠷᠲᠦ ᠬᠢᠵᠢᠭ ᠺᠣᠷᠣᠨᠠ︾ ᠶᠢᠨ | ᠬᠤᠪᠢ ᠳᠤ ᠴᠢ ᠨᠢᠭᠡ ᠡᠳᠦᠷ ᠭᠡᠷ ᠲᠡᠭᠡᠨ ᠠᠮᠠᠷ ᠰᠠᠭᠤᠬᠤ ᠳᠤ᠂ ᠰᠢᠨᠡ ᠺᠣᠷᠤᠨᠠ ᠬᠢᠵᠢᠭ ᠬᠠᠷᠢᠨ ᠴᠢᠨᠦ ᠠᠶᠢᠯ | ᠲᠤᠰᠬᠤᠨ ᠤᠷᠤᠭᠤ ᠴᠢᠨᠡᠭᠡ ᠪᠠᠷ ᠢᠶᠠᠨ ᠨᠢᠭᠡ ᠠᠯᠬᠤᠮ ᠤᠶᠢᠷᠠ ᠲᠦᠭᠦᠵᠦ ᠢᠷᠡᠬᠦ ᠪᠣᠯᠤᠯᠴᠠᠭᠠ ᠪᠦᠷᠢᠨ ᠪᠠᠶᠢᠬᠤ ᠶᠢ | ᠴᠠᠭᠠᠨᠠ ᠨᠢ ᠭᠠᠷᠲᠠᠯᠠ ᠮᠡᠳᠡᠵᠦ᠂ ᠰᠡᠳᠬᠢᠯ ᠳᠡᠭᠡᠨ ᠰᠡᠷᠡᠮᠵᠢ ᠶᠢᠨ ᠬᠤᠩᠬᠤ ᠤᠶᠠᠵᠤ ᠶᠠᠪᠤᠭᠰᠠᠨ ᠬᠦᠮᠦᠨ ᠤ ᠨᠢᠭᠡ | ᠪᠣᠯ ᠴᠢᠨ ᠬᠤᠩ︕ | ᠦᠷᠯᠦᠭᠡ ᠶᠢᠨ ᠬᠤᠭᠤᠯᠠ ᠪᠠᠨ ᠰᠡᠩᠳᠡ ᠮᠡᠩᠳᠡ ᠢᠳᠡᠵᠦ᠂ ᠡᠳᠦᠷ ᠤᠨ ᠵᠢᠵᠢᠭᠦᠷ ᠪᠠᠶᠢᠴᠠᠭᠠᠬᠤ ᠪᠠᠷ ᠭᠠᠷᠬᠤ | ᠪᠣᠯᠤᠯᠠ᠃ ᠰᠦᠨᠢ ᠵᠢᠵᠢᠭᠦᠷᠯᠡᠵᠦ ᠬᠤᠨᠤᠭᠰᠠᠨ ᠬᠦᠮᠦᠨ ᠤ ᠬᠤᠪᠢ ᠳᠤ᠂ ᠴᠢᠨ ᠬᠤᠩ ᠡᠳᠦᠷ ᠤᠨ ᠡᠭᠡᠯᠵᠢᠨ ᠳᠤ | ᠭᠠᠷᠬᠤ ᠦᠭᠡᠢ ᠳᠤ ᠪᠣᠯᠤᠨᠠ᠃ ᠭᠡᠲᠡᠯᠡ ᠲᠡᠷᠡ ᠶᠡᠷᠦ ᠨᠢ ᠰᠡᠳᠬᠢᠯ ᠠᠮᠤᠷ ᠦᠭᠡᠢ᠃ ᠵᠠᠮ ᠬᠤᠷᠢᠵᠤ᠂ ᠬᠦᠯ | ᠬᠤᠷᠢᠵᠤ ᠬᠢᠵᠢᠭ ᠤᠨ ᠬᠠᠯᠳᠠᠪᠤᠷᠢᠯᠠᠯ ᠠᠴᠠ ᠬᠢᠴᠢᠶᠡᠨ ᠰᠡᠷᠡᠮᠵᠢᠯᠡᠵᠦ ᠪᠠᠶᠢᠭᠠ ᠬᠦᠨᠳᠦ ᠬᠡᠴᠡᠭᠦᠦ ᠡᠨᠡ ᠡᠷᠢᠨ ᠳᠤ ︽ | ᠬᠠᠷᠢᠭᠤᠴᠠᠯᠭᠠ ᠶᠢᠨ ᠭᠤᠣᠯᠯᠠᠭᠴᠢ ᠬᠦᠮᠦᠨ︾ ᠪᠣᠯ ᠲᠡᠷᠡ ᠰᠢᠦ ᠳ᠋ᠠ︕ | ᠭᠡᠷ ᠠᠴᠠ ᠪᠠᠨ ᠭᠠᠷᠬᠤ ᠦᠶᠡ ᠳᠤ ᠲᠡᠷᠡ᠂ ᠬᠡᠷᠬᠡᠢ ᠯᠢᠦ ᠭᠤᠸᠠ ᠤᠷᠤᠭᠤ ᠪᠠᠨ ᠬᠠᠷᠠᠵᠤ ᠪᠠᠭ᠋ᠠᠨ ᠡᠷᠡᠭ | ᠳᠤᠷᠠᠭ ᠭᠡᠰᠡᠨ ᠢᠶᠠᠨ ︽ᠦᠳᠡ ᠳᠤ ᠭᠤᠭᠤᠳ ᠤᠨ ᠰᠢᠶᠠᠨᠰᠠ ᠲᠠᠢ ᠪᠠᠩᠰᠢ ᠢᠳᠡᠬᠦ ᠰᠠᠨᠠᠭᠠ︾ ᠪᠠᠨ ᠬᠠᠯᠲᠤ | ᠴᠣᠬᠤᠶᠢᠯᠭᠠᠵᠠᠢ᠃ ᠭᠡᠷ ᠭᠠᠳᠠᠨᠠᠬᠢ ᠠᠵᠢᠯ ᠳᠤ ᠪᠡᠬᠡᠷᠡᠭᠦᠯ ᠡᠭᠡᠷᠡᠭᠦᠯ ᠰᠢᠭ ᠡᠷᠬᠢᠵᠦ᠂ ᠪᠣᠷᠪᠢ ᠪᠣᠭᠢᠰᠭᠢᠬᠦ ᠵᠠᠪ ᠦᠭᠡᠢ | ᠪᠣᠵᠢᠭᠢᠨᠠᠵᠤ ᠶᠠᠭᠠᠷᠠᠬᠤ ᠶᠢᠨ ᠳᠡᠭᠡᠷᠡ ᠡᠪᠡᠳᠴᠢᠨ ᠲᠠᠢ ᠠᠪᠤ ᠡᠵᠢ ᠶᠢ ᠨᠢ ᠡᠮᠰᠡᠭᠯᠡᠨ ᠬᠢᠮᠠᠭᠠᠳᠠᠵᠤ ᠵᠦᠳᠡᠷᠡᠭᠡ | ᠡᠬᠡᠨᠡᠷ ᠢᠶᠠᠨ ᠲᠡᠷᠡ ︽ᠦᠷᠦ ᠡᠪᠡᠳᠬᠦ︾ ᠶᠢᠨ ᠲᠦᠯᠦᠭᠡᠨ ᠠᠴᠠ ︽ᠡᠷᠡᠭ ᠲᠤᠷᠠᠭ︾ ᠭᠡᠰᠡᠨ ᠨᠢ ᠯᠠᠪᠲᠠᠢ᠃ | ᠬᠦᠨᠳᠦ ᠶᠢ ᠳᠠᠭᠠᠭᠠᠵᠤ᠂ ᠬᠦᠴᠢᠷ ᠢ ᠮᠡᠳᠡᠳᠡᠭ ᠬᠦᠮᠦᠨ ᠨᠢ ᠯᠠ ᠰᠠᠶ᠋ᠢ ︽ᠬᠦᠮᠦᠨ ᠢ ᠣᠶᠢᠯᠠᠭᠠᠵᠤ︾ ᠴᠢᠳᠠᠳᠠᠭ | ᠠᠵᠢ᠃ | ᠬᠡᠷᠬᠡᠢ ᠨᠢ ᠭᠡᠭᠡᠭᠡᠨ ᠢᠨᠢᠶᠡᠵᠦ᠂ ᠲᠤᠶᠠᠭᠠᠬᠠᠨ ᠮᠢᠰᠢᠶᠡᠵᠦ ᠲᠣᠯᠤᠭᠠᠢ ᠳᠣᠬᠢᠭᠰᠠᠨ ᠨᠢ ᠲᠡᠭᠦᠨ ᠢ ᠲᠤᠩ | ᠪᠠᠶᠠᠷᠯᠠᠭᠤᠯᠵᠠᠢ᠃ ᠰᠡᠳᠭᠢᠯ ᠤᠨ ᠮᠡᠳᠡᠯᠴᠡᠭᠡ᠂ ᠬᠠᠶᠢᠷᠠ ᠶᠢᠨ ᠣᠶᠢᠯᠠᠭᠠᠯᠴᠠᠭᠠ ᠨᠢ ᠬᠦᠮᠦᠨ ᠳᠤ ᠢᠲᠡᠭᠡᠯ ᠤᠨ | ᠲᠡᠩᠬᠡᠭᠡ ᠬᠠᠶᠢᠷᠠᠯᠠᠵᠤ᠂ ᠵᠢᠳᠭᠦᠯ ᠤᠨ ᠵᠢᠭᠦᠷ ᠤᠷᠭᠤᠭᠤᠯᠳᠠᠭ ᠤᠴᠢᠷ ᠲᠠᠢ ᠪᠠᠶᠢᠵᠠᠢ᠃ | ᠭᠠᠴᠠᠭᠠ ᠨᠡᠶᠢᠲᠡ ᠶᠢᠨ ᠠᠵᠢᠯ ᠭᠡᠵᠤ ᠭᠠᠷᠤᠨ ᠣᠷᠤᠨ ᠶᠠᠭᠠᠷᠠᠳᠠᠭ ᠪᠠᠶᠢᠭᠰᠠᠨ ᠴᠢᠨ ᠬᠤᠩ ᠢ ᠬᠡᠷᠬᠡᠢ ᠯᠢᠤ | ᠭᠤᠸᠠ ᠨᠢ ᠲᠡᠷᠡ ᠪᠣᠯᠭᠠᠨ ᠤᠭᠲᠤᠵᠤ ᠦᠳᠡᠳᠡᠭ ᠦᠭᠡᠢ ᠪᠠᠶᠢᠭᠰᠠᠨ᠃ ᠭᠡᠲᠡᠯᠡ ᠦᠨᠦ ᠬᠦᠷᠢᠶᠡ ᠡᠭᠦᠳᠡ ᠪᠠᠨ | ᠬᠦᠷᠲᠡᠯᠡ ᠬᠦᠷᠭᠡᠵᠦ ᠬᠤᠶᠢᠨᠠ ᠠᠴᠠ ᠨᠢ ᠤᠲᠠᠲᠠᠯᠠ ᠬᠠᠷᠠᠵᠤ ᠵᠣᠭᠰᠤᠵᠠᠢ᠃ | ᠭᠡᠲᠡᠯᠡ ︽ᠪᠠᠩᠰᠢ ᠬᠢᠯᠭᠡᠬᠦ ᠪᠠᠷ ᠨᠠᠶᠢᠳᠠᠭᠰᠠᠨ︾ ᠪᠦᠲᠦᠨ ᠲᠡᠷᠡ ᠡᠳᠦᠷ ᠲᠡᠭᠡᠨ ᠴᠢᠨ ᠬᠤᠩ ᠪᠤᠴᠠᠵᠤ | ᠢᠷᠡᠭᠰᠡᠨ ᠦᠭᠡᠢ ᠪᠠᠰᠠ ᠯᠠ ︽ᠵᠢᠵᠢᠭᠦᠷ ᠤᠨ ᠭᠠᠵᠠᠷ︾ ᠲᠠᠭᠠᠨ ᠬᠤᠨᠤᠵᠠᠢ᠃ | ︽ᠲᠦᠢᠳᠭᠡᠷᠲᠦ ᠬᠢᠵᠢᠭ ᠲᠣᠭᠰᠢᠷᠠᠬᠤ ᠪᠠᠷ ᠢᠶᠠᠨ ᠲᠤᠭᠰᠢᠷᠠᠬᠤ ᠴᠤ᠂ ᠲᠡᠭᠷᠢ ᠨᠠᠷᠠ ᠣᠷᠴᠢᠬᠤ ᠪᠠᠷ ᠢᠶᠠᠨ | ᠣᠷᠴᠢᠬᠤ ᠶᠢ ᠬᠡᠷᠬᠢᠨ ᠰᠠᠭᠠᠲᠠᠭᠠᠵᠤ ᠳᠡᠶᠢᠯᠬᠦ ᠶᠣᠮ ᠪᠣᠢ︕︾ ᠭᠡᠬᠦ ᠰᠢᠭ ᠳᠠᠷᠠᠭᠠ ᠡᠳᠦᠷ ᠤᠨ ᠬᠢᠨᠢ ᠨᠠᠷᠠ ᠲᠠᠯᠠ | ᠵᠣ ᠶᠢᠨ ᠳᠡᠷᠲᠡᠭᠡ ᠠᠴᠠ ᠮᠠᠨᠳᠤᠬᠤ ᠪᠠᠷ ᠢᠶᠠᠨ ᠮᠠᠨᠳᠤᠨ᠂ 2020 ᠣᠨ ᠤ 2 ᠰᠠᠷᠠ ᠶᠢᠨ 2 ᠤᠨ ᠥᠷᠯᠥᠭᠡ | ᠪᠣᠯᠵᠠᠢ᠃ | ᠵᠢᠩᠳᠠᠮᠠ ᠬᠦᠢᠲᠡᠨ ︽ᠵᠢᠵᠢᠭᠦᠷ ᠤᠨ ᠮᠠᠶᠢᠬᠠᠨ︾ ᠳᠠᠭᠠᠨ ᠵᠢᠭᠡᠭᠦᠰᠦᠨ ᠰᠡᠷᠡᠭᠰᠡᠨ ᠴᠢᠨ ᠬᠤᠩ᠂ 5 | ᠴᠠᠭ ᠤᠨ ᠦᠶᠡ ᠪᠠᠷ ︽ᠬᠢᠵᠢᠭ ᠤᠨ ᠪᠠᠶᠢᠳᠠᠯ ᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠬᠦ ︾ ᠲᠤᠬᠠᠢ ᠳᠡᠭᠡᠲᠦ ᠱᠠᠲᠤᠨ ᠤ | ᠵᠢᠭᠠᠪᠤᠷᠢ ᠶᠢ ᠭᠠᠴᠠᠭᠠᠨ ᠤ ᠤᠳᠤᠷᠢᠳᠬᠤ ᠪᠠᠭ ᠪᠣᠯᠤᠨ ᠨᠠᠮ ᠤᠨ ᠭᠡᠰᠢᠭᠦᠳ ᠲᠡᠭᠡᠨ ᠸᠢᠴᠠᠲ ᠢᠶᠠᠷ ᠳᠠᠮᠵᠢᠭᠤᠯᠵᠤ᠂ | ᠳᠤᠭᠬᠢᠵᠤ ᠵᠢᠭᠠᠬᠠᠨ ᠨᠣᠶᠢᠷ ᠠᠪᠤᠯᠠ᠃ | ᠰᠡᠳᠭᠢᠯ ᠳᠡᠭᠡᠨ ᠳᠠᠷᠤᠭᠠᠰᠤ ᠲᠠᠢ ᠤᠨᠲᠠᠭᠰᠠᠨ ᠲᠡᠷᠡ ᠪᠠᠷ ᠰᠡᠭᠭᠢᠵᠦ ᠤᠳᠠᠯ ᠦᠭᠡᠢ ᠰᠡᠷᠡᠵᠦ᠂ ︽8 | ᠴᠠᠭ ᠤᠨ ᠦᠶᠡ ᠪᠠᠷ ᠭᠠᠴᠠᠭᠠ ᠶᠢᠨ ᠭᠡᠷ ᠲᠤ ᠬᠤᠷᠠᠯ ᠲᠠᠢ︕︾ ᠭᠡᠵᠦ ᠡᠯᠡ ᠳᠣᠭᠤᠶᠢᠯᠠᠩ ᠤᠨ ᠬᠢᠨ ᠤ ᠳᠠᠷᠤᠭᠠ | ᠨᠠᠷ ᠲᠠᠭᠠᠨ ᠮᠡᠳᠡᠭᠳᠡᠬᠦ ᠶᠢᠨ ᠬᠠᠮᠲᠤ ︽ᠵᠢᠵᠢᠭᠦᠷ ᠮᠠᠶᠢᠬᠠᠨ︾ ᠠᠴᠠ ᠪᠠᠨ ᠭᠠᠷᠴᠤ ᠶᠠᠪᠤᠯᠠ᠃ | ᠰᠢᠨᠡ ᠨᠢᠭᠡ ᠡᠳᠦᠷ ᠤᠨ ᠨᠠᠷᠠ ᠴᠡᠭᠡᠵᠢ ᠣᠩᠭᠤᠶᠢᠯᠭᠠᠵᠤ᠂ ᠨᠢᠳᠦ ᠭᠢᠯᠪᠠᠭᠤᠯᠵᠤ ᠲᠡᠭᠦᠨ ᠢ ᠤᠭᠲᠤᠨᠠ᠃ | ᠴᠢᠨ ᠬᠤᠩ ᠰᠢᠨᠡ ᠨᠢᠭᠡ ᠡᠳᠦᠷ ᠤᠨ ᠨᠠᠷᠠ ᠶᠢ ᠬᠠᠷᠠᠮᠠᠭᠴᠠ ᠠᠮᠢ ᠨᠠᠰᠤᠨ ᠤ ᠠᠭᠤᠤ ᠶᠡᠭᠡ᠂ ᠠᠮᠢ ᠨᠠᠰᠤᠨ ᠤ | ᠬᠦᠴᠢᠷ ᠬᠦᠨᠳᠦ ᠶᠢ ᠠᠭᠱᠠᠨ ᠢᠶᠠᠷ ᠣᠶᠢᠯᠠᠭᠠᠬᠤ ᠰᠢᠭ᠋ ᠪᠣᠯᠵᠤ᠂ ᠴᠡᠯᠮᠡᠭ ᠲᠤᠩᠭᠠᠯᠠᠭ ᠨᠤᠲᠤᠭ ᠤᠨ ᠢᠶᠠᠨ ᠠᠭᠠᠷ ᠢ | ᠴᠡᠭᠡᠵᠢ ᠲᠡᠨᠢᠬᠦᠨ ᠭᠦᠨ ᠭᠡᠭᠴᠢ ᠠᠮᠢᠰᠬᠤᠵᠠᠢ᠃ | ᠬᠠᠪᠢ ᠲᠣᠭᠤᠷᠢᠨ ᠢᠶᠠᠨ ᠡᠷᠭᠢᠨ ᠤᠷᠪᠠᠨ ᠬᠠᠷᠠᠬᠤ ᠳᠤ ᠭᠠᠴᠠᠭᠠᠨ ᠤ ᠭᠡᠷ ᠨᠢ ᠵᠡᠭᠦᠨᠡ ᠬᠠᠷᠠᠭᠳᠠᠵᠤ᠂ | ᠦᠪᠡᠷ ᠤᠨ ᠭᠡᠷ ᠨᠢ ᠪᠠᠷᠠᠭᠤᠨᠠ ᠬᠠᠷᠠᠭᠳᠠᠬᠤ ᠪᠦᠭᠡᠳ ᠲᠡᠷᠡ ᠪᠠᠷ ᠦᠨᠦ ᠶᠠᠭ ᠭᠠᠴᠠᠭᠠᠨ ᠤ ᠭᠡᠷ ᠪᠠ ᠦᠪᠡᠷ ᠤᠨ | ᠭᠡᠷ ᠤᠨ ᠢᠶᠠᠨ ᠲᠦᠪ ᠳᠤᠮᠳᠠᠬᠢ ᠵᠠᠢ ᠳᠡᠭᠡᠷᠡ ᠵᠣᠭᠰᠤᠬᠤ ᠠᠵᠢ᠃ | ᠦᠪᠡᠷ ᠤᠨ ᠭᠡᠷ ᠤᠨ ᠬᠢᠨᠢ ᠬᠤᠯᠠᠩ ᠠᠴᠠ ᠤᠲᠤᠭᠠ ᠰᠤᠭᠤᠨᠠᠭᠯᠠᠵᠤ ︽ᠠᠮᠢ ᠨᠠᠰᠤᠨ︾ ᠤ ᠦᠭᠡᠳᠡ | ᠦᠷᠨᠢᠭᠦᠨ ᠢ ᠪᠡᠯᠭᠡᠳᠡᠬᠦ ᠰᠢᠭ᠃ ᠠᠯᠪᠠᠨ ᠭᠠᠵᠠᠷ — ᠭᠠᠴᠠᠭᠠᠨ ᠤ ᠭᠡᠷ ᠤᠨ ᠬᠢᠨᠢ ᠬᠦᠷᠢᠶᠡᠨ ᠳᠤ ᠤᠯᠠᠭᠠᠨ ᠲᠤᠭ | ᠨᠠᠮᠢᠷᠠᠵᠤ᠂ ︽ᠠᠷᠠᠳ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠶᠡ︾ ᠭᠡᠳᠡᠭ ᠠᠭᠤᠤ ᠶᠡᠭᠡ ᠦᠭᠡ ᠶᠢ ᠠᠶᠠᠯᠭᠤᠨ ᠲᠠᠩᠰᠤᠭ | ᠳᠠᠭᠤᠯᠠᠬᠤ ᠴᠦ ᠰᠢᠭ᠋ ᠡ︕ | ᠲᠡᠷᠡ᠂ ᠭᠡᠷ ᠪᠠ ᠠᠯᠪᠠᠨ ᠤ ᠪᠠᠨ ᠭᠤᠣᠯ ᠲᠦᠪ — ᠳᠤᠮᠳᠠ ᠵᠠᠢ ᠳᠡᠭᠡᠷᠡ ᠵᠣᠭᠰᠤᠨᠠ᠃ ᠲᠡᠷᠡ | ᠬᠡᠷᠬᠡᠢ ᠳᠡᠭᠡᠨ ︽ᠪᠠᠩᠰᠢ ᠬᠢᠯᠭᠡᠬᠦ ᠪᠠᠷ ᠨᠠᠶᠢᠳᠠᠭᠰᠠᠨ︾ ᠢᠶᠠᠨ ᠬᠤᠷᠤᠮᠬᠠᠨ ᠵᠠᠭᠤᠷᠠ ᠪᠣᠳᠤᠵᠤ ᠠᠮᠵᠢᠭᠰᠠᠨ ᠴᠦ | ᠬᠠᠰᠢ ᠯᠠ ᠭᠠᠴᠠᠭᠠᠨ ᠤ ᠪᠠᠨ ᠭᠡᠷ ᠤᠷᠤᠭᠤ ᠰᠢᠭᠤᠳᠤᠮᠠᠭ ᠡᠷᠭᠢᠵᠦ ᠠᠯᠬᠤᠯᠠᠵᠠᠢ᠃ | ᠥᠷᠯᠥᠭᠡ ᠶᠢᠨ 8 ᠴᠠᠭ ᠤᠨ ᠦᠶᠡ ᠪᠠᠷ ᠴᠢᠨ ᠬᠤᠩ ᠱᠦᠵᠢ ᠭᠠᠴᠠᠭᠠᠨ ᠤ ᠪᠠᠨ ᠭᠡᠷ ᠤᠷᠤᠭᠤ ᠬᠤᠷᠠᠯ | ᠬᠤᠷᠠᠯᠳᠤᠬᠤ ᠪᠠᠷ ᠶᠠᠪᠤᠵᠤ ᠪᠠᠶᠢᠭᠠᠳ ︽ᠲᠠᠷᠢᠬᠢᠨ ᠳᠤ ᠨᠢ ᠴᠢᠰᠦ ᠬᠠᠷᠪᠣᠵᠤ︾ ᠭᠠᠵᠠᠷ ᠣᠶᠢᠴᠢᠵᠠᠢ᠃ | ᠁ ᠬᠡᠷᠪᠡ ︽ᠲᠦᠢᠳᠭᠡᠷᠲᠦ ᠬᠢᠵᠢᠭ ᠺᠣᠷᠣᠨᠠ︾ ᠳᠡᠯᠡᠬᠡᠢ ᠲᠠᠶᠠᠭᠠᠷ ᠢ ᠲᠦᠢᠪᠡᠭᠡᠭᠰᠡᠨ ᠦᠭᠡᠢ ᠪᠣᠯ ᠁ | ᠬᠡᠷᠪᠡ ︽ᠠᠶᠤᠯᠲᠤ ᠬᠢᠵᠢᠭ︾ ᠢ ᠬᠤᠷᠢᠭᠯᠠᠬᠤ ᠪᠠᠷ ᠠᠷᠪᠠᠨ ᠡᠳᠦᠷ ᠰᠦᠨᠢ ᠲᠣᠷᠰᠢ ᠠᠮᠢ ᠬᠠᠶᠢᠷᠠᠨ ᠦᠭᠡᠢ | ᠲᠡᠮᠡᠴᠡᠭᠰᠡᠨ ᠦᠭᠡᠢ ᠪᠣᠯ ᠁ ᠬᠡᠷᠪᠡ ᠠᠷᠤ ᠭᠡᠷ ᠲᠡᠭᠡᠨ ᠭᠡᠳᠡᠶᠢᠵᠦ ᠠᠮᠤᠷ ᠠᠮᠤᠭᠤᠯᠠᠩ ᠰᠠᠭᠠᠲᠠᠭᠰᠠᠨ ᠪᠣᠯ ᠁ | ᠬᠡᠷᠪᠡ ︽ᠴᠢᠰᠦᠨ ᠳᠠᠷᠤᠯᠲᠠ ᠪᠠᠭᠤᠷᠠᠭᠤᠯᠬᠤ ᠡᠮ︾ ᠢᠶᠠᠨ ᠴᠠᠭ ᠲᠤᠬᠠᠢ ᠳᠤ ᠨᠢ ᠤᠤᠭᠤᠭᠰᠠᠨ ᠪᠣᠯ ᠁ | ᠬᠡᠷᠪᠡ᠂ ᠬᠡᠷᠪᠡ᠂ ᠬᠡᠷᠪᠡ ᠁ ᠬᠡᠴᠢᠨᠡᠬᠡᠨ ᠣᠯᠠᠨ ︽ᠬᠡᠷᠪᠡ︾ ᠪᠠᠶᠢᠯᠠ ᠶᠠᠮᠠᠷ ᠯᠠ ᠲᠣᠰᠠ ᠪᠣᠯᠬᠤ ᠪᠣᠢ︕ | 2020 ᠣᠨ ᠤ 2 ᠰᠠᠷᠠ ᠶᠢᠨ 3 ᠤ ᠡᠳᠦᠷ ᠬᠠᠲᠠᠭᠤ ᠡᠷᠡ᠂ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠡᠷᠡ᠂ ᠬᠤᠪᠢᠨ ᠤ | ᠬᠠᠶᠢᠷᠠ ᠶᠢ ᠬᠠᠮᠲᠤ ᠨᠡᠶᠢᠲᠡ ᠶᠢᠨ ᠬᠠᠶᠢᠷᠠ ᠪᠠᠷ ᠣᠷᠤᠯᠠᠭᠤᠯᠣᠭᠰᠠᠨ ᠡᠷᠡ᠂ ᠬᠡᠯᠡᠬᠦ ᠬᠢᠬᠦ ᠨᠢ ᠬᠡᠪ ᠨᠢᠭᠡ ᠡᠷᠡ᠂ | ᠬᠦᠰᠡᠯ ᠢᠷᠡᠭᠡᠳᠦᠢ ᠨᠢ ᠲᠣᠳᠤ ᠨᠢᠭᠡ ᠡᠷᠡ᠂ ᠬᠦᠴᠢᠷ ᠤᠨ ᠡᠮᠦᠨᠡ ᠬᠦᠯ ᠨᠤᠭᠤᠷᠠᠳᠠᠭ ᠦᠭᠡᠢ ᠡᠷᠡ᠂ ᠬᠦᠮᠦᠨ ᠤ | ᠮᠦᠷ ᠲᠤ ᠬᠦᠯ ᠠᠯᠳᠠᠳᠠᠭ ᠦᠭᠡᠢ ᠡᠷᠡ — ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠱᠠᠲᠤᠨ ᠤ ᠡᠪ ᠬᠠᠮᠲᠤ ᠨᠠᠮ ᠤᠨ ᠬᠡᠰᠢᠭᠦᠨ | ᠴᠢᠨ ᠬᠤᠩ ᠱᠦᠵᠢ᠂ ᠬᠦᠨᠳᠦ ᠡᠪᠡᠳᠴᠢᠨ ᠠᠴᠠ ᠪᠠᠨ ᠪᠣᠯᠵᠤ ᠬᠤᠷᠸᠠ ᠠᠴᠠ ᠬᠠᠯᠢᠵᠠᠢ᠃ | ᠳᠦᠴᠢᠨ ᠨᠠᠢᠮᠠᠨ ᠨᠠᠰᠤ︕ ᠳᠦᠯᠦ ᠰᠢᠭ ᠳᠦᠷᠡᠯᠵᠡᠵᠦ ᠲᠦᠷᠦᠭᠡ ᠰᠢᠭ ᠬᠠᠩᠭᠢᠨᠠᠵᠤ ᠶᠠᠪᠤᠭᠰᠠᠨ ᠳᠦᠴᠢᠨ | ᠨᠠᠢᠮᠠᠨ ᠨᠠᠰᠤ︕ ᠬᠠᠶᠢᠷᠠᠨ ᠳᠦᠴᠢᠨ ᠨᠠᠢᠮᠠᠨ ᠨᠠᠰᠤ ᠡ ᠁ ︽ᠲᠣᠭᠠᠯᠠᠭᠠᠳ ᠲᠠᠯᠪᠢᠭᠰᠠᠨ ᠨᠠᠰᠤ᠂ ᠲᠦᠭᠡᠯᠡᠭᠡᠳ | ᠲᠠᠯᠪᠢᠭᠰᠠᠨ ᠪᠡᠶᠡ︾ ᠬᠡᠭᠴᠢ ᠡᠨᠡ ᠦᠦ︖ ︽ᠰᠠᠶᠢᠨ ᠬᠦᠮᠦᠨ ᠤ ᠨᠠᠰᠤ ᠨᠢ ᠣᠬᠤᠷ︾ ᠭᠡᠳᠡᠭ ᠦᠨᠡᠨ ᠦᠦ︖ | ᠪᠦᠦ ᠮᠡᠳᠡ︕ | ᠴᠢᠨ ᠬᠤᠩ — ᠡᠪ ᠡᠩ ᠤᠨ ᠨᠢᠭᠡ ᠬᠦᠮᠦᠨ᠂ ᠡᠭᠡᠯ ᠵᠢᠷ ᠤᠨ ᠨᠢᠭᠡ ᠡᠪ ᠬᠠᠮᠲᠤ ᠨᠠᠮ ᠤᠨ ᠬᠡᠰᠢᠭᠦᠨ᠃ | ᠲᠡᠷᠡ ᠶᠠᠪᠤᠯᠠ᠃ ᠭᠡᠬᠦ ᠳᠤ ᠲᠡᠷᠡ ᠦᠷᠦ ᠵᠢᠷᠦᠬᠡᠨ ᠠᠴᠠ ᠨᠢ ᠤᠶᠠᠭᠠᠲᠠᠢ ᠣᠯᠠᠨ ᠶᠠᠭᠤᠮᠠ ᠪᠠᠨ ᠣᠷᠬᠢᠭᠠᠳ | ᠶᠠᠪᠤᠵᠠᠢ᠃ ᠡᠨᠡ ᠨᠢ ᠶᠠᠭᠤ ᠶᠠᠭᠤ ᠪᠣᠢ⁈ ᠪᠦᠬᠦ ᠪᠠᠷᠠᠭᠤᠨ ᠪᠣᠤ ᠯᠦᠩ ᠱᠠᠨ ᠭᠠᠴᠠᠭᠠᠨ ᠤ 165 ᠡᠷᠦᠭᠡ ᠶᠢᠨ | 796 ᠬᠦᠮᠦᠨ ᠠᠮᠠ᠂ ᠡᠭᠦᠨ ᠤ ᠳᠣᠲᠤᠷᠠᠬᠢ 18 ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠭᠡ ᠵᠢᠴᠢ ᠡᠪᠡᠳᠴᠢᠲᠡᠢ ᠠᠴᠢᠲᠤ | ᠠᠪᠤ ᠡᠵᠢ᠂ ᠡᠷᠬᠡ ᠪᠦᠪᠡᠢ ᠣᠮᠪᠤᠯᠤ ᠬᠡᠦᠬᠡᠳ᠂ ᠡᠬᠡᠨᠡᠷ ᠯᠢᠤ ᠭᠤᠸᠠ᠂ ᠪᠠᠰᠠ ᠪᠠᠰᠠ ᠪᠠᠰᠠ ᠁ ᠡᠬᠡᠨᠡᠷ ᠯᠢᠤ | ᠭᠤᠸᠠ ᠶᠢᠨ ᠬᠢᠨᠢ ︽ᠦᠪᠡᠷ ᠲᠤ ᠨᠢ︾ ᠭᠡᠵᠦ ᠪᠠᠷᠢᠵᠤ ᠬᠦᠯᠳᠡᠭᠡᠭᠰᠡᠨ ︽ᠭᠤᠭᠤᠳ ᠤᠨ ᠰᠢᠶᠠᠨᠰᠠ︾ ᠲᠠᠢ | ᠳᠠᠪᠢᠨ ᠪᠠᠩᠰᠢ ᠁ ᠭᠠᠯ ᠴᠤᠭ ᠲᠠᠢ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠵᠤ᠂ ᠭᠠᠶᠢᠬᠠᠯ ᠲᠠᠢ ᠨᠠᠮ ᠵᠢᠮᠬᠡᠨ | ᠶᠠᠪᠤᠴᠢᠬᠠᠵᠠᠢ ᠁ | ᠲᠡᠷᠡ᠂ ᠦᠲᠡᠯᠦᠭᠡ ᠠᠪᠤ ᠴᠢᠨ ᠲᠣᠭᠲᠠᠬᠤ ᠪᠠ ᠠᠬᠠᠰᠢᠷᠠᠭᠠ ᠡᠵᠢ ᠪᠣᠣ ᠪᠠ ᠶᠦᠸᠠᠢ᠂ ᠦᠰᠦ ᠪᠠᠨ | ᠬᠤᠯᠪᠤᠵᠤ ᠦᠲᠡᠯᠲᠡᠯᠡ ᠪᠠᠨ ᠬᠠᠮᠲᠤ ᠠᠮᠢᠳᠤᠷᠠᠬᠤ ᠪᠠᠷ ᠠᠮᠠᠯᠳᠠᠭᠰᠠᠨ ᠦᠨᠡᠨᠴᠢ ᠲᠤᠰᠠᠷᠬᠠᠭ ᠭᠡᠷᠭᠡᠢ ᠯᠢᠦ ᠭᠤᠸᠠ᠂ | ᠦᠬᠡᠷ ᠤᠨ ᠬᠤᠶᠠᠷ ᠡᠪᠡᠷ ᠰᠢᠭ ᠬᠦᠪᠡᠭᠦᠨ ᠴᠢᠨ ᠡᠷᠳᠡᠨᠢ ᠪᠠ ᠬᠡᠦᠬᠡᠨ ᠴᠢᠨ ᠰᠠᠷᠠᠨᠠ᠂ ᠦᠰᠦᠭᠡᠢ ᠦᠰᠦᠭᠡᠢ ᠪᠠᠨ | ᠵᠠᠯᠭᠠᠵᠤ ᠵᠠᠶᠠᠭᠠᠭᠰᠠᠨ ᠠᠬᠠ ᠪᠠ ᠳᠡᠭᠦᠦ ᠵᠢᠴᠢ ᠬᠡᠦᠬᠡᠨ ᠳᠡᠭᠦᠦ ᠁ ᠦᠶᠡᠷᠬᠡᠵᠦ ᠲᠣᠭᠯᠠᠳᠠᠭ ᠦᠶᠡ ᠶᠢᠨ | ᠨᠠᠶᠢᠵᠠ ᠪᠠ ᠦᠷᠦ ᠵᠢᠷᠦᠬᠡ ᠦᠢᠯᠡᠰ ᠬᠦᠭᠡᠭᠡᠴᠡᠯᠳᠦᠯ ᠨᠢᠭᠡᠲᠡᠢ ᠨᠦᠬᠦᠳ ᠲᠡᠭᠡᠨ ᠨᠢᠭᠡᠭᠡᠬᠡᠨ ᠦᠭᠡ ᠵᠠᠬᠢᠶᠠ ᠴᠦ | ᠦᠯᠡᠳᠡᠭᠡᠯ ᠦᠭᠡᠢ ᠶᠠᠭᠠᠷᠠᠦᠬᠠᠨ ᠶᠠᠪᠤᠴᠢᠬᠠᠵᠠᠢ᠂ ᠨᠢᠮᠭᠡᠬᠡᠨ ᠦᠪ ᠬᠦᠷᠦᠩᠭᠡ ᠴᠦ ᠦᠯᠡᠳᠡᠭᠡᠯ ᠦᠭᠡᠢ ᠶᠠᠭᠠᠷᠠᠦᠬᠠᠨ | ᠶᠠᠪᠤᠴᠢᠬᠠᠵᠠᠢ ᠁ | ᠲᠡᠭᠦᠨ ᠤ ᠦᠯᠡᠳᠡᠭᠡᠵᠦ ᠦᠭᠭᠦᠭᠰᠡᠨ ᠨᠢ ︽ᠦᠭᠡᠶᠢᠭᠦᠦ ᠶᠠᠳᠠᠭᠤ ᠶᠢ ᠲᠡᠳᠭᠦᠬᠦ︾ ᠵᠣᠷᠢᠭ ᠰᠠᠨᠠᠭᠠ᠂ ︽ᠦᠢ | ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠬᠦ︾ ᠵᠣᠷᠢᠭ ᠰᠠᠨᠠᠭᠠ᠂ ︽ᠦᠢᠯᠡᠰ ᠲᠡᠭᠡᠨ ᠰᠢᠭᠢᠳᠷᠡᠬᠦ︾ ᠵᠣᠷᠢᠭ ᠰᠠᠨᠠᠭᠠ᠂ ︽ | ᠦᠬᠦᠬᠦ ᠠᠴᠠ ᠨᠢᠴᠤᠰᠢ ᠦᠭᠡᠢ︾ ᠵᠣᠷᠢᠭ ᠰᠠᠨᠠᠭᠠ ᠁ | ᠲᠡᠭᠦᠨ ᠤ ᠦᠪᠯᠡᠭᠦᠯᠵᠦ ᠬᠤᠴᠤᠷᠭᠠᠭᠰᠠᠨ ᠨᠢ ᠤᠯᠠ ᠮᠦᠷ᠂ ᠣᠣᠷ ᠴᠢᠨᠠᠷ᠂ ᠤᠭ ᠰᠠᠨᠠᠭᠠ ᠵᠢᠴᠢ ᠦᠢᠯᠡ | ᠨᠠᠮᠲᠠᠷ᠂ ᠦᠩᠭᠡ ᠭᠡᠷᠡᠯ᠂ ᠦᠨᠢᠳᠡ ᠶᠢᠨ ᠬᠦᠰᠢᠶᠡ ᠁ | ︽ᠠᠮᠢ ᠨᠠᠰᠤᠨ ᠤ ᠬᠦᠨᠳᠦ︾ ᠶᠢᠨ ᠲᠤᠬᠠᠢ ᠡᠷᠬᠢᠮᠯᠡᠨ ᠳᠤᠷᠠᠳᠬᠤ ᠴᠠᠭ ᠡᠭᠡᠰᠢ ᠦᠭᠡᠢ ᠬᠦᠷᠴᠦ ᠢᠷᠡᠵᠠᠢ᠃ | ︽ᠠᠷᠠᠳ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠬᠦ︾᠂ ︽ᠠᠷᠠᠳ ᠲᠦᠮᠡᠨ ᠢ ᠳᠡᠭᠡᠳᠦᠯᠡᠬᠦ︾᠂ ︽ᠠᠷᠠᠳ ᠲᠦᠮᠡᠨ ᠢᠶᠠᠷ | ᠭᠤᠤᠯ ᠪᠣᠯᠭᠠᠬᠤ︾᠂ ︽ᠠᠷᠠᠳ ᠲᠦᠮᠡᠨ ᠢ ᠲᠦᠰᠢᠭᠯᠡᠬᠦ︾᠂ ︽ᠠᠷᠠᠳ ᠲᠦᠮᠡᠨ ᠤ ᠳᠤᠮᠳᠠ ᠦᠨᠳᠦᠰᠦᠯᠡᠬᠦ︾᠂ | ︽ᠠᠷᠠᠳ ᠲᠦᠮᠡᠨ ᠳᠤ ᠪᠤᠶᠠᠨ ᠦᠢᠯᠡᠳᠬᠦ︾ ᠁ ᠨᠢ ︽ᠠᠮᠢ ᠨᠠᠰᠤᠨ ᠤ ᠬᠦᠨᠳᠦ︾ ᠶᠢ ᠲᠣᠳᠤᠷᠠᠭᠤᠯᠤᠭᠰᠠᠨ | ︽ᠠᠭᠤᠤ ᠶᠡᠭᠡ ᠵᠢᠭᠠᠯᠲᠠ ᠲᠤᠭᠠ︾ ᠭᠡᠳᠡᠭ ᠢ ᠡᠭᠡᠯ ᠢᠶᠠᠷ ᠤᠨ ᠨᠢᠭᠡ ᠡᠪ ᠬᠠᠮᠲᠤ ᠨᠠᠮ ᠤᠨ ᠬᠡᠰᠢᠭᠦᠨ ᠴᠢᠨ ᠬᠤᠩ | ᠱᠦᠵᠢ ᠬᠠᠷᠠᠭᠤᠯᠤᠭᠰᠠᠨ ᠶᠤᠮ ᠡ︕ | ︽ᠠᠷᠠᠳ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠶᠡ︕︾ ᠂ ︽ᠠᠷᠠᠳ ᠲᠦᠮᠡᠨ ᠢ ᠳᠡᠭᠡᠳᠦᠯᠡᠶᠡ ︕︾᠂ ︽ᠠᠷᠠᠳ | ᠲᠦᠮᠡᠨ ᠢᠶᠠᠷ ᠭᠤᠣᠯ ᠪᠣᠯᠭᠠᠶᠠ︕︾᠂ ︽ᠠᠷᠠᠳ ᠲᠦᠮᠡᠨ ᠳᠤ ᠪᠣᠶᠠᠨ ᠦᠢᠯᠡᠳᠦᠶᠡ︕︾ ᠁ ᠠᠮᠢ | ᠨᠠᠰᠤᠨ ᠤ ᠤᠷᠲᠤ ᠣᠬᠤᠷ ᠬᠠᠮᠢᠶᠠ ᠦᠭᠡᠢ᠂ ︽ᠠᠮᠢ ᠨᠠᠰᠤᠨ ᠤ ᠬᠦᠨᠳᠦ︾ ᠬᠠᠷᠢᠨ ᠦᠷᠦᠭᠡᠯ ᠤᠨ ᠲᠦᠯᠦᠭᠡ | ᠦᠪᠡᠷ ᠢ ᠪᠠᠨ ᠵᠣᠷᠢᠭᠤᠯᠤᠭᠰᠠᠨ ᠳᠤ ᠯᠠ ᠪᠠᠶᠢᠳᠠᠭ ᠁ |