ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠨᠡᠶᠢᠭᠡᠮ ᠰᠡᠳᠬᠦᠯ
ᠡᠯᠡᠰᠤᠨ ᠲᠠᠯᠠᠢ ᠶᠢᠨ ᠡᠶᠡᠪᠡᠷᠬᠦᠤ ᠠᠮᠢᠰᠬᠤᠭ᠎ᠠ    — ᠪᠦᠬᠦ ᠤᠯᠤᠰ ᠤᠨ ᠴᠠᠭ ᠦᠶ᠎ᠡ ᠶᠢᠨ ᠬᠤᠰᠢᠭᠤᠴᠢ᠂ ᠠᠯᠠᠱᠨ ᠠᠶᠢᠮᠠᠭ ᠤᠨ ᠤᠯᠤᠰ ᠲᠦᠷᠦ  ᠶᠢᠨ  ᠵᠦᠪᠯᠡᠯᠭᠡᠨ ᠤ ᠤᠤᠯ ᠤᠨ ᠲᠡᠷᠢᠬᠦᠯᠡᠭᠴᠢ  ᠰᠦᠭᠡ ᠭᠤᠸᠠᠢ ᠶᠢᠨ ᠦᠢᠯᠨ ᠠᠵᠢᠯᠯᠠᠭ᠎ᠠ ᠶᠢ ᠲᠡ᠊
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2021/8/18
ᠡᠯᠡᠰᠤᠨ ᠲᠠᠯᠠᠢ ᠶᠢᠨ ᠡᠶᠡᠪᠡᠷᠬᠦᠤ ᠠᠮᠢᠰᠬᠤᠭ᠎ᠠ    — ᠪᠦᠬᠦ ᠤᠯᠤᠰ ᠤᠨ ᠴᠠᠭ ᠦᠶ᠎ᠡ ᠶᠢᠨ ᠬᠤᠰᠢᠭᠤᠴᠢ᠂ ᠠᠯᠠᠱᠨ ᠠᠶᠢᠮᠠᠭ ᠤᠨ ᠤᠯᠤᠰ ᠲᠦᠷᠦ ᠶᠢᠨ  ᠵᠦᠪᠯᠡᠯᠭᠡᠨ ᠤ ᠤᠤᠯ ᠤᠨ ᠲᠡᠷᠢᠬᠦᠯᠡᠭᠴᠢ  ᠰᠦᠭᠡ ᠭᠤᠸᠠᠢ ᠶᠢᠨ ᠦᠢᠯᠨ ᠠᠵᠢᠯᠯᠠᠭ᠎ᠠ ᠶᠢ ᠲᠡᠮᠲᠡᠭᠯᠡᠪᠠ                                              ᠱᠠ᠊ · ᠮᠡᠷᠭᠡᠨ ᠰᠤᠷᠪᠤᠯᠵᠢᠯᠠᠪᠠ              ᠨᠤᠳᠤᠭ ᠤᠰᠤ ᠪᠠᠨ ᠬᠠᠶᠢᠷᠠᠯᠠᠬᠤ ᠰᠡᠳᠬᠢᠯᠭᠡ ᠪᠤᠯ  ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠠᠷᠢᠭᠤᠨ ᠨᠠᠨᠳᠢᠨ ᠬᠠᠶᠢᠷ᠎ᠠ ᠰᠡᠳᠬᠢᠯᠭᠡ ᠶᠤᠮ᠃ ᠠᠴᠢ ᠶᠡᠭᠡᠳᠤ ᠡᠬᠡ ᠮᠢᠨᠢ ᠦᠷ᠎ᠡ ᠬᠡᠤᠭᠡᠳ ᠢᠶᠠᠨ ᠬᠦᠬᠦᠬᠦᠯᠦᠨ ᠲᠤᠷᠨᠢᠭᠤᠯᠵᠤ᠂ ᠨᠤᠳᠤᠭ ᠤᠨ ᠠᠷᠢᠭᠤᠨ ᠰᠠᠯᠬᠢᠨ ᠨᠢ ᠦᠷ᠎ᠠ ᠬᠤᠶᠢᠴᠢᠰ ᠢᠶᠠᠨ ᠦᠨᠦᠰᠤᠨ ᠦᠬᠦᠭᠡᠷᠲᠡᠭᠰᠡᠨ ᠪᠢᠯᠨ᠃ ᠨᠤᠳᠤᠭ ᠭᠡᠲᠡᠭ ᠪᠤᠯ ᠮᠠᠯᠴᠢᠳ ᠤᠨ ᠰᠡᠳᠬᠢᠯ ᠤᠨ ᠲᠦᠰᠢᠭ᠂ ᠠᠮᠢᠳᠤᠷᠠᠯ ᠤᠨ ᠬᠢ ᠨᠢ ᠨᠢᠷᠤᠭᠤ ᠶᠤᠮ᠃ ᠨᠤᠳᠤᠭ ᠤᠰᠤᠨ ᠢᠶᠠᠨ ᠠᠮᠢᠨᠴᠢᠯᠠᠨ ᠬᠠᠶᠢᠷᠠᠯᠠᠬᠤ ᠪᠠᠨ ᠠᠵᠢᠯᠯᠠᠭ᠎ᠠ ᠪᠠᠷ ᠢᠶᠠᠨ ᠢᠯᠡᠷᠭᠡᠶᠢᠯᠡᠬᠦ ᠨᠢ ᠵᠤᠬᠢᠰᠲᠠᠢ ᠶᠤᠮ᠃ ᠬᠦᠮᠦᠨ ᠲᠦᠷᠦᠯᠬᠢᠲᠠᠨ  ᠨᠢ ᠭᠠᠭᠴᠠᠬᠠᠨ ᠪᠦᠮᠪᠦᠷᠴᠡᠭ ᠲᠠᠢ᠃ ᠪᠦᠮᠪᠤᠷᠴᠡᠭ ᠲᠠᠯᠠᠭᠡᠢ ᠪᠠᠨ ᠬᠢᠮᠠᠭᠠᠲᠠᠨ ᠬᠠᠶᠢᠷᠠᠯᠠᠨ᠎ᠠ ᠭᠡᠲᠡᠭ ᠨᠢ ᠨᠤᠳᠤᠭ ᠤᠰᠤᠨ ᠢᠶᠠᠨ ᠬᠠᠶᠢᠷᠠᠯᠠᠨ ᠨᠠᠨᠳᠢᠩᠨᠠᠬᠤ ᠠᠴᠠ ᠯᠡ ᠡᠬᠢᠯᠡᠲᠡᠭ ᠬᠡᠮᠡᠨ ᠪᠢ ᠪᠤᠳᠤᠲᠠᠭ᠃                                      ——  ᠰᠦᠭᠡ   1949 ᠤᠨ ᠤ 1 ᠰᠠᠷ᠎ᠠ ᠶᠢᠨ 1 ᠤ ᠡᠳᠤᠷ᠂ ᠠᠯᠠᠱᠨ ᠨᠤᠳᠤᠭ ᠤᠨ ᠮᠠᠯᠴᠢᠨ ᠠᠶᠢᠯ ᠤᠨ ᠦᠷ᠎ᠠ ᠪᠤᠯᠤᠨ ᠵᠠᠶᠠᠭᠠᠵᠠᠢ᠃ ᠠᠪᠤ ᠶᠢᠨ   ᠬᠢ ᠨᠢ ᠠᠯᠲᠠᠷ ᠢ ᠲᠤᠷᠵᠢ ᠭᠡᠲᠡᠭ᠂ ᠡᠵᠢ ᠶᠢᠨ ᠬᠢᠨᠢ ᠠᠯᠲᠠᠷ ᠢ ᠯᠾᠮᠤ ᠭᠡᠲᠡᠭ᠃ ᠲᠡᠭᠡᠷ᠎ᠡ ᠵᠠᠭᠤᠨ ᠤ ᠲᠦᠴᠢᠭᠡᠳ ᠤᠨ ᠤ ᠰᠡᠬᠦᠯᠴᠢ ᠶᠢᠨ ᠨᠢᠭᠡ ᠤᠲᠠᠭᠠᠨ ᠤ  ᠨᠡᠬᠦᠲᠡᠯ ᠠᠶᠠᠨ ᠠᠴᠠ ᠰᠡᠬᠦᠯ ᠳᠤ᠂ ᠠᠪᠤ ᠶᠢᠨ  ᠢᠶᠠᠨ ᠪᠠᠷ᠎ᠠ ᠶᠢ ᠨᠢ ᠰᠦᠭᠡ ᠲᠠᠬᠢᠵᠤ ᠤᠯᠵᠤ ᠬᠠᠷᠠᠭ᠎ᠠ ᠦᠭᠡᠢ ᠭᠡᠲᠡᠭ ᠁ ᠰᠦᠭᠡ ᠳᠤ ᠠᠮᠢ ᠨᠢᠭᠡᠲᠡᠢ ᠨᠢᠭᠡ ᠡᠭᠡᠴᠢ ᠲᠠᠢ᠃ ᠡᠵᠢ ᠨᠢ ᠠᠵᠢᠯᠴᠢ ᠬᠤᠶᠠᠷ ᠭᠠᠷ ᠲᠠᠭᠠᠨ ᠲᠦᠰᠢᠵᠤ  ᠬᠤᠶᠠᠷ ᠦᠷ᠎ᠡ ᠪᠠᠨ ᠬᠦᠮᠦᠨ ᠤ ᠲᠠᠶᠢᠲᠠᠢ ᠦᠰᠭᠡᠭᠰᠡᠨ ᠭᠡᠲᠡᠭ᠃    ᠡᠵᠢ ᠨᠢ ᠮᠤᠩᠭᠤᠯ ᠰᠢᠲᠠᠷ᠎ᠠ ᠶᠢ ᠰᠠᠶᠢᠬᠠᠨ ᠴᠤ ᠰᠡᠶᠢᠯᠲᠡᠭ᠃  ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠴᠤ ᠰᠠᠶᠢᠬᠠᠨ ᠰᠡᠶᠢᠯᠲᠡᠭ᠂ ᠠᠷᠠᠰᠤ ᠤᠳᠤᠵᠤ ᠡᠯᠲᠡᠨ᠂ ᠲᠡᠪᠡᠯ ᠬᠤᠪᠴᠠᠰᠤ ᠶᠢ ᠶᠠᠩᠵᠤ ᠲᠠᠢ ᠰᠠᠶᠢᠬᠠᠨ ᠤᠶᠤᠲᠠᠭ᠃ ᠲᠡᠷᠨ ᠭᠠᠷ  ᠤᠨ ᠤᠷ᠎ᠠ ᠳᠠᠭᠠᠨ ᠲᠦᠰᠢᠵᠤ ᠬᠤᠭᠤᠯᠨ ᠬᠤᠰᠢ᠂ ᠬᠤᠪᠴᠠᠰᠤ ᠡᠳ᠋ᠯᠡᠯ ᠢᠶᠠᠨ ᠰᠤᠯᠢᠵᠤ ᠢᠷᠡᠲᠡᠭ ᠪᠠᠶᠢᠵᠠᠢ᠃    ᠲᠡᠭᠡᠷ᠎ᠡ ᠵᠠᠭᠤᠨ ᠤ ᠲᠠᠪᠢᠭᠠᠳ ᠤᠨ ᠤ ᠦᠶ᠎ᠡ ᠳᠤ ᠠᠯᠠᠱᠨ ᠨᠤᠳᠤᠭ ᠲᠤ ︽ ᠰᠤᠶᠤᠯ ᠤᠨ ᠪᠠᠯᠠᠢ ᠶᠢ ᠠᠷᠢᠯᠭᠠᠬᠤ︾  ᠠᠵᠢᠯᠯᠠᠭᠠᠨ ᠦᠷᠨᠢᠵᠤ ᠡᠬᠢᠯᠡᠭᠰᠡᠨ ᠶᠤᠮ᠃ ᠰᠦᠭᠡ ᠴᠤ ᠡᠵᠢ ᠪᠠᠨ ᠲᠠᠭᠠᠭᠠᠳ ᠰᠤᠷᠴᠤ ᠡᠬᠢᠯᠡᠪᠠ᠃ ᠡᠬᠡ ᠬᠦᠤ ᠬᠤᠶᠠᠭᠤᠯᠨ ᠪᠠᠨ ᠰᠦᠨᠢ ᠪᠤᠯᠤᠮᠠᠭᠴᠨ ᠪᠠᠨ ᠲᠤᠯᠭᠠᠨ ᠭᠠᠯ ᠤᠨ ᠭᠡᠷᠡᠯ ᠪᠠᠷᠠᠭᠠᠲᠠᠵᠤ ᠦᠰᠦᠭ ᠴᠡᠭᠡᠵᠢᠯᠡᠲᠡᠭ ᠪᠠᠶᠢᠯ᠎ᠠ᠃ 11 ᠨᠠᠰᠤ ᠬᠦᠷᠦᠭᠡᠳ ᠰᠦᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠪᠤᠱᠤᠭ᠎ᠠ ᠶᠢ ᠠᠯᠬᠤᠵᠠᠢ᠃ ᠲᠡᠷᠨ ᠤᠢ ᠰᠠᠶᠢᠲᠠᠢ ᠬᠡᠤᠭᠡᠳ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠨᠢ᠂ ᠨᠢᠭᠡᠳᠤᠭᠡᠷ ᠠᠩᠬᠢ ᠳᠤ ᠲᠦᠩᠭᠡᠵᠢ ᠭᠡᠳᠤᠨ ᠡᠳᠤᠷ ᠰᠠᠭᠤᠲᠠᠯ᠎ᠠ  ᠂ ᠪᠠᠭᠰᠢ ᠨᠠᠷ ᠨᠢ ᠵᠦᠪᠲᠡᠵᠤ ᠪᠠᠶᠢᠭᠠᠳ ᠬᠤᠶᠠᠳᠤᠭᠠᠷ ᠠᠩᠬᠢ ᠳᠤ ᠤᠷᠤᠭᠤᠯᠴᠢᠬᠠᠪᠠ᠃ ᠪᠠᠭᠰᠢ ᠶᠢᠨ ᠵᠢᠭᠠᠭᠰᠠᠨ ᠢ  ᠨᠢ ᠪᠠᠷᠢᠨ ᠲᠤᠤᠷ᠎ᠠ ᠨᠢ ᠴᠡᠭᠡᠵᠢᠯᠡᠴᠢᠭᠡᠲᠡᠭ ᠲᠤᠯᠨ᠂ ᠲᠠᠬᠢᠭᠠᠳ ᠰᠢᠭᠤᠳ ᠯᠡ ᠭᠤᠷᠪᠠᠳᠤᠭᠠᠷ ᠠᠩᠬᠢ ᠳᠤ ᠬᠦᠷᠭᠡᠵᠡᠢ᠃ ᠲᠠᠷᠠᠭ᠎ᠠ ᠨᠢ ᠲᠦᠷᠪᠡᠳᠤᠭᠡᠷ ᠠᠩᠬᠢ ᠳᠤ ᠰᠤᠷᠤᠯ ᠦᠭᠡᠢ ᠪᠠᠷ ᠲᠠᠪᠤᠳᠤᠭᠠᠷ ᠠᠩᠬᠢ ᠳᠤ ᠲᠠᠪᠰᠢᠵᠠᠢ᠃  ᠲᠤᠮᠲᠠᠳᠤ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠬᠦᠰᠬᠦ ᠵᠢᠯ ᠳᠤ᠂ ᠡᠵᠢ ᠨᠢ ᠡᠪᠡᠳᠦᠭᠰᠡᠨ ᠠᠴᠠ ᠪᠤᠯᠵᠤ᠂ ᠰᠦᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠵᠤᠭᠰᠤᠭᠰᠠᠨ ᠶᠤᠮ᠃ ᠰᠦᠭᠡ ᠪᠠᠶ᠎ᠠ ᠲᠠᠭᠠᠷᠤᠤᠬᠠᠨ ᠡᠵᠢ ᠪᠠᠨ ᠠᠰᠠᠷᠠᠵᠤ ᠪᠠᠶᠢᠲᠠᠯ᠎ᠠ ᠨᠢ ᠪᠠᠭᠰᠢ ᠨᠡᠷ ᠨᠢ ᠲᠡᠬᠦᠨ ᠢ ᠲᠠᠭᠤᠲᠠᠭᠤᠯᠵᠠᠢ᠃ ᠪᠠᠭᠰᠢ ᠨᠡᠷ ᠨᠢ ᠲᠡᠬᠦᠨ ᠤ ᠤᠢ ᠪᠢᠯᠢᠭ ᠢ ᠬᠠᠶᠢᠷᠠᠯᠠᠵᠤ᠂ ᠦᠷᠬᠦᠯᠵᠢᠯᠡᠨ ᠰᠤᠷᠤᠯᠴᠠᠭᠤᠯᠬᠤ ᠬᠡᠮᠡᠨ ᠴᠢᠷᠮᠠᠶᠢᠭᠰᠠᠨ ᠨᠢ ᠡᠨᠡ ᠪᠠᠶᠢᠵᠠᠢ᠃ ᠲᠡᠲᠡ ᠰᠦᠭᠡ ᠳᠤ ᠰᠠᠷ᠎ᠠ ᠭᠠᠷᠤᠢ ᠬᠢᠴᠢᠶᠡᠯ ᠨᠦᠬᠦᠵᠤ ᠪᠠᠶᠢᠮᠠᠨ᠂ ᠠᠩᠬ᠎ᠠ ᠲᠤᠮᠲᠠᠳᠤ ᠶᠢ ᠨᠢ ᠠᠮᠵᠢᠯᠲᠠ ᠲᠠᠢ ᠲᠡᠬᠦᠰᠭᠡᠪᠠ᠃ ᠰᠦᠭᠡ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠷᠢᠶᠠᠳᠤ ᠲᠤᠮᠲᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠨ ᠤᠷᠤᠯ᠎ᠠ ᠴᠤ᠂ ᠠᠵᠢᠯ ᠮᠤᠳᠤᠨ ᠳᠠᠭᠠᠨ ᠡᠬᠦᠷᠲᠡᠵᠤ ᠶᠠᠪᠤᠭ᠎ᠠ ᠡᠵᠢ ᠪᠠ ᠡᠭᠡᠴᠢ ᠳᠡᠭᠡᠨ ᠰᠠᠨᠠᠭ᠎ᠠ ᠠᠯᠭᠠᠰᠤᠨ ᠪᠠᠶᠢᠭᠰᠠᠭᠠᠷ᠂ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠨ ᠢᠷᠠᠵᠤ᠂ ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ  ᠳᠠᠭᠠᠨ ᠪᠠᠭᠰᠢᠯᠠᠵᠠᠢ᠃  ᠰᠤᠮᠤ ᠶᠢᠨ ᠱᠦᠵᠢ ᠰᠧᠷᠠᠩᠵᠠᠢ ᠶᠢᠨ ᠦᠢᠯᠨ ᠠᠵᠢᠯᠯᠠᠭ᠎ᠠ ᠶᠢ ᠰᠤᠷᠪᠤᠯᠵᠢᠯᠠᠨ ᠪᠢᠴᠢᠭᠰᠡᠨ ᠰᠦᠭᠡ ᠶᠢᠨ ᠵᠤᠬᠢᠶᠠᠯ ᠢ ᠨᠢ ᠤᠶᠢᠷ᠎ᠠ ᠬᠠᠪᠢ ᠶᠢᠨ ᠲᠠᠷᠤᠭ᠎ᠠ ᠨᠡᠷ ᠨᠢ ᠪᠠᠭ᠋ᠠᠷᠴᠤ ᠲᠤᠭᠤᠭᠠᠳ᠂ ᠲᠡᠬᠦᠨ ᠢ ᠵᠢᠭᠡᠯᠡᠯᠭᠡ  ᠶᠢᠨ ᠺᠠᠳ᠋ᠷ ᠢᠶᠠᠷ ᠡᠯᠰᠡᠪᠠ᠃ ᠬᠤᠵᠢᠮ ᠨᠢ ᠰᠦᠭᠡ ᠭᠠᠴᠠᠭᠠᠨ ᠤ ᠪᠠᠨ ᠺᠠᠳ᠋ᠷ ᠢᠶᠠᠷ ᠠᠵᠢᠯᠯᠠᠵᠤ᠂ ᠲᠠᠷᠠᠭ᠎ᠠ ᠨᠢ ᠰᠤᠪᠠᠨᠠᠭᠤᠷ ᠰᠤᠮᠤ ᠶᠢᠨ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠲᠡᠳ᠋ ᠱᠦᠵᠢ᠂ ᠡᠵᠡᠨ᠎ᠠ ᠬᠤᠰᠢᠭᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠲᠡᠳ᠋ ᠱᠦᠵᠢ᠂ ᠡᠵᠡᠨ᠎ᠡ ᠬᠤᠰᠢᠭᠤ ᠶᠢᠨ ᠬᠤᠰᠢᠭᠤ ᠲᠠᠷᠤᠭ᠎ᠠ᠂ ᠡᠵᠡᠨ᠎ᠡ ᠬᠤᠰᠢᠭᠤ ᠶᠢᠨ ᠨᠠᠮ ᠤᠨ ᠬᠤᠷᠢᠶ᠎ᠠ ᠶᠢᠨ ᠱᠦᠵᠢ᠂ ᠠᠯᠠᠱᠨ ᠠᠶᠢᠮᠠᠭ ᠤᠨ ᠰᠠᠬᠢᠯᠭ᠎ᠠ ᠪᠠᠳᠤ ᠶᠢ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠤ ᠱᠦᠵᠢ᠂ ᠠᠯᠠᠱᠨ ᠠᠶᠢᠮᠠᠭ ᠤᠨ ᠲᠡᠳ᠋ ᠠᠶᠢᠮᠠᠭ ᠤᠨ ᠲᠠᠷᠤᠭ᠎ᠠ᠂ ᠠᠯᠠᠱᠨ ᠠᠶᠢᠮᠠᠭ ᠤᠨ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠲᠡᠷᠢᠬᠦᠯᠡᠭᠴᠢ ᠶᠢᠨ ᠲᠤᠰᠢᠶᠠᠯ ᠵᠡᠷᠭᠡ ᠶᠢ ᠬᠠᠷᠢᠭᠤᠴᠠᠵᠤ ᠦᠩᠭᠡᠷᠡᠭᠰᠡᠨ ᠪᠢᠯᠨ᠃ 2004 ᠤᠨ ᠳᠤ᠂ ᠰᠦᠭᠡ ᠨᠦᠬᠦᠷ ᠡᠷᠬᠦᠲᠡᠯ ᠲᠡᠪᠰᠢᠬᠦᠯᠵᠤ ᠪᠠᠶᠢᠮᠠᠨ ᠠᠯᠠᠱᠨ ᠠᠶᠢᠮᠠᠭ ᠤᠨ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠲᠡᠷᠢᠬᠦᠯᠡᠭᠴᠢ ᠶᠢᠨ ᠲᠤᠰᠢᠶᠠᠯ  ᠠᠴᠠ ᠪᠠᠨ ᠤᠷᠢᠳᠴᠢᠯᠠᠨ ᠪᠠᠭᠤᠭᠠᠳ᠂ ᠤᠭ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠭᠠᠳ᠂ ᠮᠤᠳᠤ ᠲᠠᠷᠢᠵᠤ ᠡᠯᠡᠰᠤ ᠪᠠᠨ ᠨᠤᠭᠤᠭᠠᠷᠠᠭᠤᠯᠬᠤ ᠠᠵᠢᠯ ᠢᠶᠠᠨ ᠡᠬᠢᠯᠡᠬᠦᠯᠦᠭᠰᠡᠨ ᠶᠤᠮ᠃  ᠤᠭ᠍ᠶᠤᠨ ᠨᠤᠭᠤᠭᠠᠨ ᠤᠷᠢᠶ᠎ᠠ ᠲᠠᠭᠤᠲᠠᠯᠭ᠎ᠠ    ᠲᠡᠭᠡᠷ᠎ᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠤ ᠦᠶ᠎ᠡ ᠳᠤ᠂ ᠡᠵᠡᠨ᠎ᠡ ᠬᠤᠰᠢᠭᠤᠨ᠎ᠠ ᠤᠰᠤ ᠶᠡᠭᠡᠪᠡᠷ ᠲᠤᠲᠠᠭᠲᠠᠵᠤ᠂ ᠤᠯᠠᠭᠠᠨ ᠪᠤᠷᠭᠠᠰᠤ᠂ ᠬᠤᠯᠤᠰᠤ ᠨᠢ ᠬᠠᠲᠠᠵᠤ ᠬᠤᠷᠪᠤᠶᠢᠭᠠᠳ᠂  ᠨᠠᠭᠤᠷ ᠪᠤᠯᠠᠭ ᠨᠢ ᠴᠤ ᠰᠢᠷᠬᠢᠬᠦ ᠰᠢᠬᠠᠭᠰᠠᠨ ᠪᠠᠶᠢᠪᠠ᠃ ᠶᠠᠭ ᠲᠡᠷᠨ ᠦᠶ᠎ᠡ ᠳᠤ ᠠᠯᠠᠱᠨ ᠠᠶᠢᠮᠠᠭ ᠲᠤ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ ᠰᠦᠭᠡ ᠨᠦᠬᠦᠷ᠂ ᠤᠯᠤᠰ ᠤᠨ ᠴᠢᠯᠠᠭᠤᠨ ᠲᠤᠰᠤᠨ ᠤ ᠠᠵᠤ ᠦᠢᠯᠡᠳᠪᠤᠷᠢ ᠶᠢᠨ ᠨᠢᠭᠡᠨ ᠤᠳᠤᠷᠢᠳᠤᠯᠭ᠎ᠠ ᠶᠢ ᠲᠠᠭᠠᠭᠤᠯᠤᠨ᠂ ᠬᠠᠷ᠎ᠠ ᠬᠤᠲᠠ ᠪᠠᠷ ᠬᠦᠷᠬᠦ ᠬᠡᠮᠡᠨ ᠲᠦᠯᠦᠪᠯᠡᠭᠰᠡᠨ ᠪᠠᠶᠢᠵᠠᠢ᠃ ᠵᠠᠮ ᠤᠨ ᠲᠤᠮᠲᠠ ᠲᠡᠷᠭᠡ ᠨᠢ ᠲᠤᠷᠴᠤ᠂ ᠲᠠᠲᠠ ᠨᠡᠷ ᠤᠨ ᠠᠷᠭ᠎ᠠ ᠶᠢ ᠪᠠᠷᠠᠭᠲᠠᠭᠤᠯᠤᠭᠰᠠᠨ ᠭᠡᠲᠡᠭ᠃ ᠬᠠᠷ᠎ᠠ ᠬᠤᠲᠠ ᠶᠢᠨ ᠤᠶᠢᠷ᠎ᠠ ᠲᠤᠭᠤᠷᠢᠮ ᠨᠢ ᠴᠤ ᠪᠠᠰᠨ ᠡᠯᠡᠰᠤᠨ ᠳᠤ ᠲᠠᠷᠤᠭᠲᠠᠬᠤ ᠰᠢᠬᠠᠭᠰᠠᠨ ᠨᠢ  ᠰᠦᠭᠡ ᠳᠤ ᠲᠤᠳᠤ ᠠᠴᠠ ᠲᠤᠳᠤ ᠬᠠᠷᠠᠭᠲᠠᠵᠠᠢ᠃ ᠡᠲᠡᠭᠡᠷ ᠪᠦᠬᠦᠨ ᠢ ᠰᠦᠭᠡ ᠬᠠᠷᠠᠭᠠᠳ᠂ ᠲᠤᠳᠤᠷ᠎ᠠ ᠨᠢ  ᠨᠤᠳᠤᠭ ᠤᠰᠤ ᠪᠠᠨ ᠵᠠᠰᠠᠬᠤ ᠰᠡᠨ ᠭᠡᠰᠡᠨ ᠨᠢᠭᠡᠨ ᠰᠠᠨᠠᠭ᠎ᠠ ᠲᠦᠷᠦᠭᠲᠡᠭᠰᠡᠨ ᠭᠡᠲᠡᠭ᠃     ᠨᠠᠷ᠎ᠠ ᠠᠯᠲᠠᠷ ᠮᠠᠨᠳᠤᠭᠰᠠᠨ ᠬᠠᠷ᠎ᠠ ᠬᠤᠲᠠ ᠨᠢ ᠪᠠᠲᠠᠢ ᠶᠢᠨ ᠵᠢᠷᠠᠨ ᠤ ᠡᠯᠡᠰᠤᠨ ᠤ ᠵᠠᠬ᠎ᠠ ᠬᠦᠪᠡᠭᠡᠨ᠎ᠡ ᠪᠠᠶᠢᠷᠢᠰᠢᠵᠤ᠂ ᠡᠵᠡᠨ᠎ᠡ ᠬᠤᠰᠢᠭᠤᠨ ᠤ ᠲᠡᠯᠠᠶᠢᠬᠦᠪ ᠪᠠᠯᠭᠠᠰᠤᠨ ᠠᠴᠠ 72 ᠭᠠᠵᠠᠷ ᠵᠠᠶᠢᠲᠠᠢ ᠶᠤᠮ᠃ ᠪᠠᠷᠠᠭᠤᠨ ᠰᠢᠶ᠋ᠨ ᠬᠦᠷᠤᠨ ᠤ ᠬᠤᠳᠠᠯᠳᠤᠭᠠᠨ ᠤ ᠲᠦᠪ᠂ ᠶᠤᠸᠠᠨ ᠬᠦᠷᠤᠨ ᠤ ᠴᠡᠷᠢᠭ ᠲᠠᠶᠢᠨ ᠤ ᠰᠠᠭᠤᠷᠢᠨ ᠭᠠᠵᠠᠷ ᠪᠠᠶᠢᠭᠰᠠᠨ ᠭᠡᠲᠡᠭ᠃ ᠬᠠᠷ᠎ᠠ ᠬᠤᠲᠠ ᠨᠢ ᠵᠢᠤᠢ ᠶᠠᠨ ᠤ ᠨᠤᠭᠤᠭᠠᠨ ᠪᠦᠷᠢᠳᠤ ᠬᠡᠮᠡᠨ ᠲᠡᠤᠭᠡᠨ ᠪᠢᠴᠢᠭ ᠲᠤ ᠪᠢᠴᠢᠭᠡᠰᠦᠲᠡᠢ ᠪᠠᠶᠢᠲᠠᠭ᠃ ᠲᠡᠷᠨ ᠦᠶ᠎ᠡ ᠳᠡᠭᠡᠨ ᠲᠠᠩᠰᠤᠭ ᠪᠠᠶᠢᠭᠠᠯᠢ ᠲᠠᠢ ᠪᠠᠶᠢᠵᠤ᠂ ᠲᠠᠷᠢᠶᠠᠯᠠᠩ ᠤᠨ ᠦᠢᠯᠡᠰ ᠨᠢ ᠴᠤ ᠦᠷᠨᠢᠬᠦᠨ ᠬᠦᠭᠵᠢᠯᠲᠠ ᠲᠠᠢ ᠪᠠᠶᠢᠯ᠎ᠠ ᠭᠡᠲᠡᠭ᠃ ᠬᠠᠷ᠎ᠠ ᠬᠤᠲᠠ ᠨᠢ ᠶᠡᠭᠡ ᠲᠤᠷᠭᠠᠨ ᠤ ᠵᠠᠮ ᠤᠨ ᠴᠢᠬᠤᠯᠨ ᠪᠤᠭᠤᠮᠲᠠ ᠪᠠᠶᠢᠭᠰᠠᠨ᠂ ᠬᠠᠷ᠎ᠠ ᠬᠤᠲᠠ ᠨᠢ ᠯᠢᠶᠤᠤ ᠬᠦᠷᠤᠨ᠂ ᠰᠦᠩ ᠬᠦᠷᠤᠨ᠂ ᠰᠢᠶ᠋ᠨ ᠬᠦᠷᠤᠨ᠂ ᠠᠯᠲᠠᠨ ᠤᠯᠤᠰ ᠤᠨ ᠦᠶ᠎ᠡ ᠶᠢᠨ ᠨᠠᠨᠳᠢᠨ ᠦᠪ ᠢ ᠶᠡᠭᠡᠭᠡᠨ  ᠨᠢᠭᠤᠴᠠᠯᠠᠭᠰᠠᠭᠠᠷ ᠪᠠᠶᠢᠭ᠎ᠠ ᠠᠵᠢ  ᠃     ᠲᠡᠤᠭᠡ ᠶᠢᠨ ᠠᠯᠲᠠᠨ ᠤᠷᠤᠮ ᠤᠨ ᠲᠡᠮᠲᠡᠭ ᠪᠤᠯᠤᠭᠰᠠᠨ ᠬᠠᠷ᠎ᠠ ᠬᠤᠲᠠ ᠨᠢ ᠲᠠᠶᠢᠨ ᠲᠤᠯᠤᠯᠳᠤᠭᠠᠨ ᠤ ᠲᠠᠮᠤᠷ ᠲᠤᠭᠤᠷᠠᠢ ᠳᠤ ᠲᠠᠯᠬᠢᠭᠲᠠᠨ᠂ ᠴᠠᠭ ᠠᠭᠠᠷ ᠤᠨ ᠬᠡᠨᠡᠳᠲᠡ ᠶᠢᠨ ᠬᠤᠪᠢᠰᠤᠯ   ᠢ ᠠᠮᠰᠠᠨ᠂ ᠬᠦᠨᠳᠤ ᠬᠡᠴᠡᠬᠦᠤ ᠭᠠᠵᠠᠷ ᠬᠠᠭᠠᠯᠪᠤᠷᠢᠯᠠᠯᠲᠠ ᠳᠤ ᠲᠠᠭᠠᠷᠢᠭᠲᠠᠨ᠂ ᠬᠤᠲᠠ ᠰᠠᠭᠤᠷᠢᠨ ᠨᠢ ᠶᠡᠭᠡᠪᠡᠷ ᠡᠯᠡᠰᠦᠷᠬᠡᠭᠵᠢᠵᠤ ᠡᠬᠢᠯᠡᠵᠡᠢ᠃ ᠬᠠᠪᠢ ᠲᠦᠰᠦᠷ ᠤᠨ ᠬᠢᠨᠢ ᠮᠠᠯᠴᠢᠳ ᠨᠢ᠄ ︽ᠮᠡᠨ ᠤ ᠬᠠᠷ᠎ᠠ ᠬᠤᠲᠠ ᠶᠢᠨ ᠬᠦᠷᠦᠰᠤ ᠰᠢᠷᠤᠢ ᠴᠢᠨᠢ ᠴᠢᠯᠠᠭᠤ ᠪᠤᠯᠬᠤ  ᠳᠠᠭᠠᠨ ᠲᠦᠬᠦᠴᠢᠭᠡᠯ᠎ᠡ︾ ᠬᠡᠮᠡᠨ ᠬᠡᠯᠡᠯᠴᠡᠲᠡᠭ ᠪᠤᠯᠵᠠᠢ᠃ ᠶᠠᠫᠤᠨᠴᠤᠳ ᠪᠠᠰᠨ ᠡᠯᠡᠰᠣ ᠶᠢ ᠨᠤᠭᠤᠭᠠᠷᠠᠭᠤᠯᠬᠤ ᠲᠦᠰᠦᠪ ᠢᠶᠠᠨ ᠦᠷᠬᠦᠯᠵᠢᠯᠡᠬᠦᠯᠬᠦ ᠬᠡᠮᠡᠨ ᠬᠠᠷ᠎ᠠ ᠬᠤᠲᠠᠨ᠎ᠠ ᠬᠦᠷᠦᠯᠴᠠᠨ ᠢᠷᠡᠭᠰᠡᠨ ᠶᠤᠮ᠃ ᠬᠠᠲᠠᠭᠤ ᠬᠠᠬᠢᠷ ᠴᠠᠭ ᠠᠭᠠᠷ ᠲᠤᠨᠢ ᠲᠠᠰᠴᠤ ᠴᠢᠲᠠᠯ ᠦᠭᠡᠢ ᠪᠠᠷ ᠬᠤᠶᠠᠷ ᠵᠢᠯ ᠪᠤᠯᠤᠮᠠᠭᠴᠨ ᠤᠯᠤᠰ ᠲᠠᠭᠠᠨ ᠪᠤᠴᠠᠴᠢᠬᠠᠭᠰᠠᠨ ᠪᠢᠯᠨ᠃ ᠨᠢᠭᠡᠨ ᠶᠠᠫᠤᠨ ᠵᠠᠯᠠᠭᠤ᠄ ︽ᠬᠠᠷ᠎ᠠ ᠬᠤᠲᠠ ᠶᠢᠨ ᠡᠯᠡᠰᠤ ᠰᠢᠭᠤᠷᠭ᠎ᠠ ᠨᠢ ᠲᠡᠩᠲᠡᠬᠦᠤ ᠬᠡᠴᠡᠬᠦᠤ᠂ ᠮᠤᠳᠤ ᠲᠠᠷᠢᠬᠤ ᠪᠤᠯᠤᠮᠵᠢ ᠲᠠᠩᠴᠢ ᠠᠯᠠᠭ᠎ᠠ ᠡ︾ ᠬᠡᠮᠡᠨ ᠠᠷᠭ᠎ᠠ ᠪᠠᠷᠠᠭᠲᠠᠨ ᠬᠡᠯᠡᠭᠰᠡᠨ ᠭᠡᠲᠡᠭ᠃     ᠡᠶᠢᠮᠦᠷᠬᠦᠤ ᠬᠦᠨᠳᠤ ᠭᠡᠴᠡᠬᠦᠤ ᠪᠠᠶᠢᠲᠠᠯ ᠢ ᠴᠢᠨᠢ ᠶᠠᠭᠠᠬᠢᠵᠤ ᠡᠶᠢᠵᠤ ᠪᠠᠶᠢᠭᠠᠳ ᠴᠤ ᠭᠡᠰᠡᠨ ᠬᠤᠪᠢᠷᠠᠭᠤᠯᠬᠤ ᠰᠡᠨ ᠬᠡᠮᠡᠨ ᠰᠦᠭᠡ ᠭᠤᠸᠠᠢ ᠰᠢᠳᠤ ᠵᠠᠭᠤᠵᠠᠢ᠃ ᠰᠦᠭᠡ ᠭᠤᠸᠠᠢ ᠢᠩᠬᠢᠵᠤ ᠰᠢᠢᠳᠤᠭᠡᠳ᠂ 2004 ᠤᠨ ᠤ ᠡᠬᠢ  ᠪᠠᠷ ᠤᠷᠢᠳᠴᠢᠯᠠᠨ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠬᠤ ᠭᠤᠶᠤᠲᠠᠯ ᠤᠨ ᠪᠢᠴᠢᠭ ᠢᠶᠠᠨ ᠨᠠᠮ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ  ᠳᠠᠭᠠᠨ ᠲᠠᠪᠰᠢᠬᠦᠯᠵᠤ᠂  9  ᠰᠠᠷ᠎ᠠ   ᠳᠤᠨᠢ  ᠬᠠᠷ᠎ᠠ ᠬᠤᠲᠠᠨ ᠳᠠᠭᠠᠨ ᠰᠠᠭᠤᠷᠢᠰᠢᠬᠤ ᠪᠠᠷ  ᠳ᠋ᠡᠯᠭᠡ ᠲᠠᠢ ᠪᠠᠨ ᠬᠠᠮᠳᠤ ᠬᠦᠷᠦᠭᠡᠳ ᠤᠴᠢᠪᠠ᠃    ᠳ᠋ᠡᠯᠭᠡ ᠨᠠᠰᠤᠲᠠᠨ᠄ ︽ᠡᠪᠤᠭᠡᠨ ᠮᠢᠨᠢ ᠬᠠᠷ᠎ᠠ ᠬᠤᠲᠠ ᠳᠠᠭᠠᠨ ᠶᠠᠪᠤᠨ᠎ᠠ ᠬᠡᠮᠡᠨ ᠰᠢᠭᠤᠳ ᠯᠡ ᠲᠤᠩᠬᠠᠭᠯᠠᠴᠢᠬᠠᠭᠰᠠᠨ ᠳ᠋ᠡ᠃ ᠪᠢ ᠴᠤ ᠡᠵᠡᠨ᠎ᠡ ᠳᠤ ᠪᠠᠨ ᠡᠯᠢᠭᠡ ᠲᠠᠢ᠂ ᠶᠡᠭᠡ ᠲᠤᠷ᠎ᠠ ᠲᠠᠢ ᠢᠷᠡᠭᠰᠡᠨ ᠡ᠃ ᠬᠠᠷᠢᠨ ᠬᠡᠤᠭᠡᠳ ᠤᠳ ᠢᠶᠠᠨ ᠢᠳᠬᠠᠬᠤ ᠬᠡᠮᠡᠨ ᠵᠢᠭᠠᠬᠠᠨ ᠴᠠᠭ ᠠᠪᠤᠭᠰᠠᠨ ᠳ᠋ᠡ︾ ᠭᠡᠵᠤ ᠪᠠᠶᠢᠯ᠎ᠠ᠃    ᠡᠯᠡᠰᠤᠨ  ᠨᠦᠮᠦᠷᠢ ᠶᠢᠨ  ᠮᠠᠯᠴᠢᠨ ᠠᠶᠢᠯ     ᠲᠠᠷᠨ ᠦᠶ᠎ᠡ ᠳᠤ ᠬᠠᠷ᠎ᠠ ᠬᠤᠲᠠ ᠨᠢ ᠪᠤᠷᠤᠭᠠᠨ ᠬᠤᠷ᠎ᠠ ᠮᠠᠰᠢ ᠪᠠᠭᠠᠲᠠᠢ ᠪᠠᠶᠢᠭᠰᠠᠨ ᠡ᠃ ᠵᠢᠯ ᠤᠨ ᠲᠤᠨᠤᠳᠠᠰᠤᠨ ᠤ ᠬᠡᠮᠵᠢᠶ᠎ᠠ ᠨᠢ ᠭᠡᠳᠤᠭᠡᠨ ᠮᠢᠯᠢᠮᠧᠲᠷ ᠪᠠᠶᠢᠵᠤ᠂ ᠠᠭᠤᠷᠰᠢᠯᠲᠠ ᠶᠢᠨ ᠬᠡᠮᠵᠢᠶ᠎ᠡ ᠨᠢ ᠬᠠᠷᠢᠨ 4000 ᠮᠢᠯᠢᠮᠧᠲᠷ ᠢ ᠲᠠᠪᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠬᠠᠷ᠎ᠠ ᠬᠤᠲᠠ ᠶᠢᠨ ᠮᠠᠯᠴᠢᠳ᠄ ︽ᠮᠠᠨ ᠤ ᠨᠤᠳᠤᠭ ᠤᠨ ᠪᠤᠷᠤᠭᠠᠨ ᠬᠤᠷ᠎ᠠ ᠨᠢ ᠲᠤᠰᠤᠨ ᠠᠴᠠ ᠴᠤ ᠦᠨᠡᠲᠡᠢ ᠵᠦᠢᠯ ᠰᠢᠤ᠂ ᠲᠡᠭᠡᠳᠤ ᠲᠡᠭᠷᠢ ᠠᠴᠠ ᠬᠡᠳᠤᠨ ᠠᠷᠪᠠᠨ ᠲᠤᠰᠤᠯ ᠬᠤᠷ᠎ᠠ ᠬᠠᠶᠢᠷᠠᠯᠠᠬᠤ ᠨᠢ ᠴᠤ ᠦᠭᠬᠢᠶᠡᠮᠤᠷ ᠬᠤᠷ᠎ᠠ ᠳᠠᠭᠠᠨ ᠲᠤᠭᠠᠴᠢᠭᠲᠠᠴᠢᠬᠠᠨ᠎ᠠ ᠰᠢᠤ︾ ᠬᠡᠮᠡᠨ ᠶᠠᠷᠢᠯᠳᠤᠲᠠᠭ ᠪᠠᠶᠢᠪᠠ᠃     ᠬᠠᠷ᠎ᠠ ᠬᠤᠲᠠ ᠶᠢᠨ  ᠡᠯᠡᠰᠤᠨ ᠤ ᠦᠩᠭᠡᠨ ᠲᠠᠪᠬᠤᠷᠭ᠎ᠠ ᠶᠢᠨ ᠲᠤᠯᠠᠭᠠᠨ ᠤ ᠬᠡᠮᠵᠢᠶ᠎ᠠ ᠨᠢ 60 ᠭᠷᠠᠳᠦ᠋ᠰ ᠢ ᠲᠠᠪᠠᠴᠢᠬᠠᠲᠠᠭ ᠦᠶ᠎ᠡ ᠨᠢ ᠵᠦᠩᠲᠡᠭᠡᠨ ᠪᠠᠶᠢᠲᠠᠭ᠃ ᠰᠦᠭᠡ ᠨᠠᠰᠤᠲᠠᠨ ᠬᠦᠭᠰᠢᠨ ᠲᠠᠢ ᠪᠠᠨ ᠬᠤᠶᠠᠭᠤᠯᠨ ᠮᠤᠳᠤ ᠪᠠᠨ ᠲᠠᠷᠢᠴᠢᠬᠠᠭᠠᠳ᠂ ᠰᠦᠨᠢ ᠨᠢ ᠬᠤᠲᠠ ᠳᠠᠭᠠᠨ ᠪᠤᠴᠠᠵᠤ ᠬᠤᠨᠤᠭᠯᠠᠨ᠎ᠠ᠃ ᠦᠲᠡ ᠶᠢᠨ ᠬᠤᠭᠤᠯᠨ ᠪᠠᠨ ᠭᠡᠭᠡᠷ᠎ᠡ ᠭᠠᠲᠠᠨ᠎ᠠ ᠡᠪᠯᠡᠬᠦᠯᠴᠢᠭᠡᠲᠡᠭ᠃ ᠭᠡᠬᠦ ᠳᠤ ᠨᠠᠭᠠᠰᠢ ᠴᠠᠭᠠᠰᠢ ᠵᠠᠮᠨᠠᠬᠤ ᠳᠤ ᠴᠠᠭ ᠶᠡᠭᠡ ᠠᠯᠲᠠᠭᠲᠠᠨ᠎ᠠ᠃ ᠴᠠᠭ ᠢᠶᠠᠨ ᠠᠷᠪᠢᠯᠠᠬᠤ ᠶᠢ ᠰᠠᠨᠠᠵᠤ᠂ ᠬᠤᠲᠠᠨ ᠠᠴᠠ ᠲᠠᠮᠤᠷ ᠬᠢᠴᠡᠲᠠᠢ ᠲᠦᠬᠦᠮᠭᠡᠨ ᠭᠡᠷ ᠠᠪᠴᠢᠷᠠᠨ ᠪᠤᠰᠬᠠᠭᠠᠳ᠂ ᠵᠤᠤᠬ᠎ᠠ ᠲᠤᠯᠭ᠎ᠠ ᠪᠠᠨ ᠪᠤᠰᠬᠠᠵᠤ᠂ ᠬᠠᠯᠠᠭᠤᠨ ᠴᠠᠢ ᠪᠠᠨ ᠲᠠᠷᠬᠢᠯᠤᠭᠤᠯᠵᠤ ᠡᠬᠢᠯᠡᠵᠡᠢ᠃ ᠬᠦᠴᠤ ᠰᠢᠪᠬᠠᠨ ᠵᠢᠳᠬᠦᠯ᠎ᠠ ᠴᠤ ᠭᠡᠰᠡᠨ᠂ ᠲᠠᠷᠠᠭ᠎ᠠ ᠡᠳᠤᠷ ᠨᠢ ᠪᠤᠯᠬᠤᠯᠠᠷ᠂ ᠮᠤᠳᠤᠳ ᠨᠢ ᠪᠠᠰᠠᠯᠨ ᠡᠯᠡᠰᠤᠨ ᠳᠤ ᠲᠠᠷᠤᠭᠲᠠᠴᠢᠬᠠᠭᠠᠳ᠂ ᠲᠠᠲᠠᠨ ᠢ ᠰᠢᠨᠠᠯᠭᠠᠵᠤ ᠪᠠᠶᠢᠯ᠎ᠠ᠃ ᠭᠡᠯ᠎ᠡ ᠴᠤ ᠰᠦᠭᠡ ᠭᠤᠸᠠᠢ ᠵᠤᠷᠢᠭ ᠮᠢᠲᠠᠷᠠᠭ᠎ᠠ ᠦᠭᠡᠢ ᠡ᠃ ᠬᠦᠷᠵᠨ ᠵᠡᠭᠡᠳᠤᠤ ᠪᠠᠨ ᠢᠷᠯᠡᠨ ᠢᠷᠯᠡᠨ᠂ ᠬᠦᠵᠢᠷᠮᠡᠭᠯᠡᠨ ᠵᠢᠳᠬᠦᠭᠰᠡᠭᠡᠷ ᠪᠠᠶᠢᠪᠠ᠃ ᠭᠠᠭᠴᠨ ᠬᠤᠶᠠᠷ ᠴᠢᠬᠢ ᠮᠤᠳᠤ ᠨᠢ ᠡᠲᠡᠭᠡᠷᠡᠵᠤ᠂ ᠨᠢᠯᠬ᠎ᠠ ᠰᠤᠶᠤᠭ᠎ᠠ ᠴᠤᠬᠤᠶᠢᠬᠤ ᠶᠢ ᠨᠢ ᠤᠯᠤᠭᠠᠳ ᠬᠠᠷᠠᠴᠢᠬᠠᠪᠠᠯ ᠰᠦᠭᠡ ᠭᠤᠸᠠᠢ ᠦᠵᠦᠬᠦᠷ ᠦᠭᠡᠢ ᠪᠠᠶᠠᠷᠯᠠᠲᠠᠭ ᠪᠠᠶᠢᠯ᠎ᠠ᠃     ᠰᠦᠭᠡ ᠭᠤᠸᠠᠢ ᠬᠠᠷ᠎ᠠ ᠬᠤᠲᠠ ᠶᠢᠨ ᠬᠤᠶᠢᠳᠤ ᠭᠡᠰᠡᠭ   ᠢᠶᠠᠷ ᠨᠢ ᠲᠠᠮᠤᠷ ᠲᠤᠤᠷ ᠲᠠᠲᠠᠭᠠᠳ ᠠᠪᠤᠯ᠎ᠠ᠃  ᠬᠠᠷ᠎ᠠ ᠬᠤᠲᠠ ᠶᠢᠨ ᠡᠯᠡᠰᠤᠨ ᠮᠤᠬᠤᠷ ᠲᠤ ᠨᠢ ᠭᠤᠷᠪᠠᠨ ᠺᠦᠸᠠᠳ᠋ ᠺᠢᠯᠤᠮᠧᠲᠷ ᠵᠠᠭ ᠢ ᠨᠢ ᠬᠦᠷᠢᠶᠡᠯᠡᠭᠡᠳ ᠠᠪᠤᠯ᠎ᠠ᠃ ᠭᠤᠷᠪᠠᠨ ᠲᠦᠮᠡᠨ ᠲᠦᠬᠦᠷᠢᠭ ᠵᠠᠷᠤᠴᠠᠭᠤᠯᠤᠨ ᠪᠠᠶᠢᠵᠤ᠂ ᠡᠪᠯᠢᠭᠭᠡᠨ ᠭᠡᠷ ᠰᠠᠭᠤᠴᠨ ᠪᠤᠰᠬᠠᠭᠠᠳ ᠠᠪᠤᠯ᠎ᠠ᠃ ᠢᠩᠬᠢᠵᠤ ᠯᠡ ᠡᠯᠡᠰᠤᠨ ᠮᠤᠬᠤᠷ ᠲᠤ ᠮᠠᠯᠴᠢᠨ ᠠᠶᠢᠯ ᠤᠨ ᠢᠨᠢᠶᠠᠳᠤ ᠲᠠᠭᠤᠨ ᠴᠤᠤᠷᠢᠶᠠᠯᠠᠵᠤ ᠡᠬᠢᠯᠡᠵᠡᠢ᠃ ᠰᠢᠨᠲᠠᠰᠤ ᠬᠠᠲᠠᠭᠤ ᠲᠠᠢ ᠡᠪᠤᠭᠡᠨ ᠬᠦᠭᠰᠢᠨ ᠬᠤᠶᠠᠭᠤᠯᠨ ᠪᠠᠨ᠂ ᠦᠷᠯᠦᠭᠡ ᠪᠤᠰᠤᠮᠠᠭᠴᠨ ᠪᠠᠨ ᠡᠬᠦᠲᠡ ᠴᠤᠩᠬᠤ ᠶᠢ  ᠨᠢ ᠲᠠᠷᠤᠨ ᠪᠠᠭᠤᠭᠰᠠᠨ ᠡᠯᠡᠰᠤᠨ ᠨᠤᠷ᠎ᠠ ᠶᠢ ᠲᠦᠯᠬᠢᠨ ᠵᠠᠶᠢᠯᠠᠭᠤᠯᠤᠨ᠎ᠠ  ᠁     ᠰᠦᠭᠡ ᠭᠤᠸᠠᠢ ᠬᠦᠴᠢᠷ ᠪᠦᠬᠦᠨ ᠢ ᠢᠯᠡᠨ᠂ ᠨᠦᠭᠡ ᠮᠠᠯᠲᠠᠨ ᠮᠤᠳᠤ ᠲᠠᠷᠢᠬᠤ ᠠᠵᠢᠯ ᠢᠶᠠᠨ ᠰᠢᠭᠤᠷᠬᠠᠢ ᠦᠷᠬᠦᠯᠵᠢᠯᠡᠬᠦᠯᠦᠭᠰᠡᠭᠡᠷ ᠯᠡ ᠪᠠᠶᠢᠪᠠ᠃     ᠬᠠᠷ᠎ᠠ ᠬᠤᠲᠠ ᠶᠢᠨ ᠬᠠᠪᠢ ᠳᠤ ᠤᠲᠠᠭᠠᠨ ᠤᠨ ᠢᠶᠠᠷ ᠡᠯᠡᠰᠤᠨ᠎ᠠ ᠪᠤᠯᠠᠭᠤᠯᠤᠭᠰᠠᠨ ᠬᠤᠳᠳᠤᠭ ᠪᠠᠶᠢᠬᠤ ᠶᠢ ᠰᠦᠭᠡ ᠭᠤᠸᠠᠢ ᠮᠡᠲᠡᠵᠡᠢ᠃ ᠲᠡᠷᠨ ᠬᠠᠭᠠᠰ ᠰᠠᠷ᠎ᠠ ᠵᠢᠳᠬᠦᠵᠤ ᠪᠠᠶᠢᠮᠡᠨ ᠦᠨᠦᠬᠢ ᠬᠤᠳᠳᠤᠭ ᠢ ᠨᠢ ᠮᠠᠯᠲᠠᠵᠤ ᠭᠠᠷᠭᠠᠭᠠᠳ᠂ ᠲᠤᠩᠭᠠᠯᠠᠭ ᠤᠰᠣ ᠲᠠᠢ ᠵᠤᠯᠭᠠᠪᠠ᠃ ᠤᠰᠤ ᠰᠠᠶᠢᠲᠠᠢ ᠬᠤᠳᠳᠤᠭ ᠪᠠᠶᠢᠭᠰᠠᠨ ᠳᠤ ᠡᠪᠤᠭᠡᠨ ᠬᠦᠭᠰᠢᠨ ᠬᠤᠶᠠᠭᠤᠯᠨ ᠪᠠᠨ ᠮᠠᠩᠨᠠᠢ ᠲᠠᠨᠢᠢᠲᠠᠯ᠎ᠠ ᠪᠠᠨ ᠪᠠᠶᠠᠷᠯᠠᠯ᠎ᠠ᠃  ᠲᠠᠲᠠ ᠤᠰᠤ ᠲᠠᠮᠨᠠᠵᠤ ᠵᠠᠭ ᠢᠶᠠᠨ ᠤᠰᠤᠯᠠᠵᠤ ᠡᠬᠢᠯᠡᠵᠡᠢ ᠃ ᠰᠠᠭᠤᠯᠭ᠎ᠠ ᠪᠦᠷᠢ ᠨᠢ ᠲᠦᠴᠢᠨ ᠵᠢᠩ ᠬᠦᠨᠳᠤ ᠪᠠᠶᠢᠪᠠ ᠰᠢᠤ᠃  ᠰᠠᠷᠨ ᠰᠢᠩᠭᠡᠨ ᠨᠠᠷᠨ ᠮᠠᠨᠳᠤᠨ᠂ ᠡᠳᠤᠷ ᠬᠤᠨᠤᠭ ᠡᠬᠡᠯᠵᠢᠯᠡᠭᠰᠡᠭᠡᠷ ᠯᠡ ᠪᠠᠶᠢᠯ᠎ᠠ᠃ ᠨᠢᠭᠡ ᠮᠡᠲᠡᠬᠦ ᠳᠤ ᠯᠡ ᠨᠤᠮᠢᠨ ᠨᠤᠭᠤᠭᠠᠨ ᠵᠠᠭ ᠤᠨ ᠤᠢ ᠨᠢ ᠨᠢᠳᠤᠨ ᠪᠠᠶᠠᠰᠬᠠᠭᠠᠳ ᠡᠬᠢᠯᠡᠵᠡᠢ᠃ᠦᠪᠤᠷ ᠮᠤᠩᠭᠤᠯ ᠤᠨ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠰᠡᠳᠬᠦᠯ ᠤᠨ ᠬᠤᠷᠢᠶᠠᠨ ᠤ ᠬᠢᠨ᠂ 2014 ᠤᠨ ᠳᠤ ᠰᠦᠭᠡ ᠭᠤᠸᠠᠢ ᠶᠢ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠠᠩᠬᠠᠳᠤᠭᠠᠷ ᠤᠲᠠᠭ᠎ᠠ ᠪᠠᠨ ᠬᠠᠷ᠎ᠠ ᠬᠤᠲᠠᠨ᠎ᠠ ᠬᠦᠷᠦᠭᠰᠡᠨ ᠶᠤᠮ᠃ ᠲᠡᠭᠡᠭᠡᠳ ︽ᠬᠠᠷ᠎ᠠ ᠬᠤᠲᠠ ᠶᠢᠨ ᠭᠡᠭᠡᠨ ᠮᠦᠷᠦᠭᠡᠳᠤᠯ  ︾ ᠬᠡᠮᠡᠬᠦ ᠮᠡᠲᠡᠭᠡᠯᠡᠯ ᠢᠶᠠᠨ ᠲᠤᠭᠤᠷᠪᠢᠭᠰᠠᠨ ᠰᠡᠨ᠃ ᠲᠡᠷᠨ ᠦᠶ᠎ᠡ ᠳᠤ ᠳ᠋ᠡᠯᠭᠡ ᠨᠠᠰᠤᠲᠠᠨ᠄ ︽ᠵᠢᠯ ᠤᠨ ᠢᠶᠠᠨ ᠤᠯᠠᠩᠬᠢ ᠴᠠᠭ ᠢ ᠠᠲᠠ ᠦᠩᠭᠡᠷᠡᠭᠡᠲᠡᠭ᠃ ᠵᠤᠨ ᠶᠡᠭᠡ ᠬᠠᠯᠠᠭᠤᠨ ᠂ ᠪᠢᠲᠠ ᠮᠤᠳᠤ ᠪᠠᠨ ᠡᠷᠲᠡᠯᠡᠭᠡᠳ ᠲᠠᠷᠢᠨ᠎ᠠ᠃ ᠦᠲᠡ ᠠᠶᠠᠲᠠᠮᠠᠭᠴᠨ ᠯᠡ ᠭᠡᠷ ᠲᠡᠭᠡᠨ ᠰᠢᠷᠭᠤᠨ᠎ᠠ᠃ ᠬᠦᠢᠲᠠᠨ ᠤᠰᠤ ᠪᠠᠷ ᠠᠷᠴᠢᠵᠤ ᠤᠬᠢᠶᠠᠭᠠᠳ ᠰᠡᠷᠢᠬᠦᠴᠡᠭᠡᠳ ᠠᠪᠤᠨ᠎ᠠ᠃ ᠦᠲᠡ ᠬᠤᠶᠢᠨ᠎ᠡ ᠬᠠᠯᠠᠭᠤᠨ ᠨᠠᠮᠰᠢᠬᠤ ᠦᠶ᠎ᠡ ᠪᠠᠷ ᠮᠤᠳᠤ ᠪᠠᠨ ᠲᠠᠷᠢᠭᠠᠳ ᠡᠬᠢᠯᠡᠲᠡᠭ᠃ ᠡᠯᠡᠰᠤᠨ ᠲᠠᠯᠠᠢ ᠳᠤ ᠴᠢᠨᠢ ᠨᠤᠮᠢᠨ ᠦᠩᠭᠡ ᠪᠠ ᠬᠤᠷ᠎ᠠ ᠶᠢᠨ ᠲᠤᠰᠤᠯ ᠴᠢᠨᠢ ᠮᠠᠰᠢ ᠴᠤᠬᠠᠭ ᠡᠷᠲᠡᠨᠢ ᠰᠢᠤ᠃ ᠭᠠᠭᠴᠨ ᠪᠤᠲᠠ ᠵᠠᠭ ᠴᠤ ᠭᠡᠰᠡᠨ ᠰᠡᠳᠬᠢᠯ ᠢ ᠪᠠᠶᠠᠰᠬᠠᠬᠤ  ᠨᠠᠨᠳᠢᠨ ᠶᠠᠭᠤᠮ᠎ᠠ ᠰᠢᠤ ᠃ ᠮᠠᠨᠠᠶᠢᠬᠢᠨ ᠳᠤ ᠪᠠᠰᠨ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ  ᠰᠢᠭᠤᠢ ᠬᠡᠮᠡᠨ ᠨᠠᠷᠡᠶᠢᠳᠦᠭᠲᠡᠭᠰᠡᠨ ᠵᠢᠵᠢᠭᠭᠡᠨ ᠤᠢ  ᠲᠠᠢ᠂ ᠡᠪᠤᠭᠡᠨ ᠮᠢᠨᠢ ᠡᠨᠡ ᠰᠢᠭᠤᠢ ᠳᠠᠭᠠᠨ ᠮᠠᠰᠢ ᠬᠠᠶᠢᠷᠠᠲᠠᠢ᠂ ᠪᠦᠬᠦ ᠤᠯᠤᠰ ᠤᠨ ᠡᠯ᠎ᠡ ᠭᠠᠵᠠᠷ ᠠᠴᠠ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠺᠠᠳ᠋ᠷ ᠠᠵᠢᠯᠴᠢᠳ᠂ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠭᠡᠰᠢᠬᠦᠳ  ᠨᠢ ᠡᠨᠡ ᠰᠢᠭᠤᠢ ᠶᠢ ᠨᠢ ᠰᠤᠨᠢᠷᠬᠠᠬᠤ ᠶᠡᠭᠡ ᠲᠤᠷᠠᠲᠠᠢ ᠰᠡᠨ︾ ᠬᠡᠮᠡᠨ ᠤᠴᠢᠷᠯᠠᠨ ᠪᠠᠶᠢᠭᠰᠠᠨ ᠪᠢᠯᠨ᠃ ᠬᠤᠶᠠᠷ ᠨᠠᠰᠤᠲᠠᠨ ᠮᠠᠨᠢ ᠠᠮᠢᠳᠤᠷᠠᠯ ᠤᠨ ᠡᠯᠨ ᠬᠠᠯᠨ ᠶᠢ ᠠᠮᠰᠠᠵᠤ ᠬᠦᠢᠴᠡᠭᠰᠡᠨ ᠳ᠋ᠡ᠃ ᠳ᠋ᠡᠯᠭᠡ ᠭᠤᠸᠠᠢ ᠵᠠᠯᠠᠭᠤ ᠳᠠᠭᠠᠨ ᠦᠢᠯᠡᠳᠪᠤᠷᠢ ᠳᠤ ᠬᠦᠨᠳᠤ ᠶᠠᠭᠤᠮ᠎ᠠ ᠡᠷᠬᠦᠭᠰᠡᠨ ᠠᠴᠠ ᠪᠤᠯᠵᠤ᠂ ᠨᠢᠷᠤᠭᠤᠨ ᠤ ᠬᠦᠨᠳᠤ ᠠᠷᠬᠠᠭ ᠰᠠᠭᠤᠭᠰᠠᠨ ᠶᠤᠮ᠃ ᠪᠠᠰᠨ ᠬᠦᠬᠦᠨ ᠤ ᠦᠮᠡᠨ ᠤᠯᠵᠤ᠂  ᠮᠠᠰᠨ ᠵᠠᠰᠠᠯ ᠬᠢᠯᠭᠡᠭᠰᠡᠨ ᠶᠤᠮ᠃ ᠰᠦᠭᠡ ᠭᠤᠸᠠᠢ 2000 ᠤ ᠪᠠᠷᠤᠭ ᠢᠶᠠᠷ ᠰᠢᠬᠢᠷ ᠰᠢᠵᠢᠩ ᠡᠪᠡᠳᠴᠢᠨ ᠤᠯᠵᠤ᠂ ᠡᠳᠤᠷ ᠪᠤᠯᠭᠠᠨ ᠬᠤᠶᠠᠷ ᠤᠲᠠᠭ᠎ᠠ ᠵᠡᠬᠦᠤ ᠲᠠᠷᠢᠬᠤ ᠭᠡᠷᠡᠭ ᠲᠠᠢ ᠪᠤᠯᠵᠠᠢ᠃ ᠰᠦᠭᠡ ᠭᠤᠸᠠᠢ ᠲᠠᠮᠤᠷ ᠲᠤᠤᠷ ᠵᠠᠰᠠᠵᠤ ᠪᠠᠶᠢᠬᠤ ᠳᠤ᠂ ᠳ᠋ᠡᠯᠭᠡ ᠭᠤᠸᠠᠢ ᠲᠠᠮᠤᠷ ᠭᠠᠩᠨᠠᠵᠤ ᠪᠠᠶᠢᠭᠠᠳ᠂ ᠨᠢᠳᠤ ᠨᠢ ᠪᠠᠯᠠᠷᠠᠵᠤ ᠡᠰᠡᠯᠨ ᠬᠠᠷᠠᠭ᠎ᠠ ᠪᠠᠨ ᠠᠯᠲᠠᠴᠢᠬᠠᠬᠤ ᠰᠢᠬᠠᠭᠰᠠᠨ ᠶᠤᠮ᠃ ᠲᠡᠲᠡ ᠪᠠᠰᠨ ᠬᠦᠭᠡᠷᠦᠬᠦᠨ ᠦᠷ᠎ᠡ ᠪᠠᠨ ᠠᠯᠲᠠᠬᠤ ᠶᠢᠨ ᠬᠦᠨᠳᠤ ᠭᠤᠨᠢᠭ ᠲᠤ ᠲᠠᠷᠤᠭᠲᠠᠵᠤ ᠦᠩᠭᠡᠷᠡᠭᠰᠡᠨ ᠶᠤᠮ ᠁ ᠬᠠᠯᠠᠭᠤᠨ ᠬᠦᠯᠦᠰᠤ ᠪᠠᠷ ᠨᠢ ᠤᠮᠲᠠᠯᠠᠭᠲᠠᠭᠰᠠᠨ ᠵᠠᠭ ᠮᠤᠳᠤ᠂  ᠤᠲᠠ ᠮᠤᠳᠤ᠂ ᠬᠠᠶᠢᠯᠠᠰᠤᠨ ᠮᠤᠳᠤ᠂ ᠴᠢᠪᠠᠭᠠᠨ ᠮᠤᠳᠤᠳ ᠨᠢ ᠲᠠᠲᠠ ᠬᠤᠶᠠᠷ  ᠤᠨ ᠰᠡᠳᠬᠢᠯ ᠢ ᠨᠢ ᠠᠮᠤᠭᠤᠯᠬᠤ ᠤᠢ ᠬᠦᠪᠴᠢ ᠪᠤᠯᠴᠢᠬᠠᠵᠠᠢ᠃     2006 ᠤᠨ ᠳᠤ᠂ ᠰᠦᠭᠡ ᠭᠤᠸᠠᠢ ᠰᠡᠯᠬᠢᠨ ᠬᠦᠴᠦ ᠪᠠᠷ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠮᠠᠰᠢᠨ ᠤᠭᠰᠠᠷᠠᠵᠤ᠂  ᠲᠤᠩᠭᠠᠯᠠᠭ ᠭᠡᠷᠡᠯ ᠲᠠᠢ ᠰᠦᠨᠢ ᠪᠠ ᠰᠡᠷᠢᠬᠦᠨ ᠵᠤᠨ ᠲᠠᠢ ᠵᠤᠯᠭᠠᠵᠠᠢ᠃ 2009 ᠤᠨ ᠳᠤ ᠬᠠᠷ᠎ᠠ ᠬᠤᠲᠠ ᠬᠦᠷᠬᠦ ᠵᠠᠰᠠᠮᠠᠯ ᠵᠠᠮ ᠨᠡᠪᠲᠡᠷᠡᠵᠤ᠂ ᠶᠠᠪᠤᠵᠤ ᠰᠠᠭᠤᠬᠤ   ᠳᠤᠨᠢ ᠮᠠᠰᠢ ᠲᠦᠬᠦᠮ ᠲᠦᠲᠡ ᠪᠤᠯᠪᠠ᠃ 2012 ᠤᠨ ᠳᠤ᠂ ᠠᠯᠠᠱᠨ ᠠᠶᠢᠮᠠᠭ ᠤᠨ ᠨᠠᠮ ᠤᠨ ᠬᠤᠷᠢᠶᠠᠨ ᠠᠴᠠ ᠰᠦᠭᠡ ᠨᠠᠰᠤᠲᠠᠨ ᠳᠤ ᠰᠡᠯᠬᠢ ᠪᠠ ᠨᠠᠷᠠᠨ ᠤ ᠭᠡᠷᠡᠯ ᠢᠶᠠᠷ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠲᠦᠬᠦᠭᠡᠷᠦᠮᠵᠢ ᠲᠤᠬᠢᠷᠠᠭᠤᠯᠵᠤ ᠦᠭᠬᠦᠭᠰᠡᠨ ᠢᠶᠠᠷ ᠡᠯᠡᠰᠤᠨ ᠮᠤᠬᠤᠷ ᠲᠠᠬᠢ ᠠᠮᠢᠳᠤᠷᠠᠯ ᠤᠨ ᠨᠦᠬᠦᠴᠡᠯ ᠨᠢ ᠮᠠᠰᠢ ᠰᠠᠶᠢᠵᠢᠷᠠᠭᠰᠠᠨ ᠪᠢᠯᠨ᠃ᠰᠦᠭᠡ ᠭᠤᠸᠠᠢ ᠲᠢᠩᠬᠢᠮ ᠤᠨ ᠲᠠᠰ ᠤᠨ ᠺᠠᠳ᠋ᠷ ᠪᠠᠶᠢᠵᠤ ᠦᠩᠭᠡᠷᠡᠯ᠎ᠡ ᠴᠤ᠂ ᠠᠮᠢᠳᠤᠷᠠᠯ ᠨᠢ ᠲᠡᠳᠤᠶᠢᠯᠨ ᠲᠡᠩᠰᠤᠭ ᠪᠢᠰᠢ ᠪᠢᠯᠨ᠃     ᠲᠠᠷᠨ ᠮᠦᠩᠬᠦ ᠪᠠᠨ ᠠᠷᠪᠢᠯᠠᠬᠤ ᠶᠢᠨ ᠲᠦᠯᠦᠭᠡᠨ᠎ᠡ᠂ ᠬᠠᠭᠤᠴᠢᠨ ᠮᠠᠰᠢᠨ ᠲᠤᠨᠤᠭ ᠢ ᠤᠯᠠᠨ ᠵᠠᠷᠤᠵᠤ ᠦᠩᠭᠡᠷᠡᠵᠡᠢ᠃ ᠡᠭᠡᠴᠢ ᠰᠤᠳᠨᠠᠮ ᠨᠢ᠄ ︽ᠮᠢᠨᠤ ᠲᠡᠬᠦᠤ ᠶᠢᠨ ᠶᠠᠲᠠᠷᠠᠵᠤ ᠵᠦᠲᠡᠷᠡᠵᠤ ᠪᠠᠶᠢᠬᠤ ᠢ  ᠬᠠᠷᠠᠯ ᠳ᠋ᠡ᠂ ᠬᠠᠷᠠᠯᠠᠵᠤ ᠪᠤᠷᠤᠯᠠᠭᠠᠳ᠂ ᠲᠢᠩᠬᠢᠮ ᠤᠨ ᠲᠠᠰ ᠤᠨ ᠺᠠᠳ᠋ᠷ ᠤᠨ ᠮᠠᠶ᠋ᠢᠭ ᠪᠠᠶᠢᠨ᠎ᠠ ᠤᠤ︖  ᠮᠠᠨ ᠤ  ᠡᠵᠡᠨ᠎ᠡ ᠶᠢᠨ ᠮᠠᠯᠴᠢᠳ ᠴᠤ ᠭᠡᠰᠡᠨ ᠲᠡᠬᠦᠨ ᠠᠴᠠ ᠴᠠᠭᠠᠨ ᠭᠡᠭᠡᠭᠡᠨ ᠳ᠋ᠡ︾  ᠬᠡᠮᠡᠨ ᠬᠡᠯᠡᠵᠤ ᠦᠩᠭᠡᠷᠡᠭᠰᠡᠨ ᠭᠡᠲᠡᠭ᠃  ᠰᠦᠭᠡ ᠭᠤᠸᠠᠢ ᠶᠢᠨ ᠵᠢᠳᠬᠦᠯ ᠴᠢᠷᠮᠠᠶᠢᠯᠭ᠎ᠠ ᠨᠢ ᠮᠠᠰᠢ ᠤᠯᠠᠨ ᠰᠠᠶᠢᠨ ᠲᠤᠷᠠᠴᠤᠳ ᠤᠨ ᠰᠡᠳᠬᠢᠯ ᠢ ᠬᠦᠲᠡᠯᠭᠡᠵᠡᠢ᠃ ᠲᠠᠲᠠ ᠪᠠᠶᠢᠨ ᠲᠡᠬᠢᠨ ᠢᠷᠠᠵᠤ ᠮᠤᠳᠤ ᠲᠠᠷᠢᠬᠤ ᠳᠤᠨᠢ ᠬᠠᠪᠰᠤᠷᠴᠤ ᠪᠠᠶᠢᠪᠠ᠃  ᠰᠦᠭᠡ ᠭᠤᠸᠠᠢ᠄ ︽ᠪᠢ ᠵᠢᠯ ᠪᠤᠯᠭᠠᠨ ᠮᠤᠳᠤ ᠲᠠᠷᠢᠬᠤ ᠳᠠᠭᠠᠨ ᠭᠤᠷᠪᠠᠨ ᠲᠦᠮᠡᠨ ᠲᠦᠬᠦᠷᠢᠭ ᠵᠠᠷᠤᠨ᠎ᠠ᠃ ᠡᠵᠡᠨ᠎ᠡ ᠬᠤᠰᠢᠭᠤᠨ ᠠᠴᠠ ᠵᠢᠷᠭᠤᠭᠠᠨ ᠲᠦᠮᠡᠨ ᠲᠦᠬᠦᠷᠢᠭ ᠦᠭᠬᠦᠭᠰᠡᠨ ᠪᠢᠯᠨ᠃ ᠶᠠᠫᠤᠨ ᠬᠦᠷᠦᠨ ᠠᠴᠠ ᠭᠤᠷᠪᠠᠨ ᠲᠦᠮᠡᠨ ᠲᠦᠬᠦᠷᠢᠭ ᠦᠭᠬᠦᠭᠰᠡᠨ ᠶᠤᠮ᠃ ᠪᠢᠲᠠ ᠦᠷᠬᠦᠯᠵᠢᠯᠠᠨ ᠴᠢᠷᠮᠠᠶᠢᠬᠤ ᠴᠢᠬᠤᠯᠠᠲᠠᠢ᠃ ᠨᠠᠮ ᠵᠠᠰᠠᠭ ᠤᠨ ᠢᠶᠠᠨ ᠢᠲᠡᠭᠡᠯ ᠨᠠᠶᠢᠲᠠᠯᠭ᠎ᠠ ᠶᠢ ᠨᠢ ᠬᠦᠰᠡᠷᠲᠡᠬᠦᠯᠵᠤ ᠪᠤᠯᠬᠤ ᠦᠭᠡᠢ ᠶᠤᠮ᠃ ᠨᠠᠮ ᠤᠨ ᠭᠡᠰᠢᠬᠦᠨ ᠤ ᠰᠦᠷ ᠵᠢᠪᠬᠤᠭ᠎ᠠ  ᠪᠠ ᠢᠲᠡᠭᠡᠯ ᠬᠦᠴᠦ ᠶᠢ ᠬᠦᠢᠴᠡᠳ ᠪᠠᠲᠠᠷᠠᠭᠠᠬᠤ ᠶᠤᠰᠤᠲᠠᠢ ᠶᠤᠮ︾ ᠭᠡᠰᠡᠨ ᠪᠢᠯᠨ᠃ᠨᠤᠮᠢᠨ ᠨᠤᠭᠤᠭᠠᠨ ᠵᠠᠭ ᠤᠨ ᠤᠢ ᠶᠢᠨ ᠲᠦᠯᠦᠭᠡᠨ᠎ᠡ       ᠲᠡᠭᠡᠷ᠎ᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠤ ᠦᠶ᠎ᠡ ᠳᠤ᠂ ᠬᠠᠷ᠎ᠠ ᠬᠤᠲᠠᠨ᠎ᠠ  ᠦᠷᠭᠡᠨ ᠶᠡᠭᠡ ᠵᠠᠭ ᠤᠨ ᠤᠢ   ᠲᠠᠢ  ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠷᠨ ᠦᠶ᠎ᠡ ᠳᠤ ᠮᠠᠯᠴᠢᠳ ᠨᠢ ᠵᠠᠭ ᠢ ᠲᠦᠯᠡᠰᠢ ᠪᠤᠯᠭᠠᠨ ᠲᠠᠲᠠᠲᠠᠭ ᠪᠠᠶᠢᠵᠠᠢ᠃ ᠦᠢᠯᠡᠳᠪᠤᠷᠢᠯᠠᠯ ᠤᠨ ᠪᠠᠷᠢᠭᠠᠲᠠ ᠶᠢᠨ ᠢᠶᠠᠨ ᠤᠷᠤᠯᠭ᠎ᠠ ᠶᠢ  ᠨᠡᠮᠡᠭᠲᠡᠬᠦᠯᠬᠦ ᠶᠢᠨ  ᠲᠦᠯᠦᠬᠡᠨ᠎ᠡ᠂ ᠰᠦᠭᠡ ᠮᠠᠯᠴᠢᠳ  ᠢᠶᠠᠨ ᠲᠠᠭᠠᠭᠤᠯᠤᠨ᠂ ᠵᠠᠭ ᠤᠨ ᠲᠦᠯᠡᠰᠢ ᠲᠠᠲᠠᠵᠤ᠂ ᠬᠤᠲᠠ ᠤᠷᠤᠵᠤ ᠵᠤᠭᠤᠰ ᠬᠤᠪᠢᠯᠭᠠᠲᠠᠭ ᠪᠠᠶᠢᠪᠠ᠃ ᠦᠭᠡᠷ᠎ᠡ ᠬᠦᠮᠦᠨ ᠤ ᠲᠠᠮᠡᠭᠡᠨ ᠠᠴᠢᠶ᠎ᠠ ᠨᠢ 400 ᠵᠢᠩ ᠵᠠᠭ ᠠᠴᠢᠲᠠᠭ ᠪᠤᠯ᠂ ᠰᠦᠭᠡ ᠶᠢᠨ  ᠲᠡᠮᠡᠭᠡᠨ ᠠᠴᠢᠶ᠎ᠠ ᠨᠢ 500 ᠵᠢᠩ ᠠᠴᠢᠲᠠᠭ ᠪᠠᠶᠢᠪᠠ᠃ 1965 ᠤᠨ ᠳᠤ᠂ ᠰᠦᠭᠡ ᠶᠢᠨ ᠭᠠᠴᠠᠭ᠎ᠠ ᠨᠢ 60  ᠲᠦᠮᠡᠨ ᠵᠢᠩ ᠪᠤᠲᠠᠭ᠎ᠠ ᠬᠤᠷᠢᠶᠠᠵᠤ᠂ ᠮᠠᠯᠴᠢᠳ ᠤᠨ ᠡᠳᠤᠷ ᠤᠨ ᠤᠷᠤᠯᠭ᠎ᠠ ᠨᠢ ᠲᠦᠴᠢᠨ ᠮᠦᠩᠬᠦ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠨᠢᠭᠡ ᠲᠦᠬᠦᠷᠢᠭ ᠪᠤᠯᠤᠨ ᠨᠡᠮᠡᠭᠲᠡᠭᠰᠡᠨ ᠪᠢᠯᠨ᠃ ᠲᠡᠷᠨ ᠦᠶ᠎ᠡ ᠳᠤ ᠭᠠᠴᠠᠭᠠᠨ ᠶᠢᠨ ᠮᠠᠯᠴᠢᠳ ᠤᠨ ᠰᠠᠷ᠎ᠠ ᠶᠢᠨ ᠬᠦᠨᠡᠰᠤ ᠨᠢ 28 ᠵᠢᠩ ᠲᠡᠳᠤᠢ ᠪᠠᠶᠢᠵᠠᠢ᠃ ᠰᠦᠭᠡ ᠮᠠᠯᠴᠢᠳ ᠢᠶᠠᠨ ᠲᠠᠭᠠᠭᠤᠯᠤᠨ 3000 ᠮᠤ᠋ ᠠᠲᠠᠷ ᠬᠠᠭᠠᠯᠪᠤᠷᠢᠯᠠᠵᠤ᠂  ᠵᠠᠭ ᠤᠨ ᠲᠦᠯᠡᠭᠡ ᠬᠤᠲᠠᠯᠳᠤᠨ᠂ ᠤᠷᠤᠯᠭ᠎ᠠ ᠪᠠᠨ ᠨᠡᠮᠡᠭᠲᠡᠬᠦᠯᠵᠤ ᠪᠠᠶᠢᠯ᠎ᠠ᠃      ᠰᠦᠭᠡ ᠭᠤᠸᠠᠢ᠄ ︽ᠲᠡᠷᠨ ᠦᠶ᠎ᠡ ᠳᠤ᠂ ᠮᠠᠯᠴᠢᠳ ᠮᠢᠨᠢ ᠰᠠᠷ᠎ᠠ ᠪᠤᠯᠭᠠᠨ ᠵᠠᠭᠤᠨ ᠵᠢᠩ ᠪᠤᠲᠠᠭ᠎ᠠ ᠢᠲᠡᠯ᠎ᠡ ᠴᠤ ᠭᠡᠰᠡᠨ ᠮᠠᠨ ᠤ ᠠᠮᠤ  ᠬᠦᠨᠡᠰᠤ ᠨᠢ ᠬᠦᠢᠴᠡᠯᠳᠤᠬᠦ ᠪᠠᠶᠢᠭᠰᠠᠨ︾ ᠭᠡᠵᠤ ᠪᠢᠯᠨ᠃ ᠢᠩᠬᠢᠭᠡᠳ ᠠᠯᠠᠱᠨ ᠶᠢᠨ ᠰᠤᠪᠠᠨᠠᠭᠤᠷ ᠰᠤᠮᠤ ᠶᠢᠨ ᠠᠯᠲᠠᠷ ᠨᠠᠷ᠎ᠠ ᠨᠢ ᠤᠯᠤᠰ ᠲᠠᠶᠠᠭᠠᠷ ᠲᠠᠭᠤᠷᠢᠰᠴᠤ ᠡᠬᠢᠯᠡᠵᠡᠢ᠃ ︽ᠠᠷᠠᠳ ᠤᠨ ᠡᠳᠤᠷ  ᠤᠨ ᠰᠤᠨᠢᠨ︾᠂ ︽ᠭᠠᠨᠰᠤ ᠶᠢᠨ ᠡᠳᠤᠷ ᠤᠨ ᠰᠤᠨᠢᠨ︾ ᠵᠡᠷᠭᠡ ᠰᠤᠨᠢᠨ ᠰᠡᠳᠬᠦᠯ ᠨᠢ  ︽ᠮᠠᠯᠴᠢᠳ ᠲᠠᠸᠠᠷ ᠤᠨ ᠠᠮᠤ ᠪᠤᠲᠠᠭ᠎ᠠ ᠢᠲᠡᠬᠦ ᠪᠠᠨ ᠪᠠᠶᠢᠵᠠᠢ᠃ ᠰᠤᠪᠠᠨᠠᠭᠤᠷ ᠰᠤᠮᠤ ᠶᠢᠨ ᠮᠠᠯᠴᠢᠳ ᠨᠢ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠶᠡᠭᠡᠪᠡᠷ ᠬᠦᠭᠵᠢᠬᠦᠯᠬᠦ ᠶᠢᠨ ᠵᠡᠷᠭᠡᠲᠡ᠂  ᠵᠤᠬᠢᠰᠲᠡᠢ ᠪᠠᠷ  ᠲᠠᠷᠢᠶᠠᠯᠠᠵᠤ ᠡᠬᠢᠯᠡᠭᠡᠳ᠂  ᠲᠠᠷᠢᠶᠠᠯᠠᠩ ᠪᠠ ᠮᠠᠯ ᠠᠵᠤ ᠠᠬᠤᠢ ᠨᠢ ᠵᠡᠷᠭᠡᠪᠡᠷ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠤᠯᠤᠯ᠎ᠠ︾ ᠬᠡᠮᠡᠨ ᠵᠠᠯᠭ᠎ᠠ ᠵᠠᠯᠭᠠᠪᠠᠷ ᠮᠡᠲᠡᠭᠡᠯᠡᠵᠤ ᠡᠬᠢᠯᠡᠵᠡᠢ᠃     ᠰᠦᠭᠡ ᠭᠤᠸᠠᠢ᠄ ︽ᠲᠡᠷᠨ ᠦᠶ᠎ᠡ ᠳᠤ ᠤᠷᠴᠢᠨ ᠠᠬᠤᠢ ᠶᠢ ᠬᠠᠮᠠᠭᠠᠯᠠᠬᠤ ᠶᠢ ᠲᠡᠳᠤᠶᠢᠯᠨ ᠠᠩᠬᠠᠷᠴᠤ ᠪᠠᠶᠢᠭ᠎ᠠ ᠦᠭᠡᠢ᠃ ᠮᠠᠯᠴᠢᠳ ᠢᠶᠠᠨ ᠢᠲᠠᠵᠤ ᠡᠮᠦᠰᠬᠦ ᠳᠤᠨᠢ ᠵᠦᠪ ᠪᠤᠯᠭᠠᠬᠤ ᠰᠡᠨ ᠭᠡᠵᠤ ᠵᠢᠳᠬᠦᠵᠤ ᠪᠠᠶᠢᠪᠠ᠃ ᠤᠳᠤ ᠪᠢ ᠴᠢᠨᠢ ᠠᠷᠪᠠᠨ ᠬᠡᠳᠤᠨ ᠵᠢᠯ ᠵᠢᠳᠬᠦᠵᠤ ᠪᠠᠶᠢᠮᠠᠨᠵᠢᠨ ᠰᠠᠶ᠋ᠢ 3000 ᠢᠯᠡᠬᠦᠤ ᠮᠤ᠋ ᠵᠠᠭ ᠤᠨ ᠤᠢ ᠲᠠᠢ ᠪᠤᠯᠵᠤ᠂ ᠡᠯᠡᠰᠤ  ᠮᠠᠩᠬ᠎ᠠ ᠪᠠᠨ ᠨᠤᠭᠤᠭᠠᠷᠠᠭᠤᠯᠬᠤ ᠭᠡᠰᠡᠨ ᠵᠤᠷᠢᠯᠭ᠎ᠠ ᠳᠠᠭᠠᠨ ᠬᠦᠷᠴᠤ ᠡᠬᠢᠯᠡᠯ᠎ᠡ︾ ᠭᠡᠮᠡᠨ ᠰᠡᠳᠬᠢᠯ ᠠᠭᠤᠵᠢᠷᠠᠨ ᠬᠡᠯᠡᠭᠰᠡᠨ ᠶᠤᠮ᠃     ᠰᠦᠭᠡ ᠭᠤᠸᠠᠢ ᠮᠠᠰᠢ ᠪᠤᠷᠤᠭᠵᠢᠭᠤᠨ ᠵᠠᠩ ᠲᠠᠢ᠂ ᠬᠤᠪᠴᠠᠰᠤ ᠬᠤᠨᠠᠷ ᠨᠢ ᠴᠡᠪᠡᠷ ᠲᠡᠭᠰᠢᠭᠡᠨ᠂ ᠬᠤᠭᠤᠯᠨ ᠬᠤᠰᠢ ᠨᠢ ᠲᠦᠬᠦᠮ ᠲᠦᠲᠡ ᠪᠠᠶᠢᠭᠰᠠᠨ ᠴᠤ ᠰᠡᠳᠬᠢᠯ ᠨᠢ ᠬᠠᠨᠤᠴᠢᠬᠠᠲᠠᠭ᠃ ᠲᠠᠭᠠᠨ᠎ᠠ ᠪᠠᠷ ᠠᠮᠲᠠᠯᠠᠭᠰᠠᠨ ᠭᠤᠯᠢᠷ ᠬᠤᠭᠤᠯᠨ ᠪᠠᠷ ᠨᠢᠭᠡ ᠡᠷᠡᠨ ᠤ ᠬᠤᠭᠤᠯᠨ ᠪᠠᠨ ᠡᠪᠯᠡᠬᠦᠯᠴᠢᠭᠡᠲᠡᠭ᠃ ᠭᠡᠲᠡᠯ᠎ᠡ ᠮᠠᠯᠴᠢᠳ ᠢ ᠲᠤᠰᠠᠯᠠᠬᠤ ᠭᠡᠪᠡᠯ ᠰᠦᠭᠡ ᠭᠤᠸᠠᠢ ᠮᠠᠰᠢ ᠨᠡᠷᠢᠨ ᠨᠢᠮᠪᠠᠢ ᠪᠠᠶᠢᠲᠠᠭ ᠰᠢᠤ᠃ ᠡᠵᠡᠨ᠎ᠡ ᠨᠢ ᠲᠠᠪᠤᠨ ᠰᠤᠮᠤ᠂ ᠭᠤᠷᠪᠠᠨ ᠪᠠᠯᠭᠠᠰᠤ ᠲᠠᠢ᠃ ᠬᠠᠷ᠎ᠠ ᠬᠤᠲᠠ ᠠᠴᠠ ᠤᠶᠢᠷᠠᠬᠠᠨ ᠪᠠᠶᠢᠭ᠎ᠠ ᠨᠢ ᠪᠦᠷ ᠯᠡ ᠰᠦᠭᠡ ᠭᠤᠸᠠᠢ ᠶᠢᠨ ᠬᠢᠨ ᠠᠴᠠ ᠦᠷ᠎ᠡ ᠮᠤᠳᠤ ᠪᠠᠨ ᠠᠪᠲᠠᠭ᠃ ᠮᠠᠯᠴᠢᠳ ᠨᠢ ᠲᠡᠷᠭᠡ ᠤᠨᠤᠭ᠎ᠠ ᠪᠠᠷ ᠢᠶᠠᠨ ᠲᠠᠪᠬᠢᠵᠤ ᠢᠷᠡᠭᠡᠳ ᠯᠡ᠂ ᠦᠷ᠎ᠡ ᠮᠤᠳᠤ ᠪᠠᠨ ᠲᠡᠭᠡᠭᠡᠭᠡᠳ ᠶᠠᠪᠤᠴᠢᠬᠠᠲᠠᠭ ᠃ ᠰᠦᠭᠡ ᠭᠤᠸᠠᠢ ᠮᠦᠩᠬᠦ ᠲᠦᠬᠦᠷᠢᠭ ᠠᠪᠬᠤ ᠦᠭᠡᠢ ᠮᠦᠷᠲᠡᠭᠡᠨ ᠲᠠᠷᠢᠵᠤ ᠡᠳ᠋ᠯᠡᠬᠦ ᠠᠷᠭ᠎ᠠ ᠪᠠᠨ ᠵᠢᠭᠠᠵᠤ ᠦᠭᠬᠦᠭᠡᠳ ᠶᠠᠪᠤᠭᠤᠯᠲᠠᠭ᠃     2011 ᠤᠨ ᠳᠤ  ᠪᠤᠷᠤ — ᠠᠭᠤᠯᠨ ᠭᠠᠴᠠᠭᠠᠨ ᠤ  ᠱᠦᠵᠢ ᠨᠢ ᠦᠷ᠎ᠠ ᠮᠤᠳᠤ  ᠬᠤᠳᠠᠯᠳᠤᠨ ᠠᠪᠬᠤ  ᠳᠤᠨᠢ᠂ ᠰᠦᠭᠡ ᠭᠤᠸᠠᠢ ᠪᠠᠰᠨ ᠨᠡᠯᠢᠶᠠᠳ ᠤᠯᠠᠨ ᠢ ᠨᠡᠮᠡᠵᠤ ᠦᠭᠬᠦᠭᠡᠳ ᠶᠠᠪᠤᠭᠤᠯᠤᠭᠰᠠᠨ ᠶᠤᠮ᠃      ᠰᠦᠭᠡ ᠭᠤᠸᠠᠢ ᠶᠢᠨ ᠵᠢᠭᠠᠨ ᠵᠢᠯᠤᠭᠤᠳᠤᠯᠭ᠎ᠠ ᠪᠠᠷ ᠮᠠᠯᠴᠢᠨ ᠰᠡᠷᠬᠦᠯᠠᠩ  ᠭᠡᠳᠤᠨ ᠲᠦᠮᠡᠨ ᠵᠠᠭ ᠤᠨ ᠮᠤᠳᠤ  ᠲᠠᠢ ᠪᠤᠯᠴᠢᠬᠠᠭᠠᠳ᠂  ᠪᠠᠶᠠᠨ ᠲᠠᠩᠰᠤᠭ ᠠᠮᠢᠳᠤᠷᠠᠯ   ᠢᠶᠠᠨ ᠴᠤᠭᠴᠠᠯᠠᠭᠰᠠᠨ ᠶᠤᠮ᠂ ᠰᠦᠭᠡ ᠭᠤᠸᠠᠢ ᠶᠢᠨ ᠠᠴᠢ ᠲᠤᠰᠨ ᠶᠢ ᠰᠡᠷᠬᠦᠯᠡᠩ ᠦᠷᠬᠦᠯᠵᠢ ᠲᠤᠷᠠᠰᠴᠤ ᠶᠠᠪᠤᠲᠠᠭ ᠪᠢᠯᠨ᠃ ᠠᠷᠢᠭᠤᠨ  ᠦᠢᠯᠡᠰ ᠤᠨ ᠨᠠᠨᠳᠢᠨ ᠦᠪ    ᠵᠠᠭ ᠤᠨ ᠤᠢ ᠨᠢ ᠬᠠᠷ᠎ᠠ ᠬᠤᠲᠠ ᠳᠠᠭᠠᠨ  ᠦᠩᠭᠡ ᠬᠢᠯᠪᠠᠭ᠎ᠠ  ᠨᠡᠮᠡᠷᠢᠯᠠᠵᠤ᠂ ᠵᠠᠯᠠᠭᠤᠬᠠᠨ ᠤᠢ ᠨᠢ ᠬᠠᠭᠤᠴᠢᠨ ᠬᠤᠲᠠ ᠶᠢᠨ ᠢᠶᠠᠨ ᠭᠡᠭᠡᠨ ᠵᠢᠮᠰᠡᠭ ᠪᠤᠯᠵᠠᠢ᠃ ᠰᠦᠭᠡ ᠭᠤᠸᠠᠢ ᠠᠷᠪᠠᠨ ᠬᠡᠳᠤᠨ ᠵᠢᠯ ᠬᠠᠯᠠᠭᠤᠨ ᠬᠦᠯᠦᠰᠤ ᠪᠠᠨ ᠤᠷᠤᠰᠬᠠᠵᠤ ᠪᠠᠶᠢᠮᠡᠨ᠂ ᠡᠯᠡᠰᠤᠨ ᠨᠤᠳᠤᠭ ᠢᠶᠠᠨ  ᠨᠤᠮᠢᠨ ᠲᠠᠯᠠᠢ  ᠪᠤᠯᠭᠠᠭᠰᠠᠨ ᠶᠤᠮ᠃ ᠤᠶᠢᠷ᠎ᠠ ᠲᠤᠭᠤᠷᠢᠨ ᠤ ᠬᠢᠨᠢ ᠮᠠᠯᠴᠢᠳ ᠨᠢ ᠰᠦᠭᠡ ᠭᠤᠸᠠᠢ ᠶᠢᠨ ᠠᠵᠢᠯ ᠦᠢᠯᠡᠰ ᠢ ᠨᠢ ᠮᠠᠰᠢ ᠶᠡᠭᠡᠪᠡᠷ ᠤᠶᠢᠯᠠᠭᠠᠵᠤ᠂ ᠴᠢᠩ ᠰᠡᠳᠬᠢᠯ  ᠠᠴᠠ ᠪᠠᠨ ᠲᠠᠮᠵᠢᠲᠡᠭ ᠪᠤᠯᠵᠠᠢ᠃ ᠲᠦᠷᠪᠠᠨ ᠵᠦᠭ ᠨᠠᠢᠮᠠᠨ ᠵᠤᠪᠬᠢᠰ ᠤᠨ ᠰᠠᠶᠢᠨ ᠲᠤᠷᠠᠴᠤᠳ ᠴᠤ ᠬᠦᠷᠦᠯᠴᠠᠨ ᠢᠷᠠᠵᠤ᠂ ᠬᠦᠴᠦᠨ ᠴᠢᠲᠠᠯ ᠢᠶᠠᠨ ᠬᠠᠷᠠᠮ ᠦᠭᠡᠢ ᠡᠷᠬᠦᠲᠡᠭ ᠪᠤᠯᠵᠠᠢ᠃ ᠡᠯ᠎ᠡ ᠱᠠᠳᠤᠨ ᠤ ᠨᠠᠮ ᠵᠠᠰᠠᠭ ᠨᠢ ᠴᠤ ᠰᠦᠭᠡ ᠭᠤᠸᠠᠢ ᠶᠢ ᠮᠠᠰᠢ ᠶᠡᠭᠡᠪᠡᠷ ᠠᠩᠬᠠᠷᠤᠨ ᠬᠠᠯᠠᠮᠵᠢᠯᠠᠵᠤ ᠪᠠᠶᠢᠯ᠎ᠠ᠃ ᠰᠦᠭᠡ ᠭᠤᠸᠠᠢ ᠲᠦᠷᠦ ᠬᠦᠷᠦᠨ   ᠤ ᠪᠠᠨ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ ᠢ ᠴᠤ ᠤᠯᠠᠨ ᠬᠦᠷᠲᠡᠵᠡᠢ᠃ ︽ᠪᠦᠬᠦ ᠤᠯᠤᠰ ᠤᠨ ᠴᠠᠭ ᠦᠶ᠎ᠡ ᠶᠢᠨ ᠬᠤᠰᠢᠭᠤᠴᠢ︾᠂ ︽ᠪᠦᠬᠦ ᠤᠯᠤᠰ ᠤᠨ ᠰᠢᠯᠢᠲᠡᠭ ᠠᠬᠠᠮᠠᠳ ᠺᠠᠳ᠋ᠷ︾ ᠵᠡᠷᠭᠡ ᠤᠯᠤᠰ ᠤᠨ ᠲᠠᠰ ᠤᠨ ᠱᠠᠩᠨᠠᠯ ᠡᠷᠬᠦᠮᠵᠢᠯᠠᠯ ᠢ ᠴᠤ ᠬᠦᠷᠲᠡᠵᠡᠢ᠃     ᠰᠦᠭᠡ ᠭᠤᠸᠠᠢ  ᠄ ︽ᠠᠯᠲᠠᠷ ᠴᠤᠯᠨ ᠭᠡᠲᠡᠭ ᠴᠢᠨᠢ ᠬᠢᠵᠤ ᠪᠦᠲᠦᠭᠡᠭᠰᠡᠨ ᠵᠦᠢᠯ ᠳᠤ ᠴᠢᠨᠢ ᠵᠤᠷᠢᠭᠤᠯᠤᠭᠰᠠᠨ ᠮᠠᠭᠲᠠᠭᠠᠯ ᠶᠤᠮ᠃ ᠪᠢ ᠬᠠᠷᠢᠨ ᠬᠤᠵᠢᠮ ᠤᠨ ᠲᠤᠬᠠᠢ ᠶᠡᠭᠡ ᠰᠠᠨᠠᠭᠠᠰᠢᠷᠠᠵᠤ ᠪᠠᠶᠢᠨ᠎ᠠ᠃  ᠵᠠᠭ   ᠤᠨ ᠤᠢ ᠪᠠᠨ ᠬᠡᠷᠬᠢᠨ ᠬᠠᠮᠠᠭᠠᠯᠠᠨ᠎ᠠ ᠭᠡᠲᠡᠭ ᠪᠤᠯ ᠮᠠᠰᠢ ᠴᠢᠬᠤᠯᠨ ᠤᠴᠢᠷ ᠶᠤᠮ᠃  ᠪᠢ ᠠᠷᠪᠠᠨ ᠬᠡᠳᠤᠨ ᠵᠢᠯ ᠵᠢᠳᠬᠦᠵᠤ ᠪᠠᠶᠢᠮᠠᠨ 3000 ᠢᠯᠡᠬᠦᠤ ᠮᠤ᠋ ᠵᠠᠭ ᠤᠨ ᠤᠢ ᠲᠠᠢ ᠪᠤᠯᠵᠠᠢ᠃ ᠬᠠᠷ᠎ᠠ ᠬᠤᠲᠠ ᠶᠢᠨ ᠤᠷᠴᠢᠨ ᠠᠬᠤᠢ ᠴᠤ  ᠦᠭᠡᠷᠡᠲᠡᠭᠡᠳ ᠡᠬᠢᠯᠡᠵᠡᠢ᠃  ᠪᠢ ᠭᠤᠤᠯ ᠨᠢ ᠡᠲᠡᠭᠡᠷ ᠢᠶᠠᠨ ᠭᠡᠷᠬᠢᠨ ᠬᠠᠮᠠᠭᠠᠯᠠᠨ᠎ᠠ ᠭᠡᠲᠡᠭ ᠢ ᠡᠳᠤᠷ ᠪᠤᠯᠭᠠᠨ ᠪᠤᠳᠤᠵᠤ ᠲᠤᠩᠭᠠᠵᠤ ᠯᠡ ᠪᠠᠶᠢᠨ᠎ᠠ᠃  ᠬᠠᠷ᠎ᠠ ᠬᠤᠲᠠ ᠭᠡᠲᠡᠭ ᠴᠢᠨᠢ ᠬᠡᠮᠵᠢᠶ᠎ᠠ ᠲᠠᠢ ᠭᠠᠵᠠᠷ᠂ ᠵᠠᠭ ᠤᠨ  ᠤᠢ ᠭᠡᠲᠡᠭ ᠴᠢᠨᠢ ᠲᠤᠭ᠎ᠠ ᠲᠠᠢ ᠮᠤᠳᠤ ᠲᠠᠢ᠃  ᠵᠠᠭ᠂  ᠤᠲᠠ  ᠂ ᠴᠢᠪᠠᠭᠠᠨ ᠮᠤᠳᠤ᠂ ᠬᠠᠶᠢᠯᠠᠰᠤᠨ  ᠮᠤᠳᠤ ᠴᠢᠨᠢ ᠪᠦᠷ ᠠᠲᠠᠯᠢ ᠪᠤᠰᠤ ᠶᠢᠨ ᠠᠷᠠᠴᠢᠯᠠᠭ᠎ᠠ ᠱᠠᠭᠠᠷᠲᠠᠭᠲᠠᠨ᠎ᠠ᠃ ᠬᠤᠯᠤᠭᠠᠨ᠎ᠠ ᠭᠡᠲᠡᠭ ᠠᠮᠢᠲᠠᠨ ᠴᠢᠨᠢ ᠵᠠᠭ ᠤᠨ ᠬᠠᠯᠢᠰᠤ ᠶᠢ ᠨᠢ ᠮᠡᠷᠡᠨ᠎ᠡ᠂ ᠲᠠᠤᠯᠠᠢ  ᠨᠢ ᠦᠨᠳᠤᠰᠤ ᠶᠢ ᠨᠢ  ᠬᠡᠮᠡᠯᠢᠲᠡᠭ᠃ ᠪᠠᠰᠨ ᠭᠠᠩ ᠬᠠᠭᠰᠠᠷᠭᠠᠨ ᠪᠠ ᠰᠠᠯᠬᠢ ᠰᠢᠭᠤᠷᠭ᠎ᠠ ᠨᠢ ᠵᠠᠭ ᠶᠢᠨ ᠤᠢ ᠶᠢ ᠲᠠᠭᠠᠷᠢᠵᠤ ᠯᠡ ᠪᠠᠶᠢᠲᠠᠭ᠃ ᠪᠢ ᠠᠩᠬ᠎ᠠ ᠡᠬᠢᠯᠠᠵᠤ ᠤᠶᠢᠵᠢᠭᠤᠯᠬᠤ ᠳᠠᠭᠠᠨ ᠦᠷᠭᠡᠳᠭᠡᠬᠦ ᠶᠢ ᠶᠡᠭᠡ ᠬᠦᠰᠡᠲᠡᠭ ᠪᠠᠶᠢᠭᠰᠠᠨ᠂ ᠤᠳᠤ ᠪᠤᠯ ᠬᠠᠷᠢᠨ ᠬᠠᠮᠠᠭᠠᠯᠠᠬᠤ ᠭᠡᠲᠡᠭ ᠢ ᠨᠢ ᠲᠡᠷᠢᠬᠦᠨ ᠪᠠᠶᠢᠷᠢᠨ ᠳᠤ ᠲᠠᠯᠪᠢᠲᠠᠭ ᠪᠤᠯᠵᠠᠢ᠃ ᠮᠤᠳᠤᠳ ᠤᠨ ᠬᠤᠭᠤᠷᠤᠨᠳᠤᠬᠢ ᠵᠠᠢ᠂ ᠤᠰᠤᠯᠠᠯᠲᠠ ᠶᠢᠨ ᠬᠡᠮᠵᠢᠶ᠎ᠡ᠂ ᠰᠠᠯᠬᠢᠨ ᠤᠨ ᠡᠷᠴᠢ ᠵᠡᠷᠭᠡ ᠶᠢ ᠨᠠᠷᠢᠨ ᠬᠢᠨᠠᠨ ᠦᠵᠡᠵᠤ᠂ ᠠᠩᠬᠠᠷᠤᠨ ᠰᠢᠨᠵᠢᠲᠡᠭ ᠪᠤᠯᠤᠭᠰᠠᠨ ᠰᠢᠤ︾ ᠬᠡᠮᠡᠨ ᠲᠠᠶᠢᠯᠪᠤᠷᠢᠯᠠᠵᠤ ᠪᠢᠯᠨ᠃      ᠰᠦᠭᠡ ᠭᠤᠸᠠᠢ ᠶᠢᠨ ᠠᠷᠢᠭᠤᠨ ᠬᠦᠯᠦᠰᠤ ᠪᠠᠷ ᠤᠮᠲᠠᠯᠠᠭᠲᠠᠭᠰᠠᠨ ᠵᠠᠭ ᠤᠨ ᠤᠢ  ᠮᠢᠨᠢ ᠵᠢᠯ ᠤᠨ ᠵᠢᠯ ᠳᠤ ᠴᠡᠯᠭᠡᠷᠡᠨ ᠪᠠᠶᠢᠬᠤ ᠪᠤᠯᠳᠤᠭᠠᠢ︕                         ᠡᠭᠡ ᠪᠢᠴᠢᠭ ᠤᠨ ᠵᠠᠯᠭᠠᠮᠵᠢ ᠤᠴᠢᠷᠯᠠᠯ      ᠨᠠᠮ ᠪᠠᠶᠢᠭᠤᠯᠤᠭᠲᠠᠭᠰᠠᠨ 100 ᠤᠨ ᠤᠢ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠡᠨᠡ ᠬᠦ ᠰᠤᠷᠪᠤᠯᠵᠢᠯᠠᠭ᠎ᠠ ᠪᠠᠨ ᠡᠮᠬᠢᠳᠭᠡᠵᠤ ᠲᠠᠭᠤᠰᠲᠡᠯ᠎ᠡ᠂ ᠰᠦᠭᠡ ᠭᠤᠸᠠᠢ ᠶᠢᠨ ᠲᠠᠭᠠᠯᠠᠯ ᠪᠤᠯᠤᠭᠰᠠᠨ ᠴᠢᠮᠡᠭᠡ ᠶᠢ ᠲᠤᠭᠤᠯᠤᠯ᠎ᠠ᠃  ᠰᠦᠭᠡ ᠭᠤᠸᠠᠢ 74 ᠨᠠᠰᠤᠨ ᠰᠡᠬᠦᠲᠡᠷ ᠢ ᠵᠤᠭᠤᠭᠯᠠᠭᠠᠳ᠂ ᠬᠠᠷ᠎ᠠ ᠬᠤᠲᠠ ᠶᠢᠨ ᠢᠶᠠᠨ ᠪᠠᠷ᠎ᠠ ᠶᠢ ᠰᠠᠬᠢᠨ ᠮᠦᠩᠭᠡᠲᠡ ᠨᠤᠶᠢᠷᠰᠤᠬᠤ ᠪᠤᠯᠵᠠᠢ᠃ 2021 ᠤᠨ ᠤ 6 ᠰᠠᠷ᠎ᠠ ᠶᠢᠨ 23 ᠤ ᠦᠲᠡ ᠶᠢᠨ ᠡᠮᠦᠨ᠎ᠡ ᠰᠦᠭᠡ ᠨᠦᠬᠦᠷ ᠤᠨ ᠴᠢᠨᠲᠡᠷ ᠠᠴᠠ ᠰᠠᠯᠬᠤ ᠶᠤᠰᠤᠯᠠᠯ ᠡᠵᠡᠨ᠎ᠡ ᠬᠤᠰᠢᠭᠤᠨ᠎ᠡ ᠶᠠᠪᠤᠭᠲᠠᠵᠤ ᠠᠬᠤ ᠳᠤ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠲᠦᠪ ᠬᠦᠬᠡᠬᠤᠲᠠ ᠳᠤ ᠡᠬᠦᠯᠨ ᠨᠡᠳᠦᠶᠢᠵᠤ᠂ ᠦᠲᠡ ᠬᠤᠶᠢᠨ᠎ᠡ ᠨᠢ ᠪᠤᠷᠤᠭᠠᠨ ᠠᠰᠬᠠᠷᠠᠵᠤ ᠪᠠᠶᠢᠭᠰᠠᠨ ᠰᠡᠨ᠃     2019  ᠤᠨ ᠳᠤ ᠰᠤᠷᠪᠤᠯᠵᠢᠯᠠᠵᠤ ᠪᠠᠶᠢᠬᠤ ᠳᠤ᠂ ︽ᠮᠠᠨ ᠤ ᠮᠡᠷᠭᠡᠨ ᠴᠢᠨᠢ ᠬᠤᠷᠳᠤᠨ ᠴᠤ ᠪᠢᠴᠢᠲᠡᠭ ᠬᠡᠤᠭᠡᠳ ᠰᠢᠤ᠂  ᠮᠥᠨ ᠴᠦ ᠰᠠᠶᠢᠬᠠᠨ ᠲᠠᠲᠠᠯᠠᠭᠠᠨ ᠲᠢᠭ ᠲᠠᠢ ᠰᠢᠤ︾ ᠬᠡᠮᠡᠨ ᠨᠠᠮ᠎ᠠ ᠶᠢ ᠦᠬᠦᠭᠡᠷᠲᠡᠵᠤ᠂ ᠮᠠᠭᠲᠠᠵᠤ ᠪᠠᠶᠢᠭᠰᠠᠨ ᠲᠨ ᠮᠢᠨᠢ ᠤᠳᠤ ᠨᠢᠬᠡᠨᠲᠡ ︽ᠦᠵᠡᠬᠦᠢ ᠶᠢᠨ ᠬᠢᠵᠠᠭᠠᠷ︾ ᠲᠤ ᠠᠯᠤᠰᠷᠠᠵᠠᠢ᠃ ᠪᠢ ᠡᠬᠦᠯᠡᠨ ᠲᠤᠯᠤᠭᠠᠢ ᠶᠢ ᠰᠢᠷᠲᠡᠨ ᠤᠲᠠᠭᠠᠨ ᠰᠠᠭᠤᠯ᠎ᠠ᠃ ᠰᠦᠷᠯᠢᠭ ᠰᠠᠶᠢᠬᠠᠨ ᠲᠡᠯᠡᠨ ᠬᠠᠷ᠎ᠠ ᠮᠢᠨᠢ ᠪᠤᠷᠤᠭᠠᠨ ᠤ ᠴᠢᠳᠬᠤᠯᠠᠭᠠᠨ ᠳᠤ ᠪᠦᠤᠲᠡᠶᠢᠨ ᠬᠠᠷᠠᠭᠲᠠᠨ᠎ᠠ᠃ ᠪᠢ ᠵᠤᠷᠢᠭᠯᠠᠵᠤ ᠪᠠᠶᠢᠮᠡᠨ ᠡᠭᠡ ᠪᠢᠴᠢᠭ ᠢᠶᠠᠨ ᠲᠠᠲᠠᠯᠠᠪᠠ᠃ ᠲᠡᠨ  ᠤ ᠵᠤᠷᠢᠭ ᠢ ᠪᠢᠲᠡ ᠪᠡᠶ᠎ᠡ ᠳᠤ ᠪᠠᠨ ᠰᠢᠩᠭᠡᠭᠡᠬᠦ ᠶᠤᠰᠤᠲᠠᠢ᠃     ᠨᠢᠯᠬ᠎ᠠ ᠪᠠᠭ᠎ᠠ ᠶᠢᠨ ᠦᠶ᠎ᠡ ᠶᠢᠨ ᠦᠨᠦᠴᠢᠷᠡᠯ᠂ ᠵᠠᠯᠠᠭᠤ ᠬᠠᠯᠠᠭᠤᠨ ᠨᠠᠰᠤᠨ ᠤ ᠦᠶ᠎ᠡ ᠶᠢᠨ ᠬᠠᠲᠠᠭᠤ ᠬᠦᠲᠡᠯᠮᠦᠷᠢ᠂ ᠡᠪᠡᠳᠴᠢᠨ ᠵᠤᠪᠠᠯᠠᠩ ᠤᠨ ᠬᠦᠨᠳᠤ ᠲᠡᠷᠴᠢᠯᠠᠭᠠᠯ ᠢ ᠮᠤᠩᠭᠤᠯ ᠡᠷ᠎ᠡ ᠶᠢᠨ ᠬᠠᠲᠠᠨ ᠵᠤᠷᠢᠭ ᠢᠶᠠᠷ ᠲᠠᠪᠠᠨ ᠲᠤᠭᠤᠯᠵᠤ᠂ ᠡᠭᠡᠯ ᠪᠤᠷᠤᠬᠠᠨ ᠠᠮᠢᠳᠤᠷᠠᠯ ᠤᠨ ᠡᠩ ᠦᠷᠭᠡᠨ ᠵᠠᠢ ᠶᠢ ᠠᠭᠤᠲᠠᠮᠬᠠᠨ  ᠴᠡᠭᠡᠵᠢᠨ ᠳᠤ ᠪᠠᠨ ᠪᠠᠭᠲᠠᠭᠠᠵᠤ᠂ ᠤᠬᠠᠭᠠᠯᠢᠭ ᠰᠠᠮᠪᠠᠭ᠎ᠠ ᠪᠠᠷ ᠦᠢᠯᠨ ᠭᠡᠷᠡᠭ ᠪᠦᠬᠦᠨ ᠢ ᠲᠤᠩᠭᠠᠵᠤ᠂ ᠦᠷᠦᠪᠴᠢᠭᠡᠨ ᠰᠡᠳᠬᠢᠯ ᠳᠡᠭᠡᠨ ᠨᠤᠳᠤᠭ ᠪᠠᠶᠢᠭᠠᠯᠢ ᠬᠦᠮᠦᠨ ᠠᠷᠠᠳ ᠢᠶᠠᠨ ᠡᠩᠬᠦᠷᠡᠶᠢᠯᠡᠨ᠂ ᠦᠨᠡᠨᠴᠢ ᠵᠢᠷᠤᠮ ᠢᠶᠠᠷ ᠲᠦᠮᠡᠨ ᠤᠯᠠᠨ ᠤ ᠬᠠᠶᠢᠷ᠎ᠠ ᠬᠦᠨᠳᠤᠳᠭᠡᠯ ᠢ ᠤᠯᠵᠤ ᠶᠠᠪᠤᠭᠰᠠᠨ ᠲᠨ ᠮᠢᠨᠢ ᠤᠳᠤ ᠬᠤᠯᠨ ᠶᠢᠨ ᠬᠤᠯᠨ ᠳᠤ ᠶᠠᠪᠤᠴᠢᠬᠠᠵᠠᠢ᠃     ᠦᠪᠤᠷ ᠮᠤᠩᠭᠤᠯ ᠤᠨ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠠᠵᠢᠯ ᠢᠶᠠᠷ ᠬᠦᠷᠬᠦ ᠳᠤ᠂ ᠰᠤᠷᠪᠤᠯᠵᠢᠯᠠᠭ᠎ᠠ ᠠᠪᠬᠤ ᠦᠶ᠎ᠡ ᠳᠤ᠂ ᠨᠠᠲᠡ ᠳᠤ ᠬᠠᠮᠤᠭ ᠤᠯᠠᠨ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠨᠢ ︽ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠰᠢᠭᠤᠢ︾ ᠰᠢᠤ᠃ ᠲᠨ ᠠᠯᠠᠱᠨ ᠠᠶᠢᠮᠠᠭ ᠤᠨ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠲᠡᠷᠢᠬᠦᠯᠡᠭᠴᠢ ᠶᠢᠨ ᠲᠤᠰᠢᠶᠡᠯ  ᠢ ᠬᠠᠷᠢᠭᠤᠴᠠᠵᠤ᠂ ᠶᠡᠭᠡ ᠶᠢ ᠪᠦᠲᠦᠭᠡᠵᠤ ᠶᠠᠪᠤᠯ᠎ᠠ᠃ ᠮᠦᠨ ᠴᠤ ᠡᠯᠡᠰᠤ ᠶᠢ ᠲᠤᠭᠲᠠᠭᠠᠨ ᠤᠶᠢᠵᠢᠭᠤᠯᠬᠤ ᠨᠢ ᠶᠠᠭᠤ ᠪᠦᠬᠦᠨ ᠠᠴᠠ ᠴᠤ ᠴᠢᠬᠤᠯᠨ ᠭᠡᠲᠡᠭ ᠢ ᠡᠷᠲᠡ ᠰᠡᠷᠡᠭᠰᠡᠨ ᠲᠨ ᠮᠢᠨᠢ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠲᠡᠷᠢᠬᠦᠯᠡᠭᠴᠢ ᠶᠢᠨ ᠰᠠᠨᠲᠡᠢ ᠪᠠᠨ ᠠᠷᠤ ᠳᠠᠭᠠᠨ ᠤᠷᠬᠢᠵᠤ᠂ ᠬᠦᠷᠵᠨ ᠠᠳᠬᠤᠨ᠂ ᠴᠢᠬᠢ ᠮᠤᠳᠤ ᠡᠬᠦᠷᠦᠭᠰᠡᠭᠡᠷ᠂ ᠡᠯᠡᠰᠤᠨ ᠮᠤᠬᠤᠷ ᠲᠤ ᠬᠦᠯᠦᠰᠤ ᠤᠷᠤᠰᠬᠠᠨ ᠶᠠᠪᠤᠲᠠᠭ ᠪᠤᠯᠤᠭᠰᠠᠨ ᠰᠡᠨ᠃     ᠲᠠᠨ ᠤ ᠮᠢᠨᠢ ᠪᠤᠷᠤ ᠪᠤᠷᠤᠭᠵᠢᠭᠤᠨ ᠡᠮᠦᠰᠭᠡᠯ ᠵᠡᠬᠦᠲᠡᠯ᠂ ᠴᠢᠩ ᠦᠨᠡᠨ ᠰᠢᠭᠤᠳ ᠰᠢᠯᠤᠭᠤᠬᠠᠨ ᠦᠭᠡ ᠶᠡᠷᠢᠶ᠎ᠠ ᠴᠢᠨᠢ ᠦᠰᠦᠭ ᠰᠢᠪᠠᠵᠤ ᠪᠦᠬᠦᠢ ᠡᠨᠡ ᠡᠷᠡᠨ ᠳᠤ ᠰᠡᠳᠬᠢᠯ ᠳᠤ ᠮᠢᠨᠢ ᠲᠤᠪ ᠲᠤᠳᠤᠬᠠᠨ ᠡ᠃     ᠡᠩᠬᠦᠷᠡᠢ ᠦᠷ᠎ᠡ ᠪᠠᠨ ᠠᠯᠲᠠᠬᠤ ᠶᠢᠨ ᠶᠡᠭᠡ  ᠬᠠᠷᠠᠭᠤᠰᠤᠯ᠂ ᠡᠪᠡᠳᠴᠤ ᠵᠤᠪᠠᠭ᠋ᠤ ᠶᠢᠨ ᠬᠦᠨᠳᠤ ᠡᠪᠡᠷᠰᠢᠶᠡᠯ  ᠁ ᠡᠩ ᠬᠤᠷᠸ᠎ᠠ ᠶᠢᠨ ᠵᠢᠮ᠎ᠡ ᠪᠠᠷ ᠲᠨ ᠮᠢᠨᠢ ᠤᠯᠠᠨ ᠢ ᠦᠵᠡᠯ᠎ᠡ᠃ ᠶᠡᠭᠡ ᠡᠷ᠎ᠡ ᠶᠢᠨ ᠰᠢᠨᠲᠡᠰᠤ ᠪᠠᠷ ᠡᠩ ᠬᠤᠷᠸ᠎ᠠ  ᠶᠢᠨ ᠡᠯᠴᠢᠯ ᠦᠭᠡᠢ ᠵᠠᠢ ᠶᠢ ᠠᠵᠢᠭ ᠦᠬᠡᠶᠢᠭᠡᠨ ᠲᠤᠭᠤᠯᠵᠤ᠂ ᠴᠢᠬᠢᠭ ᠤᠨ ᠦᠨᠦᠷ ᠠᠩᠬᠢᠯᠤᠭᠰᠠᠨ ᠵᠠᠭ ᠤᠨ ᠤᠢ  ᠪᠠᠨ ᠦᠯᠡᠲᠡᠭᠡᠭᠡᠳ᠂ ᠴᠢᠩ ᠵᠢᠷᠤᠮᠳᠤ ᠮᠤᠩᠭᠤᠯ ᠶᠡᠭᠡ ᠡᠷ᠎ᠡ ᠲᠨ ᠮᠢᠨᠢ ᠦᠩ ᠦᠷᠭᠡᠨ ᠠᠯᠠᠱᠨ ᠳᠠᠭᠠᠨ ᠠᠯᠲᠠᠨ ᠨᠠᠷ᠎ᠠ ᠪᠠᠨ ᠲᠠᠭᠤᠷᠢᠰᠬᠠᠭᠠᠳ᠂ ᠦᠯᠡᠮᠵᠢ ᠶᠢᠨ ᠠᠭᠤᠲᠠᠮ ᠬᠤᠷᠸ᠎ᠠ ᠳᠤ ᠮᠦᠩᠭᠡ ᠶᠢᠨ ᠠᠯᠲᠡᠷ ᠢᠶᠠᠨ ᠦᠢᠯᠡᠰ ᠤᠨ ᠠᠭᠤᠤ ᠪᠠᠷ ᠢᠶᠠᠨ ᠪᠢᠴᠢᠭᠯᠡᠭᠡᠳ᠂ ︽ᠡᠪᠤᠭᠡᠨ ᠰᠢᠪᠠᠭᠤ︾ ᠲᠨ ᠮᠢᠨᠢ ᠡᠬᠦᠯᠡᠨ ᠤ ᠡᠴᠢᠨ᠎ᠡ ᠳᠤ ᠠᠯᠤᠰᠷᠡᠨ ᠤᠳᠴᠡᠢ ᠃     ᠬᠡᠯ᠎ᠡ ᠴᠤ ᠤᠯᠠᠨ ᠵᠢᠯ ᠲᠠᠨ ᠤ ᠲᠤᠬᠠᠢ ᠪᠢᠴᠢᠵᠤ ᠲᠤᠭᠤᠷᠪᠢᠵᠤ ᠶᠠᠪᠤᠬᠤ ᠳᠤ ᠲᠨ ᠮᠢᠨᠢ ︽ᠵᠤᠪᠠᠯᠠᠩ︾ ᠭᠡᠲᠡᠭ ᠦᠭᠡ ᠶᠢ ᠭᠠᠭᠴᠨ ᠴᠤ ᠤᠲᠠᠭ᠎ᠠ ᠴᠤᠬᠤᠶᠢᠯᠭᠠᠵᠤ ᠦᠵᠡᠭᠡ ᠦᠭᠡᠢ ᠰᠢᠤ᠃ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤᠨ ᠤᠢ ᠳᠤ ᠰᠦᠭᠡ ᠭᠤᠸᠠᠢ ᠲᠠᠢ ᠴᠤᠭ ᠠᠯᠬᠤᠯᠠᠵᠤ ᠪᠠᠶᠢᠭᠰᠠᠨ ᠰᠡᠨ᠃ ᠰᠦᠭᠡ ᠡᠨᠡᠷᠢᠩᠬᠦᠢ ᠢᠨᠢᠶᠡᠮᠰᠦᠭᠯᠡᠵᠤ᠄ ᠵᠨ ᠳ᠋ᠡ᠂ ᠮᠡᠷᠭᠡᠨ ᠡ᠂ ᠤᠯᠠᠨ ᠴᠤ ᠰᠤᠷᠪᠤᠯᠵᠢᠯᠠᠭᠴᠢ ᠢᠷᠡᠵᠤ ᠶᠠᠪᠤᠵᠤ ᠯᠡ ᠪᠠᠶᠢᠲᠠᠭ᠃ ᠪᠢ ᠴᠢᠮ᠎ᠡ ᠳᠤ ᠨᠢᠭᠡ ᠦᠯᠢᠭᠡᠷ ᠬᠡᠯᠡᠵᠤ ᠦᠭᠬᠦᠶ᠎ᠡ᠃ ᠨᠢᠭᠡ ᠵᠠᠯᠠᠭᠤ᠄ ᠰᠦᠭᠡ ᠭᠤᠸᠠᠢ ᠡ᠂ ᠲᠨ ᠬᠦᠷᠵᠨ ᠪᠠᠨ ᠲᠡᠭᠡᠷ᠎ᠡ ᠡᠷᠬᠦ᠂ ᠪᠢ ᠵᠢᠷᠤᠭ ᠲᠡᠲᠡᠶ᠎ᠡ ᠭᠡᠭᠰᠡᠨ ᠰᠢᠤ ᠬᠡᠮᠡᠨ ᠬᠦᠭᠡᠷᠦᠬᠦᠨ ᠨᠢᠭᠡᠨ ᠱᠤᠭ ᠬᠡᠯᠡᠵᠤ ᠨᠡᠲᠡ  ᠶᠢ ᠡᠯᠢᠭᠡ ᠬᠦᠰᠢᠭᠡᠵᠤ ᠪᠠᠶᠢᠭᠰᠠᠨ ᠰᠡᠨ᠃ ᠤᠳᠤ  ᠪᠤᠳᠤᠪᠠᠯ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠠᠵᠢᠯ ᠢ ᠬᠢᠬᠦ  ᠳᠤ ᠬᠢᠨᠠᠮᠠᠭᠠᠢ  ᠬᠠᠨᠳᠤᠵᠤ᠂  ᠤᠴᠢᠷ ᠪᠤᠯᠭᠠᠨ ᠳᠤ ᠴᠢᠩ ᠦᠨᠡᠨ ᠢ ᠪᠡᠷᠢᠬᠤ ᠭᠡᠷᠡᠭᠲᠡᠢ ᠭᠡᠲᠡᠭ ᠢ ᠨᠡᠲᠡ ᠳᠤ ᠵᠢᠱᠢᠶ᠎ᠡ ᠪᠤᠯᠭᠠᠨ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠪᠠᠶᠢᠬ᠎ᠠ ᠳ᠋ᠡ᠃ ᠡᠵᠡᠨ᠎ᠡ ᠶᠢᠨ ᠮᠢᠨᠢ ᠡᠩᠬᠦᠷᠡᠢ ᠡᠯᠢᠭᠡᠨ ᠳᠤ ᠵᠠᠭ ᠤᠨ ᠤᠢ ᠪᠤᠢ ᠃ ᠮᠢᠨᠤ ᠦᠷᠬᠦᠯᠵᠢ ᠤᠴᠢᠲᠠᠭ ︽ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠰᠢᠭᠤᠢ︾ ᠪᠤᠢ᠃ ︽ᠡᠯᠢᠭᠡ ᠨᠢᠭᠡᠲᠡᠨ︾ ᠰᠡᠳᠬᠦᠯ ᠤᠨ ᠨᠤᠮ ᠤᠨ ᠬᠠᠭᠤᠲᠠᠰᠤ ᠶᠢ ᠠᠭᠤᠤ ᠦᠢᠯᠡᠰ ᠤᠨ ᠡᠷᠬᠢᠮ ᠠᠯᠲᠡᠷ ᠢᠶᠠᠷ ᠢᠶᠠᠨ ᠴᠢᠮᠡᠵᠤ ᠶᠠᠪᠤᠭᠰᠠᠨ ︽ᠴᠠᠭ ᠦᠶ᠎ᠡ ᠶᠢᠨ ᠬᠤᠰᠢᠭᠤᠴᠢ︾ ᠰᠦᠭᠡ ᠭᠤᠸᠠᠢ ᠶᠢᠨ ᠬᠤᠷᠸ᠎ᠠ ᠶᠢᠨ ᠡᠯᠢᠭᠡᠨ᠎ᠡ ᠮᠦᠩᠭᠡᠯᠡᠵᠤ ᠦᠯᠡᠲᠡᠭᠡᠭᠰᠡᠨ ᠵᠠᠭ  ᠤᠨ ᠤᠢ ᠨᠢ ᠪᠤᠢ᠃     ᠡᠰ ᠪᠦᠬᠦᠨ ᠢ ᠡᠷᠴᠢᠯᠡᠬᠦ  ᠡᠷᠴᠢ ᠵᠤᠷᠢᠭ ᠢᠶᠠᠨ ᠤᠯᠠᠮ ᠴᠢᠩᠭᠠᠯᠠᠶ᠎ᠠ᠂ ᠡᠪᠤᠭᠡᠨ ᠪᠤᠭᠤᠷᠤᠯ ᠲᠠᠨ ᠤ ᠪᠠᠨ ᠠᠭᠤᠤ ᠤᠬᠠᠭᠠᠨ ᠠᠴᠠ ᠬᠦᠴᠤ ᠠᠪᠤᠶ᠎ᠠ᠃     ︽ᠰᠦᠭᠡ ᠠᠪᠤ ᠡ︕︾ ᠭᠡᠵᠤ ᠰᠡᠳᠬᠢᠯ ᠳᠤ ᠪᠠᠨ ᠰᠡᠮᠭᠡᠨ ᠲᠠᠭᠤᠲᠠᠶ᠎ᠠ︕ ᠵᠠᠭ ᠤᠨ ᠤᠢ ᠶᠢᠨ ᠴᠢᠨᠢ ᠰᠡᠷᠢᠬᠦᠨ ᠰᠡᠪᠡᠯᠵᠡᠭᠡᠨ ᠳᠤ ᠴᠢᠨᠢ ᠵᠤᠭᠰᠤᠵᠤ᠂ ᠲᠠᠨ ᠢ ᠪᠠᠨ ᠲᠤᠷᠠᠰᠤᠭᠰᠠᠨ ᠡᠭᠡ ᠪᠢᠴᠢᠭ ᠪᠠᠨ ᠲᠡᠲᠡᠯᠡᠶ᠎ᠡ︕     ᠤᠨ ᠵᠢᠯ ᠤᠨ ᠤᠷᠴᠢᠯ ᠳᠤ᠂ ᠵᠠᠭ ᠤᠨ ᠤᠢ ᠮᠢᠨᠢ ᠲᠠᠨᠢᠬᠦᠨ ᠨᠤᠳᠤᠭ   ᠢᠶᠠᠨ ᠴᠢᠮᠡᠭᠰᠡᠭᠡᠷ  ᠂ ᠲᠠᠷᠬᠠᠨ ᠪᠠᠶᠢᠭᠠᠯᠢ ᠤᠯᠠᠮ ᠦᠩᠰᠢᠵᠤ᠂ ᠲᠡᠤᠭᠡ ᠶᠢᠨ ᠤᠷᠳᠤ ᠠᠶᠠᠨ ᠳᠤ᠂ ︽ᠴᠠᠭ ᠦᠶ᠎ᠡ ᠶᠢᠨ ᠬᠤᠰᠢᠭᠤᠴᠢ︾ ᠶᠢᠨ ᠡᠷᠬᠢᠮ ᠠᠯᠲᠡᠷ ᠬᠦᠮᠦᠨ ᠠᠷᠠᠳ ᠲᠠᠭᠠᠨ ᠵᠤᠷᠢᠭ ᠢᠲᠡᠭᠡᠯ ᠨᠡᠮᠡᠷᠢᠯᠡᠭᠰᠡᠭᠡᠷ᠂  ᠠᠷᠢᠭᠤᠨ ᠰᠠᠶᠢᠬᠠᠨ ᠤ ᠲᠤᠩᠬᠠᠭ ᠪᠤᠯᠵᠤ ᠮᠦᠩᠭᠡᠷᠡᠨ᠎ᠡ᠃                        2021 ᠤᠨ ᠤ 6 ᠰᠠᠷ᠎ᠠ ᠶᠢᠨ 23 ᠤ ᠰᠦᠨᠢ        ᠵᠤᠬᠢᠶᠠᠭᠴᠢ ᠶᠢᠨ  ᠬᠠᠶ᠋ᠢᠭ᠄ ᠦᠪᠤᠷ ᠮᠤᠩᠭᠤᠯ ᠤᠨ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ   
  
ᠢᠷᠡᠯᠲᠡ᠄ ᠦᠪᠤᠷ ᠮᠤᠩᠭᠤᠯ ᠤᠨ ︽ᠨᠡᠶᠢᠬᠡᠮ︾ ᠰᠡᠳᠬᠦᠯ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠵᠠᠯᠠᠭᠤ ᠨᠠᠰᠤᠨ ᠤ ᠤᠷᠢ ᠪᠠᠷ ᠴᠢᠩ ᠦᠨᠡᠨᠴᠢ ᠤᠬ ᠰᠠᠨᠠᠭ᠎ᠠ ᠪᠠᠨ ᠰᠠᠬᠢᠨ ᠵᠢᠷᠤᠮᠯᠠᠵᠤ᠁
ᠰᠦᠷ ᠵᠢᠪᠬᠤᠭᠠᠲᠤ ᠲᠡᠦᠬᠡ ᠰᠤᠳᠤᠷ ᠨᠢ ᠲᠣᠯᠢ ᠪᠤᠯᠵᠤ᠂ ᠁
ᠣᠭ ᠵᠣᠷᠢᠯᠲᠠ ᠪᠠᠨ ᠪᠠᠷᠢᠮᠲᠠᠯᠠᠨ ᠠᠷᠠᠳ ᠤᠨ ᠰᠡᠳᠬᠢᠯ ᠢ ᠲᠥᠪᠯᠡᠷᠡᠭᠦᠯᠵᠦ᠁
ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠤ ᠪᠠᠨ ᠦᠳᠡᠭᠡᠷᠦᠯ ᠦᠬᠡᠢ ᠰᠢᠨ᠎ᠡ ᠴᠠᠭ ᠦᠶ᠎ᠡ ᠶᠢᠨ ᠬᠢᠷᠢ ᠲᠡᠩᠴᠡᠭᠰᠡᠨ ᠠᠷᠠᠳ ᠤᠨ ᠁
ᠳᠠᠭᠤᠤ ᠰᠢᠭ᠋ ᠣᠨ ᠵᠢᠯ ᠤᠳ ᠠᠴᠠ ᠬᠤᠪᠢᠷᠠᠰᠢ ᠦᠭᠡᠢ ᠠᠷᠠᠳ ᠤᠨ ᠶᠠᠪᠣᠳᠠᠯ  ᠤᠨ ᠬᠠᠶᠢᠷ᠎ᠠ ᠰᠡᠳᠭᠢᠯᠭᠡ ᠶᠢ ᠁
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号