| 1985 ᠤᠨ ᠤ 12 ᠳ᠋ᠤᠭᠠᠷ ᠰᠠᠷᠠ ᠶᠢᠨ 25 ᠤ ᠡᠳᠤᠷ ᠤᠨ ︽ᠵᠢᠷᠢᠮ ᠤᠨ ᠰᠤᠨᠢᠨ︾ ᠤ ᠬᠡᠦᠬᠡᠳ | ᠪᠠᠭᠠᠴᠤᠳ ᠲᠤ ᠵᠤᠷᠢᠭᠤᠯᠤᠭᠰᠠᠨ ︽ᠨᠢᠯᠬᠠ ᠴᠢᠬᠢ︾ ᠪᠤᠯᠤᠩ ᠳᠤ ︽ᠰᠢᠯᠦᠭ ᠭᠤᠷᠪᠠᠨ ᠪᠠᠳᠠᠭ︾ ᠬᠡᠬᠦ ᠰᠢᠯᠦᠭ | ᠢᠶᠠᠨ ᠨᠡᠶᠢᠲᠡᠯᠡᠭᠦᠯᠦᠭᠰᠡᠨ ᠠᠴᠠ 2023 ᠤᠨ ᠤ 8 ᠳ᠋ᠤᠭᠠᠷ ᠰᠠᠷᠠ ᠶᠢᠨ 26 ᠤ ᠡᠳᠤᠷ ᠤᠨ ︽ ᠲᠦᠩᠯᠢᠶᠤᠤ | ᠡᠳᠤᠷ ᠤᠨ ᠰᠤᠨᠢᠨ︾ ᠤ ︽ᠬᠤᠤᠯᠢᠨ ᠭᠤᠤᠯ︾ ᠤᠷᠠᠨ ᠵᠤᠬᠢᠶᠠᠯ ᠤᠨ ᠨᠢᠭᠤᠷ ᠲᠤ ︽ᠡᠶᠢᠮᠤ ᠤᠯᠠᠨ ᠴᠠᠭ ᠲᠤ︾ | ᠭᠡᠬᠦ ᠰᠢᠯᠦᠭ ᠢᠶᠠᠨ ᠨᠡᠶᠢᠲᠡᠯᠡᠭᠦᠯᠬᠦ ᠪᠣᠯᠲᠠᠯᠠᠬᠢ 38 ᠵᠢᠯ ᠤᠨ ᠲᠤᠷᠰᠢ ᠪᠢ ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ | ᠳᠤ 483 ᠰᠢᠯᠦᠭ ᠨᠡᠶᠢᠷᠠᠭᠤᠯᠤᠯ ᠨᠡᠶᠢᠲᠡᠯᠡᠭᠦᠯᠵᠤ ᠪᠠᠶᠢᠨᠠ᠃ ᠨᠢᠭᠡ ᠰᠤᠨᠢᠨ ᠨᠢᠭᠡ ᠰᠢᠯᠦᠭᠴᠢ ᠶᠢᠨ ᠪᠦᠲᠦᠭᠡᠯ ᠢ | ᠢᠩᠭᠢᠵᠤ ᠤᠯᠠᠨ ᠨᠡᠶᠢᠲᠡᠯᠡᠨᠡ ᠭᠡᠳᠡᠭ ᠨᠢᠭᠡ ᠪᠤᠳᠤᠪᠠᠯ ᠬᠤᠪᠤᠷᠬᠠᠨ ᠶᠠᠪᠤᠲᠠᠯ᠂ ᠨᠢᠭᠡ ᠰᠢᠯᠦᠭᠴᠢ ᠨᠢᠭᠡ ᠰᠤᠨᠢᠨ ᠳᠤ | ᠡᠶᠢᠮᠤ ᠤᠯᠠᠨ ᠰᠢᠯᠦᠭ ᠦᠭᠭᠦᠨᠠ ᠭᠡᠳᠡᠭ ᠪᠠᠰᠠ ᠰᠤᠨᠢᠬᠠᠨ ᠤᠴᠢᠷ᠃ ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ | ᠲᠠᠢ ᠪᠢ ᠢᠩᠭᠢᠵᠤ ᠭᠤᠴᠢ ᠭᠠᠷᠤᠢ ᠵᠢᠯ ᠤᠨ ᠢᠷᠦᠭᠡᠯ ᠲᠤᠭᠳᠠᠵᠤ᠂ ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠤ | ᠬᠡᠳᠦᠨ ᠦᠶᠡ ᠶᠢᠨ ᠤᠳᠤᠷᠢᠳᠤᠯᠭᠠ ᠪᠤᠯᠤᠨ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠭᠰᠢ ᠨᠠᠷ ᠲᠠᠢ ᠲᠡᠭᠡᠵᠤ ᠭᠤᠶᠢᠪᠢᠰᠢ ᠦᠭᠡᠢ | ᠢᠲᠡᠭᠡᠯ ᠵᠢᠷᠦᠮ ᠤᠨ ᠪᠠᠷᠢᠯᠳᠤᠯᠭᠠ ᠲᠠᠢ ᠪᠤᠯᠤᠭᠰᠠᠨ ᠶᠤᠮ᠃ | ᠬᠤᠶᠠᠷ | | ᠨᠠᠮᠠ ᠶᠢ ᠦᠨᠳᠤᠷ ᠲᠤᠮᠳᠠᠳᠤ ᠶᠢᠨ ᠬᠤᠶᠠᠳᠤᠭᠠᠷ ᠤᠨ ᠤ ᠰᠤᠷᠤᠭᠴᠢ ᠪᠠᠶᠢᠬᠤ ᠳᠤ ᠵᠠᠷᠤᠳ | ᠬᠤᠰᠢᠭᠤᠨ ᠤ ᠨᠤᠮ ᠤᠨ ᠰᠠᠩ ᠠᠴᠠ ᠰᠢᠯᠦᠭ ᠤᠩᠰᠢᠯᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠡᠷᠬᠢᠯᠡᠵᠡᠢ᠃ ᠰᠢᠯᠦᠭ ᠵᠤᠬᠢᠶᠠᠯ | ᠭᠡᠪᠡᠯ ᠰᠦᠨᠡᠰᠤ ᠶᠢ ᠲᠠᠭᠤᠲᠠᠵᠤ ᠪᠠᠶᠢᠭᠰᠠᠨ ᠴᠠᠭ᠂ ᠡᠶᠢᠮᠤ ᠰᠠᠶᠢᠬᠠᠨ ᠲᠤᠬᠢᠶᠠᠯ ᠨᠠᠳᠠ ᠳᠤ ᠬᠠᠨᠠᠰᠠ ᠤᠯᠳᠠᠨᠠ︕ | ᠪᠢ ᠪᠠᠭᠰᠢ ᠪᠠᠨ ᠭᠤᠶᠤᠵᠤ ᠪᠠᠶᠢᠭᠠᠳ ᠲᠡᠷᠡ ᠤᠷᠤᠯᠳᠤᠭᠠᠨ ᠳᠤ ᠨᠢ ᠠᠵᠠ ᠪᠠᠷ ᠤᠯᠵᠤ ᠤᠷᠤᠯᠴᠠᠭᠰᠠᠨ ᠶᠤᠮ᠃ | ᠮᠠᠨ ᠤ ᠬᠤᠰᠢᠭᠤᠨ ᠤ ᠬᠡᠳᠦᠨ ᠦᠶᠡ ᠶᠢᠨ ᠰᠢᠯᠦᠭᠴᠢ ᠵᠤᠬᠢᠶᠠᠯᠴᠢ ᠨᠢᠭᠡ ᠲᠢᠩᠬᠢᠮ ᠳᠤ ᠴᠤᠭᠯᠠᠷᠠᠭᠰᠠᠨ | ᠨᠢᠵᠢᠭᠢᠷ ᠰᠠᠶᠢᠬᠠᠨ ᠨᠠᠶᠢᠷ ᠪᠠᠶᠢᠭᠰᠠᠨ ᠶᠤᠮ᠃ ᠬᠢᠨᠠᠭᠴᠢ ᠶᠢᠨ ᠲᠤᠳᠤᠷᠠ᠂ ᠭᠡᠵᠢᠭᠡ ᠪᠠᠨ ᠮᠦᠯᠶᠢᠲᠡᠯᠡ ᠰᠠᠶᠢᠬᠠᠨ | ᠰᠠᠮᠨᠠᠵᠤ᠂ ᠱᠠᠬᠠᠢ ᠪᠠᠨ ᠭᠢᠯᠠᠯᠵᠠᠲᠠᠯᠠ ᠰᠠᠶᠢᠬᠠᠨ ᠲᠤᠰᠤᠯᠠᠭᠰᠠᠨ ᠬᠦᠮᠦᠰᠬᠡ ᠠᠷᠢᠭᠤᠨ ᠨᠢᠳᠤ ᠲᠤᠩᠭᠠᠯᠠᠭ᠂ ᠪᠠᠶᠠ | ᠭᠠᠳᠠᠷ ᠲᠡᠷᠢ ᠲᠡᠭᠰᠢ ᠨᠢᠭᠡᠨ ᠵᠠᠯᠠᠭᠤ ᠪᠠᠭᠰᠢᠲᠠᠨ ᠮᠢᠨᠤ ᠠᠩᠬᠠᠷᠤᠯ ᠢ ᠰᠤᠷᠢᠨᠵᠢᠨ ᠮᠡᠳᠤ ᠲᠠᠲᠠᠯᠠ᠃ ᠡᠨᠡ ᠬᠦᠮᠦᠨ | ᠬᠡᠨ ᠪᠤᠯᠴᠢᠬᠠᠪᠠ ᠳ᠋ᠠ ᠬᠡᠵᠤ ᠪᠢ ᠶᠡᠭᠡ ᠭᠠᠶᠢᠬᠠᠵᠤ ᠪᠠᠶᠢᠲᠠᠯᠠ ᠬᠦᠲᠦᠯᠦᠭᠴᠢ ᠠᠴᠠ ︽ ᠵᠢᠷᠢᠮ ᠤᠨ ᠰᠤᠨᠢᠨ︾ ᠤ | ᠰᠤᠷᠪᠤᠯᠵᠢᠯᠠᠭᠴᠢ ᠬᠦᠷᠡᠯᠵᠢᠷᠦᠬᠡ ᠭᠡᠵᠤ ᠲᠠᠨᠢᠯᠴᠠᠭᠤᠯᠬᠤ ᠪᠠᠷ ᠲᠡᠷᠡ ᠬᠦᠮᠦᠨ ᠦᠨᠲᠡᠶᠢᠨ ᠪᠤᠰᠴᠤ ᠤᠯᠠᠨ ᠲᠠᠢ | ᠮᠡᠨᠳᠤᠴᠢᠯᠡᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠪᠢ ᠲᠡᠭᠦᠨ ᠢ ᠮᠠᠨ ᠤ ᠵᠠᠷᠤᠳ ᠤᠨ ᠬᠦᠮᠦᠨ ᠭᠡᠵᠤ | ᠮᠡᠳᠡᠬᠦ ᠦᠭᠡᠢ᠃ ᠲᠡᠷᠡ ᠲᠠᠯᠠᠪᠠᠢ ᠳᠤ ᠪᠢ ᠲᠡᠭᠦᠨ ᠲᠠᠢ ᠬᠡᠳᠦᠢ ᠲᠠᠨᠢᠯᠴᠠᠶᠠ ᠭᠡᠵᠤ ᠵᠤᠷᠢᠭᠯᠠᠭᠰᠠᠨ ᠪᠤᠯᠪᠠᠴᠤ | ᠠᠶᠤᠮᠰᠢᠭ ᠦᠭᠡᠢ ᠣᠶᠢᠷᠠᠳᠴᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠬᠤᠶᠠᠷ ᠵᠢᠯ ᠤᠨ ᠲᠠᠷᠠᠭᠠ ᠪᠢ ᠵᠤᠤ ᠤᠳᠠ ᠶᠢᠨ ᠪᠠᠭᠰᠢ | ᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠵᠤ ᠤᠷᠤᠭᠠᠳ ᠬᠦᠷᠡᠯᠵᠢᠷᠦᠬᠡ᠂ ᠮᠠᠨᠵᠢᠯᠠ ᠭᠡᠭᠴᠢ ᠨᠢ ᠮᠠᠨ | ᠤ ᠵᠠᠷᠤᠳ ᠤᠨ ᠭᠡᠷᠴᠢᠯᠠᠭᠤ ᠰᠤᠮᠤ ᠶᠢᠨ ᠬᠦᠮᠦᠨ᠂ ᠬᠤᠶᠠᠭᠤᠯᠠ ᠪᠠᠨ ᠨᠢᠭᠡ ᠯᠡ ᠵᠢᠯ ᠲᠦᠪ ᠤᠨ ᠦᠨᠳᠤᠰᠤᠲᠡᠨ ᠤ | ᠲᠡᠭᠡᠳᠤ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠵᠤ ᠤᠷᠤᠭᠠᠳ ᠲᠡᠭᠦᠰᠦᠭᠰᠡᠨ ᠤ ᠬᠤᠶᠢᠨᠠ ᠨᠢᠭᠡ ᠨᠢ ᠰᠤᠨᠢᠨ ᠤ ᠬᠤᠷᠢᠶᠠ᠂ ᠨᠢᠭᠡ | ᠨᠢ ᠷᠠᠳᠢᠤ᠋ ᠬᠤᠷᠢᠶᠠ ᠳᠤ ᠠᠵᠢᠯ ᠤᠨ ᠭᠠᠷᠤᠭᠠ ᠠᠪᠤᠭᠰᠠᠨ ᠢ ᠤᠯᠵᠤ ᠮᠡᠳᠡᠭᠰᠡᠨ ᠶᠤᠮ᠃1986 ᠤᠨ ᠤ ᠡᠪᠦᠯ | ᠤᠨ ᠠᠮᠠᠷᠠᠯᠲᠠ ᠪᠠᠷ ᠭᠡᠷ ᠲᠤ ᠪᠠᠨ ᠢᠷᠡᠬᠦ ᠳᠤ ᠪᠠᠨ ᠪᠢ ᠲᠦᠩᠯᠢᠶᠤᠤ ᠳᠤ ᠪᠠᠭᠤᠵᠤ ︽ᠵᠢᠷᠢᠮ ᠤᠨ ᠰᠤᠨᠢᠨ︾ ᠤ | ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠶᠢᠭᠰᠠᠨ ᠬᠦᠷᠡᠯᠵᠢᠷᠦᠬᠡ ᠠᠬᠠ ᠶᠢ ᠲᠤᠰᠬᠠᠶᠢᠯᠠᠨ ᠡᠷᠢᠵᠤ ᠤᠴᠢᠯᠠ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ | ︽ᠵᠢᠷᠢᠮ ᠤᠨ ᠰᠤᠨᠢᠨ ᠤ ᠬᠤᠷᠢᠶᠠ︾ ᠶᠢᠨ ᠡᠭᠦᠲᠡᠨ ᠬᠠᠷᠠᠭᠤᠯ ᠤᠨ ᠴᠢᠩᠭᠠ ᠭᠡᠳᠡᠭ ᠨᠢ ᠬᠡᠷᠡᠭ᠂ ᠵᠢᠰᠤ ᠪᠤᠷᠤᠭᠤ | ᠬᠦᠮᠦᠨ ᠤᠷᠤᠨᠠ ᠭᠡᠭᠴᠢ ᠰᠠᠨᠠᠭᠠ ᠪᠠᠨ ᠬᠤᠷᠢᠶᠠ ᠭᠡᠪᠡᠯ ᠨᠢᠭᠡ ᠯᠡ ᠦᠭᠡ᠃ ᠪᠢ ᠡᠭᠦᠲᠡᠨ ᠬᠠᠷᠠᠭᠤᠯ ᠳᠤ | ᠬᠦᠷᠡᠯᠵᠢᠷᠦᠭᠡ ᠪᠠᠭᠰᠢ ᠶᠢ ᠡᠷᠢᠨᠡ ᠭᠡᠪᠡᠯ ᠲᠡᠷᠡ ᠰᠠᠶ᠋ᠢ ᠦᠢᠰᠢᠶᠠᠬᠤ ᠬᠦᠮᠦᠨ ᠪᠢᠰᠢ᠂ ᠬᠤᠶᠠᠷ ᠬᠡᠯᠡᠭᠡᠳ ᠪᠠᠰᠠ | ᠲᠤᠰᠠ ᠭᠠᠷᠤᠭᠰᠠᠨ ᠦᠭᠡᠢ ᠲᠤᠯᠠ ᠶᠠᠪᠤᠬᠤ ᠤᠤ ᠬᠦᠯᠢᠶᠡᠬᠦ ᠤᠤ ᠭᠡᠵᠤ ᠲᠦᠲᠡᠭᠡᠯᠵᠡᠵᠤ ᠪᠠᠶᠢᠲᠠᠯᠠ ︽ᠵᠠᠶᠠᠭᠠ ᠲᠠᠢ | ᠬᠦᠮᠦᠨ ᠵᠠᠮ ᠲᠡᠭᠡᠷᠡ︾ ᠭᠡᠭᠴᠢ ᠪᠠᠷ ᠬᠦᠷᠡᠯᠵᠢᠷᠦᠬᠡ ᠪᠠᠭᠰᠢ ᠶᠠᠭ ᠭᠠᠷᠴᠤ ᠢᠷᠡᠬᠦ ᠲᠠᠢ ᠲᠤᠬᠢᠶᠠᠯᠳᠤᠯᠠ᠃ | ᠲᠡᠭᠡᠭᠡᠳ ᠰᠠᠶ᠋ᠢ ᠪᠢ ᠡᠨᠡ ᠬᠦ ᠠᠷᠢᠭᠤᠨ ᠲᠠᠭᠰᠢᠨ ᠬᠦᠷᠢᠶᠡᠨ ᠳᠤ ᠠᠩᠬᠠ ᠤᠳᠠᠭᠠ ᠠᠯᠬᠤᠵᠤ ᠤᠷᠤᠵᠤ | ᠴᠢᠳᠠᠭᠰᠠᠨ ᠪᠢᠯᠡ᠃ ᠲᠡᠷᠡ ᠤᠳᠠᠭᠠ ᠬᠦᠷᠡᠯᠵᠢᠷᠦᠬᠡ ᠠᠬᠠ ᠮᠢᠨᠤ ᠵᠠᠷᠤᠳ ᠤᠨ ᠰᠢᠯᠦᠭ ᠤᠩᠰᠢᠯᠭᠠ ᠶᠢᠨ | ᠤᠷᠤᠯᠳᠤᠭᠠᠨ ᠳᠤ ᠬᠤᠶᠠᠳᠤᠭᠠᠷ ᠲᠡᠰ ᠲᠤ ᠤᠷᠤᠭᠰᠠᠨ ᠢ ᠴᠡᠭᠡᠵᠢᠯᠡᠵᠤ ᠪᠠᠶᠢᠭᠰᠠᠨ ᠮᠦᠷᠲᠡᠭᠡᠨ ᠮᠢᠨᠤ ᠢᠯᠡᠭᠡᠭᠰᠡᠨ | ᠰᠢᠯᠦᠭ ᠢ ᠬᠡᠳᠤ ᠶᠢ ᠨᠡᠶᠢᠲᠡᠯᠡᠴᠢᠬᠡᠭᠡᠳ ᠪᠠᠶᠢᠵᠠᠢ᠃ ᠬᠦᠷᠡᠯᠵᠢᠷᠦᠬᠡ ᠠᠬᠠ ᠨᠠᠳᠠ ᠳᠤ ︽ᠲᠠᠰᠤᠷᠠᠯᠳᠠ ᠦᠭᠡᠢ | ᠪᠢᠴᠢᠭᠡᠳ ᠪᠠᠢ᠂ ᠰᠢᠯᠦᠭ ᠵᠤᠬᠢᠶᠠᠯ ᠢᠶᠠᠨ ᠮᠠᠨ ᠤ ᠰᠤᠨᠢᠨ ᠳᠤ ᠢᠯᠡᠭᠦᠬᠡᠨ ᠦᠭᠭᠦᠭᠡᠷᠡᠢ︾ ᠭᠡᠵᠤ ᠡᠩ ᠤᠨ ᠬᠡᠳᠦᠬᠡᠨ | ᠦᠬᠡ ᠪᠠᠷ ᠵᠤᠷᠢᠭᠵᠢᠭᠤᠯᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠷᠡ ᠵᠤᠷᠢᠭᠵᠢᠭᠤᠯᠤᠯ ᠤᠨ ᠠᠴᠢ ᠪᠠᠷ ᠪᠢ ᠦᠨᠦᠳᠦᠷ ᠲᠤ | ᠲᠤᠯᠲᠠᠯᠠ ᠪᠢᠯᠢᠭ ᠮᠤᠬᠤᠭᠠ ᠦᠭᠡᠢ ᠰᠢᠯᠦᠭ ᠢᠶᠠᠨ ᠪᠢᠴᠢᠭᠰᠡᠭᠡᠷ᠂ ᠪᠢᠷ ᠵᠢᠪᠡᠷᠡᠭᠡ ᠦᠭᠡᠢ ᠨᠠᠶᠢᠷᠠᠭ ᠢᠶᠠᠨ | ᠲᠠᠲᠠᠯᠠᠭᠰᠠᠭᠠᠷ ᠡ︕ | | ᠭᠤᠷᠪᠠ | | ᠮᠢᠨᠤ ᠰᠢᠯᠦᠭ ᠪᠦᠲᠦᠭᠡᠯ ᠢ ᠨᠢᠭᠡ ᠪᠢᠴᠢᠬᠠᠨ ᠭᠤᠷᠤᠬᠠ ᠭᠡᠵᠤ ᠪᠤᠳᠤᠪᠠᠯ ︽ᠵᠢᠷᠢᠮ ᠤᠨ ᠰᠤᠨᠢᠨ︾ | ᠪᠤᠯ ᠡᠨᠡ ᠭᠤᠷᠤᠬᠠ ᠶᠢᠨ ᠡᠬᠢ ᠠᠪᠤᠭᠰᠠᠨ ᠭᠠᠵᠠᠷ ᠭᠡᠯᠲᠠᠢ᠃ ᠭᠤᠴᠢ ᠭᠠᠷᠤᠢ ᠵᠢᠯ ᠮᠡᠯᠮᠡᠯᠵᠡᠨ ᠲᠤᠨᠤᠯᠵᠠᠬᠤ ᠡᠨᠡ | ᠪᠤᠯᠠᠭ ᠤᠨ ᠡᠬᠢᠨ ᠲᠡᠭᠡᠷᠡ ᠪᠢ ᠰ᠊ · ᠨᠠᠨᠳᠢᠨ᠂ ᠬᠦᠷᠡᠯᠵᠢᠷᠦᠬᠡ᠂ ᠲᠡᠮᠴᠢᠭ ᠵᠡᠷᠭᠡ ︽ᠬᠤᠤᠯᠢᠨ ᠭᠤᠤᠯ︾ | ᠤᠷᠠᠨ ᠵᠤᠬᠢᠶᠠᠯ ᠤᠨ ᠨᠢᠭᠤᠷ ᠤᠨ ᠨᠠᠶᠢᠷᠠᠭᠤᠯᠤᠭᠴᠢ ᠠᠬᠠ ᠨᠠᠷ ᠤᠨ ᠬᠠᠷᠠᠮ ᠦᠭᠡᠢ ᠬᠠᠪᠰᠤᠷᠤᠯᠭᠠ ᠶᠢ ᠬᠦᠷᠲᠡᠵᠤ | ᠶᠠᠪᠤᠭᠰᠠᠨ ᠮᠦᠷᠲᠡᠭᠡᠨ ᠤᠳᠤ ᠴᠦ ᠭᠡᠰᠡᠨ ᠠᠯᠲᠠᠷᠳᠤ᠂ ᠬ᠋᠊ · ᠬᠢᠩᠭᠠᠨ ᠵᠡᠷᠭᠡ ᠳᠡᠭᠦᠦ ᠨᠠᠷ ᠤᠨ ᠬᠤᠶᠢᠰᠢ ᠦᠭᠡᠢ | ᠲᠡᠮᠵᠢᠯᠭᠡ ᠶᠢ ᠬᠦᠷᠲᠡᠵᠤ ᠶᠠᠪᠤᠨᠠ᠃ ᠵᠠᠷᠢᠮ ᠬᠦᠮᠦᠨ ᠨᠠᠳᠠ ᠳᠤ ᠡᠷᠡᠭᠡ ᠦᠭᠡᠢ ᠪᠠᠷ ︽ᠲᠠ ᠴᠢᠨᠢ ᠨᠡᠷᠡᠳᠤ | ᠰᠢᠯᠦᠭᠴᠢ ᠪᠤᠯᠴᠢᠬᠠᠭᠠᠳ ᠶᠠᠭᠤᠨ ᠳᠤ ᠪᠠᠰᠠ ᠰᠤᠨᠢᠨ ᠳᠤ ᠪᠠᠰᠠ ᠰᠢᠯᠦᠭ ᠢᠶᠠᠨ ᠦᠭᠭᠦᠭᠡᠳ ᠪᠠᠶᠢᠬᠤ ᠪᠤᠢ︾ | ᠭᠡᠵᠤ ᠰᠠᠨᠠᠭᠤᠯᠬᠤ ᠬᠤᠷᠢᠭᠯᠠᠬᠤ ᠶᠢᠨ ᠤᠷᠤᠨ ᠳᠤ ᠬᠡᠯᠡᠬᠦ ᠳᠤ᠂ ᠪᠢ ᠨᠢᠭᠡ ᠶᠤᠰᠤᠨ ᠳᠤ ᠪᠠᠨ ᠪᠢ ︽ᠵᠢᠷᠢᠮ ᠤᠨ | ᠰᠤᠨᠢᠨ︾ ᠠᠴᠠ ᠰᠢᠯᠦᠭᠴᠢ ᠪᠤᠯᠤᠭᠰᠠᠨ ᠬᠦᠮᠦᠨ᠃ ᠤᠷᠠᠨ ᠵᠤᠬᠢᠶᠠᠯ ᠡᠬᠢᠯᠡᠨ ᠤᠷᠤᠯᠳᠤᠵᠤ ᠪᠠᠶᠢᠭᠰᠠᠨ ᠦᠶᠡ ᠳᠤ | ︽ᠵᠢᠷᠢᠮ ᠤᠨ ᠰᠤᠨᠢᠨ︾ ᠳᠤ ᠪᠠᠨ ᠨᠢᠭᠡ ᠪᠦᠲᠦᠭᠡᠯ ᠤᠯᠤᠭᠠᠳ ᠨᠠᠶᠢᠲᠡᠯᠡᠪᠡᠯ ᠬᠦᠯ ᠭᠠᠵᠠᠷ ᠬᠦᠷᠬᠦ ᠦᠭᠡᠢ | ᠪᠠᠶᠠᠷᠯᠠᠵᠤ᠂ ᠲᠡᠷᠡ ᠡᠳᠦᠷ ᠤᠨ ᠰᠡᠳᠬᠢᠯᠭᠡ ᠬᠠᠮᠤᠭ ᠤᠨ ᠪᠠᠶᠠᠰᠤᠩᠭᠤᠢ ᠰᠠᠨᠠᠭᠲᠠᠵᠤ᠂ ᠲᠡᠷᠡ ᠡᠳᠦᠷ ᠤᠨ ᠬᠡᠢ ᠮᠤᠷᠢ | ᠬᠠᠮᠤᠭ ᠲᠡᠭᠳᠡᠭᠰᠡᠨ ᠰᠢᠭ ᠪᠤᠳᠤᠭᠳᠠᠳᠠᠭ ᠢ ᠶᠠᠭᠤ ᠭᠡᠬᠦ ᠪᠤᠢ᠃ ︽ᠬᠤᠤᠯᠢᠨ ᠭᠤᠤᠯ︾ ᠭᠡᠬᠦ ᠤᠷᠠᠨ ᠵᠤᠬᠢᠶᠠᠯ ᠤᠨ | ᠨᠢᠭᠤᠷ ᠨᠠᠮᠠ ᠶᠢ ᠬᠦᠮᠦᠵᠢᠭᠦᠯᠦᠭᠰᠡᠨ ᠦᠭᠡᠢ ᠪᠤᠯ ᠮᠢᠨᠤ ᠦᠨᠦᠳᠦᠷ ᠤᠨ ᠦᠴᠦᠬᠡᠨ ᠠᠮᠵᠢᠯᠲᠠ ᠪᠠᠶᠢᠵᠤ ᠴᠢᠲᠠᠬᠤ | ᠦᠭᠡᠢ ᠂ ᠬᠡᠵᠢᠶᠡ ᠬᠠᠮᠢᠭᠠ ᠴᠦ ᠭᠡᠰᠡᠨ ᠪᠢ ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠢᠶᠠᠨ ᠮᠠᠷᠲᠠᠵᠤ ᠴᠢᠲᠠᠬᠤ | ᠦᠭᠡᠢ᠂ ᠮᠠᠷᠲᠠᠵᠤ ᠴᠦ ᠪᠤᠯᠬᠤ ᠦᠭᠡᠢ ᠡ᠃ ᠦᠨᠡᠨ ᠳᠤ ᠪᠠᠨ ᠴᠦ ᠲᠡᠶᠢᠮᠤ᠃ ᠡᠴᠢᠨᠡᠬᠡᠨ ᠵᠢᠯ ᠤᠨ ᠲᠤᠷᠰᠢ ᠡᠬᠡ | ᠪᠢᠴᠢᠭ ᠤᠨ ᠬᠠᠷᠠᠮᠵᠢ ᠲᠠᠢ ᠴᠦ ᠪᠤᠯᠤᠭ᠂ ᠬᠠᠷᠠᠮᠵᠢ ᠦᠭᠡᠢ ᠴᠦ ᠪᠤᠯᠤᠭ᠂ ᠡᠳᠦᠢ ᠳᠤ ᠲᠤᠯᠳᠠᠯᠠ ᠪᠢ ︽ | ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠳᠤ ᠪᠠᠨ ᠡᠬᠡ ᠪᠢᠴᠢᠭ ᠢᠶᠠᠨ ᠦᠭᠭᠦᠭᠰᠡᠭᠡᠷ᠂ ᠮᠦᠨ ᠴᠤ ︽ᠲᠦᠩᠯᠢᠶᠤᠤ | ᠡᠳᠤᠷ ᠤᠨ ᠰᠤᠨᠢᠨ︾ ᠢᠶᠠᠨ ᠵᠢᠯ ᠪᠤᠯᠭᠠᠨ ᠵᠠᠬᠢᠶᠠᠯᠠᠨ ᠡᠳᠦᠷ ᠪᠤᠯᠭᠠᠨ ᠤᠩᠰᠢᠭᠰᠠᠭᠠᠷ᠃ ᠵᠠᠷᠢᠮ ᠳᠤ ᠪᠠᠨ | ᠰᠢᠦᠲᠠᠨ ᠬᠦᠷᠭᠡᠭᠴᠢ ᠶᠢᠨ ᠬᠠᠯᠭᠤᠤ ᠶᠤᠮ ᠤᠤ ᠡᠰᠡᠬᠦᠯᠡ ᠶᠠᠮᠠᠷ ᠨᠢᠭᠡ ᠰᠢᠯᠲᠠᠭᠠᠨ ᠢᠶᠠᠷ ᠭᠠᠷᠠᠭ ᠲᠤᠵᠢ ᠬᠦᠰᠡᠵᠤ | ᠬᠦᠯᠢᠶᠡᠵᠤ ᠪᠠᠶᠢᠭᠰᠠᠨ ᠭᠠᠷᠠᠭ ᠤᠨ ᠵᠢᠷᠭᠤᠭᠠᠨ ᠤ ᠰᠤᠨᠢᠨ ᠭᠡᠭᠡᠭᠳᠡᠬᠦ ᠶᠠᠪᠤᠲᠠᠯ ᠭᠠᠷᠲᠠᠭ᠃ ᠲᠡᠭᠡᠪᠡᠯ ᠪᠢ ᠶᠠᠮᠠᠷ | ᠨᠢᠭᠡ ᠦᠨᠡᠳᠤ ᠶᠠᠭᠤᠮᠠ ᠪᠠᠨ ᠭᠡᠭᠡᠴᠢᠭᠰᠡᠨ ᠶᠤᠮ ᠰᠢᠭ ᠰᠠᠭᠤᠲᠠᠯ ᠦᠭᠡᠢ ᠪᠤᠯᠵᠤ ᠬᠠᠵᠠᠭᠤ ᠬᠠᠪᠢ ᠶᠢᠨ | ᠪᠠᠶᠢᠭᠤᠯᠭᠠ ᠪᠠᠷ ᠲᠤᠰ ᠰᠤᠨᠢᠨ ᠢᠷᠡᠭᠰᠡᠨ ᠡᠰᠡᠬᠦ ᠶᠢ ᠨᠢ ᠡᠷᠢᠵᠤ ᠭᠠᠷᠲᠠᠭ᠃ ᠨᠠᠰᠤ ᠶᠠᠪᠤᠲᠠᠯ ᠳᠤ ᠪᠠᠨ ᠵᠤᠬᠢᠴᠠᠮᠠ | ᠦᠭᠡᠢ ᠡᠨᠡ ᠬᠦ ᠬᠦᠲᠡᠯᠦᠯ ᠢᠶᠠᠨ ᠶᠡᠭᠡ ᠭᠠᠶᠢᠬᠠᠲᠠᠭ ᠪᠢᠯᠡ᠃ ᠲᠦᠷᠦᠭᠦᠬᠡᠨ ᠨᠠᠶᠢᠷᠠᠭᠤᠯᠤᠭᠴᠢ ᠲᠡᠭᠦᠦ ᠬ᠋᠊ · | ᠬᠢᠩᠭᠠᠨ ᠮᠢᠨᠤ ᠤᠯᠵᠤ ᠤᠩᠰᠢᠭᠰᠠᠨ ᠦᠭᠡᠢ ᠭᠠᠷᠠᠭ ᠤᠨ ᠵᠢᠷᠭᠤᠭᠠᠨ ᠤ ᠰᠤᠨᠢᠨ ᠢ ᠨᠠᠳᠠ ᠳᠤ ᠭᠤᠪᠢᠭᠤᠯᠵᠤ | ᠦᠭᠭᠦᠭᠡᠳ ᠮᠢᠨᠤ ᠰᠡᠳᠬᠢᠯ ᠢ ᠲᠤᠭᠳᠤᠯᠤᠭᠤᠯᠵᠤ ᠪᠠᠶᠢᠭᠰᠠᠨ ᠳ᠋ᠠ᠃ | | ᠲᠦᠷᠪᠡ | | ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠤ ᠮᠤᠩᠭᠤᠯ ᠬᠡᠪᠯᠡᠯ ᠮᠢᠨᠢ ᠤᠳᠤ 67 ᠨᠠᠰᠤᠯᠠᠴᠢᠬᠠᠯᠠ᠃ | 67 ᠨᠠᠰᠤ ᠭᠡᠵᠤ ᠨᠢᠭᠡ ᠬᠦᠮᠦᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠨᠡᠯᠢᠶᠡᠳ ᠤᠷᠳᠤ ᠬᠤᠭᠤᠴᠠᠭᠠ᠂ ᠭᠡᠳᠡᠯᠡ ᠲᠡᠦᠬᠡ ᠶᠢᠨ | ᠲᠤᠮᠤ ᠤᠷᠤᠰᠬᠠᠯ ᠳᠤ ᠠᠪᠴᠤ ᠬᠡᠯᠡᠪᠡᠯ ᠬᠤᠷᠤᠭᠤ ᠢᠨᠴᠢᠳᠬᠦ ᠶᠢᠨ ᠬᠤᠷᠤᠮᠬᠠᠨ ᠵᠠᠭᠤᠷᠠ ᠡ︕ ᠵᠢᠷᠠᠨ ᠵᠢᠯ ᠢ | ᠮᠠᠨ ᠤ ᠮᠤᠩᠭᠤᠯᠴᠤᠳ ᠨᠢᠭᠡ ᠶᠡᠭᠡ ᠡᠷᠬᠢᠯᠲᠠ ᠭᠡᠵᠤ ᠮᠠᠰᠢ ᠪᠡᠯᠭᠡᠰᠢᠶᠡᠵᠤ ᠦᠵᠡᠳᠡᠭ ᠰᠠᠨ᠃ ᠤᠨ ᠵᠢᠯ ᠤᠨ | ᠤᠷᠤᠰᠬᠠᠯ ᠳᠤ ᠪᠢ ᠪᠠᠰᠠ ᠵᠢᠷᠠ ᠪᠠᠨ ᠰᠢᠬᠠᠵᠤ ᠲᠠᠷ ᠢᠶᠠᠨ ᠬᠡᠮᠡᠯᠢᠭᠰᠡᠨ ᠨᠠᠰᠤᠨ ᠳᠤ ᠪᠠᠨ ᠤᠷᠤᠬᠤ ᠳᠤ ︽ | ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠤ ᠵᠢᠷᠠ ᠭᠠᠷᠤᠢ ᠵᠢᠯ ᠬᠠᠷᠢᠨ ᠴᠠᠭ ᠦᠶᠡ ᠶᠢᠨ ᠤᠷᠤᠰᠬᠠᠯ ᠢ ᠲᠠᠭᠠᠵᠤ ᠂ | ᠴᠠᠯ ᠵᠠᠯᠠᠭᠤ ᠪᠠᠷ ᠢᠶᠠᠨ ᠪᠢᠲᠡᠨ ᠤ ᠬᠠᠷᠠᠭᠠᠨ ᠳᠤ ᠨᠤᠭᠤᠭᠠᠷᠠᠭᠰᠠᠭᠠᠷ ᠪᠠᠶᠢᠨᠠᠮ᠃ | ︽ᠦᠴᠦᠭᠡᠳᠦᠷ ᠰᠠᠶ᠋ᠢ ᠦᠴᠠᠩ ᠤᠨ ᠵᠢᠭᠠᠰᠤ ᠶᠢ ᠠᠮᠳᠠᠯᠠᠲᠠᠯᠠ᠂ ᠦᠨᠦᠳᠦᠷ ᠠᠬᠢᠨ ᠴᠠᠩᠱᠠ ᠶᠢᠨ | ᠤᠰᠤ ᠶᠢ ᠤᠤᠭᠤᠯᠤᠭᠠ︾ ᠭᠡᠵᠤ ᠠᠭᠤᠤ ᠶᠡᠭᠡ ᠤᠳᠤᠷᠢᠳᠤᠭᠴᠢ ᠮᠠᠦ ᠽᠧ ᠳ᠋ᠦᠡᠭ ᠨᠦᠬᠦᠷ ᠤᠨ ᠰᠢᠯᠦᠭ ᠲᠤ | ᠦᠭᠦᠯᠡᠭᠰᠡᠨ ᠰᠢᠭ ᠢᠶᠠᠷ ᠂ ᠡᠤ ᠶᠢᠨ ᠭᠠᠩ ᠠᠬᠠ ᠶᠢᠨ ᠳᠤ ᠪᠤᠷᠴᠠᠭ ᠤᠨ ᠱᠦᠯᠦ ᠤᠤᠭᠤᠵᠤ ᠪᠠᠶᠢᠭᠰᠠᠨ ᠵᠠᠯᠠᠭᠤ | ᠨᠠᠰᠤ ᠬᠠᠮᠢᠭᠠᠰᠢ ᠤᠳᠤᠭᠰᠠᠨ ᠢ ᠮᠡᠳᠡᠬᠦ ᠦᠭᠡᠢ ᠂ ᠦᠨᠡᠨᠴᠢ ᠭᠤᠸᠠᠢ ᠲᠠᠢ ᠠᠷᠤ ᠬᠦᠨᠲᠡᠯᠡᠨ᠂ ᠬᠤᠤᠯᠢᠨ ᠭᠤᠤᠯ | ᠳᠤ ᠰᠤᠷᠪᠤᠯᠵᠢᠯᠠᠵᠤ ᠶᠠᠪᠤᠭᠰᠠᠨ ᠤᠨ ᠰᠠᠷᠠ ᠬᠠᠮᠢᠭᠠ ᠡᠴᠢᠭᠰᠡᠨ ᠢ ᠮᠡᠳᠡᠬᠦ ᠦᠭᠡᠢ᠃ ᠨᠢᠭᠡ ᠮᠡᠳᠡᠬᠦ ᠳᠤ ᠮᠢᠨᠤ | ᠬᠠᠶᠢᠷᠠ ᠬᠠᠶᠢᠷᠠ ᠶᠢᠨ ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠮᠢᠨᠢ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ 67 ᠵᠢᠯ ᠤᠨ ᠤᠢ ᠪᠠᠨ | ᠤᠭᠳᠤᠵᠤ ᠪᠠᠶᠢᠨᠠ᠃ | ᠠᠯᠬᠤᠵᠤ ᠶᠠᠪᠤᠭᠰᠠᠨ ᠮᠦᠷ ᠠᠴᠠ ᠲᠤᠷᠠᠶᠢᠵᠤ ᠭᠠᠷᠤᠭᠰᠠᠨ ᠵᠠᠮ᠃ | ᠠᠲᠠᠯ ᠪᠤᠰᠬᠠᠭᠰᠠᠨ ᠲᠡᠦᠬᠡ ᠠᠴᠠ ᠠᠮᠵᠢᠯᠲᠠ ᠰᠤᠯᠤᠩᠭᠠᠷᠠᠭᠰᠠᠨ ᠦᠢᠯᠡᠰ᠃ | ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠤ ᠮᠤᠩᠭᠤᠯ ᠬᠡᠪᠯᠡᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠭᠰᠠᠨ ᠴᠤᠭ | ᠪᠠᠭᠰᠢᠲᠠᠨ ︵ᠮᠢᠨᠤ ᠶᠡᠭᠡ ᠨᠠᠭᠠᠴᠤ︶᠂ ᠨᠤᠮᠢᠨ ᠪᠠᠭᠰᠢᠲᠠᠨ᠂ ᠲᠡᠭᠰᠢ ᠪᠠᠭᠰᠢᠲᠠᠨ᠂ ᠤᠷᠳᠤᠨᠠᠰᠤᠳᠤ ᠪᠠᠭᠰᠢᠲᠠᠨ᠂ | ᠲᠠᠯᠠᠢ ᠪᠠᠭᠰᠢᠲᠠᠨ ᠵᠢᠴᠢ ᠤᠳᠤ ᠶᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠡᠤ ᠶᠢᠨ ᠭᠠᠩ ᠠᠬᠠ ᠵᠡᠷᠭᠡ ᠤᠳᠤᠷᠢᠳᠤᠯᠭᠠ ᠨᠠᠷ | ᠰᠤᠨᠢᠨ ᠤ ᠪᠠᠨ ᠤᠨᠢ ᠶᠢ ᠡᠷᠭᠦᠵᠤ ᠲᠤᠭᠤᠷᠭᠠ ᠶᠢ ᠲᠤᠯᠵᠤ ᠶᠠᠪᠤᠭᠰᠠᠨ ᠡᠷᠡᠮᠡᠬᠡᠢ ᠵᠢᠳᠬᠦᠯ ᠢ ᠶᠠᠭᠠᠬᠢᠬᠤ ᠶᠢᠨ | ᠠᠷᠭᠠ ᠦᠭᠡᠢ ᠪᠢᠰᠢᠷᠡᠨᠡᠮ ᠪᠢ᠃ | ᠤᠷᠠᠢ ᠵᠠᠯᠠᠭᠤ ᠨᠠᠰᠤ ᠪᠠᠨ ᠰᠤᠨᠢᠨ ᠤ ᠦᠢᠯᠡᠰ ᠲᠤ ᠵᠤᠷᠢᠭᠤᠯᠵᠤ᠂ ᠤᠨᠲᠠᠵᠤ ᠠᠮᠠᠷᠠᠬᠤ ᠴᠠᠭ ᠢᠶᠠᠨ | ᠰᠤᠷᠪᠤᠯᠵᠢᠯᠠᠵᠤ ᠨᠠᠶᠢᠷᠠᠭᠤᠯᠬᠤ ᠳᠤ ᠵᠠᠷᠤᠴᠠᠭᠤᠯᠤᠭᠰᠠᠨ᠂ ᠠᠵᠢᠯ ᠦᠢᠯᠡᠰ ᠤᠨ ᠠᠷᠠᠯ ᠤᠨ ᠱᠠᠷ ᠰᠢᠭ᠋᠂ ᠠᠯᠲᠠᠨ | ᠵᠢᠷᠢᠮ ᠤᠨ ᠢᠶᠠᠨ ᠲᠠᠶᠢᠴᠢᠨ ᠬᠤᠰᠢᠭᠤᠴᠢ ᠰᠢᠭ᠋ ᠠᠬᠠᠮᠠᠳ ᠰᠤᠷᠪᠤᠯᠵᠢᠯᠠᠭᠴᠢ᠂ ᠭᠠᠪᠢᠶᠠᠳᠤ ᠨᠠᠶᠢᠷᠠᠭᠤᠯᠤᠭᠴᠢ᠂ | ᠦᠰᠦᠭ ᠬᠠᠷᠭᠤᠭᠤᠯᠤᠭᠴᠢ᠂ ᠪᠠᠷᠯᠠᠭᠴᠢ ᠨᠠᠷ ᠤᠨ ᠰᠢᠨᠠ ᠶᠢ ᠲᠠᠭᠠᠵᠤ ᠤᠷᠤᠰᠤᠭᠰᠠᠨ ᠬᠦᠯᠦᠰᠤ ᠪᠤᠯᠤᠨ ᠰᠢᠷᠡᠭᠡᠨ | ᠢᠷᠮᠡᠭ ᠢᠶᠠᠷ ᠡᠯᠡᠭᠲᠡᠵᠤ ᠶᠠᠪᠤᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠶᠢ ᠨᠢ ᠪᠢ ᠰᠢᠳᠦᠨ ᠬᠦᠨᠳᠤᠳᠬᠡᠨᠡᠮ᠃ | ᠴᠠᠭ ᠦᠶᠡ ᠶᠢᠨ ᠲᠠᠭᠤᠨ ᠬᠤᠭᠤᠯᠠᠢ ᠪᠤᠯᠵᠤ᠂ ᠴᠠᠳᠢᠭ ᠲᠡᠦᠬᠡ ᠶᠢᠨ ᠤᠯᠪᠠᠭᠠ ᠮᠦᠷ ᠢ ᠲᠡᠮᠳᠡᠭᠯᠡᠭᠰᠡᠨ ︽ | ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠮᠢᠨᠢ ᠡᠷᠢᠨ ᠴᠠᠭ ᠤᠨ ᠬᠦᠭ ᠠᠶᠠᠯᠭᠤ ᠶᠢ ᠴᠤᠤᠷᠢᠶᠠᠲᠤᠭᠤᠯᠤᠨ᠂ ᠬᠡᠯᠡᠨ | ᠤ ᠲᠠᠩᠰᠤᠭ ᠭᠠᠶᠢᠬᠠᠮᠰᠢᠭ ᠢ ᠬᠠᠷᠠᠭᠤᠯᠤᠨ ᠲᠡᠦᠬᠡ ᠠᠴᠠ ᠤᠳᠤ ᠳᠤ ᠲᠤᠯᠳᠠᠯᠠ᠂ ᠤᠳᠤ ᠠᠴᠠ ᠢᠷᠡᠭᠡᠳᠦᠢ ᠳᠤ | ᠬᠦᠷᠲᠡᠯᠡ ᠮᠢᠷᠠᠯᠵᠠᠨ ᠰᠤᠯᠤᠩᠭᠠᠷᠠᠵᠤ ᠶᠠᠪᠤᠭᠠ ᠳᠤ ᠪᠢ ᠤᠮᠤᠭᠰᠢᠨᠠᠮ᠃ | ᠲᠠᠪᠤ | | 67 ᠵᠢᠯ ᠤᠨ ᠲᠤᠷᠰᠢ ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠮᠢᠨᠢ ᠪᠠᠭᠠ ᠪᠠᠶᠢᠭᠰᠠᠨ ᠠᠴᠠ ᠪᠠᠨ | ᠶᠡᠭᠡ ᠪᠤᠯᠵᠤ᠂ ᠪᠠᠭᠤᠷᠠᠢ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠬᠦᠴᠦᠷᠬᠡᠭ ᠪᠤᠯᠵᠤ᠂ ᠲᠦᠩᠯᠢᠶᠤᠤ ᠬᠤᠲᠠ ᠶᠢᠨ ᠨᠠᠮ ᠤᠨ | ᠬᠤᠷᠢᠶᠠ᠂ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠠᠷᠢᠶᠠ ᠬᠡᠯᠡᠯᠴᠡᠭᠡᠨ ᠤ ᠭᠤᠤᠯ ᠪᠤᠯᠬᠤ ᠵᠠᠭᠤᠴᠢᠯᠠᠭᠤᠷ | ᠪᠤᠯᠵᠤ᠂ ᠤᠩᠰᠢᠭᠴᠢ ᠲᠦᠮᠡᠨ ᠤ ᠤᠶᠤᠨ ᠲᠠᠷᠢᠬᠢᠨ ᠳᠤ ᠤᠶᠤᠨ ᠮᠡᠳᠡᠯᠭᠡ ᠶᠢᠨ ᠰᠢᠮᠠ ᠶᠢ ᠡᠳᠦᠷ ᠡᠳᠦᠷ ᠴᠣ | ᠰᠢᠨᠠ ᠪᠠᠷ ᠬᠠᠩᠭᠠᠭᠰᠠᠭᠠᠷ ᠪᠠᠶᠢᠨᠠ᠃ | ᠠᠯᠠᠭᠠᠨ ᠲᠡᠭᠡᠷᠡ ᠮᠢᠨᠢ ᠠᠵᠠ ᠶᠢᠨ ᠴᠡᠩᠭᠡᠷ ᠲᠠᠭᠲᠠᠭᠠ ᠰᠢᠭ᠋ ᠡᠳᠦᠷ ᠡᠳᠦᠷ ᠲᠡᠪᠬᠡᠷᠤᠨ | ᠪᠠᠭᠤᠬᠤ ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠢᠶᠠᠨ ᠪᠢ ᠬᠠᠶᠢᠷᠠᠯᠠᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠤᠴᠢᠷ ᠦᠭᠡᠢ᠃ | ᠰᠢᠷᠡᠭᠡᠨ ᠲᠡᠭᠡᠷᠡ ᠮᠢᠨᠢ ᠰᠢᠨᠠ ᠬᠠᠪᠤᠷ ᠤᠨ ᠴᠠᠰᠤ ᠰᠢᠭ᠋ ᠴᠠᠭ ᠤᠨ ᠴᠠᠭ ᠲᠤ ᠪᠠᠨ ᠨᠠᠮᠢᠷᠠᠨ ᠪᠠᠭᠤᠬᠤ ︽ | ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠢᠶᠠᠨ ᠪᠢ ᠲᠡᠭᠡᠵᠢᠯᠡᠬᠦ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ᠃ | ᠵᠢᠷᠠᠨ ᠵᠢᠯ᠂ ᠵᠠᠭᠤᠨ ᠵᠢᠯ᠂ ᠮᠢᠩᠭᠠᠨ ᠵᠢᠯ ᠢᠶᠠᠷ ᠮᠢᠨᠤ ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ | ᠤᠩᠰᠢᠭᠴᠢ ᠶᠢᠨ ᠢᠶᠠᠨ ᠰᠡᠳᠬᠢᠯ ᠳᠤ ᠤᠶᠤᠨ ᠤ ᠵᠤᠯᠠ ᠪᠤᠯᠵᠤ ᠪᠠᠳᠮᠠᠯᠠᠨ ᠭᠡᠷᠡᠯᠳᠦᠬᠦ ᠶᠢ ᠪᠢ ᠢᠲᠡᠭᠡᠨᠡ᠃ | ᠬᠤᠷᠴᠢᠨ ᠨᠤᠳᠤᠭ ᠠᠴᠠ ᠬᠤᠷᠸᠠ ᠲᠡᠯᠡᠬᠡᠢ ᠳᠤ᠂ ᠬᠤᠨᠤᠭ ᠤᠨ ᠭᠠᠵᠠᠷ ᠠᠴᠠ ᠬᠤᠯᠠ ᠶᠢᠨ ᠲᠢᠪ | ᠬᠦᠷᠲᠡᠯᠡ ᠮᠠᠨ ᠤ ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ ᠬᠦᠮᠦᠨ ᠵᠤᠨ ᠤ ᠰᠡᠳᠬᠢᠯ ᠳᠤ ᠪᠤᠳᠤᠯ ᠤᠨ ᠴᠠᠮᠬᠠᠭ | ᠪᠤᠯᠵᠤ ᠲᠤᠶᠠᠭᠠᠷᠠᠨ ᠰᠠᠴᠤᠷᠠᠬᠤ ᠶᠢ ᠪᠢᠲᠡ ᠢᠲᠡᠭᠡᠨᠡ︕ | ᠮᠢᠨᠤ ︽ᠲᠦᠩᠯᠢᠶᠤᠤ ᠡᠳᠤᠷ ᠤᠨ ᠰᠤᠨᠢᠨ︾ —— | ᠮᠢᠨᠤ ᠠᠮᠢ ᠠᠮᠢᠳᠤᠷᠠᠯ᠂ ᠤᠷᠠᠨ ᠪᠦᠲᠦᠭᠡᠯ ᠤᠨ ᠮᠢᠨᠢ ᠤᠨᠠᠭᠠᠨ ᠪᠠᠭᠤᠴᠠ ᠡ︕ | ︽ᠶᠠᠭᠷᠠᠢ ᠬᠤᠳᠤᠭᠤᠷ︾ ᠬᠡᠮᠡᠬᠦ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠦᠷᠦᠭᠡᠨᠡ | |