| ᠬᠦᠴᠢᠷᠳᠡᠯᠲᠠᠢ ᠵᠡᠮᠳᠡᠭᠴᠦᠳ ᠤᠨ ᠠᠯᠬᠤᠬᠤ ᠬᠦᠰᠡᠯ ᠢ ᠲᠡᠷᠭᠡᠯᠰᠢᠭᠦᠯᠦᠶᠡ | ᠨᠣᠮᠢᠨ ᠂ ᠴᠣᠯᠮᠣᠨ ᠮᠡᠳᠡᠭᠡᠯᠡᠪᠡ | ᠬᠠᠪᠤᠷ ᠤᠨ ᠠᠭᠤᠷ ᠣᠷᠣᠭᠰᠠᠨ ᠨᠢ ᠬᠠᠪᠤᠷ ᠤᠨ ᠤᠯᠠᠷᠢᠯ ᠤᠨ ᠭᠥᠰᠢᠭᠡ ᠶᠢ ᠰᠡᠬᠦᠵᠦ᠂ ᠲᠦᠮᠡᠨ ᠪᠣᠳᠠᠰ ᠠᠮᠢᠯᠠᠨ | ᠰᠡᠷᠭᠦᠭᠰᠡᠨ ᠬᠠᠪᠤᠷ ᠴᠠᠭ ᠬᠦᠷᠴᠦ ᠢᠷᠡᠭᠰᠡᠨ ᠤ ᠲᠡᠮᠳᠡᠭ ᠪᠣᠯᠣᠨᠠ᠃ ᠭᠡᠪᠡᠴᠦ ᠣᠮᠠᠷᠠᠲᠤ ᠣᠷᠣᠨ ᠤ ᠬᠠᠪᠤᠷ ᠨᠢ | ᠬᠡᠵᠢᠶᠡᠲᠡ ᠬᠤᠵᠢᠮᠳᠠᠵᠦ ᠢᠷᠡᠳᠡᠭ ᠤᠨ ᠤᠴᠢᠷ ᠠᠭᠤᠷ ᠠᠮᠢᠰᠬᠤᠯ ᠬᠠᠯᠠᠭᠤᠨ ᠲᠠᠢ ᠬᠥᠢᠲᠡᠨ ᠲᠠᠢ᠂ ᠬᠠᠶᠠ ᠳᠤ ᠪᠠᠨ | ᠪᠠᠰᠠ ᠶᠡᠭᠡ ᠰᠠᠯᠬᠢᠯᠠᠵᠦ ᠡᠯᠡᠰᠦᠨ ᠰᠢᠭᠤᠷᠭᠠ ᠪᠣᠰᠳᠠᠭ᠂ ᠭᠡᠪᠡᠴᠦ ᠬᠦᠮᠦᠰ ᠶᠡᠷᠦ ᠬᠠᠪᠤᠷ ᠢ ᠮᠠᠭᠲᠠᠨ ᠳᠠᠭᠤᠯᠠᠬᠤ | ᠪᠠᠨ ᠵᠤᠭᠰᠤᠭᠠ ᠦᠭᠡᠢ᠃ ᠤᠯᠠᠷᠢᠯ ᠤᠨ ᠲᠥᠷᠥᠭᠦᠦ ᠬᠠᠪᠤᠷ ᠢ ᠬᠦᠮᠦᠰ ᠬᠦᠰᠡᠯ ᠪᠣᠳᠣᠯ ᠪᠡᠶᠡᠯᠡᠯ ᠢᠶᠠᠨ ᠣᠯᠳᠠᠭ | ᠤᠯᠠᠷᠢᠯ ᠭᠡᠵᠦ ᠬᠡᠯᠴᠡᠳᠡᠭ᠂ ᠡᠨᠡ ᠨᠢ ᠵᠠᠷᠢᠮ ᠬᠦᠮᠦᠰ ᠤᠨ ᠬᠤᠪᠢ ᠳᠤ ᠰᠠᠶᠢᠨ ᠰᠠᠶᠢᠬᠠᠨ ᠢ ᠪᠡᠯᠭᠡᠳᠡᠭᠰᠡᠨ ᠬᠡᠢ | ᠬᠤᠭᠤᠰᠣᠨ ᠦᠭᠡ ᠪᠢᠰᠢ᠂ ᠬᠠᠷᠢᠨ ᠲᠡᠳᠡ ᠨᠠᠷ ᠤᠨ ᠪᠡᠶᠡ ᠳᠡᠭᠡᠷᠡ ᠡᠭᠦᠰᠦᠭᠰᠡᠨ ᠥᠪ ᠦᠨᠡᠨ ᠬᠦ ᠤᠴᠢᠷ ᠪᠠᠶᠢᠵᠦ | ᠲᠠᠭᠠᠷᠠᠨᠠ᠃ | ᠥᠨᠥ ᠵᠢᠯ ᠤᠨ 3 ᠳ᠋ᠤᠭᠠᠷ ᠰᠠᠷᠠ ᠳᠤ ᠳ᠋ᠤᠸᠠᠨ ᠸᠧᠢ ᠭᠠᠩ ᠮᠦᠨ ᠯᠠ ᠵᠠᠩᠪᠸᠢ ᠰᠢᠶᠠᠨ ᠳᠤ ᠳᠥᠷᠢᠶᠡᠰᠦᠨ | ᠮᠠᠰᠢᠨ ᠢᠶᠠᠨ ᠪᠠᠷᠢᠵᠦ ᠪᠠᠶᠢᠬᠤ ᠳᠤ ᠲᠠᠶᠢᠪᠦᠰᠧ ᠬᠤᠰᠢᠭᠤᠨ ᠤ ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠵᠥᠪᠯᠡᠯ ᠤᠨ ᠬᠢᠨ | ᠤᠲᠠᠰᠦ ᠢᠷᠡᠭᠦᠯᠵᠦ᠂ ᠬᠥᠬᠡᠬᠤᠲᠠ ᠳᠤ ᠬᠦᠷᠴᠦ ᠬᠢᠮᠡᠯ ᠮᠦᠴᠢ ᠲᠠᠭᠠᠷᠠᠭᠤᠯᠤᠭᠠᠷᠠᠢ ᠭᠡᠵᠦ ᠮᠡᠳᠡᠭᠳᠡᠪᠡ᠃ ᠳ᠋ᠤᠸᠠᠨ | ᠸᠧᠢ ᠭᠠᠩ ᠡᠨᠡ ᠬᠦ ᠴᠢᠮᠡᠭᠡ ᠶᠢ ᠰᠣᠨᠣᠰᠣᠮᠠᠭᠴᠠ ᠳᠣᠣᠷᠠ ᠪᠠᠨ ᠲᠣᠯᠣᠭᠠᠢ ᠰᠡᠭᠰᠦᠷᠴᠦ᠂ ᠬᠢᠮᠡᠯ ᠮᠥᠴᠢ | ᠲᠠᠭᠠᠷᠠᠭᠤᠯᠬᠤ ᠮᠥᠩᠬᠦ ᠪᠠᠶᠢᠬᠤ ᠦᠭᠡᠢ ᠭᠡᠵᠦ ᠦᠨᠡᠨ ᠢᠶᠠᠨ ᠬᠡᠯᠡᠭᠰᠡᠨ ᠳᠤ᠂ ᠡᠨᠡ ᠤᠳᠠᠭᠠ ᠪᠣᠯ ᠥᠪᠡᠷᠲᠡᠭᠡᠨ | ᠵᠠᠰᠠᠬᠤ ᠣᠷᠣᠨ ᠤ ᠡᠷᠡᠭᠦᠯᠵᠢᠯ ᠤᠨ ᠲᠤᠰᠠᠯᠠᠬᠤ ᠪᠠᠭᠠᠵᠢ ᠶᠢᠨ ᠲᠥᠪ ᠠᠴᠠ ᠬᠦᠴᠢᠷᠳᠡᠯᠲᠠᠢ ᠵᠡᠮᠳᠡᠭᠴᠦᠳ ᠲᠤ | ᠲᠦᠯᠦᠪᠦᠷᠢ ᠦᠭᠡᠢ ᠪᠠᠷ ᠬᠢᠮᠡᠯ ᠮᠥᠴᠢ ᠲᠠᠭᠠᠷᠠᠭᠤᠯᠵᠦ ᠥᠭᠴᠦ ᠪᠤᠢ᠂ ᠵᠠᠮ ᠤᠨ ᠵᠠᠷᠤᠳᠠᠯ ᠪᠣᠯᠣᠨ ᠬᠤᠭᠤᠯᠠᠨ ᠤ | ᠵᠠᠷᠤᠳᠠᠯ ᠢᠶᠠᠨ ᠭᠠᠷᠭᠠᠪᠠᠯ ᠪᠣᠯᠴᠢᠬᠠᠨᠠ ᠭᠡᠪᠡ᠃ ᠳ᠋ᠤᠸᠠᠨ ᠸᠧᠢ ᠭᠠᠩ ᠡᠭᠦᠨ ᠢ ᠢᠲᠡᠭᠡᠵᠦ ᠶᠠᠳᠠᠨ ᠬᠥᠬᠡᠬᠤᠲᠠ ᠳᠤ | ᠬᠦᠷᠴᠦ ᠢᠷᠡᠯᠡ᠃ | ᠪᠢᠳᠡ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠡᠷᠡᠭᠦᠯᠵᠢᠯ ᠤᠨ ᠲᠤᠰᠠᠯᠠᠬᠤ ᠪᠠᠭᠠᠵᠢ ᠶᠢᠨ ᠲᠥᠪ ᠲᠤ ᠬᠦᠷᠬᠦ ᠳᠤ᠂ | ᠳ᠋ᠤᠸᠠᠨ ᠸᠧᠢ ᠭᠠᠩ ᠶᠠᠭ ᠰᠠᠶᠢᠬᠠᠨ ᠠᠰᠠᠷ ᠤᠨ ᠨᠢᠭᠡᠳᠦᠭᠡᠷ ᠳᠠᠪᠬᠤᠷ ᠤᠨ ᠡᠷᠡᠭᠦᠯᠵᠢᠯ ᠤᠨ ᠲᠣᠭᠤᠷᠢᠭ ᠲᠤ ᠬᠢᠮᠡᠯ | ᠮᠥᠴᠢ ᠲᠠᠭᠠᠷᠠᠭᠤᠯᠤᠨ ᠲᠤᠷᠰᠢᠵᠦ ᠪᠠᠶᠢᠯᠠ᠃ ᠥᠨᠥ ᠵᠢᠯ 59 ᠲᠠᠢ ᠳ᠋ᠤᠸᠠᠨ ᠸᠧᠢ ᠭᠠᠩ ᠪᠣᠯ ᠰᠢᠯᠢ ᠶᠢᠨ ᠭᠤᠣᠯ | ᠠᠶᠢᠮᠠᠭ ᠤᠨ ᠲᠠᠶᠢᠪᠦᠰᠧ ᠬᠤᠰᠢᠭᠤᠨ ᠤ ᠬᠦᠮᠦᠨ ᠪᠣᠯᠣᠨᠠ᠂ ᠡᠮᠦᠨᠡ ᠨᠢ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠪᠣᠯᠣᠨ | ᠵᠠᠩᠪᠸᠢ ᠰᠢᠶᠠᠨ ᠤ ᠬᠤᠭᠤᠷᠣᠨᠳᠣ ᠮᠢᠬᠠᠨ ᠤ ᠬᠤᠳᠠᠯᠳᠤᠭᠠ ᠬᠢᠵᠦ ᠠᠮᠢᠳᠤᠷᠠᠯ ᠢᠶᠠᠨ ᠠᠷᠭᠠᠴᠠᠭᠠᠳᠠᠭ ᠪᠠᠶᠢᠵᠠᠢ ᠃ | 2018 ᠣᠨ ᠳᠤ ᠲᠡᠷᠭᠡᠨ ᠤ ᠠᠳᠡᠯ ᠠᠴᠠ ᠪᠣᠯᠵᠤ ᠬᠤᠶᠠᠷ ᠬᠥᠯ ᠪᠣᠯᠣᠨ ᠵᠡᠭᠦᠨ ᠭᠠᠷ ᠨᠢ ᠬᠥᠨᠳᠥ ᠰᠢᠷᠬᠠᠳᠤᠵᠠᠢ᠂ | ᠬᠡᠳᠦᠶᠢᠪᠡᠷ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠳᠠᠷᠤᠢ ᠵᠠᠩ ᠵᠢᠶᠠ ᠺᠸᠦ ᠬᠤᠲᠠ ᠶᠢᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠬᠦᠷᠭᠡᠨ | ᠡᠮᠨᠡᠭᠦᠯᠦᠭᠰᠡᠨ ᠪᠣᠯᠪᠠᠴᠦ ᠳ᠋ᠤᠸᠠᠨ ᠸᠧᠢ ᠭᠠᠩ ᠵᠡᠭᠦᠨ ᠬᠥᠯ ᠢᠶᠠᠨ ᠳᠠᠭᠠᠷᠢᠭᠤᠯᠵᠦ᠂ ᠪᠠᠷᠠᠭᠤᠨ ᠬᠥᠯ ᠪᠣᠯᠣᠨ ᠵᠡᠭᠦᠨ | ᠭᠠᠷ ᠨᠢ ᠴᠦ ᠮᠡᠰᠡ ᠵᠠᠰᠠᠯ ᠬᠢᠭᠡᠳᠲ᠋ᠥ᠋ᠩᠭᠡᠵᠦ ᠠᠮᠢ ᠭᠠᠷᠪᠠ᠃ ᠳ᠋ᠤᠸᠠᠨ ᠸᠧᠢ ᠭᠠᠩ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ | ᠪᠦᠬᠦᠯᠢ ᠬᠤᠶᠠᠷ ᠰᠠᠷᠠ ᠬᠡᠪᠲᠡᠭᠡᠳ ᠰᠠᠶ᠋ᠢ ᠭᠡᠷ ᠲᠤ ᠪᠠᠨ ᠬᠠᠷᠢᠵᠦ ᠰᠣᠪᠢᠯᠠᠵᠦ ᠰᠠᠭᠤᠵᠠᠢ᠃ ᠲᠡᠷᠡ ᠬᠡᠰᠡᠭ | ᠬᠤᠭᠤᠴᠠᠭᠠ ᠨᠢ ᠤᠷᠤᠭ ᠰᠠᠯᠤᠭᠠᠳ ᠤᠳᠠᠭᠠᠨ ᠵᠢᠯ ᠪᠣᠯᠣᠭᠰᠠᠨ ᠳ᠋ᠤᠸᠠᠨ ᠸᠧᠢ ᠭᠠᠩ ᠤᠨ ᠬᠤᠪᠢ ᠳᠤ ᠮᠠᠰᠢ | ᠬᠠᠷᠠᠩᠭᠤᠢ ᠴᠠᠭ ᠦᠶᠡ ᠭᠡᠵᠦ ᠬᠡᠯᠡᠵᠦ ᠪᠣᠯᠣᠨᠠ᠂ ᠦᠷᠡ ᠶᠢᠨ ᠭᠠᠭᠴᠠ ᠬᠦᠦ ᠨᠢ ᠠᠵᠢᠯ ᠠᠮᠢᠳᠤᠷᠠᠯ ᠭᠡᠵᠦ | ᠶᠠᠭᠠᠷᠠᠭᠠᠳ ᠴᠠᠭ ᠮᠥᠴᠡ ᠦᠭᠡᠢ ᠬᠠᠷᠠᠭᠠᠯᠵᠠᠵᠦ ᠳᠡᠶᠢᠯᠬᠦ ᠦᠭᠡᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠲᠡᠷᠡ ᠪᠠᠷ ᠠᠷᠭᠠ ᠪᠣᠰᠣ | ᠬᠦᠮᠦᠨ ᠬᠥᠯᠥᠰᠦᠯᠡᠵᠦ ᠢᠳᠡᠵᠦ ᠤᠤᠭᠤᠵᠦ ᠶᠠᠪᠤᠵᠦ ᠰᠠᠭᠤᠬᠤ ᠠᠰᠠᠭᠤᠳᠠᠯ ᠢᠶᠠᠨ ᠰᠢᠢᠳᠪᠦᠷᠢᠯᠡᠪᠡ᠃ ᠳ᠋ᠤᠸᠠᠨ ᠸᠧᠢ | ᠭᠠᠩ ᠲᠡᠷᠡ ᠦᠶᠡ ᠪᠠᠨ ᠡᠷᠭᠢᠴᠡᠭᠦᠯᠬᠦ ᠳᠤ ᠪᠠᠨ ᠄ ︽ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠠᠴᠠ ᠭᠡᠷ ᠲᠤ ᠪᠠᠨ ᠬᠠᠷᠢᠭᠰᠠᠨ ᠤ | ᠳᠠᠷᠠᠭᠠ᠂ ᠠᠮᠢᠨ ᠳᠤ ᠪᠠᠨ ᠵᠥᠪ ᠦᠭᠡᠢ ᠪᠣᠯᠴᠢᠬᠠᠭᠰᠠᠨ ᠭᠡᠵᠦ ᠬᠡᠯᠡᠪᠡᠴᠦ ᠢᠯᠡᠭᠦᠳᠡᠬᠦ ᠦᠭᠡᠢ᠂ ᠶᠠᠭᠤ ᠬᠢᠶᠡ ᠭᠡᠵᠦ | ᠪᠣᠳᠣᠪᠠᠴᠦ ᠲᠡᠩᠬᠡᠭᠡ ᠬᠦᠷᠬᠦ ᠦᠭᠡᠢ᠂ ᠣᠷᠮᠠ ᠬᠤᠭᠤᠷᠠᠵᠦ ᠵᠣᠷᠢᠭ ᠮᠣᠬᠤᠭᠠᠳ ᠠᠮᠢᠳᠤᠷᠠᠬᠤ ᠰᠠᠨᠠᠭᠠ ᠦᠭᠡᠢ | ᠪᠣᠯᠣᠭᠰᠠᠨ᠂ ᠪᠡᠶᠡ ᠪᠠᠨ ᠬᠤᠣᠷᠯᠠᠬᠤ ᠪᠣᠳᠣᠯ ᠴᠦ ᠣᠷᠣᠵᠦ ᠥᠩᠭᠡᠷᠡᠯᠡ᠂ ᠲᠡᠷᠡ ᠦᠶᠡ ᠳᠤ ᠪᠢ ᠡᠳᠦᠷᠵᠢᠨ | ᠣᠷᠣᠨ ᠳᠡᠭᠡᠷᠡ ᠪᠠᠨ ᠬᠡᠪᠲᠡᠭᠡᠳ ᠭᠠᠷ ᠤᠲᠠᠰᠤ ᠣᠷᠣᠯᠳᠣᠵᠣ ᠳᠡᠶᠢᠯᠬᠦ ᠯᠠ ᠲᠡᠩᠬᠡᠭᠡ ᠲᠠᠢ᠂ ᠮᠥᠩᠬᠦ ᠪᠠᠨ | ᠦᠷᠡᠭᠡᠵᠦ ᠲᠣᠭᠯᠠᠭᠠᠮ ᠨᠠᠭᠠᠳᠤᠨᠠ᠂ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡ ᠦᠵᠡᠵᠦ ︿ᠪᠡᠯᠡᠭ ﹀ ᠬᠦᠷᠭᠡᠨᠡ᠂ ᠶᠠᠭᠤ ᠴᠦ | ᠭᠡᠰᠡᠨ ᠡᠳᠦᠷ ᠥᠩᠭᠡᠷᠡᠭᠡᠵᠦ ᠯᠠ ᠪᠠᠶᠢᠬᠤ ᠬᠡᠷᠡᠭ᠂ ᠲᠡᠭᠡᠭᠡᠳ ᠪᠠᠩᠬᠢ ᠶᠢᠨ ᠺᠠᠷᠲ ᠲᠣᠳᠣᠷᠠᠬᠢ ᠬᠡᠳᠦᠨ ᠠᠷᠪᠠᠨ | ᠲᠦᠮᠡ ᠶᠢᠨ ᠲᠡᠷᠭᠡᠨ ᠠᠳᠡᠯ ᠤᠨ ᠲᠦᠯᠦᠪᠦᠷᠢ ᠮᠦᠩᠬᠦ ᠪᠣᠯᠣᠨ ᠬᠠᠳᠠᠭᠠᠯᠠᠵᠦ ᠪᠠᠶᠢᠭᠰᠠᠨ ᠳᠣᠯᠤᠭᠠ ᠨᠠᠢᠮᠠᠨ ᠲᠦᠮᠡᠨ | ᠲᠦᠭᠦᠷᠢᠭ ᠢᠶᠠᠨ ᠪᠦᠷᠢᠯᠭᠡᠵᠦ ᠪᠠᠷᠠᠭᠠᠭᠰᠠᠨ ᠶᠤᠮ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠠᠮᠢᠳᠤᠷᠠᠬᠤ ᠰᠠᠨᠠᠭᠠ ᠭᠡᠵᠦ ᠣᠭᠲᠣ | ᠪᠠᠶᠢᠬᠤ ᠦᠭᠡᠢ ᠶᠤᠮ ᠴᠢᠨᠢ ᠲᠡᠳᠡᠭᠡᠷ ᠮᠥᠩᠬᠦ ᠶᠢ ᠬᠠᠳᠠᠭᠠᠯᠠᠭᠰᠠᠨ ᠤ ᠬᠡᠷᠡᠭ ᠠᠯᠠᠭᠠ ᠭᠡᠵᠦ ᠪᠣᠳᠣᠵᠦ ᠪᠠᠶᠢᠭᠰᠠᠨ︾ | ᠭᠡᠪᠡ᠃ | ᠳ᠋ᠤᠸᠠᠨ ᠸᠧᠢ ᠭᠠᠩ ᠤᠨ ᠶᠠᠷᠢᠬᠤ ᠶᠢ ᠰᠣᠨᠣᠰᠪᠠᠯ ᠲᠡᠭᠦᠨ ᠤ ᠬᠡᠴᠢᠨᠡᠬᠡᠨ ᠣᠯᠠᠨ ᠨᠤᠭᠤᠷᠠᠯ ᠪᠦᠳᠦᠷᠢᠯ ᠢ | ᠲᠤᠭᠤᠯᠵᠦ᠂ ᠬᠡᠴᠢᠨᠡᠬᠡᠨ ᠶᠡᠭᠡ ᠰᠡᠳᠬᠢᠯ ᠤᠨ ᠳᠠᠷᠤᠭᠠᠰᠤ ᠲᠠᠢ ᠶᠠᠪᠤᠭᠰᠠᠨ ᠢ ᠮᠡᠳᠡᠵᠦ ᠪᠣᠯᠣᠨᠠ᠃ | ︽ ᠵᠣᠯ ᠲᠠᠢ ᠨᠢ ᠬᠡᠰᠡᠭ ᠬᠤᠭᠤᠴᠠᠭᠠ ᠰᠣᠪᠢᠯᠠᠭᠰᠠᠨ ᠤ ᠳᠠᠷᠠᠭᠠ᠂ ᠮᠢᠨᠦ ᠵᠡᠭᠦᠨ ᠭᠠᠷ ᠪᠣᠯᠣᠨ ᠪᠠᠷᠠᠭᠤᠨ | ᠬᠥᠯ ᠠᠭᠠᠵᠢᠮ ᠢᠶᠠᠷ ᠢᠯᠡᠷᠢᠰᠢᠵᠤ᠂ ᠲᠠᠶᠠᠭ ᠲᠤᠯᠵᠦ ᠶᠠᠪᠤᠵᠦ ᠳᠡᠶᠢᠯᠬᠦ ᠪᠣᠯᠪᠠ᠂ ᠬᠡᠳᠦᠶᠢᠪᠡᠷ ᠪᠡᠶᠡ ᠰᠡᠳᠬᠢᠯ ᠤᠨ | ᠳᠠᠪᠬᠤᠷ ᠵᠣᠪᠠᠯᠠᠩ ᠢ ᠬᠠᠨᠲᠠᠯᠠ ᠠᠮᠰᠠᠭᠰᠠᠨ ᠪᠣᠯᠪᠠᠴᠦ ᠨᠠᠶᠢᠵᠠ ᠨᠠᠷ ᠤᠨ ᠮᠢᠨᠢ ᠵᠣᠷᠢᠭᠵᠢᠭᠤᠯᠣᠯ ᠪᠠ ᠬᠠᠪᠰᠤᠷᠤᠯᠭᠠ | ᠨᠢ ᠮᠢᠨᠦ ᠴᠢᠷᠮᠠᠶᠢᠨ ᠠᠮᠢᠳᠤᠷᠠᠬᠤ ᠵᠣᠷᠢᠭ ᠢ ᠬᠥᠪᠴᠢᠯᠡᠵᠦ᠂ ᠵᠡᠮᠳᠡᠭ ᠪᠣᠯᠣᠭᠰᠠᠨ ᠪᠣᠳᠠᠳᠣ ᠤᠴᠢᠷ ᠢᠶᠠᠨ | ᠠᠭᠠᠵᠢᠮ ᠢᠶᠠᠷ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠶᠤᠮ᠃ ᠮᠡᠰᠡ ᠵᠠᠰᠠᠯ ᠬᠢᠭᠰᠡᠨ ᠤ ᠨᠢᠭᠡ ᠵᠢᠯ ᠤᠨ ᠳᠠᠷᠠᠭᠠ ᠪᠢ ᠠᠦ᠋ᠲ᠋ᠣ᠋ | ᠵᠠᠯᠭᠠᠯᠲᠠ ᠪᠦᠬᠦᠢ ᠮᠠᠰᠢᠨ ᠲᠡᠷᠭᠡᠨ ᠤ ᠦᠨᠡᠮᠯᠡᠯ ᠢ ᠰᠢᠯᠭᠠᠵᠦ᠂ ᠳᠦᠷᠢᠶᠡᠰᠦᠨ ᠮᠠᠰᠢᠨ ᠲᠠᠭᠤᠬᠤ ᠠᠮᠢᠳᠤᠷᠠᠯ ᠢᠶᠠᠨ | ᠡᠬᠢᠯᠡᠭᠦᠯᠦᠯᠡ᠃︾ | ᠨᠢᠭᠡᠨᠲᠡ ᠳᠦᠷᠪᠡᠨ ᠵᠢᠯ ᠳᠦᠷᠢᠶᠡᠰᠦᠨ ᠮᠠᠰᠢᠨ ᠵᠢᠯᠤᠭᠤᠳᠤᠭᠰᠠᠨ ᠲᠤᠷᠰᠢᠯᠭᠠ ᠲᠠᠢ ᠪᠣᠯᠣᠭᠰᠠᠨ ᠳ᠋ᠤᠸᠠᠨ ᠸᠧᠢ | ᠭᠠᠩ ᠶᠠᠪᠤᠬᠤ ᠵᠠᠮ ᠳᠤ ᠪᠠᠨ ᠬᠦᠴᠢᠷᠳᠡᠯ ᠳᠤ ᠲᠤᠯᠭᠠᠷᠠᠭᠰᠠᠨ ᠬᠦᠮᠦᠰ ᠲᠠᠢ ᠲᠠᠭᠠᠷᠠᠯᠳᠤᠪᠠᠯ ᠦᠷᠭᠦᠯᠵᠢ ᠲᠤᠰᠠᠯᠮᠠᠵᠢ | ᠦᠵᠡᠭᠦᠯᠳᠡᠭ ᠪᠠᠶᠢᠵᠠᠢ ᠂ ᠲᠡᠷᠡ ᠲᠡᠳᠡᠭᠡᠷ ᠬᠦᠮᠦᠰ ᠠᠴᠠ ᠲᠡᠷᠭᠡᠨ ᠵᠠᠷᠤᠳᠠᠯ ᠳᠤᠲᠠᠭᠤ ᠠᠪᠬᠤ ᠪᠣᠶᠣ ᠠᠪᠬᠤ ᠦᠭᠡᠢ | ᠪᠠᠶᠢᠳᠠᠯ ᠣᠯᠠᠨ ᠤᠳᠠᠭᠠ ᠭᠠᠷᠤᠭᠰᠠᠨ ᠪᠠᠶᠢᠨᠠ᠂ ᠢᠩᠬᠢᠭᠡᠳ ᠳᠦᠷᠪᠡᠨ ᠵᠢᠯ ᠢᠯᠡᠭᠦᠦ ᠶᠢᠨ ᠬᠤᠭᠤᠴᠠᠭᠠᠨ ᠳᠤ | ᠳ᠋ᠤᠸᠠᠨ ᠸᠧᠢ ᠭᠠᠩ ᠤᠯᠠᠨ ᠵᠣᠴᠢᠳ ᠲᠠᠢ ᠪᠣᠯᠵᠦ᠂ ᠰᠤᠷᠭᠠᠭᠤᠯᠢ ᠠᠴᠠ ᠪᠠᠨ ᠭᠡᠷ ᠲᠤ ᠪᠠᠨ ᠬᠠᠷᠢᠬᠤ | ᠰᠤᠷᠤᠭᠴᠢᠳ ᠲᠤᠰᠬᠠᠶᠢᠯᠠᠨ ᠳ᠋ᠤᠸᠠᠨ ᠸᠧᠢ ᠭᠠᠩ ᠤᠨ ᠮᠠᠰᠢᠨ ᠢ ᠬᠦᠯᠢᠶᠡᠨ ᠰᠠᠭᠤᠳᠠᠭ ᠪᠠᠶᠢᠯᠠ᠃ ᠳᠦᠷᠢᠶᠡᠰᠦᠨ | ᠮᠠᠰᠢᠨ ᠵᠢᠯᠤᠭᠤᠳᠬᠤ ᠠᠴᠠ ᠭᠠᠳᠠᠨᠠ᠂ ᠳ᠋ᠤᠸᠠᠨ ᠸᠧᠢ ᠭᠠᠩ ᠪᠠᠰᠠ ᠳᠥᠴᠢᠭᠡᠳ ᠢᠯᠡᠭᠦᠦ ᠦᠵᠡᠮᠦᠷᠢ ᠶᠢᠨ | ᠳᠠᠭᠲᠠᠭᠠ ᠲᠡᠵᠢᠭᠡᠵᠦ᠂ ᠰᠤᠯᠠ ᠰᠡᠯᠡᠭᠦᠦ ᠴᠠᠭ ᠢᠶᠠᠷ ᠢᠶᠠᠨ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠡᠳᠦᠷ ᠳᠣᠲᠣᠮ ᠤᠨ | ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠲᠤᠬᠠᠢ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡ ᠬᠢᠵᠦ ᠣᠷᠣᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠳᠡᠭ ᠪᠠᠶᠢᠨᠠ᠃ | ︽ᠠᠮᠢᠳᠤᠷᠠᠯ ᠬᠡᠳᠦᠶᠢᠪᠡᠷ ᠬᠦᠮᠦᠨ ᠤ ᠰᠠᠨᠠᠭᠠ ᠪᠠᠷ ᠪᠣᠯᠳᠠᠭ ᠦᠭᠡᠢ ᠬᠤᠶᠢᠨᠠ ᠪᠢᠳᠡ ᠴᠢᠷᠮᠠᠶᠢᠵᠦ | ᠠᠮᠢᠳᠤᠷᠠᠬᠤ ᠯᠠ ᠬᠡᠷᠡᠭᠲᠡᠢ᠂ ᠪᠢ ᠬᠡᠵᠢᠶᠡᠲᠡ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠦᠪᠡᠷ ᠢ ᠪᠠᠨ ᠵᠡᠮᠳᠡᠭ ᠬᠦᠮᠦᠨ ᠭᠡᠵᠦ ᠬᠡᠯᠡᠭᠡᠳ | ᠪᠣᠰᠣᠳ ᠢᠶᠠᠷ ᠥᠷᠥ ᠡᠪᠡᠳᠦᠭᠦᠯᠳᠡᠭ ᠦᠭᠡᠢ᠃ ᠪᠢ ᠰᠠᠷᠠ ᠪᠦᠷᠢ 500 ᠲᠦᠭᠦᠷᠢᠭ ᠤᠨ ᠨᠠᠭᠠᠲᠤ ᠵᠠᠬᠠ ᠶᠢᠨ | ᠠᠮᠢᠳᠤᠷᠠᠯ ᠤᠨ ᠪᠠᠲᠤᠯᠠᠭᠠ ᠶᠢᠨ ᠨᠦᠬᠦᠪᠦᠷᠢ ᠪᠣᠯᠣᠨ 200 ᠲᠦᠭᠦᠷᠢᠭ ᠤᠨ ᠵᠡᠮᠳᠡᠭᠴᠦᠳ ᠤᠨ ᠨᠦᠬᠦᠪᠦᠷᠢ | ᠬᠦᠷᠲᠡᠵᠦ ᠪᠣᠢ᠂ ᠣᠳᠣ ᠪᠠᠰᠠ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠡᠷᠡᠭᠦᠯᠵᠢᠯ ᠤᠨ ᠲᠤᠰᠠᠯᠠᠬᠤ ᠪᠠᠭᠠᠵᠢ ᠶᠢᠨ | ᠲᠥᠪ ᠤᠨ ᠬᠢᠨ ᠨᠠᠳᠠ ᠳᠤ ᠲᠦᠯᠦᠪᠦᠷᠢ ᠦᠭᠡᠢ ᠪᠠᠷ ᠬᠢᠮᠡᠯ ᠮᠥᠴᠢ ᠲᠠᠭᠠᠷᠠᠭᠤᠯᠵᠦ ᠥᠭᠭᠦᠭᠰᠡᠨ᠂ ᠠᠳᠡᠬᠢ | ᠠᠵᠢᠯᠲᠠᠳ ᠨᠢ ᠮᠠᠰᠢ ᠬᠠᠷᠢᠭᠤᠴᠠᠯᠭᠠ ᠲᠠᠢ᠂ ᠠᠳᠡ ᠢᠷᠡᠭᠡᠳ ᠪᠢ ᠨᠠᠮ ᠪᠠ ᠵᠠᠰᠠᠭ ᠤᠨ ᠣᠷᠳᠣᠨ ᠤ | ᠬᠦᠴᠢᠷᠳᠡᠯᠲᠠᠢ ᠵᠡᠮᠳᠡᠭᠴᠦᠳ ᠲᠤ ᠦᠵᠡᠭᠦᠯᠦᠭᠰᠡᠨ ᠬᠠᠶᠢᠷᠠ ᠬᠠᠯᠠᠮᠵᠢ ᠶᠢ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠮᠡᠳᠡᠷᠡᠭᠰᠡᠨ ᠪᠢᠯᠡ᠃ | ᠨᠠᠳᠠ ᠳᠤ ᠡᠨᠡ ᠬᠦ ᠰᠠᠶᠢᠨ ᠲᠣᠬᠢᠶᠠᠯ ᠲᠠᠭᠠᠷᠠᠭᠰᠠᠨ ᠶᠤᠮ ᠴᠢᠨᠢ ᠪᠢ ᠶᠠᠷᠢᠶᠠᠨ ᠦᠭᠡᠢ ᠨᠡᠩ ᠴᠢᠷᠮᠠᠶᠢᠨ ᠠᠵᠢᠯᠯᠠᠵᠦ᠂ | ᠨᠡᠶᠢᠭᠡᠮ ᠳᠠᠶᠠᠭᠠᠷ ᠲᠤ ᠳᠠᠷᠤᠭᠠᠰᠤ ᠪᠣᠯᠬᠤ ᠦᠭᠡᠢ︾ ᠭᠡᠵᠦ ᠳ᠋ᠤᠸᠠᠨ ᠸᠧᠢ ᠭᠠᠩ ᠶᠠᠷᠢᠵᠦ ᠪᠠᠶᠢᠯᠠ᠃ | ᠬᠡᠳᠦᠨ ᠵᠢᠯ ᠤᠨ ᠲᠤᠷᠰᠢ᠂ ᠳ᠋ᠤᠸᠠᠨ ᠸᠧᠢ ᠭᠠᠩ ᠭᠠᠭᠴᠠ ᠬᠥᠯ᠂ ᠬᠤᠣᠰ ᠲᠠᠶᠠᠭ᠂ ᠴᠦᠬᠦᠷᠡᠰᠢ ᠦᠭᠡᠢ | ᠵᠣᠷᠢᠭ ᠰᠠᠨᠠᠭᠠ ᠪᠣᠯᠣᠨ ᠪᠠᠶᠠᠰᠤᠩᠭᠤᠢ ᠵᠠᠩ ᠢᠶᠠᠷ ᠢᠶᠠᠨ ᠥᠪᠡᠷ ᠤᠨ ᠠᠮᠢᠳᠤᠷᠠᠯ ᠢᠶᠠᠨ ᠲᠤᠯᠵᠦ ᠶᠠᠪᠤᠭᠰᠠᠨ ᠶᠤᠮ᠃ | ᠦᠬᠦᠵᠦ ᠰᠡᠭᠡᠬᠦ ᠶᠢᠨ ᠭᠠᠢ ᠵᠣᠪᠠᠯᠠᠩ ᠢ ᠲᠤᠭᠤᠯᠵᠦ᠂ ᠬᠢᠵᠢᠭ ᠡᠪᠡᠳᠴᠢᠨ ᠤ ᠰᠢᠯᠭᠠᠯᠲᠠ ᠶᠢ ᠥᠩᠭᠡᠷᠡᠭᠡᠭᠰᠡᠨ | ᠳ᠋ᠤᠸᠠᠨ ᠸᠧᠢ ᠭᠠᠩ ᠤᠨ ᠠᠮᠢᠳᠤᠷᠠᠯ ᠨᠢ ᠢᠳᠡᠭ ᠢᠳᠡᠭ ᠢᠶᠠᠷ ᠵᠠᠮ ᠳᠤ ᠪᠠᠨ ᠣᠷᠣᠯᠠ᠂ ᠣᠳᠣ ᠪᠠᠰᠠ ᠬᠢᠮᠡᠯ ᠮᠥᠴᠢ | ᠲᠠᠭᠠᠷᠠᠭᠤᠯᠤᠭᠠᠳ ᠶᠠᠪᠤᠵᠦ ᠰᠠᠭᠤᠬᠤ ᠳᠤ ᠨᠢ ᠨᠡᠩ ᠡᠪᠲᠠᠢ ᠪᠣᠯᠪᠠ᠃ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ | ᠡᠷᠡᠭᠦᠯᠵᠢᠯ ᠤᠨ ᠲᠤᠰᠠᠯᠠᠬᠤ ᠪᠠᠭᠠᠵᠢ ᠶᠢᠨ ᠲᠥᠪ ᠤᠨ ᠠᠵᠢᠯᠲᠠᠨ ᠤ ᠬᠡᠯᠡᠬᠦ ᠪᠠᠷ᠂ ᠳ᠋ᠤᠸᠠᠨ ᠸᠧᠢ ᠭᠠᠩ ᠤᠨ | ᠣᠳᠣᠬᠢ ᠪᠠᠶᠢᠳᠠᠯ ᠠᠴᠠ ᠦᠵᠡᠪᠡᠯ ᠠᠳᠠᠭ ᠲᠤ ᠪᠠᠨ ᠬᠤᠶᠠᠷ ᠭᠠᠷᠠᠭ ᠤᠨ ᠴᠠᠭ ᠵᠠᠷᠤᠴᠠᠭᠤᠯᠵᠦ ᠠᠯᠬᠤᠵᠤ | ᠪᠣᠯᠪᠠᠰᠤᠷᠠᠬᠤ ᠴᠢᠬᠤᠯᠠᠲᠠᠢ᠂ ᠬᠢᠮᠡᠯ ᠮᠥᠴᠢ ᠪᠠᠷ ᠢᠶᠠᠨ ᠠᠯᠬᠤᠭᠠᠳ ᠳᠠᠰᠴᠢᠬᠠᠪᠠᠯ ᠲᠠᠶᠠᠭ ᠢᠶᠠᠨ ᠬᠠᠶᠠᠵᠦ ᠡᠪ ᠤᠨ | ᠪᠠᠶᠢᠳᠠᠯ ᠳᠤ ᠣᠷᠣᠵᠦ ᠳᠡᠶᠢᠯᠬᠦ ᠠᠵᠢ᠃ | | | |