ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠨᠡᠶᠢᠭᠡᠮ ᠰᠡᠳᠬᠦᠯ
ᠳᠤᠮᠳᠠᠳᠤ ᠶᠢᠨ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠤᠯ ᠤᠨ ᠦᠯᠢᠭᠡᠷ  ᠤᠨ ᠰᠢᠨ᠎ᠡ ᠣᠷᠴᠢᠭᠤᠯᠭ᠎ᠠ᠄ ᠲᠡᠭᠷᠢ ᠨᠦᠬᠦᠭᠴᠢ ᠨᠢᠤᠢ ᠸᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2023/4/21
                    ᠬᠠᠨᠭ᠍ᠲᠠᠭᠤᠳ ᠤᠰᠤᠡᠪᠤᠳᠤᠭ ᠤᠷᠴᠢᠭᠤᠯᠪᠠ    ᠨᠢᠤᠢ ᠸᠨ ᠦᠪᠡᠷ ᠤᠨ ᠢᠶᠠᠨ ᠲᠦᠷᠬᠦ ᠪᠠᠷ ᠵᠠᠭᠪᠤᠷ ᠪᠤᠯᠭᠠᠨ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠢ ᠪᠦᠲᠦᠭᠡᠭᠰᠡᠨ ᠭᠡᠨ᠎ᠡ᠃ ᠲᠡᠭᠦᠨ ᠤ ᠤᠯᠠᠮ ᠢᠶᠠᠷ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠬᠦᠷᠦᠰᠦᠲᠦ ᠳᠡᠯᠡᠬᠡᠢ ᠳᠤ ᠤᠷᠤᠩᠨᠠᠨ᠂ ᠰᠢᠭᠤᠢ ᠳᠤ ᠡᠬᠦᠷᠯᠡᠳᠡᠭ ᠠᠮᠢᠲᠠᠳ ᠢ ᠠᠩᠨᠠᠵᠤ᠂ ᠰᠢᠷᠤᠢ ᠠᠴᠠ ᠤᠷᠭᠤᠳᠠᠭ ᠲᠠᠷᠢᠶ᠎ᠠ ᠶᠢ ᠬᠤᠷᠢᠶᠠᠨ᠂ ᠰᠢᠷᠭᠠᠭᠤ ᠪᠠᠷ ᠬᠦᠳᠡᠯᠮᠦᠷᠢᠯᠡᠨ ᠠᠳᠠᠯ ᠠᠮᠢᠳᠤᠷᠠᠯ ᠢᠶᠠᠨ ᠪᠤᠰᠬᠠᠵᠤ ᠠᠶᠠᠲᠠᠢ ᠵᠢᠷᠭᠠᠯᠲᠠᠢ ᠠᠵᠤ ᠲᠦᠷᠦᠬᠦ ᠪᠤᠯᠵᠠᠢ᠃ ᠡᠬᠦᠨ ᠢ ᠬᠠᠷᠠᠭᠠᠳ ᠨᠢᠤᠢ ᠸᠠ ᠶᠢᠨ ᠰᠡᠳᠬᠢᠯ ᠳᠤ ᠬᠠᠨᠭ᠍ᠭᠠᠯᠤᠭᠤᠨ ᠰᠠᠨᠠᠭᠳᠠᠵᠤ ᠪᠠᠶᠢᠭᠰᠠᠨ ᠨᠢ ᠮᠡᠳᠡᠭᠡᠵᠢ᠃     ᠭᠡᠪᠡᠴᠦ ᠰᠠᠶᠢᠨ ᠰᠠᠶᠢᠬᠠᠨ ᠪᠦᠬᠦᠨ ᠢ ᠤᠳᠠᠭᠠᠨ ᠦᠷᠬᠦᠯᠵᠢᠯᠡᠬᠦᠯᠬᠦ ᠦᠭᠡᠢ ᠭᠡᠰᠡᠨ ᠠᠶᠠᠲᠠᠢ ᠰᠠᠨᠠᠭᠠᠨ ᠳᠤ ᠦᠭᠡᠢ ᠭᠡᠷᠡᠭ ᠡᠬᠦᠰᠪᠡ᠃ ᠤᠰᠤᠨ ᠤ ᠰᠠᠬᠢᠭᠤᠰᠤ ᠪᠤᠯᠤᠨ ᠭᠠᠯ ᠤᠨ ᠰᠠᠬᠢᠭᠤᠰᠤ ᠬᠤᠶᠠᠷ ᠭᠡᠨ ᠭᠡᠨ ᠢᠶᠠᠨ ᠪᠢᠰᠢᠷᠡᠯ ᠦᠭᠡᠢ ᠭᠡᠷᠡᠬᠦᠯ ᠪᠤᠯᠵᠤ᠂ ᠭᠡᠷᠡᠬᠦᠯ ᠨᠢ ᠪᠦᠷ ᠤᠯᠠᠭᠠᠨ ᠵᠤᠳᠤᠭᠠᠨ ᠪᠤᠯᠪᠠ᠃ ᠲᠡᠭᠦᠨ ᠤ ᠦᠷ᠎ᠡ ᠳᠤ ᠭᠠᠯ ᠤᠨ ᠰᠠᠬᠢᠭᠤᠰᠤ ᠢᠯᠡᠵᠡᠢ᠃ ᠤᠰᠤᠨ ᠤ ᠰᠠᠬᠢᠭᠤᠰᠤ ᠢᠯᠠᠭᠲᠠᠭᠰᠠᠨ ᠳᠤ ᠪᠠᠨ ᠢᠴᠢᠵᠦ ᠠᠭᠤᠷᠯᠠᠨ ᠪᠦ᠋ ᠵᠸᠤ ᠱᠠᠨ ᠠᠭᠤᠯᠨ ᠶᠢ ᠨᠤᠷᠠᠭᠠᠵᠤ ᠤᠷᠬᠢᠪᠠ᠃     ᠲᠡᠭᠷᠢ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠦ ᠦᠡᠴᠦᠭ ᠢ ᠲᠤᠯᠭᠠᠭᠤᠷᠯᠠᠵᠤ ᠪᠠᠶᠢᠭᠰᠠᠨ ᠪᠦ᠋ ᠵᠸᠤ ᠱᠠᠨ ᠠᠭᠤᠯᠨ ᠨᠤᠷᠠᠬᠤ  ᠳᠤ ᠲᠡᠭᠷᠢ ᠶᠢᠨ  ᠪᠠᠷᠠᠭᠤᠨ ᠬᠤᠶᠢᠳᠦ ᠦᠡᠴᠦᠭ ᠴᠤᠭᠤᠷᠠᠴᠢᠬᠠᠪᠠ᠃     ᠲᠡᠭᠷᠢ ᠴᠤᠭᠤᠷᠠᠬᠤ ᠳᠤ ᠠᠭᠤᠯᠨ ᠬᠠᠳᠠ ᠳᠡᠯᠪᠡᠷᠡᠨ ᠭᠠᠵᠠᠷ ᠰᠠᠢ ᠦᠭᠡᠢ ᠭᠠᠯᠳᠤ ᠴᠢᠯᠠᠭᠤ ᠦᠰᠦᠷᠬᠢᠯᠡᠵᠦ᠂ ᠤᠢ ᠮᠤᠳᠤᠨ ᠳᠤ ᠭᠠᠯ ᠵᠤᠯᠭᠠᠵᠤ ᠤᠷᠤᠢ ᠶᠢᠨ ᠦᠰᠦ ᠪᠤᠰᠤᠮᠠᠷ ᠠᠶᠤᠩᠭᠤᠷᠢᠳᠦ ᠲᠦᠢᠮᠡᠷ ᠡᠬᠦᠰᠪᠡ᠃ ᠠᠭᠤᠯᠠᠨ ᠤᠢ ᠶᠢᠨ ᠳᠤᠮᠳᠠᠬᠢ ᠬᠤᠤᠷᠳᠤ ᠮᠤᠭᠠᠢ ᠲᠤᠭᠰᠢᠨ ᠠᠷᠢᠶᠠᠲᠠᠨ ᠲᠦᠢᠮᠡᠷ ᠤᠨ ᠭᠠᠯ ᠠᠴᠠ ᠳᠦᠷᠪᠡᠨ ᠤᠮ ᠬᠤᠮ ᠦᠭᠡᠢ ᠲᠤᠲᠠᠭᠠᠬᠤ ᠳᠤ ᠪᠠᠨ ᠤᠯᠠᠨ ᠤᠯᠠᠨ ᠬᠦᠮᠦᠨ ᠲᠡᠷᠢᠬᠦᠲᠡᠨ ᠢ ᠳᠠᠭᠠᠷᠢᠨ ᠠᠮᠢ ᠨᠠᠰᠤ ᠶᠢ ᠨᠢ ᠬᠦᠨᠦᠭᠡᠵᠡᠢ᠃     ᠲᠡᠭᠷᠢ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠦ ᠦᠡᠴᠦᠭ ᠨᠤᠷᠠᠬᠤ ᠳᠤ ᠡᠭᠡ ᠭᠠᠵᠠᠷ ᠤᠨ ᠵᠡᠬᠦᠨ ᠤᠷᠳᠤ ᠲᠠᠯ᠎ᠠ ᠳᠤᠷᠤᠭᠰᠢ ᠰᠠᠭᠤᠵᠤ᠂ ᠳᠡᠭᠡᠷ᠎ᠡ ᠠᠴᠠ ᠪᠠᠭᠤᠭᠰᠠᠨ ᠲᠡᠭᠷᠢ ᠶᠢᠨ ᠭᠤᠤᠯ ᠤᠨ ᠤᠰᠤ ᠵᠡᠬᠦᠨ ᠤᠷᠳᠤ ᠵᠦᠭ ᠲᠤ ᠦᠶᠡᠷᠯᠡᠨ ᠨᠡᠶᠢᠳᠡᠮ ᠳᠤ ᠪᠠᠨ ᠨᠡᠯᠦᠢ ᠬᠠᠯᠤᠢ ᠳᠠᠯᠠᠢ ᠪᠤᠯᠴᠢᠬᠠᠪᠠ᠃     ᠡᠨᠡ ᠬᠦ ᠭᠠᠯᠪᠠ ᠳᠤ ᠦᠭᠡᠢ ᠭᠠᠮᠰᠢᠭ ᠢ ᠳᠠᠯᠢᠮᠳᠠᠭᠤᠯᠤᠨ ᠬᠦᠨ ᠳᠠᠯᠠᠢ ᠶᠢᠨ ᠬᠤᠷᠤᠨ ᠰᠠᠨᠠᠭᠠᠳᠤ ᠯᠤᠤ ᠴᠤ ᠲᠡᠬᠦᠯᠢᠨ ᠭᠠᠷᠴᠦ ᠢᠷᠡᠭᠡᠳ ᠠᠮᠠᠨ ᠠᠴᠠ ᠪᠠᠨ ᠭᠠᠯ ᠦᠯᠢᠶᠡᠨ ᠵᠦᠭ ᠵᠦᠭ ᠲᠤ ᠵᠢᠭᠤᠲᠠᠭᠰᠠᠨ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠢ ᠰᠦᠷᠳᠡᠬᠦᠯᠪᠡ᠃     ᠨᠢᠤᠢ ᠸᠨ ᠭᠠᠯ ᠤᠰᠤᠨ ᠤ ᠭᠠᠰᠠᠯᠠᠩ ᠵᠤᠪᠠᠯᠠᠩ ᠳᠤ ᠳᠡᠯᠴᠢᠯᠡᠬᠦ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠢ ᠦᠵᠡᠭᠡᠳ ᠭᠠᠷ ᠨᠤᠬᠤᠯᠬᠢᠯᠠᠨ ᠪᠠᠴᠢᠮᠳᠠᠨ ᠵᠤᠪᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠴᠢᠯᠠᠭᠤ ᠬᠠᠶᠢᠯᠤᠭᠤᠯᠤᠨ ᠲᠡᠭᠷᠢ ᠨᠦᠬᠦᠬᠦ ᠪᠠᠷ ᠰᠢᠢᠳᠪᠡ᠃     ᠨᠢᠤᠢ ᠸᠨ ᠳᠦᠷᠪᠡᠨ ᠳᠠᠯᠠᠢ ᠶᠢᠨ ᠡᠷᠬᠢᠨ ᠲᠤᠭᠤᠷᠢᠨ ᠤ ᠠᠭᠤᠯᠨ ᠨᠢᠷᠤᠭᠤᠳ ᠢ ᠪᠠᠷᠠᠲᠠᠯ᠎ᠠ ᠠᠶᠠᠯᠠᠨ ᠲᠡᠭᠷᠢ ᠨᠦᠬᠦᠬᠦ ᠳᠤ ᠭᠡᠷᠡᠭᠰᠡᠬᠦ ᠲᠠᠪᠤᠨ ᠦᠡᠭᠭᠡᠳᠦ ᠴᠢᠯᠠᠭᠤ ᠶᠢ ᠴᠤᠭᠯᠠᠭᠤᠯᠵᠠᠢ᠃ ᠨᠢᠤᠢ ᠸᠨ ᠤᠯᠠᠭᠠᠨ᠂ ᠰᠢᠷ᠎ᠠ᠂ ᠴᠡᠩᠭᠡᠷ ᠂ ᠴᠠᠭᠠᠨ᠂ ᠬᠦᠭᠡ ᠴᠢᠯᠠᠭᠤ ᠶᠢ ᠲᠡᠭᠦᠨ ᠠᠪᠴᠢᠷᠠᠭᠠᠳ ᠬᠤᠪᠢᠯᠭᠠᠨ ᠭᠠᠯ ᠢᠶᠠᠷ ᠬᠠᠶᠢᠯᠤᠭᠤᠯᠪᠠ᠃     ᠴᠢᠯᠠᠭᠤᠳ ᠨᠢ ᠬᠠᠶᠢᠯᠤᠨ ᠤᠷᠤᠰᠴᠦ ᠲᠠᠪᠤᠨ ᠦᠡᠭᠭᠡᠳᠦ ᠮᠠᠭᠮᠠ ᠪᠤᠯᠬᠤ ᠳᠤ ᠨᠢᠤᠢ ᠸᠨ  ᠲᠡᠭᠦᠨ ᠢᠶᠠᠷ ᠲᠡᠭᠷᠢ  ᠶᠢᠨ ᠤᠡᠭᠭᠤᠷᠬᠠᠢ ᠶᠢ  ᠨᠦᠬᠦᠵᠦ ᠡᠬᠢᠯᠡᠪᠡ᠃     ᠲᠡᠷᠨ ᠨᠢ ᠶᠤᠰᠤᠲᠠᠢ ᠬᠠᠲᠠᠭᠤᠵᠢᠯᠲᠠᠢ ᠠᠵᠢᠯ ᠪᠠᠶᠢᠭᠰᠠᠨ ᠭᠡᠭᠡᠴᠢ᠃ ᠨᠢᠤᠢ ᠸᠨ ᠠᠮᠤᠰᠬᠢᠯ ᠦᠭᠡᠢ ᠠᠵᠢᠯᠯᠠᠵᠤ ᠠᠷᠵᠠᠭᠠᠷ ᠴᠢᠯᠠᠭᠤᠳ ᠢ ᠬᠠᠶᠢᠯᠤᠭᠤᠯᠤᠨ᠂ ᠦᠡᠭᠭᠡᠳᠦ ᠮᠠᠭᠮᠠ ᠪᠠᠷ ᠨᠢ ᠦᠡᠳᠦᠷ ᠲᠡᠭᠷᠢ ᠶᠢᠨ ᠴᠤᠭᠤᠷᠬᠠᠢ ᠶᠢ ᠪᠠᠭ᠎ᠠ ᠪᠠᠭ᠎ᠠ ᠪᠠᠷ ᠨᠦᠬᠦᠭᠰᠡᠭᠡᠷ ᠪᠠᠶᠢᠯ᠎ᠠ᠃ ᠡᠷᠲᠡ ᠨᠢᠭᠡᠨ ᠡᠳᠦᠷ ᠲᠡᠭᠷᠢ ᠶᠢ ᠨᠦᠬᠦᠵᠦ ᠪᠠᠷᠠᠪᠠᠯ ᠡᠭᠡᠯ ᠠᠷᠠᠳ ᠴᠤ ᠡᠷᠲᠡ ᠨᠢᠭᠡᠨ ᠡᠳᠦᠷ ᠭᠠᠰᠠᠯᠠᠩ ᠵᠤᠪᠠᠯᠠᠩ ᠠᠴᠠ ᠠᠩᠬᠢᠵᠢᠷᠠᠬᠤ ᠪᠤᠯᠤᠨ᠎ᠠ ᠰᠢᠤ ᠳ᠋ᠠ᠃     ᠡᠨᠡ ᠮᠡᠳᠦ ᠨᠦᠬᠦᠨ ᠨᠦᠬᠦᠭᠰᠡᠭᠡᠷ ᠲᠡᠭᠷᠢ ᠶᠢᠨ ᠴᠤᠭᠤᠷᠬᠠᠢ ᠶᠢ ᠡᠴᠦᠰ ᠲᠤ ᠪᠠᠨ ᠲᠢᠭ ᠲᠠᠭ ᠨᠦᠬᠦᠴᠢᠭᠡᠪᠡ᠃     ᠲᠡᠭᠦᠨ ᠠᠴᠠ ᠰᠡᠬᠦᠯᠡᠷ ᠦᠳᠡᠰᠢ ᠶᠢᠨ ᠨᠠᠷᠠᠨ ᠢᠶᠠᠷ ᠦᠷᠦᠨ᠎ᠡ ᠲᠡᠭᠷᠢ ᠳᠤ ᠦᠷᠬᠦᠯᠵᠢ ᠦᠡᠭᠭᠡᠳᠦ ᠡᠬᠦᠯᠡᠰ ᠬᠦᠪᠦᠯᠵᠡᠬᠦ ᠪᠤᠯᠪᠠ᠃      ᠭᠡᠬᠦ ᠳᠤ ᠪᠠᠷᠠᠭᠤᠨ ᠬᠤᠶᠢᠳᠦ ᠵᠦᠭ ᠤᠨ ᠲᠡᠭᠷᠢ ᠶᠢᠨ ᠲᠤᠯᠭᠠᠭᠤᠷ ᠠᠯᠠᠭ᠎ᠠ ᠪᠤᠯᠤᠭᠰᠠᠨ ᠢᠶᠠᠷ ᠲᠡᠭᠷᠢ ᠮᠦᠨ ᠲᠡᠶᠢᠰᠢ ᠢᠯᠡᠳᠳᠡ ᠬᠠᠵᠠᠶᠢᠭᠰᠠᠭᠠᠷ ᠪᠠᠶᠢᠯ᠎ᠠ᠃ ᠨᠢᠤᠢ ᠸᠨ ᠵᠡᠬᠦᠨ ᠳᠠᠯᠠᠢ ᠶᠢᠨ ᠬᠤᠪᠢᠯᠭᠠᠨ ᠶᠠᠰᠤᠲᠤ ᠮᠡᠯᠡᠬᠡᠢ ᠶᠢ ᠰᠠᠨᠠᠵᠤ ᠤᠯᠤᠭᠠᠳ ᠲᠡᠭᠦᠨ ᠢ ᠵᠠᠯᠠᠵᠤ ᠠᠪᠴᠢᠷᠠᠨ ᠪᠠᠷᠠᠭᠤᠨ ᠬᠤᠶᠢᠨᠠᠬᠢ ᠲᠡᠭᠷᠢ ᠶᠢᠨ ᠲᠤᠯᠭᠠᠭᠤᠷ ᠢ ᠤᠷᠤᠯᠠᠭᠤᠯᠬᠤ  ᠪᠠᠷ ᠪᠤᠯᠵᠠᠢ᠃     ᠰᠠᠨᠠᠭ᠎ᠠ ᠰᠠᠶᠢᠲᠠᠢ ᠶᠠᠰᠤᠳᠤ ᠮᠡᠯᠡᠬᠡᠢ ᠨᠢᠤᠢ ᠸᠨ ᠶᠢᠨ ᠭᠤᠶᠤᠴᠢᠯᠠᠭ᠎ᠠ ᠶᠢ ᠳᠤᠷᠠᠲᠠᠢ ᠭᠡᠭᠴᠢ ᠬᠦᠯᠢᠶᠡᠨ ᠠᠪᠤᠪᠠ᠃     ᠨᠢᠤᠢ ᠸᠨ ᠶᠠᠰᠤᠳᠤ ᠮᠡᠯᠡᠬᠡᠢ ᠶᠢ ᠲᠡᠭᠷᠢ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠦ ᠦᠡᠴᠦᠭ ᠲᠤ ᠵᠠᠯᠠᠵᠤ ᠠᠪᠴᠢᠷᠠᠭᠠᠳ ᠪᠦ᠋ ᠵᠸᠤ ᠱᠠᠨ ᠠᠭᠤᠯᠠᠨ ᠤ ᠤᠷᠤᠨ ᠳᠤ ᠲᠡᠭᠷᠢ ᠶᠢᠨ ᠲᠤᠯᠭᠠᠭᠤᠷ ᠪᠤᠯᠭᠠᠨ ᠵᠤᠭᠰᠤᠭᠠᠵᠠᠢ᠃ ᠲᠡᠭᠷᠢ ᠶᠢ ᠨᠦᠬᠦᠪᠡ᠂ ᠲᠤᠯᠭᠠᠭᠤᠷ ᠢ ᠨᠢ ᠴᠤ ᠲᠤᠯᠪᠠ᠃ ᠭᠡᠪᠡᠴᠦ ᠭᠠᠵᠠᠷ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠭᠠᠢ ᠭᠠᠮᠰᠢᠭ ᠦᠷᠬᠦᠯᠵᠢᠯᠡᠭᠰᠡᠭᠡᠷ ᠪᠠᠶᠢᠪᠠ᠃ ᠨᠢᠤᠢ ᠸᠨ ᠬᠦᠨ ᠳᠠᠯᠠᠢ ᠶᠢᠨ ᠬᠤᠷᠤᠨ ᠰᠠᠨᠠᠭᠠᠳᠤ ᠯᠤᠤ ᠶᠢ ᠨᠤᠮᠤᠬᠠᠳᠬᠠᠨ᠂ ᠲᠡᠭᠦᠨ  ᠢ ᠠᠯᠪᠠᠳᠠᠨ ᠪᠠᠶᠢᠵᠦ ᠳᠦᠷᠡᠯᠵᠡᠭᠰᠡᠨ ᠲᠦᠢᠮᠡᠷ ᠢ ᠤᠡᠲᠠᠷᠠᠭᠠᠯᠭᠠᠪᠠ᠃ ᠮᠦᠨ ᠲᠡᠭᠷᠢ ᠶᠢᠨ ᠰᠠᠬᠢᠭᠤᠯᠰᠤᠨ ᠢ ᠵᠠᠯᠠᠵᠤ ᠠᠪᠴᠢᠷᠠᠭᠠᠳ ᠬᠤᠪᠢᠯᠭᠠᠨ ᠬᠤᠮᠠᠭ ᠢᠶᠠᠷ ᠨᠢ ᠭᠠᠯᠵᠠᠭᠤᠷᠠᠭᠰᠠᠨ ᠦᠶᠡᠷ ᠢ ᠬᠤᠷᠢᠭᠯᠠᠭᠤᠯᠪᠠ᠃     ᠨᠢᠤᠢ ᠸᠨ ᠡᠨᠡ ᠮᠡᠳᠦ ᠴᠢᠨᠡᠭᠡ ᠮᠡᠳᠡᠨ ᠴᠢᠷᠮᠠᠶᠢᠭᠰᠠᠨ ᠢᠶᠠᠷ ᠶᠠᠭᠤ ᠪᠦᠬᠦᠨ ᠤᠷᠤ ᠤᠷᠤᠨ ᠳᠤ ᠪᠠᠨ ᠤᠷᠤᠵᠤ᠂ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠬᠡᠪ ᠤᠨ ᠠᠮᠢᠳᠤᠷᠠᠯ ᠢᠶᠠᠨ ᠦᠷᠬᠦᠯᠵᠢᠯᠡᠬᠦᠯᠪᠡ᠃ ᠬᠦᠮᠦᠨ ᠤ ᠬᠤᠷᠸ᠎ᠠ ᠶᠢᠨ ᠬᠦᠭᠵᠢᠶᠡᠡᠳᠦ ᠪᠠᠶᠢᠳᠠᠯ ᠳᠠᠬᠢᠨ ᠰᠡᠷᠬᠦᠭᠰᠡᠨ ᠢ ᠬᠠᠷᠠᠭᠠᠳ ᠨᠢᠤᠢ ᠸᠨ ᠶᠢᠨ ᠴᠢᠷᠠᠢ ᠳᠤ ᠪᠠᠶᠠᠷ ᠤᠨ ᠢᠨᠢᠶᠡᠮᠰᠦᠭᠯᠡᠯ ᠲᠤᠲᠤᠷᠠᠵᠠᠢ᠃     ᠭᠡᠪᠡᠴᠦ ᠡᠨᠡ ᠬᠦ ᠤᠳᠠᠭᠠᠨ ᠤ ᠭᠠᠢ ᠭᠠᠮᠰᠢᠭ ᠠᠴᠠ ᠪᠤᠯᠵᠤ ᠡᠳᠦᠢ ᠲᠡᠳᠦᠢ ᠬᠠᠷᠠᠮᠰᠠᠯ ᠦᠯᠡᠳᠡᠪᠡ᠃ ᠶᠠᠰᠤᠲᠤ ᠮᠡᠯᠡᠬᠡᠢ ᠶᠢᠨ ᠬᠦᠯ ᠪᠤᠭᠤᠨᠢᠬᠠᠨ ᠪᠠᠶᠢᠳᠠᠭ ᠪᠤᠯᠬᠤᠷ ᠪᠠᠷᠠᠭᠤᠨ ᠬᠤᠶᠢᠨᠠᠬᠢ ᠲᠡᠭᠷᠢ ᠪᠠᠭ᠋ᠠᠨ ᠳᠤᠤᠷ᠎ᠠ ᠪᠤᠯᠤᠭᠰᠠᠨ ᠠᠵᠢ᠃ ᠲᠡᠭᠦᠨ ᠤ ᠤᠯᠠᠮ ᠢᠶᠠᠷ ᠲᠡᠭᠷᠢ ᠪᠠᠷᠠᠭᠤᠨ ᠬᠤᠶᠢᠰᠢ ᠬᠠᠵᠠᠶᠢᠰᠬᠢᠵᠦ᠂ ᠨᠠᠷᠨ᠂ ᠰᠠᠷᠨ ᠬᠢᠭᠡᠳ ᠤᠳᠤᠨ ᠭᠠᠷᠠᠭ ᠪᠦᠷ ᠵᠡᠬᠦᠨ ᠠᠴᠠ ᠤᠷᠭᠤᠨ ᠪᠠᠷᠠᠭᠤᠨᠲᠠᠢ ᠰᠢᠩᠭᠡᠳᠡᠭ ᠪᠤᠯᠪᠠ᠃ ᠡᠭᠡ ᠭᠠᠵᠠᠷ ᠵᠡᠬᠦᠨ ᠡᠮᠦᠨᠡᠰᠢ ᠪᠠᠨ ᠬᠤᠳᠦᠶᠢᠵᠦ᠂ ᠮᠦᠷᠡᠨ ᠭᠤᠤᠯ  ᠤᠨ ᠤᠯᠠᠩᠭᠢ ᠨᠢ ᠪᠦᠷ ᠵᠡᠬᠦᠨ ᠡᠮᠦᠨᠡᠰᠢ  ᠪᠠᠨ ᠤᠷᠤᠰᠳᠠᠭ ᠪᠤᠯᠵᠠᠢ᠃   
  
ᠢᠷᠡᠯᠲᠡ᠄ ᠦᠪᠤᠷ ᠮᠤᠩᠭᠤᠯ ᠤᠨ ︽ᠨᠡᠶᠢᠬᠡᠮ︾ ᠰᠡᠳᠬᠦᠯ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠰᠠᠷᠠᠨ ᠳᠡᠭᠡᠷ᠎ᠡ ᠨᠤᠲᠤᠭᠰᠢᠭᠰᠠᠨ ᠴᠡᠩ ᠡᠸ᠋
ᠬᠠᠪᠤᠷ ᠤᠨ ᠲᠠᠷᠢᠶᠠᠯᠠᠭ᠎ᠠ ᠶᠢᠨ ᠲᠠᠯᠠᠪᠠᠶ 100 ᠲᠦᠮᠡᠨ ᠮᠦ ᠶᠢ ᠳᠠᠪᠠᠪᠠ
ᠨᠡᠷ᠎ᠡ ᠲᠤᠮᠢᠶ᠎ᠠ ᠶᠢᠨ ᠤᠷᠴᠢᠭᠤᠯᠭ᠎ᠠ ︵ᠠᠷᠪᠠᠨ ᠲᠠᠪᠤ︶
ᠨᠡᠷ᠎ᠡ ᠲᠤᠮᠢᠶ᠎ᠠ ᠶᠢᠨ ᠤᠷᠴᠢᠭᠤᠯᠭ᠎ᠠ ︵ᠠᠷᠪᠠᠨ ᠲᠦᠷᠪᠡ︶
ᠲᠤᠰᠠᠯᠠᠮᠵᠢ ᠶᠢᠨ ᠮᠥᠩᠭᠦ ᠶᠢ ᠲᠠᠷᠬᠠᠭᠠᠬᠤ ᠠᠵᠢᠯ ᠢ ᠯᠠᠪᠳᠠᠭᠤᠨ ᠬᠢᠵᠦ ᠬᠦᠴᠢᠷᠳᠡᠯᠲᠡᠢ ᠣᠯᠠᠨ ᠲᠦᠮᠡᠨ ᠤ ᠁
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号