| ᠴᠠᠬᠠᠷ ᠠᠯᠲᠠᠨ᠋ᠧᠴᠢᠷ ᠵᠤᠬᠢᠶᠠᠪᠠ | ᠬᠠᠭᠤᠴᠢᠨ ᠨᠤᠮ ᠪᠢᠴᠢᠭ ᠢᠶᠠᠨ ᠲᠢᠭᠯᠡᠵᠣ ᠪᠠᠶᠢᠲᠠᠯᠠ ᠬᠠᠭᠤᠳᠠᠰᠤ ᠴᠠᠭᠠᠰᠣ ᠤᠨᠠᠬᠰᠠᠨ ᠢ ᠠᠪᠤᠭᠠᠳ ᠦᠵᠡᠪᠡᠯ | ᠤᠯᠠᠨ ᠵᠢᠯ ᠤᠨ ᠲᠡᠷᠲᠡᠭᠡᠬᠢ ᠡᠳᠦᠷ ᠤᠨ ᠲᠡᠮᠳᠡᠭᠯᠡᠯ ᠪᠠᠶᠢᠯᠠ᠃ ᠦᠲᠦ ᠬᠤᠷᠤᠬᠠᠢ ᠭᠦᠶᠦᠭᠰᠡᠨ ᠶᠤᠮ ᠰᠢᠭ ᠪᠠᠯᠴᠢᠷ | ᠦᠶᠡ ᠶᠢᠨ ᠮᠠᠨᠢ ᠭᠠᠷ ᠤᠨ ᠲᠢᠭ ᠲᠠᠢ ᠮᠠᠷᠲᠠᠵᠣ ᠤᠷᠬᠢᠭᠰᠠᠨ ᠲᠡᠮᠳᠡᠭᠯᠡᠯ ᠢᠶᠠᠨ ᠰᠤᠨᠢᠷᠬᠠᠨ ᠤᠡᠭᠰᠢᠬᠤᠯᠠ ᠪᠤᠳᠤᠯ | ᠤᠨ ᠮᠢᠨᠢ ᠤᠴᠢᠭ ᠬᠤᠯᠠ ᠶᠢᠨ ᠬᠤᠯᠠ ᠳᠤ ᠬᠦᠪᠦᠷᠡᠭᠡᠳ ᠶᠠᠪᠤᠴᠢᠬᠠᠯᠠ ᠁ | ᠲᠡᠷᠡ ᠦᠶᠡ ᠳᠤ ᠪᠢ ᠰᠤᠮᠤᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠭᠦᠶᠦᠵᠦ ᠪᠠᠶᠢᠭᠰᠠᠨ᠃ ᠪᠠᠷᠤᠭ ᠳᠦᠷᠪᠡᠳᠦᠭᠡᠷ | ᠤᠨ ᠳᠤ ᠪᠠᠶᠢᠬᠠ ᠡ᠃ | ᠬᠢᠴᠢᠶᠡᠯ ᠲᠠᠷᠬᠠᠭᠠᠳ ᠪᠢ ᠬᠡᠷ ᠤᠷᠤᠭᠤ ᠪᠠᠨ ᠳᠦᠭᠦᠷᠡᠩ ᠪᠢᠴᠢᠭ ᠲᠠᠢ ᠬᠦᠨᠳᠦ ᠪᠣᠬᠴᠣ ᠪᠠᠨ ᠲᠠᠭᠠᠭᠠᠵᠣ | ᠶᠠᠳᠠᠨ ᠮᠠᠶᠢᠵᠢᠭᠢᠨᠠᠨᠠ᠃ ᠳᠤᠤᠷᠠ ᠤᠨ ᠤ ᠬᠡᠳᠦᠨ ᠠᠯᠢᠶᠠ ᠵᠢᠭᠠᠯ ᠂ ᠠᠷᠪᠠᠨ ᠳᠦᠷᠪᠡ ᠲᠠᠪᠤᠨ ᠨᠠᠰᠤᠨ ᠤ | ᠲᠦᠯᠦᠪᠲᠡᠢ ᠬᠡᠯᠡᠨ ᠤ ᠪᠡᠷᠬᠡᠳᠡᠯ ᠲᠠᠢ ᠡᠬᠡᠴᠢᠮᠡᠳ ᠦᠬᠢᠨ ᠢ ᠡᠯᠡᠭ ᠪᠠᠷᠢᠨ ᠠᠷᠤ ᠠᠴᠠ ᠨᠢ ᠲᠠᠭᠠᠵᠣ ᠱᠣᠣᠭᠢᠯᠳᠣᠨ | ᠬᠦᠬᠦᠷᠡᠯᠳᠦᠨᠡ᠃ ︽ᠡ ᠪᠠ᠂ ᠠ ᠪᠠ︾ ︽ᠦ ᠠ᠂ ᠦ ᠠ︾ ᠭᠡᠳ ᠪᠤᠴᠠᠵᠤ ᠮᠤᠳᠤ ᠴᠢᠯᠠᠭᠤ ᠨᠡᠭᠦᠯᠭᠡᠨ | ᠲᠦᠢᠳᠬᠡᠷ ᠵᠤᠯᠢᠭ ᠤᠳ ᠢ ᠡᠯᠳᠡᠨ ᠲᠠᠭᠤᠵᠤ ᠶᠠᠪᠤᠭᠠ ᠶᠠᠪᠠ ᠦᠬᠢᠨ ᠢ ᠬᠠᠷᠠᠭᠠᠳ ᠳᠤᠲᠤᠷᠠ ᠶᠡᠭᠡ ᠯᠠ ᠡᠪ | ᠦᠭᠡᠶᠢᠷᠡᠬᠡᠳᠡᠭ᠂ ᠦᠷᠦ ᠡᠪᠡᠳᠦᠳᠡᠭ ᠴᠤ ᠪᠠᠶᠢᠯᠠ᠃ | ᠲᠦᠢᠳᠬᠡᠷ ᠳᠠᠮᠰᠢᠭ ᠤᠳ ᠵᠠᠷᠢᠮ ᠳᠤ ᠪᠠᠨ ᠮᠢᠨᠤ ᠬᠤᠶᠢᠨᠠ ᠠᠴᠠ ᠴᠤ ᠲᠠᠭᠠᠵᠣ ᠵᠡᠮᠳᠡᠭ ᠮᠠᠭᠤ ᠮᠠᠶᠢᠭ ᠭᠦᠯ ᠢ | ᠮᠢᠨᠢ ᠳᠠᠭᠤᠷᠢᠶᠠᠨ ᠠᠯᠴᠠᠭᠠᠨᠠᠵᠣ ᠡᠯᠡᠭ ᠪᠠᠷᠢᠳᠠᠭ ᠪᠤᠯᠪᠠᠴᠤ ᠮᠢᠨᠤ ᠨᠢᠰᠬᠡᠳᠡᠭ ᠴᠢᠯᠠᠭᠤᠨ ᠤ ᠠᠮᠲᠠ ᠶᠢ ᠬᠡᠳᠤᠨᠳᠡ | ᠠᠮᠲᠠᠯᠠᠬᠰᠠᠨ ᠲᠤᠯᠠ ᠨᠠᠳᠠ ᠠᠴᠠ ᠠᠶᠤᠵᠤ ᠴᠡᠷᠪᠡᠳᠡᠭ ᠪᠤᠯᠤᠭᠰᠠᠨ᠃ ᠲᠡᠳᠡᠨᠣᠰ ᠬᠡᠰᠡᠭ ᠪᠤᠵᠢᠬᠢᠨᠠᠯᠳᠤᠭᠠᠳ ᠰᠠᠯᠪᠠ | ᠃ | ᠦᠨᠦ ᠶᠠᠪᠠ ᠦᠬᠢᠨ ᠬᠠᠵᠠᠭᠤ ᠪᠠᠷ ᠦᠡᠭᠭᠡᠷᠡᠬᠦ ᠳᠤ ᠪᠠᠨ ᠦᠬᠡᠳᠡ ᠠᠴᠠ ᠱᠤᠬᠳᠠᠶᠢᠬᠠᠨ ᠢᠨᠢᠶᠡᠭᠰᠡᠨ ᠢᠶᠠᠨ | ᠨᠠᠮᠠ ᠶᠢ ᠳᠠᠭᠤᠷᠢᠶᠠᠨ ᠮᠠᠶᠢᠵᠢᠭᠢᠨᠠᠵᠤ ᠠᠯᠬᠤᠭᠠᠳ ᠬᠡᠳᠡᠬᠡᠨᠡᠨ ᠢᠨᠢᠶᠡᠬᠦ ᠳᠤ ᠨᠢ ᠠᠭᠤᠷ ᠬᠦᠷᠴᠦ᠂ ᠮᠠᠭᠤ ᠰᠡᠪᠡᠭᠡᠷ | ᠤᠨ ᠲᠤᠶᠢᠭ ᠶᠢ ᠨᠢ ᠮᠣᠯᠲᠣᠷᠠᠲᠠᠯᠠ ᠴᠣᠬᠢᠶᠠ ᠭᠡᠵᠦ ᠴᠢᠯᠠᠭᠤ ᠰᠢᠭᠦᠷᠠᠭᠡᠳ ᠲᠠᠯᠠᠶᠢᠬᠰᠠᠨ ᠪᠤᠯᠪᠠᠴᠤ ᠡᠵᠢ ᠶᠢᠨ ᠮᠢᠨᠢ | ︽ᠬᠦᠮᠦᠨ ᠲᠠᠢ ᠡᠶᠡ ᠡᠪ ᠲᠠᠢ ᠶᠠᠪᠤ︕ ᠪᠤᠰᠤᠳ ᠲᠤ ᠪᠤᠤ ᠯᠠ ᠬᠤᠤᠷ ᠬᠢ︕ ᠨᠡᠩ ᠴᠤ ᠲᠤᠷᠤᠢ ᠪᠠᠭᠤᠷᠠᠢ | ᠬᠦᠮᠦᠰ ᠢ ᠲᠠᠷᠤᠯᠠᠵᠤ ᠪᠤᠯᠬᠤ ᠦᠭᠡᠢ᠂ ᠲᠤᠰᠠᠯᠠᠵᠤ ᠴᠢᠳᠠᠬᠤ ᠦᠬᠡᠢ ᠪᠤᠯᠪᠠᠴᠤ ᠬᠤᠤᠷᠯᠠᠵᠤ ᠪᠤᠯᠬᠤ ᠦᠬᠡᠢ ᠶᠤᠮ | ᠰᠢᠦ ︾ ᠭᠡᠰᠡᠨ ᠦᠭᠡ ᠴᠢᠬᠢᠨ ᠳᠤ ᠬᠠᠨᠭ᠍ᠬᠢᠨᠠᠭᠤᠯᠠᠷ ᠪᠠᠷᠢᠭᠰᠠᠨ ᠴᠢᠯᠠᠭᠤ ᠪᠠᠨ ᠳᠠᠩᠴᠦ ᠨᠡᠭᠦᠯᠭᠡᠵᠦ ᠴᠢᠳᠠᠭᠰᠠᠨ | ᠦᠬᠡᠢ᠃ | ᠲᠡᠭᠡᠬᠦ ᠳᠤ ᠡᠬᠡᠴᠢᠮᠡᠳᠬᠡᠨ ᠪᠤᠯᠪᠠᠴᠤ ᠲᠦᠬᠦᠭᠡ ᠮᠠᠭᠤᠲᠠᠢ ᠨᠦᠭᠦᠭᠡ ᠦᠬᠢᠨ ᠨᠠᠳᠠ ᠠᠴᠠ ᠵᠠᠢ ᠪᠠᠷᠢᠨ ᠮᠦᠨ | ᠯᠠ ᠲᠠᠭᠤᠷᠢᠶᠠᠵᠣ ᠠᠯᠬᠤᠭᠰᠠᠭᠠᠷ ᠯᠠ ᠪᠠᠶᠢᠪᠠ ᠁ | ᠡᠨᠡ ᠦᠵᠢᠷᠡᠭᠰᠡᠨ ᠬᠠᠭᠤᠳᠠᠰᠤᠨ ᠳᠤ ᠡᠭᠦᠨ ᠢ ᠯᠠ ᠲᠡᠮᠳᠡᠭᠯᠡᠭᠰᠡᠨ ᠶᠤᠮ ᠪᠠᠶᠢᠨᠠ᠃ | ᠤᠳᠤ ᠪᠤᠳᠤᠪᠠᠯ ᠮᠢᠨᠦ ᠠᠯᠬᠤᠬᠤ ᠲᠡᠳᠡᠬᠡᠷ ᠬᠡᠤᠬᠡᠳ ᠤᠳ ᠲᠠᠢ ᠠᠳᠠᠯᠢ ᠦᠬᠡᠢ ᠪᠤᠯᠬᠤᠷ ᠰᠤᠨᠢᠷᠬᠠᠭᠠᠳ | ᠲᠠᠭᠤᠷᠢᠶᠠᠵᠤ ᠠᠭᠠᠰᠢᠯᠠᠳᠠᠬ ᠪᠠᠶᠢᠬᠠ᠃ ᠬᠦᠭᠡᠷᠦᠬᠦᠢ ᠳ᠋ᠡ᠂ ᠬᠡᠤᠬᠡᠳ ᠨᠠᠰᠤ ᠭᠡᠵᠤ ᠶᠠᠮᠠᠷ ᠴᠦ ᠬᠡᠨᠡᠨ ᠴᠠᠶᠢᠯᠭᠠᠨ | ᠪᠢᠯᠨ ᠳ᠋ᠠ᠂ ᠲᠤᠷᠠᠰᠤᠭᠠᠳ ᠰᠠᠭᠤᠬᠤ ᠳᠤ ᠴᠦ ᠰᠠᠶᠢᠬᠠᠨ ᠡ᠃ | ᠪᠠᠭᠠ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠦᠭᠡᠳ ᠠᠩᠬᠠ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠲᠡᠪᠰᠢᠵᠣ ᠬᠤᠰᠢᠭᠤᠨ ᠲᠦᠪ | ᠲᠤ ᠪᠠᠶᠢᠷᠢ ᠳᠤ ᠰᠠᠭᠤᠬᠤ ᠪᠤᠯᠬᠤ ᠳᠤ ᠪᠠᠭᠰᠢ ᠮᠢᠨᠢ ᠨᠠᠮᠠ ᠶᠢ ᠦᠪᠡᠷ ᠤᠨ ᠬᠡᠤᠭᠡᠳ ᠢᠶᠠᠨ ᠰᠢᠭ ᠬᠠᠯᠠᠮᠵᠢᠯᠠᠵᠤ᠂ | ᠬᠠᠮᠳᠦ ᠰᠤᠷᠤᠬᠴᠢᠳ ᠮᠢᠨᠢ ᠲᠦᠷᠦᠭᠰᠡᠨ ᠠᠬᠠ ᠲᠡᠬᠦᠦ ᠪᠠᠨ ᠰᠢᠭ ᠲᠤᠳᠤᠨᠤ ᠬᠠᠨᠳᠤᠵᠤ ᠬᠠᠪᠰᠤᠷᠴᠤ ᠲᠤᠰᠠᠯᠠᠳᠠᠬ | ᠲᠡᠳᠤᠢ ᠦᠬᠡᠢ᠂ ᠠᠩᠭᠢ ᠶᠢᠨ ᠬᠡᠷ᠂ ᠪᠠᠶᠢᠷᠢ ᠶᠢᠨ ᠬᠡᠷ ᠴᠡᠪᠡᠷᠯᠡᠬᠦ ᠵᠢᠵᠢᠭᠦᠷ ᠴᠤ ᠲᠤᠬᠢᠷᠠᠭᠤᠯᠳᠠᠭ ᠦᠬᠡᠢ᠃ ᠲᠡᠷᠡ | ᠦᠶᠡ ᠳᠤ ᠪᠢᠳᠡ ᠬᠤᠷᠢ ᠭᠤᠴᠢᠭᠤᠯᠠ ᠨᠢᠭᠡ ᠪᠠᠶᠢᠷᠢ ᠳᠤ ᠰᠠᠭᠤᠵᠤ᠂ ᠬᠤᠶᠠᠷ ᠬᠦᠮᠦᠨ ᠨᠢᠭᠡ ᠵᠢᠵᠢᠭᠦᠷ ᠪᠤᠯᠵᠤ | ᠬᠤᠭᠤᠯᠠ ᠪᠠᠨ ᠪᠠᠶᠢᠷᠢ ᠳᠤ ᠪᠠᠨ ᠵᠦᠭᠡᠭᠡᠵᠣ ᠠᠪᠴᠢᠷᠠᠭᠠᠳ ᠬᠤᠪᠢᠶᠠᠵᠤ ᠦᠭᠳᠡᠭ᠂ ᠬᠠᠷᠢᠨ ᠨᠠᠳᠠ ᠪᠠᠷ ᠬᠤᠭᠤᠯᠠ | ᠵᠦᠭᠡᠭᠡᠬᠦ ᠵᠢᠵᠢᠭᠦᠷ ᠬᠢᠯᠭᠡᠳᠡᠭ ᠦᠬᠡᠢ᠃ ᠢᠩᠭᠢᠭᠡᠳ ᠯᠠ ᠪᠢ ᠨᠦᠬᠦᠳ ᠤᠨ ᠢᠶᠠᠨ ᠳᠡᠮᠵᠢᠯᠭᠡ ᠶᠢ ᠬᠦᠷᠲᠡᠭᠡᠳ ᠯᠠ | ᠶᠠᠪᠤᠳᠠᠭ ᠪᠠᠶᠢᠯᠠ᠃ | ᠲᠡᠷᠡ ᠨᠢᠭᠡ ᠵᠤᠨ ᠮᠠᠨ ᠤ ᠠᠩᠭᠢ ᠶᠢᠨ ᠬᠢᠨ ᠬᠦᠢᠲᠡᠨ ᠰᠢᠯᠢ ᠳᠤ ᠵᠤᠭᠠᠴᠠᠬᠤ ᠪᠠᠷ ᠶᠠᠪᠤᠯᠠ᠃ ︽ᠪᠢ ᠶᠠᠪᠤᠬᠤ | ᠦᠭᠡᠢ︾ ᠭᠡᠬᠦ ᠳᠤ ᠨᠦᠬᠦᠳ ᠮᠢᠨᠢ ︽ᠶᠠᠪᠤᠶᠠ︕ ᠮᠠᠰᠢᠨ ᠲᠡᠷᠭᠡ ᠪᠠᠷ ᠶᠠᠪᠤᠬᠤ ᠬᠡᠵᠣ ᠪᠠᠶᠢᠬᠤ ᠶᠤᠮ ᠴᠢᠨᠢ ᠁ | ︾ ᠬᠡᠭᠰᠡᠭᠡᠷ ᠪᠠᠶᠢᠭᠠᠳ ᠨᠠᠮᠠ ᠶᠢ ᠲᠠᠭᠠᠭᠤᠯᠵᠣ ᠶᠠᠪᠤᠪᠠ ᠃ | ᠠᠭᠤᠯᠠᠨ ᠳᠤ ᠪᠠᠷᠤᠭ ᠪᠦᠲᠦᠨ ᠡᠳᠦᠷ ᠰᠢᠬᠠᠭᠤ ᠨᠠᠭᠠᠳᠤᠭᠠᠳ ᠪᠤᠴᠠᠬᠤ ᠦᠶᠡ ᠳᠤ ᠮᠠᠨᠤᠰ ᠢ ᠬᠦᠷᠭᠡᠵᠣ | ᠢᠷᠡᠭᠰᠡᠨ ᠰᠤᠷᠭᠠᠭᠤᠯᠢ ᠶᠢᠨ ᠴᠢᠷᠦᠭᠦᠯ ᠲᠠᠢ ᠮᠠᠰᠢᠨ ᠲᠤᠰᠬᠤ ᠪᠠᠷ ᠢᠷᠡᠬᠡᠳ ᠪᠠᠶᠢᠮᠠ ᠴᠠᠭᠠᠨᠠ ᠬᠦᠯᠢᠶᠡᠵᠣ | ᠪᠠᠶᠢᠯᠠ᠃ | ᠶᠠᠳᠠᠷᠠᠵᠤ ᠲᠣᠶᠢᠯᠳᠠᠵᠣ ᠬᠦᠯ ᠡᠪᠡᠳᠦᠭᠡᠳ ᠨᠦᠬᠦᠳ ᠢᠶᠠᠨ ᠲᠠᠭᠠᠵᠤ ᠳᠡᠶᠢᠯᠬᠦ ᠦᠬᠡᠢ ᠠᠷᠤ ᠳᠤ ᠨᠢ | ᠮᠠᠶᠢᠵᠢᠭᠢᠨᠠᠬᠤ ᠳᠤ ᠨᠠᠶᠢᠵᠠ ᠪᠦᠬᠡ ᠮᠠᠨᠢ ᠨᠠᠮᠠ ᠶᠢ ᠡᠭᠦᠷᠦᠨᠡ ᠭᠡᠳ ᠡᠮᠦᠨᠡ ᠮᠢᠨᠢ ᠤᠴᠤᠶᠢᠬᠤ ᠨᠢ ᠲᠡᠷᠡ᠃ ᠪᠢ | ᠶᠡᠭᠡ ᠯᠠ ᠡᠪ ᠦᠭᠡᠶᠢᠷᠬᠡᠵᠦ ᠦᠪᠡᠷ ᠢᠶᠠᠨ ᠴᠢᠷᠮᠠᠶᠢᠨ ᠠᠯᠬᠤᠶᠠ ᠭᠡᠪᠡᠯ ︽ᠬᠠᠮᠢᠶᠠ ᠦᠬᠡᠢ᠂ ᠡᠭᠦᠷᠦᠭᠦᠯᠴᠢᠬᠡ ᠡ᠃ | ᠪᠢᠳᠡ ᠴᠤ ᠴᠢᠮᠠ ᠶᠢ ᠡᠭᠡᠯᠵᠢ ᠪᠠᠷ ᠡᠭᠦᠷᠦᠶᠡ︾ ᠭᠡᠳ ᠪᠠᠲᠤᠴᠡᠩᠬᠡᠯ᠂ ᠳᠠᠶᠢᠴᠢᠨ᠂ ᠠᠮᠤᠭᠤᠯᠠᠩ ᠭᠤᠷᠪᠠᠭᠤᠯᠠ | ᠨᠠᠮᠠ ᠶᠢ ᠲᠦᠯᠬᠢᠨ ᠪᠦᠬᠡ ᠶᠢᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠨᠠᠭᠠᠯᠳᠣᠭᠤᠯᠪᠠ᠃ ᠲᠡᠭᠡᠭᠡᠳ ᠯᠠ ᠲᠡᠳᠡ ᠳᠦᠷᠪᠡᠭᠦᠯᠡ | ᠨᠠᠮᠠ ᠶᠢ ᠡᠭᠡᠯᠵᠢᠯᠡᠨ ᠡᠭᠦᠷᠴᠦ ᠲᠡᠷᠭᠡᠨ ᠳᠡᠭᠡᠷᠡ ᠭᠠᠷᠭᠠᠯᠠ᠃ | ᠢᠡᠭᠭᠢᠭᠳ ᠯᠠ ᠪᠢ ᠪᠡᠶᠡ ᠵᠡᠮᠳᠡᠭ ᠪᠤᠯᠪᠠᠴᠤ ᠪᠠᠭᠰᠢ᠂ ᠨᠠᠶᠢᠵᠡ ᠨᠦᠬᠦᠳ ᠤᠨ ᠢᠶᠠᠨ ᠬᠠᠶᠢᠷᠠ ᠬᠠᠯᠠᠮᠵᠢᠯᠠᠯ ᠢ | ᠬᠦᠷᠳᠡᠵᠦ ᠠᠩᠬᠠ ᠳᠤᠮᠳᠠᠳᠤ ᠶᠢᠨ ᠭᠤᠷᠪᠠᠨ ᠵᠢᠯ ᠢᠶᠠᠨ ᠪᠠᠶᠠᠷ ᠬᠦᠷ ᠲᠠᠢ ᠦᠩᠭᠡᠷᠡᠭᠡᠭᠰᠡᠨ ᠢᠶᠠᠨ ᠪᠤᠳᠤᠬᠤᠯᠠᠷ ︽ | ᠶᠠᠮᠠᠷ ᠰᠠᠶᠢᠬᠠᠨ ᠬᠦᠮᠦᠰ ᠢ ᠪᠤᠷᠬᠠᠨ ᠨᠠᠳᠠ ᠳᠤ ᠵᠠᠶᠠᠭᠠᠭᠰᠠᠨ ᠢ᠂ ᠢᠯᠠᠭᠤᠨ ᠰᠠᠷᠠᠨ ᠤ ᠳᠤᠤᠷᠠ ᠦᠭᠡ ᠪᠠᠷ | ᠢᠯᠡᠳᠬᠡᠬᠦ ᠶᠢᠨ ᠠᠷᠭᠠ ᠦᠬᠡᠢ ᠁︾ ᠬᠡᠵᠦ ᠦᠪᠡᠷ ᠤᠨ ᠡᠷᠭᠡ ᠦᠬᠡᠢ ᠠᠶᠠᠯᠤᠨ ᠲᠠᠭᠤᠯᠠᠳᠠᠬ ᠰᠠᠨ᠃ | ᠬᠦᠮᠦᠨ ᠡ ᠭᠡᠵᠢ︕ ᠤᠬᠠᠭᠠᠷᠠᠵᠤ ᠠᠮᠢᠳᠤᠷᠠᠬᠤ ᠬᠤᠷᠸᠠ ᠭᠡᠵᠤ ᠁ | ᠦᠢᠯᠨ ᠶᠢᠨ ᠦᠷᠡ ᠪᠠᠷ ᠨᠠᠳᠠ ᠳᠤ ᠲᠤᠬᠢᠶᠠᠬᠰᠠᠨ ᠳᠠᠩᠴᠣ ᠬᠠᠳᠠᠭᠤ ᠬᠤᠪᠢ ᠲᠠᠪᠢᠯᠠᠩ ᠶᠤᠮ ᠳ᠋ᠠ᠃ ᠬᠡᠯᠡ | ᠬᠡᠬᠦ ᠳᠤ ᠲᠠᠪᠢᠯᠠᠩ ᠵᠠᠶᠠᠭᠠᠨ ᠳᠤ ᠪᠠᠨ ᠲᠠᠰᠬᠤ ᠯᠠ ᠠᠯᠪᠠ ᠲᠠᠢ᠂ ᠡᠭᠦᠷᠬᠦ ᠯᠠ ᠶᠤᠰᠤᠲᠠᠢ ᠲᠠᠢ ᠠᠴᠠ ᠬᠤᠶᠢᠰᠢ᠃ | ᠬᠡᠪᠡᠴᠦ ᠬᠦᠮᠦᠨ ᠦᠪᠡᠷ ᠤᠨ ᠬᠢ ᠪᠠᠷ ᠢᠶᠠᠨ ᠠᠮᠢᠳᠤᠷᠠᠬᠤ ᠬᠡᠵᠦ ᠪᠠᠰᠠ ᠰᠠᠶᠢᠬᠠᠨ ᠪᠠᠶᠢᠳᠠᠬ᠃ ᠰᠠᠶᠢᠨ ᠢ ᠪᠤᠳᠤᠵᠤ᠂ | ᠰᠠᠶᠢᠨ ᠰᠡᠳᠬᠢᠯ ᠢᠶᠠᠷ᠂ ᠰᠠᠶᠢᠨ ᠦᠢᠯᠨ ᠳᠤ ᠰᠢᠮᠳᠠᠶᠠ ᠭᠡᠵᠤ ᠴᠢᠳᠠᠯ ᠢᠶᠠᠷ ᠢᠶᠠᠨ ᠴᠢᠷᠮᠠᠶᠢᠵᠤ ᠯᠠ ᠶᠠᠪᠤᠬᠤ ᠨᠢ | ᠵᠦᠢᠳᠡᠢ ᠪᠤᠯᠪᠠ ᠤᠤ ᠳ᠋ᠠ᠃ ᠲᠡᠭᠡᠬᠦ ᠳᠤ ᠠᠮᠢᠳᠤᠷᠠᠯ ᠮᠢᠨᠢ ᠪᠤᠰᠤᠳ ᠤᠨ ᠬᠠᠷᠠᠭᠠᠯᠵᠠᠯ ᠦᠭᠡᠢ ᠪᠠᠷ ᠤᠷᠤᠰᠢᠵᠤ | ᠴᠢᠳᠠᠬᠤ ᠦᠬᠡᠢ ᠤᠴᠢᠷ ᠠᠴᠠ ᠨᠠᠮᠠ ᠶᠢ ᠲᠦᠷᠦᠬᠦᠯᠵᠦ ᠦᠰᠭᠡᠭᠰᠡᠨ ᠠᠴᠢᠳᠦ ᠠᠪᠤ ᠡᠵᠢ᠂ ᠠᠰᠠᠷᠠᠵᠤ | ᠬᠠᠷᠠᠭᠠᠯᠵᠠᠳᠠᠬ ᠠᠬᠠ ᠳᠡᠭᠦᠤ᠂ ᠲᠤᠰᠠᠯᠠᠵᠦ ᠲᠡᠮᠵᠢᠵᠦ ᠶᠠᠪᠤᠬᠰᠠᠨ ᠨᠠᠶᠢᠵᠠ ᠨᠦᠬᠦᠳ ᠲᠤ ᠪᠠᠨ ᠪᠠᠶᠠᠷᠯᠠᠵᠦ | ᠲᠠᠯᠠᠷᠬᠠᠵᠦ ᠶᠠᠪᠤᠨᠠᠮ᠃ | ᠰᠠᠶᠢᠬᠠᠨ ᠰᠠᠨᠠᠬ᠋ᠠ ᠲᠠᠢ ᠠᠴᠢᠳᠦ ᠬᠦᠮᠦᠰ ᠢᠶᠠᠨ ᠰᠠᠨᠠᠨ ᠲᠤᠷᠠᠰᠴᠦ ᠰᠠᠭᠤᠬᠤ ᠳᠤ ᠰᠡᠳᠬᠢᠯ ᠨᠢᠬᠡ ᠯᠨ | ᠬᠡᠭᠡᠯᠵᠡᠭᠡᠳ ᠰᠢᠯᠦᠭ ᠤᠨ ᠬᠡᠮᠡᠷ ᠱᠠᠳ ᠮᠦᠷ ᠤᠳ ᠲᠠᠰᠤᠷᠠᠨ ᠪᠠᠭᠤᠬᠤ ᠶᠢ ᠢᠳᠡᠭᠡᠯ ᠵᠤᠷᠢᠭ ᠪᠤᠯᠭᠠᠨ ᠬᠡᠯᠬᠢᠵᠦ | ᠦᠯᠡᠳᠡᠭᠡᠶᠡ᠄ | ᠡᠨᠡ ᠰᠠᠶᠢᠬᠠᠨ ᠲᠡᠯᠡᠬᠡᠢ ᠳᠤ | ᠡᠷᠡᠮᠳᠡᠭ ᠵᠠᠶᠠᠭᠠᠭᠰᠠᠨ ᠴᠦ ᠶᠠᠭᠠᠬᠢᠬᠤ ᠪᠣᠢ | ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ | ᠡᠯᠢᠭᠡ ᠪᠦᠲᠦᠨ ᠬᠤᠷᠸᠠ ᠳᠤ | ᠵᠡᠮᠳᠡᠭ ᠪᠤᠯᠤᠭᠰᠠᠨ ᠴᠦ ᠶᠠᠭᠠᠬᠢᠬᠤ ᠪᠣᠢ | ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ | ᠡᠷᠡᠭᠦᠯ ᠪᠡᠶᠡ ᠦᠭᠡᠢ ᠴᠦ | ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠᠢ ᠪᠤᠯᠬᠤᠷ ᠶᠠᠭᠠᠬᠢᠬᠤ ᠪᠣᠢ | ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ | ᠤᠳᠤ ᠲᠠᠢ ᠰᠦᠨᠢ ᠶᠢᠨ ᠭᠦᠨ ᠳᠤ | ᠤᠶᠢᠳᠬᠠᠷ ᠲᠤ ᠵᠢᠪᠦᠳᠡᠭ ᠴᠤ ᠶᠠᠭᠠᠬᠢᠬᠤ ᠪᠣᠢ | ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ | ᠭᠦᠶᠦᠬᠦ ᠲᠡᠩᠭᠡᠭᠡ ᠦᠭᠡᠢ ᠴᠦ | ᠬᠦᠷᠳᠦᠲᠦ ᠲᠡᠷᠭᠡᠨᠴᠢᠷ ᠲᠠᠢ ᠪᠤᠯᠬᠤᠷ ᠶᠠᠭᠠᠬᠢᠬᠤ ᠪᠣᠢ | ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ | ᠬᠦᠯ ᠢᠶᠠᠷ ᠬᠦᠷᠬᠦ ᠦᠭᠡᠢ ᠭᠠᠵᠠᠷ ᠲᠤ | ᠬᠡᠯᠡ ᠪᠠᠷ ᠬᠦᠷᠳᠡᠭ ᠲᠤ ᠪᠠᠨ ᠪᠠᠶᠠᠰᠳᠠᠭ ᠪᠤᠯᠬᠤᠷ ᠶᠠᠭᠠᠬᠢᠬᠤ ᠪᠣᠢ | ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ | ᠬᠤᠷᠸᠠ ᠶᠢᠨ ᠠᠭᠤᠳᠠᠮ ᠳᠤ | ᠬᠠᠶᠠ ᠪᠠᠰᠠ ᠰᠡᠳᠬᠢᠯ ᠳᠠᠪᠴᠢᠭᠤᠳᠠᠳᠠᠭ ᠴᠦ ᠶᠠᠭᠠᠬᠢᠬᠤ ᠪᠣᠢ | ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ | ᠬᠦᠬᠡ ᠲᠡᠭᠷᠢ ᠶᠢᠨ ᠳᠤᠤᠷᠠ | ᠬᠦᠮᠦᠨ ᠤ ᠲᠠᠶᠢᠲᠠᠢ ᠶᠠᠪᠤᠬᠤ ᠪᠠᠷ ᠴᠢᠷᠮᠠᠶᠢᠳᠠᠭ ᠪᠤᠯᠬᠤᠷ ᠶᠠᠭᠠᠬᠢᠬᠤ ᠪᠣᠢ | ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ | ᠬᠦᠮᠦᠨ ᠠᠴᠠ ᠲᠤᠳᠠᠭᠤ ᠴᠦ | ᠬᠦᠰᠡᠯ ᠢᠶᠠᠷ ᠲᠤᠯᠢᠮᠠᠭ ᠪᠢᠰᠢ ᠪᠤᠯᠬᠤᠷ ᠶᠠᠭᠠᠬᠢᠬᠤ ᠪᠣᠢ | ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ | ᠨᠠᠶᠢᠷᠲᠠᠢ ᠬᠠᠶᠢᠷᠠᠲᠠᠢ ᠪᠦᠮᠪᠦᠷᠴᠡᠭ ᠲᠤ ᠪᠠᠨ | ᠨᠢᠰᠴᠤ ᠲᠡᠪᠳᠡᠷᠢᠵᠤ ᠴᠢᠳᠠᠬᠤ ᠦᠭᠡᠢ ᠴᠦ ᠶᠠᠭᠠᠬᠢᠬᠤ ᠪᠣᠢ | ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ | ᠨᠠᠷᠠᠨ ᠤ ᠰᠠᠶᠢᠬᠠᠨ ᠮᠦᠰᠢᠶᠡᠯ ᠳᠤ | ᠨᠢᠳᠦᠨ ᠳᠤ ᠪᠠᠨ ᠨᠢᠯᠪᠤᠰᠤ ᠲᠠᠢ ᠴᠦ ᠶᠠᠭᠠᠬᠢᠬᠤ ᠪᠣᠢ | ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠳᠢᠨᠴᠦ ᠪᠠᠶᠠᠰᠤᠭ ᠡ | | ᠬᠤᠷᠸᠠ ᠶᠢᠨ ᠠᠮᠢᠳᠤᠷᠠᠯ ᠰᠠᠶᠢᠬᠠᠨ ᠪᠠᠶᠢᠳᠠᠬ᠂ ᠬᠠᠳᠠᠭᠤ ᠲᠠᠪᠢᠯᠠᠩ ᠢ ᠢᠳᠡᠭᠡᠯ ᠰᠡᠳᠬᠢᠯ ᠢᠶᠠᠷ ᠰᠦᠯᠡᠵᠤ | ᠵᠦᠬᠡᠯᠡᠯᠡᠨ ᠢᠨᠢᠶᠡᠮᠰᠦᠭᠯᠡᠵᠤ ᠠᠮᠢᠳᠤᠷᠠᠶᠠ᠂ ᠶᠢᠷᠳᠢᠨᠴᠦ ᠶᠢ ᠪᠠᠶᠠᠰᠳᠠᠯᠠ ᠵᠢᠷᠭᠠᠵᠤ ᠠᠮᠢᠳᠤᠷᠠᠶᠠ ᠡ᠃ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠤᠯᠠᠭᠠᠨᠴᠠᠪ ᠬᠤᠲᠠ ᠶᠢᠨ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨ ᠤ | ᠬᠦᠷᠢᠶᠡ ᠰᠤᠮᠤ | ᠦᠪᠤᠷ ᠮᠤᠩᠭᠤᠯ ᠤᠨ ︽ᠨᠡᠶᠢᠬᠡᠮ ︾ ᠰᠡᠳᠬᠦᠯ | |