| ᠭᠦᠸᠧ ᠵᠢᠦᠢ ᠪᠣᠯ ᠵᠡᠭᠦᠨ ᠬᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠯᠢᠨ ᠯᠢᠦᠢ ︵ ᠣᠳᠤ ᠶᠢᠨ ᠾᠧᠨᠠᠨ | ᠮᠤᠵᠢ ᠶᠢᠨ ᠯᠢᠨᠵᠸᠦ ᠬᠤᠲᠠ︶ ᠶᠢᠨ ᠬᠦᠮᠦᠨ᠂ ᠤᠤᠯ ᠳᠤ ᠪᠠᠨ ᠭᠡᠷ ᠨᠢ ᠨᠡᠯᠢᠶᠡᠳ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠪᠠᠶᠢᠵᠠᠢ᠃ | ᠭᠡᠪᠡᠴᠦ ᠡᠴᠢᠭᠡ ᠨᠢ ᠨᠠᠰᠤ ᠨᠦᠭᠴᠢᠭᠰᠡᠨ ᠤ ᠳᠠᠷᠠᠭᠠ᠂ ᠲᠡᠷᠡ ᠥᠪ ᠬᠦᠷᠦᠩᠭᠡ ᠪᠠᠨ ᠬᠤᠶᠠᠷ ᠬᠤᠪᠢᠶᠠᠨ | ᠬᠤᠶᠠᠷ ᠳᠡᠭᠦᠦ ᠳᠤ ᠪᠠᠨ ᠦᠮᠴᠢᠯᠡᠭᠦᠯᠦᠭᠡᠳ ᠂ ᠦᠪᠡᠷ ᠢᠶᠠᠨ ᠡᠬᠡ ᠪᠠᠨ ᠰᠠᠶᠢᠲᠤᠷ ᠠᠴᠢᠯᠠᠨ ᠠᠰᠠᠷᠠᠪᠠ᠃ | ᠬᠤᠵᠢᠮ ᠨᠢ᠂ ᠭᠦᠸᠧ ᠵᠢᠦᠢ ᠶᠢᠨ ᠭᠡᠷ ᠨᠢ ᠶᠠᠳᠠᠭᠤᠷᠠᠵᠤ᠂ ᠭᠡᠷᠭᠡᠢ ᠨᠢ ᠪᠠᠰᠠ ᠬᠦᠦ ᠲᠦᠷᠦᠭᠰᠡᠨ ᠠᠴᠠ | ᠭᠦᠸᠧ ᠵᠢᠦᠢ ᠶᠢᠨ ᠡᠬᠡ ᠨᠢ ᠣᠮᠪᠤᠯᠤ ᠪᠠᠨ ᠮᠠᠰᠢ ᠰᠠᠨᠠᠵᠤ᠂ ᠦᠪᠡᠷ ᠤᠨ ᠢᠳᠡᠬᠦ ᠪᠠᠨ ᠠᠷᠪᠢᠯᠠᠨ ᠪᠠᠶᠢᠵᠤ᠂ | ᠢᠳᠡᠰᠢ ᠬᠤᠭᠤᠯᠨ ᠪᠠᠨ ᠣᠮᠪᠤᠯᠤ ᠳᠤ ᠪᠠᠨ ᠦᠯᠡᠳᠡᠭᠡᠵᠦ ᠥᠭᠬᠦ ᠪᠣᠯᠪᠠ᠃ ᠡᠶᠢᠨ ᠬᠦ᠂ ᠭᠦᠸᠧ ᠵᠢᠦᠢ | ᠡᠭᠦᠨ ᠤ ᠲᠦᠯᠦᠭᠡ ᠮᠠᠰᠢ ᠶᠡᠭᠡ ᠰᠠᠨᠠᠭᠠᠰᠢᠷᠠᠨ᠂ ᠡᠨᠡ ᠬᠦᠦ ᠶᠢ ᠲᠡᠵᠢᠭᠡᠪᠡᠯ ᠯᠠᠪᠲᠠᠶᠢᠶᠠ ᠡᠬᠡ ᠪᠠᠨ ᠠᠰᠠᠷᠠᠬᠤ ᠶᠢ | ᠨᠦᠯᠦᠭᠡᠯᠡᠨᠡ ᠭᠡᠵᠦ ᠪᠣᠳᠤᠭᠠᠳ᠂ ᠭᠡᠷᠭᠡᠢ ᠳᠤ ᠪᠠᠨ᠄《 ᠬᠦᠦ ᠶᠢ ᠰᠡᠭᠦᠯᠡᠷ ᠪᠦᠷ ᠲᠦᠷᠦᠵᠦ ᠪᠣᠯᠤᠨᠠ᠂ ᠬᠠᠷᠢᠨ | ᠡᠬᠡ ᠮᠠᠨᠢ ᠬᠠᠳᠠᠨ ᠭᠡᠷ ᠲᠤ ᠪᠠᠨ ᠮᠣᠷᠢᠯᠠᠪᠠᠯ ᠳᠠᠬᠢᠨ ᠠᠮᠢᠯᠠᠬᠤ ᠦᠬᠡᠢ ᠃ ᠲᠡᠭᠡᠬᠦ ᠪᠠᠷ ᠬᠦᠦ ᠪᠠᠨ ᠪᠤᠯᠠᠰᠢᠯᠠᠭᠠᠳ | ᠂ ᠠᠮᠤ ᠪᠤᠳᠠᠭᠠ ᠪᠠᠨ ᠠᠷᠪᠢᠯᠠᠨ ᠡᠬᠡ ᠪᠠᠨ ᠠᠰᠠᠷᠠᠨ ᠲᠡᠵᠢᠭᠡᠬᠦ ᠶᠢ ᠬᠦᠷᠬᠦ ᠦᠬᠡᠢ 》 ᠭᠡᠵᠦ ᠬᠡᠯᠡᠯᠡ᠃ | ᠲᠡᠳᠡᠨ ᠢ ᠬᠤᠶᠠᠷ ᠲᠤᠬᠤᠢ ᠭᠦᠨ ᠨᠦᠬᠡ ᠮᠠᠯᠲᠠᠵᠤ ᠪᠠᠶᠢᠭᠠ ᠦᠶᠡᠰ᠂ ᠨᠦᠬᠡᠨ ᠲᠤᠳᠤᠷᠠ ᠭᠡᠨᠡᠳᠲᠡ | ᠨᠢᠭᠡᠨ ᠪᠣᠳᠤᠩ ᠰᠢᠵᠢᠷ ᠠᠯᠲᠠ ᠢᠯᠡᠷᠡᠵᠦ᠂ ᠳᠡᠭᠡᠷᠡ ᠨᠢ 《 ᠳᠡᠭᠡᠳᠦ ᠲᠡᠭᠷᠢ ᠠᠴᠠ ᠠᠴᠢᠯᠠᠯᠲᠤ ᠬᠦᠪᠡᠭᠦᠨ | ᠭᠦᠸᠧ ᠵᠢᠦᠢ ᠳᠤᠷ ᠰᠣᠶᠤᠷᠬᠠᠪᠠᠢ᠂ ᠠᠯᠪᠠᠨ ᠨᠤᠶᠠᠳ ᠡᠭᠦᠨ ᠢ ᠠᠪᠴᠤ ᠡᠰᠡ ᠪᠤᠯᠤᠮᠤᠢ᠂ ᠦᠷᠦᠭᠡᠯ ᠢᠷᠭᠡᠳ | ᠡᠭᠦᠨ ᠢ ᠪᠤᠯᠢᠶᠠᠵᠤ ᠡᠰᠡ ᠪᠤᠯᠤᠮᠤᠢ》 ᠭᠡᠮᠡᠨ ᠪᠢᠴᠢᠭᠡᠰᠦᠲᠡᠢ ᠪᠠᠶᠢᠪᠠ᠃ ᠲᠡᠶᠢᠨ ᠬᠦ᠂ ᠡᠷᠡ ᠡᠮᠡ | ᠬᠤᠶᠠᠭᠤᠯᠠ ᠪᠠᠨ ᠡᠳᠡᠭᠡᠷ ᠠᠯᠲᠠ ᠪᠠᠨ ᠭᠡᠷ ᠲᠤ ᠪᠠᠨ ᠠᠪᠠᠴᠢᠨ ᠡᠬᠡ ᠪᠠᠨ ᠠᠴᠢᠯᠠᠨ ᠠᠰᠠᠷᠠᠭᠰᠠᠨ ᠪᠦᠭᠡᠳ | ᠬᠦᠦ ᠪᠠᠨ ᠴᠦ ᠲᠡᠵᠢᠭᠡᠨ ᠦᠰᠭᠡᠵᠦ ᠳᠡᠶᠢᠯᠬᠦ ᠪᠣᠯᠵᠠᠢ᠃ | ᠬᠤᠷᠢᠨ ᠳᠦᠷᠪᠡᠨ ᠠᠴᠢᠯᠠᠯ ᠡᠯᠪᠡᠷᠢᠯ ᠤᠨ ᠦᠯᠢᠭᠡᠷ ᠲᠤ 《ᠡᠬᠡ ᠪᠠᠨ ᠳᠡᠭᠡᠳᠦᠯᠡᠨ ᠬᠦᠦ ᠪᠠᠨ ᠪᠤᠯᠠᠰᠢᠯᠠᠬᠤ | ᠭᠡᠪᠡ》 ᠦᠯᠢᠭᠡᠷ ᠨᠢ ᠬᠠᠮᠤᠭ ᠤᠨ ᠮᠠᠷᠭᠤᠭᠠᠨ ᠳᠡᠭᠳᠡᠭᠡᠭᠰᠡᠨ ᠦᠯᠢᠭᠡᠷ ᠪᠣᠯᠬᠤ ᠶᠤᠮ᠂ ᠤᠴᠢᠷ ᠨᠢ ᠭᠤᠣᠯ | ᠪᠠᠭᠠᠲᠤᠷ ᠭᠦᠸᠧ ᠵᠢᠦᠢ ᠶᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠳᠡᠩᠳᠡᠭᠦᠦ ᠲᠤᠶᠢᠯᠰᠢᠷᠠᠴᠢᠬᠠᠵᠠᠢ᠃ ᠪᠢᠳᠡ ᠡᠭᠦᠨ ᠢ | ᠵᠦᠪᠬᠡᠨ ᠳᠠᠪᠠᠭᠤᠯᠤᠯ ᠤᠨ ᠠᠷᠭᠠ ᠶᠢ ᠬᠡᠷᠡᠭᠯᠡᠵᠦ ᠠᠴᠢᠯᠠᠯ ᠡᠯᠪᠡᠷᠢᠯ ᠢ ᠳᠣᠪᠤᠶᠢᠯᠭᠠᠨ ᠴᠢᠬᠤᠯᠠᠴᠢᠯᠠᠭᠰᠠᠨ ᠨᠢᠭᠡᠨ | ᠶᠣᠭᠲᠠ ᠦᠯᠢᠭᠡᠷ ᠢᠶᠠᠷ ᠦᠵᠡᠯᠲᠡᠢ ᠳ᠋ᠠ︕ | |