（2006 ᠣᠨᠤ 10 ᠰᠠᠷᠠ ᠵᠢᠨ 31ᠤ ᠡᠳᠦᠷᠤᠨ ᠠᠷᠪᠠᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠪᠦᠬᠦ ᠤᠯᠤᠰᠤᠨ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠡᠬᠡ ᠬᠤᠷᠠᠯᠤᠨ ᠪᠠᠢ᠌ᠩᠭᠤ ᠵᠢᠨ ᠬᠣᠷᠢᠶᠠᠨᠤ ᠬᠣᠷᠢᠨ ᠳᠦᠷᠪᠡᠳᠦᠭᠡᠷ ᠬᠤᠷᠠᠯᠳᠤᠭ᠋ᠠᠨᠠᠴᠠ ᠪᠠᠲᠤᠯᠠᠪᠠ 2006 ᠣᠨᠤ 10 ᠰᠠᠷᠠ ᠵᠢᠨ 31ᠤ ᠡᠳᠦᠷ ᠪᠦᠭᠦᠳᠡ ᠨᠠᠢ᠌ᠷᠠᠮᠳᠠᠬᠤ ᠳᠤᠮᠳᠠᠲᠤ ᠠᠷᠠᠳ ᠤᠯᠣᠰᠤᠨ ᠲᠡᠷᠢᠭᠦᠯᠡᠭᠴᠢ ᠵᠢᠨ ᠲᠠᠪᠢᠨ ᠳᠣᠯᠣᠳᠤᠭ᠋ᠠᠷ ᠵᠠᠷᠯᠢᠭ ᠵᠶ᠋ᠠᠷ ᠨᠡᠢ᠌ᠲᠡᠯᠡᠪᠡ 2007 ᠣᠨᠤ 7 ᠰᠠᠷᠠ ᠵᠢᠨ 1ᠤ ᠡᠳᠦᠷᠠᠴᠠ ᠡᠬᠢᠯᠡᠵᠦ ᠬᠡᠷᠡᠭᠵᠢᠭᠦᠯᠦᠨᠡ）
ᠭᠠᠷᠴᠠᠭ
ᠨᠢᠭᠡᠳᠦᠭᠡᠷ ᠪᠦᠯᠦᠭ ᠶᠡᠷᠦᠩᠭᠡᠢ ᠳᠦᠷᠢᠮ
ᠬᠣᠶᠠᠳᠤᠭ᠋ᠠᠷ ᠪᠦᠯᠦᠭ ᠪᠠᠢ᠌ᠭᠤᠯᠬᠤ ᠪᠠ ᠳᠠᠩᠰᠠᠯᠠᠬᠤ
ᠭᠤᠷᠪᠠᠳᠤᠭ᠋ᠠᠷ ᠪᠦᠯᠦᠭ ᠪᠦᠷᠢᠯᠳᠦᠭᠦᠨ
ᠳᠦᠷᠪᠡᠳᠦᠭᠡᠷ ᠪᠦᠯᠦᠭ ᠵᠣᠬᠢᠶᠠᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠪᠠᠢ᠌ᠭᠤᠯᠤᠮᠵᠢ
ᠲᠠᠪᠤᠳᠤᠭ᠋ᠠᠷ ᠪᠦᠯᠦᠭ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠬᠠᠮᠢᠶᠠᠷᠤᠯᠲᠠ
ᠵᠢᠷᠭᠤᠳᠤᠭ᠋ᠠᠷ ᠪᠦᠯᠦᠭ ᠨᠡᠢ᠌ᠯᠡᠭᠦᠯᠬᠦ᠂ ᠰᠠᠯᠭ᠋ᠠᠬᠤ᠂ ᠲᠠᠷᠬᠠᠭ᠋ᠠᠬᠤ ᠪᠠ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ
ᠳᠣᠯᠣᠳᠤᠭ᠋ᠠᠷ ᠪᠦᠯᠦᠭ ᠳᠡᠳᠬᠦᠨ ᠳᠡᠮᠵᠢᠬᠦ ᠲᠦᠷᠥ ᠵᠢᠨ ᠪᠣᠳᠤᠯᠭᠠ
ᠨᠠᠢ᠍ᠮᠠᠳᠤᠭ᠋ᠠᠷ ᠪᠦᠯᠦᠭ ᠬᠠᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭᠠ
ᠶᠢᠰᠦᠳᠦᠭᠡᠷ ᠪᠦᠯᠦᠭ ᠳᠠᠭ᠋ᠠᠯᠳᠤᠭᠤᠯᠤᠭᠰᠠᠨ ᠳᠦᠷᠢᠮ
ᠨᠢᠭᠡᠳᠦᠭᠡᠷ ᠪᠥᠯᠦᠭ ᠶᠡᠷᠥᠩᠬᠡᠢ ᠳᠥᠷᠢᠮ
ᠨᠢᠭᠡᠳᠦᠭᠡᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠬᠥᠭᠵᠢᠯᠲᠡ ᠵᠢ ᠳᠡᠮᠵᠢᠵᠦ᠂ ᠬᠥᠲᠦᠯᠦᠨ ᠵᠢᠯᠤᠭᠤᠳᠴᠣ᠂ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠵᠣᠬᠢᠶᠠᠨ ᠪᠠᠢ᠌ᠭᠤᠯᠤᠯᠲᠠ ᠪᠠ ᠠᠵᠢᠯᠯᠠᠭᠠ ᠵᠢ ᠵᠢᠷᠦᠮᠵᠢᠭᠤᠯᠤᠨ᠂ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠ ᠵᠢᠴᠢ ᠲᠡᠭᠦᠨᠤ ᠪᠥᠷᠢᠯᠳᠦᠭᠦᠨᠤ ᠬᠠᠤᠯᠢ ᠶᠤᠰᠤᠨᠤ ᠡᠷᠬᠡ ᠠᠰᠢᠭᠢ ᠬᠠᠮᠠᠭ᠋ᠠᠯᠠᠵᠤ᠂ ᠲᠠᠷᠢᠶᠠᠯᠠᠩ ᠪᠠ ᠬᠥᠳᠡᠭᠡ ᠲᠤᠰᠬᠤᠨᠤ ᠠᠵᠤ ᠠᠬᠤᠢ ᠵᠢᠨ ᠬᠥᠭᠵᠢᠯᠲᠡ ᠵᠢ ᠠᠬᠢᠭᠤᠯᠬᠤ ᠵᠢᠨ ᠲᠥᠯᠦᠭᠡ ᠲᠤᠰ ᠬᠠᠤᠯᠢ ᠵᠢ ᠳᠤᠭᠳᠠᠭ᠋ᠠᠪᠠ᠃
ᠬᠣᠶᠠᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠳᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠ ᠪᠣᠯ ᠬᠥᠳᠡᠭᠡ ᠳᠤᠰᠬᠤᠨᠤ ᠭᠡᠷ ᠪᠥᠯᠢᠳᠤ ᠳᠠᠭ᠋ᠠᠭ᠋ᠠᠴᠢᠯᠠᠭᠤᠯᠤᠨ ᠡᠵᠡᠩᠨᠡᠭᠦᠯᠬᠦ ᠵᠢᠨ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠠᠳᠠᠯᠢ ᠲᠥᠷᠦᠯᠤᠨ ᠲᠠᠷᠢᠶᠠᠯᠠᠩᠤᠨ ᠪᠥᠳᠦᠭᠡᠭᠳᠡᠭᠦᠨᠢ ᠦᠢ᠍ᠯᠡᠳᠪᠥᠷᠢᠯᠡᠨ ᠡᠵᠡᠩᠨᠡᠭᠴᠢᠳ ᠪᠤᠶᠤ ᠠᠳᠠᠯᠢ ᠲᠥᠷᠦᠯᠤᠨ ᠲᠠᠷᠢᠶᠠᠯᠠᠩᠤᠨ ᠦᠢ᠍ᠯᠡᠳᠪᠥᠷᠢᠯᠡᠯ ᠡᠵᠡᠩᠨᠡᠯᠲᠡ ᠵᠢᠨ ᠦᠢ᠍ᠯᠡᠴᠢᠯᠡᠭᠡ ᠬᠠᠩᠭ᠋ᠠᠭᠴᠢᠳ᠂ ᠠᠰᠢᠭᠯᠠᠭᠴᠢᠳᠤᠨ ᠰᠠᠢ᠌ᠨ ᠳᠤᠷᠠᠠᠴᠠᠪᠠᠨ ᠬᠤᠯᠪᠤᠭ᠋ᠠᠯᠠᠵᠤ᠂ ᠠᠷᠠᠳᠴᠢᠯᠠᠯ ᠵᠶ᠋ᠠᠷ ᠬᠠᠮᠢᠶᠠᠷᠤᠭᠰᠠᠨ ᠬᠠᠪᠰᠣᠷᠣᠯᠴᠠᠬᠤ ᠴᠢᠨᠠᠷᠲᠠᠢ ᠠᠵᠤ ᠠᠬᠤᠢ ᠵᠢᠨ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠯᠲᠠ ᠪᠤᠯᠤᠨᠠ᠃
ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠲᠡᠭᠦᠨᠤ ᠪᠥᠷᠢᠯᠳᠦᠭᠦᠨ ᠵᠶ᠋ᠡᠷ ᠵᠶ᠋ᠡᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠭᠣᠣᠯ ᠳ᠋ᠦᠢ᠍ᠰᠢᠶᠠᠩ ᠪᠤᠯᠭ᠋ᠠᠵᠤ᠂ ᠲᠠᠷᠢᠶᠠᠯᠠᠩᠤᠨ ᠦᠢ᠍ᠯᠡᠳᠪᠥᠷᠢᠯᠡᠯᠤᠨ ᠬᠡᠷᠡᠭᠰᠡᠯᠢ ᠬᠤᠳᠠᠯᠳᠤᠨ ᠠᠪᠬᠤ᠂ ᠲᠠᠷᠢᠶᠠᠯᠠᠩᠤᠨ ᠪᠥᠳᠦᠭᠡᠭᠳᠡᠭᠦᠨᠢ ᠪᠤᠷᠤᠯᠠᠭᠤᠯᠬᠤ᠂ ᠪᠤᠯᠪᠠᠰᠤᠷᠠᠭᠤᠯᠬᠤ᠂ ᠲᠡᠭᠡᠭᠡᠪᠥᠷᠢᠯᠡᠬᠦ᠂ ᠬᠠᠳᠠᠭ᠋ᠠᠯᠠᠬᠤ ᠵᠢᠴᠢ ᠲᠠᠷᠢᠶᠠᠯᠠᠩᠤᠨ ᠦᠢ᠍ᠯᠡᠳᠪᠥᠷᠢᠯᠡᠯ ᠡᠵᠡᠩᠨᠡᠯᠲᠡ ᠵᠢᠨ ᠬᠤᠯᠪᠤᠭᠳᠠᠯ ᠪᠥᠬᠦᠢ ᠮᠡᠷᠭᠡᠵᠢᠯ᠂ ᠮᠡᠳᠡᠭᠡ ᠵᠠᠩᠬᠢ ᠵᠡᠷᠭᠡ ᠦᠢ᠍ᠯᠡᠴᠢᠯᠡᠭᠡ ᠵᠢ ᠬᠠᠩᠭ᠋ᠠᠨᠠ᠃
ᠭᠤᠷᠪᠠᠳᠤᠭ᠋ᠠᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠳᠣᠣᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠵᠠᠷᠴᠢᠮᠤᠳᠢ ᠵᠢᠷᠤᠮᠯᠠᠬᠤ ᠬᠡᠷᠡᠭᠲᠡᠢ᠄
（ᠨᠢᠭᠡ） ᠪᠥᠷᠢᠯᠳᠦᠭᠦᠨᠨᠢ ᠲᠠᠷᠢᠶᠠᠴᠢᠨ ᠵᠶ᠋ᠠᠷ ᠭᠣᠣᠯ ᠪᠣᠯᠭ᠋ᠠᠬᠣ᠃
（ᠬᠤᠶᠠᠷ） ᠪᠥᠷᠢᠯᠳᠦᠭᠦᠨᠳᠡᠭᠡᠨ ᠦᠢ᠍ᠯᠡᠴᠢᠯᠡᠬᠦᠪᠠᠷ ᠵᠣᠷᠢᠯᠲᠠᠪᠠᠨ ᠪᠤᠯᠭ᠋ᠠᠵᠤ᠂ ᠪᠥᠬᠦ ᠪᠥᠷᠢᠯᠳᠦᠭᠦᠨᠤ ᠬᠠᠮᠳᠤ ᠵᠢᠨ ᠠᠰᠢᠭ ᠲᠤᠰᠠ ᠵᠢᠨ ᠲᠥᠯᠦᠭᠡ ᠠᠵᠢᠯᠯᠠᠬᠤ᠃
（ᠭᠤᠷᠪᠠ） ᠰᠠᠢ᠌ᠨ ᠳᠤᠷᠠᠠᠴᠠᠪᠠᠨ ᠬᠤᠷᠰᠢᠶᠠᠳᠤ ᠤᠷᠤᠵᠤ᠂ ᠬᠤᠷᠰᠢᠶᠠᠠᠴᠠ ᠭᠠᠷᠬᠤ ᠡᠷᠬᠡ ᠴᠢᠯᠦᠭᠡᠲᠠᠢ
ᠪᠠᠢ᠌ᠬᠤ᠃
（ᠳᠥᠷᠪᠡ） ᠪᠥᠷᠢᠯᠳᠦᠭᠦᠨᠤ ᠪᠠᠢ᠌ᠷᠢ ᠰᠠᠭᠣᠷᠢᠨᠢ ᠠᠳᠠᠯᠢ ᠲᠡᠭᠰᠢ ᠪᠠᠢ᠌ᠵᠤ᠂ ᠠᠷᠠᠳᠴᠢᠯᠠᠯ ᠵᠶ᠋ᠠᠷ ᠬᠠᠮᠢᠶᠠᠷᠬᠤ᠃
（ᠲᠠᠪᠤ） ᠦᠯᠡᠳᠡᠪᠥᠷᠢ ᠵᠢ ᠭᠤᠤᠯᠳᠠᠭᠤ ᠪᠥᠷᠢᠯᠳᠦᠭᠦᠨ ᠬᠢᠭᠡᠳ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠯᠤᠭᠠ ᠵᠢᠨ ᠠᠷᠠᠯᠵᠢᠶᠠᠨᠤ ᠬᠡᠮᠵᠢᠶᠡᠨ （ᠲᠤᠭ᠋ᠠᠨ）ᠤ ᠬᠠᠷᠢᠴᠠᠯ ᠶᠣᠰᠣᠭ᠋ᠠᠷ ᠪᠤᠴᠠᠭ᠋ᠠᠬᠤ᠃
ᠳᠥᠷᠪᠡᠳᠦᠭᠡᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠲᠤᠰ ᠬᠠᠤᠯᠢ ᠵᠢᠨ ᠶᠤᠰᠣᠭ᠋ᠠᠷ ᠳᠠᠩᠰᠠᠯᠠᠯᠲᠠ ᠬᠢᠵᠦ᠂ ᠬᠠᠤᠯᠢ ᠵᠢᠨ ᠬᠥᠮᠦᠨᠤ ᠬᠢᠷᠢ ᠬᠡᠮᠢ ᠣᠯᠣᠨᠠ᠃
ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠪᠥᠷᠢᠯᠳᠦᠭᠦᠨᠤ ᠭᠠᠷᠭ᠋ᠠᠭᠰᠠᠨ ᠪᠡᠯᠡ᠂ ᠨᠡᠢ᠌ᠲᠡ ᠵᠢᠨ ᠬᠤᠷᠠᠮᠳᠤᠭᠣᠯᠭᠠ ᠵᠢᠨ ᠮᠥᠩᠭᠦ᠂ ᠣᠯᠣᠰᠤᠨ ᠡᠳ᠋ᠤᠨ ᠵᠠᠰᠠᠭᠤᠨ ᠰᠢᠭᠤᠳ ᠨᠥᠬᠦᠪᠥᠷᠢ᠂ ᠪᠤᠰᠤᠳᠤᠨ ᠬᠠᠨᠳᠢᠪᠯᠠᠭᠰᠠᠨ ᠵᠢᠴᠢ ᠬᠠᠤᠯᠢ ᠶᠣᠰᠣᠪᠠᠷ ᠣᠯᠣᠭᠰᠠᠨ ᠪᠤᠰᠤᠳ ᠬᠥᠷᠦᠩᠭᠡᠪᠠᠷ ᠪᠥᠷᠢᠯᠳᠦᠭᠰᠡᠨ ᠡᠳ᠋ ᠬᠥᠷᠦᠩᠭᠡ ᠵᠢ ᠡᠵᠡᠮᠰᠢᠬᠦ᠂ ᠬᠡᠷᠡᠭᠯᠡᠬᠦ ᠪᠠ ᠰᠢᠢ᠍ᠳᠪᠥᠷᠢᠯᠡᠬᠦ ᠡᠷᠬᠡ ᠵᠢ ᠡᠳ᠋ᠯᠡᠬᠦ ᠪᠥᠭᠡᠳ ᠳᠡᠭᠡᠷᠡ ᠳᠣᠷᠠᠳᠣᠭᠰᠠᠨ ᠡᠳ᠋ ᠬᠥᠷᠦᠩᠭᠡᠪᠠᠷ ᠥᠷᠢ ᠥᠭᠴᠡᠭᠡᠨᠳᠤ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠨᠡ᠃
ᠲᠠᠪᠣᠳᠤᠭ᠋ᠠᠷ ᠵᠤᠢ᠌ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠪᠥᠷᠢᠯᠳᠦᠭᠦᠨᠨᠢ ᠳᠠᠩᠰᠠᠨ ᠡᠷᠦᠬᠡᠳᠤ ᠲᠡᠮᠳᠡᠭᠯᠡᠵᠦ ᠪᠠᠢ᠌ᠭᠠ ᠭᠠᠷᠭ᠋ᠠᠭᠰᠠᠨ ᠪᠡᠯᠡ ᠵᠢᠨ ᠲᠣᠭᠠ ᠪᠠ ᠨᠡᠢ᠌ᠲᠡ ᠵᠢᠨ ᠬᠤᠷᠠᠮᠳᠤᠭᠤᠯᠭᠠ ᠵᠢᠨ ᠮᠥᠩᠭᠦ ᠵᠢᠨ ᠬᠤᠪᠢ ᠵᠢᠨ ᠲᠣᠭᠠᠪᠠᠷ ᠬᠢᠵᠠᠭ᠋ᠠᠷ ᠪᠤᠯᠭ᠋ᠠᠵᠤ ᠲᠠᠷᠢᠶᠠᠴᠢᠨᠤ ᠳᠣᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠳᠤ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠨᠡ᠃
ᠵᠢᠷᠭᠤᠳᠤᠭ᠋ᠠᠷ ᠵᠥᠢ᠍ᠯ ᠣᠯᠣᠰᠠᠴᠠ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠ ᠵᠢᠴᠢ ᠲᠡᠭᠦᠨᠤ ᠪᠥᠷᠢᠯᠳᠦᠭᠦᠨᠤ ᠬᠠᠤᠯᠢ ᠶᠤᠰᠤᠨᠤ ᠡᠷᠬᠡ ᠠᠰᠢᠭᠢ ᠬᠠᠮᠠᠭ᠋ᠠᠯᠠᠨᠠ᠂ ᠶᠠᠮᠠᠷᠪᠠ ᠨᠢᠭᠡᠴᠢ ᠪᠠ ᠬᠤᠪᠢ ᠬᠥᠮᠦᠨ ᠲᠡᠭᠦᠨᠳᠤ ᠬᠠᠯᠳᠠᠵᠤ ᠪᠣᠯᠬᠣ ᠦᠭᠡᠢ᠃
ᠳᠤᠯᠤᠳᠤᠭ᠋ᠠᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠦᠢ᠍ᠯᠡᠳᠪᠥᠷᠢᠯᠡᠯ ᠡᠵᠡᠩᠨᠡᠯᠲᠡ ᠵᠢᠨ ᠠᠵᠢᠯᠯᠠᠭᠠ ᠬᠢᠬᠦᠳᠡᠭᠡᠨ ᠬᠠᠤᠯᠢ ᠴᠠᠭ᠋ᠠᠵᠠ᠂ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠬᠠᠤᠯᠢ ᠳᠣᠭᠳᠠᠭ᠋ᠠᠯᠢ ᠵᠢᠷᠤᠮᠯᠠᠨ᠂ ᠨᠡᠢ᠌ᠭᠡᠮ ᠨᠡᠢ᠌ᠲᠡ ᠵᠢᠨ ᠶᠤᠰᠤ ᠮᠣᠷᠠᠯ᠂ ᠬᠤᠳᠠᠯᠳᠤᠭ᠋ᠠᠨᠤ ᠮᠤᠷᠠᠯᠢ ᠵᠢᠷᠣᠮᠯᠠᠵᠣ᠂ ᠦᠨᠡᠨᠴᠢ ᠢᠲᠡᠭᠡᠮᠵᠢᠲᠠᠢ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃
ᠨᠠᠢ᠍ᠮᠠᠳᠤᠭ᠋ᠠᠷ ᠵᠥᠢ᠍ᠯ ᠣᠯᠣᠰᠠᠴᠠ ᠡᠳ᠋ᠤᠨ ᠵᠠᠰᠠᠭᠤᠨ ᠳᠡᠮᠵᠢᠯᠭᠡ᠂ ᠭᠠᠢ᠌ᠯᠢ ᠳᠠᠲᠠᠪᠤᠷᠢ ᠵᠢᠨ ᠬᠠᠷᠠᠭ᠋ᠠᠯᠵᠠᠯ ᠪᠠ ᠮᠥᠩᠭᠦᠨ ᠭᠦᠢ᠍ᠯᠭᠡᠭᠡ᠂ ᠰᠢᠨᠵᠢᠯᠡᠬᠦ ᠣᠬᠠᠭ᠋ᠠᠨ ᠮᠡᠷᠭᠡᠵᠢᠯ᠂ ᠴᠢᠳᠠᠪᠤᠷᠢᠲᠠᠨᠤ ᠲᠠᠯᠠᠪᠠᠷ ᠲᠠᠳᠭᠦᠨ ᠳᠡᠮᠵᠢᠬᠦ ᠵᠢᠴᠢ ᠠᠵᠤ ᠦᠢ᠍ᠯᠡᠰᠤᠨ ᠲᠥᠷᠦ ᠵᠢᠨ ᠪᠣᠳᠣᠯᠭᠠᠪᠠᠷ ᠬᠥᠳᠦᠯᠦᠨ ᠵᠢᠯᠣᠭᠤᠳᠬᠣ ᠵᠡᠷᠭᠡ ᠠᠷᠭᠠ ᠬᠡᠮᠵᠢᠶᠡ ᠠᠪᠬᠤᠪᠠᠷ ᠳᠠᠮᠵᠢᠭᠤᠯᠤᠨ᠂ ᠲᠠᠷᠢᠶᠠᠴᠢᠨᠤ ᠳᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠬᠥᠭᠵᠢᠯᠲᠡ ᠵᠢ ᠠᠬᠢᠭᠤᠯᠤᠨᠠ᠃
ᠣᠯᠣᠰᠠᠴᠠ ᠨᠡᠢ᠌ᠭᠡᠮᠤᠨ ᠡᠯᠡ ᠲᠠᠯᠠ ᠵᠢᠨ ᠬᠦᠴᠦᠨᠤ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠳᠤ ᠦᠢ᠍ᠯᠡᠴᠢᠯᠡᠭᠡ ᠬᠠᠩᠭ᠋ᠠᠬᠤ ᠵᠢ ᠵᠤᠷᠢᠭᠵᠢᠭᠤᠯᠤᠨ ᠳᠡᠮᠵᠢᠨᠡ᠃
ᠶᠢᠰᠦᠳᠦᠭᠡᠷ ᠵᠥᠢ᠍ᠯ ᠰᠢᠶᠠᠨᠤ ᠱᠠᠲᠤᠨᠠᠴᠠ ᠳᠡᠭᠡᠭᠰᠢᠬᠢ ᠡᠯᠡ ᠱᠠᠲᠤᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠤᠨᠨᠤᠭᠤᠳ ᠲᠠᠷᠢᠶᠠᠯᠠᠩᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠡᠷᠬᠢᠯᠡᠨ ᠬᠠᠮᠢᠶᠠᠷᠬᠤ ᠰᠠᠯᠠᠭᠠ ᠮᠥᠴᠢᠷ ᠪᠠ ᠪᠤᠰᠤᠳ ᠬᠤᠯᠪᠤᠭᠳᠠᠯ ᠪᠥᠬᠦᠢ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠯᠲᠠ ᠵᠢ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠵᠤ᠂ ᠲᠣᠰ ᠬᠠᠤᠯᠢ ᠵᠢᠨ ᠲᠤᠭᠲᠠᠭ᠋ᠠᠯ ᠶᠤᠰᠤᠭ᠋ᠠᠷ ᠲᠤᠰ ᠲᠤᠰᠤᠨ ᠵᠶ᠋ᠠᠨ ᠲᠤᠰᠢᠶᠠᠯ ᠬᠠᠷᠢᠭᠤᠴᠠᠯᠭᠠᠪᠠᠨ ᠦᠨᠳᠦᠰᠦᠯᠡᠨ᠂ ᠲᠠᠷᠢᠶᠠᠴᠢᠨᠤ ᠳᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠪᠥᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠ ᠪᠠ ᠬᠥᠭᠵᠢᠯᠲᠡ ᠵᠢ ᠵᠢᠭ᠋ᠠᠨ ᠵᠢᠯᠤᠭᠤᠳᠴᠤ᠂ ᠲᠡᠳᠭᠦᠨ ᠳᠡᠮᠵᠢᠬᠦ ᠪᠠ ᠲᠡᠭᠦᠨᠳᠤ ᠦᠢ᠍ᠯᠡᠴᠢᠯᠡᠭᠡ ᠬᠠᠩᠭ᠋ᠠᠬᠤ ᠬᠡᠷᠡᠭᠳᠡᠢ᠃
ᠬᠣᠶᠠᠳᠤᠭ᠋ᠠᠷ ᠪᠥᠯᠦᠭ ᠪᠠᠢ᠌ᠭᠤᠯᠬᠤ ᠪᠠ ᠳᠠᠩᠰᠠᠯᠠᠬᠤ
ᠠᠷᠪᠠᠳᠤᠭ᠋ᠠᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠳᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢ ᠪᠠᠢ᠌ᠭᠤᠯᠬᠤᠳᠤ ᠳᠤᠤᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠨᠥᠬᠦᠴᠡᠯᠤᠳᠢ ᠪᠥᠷᠢᠯᠳᠦᠭᠦᠯᠦᠭᠰᠡᠨ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠄
（ᠨᠢᠭᠡ） ᠲᠣᠰ ᠬᠠᠤᠯᠢ ᠵᠢᠨ ᠠᠷᠪᠠᠨ ᠳᠦᠷᠪᠡᠳᠦᠭᠡᠷ ᠵᠥᠢ᠍ᠯ᠂ ᠠᠷᠪᠠᠨ ᠲᠠᠪᠤᠳᠤᠭ᠋ᠠᠷ ᠵᠥᠢ᠍ᠯᠤᠨ ᠳᠣᠭᠲᠠᠭ᠋ᠠᠯᠳᠤ ᠨᠡᠢ᠌ᠴᠡᠭᠰᠡᠨ ᠲᠠᠪᠤᠠᠴᠠ ᠳᠡᠭᠡᠭᠰᠢ ᠪᠥᠷᠢᠯᠳᠦᠭᠦᠨᠲᠠᠢ ᠪᠠᠢ᠌ᠬᠤ᠃
（ᠬᠤᠶᠠᠷ） ᠲᠤᠰ ᠬᠠᠤᠯᠢ ᠵᠢᠨ ᠳᠤᠭᠲᠠᠭ᠋ᠠᠯᠳᠤ ᠨᠡᠢ᠌ᠴᠡᠭᠰᠡᠨ ᠳᠥᠷᠢᠮᠲᠠᠢ ᠪᠠᠢ᠌ᠬᠤ᠃
（ᠭᠤᠷᠪᠠ） ᠲᠤᠰ ᠬᠠᠤᠯᠢ ᠵᠢᠨ ᠳᠤᠭᠲᠠᠭ᠋ᠠᠯᠳᠤ ᠨᠡᠢ᠌ᠴᠡᠭᠰᠡᠨ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠪᠠᠢ᠌ᠭᠤᠯᠤᠮᠵᠢᠲᠠᠢ
ᠪᠠᠢ᠌ᠬᠤ᠃
（ᠳᠥᠷᠪᠡ） ᠬᠠᠤᠯᠢ ᠴᠠᠭ᠋ᠠᠵᠠ᠂ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠬᠠᠤᠯᠢ ᠳᠥᠷᠢᠮᠤᠨ ᠲᠤᠭᠲᠠᠭ᠋ᠠᠯᠳᠤ ᠨᠡᠢ᠌ᠴᠡᠭᠰᠡᠨ ᠨᠡᠷᠡᠢ᠌ᠳᠤᠯ ᠪᠠ ᠳᠥᠷᠢᠮᠳᠤ ᠳᠤᠭᠲᠠᠭ᠋ᠠᠭᠰᠠᠨ ᠤᠷᠤᠨ ᠰᠠᠭᠤᠴᠠᠲᠠᠢ ᠪᠠᠢ᠌ᠬᠤ᠃
（ᠲᠠᠪᠤ） ᠳᠥᠷᠢᠮᠤᠨ ᠳᠤᠭᠲᠠᠭ᠋ᠠᠯᠳᠤ ᠨᠡᠢ᠌ᠴᠡᠭᠰᠡᠨ ᠪᠥᠷᠢᠯᠳᠦᠭᠦᠨ ᠪᠡᠯᠡ ᠭᠠᠷᠭ᠋ᠠᠭᠰᠠᠨ ᠪᠠᠢ᠌ᠬᠤ᠃
ᠠᠷᠪᠠᠨ ᠨᠢᠭᠡᠳᠦᠭᠡᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠳᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠ ᠵᠢ ᠪᠠᠢ᠌ᠭᠤᠯᠬᠤᠳᠤ ᠪᠥᠬᠦ ᠪᠠᠢ᠌ᠭᠤᠯᠤᠭᠴᠢ ᠵᠢᠨ ᠤᠷᠤᠯᠴᠠᠭᠰᠠᠨ ᠪᠠᠢ᠌ᠭᠤᠯᠬᠤ ᠶᠡᠬᠡ ᠬᠤᠷᠠᠯᠢ ᠬᠤᠷᠠᠯᠳᠤᠭᠤᠯᠬᠤ ᠬᠡᠷᠡᠭᠲᠡᠢ᠃ ᠪᠠᠢ᠌ᠭᠤᠯᠬᠤ ᠦᠶᠡᠳᠤ ᠰᠠᠢ᠌ᠨ ᠳᠤᠷᠠᠠᠴᠠᠪᠠᠨ ᠲᠤᠰ ᠬᠤᠷᠰᠢᠶᠠᠨᠤ ᠪᠥᠷᠢᠯᠳᠦᠭᠦᠨ ᠪᠤᠯᠤᠭᠰᠠᠳ ᠪᠣᠯ ᠪᠠᠢ᠌ᠭᠤᠯᠤᠭᠴᠢ ᠮᠦᠨ᠃
ᠪᠠᠢ᠌ᠭᠤᠯᠬᠤ ᠶᠡᠬᠡ ᠬᠤᠷᠠᠯᠨᠢ ᠳᠤᠤᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠡᠷᠬᠡ ᠲᠣᠰᠢᠶᠠᠯᠤᠳᠢ ᠬᠡᠷᠡᠭᠵᠢᠭᠦᠯᠦᠨᠡ᠄
（ᠨᠢᠭᠡ） ᠲᠤᠰ ᠬᠤᠷᠰᠢᠶᠠᠨᠤᠪᠠᠨ ᠳᠥᠷᠢᠮᠢ ᠪᠠᠳᠤᠯᠠᠬᠤᠳᠤ᠂ ᠪᠥᠬᠦ ᠪᠠᠢ᠌ᠭᠤᠯᠤᠭᠴᠢᠠᠴᠠ ᠳᠥᠷᠢᠮᠢ ᠰᠠᠨᠠᠯ ᠨᠢᠭᠡᠳᠡᠢᠪᠠᠷ ᠪᠠᠳᠣᠯᠠᠬᠤ ᠬᠡᠷᠡᠭᠲᠡᠢ᠃
（ᠬᠤᠶᠠᠷ） ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢ᠂ ᠭᠦᠢ᠍ᠴᠡᠳᠭᠡᠬᠦ ᠬᠢᠨᠠᠭᠴᠢ ᠪᠤᠶᠤ ᠬᠢᠨᠠᠭᠴᠢᠳᠤᠨ ᠵᠥᠪᠯᠡᠯᠤᠨ ᠪᠥᠷᠢᠯᠳᠦᠭᠦᠨᠢ ᠰᠣᠩᠭᠣᠵᠣ ᠭᠠᠷᠭ᠋ᠠᠨᠠ᠃
（ᠭᠤᠷᠪᠠ） ᠪᠤᠰᠤᠳ ᠴᠢᠬᠤᠯᠠ ᠵᠥᠢ᠍ᠯᠤᠳᠢ ᠬᠢᠨᠠᠨ ᠶᠠᠷᠢᠯᠴᠠᠨᠠ᠃
ᠠᠷᠪᠠᠨ ᠬᠤᠶᠠᠳᠤᠭ᠋ᠠᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠳᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠳᠥᠷᠢᠮᠳᠤ ᠳᠤᠤᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠵᠥᠢ᠍ᠯᠤᠳᠢ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠭᠰᠡᠨ ᠪᠠᠢ᠌ᠬᠤ ᠬᠡᠷᠡᠭᠳᠡᠢ᠄
（ᠨᠢᠭᠡ） ᠨᠡᠷᠡᠢ᠌ᠳᠦᠯ ᠪᠠ ᠣᠷᠣᠨ ᠰᠠᠭᠤᠴᠠ᠃
（ᠬᠤᠶᠠᠷ） ᠳᠤᠬᠠᠢ᠌ᠯᠠᠭᠰᠠᠨ ᠠᠵᠢᠯᠤᠨ ᠬᠡᠪᠴᠢᠶᠠ᠃
（ᠭᠤᠷᠪᠠ） ᠪᠥᠷᠢᠯᠳᠦᠭᠦᠨᠤ ᠬᠢᠷᠢ ᠬᠡᠮ ᠬᠢᠭᠡᠳ ᠬᠤᠷᠰᠢᠶᠠᠨᠳᠤ ᠣᠷᠣᠬᠣ᠂ ᠬᠤᠷᠰᠢᠶᠠᠨᠠᠴᠠ ᠭᠠᠷᠬᠤ ᠪᠠ ᠨᠡᠷᠡ ᠵᠢᠨᠢ ᠬᠠᠰᠣᠬᠣ᠃
（ᠳᠥᠷᠪᠡ） ᠪᠥᠷᠢᠯᠳᠦᠭᠦᠨᠤ ᠡᠷᠬᠡ ᠪᠠ ᠡᠭᠦᠷᠭᠡ᠃
（ᠲᠠᠪᠤ） ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠪᠠᠢ᠌ᠭᠤᠯᠤᠮᠵᠢ ᠵᠢᠴᠢ ᠲᠡᠭᠦᠨᠤ ᠪᠠᠢ᠌ᠭᠤᠯᠬᠤ ᠠᠷᠭᠠ᠂ ᠡᠷᠬᠡ ᠲᠤᠰᠢᠶᠠᠯ᠂ ᠲᠤᠰᠢᠶᠠᠯᠤᠨ ᠬᠤᠭᠤᠴᠠᠭᠠ᠂ ᠬᠡᠷᠡᠭ ᠵᠥᠪᠯᠡᠬᠦ ᠳᠥᠷᠢᠮ᠃
（ᠵᠢᠷᠭᠤᠭᠠ） ᠪᠥᠷᠢᠯᠳᠦᠭᠦᠨᠤ ᠪᠡᠯᠡ ᠭᠠᠷᠭ᠋ᠠᠭᠰᠠᠨ ᠬᠡᠯᠪᠡᠷᠢ᠂ ᠭᠠᠷᠭ᠋ᠠᠭᠰᠠᠨ ᠪᠡᠯᠡ ᠵᠢᠨ ᠲᠣᠭᠠ᠃
（ᠳᠣᠯᠣᠭᠠ） ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠬᠠᠮᠢᠶᠠᠷᠤᠯᠲᠠ ᠪᠠ ᠦᠯᠡᠳᠡᠪᠥᠷᠢ ᠵᠢᠨ ᠬᠤᠪᠢᠶᠠᠷᠢᠯᠠᠯᠲᠠ᠂ ᠠᠯᠳᠠᠭᠳᠠᠯᠤᠨ ᠰᠢᠢ᠍ᠳᠪᠥᠷᠢᠯᠡᠯᠲᠡ᠃
（ᠨᠠᠢ᠍ᠮᠠ） ᠳᠥᠷᠢᠮᠳᠤ ᠵᠠᠰᠠᠪᠤᠷᠢ ᠤᠷᠤᠭᠤᠯᠬᠤ ᠵᠢᠷᠤᠮ᠃
（ᠶᠢᠰᠦ） ᠳᠠᠷᠬᠠᠭ᠋ᠠᠬᠤ ᠤᠴᠢᠷ ᠰᠢᠯᠳᠠᠭ᠋ᠠᠨ ᠪᠠ ᠢᠯᠭ᠋ᠠᠷᠠᠭᠤᠯᠤᠨ ᠪᠤᠳᠤᠬᠤ ᠠᠷᠭᠠ᠃
（ᠠᠷᠪᠠ） ᠵᠠᠷᠯᠠᠨ ᠮᠡᠳᠡᠭᠳᠡᠬᠦ ᠵᠥᠢ᠍ᠯ ᠬᠢᠭᠡᠳ ᠨᠡᠢ᠌ᠲᠡᠯᠡᠬᠦ ᠬᠡᠯᠪᠡᠷᠢ᠃
（ᠠᠷᠪᠠᠨ ᠨᠢᠭᠡ） ᠲᠣᠭᠲᠠᠭ᠋ᠠᠬᠤ ᠴᠢᠬᠤᠯᠠᠲᠠᠢ ᠪᠤᠰᠤᠳ ᠵᠥᠢ᠍ᠯᠤᠳ᠃
ᠠᠷᠪᠠᠨ ᠭᠤᠷᠪᠠᠳᠤᠭ᠋ᠠᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢ ᠪᠠᠢ᠌ᠭᠤᠯᠬᠤᠳᠤ ᠦᠢ᠍ᠯᠡᠳᠪᠥᠷᠢ ᠬᠤᠳᠠᠯᠳᠤᠭ᠋ᠠᠨᠤ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠰᠠᠯᠠᠭᠠ ᠮᠥᠴᠢᠷᠲᠤ ᠳᠤᠤᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠪᠢᠴᠢᠭ ᠮᠠᠲᠸᠷᠢᠶᠠᠯᠤᠳᠢ ᠲᠣᠰᠢᠶᠠᠨ ᠥᠭᠴᠦ᠂ ᠪᠠᠢ᠌ᠭᠤᠯᠬᠤ ᠳᠠᠩᠰᠠᠯᠠᠯᠲᠠ ᠬᠢᠯᠭᠡᠬᠦᠪᠠᠷ ᠭᠤᠶᠤᠴᠢᠯᠠᠬᠤ ᠬᠡᠷᠡᠭᠲᠡᠢ᠃
（ᠨᠢᠭᠡ） ᠳᠠᠩᠰᠠᠯᠠᠭᠤᠯᠬᠤ ᠭᠤᠶᠤᠴᠢᠯᠠᠯᠤᠨ ᠪᠢᠴᠢᠭ᠃
（ᠬᠤᠶᠠᠷ） ᠪᠥᠬᠦ ᠪᠠᠢ᠌ᠭᠤᠯᠤᠭᠴᠢ ᠵᠢᠨ ᠭᠠᠷᠤᠨ ᠦᠰᠦᠭ ᠵᠢᠷᠤᠵᠤ᠂ ᠲᠠᠮᠠᠭᠠ ᠳᠠᠷᠤᠭᠰᠠᠨ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ ᠶᠡᠬᠡ ᠬᠤᠷᠠᠯᠤᠨ ᠳᠤᠪᠴᠢ ᠲᠡᠮᠳᠡᠭᠯᠡᠯ᠃
（ᠭᠤᠷᠪᠠ） ᠪᠥᠬᠦ ᠪᠠᠢ᠌ᠭᠤᠯᠤᠭᠴᠢ ᠵᠢᠨ ᠭᠠᠷᠤᠨ ᠦᠰᠦᠭ ᠵᠢᠷᠤᠵᠤ᠂ ᠲᠠᠮᠠᠭᠠ ᠳᠠᠷᠤᠭᠰᠠᠨ ᠳᠥᠷᠢᠮ᠃
（ᠳᠥᠷᠪᠡ） ᠬᠠᠤᠯᠢᠪᠠᠷ ᠳᠤᠭᠲᠠᠭ᠋ᠠᠭᠰᠠᠨ ᠲᠥᠯᠦᠭᠡᠯᠡᠭᠴᠢ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠵᠢᠨ ᠲᠤᠰᠢᠶᠠᠯ ᠡᠭᠦᠷᠭᠡᠯᠡᠭᠰᠡᠨ ᠪᠢᠴᠢᠭ ᠮᠠᠲᠸᠷᠢᠶᠠᠯ ᠬᠢᠭᠡᠳ ᠪᠡᠶᠡ ᠵᠢᠨ ᠦᠨᠡᠮᠯᠡᠯ᠃
（ᠲᠠᠪᠤ） ᠪᠡᠯᠡ ᠭᠠᠷᠭ᠋ᠠᠭᠰᠠᠨ ᠪᠥᠷᠢᠯᠳᠦᠭᠦᠨᠤ ᠭᠠᠷᠤᠨ ᠦᠰᠦᠭ ᠵᠢᠷᠤᠵᠤ᠂ ᠲᠠᠮᠠᠭᠠ ᠳᠠᠷᠤᠭᠰᠠᠨ ᠪᠡᠯᠡ ᠭᠠᠷᠭ᠋ᠠᠭᠰᠠᠨ ᠨᠠᠷᠢᠨ ᠳᠠᠩᠰᠠ᠃
（ᠵᠢᠷᠭᠤᠭᠠ） ᠤᠷᠤᠨ ᠰᠠᠭᠤᠴᠠ ᠵᠢᠨ ᠬᠡᠷᠡᠭᠯᠡᠯᠲᠡ ᠵᠢᠨ ᠭᠡᠷᠡᠴᠢᠯᠡᠯ᠃
（ᠳᠤᠯᠤᠭᠠ） ᠬᠠᠤᠯᠢ ᠴᠠᠭ᠋ᠠᠵᠠ᠂ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠬᠠᠤᠯᠢ ᠳᠥᠷᠢᠮᠳᠤ ᠳᠤᠭᠲᠠᠭ᠋ᠠᠭᠰᠠᠨ ᠪᠤᠰᠤᠳ ᠮᠠᠲᠸᠷᠢᠶᠠᠯᠤᠳ᠃
ᠳᠠᠩᠰᠠᠯᠠᠬᠤ ᠪᠠᠢ᠌ᠭᠤᠯᠭᠠᠨᠢ ᠳᠠᠩᠰᠠᠯᠠᠭᠤᠯᠬᠤ ᠭᠤᠶᠤᠴᠢᠯᠠᠯᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠡᠳᠦᠷᠠᠴᠠ ᠡᠬᠢᠯᠡᠨ ᠬᠣᠷᠢᠨ ᠡᠳᠦᠷᠤᠨ ᠳᠤᠲᠤᠷᠠ ᠰᠢᠢ᠍ᠳᠪᠥᠷᠢᠯᠡᠵᠦ ᠳᠠᠭᠤᠰᠬᠠᠭ᠋ᠠᠳ᠂ ᠳᠠᠩᠰᠠᠯᠠᠬᠤ ᠨᠥᠬᠦᠴᠡᠯᠳᠤ ᠨᠡᠢ᠌ᠴᠡᠭᠰᠡᠨ ᠭᠤᠶᠤᠴᠢᠯᠠᠭᠴᠢᠳᠤ ᠡᠵᠡᠩᠨᠡᠯᠲᠡ ᠵᠢᠨ ᠦᠨᠡᠮᠯᠡᠯ ᠣᠯᠭᠣᠬᠤ ᠬᠡᠷᠡᠭᠲᠡᠢ᠃
ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠬᠠᠤᠯᠢᠪᠠᠷ ᠲᠤᠭᠲᠠᠭ᠋ᠠᠭᠰᠠᠨ ᠳᠠᠩᠰᠠᠯᠠᠬᠤ ᠵᠥᠢ᠍ᠯᠢ ᠬᠤᠪᠢᠷᠠᠭᠤᠯᠪᠠᠯ᠂ ᠬᠤᠪᠢᠷᠠᠭᠤᠯᠬᠤ ᠳᠠᠩᠰᠠᠯᠠᠯᠲᠠ ᠬᠢᠯᠭᠡᠬᠦᠪᠠᠷ ᠭᠤᠶᠤᠴᠢᠯᠠᠬᠤ ᠬᠡᠷᠡᠭᠲᠡᠢ᠃
ᠲᠠᠷᠢᠶᠠᠴᠢᠨᠤ ᠳᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠳᠠᠩᠰᠠᠯᠠᠬᠤ ᠠᠷᠭᠠ ᠵᠢ ᠲᠥᠷᠦ ᠵᠢᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠᠨᠠᠴᠠ ᠳᠣᠭᠲᠠᠭ᠋ᠠᠨᠠ᠃ ᠳᠠᠩᠰᠠᠯᠠᠯᠲᠠ ᠬᠢᠬᠦᠳᠤ ᠰᠦᠢ᠍ᠳᠭᠡᠯ ᠬᠤᠷᠢᠶᠠᠵᠤ ᠪᠣᠯᠬᠣ ᠦᠭᠡᠢ᠃
ᠭᠤᠷᠪᠠᠳᠤᠭ᠋ᠠᠷ ᠪᠦᠯᠦᠭ ᠪᠦᠷᠢᠯᠳᠦᠭᠦᠨ
ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠵᠦᠢ᠍ᠯ ᠢᠷᠭᠡᠨᠤ ᠬᠡᠷᠡᠭᠤᠨ ᠠᠵᠢᠯᠯᠠᠭ᠋ᠠᠨᠤ ᠴᠢᠳᠠᠪᠤᠷᠢ ᠪᠦᠬᠦᠢ ᠠᠷᠠᠳ ᠢᠷᠭᠡᠨ ᠬᠢᠭᠡᠳ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢᠨ ᠲᠤᠬᠠᠢ᠌ᠯᠠᠭᠰᠠᠨ ᠠᠵᠢᠯᠲᠠᠢ ᠰᠢᠭᠤᠳ ᠬᠣᠯᠪᠤᠭᠳᠠᠬᠤ ᠦᠢ᠍ᠯᠡᠳᠪᠦᠷᠢᠯᠡᠯ ᠡᠵᠡᠩᠨᠡᠯᠲᠡ ᠵᠢᠨ ᠠᠵᠢᠯᠯᠠᠭᠠ ᠡᠷᠬᠢᠯᠡᠵᠦ ᠪᠠᠢ᠌ᠭᠠ ᠠᠵᠤ ᠠᠬᠤᠢ᠌ᠯᠠᠯ᠂ ᠠᠵᠢᠯ ᠦᠢ᠍ᠯᠡᠰᠤᠨ ᠨᠢᠭᠡᠴᠢ ᠪᠤᠶᠤ ᠨᠡᠢ᠌ᠭᠡᠮᠤᠨ ᠪᠦᠯᠬᠦᠮᠤᠳ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠬᠠᠩᠭ᠋ᠠᠭᠰᠠᠨ ᠦᠢ᠍ᠯᠡᠴᠢᠯᠡᠭᠡ ᠵᠢ
ᠠᠰᠢᠭᠯᠠᠨ᠂ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠳᠦᠷᠢᠮᠢ ᠵᠦᠪᠰᠢᠶᠡᠷᠡᠨ ᠵᠢᠷᠤᠮᠯᠠᠵᠤ᠂ ᠳᠦᠷᠢᠮᠳᠤ ᠲᠣᠭᠳᠠᠭ᠋ᠠᠭᠰᠠᠨ ᠬᠤᠷᠰᠢᠶᠠᠳᠤ ᠣᠷᠣᠬᠣ ᠭᠠᠷ ᠬᠦᠢ᠍ᠴᠡᠳᠭᠡᠯᠢ ᠭᠦᠢ᠍ᠴᠡᠳᠭᠡᠪᠡᠯ᠂ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨ ᠪᠣᠯᠵᠤ ᠪᠤᠯᠤᠨᠠ᠃ ᠭᠡᠪᠡᠴᠦ ᠨᠡᠢ᠌ᠲᠡ ᠵᠢᠨ ᠬᠡᠷᠡᠭ ᠶᠠᠪᠤᠳᠠᠯᠢ ᠬᠠᠮᠢᠶᠠᠷᠬᠤ ᠡᠭᠦᠷᠭᠡ ᠴᠢᠳᠠᠪᠦᠷᠢ ᠪᠦᠬᠦᠢ ᠨᠢᠭᠡᠴᠢ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠳᠤ ᠣᠷᠤᠯᠴᠠᠵᠤ ᠪᠣᠯᠬᠤ ᠦᠭᠡᠢ᠃
ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠢ ᠪᠦᠷᠢᠯᠳᠦᠭᠦᠨᠤᠪᠠᠨ ᠨᠡᠷᠡ ᠵᠢᠨ ᠳᠠᠩᠰᠠ ᠵᠢ ᠪᠡᠯᠡᠳᠬᠡᠬᠦ ᠵᠢᠨ ᠬᠠᠮᠲᠦ ᠲᠡᠭᠦᠨ ᠵᠶ᠋ᠡᠨ ᠳᠠᠩᠰᠠᠯᠠᠬᠤ ᠪᠠᠢ᠌ᠭᠤᠯᠤᠯᠭᠠᠳᠤ ᠮᠡᠳᠡᠭᠦᠯᠬᠦ ᠬᠡᠷᠡᠭᠲᠡᠢ᠃
ᠠᠷᠪᠠᠨ ᠲᠠᠪᠤᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨᠤ ᠳᠣᠲᠤᠷᠠ ᠠᠳᠠᠭᠲᠠᠭᠠᠨ ᠪᠦᠷᠢᠯᠳᠦᠭᠦᠨᠤ ᠪᠦᠬᠦ ᠲᠣᠭ᠋ᠠᠨᠤ ᠵᠠᠭᠤᠨᠤ ᠨᠠᠶᠠ ᠵᠢ ᠡᠵᠡᠯᠡᠬᠦ ᠬᠡᠷᠡᠭᠲᠡᠢ᠃
ᠪᠦᠷᠢᠯᠳᠦᠭᠦᠨᠤ ᠪᠦᠬᠦ ᠲᠣᠭᠠᠨᠢ ᠬᠣᠷᠢᠨ ᠬᠦᠮᠦᠨ ᠬᠦᠷᠬᠦ ᠦᠭᠡᠢ ᠪᠠᠢ᠌ᠪᠠᠯ᠂ ᠨᠢᠭᠡ ᠠᠵᠤ ᠠᠬᠤᠢ᠌ᠯᠠᠯ᠂ ᠠᠵᠢᠯ ᠦᠢ᠍ᠯᠡᠰᠤᠨ ᠨᠢᠭᠡᠴᠢ ᠪᠤᠶᠤ ᠨᠡᠢ᠌ᠭᠡᠮᠤᠨ ᠪᠦᠯᠬᠦᠮᠤᠨ ᠪᠦᠷᠢᠯᠳᠦᠭᠦᠨ ᠪᠠᠢ᠌ᠵᠣ ᠪᠣᠯᠣᠨᠠ᠃ ᠪᠦᠷᠢᠯᠳᠦᠭᠦᠨᠤ ᠪᠦᠬᠦ ᠲᠣᠭᠠᠨᠢ ᠬᠣᠷᠢᠨ ᠬᠦᠮᠦᠨᠠᠴᠠ ᠬᠡᠲᠦᠷᠡᠭᠰᠡᠨ ᠪᠠᠢ᠌ᠪᠠᠯ᠂ ᠠᠵᠤ ᠠᠬᠤᠢ᠌ᠯᠠᠯ᠂ ᠠᠵᠢᠯ ᠦᠢ᠍ᠯᠡᠰᠤᠨ ᠨᠢᠭᠡᠴᠢ ᠪᠠ ᠨᠡᠢ᠌ᠭᠡᠮᠤᠨ ᠪᠦᠯᠭᠦᠮᠤᠨ ᠪᠦᠷᠢᠯᠳᠦᠭᠦᠨᠨᠢ ᠪᠦᠷᠢᠯᠳᠦᠭᠦᠨᠤ ᠪᠦᠬᠦ ᠲᠣᠭ᠋ᠠᠨᠤ ᠵᠠᠭᠤᠨᠤ ᠲᠠᠪᠤᠠᠴᠠ ᠬᠡᠲᠦᠷᠡᠵᠦ ᠪᠣᠯᠬᠤ ᠦᠭᠡᠢ᠃
ᠠᠷᠪᠠᠨ ᠵᠢᠷᠭᠤᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨᠨᠢ ᠳᠣᠣᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠡᠷᠬᠡᠨᠦᠭᠦᠳᠢ ᠡᠳ᠋ᠯᠡᠨᠡ᠄
（ᠨᠢᠭᠡ） ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠳᠤ ᠣᠷᠤᠯᠴᠠᠬᠤ ᠪᠦᠭᠡᠳ ᠪᠠᠲᠤᠯᠠᠬᠤ ᠡᠷᠬᠡ᠂ ᠰᠤᠩᠭᠤᠬᠤ ᠡᠷᠬᠡ ᠪᠠ ᠰᠤᠩᠭᠤᠭᠳᠠᠬᠤ ᠡᠷᠬᠡ ᠵᠢ ᠡᠳ᠋ᠯᠡᠵᠦ᠂ ᠳᠦᠷᠢᠮᠤᠨ ᠲᠣᠭᠲᠠᠭ᠋ᠠᠯ ᠶᠣᠰᠣᠭ᠋ᠠᠷ ᠲᠤᠰ ᠬᠣᠷᠰᠢᠶᠠᠳᠤ ᠠᠷᠠᠳᠴᠢᠯᠠᠭᠰᠠᠨ ᠬᠠᠮᠢᠶᠠᠷᠤᠯᠲᠠ ᠵᠢ ᠬᠡᠷᠡᠭᠵᠢᠭᠦᠯᠦᠨᠡ᠃
（ᠬᠣᠶᠠᠷ） ᠲᠤᠰ ᠬᠣᠷᠰᠢᠶᠠᠨᠤ ᠬᠠᠩᠭ᠋ᠠᠭᠰᠠᠨ ᠦᠢ᠍ᠯᠡᠴᠢᠯᠡᠭᠡ ᠪᠠ ᠦᠢ᠍ᠯᠡᠳᠪᠦᠷᠢᠯᠡᠯ ᠡᠵᠡᠩᠨᠡᠯᠲᠡ ᠵᠢᠨ ᠲᠦᠭᠦᠭᠡᠷᠦᠮᠵᠢ ᠵᠢ ᠬᠠᠩᠭ᠋ᠠᠨᠠ᠃
（ᠭᠤᠷᠪᠠ） ᠳᠦᠷᠢᠮᠤᠨ ᠲᠣᠭᠲᠠᠭ᠋ᠠᠯ ᠪᠤᠶᠤ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠤᠨ ᠰᠢᠢ᠍ᠳᠪᠦᠷᠢ ᠶᠣᠰᠤᠭ᠋ᠠᠷ ᠦᠯᠡᠳᠡᠪᠦᠷᠢ ᠵᠢ ᠬᠤᠪᠢᠶᠠᠨ ᠡᠳ᠋ᠯᠡᠨᠡ᠃
（ᠳᠥᠷᠪᠡ） ᠲᠤᠰ ᠬᠤᠷᠰᠢᠶᠠᠨᠤ ᠳᠦᠷᠢᠮ᠂ ᠪᠦᠷᠢᠯᠳᠦᠭᠦᠨᠤ ᠨᠡᠷᠡ ᠵᠢᠨ ᠳᠠᠩᠰᠠ᠂ ᠪᠦᠷᠢᠯᠳᠦᠭᠦᠨᠤ ᠶᠡᠭᠡ ᠬᠤᠷᠠᠯ ᠪᠣᠶᠣ ᠪᠦᠷᠢᠯᠳᠦᠭᠦᠨᠤ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠡᠭᠡ ᠬᠤᠷᠠᠯᠤᠨ ᠲᠡᠮᠳᠡᠭᠯᠡᠯ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯᠤᠨ ᠬᠤᠷᠠᠯᠳᠤᠭ᠋ᠠᠨᠤ ᠰᠢᠢ᠍ᠳᠪᠦᠷᠢ᠂ ᠬᠢᠨᠠᠭᠴᠢᠳᠤᠨ ᠵᠦᠪᠯᠡᠯᠤᠨ ᠬᠤᠷᠠᠯᠳᠤᠭ᠋ᠠᠨᠤ ᠰᠢᠢ᠍ᠳᠪᠦᠷᠢ᠂ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠨᠢᠭᠲᠠᠯᠠᠨ ᠪᠤᠳᠤᠯᠲᠠ ᠵᠢᠨ ᠮᠡᠳᠡᠭᠦᠯᠦᠯᠲᠡ ᠪᠠ ᠨᠢᠭᠲᠠᠯᠠᠨ ᠪᠣᠳᠤᠯᠲᠠ ᠵᠢᠨ ᠳᠠᠩᠰᠠ ᠬᠠᠷᠠ ᠵᠢ ᠪᠠᠢ᠌ᠴᠠᠭ᠋ᠠᠨ ᠦᠵᠡᠨᠡ᠃
（ᠲᠠᠪᠤ） ᠳᠦᠷᠢᠮᠳᠤ ᠲᠣᠭᠲᠠᠭ᠋ᠠᠭᠰᠠᠨ ᠪᠤᠰᠤᠳ ᠡᠷᠬᠡᠨᠦᠭᠦᠳ᠃
ᠠᠷᠪᠠᠨ ᠳᠣᠯᠤᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠬᠤᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨᠤ ᠶᠡᠭᠡ ᠬᠤᠷᠠᠯᠨᠢ ᠰᠤᠩᠭᠤᠬᠤ ᠪᠠ ᠪᠠᠲᠤᠯᠠᠬᠤᠳᠠᠭᠠᠨ ᠨᠢᠭᠡ ᠬᠦᠮᠦᠨ ᠪᠤᠶᠤ ᠨᠢᠭᠡ ᠫᠢᠶᠤᠤ ᠥᠭᠬᠦ ᠳᠦᠷᠢᠮᠢ ᠭᠡᠷᠡᠭᠵᠢᠭᠦᠯᠵᠦ᠂ ᠪᠦᠷᠢᠯᠳᠦᠭᠦᠨ ᠨᠢᠭᠡᠪᠦᠷᠢ ᠨᠢᠭᠡ ᠫᠢᠶᠤᠤ ᠵᠢᠨ ᠦᠨᠳᠦᠰᠦᠨ ᠪᠠᠲᠤᠯᠠᠬᠤ ᠡᠷᠬᠡ ᠵᠢ ᠡᠳ᠋ᠯᠡᠨᠡ᠃
ᠪᠡᠯᠡ ᠭᠠᠷᠭ᠋ᠠᠭᠰᠠᠨ ᠲᠣᠭᠠ ᠪᠤᠶᠤ ᠲᠤᠰ ᠬᠣᠷᠰᠢᠶᠠᠯᠤᠭᠠ ᠠᠷᠠᠯᠵᠢᠶᠠᠯᠠᠭᠰᠠᠨ ᠬᠡᠮᠵᠢᠶᠡ （ᠲᠣᠭᠠ）ᠪᠠᠷ ᠨᠡᠯᠢᠶᠡᠳ ᠶᠡᠬᠡ ᠪᠦᠷᠢᠯᠳᠦᠭᠦᠨᠨᠢ ᠳᠦᠷᠢᠮᠤᠨ ᠲᠣᠭᠲᠠᠭ᠋ᠠᠯ ᠶᠣᠰᠤᠭ᠋ᠠᠷ ᠳᠠᠭ᠋ᠠᠯᠳᠤᠭᠰᠠᠨ ᠪᠠᠲᠤᠯᠠᠬᠤ ᠡᠷᠬᠡ ᠵᠢ ᠡᠳ᠋ᠯᠡᠵᠦ ᠪᠣᠯᠣᠨᠠ᠃ ᠲᠤᠰ ᠬᠣᠷᠰᠢᠶᠠᠨᠤ ᠳᠠᠭ᠋ᠠᠯᠳᠤᠭᠰᠠᠨ ᠪᠠᠲᠤᠯᠠᠬᠤ ᠡᠷᠬᠡ ᠵᠢᠨ ᠫᠢᠶᠤᠤ ᠵᠢᠨ ᠪᠦᠬᠦ ᠲᠣᠭᠠᠨᠢ ᠲᠤᠰ ᠬᠤᠷᠰᠢᠶᠠᠨᠤ ᠪᠦᠷᠢᠯᠳᠦᠬᠦᠨᠤ ᠪᠠᠲᠤᠯᠠᠬᠤ ᠡᠷᠬᠡ ᠵᠢᠨ ᠪᠦᠬᠦ ᠫᠢᠶᠣᠣ ᠵᠢᠨ ᠲᠣᠭ᠋ᠠᠨᠤ ᠵᠠᠭᠤᠨᠤ ᠬᠣᠷᠢᠠᠴᠠ ᠬᠡᠲᠦᠷᠡᠵᠦ ᠪᠣᠯᠬᠤ ᠦᠭᠡᠢ᠃ ᠳᠠᠭ᠋ᠠᠯᠳᠤᠭᠰᠠᠨ ᠪᠠᠲᠤᠯᠠᠬᠤ ᠡᠷᠬᠡ ᠵᠢ ᠡᠳ᠋ᠯᠡᠭᠰᠡᠨ ᠪᠦᠷᠢᠯᠳᠦᠬᠦᠨ ᠬᠢᠭᠡᠳ ᠲᠡᠭᠦᠨᠤ ᠡᠳ᠋ᠯᠡᠭᠰᠡᠨ ᠳᠠᠭ᠋ᠠᠯᠳᠤᠭᠰᠠᠨ ᠪᠠᠲᠤᠯᠠᠬᠤ ᠡᠷᠬᠡ ᠵᠢᠨ ᠲᠣᠭᠠ ᠵᠢ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠢ ᠬᠤᠷᠠᠯᠳᠤᠭᠤᠯᠬᠤ ᠪᠦᠷᠢ ᠬᠤᠷᠠᠯᠳᠤ ᠣᠷᠤᠯᠴᠠᠭᠰᠠᠨ ᠪᠦᠷᠢᠯᠳᠦᠬᠦᠨᠢ ᠮᠡᠳᠡᠭᠳᠡᠬᠦ ᠬᠡᠷᠡᠭᠲᠡᠢ᠃
ᠳᠦᠷᠢᠮᠳᠤ ᠳᠠᠭ᠋ᠠᠯᠳᠤᠭᠰᠠᠨ ᠪᠠᠲᠤᠯᠠᠬᠤ ᠡᠷᠬᠡ ᠵᠢᠨ ᠬᠡᠷᠡᠭᠯᠡᠬᠦ ᠬᠡᠪᠴᠢᠶᠡ ᠵᠢ ᠬᠢᠵᠠᠭ᠋ᠠᠷᠯᠠᠵᠤ ᠪᠣᠯᠣᠨᠠ᠃
ᠠᠷᠪᠠᠨ ᠨᠠᠢ᠍ᠮᠠᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨᠨᠢ ᠳᠣᠣᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠡᠭᠦᠷᠭᠡᠨᠦᠭᠦᠳᠢ ᠡᠭᠦᠷᠭᠡᠯᠡᠨᠡ᠄
（ᠨᠢᠭᠡ） ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯ᠂ ᠪᠦᠷᠢᠯᠳᠦᠭᠦᠨᠤ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠡᠬᠡ ᠬᠤᠷᠠᠯ ᠪᠠ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯᠤᠨ ᠰᠢᠢ᠍ᠳᠪᠦᠷᠢ ᠵᠢ ᠬᠡᠷᠡᠭᠵᠢᠭᠦᠯᠦᠨᠡ᠃
（ᠬᠣᠶᠠᠷ） ᠳᠦᠷᠢᠮᠳᠤ ᠲᠤᠭᠳᠠᠭ᠋ᠠᠭᠰᠠᠨ ᠶᠣᠰᠤᠭ᠋ᠠᠷ ᠲᠤᠰ ᠬᠣᠷᠰᠢᠶᠠᠳᠤ ᠪᠡᠯᠡ ᠭᠠᠷᠭ᠋ᠠᠨᠠ᠃
（ᠭᠤᠷᠪᠠ） ᠳᠦᠷᠢᠮᠳᠤ ᠲᠤᠭᠲᠠᠭ᠋ᠠᠭᠰᠠᠨ ᠶᠤᠰᠤᠭ᠋ᠠᠷ ᠲᠤᠰ ᠬᠤᠷᠰᠢᠶᠠᠲᠠᠢ ᠠᠷᠠᠯᠵᠢᠶᠠ ᠬᠢᠨᠡ᠃
（ᠳᠥᠷᠪᠡ） ᠳᠦᠷᠢᠮᠳᠤ ᠲᠤᠭᠲᠠᠭ᠋ᠠᠭᠰᠠᠨ ᠶᠣᠰᠤᠭ᠋ᠠᠷ ᠠᠯᠳᠠᠭᠳᠠᠯᠢ ᠡᠭᠦᠷᠭᠡᠯᠡᠨᠡ᠃
（ᠲᠠᠪᠤ） ᠳᠦᠷᠢᠮᠳᠤ ᠲᠣᠭᠲᠠᠭ᠋ᠠᠭᠰᠠᠨ ᠪᠤᠰᠤᠳ ᠡᠭᠦᠷᠭᠡᠨᠦᠭᠦᠳ᠃
ᠠᠷᠪᠠ ᠶᠢᠰᠦᠳᠦᠭᠡᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨ ᠬᠤᠷᠰᠢᠶᠠᠠᠴᠠ ᠭᠠᠷᠬᠤᠪᠠᠷ ᠱᠠᠭ᠋ᠠᠷᠳᠠᠪᠠᠯ᠂ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠣᠨ ᠳᠠᠭᠤᠰᠬᠤᠠᠴᠠ ᠭᠤᠷᠪᠠᠨ ᠰᠠᠷᠠ ᠵᠢᠨ ᠡᠮᠦᠨᠡ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ ᠪᠤᠶᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯᠳᠤ ᠳᠤᠷᠠᠳᠬᠤ ᠬᠡᠷᠡᠭᠲᠡᠢ᠃ ᠡᠭᠦᠨᠳᠤ ᠠᠵᠤ ᠠᠬᠤᠢ᠌ᠯᠠᠯ᠂ ᠠᠵᠢᠯ ᠦᠢ᠍ᠯᠡᠰᠤᠨ ᠨᠢᠭᠡᠴᠢ ᠪᠤᠶᠤ ᠨᠡᠢ᠌ᠭᠡᠮᠤᠨ ᠪᠦᠯᠭᠦᠮᠤᠨ ᠪᠦᠷᠢᠯᠳᠦᠭᠦᠨ ᠬᠤᠷᠰᠢᠶᠠᠠᠴᠠ ᠭᠠᠷᠬᠤᠳᠤ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠣᠨ ᠳᠠᠭᠤᠰᠬᠤᠠᠴᠠ ᠵᠢᠷᠭᠤᠭ᠋ᠠᠨ ᠰᠠᠷᠠ ᠵᠢᠨ ᠡᠮᠦᠨᠡ ᠳᠤᠷᠠᠳᠬᠤ ᠬᠡᠷᠡᠭᠲᠡᠢ᠃ ᠳᠦᠷᠢᠮᠳᠤ ᠠᠰᠲᠠᠭ᠋ᠠᠨ ᠳᠣᠭᠲᠠᠭ᠋ᠠᠯᠲᠠᠢ ᠪᠠᠢ᠌ᠪᠠᠯ ᠲᠡᠷᠡ ᠲᠣᠭᠲᠠᠭ᠋ᠠᠯᠢ ᠳᠠᠭ᠋ᠠᠨᠠ᠃ ᠬᠣᠷᠰᠢᠶᠠᠠᠴᠠ ᠭᠠᠷᠬᠤ ᠪᠦᠷᠢᠯᠳᠦᠭᠦᠨᠤ ᠬᠢᠷᠢ ᠭᠡᠮᠨᠢ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠣᠨ ᠳᠠᠭᠤᠰᠬᠤ ᠦᠶᠡᠳᠤ ᠳᠠᠭᠤᠰᠤᠨᠠ᠃
ᠬᠣᠷᠢᠳᠤᠭ᠋ᠠᠷ ᠵᠦᠢ᠍ᠯ ᠪᠦᠷᠢᠯᠳᠦᠭᠦᠨᠨᠢ ᠲᠡᠭᠦᠨᠤ ᠬᠢᠷᠢ ᠬᠡᠮ ᠳᠠᠭᠤᠰᠬᠤᠠᠴᠠ ᠡᠮᠦᠨᠡ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠲᠠᠢ ᠲᠤᠭᠲᠠᠭ᠋ᠠᠭᠰᠠᠨ ᠭᠡᠷᠡᠪᠠᠨ ᠦᠷᠭᠦᠯᠵᠢᠯᠡᠨ ᠭᠦᠢ᠍ᠴᠡᠳᠭᠡᠬᠦ ᠬᠡᠷᠡᠭᠲᠡᠢ᠃ ᠳᠦᠷᠢᠮᠳᠤ ᠠᠰᠲᠠᠭ᠋ᠠᠨ ᠲᠣᠭᠲᠠᠭ᠋ᠠᠯᠲᠠᠢ ᠪᠤᠶᠤ ᠲᠤᠰ ᠬᠤᠷᠰᠢᠶᠠᠲᠠᠢ ᠠᠰᠲᠠᠭ᠋ᠠᠨ ᠪᠤᠯᠵᠤᠭᠠᠲᠠᠢᠨᠢ ᠡᠭᠦᠨᠳᠤ ᠪᠠᠭᠲᠠᠬᠤ ᠦᠭᠡᠢ᠃
ᠬᠣᠷᠢᠨ ᠨᠢᠭᠡᠳᠦᠭᠡᠷ ᠵᠦᠢ᠍ᠯ ᠪᠦᠷᠢᠯᠳᠦᠭᠦᠨᠤ ᠬᠢᠷᠢ ᠬᠡᠮᠨᠢ ᠳᠠᠭᠤᠰᠤᠭᠰᠠᠨ ᠪᠠᠢ᠌ᠪᠠᠯ᠂ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠳᠦᠷᠢᠮᠳᠤ ᠲᠣᠭᠲᠠᠭ᠋ᠠᠭᠰᠠᠨ ᠬᠡᠯᠪᠡᠷᠢ ᠪᠠ ᠬᠤᠭᠤᠴᠠᠭᠠ ᠶᠣᠰᠤᠭ᠋ᠠᠷ᠂ ᠲᠤᠰ ᠪᠦᠷᠢᠯᠳᠦᠭᠦᠨᠤ ᠳᠠᠩᠰᠠᠨᠳᠤ ᠳᠡᠮᠳᠡᠭᠯᠡᠵᠦ ᠪᠠᠢ᠌ᠭᠠ ᠪᠡᠯᠡ ᠭᠠᠷᠭ᠋ᠠᠭᠰᠠᠨ ᠲᠣᠭᠠ ᠪᠠ ᠨᠡᠢ᠌ᠲᠡ ᠵᠢᠨ ᠬᠤᠷᠠᠮᠳᠤᠯᠭᠠ ᠵᠢᠨ ᠮᠦᠩᠭᠦ ᠵᠢᠨ ᠬᠤᠪᠢ ᠵᠢᠨ ᠲᠣᠭᠠ ᠵᠢ ᠪᠤᠴᠠᠭ᠋ᠠᠵᠤ ᠥᠭᠬᠦ ᠬᠡᠷᠡᠭᠲᠡᠢ᠃ ᠪᠦᠷᠢᠯᠳᠦᠭᠦᠨᠤ ᠬᠢᠷᠢ ᠬᠡᠮᠨᠢ ᠳᠠᠭᠤᠰᠬᠤᠠᠴᠠ ᠡᠮᠦᠨᠡᠬᠢ ᠬᠤᠪᠢᠶᠠᠷᠢᠯᠠᠵᠤ ᠪᠣᠯᠬᠤ ᠦᠯᠡᠳᠡᠪᠦᠷᠢ ᠵᠢ ᠲᠤᠰ ᠬᠠᠤᠯᠢ ᠵᠢᠨ ᠭᠤᠴᠢᠨ ᠳᠣᠯᠣᠳᠤᠭ᠋ᠠᠷ ᠵᠦᠢ᠍ᠯᠤᠨ ᠬᠣᠶᠠᠳᠤᠭ᠋ᠠᠷ ᠪᠠᠳᠠᠭᠤᠨ ᠲᠣᠭᠲᠠᠭ᠋ᠠᠯ ᠶᠣᠰᠣᠭ᠋ᠠᠷ ᠲᠡᠭᠦᠨᠳᠤ ᠪᠤᠴᠠᠭ᠋ᠠᠵᠤ ᠥᠭᠬᠦ ᠬᠡᠷᠡᠭᠲᠡᠢ᠃
ᠳᠥᠷᠪᠡᠳᠦᠭᠡᠷ ᠪᠦᠯᠦᠭ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠪᠠᠢ᠌ᠭᠤᠯᠤᠮᠵᠢ
ᠬᠣᠷᠢᠨ ᠬᠤᠶᠠᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠨᠢ ᠪᠦᠬᠦ ᠪᠦᠷᠢᠯᠳᠦᠭᠦᠨ ᠵᠶ᠋ᠡᠷ ᠪᠦᠷᠢᠯᠳᠦᠨᠡ᠂ ᠲᠡᠷᠡ ᠪᠣᠯ ᠲᠣᠰ ᠬᠤᠷᠰᠢᠶᠠᠨᠤ ᠡᠷᠬᠡᠲᠦ ᠪᠠᠢ᠌ᠭᠤᠯᠭᠠ ᠮᠦᠨ᠂ ᠳᠣᠣᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠡᠷᠬᠡ ᠲᠤᠰᠢᠶᠠᠯᠤᠳᠢ ᠭᠦᠢ᠍ᠴᠡᠳᠬᠡᠨᠡ᠄
（ᠨᠢᠭᠡ） ᠳᠦᠷᠢᠮᠳᠤ ᠵᠠᠰᠠᠪᠤᠷᠢ ᠣᠷᠤᠭᠤᠯᠬᠤ᠃
（ᠬᠣᠶᠠᠷ） ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢ᠂ ᠭᠦᠢ᠍ᠴᠡᠳᠬᠡᠬᠦ ᠬᠢᠨᠠᠭᠴᠢ ᠪᠤᠶᠤ ᠬᠢᠨᠠᠭᠴᠢᠳᠤᠨ ᠵᠦᠪᠯᠡᠯᠤᠨ ᠪᠦᠷᠢᠯᠳᠦᠭᠦᠨᠢ ᠰᠤᠩᠭᠤᠬᠤ ᠪᠠ ᠤᠭᠴᠤᠷᠠᠭᠤᠯᠤᠨᠠ᠃
（ᠭᠤᠷᠪᠠ） ᠴᠢᠬᠤᠯᠠ ᠶᠡᠬᠡ ᠡᠳ᠋ ᠬᠦᠷᠦᠩᠭᠡ ᠵᠢ ᠰᠢᠢ᠍ᠳᠪᠦᠷᠢᠯᠡᠬᠦ᠂ ᠭᠠᠳᠠᠭᠰᠢ ᠪᠡᠯᠡ ᠣᠷᠤᠭᠤᠯᠬᠤ᠂ ᠭᠠᠳᠠᠭᠰᠢ ᠳᠠᠭ᠋ᠠᠭ᠋ᠠᠯᠲᠠ ᠬᠢᠬᠦ ᠪᠠ ᠦᠢ᠍ᠯᠡᠳᠪᠦᠷᠢᠯᠡᠯ ᠡᠵᠡᠩᠨᠡᠯᠲᠡ ᠵᠢᠨ ᠠᠵᠢᠯᠯᠠᠭ᠋ᠠᠨᠳᠠᠬᠢ ᠪᠤᠰᠤᠳ ᠴᠢᠬᠤᠯᠠ ᠶᠡᠬᠡ ᠵᠦᠢ᠍ᠯᠤᠳᠢ ᠲᠣᠭᠲᠠᠭ᠋ᠠᠨᠠ᠃
（ᠳᠥᠷᠪᠡ） ᠲᠤᠬᠠᠢ᠌ᠯᠠᠭᠰᠠᠨ ᠠᠵᠢᠯᠤᠨ ᠣᠨᠤ ᠮᠡᠳᠡᠭᠦᠯᠦᠯᠲᠡ᠂ ᠦᠯᠡᠳᠡᠪᠦᠷᠢ ᠵᠢ ᠬᠤᠪᠢᠶᠠᠷᠢᠯᠠᠬᠤ ᠲᠦᠰᠦᠯ᠂ ᠠᠯᠳᠠᠭᠳᠠᠯᠢ ᠰᠢᠢ᠍ᠳᠪᠦᠷᠢᠯᠡᠬᠦ ᠲᠦᠰᠦᠯᠢ ᠵᠦᠪᠰᠢᠶᠡᠷᠡᠨᠡ᠃
（ᠲᠠᠪᠤ） ᠨᠡᠢ᠌ᠯᠡᠭᠦᠯᠬᠦ᠂ ᠰᠠᠯᠭ᠋ᠠᠬᠤ᠂ ᠲᠠᠷᠬᠠᠭ᠋ᠠᠬᠤ᠂ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ ᠲᠤᠬᠠᠢ ᠰᠢᠢ᠍ᠳᠪᠦᠷᠢ ᠭᠠᠷᠭ᠋ᠠᠨᠠ᠃
（ᠵᠢᠷᠭᠤᠭᠠ） ᠤᠷᠢᠵᠤ ᠬᠡᠷᠡᠭᠯᠡᠬᠦ ᠡᠵᠡᠩᠨᠡᠯᠲᠡ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠠᠵᠢᠯᠲᠠᠨ ᠪᠠ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠠᠵᠢᠯᠲᠠᠨᠤ ᠲᠣᠭᠠ᠂ ᠬᠢᠷᠢ ᠬᠡᠮ ᠪᠠ ᠲᠤᠰᠢᠶᠠᠯᠤᠨ ᠬᠤᠭᠤᠴᠠᠭᠠ ᠵᠢ ᠲᠣᠭᠲᠠᠭ᠋ᠠᠨᠠ᠃
（ᠳᠣᠯᠣᠭᠠ） ᠪᠦᠷᠢᠯᠳᠦᠭᠦᠨᠤ ᠬᠤᠪᠢᠷᠠᠯᠲᠠ ᠵᠢᠨ ᠪᠠᠢ᠌ᠳᠠᠯᠤᠨ ᠲᠤᠬᠠᠢ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ ᠪᠤᠶᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯᠤᠨ ᠮᠡᠳᠡᠭᠦᠯᠦᠯᠲᠡ ᠵᠢ ᠰᠣᠨᠤᠰᠤᠨᠠ᠃
（ᠨᠠᠢ᠍ᠮᠠ） ᠳᠦᠷᠢᠮᠳᠤ ᠲᠣᠭᠲᠠᠭ᠋ᠠᠭᠰᠠᠨ ᠪᠤᠰᠣᠳ ᠡᠷᠬᠡ ᠲᠤᠰᠢᠶᠠᠯᠤᠳ᠃
ᠬᠣᠷᠢᠨ ᠭᠤᠷᠪᠠᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠢ ᠬᠤᠷᠠᠯᠳᠤᠭᠤᠯᠬᠤᠳᠤ ᠬᠤᠷᠠᠯᠳᠤ ᠣᠷᠣᠯᠴᠠᠭᠰᠠᠨ ᠬᠦᠮᠦᠨᠤ ᠲᠣᠭᠠᠨᠢ ᠪᠦᠷᠢᠯᠳᠦᠭᠦᠨᠤ ᠪᠦᠬᠦ ᠲᠣᠭ᠋ᠠᠨᠤ ᠭᠤᠷᠪᠠᠨᠤ ᠬᠤᠶᠠᠷᠠᠴᠠ ᠳᠡᠭᠡᠭᠰᠢᠬᠢ ᠲᠣᠭᠠᠳᠤ ᠬᠦᠷᠦᠭᠰᠡᠨ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃
ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯ ᠰᠤᠩᠭᠤᠬᠤ ᠪᠠ ᠰᠢᠢ᠍ᠳᠪᠦᠷᠢ ᠭᠠᠷᠭ᠋ᠠᠬᠤᠳᠤ ᠲᠤᠰ ᠬᠤᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨᠤ ᠪᠠᠲᠤᠯᠠᠬᠤ ᠡᠷᠬᠡ ᠵᠢᠨ ᠪᠦᠬᠦ ᠲᠣᠭᠠ ᠵᠢᠨ ᠬᠠᠭ᠋ᠠᠰᠠᠴᠠ ᠳᠡᠭᠡᠭᠰᠢᠬᠢ ᠲᠣᠭᠠᠪᠠᠷ ᠪᠠᠲᠤᠯᠠᠭᠤᠯᠬᠤ ᠬᠡᠷᠡᠭᠲᠡᠢ᠃ ᠳᠦᠷᠢᠮᠳᠤ ᠵᠠᠰᠠᠪᠤᠷᠢ ᠤᠷᠤᠭᠤᠯᠬᠤ ᠪᠤᠶᠤ ᠨᠡᠢ᠌ᠯᠡᠭᠦᠯᠬᠦ᠂ ᠰᠠᠯᠭ᠋ᠠᠬᠤ᠂ ᠲᠠᠷᠬᠠᠭ᠋ᠠᠬᠤ ᠰᠢᠢ᠍ᠳᠪᠦᠷᠢ ᠭᠠᠷᠭ᠋ᠠᠬᠤᠳᠤ ᠲᠤᠰ ᠬᠣᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨᠤ ᠪᠠᠲᠤᠯᠠᠬᠤ ᠡᠷᠬᠡ ᠵᠢᠨ ᠪᠦᠬᠦ ᠲᠣᠭ᠋ᠠᠨᠤ ᠭᠤᠷᠪᠠᠨᠤ ᠬᠣᠶᠠᠷᠠᠴᠠ ᠳᠡᠭᠡᠭᠰᠢᠬᠢ ᠲᠣᠭᠠᠪᠠᠷ ᠪᠠᠲᠤᠯᠠᠭᠤᠯᠬᠤ ᠬᠡᠷᠡᠭᠲᠡᠢ᠃ ᠳᠦᠷᠢᠮᠳᠤ ᠪᠠᠲᠤᠯᠠᠬᠤ ᠡᠷᠬᠡ ᠵᠢᠨ ᠲᠣᠭᠠ ᠵᠢᠨ ᠲᠠᠯᠠᠪᠠᠷ ᠨᠡᠯᠢᠶᠡᠳ ᠦᠨᠳᠦᠷ ᠲᠣᠭᠲᠠᠭ᠋ᠠᠯᠲᠠᠢ ᠪᠣᠯ ᠲᠡᠷᠡ ᠲᠣᠭᠲᠠᠭ᠋ᠠᠯᠢ ᠳᠠᠭ᠋ᠠᠨᠠ᠃
ᠬᠣᠷᠢᠨ ᠳᠥᠷᠪᠡᠳᠦᠭᠡᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠢ ᠵᠢᠯ ᠪᠦᠷᠢ ᠠᠳᠠᠭᠲᠠᠭᠠᠨ ᠨᠢᠭᠡ ᠤᠳᠠᠭᠠ ᠬᠤᠷᠠᠯᠳᠤᠭᠤᠯᠵᠦ᠂ ᠬᠤᠷᠠᠯ ᠬᠤᠷᠠᠯᠳᠤᠭᠤᠯᠬᠤ ᠲᠤᠬᠠᠢ ᠳᠦᠷᠢᠮᠳᠤ ᠲᠣᠭᠲᠠᠭ᠋ᠠᠯ ᠭᠠᠷᠭ᠋ᠠᠨᠠ᠃ ᠳᠣᠣᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠪᠠᠢ᠌ᠳᠠᠯᠤᠳᠤᠨ ᠨᠢᠭᠡᠨᠢ ᠪᠠᠢ᠌ᠪᠠᠯ᠂ ᠬᠣᠷᠢᠨ ᠡᠳᠦᠷᠤᠨ ᠳᠣᠲᠤᠷᠠ ᠪᠦᠷᠢᠯᠳᠦᠭᠦᠨᠤ ᠳᠦᠷ ᠴᠠᠭᠤᠨ ᠶᠡᠬᠡ ᠬᠤᠷᠠᠯᠢ ᠬᠤᠷᠠᠯᠳᠤᠭᠤᠯᠬᠤ ᠬᠡᠷᠡᠭᠲᠡᠢ᠄
（ᠨᠢᠭᠡ） ᠵᠠᠭᠤᠨᠤ ᠭᠤᠴᠢᠠᠴᠠ ᠳᠡᠭᠡᠭᠰᠢᠬᠢ ᠪᠦᠷᠢᠯᠳᠦᠭᠦᠨ ᠳᠤᠷᠠᠳᠤᠯᠭᠠ ᠭᠠᠷᠭ᠋ᠠᠭᠰᠠᠨ᠃
（ᠬᠣᠶᠠᠷ） ᠭᠦᠢ᠍ᠴᠡᠳᠬᠡᠬᠦ ᠬᠢᠨᠠᠭᠴᠢ ᠪᠤᠶᠤ ᠬᠢᠨᠠᠭᠴᠢᠳᠤᠨ ᠵᠦᠪᠯᠡᠯ ᠳᠤᠷᠠᠳᠤᠯᠭᠠ ᠭᠠᠷᠭ᠋ᠠᠭᠰᠠᠨ᠃
（ᠭᠤᠷᠪᠠ） ᠳᠦᠷᠢᠮᠳᠤ ᠲᠣᠭᠲᠠᠭ᠋ᠠᠭᠰᠠᠨ ᠪᠤᠰᠤᠳ ᠪᠠᠢ᠌ᠳᠠᠯᠤᠳ᠃
ᠬᠣᠷᠢᠨ ᠲᠠᠪᠤᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨᠨᠢ ᠵᠠᠭᠤ ᠳᠠᠪᠢᠨ ᠬᠦᠮᠦᠨᠠᠴᠠ ᠬᠡᠲᠦᠷᠡᠭᠰᠡᠨ ᠪᠠᠢ᠌ᠪᠠᠯ᠂ ᠳᠦᠷᠢᠮᠤᠨ ᠲᠤᠭᠲᠠᠭ᠋ᠠᠯ ᠶᠣᠰᠤᠭ᠋ᠠᠷ ᠪᠦᠷᠢᠯᠳᠦᠭᠦᠨᠤ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠡᠬᠡ ᠬᠤᠷᠠᠯᠢ ᠪᠠᠢ᠌ᠭᠤᠯᠵᠤ ᠪᠣᠯᠣᠨᠠ᠃ ᠪᠦᠷᠢᠯᠳᠦᠭᠦᠨᠤ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠡᠭᠡ ᠬᠤᠷᠠᠯᠨᠢ ᠳᠦᠷᠢᠮᠤᠨ ᠲᠤᠭᠳᠠᠭ᠋ᠠᠯ ᠶᠤᠰᠤᠭ᠋ᠠᠷ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠤᠨ ᠬᠡᠰᠡᠭ ᠪᠤᠶᠤ ᠪᠦᠬᠦ ᠡᠷᠬᠡ ᠲᠤᠰᠢᠶᠠᠯᠢ ᠬᠡᠷᠡᠭᠵᠢᠭᠦᠯᠵᠦ ᠪᠤᠯᠤᠨᠠ᠃
ᠬᠣᠷᠢᠨ ᠵᠢᠷᠭᠤᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠳᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ ᠨᠢᠭᠡ ᠬᠦᠮᠦᠨᠢ ᠭᠠᠷᠭ᠋ᠠᠵᠤ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯᠢ ᠪᠠᠢ᠌ᠭᠤᠯᠵᠤ ᠪᠣᠯᠣᠨᠠ᠃ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ ᠪᠣᠯ ᠲᠤᠰ ᠬᠣᠷᠰᠢᠶᠠᠨᠤ ᠬᠠᠤᠯᠢᠪᠠᠷ ᠲᠣᠭᠲᠠᠭ᠋ᠠᠭᠰᠠᠨ ᠲᠥᠯᠥᠭᠡᠯᠡᠭᠴᠢ ᠪᠣᠯᠣᠨᠠ᠃
ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠭᠦᠢ᠍ᠴᠡᠳᠭᠡᠬᠦ ᠬᠢᠨᠠᠭᠴᠢ ᠪᠤᠶᠤ ᠬᠢᠨᠠᠭᠴᠢᠳᠤᠨ ᠵᠦᠪᠯᠡᠯᠢ ᠪᠠᠢ᠌ᠭᠤᠯᠵᠦ ᠪᠤᠯᠤᠨᠠ᠃ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢ᠂ ᠵᠢᠩᠯᠢ ᠪᠠ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠨᠢᠭᠲᠠᠯᠠᠨ ᠪᠤᠳᠤᠬᠤ ᠠᠵᠢᠯᠲᠠᠨᠨᠢ ᠬᠢᠨᠠᠭᠴᠢ ᠵᠢᠨ ᠲᠤᠰᠢᠶᠠᠯᠢ ᠬᠠᠪᠰᠤᠷᠭ᠋ᠠᠨ ᠡᠭᠦᠷᠭᠡᠯᠡᠵᠦ ᠪᠣᠯᠬᠤ ᠦᠬᠡᠢ᠃
ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯᠤᠨ ᠳᠠᠷᠤᠭᠠ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢ᠂ ᠭᠦᠢ᠍ᠴᠡᠳᠬᠡᠬᠦ ᠬᠢᠨᠠᠭᠴᠢ ᠪᠤᠶᠤ ᠬᠢᠨᠠᠭᠴᠢᠳᠤᠨ ᠵᠦᠪᠯᠡᠯᠤᠨ ᠪᠦᠷᠢᠯᠳᠦᠭᠦᠨᠢ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠠᠴᠠ ᠲᠤᠰ ᠬᠤᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨᠤ ᠳᠤᠲᠤᠷᠠᠠᠴᠠ ᠰᠤᠩᠭᠤᠨ ᠭᠠᠷᠭ᠋ᠠᠵᠤ᠂ ᠲᠡᠳᠡ ᠲᠤᠰ ᠬᠠᠤᠯᠢ ᠪᠠ ᠳᠦᠷᠢᠮᠤᠨ ᠲᠤᠭᠲᠠᠭ᠋ᠠᠯ ᠶᠤᠰᠤᠭ᠋ᠠᠷ ᠡᠷᠬᠡ ᠲᠤᠰᠢᠶᠠᠯ ᠵᠶ᠋ᠠᠨ ᠬᠡᠷᠡᠭᠵᠢᠭᠦᠯᠵᠦ᠂ ᠪᠦᠷᠢᠯᠳᠦᠭᠦᠨᠤ ᠶᠡᠭᠡ ᠬᠤᠷᠠᠯᠳᠤ ᠬᠠᠷᠢᠭᠤᠴᠠᠨᠠ᠃
ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯᠤᠨ ᠬᠤᠷᠠᠯ᠂ ᠬᠢᠨᠠᠭᠴᠢᠳᠤᠨ ᠵᠦᠪᠯᠡᠯ ᠪᠠᠲᠤᠯᠠᠯᠲᠠ ᠬᠢᠬᠦᠳᠤ ᠨᠢᠭᠡ ᠬᠦᠮᠦᠨ ᠨᠢᠭᠡ ᠫᠢᠶᠤᠤ ᠥᠭᠬᠦ ᠳᠦᠷᠢᠮᠢ ᠬᠡᠷᠡᠭᠵᠢᠭᠦᠯᠦᠨᠡ᠃
ᠬᠣᠷᠢᠨ ᠳᠣᠯᠣᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯ᠂ ᠬᠢᠨᠠᠭᠴᠢᠳᠤᠨ ᠵᠦᠪᠯᠡᠯᠨᠢ ᠵᠦᠪᠳᠡᠯᠴᠡᠭᠰᠡᠨ ᠪᠦᠬᠦ ᠵᠦᠢ᠍ᠯᠤᠨ ᠵᠶ᠋ᠡᠨ ᠲᠣᠭᠲᠠᠭ᠋ᠠᠯᠳᠤ ᠬᠤᠷᠠᠯᠤᠨ ᠲᠡᠮᠳᠡᠭᠯᠡᠯ ᠬᠢᠵᠦ᠂ ᠬᠤᠷᠠᠯᠳᠤ ᠣᠷᠤᠯᠴᠠᠭᠰᠠᠨ ᠪᠦᠷᠢᠯᠳᠦᠭᠦᠨ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢ᠂ ᠬᠢᠨᠠᠭᠴᠢ ᠬᠤᠷᠠᠯᠤᠨ ᠲᠡᠮᠳᠡᠭᠯᠡᠯ ᠳᠡᠭᠡᠷᠡ ᠭᠠᠷᠤᠨ ᠦᠰᠦᠭ ᠵᠢᠷᠤᠬᠤ ᠬᠡᠷᠡᠭᠲᠡᠢ᠃
ᠬᠣᠷᠢᠨ ᠨᠠᠢ᠍ᠮᠠᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ ᠪᠤᠶᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯᠨᠢ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠤᠨ ᠲᠣᠭᠲᠠᠭ᠋ᠠᠯ ᠶᠣᠰᠤᠭ᠋ᠠᠷ ᠵᠢᠩᠯᠢ ᠪᠠ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠨᠢᠭᠲᠠᠯᠠᠨ ᠪᠤᠳᠤᠬᠤ ᠠᠵᠢᠯᠲᠠᠨᠢ ᠤᠷᠢᠨ ᠲᠣᠮᠢᠯᠠᠵᠤ ᠪᠤᠯᠤᠨᠠ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ ᠪᠤᠶᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠨᠢ ᠵᠢᠩᠯᠢ ᠵᠢᠨ ᠲᠤᠰᠢᠶᠠᠯᠢ ᠬᠠᠪᠰᠤᠷᠭ᠋ᠠᠨ ᠡᠭᠦᠷᠭᠡᠯᠡᠵᠦ ᠪᠤᠯᠤᠨᠠ᠃ ᠵᠢᠩᠯᠢᠨᠢ ᠳᠦᠷᠢᠮᠤᠨ ᠲᠣᠭᠲᠠᠭ᠋ᠠᠯ ᠪᠤᠶᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯᠤᠨ ᠲᠤᠭᠲᠠᠭ᠋ᠠᠯ ᠶᠤᠰᠤᠭ᠋ᠠᠷ ᠪᠤᠰᠤᠳ ᠠᠵᠢᠯᠲᠠᠨᠢ ᠤᠷᠢᠨ ᠲᠣᠮᠢᠯᠠᠵᠤ ᠪᠤᠯᠤᠨᠠ᠃
ᠵᠢᠩᠯᠢᠨᠢ ᠳᠦᠷᠢᠮᠤᠨ ᠲᠤᠭᠲᠠᠭ᠋ᠠᠯ ᠪᠠ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ ᠪᠤᠶᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯᠤᠨ ᠣᠯᠭᠤᠭᠰᠠᠨ ᠡᠷᠬᠡ ᠶᠤᠰᠤᠭ᠋ᠠᠷ ᠪᠤᠲᠠᠲᠠᠢ ᠦᠢ᠍ᠯᠡᠳᠪᠦᠷᠢᠯᠡᠯ ᠡᠵᠡᠩᠨᠡᠯᠲᠡ ᠵᠢᠨ ᠠᠵᠢᠯᠯᠠᠭᠠ ᠵᠢ ᠬᠠᠷᠢᠭᠤᠴᠠᠨᠠ᠃
ᠬᠣᠷᠢ ᠶᠢᠰᠦᠳᠦᠭᠡᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠪᠠ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠠᠵᠢᠯᠲᠠᠨ ᠳᠣᠣᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠠᠵᠢᠯᠯᠠᠭᠠᠨᠤᠭᠤᠳᠢ ᠬᠢᠵᠦ ᠪᠣᠯᠬᠤ ᠦᠭᠡᠢ᠄
（ᠨᠢᠭᠡ） ᠲᠤᠰ ᠬᠤᠷᠰᠢᠶᠠᠨᠤ ᠡᠳ᠋ ᠬᠦᠷᠦᠩᠭᠡ ᠵᠢ ᠡᠵᠡᠯᠡᠨ ᠠᠪᠬᠤ᠂ ᠨᠡᠭᠦᠯᠭᠡᠨ ᠬᠡᠷᠡᠭᠯᠡᠬᠦ ᠪᠤᠶᠤ ᠳᠠᠯᠳᠠᠭᠤᠷ ᠬᠤᠪᠢᠶᠠᠯᠴᠠᠬᠤ᠃
（ᠬᠣᠶᠠᠷ） ᠳᠦᠷᠢᠮᠤᠨ ᠲᠣᠭᠲᠠᠭ᠋ᠠᠯᠠᠴᠠ ᠵᠦᠷᠢᠴᠡᠬᠦ ᠪᠤᠶᠤ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯ ᠵᠶ᠋ᠠᠷ ᠵᠦᠪᠰᠢᠶᠡᠷᠡᠭᠦᠯᠦᠭᠰᠡᠨ ᠦᠬᠡᠢᠪᠠᠷ ᠲᠤᠰ ᠬᠤᠷᠰᠢᠶᠠᠨᠤ ᠪᠡᠯᠡ ᠮᠦᠩᠭᠦ ᠵᠢ ᠪᠤᠰᠤᠳᠲᠤ ᠵᠢᠭᠡᠯᠡᠬᠦᠯᠭᠦ ᠪᠤᠶᠤ ᠲᠤᠰ ᠬᠣᠷᠰᠢᠶᠠᠨᠤ ᠡᠳ᠋ ᠬᠦᠷᠦᠩᠭᠡᠪᠠᠷ ᠪᠤᠰᠤᠳᠲᠤ ᠪᠠᠲᠤᠯᠠᠭᠠ ᠬᠠᠩᠭ᠋ᠠᠬᠤ᠃
（ᠭᠤᠷᠪᠠ） ᠪᠤᠰᠤᠳᠤᠨ ᠲᠤᠰ ᠬᠤᠷᠰᠢᠶᠠᠲᠠᠢ ᠠᠷᠠᠯᠵᠢᠶᠠᠯᠠᠭᠰᠠᠨ ᠦᠨᠡ ᠵᠠᠰᠠᠬᠤ ᠵᠤᠭᠤᠰᠢ ᠬᠦᠯᠢᠶᠡᠨ ᠠᠪᠴᠦ ᠬᠤᠪᠢᠨᠳᠤᠪᠠᠨ ᠪᠤᠯᠭ᠋ᠠᠬᠤ᠃
（ᠳᠥᠷᠪᠡ） ᠲᠤᠰ ᠬᠤᠷᠰᠢᠶᠠᠨᠤ ᠠᠵᠦ ᠠᠬᠤᠢ ᠵᠢᠨ ᠠᠰᠢᠭ ᠲᠤᠰᠠ ᠵᠢ ᠬᠣᠬᠢᠷᠠᠭᠤᠯᠬᠤ ᠪᠤᠰᠤᠳ ᠠᠵᠢᠯᠯᠠᠭᠠᠨᠤᠭᠤᠳᠢ ᠬᠢᠬᠦ᠃
ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠦᠪᠯᠡᠯᠤᠨ ᠳᠠᠷᠤᠭᠠ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠪᠠ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠠᠵᠢᠯᠲᠠᠨ ᠡᠮᠦᠨᠡᠬᠢ ᠪᠠᠳᠠᠭᠤᠨ ᠲᠤᠭᠲᠠᠭ᠋ᠠᠯᠠᠴᠠ ᠵᠦᠷᠢᠴᠡᠭᠡᠳ ᠣᠯᠣᠭᠰᠠᠨ ᠣᠷᠣᠯᠭᠠ ᠵᠢ ᠲᠤᠰ ᠬᠤᠷᠰᠢᠶᠠᠳᠤ ᠦᠮᠴᠢᠯᠡᠬᠦᠯᠬᠦ ᠬᠡᠷᠡᠭᠲᠡᠢ᠃ ᠲᠤᠰ ᠬᠣᠷᠰᠢᠶᠠᠳᠤ ᠬᠤᠬᠢᠷᠠᠯ ᠤᠴᠠᠷᠠᠭᠤᠯᠤᠭᠰᠠᠨ ᠪᠠᠢ᠌ᠪᠠᠯ ᠲᠦᠯᠦᠬᠦ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠬᠦ ᠬᠡᠷᠡᠭᠲᠡᠢ᠃
ᠭᠤᠴᠢᠳᠣᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢ᠂ ᠵᠢᠩᠯᠢᠨᠢ ᠲᠤᠬᠠᠢ᠌ᠯᠠᠭᠰᠠᠨ ᠠᠵᠢᠯᠤᠨ ᠰᠢᠨᠵᠢ ᠴᠢᠨᠠᠷ ᠵᠶ᠋ᠠᠷ ᠠᠳᠠᠯᠢ ᠪᠤᠰᠤᠳ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢ᠂ ᠬᠢᠨᠠᠭᠴᠢ᠂ ᠵᠢᠩᠯᠢ ᠵᠢᠨ ᠲᠤᠰᠢᠶᠠᠯᠢ ᠬᠠᠪᠰᠤᠷᠭ᠋ᠠᠨ ᠡᠭᠦᠷᠭᠡᠯᠡᠵᠦ ᠪᠣᠯᠬᠤ ᠦᠭᠡᠢ᠃
ᠭᠤᠴᠢᠨ ᠨᠢᠭᠡᠳᠦᠭᠡᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠲᠤᠬᠠᠢ᠌ᠯᠠᠭᠰᠠᠨ ᠠᠵᠢᠯᠳᠤ ᠬᠣᠯᠪᠤᠭᠳᠠᠬᠤ ᠠᠯᠪᠠᠨ ᠶᠠᠪᠤᠳᠠᠯᠢ ᠭᠦᠢ᠍ᠴᠡᠳᠭᠡᠳᠡᠭ ᠠᠵᠢᠯᠲᠠᠨ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢ᠂ ᠬᠢᠨᠠᠭᠴᠢ᠂ ᠵᠢᠩᠯᠢ ᠪᠤᠶᠤ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠨᠢᠭᠲᠠᠯᠠᠨ ᠪᠤᠳᠤᠬᠤ ᠠᠵᠢᠯᠲᠠᠨᠤ ᠲᠤᠰᠢᠶᠠᠯᠢ ᠡᠭᠦᠷᠭᠡᠯᠡᠵᠦ ᠪᠣᠯᠬᠤ ᠦᠭᠡᠢ᠃
ᠲᠠᠪᠤᠳᠤᠭ᠋ᠠᠷ ᠪᠥᠯᠦᠭ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠬᠠᠮᠢᠶᠠᠷᠤᠯᠲᠠ
ᠭᠤᠴᠢᠨ ᠬᠤᠶᠠᠳᠤᠭ᠋ᠠᠷ ᠵᠥᠢ᠍ᠯ ᠲᠥᠷᠦ ᠵᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠨᠤ ᠡᠳ᠋ᠤᠨ ᠵᠠᠰᠠᠭᠤᠨ ᠰᠠᠯᠠᠭᠠ ᠮᠥᠴᠢᠷᠠᠴᠠ ᠣᠯᠣᠰᠤᠨ ᠬᠤᠯᠪᠤᠭᠳᠠᠯ ᠪᠥᠬᠦᠢ ᠬᠠᠤᠯᠢ ᠴᠠᠭ᠋ᠠᠵᠠ᠂ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠬᠠᠤᠯᠢ ᠳᠤᠭᠳᠠᠭ᠋ᠠᠯ ᠶᠤᠰᠤᠭ᠋ᠠᠷ᠂ ᠲᠠᠷᠢᠶᠠᠴᠢᠨᠤ ᠳᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠨᠢᠭᠳᠠᠯᠠᠨ ᠪᠤᠳᠤᠬᠤ ᠳᠥᠷᠢᠮᠢ ᠳᠤᠭᠲᠠᠭ᠋ᠠᠨᠠ᠃ ᠲᠠᠷᠢᠶᠠᠴᠢᠨᠤ ᠳᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠲᠥᠷᠦ ᠵᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠨᠤ ᠡᠳ᠋ᠤᠨ ᠵᠠᠰᠠᠭᠤᠨ ᠰᠠᠯᠠᠭᠠ ᠮᠥᠴᠢᠷᠤᠨ ᠳᠤᠭᠳᠠᠭ᠋ᠠᠭᠰᠠᠨ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠨᠢᠭᠳᠠᠯᠠᠨ ᠪᠤᠳᠤᠬᠤ ᠳᠥᠷᠢᠮ ᠶᠤᠰᠤᠭ᠋ᠠᠷ ᠨᠢᠭᠲᠠᠯᠠᠨ ᠪᠤᠳᠤᠬᠤ ᠲᠤᠭ᠋ᠠᠴᠠᠭᠠ ᠬᠢᠬᠦ ᠬᠡᠷᠡᠭᠲᠡᠢ᠃
ᠭᠤᠴᠢᠨ ᠭᠤᠷᠪᠠᠳᠤᠭ᠋ᠠᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠳᠣᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠳᠠᠷᠤᠭᠠ ᠪᠤᠶᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠤᠨ ᠵᠥᠪᠯᠡᠯᠨᠢ ᠵᠢᠷᠦᠮᠤᠨ ᠳᠤᠭᠲᠠᠭ᠋ᠠᠯ ᠶᠣᠰᠤᠭ᠋ᠠᠷ ᠳᠤᠬᠠᠢ᠌ᠯᠠᠭᠰᠠᠨ ᠠᠵᠢᠯᠤᠨ ᠣᠨᠤ ᠮᠡᠳᠡᠭᠦᠯᠦᠯᠲᠡ᠂ ᠦᠯᠡᠳᠡᠪᠥᠷᠢ ᠵᠢ ᠬᠤᠪᠢᠶᠠᠷᠢᠯᠠᠬᠤ ᠲᠥᠰᠦᠯ᠂ ᠠᠯᠳᠠᠭᠳᠠᠯᠢ ᠰᠢᠢ᠍ᠳᠪᠥᠷᠢᠯᠡᠬᠦ ᠲᠥᠰᠦᠯ ᠬᠢᠭᠡᠳ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠨᠢᠭᠳᠠᠯᠠᠨ ᠪᠤᠳᠤᠬᠣ ᠮᠡᠳᠡᠭᠦᠯᠦᠯᠲᠡ ᠵᠢ ᠵᠣᠬᠢᠶᠠᠨ ᠨᠠᠢ᠌ᠷᠠᠭᠤᠯᠵᠤ᠂ ᠪᠥᠷᠢᠯᠳᠦᠭᠦᠨᠤ ᠶᠡᠬᠡ ᠬᠣᠷᠠᠯ ᠬᠣᠷᠠᠯᠳᠤᠬᠣᠠᠴᠠ ᠠᠷᠪᠠᠨ ᠲᠠᠪᠤᠨ ᠡᠳᠦᠷᠤᠨ ᠡᠮᠦᠨᠡ ᠠᠯᠪᠠᠨ ᠭᠠᠵᠠᠷᠲᠤ ᠪᠡᠯᠡᠳᠭᠡᠨ ᠲᠠᠯᠪᠢᠭ᠋ᠠᠳ᠂ ᠪᠥᠷᠢᠯᠳᠦᠭᠦᠨ ᠵᠶ᠋ᠡᠷ ᠪᠠᠢ᠌ᠴᠠᠭ᠋ᠠᠨ ᠦᠵᠡᠭᠦᠯᠬᠦ ᠬᠡᠷᠡᠭᠲᠡᠢ᠃
ᠭᠤᠴᠢᠨ ᠳᠥᠷᠪᠡᠳᠦᠭᠡᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠳᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠪᠥᠷᠢᠯᠳᠦᠭᠦᠨᠲᠠᠢᠪᠠᠨ ᠬᠢᠭᠰᠡᠨ ᠠᠷᠠᠯᠵᠢᠶᠠ ᠪᠤᠯᠤᠨ ᠲᠡᠭᠦᠨᠤ ᠬᠠᠩᠭ᠋ᠠᠭᠰᠠᠨ ᠦᠢ᠍ᠯᠡᠴᠢᠯᠡᠭᠡ ᠵᠢ ᠠᠰᠢᠭᠯᠠᠭᠰᠠᠨ ᠪᠥᠷᠢᠯᠳᠦᠭᠦᠨ ᠪᠤᠰᠤ ᠬᠥᠮᠦᠰᠲᠠᠢ ᠬᠢᠭᠰᠡᠨ ᠠᠷᠠᠯᠵᠢᠶᠠ ᠵᠢ ᠲᠣᠰ ᠲᠣᠰᠲᠤᠨᠢ ᠲᠣᠭ᠋ᠠᠴᠠᠯᠠᠬᠤ ᠬᠡᠷᠡᠭᠲᠡᠢ᠃
ᠭᠤᠴᠢᠨ ᠲᠠᠪᠤᠳᠤᠭ᠋ᠠᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠳᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠳᠥᠷᠢᠮᠤᠨ ᠳᠤᠭᠲᠠᠭ᠋ᠠᠯ ᠪᠤᠶᠤ ᠪᠥᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠤᠨ ᠰᠢᠢ᠍ᠳᠪᠥᠷᠢ ᠶᠣᠰᠤᠭ᠋ᠠᠷ ᠲᠤᠰ ᠵᠢᠯᠤᠨ ᠦᠯᠡᠳᠡᠪᠥᠷᠢᠠᠴᠠᠪᠠᠨ ᠨᠡᠢ᠌ᠲᠠ ᠵᠢᠨ ᠬᠤᠷᠠᠮᠳᠤᠭᠤᠯᠭᠠ ᠵᠢᠨ ᠮᠥᠩᠭᠦ ᠵᠢ ᠭᠠᠷᠭ᠋ᠠᠨ ᠠᠪᠴᠤ ᠪᠤᠯᠤᠨᠠ᠃ ᠨᠡᠢ᠌ᠲᠠ ᠵᠢᠨ ᠬᠤᠷᠠᠮᠳᠤᠭᠤᠯᠭᠠ ᠵᠢᠨ ᠮᠥᠩᠭᠦ ᠵᠢᠨ ᠠᠯᠳᠠᠭᠳᠠᠯᠢ ᠨᠥᠬᠦᠪᠥᠷᠢᠯᠡᠬᠦ᠂ ᠦᠢ᠍ᠯᠡᠳᠪᠥᠷᠢᠯᠡᠯ ᠡᠵᠡᠩᠨᠡᠯᠲᠡ ᠵᠢ ᠥᠷᠭᠡᠳᠭᠡᠬᠦ ᠪᠤᠶᠤ ᠪᠥᠷᠢᠯᠳᠦᠭᠦᠨᠤ ᠭᠠᠷᠭ᠋ᠠᠭᠰᠠᠨ ᠪᠡᠯᠡ ᠮᠥᠩᠭᠦ ᠪᠤᠯᠭ᠋ᠠᠬᠤᠳᠤ ᠬᠡᠷᠡᠭᠯᠡᠨᠡ᠃
ᠵᠢᠯ ᠪᠥᠷᠢ ᠵᠢᠨ ᠭᠠᠷᠭ᠋ᠠᠵᠤ ᠠᠪᠬᠤ ᠨᠡᠢ᠌ᠲᠡ ᠵᠢᠨ ᠬᠤᠷᠠᠮᠳᠤᠭᠤᠯᠭᠠ ᠵᠢᠨ ᠮᠥᠩᠭᠦ ᠵᠢ ᠳᠥᠷᠢᠮᠤᠨ ᠳᠤᠭᠲᠠᠭ᠋ᠠᠯ ᠶᠤᠰᠤᠭ᠋ᠠᠷ ᠪᠥᠷᠢᠯᠳᠦᠭᠦᠨ ᠨᠢᠭᠡᠪᠥᠷᠢ ᠵᠢᠨ ᠬᠤᠪᠢ ᠵᠢᠨ ᠲᠣᠭᠠ ᠪᠤᠯᠭ᠋ᠠᠨ ᠬᠡᠮᠵᠢᠶᠡᠯᠡᠨᠡ᠃
ᠭᠤᠴᠢᠨ ᠵᠢᠷᠭᠤᠳᠤᠭ᠋ᠠᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠳᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠪᠥᠷᠢᠯᠳᠦᠭᠦᠨ ᠨᠢᠭᠡᠪᠥᠷᠢᠳᠤ ᠪᠥᠷᠢᠯᠳᠦᠭᠦᠨᠤ ᠳᠠᠩᠰᠠᠨ ᠡᠷᠦᠬᠡ ᠪᠠᠢ᠌ᠭᠤᠯᠵᠤ᠂ ᠭᠤᠤᠯᠳᠠᠭᠤ ᠳᠤᠤᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠠᠭᠤᠯᠭᠠᠨᠤᠭᠤᠳᠢ ᠲᠡᠮᠳᠡᠭᠯᠡᠬᠦ ᠬᠡᠷᠡᠭᠲᠡᠢ᠃
（ᠨᠢᠭᠡ） ᠲᠤᠰ ᠪᠥᠷᠢᠯᠳᠦᠭᠦᠨᠤ ᠭᠠᠷᠭ᠋ᠠᠭᠰᠠᠨ ᠪᠡᠯᠡ ᠵᠢᠨ ᠲᠣᠭᠠ᠃
（ᠬᠤᠶᠠᠷ） ᠲᠣᠰ ᠪᠥᠷᠢᠯᠳᠦᠭᠦᠨᠤ ᠨᠡᠢ᠌ᠲᠡ ᠵᠢᠨ ᠬᠤᠷᠠᠮᠳᠤᠭᠤᠯᠭᠠ ᠵᠢᠨ ᠮᠥᠩᠭᠦᠪᠠᠷ ᠬᠡᠮᠵᠢᠶᠡᠯᠡᠭᠰᠡᠨ ᠬᠤᠪᠢ ᠵᠢᠨ ᠲᠣᠭᠠ᠃
（ᠭᠤᠷᠪᠠ） ᠲᠣᠰ ᠪᠥᠷᠢᠯᠳᠦᠭᠦᠨ ᠬᠢᠭᠡᠳ ᠲᠤᠰ ᠬᠤᠰᠢᠭᠤᠨᠤ ᠬᠤᠭᠤᠷᠤᠨᠳᠤ ᠠᠷᠠᠯᠵᠢᠶᠠᠯᠠᠭᠰᠠᠨ ᠬᠡᠮᠵᠢᠶᠡ （ᠲᠣᠭᠠ）᠃
ᠭᠤᠴᠢᠨ ᠳᠤᠯᠤᠳᠤᠭ᠋ᠠᠷ ᠵᠥᠢ᠍ᠯ ᠠᠯᠳᠠᠭᠳᠠᠯᠢ ᠨᠥᠬᠦᠪᠥᠷᠢᠯᠡᠵᠦ᠂ ᠨᠡᠢ᠌ᠲᠡ ᠵᠢᠨ ᠬᠣᠷᠠᠮᠳᠣᠭᠤᠯᠭᠠ ᠵᠢᠨ ᠮᠥᠩᠭᠦ ᠵᠢ ᠭᠠᠷᠭ᠋ᠠᠨ ᠠᠪᠤᠭᠰᠠᠨᠤ ᠳᠠᠷᠠᠭ᠋ᠠᠬᠢ ᠲᠣᠰ ᠵᠢᠯᠤᠨ ᠦᠯᠡᠳᠡᠪᠥᠷᠢ ᠪᠣᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠬᠤᠪᠢᠶᠠᠷᠢᠯᠠᠵᠤ ᠪᠣᠯᠬᠣ ᠦᠯᠡᠳᠡᠪᠥᠷᠢ ᠪᠣᠯᠣᠨᠠ᠃
ᠬᠤᠪᠢᠶᠠᠷᠢᠯᠠᠵᠤ ᠪᠣᠯᠬᠣ ᠦᠯᠡᠳᠡᠪᠥᠷᠢ ᠵᠢ ᠳᠤᠤᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠳᠣᠭᠲᠠᠭ᠋ᠠᠯ ᠶᠣᠰᠣᠭ᠋ᠠᠷ ᠪᠥᠷᠢᠯᠳᠦᠭᠦᠨᠳᠤ ᠪᠣᠴᠠᠭ᠋ᠠᠬᠤ ᠪᠤᠶᠤ ᠬᠤᠪᠢᠶᠠᠷᠢᠯᠠᠨᠠ᠃ ᠪᠣᠳᠠᠲᠠᠢ ᠬᠤᠪᠢᠶᠠᠷᠢᠯᠠᠯᠲᠠ ᠵᠢᠨ ᠠᠷᠭᠠ ᠵᠢ ᠳᠥᠷᠢᠮᠤᠨ ᠳᠤᠭᠲᠠᠭ᠋ᠠᠯ ᠪᠤᠶᠤ ᠪᠥᠷᠢᠯᠳᠦᠭᠦᠨᠤ ᠶᠡᠬᠡ ᠬᠣᠷᠠᠯᠤᠨ ᠰᠢᠢ᠍ᠳᠪᠥᠷᠢᠪᠠᠷ ᠳᠤᠭᠲᠠᠭ᠋ᠠᠨᠠ᠄
（ᠨᠢᠭᠡ） ᠪᠥᠷᠢᠯᠳᠦᠭᠦᠨ ᠬᠢᠭᠡᠳ ᠲᠣᠰ ᠬᠤᠷᠰᠢᠶᠠᠨᠤ ᠬᠤᠭᠤᠷᠤᠨᠳᠤ ᠠᠷᠠᠯᠵᠢᠶᠠᠯᠠᠭᠰᠠᠨ ᠬᠡᠮᠵᠢᠶᠡᠨ （ᠲᠣᠭ᠋ᠠᠨ）ᠤ ᠬᠠᠷᠢᠴᠠᠯ ᠵᠶ᠋ᠡᠷ ᠪᠤᠴᠠᠭ᠋ᠠᠬᠤᠳᠤ ᠪᠤᠴᠠᠭ᠋ᠠᠭᠰᠠᠨ ᠪᠥᠬᠦ ᠲᠣᠭᠠ ᠵᠢ ᠬᠤᠪᠢᠶᠠᠷᠢᠯᠠᠵᠤ ᠪᠣᠯᠬᠣ ᠦᠯᠡᠳᠡᠪᠥᠷᠢ ᠵᠢᠨ ᠵᠠᠭᠤᠨᠤ ᠵᠢᠷᠠᠠᠴᠠ ᠳᠤᠤᠷᠠ ᠪᠠᠢ᠌ᠯᠭ᠋ᠠᠵᠤ ᠪᠣᠯᠬᠣ ᠦᠭᠡᠢ᠃
（ᠬᠤᠶᠠᠷ） ᠡᠮᠦᠨᠡᠬᠢ ᠵᠣᠷᠪᠣᠰᠤᠨ ᠳᠣᠭᠲᠠᠭ᠋ᠠᠯ ᠶᠣᠰᠣᠭ᠋ᠠᠷ ᠪᠤᠴᠠᠭ᠋ᠠᠭᠰᠠᠨᠤ ᠳᠠᠷᠠᠭ᠋ᠠᠬᠢ ᠦᠯᠡᠳᠡᠪᠥᠷᠢ ᠬᠡᠰᠡᠭᠢ ᠪᠥᠷᠢᠯᠳᠦᠭᠦᠨᠤ ᠳᠠᠩᠰᠠᠨ ᠡᠷᠦᠬᠡᠳᠤ ᠲᠡᠮᠳᠡᠭᠯᠡᠵᠦ ᠪᠠᠢ᠌ᠭᠠ ᠭᠠᠷᠭ᠋ᠠᠭᠰᠠᠨ ᠪᠡᠯᠡ ᠵᠢᠨ ᠲᠣᠭᠠ ᠪᠠ ᠨᠡᠢ᠌ᠲᠡ ᠵᠢᠨ ᠬᠤᠷᠠᠮᠳᠤᠭᠤᠯᠭᠠ ᠵᠢᠨ ᠮᠥᠩᠭᠦ ᠵᠢᠨ ᠬᠤᠪᠢ ᠵᠢᠨ ᠲᠣᠭᠠ ᠵᠢᠴᠢ ᠲᠣᠰ ᠬᠣᠷᠰᠢᠶᠠᠨᠤ ᠣᠯᠣᠰᠤᠨ ᠡᠳ᠋ᠤᠨ ᠵᠠᠰᠠᠭᠤᠨ ᠰᠢᠭᠤᠳ ᠨᠥᠬᠦᠪᠥᠷᠢ ᠵᠢ ᠬᠦᠯᠢᠶᠡᠨ ᠠᠪᠣᠭᠰᠠᠨ ᠪᠠ ᠪᠣᠰᠣᠳ ᠬᠠᠨᠳᠢᠪ ᠵᠶ᠋ᠠᠷ ᠪᠥᠷᠢᠯᠳᠦᠭᠰᠡᠨ ᠡᠳ᠋ ᠬᠥᠷᠦᠩᠭᠡᠪᠠᠷ ᠳᠡᠭᠰᠢ ᠬᠡᠮᠵᠢᠶᠡᠯᠡᠭᠡᠳ ᠪᠥᠷᠢᠯᠳᠦᠭᠦᠨᠤ ᠬᠤᠪᠢ ᠵᠢᠨ ᠲᠣᠭᠠᠳᠤ ᠨᠤᠭᠳᠠᠭᠤᠯᠵᠤ᠂ ᠲᠣᠰ ᠬᠣᠷᠰᠢᠶᠠᠨᠤ ᠪᠥᠷᠢᠯᠳᠦᠭᠦᠨᠳᠤ ᠬᠠᠷᠢᠴᠠᠯ ᠵᠶ᠋ᠠᠷ ᠬᠤᠪᠢᠶᠠᠷᠢᠯᠠᠨᠠ᠃
ᠭᠤᠴᠢᠨ ᠨᠠᠢ᠍ᠮᠠᠳᠤᠭ᠋ᠠᠷ ᠵᠥᠢ᠍ᠯ ᠭᠦᠢ᠍ᠴᠡᠳᠭᠡᠬᠦ ᠬᠢᠨᠠᠭᠴᠢ ᠪᠤᠶᠤ ᠬᠢᠨᠠᠭᠴᠢᠳᠤᠨ ᠵᠥᠪᠯᠡᠯ ᠭᠠᠷᠭ᠋ᠠᠭᠰᠠᠨ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠢ ᠭᠦᠢ᠍ᠴᠡᠳᠭᠡᠬᠦ ᠬᠢᠨᠠᠭᠴᠢ ᠪᠤᠶᠤ ᠬᠢᠨᠠᠭᠴᠢᠳᠤᠨ ᠵᠥᠪᠯᠡᠯᠠᠴᠠ ᠲᠣᠰ ᠬᠣᠷᠰᠢᠶᠠᠨᠤ ᠡᠳ᠋ᠤᠨ ᠶᠠᠪᠣᠳᠠᠯᠳᠤ ᠳᠤᠲᠤᠭ᠋ᠠᠳᠤ ᠵᠢᠨ ᠬᠢᠨᠠᠨ ᠪᠣᠳᠣᠯᠲᠠ ᠬᠢᠵᠦ᠂ ᠬᠢᠨᠠᠨ ᠪᠣᠳᠣᠭᠰᠠᠨ ᠦᠷᠡ ᠳ᠋ᠥᠩᠢ ᠪᠥᠷᠢᠯᠳᠦᠭᠦᠨᠤ ᠶᠡᠬᠡ ᠬᠣᠷᠠᠯᠳᠤ ᠮᠡᠳᠡᠭᠦᠯᠬᠦ ᠬᠡᠷᠡᠭᠲᠡᠢ᠃
ᠪᠥᠷᠢᠯᠳᠦᠭᠦᠨᠤ ᠶᠡᠬᠡ ᠬᠣᠷᠠᠯᠨᠢ ᠪᠠᠰᠠ ᠬᠢᠨᠠᠨ ᠪᠣᠳᠣᠬᠣ ᠪᠠᠢ᠌ᠭᠤᠯᠤᠮᠵᠢᠳᠤ ᠨᠠᠢ᠌ᠳᠠᠵᠤ ᠲᠣᠰ ᠬᠣᠷᠰᠢᠶᠠᠨᠤ ᠡᠳ᠋ᠤᠨ ᠶᠠᠪᠣᠳᠠᠯᠳᠤ ᠬᠢᠨᠠᠨ ᠪᠣᠳᠣᠯᠲᠠ ᠬᠢᠯᠭᠡᠵᠦ ᠪᠣᠯᠣᠨᠠ᠃
ᠵᠢᠷᠭᠤᠳᠤᠭ᠋ᠠᠷ ᠪᠦᠯᠦᠭ ᠨᠡᠢ᠌ᠯᠡᠭᠦᠯᠬᠦ᠂ ᠰᠠᠯᠭ᠋ᠠᠬᠤ᠂ ᠲᠠᠷᠬᠠᠭ᠋ᠠᠬᠤ ᠪᠠ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ
ᠭᠤᠴᠢ ᠶᠢᠰᠦᠳᠦᠭᠡᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢ ᠨᠡᠢ᠌ᠯᠡᠭᠦᠯᠬᠦᠳᠤ ᠨᠡᠢ᠌ᠯᠡᠭᠦᠯᠬᠦ ᠰᠢᠢ᠍ᠳᠪᠦᠷᠢ ᠭᠠᠷᠭ᠋ᠠᠭᠰᠠᠨ ᠡᠳᠦᠷᠠᠴᠠ ᠡᠬᠢᠯᠡᠨ ᠠᠷᠪᠠᠨ ᠡᠳᠦᠷᠤᠨ ᠳᠣᠲᠤᠷᠠ ᠠᠪᠴᠠᠭ᠋ᠠᠲᠠᠨᠳᠤ ᠮᠡᠳᠡᠭᠳᠡᠬᠦ ᠬᠡᠷᠡᠭᠲᠡᠢ᠃ ᠨᠡᠢ᠌ᠯᠡᠬᠦ ᠡᠯᠡ ᠲᠠᠯᠠ ᠵᠢᠨ ᠠᠪᠴᠠᠭᠠ᠂ ᠥᠭᠴᠡᠭᠡ ᠵᠢ ᠨᠡᠢ᠌ᠯᠡᠭᠦᠯᠦᠭᠰᠡᠨᠤ ᠳᠠᠷᠠᠭ᠋ᠠᠬᠢ ᠦᠷᠭᠦᠯᠵᠢᠯᠡᠨ ᠦᠯᠡᠳᠡᠭᠰᠡᠨ ᠪᠤᠶᠤ ᠰᠢᠨᠡᠪᠠᠷ ᠪᠠᠢ᠌ᠭᠤᠯᠤᠭᠰᠠᠨ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠯᠲᠠ ᠵᠠᠯᠭ᠋ᠠᠮᠵᠢᠯᠠᠬᠤ ᠬᠡᠷᠡᠭᠲᠡᠢ᠃
ᠳᠦᠴᠢᠳᠦᠭᠡᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢ ᠰᠠᠯᠭ᠋ᠠᠬᠤᠳᠤ ᠲᠡᠭᠦᠨᠤ ᠡᠳ᠋ ᠬᠦᠷᠦᠩᠭᠡ ᠵᠢᠨᠢ ᠵᠣᠬᠢᠴᠠᠩᠭᠤᠢᠪᠠᠷ ᠰᠠᠯᠭ᠋ᠠᠬᠤ ᠪᠦᠭᠡᠳ ᠰᠠᠯᠭ᠋ᠠᠬᠤ ᠰᠢᠢ᠍ᠳᠪᠦᠷᠢ ᠭᠠᠷᠭ᠋ᠠᠭᠰᠠᠨ ᠡᠳᠦᠷᠠᠴᠠ ᠡᠬᠢᠯᠡᠨ ᠠᠷᠪᠠᠨ ᠡᠳᠦᠷᠤᠨ ᠳᠣᠲᠤᠷᠠ ᠠᠪᠴᠠᠭ᠋ᠠᠲᠠᠨᠳᠤ ᠮᠡᠳᠡᠭᠳᠡᠬᠦ ᠬᠡᠷᠡᠭᠲᠡᠢ᠃ ᠰᠠᠯᠭ᠋ᠠᠬᠤᠠᠴᠠ ᠡᠮᠦᠨᠡᠬᠢ ᠥᠭᠴᠡᠭᠡᠳᠤ ᠰᠠᠯᠭ᠋ᠠᠭᠰᠠᠨᠤ ᠳᠠᠷᠠᠭ᠋ᠠᠬᠢ ᠵᠣᠬᠢᠶᠠᠨ ᠪᠠᠢ᠌ᠭᠤᠯᠤᠯᠲᠠ ᠬᠣᠯᠪᠤᠭᠳᠠᠭᠰᠠᠨ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠨᠡ᠃ ᠭᠡᠪᠡᠴᠦ ᠰᠠᠯᠭ᠋ᠠᠬᠤᠠᠴᠠ ᠡᠮᠦᠨᠡ ᠠᠪᠴᠠᠭ᠋ᠠᠲᠠᠨᠲᠠᠢ ᠥᠭᠴᠡᠭᠡ ᠵᠢ ᠲᠦᠯᠦᠵᠦ ᠳᠠᠭᠤᠰᠬᠠᠬᠤᠪᠠᠷ ᠲᠣᠭᠲᠠᠭᠰᠠᠨ ᠪᠢᠴᠢᠭᠤᠨ ᠬᠡᠯᠡᠯᠴᠡᠭᠡᠷᠲᠤ ᠠᠰᠲᠠᠭ᠋ᠠᠨ ᠪᠣᠯᠵᠣᠯᠲᠠᠢᠨᠢ ᠡᠭᠦᠨᠳᠤ ᠪᠠᠭᠲᠠᠬᠤ ᠦᠭᠡᠢ᠃
ᠳᠦᠴᠢᠨ ᠨᠢᠭᠡᠳᠦᠭᠡᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠ ᠵᠢ ᠳᠤᠤᠷᠠ ᠵᠢᠭᠰᠠᠭ᠋ᠠᠭᠰᠠᠨ ᠰᠢᠯᠲᠠᠭ᠋ᠠᠨᠨᠤᠭᠤᠳᠠᠴᠠ ᠪᠣᠯᠵᠤ ᠲᠠᠷᠬᠠᠭ᠋ᠠᠨᠠ᠄
（ᠨᠢᠭᠡ） ᠳᠦᠷᠢᠮᠳᠤ ᠲᠤᠭᠲᠠᠭ᠋ᠠᠭᠰᠠᠨ ᠲᠠᠷᠬᠠᠭ᠋ᠠᠬᠤ ᠤᠴᠢᠷ ᠰᠢᠯᠲᠠᠭ᠋ᠠᠨ ᠭᠠᠷᠤᠭᠰᠠᠨ᠃
（ᠬᠣᠶᠠᠷ） ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠠᠴᠠ ᠲᠠᠷᠬᠠᠭ᠋ᠠᠬᠤ ᠰᠢᠢ᠍ᠳᠪᠦᠷᠢ ᠭᠠᠷᠭ᠋ᠠᠭᠰᠠᠨ᠃
（ᠭᠤᠷᠪᠠ） ᠨᠡᠢ᠌ᠯᠡᠭᠦᠯᠬᠦ ᠪᠤᠶᠤ ᠰᠠᠯᠭ᠋ᠠᠬᠤ ᠵᠢᠨ ᠰᠢᠯᠲᠠᠭ᠋ᠠᠨᠠᠴᠠ ᠪᠣᠯᠵᠤ ᠲᠠᠷᠬᠠᠭ᠋ᠠᠬᠤ ᠴᠢᠬᠤᠯᠠᠲᠠᠢ ᠪᠣᠯᠣᠭᠰᠠᠨ᠃
（ᠳᠥᠷᠪᠡ） ᠡᠵᠡᠩᠨᠡᠯᠲᠡ ᠵᠢᠨ ᠦᠨᠡᠮᠯᠡᠯᠢᠨᠢ ᠬᠠᠤᠯᠢ ᠶᠣᠰᠤᠭ᠋ᠠᠷ ᠬᠤᠷᠢᠶᠠᠨ ᠠᠪᠴᠦ ᠬᠦᠴᠦᠨ ᠦᠭᠡᠢ ᠪᠣᠯᠭ᠋ᠠᠭᠰᠠᠨ ᠪᠤᠶᠤ ᠬᠦᠴᠦᠨ ᠦᠭᠡᠢ ᠪᠣᠯᠭ᠋ᠠᠭᠳᠠᠭᠰᠠᠨ᠃
ᠡᠮᠦᠨᠡᠬᠢ ᠪᠠᠳᠠᠭᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ᠂ ᠬᠤᠶᠠᠳᠤᠭ᠋ᠠᠷ ᠵᠣᠷᠪᠤᠰ᠂ ᠳᠥᠷᠪᠡᠳᠦᠭᠡᠷ ᠵᠣᠷᠪᠤᠰᠤᠨ ᠰᠢᠯᠲᠠᠭ᠋ᠠᠨᠠᠴᠠ ᠪᠣᠯᠵᠤ ᠲᠠᠷᠬᠠᠭ᠋ᠠᠭᠳᠠᠭᠰᠠᠨ ᠪᠠᠢ᠌ᠪᠠᠯ᠂ ᠲᠠᠷᠬᠠᠭ᠋ᠠᠬᠤ ᠤᠴᠢᠷ ᠰᠢᠯᠲᠠᠭ᠋ᠠᠨ ᠭᠠᠷᠤᠭᠰᠠᠨ ᠡᠳᠦᠷᠠᠴᠠ ᠡᠬᠢᠯᠡᠨ ᠠᠷᠪᠠᠨ ᠲᠠᠪᠤᠨ ᠡᠳᠦᠷᠤᠨ ᠳᠣᠲᠤᠷᠠ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯᠠᠴᠠ ᠪᠦᠷᠢᠯᠳᠦᠭᠦᠨᠢ ᠰᠤᠩᠭᠤᠵᠤ ᠢᠯᠭ᠋ᠠᠷᠠᠭᠤᠯᠤᠨ ᠪᠤᠳᠤᠬᠤ ᠳᠤᠭᠤᠢ᠌ᠯᠠᠩ ᠪᠠᠢ᠌ᠭᠤᠯᠵᠦ᠂ ᠲᠠᠷᠬᠠᠭ᠋ᠠᠬᠤ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠣᠯᠲᠠ ᠵᠢ ᠡᠬᠢᠯᠡᠨ ᠬᠢᠬᠦ ᠬᠡᠷᠡᠭᠲᠡᠢ᠃ ᠬᠤᠭᠤᠴᠠᠭᠠ ᠬᠡᠲᠦᠷᠡᠲᠡᠯᠡ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ ᠳᠤᠭᠤᠢ᠌ᠯᠠᠩ ᠪᠠᠢ᠌ᠭᠤᠯᠤᠭᠰᠠᠨ ᠦᠭᠡᠢ ᠪᠠᠢ᠌ᠪᠠᠯ᠂ ᠪᠦᠷᠢᠯᠳᠦᠭᠦᠨ᠂ ᠠᠪᠴᠠᠭ᠋ᠠᠲᠠᠨᠨᠢ ᠠᠷᠠᠳᠤᠨ ᠰᠢᠬᠦᠬᠦ ᠬᠣᠷᠢᠶᠠᠳᠤ ᠬᠤᠯᠪᠤᠭᠳᠠᠯ ᠪᠦᠬᠦᠢ ᠬᠦᠮᠦᠰᠢ ᠵᠢᠭ᠋ᠠᠨ ᠲᠣᠭᠲᠠᠭ᠋ᠠᠭ᠋ᠠᠳ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ ᠳᠤᠭᠤᠢ᠌ᠯᠠᠩ ᠪᠠᠢ᠌ᠭᠤᠯᠵᠤ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠭᠤᠯᠬᠤᠪᠠᠷ ᠭᠤᠶᠤᠴᠢᠯᠠᠵᠤ ᠪᠣᠯᠣᠨᠠ᠃ ᠠᠷᠠᠳᠤᠨ ᠰᠢᠬᠦᠬᠦ ᠬᠣᠷᠢᠶᠠ ᠡᠨᠡ ᠬᠦ᠌ ᠭᠤᠶᠤᠴᠢᠯᠠᠯᠢ ᠬᠦᠯᠢᠶᠡᠨ ᠠᠪᠴᠦ ᠰᠢᠢ᠍ᠳᠪᠦᠷᠢᠯᠡᠬᠦ ᠬᠡᠷᠡᠭᠲᠡᠢ ᠪᠦᠭᠡᠳ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ ᠳᠤᠭᠤᠢ᠌ᠯᠠᠩᠤᠨ ᠪᠦᠷᠢᠯᠳᠦᠭᠦᠨᠢ ᠴᠠᠭ ᠲᠤᠬᠠᠢᠳᠤᠨᠢ ᠵᠢᠭ᠋ᠠᠨ ᠲᠤᠭᠲᠠᠭ᠋ᠠᠵᠤ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠭᠤᠯᠬᠤ ᠬᠡᠷᠡᠭᠲᠡᠢ᠃
ᠳᠦᠴᠢᠨ ᠬᠣᠶᠠᠳᠤᠭ᠋ᠠᠷ ᠵᠦᠢ᠍ᠯ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ ᠳᠤᠭᠤᠢ᠌ᠯᠠᠩᠨᠢ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ ᠡᠳᠦᠷᠠᠴᠠ ᠡᠬᠢᠯᠡᠨ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢ ᠬᠦᠯᠢᠶᠡᠨ ᠠᠪᠴᠦ ᠬᠠᠮᠢᠶᠠᠷᠤᠨ᠂ ᠢᠯᠭ᠋ᠠᠷᠠᠭᠤᠯᠤᠨ ᠪᠤᠳᠤᠬᠤᠳᠤ ᠬᠤᠯᠪᠤᠭᠳᠠᠬᠤ ᠰᠢᠢ᠍ᠳᠪᠦᠷᠢᠯᠡᠵᠦ ᠳᠠᠭᠤᠰᠬᠠᠭ᠋ᠠᠳᠤᠢ ᠲᠤᠬᠠᠢ᠌ᠯᠠᠭᠰᠠᠨ ᠠᠵᠢᠯᠢ ᠬᠠᠷᠢᠭᠤᠴᠠᠨ ᠰᠢᠢ᠍ᠳᠪᠦᠷᠢᠯᠡᠵᠦ᠂ ᠡᠳ᠋ ᠬᠦᠷᠦᠩᠭᠡ ᠪᠠ ᠠᠪᠴᠠᠭᠠ᠂ ᠥᠭᠴᠡᠭᠡ ᠵᠢ ᠡᠮᠬᠢᠯᠡᠨ ᠢᠯᠭ᠋ᠠᠷᠠᠭᠤᠯᠵᠦ᠂ ᠥᠭᠴᠡᠭᠡ ᠵᠢ ᠲᠦᠯᠦᠭᠰᠡᠨᠤ ᠳᠠᠷᠠᠭ᠋ᠠᠬᠢ ᠦᠯᠡᠳᠡᠪᠦᠷᠢ ᠡᠳ᠋ ᠬᠦᠷᠦᠩᠭᠡ ᠵᠢ ᠬᠤᠪᠢᠶᠠᠷᠢᠯᠠᠵᠦ᠂ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠ ᠵᠢ ᠲᠥᠯᠦᠭᠡᠯᠡᠨ ᠵᠠᠷᠭᠤᠯᠳᠤᠬᠤ᠂ ᠬᠦᠨᠳᠡᠯᠡᠨᠠᠴᠠ ᠳᠠᠰᠤᠯᠬᠤ ᠪᠤᠶᠤ ᠪᠤᠰᠤᠳ ᠬᠠᠣᠯᠢ ᠴᠠᠭ᠋ᠠᠵᠠ ᠵᠢᠨ ᠵᠢᠷᠤᠮᠳᠤ ᠣᠷᠤᠯᠴᠠᠬᠤ ᠪᠦᠭᠡᠳ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠯᠲᠠ ᠳᠠᠭᠤᠰᠬᠤ ᠥᠶᠡᠳᠤ ᠳᠠᠩᠰᠠᠯᠠᠯᠲᠠ ᠵᠢ ᠬᠠᠰᠤᠭᠤᠯᠤᠨᠠ᠃
ᠳᠦᠴᠢᠨ ᠭᠤᠷᠪᠠᠳᠤᠭ᠋ᠠᠷ ᠵᠦᠢ᠍ᠯ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ ᠳᠤᠭᠤᠢ᠌ᠯᠠᠩᠨᠢ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ ᠡᠳᠦᠷᠠᠴᠠ ᠡᠬᠢᠯᠡᠨ ᠠᠷᠪᠠᠨ ᠡᠳᠦᠷᠤᠨ ᠳᠣᠲᠤᠷᠠ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨ ᠪᠠ ᠠᠪᠴᠠᠭ᠋ᠠᠲᠠᠨᠳᠤ ᠮᠡᠳᠡᠭᠳᠡᠬᠦ ᠬᠡᠷᠡᠭᠲᠡᠢ ᠪᠦᠭᠡᠳ ᠵᠢᠷᠠᠨ ᠡᠳᠦᠷᠤᠨ ᠳᠣᠲᠤᠷᠠ ᠰᠣᠨᠢᠨ ᠳᠡᠭᠡᠷᠡ ᠵᠠᠷᠯᠠᠨ ᠨᠡᠢ᠌ᠲᠡᠯᠡᠬᠦ ᠬᠡᠷᠡᠭᠲᠡᠢ᠃ ᠠᠪᠴᠠᠭ᠋ᠠᠲᠠᠨᠨᠢ ᠮᠡᠳᠡᠭᠳᠡᠯᠢ ᠣᠯᠣᠭᠰᠠᠨ ᠡᠳᠦᠷᠠᠴᠠ ᠡᠬᠢᠯᠡᠨ ᠭᠤᠴᠢᠨ ᠡᠳᠦᠷᠤᠨ ᠳᠣᠲᠤᠷᠠ᠂ ᠮᠡᠳᠡᠭᠳᠡᠯᠢ ᠣᠯᠣᠭᠰᠠᠨ ᠦᠭᠡᠢ ᠪᠠᠢ᠌ᠪᠠᠯ ᠵᠠᠷᠯᠠᠨ ᠨᠡᠢ᠌ᠲᠡᠯᠡᠭᠰᠡᠨ ᠡᠳᠦᠷᠠᠴᠠ ᠡᠬᠢᠯᠡᠨ ᠳᠦᠴᠢᠨ ᠲᠠᠪᠤᠨ ᠡᠳᠦᠷᠤᠨ ᠳᠤᠲᠤᠷᠠ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠣᠬᠤ ᠳᠤᠭᠤᠢ᠌ᠯᠠᠩᠳᠤ ᠠᠪᠴᠠᠭᠠᠪᠠᠨ ᠮᠡᠳᠡᠭᠦᠯᠬᠦ ᠬᠡᠷᠡᠭᠲᠡᠢ᠃ ᠬᠡᠷᠪᠡ ᠲᠤᠭᠲᠠᠭ᠋ᠠᠭᠰᠠᠨ ᠬᠤᠭᠤᠴᠠᠭ᠋ᠠᠨᠤ ᠳᠤᠲᠤᠷᠠ ᠪᠦᠬᠦ ᠪᠦᠷᠢᠯᠳᠦᠭᠦᠨ᠂ ᠠᠪᠴᠠᠭ᠋ᠠᠲᠠᠨᠨᠢ ᠴᠦᠮ ᠮᠡᠳᠡᠭᠳᠡᠯᠢ ᠨᠢᠭᠡᠨᠲᠡ ᠣᠯᠣᠭᠰᠠᠨ ᠪᠠᠢ᠌ᠪᠠᠯ᠂ ᠢᠯᠭ᠋ᠠᠷᠠᠭᠤᠯᠤᠨ ᠪᠤᠳᠤᠬᠤ ᠳᠤᠭᠤᠢ᠌ᠯᠠᠩᠤᠨ ᠵᠠᠷᠯᠠᠨ ᠨᠡᠢ᠌ᠲᠡᠯᠡᠬᠦ ᠡᠭᠦᠷᠭᠡ ᠵᠢ ᠬᠡᠯᠲᠦᠷᠢᠭᠦᠯᠦᠨᠡ᠃
ᠠᠪᠴᠠᠭ᠋ᠠᠲᠠᠨ ᠠᠪᠴᠠᠭᠠᠪᠠᠨ ᠮᠡᠳᠡᠭᠦᠯᠬᠦᠳᠡᠭᠡᠨ ᠠᠪᠴᠠᠭᠠ ᠵᠢᠨ ᠬᠤᠯᠪᠤᠭᠳᠠᠯ ᠪᠦᠬᠦᠢ ᠵᠦᠢ᠍ᠯᠢ ᠲᠣᠳᠤᠷᠬᠠᠢ᠌ᠯᠠᠬᠤ ᠬᠡᠷᠡᠭᠲᠡᠢ ᠪᠦᠭᠡᠳ ᠭᠡᠷᠡᠴᠢ ᠮᠠᠲᠸᠷᠢᠶᠠᠯ ᠬᠠᠩᠭ᠋ᠠᠬᠤ ᠬᠡᠷᠡᠭᠲᠡᠢ᠃ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ ᠳᠤᠭᠤᠢ᠌ᠯᠠᠩᠨᠢ ᠠᠪᠴᠠᠭᠠ ᠵᠢ ᠳᠠᠩᠰᠠᠯᠠᠬᠤ ᠬᠡᠷᠡᠭᠲᠡᠢ᠃
ᠠᠪᠴᠠᠭᠠ ᠵᠢ ᠮᠡᠳᠡᠭᠦᠯᠬᠦ ᠬᠤᠭᠤᠴᠠᠭ᠋ᠠᠨᠳᠤ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ ᠳᠤᠭᠤᠢ᠌ᠯᠠᠩᠨᠢ ᠠᠪᠴᠠᠭ᠋ᠠᠲᠠᠨᠳᠤ ᠲᠦᠯᠦᠵᠦ ᠳᠠᠭᠤᠰᠬᠠᠵᠤ ᠪᠣᠯᠬᠣ ᠦᠭᠡᠢ᠃
ᠳᠦᠴᠢᠨ ᠳᠦᠷᠪᠡᠳᠦᠭᠡᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠢ ᠲᠤᠰ ᠬᠠᠤᠯᠢ ᠵᠢᠨ ᠳᠦᠴᠢᠨ ᠨᠢᠭᠡᠳᠦᠭᠡᠷ ᠵᠦᠢ᠍ᠯᠤᠨ ᠨᠢᠭᠡᠳᠦᠭᠡᠷ ᠪᠠᠳᠠᠭᠲᠤ ᠲᠣᠭᠲᠠᠭ᠋ᠠᠭᠰᠠᠨ ᠰᠢᠯᠲᠠᠭ᠋ᠠᠨᠠᠴᠠ ᠪᠣᠯᠵᠦ ᠲᠠᠷᠬᠠᠭ᠋ᠠᠭᠳᠠᠬᠤ᠂ ᠡᠰᠡᠭᠥᠯᠡ ᠠᠷᠠᠳᠤᠨ ᠰᠢᠭᠦᠬᠦ ᠬᠣᠷᠢᠶᠠ ᠲᠠᠮᠫᠤᠷᠠᠭᠤᠯᠬᠤ ᠭᠤᠶᠤᠴᠢᠯᠠᠯᠢ ᠬᠦᠯᠢᠶᠡᠨ ᠠᠪᠴᠦ ᠰᠢᠢ᠍ᠳᠪᠦᠷᠢᠯᠡᠵᠦ ᠪᠠᠢ᠌ᠭᠠ ᠦᠶᠡᠳᠤ ᠪᠦᠷᠢᠯᠳᠦᠭᠦᠨᠤ ᠬᠣᠷᠰᠢᠶᠠᠠᠴᠠ ᠭᠠᠷᠬᠤ ᠭᠠᠷ ᠭᠦᠢ᠍ᠴᠡᠳᠭᠡᠯᠢ ᠬᠢᠵᠦ ᠪᠣᠯᠬᠤ ᠦᠭᠡᠢ᠃
ᠳᠦᠴᠢᠨ ᠲᠠᠪᠤᠳᠤᠭ᠋ᠠᠷ ᠵᠦᠢ᠍ᠯ ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ ᠳᠤᠭᠤᠢ᠌ᠯᠠᠩᠨᠢ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠠᠵᠢᠯᠲᠠᠳᠤᠨ ᠴᠠᠯᠢᠩ ᠬᠢᠭᠡᠳ ᠨᠡᠢ᠌ᠭᠡᠮᠤᠨ ᠳᠠᠭ᠋ᠠᠳᠬᠠᠯᠤᠨ ᠵᠠᠷᠤᠳᠠᠯᠢ ᠲᠦᠯᠦᠬᠦ᠂ ᠥᠷᠢᠳᠦᠵᠦ ᠪᠠᠢ᠌ᠭᠠ ᠭᠠᠢ᠌ᠯᠢ ᠵᠢᠨ ᠮᠦᠩᠭᠦ ᠪᠠ ᠪᠤᠰᠤᠳ ᠡᠯᠡ ᠵᠦᠢ᠍ᠯᠤᠨ ᠥᠷᠢ ᠥᠭᠴᠡᠭᠡ ᠵᠢ ᠲᠦᠯᠦᠬᠦ᠂ ᠵᠢᠴᠢ ᠦᠯᠡᠳᠡᠪᠦᠷᠢ ᠡᠳ᠋ ᠬᠦᠷᠦᠩᠭᠡ ᠵᠢ ᠬᠤᠪᠢᠶᠠᠷᠢᠯᠠᠬᠤ ᠵᠢ ᠪᠠᠭᠲᠠᠭ᠋ᠠᠭᠰᠠᠨ ᠲᠦᠯᠦᠬᠦ ᠲᠦᠰᠦᠯᠢ ᠬᠠᠷᠢᠭᠤᠴᠠᠨ ᠲᠤᠭᠲᠠᠭ᠋ᠠᠵᠤ᠂ ᠪᠦᠷᠢᠯᠳᠦᠭᠦᠨᠤ ᠶᠡᠬᠡ ᠬᠤᠷᠠᠯ ᠵᠶ᠋ᠠᠷ ᠪᠠᠲᠤᠯᠠᠬᠤ ᠪᠤᠶᠤ ᠠᠷᠠᠳᠤᠨ ᠰᠢᠬᠦᠬᠦ ᠬᠣᠷᠢᠶᠠᠳᠤ ᠭᠤᠶᠤᠴᠢᠯᠠᠵᠤ ᠨᠣᠲᠠᠯᠠᠭᠤᠯᠤᠭᠰᠠᠨᠤ ᠳᠠᠷᠠᠭᠠ ᠬᠡᠷᠡᠭᠵᠢᠭᠦᠯᠦᠨᠡ᠃
ᠢᠯᠭ᠋ᠠᠷᠠᠭᠤᠯᠤᠨ ᠪᠣᠳᠤᠬᠤ ᠳᠤᠭᠤᠢ᠌ᠯᠠᠩ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠡᠳ᠋ ᠬᠦᠷᠦᠩᠭᠡᠨᠢ ᠥᠷᠢ ᠥᠭᠴᠡᠭᠡᠪᠠᠨ ᠲᠦᠯᠦᠵᠦ ᠳᠡᠢ᠌ᠯᠬᠦ ᠦᠭᠡᠢ ᠪᠠᠢ᠌ᠬᠤ ᠵᠢ ᠣᠯᠵᠣ ᠮᠡᠳᠡᠪᠡᠯ᠂ ᠬᠠᠤᠯᠢ ᠶᠣᠰᠣᠭ᠋ᠠᠷ ᠠᠷᠠᠳᠤᠨ ᠰᠢᠬᠦᠬᠦ ᠬᠣᠷᠢᠶᠠᠳᠤ ᠲᠠᠮᠫᠤᠷᠠᠭᠤᠯᠬᠤᠪᠠᠷ ᠭᠤᠶᠤᠴᠢᠯᠠᠬᠤ ᠬᠡᠷᠡᠭᠲᠡᠢ᠃
ᠳᠦᠴᠢᠨ ᠵᠢᠷᠭᠤᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠢ ᠲᠠᠷᠬᠠᠭ᠋ᠠᠬᠤ᠂ ᠲᠠᠮᠫᠤᠷᠠᠭᠤᠯᠬᠤᠪᠠᠷ ᠢᠯᠭ᠋ᠠᠷᠠᠭᠤᠯᠤᠨ ᠪᠤᠳᠤᠬᠤ ᠥᠶᠡᠳᠤ᠂ ᠤᠯᠤᠰᠤᠨ ᠡᠳ᠋ᠤᠨ ᠵᠠᠰᠠᠭᠤᠨ ᠰᠢᠭᠤᠳ ᠨᠥᠬᠦᠪᠦᠷᠢ ᠵᠢ ᠬᠦᠯᠢᠶᠡᠨ ᠠᠪᠤᠭ᠋ᠠᠳ ᠪᠦᠷᠢᠯᠳᠦᠭᠰᠡᠨ ᠡᠳ᠋ ᠬᠦᠷᠦᠩᠭᠡ ᠵᠢ ᠬᠤᠪᠢᠶᠠᠷᠢᠯᠠᠵᠤ ᠪᠣᠯᠬᠤ ᠦᠯᠡᠳᠡᠪᠦᠷᠢ ᠡᠳ᠋ ᠬᠦᠷᠦᠩᠭᠡ ᠪᠣᠯᠭ᠋ᠠᠨ ᠪᠦᠷᠢᠯᠳᠦᠭᠦᠨᠳᠤ ᠬᠤᠪᠢᠶᠠᠷᠢᠯᠠᠨ ᠦᠭᠴᠦ ᠪᠣᠯᠬᠣ ᠦᠭᠡᠢ᠂ ᠰᠢᠢ᠍ᠳᠪᠦᠷᠢᠯᠡᠬᠦ ᠠᠷᠭᠠ ᠵᠢ ᠲᠥᠷᠦ ᠵᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠠᠴᠠ ᠲᠣᠭᠲᠠᠭ᠋ᠠᠨᠠ᠃
ᠳᠦᠴᠢᠨ ᠳᠣᠯᠣᠳᠤᠭ᠋ᠠᠷ ᠵᠦᠢ᠍ᠯ ᠢᠯᠭ᠋ᠠᠷᠠᠭᠤᠯᠤᠨ ᠪᠤᠳᠤᠬᠤ ᠳᠤᠭᠤᠢ᠌ᠯᠠᠩᠤᠨ ᠪᠦᠷᠢᠯᠳᠦᠭᠦᠨᠨᠦᠭᠦᠳ ᠡᠭᠦᠷᠭᠡ ᠲᠤᠰᠢᠶᠠᠯᠳᠠᠭᠠᠨ ᠦᠨᠡᠨᠴᠢ ᠰᠢᠳᠤᠷᠭᠤ ᠪᠠᠢ᠌ᠵᠤ᠂ ᠢᠯᠭ᠋ᠠᠷᠠᠭᠤᠯᠤᠨ ᠪᠤᠳᠤᠬᠤ ᠡᠭᠦᠷᠭᠡᠪᠠᠨ ᠬᠠᠤᠯᠢ ᠶᠣᠰᠤᠭ᠋ᠠᠷ ᠭᠦᠢ᠍ᠴᠡᠳᠭᠡᠬᠦ ᠬᠡᠷᠡᠭᠲᠡᠢ᠂ ᠵᠣᠷᠢᠭᠤᠳᠠ ᠪᠤᠶᠤ ᠬᠦᠨᠳᠦ ᠶᠡᠬᠡ ᠠᠯᠳᠠᠰᠢᠠᠴᠠ ᠪᠣᠯᠵᠤ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠤ ᠪᠦᠷᠢᠯᠳᠦᠭᠦᠨ ᠪᠣᠯᠣᠨ ᠠᠪᠴᠠᠭ᠋ᠠᠲᠠᠨᠳᠤ ᠬᠣᠬᠢᠷᠠᠯ ᠤᠴᠠᠷᠠᠭᠤᠯᠤᠭᠰᠠᠨ ᠪᠠᠢ᠌ᠪᠠᠯ᠂ ᠲᠥᠯᠥᠬᠦ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠬᠦ ᠭᠡᠷᠡᠭᠲᠡᠢ᠃
ᠳᠦᠴᠢᠨ ᠨᠠᠢ᠍ᠮᠠᠳᠤᠭ᠋ᠠᠷ ᠵᠦᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢ ᠲᠠᠮᠫᠤᠷᠠᠭᠤᠯᠬᠤᠳᠤ ᠠᠵᠤ ᠠᠬᠤᠢ᠌ᠯᠠᠯᠤᠨ ᠲᠠᠮᠫᠤᠷᠠᠯᠤᠨ ᠬᠠᠤᠯᠢ ᠵᠢᠨ ᠬᠣᠯᠪᠤᠭᠳᠠᠯ ᠪᠦᠬᠦᠢ ᠲᠣᠭᠲᠠᠭ᠋ᠠᠯᠢ ᠬᠡᠷᠡᠭᠯᠡᠨᠡ᠃ ᠭᠡᠪᠡᠴᠦ ᠲᠠᠮᠫᠤᠷᠠᠭᠰᠠᠨ ᠡᠳ᠋ ᠬᠦᠷᠦᠩᠭᠡᠪᠠᠷ ᠲᠠᠮᠫᠤᠷᠠᠬᠤ ᠵᠠᠷᠤᠳᠠᠯ ᠪᠠ ᠨᠡᠢ᠌ᠲᠡ ᠵᠢᠨ ᠠᠰᠠᠷᠠᠮᠵᠢ ᠵᠢᠨ ᠥᠷᠢ ᠥᠭᠴᠡᠭᠡ ᠵᠢ ᠲᠥᠯᠦᠵᠦ ᠳᠠᠭᠤᠰᠬᠠᠭᠰᠠᠨᠤ ᠳᠠᠷᠠᠭᠠ᠂ ᠲᠠᠮᠫᠤᠷᠠᠬᠤᠠᠴᠠ ᠡᠮᠦᠨᠡ ᠲᠠᠷᠢᠶᠠᠴᠢᠨ ᠪᠦᠷᠢᠯᠳᠦᠭᠦᠨᠲᠠᠢᠪᠠᠨ ᠨᠢᠭᠡᠨᠲᠡ ᠠᠷᠠᠯᠵᠢᠶᠠ ᠬᠢᠭᠰᠡᠨ ᠪᠣᠯᠪᠠᠴᠦ ᠬᠠᠷᠠᠬᠠᠨ ᠲᠠᠰᠤᠯᠤᠨ ᠪᠣᠳᠤᠵᠤ ᠳᠠᠭᠤᠰᠬᠠᠭ᠋ᠠᠳᠤᠢ ᠵᠣᠭᠤᠰᠢ ᠡᠩ ᠲᠡᠷᠢᠭᠦᠨᠳᠤ ᠲᠦᠯᠦᠬᠦ ᠭᠡᠷᠡᠭᠲᠡᠢ᠃
ᠲᠤᠯᠤᠳᠤᠭ᠋ᠠᠷ ᠪᠥᠯᠦᠭ ᠲᠡᠳᠭᠦᠨ ᠳᠡᠮᠵᠢᠬᠦ ᠲᠥᠷᠦ ᠵᠢᠨ ᠪᠣᠳᠣᠯᠭᠠ
ᠳᠥᠴᠢ ᠶᠢᠰᠦᠳᠦᠭᠡᠷ ᠵᠥᠢ᠍ᠯ ᠣᠯᠣᠰᠠᠴᠠ ᠲᠠᠷᠢᠶᠠᠯᠠᠩ ᠪᠠ ᠬᠥᠳᠡᠭᠡ ᠲᠣᠰᠬᠣᠨᠤ ᠠᠵᠣ ᠠᠬᠣᠢ ᠵᠢ ᠬᠥᠭᠵᠢᠭᠦᠯᠬᠦ ᠪᠥᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠵᠦᠢ᠍ᠯᠡᠰᠢ ᠳᠡᠮᠵᠢᠵᠦ᠂ ᠨᠥᠬᠦᠴᠡᠯ ᠪᠥᠷᠢᠯᠳᠦᠭᠦᠯᠦᠭᠰᠡᠨ ᠬᠤᠯᠪᠤᠭᠳᠠᠯ ᠪᠥᠬᠦᠢ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠳᠤ ᠨᠠᠢ᠌ᠳᠠᠨ ᠳᠣᠬᠢᠷᠠᠭᠤᠯᠵᠤ ᠬᠡᠷᠡᠭᠵᠢᠭᠦᠯᠵᠦ ᠪᠣᠯᠣᠨᠠ᠃
ᠲᠠᠪᠢᠳᠣᠭ᠋ᠠᠷ ᠵᠥᠢ᠍ᠯ ᠲᠥᠪᠤᠨ ᠪᠠ ᠣᠷᠣᠨ ᠨᠣᠲᠣᠭᠤᠨ ᠡᠳ᠋ᠤᠨ ᠵᠠᠰᠠᠭᠨᠢ ᠲᠣᠰ ᠲᠣᠰ ᠪᠡᠯᠡ ᠮᠥᠩᠭᠦ ᠲᠣᠬᠢᠷᠠᠭᠤᠯᠵᠤ᠂ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠮᠡᠳᠡᠭᠡ ᠵᠠᠩᠬᠢ᠂ ᠪᠤᠯᠪᠠᠰᠤᠷᠠᠭᠤᠯᠤᠯ᠂ ᠲᠠᠷᠢᠶᠠᠯᠠᠩᠤᠨ ᠪᠥᠲᠦᠭᠡᠭᠳᠡᠭᠦᠨᠤ ᠶᠠᠰᠤ ᠴᠢᠨᠠᠷᠤᠨ ᠪᠠᠷᠢᠮᠵᠢᠶᠠ ᠬᠢᠭᠡᠳ ᠬᠡᠷᠡᠴᠢᠯᠡᠭᠡ᠂ ᠲᠠᠷᠢᠶᠠᠯᠠᠩᠤᠨ ᠦᠢ᠍ᠯᠡᠳᠪᠥᠷᠢᠯᠡᠯᠤᠨ ᠰᠠᠭᠤᠷᠢ ᠲᠥᠬᠦᠭᠡᠷᠦᠮᠵᠢ ᠵᠢᠨ ᠪᠥᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠ᠂ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠡᠵᠡᠩᠨᠡᠨ ᠪᠤᠷᠤᠯᠠᠭᠤᠯᠤᠯᠲᠠ ᠪᠠ ᠮᠡᠷᠭᠡᠵᠢᠯᠤᠨ ᠳᠡᠯᠭᠡᠷᠡᠭᠦᠯᠦᠯᠲᠡ ᠵᠡᠷᠭᠡ ᠦᠢ᠍ᠯᠡᠴᠢᠯᠡᠭᠡ ᠦᠷᠨᠢᠭᠦᠯᠬᠦ ᠵᠢ ᠳᠡᠮᠵᠢᠬᠦ ᠬᠡᠷᠡᠭᠲᠡᠢ᠃ ᠦᠨᠳᠦᠰᠦᠲᠡᠨᠤ ᠭᠠᠵᠠᠷ ᠣᠷᠣᠨ᠂ ᠵᠠᠬᠠ ᠬᠢᠵᠠᠭ᠋ᠠᠷ ᠤᠷᠤᠨ ᠪᠠ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠭᠠᠵᠠᠷ ᠤᠷᠤᠨᠤ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠ ᠪᠠ ᠣᠯᠣᠰ ᠬᠢᠭᠡᠳ ᠨᠡᠢ᠌ᠭᠡᠮᠤᠨ ᠪᠠᠴᠢᠮ ᠬᠡᠷᠡᠭᠴᠡᠭᠡᠲᠠᠢ ᠴᠢᠬᠤᠯᠠ ᠲᠠᠷᠢᠶᠠᠯᠠᠩᠤᠨ ᠪᠥᠲᠦᠭᠡᠭᠳᠡᠭᠦᠨᠢ ᠦᠢ᠍ᠯᠡᠳᠪᠥᠷᠢᠯᠡᠬᠦ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢ ᠡᠩ ᠲᠡᠷᠢᠭᠦᠨᠳᠤ ᠲᠡᠳᠭᠦᠨ ᠳᠡᠮᠵᠢᠬᠦ ᠬᠡᠷᠡᠭᠲᠡᠢ᠃
ᠲᠠᠪᠢᠨ ᠨᠢᠭᠡᠳᠦᠭᠡᠷ ᠵᠥᠢ᠍ᠯ ᠣᠯᠣᠰᠤᠨ ᠲᠥᠷᠦ ᠵᠢᠨ ᠪᠣᠳᠣᠯᠭᠠ ᠵᠢᠨ ᠴᠢᠨᠠᠷᠲᠠᠢ ᠮᠥᠩᠭᠦᠨ ᠭᠦᠢ᠍ᠯᠭᠡᠭᠡᠨᠤ ᠪᠠᠢ᠌ᠭᠤᠯᠤᠮᠵᠢᠨᠤᠭᠤᠳ ᠣᠯᠠᠨ ᠵᠥᠢ᠍ᠯᠤᠨ ᠬᠡᠯᠪᠡᠷᠢ ᠮᠠᠶᠢᠭ ᠵᠶ᠋ᠠᠷ ᠲᠠᠷᠢᠶᠠᠴᠢᠨᠤ ᠳᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠳᠤ ᠣᠯᠠᠨ ᠠᠷᠭᠠ ᠵᠠᠮ ᠪᠥᠬᠦᠢ ᠪᠠᠯᠡ ᠮᠥᠩᠭᠦ ᠵᠢᠨ ᠳᠡᠮᠵᠢᠯᠭᠡ ᠬᠠᠩᠭ᠋ᠠᠬᠤ ᠬᠡᠷᠡᠭᠲᠡᠢ᠃ ᠳᠡᠮᠵᠢᠬᠦ ᠪᠣᠳᠠᠲᠠᠢ ᠲᠥᠷᠦ ᠵᠢᠨ ᠪᠣᠳᠣᠯᠭᠠ ᠵᠢ ᠲᠥᠷᠦ ᠵᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠠᠴᠠ ᠳᠣᠭᠲᠠᠭ᠋ᠠᠨᠠ᠃
ᠣᠯᠣᠰᠠᠴᠠ ᠬᠣᠳᠠᠯᠳᠣᠭ᠋ᠠᠨᠤ ᠴᠢᠨᠠᠷᠲᠠᠢ ᠮᠥᠩᠭᠦᠨ ᠭᠦᠢ᠍ᠯᠭᠡᠭᠡᠨᠤ ᠪᠠᠢ᠌ᠭᠤᠯᠤᠮᠵᠢᠨᠤᠭᠤᠳᠤᠨ ᠣᠯᠠᠨ ᠵᠥᠢ᠍ᠯᠤᠨ ᠬᠡᠯᠪᠡᠷᠢ ᠮᠠᠶᠢᠭ ᠵᠶ᠋ᠠᠷ ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠳᠤ ᠮᠥᠩᠭᠦᠨ ᠭᠦᠢ᠍ᠯᠭᠡᠭᠡᠨᠤ ᠦᠢ᠍ᠯᠡᠴᠢᠯᠡᠭᠡ ᠬᠠᠩᠭ᠋ᠠᠬᠤ ᠵᠢ ᠵᠤᠷᠢᠭᠵᠢᠭᠤᠯᠤᠨᠠ᠃
ᠲᠠᠪᠢᠨ ᠬᠤᠶᠠᠳᠤᠭ᠋ᠠᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠢ ᠣᠯᠣᠰᠠᠴᠠ ᠲᠣᠭᠳᠠᠭ᠋ᠠᠭᠰᠠᠨ ᠲᠠᠷᠢᠶᠠᠯᠠᠩᠤᠨ ᠦᠢ᠍ᠯᠡᠳᠪᠥᠷᠢᠯᠡᠯ᠂ ᠪᠣᠯᠪᠠᠰᠣᠷᠠᠭᠣᠯᠣᠯᠲᠠ᠂ ᠭᠦᠢ᠍ᠯᠭᠡᠭᠡ᠂ ᠦᠢ᠍ᠯᠡᠴᠢᠯᠡᠭᠡ ᠪᠠ ᠲᠠᠷᠢᠶᠠᠯᠠᠩᠳᠤ
ᠬᠣᠯᠪᠣᠭᠳᠠᠬᠣ ᠪᠣᠰᠣᠳ ᠠᠵᠣ ᠠᠬᠣᠢ ᠵᠢᠨ ᠠᠵᠢᠯᠲᠠᠢ ᠵᠣᠬᠢᠴᠠᠯᠳᠣᠭᠰᠠᠨ ᠭᠠᠢ᠌ᠯᠢ ᠳᠠᠲᠠᠪᠤᠷᠢ ᠵᠢᠨ ᠬᠠᠷᠠᠭ᠋ᠠᠯᠵᠠᠯᠢ ᠬᠦᠷᠲᠡᠨᠡ᠃
ᠲᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠤ ᠬᠥᠭᠵᠢᠯᠲᠡ ᠵᠢ ᠳᠡᠮᠵᠢᠬᠦ ᠪᠤᠰᠤᠳ ᠭᠠᠢ᠌ᠯᠢ ᠳᠠᠲᠠᠪᠤᠷᠢ ᠵᠢᠨ ᠬᠠᠷᠠᠭ᠋ᠠᠯᠵᠠᠯᠳᠦ ᠲᠥᠷᠦ ᠵᠢᠨ ᠪᠣᠳᠣᠯᠭᠠ ᠵᠢ ᠲᠥᠷᠦ ᠵᠢᠨ ᠶᠠᠪᠤᠳᠠᠯᠠᠴᠠ ᠳᠤᠭᠲᠠᠭ᠋ᠠᠨᠠ᠃
ᠨᠠᠢ᠍ᠮᠠᠳᠤᠭ᠋ᠠᠷ ᠪᠥᠯᠦᠭ ᠬᠠᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭᠠ
ᠲᠠᠪᠢᠨ ᠭᠣᠷᠪᠠᠳᠣᠭ᠋ᠠᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢᠴᠢ ᠲᠡᠭᠦᠨᠤ ᠪᠥᠷᠢᠯᠳᠦᠭᠦᠨᠤ ᠬᠠᠤᠯᠢ ᠶᠤᠰᠤᠨ ᠵᠢᠨ ᠡᠳ᠋ ᠬᠥᠷᠦᠩᠭᠡ ᠵᠢ ᠡᠵᠡᠯᠡᠨ ᠠᠪᠬᠤ᠂ ᠨᠡᠭᠦᠯᠭᠡᠨ ᠬᠡᠷᠡᠭᠯᠡᠬᠦ᠂ ᠳᠣᠮᠳᠠᠠᠴᠠᠨᠢ ᠦᠯᠡᠳᠡᠭᠡᠬᠦ᠂ ᠳᠠᠯᠳᠠᠭᠤᠷ ᠬᠣᠪᠢᠶᠠᠯᠴᠠᠬᠤ ᠪᠤᠶᠤ ᠪᠤᠰᠤᠳ ᠬᠡᠯᠪᠡᠷᠢᠪᠠᠷ ᠲᠡᠭᠦᠨᠳᠤ ᠬᠠᠯᠳᠠᠵᠤ᠂ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢᠴᠢ ᠲᠡᠭᠦᠨᠤ ᠪᠥᠷᠢᠯᠳᠦᠭᠦᠨᠤ ᠦᠢ᠍ᠯᠡᠳᠪᠥᠷᠢᠯᠡᠯ ᠡᠵᠡᠩᠨᠡᠯᠲᠡ ᠵᠢᠨ ᠠᠵᠢᠯᠯᠠᠭᠠᠳᠤ ᠬᠠᠤᠯᠢ ᠪᠤᠰᠤᠪᠠᠷ ᠭᠠᠷ ᠳᠦᠷᠦᠨ᠂ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢᠴᠢ ᠲᠡᠭᠦᠨᠤ ᠪᠥᠷᠢᠯᠳᠦᠭᠦᠨᠳᠤ ᠲᠡᠰᠭᠡᠨ ᠨᠤᠭᠳᠠᠭᠤᠯᠵᠤ᠂ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠ ᠵᠢᠴᠢ ᠲᠡᠭᠦᠨᠤ ᠪᠥᠷᠢᠯᠳᠦᠭᠦᠨᠢ ᠲᠥᠯᠦᠪᠥᠷᠢᠳᠦ ᠦᠢ᠍ᠯᠡᠴᠢᠯᠡᠭᠡ ᠬᠦᠯᠢᠶᠡᠨ ᠠᠪᠤᠭᠤᠯᠬᠤᠪᠠᠷ ᠠᠯᠪᠠᠳᠠᠵᠣ᠂ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠳᠤ ᠠᠵᠤ ᠠᠬᠤᠢ ᠵᠢᠨ ᠬᠣᠬᠢᠷᠠᠯ ᠤᠴᠠᠷᠠᠭᠤᠯᠤᠭᠰᠠᠨ ᠪᠠᠢ᠌ᠪᠠᠯ᠂ ᠬᠠᠤᠯᠢ ᠶᠣᠰᠤᠭ᠋ᠠᠷ ᠬᠠᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭᠠ ᠨᠡᠬᠡᠮᠵᠢᠯᠡᠨᠡ᠃
ᠲᠠᠪᠢᠨ ᠳᠦᠷᠪᠡᠳᠦᠭᠡᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠣᠷᠰᠢᠶᠠᠨᠢ ᠳᠠᠩᠰᠠᠯᠠᠬᠤ ᠪᠠᠢ᠌ᠭᠤᠯᠭᠠᠳᠤ ᠬᠣᠳᠠᠯ ᠬᠠᠭᠤᠷᠮᠠᠭ ᠳᠠᠩᠰᠠᠯᠠᠯᠲᠠ ᠵᠢᠨ ᠮᠠᠲᠸᠷᠢᠶᠠᠯ ᠬᠠᠩᠭ᠋ᠠᠭᠰᠠᠨ ᠪᠤᠶᠤ ᠪᠤᠰᠤᠳ ᠮᠡᠬᠡᠯᠡᠯᠤᠨ ᠠᠷᠭᠠᠪᠠᠷ ᠳᠠᠩᠰᠠᠯᠠᠭᠤᠯᠤᠭᠰᠠᠨ ᠪᠠᠢ᠌ᠪᠠᠯ᠂ ᠳᠠᠩᠰᠠᠯᠠᠬᠤ ᠪᠠᠢ᠌ᠭᠤᠯᠭᠠᠠᠴᠠ ᠵᠠᠷᠯᠢᠭᠳᠠᠨ ᠵᠠᠯᠠᠷᠠᠭᠤᠯᠤᠨᠠ᠃ ᠦᠢ᠍ᠯᠡ ᠪᠠᠢ᠌ᠳᠠᠯᠨᠢ ᠬᠦᠨᠳᠦ ᠨᠤᠴᠢᠲᠠᠢ ᠪᠠᠢ᠌ᠪᠠᠯ᠂ ᠳᠠᠩᠰᠠᠯᠠᠯᠲᠠ ᠵᠢᠨᠢ ᠬᠦᠴᠦᠨ ᠦᠭᠡᠢ ᠪᠤᠯᠭ᠋ᠠᠨᠠ᠃
ᠲᠠᠪᠢᠨ ᠲᠠᠪᠤᠳᠤᠭ᠋ᠠᠷ ᠵᠥᠢ᠍ᠯ ᠲᠠᠷᠢᠶᠠᠴᠢᠨᠤ ᠲᠣᠰᠬᠠᠢ ᠠᠵᠢᠯᠤᠨ ᠬᠤᠷᠰᠢᠶᠠᠨᠢ ᠬᠠᠤᠯᠢ ᠶᠤᠰᠤᠭ᠋ᠠᠷ ᠬᠤᠯᠪᠤᠭᠳᠠᠯ ᠪᠥᠬᠦᠢ ᠡᠷᠬᠢᠯᠡᠨ ᠬᠠᠮᠢᠶᠠᠷᠬᠣ ᠰᠠᠯᠠᠭᠠ ᠮᠦᠴᠢᠷᠲᠤ ᠬᠠᠩᠭ᠋ᠠᠭᠰᠠᠨ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠮᠡᠳᠡᠭᠦᠯᠦᠯᠲᠡ ᠵᠡᠷᠭᠡ ᠮᠠᠲᠸᠷᠢᠶᠠᠯᠳᠠᠭᠠᠨ ᠬᠣᠳᠠᠯ ᠬᠠᠭᠣᠷᠮᠠᠭ ᠲᠡᠮᠳᠡᠭᠯᠡᠯ ᠬᠢᠭᠰᠡᠨ ᠪᠣᠶᠣ ᠴᠢᠬᠤᠯᠠ ᠪᠤᠳᠠᠳᠤ ᠬᠡᠷᠡᠭᠢ ᠨᠢᠭᠤᠵᠤ ᠳᠠᠯᠳᠠᠯᠠᠭᠰᠠᠨ ᠪᠠᠢ᠌ᠪᠠᠯ᠂ ᠬᠠᠤᠯᠢ ᠶᠣᠰᠣᠭ᠋ᠠᠷ ᠬᠠᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭᠠ ᠨᠡᠬᠡᠮᠵᠢᠯᠡᠨᠡ᠃
ᠶᠢᠰᠦᠳᠦᠭᠡᠷ ᠪᠥᠯᠦᠭ ᠳᠠᠭ᠋ᠠᠯᠳᠣᠭᠤᠯᠤᠭᠰᠠᠨ ᠳᠥᠷᠢᠮ
ᠲᠠᠪᠢᠨ ᠵᠢᠷᠭᠣᠳᠣᠭ᠋ᠠᠷ ᠵᠥᠢ᠍ᠯ ᠲᠣᠰ ᠬᠠᠤᠯᠢ ᠵᠢ 2007 ᠣᠨᠤ 7 ᠰᠠᠷᠠ ᠵᠢᠨ 1ᠤ ᠡᠳᠦᠷᠠᠴᠠ ᠡᠬᠢᠯᠡᠵᠦ ᠬᠡᠷᠡᠭᠵᠢᠭᠦᠯᠦᠨᠡ᠃