ᠴᠤᠷᠪᠠᠭ᠎ᠠ ᠵᠢᠨ ᠨᠢᠭᠲᠠᠴᠠ᠃ ᠲᠡᠵᠢᠭᠡᠨ ᠠᠷᠠᠴᠢᠯᠠᠬᠤ ᠨᠢᠭᠲᠠᠴᠠ ᠵᠢᠨ ᠲᠤᠬᠢᠷᠠᠮᠵᠢᠲᠠᠢ ᠡᠰᠡᠬᠦ᠎ᠨᠢ ᠴᠤᠷᠪᠠᠭ᠎ᠠ ᠵᠢᠨ ᠦᠰᠦᠯᠲᠡ ᠪᠠ ᠪᠠᠢ᠌ᠷᠢᠨ᠎ᠤ ᠠᠰᠢᠭᠯᠠᠯᠲᠠ ᠵᠢ ᠶᠡᠬᠡ ᠨᠦᠯᠦᠭᠡᠯᠡᠳᠡᠭ᠃ ᠲᠡᠷᠡ ᠮᠦᠷᠲᠡᠭᠡᠨ ᠴᠤᠷᠪᠠᠭ᠎ᠠ᠎ᠨᠤᠭᠤᠳ ᠬᠡᠳᠦ ᠰᠢᠬᠠᠯᠴᠠᠪᠠᠯ ᠠᠭ᠋ᠠᠷ᠎ᠤᠨ ᠪᠤᠬᠢᠷᠲᠤᠯ ᠡᠭᠦᠰᠴᠦ ᠴᠤᠷᠪᠠᠭ᠎ᠠ ᠵᠢᠨ ᠦᠰᠦᠯᠲᠡ ᠪᠤᠢ᠌ᠵᠢᠯᠲᠠ᠎ᠳᠤ ᠠᠰᠢᠭ ᠦᠭᠡᠢ ᠪᠠᠢ᠌ᠳᠠᠭ᠂ ᠢᠳᠡᠰᠢ ᠪᠤᠯᠢᠶᠠᠯᠴᠠᠬᠤ᠎ᠠᠴᠠ ᠪᠣᠯᠵᠣ ᠦᠰᠦᠯᠲᠡ᠎ᠨᠢ ᠲᠡᠩᠴᠡᠭᠦᠷᠢ᠎ᠪᠠᠨ ᠠᠯᠳᠠᠬᠤ ᠪᠦᠭᠡᠳ ᠬᠠᠷᠢᠯᠴᠠᠨ ᠲᠤᠶᠢᠵᠤ ᠲᠤᠭᠰᠢᠬᠤ ᠭᠡᠮ᠎ᠲᠠᠢ ᠪᠣᠯᠳᠠᠭ᠃ ᠬᠡᠲᠦᠷᠬᠡᠢ ᠰᠡᠢ᠌ᠷᠡᠭ ᠪᠣᠯ ᠴᠤᠷᠪᠠᠭ᠋ᠠᠨ᠎ᠤ ᠪᠠᠢ᠌ᠷᠢ ᠵᠢ ᠠᠰᠢᠭᠯᠠᠬᠤ ᠨᠤᠷᠮ᠎ᠠ ᠪᠣᠯᠵᠣ᠂ ᠦᠪᠡᠷ᠎ᠤᠨ ᠦᠷᠲᠡᠭ᠎ᠨᠢ ᠶᠡᠬᠡ ᠪᠣᠯᠳᠠᠭ᠃ ᠴᠤᠷᠪᠠᠭ᠋ᠠᠨ᠎ᠤ ᠨᠢᠭᠲᠠᠴᠠ ᠵᠢᠨ ᠬᠡᠮᠵᠢᠶ᠎ᠡ ᠵᠢ ᠶᠡᠷᠦ᠎ᠳᠡᠭᠡᠨ ᠴᠤᠷᠪᠠᠭ᠎ᠠ ᠵᠢᠨ ᠬᠤᠨᠤᠭ᠎ᠤᠨ ᠨᠠᠰᠤᠨ᠎ᠤ ᠶᠡᠬᠡ ᠪᠠᠭ᠎ᠠ᠂ ᠡᠭᠦᠯᠳᠡᠷ᠂ ᠤᠯᠠᠷᠢᠯ ᠪᠠ ᠰᠠᠯᠬᠢ ᠵᠢᠪᠠᠷ ᠨᠠᠪᠲᠠᠷᠠᠬᠦ ᠨᠦᠭᠦᠴᠡᠯ ᠵᠡᠷᠭᠡ ᠵᠢ ᠦᠨᠳᠦᠰᠦᠯᠡᠨ ᠲᠤᠭᠲᠠᠭ᠋ᠠᠳᠠᠭ᠃ ᠡᠭᠦᠨ᠎ᠳᠤ 1～2 ᠭᠠᠷᠠᠭ ᠨᠠᠰᠤᠨ᠎ᠤ ᠴᠤᠷᠪᠠᠭ᠎ᠠ ᠵᠢᠨ ᠨᠢᠭᠲᠠᠴᠠ ᠵᠢᠨ ᠬᠡᠮᠵᠢᠶ᠎ᠡ᠎ᠨᠢ ᠰᠢᠩᠭᠡᠯᠢᠭ᠎ᠲᠤ ᠲᠡᠵᠢᠭᠡᠪᠡᠯ 60 ᠴᠤᠷᠪᠠᠭ᠎ᠠ / 1 ᠺᠦᠸᠠᠳ᠋ ᠮᠧᠲᠷ᠂ 3～4 ᠭᠠᠷᠠᠭ ᠨᠠᠰᠤᠨ᠎ᠤ ᠴᠤᠷᠪᠠᠭ᠎ᠠ ᠵᠢᠨ ᠨᠢᠭᠲᠠᠴᠠ ᠵᠢᠨ ᠬᠡᠮᠵᠢᠶ᠎ᠡ᠎ᠨᠢ ᠰᠢᠩᠭᠡᠯᠢᠭ᠎ᠲᠤ ᠲᠡᠵᠢᠭᠡᠪᠡᠯ 40 ᠴᠤᠷᠪᠠᠭ᠎ᠠ / 1 ᠺᠦᠸᠠᠳ᠋ ᠮᠧᠲᠷ᠂ 5～6 ᠭᠠᠷᠠᠭ ᠨᠠᠰᠤᠨ᠎ᠤ ᠴᠤᠷᠪᠠᠭ᠎ᠠ ᠵᠢᠨ ᠨᠢᠭᠲᠠᠴᠠ ᠵᠢᠨ ᠬᠡᠮᠵᠢᠶ᠎ᠡ᠎ᠨᠢ ᠰᠢᠩᠭᠡᠯᠢᠭ᠎ᠲᠤ ᠲᠡᠵᠢᠭᠡᠪᠡᠯ 30 ᠴᠤᠷᠪᠠᠭ᠎ᠠ / 1 ᠺᠦᠸᠠᠳ᠋ ᠮᠧᠲᠷ ᠪᠣᠯᠣᠨ᠎ᠠ᠃

     （ᠢᠷᠡᠯᠲᠡ᠄ ᠵᠢᠷᠭ᠋ᠠᠯ ᠡᠷᠬᠢᠯᠡᠨ ᠨᠠᠢ᠌ᠷᠠᠭᠤᠯᠤᠭᠰᠠᠨ 《ᠭᠠᠬᠠᠢ ᠲᠠᠬᠢᠶ᠎ᠠ ᠨᠤᠭᠤᠰᠤ ᠲᠡᠵᠢᠭᠡᠵᠦ ᠪᠤᠷᠳᠤᠬᠤ ᠮᠡᠷᠭᠡᠵᠢᠯ》 ᠭᠡᠬᠦ ᠨᠣᠮ᠎ᠠᠴᠠ ᠰᠤᠩᠭᠤᠨ ᠰᠡᠢ᠌ᠷᠡᠭᠦᠯᠪᠠ᠃）