ᠢᠮᠠᠭ᠋ᠠᠨ ᠰᠦᠷᠦᠭᠤᠨ ᠳᠦᠷᠪᠡᠨ ᠤᠯᠠᠷᠢᠯᠤᠨ ᠬᠠᠷᠢᠭᠤᠯᠭᠠ ᠮᠠᠯᠯᠠᠭᠠ
1. ᠬᠠᠪᠤᠷᠤᠨ ᠤᠯᠠᠷᠢᠯᠤᠨ ᠬᠠᠷᠢᠭᠤᠯᠭᠠ᠄ ᠬᠠᠪᠤᠷᠤᠨ ᠤᠯᠠᠷᠢᠯᠳᠤ ᠡᠪᠡᠰᠦ ᠤᠷᠭᠤᠮᠠᠯ ᠬᠠᠬᠢᠷ ᠬᠤᠪᠠᠬᠠᠢ᠂ ᠠᠭᠤᠷ ᠠᠮᠢᠰᠬᠤᠯᠤᠨ ᠬᠤᠪᠢᠷᠠᠯᠲᠠ ᠶᠡᠬᠡ᠂ ᠭᠠᠮᠰᠢᠭ ᠵᠤᠳ ᠤᠯᠠᠨ᠂ ᠢᠮᠠᠭ᠋ᠠᠨ ᠰᠦᠷᠦᠭᠤᠨ ᠲᠠᠮᠢᠷ ᠬᠦᠴᠦ ᠨᠡᠢ᠌ᠳᠡᠮ ᠰᠤᠯᠠ ᠳᠤᠷᠤᠢ ᠪᠠᠢ᠌ᠳᠠᠭ ᠪᠤᠯᠬᠤᠷ ᠡᠨᠡ ᠦᠶᠡᠳᠤ ᠠᠷᠠᠴᠢᠯᠠᠭᠠ ᠮᠠᠯᠯᠠᠭᠠᠪᠠᠨ ᠴᠢᠩᠭ᠋ᠠᠳᠬᠠᠵᠤ᠂ ᠡᠪᠡᠰᠦ ᠪᠤᠷᠳᠤᠭᠠᠪᠠᠷ ᠨᠦᠬᠦᠪᠦᠷᠢᠯᠡᠨ ᠲᠡᠵᠢᠭᠡᠬᠦ ᠬᠡᠷᠡᠭᠲᠡᠢ᠃ ᠢᠯᠠᠩᠭᠤᠶᠠ ᠭᠠᠵᠠᠷ ᠭᠡᠰᠴᠦ ᠰᠢᠨᠡ ᠨᠤᠭᠤᠭᠠ ᠪᠤᠯᠲᠠᠢ᠌ᠵᠤ ᠭᠠᠷᠬᠤ ᠦᠶᠡᠳᠤ ᠢᠮᠠᠭ᠋ᠠᠳ ᠰᠢᠨᠡ ᠨᠤᠭᠤᠭᠠ ᠵᠢ ᠡᠷᠢᠨ ᠵᠦᠭ ᠴᠢᠭ ᠦᠭᠡᠢ ᠭᠦᠶᠦᠯᠳᠦᠵᠦ᠂ ᠰᠢᠨᠡ ᠨᠤᠭᠤᠭᠠ ᠵᠢ ᠤᠯᠵᠤ ᠢᠳᠡᠬᠦ ᠦᠭᠡᠢ ᠮᠦᠷᠲᠡᠬᠡᠨ ᠬᠠᠷᠢᠨ ᠬᠦᠴᠦ ᠲᠠᠮᠢᠷ ᠵᠶ᠋ᠠᠨ ᠪᠠᠷᠠᠵᠤ ᠡᠴᠡᠵᠦ ᠮᠠᠭᠤᠳᠠᠬᠤ ᠦᠵᠡᠭᠳᠡᠯ ᠭᠠᠷᠳᠠᠭ᠃ ᠡᠢ᠌ᠮᠦᠠᠴᠠ ᠬᠠᠪᠤᠷᠤᠨ ᠤᠯᠠᠷᠢᠯᠳᠤ ᠢᠮᠠᠭᠠ ᠬᠠᠷᠢᠭᠤᠯᠬᠤᠳᠤ ᠨᠢᠭᠡᠳᠤ ᠶᠠᠪᠤᠬᠤ ᠵᠢᠨᠢ ᠬᠤᠷᠢᠭᠯᠠᠵᠤ ᠲᠦᠪᠯᠡᠷᠡᠩᠭᠦᠢ ᠰᠢᠭ ᠬᠠᠷᠢᠭᠤᠯᠪᠠᠯ ᠵᠤᠬᠢᠨᠠ᠃ ᠬᠤᠶᠠᠷᠲᠤ ᠠᠭᠤᠯᠠᠷᠬᠠᠭ ᠭᠠᠵᠠᠷᠤᠨᠬᠢᠨ ᠤᠷᠢᠳ ᠵᠶ᠋ᠠᠷ ᠠᠭᠤᠯᠠᠨ ᠠᠷᠤ ᠵᠢᠨ ᠪᠡᠯᠴᠢᠭᠡᠷᠲᠤ ᠬᠠᠷᠢᠭᠤᠯᠵᠤ ᠰᠡᠭᠦᠯᠡᠷᠨᠢ ᠠᠭᠤᠯᠠᠨ ᠡᠩᠭᠡᠷᠤᠨ ᠪᠡᠯᠴᠢᠭᠡᠷᠲᠤ ᠬᠠᠷᠢᠭᠤᠯᠬᠤ᠂ ᠲᠡᠯᠠ ᠭᠠᠵᠠᠷᠤᠨᠬᠢᠨ ᠤᠷᠢᠳ ᠵᠶ᠋ᠠᠷ ᠬᠤᠪᠠᠬᠠᠢ ᠡᠪᠡᠰᠦ ᠡᠯᠪᠡᠭ ᠪᠡᠯᠴᠢᠭᠡᠷᠲᠤ ᠬᠠᠷᠢᠭᠤᠯᠵᠤ ᠰᠡᠭᠦᠯᠡᠷᠨᠢ ᠰᠢᠨᠡ ᠨᠤᠭᠤᠭᠠ ᠤᠷᠭᠤᠭᠰᠠᠨ ᠪᠡᠯᠴᠢᠭᠡᠷᠲᠤ ᠬᠠᠷᠢᠭᠤᠯᠬᠤ ᠵᠠᠷᠴᠢᠮ ᠵᠶ᠋ᠠᠷ ᠢᠮᠠᠭᠠᠪᠠᠨ ᠠᠭ᠋ᠠᠵᠢᠮ ᠪᠦᠭᠡᠳ ᠲᠤᠭᠲᠠᠭᠤᠨ ᠵᠶ᠋ᠠᠷ ᠬᠠᠷᠢᠭᠤᠯᠪᠠᠯ ᠵᠤᠬᠢᠨᠠ᠃ ᠭᠤᠷᠪᠠᠳᠤ ᠬᠠᠪᠤᠷᠤᠨ ᠤᠯᠠᠷᠢᠯᠳᠤ ᠢᠮᠠᠭᠠᠪᠠᠨ ᠪᠡᠯᠴᠢᠭᠡᠬᠦᠠᠴᠠ ᠡᠮᠦᠨᠡ ᠪᠠᠭᠠ ᠰᠠᠭᠠ ᠬᠠᠭᠤᠷᠠᠢ ᠡᠪᠡᠰᠦ ᠬᠠᠶᠠᠨ ᠦᠭᠴᠦ ᠢᠳᠡᠭᠦᠯᠦᠭᠰᠡᠨᠤ ᠳᠠᠷᠠᠭᠠ ᠰᠠᠯᠬᠢ ᠡᠰᠡᠷᠭᠦ ᠵᠦᠭ ᠪᠡᠯᠴᠢᠭᠡᠭᠡᠳ ᠤᠷᠤᠢᠳᠠᠭᠠᠨ ᠰᠠᠯᠬᠢ ᠳᠠᠭ᠋ᠠᠭᠤᠯᠤᠨ ᠬᠤᠷᠢᠶᠠᠵᠤ ᠠᠪᠴᠢᠷᠠᠪᠠᠯ ᠰᠠᠢ᠌ᠨ ᠪᠠᠢ᠌ᠳᠠᠭ᠃
2. ᠵᠤᠨᠤ ᠤᠯᠠᠷᠢᠯᠤᠨ ᠬᠠᠷᠢᠭᠤᠯᠭᠠ᠄ ᠵᠤᠨᠤ ᠤᠯᠠᠷᠢᠯᠤᠨ ᠡᠳᠦᠷ ᠤᠷᠲᠤ᠂ ᠠᠭᠤᠷ ᠠᠮᠢᠰᠬᠤᠯ ᠤᠷᠢ ᠳᠤᠯᠠᠭ᠋ᠠᠨ᠂ ᠬᠤᠷᠠ ᠪᠤᠷᠤᠭ᠋ᠠᠨ ᠠᠷᠪᠢᠨ᠂ ᠡᠪᠡᠰᠦ ᠤᠷᠭᠤᠮᠠᠯ ᠤᠰᠤᠯᠢᠭ ᠨᠤᠭᠤᠭ᠋ᠠᠨ ᠲᠤᠯᠠ ᠢᠮᠠᠭ᠋ᠠᠨᠳᠤ ᠲᠠᠷᠭᠤ ᠠᠪᠤᠭᠤᠯᠬᠤᠨᠢ ᠡᠨᠡ ᠦᠶᠡ ᠵᠢᠨ ᠭᠤᠤᠯ ᠠᠵᠢᠯ ᠪᠤᠯᠤᠨᠠ᠃ ᠡᠨᠡ ᠦᠶᠡᠳᠤ ᠢᠮᠠᠭᠠᠪᠠᠨ ᠨᠤᠤᠰᠤᠯᠠᠬᠤ᠂ ᠡᠮᠲᠦ ᠤᠰᠤᠪᠠᠷ ᠤᠭᠢᠶᠠᠬᠤ᠂ ᠡᠮ ᠴᠢᠳᠬᠤᠬᠤ ᠵᠡᠷᠭᠡ ᠠᠵᠢᠯᠢ ᠲᠤᠬᠢᠷᠠᠮᠵᠢᠲᠠᠢ ᠴᠠᠭᠲᠤᠨᠢ ᠭᠦᠢ᠍ᠴᠡᠳᠬᠡᠵᠦ᠂ ᠳᠤᠲᠤᠷᠠ ᠭᠠᠳᠠᠷ ᠬᠤᠷᠤᠬᠠᠢ ᠵᠢᠨᠢ ᠬᠦᠭᠡᠭᠡᠵᠦ ᠠᠷᠢᠯᠭ᠋ᠠᠨ ᠲᠤᠰᠤᠨ ᠲᠠᠷᠭᠤ ᠭᠦᠢ᠍ᠴᠡᠳ ᠠᠪᠬᠤᠳᠤ ᠨᠦᠭᠦᠴᠡᠯ ᠪᠦᠷᠢᠯᠳᠦᠭᠦᠯᠵᠦ ᠦᠭᠪᠡᠯ ᠵᠤᠬᠢᠨᠡ᠃
ᠵᠤᠨᠤ ᠤᠯᠠᠷᠢᠯᠳᠤ ᠢᠮᠠᠭᠠ ᠵᠢ ᠦᠨᠳᠦᠷᠯᠢᠭ ᠰᠡᠷᠢᠭᠦᠨ᠂ ᠢᠯᠠᠭᠠ ᠪᠠᠲᠠᠭ᠋ᠠᠨᠠ ᠪᠠᠭᠠ ᠪᠡᠯᠴᠢᠭᠡᠷᠲᠤ ᠡᠷᠲᠡ ᠪᠡᠯᠴᠢᠭᠡᠨ ᠤᠷᠤᠢ ᠬᠤᠲᠠᠯᠠᠬᠤ ᠠᠷᠭᠠᠪᠠᠷ ᠬᠠᠷᠢᠭᠤᠯᠵᠤ᠂ ᠦᠳᠡ ᠵᠢᠨ ᠭᠤᠤᠯᠳᠤ ᠰᠡᠭᠦᠳᠡᠷᠲᠠᠢ ᠭᠠᠵᠠᠷ ᠪᠤᠶᠤ ᠦᠨᠳᠦᠷᠯᠢᠭ ᠰᠡᠷᠢᠭᠦᠨ ᠭᠠᠵᠠᠷᠲᠤ ᠬᠡᠪᠲᠡᠭᠦᠯᠵᠦ ᠠᠮᠠᠷᠠᠭᠤᠯᠪᠠᠯ ᠰᠠᠢ᠌ᠨ ᠪᠠᠢ᠌ᠳᠠᠭ᠃ ᠬᠠᠯᠠᠭᠤᠨ ᠡᠳᠦᠷ ᠦᠳᠡ ᠵᠢᠨ ᠡᠮᠦᠨᠡ ᠨᠠᠷᠠᠯᠢᠭ ᠪᠡᠯᠴᠢᠭᠡᠷᠲᠤ ᠰᠠᠯᠬᠢ ᠳᠠᠭ᠋ᠠᠭᠤᠯᠤᠨ ᠢᠳᠡᠷᠰᠢᠭᠦᠯᠵᠦ᠂ ᠦᠳᠡ ᠵᠢᠨ ᠬᠤᠢ᠌ᠨᠠ ᠰᠡᠭᠦᠳᠡᠷᠯᠢᠭ ᠪᠤᠶᠤ ᠰᠠᠯᠬᠢᠲᠠᠢ ᠪᠡᠯᠴᠢᠭᠡᠷᠲᠤ ᠰᠠᠯᠬᠢ ᠰᠦᠷᠦᠭᠦᠯᠦᠨ ᠬᠠᠷᠢᠭᠤᠯᠪᠠᠯ ᠪᠦᠭᠡᠮᠨᠡᠷᠡᠵᠦ ᠵᠤᠭᠰᠤᠬᠤ ᠵᠢ ᠰᠡᠷᠭᠡᠢ᠌ᠯᠡᠵᠦ ᠴᠢᠳᠠᠨᠠ᠃ ᠡᠭᠦᠨᠠᠴᠠ ᠭᠠᠳᠠᠨᠠ ᠢᠮᠠᠭᠠ ᠵᠢ ᠡᠳᠦᠷᠲᠤ 1～2 ᠤᠳᠠᠭᠠ ᠬᠤᠳᠳᠤᠭᠤᠨ ᠤᠰᠤ ᠪᠤᠶᠤ ᠤᠷᠤᠰᠤᠮᠠᠯ ᠪᠤᠯᠠᠭᠤᠨ ᠤᠰᠤᠪᠠᠷ ᠤᠰᠤᠯᠠᠬᠤ ᠵᠢ ᠴᠢᠩᠭᠠ ᠪᠠᠷᠢᠮᠲᠠᠯᠠᠵᠤ᠂ ᠲᠤᠭᠲᠠᠮᠠᠯ ᠬᠤᠭᠤᠴᠠᠭᠠᠲᠠᠢᠪᠠᠷ ᠬᠤᠵᠢᠷ ᠳᠠᠪᠤᠰᠤ ᠦᠭᠴᠦ ᠳᠤᠯᠢᠶᠠᠯᠭ᠋ᠠᠬᠤ ᠵᠢ ᠤᠮᠳᠤᠭ᠋ᠠᠢ᠌ᠯᠠᠵᠤ ᠪᠤᠯᠬᠤ ᠦᠭᠡᠢ᠃
ᠤᠷᠤᠢᠳᠠᠭᠠᠨ ᠦᠨᠳᠦᠷᠯᠢᠭ ᠰᠡᠷᠢᠭᠦᠨ᠂ ᠰᠠᠯᠬᠢᠲᠠᠢ ᠭᠠᠵᠠᠷ ᠵᠠᠳᠠᠭ᠋ᠠᠢ ᠬᠡᠪᠲᠡᠷᠢᠯᠡᠭᠦᠯᠬᠦ ᠪᠤᠶᠤ ᠠᠭᠤᠵᠢᠮ ᠬᠠᠰᠢᠶᠠᠨᠳᠤ ᠲᠠᠷᠠᠤᠬᠠᠨ ᠬᠡᠪᠲᠡᠷᠢᠯᠡᠭᠦᠯᠬᠦᠳᠡᠭᠡᠨ ᠬᠡᠪᠲᠡᠷᠢ ᠵᠢᠨᠢ ᠡᠳᠦᠷ ᠪᠦᠷᠢ ᠱᠦᠭᠦᠷᠳᠡᠵᠦ᠂ ᠬᠡᠵᠢᠶᠡᠳᠡ ᠠᠷᠢᠭᠤᠨ ᠴᠡᠪᠡᠷ ᠪᠠᠢ᠌ᠯᠭ᠋ᠠᠬᠤ ᠬᠡᠷᠡᠭᠲᠡᠢ᠃ ᠨᠦᠭᠦᠴᠡᠯᠲᠠᠢ ᠭᠠᠵᠠᠷᠨᠢ ᠤᠷᠤᠢ ᠢᠮᠠᠭᠠᠪᠠᠨ ᠬᠤᠷᠢᠶᠠᠵᠤ ᠠᠪᠴᠢᠷᠠᠭᠰᠠᠨᠤ ᠳᠠᠷᠠᠭᠠ ᠤᠢ᠌ᠷᠠ ᠵᠠᠭᠤᠷᠠ ᠰᠡᠷᠢᠭᠦᠴᠡᠭᠦᠯᠦᠨ ᠶᠠᠪᠤᠭᠤᠯᠤᠭ᠋ᠠᠳ ᠬᠠᠷᠠᠩᠭᠤᠢ ᠪᠤᠯᠬᠤ ᠦᠶᠡᠳᠤ ᠬᠡᠪᠲᠡᠷᠢᠯᠡᠭᠦᠯᠪᠡᠯ ᠲᠠᠷᠭᠤ ᠠᠪᠬᠤᠳᠤ ᠠᠰᠢᠭᠲᠠᠢ ᠪᠠᠢ᠌ᠳᠠᠭ᠃
3. ᠨᠠᠮᠤᠷᠤᠨ ᠤᠯᠠᠷᠢᠯᠤᠨ ᠬᠠᠷᠢᠭᠤᠯᠭᠠ᠄ ᠨᠠᠮᠤᠷ ᠪᠤᠯᠪᠠᠯ ᠠᠭᠤᠷ ᠠᠮᠢᠰᠬᠤᠯ ᠰᠡᠷᠢᠭᠦᠨ ᠪᠤᠯᠵᠤ᠂ ᠡᠪᠡᠰᠦ ᠤᠷᠭᠤᠮᠠᠯᠳᠤ ᠦᠷᠡ ᠰᠠᠭᠤᠵᠤ᠂ ᠬᠠᠭᠤᠷᠠᠢ ᠪᠤᠳᠠᠰ ᠪᠠ ᠰᠢᠮᠡ ᠲᠡᠵᠢᠭᠡᠯᠨᠢ ᠨᠡᠮᠡᠭᠳᠡᠳᠡᠭ ᠪᠤᠯᠬᠤᠷ ᠮᠢᠬᠠᠨ ᠢᠮᠠᠭᠠ ᠵᠢ ᠲᠠᠷᠭᠤᠯᠠᠭᠤᠯᠵᠤ ᠮᠢᠬᠠᠯᠠᠭᠤᠯᠬᠤ ᠬᠠᠮᠤᠭᠤᠨ ᠰᠠᠢ᠌ᠨ ᠴᠠᠭ ᠦᠶᠡ ᠪᠤᠯᠤᠨᠠ᠃ ᠡᠢ᠌ᠮᠦᠠᠴᠠ ᠨᠠᠮᠤᠷᠤᠨ ᠤᠯᠠᠷᠢᠯᠳᠤ ᠭᠤᠤᠯ ᠬᠦᠴᠦᠪᠠᠨ ᠲᠠᠷᠭᠤ ᠠᠪᠤᠭᠤᠯᠬᠤ ᠳᠡᠭᠡᠷᠡ ᠲᠠᠯᠪᠢᠵᠤ᠂ ᠠᠯᠢ ᠴᠢᠳᠠᠬᠤᠪᠠᠷ ᠡᠷᠲᠡ ᠪᠡᠯᠴᠢᠭᠡᠨ ᠤᠷᠤᠢ ᠬᠤᠲᠠᠯᠠᠵᠤ᠂ ᠢᠳᠡᠰᠢᠯᠡᠭᠦᠯᠬᠦ ᠴᠠᠭᠢ ᠤᠷᠲᠤᠳᠬᠠᠨ ᠲᠤᠭᠲᠠᠭᠤᠨ ᠲᠦᠯᠭᠡᠨ ᠬᠠᠷᠢᠭᠤᠯᠪᠠᠯ ᠵᠤᠬᠢᠨᠠ᠃ ᠲᠡᠭᠡᠬᠦᠳᠡᠭᠡᠨ ᠦᠳᠡ ᠵᠢᠨ ᠡᠮᠦᠨᠡ ᠤᠷᠢᠳᠤᠨᠢ ᠪᠡᠯᠴᠢᠭᠡᠭᠰᠡᠨ ᠪᠡᠯᠴᠢᠭᠡᠷᠲᠤ ᠬᠠᠷᠢᠭᠤᠯᠵᠤ᠂ ᠦᠳᠡ ᠵᠢᠨ ᠬᠤᠢ᠌ᠨᠠ ᠰᠢᠨᠡ ᠪᠡᠯᠴᠢᠭᠡᠷᠲᠤ ᠬᠠᠷᠢᠭᠤᠯᠬᠤ ᠶᠤᠮ ᠤᠤ᠂ ᠡᠰᠡᠭᠦᠯᠡ ᠲᠠᠷᠢᠮᠠᠯᠤᠨ ᠭᠤᠤᠷᠰᠤᠨᠳᠤ ᠤᠷᠤᠭᠤᠯᠵᠤ ᠢᠳᠡᠰᠢᠯᠡᠭᠦᠯᠪᠡᠯ ᠨᠡᠩ ᠰᠠᠢ᠌ᠨ ᠪᠠᠢ᠌ᠳᠠᠭ᠃ ᠨᠠᠮᠤᠷᠤᠨ ᠤᠯᠠᠷᠢᠯᠳᠤ ᠢᠮᠠᠭᠠ ᠵᠢ ᠠᠯᠢ ᠴᠢᠳᠠᠬᠤᠳᠤ ᠲᠠᠭ᠋ᠠᠨᠠ ᠮᠠᠩᠭᠢᠷᠲᠠᠢ᠂ ᠡᠪᠡᠰᠦᠨᠤ ᠲᠦᠷᠦᠯ ᠵᠦᠢ᠍ᠯᠨᠢ ᠤᠯᠠᠨ ᠪᠦᠭᠡᠳ ᠤᠷᠭᠤᠴᠠ ᠰᠠᠢ᠌ᠲᠠᠢ ᠪᠡᠯᠴᠢᠭᠡᠷᠲᠤ ᠬᠠᠷᠢᠭᠤᠯᠵᠤ᠂ ᠡᠳᠦᠷᠲᠤ 1～2 ᠤᠳᠠᠭᠠ ᠤᠰᠤᠯᠠᠬᠤ ᠪᠠ ᠭᠠᠷᠠᠭ ᠪᠦᠷᠢ 1 ᠤᠳᠠᠭᠠ ᠬᠤᠵᠢᠷ ᠳᠠᠪᠤᠰᠤ ᠢᠳᠡᠭᠦᠯᠬᠦ ᠵᠢ ᠤᠰᠤᠯᠳᠠᠵᠤ ᠪᠤᠯᠬᠤ ᠦᠭᠡᠢ᠃
4. ᠡᠪᠦᠯᠤᠨ ᠤᠯᠠᠷᠢᠯᠤᠨ ᠬᠠᠷᠢᠭᠤᠯᠭᠠ᠄ ᠡᠪᠦᠯ ᠪᠤᠯᠪᠠᠯ ᠠᠭᠤᠷ ᠠᠮᠢᠰᠬᠤᠯ ᠬᠦᠢ᠍ᠲᠡᠷᠡᠵᠦ ᠡᠪᠡᠰᠦ ᠤᠷᠭᠤᠮᠠᠯ ᠬᠤᠪᠠᠬᠠᠢ᠌ᠷᠠᠨ᠂ ᠵᠠᠷᠢᠮ ᠭᠠᠵᠠᠷᠲᠤ ᠴᠠᠰᠤ ᠤᠷᠤᠵᠤ ᠢᠮᠠᠭ᠋ᠠᠨᠤ ᠢᠳᠡᠰᠢᠯᠡᠬᠦ ᠬᠡᠮᠵᠢᠶᠡ ᠳᠤᠷᠤᠭᠰᠢᠯᠠᠳᠠᠭᠠᠴᠠ ᠪᠤᠯᠵᠤ ᠲᠠᠷᠭᠤ ᠬᠦᠴᠦᠨᠢ ᠪᠠᠭᠤᠷᠠᠬᠤ ᠦᠵᠡᠭᠳᠡᠯ ᠭᠠᠷᠤᠨᠠ᠃ ᠡᠢ᠌ᠮᠦᠠᠴᠠ ᠢᠷᠡᠬᠦ ᠵᠢᠯ ᠭᠠᠷᠭ᠋ᠠᠯᠲᠠᠳᠤ ᠤᠷᠤᠭᠤᠯᠬᠤ ᠢᠮᠠᠭ᠋ᠠᠨᠤ ᠲᠠᠷᠭᠤ ᠬᠦᠴᠦ ᠵᠢ ᠰᠠᠢ᠌ᠳᠤᠷ ᠬᠠᠮᠠᠭ᠋ᠠᠯᠠᠵᠤ ᠮᠡᠨᠳᠦ ᠡᠪᠦᠯᠵᠢᠭᠦᠯᠬᠦᠨᠢ ᠡᠪᠦᠯᠤᠨ ᠠᠷᠠᠴᠢᠯᠠᠭᠠ ᠵᠢᠨ ᠭᠤᠤᠯ ᠡᠭᠦᠷᠭᠡ ᠪᠤᠯᠤᠨᠠ᠃
ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠲᠠᠯᠠᠠᠴᠠ ᠠᠪᠴᠤ ᠬᠡᠯᠡᠪᠡᠯ᠂ ᠡᠪᠦᠯ ᠴᠠᠰᠤ ᠤᠷᠤᠭᠰᠠᠨᠤ ᠳᠠᠷᠠᠭᠠ ᠤᠰᠤ ᠦᠭᠡᠢ ᠪᠡᠯᠴᠢᠭᠡᠷ ᠵᠶ᠋ᠡᠨ ᠠᠰᠢᠭᠯᠠᠬᠤ ᠵᠢᠨ ᠬᠠᠮᠲᠤ ᠤᠷᠢᠳ ᠵᠶ᠋ᠠᠷ ᠬᠤᠯᠠ ᠵᠢᠨ ᠪᠡᠯᠴᠢᠭᠡᠷᠲᠤ ᠢᠳᠡᠰᠢᠯᠡᠭᠦᠯᠵᠦ ᠰᠡᠭᠦᠯᠡᠷᠨᠢ ᠤᠢ᠌ᠷᠠ ᠵᠢᠨ ᠪᠡᠯᠴᠢᠭᠡᠷ ᠵᠶ᠋ᠡᠨ ᠠᠰᠢᠭᠯᠠᠬᠤ᠂ ᠤᠷᠢᠳ ᠵᠶ᠋ᠠᠷ ᠦᠨᠳᠦᠷᠯᠢᠭ ᠪᠡᠯᠴᠢᠭᠡᠷᠲᠤ ᠬᠠᠷᠢᠭᠤᠯᠵᠤ ᠰᠡᠭᠦᠯᠡᠷᠨᠢ ᠨᠠᠮ ᠳᠤᠤᠷᠠ ᠭᠠᠵᠠᠷᠲᠤ ᠪᠡᠯᠴᠢᠭᠡᠬᠦ᠂ ᠤᠷᠢᠳ ᠵᠶ᠋ᠠᠷ ᠬᠦᠨᠳᠡᠢ ᠬᠤᠲᠤᠭᠤᠷ ᠪᠡᠯᠴᠢᠭᠡᠷᠲᠤ ᠪᠡᠯᠴᠢᠭᠡᠵᠦ ᠰᠡᠭᠦᠯᠡᠷᠨᠢ ᠲᠠᠯᠠ ᠭᠠᠵᠠᠷᠲᠤ ᠶᠠᠪᠤᠭᠤᠯᠬᠤ ᠵᠠᠷᠴᠢᠮᠢ ᠪᠠᠷᠢᠮᠲᠠᠯᠠᠪᠠᠯ ᠵᠤᠬᠢᠨᠠ᠃ ᠡᠪᠦᠯᠤᠨ ᠬᠦᠢ᠍ᠲᠡᠨᠳᠤ ᠦᠷᠯᠦᠭᠡᠳᠡᠭᠡᠨ ᠪᠠᠬᠠᠨ ᠤᠷᠤᠢ ᠰᠢᠭ᠋ ᠰᠠᠯᠬᠢ ᠡᠰᠡᠷᠭᠦ ᠪᠡᠯᠴᠢᠭᠡᠨ ᠶᠠᠪᠤᠭᠤᠯᠵᠤ᠂ ᠤᠷᠤᠢᠳᠠᠭᠠᠨ ᠡᠷᠲᠡ ᠰᠢᠭ ᠰᠠᠯᠬᠢ ᠳᠠᠭ᠋ᠠᠭᠤᠯᠤᠨ ᠬᠤᠷᠢᠶᠠᠵᠤ᠂ ᠰᠠᠯᠬᠢ ᠰᠢᠭᠤᠷᠭ᠋ᠠᠨᠢ ᠴᠠᠭ ᠢᠮᠠᠭᠲᠠ ᠰᠡᠷᠭᠡᠢ᠌ᠯᠡᠬᠦᠠᠴᠠ ᠭᠠᠳᠠᠨᠠ ᠪᠠᠰᠠ ᠡᠳᠦᠷ ᠪᠦᠷᠢ 1 ᠤᠳᠠᠭᠠ ᠤᠰᠤᠯᠠᠵᠤ᠂ ᠭᠠᠷᠠᠭ ᠪᠦᠷᠢ 1 ᠤᠳᠠᠭᠠ ᠬᠤᠵᠢᠷ ᠳᠠᠪᠤᠰᠤ ᠢᠳᠡᠭᠦᠯᠬᠦ ᠬᠡᠷᠡᠭᠲᠡᠢ᠃
ᠬᠦᠢ᠍ᠲᠡᠷᠡᠬᠦᠠᠴᠠ ᠡᠮᠦᠨᠡ ᠢᠮᠠᠭ᠋ᠠᠨᠤᠪᠠᠨ ᠫᠸᠩ ᠰᠠᠷᠠᠪᠴᠢ ᠵᠢ ᠰᠡᠯᠪᠢᠨ ᠵᠠᠰᠠᠵᠤ ᠪᠢᠲᠡᠭᠦᠯᠡᠨ ᠳᠤᠯᠠᠭ᠋ᠠᠯᠠᠬᠤ ᠵᠢᠨ ᠬᠠᠮᠲᠤ ᠬᠡᠷᠪᠡ ᠫᠸᠩ ᠰᠰᠷᠠᠪᠴᠢ ᠵᠢᠨ ᠱᠠᠯᠠᠨᠢ ᠴᠢᠬᠢᠭᠳᠦᠵᠦ ᠨᠤᠷᠬᠤ ᠦᠵᠡᠭᠳᠡᠯ ᠭᠠᠷᠪᠠᠯ ᠴᠠᠭ ᠲᠤᠬᠠᠢᠳᠤᠨᠢ ᠬᠤᠷᠭᠤᠯ ᠳᠡᠪᠢᠰᠬᠦ ᠵᠡᠷᠭᠡ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠤ ᠬᠡᠷᠡᠭᠲᠡᠢ᠃
（ᠢᠷᠡᠯᠲᠡ᠄ ᠰᠤᠳᠤᠭᠡᠷᠡᠯ᠂ ᠪᠠᠪᠤᠯᠠᠢ᠂ ᠬᠦᠭᠵᠢᠯᠲᠦ ᠵᠢᠨ ᠨᠠᠢ᠌ᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ 《ᠮᠠᠯᠤᠨ ᠲᠡᠵᠢᠭᠡᠯᠭᠡ ᠪᠤᠷᠳᠤᠯᠭᠠ ᠪᠠ ᠠᠰᠢᠭ ᠰᠢᠮᠡ ᠵᠢᠨ ᠪᠤᠯᠪᠠᠰᠤᠷᠠᠭᠤᠯᠭᠠ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠢ᠌ᠷᠡᠭᠦᠯᠪᠡ᠃）