ᠨᠢᠭᠡ᠂ ᠭᠣᠣᠯ ᠭᠠᠷᠤᠯᠲᠠ ᠵᠢᠨ ᠭᠠᠵᠠᠷ
ᠬᠠᠷᠠᠴᠢᠨ ᠬᠣᠰᠢᠭᠤᠨᠤ ᠤᠯᠠᠭ᠋ᠠᠨ ᠨᠠᠷᠠᠰᠤᠨ ᠲᠡᠯᠳᠡᠦ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠯᠠᠭ᠋ᠠᠨᠬᠠᠳᠠ ᠬᠣᠲᠠ ᠵᠢᠨ ᠬᠠᠷᠠᠴᠢᠨ ᠬᠣᠰᠢᠭᠤᠨᠤ ᠮᠡᠶ᠋ᠢᠷᠡᠨ ᠪᠠᠯᠭ᠋ᠠᠰᠤ᠂ ᠸᠠᠩᠤᠨ ᠣᠷᠳᠣᠨ ᠪᠠᠯᠭ᠋ᠠᠰᠤ᠂ ᠰᠢᠶᠣᠣ ᠨᠢᠦ ᠴᠢᠶᠦ᠋ᠨ ᠪᠠᠯᠭ᠋ᠠᠰᠤᠠᠴᠠ ᠭᠠᠷᠤᠯᠲᠠᠲᠠᠢ᠃
ᠬᠣᠶᠠᠷ᠂ ᠣᠷᠴᠢᠨ ᠲᠣᠭᠣᠷᠢᠨᠤ ᠳᠠᠪᠠᠭᠤᠯᠢᠭ
ᠬᠠᠷᠠᠴᠢᠨ ᠬᠣᠰᠢᠭᠤᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠤᠮᠳᠠ ᠪᠠ ᠵᠡᠭᠦᠨ ᠬᠡᠰᠡᠭ᠂ ᠤᠯᠠᠭ᠋ᠠᠨᠬᠠᠳᠠ ᠬᠣᠲᠠ ᠵᠢᠨ ᠡᠮᠦᠨᠡ ᠬᠡᠰᠡᠭᠲᠤ ᠪᠠᠢ᠌ᠷᠢᠯᠠᠵᠤ᠂ ᠶᠠᠨᠱ᠌ᠠᠨ ᠠᠭᠤᠯᠠ ᠵᠢᠨ ᠰᠢᠰᠲ᠋ᠧᠮᠤᠨ ᠴᠢ ᠯᠣᠣᠲᠤ ᠠᠭᠤᠯᠠ ᠨᠢᠷᠤᠭᠤ ᠵᠢᠨ ᠵᠡᠭᠦᠨ ᠬᠣᠢ᠌ᠲᠤ ᠬᠣᠷᠮᠣᠢᠳᠤ ᠪᠠᠢ᠌ᠷᠢᠯᠠᠵᠤ᠂ ᠳᠤᠮᠳᠠ ᠰᠡᠷᠢᠭᠦᠨ ᠪᠦᠰᠡ ᠵᠢᠨ ᠵᠠᠷᠢᠮᠳᠤᠭ ᠭᠠᠩ ᠬᠠᠭᠤᠷᠠᠢ ᠡᠬᠡ ᠭᠠᠵᠠᠷᠤᠨ ᠴᠢᠨᠠᠷᠲᠠᠢ ᠤᠯᠠᠷᠢᠯᠤᠨ ᠰᠠᠯᠬᠢᠨᠤ ᠠᠭᠤᠷ ᠠᠮᠢᠰᠬᠤᠯᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠣᠢ᠌ᠲᠤ ᠭᠠᠵᠠᠷᠤᠨ ᠡᠬᠢ ᠪᠠᠶᠠᠯᠢᠭ ᠪᠠ ᠪᠠᠢ᠌ᠭ᠋ᠠᠯᠢ ᠵᠢᠨ ᠳᠠᠪᠠᠭᠤᠯᠢᠭ ᠣᠷᠴᠢᠨ ᠲᠣᠭᠣᠷᠢᠨᠲᠠᠢ ᠪᠠᠢ᠌ᠳᠠᠭ᠃ ᠣᠶ ᠰᠢᠭᠤᠢ ᠵᠢᠨ ᠪᠦᠷᠬᠦᠴᠡᠨᠢ 80%ᠳᠤ ᠬᠦᠷᠴᠦ᠂ ᠣᠶ ᠵᠢᠨ ᠬᠣᠷᠮᠣᠢ ᠵᠢᠨ ᠭᠠᠵᠠᠷ ᠰᠢᠷᠣᠢ ᠵᠢᠨ ᠢᠯᠵᠢᠮᠡᠭ ᠡᠳ᠋ᠤᠨ ᠳᠠᠪᠬᠤᠷᠭᠠᠨᠢ ᠵᠤᠵᠠᠭ᠋ᠠᠨ᠂ ᠣᠷᠭ᠋ᠠᠨᠢᠭ ᠪᠣᠳᠠᠰᠤᠨ ᠠᠭᠤᠯᠤᠭᠳᠠᠴᠠᠨᠢ ᠥᠨᠳᠥᠷ᠂ ᠵᠢᠯᠤᠨ ᠨᠡᠷᠡᠨᠤ ᠲᠤᠰᠤᠯᠲᠠᠨᠢ 2700—3000 ᠴᠠᠭ᠂ ᠵᠢᠯᠤᠨ ᠳᠤᠮᠳᠠᠴᠢ ᠠᠭ᠋ᠠᠷᠤᠨ ᠳᠤᠯᠠᠭ᠋ᠠᠨᠨᠢ 3—6℃᠂ ᠵᠢᠯᠤᠨ ᠲᠤᠨᠳᠠᠰᠤ ᠨᠢ 500 ᠮᠢᠯᠢᠮᠧᠲᠷ ᠣᠷᠴᠢᠮ ᠪᠠᠢ᠌ᠵᠤ᠂ ᠵᠢᠯᠤᠨ ᠳᠤᠮᠳᠠᠴᠢ ᠬᠠᠷᠢᠴᠠᠩᠭᠤᠢ ᠴᠢᠭᠢᠭᠲᠦᠴᠡᠨᠢ 60% ᠪᠠᠢ᠌ᠵᠤ᠂ ᠬᠢᠷᠠᠭᠤ ᠦᠭᠡᠢ ᠬᠤᠭᠤᠴᠠᠭᠠᠨᠢ 95—145 ᠡᠳᠦᠷ ᠪᠠᠢ᠌ᠵᠤ᠂ ᠳᠥᠷᠪᠡᠨ ᠤᠯᠠᠷᠢᠯ ᠲᠣᠳᠣᠷᠬᠠᠢ ᠪᠠᠢ᠌ᠳᠠᠭ᠃
ᠭᠤᠷᠪᠠ᠂ ᠶᠠᠰᠤ ᠴᠢᠨᠠᠷᠤᠨ ᠣᠨᠴᠠᠯᠢᠭ
ᠬᠠᠷᠠᠴᠢᠨ ᠬᠣᠰᠢᠭᠤᠨᠤ ᠤᠯᠠᠭ᠋ᠠᠨ ᠨᠠᠷᠠᠰᠤᠨ ᠲᠡᠯᠳᠡᠦ ᠵᠢᠨ ᠬᠡᠯᠪᠡᠷᠢᠨᠢ ᠲᠦᠪ ᠲᠡᠭᠰᠢ᠂ ᠲᠡᠯᠳᠡᠦ ᠵᠢᠨ ᠪᠦᠷᠬᠦᠭᠡᠰᠦᠨᠢ ᠭᠥᠯᠢᠭᠡᠷ᠂ ᠬᠦᠷᠡᠩ ᠥᠩᠭᠡᠲᠡᠢ᠂ ᠲᠡᠯᠳᠡᠦ ᠵᠢᠨ ᠪᠠᠷᠢᠭᠤᠯᠨᠢ ᠴᠠᠭ᠋ᠠᠨ᠂ ᠪᠡᠶᠡ ᠵᠢᠨ ᠣᠷᠳᠣᠨᠢ 6—8 ᠰᠠᠨᠲ᠋ᠢᠮᠧᠲᠷ᠂ ᠲᠠᠩ ᠬᠦᠨᠳᠦᠨᠢ 70—100 ᠭ᠋ᠷᠡᠮ᠂ ᠮᠢᠬᠠᠨᠢ ᠨᠢᠭᠲᠠ ᠴᠢᠩᠭᠠ᠂ ᠲᠡᠯᠳᠡᠦ ᠰᠡᠩᠭᠢᠨᠡᠮᠡ ᠦᠨᠦᠷ ᠬᠠᠩᠬᠤᠯᠵᠤ᠂ ᠪᠤᠯᠭᠤᠭᠰᠠᠨ ᠢᠳᠡᠭᠡᠨᠨᠢ ᠵᠦᠭᠡᠯᠡᠨ ᠮᠥᠷᠲᠡᠭᠡᠨ ᠠᠮᠲᠠᠲᠠᠢ ᠪᠠᠢ᠌ᠳᠠᠭ᠃
ᠬᠠᠷᠠᠴᠢᠨ ᠬᠣᠰᠢᠭᠤᠨᠤ ᠤᠯᠠᠭ᠋ᠠᠨ ᠨᠠᠷᠠᠰᠤᠨ ᠲᠡᠯᠳᠡᠦ ᠵᠢᠨ ᠰᠢᠮᠡ ᠲᠡᠵᠢᠭᠡᠯ ᠡᠯᠪᠡᠭ᠂ ᠦᠨᠦᠷ ᠠᠮᠲᠠ ᠥᠳᠬᠡᠨ᠂ ᠺᠠᠯᠢ᠂ ᠢᠳᠡᠭᠡᠨᠤ ᠰᠢᠷᠬᠡᠭᠯᠢᠭ᠂ ᠰᠣᠷᠭᠣᠭ ᠰᠢᠪᠲᠦᠷᠲᠦ ᠬᠦᠴᠢᠯ᠂ ᠡᠧᠷᠭᠤᠲ᠋ᠢᠨᠤ ᠬᠦᠬᠦᠷ᠂ ᠣᠯᠠᠨᠴᠢ ᠰᠢᠬᠢᠷᠤᠨ ᠠᠭᠤᠯᠤᠭᠳᠠᠴᠠᠨᠢ ᠪᠦᠷ ᠯᠠᠪᠯᠠᠯᠲᠠ ᠵᠢᠨ ᠬᠡᠮᠵᠢᠭᠳᠡᠯᠠᠴᠠ ᠥᠨᠳᠥᠷ ᠪᠠᠢ᠌ᠳᠠᠭ᠃ ᠵᠢᠷᠦᠬᠡᠨ ᠲᠢᠲᠢᠮᠤᠨ ᠡᠪᠡᠳᠴᠢᠨᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠢ᠌ᠯᠡᠬᠦ᠂ ᠰᠢᠩᠭᠡᠭᠡᠯᠲᠡ ᠵᠢ ᠰᠠᠢ᠌ᠵᠢᠷᠠᠭᠤᠯᠬᠤ᠂ ᠣᠶᠣᠨ ᠰᠠᠨᠠᠭ᠋ᠠᠨᠤ ᠶᠠᠳᠠᠷᠠᠯᠢ ᠬᠥᠩᠭᠡᠷᠡᠭᠦᠯᠬᠦ ᠵᠡᠷᠭᠡ ᠡᠷᠡᠭᠦᠯᠵᠢᠯᠤᠨ ᠦᠢ᠍ᠯᠡᠳᠦᠯᠲᠠᠢ᠃
ᠳᠥᠷᠪᠡ᠂ ᠰᠢᠨᠡ ᠰᠣᠷᠭᠣᠭ ᠵᠶ᠋ᠠᠷ ᠬᠠᠳᠠᠭ᠋ᠠᠯᠠᠬᠤ ᠪᠠ ᠢᠳᠡᠬᠦ ᠠᠷᠭᠠ
ᠰᠢᠨᠡ ᠰᠣᠷᠭᠣᠭ ᠪᠠᠢ᠌ᠯᠭ᠋ᠠᠬᠤ ᠠᠷᠭᠠ᠄ ᠰᠣᠷᠭᠣᠭ ᠲᠡᠯᠳᠡᠦ ᠵᠢ ᠬᠦᠢ᠍ᠲᠡᠨ ᠵᠶ᠋ᠡᠷ ᠬᠠᠳᠠᠭ᠋ᠠᠯᠠᠵᠤ᠂ ᠴᠠᠭ ᠲᠤᠬᠠᠢᠳᠤᠨᠢ ᠢᠳᠡᠬᠦ ᠵᠢ ᠰᠠᠨᠠᠭᠤᠯᠤᠨᠠ； ᠬᠠᠳᠠᠭ᠋ᠠᠭᠰᠠᠨ ᠲᠡᠯᠳᠡᠦ ᠵᠢ ᠰᠡᠷᠢᠭᠦᠨ ᠬᠠᠭᠤᠷᠠᠢ ᠭᠠᠵᠠᠷᠲᠤ ᠨᠢᠭᠲᠠ ᠪᠢᠲᠡᠭᠦᠮᠵᠢᠯᠡᠵᠦ ᠬᠠᠳᠠᠭ᠋ᠠᠯᠠᠨᠠ᠃
ᠲᠠᠨᠢᠯᠴᠠᠭᠤᠯᠬᠤ ᠢᠳᠡᠬᠦ ᠠᠷᠭᠠ᠄ ᠤᠯᠠᠭ᠋ᠠᠨ ᠨᠠᠷᠠᠰᠤᠨ ᠲᠡᠯᠳᠡᠦ ᠵᠢ ᠮᠢᠬᠠ ᠲᠠᠢ ᠬᠠᠭᠤᠷᠠᠬᠤ᠃