| ᠦᠳᠦᠷᠮᠡ ᠶᠢᠨ ᠨᠠᠶᠢᠷ ᠳᠡᠭᠡᠷᠡ ᠨᠠᠩᠭᠢ᠂ ᠮᠣᠩᠭᠤᠯ ᠠᠮᠤ᠂ ᠰᠠᠭᠠᠭ᠂ ᠨᠤᠶᠠᠨ ᠰᠢᠰᠢ᠂ ᠨᠠᠷᠢᠮᠤ᠂ ᠰᠢᠰᠢ᠂ ᠪᠤᠷᠴᠠᠭ᠂ | ᠣᠯᠣᠰᠤ᠂ ᠲᠦᠮᠦᠰᠦ ᠵᠡᠷᠭᠡ ᠶᠢᠰᠦᠨ ᠲᠠᠷᠢᠶᠠᠨ ᠤ ᠦᠷᠡ ᠶᠢ ᠲᠤᠰ ᠲᠤᠰ ᠠᠳᠬᠤᠨ ᠢᠷᠦᠭᠡᠵᠦ ᠰᠠᠴᠤᠯᠢ ᠡᠷᠭᠦᠳᠡᠭ᠃ | ᠡᠭᠦᠨ ᠳᠤ ᠨᠠᠷᠢᠮᠤ ᠶᠢ ︽ᠨᠠᠶᠢᠭᠤᠵᠤ ᠤᠷᠭᠤᠭᠰᠠᠨ ᠪᠡᠶᠡ ᠨᠢ / ᠨᠠᠷᠢᠨ ᠬᠤᠯᠣᠰᠤᠨ ᠤ ᠲᠦᠯᠦᠪ ᠲᠠᠢ / ᠨᠠᠢᠮᠠᠨ | ᠰᠠᠶᠢᠬᠠᠨ ᠨᠠᠪᠴᠢ ᠨᠢ / ᠯᠠᠪᠷᠢ ᠴᠢᠮᠡᠭ ᠶᠢᠨ ᠰᠢᠨᠵᠢ ᠲᠠᠢ / ᠨᠠᠶᠠᠨ ᠳᠦᠷᠪᠡᠨ ᠪᠦᠴᠡ ᠪᠠᠷ / ᠨᠢᠭᠲᠠ ᠪᠠᠷᠢᠯᠳᠤᠭᠰᠠᠨ | ᠲᠦᠷᠦᠭᠦᠦ ᠲᠠᠢ / ᠨᠠᠷᠢᠯᠢᠭ ᠰᠢᠵᠢᠷ ᠮᠦᠬᠦᠯᠢᠭ ᠲᠠᠢ / ᠠᠷᠢᠮᠤ ᠠᠮᠤ ᠪᠠᠨ ᠮᠢᠯᠢᠶᠠᠶᠠ︕︾ ᠭᠡᠵᠦ ᠢᠷᠦᠭᠡᠳᠡᠭ᠃ | ᠨᠤᠶᠠᠨ ᠰᠢᠰᠢ ᠶᠢ ︽ᠲᠠᠯᠠ ᠳᠤ ᠤᠷᠭᠤᠭᠰᠠᠨ ᠴᠡᠴᠡᠭ ᠰᠢᠭ / ᠲᠠᠪᠤᠨ ᠦᠩᠭᠡ ᠪᠠᠷ ᠰᠤᠯᠤᠩᠭᠠᠷᠠᠵᠤ / ᠲᠠᠭᠠᠲᠠᠢ | ᠪᠠᠭ᠋ᠠᠲᠠᠢ ᠢᠨᠢᠶᠡᠬᠦ ᠳᠤ ᠪᠠᠨ / ᠲᠠᠨᠠ ᠰᠤᠪᠤᠳ ᠢᠶᠠᠷ ᠪᠦᠭᠡᠯᠵᠢᠳᠡᠭ / ᠲᠠᠩᠰᠤᠭ ᠰᠠᠶᠢᠬᠠᠨ ᠨᠤᠶᠠᠨ ᠰᠢᠰᠢ ᠪᠠᠨ / | ᠲᠠᠷᠠᠭ ᠠᠶᠢᠷᠠᠭ ᠢᠶᠠᠷ ᠮᠢᠯᠢᠶᠠᠶᠠ︕︾ ᠭᠡᠵᠦ ᠢᠷᠦᠭᠡᠨᠡ᠃ ᠮᠦᠨ ᠦᠲᠦᠷᠮᠡ ᠶᠢᠨ ᠨᠠᠶᠢᠷ ᠳᠡᠭᠡᠷᠡ ᠶᠢᠰᠦᠨ | ᠲᠦᠷᠦᠯ ᠤᠨ ᠲᠠᠷᠢᠶᠠ ᠲᠠᠷᠢᠬᠤ ᠳᠤ ᠬᠦᠴᠦ ᠪᠠᠨ ᠡᠷᠭᠦᠭᠰᠡᠨ ᠬᠦᠯᠪᠦᠷᠢ ᠶᠢᠨ ᠤᠨᠤᠭᠠ ᠪᠠᠨ᠄ ︽… ᠴᠦᠬᠦ— ᠯᠡ | ᠭᠡᠬᠦ ᠳᠤ / ᠴᠦᠬᠦᠷᠡᠯᠲᠡ ᠦᠭᠡᠢ ᠵᠢᠳᠭᠦᠭᠰᠡᠨ / ᠬᠦᠦᠭ— ᠯᠡ ᠭᠡᠬᠦ ᠳᠤ / ᠬᠤᠶᠢᠰᠢ ᠦᠭᠡᠢ ᠴᠢᠩᠭᠠᠭᠠᠭᠰᠠᠨ / | ᠲᠠᠰᠢᠭᠤᠷ ᠢᠶᠠᠷ ᠭᠤᠶᠠᠳᠠᠯᠠ ᠭᠡᠳ / ᠲᠠᠰᠢᠶᠠ ᠪᠤᠳᠤᠭᠰᠠᠨ ᠦᠭᠡᠢ / ᠮᠤᠳᠤ ᠪᠠᠷ ᠴᠤᠬᠢᠯᠠ ᠭᠡᠳ / ᠮᠠᠭᠤ ᠰᠠᠨᠠᠭᠰᠠᠨ | ᠦᠭᠡᠢ / ᠴᠠᠭᠠᠨ ᠠᠷᠢᠭᠤᠨ ᠰᠡᠳᠭᠢᠯ ᠲᠠᠢ / ᠴᠠᠭᠯᠠᠰᠢ ᠦᠭᠡᠢ ᠠᠴᠢ ᠲᠠᠢ / ᠬᠦᠴᠦ ᠰᠠᠶᠢᠲᠠᠢ ᠬᠦᠯᠪᠦᠷᠢ | ᠤᠨᠤᠭᠠ ᠪᠠᠨ / ᠬᠦᠷᠦᠩᠭᠡ ᠠᠶᠢᠷᠠᠭ ᠢᠶᠠᠷ ᠮᠢᠯᠢᠶᠠᠶᠠ︕︾ ᠭᠡᠬᠦ ᠮᠡᠲᠦ ᠪᠠᠷ ᠢᠷᠦᠭᠡᠳᠡᠭ ᠪᠠᠶᠢᠨᠠ᠃ | ︵ᠢᠷᠡᠯᠲᠡ᠄ ᠱᠠᠭᠠᠯᠠᠢ᠂ ᠠᠯᠳᠠᠷᠠᠢ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠣᠩᠭᠤᠯ ᠤᠯᠠᠮᠵᠢᠯᠠᠯᠲᠤ ᠶᠤᠰᠤ ᠵᠠᠩᠰᠢᠯ ︵ᠠᠵᠤ | ᠠᠮᠢᠳᠤᠷᠠᠯ︶︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |