ᠪᠠᠭᠠᠷᠢᠨᠴᠤᠳ ᠭᠤᠣᠯᠳᠠᠭᠤ ᠨᠠᠮᠤᠭ ᠲᠠᠷᠢᠶᠠ ᠲᠠᠷᠢᠳᠠᠭ᠃ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠳᠦᠷᠪᠡᠳᠦᠭᠡᠷ | ᠰᠠᠷᠠ ᠶᠢᠨ ᠡᠬᠢ ᠪᠠᠷ ︽ᠲᠠᠷᠢᠶᠠᠨ ᠳᠤ ᠭᠠᠷᠬᠤ︾ ᠪᠠᠷ ᠠᠨᠵᠢᠰᠤ ᠬᠦᠯᠦᠭᠡᠷᠢ ᠪᠠᠨ ᠪᠡᠯᠡᠳᠭᠡᠨ ᠲᠡᠭᠡᠭᠡᠵᠦ᠂ ᠲᠠᠷᠢᠶᠠ | ᠲᠠᠷᠢᠬᠤ ᠭᠠᠵᠠᠷ ᠲᠤ ᠪᠠᠨ ᠬᠦᠷᠴᠦ ᠲᠣᠪᠤ ᠭᠡᠷ ᠪᠣᠰᠬᠠᠨ ᠲᠠᠷᠢᠶᠠᠨ ᠤ ᠠᠵᠢᠯ ᠢᠶᠠᠨ ᠡᠬᠢᠯᠡᠳᠡᠭ᠃ | ᠮᠣᠩᠭᠤᠯ ᠲᠠᠷᠢᠶᠠᠨ ᠳᠤ ᠮᠣᠩᠭᠤᠯ ᠠᠮᠤ᠂ ᠰᠠᠭᠠᠭ᠂ ᠰᠢᠯᠦᠭᠡᠢ ︵ᠨᠠᠩᠬᠢ︶ ᠵᠡᠷᠭᠡ ᠶᠢ ᠭᠤᠣᠯᠳᠠᠭᠤ ᠲᠠᠷᠢᠳᠠᠭ᠃ | ᠲᠣᠭᠲᠠᠭᠰᠠᠨ ᠲᠠᠷᠢᠶᠠᠨ ᠭᠠᠵᠠᠷ ᠭᠡᠵᠦ ᠦᠭᠡᠢ᠃ ᠮᠣᠩᠭᠤᠯ ᠲᠠᠷᠢᠶᠠ ᠶᠢ ᠡᠪᠡᠰᠦ ᠤᠷᠭᠤᠮᠠᠯ ᠤᠷᠭᠤᠵᠤ | ᠭᠦᠢᠴᠡᠭᠰᠡᠨ ᠤ ᠬᠤᠶᠢᠨᠠ ᠦᠷᠡ ᠬᠠᠶᠠᠵᠤ ᠬᠦᠷᠦᠰᠦ ᠶᠢᠨ ᠤᠷᠪᠠᠭᠤᠯᠤᠨ ᠲᠠᠷᠢᠳᠠᠭ ᠠᠴᠠ ᠡᠪᠡᠰᠦᠨ ᠤ ᠦᠨᠳᠦᠰᠦ | ᠠᠯᠠᠭᠳᠠᠵᠤ ᠲᠠᠷᠢᠶᠠ ᠢᠳᠡᠯᠢᠭ ᠴᠡᠪᠡᠷᠭᠡᠨ ᠤᠷᠭᠤᠳᠠᠭ᠃ ᠮᠣᠩᠭᠤᠯ ᠲᠠᠷᠢᠶᠠᠨ ᠳᠤ ᠪᠣᠷᠳᠤᠭᠤᠷ ᠣᠷᠤᠭᠤᠯᠳᠠᠭ ᠦᠭᠡᠢ | ᠤᠴᠢᠷ ᠠᠴᠠ ᠨᠢᠭᠡ ᠭᠠᠵᠠᠷ ᠬᠤᠶᠠᠷ ᠵᠢᠯ ᠯᠡ ᠲᠠᠷᠢᠳᠠᠭ᠃ ᠬᠠᠮᠤᠭ ᠠᠷᠪᠢᠨ ᠲᠠᠷᠢᠬᠤ ᠳᠤ ᠪᠠᠨ ᠳᠦᠷᠪᠡ | ᠤᠳᠠᠭᠠ ᠠᠴᠠ ᠬᠡᠲᠦᠷᠡᠳᠡᠭ ᠦᠭᠡᠢ᠃ ᠠᠩᠬᠠ ᠲᠠᠷᠢᠬᠤ ᠠᠲᠠᠷ ᠭᠠᠵᠠᠷ ᠢ ︽ᠰᠢᠨᠡ ᠭᠠᠵᠠᠷ︾᠂ ᠬᠤᠶᠠᠷ ᠵᠢᠯ | ᠳᠠᠷᠠᠭᠠᠯᠠᠨ ᠲᠠᠷᠢᠬᠤ ᠭᠠᠵᠠᠷ ᠢ ︽ᠴᠠᠭᠠᠨ ᠭᠤᠤᠷᠰᠤ︾᠂ ᠭᠤᠷᠪᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠲᠠᠷᠢᠬᠤ ᠭᠠᠵᠠᠷ ᠢ ︽ᠭᠤᠨᠵᠢᠨ | ᠭᠤᠤᠷᠰᠤ︾᠂ ᠳᠦᠷᠪᠡᠨ ᠵᠢᠯ ᠳᠠᠷᠠᠭᠠᠯᠠᠨ ᠲᠠᠷᠢᠪᠠᠰᠤ ︽ᠪᠤᠬᠠᠷ ᠭᠤᠤᠷᠰᠤ︾ ᠭᠡᠳᠡᠭ᠃ | ᠮᠣᠩᠭᠤᠯ ᠲᠠᠷᠢᠶᠠ ᠶᠢ ︽ᠬᠡᠳᠦᠨ ᠦᠷᠡ ᠶᠢᠨ ᠲᠠᠷᠢᠶᠠ︾ ᠭᠡᠵᠦ ᠬᠡᠮᠵᠢᠶᠡᠯᠡᠨᠡ᠃ ︽ᠨᠢᠭᠡ ᠦᠷᠡ ᠶᠢᠨ | ᠲᠠᠷᠢᠶᠠ︾ ᠬᠡᠮᠡᠭᠴᠢ ᠤᠷᠲᠦ ᠨᠢ ᠪᠠᠷᠤᠭ ᠬᠤᠶᠠᠷ ᠵᠠᠭᠤ ᠠᠴᠠ ᠮᠢᠩᠭᠠ ᠭᠠᠷᠤᠢ ᠮᠧᠲᠷ᠂ ᠦᠷᠭᠡᠨ ᠨᠢ ᠭᠤᠷᠪᠠ | ᠠᠯᠬᠤᠭᠠᠳ ᠪᠦᠭᠦᠶᠢᠵᠦ ᠲᠡᠮᠳᠡᠭ ᠲᠠᠯᠪᠢᠭᠰᠠᠨ ᠲᠡᠳᠦᠢ ᠪᠠᠶᠢᠳᠠᠭ᠃ ᠦᠷᠡ ᠬᠠᠶᠠᠬᠤ ᠳᠤ ᠪᠠᠨ ︽ᠬᠡᠳᠦᠨ | ᠦᠷᠡ ᠶᠢᠨ ᠲᠠᠷᠢᠶᠠ︾ ᠶᠢᠨ ᠲᠡᠭ ᠳᠤᠮᠳᠠᠭᠤᠷ ᠠᠯᠬᠤᠵᠤ᠂ ᠬᠤᠶᠠᠷ ᠲᠡᠰᠢ ᠲᠡᠩᠴᠡᠭᠦᠦ ᠪᠠᠷ ᠰᠠᠴᠤᠨ ᠴᠣᠬᠢᠨᠠ᠃ | ᠦᠷᠡ ᠶᠢᠨ ᠪᠤᠳᠠᠭᠠ ᠪᠠᠨ ᠡᠷᠬᠡᠪᠰᠢ ᠪᠤᠷᠭᠠᠰᠤ᠂ ᠠᠯᠳᠠᠭᠠᠨᠠ᠂ ᠱᠡᠬᠡᠷ᠂ ᠬᠠᠶᠢᠯᠠᠰᠤ᠂ ᠮᠤᠶᠢᠯ ᠵᠡᠷᠭᠡ | ᠤᠷᠭᠤᠮᠠᠯ ᠢᠶᠠᠷ ᠭᠦᠷᠦᠵᠦ ᠬᠢᠭᠰᠡᠨ ᠬᠤᠪᠤᠭᠤ ᠳᠤ ᠰᠠᠪᠠᠯᠠᠵᠤ᠂ ᠣᠭᠤᠰᠤᠷ ᠢ ᠨᠢ ᠬᠦᠵᠦᠭᠦᠨ ᠳᠤ ᠪᠠᠨ ᠤᠭᠯᠠᠵᠤ᠂ | ᠵᠡᠭᠦᠨ ᠭᠠᠷ ᠢᠶᠠᠷ ᠢᠶᠠᠨ ᠬᠤᠪᠤᠭᠤ ᠪᠠᠨ ᠬᠠᠰᠢᠵᠤ ᠪᠠᠷᠢᠨ᠂ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠦᠷᠡ ᠬᠠᠶᠠᠨᠠ᠃ ᠭᠡᠬᠦ ᠳᠤ | ᠡᠷᠡᠭᠡᠢ ᠬᠤᠷᠤᠭᠤ ᠪᠣᠯᠤᠨ ᠳᠣᠯᠤᠪᠤᠷ ᠬᠤᠷᠤᠭᠤ ᠪᠠᠨ ᠰᠢᠪᠠᠭᠤᠨ ᠬᠤᠩᠰᠢᠶᠠᠷ ᠰᠢᠭ᠋ ᠵᠠᠪᠰᠠᠷ ᠭᠠᠷᠭᠠᠨ᠂ ᠵᠡᠭᠦᠨ | ᠬᠦᠯ ᠡᠮᠦᠨᠡᠰᠢ ᠠᠯᠬᠤᠵᠤ᠂ ᠪᠠᠷᠠᠭᠤᠨ ᠭᠠᠷ ᠤᠷᠤᠭᠰᠢ ᠰᠠᠵᠢᠬᠤ ᠠᠯᠬᠤᠳᠠᠯ ᠢ ᠲᠠᠭᠠᠷᠠᠭᠤᠯᠵᠤ ᠳᠡᠭᠡᠭᠰᠢ ᠪᠠᠨ ᠰᠠᠷᠠᠨ | ᠲᠤᠭᠤᠢ ᠪᠤᠲᠠᠷᠠᠭᠤᠯᠤᠨ ᠰᠠᠴᠢᠬᠤ ᠳᠤ ᠲᠠᠷᠢᠶᠠᠨ ᠦᠷᠡ ᠰᠠᠨᠠᠭᠠ ᠪᠠᠷ ᠨᠢ ᠠᠯᠠᠭ ᠦᠭᠡᠢ ᠰᠠᠶᠢᠬᠠᠨ ᠪᠤᠲᠠᠷᠠᠨ | ᠳᠤᠰᠤᠨᠠ᠃ ᠡᠨᠡ ᠮᠡᠲᠦ ᠪᠠᠷ ᠦᠷᠡ ᠦᠰᠬᠦ ᠬᠦᠮᠦᠨ ᠪᠣᠯ ᠨᠢᠭᠡ ᠠᠳᠬᠤ ᠦᠷᠡ ᠶᠢᠨ ᠪᠤᠳᠠᠭᠠ ᠶᠢ ᠲᠠᠪᠤ ᠠᠴᠠ | ᠳᠣᠯᠤᠭᠠ ᠤᠳᠠᠭᠠ ᠴᠣᠬᠢᠵᠤ᠂ ᠦᠷᠡ ᠳᠠᠷᠤᠭᠳᠠᠬᠤ ᠬᠦᠮᠦᠨ ᠪᠣᠯ ᠭᠤᠷᠪᠠ ᠠᠴᠠ ᠲᠠᠪᠤ ᠤᠳᠠᠭᠠ ᠴᠣᠬᠢᠨᠠ᠃ | ᠡᠭᠦᠨ ᠢ ︽ᠦᠷᠡ ᠬᠠᠶᠠᠬᠤ︾ ᠪᠤᠶᠤ ︽ᠦᠷᠡ ᠴᠣᠬᠢᠬᠤ︾ ᠭᠡᠳᠡᠭ᠃ ᠭᠡᠬᠦ ᠳᠤ ᠰᠠᠭᠠᠭ ᠢ ᠪᠣᠯ ᠠᠯᠬᠤᠬᠤ | ᠪᠦᠷᠢ ᠳᠤ ᠨᠢᠭᠡ ᠠᠳᠬᠤ ᠦᠷᠡ ᠶᠢ ᠪᠦᠬᠦᠨ ᠢ ᠴᠣᠬᠢᠨᠠ᠃ ᠦᠷᠡ ᠬᠠᠶᠠᠬᠤ ᠳᠤ ᠵᠢᠯ ᠤᠨ ᠦᠩᠭᠡ ᠶᠢ ᠦᠵᠡᠵᠦ᠂ | ᠪᠣᠷᠤᠭᠠᠨ ᠶᠡᠭᠡ ᠲᠠᠢ ᠵᠢᠯ ᠤᠨ ᠦᠷᠡ ᠶᠢ ᠠᠭᠰᠢᠭᠤᠨ ᠴᠣᠬᠢᠵᠤ᠂ ᠭᠠᠩ ᠵᠢᠯ ᠤᠨ ᠦᠷᠡ ᠶᠢ ᠰᠢᠩᠭᠡᠨ ᠴᠣᠬᠢᠨᠠ᠃ | ᠦᠷᠡ ᠪᠠᠨ ᠬᠠᠶᠠᠭᠰᠠᠨ ᠤ ᠳᠠᠷᠠᠭᠠ᠂ ᠰᠢᠨᠡ ᠭᠠᠵᠠᠷ ᠪᠣᠯ ᠦᠬᠡᠷ ᠢᠶᠠᠨ ᠬᠦᠮᠦᠨ ᠢᠶᠠᠷ ᠬᠦᠲᠦᠯᠦᠭᠦᠯᠦᠨ ᠱᠠᠩ | ᠲᠠᠲᠠᠭᠠᠳ ᠱᠠᠩ ᠤᠨ ᠦᠬᠡᠷ ᠢᠶᠠᠨ ᠱᠠᠩ ᠢᠶᠠᠷ ᠣᠷᠤᠭᠤᠯᠵᠤ ᠨᠠᠷᠠᠨ ᠵᠦᠪ ᠢᠶᠠᠷ ᠡᠷᠭᠢᠵᠦ ᠲᠠᠷᠢᠨᠠ᠃ ᠨᠠᠮᠤᠭ | ᠲᠠᠷᠢᠶᠠᠨ ᠳᠤ ᠣᠯᠠᠩᠬᠢ ᠳᠤ ᠪᠠᠨ ᠳᠦᠷᠪᠡᠨ ᠦᠬᠡᠷ ᠬᠦᠯᠳᠡᠭ ᠦᠭᠡᠢ ᠪᠦᠭᠡᠳ ᠬᠦᠯᠯᠡᠭᠡᠨ ᠤ ᠳᠦᠷᠪᠡᠨ ᠦᠬᠡᠷ ᠢᠶᠠᠨ | ︽ᠰᠢᠷᠤᠢ ᠶᠢᠨ ᠦᠬᠡᠷ︾᠂ ︽ᠱᠠᠩ ᠤᠨ ᠦᠬᠡᠷ︾᠂ ︽ᠬᠠᠪᠴᠢᠯᠭᠠ ᠶᠢᠨ ᠦᠬᠡᠷ︾᠂ ︽ᠬᠦᠷᠦᠰᠦᠨ ᠤ ᠦᠬᠡᠷ︾ | ᠭᠡᠵᠦ ᠲᠤᠰ ᠲᠤᠰ ᠲᠤ ᠨᠢ ᠨᠡᠷᠡᠯᠡᠳᠡᠭ᠃ ᠶᠡᠷᠦ ᠳᠤ ᠪᠠᠨ ᠰᠢᠷᠤᠢ ᠶᠢᠨ ᠦᠬᠡᠷ ᠤᠨ ᠡᠪᠡᠷ ᠠᠴᠠ ᠳᠡᠯᠪᠡᠭᠡ ᠳᠦᠷᠦ | ᠬᠢᠵᠦ ᠳᠡᠯᠪᠡᠭᠡᠨ ᠡᠷᠡᠭᠡᠶᠢᠪᠴᠢ ᠳᠤ ᠤᠶᠠᠵᠤ᠂ ᠦᠬᠡᠷ ᠱᠠᠩ ᠠᠴᠠ ᠪᠠᠨ ᠭᠠᠷᠬᠤ ᠳᠤ ᠵᠠᠯᠠᠵᠤ ᠣᠷᠤᠭᠤᠯᠳᠠᠭ᠃ ᠨᠢᠭᠡ | ᠦᠷᠡ ᠲᠠᠷᠢᠶᠠ ᠪᠠᠨ ᠲᠠᠷᠢᠵᠤ ᠪᠠᠷᠠᠪᠠᠯ ᠳᠠᠬᠢᠨ ᠦᠷᠡ ᠬᠠᠶᠠᠨᠠ᠃ ᠡᠳᠦᠷ ᠲᠤ ︽ᠡᠷᠲᠡ ᠶᠢᠨ ᠬᠦᠯᠯᠡᠭᠡ︾ ᠪᠠ | ︽ᠣᠷᠤᠢ ᠶᠢᠨ ᠬᠦᠯᠯᠡᠭᠡ︾ ᠭᠡᠵᠦ ᠬᠤᠶᠠᠷ ᠬᠦᠯᠯᠡᠭᠡ ᠬᠦᠯᠳᠡᠭ᠃ ᠦᠷ ᠤᠨ ᠰᠢᠪᠠᠭᠤ ᠱᠤᠯᠤᠭᠠᠨᠠᠬᠤ ᠪᠠᠷ ᠡᠷᠲᠡ ᠶᠢᠨ | ᠬᠦᠯᠯᠡᠭᠡ ᠡᠬᠢᠯᠡᠵᠦ᠂ ᠨᠠᠷᠠ ᠬᠠᠯᠠᠪᠠᠯ ᠬᠦᠯᠯᠡᠭᠡ ᠪᠠᠭᠤᠵᠤ᠂ ᠠᠨᠵᠢᠰᠤᠨ ᠦᠬᠡᠷ ᠢ ᠪᠡᠯᠴᠢᠭᠡᠷᠯᠡᠭᠦᠯᠳᠡᠭ᠃ ᠣᠷᠤᠢ ᠶᠢᠨ | ᠰᠡᠷᠢᠭᠦᠨ ᠣᠷᠤᠪᠠᠯ ᠣᠷᠤᠢ ᠶᠢᠨ ᠬᠦᠯᠯᠡᠭᠡ ᠡᠬᠢᠯᠡᠵᠦ᠂ ᠬᠠᠷᠠᠩᠭᠤᠢ ᠪᠣᠯᠤᠭᠰᠠᠨ ᠤ ᠬᠤᠶᠢᠨᠠ ᠬᠦᠯᠯᠡᠭᠡ ᠪᠠᠭᠤᠨᠠ᠃ | ᠦᠬᠡᠷ ᠢᠶᠠᠨ ᠢᠳᠡᠭᠦᠯᠵᠦ ᠤᠶᠠᠵᠤ ᠬᠤᠨᠤᠭᠠᠳ ᠡᠷᠲᠡ ᠶᠢᠨ ᠬᠦᠯᠯᠡᠭᠡ ᠠᠴᠠ ᠡᠮᠦᠨᠡ ᠲᠠᠯᠪᠢᠵᠤ ᠠᠮᠠᠨ ᠵᠠᠪᠠᠭᠠ | ︵ᠦᠮᠡᠭᠡᠢ︶ ᠶᠢ ᠨᠢ ᠭᠠᠷᠭᠠᠳᠠᠭ᠃ ᠡᠨᠡ ᠮᠡᠲᠦ ᠪᠠᠷ ᠣᠨ ᠤ ᠬᠦᠨᠡᠰᠦᠨ ᠳᠤ ᠬᠦᠷᠬᠦ ᠲᠠᠷᠢᠶᠠ ᠪᠠᠨ ᠲᠠᠷᠢᠵᠤ ᠪᠠᠷᠠᠬᠤ | ᠪᠦᠭᠡᠳ ᠲᠠᠷᠢᠬᠤ ᠶᠠᠪᠤᠴᠠ ᠳᠤ ᠪᠠᠨ ︽ᠵᠤᠤᠬᠠ ᠲᠠᠬᠢᠬᠤ︾ ᠬᠡᠮᠡᠨ ᠪᠠᠭᠠ ᠬᠡᠪᠴᠢᠶᠡᠨ ᠤ ᠨᠠᠶᠢᠷ ᠪᠣᠯᠳᠠᠭ᠃ | ᠲᠠᠷᠢᠶᠠ ᠲᠠᠷᠢᠬᠤ ᠶᠠᠪᠤᠴᠠ ᠳᠤ ᠬᠦᠯᠯᠡᠭᠡᠨ ᠳᠦᠷᠪᠡᠨ ᠦᠬᠡᠷ ᠤᠨ ᠠᠯᠢ ᠨᠢᠭᠡ ᠨᠢ ᠲᠠᠭᠠᠷᠠᠯᠴᠠᠬᠤ ᠦᠭᠡᠢ | ᠰᠠᠵᠢᠯᠴᠠᠪᠠᠯ ᠵᠤᠬᠢᠬᠤ ᠤᠷᠲᠦ ᠮᠣᠳᠤ ᠶᠢ ᠬᠤᠶᠠᠷ ᠦᠬᠡᠷ ᠤᠨ ᠡᠪᠡᠷ ᠤᠨ ᠤᠭ ᠲᠤ ᠤᠶᠠᠵᠤ ᠲᠠᠯᠪᠢᠳᠠᠭ᠃ | ᠢᠩᠭᠢᠪᠡᠯ ᠬᠠᠷᠢᠯᠴᠠᠨ ᠰᠠᠵᠢᠯᠴᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠳᠠᠭ᠃ ᠡᠭᠦᠨ ᠢ ︽ᠡᠪᠡᠷ ᠤᠨ ᠳ᠋ᠦᠩ ᠵᠡᠭᠦᠯᠭᠡᠬᠦ︾ ᠭᠡᠳᠡᠭ᠃ | ᠮᠦᠨ ᠳᠦᠷᠪᠡᠨ ᠦᠬᠡᠷ ᠤᠨ ᠠᠯᠢ ᠨᠢᠭᠡ ᠨᠢ ᠢᠪᠡᠬᠦ ᠮᠠᠭᠤ ᠵᠠᠩ ᠲᠠᠢ ᠪᠣᠯ ᠬᠤᠶᠠᠷ ᠦᠬᠡᠷ ᠤᠨ ᠵᠢᠳᠭᠦᠭᠡᠨ | ᠳᠡᠭᠡᠰᠦᠨ ᠳᠤ ᠬᠤᠶᠠᠷ ᠲᠡᠰᠢ ᠪᠠᠨ ᠬᠠᠷᠠᠭᠰᠠᠨ ᠰᠠᠯᠠᠭᠠ ᠱᠤᠷᠤ ᠲᠠᠢ᠂ ᠳᠤᠮᠳᠠᠭᠤᠷ ᠢᠶᠠᠨ ᠵᠢᠳᠭᠦᠭᠡᠨ ᠬᠤᠶᠠᠷ | ᠳᠡᠭᠡᠰᠦ ᠶᠢ ᠰᠦᠪᠡᠯᠡᠵᠤ ᠪᠠᠭᠲᠠᠬᠤ ᠨᠦᠬᠡ ᠪᠠᠷ ︽ᠢᠪᠡᠭᠦᠷ︾ ᠬᠡᠮᠡᠬᠦ ᠮᠣᠳᠤ ᠶᠢ ᠤᠭᠯᠠᠵᠤ᠂ ᠦᠬᠡᠷ ᠤᠨ ᠨᠢᠮᠬᠡᠨ | ᠰᠤᠭᠤ ᠣᠷᠴᠢᠮ ᠳᠤ ᠲᠠᠭᠠᠷᠠᠭᠤᠯᠳᠠᠭ᠃ ᠢᠩᠭᠢᠭᠰᠡᠭᠡᠷ ᠬᠤᠶᠠᠷ ᠦᠬᠡᠷ ᠢᠪᠡᠬᠦ ᠭᠡᠰᠡᠨ ᠴᠦ ᠬᠠᠳᠬᠤᠭᠳᠠᠭᠠᠳ | ᠢᠪᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠳᠠᠭ᠃ | ᠲᠠᠷᠢᠶᠠ ᠲᠠᠷᠢᠬᠤ ᠪᠠ ᠦᠲᠦᠷᠮᠡ ᠳᠡᠭᠡᠷᠡ ᠬᠡᠷᠡᠭᠯᠡᠬᠦ ᠲᠠᠰᠢᠭᠤᠷ ᠢ ︽ᠲᠠᠷᠢᠶᠠᠨ ᠲᠠᠰᠢᠭᠤᠷ︾ ᠭᠡᠨᠡ᠃ | ᠲᠠᠷᠢᠶᠠᠨ ᠲᠠᠰᠢᠭᠤᠷ ᠲᠠᠪᠤᠨ ᠲᠤᠬᠤᠢ ᠤᠷᠲᠦ ᠬᠤᠯᠤᠰᠤᠨ ᠡᠰᠢ ᠲᠠᠢ᠂ ᠰᠤᠷ ᠢ ᠭᠤᠷᠮᠤᠰᠤᠨ ᠮᠤᠰᠬᠢᠭᠰᠠᠨ ᠨᠠᠷᠢᠬᠠᠨ | ᠦᠵᠦᠭᠦᠷ ᠲᠠᠢ᠃ ᠡᠨᠡ ᠲᠠᠰᠢᠭᠤᠷ ᠨᠢ ᠭᠠᠷ ᠰᠤᠩᠭᠠᠨ ᠲᠠᠰᠢᠭᠤᠷᠳᠠᠬᠤ ᠳᠤ ᠦᠵᠦᠭᠦᠷ ᠨᠢ ᠦᠬᠡᠷ ᠤᠨ ᠰᠡᠭᠡᠷ ᠠᠴᠠ | ᠬᠡᠲᠦᠷᠡᠬᠦ ᠦᠭᠡᠢ᠂ ᠣᠯᠠᠩᠬᠢ ᠳᠤ ᠪᠠᠨ ᠦᠬᠡᠷ ᠤᠨ ᠵᠤ ᠨᠢᠷᠤᠭᠤᠨ ᠳᠡᠭᠡᠷᠡ ᠲᠠᠰᠢᠭᠤᠷᠳᠠᠵᠤ ᠬᠦᠷᠳᠡᠭ᠃ ᠭᠡᠬᠦ ᠳᠤ | ᠲᠠᠷᠢᠶᠠᠨ ᠬᠦᠯᠯᠡᠭᠡᠨ ᠦᠬᠡᠷ ᠢ ᠵᠣᠳᠤᠵᠤ ᠠᠶᠤᠯᠭᠠᠳᠠᠭ ᠪᠢᠰᠢ᠂ ᠬᠠᠷᠢᠨ ᠲᠠᠰᠢᠭᠤᠷ ᠢᠶᠠᠨ ᠬᠡᠢ ᠳᠣᠣᠭᠠᠷᠭᠠᠨ ᠰᠦᠷ | ᠮᠠᠨᠳᠤᠭᠤᠯᠵᠤ ᠠᠶᠤᠯᠭᠠᠳᠠᠭ᠃ ᠡᠨᠡ ᠬᠦ ᠲᠠᠰᠢᠭᠤᠷ ᠢ ᠭᠠᠷ ᠲᠤ ᠪᠠᠨ ᠡᠷᠭᠦᠨ ᠪᠠᠷᠢᠵᠤ ᠶᠠᠪᠤᠬᠤ ᠪᠤᠶᠤ ᠮᠦᠷᠦᠨ | ᠳᠡᠭᠡᠷᠡ ᠪᠠᠨ ᠲᠠᠰᠢᠭᠤᠷ ᠢ ᠨᠢ ᠬᠠᠶᠠᠵᠤ ᠡᠰᠢᠨ ᠠᠴᠠ ᠨᠢ ᠪᠠᠷᠢᠵᠤ ᠶᠠᠪᠤᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠲᠤᠬᠤᠢ | ᠤᠷᠳᠤᠬᠠᠨ ᠡᠰᠢ ᠲᠠᠢ᠂ ᠮᠣᠷᠢᠨ ᠰᠡᠭᠦᠯ ᠤᠨ ᠬᠢᠯᠭᠠᠰᠤ ᠪᠠ ᠤᠯᠤᠰᠤ ᠶᠢ ᠬᠤᠯᠢᠵᠤ ᠲᠠᠮᠤᠭᠰᠠᠨ ᠰᠤᠷ ᠦᠵᠦᠭᠦᠷ | ᠲᠠᠢ ᠲᠠᠷᠢᠶᠠᠨ ᠲᠠᠰᠢᠭᠤᠷ ᠪᠤᠢ᠃ ᠡᠭᠦᠨ ᠢ ︽ᠸᠠᠩᠪᠠ ᠲᠠᠰᠢᠭᠤᠷ︾ ᠭᠡᠳᠡᠭ ᠪᠦᠭᠡᠳ ᠭᠠᠷ ᠲᠤ ᠪᠠᠨ | ᠰᠡᠭᠡᠯᠳᠦᠷᠭᠡᠯᠡᠵᠦ᠂ ᠠᠷᠤ ᠳᠤ ᠪᠠᠨ ᠴᠢᠷᠴᠦ ᠶᠠᠪᠤᠳᠠᠭ᠃ ᠡᠶᠢᠮᠦ ᠲᠠᠰᠢᠭᠤᠷ ᠬᠦᠨᠳᠦ ᠪᠦᠭᠡᠳ ᠳᠤᠰᠤᠯᠲᠡ ᠨᠢ | ᠬᠠᠲᠠᠭᠤ᠂ ᠳᠤᠤᠭᠠᠷᠭᠠᠬᠤ ᠳᠤ ᠳᠠᠭᠤ ᠶᠡᠬᠡᠲᠡᠢ ᠪᠠᠶᠢᠳᠠᠭ᠃ ᠡᠨᠡ ᠬᠦ ᠲᠠᠰᠢᠭᠤᠷ ᠨᠢ ᠪᠠᠷᠢᠶᠠ ᠲᠠᠨᠳᠠ ᠪᠠᠨ ᠪᠦᠳᠦᠭᠦᠨ | ᠪᠦᠭᠡᠳ ᠦᠵᠦᠭᠦᠷ ᠲᠡᠰᠢ ᠪᠠᠨ ᠦᠯᠦ ᠮᠡᠳᠡᠭ ᠨᠠᠷᠢᠰᠤᠭᠰᠠᠨ ᠨᠠᠷᠢᠨ ᠦᠵᠦᠭᠦᠷ ᠲᠠᠢ ᠲᠠᠰᠢᠭᠤᠷ ᠪᠣᠯᠬᠤᠷ ︽ᠸᠠᠩᠪᠠ | ᠲᠠᠰᠢᠭᠤᠷ︾ ᠨᠡᠷᠡᠶᠢᠳᠦᠭᠳᠡᠵᠡᠢ᠃ | ᠮᠣᠩᠭᠤᠯ ᠲᠠᠷᠢᠶᠠ ᠨᠢ ᠲᠡᠭᠷᠢ ᠶᠢᠨ ᠴᠢᠷᠠᠢ ᠬᠠᠷᠠᠭᠰᠠᠨ ᠲᠠᠷᠢᠶᠠ ᠪᠣᠯᠬᠤ ᠲᠤᠯᠠ ᠲᠡᠭᠷᠢ ᠵᠦᠪ ᠢᠶᠠᠷ ᠦᠵᠡᠵᠦ | ᠦᠷᠦᠰᠢᠶᠡᠪᠡᠯ ᠤᠨᠠᠯᠲᠠ ᠦᠨᠳᠦᠷ᠂ ᠭᠠᠩᠳᠠᠪᠠᠯ ᠲᠠᠪᠵᠢᠶᠠᠯ ᠲᠠᠷᠢᠶᠠ ᠤᠷᠭᠤᠵᠤ᠂ ᠤᠨᠠᠯᠲᠠ ᠪᠠᠭᠠ ᠪᠦᠭᠡᠳ ᠨᠡᠩ | ᠪᠣᠯᠪᠠᠰᠤᠷᠠᠬᠤ ᠦᠶᠡ ᠳᠤ ᠨᠢ ᠲᠣᠭᠤᠷᠤᠤ ᠰᠢᠪᠲᠤᠷᠠᠬᠤ ᠶᠤᠮ ᠪᠣᠯ ᠪᠤᠳᠠᠭᠠ ᠭᠡᠵᠦ ᠣᠯᠳᠠᠭ ᠦᠭᠡᠢ᠃ | ᠮᠣᠩᠭᠤᠯᠴᠣᠣᠳ ︽ᠲᠡᠭᠷᠢ ᠵᠦᠪ ᠢᠶᠠᠷ ᠦᠵᠡᠪᠡᠯ ᠪᠤᠳᠠᠭᠠ ᠣᠯᠵᠤ ᠢᠳᠡᠨᠡ︾ ᠭᠡᠵᠦ ᠪᠡᠯᠭᠡᠳᠡᠵᠦ ᠬᠡᠯᠡᠳᠡᠭ ᠤᠨ | ᠤᠴᠢᠷ ᠡᠶᠢᠮᠦ ᠠᠵᠤᠭᠤ︕ ᠨᠠᠮᠤᠷ ᠲᠠᠷᠢᠶᠠ ᠪᠣᠯᠪᠠᠰᠤᠷᠠᠬᠤ ᠦᠶᠡ ᠪᠠᠷ ᠲᠤᠭᠤᠷᠤᠤ ᠰᠢᠪᠲᠤᠷᠠᠬᠤ ᠶᠢ ᠠᠩᠬᠠᠷᠴᠦ᠂ | ᠬᠢᠷᠠᠭᠤ ᠤᠨᠠᠬᠤ ᠠᠴᠠ ᠡᠮᠦᠨᠡ ᠵᠠᠪᠳᠤᠵᠤ ᠬᠠᠳᠤᠵᠤ ᠠᠪᠳᠠᠭ᠃ ᠤᠵᠠᠭᠤᠷ ᠤᠨ ᠦᠶᠡ ᠳᠤ᠂ ᠲᠠᠷᠢᠶᠠ ᠲᠠᠷᠢᠬᠤ | ᠠᠨᠵᠢᠰᠤ ᠭᠡᠵᠦ ᠪᠠᠶᠢᠭᠰᠠᠨ ᠦᠭᠡᠢ ᠲᠤᠯᠠ ᠦᠷᠡ ᠶᠢᠨ ᠪᠤᠳᠠᠭᠠ ᠪᠠᠨ ᠬᠦᠬᠡᠪᠦᠷ ᠬᠦᠪᠲᠦ ᠭᠠᠵᠠᠷ ᠰᠦᠷᠴᠢᠭᠡᠳ | ᠣᠯᠠᠨ ᠠᠳᠤᠭᠤ ᠬᠤᠮᠢᠵᠤ ᠵᠣᠭᠰᠤᠭᠠᠨ ᠠᠳᠤᠭᠤᠨ ᠲᠤᠭᠤᠷᠠᠢ ᠪᠠᠷ ᠭᠠᠵᠠᠷ ᠤᠨ ᠬᠦᠷᠦᠰᠦ ᠶᠢ ᠭᠡᠭᠵᠡᠭᠦᠯᠤᠭᠦᠯᠦᠨ | ᠲᠠᠷᠢᠵᠤ ᠪᠠᠶᠢᠭᠰᠠᠨ ᠲᠡᠮᠳᠡᠭᠯᠡᠯ ᠪᠠᠶᠢᠬᠤ ᠪᠦᠭᠡᠳ ᠴᠢᠯᠦᠭᠡᠯᠡᠭᠳᠡᠬᠦ ᠠᠴᠠ ᠡᠮᠦᠨᠡ ᠪᠣᠯᠲᠠᠯᠠ ᠪᠡᠶᠡᠨ ᠤ ᠠᠳᠤᠭᠤ ᠶᠢ | ᠬᠠᠷᠢᠭᠤᠯᠤᠭᠴᠢ ᠠᠳᠤᠭᠤᠴᠢᠳ ᠢᠩᠭᠢᠵᠦ ᠲᠠᠷᠢᠶᠠ ᠲᠠᠷᠢᠵᠤ ᠪᠠᠶᠢᠭᠰᠠᠨ ᠢ ᠨᠢᠲᠦ ᠪᠠᠷ ᠢᠶᠠᠨ ᠦᠵᠡᠭᠰᠡᠨ ᠨᠠᠰᠤᠲᠡᠳ | ᠪᠠ ᠢᠩᠭᠢᠵᠦ ᠲᠠᠷᠢᠭᠰᠠᠨ ᠲᠤᠷᠰᠢᠯᠠᠭᠠᠲᠦ ᠡᠪᠦᠭᠡᠳ ᠣᠳᠣ ᠲᠤᠯᠲᠠᠯᠠ ᠠᠮᠢᠲᠦ ᠪᠠᠶᠢᠭᠰᠠᠭᠠᠷ᠃ | | ︵ᠢᠷᠡᠯᠲᠡ᠄ ᠨᠠ᠊· ᠪᠣᠶᠠᠨᠬᠡᠰᠢᠭ ᠤᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠣᠩᠭᠤᠯ ᠲᠡᠦᠭᠡ ᠰᠤᠶᠤᠯ ᠤᠨ ᠰᠤᠩᠭᠤᠳᠠᠭ | ᠵᠤᠬᠢᠶᠠᠯ ᠤᠨ ᠬᠦᠮᠦᠷᠭᠡ᠂ ᠵᠠᠩ ᠦᠢᠯᠡ ᠶᠢᠨ ᠴᠤᠪᠤᠷᠠᠯ ︿ᠪᠠᠭᠠᠷᠢᠨ ᠵᠠᠩ ᠦᠢᠯᠡ﹀︾ ᠭᠡᠬᠦ ᠨᠣᠮ ᠠᠴᠠ ᠰᠤᠩᠭᠤᠨ | ᠰᠡᠶᠢᠷᠡᠭᠦᠯᠪᠡ᠃︶ |