| ︵ᠨᠢᠭᠡ︶ ᠴᠣᠷᠪᠠᠭᠠᠨ ᠠᠴᠠ ᠨᠢ ᠡᠬᠢᠯᠡᠵᠦ ᠰᠤᠩᠭᠤᠬᠤ | 1.ᠠᠩᠬᠠᠳᠠᠭᠴᠢ ᠤᠳᠠᠭᠠᠨ ᠤ ᠰᠤᠩᠭᠤᠯᠲᠠ᠄ 6 ~ 8 ᠭᠠᠷᠠᠭ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ ᠴᠣᠷᠪᠠᠭᠠ ᠶᠢ | ᠰᠤᠩᠭᠤᠬᠤ ᠳᠠᠭᠠᠨ ᠪᠡᠶᠡ ᠭᠠᠳᠠᠷ ᠨᠢ ᠪᠦᠷᠢᠨ ᠭᠦᠢᠴᠡᠳ ᠪᠣᠶᠢᠵᠢᠭᠰᠠᠨ ᠪᠠ ᠰᠡᠴᠢᠭ ᠨᠢ ᠣᠯᠠᠭᠠᠨ ᠢ ᠨᠢ | ᠰᠤᠩᠭᠤᠨᠠ᠃ ᠭᠠᠳᠠᠷ ᠪᠠᠶᠢᠳᠠᠯ ᠳᠤᠨᠢ ᠢᠯᠡ ᠲᠣᠳᠤ ᠳᠤᠲᠠᠭᠳᠠᠯ ᠲᠠᠢ ᠴᠣᠷᠪᠠᠭᠠ ᠶᠢ ᠰᠢᠯᠢᠵᠦ ᠭᠠᠷᠭᠠᠬᠤ ᠬᠡᠷᠡᠭᠲᠡᠢ᠃ | ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ ᠬᠡᠳᠦ ᠬᠦᠩᠭᠡᠨ ᠪᠠ ᠡᠷᠡᠭᠴᠢᠨ ᠡᠮᠡᠭᠴᠢᠨ ᠤ ᠢᠯᠭᠠᠯ ᠨᠢ ᠳᠤᠲᠣ ᠪᠣᠰᠤ ᠴᠣᠷᠪᠠᠭᠠ ᠶᠢ | ᠰᠢᠷᠪᠢᠵᠦ ᠬᠠᠶᠠᠬᠤ ᠬᠡᠷᠡᠭᠲᠡᠢ᠃ ᠰᠤᠩᠭᠤᠵᠦ ᠦᠯᠡᠳᠡᠭᠡᠬᠦ ᠬᠠᠷᠢᠴᠠᠯ ᠨᠢ᠄ ᠰᠢᠩᠬᠡᠯᠢᠭ ᠲᠤ ᠲᠡᠵᠢᠭᠡᠵᠦ ᠪᠠᠶᠢᠭᠠ | ᠡᠷᠡᠭᠴᠢᠨ ᠡᠮᠡᠭᠴᠢᠨ ᠤ ᠬᠠᠷᠢᠴᠠᠯ 1᠄ 10 ᠪᠠᠶᠢᠵᠤ᠂ ᠠᠶᠠᠨᠳᠠᠭᠠᠨ ᠬᠡᠬᠡᠯᠳᠦᠭᠦᠯᠭᠡ ᠬᠢᠭᠰᠡᠨ ᠴᠣᠷᠪᠠᠭᠠ ᠤ ᠬᠠᠷᠢᠴᠠᠯ | 1᠄ 9 ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | 2.ᠬᠤᠶᠠᠳᠠᠬᠢ ᠤᠳᠠᠭᠠᠨ ᠤ ᠰᠤᠩᠭᠤᠯᠲᠠ᠄ ᠬᠤᠶᠠᠳᠠᠬᠢ ᠤᠳᠠᠭᠠᠨ ᠤ ᠰᠤᠩᠭᠤᠯᠲᠠ ᠶᠢ ᠡᠮᠡᠭᠴᠢᠨ ᠲᠠᠬᠢᠶᠠ | ᠰᠦᠷᠦᠭ ᠰᠢᠯᠵᠢᠬᠦ ᠦᠶᠡ ᠳᠤ ᠬᠢᠵᠦ᠂ 17 ~ 18 ᠭᠠᠷᠠᠭ ᠨᠠᠰᠤᠨ ᠤ ᠦᠶᠡ ᠳᠤ ᠭᠠᠷ ᠬᠡᠬᠡᠯᠳᠦᠭᠦᠯᠭᠡ | ᠬᠢᠬᠦ ᠳᠡᠭᠡᠨ ᠳᠡᠭᠡᠷᠡᠬᠢ ᠱᠠᠭᠠᠷᠳᠠᠯᠭᠠ ᠶᠢ ᠪᠡᠶᠡᠯᠡᠬᠦᠯᠬᠦ ᠠᠴᠠ ᠭᠠᠳᠠᠨᠠ ᠪᠡᠯᠭᠡ ᠶᠢᠨ ᠳᠤᠰᠬᠠᠯ ᠰᠠᠶᠢᠲᠠᠢ ᠡᠷᠡᠭᠴᠢᠨ | ᠲᠠᠬᠢᠶᠠ ᠶᠢ ᠰᠤᠩᠭᠤᠬᠤ ᠬᠡᠷᠡᠭᠲᠡᠢ᠃ ᠰᠢᠩᠭᠡᠯᠢᠭ ᠲᠤ ᠲᠡᠵᠢᠭᠡᠭᠰᠡᠨ ᠲᠠᠬᠢᠶᠠᠨ ᠤ ᠡᠷᠡᠭᠴᠢᠨ ᠡᠮᠡᠭᠴᠢᠨ ᠤ ᠬᠠᠷᠢᠴᠠᠯ | ᠨᠢ 1᠄ 1᠂ ᠪᠠᠶᠢᠭᠠᠯᠢ ︵ᠠᠶᠠᠨᠳᠠᠭᠠᠨ︶ ᠬᠡᠬᠡᠯᠳᠦᠭᠦᠯᠭᠡ ᠶᠢᠨ ᠬᠢ ᠪᠣᠯ 1᠄ 9 ᠪᠣᠯᠤᠨᠠ᠃ | 3.ᠭᠤᠷᠪᠠᠳᠠᠬᠢ ᠤᠳᠠᠭᠠᠨ ᠤ ᠰᠤᠩᠭᠤᠯᠲᠠ᠄ 21 ~ 22 ᠭᠠᠷᠠᠭ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ ᠤ ᠰᠡᠭᠦᠯᠡᠷ᠂ | ᠦᠷᠡ ᠶᠢᠨ ᠰᠢᠩᠭᠡᠨ ᠤ ᠬᠢᠨᠢ ᠰᠢᠨᠵᠢ ᠴᠢᠨᠠᠷ ᠢ ᠦᠨᠳᠦᠰᠦᠯᠡᠵᠦ ᠰᠤᠩᠭᠤᠨᠠ᠃ ᠡᠭᠦᠨ ᠳᠤ ᠦᠷᠡ ᠶᠢᠨ ᠰᠢᠩᠭᠡᠨ ᠤ | ᠦᠩᠭᠡ ᠨᠢ ᠰᠦᠨ ᠴᠠᠭᠠᠨ᠂ ᠬᠡᠮᠵᠢᠶᠡ ᠨᠢ ᠠᠷᠪᠢᠨ᠂ ᠨᠢᠭᠲᠠᠴᠠ ᠨᠢ ᠶᠡᠭᠡ ᠡᠷᠡᠭᠴᠢᠨ ᠲᠠᠬᠢᠶᠠ ᠶᠢ ᠰᠤᠩᠭᠤᠬᠤ | ᠬᠡᠷᠡᠭᠲᠡᠢ᠃ ᠡᠷᠡᠭᠴᠢᠨ ᠲᠠᠬᠢᠶᠠ ᠶᠢ ᠢᠯᠢᠵᠦ ᠦᠷᠡ ᠠᠪᠬᠤ ᠦᠶᠡ ᠳᠠᠬᠢ ᠳᠤᠰᠬᠠᠯ ᠨᠢ 90％ ᠠᠴᠠ ᠳᠡᠭᠡᠭᠰᠢ ᠨᠢ | ᠰᠢᠯᠢᠳᠡᠭ ᠪᠣᠶᠣ ᠨᠡᠯᠢᠶᠡᠳ ᠰᠠᠶᠢᠨ ᠪᠠᠶᠢᠵᠤ᠂ 10％ ᠣᠷᠴᠢᠮ ᠨᠢ ᠳᠤᠰᠬᠠᠯ ᠢᠶᠠᠷ ᠮᠠᠭᠤ ᠪᠠᠶᠢᠳᠠᠭ ᠪᠦᠭᠡᠳ | ᠦᠷᠡ ᠶᠢᠨ ᠰᠢᠩᠭᠡᠨ ᠨᠢ ᠪᠠᠭᠠ ᠪᠤᠶᠤ ᠦᠷᠡ ᠬᠠᠷᠪᠤᠬᠤ ᠦᠭᠡᠢ ᠪᠠᠶᠢᠳᠠᠭ᠃ | ᠪᠦᠬᠦ ᠵᠢᠯ ᠢᠶᠠᠷ ᠭᠠᠷ ᠬᠡᠬᠡᠯᠳᠦᠭᠦᠯᠭᠡ ᠬᠢᠳᠡᠭ ᠦᠷᠡ ᠶᠢᠨ ᠲᠠᠬᠢᠶᠠᠨ ᠤ ᠲᠠᠯᠠᠪᠠᠢ ᠶᠢᠨ ᠰᠢᠩᠭᠡᠯᠢᠭ ᠲᠤ | ᠲᠡᠵᠢᠭᠡᠭᠰᠡᠨ ᠡᠷᠡᠭᠴᠢᠨ ᠡᠮᠡᠭᠴᠢᠨ ᠦᠷᠡ ᠶᠢᠨ ᠲᠠᠬᠢᠶᠠᠨ ᠤ ᠬᠠᠷᠢᠴᠠᠯ ᠨᠢ 1᠄ 25 ~ 30᠂ ᠪᠠᠶᠢᠭᠠᠯᠢ | ︵ᠠᠶᠠᠨᠳᠠᠭᠠᠨ︶ ᠬᠡᠬᠡᠯᠳᠦᠭᠦᠯᠭᠡ ᠶᠢᠨ ᠬᠢ ᠪᠣᠯ 1᠄ 10 ~ 12 ᠪᠣᠯᠤᠨᠠ᠃ | ︵ᠬᠤᠶᠠᠷ︶ ᠦᠷᠡ ᠶᠢᠨ ᠡᠷᠡᠭᠴᠢᠨ ᠲᠠᠬᠢᠶᠠ ᠶᠢ ᠪᠣᠶᠢᠵᠢᠭᠤᠯᠬᠤ | ᠦᠷᠡ ᠶᠢᠨ ᠡᠷᠡᠭᠴᠢᠨ ᠡᠮᠡᠭᠴᠢᠨ ᠲᠠᠬᠢᠶᠠ ᠶᠢ ᠴᠣᠷᠪᠠᠭᠠ ᠠᠴᠠ ᠡᠬᠢᠯᠡᠨ ᠰᠠᠯᠭᠠᠵᠤ ᠲᠡᠵᠢᠭᠡᠬᠦ ᠬᠡᠷᠡᠭᠲᠡᠢ᠃ | ᠶᠡᠷᠦ ᠶᠢᠨ ︵ᠲᠠᠷᠠᠬᠠᠢ︶ ᠲᠡᠵᠢᠭᠡᠯᠭᠡ ᠪᠤᠶᠤ ᠰᠢᠩᠭᠡᠯᠢᠭ ᠤᠨ ᠲᠡᠵᠢᠭᠡᠯᠭᠡ ᠶᠢᠨ ᠠᠷᠭᠠ ᠶᠢ ᠪᠦᠷ ᠬᠡᠷᠡᠭᠯᠡᠵᠦ ᠪᠣᠯᠤᠨᠠ᠃ | ᠨᠦᠬᠦᠴᠡᠯ ᠲᠠᠢ ᠪᠣᠯ ᠲᠡᠵᠢᠭᠡᠬᠦ ᠨᠢᠭᠲᠠᠴᠠ ᠶᠢ ᠨᠢ ᠪᠠᠭᠠ ᠪᠠᠶᠢᠯᠭᠠᠪᠠᠯ ᠨᠡᠩ ᠰᠠᠶᠢᠨ ᠪᠦᠭᠡᠳ ᠡᠷᠡᠭᠴᠢᠨ ᠲᠠᠬᠢᠶᠠᠨ ᠤ | ᠬᠦᠳᠡᠯᠭᠡᠭᠡᠨ ᠬᠢᠬᠦ ᠵᠠᠢ ᠶᠢ ᠴᠢᠯᠦᠭᠡᠲᠡᠢ ᠪᠠᠶᠢᠯᠭᠠᠪᠠᠯ ᠪᠡᠶᠡ ᠴᠣᠭᠴᠠ ᠶᠢᠨ ᠬᠢᠨᠢ ᠪᠣᠶᠢᠵᠢᠯᠲᠡ ᠳᠤ ᠠᠰᠢᠭᠲᠠᠢ ᠪᠠᠶᠢᠳᠠᠭ᠃ | 17 ᠭᠠᠷᠠᠭ ᠨᠠᠰᠤᠨ ᠠᠴᠠ ᠡᠮᠦᠨᠡ ᠠᠳᠠᠯᠢ ᠪᠤᠰᠤ ᠡᠭᠦᠯᠳᠡᠷ ᠤᠨ ᠱᠠᠭᠠᠷᠳᠠᠯᠭᠠ ᠪᠠᠷ ᠲᠠᠬᠢᠶᠠ ᠶᠢ ᠲᠡᠵᠢᠭᠡᠨ | ᠠᠷᠠᠴᠢᠯᠠᠵᠦ ᠬᠠᠮᠢᠶᠠᠷᠬᠤ ᠬᠡᠷᠡᠭᠲᠡᠢ᠃ ᠲᠤᠬᠠᠶᠢᠯᠠᠪᠠᠯ ᠪᠡᠶᠡ ᠶᠢᠨ ᠬᠦᠨᠳᠦ ᠶᠢ ᠨᠢ ᠬᠡᠮᠵᠢᠬᠦ᠂ ᠮᠡᠭᠦᠷᠭᠡᠢ ᠶᠢ ᠨᠢ ᠬᠡᠮᠵᠢᠬᠦ | ᠵᠡᠷᠭᠡ ᠠᠵᠢᠯ ᠢ ᠬᠢᠵᠦ ᠪᠣᠯᠤᠨᠠ᠃ 17 ~ 18 ᠭᠠᠷᠠᠭ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ ᠤ ᠰᠡᠭᠦᠯᠡᠷ ᠲᠠᠩ ᠪᠦᠲᠦᠴᠡᠲᠦ | ᠰᠢᠩᠭᠡᠯᠢᠭ ᠳᠣᠲᠤᠷᠠ ᠲᠡᠵᠢᠭᠡᠬᠦ ᠬᠡᠷᠡᠭᠲᠡᠢ᠃ ᠭᠡᠷᠡᠯ ᠤᠨ ᠳᠤᠰᠬᠠᠯᠲᠡ ᠶᠢ ᠭᠠᠷᠠᠭ ᠪᠦᠷᠢ 0.5 ᠴᠠᠭ ᠢᠶᠠᠷ ᠨᠡᠮᠡᠵᠦ᠂ | 16 ᠴᠠᠭ ᠦᠷᠭᠦᠯᠵᠢᠯᠡᠭᠦᠯᠦᠨᠡ᠃ | ᠪᠡᠯᠡᠳᠭᠡᠯ ᠦᠷᠡ ᠶᠢᠨ ᠲᠠᠬᠢᠶᠠᠨ ᠤ ᠰᠢᠮᠡ ᠲᠡᠵᠢᠭᠡᠯ ᠤᠨ ᠬᠡᠮᠵᠢᠶᠡ᠄ ᠰᠣᠯᠢᠯᠴᠠᠭᠠᠨ ᠤ ᠡᠨᠧᠷᠬᠢ ᠨᠢ | ᠺᠢᠯᠦᠭᠷᠡᠮ ᠪᠦᠷᠢ 11 ~ 12 ᠵᠦᠯ᠂ ᠴᠣᠷᠪᠠᠭᠠ ᠪᠣᠶᠢᠵᠢᠭᠤᠯᠬᠤ ᠬᠤᠭᠤᠴᠠᠭᠠᠨ ᠳᠠᠬᠢ ᠪᠦᠳᠦᠭᠦᠯᠢᠭ ᠤᠭᠤᠷᠠᠭ ᠨᠢ | 18％ ~ 19％᠂ ᠺᠠᠯᠼ 1.1％᠂ ᠠᠰᠢᠭᠲᠤ ᠹᠣᠰᠹᠣᠷ 0.45％ ᠪᠠᠶᠢᠵᠤ᠂ ᠪᠣᠶᠢᠵᠢᠯᠲᠡ ᠶᠢᠨ | ᠬᠤᠭᠤᠴᠠᠭᠠᠨ ᠤ ᠪᠦᠳᠦᠭᠦᠯᠢᠭ ᠤᠭᠤᠷᠠᠭ ᠨᠢ 12％ ~ 14％᠂ ᠺᠠᠯᠼ ᠨᠢ 1.0％᠂ ᠠᠰᠢᠭᠲᠤ ᠹᠣᠰᠹᠣᠷ ᠨᠢ | 0.45％ ᠪᠣᠯᠤᠨᠠ᠃ | ᠵᠣᠬᠢᠶᠠᠮᠠᠯ ᠬᠡᠬᠡᠯᠳᠦᠭᠦᠯᠭᠡ ᠬᠢᠬᠦ ᠡᠷᠡᠭᠴᠢᠨ ᠲᠠᠬᠢᠶᠠᠨ ᠤ ᠬᠤᠰᠢᠭᠤ ᠶᠢ ᠨᠢ ᠲᠠᠭᠠᠷᠢᠵᠦ ᠪᠣᠯᠬᠤ ᠦᠭᠡᠢ᠂ | ᠳᠣᠲᠤᠷᠠ ᠬᠢᠮᠦᠰᠦ ᠪᠠ ᠬᠤᠶᠢᠲᠦ ᠬᠢᠮᠤᠰᠤᠨ ᠤ ᠨᠢᠭᠡᠳᠦᠭᠡᠷ ᠦᠶᠡ ᠶᠢ ᠨᠢ ᠬᠠᠶᠢᠴᠢᠯᠠᠬᠤ ᠶᠢᠨ ᠬᠠᠮᠲᠦ ᠬᠢᠮᠤᠰᠤ ᠶᠢ | ᠨᠢ ᠴᠤ ᠬᠠᠶᠢᠴᠢᠯᠠᠵᠤ ᠬᠠᠶᠠᠨᠠ᠃ ᠡᠨᠡ ᠨᠢ ᠪᠠᠶᠢᠭᠠᠯᠢ ︵ᠠᠶᠠᠨᠳᠠᠭᠠᠨ︶ ᠬᠡᠬᠡᠯᠳᠦᠭᠦᠯᠭᠡ ᠬᠢᠬᠦ ᠦᠶᠡᠰ ᠡᠮᠡᠭᠴᠢᠨ | ᠲᠠᠬᠢᠶᠠ ᠶᠢ ᠪᠠᠵᠠᠵᠤ ᠰᠢᠷᠬᠠᠳᠤᠭᠤᠯᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠦ ᠪᠠᠶᠢᠬᠤ ᠶᠤᠮ᠃ | | | ︵ᠢᠷᠡᠯᠲᠡ᠄ ᠵᠢᠷᠭᠠᠯ ᠡᠷᠬᠢᠯᠡᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠭᠠᠭ᠋ᠠᠢ ᠲᠠᠬᠢᠶᠠ ᠨᠤᠭᠤᠰᠤ ᠲᠡᠵᠢᠭᠡᠵᠦ ᠪᠤᠷᠳᠤᠬᠤ | ᠮᠡᠷᠭᠡᠵᠢᠯ︾ ᠭᠡᠬᠦ ᠨᠣᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠠ᠃︶ |