ᠲᠡᠮᠡᠭᠡ ᠶᠢ ᠳᠦᠷᠪᠡ ᠠᠴᠠ ᠲᠠᠪᠤᠨ ᠨᠠᠰᠤᠨ ᠤ ᠵᠠᠪᠰᠠᠷ ᠤᠨ ᠦᠶᠡ ᠳᠤ ᠠᠭᠲᠠᠯᠠᠨᠠ᠃ ᠲᠡᠷᠡ ᠨᠠᠰᠤᠨ ᠤ ᠡᠷᠡ | ᠲᠡᠮᠡᠭᠡ ᠶᠢ ᠪᠠᠰᠠ ᠲᠠᠶᠢᠯᠤᠭ ᠭᠡᠳᠡᠭ᠃ ᠲᠡᠶᠢᠯᠤᠭ ᠢ ᠠᠭᠲᠠᠯᠠᠬᠤ ᠠᠷᠭᠠ ᠪᠠᠷᠢᠯ ᠨᠢ ᠦᠷᠢᠶᠡ ᠡᠰᠭᠡᠬᠦ ᠲᠠᠢ ᠠᠳᠠᠯᠢ᠃ | ᠮᠦᠨ ᠯᠠ ᠰᠠᠪᠰᠠᠯᠭᠠ᠂ ᠢᠯᠢᠭᠦᠷ ᠵᠡᠷᠭᠡ ᠶᠢ ᠬᠡᠷᠡᠭᠯᠡᠨ ᠬᠠᠭᠠᠷᠢᠵᠤ ᠠᠭᠲᠠᠯᠠᠨᠠ᠃ ᠠᠳᠠᠯᠢ ᠦᠭᠡᠢ ᠲᠠᠯᠠ ᠨᠢ ᠭᠡᠪᠡᠯ | ᠲᠠᠶᠢᠯᠤᠭ ᠢ ᠤᠨᠠᠭᠠᠭᠰᠠᠨ ᠤ ᠬᠤᠶᠢᠨᠠ ᠲᠠᠯᠠ ᠪᠠᠷ ᠨᠢ ᠬᠡᠪᠲᠡᠭᠦᠯᠵᠦ ᠪᠠᠶᠢᠭᠠᠳ ᠪᠤᠷᠠᠨᠳᠠᠭ ᠳᠡᠭᠡᠰᠦ ᠪᠠᠷ ᠴᠣᠮᠣᠨ | ᠤᠶᠠᠵᠤ ᠬᠡᠳᠦᠨ ᠵᠠᠯᠠᠭᠤᠰ ᠳᠠᠷᠤᠵᠤ ᠪᠠᠶᠢᠭᠠᠳ ᠠᠭᠲᠠᠯᠠᠨᠠ᠃ | ᠵᠠᠷᠢᠮ ᠭᠠᠵᠠᠷ ᠲᠤ ᠲᠠᠶᠢᠯᠤᠭ ᠢ ᠠᠭᠲᠠᠯᠠᠬᠤ ᠳᠠᠭᠠᠨ ᠰᠠᠪᠰᠠᠯᠭᠠ ᠬᠡᠷᠡᠭᠡᠯᠡᠬᠦ ᠦᠭᠡᠢ᠂ ᠳᠠᠪᠤᠰᠤᠲᠠᠢ ᠣᠰᠤ ᠪᠠᠷ | ᠪᠦᠭᠡᠷᠡ ᠶᠢᠨ ᠬᠠᠪᠳᠠᠭ ᠤᠨ ᠭᠠᠳᠠᠷ ᠲᠠᠯᠠ ᠶᠢ ᠰᠠᠶᠢᠲᠤᠷ ᠱᠠᠪᠰᠢᠵᠤ ᠠᠷᠢᠭᠤᠳᠬᠠᠭᠰᠠᠨ ᠤ ᠳᠠᠷᠠᠭᠠ ᠬᠤᠷᠴᠠ | ᠬᠢᠲᠤᠭᠠ ᠪᠠᠷ ᠬᠠᠪᠳᠠᠭ ᠳᠡᠭᠡᠷᠡ ᠨᠢ ᠭᠤᠯᠳᠤ ᠬᠤᠶᠠᠷ ᠣᠭᠲᠣᠯᠵᠣ ᠪᠦᠭᠡᠨᠰᠦᠭ ᠢ ᠨᠢ ᠰᠢᠬᠠᠨ ᠭᠠᠷᠭᠠᠭᠠᠳ ᠮᠦᠨ | ᠬᠢᠲᠤᠭᠠ ᠪᠠᠷ ᠢᠶᠠᠨ ᠪᠦᠭᠡᠷᠡ ᠶᠢᠨ ᠤᠷᠲᠤ ᠭᠤᠤᠷᠰᠤ ᠶᠢ ᠰᠢᠭᠤᠳ ᠤᠭᠲᠤᠯᠵᠤ ᠠᠭᠲᠠᠯᠠᠨᠠ᠃ | | | ︵ᠢᠷᠡᠯᠲᠡ᠄ ᠪᠤᠷᠵᠤᠤ᠂ ᠤᠯᠠᠭᠠᠨᠪᠠᠭᠠᠲᠤᠷ᠂ ᠲᠠᠨᠠ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ | ᠠᠷᠠᠴᠢᠯᠠᠭᠠ ᠶᠢᠨ ᠰᠤᠶᠤᠯ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |