| ᠨᠠᠷᠠᠨ ᠲᠠᠮᠠᠭᠠ ᠪᠠ ᠰᠠᠷᠠᠨ ᠲᠠᠮᠠᠭᠠ ᠶᠢᠨ ᠬᠡᠯᠪᠡᠷᠢ ᠳᠦᠷᠰᠦ ᠨᠢ ᠠᠳᠠᠯᠢ ᠦᠭᠡᠢ᠂ ᠭᠡᠪᠡᠴᠦ ᠠᠭᠤᠯᠭᠠ ᠶᠢᠨ | ᠬᠤᠪᠢ ᠳᠤ ᠨᠢᠭᠲᠠ ᠬᠠᠷᠢᠴᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠡᠷᠲᠡ ᠳᠡᠭᠡᠳᠦ ᠦᠶᠡ ᠠᠴᠠ ᠨᠠᠷᠠ᠂ | ᠰᠠᠷᠠ ᠶᠢ ᠰᠢᠲᠦᠯᠭᠡ ᠪᠠᠷ ᠪᠣᠯᠭᠠᠵᠤ ᠪᠠᠶᠢᠵᠠᠢ᠃ ᠶᠠᠭ ᠡᠶᠢᠮᠦ ᠤᠴᠢᠷ ᠠᠴᠠ ᠮᠣᠩᠭᠤᠯᠴᠤᠳ ᠠᠯᠢ ᠡᠷᠲᠡᠨ ᠠᠴᠠ ᠨᠠᠷᠠᠨ | ᠲᠠᠮᠠᠭᠠ᠂ ᠰᠠᠷᠠᠨ ᠲᠠᠮᠠᠭᠠ ᠶᠢ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠦᠮᠴᠢ ᠶᠢᠨ ᠲᠠᠮᠠᠭᠠ ᠪᠠᠷ ᠬᠡᠷᠡᠭᠯᠡᠵᠦ ᠦᠨᠢ ᠡᠭᠦᠷᠢᠲᠡ | ᠨᠠᠷᠠ᠂ ᠰᠠᠷᠠ ᠶᠢ ᠰᠢᠲᠦᠬᠦ ᠭᠦᠨ ᠳᠠᠯᠳᠠ ᠰᠠᠨᠠᠭᠠ ᠪᠠᠨ ᠢᠯᠡᠳᠭᠡᠵᠦ ᠪᠠᠶᠢᠵᠠᠢ᠃ ᠮᠣᠩᠭᠤᠯᠴᠤᠳ ᠨᠠᠷᠠᠨ ᠰᠠᠷᠠᠨ ᠤ | ᠢᠪᠡᠭᠡᠯ ᠬᠠᠶᠢᠷᠠ ᠢᠶᠠᠷ ᠠᠯᠢᠪᠠ ᠶᠠᠪᠤᠳᠠᠯ ᠴᠠᠭᠠᠨ ᠮᠦᠷ ᠲᠠᠢ ᠪᠠᠶᠢᠬᠤ ᠶᠢ ᠬᠦᠰᠡᠨ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠰᠦᠷᠦᠭ | ᠨᠢ ᠮᠡᠨᠳᠦ ᠰᠠᠶᠢᠬᠠᠨ ᠢᠶᠠᠷ ᠦᠷᠡᠵᠢᠨ ᠦᠰᠬᠦ ᠶᠢᠨ ᠪᠡᠯᠭᠡ ᠳᠡᠮᠪᠡᠷᠢᠯ ᠪᠣᠯᠭᠠᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠪᠠᠰᠠ ᠴᠠᠭᠠᠨ | ᠦᠩᠭᠡ ᠶᠢ ᠰᠢᠲᠦᠬᠦ ᠪᠣᠯᠣᠭᠰᠠᠨ ᠨᠢ ᠨᠠᠷᠠᠨ ᠰᠠᠷᠠᠨ ᠲᠠᠮᠠᠭᠠ ᠶᠢ ᠬᠡᠷᠡᠭᠯᠡᠭᠰᠡᠨ ᠲᠠᠢ ᠨᠢᠭᠲᠠ ᠬᠤᠯᠪᠤᠭᠠ ᠲᠠᠢ | ᠪᠠᠶᠢᠵᠠᠢ᠃ ᠬᠡᠳᠦᠶᠢᠪᠡᠷ ᠴᠠᠭᠠᠨ ᠦᠩᠭᠡ ᠪᠠ ᠮᠠᠯ ᠤᠨ ᠲᠠᠮᠠᠭᠠ ᠨᠢ ᠠᠳᠠᠯᠢ ᠪᠤᠰᠤ ᠬᠤᠶᠠᠷ ᠵᠦᠢᠯ ᠤᠨ ᠶᠠᠭᠤᠮᠠ | ᠪᠣᠯᠪᠠᠴᠤ ᠢᠯᠡᠳᠭᠡᠬᠦ ᠰᠠᠨᠠᠭᠠ ᠨᠢ ᠨᠢᠭᠡ ᠶᠣᠮ᠃ ᠮᠣᠩᠭᠤᠯᠴᠣᠳ ᠤᠨ ᠳᠦᠷᠪᠡᠯᠵᠢᠨ ᠴᠠᠭᠠᠨ ᠪᠦᠰ ᠳᠡᠭᠡᠷᠡ ᠠᠶᠢᠯ | ᠡᠷᠦᠬᠡ ᠠᠮᠤᠷ ᠮᠡᠨᠳᠦ᠂ ᠠᠳᠣᠭᠤ ᠮᠠᠯ ᠠᠭᠠᠷ ᠳᠡᠭᠷᠢ ᠶᠢᠨ ᠤᠳᠤᠨ ᠮᠡᠲᠦ ᠠᠷᠪᠢᠳᠠᠨ ᠦᠰᠬᠦ ᠶᠢ ᠵᠦᠩᠨᠡᠨ | ᠪᠡᠯᠭᠡᠳᠡᠭᠰᠡᠨ ᠲᠠᠷᠨᠢ ᠶᠢᠨ ᠦᠰᠦᠭ ᠲᠠᠢ ᠲᠠᠷᠴᠤᠭ ᠳᠠᠯᠪᠠᠭᠠ ᠬᠢᠬᠦ᠂ ᠴᠠᠭᠠᠨ ᠲᠤᠷᠭᠠᠨ ᠬᠠᠳᠠᠭ ᠬᠡᠷᠡᠭᠯᠡᠬᠦ᠂ ᠴᠠᠭᠠᠨ | ᠪᠦᠰ ᠢᠶᠠᠷ ᠬᠤᠪᠴᠠᠰᠣ ᠬᠤᠨᠠᠷ ᠬᠢᠵᠦ ᠡᠮᠦᠰᠬᠦ᠂ ᠨᠠᠷᠠ᠂ ᠰᠠᠷᠠ ᠶᠢ ᠲᠠᠬᠢᠬᠤ ᠳᠠᠭᠠᠨ ᠴᠠᠭᠠᠨ ᠢᠰᠡᠭᠡᠢ ᠪᠠᠷ ᠳᠡᠪᠢᠰᠭᠡᠷ | ᠪᠣᠯᠭᠠᠨ ᠲᠡᠭᠦᠨ ᠤ ᠳᠡᠭᠡᠷᠡ ᠨᠢ ᠰᠦᠭᠦᠳᠦᠨ ᠮᠦᠷᠭᠦᠯ ᠬᠢᠬᠦ᠂ ᠪᠠᠰᠠ ᠰᠢᠨᠡ ᠵᠢᠯ ᠤᠨ ᠵᠢᠯ ᠤᠨ ᠵᠤᠯᠭᠠᠯᠲᠠ ᠳᠤ ᠨᠢᠭᠡ | ᠠᠮᠠ ᠴᠠᠭᠠᠨ ᠪᠦᠰ ᠢᠶᠠᠷ ᠠᠯᠴᠢᠭᠤᠷ ᠪᠤᠯᠭᠠᠨ ᠵᠤᠯᠭᠠᠯᠲᠠ ᠬᠢᠬᠦ ᠵᠡᠷᠭᠡ ᠵᠠᠩ ᠵᠠᠩᠰᠢᠯ ᠨᠢ ᠪᠦᠷ ᠨᠠᠷᠠ ᠰᠠᠷᠠᠨ ᠤ | ᠭᠡᠷᠡᠯ ᠢ ᠰᠢᠲᠦᠵᠦ ᠪᠠᠶᠢᠬᠤ ᠰᠠᠨᠠᠭᠠ ᠶᠢ ᠢᠯᠡᠳᠭᠡᠳᠡᠭ᠃ ᠨᠡᠭᠦᠳᠡᠯᠴᠢᠨ ᠮᠠᠯᠴᠢᠨ ᠦᠨᠳᠦᠰᠦᠲᠡᠨ ᠤ ᠲᠠᠪᠤᠨ ᠬᠤᠰᠢᠭᠤ | ᠮᠠᠯ ᠤᠨ ᠲᠠᠮᠠᠭᠠᠨ ᠳᠤ ᠨᠠᠷᠠ ᠰᠠᠷᠠᠨ ᠤ ᠬᠡᠯᠪᠡᠷᠢ ᠲᠠᠢ ᠲᠠᠮᠠᠭᠠ ᠮᠣᠩᠭᠤᠯ ᠨᠤᠲᠤᠭ ᠲᠤ ᠲᠦᠭᠡᠮᠡᠯ ᠳᠡᠯᠭᠡᠷᠡᠨ ᠪᠠᠶᠢᠵᠤ᠂ | ᠮᠦᠨ ᠡᠳᠦᠭᠡ ᠪᠤᠯᠲᠠᠯᠠ ᠬᠡᠷᠡᠭᠯᠡᠭᠳᠡᠵᠦ ᠪᠠᠶᠢᠨᠠ᠃ ᠮᠣᠩᠭᠤᠯᠴᠤᠳ ᠤᠨ ᠨᠠᠷᠠᠨ ᠰᠠᠷᠠᠨ ᠢ ᠰᠢᠲᠦᠬᠦ ᠪᠡᠯᠭᠡᠳᠡᠯ ᠤᠨ | ᠰᠠᠨᠠᠭᠠ ᠨᠢ ᠮᠤᠬᠤᠷ ᠪᠢᠰᠢᠷᠡᠯ ᠤᠨ ᠦᠵᠡᠯ ᠰᠠᠨᠠᠭᠠ ᠤᠭᠲᠤ ᠪᠢᠰᠢ᠂ ᠬᠠᠷᠢᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠡᠷᠢᠯ ᠬᠦᠰᠡᠯ ᠪᠠ | ᠵᠦᠩᠨᠡᠯ ᠪᠡᠯᠭᠡᠳᠡᠯ ᠪᠣᠯᠬᠤ ᠶᠤᠮ᠃ | | | ︵ᠢᠷᠡᠯᠲᠡ᠄ ᠪᠤᠷᠵᠤᠤ᠂ ᠤᠯᠠᠭᠠᠨᠪᠠᠭᠠᠲᠤᠷ᠂ ᠲᠠᠨᠠ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ | ᠠᠷᠠᠴᠢᠯᠠᠭᠠ ᠶᠢᠨ ᠰᠤᠶᠤᠯ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |