ᠮᠣᠷᠢ ᠶᠢ ᠬᠤᠶᠠᠷ ᠨᠠᠰᠤᠨ ᠳᠡᠭᠡᠷᠡ ᠨᠢ ᠲᠠᠮᠠᠭᠠᠯᠠᠳᠠᠭ᠃ ᠤᠯᠠᠩᠬᠢ ᠭᠠᠵᠠᠷ ᠲᠤ ᠳᠠᠭᠠ ᠲᠠᠮᠠᠭᠠᠯᠠᠬᠤ ᠭᠡᠳᠡᠭ᠃ | ᠮᠣᠩᠭᠤᠯᠴᠣᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠵᠠᠩᠰᠢᠯ ᠢᠶᠠᠷ ᠵᠦᠪ ᠲᠠᠯᠠ ᠶᠢᠨ ᠭᠤᠶᠠᠨ ᠳᠤᠨᠢ ᠲᠠᠮᠠᠭᠠ ᠳᠠᠷᠣᠵᠣ᠂ ᠪᠤᠷᠤᠭᠤ | ᠲᠠᠯᠠ ᠶᠢᠨ ᠴᠢᠬᠢᠨ ᠳᠤᠨᠢ ᠢᠮ ᠬᠢᠳᠡᠭ᠃ | ᠠᠳᠣᠭᠤ ᠲᠠᠮᠠᠭᠠᠯᠠᠬᠤ ᠶᠢ ᠤᠯᠠᠩᠬᠢ ᠳᠠᠭᠠᠨ ᠬᠠᠩᠰᠢ ᠶᠢᠨ ᠡᠳᠦᠷ ᠢ ᠲᠣᠬᠢᠶᠠᠯᠳᠣᠭᠤᠯᠳᠠᠭ᠃ ᠬᠡᠷᠪᠡ | ᠬᠠᠩᠰᠢ ᠶᠢᠨ ᠡᠳᠦᠷ ᠰᠠᠯᠬᠢ ᠰᠢᠭᠤᠷᠭᠠ ᠶᠡᠬᠡᠲᠡᠢ ᠪᠣᠯ ᠲᠤᠩᠭᠠᠯᠠᠭ ᠰᠠᠶᠢᠬᠠᠨ ᠡᠳᠦᠷ ᠢ ᠡᠷᠢᠵᠦ᠂ ᠦᠯᠵᠡᠶᠢᠲᠦ ᠰᠠᠶᠢᠨ | ᠡᠳᠦᠷ ᠢ ᠰᠣᠩᠭᠤᠨ ᠠᠳᠣᠭᠤ ᠪᠠᠨ ᠲᠠᠮᠠᠭᠠᠯᠠᠨᠠ᠃ ᠮᠠᠯᠴᠢᠳ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢ ᠪᠦᠷ ᠲᠠᠮᠠᠭᠠᠯᠠᠵᠤ ᠢᠮᠨᠡᠳᠡᠭ | ᠪᠣᠯᠪᠠᠴᠤ ᠠᠳᠣᠭᠤ ᠲᠠᠮᠠᠭᠠᠯᠠᠬᠤ ᠶᠢ ᠤᠨᠴᠠᠭᠠᠶᠢᠯᠠᠨ ᠬᠦᠨᠳᠦᠳᠭᠡᠨ ᠦᠵᠡᠳᠡᠭ ᠶᠤᠮ᠃ | ᠠᠳᠣᠭᠤ ᠲᠠᠮᠠᠭᠠᠯᠠᠬᠤ ᠠᠶᠢᠯ ᠤᠨ ᠬᠢᠨ ᠲᠠᠮᠠᠭᠠᠯᠠᠬᠤ ᠡᠳᠦᠷ ᠪᠠ ᠤᠷᠤᠨ ᠪᠠᠶᠢᠷᠢ ᠪᠠᠨ ᠲᠤᠭᠲᠠᠭᠰᠠᠨ ᠤ | ᠳᠠᠷᠠᠭᠠ ᠠᠶᠢᠯ ᠬᠤᠲᠠᠨ ᠳᠠᠭᠠᠨ ᠴᠢᠮᠡᠭᠡ ᠲᠠᠷᠬᠠᠭᠠᠨ᠂ ᠲᠠᠮᠠᠭᠠᠯᠠᠬᠤ ᠳᠠᠭᠠᠨ ᠤᠷᠠ ᠳᠡᠮ ᠲᠠᠢ ᠵᠠᠯᠠᠭᠤᠴᠤᠳ ᠢ ᠤᠷᠢᠨ | ᠵᠠᠯᠠᠳᠠᠭ᠃ ᠲᠡᠭᠡᠭᠡᠳ ᠲᠡᠷᠡ ᠡᠳᠦᠷ ᠤᠨ ᠬᠢᠨᠢ ᠦᠷᠯᠦᠭᠡ ᠡᠷᠲᠡ ᠪᠠᠷ ᠲᠠᠮᠠᠭᠠᠯᠠᠬᠤ ᠳᠠᠭᠠ ᠪᠠᠨ ᠲᠤᠭᠲᠠᠭᠰᠠᠨ | ᠭᠠᠵᠠᠷ ᠲᠤ ᠴᠤᠭᠯᠠᠭᠤᠯᠤᠨᠠ᠃ ᠳᠠᠷᠠᠭᠠ ᠨᠢ ᠡᠷᠦᠬᠡ ᠶᠢᠨ ᠡᠵᠡᠨ ᠮᠠᠯ ᠤᠨ ᠲᠠᠮᠠᠭᠠ ᠪᠠᠨ ᠠᠪᠴᠤ᠂ ᠭᠠᠯ | ᠭᠤᠯᠤᠮᠲᠠ ᠳᠠᠭᠠᠨ ᠬᠦᠵᠢ᠂ ᠠᠷᠴᠠ ᠽᠠᠨᠳᠠᠨ ᠤ ᠵᠦᠢᠯ ᠢ ᠠᠰᠠᠭᠠᠨ᠂ ᠠᠷᠢᠭᠤᠨ ᠰᠠᠶᠢᠬᠠᠨ ᠦᠨᠦᠷ ᠭᠠᠷᠭᠠᠵᠤ | ᠲᠠᠮᠠᠭᠠ ᠶᠢᠨ ᠲᠤᠯᠤᠭᠠᠢ ᠶᠢ ᠤᠲᠤᠭᠠᠨ ᠳᠡᠭᠡᠭᠦᠷ ᠵᠦᠪ ᠢᠶᠠᠷ ᠭᠤᠷᠪᠠ ᠡᠷᠭᠢᠭᠦᠯᠦᠨ ᠠᠷᠢᠭᠤᠳᠬᠠᠵᠤ ᠮᠠᠯ ᠲᠠᠮᠠᠭᠠᠯᠠᠬᠤ | ᠭᠠᠵᠠᠷ ᠲᠤ ᠠᠪᠴᠤ ᠶᠠᠪᠤᠨᠠ᠃ ᠡᠨᠡ ᠦᠶᠡᠰ ᠠᠶᠢᠯ ᠬᠤᠲᠠᠨ ᠤ ᠬᠢᠨᠢ ᠬᠡᠨ ᠨᠢᠭᠡᠨ ᠨᠢ ᠪᠣᠶᠣ ᠡᠰᠡᠭᠦᠯᠡ ᠨᠤᠲᠤᠭ | ᠤᠰᠤᠨ ᠤ ᠬᠢᠨᠢ ᠲᠣᠮᠣᠭᠠᠲᠠᠨ ᠠᠴᠠ ᠲᠠᠮᠠᠭᠠᠯᠠᠬᠤ ᠭᠠᠵᠠᠷ ᠲᠤ ᠬᠦᠷᠴᠦ ᠭᠤᠷᠪᠠᠨ ᠴᠢᠯᠠᠭᠤ ᠶᠢ ᠴᠢᠨᠳᠠᠮᠤᠨᠢ | ᠲᠠᠮᠠᠭᠠ ᠶᠢᠨ ᠬᠡᠯᠪᠡᠷᠢ ᠪᠠᠷ ᠭᠤᠷᠪᠠᠯᠵᠢᠯᠠᠨ ᠪᠤᠰᠬᠠᠵᠤ ᠲᠠᠯᠪᠢᠭᠠᠳ ᠭᠤᠷᠪᠠᠨ ᠬᠡᠰᠡᠭ ᠴᠢᠯᠠᠭᠤᠨ ᠳᠡᠭᠡᠷᠡ ᠪᠠᠨ ᠰᠢᠷᠠ | ᠲᠤᠰᠤ᠂ ᠰᠦ᠂ ᠰᠦ ᠲᠠᠢ ᠴᠠᠢ ᠵᠡᠷᠭᠡ ᠶᠢ ᠮᠢᠯᠢᠶᠠᠨ᠂ ᠳᠠᠷᠠᠭᠠ ᠨᠢ ᠠᠷᠭᠠᠯ ᠵᠡᠷᠭᠡᠯᠡᠨ ᠤᠪᠤᠭᠠᠯᠠᠵᠤ ᠭᠠᠯ ᠬᠦᠭᠵᠢᠭᠡᠨᠡ᠃ | ᠲᠡᠭᠡᠬᠦ ᠳᠡᠭᠡᠨ ᠡᠷᠬᠡᠪᠰᠢ ᠲᠠᠮᠠᠭᠠᠯᠠᠬᠤ ᠮᠠᠯ ᠢ ᠴᠤᠭᠯᠠᠭᠤᠯᠵᠤ ᠢᠷᠡᠬᠦ ᠠᠴᠠ ᠡᠮᠦᠨᠡ ᠭᠠᠯ ᠢᠶᠠᠨ ᠬᠦᠭᠵᠢᠭᠡᠬᠦ ᠬᠡᠷᠡᠭᠲᠡᠢ᠃ | ᠲᠠᠮᠠᠭᠠ ᠠᠪᠴᠤ ᠢᠷᠡᠭᠰᠡᠨ ᠬᠦᠮᠦᠨ ᠲᠠᠮᠠᠭᠠ ᠪᠠᠨ ᠳᠦᠷᠡᠯᠵᠡᠨ ᠨᠤᠴᠤᠵᠤ ᠪᠠᠶᠢᠭᠠ ᠭᠠᠯ ᠤᠨ ᠳᠡᠭᠡᠭᠦᠷ ᠵᠦᠪ ᠢᠶᠠᠷ | ᠭᠤᠷᠪᠠᠨᠲᠠ ᠡᠷᠭᠢᠭᠦᠯᠦᠭᠡᠳ ᠳᠠᠷᠠᠭᠠ ᠨᠢ ᠡᠬᠢᠯᠡᠨ ᠤᠯᠠᠶᠢᠰᠬᠠᠨᠠ᠃ | ᠡᠨᠡ ᠦᠶᠡ ᠳᠤ ᠡᠷᠦᠬᠡ ᠶᠢᠨ ᠡᠵᠡᠨ ᠠᠴᠠ ᠡᠨᠡ ᠡᠳᠦᠷ ᠤᠨ ᠠᠳᠣᠭᠤ ᠲᠠᠮᠠᠭᠠᠯᠠᠬᠤ ᠠᠵᠢᠯ ᠡᠬᠢᠯᠡᠬᠦ ᠶᠢ | ᠵᠠᠷᠯᠠᠵᠤ᠂ ᠲᠤᠰᠬᠠᠢ ᠢᠷᠦᠭᠡᠯᠴᠢ ᠪᠣᠶᠣ ᠠᠶᠢᠯ ᠬᠤᠲᠠ ᠶᠢᠨ ᠲᠤᠮᠤᠭᠠᠲᠠᠨ ᠠᠴᠠ ᠢᠷᠦᠭᠡᠯ ᠬᠡᠯᠡᠭᠡᠳ ᠲᠠᠮᠠᠭᠠᠯᠠᠬᠤ | ᠠᠵᠢᠯ ᠡᠬᠢᠯᠡᠨᠡ᠃ | ᠬᠠᠮᠤᠭ ᠤᠨ ᠲᠡᠷᠢᠭᠦᠨ ᠳᠤ ᠲᠠᠮᠠᠭᠠᠯᠠᠬᠤ ᠳᠠᠭᠠ ᠶᠢ ᠵᠠᠷᠢᠮ ᠭᠠᠵᠠᠷ ᠤᠨ ᠬᠢᠨ ᠪᠣᠯ ᠣᠨ ᠣᠨ ᠳᠠᠭᠠᠨ ᠲᠦᠯ | ᠲᠠᠢ᠂ ᠤᠳᠤᠮ ᠤᠭᠰᠠᠭᠠ ᠳᠤᠨᠢ ᠰᠠᠶᠢᠨ ᠮᠣᠷᠢ ᠭᠠᠷᠳᠠᠭ ᠦᠬᠢᠨ ᠳᠠᠭᠠ ᠠᠴᠠ ᠡᠬᠢᠯᠡᠳᠡᠭ᠃ ᠭᠡᠲᠡᠯᠡ ᠵᠠᠷᠢᠮ | ᠭᠠᠵᠠᠷ ᠤᠨ ᠬᠢᠨ ᠡᠷᠡ ᠴᠢᠳᠠᠯ ᠰᠠᠶᠢᠲᠠᠢ᠂ ᠰᠠᠶᠢᠨ ᠤᠳᠤᠮ ᠤᠨ ᠠᠳᠣᠭᠤᠨ ᠤ ᠠᠵᠢᠷᠭᠠ ᠲᠠᠯᠪᠢᠬᠤ ᠪᠠᠷ | ᠲᠤᠭᠲᠠᠭᠠᠭᠰᠠᠨ ᠡᠷᠡ ᠲᠠᠭᠠ ᠪᠠᠷ ᠡᠬᠢᠯᠡᠳᠡᠭ᠃ ᠡᠬᠢᠨ ᠤ ᠲᠠᠮᠠᠭᠠ ᠶᠢ ᠬᠠᠰᠢᠷ ᠲᠤᠷᠰᠢᠯᠭᠠ ᠲᠠᠢ ᠠᠬᠠᠮᠠᠳ ᠮᠠᠯᠴᠢᠨ | ᠪᠣᠶᠣ ᠠᠶᠢᠯ ᠤᠰᠣᠨ ᠤ ᠲᠤᠮᠤᠭᠠᠲᠠᠨ ᠡᠬᠢᠯᠡᠵᠦ ᠲᠠᠮᠠᠭᠠᠯᠠᠨᠠ᠃ ᠲᠠᠮᠠᠭᠠᠯᠠᠬᠤ ᠬᠦᠮᠦᠨ ᠳᠠᠭᠠ ᠶᠢᠨ ᠵᠦᠪ ᠲᠠᠯᠠ ᠶᠢᠨ | ᠭᠤᠶᠠ ᠳᠡᠭᠡᠷᠡ ᠲᠠᠮᠠᠭᠠᠯᠠᠬᠤ ᠤᠷᠤᠨ ᠢ ᠨᠢ ᠲᠤᠭᠲᠠᠭᠠᠭᠰᠠᠨ ᠤ ᠳᠠᠷᠠᠭᠠ ᠲᠡᠷᠡ ᠤᠷᠤᠨ ᠠᠴᠠ ᠨᠢᠭᠡ ᠪᠣᠷᠴᠠ ᠦᠰᠦ | ᠬᠠᠶᠢᠴᠢᠯᠠᠨ ᠠᠪᠤᠭᠠᠳ᠂ ᠲᠡᠭᠦᠨ ᠤ ᠲᠤᠲᠤᠷᠠ ᠠᠴᠠ ᠬᠡᠳᠦᠨ ᠰᠢᠷᠬᠡᠭ ᠦᠰᠦ ᠶᠢ ᠴᠢᠮᠬᠢᠨ ᠠᠪᠴᠤ ᠲᠠᠷᠨᠢᠳᠠᠨ | ᠦᠯᠢᠶᠡᠵᠦ ᠬᠡᠶᠢᠰᠬᠡᠨ ᠶᠠᠪᠤᠭᠤᠯᠤᠭᠠᠳ ᠪᠤᠰᠤᠳ ᠢ ᠨᠢ ᠡᠵᠡᠨ ᠳᠤᠨᠢ ᠭᠠᠷᠳᠠᠭᠤᠯᠤᠨᠠ᠃ ᠳᠠᠷᠠᠭᠠ ᠨᠢ ᠤᠯᠠᠶᠢᠭᠰᠠᠨ | ᠲᠠᠮᠠᠭᠠ ᠪᠠᠨ ᠠᠪᠴᠤ ᠲᠤᠭᠲᠠᠭᠰᠠᠨ ᠤᠷᠤᠨ ᠳᠤᠨᠢ ᠬᠦᠨᠳᠦ ᠬᠦᠩᠬᠡᠨ ᠨᠢ ᠲᠡᠩᠴᠡᠭᠦᠷᠢᠲᠡᠢ ᠪᠠᠷ ᠲᠠᠮᠠᠭᠠ ᠪᠠᠨ | ᠳᠠᠷᠤᠨᠠ᠃ | ᠠᠳᠣᠭᠤ ᠲᠠᠮᠠᠭᠠᠯᠠᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠲᠠᠮᠠᠭᠠ ᠠᠳᠬᠤᠵᠤ ᠪᠠᠶᠢᠭᠠ ᠬᠦᠮᠦᠨ ᠪᠤᠶᠤ ᠡᠰᠡᠭᠦᠯᠡ | ᠭᠡᠷ ᠤᠨ ᠡᠵᠡᠨ ᠠᠴᠠ ᠦᠪᠡᠷ ᠢᠶᠠᠨ᠄ ︽ᠠᠳᠣᠭᠤ ᠮᠠᠯ ᠦᠨᠢᠷ ᠦᠰᠴᠦ ᠠᠲᠠᠷ ᠲᠠᠯᠠ ᠶᠢ ᠳᠦᠭᠦᠷᠭᠡᠬᠦ ᠪᠣᠯᠲᠤᠭᠠᠢ᠂ | ᠬᠦᠷᠦᠩᠭᠡ ᠪᠤᠶᠠᠨ ᠢᠶᠠᠨ ᠬᠦᠷᠲᠡᠭᠡᠭᠰᠡᠨ ᠮᠠᠯ ᠰᠦᠷᠦᠭ ᠮᠢᠨᠢ ᠲᠦᠮᠡ ᠪᠣᠮ ᠢᠶᠠᠷ ᠦᠷᠡᠵᠢᠲᠦᠭᠡᠢ︾ ᠭᠡᠵᠦ ᠢᠷᠦᠭᠡᠯ | ᠬᠡᠯᠡᠭᠡᠳ ᠲᠠᠮᠠᠭᠠ ᠶᠢᠨ ᠲᠤᠯᠤᠭᠠᠢ ᠶᠢ ᠳᠦᠷᠡᠯᠵᠡᠵᠦ ᠪᠠᠶᠢᠭᠠ ᠭᠠᠯ ᠳᠡᠭᠡᠭᠦᠷ ᠵᠦᠪ ᠢᠶᠠᠷ ᠭᠤᠷᠪᠠ ᠡᠷᠭᠢᠭᠦᠯᠦᠭᠡᠳ | ᠲᠠᠮᠠᠭᠠ ᠪᠠᠨ ᠬᠤᠷᠢᠶᠠᠨ ᠠᠪᠤᠨᠠ᠃ | | | ︵ᠢᠷᠡᠯᠲᠡ᠄ ᠪᠤᠷᠵᠤᠤ᠂ ᠤᠯᠠᠭᠠᠨᠪᠠᠭᠠᠲᠤᠷ᠂ ᠲᠠᠨᠠ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ | ᠠᠷᠠᠴᠢᠯᠠᠭᠠ ᠶᠢᠨ ᠰᠤᠶᠤᠯ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ | |