| ᠪᠣᠯᠪᠠᠰᠤᠷᠠᠵᠤ ᠭᠦᠢᠴᠡᠭᠰᠡᠨ ᠲᠠᠷᠢᠶᠠ ᠶᠢ ᠬᠠᠳᠣᠵᠣ ᠬᠤᠷᠢᠶᠠᠬᠤ ᠪᠣᠯ ᠲᠠᠷᠢᠶᠠᠯᠠᠩ ᠦᠢᠯᠡᠳᠪᠦᠷᠢᠯᠡᠯ ᠤᠨ | ᠴᠢᠬᠤᠯᠠ ᠠᠵᠢᠯᠯᠠᠭᠠ ᠮᠦᠨ᠃ ᠡᠬᠢᠯᠡᠵᠦ ᠲᠠᠷᠢᠭᠰᠠᠨ ᠴᠠᠭ ᠠᠴᠠ ᠪᠤᠳᠤᠪᠠᠯ᠂ ᠮᠣᠩᠭᠤᠯ ᠠᠮᠤ ᠪᠠ ᠰᠢᠯᠦᠬᠡᠢ 80 ~ | 90 ᠬᠤᠨᠤᠭ᠂ ᠰᠠᠭᠠᠭ 60 ~ 70 ᠬᠤᠨᠤᠭ ᠲᠤ ᠪᠣᠯᠪᠠᠰᠤᠷᠠᠳᠠᠭ᠃ ᠡᠨᠡ ᠨᠢ ᠶᠡᠷᠦ ᠳᠤ ᠪᠠᠨ ᠪᠢᠯᠢᠭ ᠤᠨ | ᠤᠯᠠᠷᠢᠯ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ ᠰᠢᠨᠠᠳ ᠢᠶᠠᠷ ᠲᠤᠬᠢᠶᠠᠯᠳᠤᠳᠠᠭ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠵᠡᠭᠦᠨ ᠤᠷᠤᠨ ᠤ | ᠮᠣᠩᠭᠤᠯᠴᠣᠳ ᠲᠠᠷᠢᠶᠠᠨ ᠤ ᠪᠣᠯᠪᠠᠰᠤᠷᠠᠯᠲᠠ ᠶᠢᠨ ᠪᠠᠶᠢᠳᠠᠯ ᠢ ᠪᠦᠭᠡᠯᠵᠢᠬᠦ᠂ ᠲᠤᠯᠤᠭᠠᠢ ᠲᠠᠯᠪᠢᠬᠤ᠂ ᠲᠦᠷᠦᠭᠦᠦ | ᠲᠠᠯᠪᠢᠬᠤ᠂ ᠰᠦ ᠣᠷᠣᠬᠤ᠂ ᠢᠳᠡᠭᠡ ᠰᠠᠭᠤᠬᠤ᠂ ᠪᠤᠳᠠᠭᠠ ᠣᠷᠣᠬᠤ ︵ᠬᠤᠶᠠᠷ ᠬᠤᠷᠤᠭᠤ᠂ ᠭᠤᠷᠪᠠᠨ ᠬᠤᠷᠤᠭᠤ᠂ | ᠠᠯᠠᠭᠠ ᠳᠠᠷᠣᠮᠠ ᠪᠤᠳᠠᠭᠠ ᠣᠷᠣᠬᠤ︶᠂ ᠲᠦᠷᠦᠭᠦᠦ ᠰᠢᠷᠠᠯᠠᠬᠤ ᠭᠡᠬᠦ ᠮᠡᠲᠦ ᠪᠠᠷ ᠨᠡᠷᠡᠯᠡᠳᠡᠭ᠃ ᠮᠣᠩᠭᠤᠯ ᠠᠮᠤ | ᠪᠣᠯᠣᠨ ᠰᠢᠯᠦᠬᠡᠢ ᠶᠢᠨ ᠲᠦᠷᠦᠭᠦᠦ ᠰᠢᠷᠠᠯᠠᠬᠤ ᠳᠤ ᠵᠠᠪᠠᠯ ᠬᠠᠳᠣᠵᠣ ᠬᠤᠷᠢᠶᠠᠬᠤ ᠬᠡᠷᠡᠭᠲᠡᠢ᠃ ᠮᠣᠩᠭᠤᠯᠴᠣᠳ | ᠤᠷᠤᠢ ᠶᠢᠨ ᠲᠠᠷᠢᠶᠠ ᠶᠢ ᠤᠷᠢᠳ ᠢᠶᠠᠷ ᠬᠠᠳᠣᠵᠣ ᠬᠤᠷᠢᠶᠠᠭᠠᠳ᠂ ᠳᠠᠷᠠᠭᠠ ᠨᠢ ᠡᠷᠲᠡ ᠶᠢᠨ ᠲᠠᠷᠢᠶᠠ ᠶᠢ ᠬᠠᠳᠠᠵᠤ | ᠬᠤᠷᠢᠶᠠᠳᠠᠭ᠃ ᠤᠷᠳᠤᠰᠴᠣᠳ ᠪᠣᠯ ᠲᠠᠷᠢᠶᠠᠨ ᠲᠦᠷᠦᠭᠦᠦ ᠨᠠᠮᠤᠷ ᠤᠨ ᠲᠠᠡᠷᠢᠭᠦᠨ ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠰᠦ | ᠤᠷᠤᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠠᠭᠠᠷᠴᠠ ᠰᠠᠭᠤᠵᠤ ᠭᠦᠢᠴᠡᠭᠰᠡᠨ ᠦᠶᠡᠰ ᠲᠤ ᠲᠠᠷᠢᠶᠠ ᠪᠠᠨ ᠬᠠᠳᠣᠳᠠᠭ᠃ | ᠮᠣᠩᠭᠤᠯᠴᠣᠳ ᠲᠠᠷᠢᠶᠠ ᠬᠠᠳᠤᠬᠤ ᠳᠤ ᠪᠠᠨ ᠪᠠᠰᠠ ᠲᠤᠰᠬᠠᠢ ᠶᠤᠰᠤᠯᠠᠯ ᠬᠢᠬᠦ ᠤᠴᠢᠷ ᠪᠣᠢ᠃ ᠣᠷᠳᠣᠰᠴᠣᠳ ᠦᠷᠡ | ᠲᠠᠷᠢᠶᠠ ᠪᠣᠯᠪᠠᠰᠤᠷᠠᠬᠤ ᠦᠶᠡ ᠳᠤ ᠰᠠᠶᠢᠨ ᠡᠳᠦᠷ ᠢ ᠲᠣᠬᠢᠶᠠᠯᠳᠣᠭᠤᠯᠣᠨ ᠲᠠᠷᠢᠶᠠᠨ ᠤ ᠪᠠᠨ ᠪᠣᠯᠪᠠᠰᠤᠷᠠᠭᠰᠠᠨ | ᠲᠦᠷᠦᠭᠦᠦ ᠠᠴᠠ ᠰᠢᠯᠢᠨ ᠰᠣᠩᠭᠤᠵᠣ ᠤᠷᠢᠳ ᠢᠶᠠᠷ ᠨᠢᠭᠡ ᠪᠣᠭᠤᠵᠢ ᠬᠠᠳᠣᠵᠣ ᠠᠪᠳᠠᠭ᠃ ᠲᠡᠭᠦᠨ ᠢᠶᠠᠨ ᠦᠲᠦᠷᠮᠡ | ᠳᠡᠭᠡᠷᠡ ᠪᠠᠨ ᠠᠪᠠᠴᠢᠵᠤ᠂ ᠠᠮᠤ ᠶᠢ ᠨᠢ ᠰᠠᠯᠭᠠᠵᠤ ᠠᠪᠤᠭᠠᠳ᠂ ᠬᠠᠯᠠᠭᠤᠨ ᠲᠤᠭᠤᠭᠠᠨ ᠳᠤ ᠨᠤᠶᠢᠲᠠᠨ ᠢᠶᠠᠷ ᠨᠢ ᠬᠢᠵᠦ | ᠬᠠᠭᠤᠷᠤᠭᠰᠠᠨ ᠤ ᠳᠠᠷᠠᠭᠠ᠂ ᠣᠭᠤᠷ ᠲᠤ ᠬᠢᠭᠡᠳ ᠨᠦᠳᠦᠵᠦ ᠴᠠᠶᠢᠯᠭᠠᠳᠠᠭ᠃ ᠴᠠᠶᠢᠯᠭᠠᠭᠰᠠᠨ ᠠᠮᠤ ᠪᠠᠨ ᠰᠢᠷᠠ ᠠᠮᠤ | ᠭᠡᠳᠡᠭ᠃ ᠡᠨᠡ ᠬᠦ ᠰᠢᠷᠠ ᠠᠮᠤ ᠪᠠᠨ ᠦᠨᠦᠷ ᠵᠢᠯ ᠤᠨ ᠲᠠᠷᠢᠶᠠᠨ ᠤ ᠪᠠᠨ ᠳᠡᠭᠡᠵᠢ ᠭᠡᠵᠦ ᠠᠬᠠᠮᠠᠳ ᠨᠠᠰᠤᠲᠠᠨ ᠳᠤ ᠪᠠᠨ | ᠡᠷᠭᠦᠨ ᠪᠠᠷᠢᠵᠤ ᠠᠮᠰᠠᠭᠤᠯᠬᠤ ᠶᠢᠨ ᠬᠠᠮᠲᠤ᠂ ᠲᠠᠷᠢᠶᠠ ᠪᠤᠯᠪᠠᠰᠤᠷᠠᠭᠰᠠᠨ ᠢ ᠮᠡᠳᠡᠭᠡᠯᠡᠳᠡᠭ᠃ ᠮᠣᠩᠭᠤᠯ ᠣᠯᠣᠰ ᠤᠨ | ᠪᠣᠯᠠᠭᠠᠨ᠂ ᠰᠡᠯᠡᠩᠭᠡ ᠵᠡᠷᠭᠡ ᠨᠤᠲᠤᠭ ᠲᠤ᠂ ᠲᠠᠷᠢᠶᠠ ᠬᠠᠳᠤᠬᠤ ᠦᠶᠡ ᠳᠤ ᠪᠠᠨ ᠬᠠᠮᠵᠢᠯᠴᠠᠬᠤ ᠪᠠᠷ ᠢᠷᠡᠭᠰᠡᠨ | ᠬᠦᠮᠦᠰ ᠢᠶᠠᠨ ᠰᠢᠨᠡ ᠱᠦᠯᠦ ᠭᠠᠷᠭᠠᠨ ᠵᠤᠴᠢᠯᠠᠨ ᠳᠠᠶᠢᠯᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠵᠡᠭᠦᠨ | ᠤᠷᠤᠨ ᠤ ᠮᠣᠩᠭᠤᠯᠴᠤᠤᠳ ᠲᠠᠷᠢᠶᠠᠨ ᠭᠠᠵᠠᠷ ᠤᠨ ᠢᠶᠠᠨ ᠤᠶᠢᠷᠠ ᠬᠠᠶᠢᠳᠠᠭ ᠳᠠᠷᠣᠵᠣ ᠰᠠᠭᠤᠭᠠᠳ᠂ ᠲᠠᠷᠢᠶᠠ ᠪᠠᠨ | ᠬᠠᠳᠤᠳᠠᠭ᠃ ︵ᠰᠢ· ᠬᠠᠰᠪᠠᠭᠠᠲᠤᠷ︶ | | ︵ᠢᠷᠡᠯᠲᠡ᠄ ᠦᠪᠦᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ ᠶᠢᠨ ᠬᠡᠪᠯᠡᠭᠰᠡᠨ ︽ᠮᠣᠩᠭᠤᠯ | ᠰᠤᠳᠤᠯᠤᠯ ᠤᠨ ᠨᠡᠪᠲᠡᠷᠬᠡᠢ ᠲᠤᠯᠢ ︵ᠵᠠᠩ ᠦᠢᠯᠡ︶︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |