| ᠲᠥᠮᠥᠰᠥ ᠬᠤᠷᠢᠶᠠᠬᠤ ᠤᠯᠠᠷᠢᠯ ᠳᠤ ᠲᠤᠬᠢᠶᠠᠯᠳᠤᠭᠤᠯᠤᠨ᠂ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠰᠢᠨᠵᠧᠨ ᠪᠠᠯᠭᠠᠰᠤᠨ ᠤ | ᠰᠢᠨᠵᠧᠨ ᠲᠤᠰᠬᠤᠨ ᠳᠤ ᠤᠴᠢᠬᠤ ᠳᠤ᠂ ᠲᠠᠷᠢᠮᠠᠯ ᠤᠨ ᠡᠷᠦᠬᠡ ᠰᠢᠦ ᠬᠠᠢ ᠹᠧᠩ ᠶᠠᠬ ᠲᠦᠮᠦᠰᠦᠨ ᠤ | ᠲᠠᠷᠢᠶᠠᠨ ᠳᠠᠭᠠᠨ ᠶᠠᠭᠠᠷᠠᠯᠲᠠᠢ ᠠᠵᠢᠯᠯᠠᠵᠤ ᠪᠠᠶᠢᠯᠠ ᠃ ᠲᠥᠮᠥᠰᠥ ᠬᠤᠷᠢᠶᠠᠬᠤ ᠮᠠᠰᠢᠨ ᠬᠥᠷᠴᠢᠭᠢᠨᠡᠨ ᠦᠩᠭᠡᠷᠡᠬᠦ ᠳᠤ | ᠬᠥᠷᠥᠰᠥᠨ ᠳᠤᠤᠷᠠᠬᠢ ᠲᠥᠮᠥᠰᠥ ᠰᠠᠴᠤᠬᠳᠠᠬᠰᠠᠨ ᠰᠤᠪᠤᠳ ᠰᠢᠤᠬᠠᠨ ᠨᠣᠶᠢᠲᠠᠨ ᠬᠥᠷᠥᠰᠥᠨ ᠳᠡᠭᠡᠷᠡ | ᠴᠣᠬᠤᠶᠢᠯᠵᠠᠨ ᠥᠷᠥᠭᠳᠡᠵᠤ᠂ ᠲᠤᠰᠬᠤᠨ ᠤ ᠠᠷᠠᠳ ᠶᠡᠭᠡ ᠪᠠᠭᠠ ᠪᠠᠷ ᠨᠢ ᠪᠤᠰᠢᠭᠤ ᠱᠠᠯᠠᠮᠠᠭᠠᠢ ᠢᠯᠭᠠᠵᠤ ᠰᠠᠯᠭᠠᠨ᠂ | ᠤᠭᠤᠲᠠᠨ ᠳᠤ ᠰᠠᠪᠠᠯᠠᠵᠤ ᠪᠠᠶᠢᠯᠠ ᠃ | ︽80 ᠮᠦ ᠲᠥᠮᠥᠰᠥ ᠲᠠᠷᠢᠵᠠᠢ᠂ ᠨᠢᠭᠡ ᠮᠦ ᠠᠴᠠ ᠪᠠᠷᠤᠭ 7000 ᠵᠢᠩ ᠬᠤᠷᠢᠶᠠᠨᠠ᠂ ᠵᠢᠩ ᠪᠥᠷᠢ ᠶᠢ | 1 ᠲᠦᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠬᠤ ᠳᠤ᠂ ᠮᠦ ᠪᠦᠷᠢ ᠶᠢᠨ ᠴᠡᠪᠡᠷ ᠣᠷᠣᠯᠭᠠ 3500 ᠲᠦᠭᠦᠷᠢᠭ ᠲᠤ ᠬᠦᠷᠥᠨᠡ︾ | ᠭᠡᠵᠦ ᠰᠢᠦ ᠬᠠᠢ ᠹᠧᠩ ᠬᠡᠯᠡᠨᠡ᠃ | | | | | ᠭᠠᠳᠠᠨᠠᠬᠢ ᠬᠤᠳᠠᠯᠳᠤᠭᠠᠴᠢᠳ ᠲᠥᠮᠥᠰᠥ ᠶᠢ ᠲᠠᠷᠢᠶᠠᠨ ᠲᠠᠷᠢᠶᠠᠨ ᠵᠠᠬᠠ ᠠᠴᠠ ᠳᠡᠭᠡᠭᠡᠪᠥᠷᠢᠯᠡᠨᠠ | ᠰᠢᠨᠵᠧᠨ ᠪᠠᠯᠭᠠᠰᠤᠨ ᠤ ᠭᠦᠶᠦᠬᠡᠨ ᠠᠭᠤᠯᠠ ᠳᠣᠪᠣᠷᠬᠠᠭ ᠭᠠᠵᠠᠷ ᠨᠢ ᠲᠥᠮᠥᠰᠥ ᠤᠷᠭᠤᠬᠤ ᠳᠤ ᠮᠠᠰᠢ | ᠲᠣᠬᠢᠷᠠᠮᠵᠢᠲᠠᠢ ᠪᠠᠶᠢᠵᠤ ᠂ ᠲᠠᠷᠢᠬᠰᠠᠨ ᠲᠦᠮᠦᠰᠦ ᠶᠢᠨ ᠬᠡᠯᠪᠡᠷᠢ ᠳᠦᠷᠰᠦ ᠨᠢ ᠵᠢᠭᠳᠡ᠂ ᠠᠮᠲᠠ ᠰᠠᠶᠢᠲᠠᠢ ᠪᠠᠶᠢᠳᠠᠭ ᠃ | ᠲᠥᠮᠥᠰᠥ ᠬᠤᠷᠢᠶᠠᠬᠤ ᠤᠯᠠᠷᠢᠯ ᠪᠣᠯᠣᠮᠠᠭᠴᠠ ᠭᠠᠳᠠᠨᠠ ᠠᠴᠠ ᠢᠷᠡᠭᠰᠡᠨ ᠬᠤᠳᠠᠯᠳᠤᠭᠠᠴᠢᠨ ᠠᠯᠢ ᠡᠷᠲᠡ ᠲᠠᠷᠢᠶᠠᠨ | ᠵᠠᠬᠠ ᠳᠤ ᠬᠦᠯᠢᠶᠡᠵᠦ᠂ ᠲᠥᠮᠥᠰᠥ ᠪᠠᠨ ᠲᠠᠷᠢᠶᠠᠨ ᠭᠠᠵᠠᠷ ᠲᠠᠭᠠᠨ ᠬᠤᠳᠠᠯᠳᠤᠴᠢᠬᠠᠳᠠᠭ ᠪᠠᠶᠢᠪᠠ ᠃ ᠰᠢᠨᠵᠧᠨ | ᠪᠠᠯᠭᠠᠰᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠ ᠵᠠᠰᠠᠭ ᠤᠨ ᠣᠷᠳᠣᠨ ᠪᠠᠰᠠ ᠬᠤᠳᠠᠯᠳᠤᠭᠠᠴᠢᠳ ᠲᠠᠢ ᠢᠳᠡᠪᠬᠢᠲᠡᠢ ᠵᠣᠯᠭᠠᠭᠤᠯᠬᠤ᠂ | ︽ᠵᠠᠬᠢᠶᠠᠯᠠᠭᠠ ᠶᠢᠨ ᠲᠠᠷᠢᠶᠠᠯᠠᠩ︾ ᠢ ᠬᠥᠭᠵᠢᠭᠦᠯᠥᠨ᠂ ᠲᠠᠷᠢᠬᠤ ᠠᠴᠠ ᠡᠮᠥᠨᠡ ᠬᠤᠳᠠᠯᠳᠤᠨ ᠠᠪᠬᠤ ᠵᠥᠪᠯᠡᠯᠴᠡᠭᠡᠷ | ᠲᠣᠭᠲᠠᠵᠤ᠂ ᠲᠠᠷᠢᠮᠠᠯ ᠤᠨ ᠡᠷᠦᠬᠡ ᠲᠦᠮᠦᠰᠦ ᠶᠢᠨ ᠪᠣᠷᠣᠯᠠᠭᠤᠯᠭᠠ ᠶᠢᠨ ᠲᠥᠯᠥᠭᠡ ᠥᠴᠥᠬᠡᠨ ᠴᠦ ᠵᠣᠪᠠᠭ᠋ᠤ ᠦᠭᠡᠢ | ᠪᠣᠯᠵᠠᠢ᠃ ︽ᠪᠢ ᠬᠤᠶᠠᠳᠤᠭᠠᠷ ᠵᠢᠯ ᠰᠢᠨᠵᠧᠨ ᠪᠠᠯᠭᠠᠰᠤᠨ ᠳᠤ ᠢᠷᠡᠭᠡᠳ ᠲᠥᠮᠥᠰᠥ ᠬᠤᠷᠢᠶᠠᠵᠤ ᠪᠠᠶᠢᠨᠠ ᠂ ᠠᠳᠡᠬᠢ | ᠲᠦᠮᠦᠰᠦ ᠶᠢᠨ ᠴᠢᠨᠠᠷ ᠮᠠᠰᠢ ᠰᠠᠶᠢᠨ ᠂ ᠪᠢ ᠡᠳᠦᠷ ᠲᠤ ᠠᠳᠠᠭ ᠲᠠᠭᠠᠨ ᠨᠢᠭᠡ ᠲᠡᠷᠭᠡ ᠳᠡᠭᠡᠭᠡᠪᠥᠷᠢᠯᠡᠨ᠂ 20 ᠠᠴᠠ | 30 ᠲᠣᠨ ᠣᠷᠴᠢᠮ ᠬᠤᠳᠠᠯᠳᠤᠨ ᠠᠪᠴᠥ ᠪᠠᠶᠢᠨᠠ ︾ ᠭᠡᠵᠦ ᠬᠤᠷᠴᠢᠨ ᠲᠤᠭᠤᠷᠢᠬ ᠠᠴᠠ ᠢᠷᠡᠭᠰᠡᠨ | ᠬᠤᠳᠠᠯᠳᠤᠭᠠᠴᠢᠨ ᠵᠧᠦ ᠰᠢᠶᠣᠣ ᠬᠡᠯᠡᠵᠤ ᠪᠠᠶᠢᠯᠠ᠃ | ᠡᠨᠡ ᠵᠢᠯ᠂ ᠰᠢᠨᠵᠧᠨ ᠪᠠᠯᠭᠠᠰᠤ 2000 ᠮᠦ ᠲᠥᠮᠥᠰᠥ ᠳᠠᠷᠢᠵᠤ᠂ ᠠᠳᠡᠬᠢ ᠣᠯᠠᠨ ᠲᠦᠮᠡᠨ ᠳᠤ ᠶᠡᠭᠡ | ᠬᠡᠮᠵᠢᠶᠡᠨ ᠤ ᠠᠵᠢᠯ ᠬᠥᠳᠡᠯᠮᠦᠷᠢ ᠬᠢᠬᠦ ᠵᠠᠪᠰᠢᠶᠠᠨ ᠣᠯᠭᠤᠵᠠᠢ᠃ ᠰᠢᠨᠵᠧᠨ ᠪᠠᠯᠭᠠᠰᠤᠨ ᠤ ᠫᠤᠤᠽᠢ ᠲᠤᠰᠬᠤᠨ ᠤ | ᠠᠷᠠᠳ ᠰᠦᠨ ᠭᠦᠸᠧ ᠶᠤᠸᠠᠨ ᠮᠠᠯᠲᠠᠵᠤ ᠭᠠᠷᠭᠠᠭᠰᠠᠨ ᠲᠥᠮᠥᠰᠥ ᠶᠢ ᠤᠭᠤᠲᠠᠯᠠᠬᠤ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ | ᠪᠠᠶᠢᠪᠠ ᠃ ᠲᠡᠷᠡ᠄ ︽ᠪᠢ ᠡᠳᠦᠷ ᠲᠤ 180 ᠲᠥᠭᠦᠷᠢᠭ ᠣᠯᠣᠨᠠ᠂ ᠣᠶᠢᠷᠠ ᠬᠠᠪᠢ ᠳᠠᠭᠠᠨ ᠠᠵᠢᠯ ᠬᠢᠬᠦ | ᠵᠠᠪᠰᠢᠶᠠᠨ ᠤᠯᠵᠤ᠂ ᠣᠷᠣᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠵᠤ ᠪᠠᠶᠢᠭᠠ ᠳᠠᠭᠠᠨ ᠴᠤᠬᠤᠮ ᠬᠦ ᠪᠠᠶᠠᠷᠯᠠᠳᠠᠬ︾ ᠭᠡᠵᠦ ᠬᠡᠯᠡᠨᠡ᠃ | ᠰᠢᠦ ᠬᠠᠢ ᠹᠧᠩ ᠳᠠᠷᠢᠶᠠᠨ ᠳᠠᠬᠢ ᠲᠥᠮᠥᠰᠥ ᠪᠠᠨ ᠮᠠᠯᠲᠠᠬᠤ ᠶᠢᠨ ᠳᠠᠭᠠᠤ ᠳᠠᠷᠠᠭᠠᠴᠢ ᠶᠢᠨ ᠠᠯᠬᠤᠮ ᠤᠨ | ᠲᠦᠯᠦᠪᠯᠡᠭᠡ ᠪᠠᠨ ᠲᠤᠬᠳᠠᠴᠢᠬᠠᠬᠰᠠᠨ ᠪᠠᠶᠢᠪᠠ ᠃ ︽ᠲᠥᠮᠥᠰᠥ ᠲᠠᠷᠢᠬᠤ ᠨᠢ ᠰᠠᠶᠢᠨ ᠲᠠᠯᠠ ᠲᠠᠢ᠂ ᠳᠠᠷᠤᠢ ᠵᠢᠯ ᠳᠤ | ᠬᠤᠶᠠᠷ ᠤᠳᠠᠭᠠ ᠲᠠᠷᠢᠵᠦ ᠪᠣᠯᠣᠨᠠ᠂ ᠵᠠᠯᠭᠠᠭᠠᠳ ᠪᠢ ᠡᠨᠡ ᠲᠠᠷᠢᠶᠠᠨ ᠳᠠᠭᠠᠨ ᠭᠠᠶᠢᠮᠦ ᠲᠠᠷᠢᠨᠡ︾ ᠭᠡᠵᠦ ᠬᠡᠯᠡᠵᠤ | ᠪᠠᠶᠢᠯᠠ ᠃ ᠰᠢᠦ ᠬᠠᠢ ᠹᠧᠩ ᠵᠡᠷᠭᠡ ᠲᠠᠷᠢᠮᠠᠯ ᠤᠨ ᠡᠷᠦᠬᠡ ᠵᠢᠵᠢᠭ ᠲᠥᠮᠥᠰᠥ ᠠᠴᠠ ᠪᠠᠶᠠᠵᠢᠯ ᠤᠨ ᠵᠠᠮ ᠢᠶᠠᠨ | ᠡᠯᠭᠦᠵᠡᠭᠡᠭᠰᠡᠨ ᠪᠠᠶᠢᠯᠠ ᠃ | ᠣᠶᠢᠷᠠ ᠶᠢᠨ ᠵᠢᠯ ᠳᠤ᠂ ᠰᠢᠨᠵᠧᠨ ᠪᠠᠯᠭᠠᠰᠤ ᠣᠨᠴᠠᠯᠢᠭᠲᠤ ᠠᠵᠤ ᠠᠬᠤᠢ ᠶᠢᠨ ᠲᠠᠷᠢᠮᠠᠯ ᠤᠨ ᠠᠵᠤ | ᠦᠢᠯᠡᠰ ᠤᠨ ᠬᠦᠭᠵᠢᠯᠲᠡ ᠶᠢ ᠠᠬᠢᠭᠤᠯᠥᠨ᠂ ᠲᠦᠮᠦᠰᠦ ᠶᠢ ᠪᠠᠭᠲᠠᠭᠠᠭᠰᠠᠨ ᠪᠥᠭᠡᠷᠡᠩᠬᠡᠢ ᠰᠣᠩᠭᠢᠨᠠ᠂ ᠨᠠᠷᠢᠮᠤ ᠵᠡᠷᠭᠡ | ᠲᠠᠷᠢᠮᠠᠯ ᠢ ᠭᠠᠵᠠᠷ ᠣᠷᠣᠨ ᠤ ᠪᠠᠶᠢᠳᠠᠯ ᠳᠠᠭᠠᠨ ᠲᠣᠬᠢᠷᠠᠭᠤᠯᠤᠨ ᠳᠡᠯᠭᠡᠷᠡᠭᠦᠯᠵᠦ᠂ ᠲᠠᠷᠢᠬᠤ ᠲᠠᠯᠠᠪᠠᠢ ᠨᠢ ᠨᠢᠭᠡᠨᠲᠡ 3 | ᠲᠦᠮᠡᠨ ᠮᠦ ᠳᠤ ᠬᠦᠷᠴᠦ᠂ ᠤᠯᠠᠨ ᠲᠦᠮᠡᠨ ᠤ ᠣᠷᠣᠯᠭᠠ ᠶᠢ ᠨᠡᠮᠡᠭᠳᠡᠭᠦᠯᠦᠨ ᠪᠠᠶᠠᠵᠢᠭᠤᠯᠬᠤ ᠠᠷᠭᠠ ᠵᠠᠮ ᠢ | ᠪᠦᠲᠦᠮᠵᠢᠲᠡᠢ ᠥᠷᠭᠡᠳᠬᠡᠵᠤ ᠪᠠᠶᠢᠨᠠ ᠃ | | |