| ᠬᠦᠢᠲᠡᠨ ᠤ ᠡᠷᠴᠢ ᠴᠢᠩᠭᠠᠷᠠᠵᠤ᠂ ᠬᠡᠭᠡᠷᠡ ᠲᠠᠯᠠ ᠳᠤ ᠬᠥᠮᠥᠨ ᠤ ᠪᠠᠷᠠ ᠬᠤᠪᠣᠷᠬᠠᠨ ᠬᠠᠷᠠᠭᠳᠠᠨᠠ᠃ ᠭᠡᠶᠡ | ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠳ᠋ᠦᠩ ᠮᠢᠩ ᠪᠠᠯᠭᠠᠰᠤᠨ ᠳᠤ ᠬᠠᠷᠢᠨ ᠦᠰᠦᠳ ᠥᠭᠡᠷᠡ ᠦᠵᠡᠭᠳᠡᠯ ᠢᠯᠡᠷᠡᠨ᠂ ᠲᠠᠷᠢᠶᠠᠨ | ᠭᠠᠵᠠᠷ ᠲᠤ ᠲᠷᠠᠺᠲ᠋ᠣᠷ ᠨᠠᠭᠠᠰᠢ ᠴᠠᠭᠠᠰᠢ ᠰᠦᠯᠵᠢᠯᠳᠦᠵᠦ᠂ ᠪᠠᠭᠯᠠᠷᠠᠭᠰᠠᠨ ᠴᠣᠮᠣᠷᠯᠢᠭ ᠪᠦᠬᠦᠢ ᠭᠠᠩᠭᠠᠴᠤᠩ ᠢ | ᠤᠷᠪᠠᠭᠤᠯᠤᠨ ᠭᠠᠷᠭᠠᠵᠤ ᠮᠠᠯᠲᠠᠨ ᠬᠤᠷᠢᠶᠠᠵᠤ ᠪᠠᠶᠢᠯᠠ᠃ | ᠳ᠋ᠦᠩ ᠮᠢᠩ ᠪᠠᠯᠭᠠᠰᠤᠨ ᠤ ᠶᠦᠩ ᠱᠧᠩ ᠲᠣᠰᠬᠤᠨ ᠤ ᠠᠷᠠᠳ ᠸᠠᠩ ᠯᠧᠢ ᠡᠨᠡ ᠵᠢᠯ 35 ᠮᠦ | ᠭᠠᠩᠭᠠᠴᠤᠩ ᠲᠤᠷᠰᠢᠨ ᠳᠠᠷᠢᠵᠠᠢ᠃ ᠲᠡᠷᠡ ᠲᠠᠷᠢᠶᠠᠨ ᠳᠠᠬᠢ ᠰᠠᠶ᠋ᠢᠬᠠᠨ ᠮᠠᠯᠲᠠᠨ ᠭᠠᠷᠭᠠᠭᠰᠠᠨ ᠪᠥᠭᠡᠮ ᠪᠥᠭᠡᠮ ᠪᠣᠷᠣ | ᠴᠣᠮᠣᠷᠯᠢᠭ ᠪᠦᠬᠦᠢ ᠭᠠᠩᠭᠠᠴᠤᠩ ᠢᠶᠠᠨ ᠵᠢᠭᠠᠵᠤ᠄ ︽ᠵᠢᠱᠢᠯᠲᠡ ᠪᠠᠷ 1 ᠮᠦ ᠠᠴᠠ 130 ᠵᠢᠩ ᠠᠴᠠ 150 ᠵᠢᠩ | ᠬᠠᠳᠠᠭᠠᠬᠰᠠᠨ ᠭᠠᠩᠭᠠᠴᠤᠩ ᠬᠤᠷᠢᠶᠠᠨᠠ᠂ ᠮᠦ ᠳᠤᠮᠳᠠᠴᠢ ᠶᠢᠨ ᠣᠷᠣᠯᠭᠠ ᠪᠠᠷᠤᠭ 6500 ᠲᠥᠭᠦᠷᠢᠭ ᠠᠴᠠ | 7500 ᠲᠥᠭᠦᠷᠢᠭ ᠲᠤ ᠭᠦᠷᠦᠨᠡ︾ ᠭᠡᠵᠦ ᠬᠡᠯᠡᠨᠡ᠃ ᠭᠠᠩᠭᠠᠴᠤᠩ ᠤᠨ ᠦᠨᠡ ᠬᠠᠩᠰᠢ ᠬᠡᠳᠦᠶᠢᠪᠡᠷ ᠨᠢᠳᠤᠨᠤᠨ ᠤ | ᠬᠢ ᠶᠢ ᠬᠦᠷᠬᠦ ᠦᠭᠡᠢ ᠪᠤᠯᠪᠠᠴᠤ ᠥᠪᠡᠷ ᠤᠨ ᠥᠷᠲᠡᠭ ᠢ ᠨᠢ ᠭᠠᠷᠭᠠᠪᠠᠯ ᠮᠥᠨ ᠬᠦ ᠮᠦ ᠳᠤᠮᠳᠠᠴᠢ ᠶᠢᠨ ᠴᠡᠪᠡᠷ | ᠣᠷᠣᠯᠭᠠ ᠨᠢ 2000 ᠲᠥᠭᠦᠷᠢᠭ ᠣᠷᠴᠢᠮ ᠳᠤ ᠬᠦᠷᠬᠦ ᠪᠣᠯᠣᠨᠠ᠃ | ᠳ᠋ᠦᠩ ᠮᠢᠩ ᠪᠠᠯᠭᠠᠰᠤᠨ ᠤ ᠰᠥᠷᠥᠭ ᠲᠣᠰᠬᠤᠨ ᠤ ᠳᠣᠰᠬᠤᠨ ᠤ ᠠᠷᠠᠳ ᠹᠧᠩ ᠰᠢᠸ ᠮᠢᠨ ᠤ | ᠭᠠᠩᠭᠠᠴᠤᠩ ᠢ ᠰᠠᠯᠭᠠᠨ ᠲᠡᠭᠦᠬᠦ ᠫᠧᠩ ᠤᠨ ᠡᠭᠦᠳᠡ ᠶᠢ ᠨᠡᠭᠡᠭᠡᠬᠦ ᠳᠤ᠂ ᠡᠮ ᠤᠨ ᠠᠩᠬᠢᠯᠤᠮᠠ ᠦᠨᠦᠷ ᠬᠠᠩᠬᠤᠯᠵᠤ᠂ | ᠬᠤᠶᠠᠷ ᠮᠥᠷ ᠪᠠᠷᠤᠭ 50 ᠮᠧᠲᠷ ᠤᠨ ᠭᠠᠩᠭᠠᠴᠤᠩ ᠢ ᠰᠠᠯᠭᠠᠨ ᠲᠡᠭᠦᠬᠦ ᠭᠠᠵᠠᠷ ᠲᠤ ᠬᠥᠮᠥᠨ ᠳᠦᠭᠦᠷᠴᠦ᠂ ᠭᠦᠷ | ᠬᠥᠭᠵᠢᠶᠡᠨ ᠢᠶᠠᠷ ᠪᠢᠯᠬᠠᠵᠤ ᠪᠠᠶᠢᠯᠠ᠃ ᠭᠠᠩᠭᠠᠴᠤᠩ ᠢ ᠲᠠᠷᠢᠬᠤ ᠠᠴᠠ ᠠᠪᠤᠭᠠᠳ ᠮᠠᠯᠲᠠᠨ ᠬᠤᠷᠢᠶᠠᠬᠤ᠂ ᠰᠠᠯᠭᠠᠨ | ᠲᠡᠭᠦᠬᠦ᠂ ᠬᠠᠲᠠᠭᠠᠬᠤ ᠭᠦᠷᠲᠡᠯᠡ ᠴᠥᠮ ᠶᠡᠭᠡ ᠬᠡᠮᠵᠢᠶᠡᠨ ᠤ ᠬᠥᠮᠥᠨ ᠤ ᠬᠦᠴᠦ ᠬᠡᠷᠡᠭᠰᠡᠳᠡᠭ᠂ ᠡᠨᠡ ᠨᠢ ᠡᠷᠭᠢᠨ | ᠲᠣᠭᠤᠷᠢᠨ ᠤ ᠣᠯᠠᠨ ᠲᠦᠮᠡᠨ ᠳᠤ ᠬᠦᠴᠦᠨ ᠤ ᠠᠵᠢᠯ ᠬᠢᠬᠦ ᠲᠣᠭᠢᠶᠠᠯ ᠣᠯᠭᠤᠭᠰᠠᠨ ᠪᠠᠶᠢᠨᠠ᠃ | ᠰᠦᠷᠦᠭ ᠲᠣᠰᠬᠤᠨ ᠤ ᠳᠣᠰᠬᠤᠨ ᠤ ᠠᠷᠠᠳ ᠸᠠᠩ ᡁᠢ ᠯᠢᠩ ᠡᠪᠦᠯ ᠤᠨ ᠰᠡᠯᠡᠭᠦᠦ ᠴᠠᠭ ᠲᠤ ᠡᠭᠦᠳᠡᠨ | ᠡᠮᠦᠨᠡ ᠪᠠᠨ ᠠᠵᠢᠯ ᠣᠯᠣᠭᠰᠠᠨ ᠳᠠᠭᠠᠨ ᠲᠤᠶᠢᠯ ᠢᠶᠠᠷ ᠪᠠᠶᠠᠷᠯᠠᠵᠤ ᠪᠠᠶᠢᠪᠠ᠃ ︽ᠢᠷᠡᠵᠦ ᠠᠵᠢᠯᠯᠠᠭᠠᠳ 2 ᠡᠳᠦᠷ | ᠪᠣᠯᠴᠢᠬᠠᠯᠠ᠂ ᠡᠳᠦᠷ ᠲᠤ 20 ᠵᠢᠩ ᠠᠴᠠ 30 ᠵᠢᠩ ᠭᠠᠩᠭᠠᠴᠤᠩ ᠰᠠᠯᠭᠠᠨ ᠲᠡᠭᠦᠵᠦ᠂ ᠵᠢᠩ ᠪᠦᠷᠢ ᠶᠢ 3.5 | ᠲᠥᠭᠦᠷᠢᠭ ᠢᠶᠠᠷ ᠪᠤᠳᠤᠵᠤ ᠥᠭᠭᠦᠨ᠂ ᠡᠳᠦᠷ ᠲᠤ 100 ᠭᠠᠷᠤᠢ ᠲᠥᠭᠦᠷᠢᠭ ᠣᠯᠴᠢᠬᠠᠨᠠ︾ ᠭᠡᠵᠦ ᠲᠡᠷᠡ ᠬᠡᠯᠡᠵᠦ | ᠪᠠᠶᠢᠯᠠ᠃ | ᠹᠧᠩ ᠰᠢᠸ ᠮᠢᠨ ᠭᠠᠩᠭᠠᠴᠤᠩ ᠳᠠᠷᠢᠭᠠᠳ ᠨᠢᠭᠡᠨᠲᠡ 5 ᠵᠢᠯ ᠪᠣᠯᠵᠤ ᠪᠤᠢ᠂ ᠡᠨᠡ ᠬᠦ ᠬᠤᠭᠤᠴᠠᠭᠠᠨ ᠳᠤ | ᠲᠡᠷᠡ ᠡᠷᠭᠢᠨ ᠲᠣᠭᠤᠷᠢᠨ ᠤ ᠣᠯᠠᠨ ᠲᠦᠮᠡᠨ ᠤ ᠡᠭᠦᠳᠡᠨ ᠡᠮᠦᠨᠡ ᠪᠠᠨ ᠬᠦᠴᠦᠨ ᠤ ᠠᠵᠢᠯ ᠬᠢᠬᠦ ᠶᠢ | ᠪᠦᠲᠦᠮᠵᠢᠲᠡᠶ ᠪᠠᠷ ᠳᠠᠶᠢᠴᠢᠯᠠᠵᠠᠢ᠃ ︽ᠡᠨᠡ ᠵᠢᠯ 110 ᠮᠦ ᠭᠠᠩᠭᠠᠴᠤᠩ ᠳᠠᠷᠢᠵᠤ᠂ 11 ᠰᠠᠷᠠ ᠶᠢᠨ 4 ᠪ᠊ | ᠡᠳᠦᠷ ᠠᠴᠠ ᠡᠬᠢᠯᠡᠨ ᠮᠠᠯᠲᠠᠵᠤ᠂ ᠰᠠᠯᠭᠠᠨ ᠲᠡᠭᠦᠬᠦ᠂ ᠬᠠᠳᠠᠭᠠᠬᠤ ᠵᠡᠷᠭᠡ ᠠᠵᠢᠯ ᠤᠨ ᠠᠵᠢᠯᠴᠢᠨ ᠬᠡᠷᠡᠭᠯᠡᠬᠦ | ᠬᠤᠭᠤᠴᠠᠭᠠ ᠪᠠᠷᠤᠭ 1 ᠰᠠᠷᠠ ᠣᠷᠴᠢᠮ᠂ ᠡᠳᠦᠷ ᠪᠦᠷᠢ ᠶᠢᠨ ᠠᠵᠢᠯᠴᠢᠨ ᠬᠡᠷᠡᠭᠯᠡᠬᠦ ᠬᠥᠮᠥᠨ ᠤ ᠲᠤᠭᠠ | ᠳᠤᠮᠳᠠᠴᠢ ᠪᠠᠷ ᠪᠠᠷᠤᠭ 40 ᠬᠥᠮᠥᠨ ᠳᠤ ᠭᠦᠷᠥᠨᠡ︾ ᠭᠡᠵᠦ ᠹᠧᠩ ᠰᠢᠸ ᠮᠢᠨ ᠲᠠᠨᠢᠯᠴᠠᠭᠤᠯᠤᠨᠠ᠃ 5 ᠵᠢᠯ ᠤᠨ | ᠲᠤᠷᠰᠢ᠂ ᠹᠧᠩ ᠰᠢᠸ ᠮᠢᠨ ᠭᠠᠩᠭᠠᠴᠤᠩ ᠳᠠᠷᠢᠬᠤ ᠪᠠᠷ ᠳᠠᠮᠵᠢᠨ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ︽ᠨᠠᠷᠠᠲᠤ ᠬᠥᠮᠥᠨ︾ | ᠪᠣᠯᠪᠠ᠃ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠭᠠᠩᠭᠠᠴᠤᠩ ᠨᠢ ᠪᠣᠷᠤᠯᠠᠭᠤᠯᠭᠠ ᠰᠠᠶᠢᠲᠠᠢ ᠪᠠᠶᠢᠵᠤ᠂ ᠬᠠᠳᠠᠭᠠᠬᠰᠠᠨ ᠤ ᠳᠠᠷᠠᠭᠠ | ᠤᠲᠠᠰᠤ ᠠᠪᠤᠭᠰᠠᠭᠠᠷ ᠬᠤᠳᠠᠯᠳᠤᠭᠠᠴᠢᠨ ᠡᠭᠦᠳᠡᠨ ᠳᠤᠨᠢ ᠢᠷᠡᠵᠤ ᠬᠤᠳᠠᠯᠳᠤᠨ ᠠᠪᠳᠠᠭ᠃ | ᠣᠶᠢᠯᠠᠭᠠᠭᠰᠠᠨ ᠢᠶᠠᠷ᠂ 2024 ᠣᠨ ᠳᠤ ᠳ᠋ᠦᠩ ᠮᠢᠩ ᠪᠠᠯᠭᠠᠰᠤᠨ ᠤ ᠭᠠᠩᠭᠠᠴᠤᠩ ᠳᠠᠷᠢᠭᠰᠠᠨ ᠲᠠᠯᠠᠪᠠᠶ | 1.6 ᠲᠦᠮᠡᠨ ᠮᠦ ᠳᠤ ᠬᠦᠷᠴᠦ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨ ᠤ ᠬᠢ ᠠᠴᠠ 700% ᠪᠠᠷ ᠨᠡᠮᠡᠭᠳᠡᠵᠡᠢ᠃ ᠣᠶᠢᠷᠠ ᠶᠢᠨ | ᠵᠢᠯ ᠠᠴᠠ ᠨᠠᠭᠠᠰᠢ᠂ ᠳ᠋ᠦᠩ ᠮᠢᠩ ᠪᠠᠯᠭᠠᠰᠤ ᠡᠬᠢ ᠪᠠᠶᠠᠯᠢᠭ ᠤᠨ ᠳᠠᠪᠠᠭᠤᠯᠢᠭ ᠢᠶᠠᠨ ᠪᠠᠳᠠᠷᠠᠭᠤᠯᠵᠤ᠂ ᠬᠢᠲᠠᠳ ᠡᠮ ᠤᠨ | ᠮᠠᠲ᠋ᠧᠷᠢᠶᠠᠯ ᠤᠨ ᠲᠠᠷᠢᠮᠠᠯ ᠢ ᠲᠠᠷᠢᠶᠠᠯᠠᠩ ᠤᠨ ᠦᠷᠡ ᠠᠰᠢᠭ ᠢ ᠨᠡᠮᠡᠭᠳᠡᠭᠦᠯᠬᠦ᠂ ᠲᠠᠷᠢᠶᠠᠴᠢᠳ ᠤᠨ ᠣᠷᠣᠯᠭᠠ ᠶᠢ | ᠨᠡᠮᠡᠭᠳᠡᠭᠦᠯᠬᠦ ᠣᠨᠴᠠᠯᠢᠭᠲᠤ ᠠᠵᠤ ᠦᠢᠯᠡᠰ ᠪᠣᠯᠭᠠᠨ᠂ ᠲᠠᠷᠢᠮᠠᠯ ᠤᠨ ᠲᠠᠯᠠᠪᠠᠢ ᠶᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠥᠷᠭᠡᠳᠬᠡᠵᠦ᠂ | ᠬᠢᠲᠠᠳ ᠡᠮ ᠤᠨ ᠮᠠᠲ᠋ᠧᠷᠢᠶᠠᠯ ᠤᠨ ᠲᠠᠷᠢᠮᠠᠯ ᠢ ᠦᠨᠡᠨ ᠬᠦ ᠤᠯᠠᠨ ᠲᠦᠮᠡᠨ ᠤ ᠣᠷᠣᠯᠭᠠ ᠶᠢ ᠨᠡᠮᠡᠭᠳᠡᠭᠦᠯᠬᠦ ︽ᠡᠮ ᠤᠨ | ᠵᠣᠷ︾ ᠪᠣᠯᠭᠠᠨ᠂ ᠬᠥᠳᠡᠭᠡ ᠲᠣᠰᠬᠤᠨ ᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠳᠤ ᠪᠠᠲᠤ ᠪᠠᠬᠢ ᠰᠠᠭᠤᠷᠢ ᠲᠠᠯᠪᠢᠵᠤ ᠪᠤᠢ᠃ |