ᠳᠤᠰᠤᠭᠠᠭᠤᠷ ᠬᠣᠭᠣᠯᠠᠢᠶᠢᠨ ᠬᠤᠢᠯᠠᠷᠠᠭᠠ ᠪᠥᠭᠯᠡᠭᠡᠰᠦᠶᠢ ᠠᠭᠠᠵᠢᠮᠢᠶᠠᠷ ᠮᠤᠰᠬᠢᠨ ᠬᠥᠳᠡᠯᠭᠡᠵᠦ᠂ ᠣᠷᠣᠨᠵᠢᠭᠤᠯᠤᠭ᠍ᠴᠢ ᠨᠢ ᠳᠤᠰᠤᠭᠠᠭᠤᠷ ᠬᠣᠭᠣᠯᠠᠢᠶᠢᠨ ᠦᠵᠦᠭᠦᠷᠢᠶᠡᠷ ᠳᠠᠮᠵᠢᠨ ᠳᠤᠰᠤᠭᠠᠨ ᠭᠠᠷᠴᠤ᠂ ᠱᠣᠷᠣᠯᠵᠢᠨ ᠯᠣᠩᠬᠣᠨᠳᠤ ᠣᠷᠣᠬᠤ ᠠᠭᠱᠠᠨ ᠵᠠᠭᠤᠷᠠ ᠠᠭᠤᠰᠤᠮᠠᠯᠤᠨ ᠥᠩᠭᠡ ᠨᠢ ᠬᠣᠷᠣᠮᠬᠠᠨ ᠬᠦᠷᠡᠩ ᠥᠩᠭᠡᠡᠴᠡᠪᠡᠨ ᠬᠥᠬᠡ ᠥᠩᠭᠡ ᠪᠣᠯᠣᠨᠠ᠃ 《 0.01 ᠮᠢᠯᠢᠯᠢᠲᠷ᠂ ᠥᠴᠥᠬᠡᠨ ᠴᠦ᠍ ᠵᠥᠷᠢᠬᠦ ᠦᠭᠡᠢ᠃ 》 ᠾᠧᠨᠠᠨᠤ ᠬᠢᠮᠢᠶᠢᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠮᠡᠷᠭᠡᠵᠢᠯᠲᠡᠨᠦ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠲᠤᠷᠰᠢᠯᠲᠠᠶᠢᠨ ᠲᠠᠰᠤᠭᠲᠤ᠂ 23 ᠨᠠᠰᠤᠲᠠᠢ ᠵᠢᠶᠠᠩ ᠢᠦᠢ ᠡᡁᠸ᠋ ᠰᠡᠳᠬᠢᠯ ᠬᠠᠨᠤᠮᠵᠢᠲᠠᠢ ᠢᠨᠢᠶᠡᠮᠰᠦᠭᠯᠡᠵᠦ ᠪᠠᠢᠯᠠ᠃
2022 ᠣᠨᠤ ᠳᠡᠯᠡᠬᠡᠢᠶᠢᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠶᠡᠬᠡ ᠤᠷᠤᠯᠳᠤᠭᠠᠨᠤ ᠣᠨᠴᠠᠭᠠᠢ ᠤᠷᠤᠯᠳᠤᠭᠠᠨᠤ ᠬᠢᠮᠢᠶᠢᠨ ᠲᠤᠷᠰᠢᠯᠲᠠᠶᠢᠨ ᠲᠠᠰᠤᠭᠤᠨ ᠮᠡᠷᠭᠡᠵᠢᠯᠦᠨ ᠲᠦᠷᠦᠯ ᠵᠦᠢᠯᠳᠦ ᠨᠢᠭᠡ ᠯᠡ ᠳᠡᠭᠡᠷᠡ ᠮᠠᠩᠯᠠᠢᠯᠠᠵᠤ᠂ ᠮᠠᠨᠤ ᠤᠯᠤᠰᠤᠨ ᠲᠤᠰ ᠲᠦᠷᠦᠯ ᠵᠦᠢᠯᠦᠨ ᠠᠯᠳᠠᠨ ᠮᠧᠳᠠᠯᠤᠨ 《 ᠲᠡᠭ ᠰᠢᠪᠲᠤᠯᠤᠯᠲᠠ 》 ᠶ᠋ᠢ ᠪᠡᠶᠡᠯᠡᠭᠦᠯᠵᠡᠢ᠃
ᠰᠢᠶᠢᠨ ᠫᠢᠩ ᠶᠡᠷᠦᠩᠬᠡᠢ ᠱᠦᠵᠢ᠄《 ᠬᠥᠳᠡᠯᠮᠦᠷᠢ ᠨᠢ ᠴᠠᠭ ᠦᠶᠡᠶᠢᠨ ᠢᠷᠠᠭᠤ ᠬᠠᠭᠤᠳᠠᠰᠤᠶᠢ ᠪᠢᠴᠢᠭᠯᠡᠵᠦ᠂ ᠰᠠᠢᠨ ᠰᠠᠢᠬᠠᠨ ᠢᠷᠡᠭᠡᠳᠦᠢᠶᠢ ᠴᠢᠷᠮᠠᠢᠨ ᠴᠣᠭᠴᠠᠯᠠᠨᠠ 》᠂ 《 ᠬᠠᠮᠲᠤᠪᠠᠷ ᠴᠢᠨᠡᠭᠡᠯᠢᠭᠵᠢᠬᠦᠶᠢ ᠥᠷᠭᠡᠨ ᠤᠯᠠᠨ ᠬᠥᠳᠡᠯᠮᠦᠷᠢᠴᠢᠳᠲᠦ ᠲᠦᠰᠢᠭᠯᠡᠨ ᠪᠡᠶᠡᠯᠡᠭᠦᠯᠬᠦ ᠮᠥᠷᠲᠡᠭᠡᠨ ᠪᠠᠰᠠ ᠥᠷᠭᠡᠨ ᠤᠯᠠᠨ ᠬᠥᠳᠡᠯᠮᠦᠷᠢᠴᠢᠳᠦᠨ ᠪᠡᠶᠡ ᠳᠡᠭᠡᠷᠡ ᠢᠯᠡᠷᠡᠭᠦᠯᠬᠦ ᠬᠡᠷᠡᠭᠲᠡᠢ 》 ᠭᠡᠵᠦ ᠴᠢᠬᠤᠯᠠᠴᠢᠯᠠᠵᠠᠢ᠃
ᠵᠢᠶᠠᠩ ᠢᠦᠢ ᠾᠧ ᠥᠩᠭᠡᠷᠡᠭᠰᠡᠨᠳᠦ ᠪᠠᠰᠠ ᠬᠥᠮᠥᠨᠦ ᠠᠮᠢᠳᠤᠷᠠᠯᠤᠨ ᠴᠢᠭᠯᠡᠯᠢᠶᠠᠨ ᠠᠯᠳᠠᠵᠤ ᠥᠩᠭᠡᠷᠡᠪᠡ᠃ ᠬᠡᠳᠦᠨ ᠵᠢᠯᠦᠨ ᠡᠮᠦᠨᠡ᠂ ᠵᠢᠶᠠᠩ ᠢᠦᠢ ᠾᠧ ᠥᠨᠳᠥᠷ ᠳᠤᠮᠳᠠᠳᠤᠶᠢᠨ ᠰᠢᠯᠭᠠᠯᠲᠠᠶᠢᠨ ᠬᠢᠷᠢ ᠪᠦᠲᠦᠮᠵᠢ ᠨᠢ ᠰᠠᠨᠠᠭᠠᠨᠳᠤ ᠬᠦᠷᠬᠦ ᠦᠭᠡᠢᠡᠴᠡ ᠪᠣᠯᠵᠤ ᠵᠣᠷᠢᠭ᠋ ᠮᠣᠬᠣᠵᠤ᠂ ᠾᠧᠨᠠᠨᠤ ᠨᠠᠨᠶᠠᠩᠤᠨ ᠨᠤᠲᠤᠭᠠᠴᠠᠪᠠᠨ ᠰᠠᠯᠵᠤ ᠭᠤᠸᠠᠩᠳᠦ᠋ᠩᠳᠦ ᠬᠦᠷᠴᠦ ᠭᠠᠷᠬᠤ ᠵᠠᠮ ᠡᠷᠢᠯᠬᠢᠯᠡᠭᠰᠡᠨ ᠪᠠᠢᠨᠠ᠃
《 ᠰᠤᠷᠤᠯᠭᠠᠶᠢᠨ ᠨᠠᠮᠲᠠᠷ ᠥᠨᠳᠥᠷ ᠪᠢᠰᠢ ᠪᠥᠭᠡᠳ ᠮᠡᠷᠭᠡᠵᠢᠯ ᠴᠦ᠍ ᠦᠭᠡᠢ᠂ ᠠᠵᠢᠯᠤᠨ ᠴᠠᠯᠢᠩ ᠴᠤ᠌ ᠳᠣᠣᠷᠠ᠂ ᠪᠤᠰᠤᠳ ᠲᠠᠯᠠᠶᠢᠨ ᠣᠯᠭᠣᠮᠵᠢ ᠬᠠᠷᠠᠭᠠᠯᠵᠠᠯ ᠴᠦ᠍ ᠰᠠᠨᠠᠭᠠᠨᠳᠤ ᠬᠦᠷᠬᠦ ᠦᠭᠡᠢ ᠪᠠᠢᠨᠠ᠃ 》 ᠬᠠᠭᠠᠰ ᠵᠢᠯ ᠪᠣᠯᠣᠭᠠ ᠦᠭᠡᠢᠪᠡᠷ ᠵᠢᠶᠠᠩ ᠢᠦᠢ ᠾᠧ ᠠᠵᠢᠯᠠᠴᠠᠪᠠᠨ ᠰᠠᠯᠵᠤ ᠭᠡᠷᠲᠡᠬᠡᠨ ᠬᠠᠷᠢᠵᠤ᠂ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠪᠣᠳᠣᠯᠬᠢᠯᠠᠭᠰᠠᠨᠤ ᠲᠠᠷᠠᠭᠠ᠂ ᠲᠡᠷᠡ ᠾᠧᠨᠠᠨᠤ ᠬᠢᠮᠢᠶᠢᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠮᠠᠰᠲᠧᠷᠦᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠬᠦᠷᠴᠦ᠂ ᠨᠢᠭᠡ ᠵᠦᠢᠯᠦᠨ ᠤᠷᠠ ᠮᠡᠷᠭᠡᠵᠢᠯ ᠰᠤᠷᠬᠤᠪᠠᠷ ᠲᠣᠭᠲᠠᠪᠠ᠃
ᠰᠢᠷᠭᠠᠭᠤ ᠬᠠᠲᠠᠭᠤᠵᠢᠯᠲᠠᠢ ᠰᠤᠷᠤᠯᠴᠠᠭᠰᠠᠨᠤ ᠬᠠᠷᠠᠭᠠᠪᠠᠷ ᠵᠢᠶᠠᠩ ᠢᠦᠢ ᠾᠧ ᠰᠤᠷᠭᠠᠭᠤᠯᠢᠶᠢᠨ ᠲᠥᠪᠯᠡᠷᠡᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠩᠭᠢᠳᠤ ᠲᠠᠲᠠᠭᠳᠠᠨ ᠣᠴᠢᠵᠠᠢ᠃ ᠡᠳᠦᠷ ᠲᠤᠳᠤᠮᠤᠨ ᠪᠣᠯᠪᠠᠰᠤᠷᠠᠯᠢ ᠥᠩᠭᠡᠷᠡᠭᠡᠭᠡᠳ᠂ 2022 ᠣᠨᠤ ᠳᠡᠯᠡᠬᠡᠢᠶᠢᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠶᠡᠬᠡ ᠤᠷᠤᠯᠳᠤᠭᠠᠨᠤ ᠣᠨᠴᠠᠭᠠᠢ ᠤᠷᠤᠯᠳᠤᠭᠠᠨᠳᠤ᠂ ᠵᠢᠶᠠᠩ ᠢᠦᠢ ᠾᠧ ᠳᠡᠯᠡᠬᠡᠢᠶᠢᠨ ᠡᠯᠡ ᠭᠠᠵᠠᠷᠠᠴᠠ ᠢᠷᠡᠭᠰᠡᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠭᠰᠠᠳᠤᠨ ᠳᠤᠮᠳᠠᠠᠴᠠ ᠴᠣᠯᠭᠣᠷᠠᠨ ᠭᠠᠷᠴᠤ᠂ ᠠᠯᠲᠠᠨ ᠮᠧᠳᠠᠯ ᠣᠯᠵᠠᠢ᠃
《 ᠨᠢᠭᠡ ᠵᠦᠢᠯᠦᠨ ᠮᠡᠷᠭᠡᠵᠢᠯᠢ ᠡᠵᠡᠮᠰᠢᠵᠦ᠂ ᠬᠥᠮᠥᠨᠦ ᠠᠮᠢᠳᠤᠷᠠᠯᠤᠨ ᠭᠡᠷᠡᠯ ᠭᠢᠯᠪᠠᠭᠠᠶᠢ ᠰᠠᠴᠤᠷᠠᠭᠤᠯᠤᠨᠠ᠃ 》 ᠣᠯᠠᠨ ᠵᠦᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠤᠷᠤᠯᠳᠤᠭᠠᠨᠳᠤ ᠣᠯᠣᠭᠰᠠᠨ ᠰᠢᠯᠢᠳᠡᠭ ᠬᠢᠷᠢ ᠪᠦᠲᠦᠮᠵᠢ ᠨᠢ ᠵᠢᠶᠠᠩ ᠢᠦᠢ ᠾᠧᠶᠢᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠵᠡᠷᠭᠡ ᠳᠡᠰ ᠳᠡᠪᠰᠢᠬᠦ ᠪᠠ ᠮᠡᠷᠭᠡᠵᠢᠯᠦᠨ ᠴᠣᠯᠠ ᠭᠤᠶᠤᠴᠢᠯᠠᠨ ᠮᠡᠳᠡᠭᠦᠯᠬᠦᠳᠦ ᠪᠠᠭᠠ ᠪᠤᠰᠤ ᠬᠦᠴᠦᠨ ᠨᠡᠮᠡᠷᠢᠯᠡᠭᠰᠡᠨ ᠪᠠᠢᠨᠠ᠃
ᠮᠡᠷᠭᠡᠵᠢᠯ ᠪᠣᠯᠣᠨ ᠲᠤᠷᠰᠢᠯᠭᠠᠪᠠᠨ ᠨᠡᠩ ᠤᠯᠠᠨ ᠬᠥᠮᠥᠨᠳᠦ ᠤᠯᠠᠮᠵᠢᠯᠠᠬᠤᠶᠢᠨ ᠲᠥᠯᠥᠭᠡ᠂ ᠵᠢᠶᠠᠩ ᠢᠦᠢ ᠾᠧ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠠᠭᠠᠨ ᠦᠯᠡᠳᠡᠵᠦ ᠪᠠᠭᠰᠢᠯᠠᠪᠠ᠃ ᠾᠧᠨᠠᠨᠤ ᠬᠢᠮᠢᠶᠢᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠮᠠᠰᠲᠧᠷᠦᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠬᠠᠮᠤᠭᠤᠨ ᠵᠠᠯᠠᠭᠤ ᠳᠡᠭᠡᠳᠦ ᠵᠡᠷᠭᠡᠶᠢᠨ ᠯᠧᠺᠲ᠋ᠣᠷ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠵᠢᠶᠠᠩ ᠢᠦᠢ ᠡᡁᠸ᠋ ᠵᠢᠨ ᠠᠵᠢᠯ ᠨᠢ ᠲᠣᠭᠲᠠᠭᠤᠨ᠂ ᠣᠯᠭᠣᠮᠵᠢ ᠬᠦᠷᠲᠡᠭᠡᠮᠵᠢ ᠨᠢ ᠡᠯᠪᠡᠭ ᠪᠠᠢᠵᠤ᠂ ᠰᠠᠷᠠ ᠪᠦᠷᠢᠶᠢᠨ ᠴᠠᠯᠢᠩ ᠨᠢ ᠪᠠᠰᠠ ᠨᠢᠭᠡ ᠪᠦᠯᠦᠭ ᠦᠯᠡᠳᠡᠪᠦᠷᠢ ᠲᠠᠢ ᠪᠣᠯᠵᠤ ᠭᠡᠷᠦᠨ ᠵᠠᠷᠤᠳᠠᠯᠢᠶᠠᠨ ᠨᠥᠬᠥᠪᠦᠷᠢᠯᠡᠵᠦ ᠲᠡᠢᠯᠬᠦ ᠪᠣᠯᠵᠠᠢ᠃ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠪᠠᠰᠠ ᠲᠡᠭᠦᠨᠳᠦ ᠳᠡᠭᠡᠳᠦ ᠮᠡᠷᠭᠡᠵᠢᠯᠦᠨ ᠴᠢᠳᠠᠪᠤᠷᠢᠲᠠᠨᠤ ᠨᠥᠬᠥᠪᠦᠷᠢ ᠣᠯᠭᠣᠵᠤ᠂ ᠴᠢᠳᠠᠪᠤᠷᠢᠲᠠᠨᠤ ᠨᠡᠶ᠋ᠢᠲᠡᠶᠢᠨ ᠪᠠᠢᠷᠢ ᠬᠠᠩᠭᠠᠵᠠᠢ᠃
ᠨᠢᠭᠡᠨ ᠡᠩᠦᠨ ᠡᠮᠡᠭᠲᠡᠢ ᠠᠵᠢᠯᠴᠢᠨᠠᠴᠠ ᠪᠥᠬᠥ ᠤᠯᠤᠰᠤᠨ ᠭᠤᠷᠪᠠᠨ ᠰᠠᠷᠠᠶᠢᠨ ᠨᠠᠢ᠍ᠮᠠᠨᠤ ᠤᠯᠠᠭᠠᠨ ᠲᠤᠭ᠍ᠴᠢ ᠂ ᠪᠥᠬᠥ ᠤᠯᠤᠰᠤᠨ ᠮᠡᠷᠭᠡᠵᠢᠯᠦᠨ ᠴᠢᠳᠠᠪᠤᠷᠢᠲᠠᠨ ᠬᠦᠷᠲᠡᠯᠡ᠂ ᠵᠢᠶᠠᠩ ᠢᠦᠢ ᠾᠧ ᠤᠷᠠ ᠮᠡᠷᠭᠡᠵᠢᠯᠢᠶᠡᠷᠢᠶᠡᠨ ᠠᠮᠢᠳᠤᠷᠠᠯᠤᠨ ᠵᠠᠮᠢᠶᠠᠨ ᠭᠡᠷᠡᠯᠲᠦᠭᠦᠯᠪᠡ᠃ ᠰᠢᠷᠡᠭᠡᠨ ᠳᠡᠭᠡᠷᠡᠬᠢ ᠡᠯᠡ ᠵᠦᠢᠯᠦᠨ ᠦᠨᠡᠮᠯᠡᠯᠢᠶᠠᠨ ᠬᠠᠷᠠᠭᠠᠳ ᠵᠢᠶᠠᠩ ᠢᠦᠢ ᠾᠧ ᠄ 《 ᠤᠳᠠᠭᠠᠨ ᠡᠳᠦᠷ ᠵᠤᠵᠠᠭᠠᠨ ᠬᠣᠨᠣᠭ ᠤᠷᠠ ᠮᠡᠷᠭᠡᠵᠢᠯ ᠰᠣᠷᠣᠭᠰᠠᠨᠠᠴᠠ ᠮᠢᠨᠤ ᠠᠮᠢᠳᠤᠷᠠᠯᠳᠤ ᠵᠦᠢᠯ ᠵᠦᠢᠯᠦᠨ ᠪᠣᠯᠣᠯᠴᠠᠭᠠ ᠣᠯᠭᠣᠵᠤ ᠥᠭᠭᠦᠭᠰᠡᠨ ᠶᠤᠮ 》ᠭᠡᠪᠡ᠃
ᠨᠢᠳᠤᠨᠤᠨ ᠶᠠᠪᠤᠭᠳᠠᠭᠰᠠᠨ ᠳᠥᠴᠢᠨ ᠳᠣᠯᠣᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠳᠡᠯᠡᠬᠡᠢᠶᠢᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠶᠡᠬᠡ ᠤᠷᠤᠯᠳᠤᠭᠠᠨᠳᠤ᠂ ᠵᠢᠶᠠᠩ ᠢᠦᠢ ᠡᡁᠸ᠋ᠶᠢᠨ ᠬᠠᠪᠰᠤᠷᠤᠨ ᠵᠢᠯᠣᠭᠣᠳᠤᠭᠰᠠᠨ ᠤᠷᠤᠯᠳᠤᠭ᠍ᠴᠢ ᠯᠦ᠍ ᠵᠢᠩ ᠢ ᠪᠠᠰᠠ ᠬᠢᠮᠢᠶᠢᠨ ᠲᠤᠷᠰᠢᠯᠲᠠᠶᠢᠨ ᠲᠠᠰᠤᠭᠤᠨ ᠮᠡᠷᠭᠡᠵᠢᠯᠦᠨ ᠲᠦᠷᠦᠯ ᠵᠦᠢᠯᠳᠦ ᠠᠯᠳᠠᠨ ᠮᠧᠳᠠᠯ ᠣᠯᠵᠠᠢ᠃ ᠲᠡᠭᠦᠨᠦ ᠰᠤᠷᠤᠭ᠍ᠴᠢ ᠦ᠋ ᠶᠦᠨ ᠵᠢᠶᠧ᠂ ᠶᠠᠩ ᠽᠢ ᠸᠧᠢ ᠨᠠᠷ ᠲᠡᠭᠦᠰᠦᠭᠰᠡᠨᠦᠪᠡᠨ ᠳᠠᠷᠠᠭᠠ ᠤᠷᠠᠨ ᠨᠠᠷᠢᠯᠢᠭ᠋ ᠤᠷᠠ ᠮᠡᠷᠭᠡᠵᠢᠯᠢᠶᠡᠷᠢᠶᠡᠨ ᠬᠠᠨᠤᠮᠵᠢᠲᠠᠶ ᠠᠵᠢᠯ ᠣᠯᠵᠠᠢ᠃
ᠰᠢᠨᠡ ᠴᠠᠭ ᠦᠶᠡ᠂ ᠲᠣᠮᠣ᠌ ᠲᠠᠪᠴᠠᠩᠳᠤ᠂ ᠨᠡᠩ ᠤᠯᠠᠨ ᠳᠡᠭᠡᠳᠦ ᠮᠡᠷᠭᠡᠵᠢᠯᠦᠨ ᠴᠢᠳᠠᠪᠤᠷᠢᠲᠠᠨᠤ ᠰᠢᠨᠡ ᠵᠢᠳᠬᠦᠯ ᠴᠢᠷᠮᠠᠢᠯᠭᠠᠪᠠᠨ ᠢᠯᠡᠷᠡᠭᠦᠯᠬᠦᠶᠢ ᠵᠣᠷᠢᠭ᠍ᠵᠢᠭᠤᠯᠵᠤ᠂ ᠰᠢᠨᠡ ᠬᠥᠳᠡᠯᠭᠡᠬᠦ ᠬᠦᠴᠦᠨᠢ ᠨᠡᠮᠡᠷᠢᠯᠡᠨᠡ᠃ ᠣᠳᠣᠬᠠᠨᠳᠤ᠂ ᠮᠠᠨᠤ ᠤᠯᠤᠰᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠴᠢᠳᠠᠪᠤᠷᠢᠲᠠᠨ 8000 ᠲᠦᠮᠡᠶᠢ ᠳᠠᠪᠠᠵᠤ᠂ ᠤᠷᠠ ᠮᠡᠷᠭᠡᠵᠢᠯᠦᠨ ᠬᠥᠳᠡᠯᠮᠦᠷᠢᠴᠢᠨᠦ ᠶᠡᠷᠦᠩᠬᠡᠢ ᠬᠡᠮᠵᠢᠶᠡ 2.2 ᠳ᠋ᠦᠩᠰᠢᠭᠤᠷᠢ ᠳᠠᠪᠠᠵᠤ᠂ ᠡᠭᠦᠨᠳᠦ ᠥᠨᠳᠥᠷ ᠤᠷᠠ ᠮᠡᠷᠭᠡᠵᠢᠯᠦᠨ ᠴᠢᠳᠠᠪᠤᠷᠢᠲᠠᠨ 7200 ᠲᠦᠮᠡᠶᠢ ᠳᠠᠪᠠᠵᠤ᠂ ᠥᠨᠳᠥᠷ ᠲᠦᠪᠰᠢᠨ ᠪᠦᠬᠦᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯᠦᠨ ᠪᠡᠶᠡᠪᠡᠨ ᠳᠠᠭᠠᠭᠠᠵᠤ ᠬᠦᠴᠦᠷᠬᠡᠭᠵᠢᠬᠦᠶᠢ ᠠᠬᠢᠭᠤᠯᠬᠤ᠂ ᠣᠳᠣᠬᠢᠴᠢᠯᠠᠭᠰᠠᠨ ᠠᠵᠤ ᠦᠢᠯᠡᠰᠦᠨ ᠰᠢᠰᠲᠧᠮᠢ ᠪᠠᠶ᠋ᠢᠭᠤᠯᠬᠤᠳᠤ ᠪᠠᠲᠤ ᠪᠡᠬᠢ ᠴᠢᠳᠠᠪᠤᠷᠢᠲᠠᠨᠤ ᠲᠤᠯᠭᠠᠭᠤᠷᠢᠯᠠᠯ ᠬᠠᠩᠭᠠᠵᠠᠢ᠃
ᠨᠠᠮᠤᠷᠤᠨ ᠨᠡᠷᠡᠨᠦ ᠭᠡᠷᠡᠯ ᠲᠤᠷᠰᠢᠯᠲᠠᠶᠢᠨ ᠲᠠᠰᠤᠭᠲᠤ ᠳᠤᠰᠤᠨᠠ᠂ ᠵᠠᠯᠠᠭᠤ ᠨᠠᠰᠤᠨᠤ ᠵᠢᠶᠠᠩ ᠢᠦᠢ ᠾᠧᠶᠢᠨ ᠨᠢᠭᠤᠷ ᠳᠡᠭᠡᠷᠡ ᠳᠤᠰᠤᠨᠠ᠃ 《 ᠡᠨᠡ ᠬᠦ᠌ ᠲᠤᠷᠰᠢᠯᠲᠠᠶᠢᠨ ᠲᠠᠰᠤᠭ ᠮᠢᠨᠤ ᠬᠦᠰᠡᠯ ᠵᠡᠭᠦᠳᠦᠶᠢ ᠠᠴᠢᠶᠠᠯᠠᠵᠤ ᠪᠤᠢ᠂ ᠭᠠᠭᠴᠠᠬᠦ ᠪᠦᠬᠦ ᠰᠡᠳᠬᠢᠯ ᠪᠦᠬᠦ ᠵᠣᠷᠢᠭ᠋ᠢᠶᠠᠷᠢᠶᠠᠨ ᠴᠢᠷᠮᠠᠢᠪᠠᠯ ᠰᠠᠢ᠍ᠢ ᠨᠡᠩ ᠰᠠᠢᠨ ᠬᠢᠵᠦ ᠲᠡᠢ᠍ᠢᠯᠦᠨᠡ 》 ᠭᠡᠵᠦ ᠰᠢᠷᠡᠭᠡᠨ ᠳᠡᠭᠡᠷᠡᠬᠢ ᠨᠠᠷᠢᠯᠢᠭ᠋ ᠬᠡᠮᠵᠢᠭᠦᠷᠯᠢᠭ ᠪᠣᠯᠣᠨ ᠬᠢᠮᠢᠶᠢᠨ ᠤᠷᠪᠠᠯᠵᠢᠶᠢ ᠬᠠᠷᠠᠭᠠᠳ ᠵᠢᠶᠠᠩ ᠢᠦᠢ ᠾᠧ ᠬᠡᠯᠡᠪᠡ᠃
《 ᠴᠢᠷᠮᠠᠢᠳᠠᠭ ᠯᠠ ᠶᠤᠮ ᠪᠣᠯ ᠡᠭᠡᠯ ᠵᠢᠷᠦᠨ ᠬᠥᠮᠥᠨ ᠨᠢᠭᠡᠪᠦᠷᠢ ᠴᠥᠮ ᠭᠣᠢᠳᠠ ᠰᠠᠢᠬᠠᠨ ᠠᠮᠢᠳᠤᠷᠠᠯᠲᠠᠢ ᠪᠣᠯᠵᠤ᠂ ᠶᠡᠷᠦ ᠪᠤᠰᠤᠶᠢᠨ ᠬᠤᠪᠢ ᠨᠡᠮᠡᠷᠢᠪᠡᠨ ᠦᠵᠡᠭᠦᠯᠵᠦ ᠴᠢᠳᠠᠨᠠ ᠭᠡᠳᠡᠭᠢ ᠪᠢ ᠢᠲᠡᠭᠡᠵᠦ ᠪᠠᠢᠨᠠ᠃ 》ᠵᠢᠶᠠᠩ ᠢᠦᠢ ᠾᠧᠶᠢᠨ ᠬᠠᠷᠠᠴᠠᠨᠳᠤ ᠡᠷᠡᠰ ᠴᠢᠩᠭᠠ ᠬᠦᠰᠡᠯ ᠵᠣᠷᠢᠭ᠋ᠢᠶᠠᠷ ᠪᠢᠯᠬᠠᠨᠠ᠃ （ ᠵᠠᠩ ᠸᠸᠨ ᠬᠤᠤ ）