ᠥᠷᠯᠥᠭᠡ ᠡᠷᠲᠡ᠂ ᠷᠠᠰᠢᠶᠠᠨᠤ ᠨᠢᠮᠭᠡᠨ ᠮᠠᠨᠠᠨ ᠴᠠᠭᠠᠨ ᠬᠤᠰᠤᠨ ᠤᠢᠶᠢ ᠬᠥᠩᠭᠡᠬᠡᠨ ᠪᠦᠷᠬᠦᠵᠦ᠂ ᠰᠠᠭᠤᠭᠠᠯᠢ ᠠᠷᠠᠳ ᠵᠠᠩ ᠰᠢᠶᠣᠣ ᠮᠢᠨ ᠬᠤᠷᠤᠭᠤᠨᠤ ᠦᠵᠦᠭᠦᠷᠢᠶᠡᠨ ᠪᠥᠵᠢᠭᠯᠡᠭᠦᠯᠬᠦᠶᠢ ᠳᠠᠭᠠᠯᠳᠤᠨ ᠠᠷᠵᠠᠭᠠᠷ ᠮᠣᠳᠣᠨᠤ ᠬᠠᠯᠢᠰᠤ ᠨᠢ ᠠᠮᠢᠳᠤᠯᠢᠭ᠋ ᠰᠠᠢᠬᠠᠨ ᠵᠢᠷᠤᠭᠤᠨ ᠪᠦᠲᠦᠭᠡᠯ ᠪᠣᠯᠣᠨ ᠬᠤᠪᠢᠷᠠᠨᠠ ︱ ᠡᠨᠡ ᠬᠦ᠌ ᠭᠡᠷᠦᠨ ᠡᠭᠦᠳᠡᠨᠳᠠᠬᠢ ᠭᠠᠷ ᠤᠷᠠᠯᠠᠯ ᠨᠢ ᠲᠡᠭᠦᠨᠢ ᠯᠠᠪᠳᠠᠭᠤᠨ ᠲᠣᠭᠲᠠᠭᠤᠨ ᠣᠷᠣᠯᠭᠠᠲᠠᠢ ᠪᠣᠯᠭᠠᠵᠠᠢ᠃ ᠠᠳᠠᠯᠢᠬᠠᠨ ᠴᠠᠭ ᠮᠥᠴᠡᠳᠦ᠂ ᠤᠯᠠᠭᠠᠨᠬᠣᠲᠠᠶᠢᠨ ᠬᠥᠳᠡᠭᠡ ᠲᠣᠰᠬᠣᠨᠳᠤ ᠬᠥᠮᠥᠰ ᠦᠢᠮᠡᠯᠳᠦᠨ ᠱᠤᠤᠭᠢᠯᠳᠤᠵᠤ᠂ 53 ᠠᠵᠤ ᠠᠬᠤᠢᠯᠠᠯᠤᠨ ᠣᠷᠣᠨ ᠪᠠᠢᠷᠢᠶᠢᠨ ᠡᠮᠦᠨᠡ ᠠᠵᠢᠯ ᠡᠷᠢᠭᠰᠡᠳᠤᠨ ᠴᠤᠭᠯᠠᠭᠠᠨ ᠪᠣᠯᠣᠨᠠ᠃ ᠮᠠᠯᠴᠢᠨ ᠪᠠᠢ ᠶᠦᠩ ᠬᠤᠢ ᠪᠦᠷᠢᠳᠬᠡᠯᠦᠨ ᠬᠦᠰᠦᠨᠦᠭᠢᠶᠡᠨ ᠲᠠᠭᠯᠠᠵᠤ ᠪᠠᠷᠠᠭᠠᠳ᠄ 《 ᠴᠤᠭᠯᠠᠭᠠ ᠮᠠᠢᠮᠠᠢᠳᠤ ᠢᠷᠡᠭᠡᠳ ᠪᠠᠰᠠ ᠠᠵᠢᠯ ᠣᠯᠴᠢᠬᠠᠨᠠ ᠭᠡᠵᠦ ᠦᠨᠡᠬᠡᠷ ᠪᠤᠳᠤᠵᠤ ᠣᠯᠣᠭᠰᠠᠨ ᠦᠭᠡᠢ᠂ ᠲᠣᠰ ᠭᠠᠵᠠᠷ ᠣᠷᠣᠨᠤ ᠡᠨᠡ ᠬᠡᠳᠦᠨ ᠠᠵᠢᠯᠤᠨ ᠪᠠᠢᠷᠢ ᠶᠠᠭ ᠮᠢᠨᠤ ᠰᠠᠨᠠᠭᠠᠨᠳᠤ ᠲᠠᠭᠠᠷᠠᠵᠤ ᠪᠠᠢᠨᠠ 》 ᠭᠡᠵᠦ ᠢᠨᠢᠶᠡᠮᠰᠦᠭᠯᠡᠨ ᠬᠡᠯᠡᠪᠡ᠃
ᠡᠢᠮᠦᠷᠬᠦᠦ ᠭᠦᠷ ᠬᠥᠭᠵᠢᠶᠡᠨᠲᠠᠢ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠪᠠᠢᠳᠠᠯ ᠡᠳᠦᠭᠡ ᠬᠢᠩᠭᠠᠨ ᠠᠢᠮᠠᠭᠲᠤ ᠭᠠᠵᠠᠷ ᠪᠣᠯᠭᠠᠨᠳᠤ ᠬᠠᠷᠠᠭᠳᠠᠨᠠ᠃ ᠠᠵᠢᠯ ᠣᠯᠭᠣᠯᠲᠠᠶᠢ ᠠᠬᠢᠭᠤᠯᠬᠤ ᠠᠵᠢᠯᠯᠠᠭᠠᠶᠢ ᠥᠷᠨᠢᠭᠦᠯᠦᠭᠰᠡᠨᠡᠴᠡ ᠨᠠᠭᠠᠰᠢ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠭᠢᠨ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠦᠢᠯᠡᠴᠢᠯᠡᠭᠡᠶᠢ ᠰᠢᠯᠢᠳᠡᠭᠵᠢᠭᠦᠯᠬᠦ᠂ ᠤᠷᠠ ᠮᠡᠷᠭᠡᠵᠢᠯᠦᠨ ᠪᠣᠯᠪᠠᠰᠤᠷᠠᠯᠢ ᠴᠢᠩᠭᠠᠳᠬᠠᠬᠤ᠂ ᠭᠣᠣᠯᠳᠠᠯᠭᠠᠲᠠᠢ ᠬᠥᠮᠥᠰᠤᠨ ᠠᠵᠢᠯ ᠣᠯᠭᠣᠯᠲᠠᠶᠢ ᠪᠠᠲᠤᠯᠠᠬᠤ ᠵᠡᠷᠭᠡ ᠲᠠᠯᠠᠪᠠᠷ ᠤᠨᠢᠨ ᠳᠡᠭᠡᠷᠡ ᠨᠢ ᠬᠦᠴᠦᠯᠡᠵᠦ᠂ ᠢᠯᠡᠳᠲᠡ ᠦᠷᠡ ᠪᠦᠲᠦᠮᠵᠢ ᠣᠯᠵᠠᠢ᠃ 2025 ᠣᠨᠤ 1 ︱ 6 ᠳ᠋ᠤᠭᠠᠷ ᠰᠠᠷᠠᠳᠤ ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠬᠣᠲᠠ ᠪᠠᠯᠭᠠᠰᠤᠨᠳᠤ 2778 ᠬᠥᠮᠥᠨᠳᠦ ᠰᠢᠨᠡᠪᠡᠷ ᠠᠵᠢᠯ ᠣᠯᠭᠣᠵᠤ ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠢ 10 ᠲᠦᠮᠡ ᠰᠢᠬᠠᠮ ᠬᠥᠮᠥᠨ ᠤᠳᠠᠭᠠ ᠰᠢᠯᠵᠢᠭᠦᠯᠦᠨ ᠠᠵᠢᠯ ᠣᠯᠭᠣᠵᠤ ᠂ 2686 ᠨᠡᠷᠡᠰ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠳᠦᠨ ᠣᠷᠣᠨ ᠪᠠᠢᠷᠢᠶᠢ ᠨᠠᠢᠳᠠᠪᠤᠷᠢᠵᠢᠭᠤᠯᠪᠠ ᠁ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠰᠢᠨᠡ ᠰᠣᠷᠭᠣᠭ ᠲᠣᠭᠠ ᠪᠠᠷᠢᠮᠲᠠᠨᠤᠭᠤᠳ ᠨᠢ ᠶᠠᠭ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠵᠢᠷᠤᠯᠭᠠ ᠰᠢᠭ᠋ᠢᠶᠡᠷ ᠠᠷᠠᠳᠤᠨ ᠠᠮᠢᠳᠤᠷᠠᠯᠤᠨ ᠵᠣᠯ ᠵᠢᠷᠭᠠᠯᠲᠤ ᠲᠠᠩᠰᠠᠨ ᠬᠠᠭᠤᠳᠠᠰᠤᠶᠢ ᠳᠦᠭᠦᠷᠡᠩ ᠵᠢᠷᠤᠭᠯᠠᠵᠠᠢ ᠃
ᠠᠵᠢᠯᠤᠨ ᠪᠠᠢᠷᠢᠶᠢ ᠬᠠᠵᠠᠭᠤᠳᠤ ᠨᠢ ᠬᠦᠷᠭᠡᠵᠦ ᠂ ᠠᠵᠢᠯ ᠡᠷᠢᠬᠦᠳᠦ ᠲᠠᠭᠢᠨ ᠬᠣᠯᠠ ᠵᠠᠮ ᠬᠥᠭᠡᠭᠡᠬᠦ ᠴᠢᠬᠤᠯᠠ ᠦᠭᠡᠢ ᠪᠣᠯᠵᠠᠢ
ᠬᠢᠩᠭᠠᠨ ᠠᠢᠮᠠᠭᠤᠨ ᠨᠡᠢᠭᠡᠮ ᠲᠣᠭᠣᠷᠢᠭ᠋᠂ ᠬᠥᠳᠡᠭᠡ ᠲᠣᠰᠬᠣᠨᠳᠤ᠂ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠦᠷᠳᠡᠭᠡᠨᠦᠭᠦᠳ ᠬᠠᠯᠠᠭᠤᠨ ᠪᠦᠯᠢᠶᠡᠨ 《ᠠᠷᠠᠳᠤᠨ ᠠᠮᠢᠳᠤᠷᠠᠯᠤᠨ ᠲᠣᠣᠷ 》ᠢ ᠰᠡᠮᠭᠡᠨ ᠰᠦᠯᠵᠢᠵᠦ ᠪᠠᠢᠨᠠ᠃ ᠲᠡᠳᠡᠭᠡᠷ ᠨᠢ ᠣᠴᠢᠶᠢᠨ ᠭᠠᠯ ᠮᠡᠲᠦ ᠬᠤᠳᠠ ᠬᠥᠳᠡᠭᠡᠶᠢᠨ ᠥᠨᠴᠥᠭ ᠪᠤᠯᠤᠩ ᠪᠦᠭᠦᠨᠢ ᠭᠡᠷᠡᠯᠳᠦᠭᠦᠯᠵᠦ᠂ ᠲᠦᠭ ᠲᠦᠮᠡᠨ ᠠᠢᠯ ᠡᠷᠦᠭᠡᠶᠢᠨ ᠠᠵᠢᠯ ᠡᠷᠢᠬᠦ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠪᠣᠯᠣᠨ ᠠᠵᠤ ᠠᠬᠤᠢᠯᠠᠯᠤᠨ ᠠᠵᠢᠯᠴᠢᠨ ᠬᠡᠷᠡᠭᠯᠡᠬᠦ ᠬᠡᠷᠡᠭᠴᠡᠭᠡᠶᠢ ᠤᠨᠢᠨ ᠳᠡᠭᠡᠷᠡ ᠨᠢ ᠵᠣᠯᠭᠠᠭᠤᠯᠵᠤ᠂ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠦᠢᠯᠡᠴᠢᠯᠡᠭᠡᠨᠦ 《 ᠡᠴᠦᠰᠦᠨ ᠨᠢᠭᠡ ᠺᠢᠯᠣᠮᠧᠲᠷ 》ᠢ 《 ᠬᠠᠮᠤᠭᠤᠨ ᠳᠤᠯᠠᠭᠠᠨ ᠨᠢᠭᠡ ᠺᠢᠯᠣᠮᠧᠲᠷ 》 ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠠᠢ᠃
ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠰᠢᠩ ᠺᠸ᠋ ᠨᠡᠢᠭᠡᠮ ᠲᠣᠭᠣᠷᠢᠭ᠋ᠤᠨ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠦᠷᠳᠡᠭᠡᠶᠢᠨ ᠡᠭᠦᠳᠡᠶᠢ ᠨᠡᠭᠡᠭᠡᠬᠦᠳᠦ᠂ ᠬᠠᠯᠠᠭᠤᠨ ᠠᠭᠤᠷ ᠠᠮᠢᠰᠬᠤᠯᠢᠶᠠᠷ ᠪᠢᠯᠬᠠᠨᠠ᠃ ᠠᠵᠢᠯᠲᠠᠳᠤᠨ ᠬᠠᠯᠠᠭᠤᠨ ᠢᠨᠢᠶᠡᠳᠦ ᠨᠢ ᠠᠵᠢᠯ ᠡᠷᠢᠬᠦᠪᠡᠷ ᠢᠷᠡᠭᠰᠡᠨ ᠸᠠᠩ ᠰᠡᠴᠡᠨᠳᠦ ᠲᠤᠢᠯᠤᠨ ᠳᠣᠲᠣᠨᠣ᠌ ᠰᠠᠨᠠᠭᠳᠠᠨᠠ᠃ 《 ᠥᠩᠭᠡᠷᠡᠭᠰᠡᠨᠳᠦ ᠠᠵᠢᠯ ᠡᠷᠢᠨᠡ ᠭᠡᠳᠡᠭ ᠶᠣᠰᠣᠲᠠᠢ ᠨᠢᠭᠡ ᠵᠣᠪᠠᠯᠠᠩ ᠪᠠᠢᠵᠠᠢ ᠂ ᠬᠥᠯᠢᠶᠡᠨ ᠬᠤᠭᠤᠷᠠᠲᠠᠯᠠ ᠭᠦᠶᠦᠵᠦ ᠨᠢᠳᠦᠪᠡᠨ ᠡᠷᠢᠶᠡᠯᠵᠡᠲᠡᠯᠡ ᠯᠠᠪᠯᠠᠨᠠ ᠂ ᠲᠡᠭᠡᠭᠡᠳ ᠪᠠᠰᠠ ᠳᠠᠩᠳᠠ ᠬᠣᠭᠣᠰᠤᠳᠠᠨᠠ ᠃ 》 ᠭᠡᠵᠦ ᠲᠡᠷᠡ ᠨᠢᠭᠡ ᠲᠠᠯᠠᠪᠠᠷ ᠠᠵᠢᠯᠤᠨ ᠪᠠᠢᠷᠢᠶᠢᠨ ᠮᠡᠳᠡᠭᠡ ᠵᠠᠩᠭᠢᠶᠢᠨ ᠳᠡᠪᠲᠡᠷᠢ ᠪᠣᠯᠪᠠᠰᠤᠷᠠᠩᠭᠤᠢ ᠤᠩᠰᠢᠵᠤ ᠂ ᠨᠥᠭᠦᠭᠡ ᠲᠠᠯᠠᠪᠠᠷ ᠄ 《 ᠣᠳᠣ᠌ ᠰᠠᠢᠨ ᠪᠣᠯᠣᠯᠠ ᠂ ᠦᠢᠯᠡᠴᠢᠯᠡᠭᠡᠨᠦ ᠥᠷᠲᠡᠭᠡ ᠳᠠᠷᠤᠢ ᠭᠡᠷᠦᠨ ᠡᠭᠦᠳᠡᠨᠳᠦ ᠪᠠᠢᠨᠠ ᠂ ᠮᠡᠳᠡᠭᠡ ᠵᠠᠩᠭᠢ ᠰᠢᠨᠡ ᠂ ᠠᠵᠢᠯᠤᠨ ᠪᠠᠢᠷᠢ ᠣᠯᠠᠨ ᠂ ᠠᠵᠢᠯᠲᠠᠨ ᠪᠠᠰᠠ ᠬᠠᠪᠰᠤᠷᠤᠨ ᠲᠠᠨᠢᠯᠴᠠᠭᠤᠯᠵᠤ ᠂ ᠵᠢᠭᠠᠨ ᠵᠢᠯᠣᠭᠣᠳᠤᠨᠠ ᠂ ᠦᠨᠡᠬᠡᠷ ᠰᠡᠳᠬᠢᠯ ᠰᠠᠨᠠᠭᠠ ᠠᠮᠤᠷ ᠪᠣᠯᠵᠠᠢ ！ 》 ᠭᠡᠵᠦ ᠰᠡᠳᠬᠢᠯ ᠳᠣᠭᠳᠣᠯᠤᠨ ᠬᠡᠯᠡᠨᠡ ᠃ ᠡᠢᠮᠦᠷᠬᠦᠦ 《 ᠠᠵᠢᠯ ᠣᠯᠭᠣᠯᠲᠠᠶᠢᠨ ᠭᠡᠷ ᠪᠦᠯᠢ》ᠶᠢ ᠬᠢᠩᠭᠠᠨ ᠠᠢᠮᠠᠭᠲᠤ ᠨᠢᠭᠡᠨᠲᠡ 160 ᠪᠠᠢᠭᠤᠯᠵᠤ ᠂ ᠨᠤᠲᠤᠭᠤᠨ ᠤᠯᠠᠨ ᠲᠦᠮᠡᠨᠦ ᠢᠲᠡᠭᠡᠯᠲᠡᠢ 《 ᠠᠵᠢᠯ ᠡᠷᠢᠬᠦ ᠠᠩᠬᠠᠨᠤ ᠥᠷᠲᠡᠭᠡ》 ᠪᠤᠯᠭᠠᠬ᠍ᠰᠠᠨ ᠪᠠᠢᠨᠠ᠃
ᠦᠢᠯᠡᠴᠢᠯᠡᠭᠡᠶᠢ ᠨᠡᠩ ᠳᠣᠲᠣᠨᠣ᠌ ᠪᠤᠯᠭᠠᠬᠤᠶᠢᠨ ᠲᠥᠯᠥᠭᠡ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷᠦᠨ ᠭᠢᠨ ᠤᠶᠤᠨ ᠲᠠᠷᠢᠬᠢᠪᠠᠨ ᠭᠦᠢᠴᠡᠳ ᠬᠥᠳᠡᠯᠭᠡᠵᠦ᠄ 《 ᠲᠦᠷᠦᠶᠢᠨ ᠪᠣᠳᠣᠯᠭᠠᠶᠢ ᠤᠬᠠᠭᠤᠯᠤᠨ ᠲᠠᠢᠯᠪᠤᠷᠢᠯᠠᠬᠤ ᠪᠦᠯᠭᠦᠮ 》 ᠪᠣᠯᠣᠨ 《 ᠠᠵᠢᠯᠤᠨ ᠪᠠᠢᠷᠢ ᠬᠠᠢᠬᠤ ᠰᠠᠯᠪᠤᠷᠢ ᠪᠠᠭᠠ ᠠᠩᠭᠢ 》 ᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠭᠡᠷ ᠲᠦ᠍ᠨᠢ ᠬᠦᠷᠴᠦ᠂ ᠠᠵᠤ ᠠᠬᠤᠢᠯᠠᠯᠤᠨ ᠠᠵᠢᠯᠴᠢᠨ ᠬᠡᠷᠡᠭᠯᠡᠬᠦ ᠬᠡᠷᠡᠭᠴᠡᠭᠡ ᠪᠣᠯᠣᠨ ᠤᠯᠠᠨ ᠲᠦᠮᠡᠨᠦ ᠠᠵᠢᠯ ᠡᠷᠢᠬᠦ ᠬᠦᠰᠡᠯ ᠰᠠᠨᠠᠭᠠᠶᠢ ᠭᠦᠨᠵᠡᠭᠡᠢ ᠣᠢᠯᠠᠭᠠᠵᠤ᠂ ᠠᠵᠤ ᠠᠬᠤᠢᠯᠠᠯᠤᠨ ᠬᠡᠷᠡᠭᠴᠡᠭᠡᠶᠢ ᠠᠰᠠᠭᠤᠬᠤ᠂ ᠠᠷᠠᠳᠤᠨ ᠬᠦᠰᠡᠯ ᠰᠠᠨᠠᠭᠠᠶᠢ ᠠᠰᠠᠭᠤᠬᠤᠶᠢ ᠦᠨᠡᠨ ᠬᠦ᠌ ᠪᠡᠶᠡᠯᠡᠭᠦᠯᠪᠡ᠃ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠂ ᠠᠷᠰᠠᠷ ᠠᠵᠢᠯᠤᠨ ᠠᠵᠤ ᠠᠬᠤᠢ ᠂ ᠭᠣᠣᠯᠳᠠᠯᠭᠠᠲᠠᠢ ᠬᠥᠮᠥᠰᠤᠨ ᠠᠵᠢᠯ ᠣᠯᠭᠣᠯᠲᠠ ᠵᠡᠷᠭᠡ ᠪᠠᠢᠳᠠᠯᠳᠤ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠵᠦ ᠂ 《 ᠬᠢᠩᠭᠠᠨᠤ ᠡᠭᠦᠯᠡᠨ ᠠᠵᠢᠯ ᠣᠯᠭᠣᠯᠲᠠ 》 ᠵᠢᠨ ᠦᠢᠯᠡᠴᠢᠯᠡᠭᠡᠨᠦ ᠵᠢᠭ᠍ᠰᠠᠭᠠᠯᠢ ᠢᠳᠡᠪᠬᠢᠲᠡᠢ ᠪᠤᠶ ᠪᠤᠯᠭᠠᠵᠤ ᠂ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡᠪᠡᠷ ᠠᠵᠢᠯᠤᠨ ᠪᠠᠢᠷᠢᠶᠢ ᠳᠠᠢᠴᠢᠯᠠᠬᠤ ᠂ AI ᠲᠣᠭᠠᠴᠢᠯᠠᠭᠰᠠᠨ ᠬᠥᠮᠥᠨᠦ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡ ᠵᠡᠷᠭᠡ ᠰᠢᠨᠡᠶᠢ ᠡᠭᠦᠳᠬᠦ ᠭᠡᠯᠪᠡᠷᠢᠪᠡᠷ ᠳᠠᠮᠵᠢᠭᠤᠯᠤᠨ ᠂ ᠠᠵᠢᠯ ᠡᠷᠢᠭᠰᠡᠳᠢ ᠤᠯᠠᠮᠵᠢᠯᠠᠯᠲᠤ 《 ᠴᠠᠭᠠᠰᠤ 》ᠶᠢᠨ ᠬᠣᠭᠣᠷᠣᠨᠳᠤ ᠠᠵᠢᠯ ᠡᠷᠢᠵᠦ ᠪᠠᠢᠭᠰᠠᠨᠠᠴᠠ ᠨᠢ ᠳᠥᠭᠦᠮ ᠳᠥᠲᠡ 《 ᠬᠤᠷᠤᠭᠤᠨ 》 ᠵᠠᠪᠰᠠᠷᠲᠤ ᠠᠵᠢᠯ ᠡᠷᠢᠬᠦ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠤ ᠂ 24 ᠴᠠᠭᠲᠤ ᠡᠭᠦᠳᠡᠪᠡᠨ ᠬᠠᠭᠠᠬᠤ ᠦᠭᠡᠢ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠵᠠᠢ ᠃ ᠣᠲᠣ᠌ ᠪᠤᠯᠲᠠᠯᠠ ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠭᠢᠨ ᠨᠢᠭᠡᠨᠲᠡ ᠰᠦᠯᠵᠢᠶᠡᠨ ᠳᠡᠭᠡᠷᠡᠬᠢ ᠠᠵᠢᠯᠲᠠᠨ ᠡᠯᠰᠡᠬᠦ ᠴᠤᠭᠯᠠᠭᠠᠨᠢ 453 ᠤᠳᠠᠭᠠ ᠡᠷᠭᠢᠯᠡᠵᠦ ᠂ 4 ᠲᠦᠮᠡ ᠭᠠᠷᠤᠢ ᠠᠵᠢᠯᠤᠨ ᠪᠠᠢᠷᠢ ᠬᠠᠩᠭᠠᠵᠤ᠂ 8171 ᠬᠥᠮᠥᠨᠢ ᠬᠠᠪᠰᠤᠷᠤᠨ ᠠᠵᠢᠯ ᠣᠯᠬᠤ ᠰᠠᠨᠠᠮᠵᠢ ᠲᠣᠬᠢᠷᠠᠯᠴᠠᠪᠠ᠃
ᠡᠭᠦᠨᠡᠴᠡ ᠭᠠᠳᠠᠨᠠ ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷ ᠪᠠᠰᠠ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠬᠥᠳᠡᠯᠮᠦᠷᠢᠴᠢᠳᠦᠨ ᠠᠵᠢᠯ ᠭᠦᠳᠡᠯᠮᠦᠷᠢ ᠬᠢᠬᠦ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠳᠤ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠵᠦ ᠂ ᠠᠵᠢᠯᠲᠠᠨ ᠡᠯᠰᠡᠬᠦ ᠴᠤᠭᠯᠠᠭᠠᠨᠢ ᠬᠥᠳᠡᠭᠡ ᠲᠣᠰᠬᠣᠨᠤ ᠶᠡᠬᠡ ᠴᠤᠭᠯᠠᠭᠠᠨ ᠪᠠ ᠰᠥᠨᠢᠶᠢᠨ ᠵᠠᠬᠠ ᠳᠡᠯᠭᠡᠭᠦᠷᠲᠦ ᠨᠡᠭᠦᠯᠭᠡᠨ ᠠᠪᠴᠢᠷᠠᠵᠤ ᠂ ᠴᠢᠨᠠᠷ ᠰᠠᠢᠲᠠᠢ ᠠᠵᠢᠯᠤᠨ ᠪᠠᠢᠷᠢ ᠂ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠣᠯᠠᠨ ᠲᠦᠮᠡᠨᠦ ᠳᠡᠷᠭᠡᠳᠡ ᠬᠦᠷᠭᠡᠭᠰᠡᠨ ᠪᠠᠢᠨᠠ ᠃ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨᠳᠤ ᠠᠵᠢᠯᠲᠠᠨ ᠡᠯᠰᠡᠬᠦ ᠴᠤᠭᠯᠠᠭᠠᠨ ᠨᠢ ᠦᠵᠡᠮᠵᠢᠶᠢᠨ ᠣᠷᠣᠨᠳᠤ ᠣᠷᠣᠭᠰᠠᠨ ᠪᠠᠢᠨᠠ ᠃ ᠵᠤᠭᠠᠴᠠᠭ᠍ᠴᠢ ᠯᠢ ᠰᠢᠶᠣᠣ ᠰᠢᠶᠠ ᠸᠠᠩᠤᠨ ᠣᠷᠳᠣᠨᠢᠶᠠᠷ ᠲᠣᠭᠣᠷᠢᠵᠤ ᠪᠠᠢᠲᠠᠯᠠ ᠭᠡᠨᠡᠳᠲᠡ ᠰᠡᠳᠬᠢᠯᠳᠡᠭᠡᠨ ᠲᠣᠭᠣᠭᠰᠠᠨ ᠠᠵᠢᠯᠤᠨ ᠪᠠᠢᠷᠢᠶᠢ ᠣᠯᠵᠤ ᠦᠵᠡᠮᠡᠭᠴᠡ ᠲᠤᠬᠠᠢᠶᠢᠨ ᠲᠠᠯᠠᠪᠤᠷᠲᠤ ᠵᠤᠭᠠᠴᠠᠭ᠍ᠴᠢᠠᠴᠠᠪᠠᠨ ᠠᠵᠢᠯ ᠡᠷᠢᠭᠴᠢ ᠪᠣᠯᠪᠠ ᠃ ᠲᠡᠷᠡ ᠄ 《 ᠵᠦᠭᠡᠷ ᠵᠤᠭᠠᠴᠠᠵᠤ ᠪᠠᠢᠭᠠᠳ ᠠᠵᠢᠯ ᠣᠯᠴᠢᠬᠠᠯᠠ ᠂ ᠡᠨᠡ ᠤᠳᠠᠭᠠᠶᠢᠨ ᠠᠶᠠᠯᠠᠯ ᠦᠨᠡᠬᠡᠷ ᠦᠨᠡ ᠥᠷᠲᠡᠭ ᠲᠠᠢ ᠪᠣᠯᠵᠠᠢ 》 ᠭᠡᠪᠡ᠃
ᠠᠵᠢᠯ ᠣᠯᠭᠣᠯᠲᠠ ᠭᠡᠳᠡᠭ ᠨᠢ ᠡᠴᠦᠰᠦᠨ ᠡᠴᠦᠰᠲᠡᠬᠡᠨ ᠬᠥᠮᠥᠨ ᠨᠢᠭᠡᠪᠦᠷᠢᠳᠦ ᠬᠢᠬᠦ ᠠᠵᠢᠯᠲᠠᠢ ᠂ ᠣᠯᠬᠤ ᠵᠣᠭᠣᠰᠲᠠᠢ ᠂ ᠬᠦᠰᠡᠯ ᠡᠷᠡᠮᠡᠯᠵᠡᠯᠲᠠᠢ ᠪᠤᠯᠭᠠᠬᠤᠶᠢ ᠬᠡᠯᠡᠵᠦ ᠪᠠᠢᠨᠠ ᠃ ᠬᠢᠩᠭᠠᠨ ᠠᠢᠮᠠᠭᠤᠨ ᠭᠢᠨ ᠠᠷᠠᠳᠤᠨ ᠪᠠᠢᠳᠠᠯᠢ ᠬᠥᠯᠢᠶᠡᠷᠢᠶᠡᠨ ᠬᠡᠮᠵᠢᠵᠦ᠂ ᠭᠠᠷᠢᠶᠠᠷᠢᠶᠠᠨ ᠡᠷᠭᠦᠵᠦ᠂ 《 ᠠᠵᠢᠯ ᠡᠷᠢᠬᠦ 》 ᠶ᠋ᠢ ᠬᠦᠴᠢᠷ ᠠᠰᠠᠭᠤᠳᠠᠯ ᠪᠢᠰᠢ ᠪᠤᠯᠭᠠᠵᠤ᠂ ᠲᠦᠭ ᠲᠦᠮᠡᠨ ᠠᠢᠯ ᠡᠷᠦᠭᠡᠶᠢᠨ ᠠᠮᠤᠷ ᠲᠣᠭᠲᠠᠭᠤᠨᠢᠶᠠᠷ ᠠᠮᠢᠳᠤᠷᠠᠬᠤᠶᠢᠨ ᠢᠳᠡ ᠬᠦᠴᠦᠨ ᠪᠤᠯᠭᠠᠬ᠍ᠰᠠᠨ ᠪᠠᠢᠨᠠ᠃
ᠭᠠᠷ ᠤᠷᠠᠯᠠᠯᠤᠨ ᠡᠷᠳᠡᠮ ᠪᠤᠯᠪᠠᠰᠤᠷᠠᠭᠤᠯᠵᠤ ᠠᠷᠠᠳ ᠢᠷᠭᠡᠳᠦᠨ《 ᠪᠤᠳᠠᠭᠠᠨ ᠠᠶᠠᠭᠠ 》ᠶᠢ ᠤᠯᠠᠮ ᠯᠠᠪᠳᠠᠭᠤᠨ ᠲᠣᠭᠲᠠᠭᠤᠨ ᠪᠣᠯᠭᠠᠨᠠ
ᠠᠵᠢᠯᠤᠨ ᠪᠠᠢᠷᠢᠲᠠᠢ ᠪᠣᠯᠤᠭᠰᠠᠨᠤ ᠲᠠᠷᠠᠭᠠ ᠪᠠᠰᠠ ᠴᠢᠳᠠᠪᠤᠷᠢᠲᠠᠢ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠨᠠᠩ ᠣᠯᠠᠨ ᠣᠯᠠᠨ ᠲᠦᠮᠡᠨᠢ ᠭᠡᠷᠦᠨ ᠡᠭᠦᠳᠡᠨ ᠳ᠋ᠦ᠍ᠨᠢ ᠬᠡᠷᠡᠭᠯᠡᠭᠡᠨᠦ ᠮᠡᠷᠭᠡᠵᠢᠯ ᠡᠵᠡᠮᠰᠢᠭᠦᠯᠬᠦᠶᠢᠨ ᠲᠥᠯᠥᠭᠡ ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠡᠯᠡ ᠱᠠᠲᠤᠨᠤ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷᠦᠳ ᠪᠣᠯᠪᠠᠰᠤᠷᠠᠯᠤᠨ ᠬᠢᠴᠢᠶᠡᠯᠦᠨ ᠭᠡᠷᠢ ᠨᠡᠢᠭᠡᠮ ᠲᠣᠭᠣᠷᠢᠭ᠋ ᠂ ᠬᠥᠳᠡᠭᠡ ᠲᠣᠰᠬᠣᠨᠳᠤ ᠨᠡᠭᠦᠯᠭᠡᠨ ᠠᠪᠴᠢᠷᠠᠵᠤ ᠂ ᠲᠣᠭᠲᠠᠭᠰᠠᠨ ᠪᠣᠯᠪᠠᠰᠤᠷᠠᠯᠤᠨ ᠪᠠᠢᠭᠤᠯᠤᠮᠵᠢᠶᠢ ᠵᠢᠭᠠᠨ ᠲᠣᠭᠲᠠᠭᠠᠵᠤ ᠂ ᠠᠵᠢᠯ ᠣᠯᠬᠤᠳᠤ ᠲᠣᠭᠲᠠᠪᠤᠷᠢᠲᠠᠢ ᠂ ᠠᠵᠢᠯᠯᠠᠬᠤᠳᠤ ᠠᠮᠠᠷᠬᠠᠨ ᠪᠣᠯᠪᠠᠰᠤᠷᠠᠯᠤᠨ ᠠᠩᠭᠢ ᠡᠷᠭᠢᠯᠡᠪᠡ ᠃
ᠤᠯᠠᠭᠠᠨᠬᠣᠲᠠᠶᠢᠨ ᠨᠢᠭᠡᠳᠦᠭᠡᠷ ᠬᠤᠸᠠᠨ ᠼᠦᠢ ᠨᠡᠢᠭᠡᠮ ᠲᠣᠭᠣᠷᠢᠭ᠋ᠤᠨ ᠭᠠᠷ ᠤᠷᠠᠯᠠᠯᠤᠨ ᠦᠢᠯᠡᠳᠬᠡᠯᠦᠨ ᠭᠠᠵᠠᠷᠲᠤ᠂ ᠳᠡᠯᠭᠡᠨ ᠦᠵᠡᠭᠦᠯᠭᠦ ᠵᠢᠶᠠᠰᠠᠨᠳᠤ ᠶᠠᠩᠵᠤ ᠪᠦᠷᠢᠶᠢᠨ ᠭᠤᠶᠤ ᠰᠠᠢᠬᠠᠨ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭᠳᠡᠬᠦᠨᠢᠶᠠᠷ ᠳᠦᠭᠦᠷᠭᠡᠪᠡ᠄ ᠥᠩᠭᠡ ᠢᠯᠭᠠᠷᠠᠭᠰᠠᠨ ᠦᠨᠦᠷᠲᠦ ᠬᠠᠪᠲᠠᠭᠠ᠂ ᠨᠠᠷᠢᠯᠢᠭ᠋ ᠬᠢᠴᠡᠲᠠᠢ ᠬᠠᠳᠬᠤᠮᠠᠯᠤᠨ ᠣᠯᠪᠣᠭ ᠂ ᠳᠦᠷᠰᠦ ᠪᠦᠲᠦᠭᠡᠯᠲᠡ ᠨᠢ ᠣᠨᠴᠠᠭᠠᠢ ᠪᠥᠰ ᠤᠷᠠᠯᠠᠯᠤᠨ ᠬᠡᠦᠬᠡᠯᠳᠡᠢ᠁ ᠡᠨᠡ ᠵᠢᠯ 68 ᠨᠠᠰᠤᠲᠠᠢ ᠨᠡᠢᠭᠡᠮ ᠲᠣᠭᠣᠷᠢᠭ᠋ᠤᠨ ᠰᠠᠭᠤᠭᠠᠯᠢ ᠠᠷᠠᠳ ᠾᠦᠸᠸ᠋ ᠼᠠᠨ ᠴᠢᠨ ᠶᠠᠭ ᠰᠠᠢᠬᠠᠨ ᠨᠢᠭᠡ ᠦᠨᠦᠷᠲᠦ ᠬᠠᠪᠲᠠᠭᠠ ᠣᠶᠣᠵᠤ ᠪᠠᠢᠨᠠ᠃
《 ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠭᠰᠠᠨᠤ ᠳᠠᠷᠠᠭᠠ ᠭᠡᠷᠲᠡᠬᠡᠨ ᠰᠤᠯᠠ ᠰᠠᠭᠤᠭᠠᠳ ᠬᠢᠬᠦ ᠠᠵᠢᠯ ᠦᠭᠡᠢ ᠂ ᠨᠡᠢᠭᠡᠮ ᠲᠣᠭᠣᠷᠢᠭ᠋ᠲᠤ ᠰᠦᠢᠳᠬᠡᠯ ᠬᠤᠷᠢᠶᠠᠬᠤ ᠦᠭᠡᠢᠪᠡᠷ ᠭᠠᠷ ᠤᠷᠠᠯᠠᠯᠤᠨ ᠪᠣᠯᠪᠠᠰᠤᠷᠠᠯᠤᠨ ᠠᠩᠭᠢ ᠡᠷᠭᠢᠯᠡᠵᠦ ᠪᠠᠢᠨᠠ ᠭᠡᠵᠦ ᠰᠣᠨᠣᠰᠤᠭᠠᠳ ᠪᠢ ᠰᠤᠷᠤᠯᠴᠠᠬᠤᠪᠠᠷ ᠢᠷᠡᠭᠰᠡᠨ ᠶᠤᠮ ᠃ 》 ᠡᡁᠦᠢᠸᠸ᠋ ᠼᠠᠨ ᠴᠢᠨ ᠢᠨᠢᠶᠡᠨ ᠬᠡᠯᠡᠬᠦᠳᠡᠭᠡᠨ᠄ 《 ᠡᠨᠡ ᠬᠦ᠌ ᠤᠷᠠ ᠮᠡᠷᠭᠡᠵᠢᠯᠢ ᠰᠤᠷᠬᠤᠳᠤ ᠠᠮᠠᠷᠬᠠᠨ ᠪᠥᠭᠡᠳ ᠲᠤᠩ ᠬᠡᠷᠡᠭᠴᠡᠭᠡᠲᠠᠢ᠂ ᠪᠢ ᠰᠤᠷᠴᠢᠬᠠᠯᠠ᠂ ᠰᠤᠯᠠ ᠰᠡᠯᠡᠭᠦᠦ ᠦᠶᠡᠳᠦ ᠬᠢᠬᠦ ᠠᠵᠢᠯ ᠲᠠᠢ ᠪᠥᠭᠡᠳ ᠪᠠᠰᠠ ᠪᠠᠭᠠ ᠰᠠᠭᠠ ᠣᠷᠣᠯᠭᠠ ᠣᠯᠵᠤ ᠪᠣᠯᠣᠨᠠ 》 ᠭᠡᠵᠦ ᠶᠠᠷᠢᠨᠠ᠃
ᠭᠠᠷ ᠦᠢᠯᠡᠳᠪᠦᠷᠢᠶᠢᠨ ᠦᠢᠯᠡᠳᠬᠡᠯᠦᠨ ᠭᠠᠵᠠᠷᠲᠤ᠂ ᠾᠦᠸᠸ᠋ ᠡᠵᠢ ᠰᠢᠭ ᠡᠢᠮᠦᠷᠬᠦᠦ ᠠᠮᠢᠳᠤᠷᠠᠯᠤᠨ ᠬᠠᠯᠠᠭᠤᠨ ᠰᠡᠳᠬᠢᠯᠭᠡᠪᠡᠨ ᠲᠠᠭᠢᠨ ᠣᠯᠣᠭᠰᠠᠨ 《 ᠪᠤᠭᠤᠷᠤᠯᠴᠤᠳ 》 ᠴᠥᠭᠡᠨ ᠪᠤᠰᠤ ᠪᠠᠢᠨᠠ᠃ ᠨᠢᠭᠡᠳᠦᠭᠡᠷ ᠬᠤᠸᠠᠨ ᠼᠦᠢ ᠨᠡᠢᠭᠡᠮ ᠲᠣᠭᠣᠷᠢᠭ᠋ᠤᠨ ᠨᠠᠮᠤᠨ ᠶᠡᠷᠦᠩᠬᠡᠢ ᠡᠭᠦᠷᠦᠨ ᠱᠦᠵᠢ ᠴᠧᠨ ᠶᠠᠨ ᠯᠢᠩ ᠄ 《 ᠪᠢᠳᠡ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠬᠡᠷᠡᠭᠴᠡᠭᠡ ᠪᠠ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠦᠨᠡ ᠬᠠᠩᠰᠢᠶᠢᠨ ᠪᠠᠢᠳᠠᠯᠢ ᠦᠨᠳᠦᠰᠦᠯᠡᠨ ᠬᠢᠴᠢᠶᠡᠯ ᠨᠡᠭᠡᠭᠡᠵᠦ ᠂ ᠰᠣᠷᠣᠬ᠍ᠰᠠᠨᠤᠪᠠᠨ ᠳᠠᠷᠠᠭᠠ ᠬᠡᠷᠡᠭᠯᠡᠵᠦ ᠪᠤᠯᠬᠤ ᠂ ᠬᠡᠷᠡᠭᠯᠡᠪᠡᠯ ᠣᠷᠣᠯᠭᠠ ᠣᠯᠵᠤ ᠪᠤᠯᠬᠤᠶᠢ ᠦᠨᠡᠨ ᠬᠦ᠌ ᠪᠠᠲᠤᠯᠠᠨᠠ ᠂ ᠡᠨᠡ ᠪᠣᠯ ᠰᠠᠶᠢ ᠵᠢᠩᠬᠢᠨᠢ ᠠᠷᠠᠳᠲᠤ ᠠᠰᠢᠭ᠋ ᠬᠦᠷᠲᠡᠭᠡᠬᠦ ᠦᠢᠯᠡᠴᠢᠯᠡᠭᠡ ᠮᠥᠨ 》 ᠭᠡᠵᠦ ᠰᠡᠳᠬᠢᠯ ᠪᠠᠶᠠᠷᠲᠠᠢ ᠶᠠᠷᠢᠪᠠ᠃
ᠡᠨᠡ ᠬᠦ᠌ ᠰᠡᠳᠬᠢᠯᠢ ᠳᠤᠯᠠᠭᠠᠴᠠᠭᠤᠯᠤᠭᠰᠠᠨ ᠦᠵᠡᠭᠳᠡᠯ ᠪᠣᠯ ᠬᠢᠩᠭᠠᠨ ᠠᠢᠮᠠᠭᠤᠨ 《 ᠤᠷᠠ ᠮᠡᠷᠭᠡᠵᠢᠯᠲᠦ ᠬᠢᠩᠭᠠᠨ》 ᠠᠵᠢᠯᠯᠠᠭᠠᠶᠢᠨ ᠭᠠᠵᠠᠷ ᠪᠣᠯᠭᠠᠨᠳᠤ ᠳᠡᠯᠭᠡᠷᠡᠭᠰᠡᠨ ᠬᠤᠷᠢᠶᠠᠩᠭᠤᠢ ᠳᠦᠷᠰᠦ ᠪᠣᠯᠣᠨᠠ᠃ 2024 ᠣᠨᠳᠤ ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠭᠢᠨ 《 ᠤᠷᠠ ᠮᠡᠷᠭᠡᠵᠢᠯᠲᠦ ᠬᠢᠩᠭᠠᠨ 》ᠤ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠢ ᠳᠡᠭᠡᠭᠰᠢᠯᠡᠭᠦᠯᠭᠦ ᠠᠵᠢᠯᠯᠠᠭᠠᠶᠢ ᠬᠡᠷᠡᠭᠵᠢᠭᠦᠯᠵᠦ ᠂ ᠬᠡᠷᠡᠭᠴᠡᠭᠡ ᠶᠣᠰᠣᠭᠠᠷ ᠨᠥᠬᠥᠪᠦᠷᠢᠶᠢᠨ ᠴᠢᠨᠠᠷᠲᠠᠢ ᠪᠣᠯᠪᠠᠰᠤᠷᠠᠯ ᠥᠷᠨᠢᠭᠦᠯᠬᠦᠶᠢ ᠪᠠᠷᠢᠮᠲᠠᠯᠠᠨ ᠂ ᠵᠢᠭᠤᠯᠴᠢᠯᠠᠯᠤᠨ ᠠᠵᠤ ᠦᠢᠯᠡᠰᠦᠨ ᠪᠤᠶ᠋ᠢᠵᠢᠯᠲᠠᠲᠠᠢ ᠤᠶᠠᠯᠳᠤᠭᠤᠯᠤᠨ ᠣᠷᠣᠨ ᠨᠤᠲᠤᠭᠤᠨ ᠣᠨᠴᠠᠯᠢᠭ᠍ᠲᠤ ᠢᠳᠡᠭᠡᠨ ᠪᠠ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭᠳᠡᠬᠦᠨ ᠦᠢᠯᠡᠳᠬᠦ ᠪᠣᠯᠪᠠᠰᠤᠷᠠᠯ ᠥᠷᠨᠢᠭᠦᠯᠪᠡ ； 《 ᠨᠢᠭᠡ ᠨᠠᠰᠤᠲᠠᠨ ᠨᠢᠭᠡ ᠨᠢᠯᠬᠠᠰ 》ᠲᠤ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠦᠨ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢᠶᠢᠨ ᠰᠤᠪᠢᠯᠠᠯᠲᠠ ᠂ ᠡᠪᠡᠳᠴᠢᠲᠡᠨᠢ ᠠᠰᠠᠷᠠᠨ ᠰᠤᠪᠢᠯᠠᠬᠤ ᠪᠣᠯᠪᠠᠰᠤᠷᠠᠯ ᠥᠷᠨᠢᠭᠦᠯᠦᠨᠡ ； ᠨᠡᠶ᠋ᠢᠲᠡᠶᠢᠨ ᠠᠰᠠᠷᠠᠮᠵᠢᠶᠢᠨ ᠠᠵᠢᠯᠤᠨ ᠪᠠᠢᠷᠢᠶᠢᠨ ᠠᠵᠢᠯᠲᠠᠨᠳᠤ ᠴᠢᠭᠯᠡᠭᠦᠯᠦᠨ ᠺᠤᠮᠫᠢᠦ᠋ᠲᠧᠷᠦᠨ ᠠᠵᠢᠯᠯᠠᠭ᠍ᠴᠢ ᠂ ᠵᠠᠰᠠᠭ ᠵᠠᠬᠢᠷᠭᠠᠨᠤ ᠠᠵᠢᠯᠲᠠᠨᠤ ᠮᠡᠷᠭᠡᠵᠢᠯ ᠴᠢᠳᠠᠪᠤᠷᠢᠶᠢᠨ ᠪᠣᠯᠪᠠᠰᠤᠷᠠᠯ ᠥᠷᠨᠢᠭᠦᠯᠦᠨᠡ ᠃ 2024 ᠣᠨᠳᠤ ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠭᠢᠨ ᠨᠥᠬᠥᠪᠦᠷᠢᠶᠢᠨ ᠴᠢᠨᠠᠷᠲᠠᠢ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠪᠣᠯᠪᠠᠰᠤᠷᠠᠯᠢ 13432 ᠬᠥᠮᠥᠨ ᠤᠳᠠᠭᠠ ᠥᠷᠨᠢᠭᠦᠯᠵᠦ ᠂ ᠣᠨᠤ ᠬᠠᠷᠠᠯᠲᠠᠪᠠᠨ 127.8%ᠪᠠᠷ ᠪᠡᠶᠡᠯᠡᠭᠦᠯᠪᠡ᠃
ᠡᠬᠡ ᠨᠢᠯᠬᠠᠰᠤᠨ ᠰᠤᠪᠢᠯᠠᠯᠲᠠᠶᠢᠨ ᠠᠩᠭᠢᠶᠢᠨ ᠰᠤᠷᠤᠬ᠍ᠴᠢ ᠭᠣᠣ ᠼᠦᠢ ᠬᠣᠩ ᠄ 《 ᠣᠬᠣᠷᠬᠠᠨ ᠬᠡᠳᠦᠨ ᠡᠳᠦᠷᠦᠨ ᠪᠣᠯᠪᠠᠰᠤᠷᠠᠯᠳᠤ ᠪᠢ ᠨᠢᠯᠬᠠᠰᠦᠨ ᠰᠤᠪᠢᠯᠠᠯᠲᠠ ᠂ ᠬᠥᠩᠭᠡᠵᠢᠭᠴᠢᠶᠢᠨ ᠰᠤᠪᠢᠯᠠᠯᠲᠠᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠮᠡᠳᠡᠯᠭᠡᠶᠢ ᠰᠢᠰᠲᠧᠮᠲᠠᠢ ᠡᠵᠡᠮᠰᠢᠭᠰᠡᠨ ᠶᠤᠮ ᠂ ᠦᠨᠡᠮᠯᠡᠯ ᠣᠯᠣᠭᠰᠠᠨᠤ ᠳᠠᠷᠠᠭᠠ ᠰᠠᠷᠠᠶᠢᠨ ᠣᠷᠣᠯᠭᠠ 4000 ᠲᠥᠭᠥᠷᠢᠭᠡᠴᠡ ᠳᠠᠪᠠᠬᠤ ᠪᠣᠯᠣᠨᠠ ！ 》 ᠭᠡᠵᠦ ᠭᠦᠨ ᠰᠡᠳᠬᠢᠭᠳᠡᠯᠲᠠᠢ ᠬᠡᠯᠡᠵᠡᠢ ᠃ ᠨᠡᠩ ᠴᠤ᠌ ᠲᠡᠭᠦᠨᠦ ᠰᠡᠳᠬᠢᠯᠢ ᠠᠮᠤᠷᠵᠢᠭᠤᠯᠤᠭᠰᠠᠨ ᠶᠠᠪᠤᠳᠠᠯ ᠭᠡᠪᠡᠯ ᠂ ᠪᠣᠯᠪᠠᠰᠤᠷᠠᠯ ᠳᠠᠭᠤᠰᠤᠭᠰᠠᠨᠤ ᠳᠠᠷᠠᠭᠠᠬᠢ ᠲᠤᠰᠬᠠᠢ ᠠᠵᠢᠯᠲᠠᠨ ᠡᠯᠰᠡᠬᠦ ᠴᠤᠭᠯᠠᠭᠠᠨ ᠳᠡᠭᠡᠷᠡ ᠂ ᠭᠡᠷ ᠠᠬᠤᠢᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠣᠯᠠᠨ ᠺᠤᠮᠫᠠᠨᠢ ᠲᠤᠬᠠᠢᠶᠢᠨ ᠲᠠᠯᠠᠪᠠᠶᠳᠤ 《 ᠠᠵᠢᠯᠲᠠᠨ ᠪᠤᠯᠢᠶᠠᠯᠳᠤᠵᠤ 》 ᠂ 《 ᠰᠤᠷᠤᠯᠭᠠ ᠲᠡᠭᠦᠰᠪᠡᠯ ᠳᠠᠷᠤᠢ ᠠᠵᠢᠯ ᠣᠯᠬᠤ 》 ᠶᠠᠪᠤᠳᠠᠯᠢ ᠵᠠᠪᠰᠠᠷ ᠦᠭᠡᠢ ᠵᠠᠯᠭᠠᠯᠳᠤᠭᠤᠯᠵᠠᠢ᠃
ᠨᠢᠭᠡ ᠵᠦᠢᠯᠦᠨ ᠮᠡᠷᠭᠡᠵᠢᠯ ᠡᠵᠡᠮᠰᠢᠪᠡᠯ ᠠᠵᠢᠯ ᠣᠯᠬᠤᠳᠤ ᠵᠣᠪᠠᠬᠤ ᠤᠴᠢᠷ ᠦᠭᠡᠢ᠃ ᠬᠢᠩᠭᠠᠨ ᠠᠢᠮᠠᠭᠲᠤ᠂ ᠡᠳᠡᠭᠡᠷ ᠤᠯᠠᠨ ᠲᠦᠮᠡᠨᠲᠠᠢ ᠣᠢᠷᠠᠲᠤᠭᠰᠠᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠪᠣᠯᠪᠠᠰᠤᠷᠠᠯ ᠨᠢ ᠤᠯᠠᠨ ᠲᠦᠮᠡᠨᠦ 《 ᠪᠤᠳᠠᠭᠠᠨ ᠠᠶᠠᠭᠠ》 ᠪᠠᠨ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ᠂ ᠣᠷᠣᠯᠭᠠᠪᠠᠨ ᠨᠡᠮᠡᠭᠳᠡᠭᠦᠯᠦᠨ ᠪᠠᠶᠠᠵᠢᠭᠤᠯᠬᠤᠶᠢᠨ ᠬᠦᠴᠦᠲᠡᠢ ᠲᠤᠯᠭᠠᠭᠤᠷᠢᠯᠠᠯ ᠪᠣᠯᠤᠭᠰᠠᠨ ᠪᠠᠢᠨᠠ᠃ 《 ᠪᠤᠰᠤᠳᠲᠤ ᠵᠢᠭᠠᠰᠤ ᠥᠭᠬᠦ 》 ᠡᠴᠡ 《 ᠪᠤᠰᠤᠳᠲᠤ ᠵᠢᠭᠠᠰᠤ ᠠᠩᠨᠠᠬᠤᠶᠢ ᠵᠢᠭᠠᠵᠤ ᠥᠭᠬᠦ 》 ᠭᠦᠷᠲᠡᠯᠡ᠂ ᠤᠷᠠ ᠮᠡᠷᠭᠡᠵᠢᠯᠦᠨ ᠪᠣᠯᠪᠠᠰᠤᠷᠠᠯ ᠨᠢ ᠠᠷᠠᠳ ᠤᠯᠠᠨᠤ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠵᠠᠮᠢ ᠤᠯᠠᠮᠠᠴᠠ ᠤᠯᠠᠮ ᠥᠷᠭᠡᠨ ᠪᠣᠯᠭᠠᠵᠠᠢ᠃
ᠭᠣᠣᠯᠳᠠᠯᠭᠠᠲᠠᠢ ᠬᠥᠮᠥᠰᠲᠦ ᠬᠠᠪᠰᠤᠷᠤᠯᠭᠠ ᠦᠵᠡᠭᠦᠯᠭᠦ ᠬᠥᠮᠥᠨᠲᠠᠢ ᠂ ᠠᠵᠢᠯ ᠣᠯᠭᠣᠬᠤ ᠠᠶᠠᠨᠳᠦ ᠨᠢᠭᠡ ᠬᠥᠮᠥᠨᠢ ᠴᠦ᠍ ᠣᠷᠬᠢᠭ᠍ᠳᠠᠭᠤᠯᠬᠤ ᠦᠭᠡᠢ
ᠤᠯᠠᠭᠠᠨᠬᠣᠲᠠᠶᠢᠨ ᠢᠯᠠᠯᠲᠠ ᠪᠠᠯᠭᠠᠰᠤᠶᠢᠨ ᠮᠧᠩ ᠴᠢᠤᠸᠠᠢ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠲᠤᠰᠬᠠᠢ ᠬᠤᠷᠰᠢᠶᠠᠳᠤ ᠬᠦᠷᠬᠦᠳᠦ᠂ ᠨᠢᠳᠦᠨ ᠡᠮᠦᠨᠡᠬᠢ ᠪᠠᠢᠳᠠᠯ ᠬᠥᠮᠥᠰᠦᠨ ᠠᠩᠬᠠᠷᠤᠯᠢ ᠲᠠᠲᠠᠨᠠ᠄ ᠬᠥᠬᠡ ᠲᠣᠭᠣᠰ ᠨᠠᠮᠪᠠᠯᠢᠭ᠋ ᠠᠯᠬᠤᠯᠠᠵᠤ᠂ ᠬᠠᠩᠭᠢᠨᠠᠲᠠᠯᠠ ᠳᠤᠤᠭᠠᠷᠤᠨᠠ᠃ ᠬᠠᠵᠠᠭᠤᠶᠢᠨ ᠣᠷᠳᠣ᠌ ᠬᠣᠩᠭᠢᠯᠳᠤ ᠲᠣᠭᠣᠰᠤᠨ ᠥᠲᠥᠪᠡᠷ ᠨᠠᠷᠢᠯᠢᠭ᠋ ᠬᠢᠭᠰᠡᠨ ᠤᠨᠵᠢᠯᠭᠠ ᠂ ᠪᠠᠭ ᠂ ᠵᠡᠭᠦᠳᠦᠨ ᠰᠠᠬᠢᠶᠠ ᠪᠠ ᠥᠲᠥᠨ ᠵᠢᠷᠤᠭ ᠵᠡᠷᠭᠡᠶᠢ ᠳᠡᠯᠭᠡᠨ ᠦᠵᠡᠭᠦᠯᠵᠦ ᠂ ᠵᠦᠢᠯ ᠪᠦᠷᠢ ᠨᠢ ᠭᠣᠢᠳᠠ ᠰᠠᠢᠬᠠᠨ ᠂ ᠴᠣᠭ ᠵᠢᠪᠬᠤᠭᠠ ᠲᠡᠭᠦᠯᠳᠡᠷ ᠬᠠᠷᠠᠭᠳᠠᠨᠠ ᠃ ᠡᠲᠡᠭᠡᠷ ᠤᠷᠠᠨ ᠨᠠᠷᠢᠯᠢᠭ᠋ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭᠳᠡᠬᠦᠨ ᠨᠢ ᠤᠷᠠᠯᠢᠭ᠋ᠤᠨ ᠣᠭᠢ ᠪᠦᠲᠦᠭᠡᠯ ᠪᠤᠯᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠂ ᠨᠠᠩ ᠴᠤ᠌ ᠡᠷᠭᠢᠨ ᠲᠣᠭᠣᠷᠢᠨᠤ ᠲᠣᠰᠬᠣᠨᠤ ᠠᠷᠠᠳ ᠂ ᠢᠯᠠᠩᠭᠤᠶᠠ ᠡᠮᠡᠭᠲᠡᠢ ᠡᠭᠡᠴᠢ ᠥᠬᠢᠨ ᠳᠡᠭᠦᠦ ᠨᠠᠷ ᠪᠠ ᠬᠠᠪᠰᠤᠷᠤᠨ ᠲᠡᠳᠬᠦᠬᠦ ᠴᠢᠬᠤᠯᠠᠲᠠᠢ ᠨᠤᠲᠤᠭᠤᠨ ᠠᠬᠠ ᠳᠡᠭᠦᠦ ᠨᠠᠷᠦᠨ ᠣᠷᠣᠯᠭᠠᠪᠠᠨ ᠨᠡᠮᠡᠭᠳᠡᠭᠦᠯᠦᠨ ᠪᠠᠶᠠᠵᠢᠬᠤᠶᠢᠨ 《 ᠠᠯᠲᠠᠨ ᠠᠶᠠᠭᠠ 》 ᠪᠣᠯᠤᠭᠰᠠᠨ ᠪᠠᠢᠨᠠ᠃
《 ᠥᠩᠭᠡᠷᠡᠭᠰᠡᠨᠳᠦ ᠡᠳᠦᠷᠵᠢᠨ ᠭᠡᠷᠲᠡᠬᠡᠨ ᠰᠠᠭᠤᠭᠠᠳ ᠤᠢᠳᠴᠤ ᠪᠤᠬᠢᠨᠢᠳᠤᠵᠤ ᠪᠠᠢ᠍ᠬ᠍ᠰᠠᠨ ᠂ ᠣᠳᠣ᠌ ᠶᠡᠬᠡ ᠰᠠᠢ᠍ᠨ ᠪᠣᠯᠣᠯᠠ ！ 》 ᠭᠡᠵᠦ ᠬᠣᠷᠰᠢᠶᠠᠨᠤ ᠠᠵᠢᠯᠲᠠᠨ ᠯᠢᠦ ᠵᠠᠨ ᠶᠦᠩ ᠭᠠᠷᠲᠠᠬᠢ ᠥᠲᠥᠪᠡᠨ ᠤᠷᠠᠨᠢᠶᠠᠷ ᠣᠷᠣᠯᠳᠣᠬᠤᠶᠢᠨ ᠳᠠᠭᠠᠤ ᠢᠨᠢᠶᠡᠨ ᠄ 《 ᠭᠠᠷ ᠤᠷᠠᠯᠠᠯᠤᠨ ᠦᠢᠯᠡᠳᠬᠡᠯᠦᠨ ᠭᠠᠵᠠᠷᠲᠤ ᠢᠷᠡᠭᠡᠳ ᠭᠠᠷ ᠤᠷᠠᠯᠠᠯᠤᠨ ᠮᠡᠷᠭᠡᠵᠢᠯ ᠰᠤᠷᠴᠤ ᠂ ᠥᠪᠡᠷᠦᠨ ᠪᠡᠶᠡᠳᠡᠭᠡᠨ ᠲᠦᠰᠢᠭᠯᠡᠨ ᠵᠣᠭᠣᠰ ᠣᠯᠵᠤ ᠴᠢᠳᠠᠬᠤ ᠪᠣᠯᠤᠭᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠂ ᠪᠠᠰᠠ ᠨᠢᠭᠡ ᠪᠦᠯᠦᠭ ᠰᠡᠳᠬᠢᠯᠢ ᠮᠡᠳᠡᠭᠴᠢ ᠡᠭᠡᠴᠢ ᠥᠬᠢᠨ ᠳᠡᠭᠦᠦ ᠨᠠᠷᠲᠠᠢ ᠲᠠᠨᠢᠯᠴᠠᠵᠤ ᠂ ᠣᠯᠠᠨᠢᠶᠠᠷᠢᠶᠠᠨ ᠬᠥᠭᠡᠷᠦᠯᠳᠦᠨ ᠬᠥᠭᠵᠢᠯᠳᠦᠵᠦ ᠂ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠤ ᠂ ᠠᠮᠢᠳᠤᠷᠠᠯ ᠥᠭᠡᠳᠡ ᠡᠰᠡᠷᠡᠭ ᠪᠣᠯᠵᠤ ᠂ ᠭᠡᠷ ᠪᠦᠯᠢᠳᠡᠭᠡᠨ ᠴᠦ᠍ ᠬᠤᠪᠢ ᠨᠡᠮᠡᠷᠢᠪᠡᠨ ᠦᠵᠡᠭᠦᠯᠵᠦ ᠴᠢᠳᠠᠬᠤ ᠪᠣᠯᠵᠠᠢ ！ 》 ᠭᠡᠪᠡ ᠃ ᠲᠡᠭᠦᠨᠦ ᠢᠨᠢᠶᠡᠮᠰᠦᠭᠯᠡᠯᠳᠦ ᠥᠪᠡᠷᠦᠨ ᠬᠦᠴᠦᠪᠡᠷᠢᠶᠡᠨ ᠠᠮᠢᠳᠤᠷᠠᠬᠤ ᠰᠡᠳᠬᠢᠯ ᠬᠠᠨᠤᠮᠵᠢ ᠪᠠ ᠢᠲᠡᠭᠡᠯ ᠢᠯᠡᠷᠡᠨᠡ᠃
ᠡᠨᠡ ᠬᠦ᠌ ᠭᠡᠷᠦᠨ ᠡᠭᠦᠳᠡᠨᠳᠠᠬᠢ ᠠᠵᠢᠯᠤᠨ ᠲᠣᠭᠢᠶᠠᠯ ᠨᠢ ᠬᠣᠷᠰᠢᠶᠠᠨᠤ ᠬᠠᠷᠢᠭᠤᠴᠠᠯᠭᠠᠲᠠᠨ ᠵᠧᠦ ᠬᠠᠢ ᠶᠠᠨ ᠡᠭᠡᠴᠢ ᠥᠬᠢᠨ ᠳᠡᠭᠦᠦ ᠬᠣᠶᠠᠭᠤᠯᠠᠶᠢᠨ ᠬᠠᠯᠠᠭᠤᠨ ᠰᠡᠳᠬᠢᠯᠡᠴᠡ ᠢᠷᠡᠯᠲᠡᠲᠠᠢ ᠶᠤᠮ ᠃ ᠠᠷᠪᠠᠨ ᠬᠡᠳᠦᠨ ᠵᠢᠯᠦᠨ ᠡᠮᠦᠨᠡ ᠲᠣᠭᠣᠰ ᠲᠡᠵᠢᠭᠡᠬᠦᠪᠡᠷ ᠲᠤᠷᠰᠢᠬᠤᠠᠴᠠ ᠡᠬᠢᠯᠡᠨ᠂ ᠲᠡᠳᠡ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠬᠤᠷᠰᠢᠶᠠᠪᠠᠨ ᠬᠥᠭᠵᠢᠭᠦᠯᠦᠨ ᠪᠣᠢᠵᠢᠭᠤᠯᠬᠤ᠂ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠂ ᠡᠳ᠋ᠰᠢᠭᠦᠯᠦᠨ ᠪᠤᠯᠪᠠᠰᠤᠷᠠᠭᠤᠯᠬᠤᠶᠢ ᠪᠠᠭᠲᠠᠭᠠᠭᠰᠠᠨ ᠰᠠᠭᠤᠷᠢᠨ ᠭᠠᠵᠠᠷ ᠪᠣᠯᠭᠠᠨ ᠬᠥᠭᠵᠢᠭᠦᠯᠵᠡᠢ᠃ ᠲᠠᠷᠢᠶᠠᠯᠠᠩᠤᠨ ᠰᠡᠯᠡᠭᠦᠦ ᠴᠠᠭᠲᠤ᠂ ᠲᠡᠳᠡ ᠨᠤᠲᠤᠭᠤᠨ ᠠᠬᠠ ᠳᠡᠭᠦᠦ ᠨᠠᠷᠲᠡᠬᠡᠨ ᠦᠨᠡ ᠲᠥᠯᠥᠪᠦᠷᠢ ᠦᠭᠡᠢᠪᠡᠷ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠮᠡᠷᠭᠡᠵᠢᠯᠢ ᠪᠤᠯᠪᠠᠰᠤᠷᠠᠭᠤᠯᠵᠤ ᠥᠭᠲᠡᠭ； ᠥᠲᠥᠨ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭᠳᠡᠬᠦᠨᠢ ᠦᠢᠯᠡᠳᠬᠦ ᠲᠥᠷᠥᠯ ᠵᠦᠢᠯ ᠨᠢ ᠨᠠᠩ ᠴᠤ᠌ ᠡᠭᠦᠳᠡᠪᠡᠨ ᠨᠡᠭᠡᠭᠡᠵᠦ ᠂ ᠲᠣᠰᠬᠣᠨᠤ ᠡᠭᠡᠴᠢ ᠳᠡᠭᠦᠦ ᠨᠠᠷ ᠪᠣᠯᠣᠨ ᠬᠠᠪᠰᠤᠷᠤᠯᠭᠠ ᠬᠡᠷᠡᠭᠴᠡᠭᠡᠲᠠᠢ ᠬᠥᠮᠥᠰᠲᠤ ᠣᠷᠣᠯᠭᠠᠪᠠᠨ ᠨᠡᠮᠡᠭᠳᠡᠭᠦᠯᠬᠦ ᠦᠨᠡᠨ ᠪᠣᠳᠠᠲᠠᠢ ᠵᠠᠮ ᠳᠡᠪᠢᠰᠴᠦ ᠥᠭᠭᠦᠭᠰᠡᠨ ᠪᠠᠢᠨᠠ᠃
ᠬᠢᠩᠭᠠᠨ ᠠᠢᠮᠠᠭᠲᠤ᠂ ᠡᠢᠮᠦᠷᠬᠦᠦ ᠭᠣᠣᠯᠳᠠᠯᠭᠠᠲᠠᠢ ᠬᠥᠮᠥᠰᠤᠨ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠬᠦᠰᠡᠯ ᠵᠡᠭᠦᠳᠦᠶᠢ ᠲᠡᠷᠭᠡᠯᠰᠢᠭᠦᠯᠦᠭᠰᠡᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠬᠦᠴᠦᠨ ᠪᠠᠰᠠ ᠮᠠᠰᠢ ᠤᠯᠠᠨ ᠪᠠᠢᠨᠠ᠃ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠡᠴᠡ ᠰᠠᠶᠢᠬᠠᠨ ᠭᠠᠷᠴᠤ ᠢᠷᠡᠭᠰᠡᠨ ᠣᠶᠤᠲᠠᠳᠢ ᠠᠩᠬᠠᠨᠤ ᠠᠯᠬᠤᠮ ᠳ᠋ᠤᠨᠢ ᠯᠠᠪᠳᠠᠭᠤᠨ ᠪᠠᠢᠯᠭᠠᠬᠤᠶᠢᠨ ᠲᠥᠯᠥᠭᠡ ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷᠦᠨ ᠭᠢᠨ 《 ᠬᠢᠩᠭᠠᠨ ᠠᠵᠢᠯ ᠣᠯᠭᠣᠯᠲᠠ 》 《 ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠳᠦ ᠵᠢᠷᠭᠤᠭᠠ ᠣᠷᠣᠬᠤ 》 ᠰᠢᠷᠢᠰ ᠠᠵᠢᠯᠲᠠᠨ ᠡᠯᠰᠡᠬᠦ ᠠᠵᠢᠯᠯᠠᠭᠠᠶᠢ ᠦᠷᠭᠦᠯᠵᠢᠯᠡᠨ ᠠᠬᠢᠭᠤᠯᠵᠤ ᠂ ᠬᠤᠪᠢ ᠬᠥᠮᠥᠨᠦ ᠲᠠᠩᠰᠠ ᠡᠪᠬᠡᠮᠡᠯ ᠪᠠᠶ᠋ᠢᠭᠤᠯᠬᠤ ᠂ ᠲᠣᠭᠲᠠᠮᠠᠯ ᠬᠤᠭᠤᠴᠠᠭᠠᠲᠠᠢᠪᠠᠷ ᠮᠥᠷᠳᠡᠨ ᠦᠢᠯᠡᠴᠢᠯᠡᠬᠦ ᠵᠡᠷᠭᠡ ᠠᠷᠭᠠ ᠭᠡᠯᠪᠡᠷᠢᠪᠡᠷ ᠳᠠᠮᠵᠢᠭᠤᠯᠤᠨ ᠂ ᠲᠡᠭᠦᠰᠬᠦ ᠰᠤᠷᠤᠬ᠍ᠴᠢᠳᠲᠤ ᠥᠪᠡᠷᠮᠢᠴᠡ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠵᠢᠯᠣᠭᠣᠳᠤᠯᠭᠠ ᠬᠠᠩᠭᠠᠵᠤ ᠂ 1368 ᠨᠡᠷᠡᠰ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠳᠢ ᠠᠮᠵᠢᠯᠲᠠᠲᠠᠢᠪᠠᠷ ᠬᠥᠲᠥᠯᠥᠨ ᠵᠢᠯᠤᠭᠣᠳᠴᠤ ᠪᠠᠢᠭᠠᠳ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠠᠵᠢᠯ ᠣᠯᠭᠣᠯᠲᠠᠶᠢ ᠪᠡᠶᠡᠯᠡᠭᠦᠯᠪᠡ᠃
ᠬᠢᠩᠭᠠᠨ ᠠᠢᠮᠠᠭᠤᠨ ᠭᠢᠨ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠰᠠᠨ ᠤᠯᠠᠨ ᠲᠦᠮᠡᠨᠦ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠵᠠᠮᠢ ᠨᠡᠩ ᠦᠨᠡᠨ ᠰᠡᠳᠬᠢᠯᠡᠴᠡᠪᠡᠨ ᠪᠠᠲᠤᠯᠠᠵᠤ ᠪᠠᠢᠨᠠ᠃ ᠪᠡᠭᠡᠵᠢᠩ ᠥᠪᠥᠷ ᠮᠣᠩᠭᠣᠯᠤᠨ ᠬᠠᠮᠵᠢᠯᠴᠠᠭᠠᠶᠢᠨ ᠠᠬᠢᠭᠤᠯᠤᠯ ᠳᠣᠣᠷᠠ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠭᠢᠨ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠰᠠᠨ ᠬᠥᠮᠥᠨ ᠠᠮᠠᠶᠢᠨ ᠭᠠᠳᠠᠭ᠍ᠰᠢ ᠭᠠᠷᠴᠤ ᠬᠥᠯᠥᠰᠦᠨ ᠠᠵᠢᠯ ᠬᠢᠬᠦᠳᠦ ᠪᠠᠲᠤ ᠴᠢᠩᠭᠠ ᠪᠠᠲᠤᠯᠠᠭᠠ ᠬᠠᠩᠭᠠᠵᠠᠢ᠃ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠨᠥᠬᠥᠪᠦᠷᠢ ᠂ ᠠᠵᠢᠯᠤᠨ ᠪᠠᠢᠷᠢᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠨᠥᠬᠥᠪᠦᠷᠢ ᠨᠡᠶ᠋ᠢᠲᠡ 542.93 ᠲᠦᠮᠡᠨ ᠲᠥᠭᠥᠷᠢᠭᠲᠦ ᠬᠦᠷᠴᠦ ᠂ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠰᠠᠨ ᠬᠥᠮᠥᠨ ᠠᠮᠠᠳᠤ 11992 ᠬᠥᠮᠥᠨ ᠤᠳᠠᠭᠠ ᠠᠰᠢᠭ᠋ ᠬᠦᠷᠲᠡᠭᠡᠵᠦ ᠂ ᠲᠡᠳᠡᠨᠦ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠥᠪᠡᠷᠦᠨ ᠥᠷᠲᠡᠭᠢ ᠪᠦᠲᠦᠮᠵᠢᠲᠡᠶᠪᠡᠷ ᠪᠠᠭᠤᠷᠠᠭᠤᠯᠵᠤ ᠂ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠠᠵᠢᠯᠤᠨ ᠪᠠᠢᠷᠢᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠪᠠ ᠃ ᠡᠭᠦᠨᠦ ᠬᠠᠮᠲᠤ᠂ 《 ᠬᠢᠩᠭᠠᠨᠤ ᠲᠠᠯᠠ ᠨᠤᠲᠤᠭᠤᠨ ᠬᠠᠳᠬᠤᠮᠠᠯ 》᠂ 《 ᠬᠢᠩᠭᠠᠨᠤ ᠭᠡᠷ ᠠᠬᠤᠢᠶᠢᠨ ᠦᠢᠯᠡᠴᠢᠯᠡᠭᠡ 》᠂ 《 ᠬᠢᠩᠭᠠᠨᠤ ᠰᠠᠷᠠᠳᠦ ᠰᠠᠭᠤᠭᠰᠠᠳᠢ ᠠᠰᠠᠷᠠᠭ᠍ᠴᠢ 》 ᠵᠡᠷᠭᠡ ᠨᠡᠷᠡ ᠴᠤᠤᠲᠠᠢ ᠭᠦᠳᠡᠯᠮᠦᠷᠢ ᠦᠢᠯᠡᠴᠢᠯᠡᠭᠡᠨᠦ ᠲᠦᠷᠦᠯ ᠲᠡᠮᠳᠡᠭ ᠨᠢ ᠠᠵᠢᠯ ᠣᠯᠭᠣᠯᠲᠠᠶᠢᠨ 《 ᠴᠢᠩᠭᠠ ᠰᠣᠷᠢᠨᠵᠢᠨ ᠣᠷᠣᠨ 》 ᠪᠣᠯᠵᠤ᠂ 2024 ᠣᠨᠳᠤ 3.04 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠶᠢᠨ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠰᠠᠨ ᠬᠥᠮᠥᠨ ᠠᠮᠠᠶᠢ ᠳᠠᠢ᠍ᠢᠴᠢᠯᠠᠨ ᠠᠵᠢᠯ ᠣᠯᠭᠣᠵᠤ ᠣᠷᠣᠯᠭᠠᠶᠢ ᠨᠢ ᠨᠡᠮᠡᠭᠳᠡᠭᠦᠯᠵᠡᠢ᠃
ᠤᠯᠠᠭᠠᠨᠬᠣᠲᠠᠶᠢᠨ ᠭᠠᠯᠲᠤ ᠲᠡᠷᠭᠡᠨᠦ ᠥᠷᠲᠡᠭᠡᠨᠳᠦ᠂ ᠪᠠᠰᠠ ᠨᠢᠭᠡ ᠤᠳᠠᠭᠠᠶᠢᠨ 《 ᠴᠡᠭᠠᠴᠠ ᠴᠡᠭᠲᠤ ᠬᠦᠷᠬᠦ》 ᠠᠵᠢᠯᠤᠨ ᠪᠠᠢᠷᠢᠳᠠᠭᠠᠨ ᠪᠤᠴᠠᠵᠤ ᠠᠵᠢᠯ ᠭᠦᠳᠡᠯᠮᠦᠷᠢ ᠬᠢᠬᠦ ᠭᠠᠯᠲᠤ ᠲᠡᠷᠭᠡ ᠤᠳᠠᠯ ᠦᠭᠡᠢ ᠮᠣᠷᠳᠠᠬᠤᠪᠠᠷ ᠪᠠᠢᠨᠠ᠃ ᠲᠡᠷᠭᠡᠨᠦ ᠴᠣᠩᠬᠣᠨᠳᠤ᠂ ᠡᠭᠡᠯ ᠪᠣᠷᠣᠭᠵᠢᠭᠤᠨ ᠴᠢᠷᠠᠢᠨᠤᠭᠤᠳᠲᠤ ᠢᠷᠡᠭᠡᠳᠦᠢᠶᠢᠨ ᠲᠤᠬᠠᠢ ᠬᠦᠰᠡᠯ ᠡᠷᠡᠮᠡᠯᠵᠡᠯᠢᠶᠡᠷ ᠪᠢᠯᠬᠠᠨᠠ； ᠥᠷᠲᠡᠭᠡᠨᠦ ᠲᠠᠪᠴᠠᠩ ᠳᠡᠭᠡᠷᠡ᠂ ᠦᠳᠡᠨ ᠮᠣᠷᠳᠠᠭᠤᠯᠤᠭᠰᠠᠨ ᠲᠦᠷᠦᠯ ᠰᠠᠳᠤᠳ ᠨᠢ ᠭᠠᠷ ᠳᠠᠯᠠᠯᠤᠨ ᠢᠷᠦᠭᠡᠯᠢᠶᠡᠨ ᠳᠡᠪᠰᠢᠭᠦᠯᠦᠨᠡ᠃ ᠡᠨᠡ ᠬᠦ᠌ ᠰᠢᠯᠵᠢᠯᠲᠡᠶᠢᠨ ᠪᠠᠢᠳᠠᠯ ᠪᠣᠯ ᠬᠢᠩᠭᠠᠨ ᠠᠢᠮᠠᠭᠤᠨ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠠᠵᠢᠯᠤᠨ ᠬᠠᠮᠤᠭᠤᠨ ᠠᠮᠢᠳᠤᠯᠢᠭ᠋ ᠬᠠᠷᠢᠭᠤᠯᠲᠠᠶᠢᠨ ᠬᠠᠭᠤᠳᠠᠰᠤ ᠪᠣᠯᠣᠨᠠ᠃
ᠠᠵᠢᠯ ᠣᠯᠭᠣᠯᠲᠠᠶᠢᠨ ᠨᠢᠭᠡ ᠲᠠᠯᠠ ᠨᠢ ᠲᠦᠭ ᠲᠦᠮᠡᠨ ᠭᠡᠷ ᠪᠦᠯᠢ ᠲᠠᠢ ᠬᠣᠯᠪᠣᠭᠳᠠᠵᠤ ᠂ ᠨᠢᠭᠡ ᠲᠠᠯᠠ ᠨᠢ ᠮᠥᠨ ᠬᠥᠭᠵᠢᠯᠲᠡᠶᠢᠨ ᠶᠡᠬᠡ ᠪᠠᠢᠳᠠᠯ ᠲᠠᠢ ᠬᠣᠯᠪᠣᠭᠳᠠᠵᠤ ᠪᠠᠢᠳᠠᠭ ᠃ ᠬᠢᠩᠭᠠᠨ ᠠᠢᠮᠠᠭ ᠰᠢᠨᠡᠶᠢ ᠡᠭᠦᠳᠬᠦᠪᠡᠷ ᠰᠢᠪᠲᠤᠯᠤᠯᠲᠠ ᠬᠢᠵᠦ ᠂ ᠪᠣᠳᠠᠲᠠᠢ ᠠᠵᠢᠯᠢᠶᠠᠷᠢᠶᠠᠨ ᠬᠠᠷᠢᠭᠤᠯᠲᠠ ᠬᠢᠵᠦ ᠂ 《 ᠠᠷᠠᠳᠤᠨ ᠠᠮᠢᠳᠤᠷᠠᠯᠢᠶᠠᠷ ᠦᠨᠳᠦᠰᠦ ᠪᠤᠯᠭᠠᠵᠤ ᠂ ᠠᠵᠢᠯ ᠣᠯᠭᠣᠯᠲᠠᠶᠢ ᠲᠡᠷᠢᠭᠦᠨᠳᠦ ᠲᠠᠯᠪᠢᠬᠤ 》 ᠰᠡᠳᠬᠢᠮᠵᠢᠶᠢ ᠤᠮᠠᠷᠠᠲᠤ ᠬᠢᠯᠢᠶᠢᠨ ᠡᠬᠡ ᠭᠠᠵᠠᠷ ᠳᠡᠭᠡᠷᠡ ᠭᠦᠨ ᠰᠡᠢᠯᠦᠭᠰᠡᠨ ᠪᠠᠢᠨᠠ ᠃ ᠠᠵᠢᠯᠴᠢ ᠭᠦᠳᠡᠯᠮᠤᠷᠢᠴᠢ ᠪᠠᠷᠠ ᠰᠡᠭᠦᠳᠡᠷ ᠪᠦᠷᠢᠶᠢᠨ ᠠᠵᠢᠯᠤᠨ ᠪᠠᠢᠷᠢᠳᠠᠭᠠᠨ ᠭᠡᠷᠡᠯ ᠭᠢᠯᠪᠠᠭᠠᠪᠠᠨ ᠰᠠᠴᠤᠷᠠᠭᠤᠯᠬᠤ ᠦᠶᠡᠳᠦ ᠂ ᠦᠨᠡᠨ ᠪᠣᠳᠠᠲᠠᠢ ᠣᠷᠣᠯᠭᠠ ᠪᠦᠷᠢ ᠨᠢ ᠨᠢᠭᠡ ᠨᠢᠭᠡ ᠭᠡᠷ ᠪᠦᠯᠢᠶᠢᠨ ᠬᠦᠰᠡᠯ ᠵᠡᠭᠦᠳᠦᠶᠢ ᠲᠡᠷᠭᠡᠯᠰᠢᠭᠦᠯᠬᠦ ᠦᠶᠡᠳᠦ ᠂ ᠡᠨᠡ ᠪᠣᠯ ᠳᠠᠷᠤᠢ ᠬᠥᠭᠵᠢᠯᠲᠡᠶᠢᠨ ᠬᠠᠮᠤᠭ ᠪᠠᠲᠤ ᠪᠡᠬᠢ ᠦᠨᠳᠦᠰᠦ ᠰᠠᠭᠤᠷᠢ ᠪᠠᠢᠵᠤ ᠂ 《 ᠯᠠᠪᠳᠠᠭᠤᠨ ᠲᠣᠭᠲᠠᠭᠤᠨ ᠵᠣᠯ ᠵᠢᠷᠭᠠᠯ 》ᠤᠨ ᠬᠠᠮᠤᠭ ᠦᠨᠡᠨ ᠪᠣᠳᠠᠲᠠᠢ ᠲᠠᠢᠯᠪᠤᠷᠢᠯᠠᠯ ᠪᠣᠯᠣᠨᠠ᠃