ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯ ᠪᠣᠯ ᠠᠵᠢᠯ ᠠᠯᠳᠠᠭᠰᠠᠨᠠᠴᠠ ᠪᠣᠯᠵᠤ ᠠᠮᠢᠳᠤᠷᠠᠯᠤᠨ ᠢᠷᠡᠯᠲᠡ ᠨᠢ ᠲᠦᠷ ᠴᠠᠭ ᠲᠠᠰᠤᠯᠳᠠᠭᠰᠠᠨ ᠬᠥᠳᠡᠯᠮᠦᠷᠢᠴᠢᠨᠳᠦ ᠡᠳ᠋ ᠪᠣᠳᠠᠰᠤᠨ ᠲᠤᠰᠠᠯᠠᠮᠵᠢ ᠬᠠᠩᠭᠠᠵᠤ ᠲᠡᠭᠦᠨᠦ ᠦᠨᠳᠦᠰᠦᠨ ᠠᠮᠢᠳᠤᠷᠠᠯᠢ ᠪᠠᠲᠤᠯᠠᠬᠤᠶᠢ ᠬᠡᠯᠡᠨᠡ᠃ ᠠᠵᠢᠯ ᠠᠯᠳᠠᠯᠲᠠᠶᠢᠨ ᠳᠠᠭᠠᠳᠬᠠᠯᠤᠨ ᠬᠣᠯᠪᠣᠭᠳᠠᠯ ᠪᠥᠬᠥᠶ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢᠨ ᠲᠤᠬᠠᠶ᠂ ᠣᠶ᠋ᠢᠷᠠᠳᠤ ᠰᠤᠷᠪᠤᠯᠵᠢᠯᠠᠭᠴᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠥᠮᠦᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠶ᠋ᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠲᠢᠩᠬᠢᠮᠦᠨ ᠠᠵᠢᠯ ᠠᠯᠳᠠᠯᠲᠠᠶᠢᠨ ᠳᠠᠭᠠᠳᠬᠠᠯᠤᠨ ᠭᠠᠵᠠᠷᠤᠨ ᠳᠠᠷᠤᠭᠠ ᠯᠢ ᠵᠢᠶᠠᠨ ᠰᠢᠨᠢ ᠰᠤᠷᠪᠤᠯᠵᠢᠯᠠᠪᠠ᠃
ᠠᠰᠠᠭᠤᠯᠲᠠ ᠄ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠮᠥᠩᠭᠥᠶᠢ ᠠᠪᠬᠤᠳᠤ ᠶᠠᠮᠠᠷ ᠶᠠᠮᠠᠷ ᠨᠥᠬᠥᠴᠡᠯ ᠱᠠᠭᠠᠷᠳᠠᠭᠳᠠᠬᠤ ᠪᠤᠶ ？
ᠬᠠᠷᠢᠭᠤᠯᠲᠠ ᠄ ᠳᠣᠣᠷᠠ ᠵᠢᠭᠰᠠᠭᠠᠭᠰᠠᠨ ᠨᠥᠬᠥᠴᠡᠯᠳᠦ ᠬᠠᠮᠳᠤ ᠳ᠋ᠤᠨᠢ ᠨᠡᠶ᠋ᠢᠴᠡᠭᠰᠡᠨ ᠠᠵᠢᠯ ᠠᠯᠳᠠᠭᠰᠠᠳ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠮᠥᠩᠭᠥ ᠠᠪᠴᠤ ᠪᠣᠯᠤᠨᠠ ᠄ ᠲᠣᠭᠲᠠᠭᠠᠯ ᠶᠣᠰᠣᠭᠠᠷ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠳᠤ ᠣᠷᠣᠯᠴᠠᠭᠠᠳ ᠪᠠᠶ᠋ᠢᠭᠠ ᠨᠢᠭᠡᠴᠢ ᠪᠠ ᠲᠤᠰ ᠬᠥᠮᠦᠨ ᠨᠢ ᠲᠣᠭᠲᠠᠭᠠᠯ ᠶᠣᠰᠣᠭᠠᠷ ᠰᠦᠢᠳᠬᠡᠯ ᠲᠤᠰᠢᠶᠠᠬᠤ ᠡᠭᠦᠷᠭᠡᠪᠡᠨ ᠭᠦᠢᠴᠡᠳᠬᠡᠭᠡᠳ ᠪᠦᠬᠦᠯᠢ 1 ᠵᠢᠯ ᠪᠣᠯᠤᠭᠰᠠᠨ ； ᠲᠤᠰ ᠬᠥᠮᠦᠨᠦ ᠬᠦᠰᠡᠯ ᠰᠠᠨᠠᠭᠠᠠᠴᠠ ᠪᠤᠰᠤ ᠰᠢᠯᠲᠠᠭᠠᠨᠢᠶᠠᠷ ᠠᠵᠢᠯ ᠣᠯᠭᠣᠯᠲᠠ ᠨᠢ ᠲᠠᠰᠤᠯᠳᠠᠭᠰᠠᠨ ； ᠨᠢᠭᠡᠨᠲᠡ ᠠᠵᠢᠯ ᠠᠯᠳᠠᠭᠰᠠᠨᠢᠶᠠᠷ ᠳᠠᠩᠰᠠᠯᠠᠭᠤᠯᠤᠭᠰᠠᠨ ᠪᠥᠭᠡᠳ ᠠᠵᠢᠯ ᠡᠷᠢᠬᠦ ᠱᠠᠭᠠᠷᠳᠠᠯᠭᠠᠲᠠᠢ ᠪᠠᠶ᠋ᠢᠬᠤ᠃
ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠮᠥᠩᠭᠥᠶᠢᠨ ᠪᠠᠷᠢᠮᠵᠢᠶᠠ ᠨᠢ ᠬᠡᠳᠦᠶ ᠪᠤᠶ ？
ᠬᠠᠷᠢᠭᠤᠯᠲᠠ ᠄ 1 – 12 ᠳ᠋ᠤᠭᠠᠷ ᠰᠠᠷᠠᠶᠢᠨ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠮᠥᠩᠭᠥᠶᠢᠨ ᠪᠠᠷᠢᠮᠵᠢᠶᠠᠶᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠨᠢᠭᠡᠳᠦᠭᠡᠷ ᠲᠥᠷᠥᠯᠦᠨ ᠭᠠᠵᠠᠷ ᠣᠷᠣᠨᠤ ᠬᠠᠮᠤᠭ ᠳᠣᠣᠷᠠ ᠴᠠᠯᠢᠩᠤᠨ 95%ᠪᠠᠷ ᠣᠯᠭᠣᠵᠤ᠂ 13 ᠰᠠᠷᠠᠠᠴᠠ ᠬᠡᠲᠦᠷᠡᠭᠰᠡᠨ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠮᠥᠩᠭᠥᠶᠢᠨ ᠪᠠᠷᠢᠮᠵᠢᠶᠠᠶᠢ 85%ᠪᠠᠷ ᠣᠯᠭᠣᠨᠠ᠃ ᠨᠡᠶ᠋ᠢᠲᠡ ᠰᠦᠢᠳᠬᠡᠯ ᠲᠤᠰᠢᠶᠠᠭᠠᠳ ᠪᠦᠬᠦᠯᠢ 10 ᠵᠢᠯ ᠪᠣᠯᠤᠭᠰᠠᠨ ᠪᠥᠭᠡᠳ ᠡᠷᠡᠭᠲᠡᠶ ᠪᠦᠬᠦᠯᠢ 50 ᠨᠠᠰᠤ ᠬᠦᠷᠦᠭᠰᠡᠨ᠂ ᠡᠮᠡᠭᠲᠡᠶ ᠪᠦᠬᠦᠯᠢ 45 ᠨᠠᠰᠤ ᠬᠦᠷᠦᠭᠰᠡᠨ ᠪᠤᠶᠤ ᠡᠷᠡ ᠡᠮᠡ ᠬᠣᠶᠠᠷ ᠡᠲᠡᠭᠡᠳᠢᠶᠡᠷᠢᠶᠡᠨ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠮᠥᠩᠭᠥᠶᠢ ᠵᠡᠷᠭᠡᠪᠡᠷ ᠠᠪᠤᠭᠰᠠᠨ ᠪᠠᠶ᠋ᠢᠪᠠᠯ᠂ ᠡᠮᠦᠨᠡᠬᠢ ᠪᠠᠳᠠᠭᠤᠨ ᠪᠠᠷᠢᠮᠵᠢᠶᠠᠶᠢᠨ ᠰᠠᠭᠤᠷᠢᠨ ᠳᠡᠭᠡᠷᠡ 3％ᠪᠠᠷ ᠨᠡᠮᠡᠵᠦ ᠣᠯᠭᠣᠨᠠ᠃
ᠠᠰᠠᠭᠤᠯᠲᠠ ᠄ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠮᠥᠩᠭᠥ ᠶᠢ ᠬᠡᠷᠬᠢᠨ ᠠᠪᠬᠤ ᠪᠤᠶ ？
ᠬᠠᠷᠢᠭᠤᠯᠲᠠ ᠄ ᠪᠡᠶᠡᠶᠢᠨ ᠦᠨᠡᠮᠯᠡᠯ ᠪᠤᠶᠤ ᠨᠡᠶ᠋ᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠺᠠᠷᠲᠢᠶᠠᠨ ᠠᠪᠴᠤ ᠡᠯᠡ ᠠᠶ᠋ᠢᠮᠠᠭ ᠬᠣᠲᠠ᠂ ᠬᠣᠰᠢᠭᠤ ᠰᠢᠶᠠᠨ （ ᠬᠣᠲᠠ᠂ ᠲᠣᠭᠣᠷᠢᠭ᠋ ）ᠤ ᠬᠥᠮᠦᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠶ᠋ᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠶᠡᠷᠦᠩᠬᠡᠶ᠋ᠢᠯᠡᠭᠰᠡᠨ ᠯᠠᠩᠭᠦᠶᠶᠢᠨ ᠠᠵᠢᠯᠲᠠᠨᠤ ᠴᠣᠩᠬᠣᠪᠴᠢᠳᠤ ᠬᠦᠷᠴᠦ ᠭᠤᠶᠤᠴᠢᠯᠠᠨ ᠠᠪᠤᠨᠠ ； ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠥᠮᠦᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠶ᠋ᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠲᠢᠩᠬᠢᠮᠦᠨ ᠰᠦᠯᠵᠢᠶᠡᠨ ᠥᠷᠲᠡᠭᠡ （ http://rst.nmg.gov.cn ）ᠶᠢᠨ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠠᠵᠢᠯ ᠶᠠᠪᠤᠳᠠᠯ ᠭᠦᠶ᠋ᠴᠡᠳᠬᠡᠬᠦ ᠲᠠᠩᠬᠢᠮᠦᠨ ᠬᠤᠪᠢ ᠬᠥᠮᠦᠨᠦ ᠠᠵᠢᠯ ᠶᠠᠪᠤᠳᠠᠯ ᠭᠦᠶ᠋ᠴᠡᠳᠬᠡᠬᠦ ᠲᠤᠰᠬᠠᠶ ᠪᠤᠯᠤᠩᠢᠶᠠᠷ ᠳᠠᠮᠵᠢᠭᠤᠯᠤᠨ ᠭᠤᠶᠤᠴᠢᠯᠠᠨ ᠠᠪᠤᠨᠠ ； ᠤᠯᠤᠰᠤᠨ ᠨᠡᠶ᠋ᠢᠭᠡᠮᠦᠨ ᠳᠠᠭᠠᠳᠬᠠᠯᠤᠨ ᠣᠯᠠᠨ ᠨᠡᠶ᠋ᠢᠲᠡᠶᠢᠨ ᠦᠶ᠋ᠯᠡᠴᠢᠯᠡᠭᠡᠨᠦ ᠲᠠᠪᠴᠠᠩ （ http://si.12333.gov.cn᠂ http://si.zwfw.mohrss.gov.cn ）ᠤᠨ ᠣᠯᠭᠣᠮᠵᠢ ᠭᠤᠶᠤᠴᠢᠯᠠᠬᠤ ᠲᠤᠰᠬᠠᠶ ᠪᠤᠯᠤᠩᠢᠶᠠᠷ ᠳᠠᠮᠵᠢᠭᠤᠯᠤᠨ ᠭᠤᠶᠤᠴᠢᠯᠠᠨᠠ ； ᠥᠪᠥᠷ ᠮᠣᠩᠭᠣᠯᠤᠨ ᠬᠥᠮᠦᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠶ᠋ᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠭᠠᠷ ᠤᠲᠠᠰᠤᠨᠤ APP ᠪᠡᠷ ᠳᠠᠮᠵᠢᠭᠤᠯᠤᠨ ᠭᠤᠶᠤᠴᠢᠯᠠᠨ ᠠᠪᠤᠨᠠ ； ᡁᠢ ᠹᠦ ᠪᠤᠤ᠂ ᠸᠢᠴᠠᠲᠤᠨ ᠡᠯᠧᠺᠲ᠋ᠷᠣᠨ ᠨᠡᠶ᠋ᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠺᠠᠷᠲᠤᠨ ᠵᠢᠵᠢᠭ ᠫᠷᠤᠭ᠌ᠷᠠᠮᠢᠶᠠᠷ ᠳᠠᠮᠵᠢᠭᠤᠯᠤᠨ ᠭᠤᠶᠤᠴᠢᠯᠠᠨ ᠠᠪᠤᠨᠠ᠃
ᠠᠰᠠᠭᠤᠯᠲᠠ ᠄ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠠᠵᠢᠯᠤᠨ ᠪᠠᠶ᠋ᠢᠷᠢᠶᠢ ᠲᠤᠭᠳᠠᠪᠤᠷᠢᠵᠢᠭᠤᠯᠤᠭᠰᠠᠨ ᠪᠤᠴᠠᠭᠠᠯᠳᠠ ᠮᠦᠩᠬᠦᠶᠢ ᠭᠤᠶᠤᠴᠢᠯᠠᠬᠤᠳᠤ ᠶᠠᠮᠠᠷ ᠶᠠᠮᠠᠷ ᠨᠥᠬᠥᠴᠡᠯ ᠱᠠᠭᠠᠷᠳᠠᠭᠳᠠᠬᠤ ᠪᠤᠶ ？
ᠬᠠᠷᠢᠭᠤᠯᠲᠠ ᠄ ᠳᠣᠣᠷᠠᠬᠢ ᠨᠥᠬᠥᠴᠡᠯᠦᠳᠲᠦ ᠬᠠᠮᠲᠤ ᠳ᠋ᠤᠨᠢ ᠨᠡᠶ᠋ᠢᠴᠡᠭᠰᠡᠨ ᠪᠠᠶ᠋ᠢᠬᠤ ᠬᠡᠷᠡᠭᠲᠡᠶ ᠄ ᠠᠵᠤ ᠠᠬᠤᠶ᠋ᠢᠯᠠᠯ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠳᠤ ᠣᠷᠣᠯᠴᠠᠭᠰᠠᠨ ᠪᠥᠭᠡᠳ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠰᠦᠢᠳᠭᠡᠯᠢ 12 ᠰᠠᠷᠠᠠᠴᠠ ᠳᠡᠭᠡᠭᠰᠢ ᠭᠦᠢᠴᠡᠳ ᠲᠤᠰᠢᠶᠠᠭᠰᠠᠨ ᠪᠠᠶ᠋ᠢᠬᠤ ᠬᠡᠷᠡᠭᠲᠡᠶ ； ᠳᠠᠭᠠᠳᠬᠠᠯᠳᠤ ᠣᠷᠣᠯᠴᠠᠭᠰᠠᠨ ᠠᠵᠤ ᠠᠬᠤᠶ᠋ᠢᠯᠠᠯ ᠲᠦᠷᠦᠭᠦᠸ᠋ ᠵᠢᠯᠳᠤ ᠠᠵᠢᠯᠲᠠᠨᠢᠶᠠᠨ ᠬᠠᠰᠤᠭᠰᠠᠨ ᠥᠬᠡᠶ ᠪᠤᠶᠤ ᠠᠵᠢᠯᠲᠠᠨᠢᠶᠠᠨ ᠬᠠᠰᠤᠭᠰᠠᠨ ᠨᠣᠷᠮᠠᠶᠢ ᠲᠦᠷᠦᠭᠦᠸ᠋ ᠵᠢᠯᠦᠨ ᠪᠥᠬᠥ ᠤᠯᠤᠰᠤᠨ ᠬᠣᠲᠠ ᠪᠠᠯᠭᠠᠰᠤᠨᠤ ᠪᠠᠶ᠋ᠢᠴᠠᠭᠠᠯᠲᠠᠶᠢᠨ ᠠᠵᠢᠯ ᠠᠯᠳᠠᠯᠲᠠᠶᠢᠨ ᠨᠣᠷᠮᠠᠶᠢ ᠡᠵᠡᠮᠳᠡᠬᠦ ᠬᠠᠷᠠᠯᠲᠠ （ 5.5% ） ᠠᠴᠠ ᠥᠨᠳᠥᠷ ᠪᠠᠶ᠋ᠢᠯᠭᠠᠵᠤ ᠪᠣᠯᠬᠤ ᠥᠬᠡᠶ᠂ 30 ᠬᠥᠮᠦᠨ （ ᠪᠠᠭᠲᠠᠨᠠ ） ᠠᠴᠠ ᠳᠣᠷᠣᠭᠰᠢᠬᠢ ᠳᠠᠭᠠᠳᠬᠠᠯᠳᠤ ᠣᠷᠣᠯᠴᠠᠭᠰᠠᠨ ᠠᠵᠤ ᠠᠬᠤᠶ᠋ᠢᠯᠠᠯᠤᠨ ᠠᠵᠢᠯᠲᠠᠨᠢᠶᠠᠨ ᠬᠠᠰᠤᠭᠰᠠᠨ ᠨᠣᠷᠮᠠᠶᠢ 20%ᠠᠴᠠ ᠥᠨᠳᠥᠷ ᠪᠠᠶ᠋ᠢᠯᠭᠠᠵᠤ ᠪᠣᠯᠬᠤ ᠥᠬᠡᠶ ； ᠬᠦᠨᠳᠦ ᠨᠣᠴᠢᠲᠠᠶ ᠬᠠᠥᠯᠢᠠᠴᠠ ᠵᠥᠷᠢᠴᠡᠵᠦ ᠢᠲᠡᠭᠡᠯ ᠠᠯᠳᠠᠭᠰᠠᠨ ᠬᠠᠷᠠ ᠲᠠᠩᠰᠠᠨᠳᠤ ᠵᠢᠭᠰᠠᠭᠠᠨ ᠣᠷᠣᠭᠤᠯᠤᠭᠰᠠᠨ ᠥᠬᠡᠶ᠂ ᠢᠯᠭᠠᠷᠠᠭᠤᠯᠤᠨ ᠭᠠᠷᠭᠠᠭᠰᠠᠨ ᠨᠡᠷᠡᠰᠦᠨ ᠬᠥᠰᠢᠮᠡᠯ ᠠᠵᠤ ᠠᠬᠤᠶ᠋ᠢᠯᠠᠯᠳᠤ ᠵᠢᠭᠰᠠᠭᠠᠨ ᠣᠷᠣᠭᠤᠯᠤᠭᠰᠠᠨ ᠥᠬᠡᠶ᠂ ᠲᠤᠬᠠᠶᠶᠢᠨ ᠭᠠᠵᠠᠷᠤᠨ ᠣᠷᠴᠢᠨ ᠲᠣᠭᠣᠷᠢᠨᠤ ᠬᠠᠮᠠᠭᠠᠯᠠᠯᠲᠠᠶᠢᠨ ᠲᠥᠷᠥᠶᠢᠨ ᠪᠣᠳᠣᠯᠭᠠᠳᠤ ᠨᠡᠢᠴᠡᠭᠰᠡᠨ ᠪᠠᠢᠬᠤ᠃
ᠠᠰᠠᠭᠤᠯᠲᠠ ᠄ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠠᠵᠢᠯᠤᠨ ᠪᠠᠶ᠋ᠢᠷᠢᠶᠢ ᠲᠤᠭᠳᠠᠪᠤᠷᠢᠵᠢᠭᠤᠯᠤᠭᠰᠠᠨ ᠪᠤᠴᠠᠭᠠᠯᠳᠠ ᠮᠦᠩᠬᠦᠶᠢᠨ ᠬᠠᠷᠢᠴᠠᠯ ᠨᠢ ᠬᠡᠳᠦᠶ ᠪᠤᠶ ？
ᠬᠠᠷᠢᠭᠤᠯᠲᠠ ᠄ ᠨᠥᠬᠥᠴᠡᠯᠳᠦ ᠨᠡᠶ᠋ᠢᠴᠡᠭᠰᠡᠨ ᠳᠠᠭᠠᠳᠬᠠᠯᠳᠤ ᠣᠷᠣᠯᠴᠠᠭᠰᠠᠨ ᠠᠵᠤ ᠠᠬᠤᠶ᠋ᠢᠯᠠᠯᠳᠦ ᠠᠵᠤ ᠠᠬᠤᠶ᠋ᠢᠯᠠᠯ ᠵᠢᠴᠢ ᠲᠡᠭᠦᠨᠦ ᠠᠵᠢᠯᠲᠠᠨ ᠠᠵᠢᠯᠴᠢᠨᠤ ᠳᠡᠭᠡᠷᠡ ᠵᠢᠯᠦᠨ ᠪᠣᠳᠠᠲᠠᠶ ᠲᠤᠰᠢᠶᠠᠭᠰᠠᠨ ᠲᠤᠰ ᠵᠢᠯᠦᠨ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠰᠦᠢᠳᠭᠡᠯᠤᠨ ᠵᠣᠬᠢᠬᠤ ᠬᠠᠷᠢᠴᠠᠯᠢᠶᠠᠷ ᠪᠤᠴᠠᠭᠠᠨᠠ᠃ ᠡᠭᠦᠨᠳᠦ ᠄ ᠲᠣᠮᠣ᠌ ᠬᠡᠯᠪᠡᠷᠢᠶᠢᠨ ᠠᠵᠤ ᠠᠬᠤᠶ᠋ᠢᠯᠠᠯᠤᠨ ᠠᠵᠢᠯᠤᠨ ᠪᠠᠶ᠋ᠢᠷᠢᠶᠢ ᠲᠤᠭᠳᠠᠪᠤᠷᠢᠵᠢᠭᠤᠯᠤᠭᠰᠠᠨ ᠪᠤᠴᠠᠭᠠᠯᠳᠠ ᠮᠦᠩᠬᠦᠶᠢᠨ ᠬᠠᠷᠢᠴᠠᠯᠢ 30%᠂ ᠳᠤᠮᠳᠠ ᠵᠢᠵᠢᠭ ᠪᠢᠴᠢᠯ ᠠᠵᠤ ᠠᠬᠤᠶ᠋ᠢᠯᠠᠯᠢ 60% ᠪᠠᠶ᠋ᠢᠯᠭᠠᠨᠠ᠃ ᠨᠡᠶ᠋ᠢᠭᠡᠮᠦᠨ ᠪᠦᠯᠬᠦᠮ᠂ ᠰᠠᠭᠤᠷᠢ ᠮᠥᠩᠭᠥᠨᠦ ᠨᠡᠶ᠋ᠢᠭᠡᠮᠯᠢᠭ᠂ ᠨᠡᠶ᠋ᠢᠭᠡᠮᠦᠨ ᠦᠶ᠋ᠯᠡᠴᠢᠯᠡᠭᠡᠨᠦ ᠪᠠᠶ᠋ᠢᠭᠤᠯᠤᠮᠵᠢ᠂ ᠬᠠᠥᠯᠢᠴᠢᠶᠢᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ᠂ ᠨᠢᠭᠲᠠᠯᠠᠨ ᠪᠤᠳᠤᠭᠴᠢᠶᠢᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ᠂ ᠨᠢᠭᠡᠴᠢᠶᠢᠨ ᠬᠡᠯᠪᠡᠷᠢᠪᠡᠷ ᠳᠠᠭᠠᠳᠬᠠᠯᠳᠤ ᠣᠷᠣᠯᠴᠠᠭᠰᠠᠨ ᠬᠤᠪᠢᠶᠢᠨ ᠠᠵᠤ ᠦᠶ᠋ᠯᠡᠳᠪᠦᠷᠢ ᠬᠤᠳᠠᠯᠳᠤᠭᠠᠨᠤ ᠡᠷᠦᠬᠡ ᠨᠢ ᠳᠤᠮᠳᠠ ᠵᠢᠵᠢᠭ ᠪᠢᠴᠢᠯ ᠠᠵᠤ ᠠᠬᠤᠶ᠋ᠢᠯᠠᠯᠢᠶᠠᠷ ᠯᠠᠪᠯᠠᠯᠲᠠ ᠪᠣᠯᠭᠠᠨ ᠬᠡᠷᠡᠭᠵᠢᠭᠦᠯᠦᠨᠡ᠃
ᠠᠰᠠᠭᠤᠯᠲᠠ ᠄ ᠨᠢᠭᠡ ᠤᠳᠠᠭᠠᠶᠢᠨ ᠴᠢᠨᠠᠷᠲᠠᠶ ᠠᠵᠢᠯᠤᠨ ᠪᠠᠶ᠋ᠢᠷᠢᠶᠢ ᠦᠷᠭᠡᠳᠭᠡᠭᠰᠡᠨ ᠨᠥᠬᠥᠪᠥᠷᠢ ᠭᠤᠶᠤᠴᠢᠯᠠᠬᠤᠳᠤ ᠶᠠᠮᠠᠷ ᠶᠠᠮᠠᠷ ᠨᠥᠬᠥᠴᠡᠯ ᠬᠡᠷᠡᠭᠰᠡᠬᠦ ᠪᠣᠶ ？ ᠨᠥᠬᠥᠪᠥᠷᠢᠶᠢᠨ ᠪᠠᠷᠢᠮᠵᠢᠶᠠ ᠨᠢ ᠬᠡᠳᠦᠶ ᠪᠤᠢ ？
ᠬᠠᠷᠢᠭᠤᠯᠲᠠ ᠄ ᠠᠵᠤ ᠠᠬᠤᠶ᠋ᠢᠯᠠᠯ ᠲᠡᠭᠦᠰᠬᠦ ᠣᠨᠤ ᠡᠩᠦᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠠᠴᠠ ᠲᠡᠭᠦᠰᠦᠭᠰᠡᠨ ᠰᠣᠷᠣᠭᠴᠢ᠂ ᠰᠤᠷᠭᠠᠭᠤᠯᠢᠠᠴᠠᠪᠠᠨ ᠰᠠᠯᠤᠭᠠᠳ ᠬᠣᠶᠠᠷ ᠵᠢᠯᠦᠨ ᠳᠣᠲᠣᠷᠠ ᠠᠵᠢᠯ ᠣᠯᠤᠭᠠᠳᠤᠶ ᠡᠩᠦᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠠᠴᠠ ᠲᠡᠭᠦᠰᠦᠭᠰᠡᠨ ᠰᠣᠷᠣᠭᠴᠢ᠂ ᠠᠵᠢᠯ ᠠᠯᠳᠠᠭᠰᠠᠨᠢᠶᠠᠷ ᠪᠦᠷᠢᠳᠬᠡᠭᠦᠯᠦᠭᠰᠡᠨ 16 ︱ 24 ᠨᠠᠰᠤᠨᠤ ᠵᠠᠯᠠᠭᠤᠴᠤᠳᠢ ᠡᠯᠰᠡᠨ ᠬᠡᠷᠡᠭᠯᠡᠵᠦ᠂ ᠬᠥᠳᠡᠯᠮᠦᠷᠢᠶᠢᠨ ᠭᠡᠷᠡ ᠲᠣᠭᠲᠠᠬᠤᠶᠢᠨ ᠬᠠᠮᠲᠤ ᠲᠡᠭᠦᠨᠳᠦ ᠠᠵᠢᠯ ᠠᠯᠳᠠᠭᠰᠠᠨ᠂ ᠠᠵᠢᠯᠠᠴᠠ ᠪᠣᠯᠤᠭᠰᠠᠨ ᠭᠡᠮᠲᠦᠯ᠂ ᠠᠵᠢᠯᠲᠠᠨ ᠠᠵᠢᠯᠴᠢᠨᠤ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢᠶᠢᠨ ᠳᠠᠭᠠᠳᠬᠠᠯᠤᠨ ᠰᠦᠢᠳᠭᠡᠯᠢ 3 ᠰᠠᠷᠠᠠᠴᠠ ᠳᠡᠭᠡᠭᠰᠢ ᠲᠤᠰᠢᠶᠠᠪᠠᠯ᠂ ᠨᠢᠭᠡ ᠤᠳᠠᠭᠠᠶᠢᠨ ᠴᠢᠨᠠᠷᠲᠠᠶ ᠠᠵᠢᠯᠤᠨ ᠪᠠᠶ᠋ᠢᠷᠢᠶᠢ ᠦᠷᠭᠡᠳᠭᠡᠭᠰᠡᠨ ᠨᠥᠬᠥᠪᠥᠷᠢ ᠭᠤᠶᠤᠴᠢᠯᠠᠵᠤ ᠪᠣᠯᠤᠨᠠ᠃ ᠬᠥᠮᠦᠨ ᠪᠦᠷᠢᠳᠦ 1500 ᠲᠥᠭᠥᠷᠢᠭᠦᠨ ᠨᠥᠬᠥᠪᠥᠷᠢᠶᠢᠨ ᠪᠠᠷᠢᠮᠵᠢᠶᠠ ᠣᠯᠭᠣᠨᠠ᠃
ᠠᠰᠠᠭᠤᠯᠲᠠ ᠄ ᠤᠷᠠ ᠮᠡᠷᠭᠡᠵᠢᠯᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠨᠥᠬᠥᠪᠥᠷᠢᠶᠢ ᠠᠪᠬᠤᠳᠤ ᠶᠠᠮᠠᠷ ᠨᠥᠬᠥᠴᠡᠯᠳᠦ ᠨᠡᠶ᠋ᠢᠴᠡᠬᠦ ᠴᠢᠬᠤᠯᠠᠲᠠᠶ ᠪᠣᠶ ？
ᠬᠠᠷᠢᠭᠤᠯᠲᠠ ᠄ ᠳᠣᠣᠷᠠᠬᠢ ᠨᠥᠬᠥᠴᠡᠯᠳᠦ ᠬᠠᠮᠳᠤ ᠳ᠋ᠤᠨᠢ ᠨᠡᠶ᠋ᠢᠴᠡᠬᠦ ᠠᠵᠤ ᠠᠬᠤᠶ᠋ᠢᠯᠠᠯᠤᠨ ᠠᠵᠢᠯᠲᠠᠨ ᠠᠵᠢᠯᠴᠢᠨ ᠭᠤᠶᠤᠴᠢᠯᠠᠨ ᠠᠪᠴᠤ ᠪᠣᠯᠤᠨᠠ ᠄ ᠬᠠᠤᠯᠢ ᠶᠣᠰᠣᠭᠠᠷ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠳᠤ ᠣᠷᠣᠯᠴᠠᠭᠰᠠᠨ ᠪᠥᠭᠡᠳ ᠭᠤᠶᠤᠴᠢᠯᠠᠬᠤ ᠬᠤᠭᠤᠴᠠᠭᠠᠨᠳᠤ ᠬᠡᠪᠦᠨ ᠶᠣᠰᠣᠭᠠᠷ ᠳᠠᠭᠠᠳᠬᠠᠯᠳᠤ ᠣᠷᠣᠯᠴᠠᠨ ᠰᠦᠢᠳᠬᠡᠯ ᠲᠤᠰᠢᠶᠠᠵᠤ᠂ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠰᠦᠢᠳᠬᠡᠯᠢ ᠨᠡᠶ᠋ᠢᠲᠡ 12 ᠰᠠᠷᠠᠠᠴᠠ ᠳᠡᠭᠡᠭᠰᠢ ᠲᠤᠰᠢᠶᠠᠭᠰᠠᠨ ； ᠠᠩᠬᠠ ᠵᠡᠷᠭᠡᠶᠢᠨ （ ᠲᠠᠪᠤᠳᠤᠭᠠᠷ ᠳᠡᠰ ）᠂ ᠳᠤᠮᠳᠠ ᠵᠡᠷᠭᠡᠶᠢᠨ （ ᠳᠥᠷᠪᠡᠳᠦᠭᠡᠷ ᠳᠡᠰ ）᠂ ᠳᠡᠭᠡᠳᠦ ᠵᠡᠷᠭᠡᠶᠢᠨ （ ᠭᠤᠷᠪᠠᠳᠤᠭᠠᠷ ᠳᠡᠰ ） ᠠᠵᠢᠯ ᠮᠡᠷᠭᠡᠵᠢᠯᠦᠨ ᠬᠢᠷᠢ ᠬᠡᠮᠦᠨ ᠦᠨᠡᠮᠯᠡᠯ ᠪᠤᠶᠤ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠵᠡᠷᠭᠡ ᠳᠡᠰᠤᠨ ᠦᠨᠡᠮᠯᠡᠯ ᠣᠯᠤᠭᠰᠠᠨ ； ᠠᠵᠢᠯᠲᠠᠨ ᠠᠵᠢᠯᠴᠢᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠬᠢᠷᠢ ᠬᠡᠮᠦᠨ ᠦᠨᠡᠮᠯᠡᠯ ᠪᠤᠶᠤ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠵᠡᠷᠭᠡ ᠳᠡᠰᠤᠨ ᠦᠨᠡᠮᠯᠡᠯᠢ ᠬᠢᠨᠠᠨ ᠣᠯᠭᠣᠭᠰᠠᠨ ᠡᠳᠦᠷᠡᠴᠡ ᠡᠬᠢᠯᠡᠨ 12 ᠰᠠᠷᠠᠶᠢᠨ ᠳᠣᠲᠣᠷᠠ ᠭᠤᠶᠤᠴᠢᠯᠠᠨ ᠠᠪᠬᠤ ᠬᠡᠷᠡᠭᠲᠡᠶ᠃
ᠳᠣᠣᠷᠠᠬᠢ ᠨᠥᠬᠥᠴᠡᠯᠳᠦ ᠬᠠᠮᠳᠤ ᠳ᠋ᠤᠨᠢ ᠨᠡᠶ᠋ᠢᠴᠡᠭᠰᠡᠨ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠮᠥᠩᠭᠥᠶᠢ ᠠᠪᠬᠤ ᠬᠥᠮᠦᠰ ᠭᠤᠶᠤᠴᠢᠯᠠᠨ ᠠᠪᠴᠤ ᠪᠣᠯᠤᠨᠠ ᠄ ᠭᠤᠶᠤᠴᠢᠯᠠᠬᠤ ᠦᠶᠡᠳᠦ ᠶᠠᠭ ᠠᠵᠢᠯ ᠠᠯᠳᠠᠯᠳᠠᠶᠢᠨ ᠳᠠᠭᠠᠳᠬᠠᠯᠤᠨ ᠮᠥᠩᠭᠥᠶᠢ ᠠᠪᠴᠤ ᠪᠠᠶ᠋ᠢᠬᠤ ； ᠠᠩᠬᠠ ᠵᠡᠷᠭᠡᠶᠢᠨ （ ᠲᠠᠪᠤᠳᠤᠭᠠᠷ ᠳᠡᠰ ）᠂ ᠳᠤᠮᠳᠠ ᠵᠡᠷᠭᠡᠶᠢᠨ （ ᠳᠥᠷᠪᠡᠳᠦᠭᠡᠷ ᠳᠡᠰ ）᠂ ᠳᠡᠭᠡᠳᠦ ᠵᠡᠷᠭᠡᠶᠢᠨ （ ᠭᠤᠷᠪᠠᠳᠤᠭᠠᠷ ᠳᠡᠰ ） ᠠᠵᠢᠯ ᠮᠡᠷᠭᠡᠵᠢᠯᠦᠨ ᠬᠢᠷᠢ ᠬᠡᠮᠦᠨ ᠦᠨᠡᠮᠯᠡᠯ ᠪᠤᠶᠤ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠵᠡᠷᠭᠡ ᠳᠡᠰᠤᠨ ᠦᠨᠡᠮᠯᠡᠯ ᠣᠯᠤᠭᠰᠠᠨ ； ᠠᠵᠢᠯ ᠮᠡᠷᠭᠡᠵᠢᠯᠦᠨ ᠬᠢᠷᠢ ᠬᠡᠮᠦᠨ ᠦᠨᠡᠮᠯᠡᠯ ᠪᠤᠶᠤ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠵᠡᠷᠭᠡ ᠳᠡᠰᠤᠨ ᠦᠨᠡᠮᠯᠡᠯᠢ ᠬᠢᠨᠠᠨ ᠣᠯᠭᠣᠭᠰᠠᠨ ᠡᠳᠦᠷᠡᠴᠡ ᠡᠬᠢᠯᠡᠨ 12 ᠰᠠᠷᠠᠶᠢᠨ ᠳᠣᠲᠣᠷᠠ ᠭᠤᠶᠤᠴᠢᠯᠠᠨ ᠠᠪᠬᠤ ᠬᠡᠷᠡᠭᠲᠡᠶ᠃
ᠠᠰᠠᠭᠤᠯᠲᠠ ᠄ ᠤᠷᠠ ᠮᠡᠷᠭᠡᠵᠢᠯᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠨᠥᠬᠥᠪᠥᠷᠢᠶᠢᠨ ᠪᠠᠷᠢᠮᠵᠢᠶᠠ ᠨᠢ ᠬᠡᠳᠦᠶ ᠪᠣᠶ ？
ᠬᠠᠷᠢᠭᠤᠯᠲᠠ ᠄ ᠠᠩᠬᠠ ᠳᠡᠰ （ ᠲᠠᠪᠤᠳᠤᠭᠠᠷ ᠳᠡᠰ ）ᠤᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠬᠢᠷᠢ ᠬᠡᠮᠦᠨ ᠦᠨᠡᠮᠯᠡᠯ ᠪᠤᠶᠤ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠵᠡᠷᠭᠡ ᠳᠡᠰᠤᠨ ᠦᠨᠡᠮᠯᠡᠯᠦᠨ ᠨᠥᠬᠥᠪᠥᠷᠢᠶᠢᠨ ᠪᠠᠷᠢᠮᠵᠢᠶᠠ ᠨᠢ 1000 ᠲᠥᠭᠥᠷᠢᠭ ； ᠳᠤᠮᠳᠠ ᠵᠡᠷᠭᠡᠶᠢᠨ （ ᠳᠥᠷᠪᠡᠳᠦᠭᠡᠷ ᠳᠡᠰ ）ᠶᠢᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠬᠢᠷᠢ ᠬᠡᠮᠦᠨ ᠦᠨᠡᠮᠯᠡᠯ ᠪᠤᠶᠤ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠵᠡᠷᠭᠡ ᠳᠡᠰᠤᠨ ᠦᠨᠡᠮᠯᠡᠯᠦᠨ ᠨᠥᠬᠥᠪᠥᠷᠢᠶᠢᠨ ᠪᠠᠷᠢᠮᠵᠢᠶᠠ ᠨᠢ 1500 ᠲᠥᠭᠥᠷᠢᠭ ； ᠳᠡᠭᠡᠳᠦ ᠵᠡᠷᠭᠡᠶᠢᠨ （ ᠭᠤᠷᠪᠠᠳᠤᠭᠠᠷ ᠳᠡᠰ ） ᠠᠵᠢᠯ ᠮᠡᠷᠭᠡᠵᠢᠯᠦᠨ ᠬᠢᠷᠢ ᠬᠡᠮᠦᠨ ᠦᠨᠡᠮᠯᠡᠯ ᠪᠤᠶᠤ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠵᠡᠷᠭᠡ ᠳᠡᠰᠤᠨ ᠦᠨᠡᠮᠯᠡᠯᠦᠨ ᠨᠥᠬᠥᠪᠥᠷᠢᠶᠢᠨ ᠪᠠᠷᠢᠮᠵᠢᠶᠠ ᠨᠢ 2000 ᠲᠥᠭᠥᠷᠢᠭ ᠪᠣᠯᠤᠨᠠ᠃ ᠪᠠᠴᠢᠮ ᠬᠡᠷᠡᠭᠴᠡᠭᠡᠲᠠᠢ ᠳᠤᠲᠠᠭᠳᠠᠵᠤ ᠪᠠᠶ᠋ᠢᠭᠠ ᠠᠵᠢᠯ ᠮᠡᠷᠭᠡᠵᠢᠯ （ ᠠᠵᠢᠯ ᠲᠥᠷᠥᠯ ）ᠢ ᠣᠯᠤᠭᠰᠠᠨ ᠪᠠᠶ᠋ᠢᠪᠠᠯ᠂ ᠨᠥᠬᠥᠪᠥᠷᠢᠶᠢᠨ ᠪᠠᠷᠢᠮᠵᠢᠶᠠᠶᠢ ᠡᠮᠦᠨᠡᠬᠢ ᠵᠤᠷᠪᠤᠰᠤᠨ ᠰᠠᠭᠤᠷᠢᠨ ᠳᠡᠭᠡᠷᠡ 10%ᠪᠠᠷ ᠳᠡᠭᠡᠭᠰᠢᠯᠡᠭᠦᠯᠦᠨᠡ᠃