《ᠵᠢᠷᠭᠤᠭ᠋ᠠᠨ ᠰᠠᠷᠠ ᠵᠢᠨ ᠨᠢᠭᠡᠨ》ᠤ ᠬᠡᠦᠬᠡᠳᠤᠨ ᠪᠠᠶᠠᠷᠤᠨ ᠡᠳᠦᠷ ᠤᠳᠠᠯ ᠦᠭᠡᠢ ᠢᠷᠡᠬᠦ ᠭᠡᠵᠦ ᠪᠠᠢ᠌ᠨᠠ᠃ ᠡᠨᠡ ᠬᠦ᠌ ᠪᠢᠴᠢᠬᠠᠨ ᠨᠠᠢ᠌ᠵᠠ ᠨᠠᠷᠤᠨ ᠪᠠᠶᠠᠷᠤᠨ ᠡᠳᠦᠷᠲᠤ᠂ ᠪᠢᠳᠡ ᠬᠡᠦᠬᠡᠳᠤᠨ ᠢᠳᠡᠭᠡᠨ ᠤᠮᠳᠠᠭ᠋ᠠᠨᠤ ᠠᠮᠤᠷ ᠲᠦᠪᠰᠢᠨ ᠪᠠ ᠡᠷᠡᠭᠦᠯ ᠮᠡᠨᠳᠦ ᠵᠢ ᠣᠨᠴᠠᠭ᠋ᠠᠶ᠋ᠢᠯᠠᠨ ᠠᠩᠬᠠᠷᠤᠯᠳᠤᠪᠠᠨ ᠲᠠᠯᠪᠢᠶᠠ᠃
ᠡᠳᠦᠷᠤᠨ ᠭᠤᠷᠪᠠᠨ ᠡᠷᠡᠨᠤ ᠬᠤᠭᠤᠯᠠ ᠵᠢ ᠪᠠᠲᠤᠯᠠᠵᠤ᠂ ᠰᠢᠮᠡ ᠲᠡᠵᠢᠭᠡᠯᠢ ᠵᠣᠬᠢᠰᠲᠠᠢ ᠲᠣᠬᠢᠷᠠᠭᠤᠯᠬᠤ ᠬᠡᠷᠡᠭᠲᠡᠢ
ᠠᠮᠤ ᠪᠤᠳᠠᠭᠠᠪᠠᠷ ᠭᠣᠣᠯ ᠪᠣᠯᠭ᠋ᠠᠬᠤ᠄ ᠲᠤᠲᠤᠷᠭᠠ᠂ ᠮᠠᠨᠲᠠᠤ᠂ ᠬᠠᠭ᠋ᠠᠷᠢᠮᠠᠯ ᠪᠣᠣᠪᠣ ᠵᠡᠷᠭᠡ ᠭᠣᠣᠯ ᠢᠳᠡᠭᠡᠨᠠᠴᠠ ᠭᠠᠳᠠᠨᠠ᠂ ᠡᠷᠳᠡᠨᠢ ᠰᠢᠰᠢ᠂ ᠬᠣᠰᠢᠭᠤ ᠪᠤᠳᠠᠭᠠ ᠵᠡᠷᠭᠡ ᠪᠦᠳᠦᠭᠦᠯᠢᠭ ᠠᠮᠤᠪᠠᠷ ᠭᠣᠣᠯ ᠢᠳᠡᠭᠡᠨ ᠪᠣᠯᠭ᠋ᠠᠵᠤ ᠪᠣᠯᠣᠨᠠ᠃
ᠮᠢᠬᠠ᠂ ᠥᠨᠳᠡᠭᠡ᠂ ᠰᠦ᠂ ᠳ᠋ᠧᠦᠹᠦ᠋ ᠵᠡᠷᠭᠡ ᠢᠳᠡᠭᠡᠨᠢ ᠴᠤ᠌ ᠵᠣᠬᠢᠬᠤ ᠬᠡᠮᠵᠢᠶᠡᠪᠠᠷ ᠢᠳᠡᠭᠦᠯᠬᠦ ᠬᠡᠷᠡᠭᠲᠡᠢ᠃
ᠢᠳᠡᠰᠢᠨ ᠨᠣᠭᠣᠭᠠ ᠵᠢᠮᠢᠰᠤᠨ ᠵᠦᠢ᠍ᠯᠢ ᠢᠯᠡᠭᠦᠦ ᠢᠳᠡᠭᠦᠯᠬᠦ᠄ ᠢᠳᠡᠰᠢᠨ ᠨᠣᠭᠣᠭᠠ ᠵᠢᠮᠢᠰᠤᠨ ᠵᠦᠢ᠍ᠯᠢ ᠡᠳᠦᠷ ᠪᠦᠷᠢ ᠢᠳᠡᠨᠡ᠂ ᠢᠯᠠᠩᠭᠤᠶᠠ ᠭᠦᠨ ᠥᠩᠭᠡᠲᠡᠢ ᠨᠣᠭᠣᠭᠠ ᠵᠢᠨ ᠵᠦᠢ᠍ᠯ᠃ ᠲᠦᠭᠦᠬᠡᠢ ᠵᠶ᠋ᠡᠷ ᠢᠳᠡᠵᠦ ᠪᠣᠯᠳᠠᠭ ᠭᠤᠸᠠ ᠵᠢᠮᠢᠰ᠂ ᠢᠳᠡᠰᠢᠨ ᠨᠣᠭᠣᠭᠠ ᠵᠢ ᠴᠡᠪᠡᠷᠬᠡᠨ ᠤᠬᠢᠶᠠᠭᠰᠠᠨᠤ ᠳᠠᠷᠠᠭᠠ ᠢᠳᠡᠨᠡ᠃
ᠲᠣᠬᠢᠷᠠᠮᠵᠢᠲᠠᠢ ᠡᠳ᠋ᠰᠢᠭᠦᠯᠵᠦ ᠬᠣᠭᠣᠯᠠ ᠪᠣᠯᠭ᠋ᠠᠬᠤ᠄ ᠴᠢᠨᠠᠬᠤ᠂ ᠵᠢᠩᠨᠡᠬᠦ ᠵᠡᠷᠭᠡ ᠠᠷᠭᠠ ᠵᠢ ᠰᠤᠩᠭᠤᠵᠤ᠂ ᠲᠣᠰᠣᠨᠳᠤ ᠪᠤᠴᠠᠯᠭ᠋ᠠᠬᠤ᠂ ᠬᠠᠭ᠋ᠠᠷᠢᠵᠤ ᠰᠢᠷᠠᠬᠤ ᠵᠢ ᠪᠠᠭ᠋ᠠᠰᠬᠠᠬᠤ ᠬᠡᠷᠡᠭᠲᠡᠢ᠂ ᠰᠢᠷᠠᠵᠤ ᠢᠳᠡᠪᠡᠯ ᠵᠠᠪᠠᠯ ᠪᠦᠷᠢᠮᠦᠰᠦᠨ ᠰᠢᠷᠠᠵᠤ ᠪᠣᠯᠭᠣᠬᠤ ᠬᠡᠷᠡᠭᠲᠡᠢ᠃
ᠰᠤᠯᠠ ᠢᠳᠡᠭᠡᠨ ᠤᠮᠳᠠᠭ᠋ᠠᠨᠤ ᠲᠤᠬᠠᠢ᠄ ᠵᠢᠵᠢᠭᠬᠡᠨ ᠰᠤᠯᠠ ᠢᠳᠡᠭᠡᠨᠤ ᠲᠤᠬᠠᠢ ᠡᠳᠡᠭᠡᠷᠢ ᠣᠢ᠌ᠯᠠᠭ᠋ᠠᠬᠤ ᠴᠢᠬᠤᠯᠠᠲᠠᠢ
ᠵᠢᠩᠬᠢᠨᠢ ᠠᠷᠭᠠ ᠵᠠᠮ ᠵᠶ᠋ᠠᠷ ᠰᠣᠩᠭᠣᠵᠤ ᠬᠤᠳᠠᠯᠳᠤᠨ ᠠᠪᠤᠭ᠋ᠠᠷᠠᠢ᠃ ᠵᠢᠩᠬᠢᠨᠢ ᠬᠤᠳᠠᠯᠳᠤᠭ᠋ᠠᠨᠤ ᠬᠡᠲᠦ ᠳᠡᠯᠭᠡᠭᠦᠷ᠂ ᠵᠠᠬᠠ ᠳᠡᠯᠭᠡᠭᠦᠷ ᠵᠡᠷᠭᠡᠪᠠᠷ ᠬᠤᠳᠠᠯᠳᠤᠨ ᠠᠪᠬᠤᠳᠤ᠂ ᠢᠷᠡᠯᠲᠡᠨᠢ ᠲᠣᠳᠣᠷᠬᠠᠢ ᠦᠭᠡᠢ ᠪᠤᠶᠤ ᠬᠤᠭᠤᠴᠠᠭᠠᠨᠢ ᠥᠩᠭᠡᠷᠡᠭᠰᠡᠨ ᠢᠳᠡᠭᠡᠨᠢ ᠬᠤᠳᠠᠯᠳᠤᠨ ᠠᠪᠴᠤ ᠪᠣᠯᠬᠤ ᠦᠭᠡᠢ᠂ ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠭᠡᠷᠡᠴᠢ ᠪᠠᠷᠢᠮᠲᠠ ᠠᠪᠬᠤ ᠬᠡᠷᠡᠭᠲᠡᠢ᠃
ᠮᠠᠲ᠋ᠧᠷᠢᠶᠠᠯ ᠨᠠᠶ᠋ᠢᠷᠠᠭᠤᠯᠬᠤ ᠬᠦᠰᠦᠨᠦᠭ ᠪᠣᠯᠤᠨ ᠰᠢᠮᠡ ᠲᠡᠵᠢᠭᠡᠯᠤᠨ ᠪᠦᠷᠢᠯᠳᠦᠬᠦᠨᠤ ᠬᠦᠰᠦᠨᠦᠭᠢ ᠪᠠᠶ᠋ᠢᠴᠠᠭ᠋ᠠᠨ ᠦᠵᠡᠭᠡᠷᠡᠢ᠃ ᠢᠳᠡᠭᠡᠨᠤ ᠲᠥᠷᠥᠯᠢ ᠨᠠᠷᠢᠨ ᠨᠢᠮᠪᠠᠶ ᠢᠯᠭ᠋ᠠᠨ ᠲᠠᠨᠢᠵᠤ᠂ ᠮᠠᠲ᠋ᠧᠷᠢᠶᠠᠯ ᠨᠠᠶ᠋ᠢᠷᠠᠭᠤᠯᠬᠤ ᠬᠦᠰᠦᠨᠦᠭᠲᠦ ᠪᠠ ᠰᠢᠮᠡ ᠲᠡᠵᠢᠭᠡᠯᠤᠨ ᠪᠦᠷᠢᠯᠳᠦᠬᠦᠨᠤ ᠬᠦᠰᠦᠨᠦᠭᠲᠦ ᠵᠢ ᠪᠠᠶ᠋ᠢᠴᠠᠭ᠋ᠠᠨ ᠦᠵᠡᠵᠦ᠂ ᠤᠭᠤᠷᠠᠭ᠂ ᠸᠢᠲ᠋ᠠᠮᠢᠨ ᠪᠠ ᠪᠢᠴᠢᠯ ᠡᠯᠧᠮᠧᠨ᠋ᠲ ᠵᠶ᠋ᠠᠷ ᠪᠠᠶᠠᠯᠢᠭ ᠢᠳᠡᠭᠡᠨᠢ ᠤᠷᠢᠳ ᠵᠶ᠋ᠠᠷ ᠰᠣᠩᠭᠣᠭ᠋ᠠᠷᠠᠢ； ᠵᠠᠬᠠ ᠳᠡᠯᠭᠡᠭᠦᠷ ᠳᠡᠭᠡᠷᠡ 《ᠬᠡᠦᠬᠡᠳ》 ᠭᠡᠰᠡᠨ ᠦᠰᠦᠭᠲᠠᠢ ᠢᠳᠡᠭᠡᠨ ᠪᠠᠢ᠌ᠳᠠᠭ᠂ ᠮᠠᠰᠢ ᠣᠯᠠᠨ ᠭᠡᠷᠤᠨ ᠠᠬᠠᠮᠠᠳ ᠡᠭᠦᠨᠢ ᠲᠤᠰᠬᠠᠶ᠋ᠢᠯᠠᠨ ᠬᠡᠦᠬᠡᠳᠲᠤ ᠢᠳᠡᠭᠦᠯᠳᠡᠭ ᠢᠳᠡᠭᠡᠨ ᠭᠡᠵᠦ ᠪᠤᠷᠤᠭᠤ ᠣᠢ᠌ᠯᠠᠭ᠋ᠠᠳᠠᠭ᠃ ᠦᠨᠡᠨᠳᠡᠭᠡᠨ᠂ ᠮᠠᠨᠤ ᠤᠯᠤᠰᠲᠤ ᠣᠳᠣᠬᠠᠨᠳᠤ ᠬᠡᠦᠬᠡᠳᠤᠨ ᠢᠳᠡᠭᠡᠨᠤ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠪᠠᠷᠢᠮᠵᠢᠶᠠ ᠪᠠᠶ᠋ᠢᠬᠤ ᠦᠭᠡᠢ᠂ ᠭᠡᠷᠤᠨ ᠠᠬᠠᠮᠠᠳ ᠪᠤᠷᠤᠭᠤ ᠵᠢᠯᠣᠭᠣᠳᠣᠭᠳᠠᠵᠤ ᠪᠣᠯᠬᠤ ᠦᠭᠡᠢ ᠭᠡᠵᠦ ᠰᠠᠨᠠᠭᠤᠯᠤᠶᠠ᠃
ᠰᠤᠯᠠ ᠢᠳᠡᠬᠡᠨᠢ ᠬᠣᠭᠣᠯᠠᠨᠤ ᠣᠷᠣᠨᠳᠤ ᠢᠳᠡᠵᠦ ᠪᠤᠯᠬᠤ ᠦᠬᠡᠢ᠂ ᠬᠦᠢ᠍ᠲᠡᠨᠢ ᠤᠮᠳᠠᠭ᠋ᠠᠨ ᠤᠤᠭᠤᠬᠤ ᠴᠠᠭ ᠪᠠ ᠬᠡᠮᠵᠢᠶᠡ ᠵᠢ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ
ᠡᠷᠡᠨᠤ ᠬᠣᠭᠣᠯᠠᠨᠳᠤ ᠳᠡᠮᠡᠢ ᠢᠳᠡᠳᠡᠭ ᠦᠭᠡᠢ ᠵᠦᠢ᠍ᠯ ᠵᠶ᠋ᠡᠷ ᠰᠤᠯᠠ ᠢᠳᠡᠭᠡᠨ ᠪᠣᠯᠭ᠋ᠠᠵᠤ ᠪᠣᠯᠣᠨᠠ᠂ ᠵᠢᠱ᠌ᠢᠶᠡᠯᠡᠪᠡᠯ ᠴᠠᠭ ᠤᠯᠠᠷᠢᠯᠤᠨ ᠵᠢᠮᠢᠰ᠂ ᠬᠠᠲᠠᠭᠤ ᠵᠢᠮᠢᠰ ᠵᠡᠷᠭᠡ ᠵᠢ ᠰᠣᠩᠭᠣᠵᠤ ᠪᠣᠯᠣᠨᠠ᠃ ᠳᠠᠪᠤᠰᠤ ᠶᠡᠬᠡᠲᠡᠶ᠂ ᠰᠢᠬᠢᠷ ᠶᠡᠬᠡᠲᠡᠶ᠂ ᠲᠣᠰᠣ ᠶᠡᠬᠡ ᠵᠡᠷᠭᠡ ᠰᠤᠯᠠ ᠢᠳᠡᠭᠡᠨ ᠢᠳᠡᠭᠦᠯᠬᠦᠠᠴᠠ ᠵᠠᠶ᠋ᠢᠯᠠᠰᠬᠢᠵᠦ᠂ ᠬᠡᠲᠦ ᠠᠮᠲᠠ ᠣᠷᠣᠭᠤᠯᠤᠭᠰᠠᠨ ᠪᠠ ᠰᠡᠳᠦᠯᠲᠡ ᠵᠢᠨ ᠴᠢᠨᠠᠷᠲᠠᠶ ᠰᠤᠯᠠ ᠢᠳᠡᠭᠡᠨ ᠢᠳᠡᠭᠦᠯᠬᠦᠠᠴᠠ ᠵᠠᠶ᠋ᠢᠯᠠᠰᠬᠢᠬᠦ ᠬᠡᠷᠡᠭᠲᠡᠶ᠃ ᠣᠨᠴᠠᠭ᠋ᠠᠶ᠋ᠢᠯᠠᠨ ᠠᠩᠬᠠᠷᠬᠤ ᠴᠢᠬᠤᠯᠠᠲᠠᠢ ᠵᠦᠢ᠍ᠯ ᠭᠡᠪᠡᠯ᠂ ᠰᠤᠯᠠ ᠢᠳᠡᠭᠡᠨ ᠵᠶ᠋ᠡᠷ ᠡᠷᠡᠨᠤ ᠬᠣᠭᠣᠯᠠ ᠵᠢ ᠣᠷᠣᠯᠠᠭᠤᠯᠵᠤ ᠪᠣᠯᠬᠤ ᠦᠭᠡᠢ᠂ ᠡᠢ᠌ᠮᠦᠠᠴᠠ ᠬᠣᠭᠣᠯᠠᠨᠤ ᠴᠠᠭ ᠣᠢ᠌ᠷᠠᠲᠤᠬᠤ ᠪᠤᠶᠤ ᠤᠨᠲᠠᠬᠤᠠᠴᠠ ᠡᠮᠦᠨᠡ ᠰᠤᠯᠠ ᠢᠳᠡᠭᠡᠨ ᠢᠳᠡᠭᠦᠯᠬᠦ ᠦᠭᠡᠢ ᠪᠣᠯ ᠵᠣᠬᠢᠨᠠ᠃ ᠬᠦᠢ᠍ᠲᠡᠨ ᠶᠠᠭᠤᠮᠠ ᠢᠳᠡᠭᠦᠯᠬᠦᠳᠤ ᠨᠢᠭᠡ ᠤᠳᠠᠭᠠᠳᠤ ᠬᠡᠲᠦ ᠠᠷᠪᠢᠨ ᠢᠳᠡᠵᠦ ᠪᠣᠯᠬᠤ ᠦᠭᠡᠢ᠂ ᠥᠯᠥᠨ ᠵᠶ᠋ᠡᠷ ᠪᠤᠶᠤ ᠰᠢᠷᠦᠭᠦᠨ ᠬᠥᠳᠡᠯᠭᠡᠭᠡᠨ ᠬᠢᠭᠰᠡᠨᠤ ᠳᠠᠷᠠᠭᠠ ᠬᠦᠢ᠍ᠳᠡᠨ ᠤᠮᠳᠠᠭ᠋ᠠᠨ ᠢᠳᠡᠪᠡᠯ᠂ ᠬᠡᠦᠬᠡᠳᠤᠨ ᠬᠤᠳᠣᠭᠤᠳᠤ ᠭᠡᠳᠡᠰᠦᠨᠢ ᠡᠪ ᠦᠭᠡᠢ ᠪᠣᠯᠬᠤᠠᠴᠠ ᠰᠡᠷᠭᠡᠶ᠋ᠢᠯᠡᠬᠦ ᠬᠡᠷᠡᠭᠲᠡᠢ᠃
ᠭᠠᠳᠠᠨᠠ ᠬᠤᠭᠤᠯᠠ ᠢᠳᠡᠭᠦᠯᠬᠦ ᠲᠤᠬᠠᠢ᠄ ᠠᠮᠤᠷ ᠲᠦᠪᠰᠢᠨ ᠡᠷᠡᠭᠦᠯ ᠬᠠᠮᠠᠭ᠋ᠠᠯᠠᠯᠤᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠳᠠᠳᠬᠠᠯᠢ ᠪᠠᠷᠢᠮᠲᠠᠯᠠᠬᠤ ᠬᠡᠷᠡᠭᠲᠡᠢ
ᠵᠢᠩᠬᠢᠨᠢ ᠬᠣᠭᠣᠯᠠᠨ ᠲᠢᠩᠬᠢᠮᠢ ᠰᠣᠩᠭᠣᠨᠠ᠃ ᠭᠡᠷᠤᠨ ᠠᠬᠠᠮᠠᠳ ᠬᠤᠭᠤᠯᠠᠨ ᠭᠡᠷᠤᠨ ᠢᠳᠡᠭᠡᠨᠤ ᠡᠵᠡᠩᠨᠡᠯᠲᠡ ᠵᠢᠨ ᠵᠥᠪᠰᠢᠶᠡᠷᠡᠯᠤᠨ ᠦᠨᠡᠮᠯᠡᠯᠢ ᠪᠠᠶ᠋ᠢᠴᠠᠭ᠋ᠠᠨ ᠦᠵᠡᠬᠦ ᠵᠢ ᠠᠩᠬᠠᠷᠴᠤ᠂ ᠠᠷᠢᠭᠤᠨ ᠴᠡᠪᠡᠷᠤᠨ ᠨᠥᠬᠦᠴᠡᠯ ᠰᠠᠶ᠋ᠢᠨ᠂ ᠢᠲᠡᠭᠡᠮᠵᠢ ᠵᠢᠨ ᠬᠡᠮᠵᠢᠶᠡ ᠥᠨᠳᠥᠷ᠂ ᠢᠳᠡᠭᠡᠨ ᠤᠮᠳᠠᠭ᠋ᠠᠨᠤ ᠦᠢ᠍ᠯᠡᠴᠢᠯᠡᠭᠡᠨᠤ ᠢᠳᠡᠭᠡᠨᠤ ᠠᠮᠤᠷ ᠲᠦᠪᠰᠢᠨᠤ ᠬᠢᠨᠠᠯᠲᠠ ᠬᠡᠮᠵᠢᠯᠲᠡ ᠵᠢᠨ ᠵᠡᠷᠭᠡ ᠳᠡᠰ ᠥᠨᠳᠥᠷ ᠪᠠ 《ᠠᠷᠢᠭᠤᠨ ᠴᠡᠪᠡᠷ ᠲᠣᠭᠤᠭ᠋ᠠᠨ ᠭᠡᠷ》ᠢ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠬᠤᠭᠤᠯᠠᠨ ᠭᠡᠷᠢ ᠰᠣᠩᠭᠤᠬᠤ ᠬᠡᠷᠡᠭᠲᠡᠶ᠃
ᠡᠷᠡᠭᠦᠯ ᠮᠡᠨᠳᠦᠪᠠᠷ ᠬᠣᠭᠣᠯᠠᠯᠠᠬᠤ ᠠᠵᠢᠯᠯᠠᠭᠠ ᠵᠢ ᠬᠥᠮᠥᠵᠢᠭᠦᠯᠦᠨᠡ᠃ ᠬᠤᠭᠤᠯᠠ ᠢᠳᠡᠭᠦᠯᠬᠦᠳᠡᠭᠡᠨ ᠠᠩᠬᠠᠷᠤᠯ ᠵᠶ᠋ᠠᠨ ᠲᠥᠪᠯᠡᠷᠡᠭᠦᠯᠵᠦ᠂ ᠨᠠᠭ᠋ᠠᠳᠴᠤ ᠲᠣᠭᠯᠠᠵᠤ᠂ ᠦᠢ᠍ᠮᠡᠯᠳᠦᠵᠦ ᠴᠠᠴᠠᠵᠤ ᠬᠠᠬᠠᠬᠤ ᠵᠡᠷᠭᠡ ᠭᠡᠨᠡᠳᠲᠡ ᠵᠢᠨ ᠬᠡᠷᠡᠭ ᠭᠠᠷᠬᠤᠠᠴᠠ ᠰᠡᠷᠭᠡᠶ᠋ᠢᠯᠡᠬᠦ ᠬᠡᠷᠡᠭᠲᠡᠢ᠃ ᠨᠡᠶ᠋ᠢᠲᠡ ᠵᠢᠨ ᠰᠠᠪᠬᠠ ᠨᠡᠶ᠋ᠢᠲᠡ ᠵᠢᠨ ᠰᠢᠨᠠᠭᠠ ᠬᠡᠷᠡᠭᠯᠡᠵᠦ᠂ ᠲᠤᠰᠠᠭ᠋ᠠᠷ ᠬᠣᠭᠣᠯᠠ ᠢᠳᠡᠭᠦᠯᠬᠦ ᠵᠢ ᠵᠣᠷᠢᠭᠵᠢᠭᠤᠯᠤᠨᠠ᠃ ᠬᠡᠦᠬᠡᠳ ᠪᠠᠭ᠋ᠠᠴᠤᠳᠲᠤ ᠠᠶᠠᠭᠠ ᠰᠠᠪᠬᠠ ᠵᠢ ᠵᠥᠪ ᠬᠡᠷᠡᠭᠯᠡᠭᠦᠯᠵᠦ᠂ ᠢᠳᠡᠰᠢ ᠰᠢᠯᠢᠬᠦ ᠥᠬᠡᠶ᠂ ᠬᠤᠭᠤᠯᠠ ᠭᠣᠯᠣᠬᠤ ᠥᠬᠡᠶ᠂ ᠨᠠᠷᠢᠨ ᠵᠠᠵᠢᠯᠵᠤ ᠤᠳᠠᠭ᠋ᠠᠨ ᠵᠠᠯᠭᠢᠬᠤ᠂ ᠬᠡᠲᠦᠷᠬᠡᠢ ᠢᠳᠡᠭᠦᠯᠬᠦ ᠥᠬᠡᠶ᠂ ᠢᠳᠡᠭᠡᠨ ᠪᠦᠷᠢᠯᠭᠡᠬᠦ ᠥᠬᠡᠶ ᠵᠡᠷᠭᠡ ᠢᠳᠡᠭᠡᠨ ᠤᠮᠳᠠᠭ᠋ᠠᠨᠤ ᠦᠢ᠍ᠯᠡ ᠠᠵᠢᠯᠯᠠᠭᠠ ᠵᠢ ᠪᠣᠶ ᠪᠣᠯᠭ᠋ᠠᠬᠤ ᠬᠡᠷᠡᠭᠲᠡᠶ᠃ ᠡᠭᠦᠨᠤ ᠬᠠᠮᠲᠤ᠂ ᠭᠡᠷᠤᠨ ᠠᠬᠠᠮᠠᠳ ᠬᠡᠦᠬᠡᠳ ᠵᠶ᠋ᠠᠨ ᠰᠠᠶ᠋ᠢᠲᠤᠷ ᠬᠠᠷᠠᠭ᠋ᠠᠯᠵᠠᠵᠤ᠂ ᠬᠤᠭᠤᠯᠠᠨ ᠰᠢᠷᠡᠭᠡᠨᠤ ᠶᠣᠰᠣ ᠵᠢᠷᠤᠮᠢ ᠠᠩᠬᠠᠷᠴᠤ᠂ ᠬᠡᠦᠬᠡᠳᠢ ᠬᠤᠭᠤᠯᠠᠨ ᠭᠡᠷᠤᠨ ᠳᠣᠲᠣᠷᠠ ᠳᠤᠷᠠᠪᠠᠷ ᠵᠶ᠋ᠠᠨ ᠭᠦᠶᠦᠯᠭᠡᠵᠦ ᠪᠣᠯᠬᠤ ᠦᠭᠡᠢ ᠭᠡᠵᠦ ᠰᠠᠨᠠᠭᠤᠯᠵᠤ ᠪᠠᠶ᠋ᠢᠨᠠ᠃ ᠣᠢ᠌ᠴᠢᠬᠤ ᠪᠤᠶᠤ ᠬᠠᠯᠠᠭ᠋ᠠᠬᠤᠠᠴᠠ ᠰᠡᠷᠭᠡᠢ᠌ᠯᠡᠬᠦ ᠬᠡᠷᠡᠭᠲᠡᠢ᠃
ᠣᠨᠴᠠᠭ᠋ᠠᠶ᠋ᠢᠯᠠᠨ ᠠᠩᠬᠠᠷᠬᠤ ᠴᠢᠬᠤᠯᠠᠲᠠᠢᠨᠢ᠄ ᠠᠯᠢᠪᠠ ᠢᠳᠡᠭᠡᠨ ᠪᠦᠷ ᠬᠡᠦᠬᠡᠳᠳᠤ ᠲᠣᠬᠢᠷᠠᠬᠤ ᠪᠢᠰᠢ
ᠬᠡᠭᠡᠷᠡ ᠵᠢᠨ ᠨᠤᠭ᠍ᠤᠭᠠ ᠬᠡᠭᠡᠷᠡ ᠵᠢᠨ ᠵᠢᠮᠢᠰᠢ ᠢᠳᠡᠭᠦᠯᠬᠦ ᠦᠭᠡᠢ᠃ ᠡᠬᠡ ᠪᠠᠶ᠋ᠢᠭ᠋ᠠᠯᠢ ᠪᠣᠯ ᠬᠡᠦᠬᠡᠳᠤᠨ ᠦᠰᠦᠨ ᠪᠤᠶ᠋ᠢᠵᠢᠯᠲᠠ ᠵᠢᠨ ᠥᠯᠥᠭᠡᠶ ᠮᠥᠨ᠂ ᠬᠠᠮᠤᠭᠤᠨ ᠠᠮᠢᠳᠤᠯᠢᠭ ᠰᠤᠷᠬᠤ ᠪᠢᠴᠢᠭ ᠮᠥᠨ᠃ ᠪᠢᠴᠢᠬᠠᠨ ᠨᠠᠶ᠋ᠢᠵᠠ ᠨᠠᠷᠤᠨ ᠥᠩᠭᠡ᠂ ᠬᠡᠯᠪᠡᠷᠢ ᠳᠦᠷᠰᠦᠨᠢ ᠣᠯᠠᠨ ᠶᠠᠩᠵᠤ ᠵᠢᠨ ᠬᠡᠭᠡᠷᠡ ᠵᠢᠨ ᠨᠣᠭᠤᠭᠠ᠂ ᠬᠡᠭᠡᠷᠡ ᠵᠢᠨ ᠵᠢᠮᠢᠰ᠂ ᠬᠡᠭᠡᠷᠡ ᠵᠢᠨ ᠮᠥᠭᠦ ᠵᠡᠷᠭᠡᠳᠤ ᠲᠠᠲᠠᠭᠳᠠᠳᠠᠭ᠃ ᠬᠡᠷᠪᠡ ᠳᠤᠷᠠᠪᠠᠷ ᠵᠶ᠋ᠠᠨ ᠲᠡᠭᠦᠵᠦ ᠠᠪᠬᠤ ᠵᠢᠨ ᠬᠠᠮᠲᠤ ᠢᠳᠡᠪᠡᠯ᠂ ᠬᠣᠣᠷᠳᠠᠯᠭᠠ ᠵᠡᠷᠭᠡ ᠬᠦᠨᠳᠦ ᠨᠣᠴᠢᠲᠠᠢ ᠦᠷᠡ ᠳ᠋ᠦᠩ ᠭᠠᠷᠴᠤ ᠮᠡᠳᠡᠨᠡ᠃ ᠭᠡᠷᠤᠨ ᠠᠬᠠᠮᠠᠳᠨᠢ ᠬᠡᠦᠬᠡᠳ ᠵᠶ᠋ᠠᠨ ᠳᠤᠷᠠᠪᠠᠷ ᠵᠶ᠋ᠠᠨ ᠲᠡᠭᠦᠬᠦ ᠪᠠ ᠢᠳᠡᠵᠦ ᠪᠣᠯᠬᠤ ᠦᠭᠡᠶ ᠭᠡᠵᠦ ᠤᠷᠢᠳᠴᠢᠯᠠᠨ ᠬᠥᠮᠥᠵᠢᠭᠦᠯᠬᠦ ᠬᠡᠷᠡᠭᠲᠡᠢ᠃
ᠣᠨᠴᠠᠭ᠋ᠠᠢ ᠬᠡᠯᠪᠡᠷᠢ ᠳᠦᠷᠰᠦᠲᠠᠢ ᠢᠳᠡᠭᠡᠨᠢ ᠬᠡᠷᠰᠡᠦᠯᠡᠵᠦ ᠢᠳᠡᠭᠦᠯᠬᠦ ᠬᠡᠷᠡᠭᠲᠡᠢ᠃ ᠬᠡᠦᠬᠡᠳᠤᠨ ᠵᠠᠯᠭᠢᠬᠤ ᠵᠡᠷᠭᠡ ᠪᠡᠶᠡ ᠵᠢᠨ ᠴᠢᠳᠠᠪᠤᠷᠢ ᠵᠢᠨ ᠪᠤᠶ᠋ᠢᠵᠢᠯᠲᠠ ᠬᠠᠷᠠᠬᠠᠨ ᠲᠡᠭᠦᠯᠳᠡᠷᠵᠢᠭᠡᠳᠦᠢ᠂ ᠮᠥᠬᠦᠯᠢᠭ᠂ ᠬᠥᠯᠳᠡᠭᠦᠦ᠂ ᠵᠢᠭ᠋ᠠᠰᠤᠨᠤ ᠲᠥᠷᠥᠯ ᠪᠠ ᠨᠠᠭ᠋ᠠᠯᠳᠤᠮᠠᠬᠠᠢ ᠴᠢᠨᠠᠷ ᠵᠶ᠋ᠠᠷ ᠨᠡᠯᠢᠶᠡᠳ ᠶᠡᠭᠡ ᠢᠳᠡᠭᠡᠨ ᠢᠳᠡᠭᠦᠯᠬᠦ ᠦᠶᠡᠳᠤ ᠭᠡᠷᠤᠨ ᠠᠬᠠᠮᠠᠳ ᠬᠠᠵᠠᠭᠤᠳᠤᠨᠢ ᠬᠠᠷᠠᠵᠤ ᠬᠠᠷᠠᠭ᠋ᠠᠯᠵᠠᠬᠤ ᠪᠠ ᠵᠢᠯᠣᠭᠤᠳᠴᠤ᠂ ᠰᠠᠨᠠᠭ᠋ᠠᠨᠳᠤ ᠦᠭᠡᠢ ᠬᠡᠷᠡᠭ ᠭᠠᠷᠬᠤᠠᠴᠠ ᠰᠡᠷᠭᠡᠶ᠋ᠢᠯᠡᠨᠡ᠃ ᠢᠯᠠᠩᠭᠤᠶᠠ ᠬᠥᠳᠡᠯᠭᠡᠭᠡᠨ ᠪᠤᠶᠤ ᠲᠣᠭᠯᠠᠭ᠋ᠠᠮ ᠬᠢᠬᠦ ᠦᠶᠡᠳᠤ ᠶᠠᠭᠤᠮᠠ ᠢᠳᠡᠭᠦᠯᠵᠦ ᠪᠣᠯᠬᠤ ᠦᠭᠡᠢ᠃ ᠬᠡᠦᠬᠡᠳᠤᠨ ᠮᠡᠳᠡᠷᠡᠯᠤᠨ ᠬᠥᠭᠡᠷᠦᠯᠲᠡ ᠡᠭᠦᠰᠬᠡᠳᠡᠭ ᠰᠫᠢᠷᠲ ᠠᠭᠤᠯᠤᠭᠰᠠᠨ ᠢᠳᠡᠭᠡᠨ ᠪᠤᠶᠤ ᠤᠮᠳᠠᠭ᠋ᠠᠨᠲᠠᠢ ᠣᠶ᠋ᠢᠷᠠᠳᠬᠤ ᠵᠢ ᠴᠢᠩᠭᠠ ᠬᠤᠷᠢᠭᠯᠠᠬᠤ ᠬᠡᠷᠡᠭᠲᠡᠢ᠃
ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠵᠣᠬᠢᠶᠠᠭᠴᠢ
ᠮᠠ ᠭᠤᠸᠠᠨ ᠱᠧᠩ ᠪᠡᠭᠡᠵᠢᠩ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠣᠯᠠᠨ ᠨᠡᠶ᠋ᠢᠲᠡ ᠵᠢᠨ ᠡᠷᠡᠭᠦᠯ ᠬᠠᠮᠠᠭ᠋ᠠᠯᠠᠯᠤᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠫᠷᠣᠹᠧᠰᠰᠣᠷ
ᠾᠥᠸᠧ ᠵᠢᠶᠦ᠋ᠨ ᠱᠧᠩ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪᠡᠳᠴᠢᠨ ᠡᠮᠭᠡᠭᠢ ᠰᠡᠷᠭᠡᠶ᠋ᠢᠯᠡᠨ ᠬᠢᠵᠠᠭ᠋ᠠᠷᠯᠠᠬᠤ ᠲᠥᠪᠤᠨ ᠰᠢᠮᠡ ᠲᠡᠵᠢᠭᠡᠯ ᠪᠣᠯᠤᠨ ᠡᠷᠡᠭᠦᠯ ᠮᠡᠨᠳᠦ ᠵᠢᠨ ᠭᠠᠵᠠᠷᠤᠨ ᠰᠤᠳᠤᠯᠤᠭᠴᠢ
ᠭᠣᠣ ᠵᠢᠶᠧ ᠾᠧᠪᠧᠢ ᠵᠢᠨ ᠲᠠᠷᠢᠶᠠᠯᠠᠩᠤᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠢᠳᠡᠭᠡᠨᠤ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯᠤᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠳᠡᠳ᠋ ᠫᠷᠣᠹᠧᠰᠰᠣᠷ
