ᠡᠬᠡ ᠭᠠᠵᠠᠷ ᠬᠠᠪᠤᠷ ᠤᠨ ᠥᠩᠭᠡ ᠪᠠᠷ ᠪᠢᠯᠬᠠᠵᠤ᠂ ᠯᠦᠩᠵᠢᠩ ᠴᠠᠢ᠂ ᠪᠢ ᠯᠥᠸᠧ ᠴᠦᠠ᠂ ᠬᠤᠸᠠᠩ ᠱᠠᠨ ᠮᠣᠤ ᠹᠧᠩ ᠵᠡᠷᠭᠡ ᠨᠠᠷᠠᠲᠤ ᠰᠢᠯᠢᠳᠡᠭ ᠬᠠᠪᠤᠷ ᠤᠨ ᠨᠣᠭᠤᠭᠠᠨ ᠴᠠᠢ ᠵᠠᠬᠠ ᠳᠡᠯᠭᠡᠭᠦᠷ ᠲᠤ ᠭᠠᠷᠬᠤ ᠴᠠᠭ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠬᠠᠪᠤᠷ ᠤᠨ ᠨᠣᠭᠤᠭᠠᠨ ᠴᠠᠢ ᠨᠢ ᠠᠩᠬᠢᠯᠤᠮᠠ ᠰᠠᠶᠢᠬᠠᠨ ᠦᠨᠦᠷ ᠠᠮᠲᠠ ᠲᠠᠢ ᠪᠥᠭᠡᠳ ᠨᠡᠶᠢᠳᠡᠮ ᠳᠤ ᠪᠠᠨ ᠵᠤᠨ ᠨᠠᠮᠤᠷ ᠤᠨ ᠴᠠᠢ ᠠᠴᠠ ᠳᠠᠪᠠᠭᠤᠯᠢᠭ ᠣᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ᠃ ᠴᠠᠢ ᠳᠤ ᠣᠯᠠᠨ ᠵᠦᠢᠯ ᠤᠨ ᠪᠢᠣᠯᠣᠭᠢ ᠶᠢᠨ ᠢᠳᠡᠪᠬᠢ ᠲᠠᠢ ᠪᠦᠷᠢᠯᠳᠦᠬᠦᠨ ᠠᠭᠤᠯᠤᠭᠳᠠᠳᠠᠭ᠂ ᠲᠤᠬᠠᠶᠢᠯᠠᠪᠠᠯ ᠴᠠᠢ ᠶᠢᠨ ᠣᠯᠠᠨ ᠹᠧᠨᠤᠯ᠂ ᠴᠠᠢ ᠶᠢᠨ ᠰᠢᠪᠲᠦᠷᠲᠦ ᠬᠦᠴᠢᠯ᠂ ᠴᠠᠢ ᠶᠢᠨ ᠰᠢᠬᠢᠷ ᠵᠡᠷᠭᠡ ᠠᠭᠤᠯᠠᠳᠠᠭ ᠪᠣᠯᠬᠤᠷ ᠢᠰᠦᠯᠳᠦᠬᠦ ᠶᠢ ᠡᠰᠡᠷᠭᠦᠴᠡᠬᠦ᠂ ᠶᠠᠳᠠᠷᠠᠭᠠ ᠶᠢ ᠠᠷᠢᠯᠭᠠᠬᠤ᠂ ᠣᠯᠠᠨ ᠵᠦᠢᠯ ᠤᠨ ᠰᠣᠯᠢᠯᠴᠠᠭᠠᠨ ᠤ ᠡᠪᠡᠳᠴᠢᠨ ᠡᠮᠭᠡᠭ ᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠵᠡᠷᠭᠡ ᠴᠢᠳᠠᠪᠬᠢ ᠲᠠᠢ ᠪᠣᠯᠬᠤᠷ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠤᠤᠭᠤᠪᠠᠯ ᠪᠡᠶᠡ ᠮᠠᠬᠠᠪᠣᠳ ᠤᠨ ᠡᠷᠡᠭᠦᠯ ᠴᠢᠭᠢᠷᠠᠭ ᠢ ᠶᠡᠬᠡᠪᠡᠷ ᠠᠬᠢᠭᠤᠯᠵᠤ ᠴᠢᠳᠠᠳᠠᠭ᠃ ᠭᠡᠪᠡᠴᠦ ᠲᠡᠭᠦᠬᠦ ᠴᠠᠭ᠂ ᠡᠳ᠋ᠰᠢᠭᠦᠯᠬᠦ ᠮᠡᠷᠭᠡᠵᠢᠯ ᠵᠡᠷᠭᠡ ᠬᠦᠴᠦᠨ ᠵᠦᠢᠯ ᠤᠨ ᠨᠥᠯᠥᠭᠡ ᠠᠴᠠ ᠪᠣᠯᠵᠣ᠂ ᠬᠠᠪᠤᠷ ᠤᠨ ᠨᠣᠭᠤᠭᠠᠨ ᠴᠠᠢ ᠶᠢᠨ ᠶᠠᠰᠤ ᠴᠢᠨᠠᠷ ᠨᠢ ᠲᠡᠭᠰᠢ ᠪᠤᠰᠤ᠂ ᠦᠨᠡ ᠬᠠᠩᠰᠢ ᠶᠢᠨ ᠲᠠᠯᠠ ᠪᠠᠷ ᠮᠠᠰᠢ ᠶᠡᠭᠡ ᠵᠥᠷᠢᠶᠡ ᠲᠠᠢ ᠪᠠᠶᠢᠳᠠᠭ᠃ ᠰᠣᠩᠭᠤᠵᠤ ᠬᠤᠳᠠᠯᠳᠤᠨ ᠠᠪᠬᠤ ᠳᠠᠭᠠᠨ ᠨᠢᠭᠡ ᠳᠤ ᠠᠵᠢᠭᠯᠠᠬᠤ᠂ ᠬᠤᠶᠠᠷ ᠲᠤ ᠲᠡᠮᠲᠡᠷᠢᠬᠦ᠂ ᠭᠤᠷᠪᠠ ᠳᠤ ᠠᠮᠲᠠᠯᠠᠬᠤ᠂ ᠳᠥᠷᠪᠡ ᠳᠤ ᠦᠨᠦᠷᠯᠡᠬᠦ ᠪᠠᠷ ᠥᠩᠭᠡ᠂ ᠠᠮᠲᠠ᠂ ᠬᠡᠯᠪᠡᠷᠢ ᠳᠦᠷᠰᠦ ᠨᠢ ᠪᠦᠷᠢᠨ ᠰᠠᠶᠢᠨ ᠬᠠᠪᠤᠷ ᠤᠨ ᠴᠠᠢ ᠰᠣᠩᠭᠤᠵᠤ ᠪᠣᠯᠣᠨᠠ᠃
ᠨᠢᠭᠡ᠄ ᠠᠵᠢᠭᠯᠠᠬᠤ
ᠭᠤᠣᠯᠳᠠᠭᠤ ᠴᠠᠢ ᠶᠢᠨ ᠭᠠᠳᠠᠷ ᠳᠥᠷᠬᠦ᠂ ᠴᠠᠢ ᠤᠰᠤᠨ ᠤ ᠥᠩᠭᠡ ᠪᠣᠯᠤᠨ ᠳᠡᠪᠲᠦᠭᠡᠭᠳᠡᠭᠰᠡᠨ ᠨᠠᠪᠴᠢ ᠶᠢ ᠠᠵᠢᠭᠯᠠᠨᠠ᠃ ᠴᠠᠢ ᠶᠢ ᠰᠣᠩᠭᠤᠵᠤ ᠬᠤᠳᠠᠯᠳᠤᠨ ᠠᠪᠬᠤ ᠳᠤ ᠪᠠᠨ ᠬᠠᠷᠠᠭᠠᠨ ᠤ ᠰᠡᠷᠡᠯ ᠨᠢ ᠴᠢᠬᠤᠯᠠ ᠪᠠᠶᠢᠷᠢ ᠰᠠᠭᠤᠷᠢ ᠶᠢ ᠡᠵᠡᠯᠡᠵᠦ᠂ ᠵᠣᠬᠢᠬᠤ ᠬᠡᠮᠵᠢᠶᠡ ᠪᠠᠷ ᠴᠠᠢ ᠪᠦᠷᠢᠵᠦ᠂ ᠴᠠᠢ ᠪᠣᠯᠤᠨ ᠳᠡᠪᠲᠦᠭᠡᠭᠳᠡᠭᠰᠡᠨ ᠨᠠᠪᠴᠢ ᠶᠢ ᠨᠠᠷᠢᠨ ᠠᠵᠢᠭᠯᠠᠬᠤ ᠶᠢᠨ ᠬᠠᠮᠲᠤ ᠠᠯᠢ ᠴᠢᠳᠠᠬᠤ ᠪᠠᠷ ᠠᠳᠠᠯᠢ ᠭᠡᠷᠡᠯ ᠲᠤᠰᠤᠯᠲᠠ ᠪᠦᠬᠦᠢ ᠨᠥᠬᠦᠴᠡᠯ ᠳᠣᠣᠷᠠ ᠠᠵᠢᠭᠯᠠᠬᠤ ᠬᠡᠷᠡᠭᠲᠡᠢ᠃
1. ᠭᠠᠳᠠᠷ ᠪᠠᠶᠢᠳᠠᠯ ᠢ ᠠᠵᠢᠭᠯᠠᠨᠠ᠃ ᠡᠭᠦᠨ ᠳᠤ ᠬᠡᠯᠪᠡᠷᠢ ᠳᠦᠷᠰᠦ᠂ ᠰᠣᠷᠭᠤᠭ ᠡᠰᠡᠬᠦ᠂ ᠥᠩᠭᠡ ᠪᠤᠳᠤᠭ᠂ ᠵᠢᠭᠳᠡ ᠪᠦᠷᠢᠨ ᠡᠰᠡᠬᠦ᠂ ᠴᠡᠪᠡᠷᠴᠡ ᠶᠢᠨ ᠬᠡᠮᠵᠢᠶᠡ ︵ᠬᠤᠯᠢᠯᠳᠤᠭᠰᠠᠨ ᠪᠣᠳᠠᠰ ᠤᠨ ᠠᠭᠤᠯᠤᠭᠳᠠᠴᠠ︶ ᠵᠡᠷᠭᠡ ᠃ ᠨᠢᠯᠵᠠᠷᠠᠢ ᠵᠥᠭᠡᠯᠡᠨ ᠴᠠᠢ ᠶᠢᠨ ᠨᠠᠬᠢᠶᠠ ᠨᠢ ᠨᠠᠷᠢᠨ ᠦᠰᠤ ᠲᠠᠢ᠂ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠᠬᠢ ᠴᠠᠢ ᠶᠢ ᠴᠠᠢ ᠶᠢᠨ ᠰᠣᠷ ᠭᠡᠳᠡᠭ᠃ ᠨᠣᠭᠤᠭᠠᠨ ᠴᠠᠢ ᠶᠢᠨ ᠰᠣᠷ ᠨᠢ ᠮᠥᠩᠭᠦᠨ ᠴᠠᠭᠠᠨ ᠥᠩᠭᠡ ᠲᠠᠢ ᠪᠥᠭᠡᠳ ᠴᠠᠢ ᠶᠢᠨ ᠰᠣᠷ ᠨᠢ ᠬᠡᠳᠦᠢ ᠠᠷᠪᠢᠨ ᠪᠣᠯ ᠲᠡᠳᠦᠢ ᠰᠢᠨᠡ ᠰᠣᠷᠭᠤᠭ ᠭᠡᠳᠡᠭ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠭᠠ ᠪᠥᠭᠡᠳ ᠭᠠᠳᠠᠷ ᠲᠠᠯᠠ ᠠᠴᠠ ᠴᠠᠢ ᠶᠢᠨ ᠨᠠᠪᠴᠢ ᠶᠢ ᠢᠯᠭᠠᠨ ᠲᠠᠨᠢᠬᠤ ᠴᠢᠬᠤᠯᠠ ᠠᠷᠭᠠ ᠪᠠᠷᠢᠯ ᠤᠨ ᠨᠢᠭᠡ ᠨᠢ ᠪᠣᠯᠤᠨᠠ᠃
2. ᠴᠠᠢ ᠤᠰᠤᠨ ᠤ ᠥᠩᠭᠡ ᠶᠢ ᠠᠵᠢᠭᠯᠠᠨᠠ᠃ ᠴᠠᠢ ᠪᠦᠷᠢᠭᠰᠡᠨ ᠤ ᠳᠠᠷᠠᠭᠠᠬᠢ ᠴᠠᠢ ᠤᠰᠤᠨ ᠤ ᠥᠩᠭᠡ᠂ ᠭᠡᠷᠡᠯᠲᠦᠭᠦᠯᠭᠡ ᠶᠢᠨ ᠬᠡᠮᠵᠢᠶᠡ᠂ ᠪᠤᠯᠠᠩᠭᠢᠷ ᠤᠨ ᠪᠠᠶᠢᠳᠠᠯ ᠵᠡᠷᠭᠡ ᠶᠢ ᠠᠵᠢᠭᠯᠠᠨᠠ᠂ ᠴᠠᠢ ᠤᠰᠤ ᠨᠢ ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠲᠤᠩᠭᠠᠯᠠᠭ ᠭᠡᠭᠡᠨ ᠪᠠᠶᠢᠪᠠᠯ ᠰᠠᠶᠢᠨ᠃ ᠨᠤᠭᠤᠭᠠᠨ ᠴᠠᠢ ᠶᠢᠨ ᠴᠠᠢ ᠤᠰᠤᠨ ᠤ ᠥᠩᠭᠡ ᠨᠢ ᠨᠢᠯᠬᠠ ᠨᠣᠭᠤᠭᠠᠨ᠂ ᠵᠦᠬᠡᠯᠡᠨ ᠰᠢᠷᠠ᠂ ᠨᠣᠭᠤᠭᠠᠨ ᠥᠩᠭᠡ ᠲᠠᠢ ᠲᠤᠩᠭᠠᠯᠠᠭ ᠭᠡᠭᠡᠨ ᠪᠣᠯ ᠰᠠᠶᠢᠨ ᠴᠠᠢ ᠳᠤ ᠣᠷᠣᠨᠠ᠃ ᠵᠠᠷᠢᠮ ᠰᠢᠨᠡ ᠴᠠᠢ ᠳᠤ ᠮᠠᠰᠢ ᠣᠯᠠᠨ ᠴᠠᠢ ᠶᠢᠨ ᠰᠣᠷ ᠠᠭᠤᠯᠤᠭᠳᠠᠳᠠᠭ ᠪᠥᠭᠡᠳ ᠴᠠᠢ ᠤᠰᠤᠨ ᠤ ᠳᠡᠭᠡᠳᠦ ᠳᠠᠪᠬᠤᠷ ᠲᠤ ᠨᠢᠮᠭᠡᠨ ᠰᠣᠷ ᠬᠥᠪᠦᠭᠰᠡᠨ ᠪᠠᠶᠢᠳᠠᠭ᠂ ᠡᠨᠡ ᠨᠢ ᠮᠥᠨ ᠴᠤ ᠰᠠᠶᠢᠨ ᠴᠠᠢ ᠶᠢᠨ ᠨᠢᠭᠡ ᠪᠠᠷᠢᠮᠵᠢᠶᠠ ᠮᠥᠨ᠃
3. ᠳᠡᠪᠲᠦᠭᠡᠭᠳᠡᠭᠰᠡᠨ ᠨᠠᠪᠴᠢ ᠶᠢ ᠠᠵᠢᠭᠯᠠᠨᠠ᠃ ᠴᠠᠢ ᠪᠦᠷᠢᠭᠰᠡᠨ ᠤ ᠳᠠᠷᠠᠭᠠᠬᠢ ᠳᠡᠪᠲᠦᠭᠡᠭᠳᠡᠭᠰᠡᠨ ᠨᠠᠪᠴᠢ ᠶᠢᠨ ᠵᠥᠭᠡᠯᠡᠨ᠂ ᠥᠩᠭᠡ ᠪᠤᠳᠤᠭ᠂ ᠪᠦᠷᠢᠨ ᠪᠦᠲᠦᠨ ᠬᠡᠮᠵᠢᠶᠡ ᠪᠣᠯᠤᠨ ᠵᠢᠭᠳᠡ ᠴᠢᠨᠠᠷ ᠵᠡᠷᠭᠡ ᠶᠢ ᠠᠵᠢᠭᠯᠠᠪᠠᠯ ᠥᠩᠭᠡ ᠨᠢ ᠵᠢᠭᠳᠡ ᠲᠤᠩᠭᠠᠯᠠᠭ᠂ ᠬᠡᠯᠪᠡᠷᠢ ᠨᠢ ᠪᠦᠷᠢᠨ ᠪᠦᠲᠦᠨ᠂ ᠵᠥᠭᠡᠯᠡᠨ ᠪᠠᠶᠢᠪᠠᠯ ᠰᠠᠶᠢᠨ ᠴᠠᠢ ᠳᠤ ᠣᠷᠣᠨᠠ᠃ ᠨᠠᠷᠠᠲᠦ ᠰᠢᠯᠢᠳᠡᠭ ᠨᠤᠭᠤᠭᠠᠨ ᠴᠠᠢ ᠨᠢ ᠶᠡᠷᠦ ᠳᠤ ᠪᠠᠨ ᠳᠠᠩ ᠨᠠᠬᠢᠶᠠ ᠠᠴᠠ ᠨᠢᠭᠡ ᠨᠠᠬᠢᠶᠠ ᠬᠤᠶᠠᠷ ᠨᠠᠪᠴᠢᠲᠤ ᠨᠠᠬᠢᠶᠠ ᠪᠠᠷ ᠲᠦᠭᠦᠬᠡᠢ ᠡᠳ᠋ ᠪᠣᠯᠭᠠᠵᠤ᠂ ᠵᠦᠭᠡᠯᠡᠨ ᠰᠣᠷᠭᠤᠭ᠂ ᠳᠡᠪᠲᠦᠭᠡᠭᠳᠡᠭᠰᠡᠨ ᠨᠠᠪᠴᠢ ᠨᠢ ᠵᠢᠭᠳᠡ ᠮᠥᠷᠲᠡᠭᠡᠨ ᠨᠠᠪᠴᠢ ᠨᠢ ᠭᠡᠭᠡᠨ ᠰᠣᠷᠭᠤᠭ ᠥᠩᠭᠡ ᠲᠠᠢ ᠪᠠᠶᠢᠳᠠᠭ᠃
ᠬᠤᠶᠠᠷ᠄ ᠲᠡᠮᠲᠡᠷᠢᠬᠦ
ᠭᠠᠷ ᠢᠶᠠᠷ ᠲᠡᠮᠲᠡᠷᠢᠵᠦ ᠴᠠᠢ ᠶᠢᠨ ᠭᠥᠯᠢᠭᠡᠷ᠂ ᠬᠠᠲᠠᠭᠤ ᠵᠥᠭᠡᠯᠡᠨ᠂ ᠴᠢᠭᠢᠭ ᠬᠠᠭᠤᠷᠠᠢ ᠶᠢᠨ ᠬᠡᠮᠵᠢᠶᠡ ᠵᠡᠷᠭᠡ ᠶᠢ ᠮᠠᠭᠠᠳᠯᠠᠵᠤ ᠪᠣᠯᠳᠠᠭ᠃ ᠬᠠᠭᠤᠷᠠᠢ ᠴᠠᠢ ᠶᠢ ᠲᠡᠮᠲᠡᠷᠢᠬᠦ ᠪᠠᠷ ᠳᠠᠮᠵᠢᠵᠤ ᠴᠠᠢ ᠶᠢᠨ ᠤᠰᠤᠨ ᠤ ᠠᠭᠤᠯᠤᠭᠳᠠᠴᠠ ᠶᠢᠨ ᠬᠡᠮᠵᠢᠶᠡ ᠨᠢ ᠬᠢᠷᠢ ᠲᠡᠩᠴᠡᠬᠦ ᠡᠰᠡᠬᠦ ᠶᠢ ᠠᠩᠬᠠ ᠠᠯᠬᠤᠮ ᠮᠠᠭᠠᠳᠯᠠᠵᠤ ᠪᠣᠯᠤᠨᠠ᠃ ᠬᠠᠲᠠᠭᠠᠭᠰᠠᠨ ᠬᠦᠬᠡ ᠨᠤᠭᠤᠭᠠᠨ ᠴᠠᠢ ᠠᠴᠠ ᠭᠠᠳᠠᠨᠠ᠂ ᠬᠠᠭᠤᠷᠠᠢ ᠨᠣᠭᠤᠭᠠᠨ ᠴᠠᠢ ᠶᠢᠨ ᠤᠰᠤᠨ ᠤ ᠠᠭᠤᠯᠤᠭᠳᠠᠴᠠ ᠨᠢ 7% ᠠᠴᠠ ᠲᠤᠤᠷᠠ ᠪᠠᠶᠢᠬᠤ ᠬᠡᠷᠡᠭᠲᠡᠢ᠂ ᠡᠶᠢᠮᠦ ᠴᠠᠢ ᠶᠢ ᠬᠤᠷᠤᠭᠤ ᠪᠠᠷ ᠢᠮᠡᠷᠪᠡᠯ ᠰᠤᠶᠢᠷᠠᠵᠤ ᠨᠤᠨᠳᠠᠭ ᠪᠣᠯᠳᠠᠭ᠃ ᠬᠡᠷᠪᠡ ᠴᠠᠢ ᠶᠢᠨ ᠤᠶᠠᠨ ᠬᠠᠲᠠᠨ ᠴᠢᠨᠠᠷ ᠨᠢ ᠢᠯᠡᠷᠬᠡᠢ᠂ ᠠᠮᠠᠷᠬᠠᠨ ᠰᠦᠢᠷᠡᠬᠦ ᠦᠭᠡᠢ ᠪᠣᠯ ᠬᠠᠭᠤᠷᠠᠢ ᠴᠠᠢ ᠶᠢᠨ ᠤᠰᠤᠨ ᠤ ᠠᠭᠤᠯᠤᠭᠳᠠᠴᠠ ᠨᠢ ᠬᠡᠲᠦ ᠥᠨᠳᠥᠷ ᠪᠣᠯᠬᠤᠷ ᠬᠠᠳᠠᠭᠠᠯᠠᠬᠤ ᠶᠠᠪᠤᠴᠠ ᠳᠤ ᠠᠮᠠᠷᠬᠠᠨ ᠴᠢᠨᠠᠷ ᠨᠢ ᠬᠤᠪᠢᠷᠠᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠨᠡᠷᠡᠲᠦ ᠰᠢᠯᠢᠳᠡᠭ ᠴᠠᠢ ᠶᠢᠨ ᠳᠡᠪᠲᠦᠭᠡᠭᠳᠡᠭᠰᠡᠨ ᠨᠠᠪᠴᠢ ᠶᠢ ᠲᠡᠮᠲᠡᠷᠢᠬᠦ ᠳᠤ ᠵᠥᠭᠡᠯᠡᠨ ᠪᠥᠭᠡᠳ ᠤᠶᠠᠨ ᠬᠠᠲᠠᠨ ᠪᠠᠶᠢᠵᠤ᠂ ᠳᠣᠣᠷᠠ ᠳᠡᠰ ᠤᠨ ᠴᠠᠢ ᠶᠢ ᠲᠡᠮᠲᠡᠷᠢᠬᠦ ᠳᠤ ᠨᠢᠮᠭᠡᠨ ᠪᠠᠶᠢᠳᠠᠭ᠃
ᠭᠤᠷᠪᠠ᠄ ᠦᠨᠦᠷᠯᠡᠬᠦ
ᠴᠠᠢ ᠶᠢᠨ ᠦᠨᠦᠷ ᠭᠡᠳᠡᠭ ᠨᠢ ᠪᠦᠷᠢᠭᠰᠡᠨ ᠤ ᠳᠠᠷᠠᠭᠠᠬᠢ ᠠᠩᠬᠢᠯᠤᠮᠠ ᠦᠨᠦᠷ ᠢ ᠵᠢᠭᠠᠵᠤ ᠪᠠᠶᠢᠨᠠ᠃ ᠰᠣᠩᠭᠤᠨ ᠬᠤᠳᠠᠯᠳᠤᠨ ᠠᠪᠬᠤ ᠳᠤ ᠪᠠᠨ ᠭᠤᠣᠯᠳᠠᠭᠤ ᠪᠦᠷᠢᠭᠰᠡᠨ ᠤ ᠳᠠᠷᠠᠭᠠᠬᠢ ᠴᠠᠢ ᠶᠢᠨ ᠦᠨᠦᠷ ᠤᠨ ᠴᠡᠪᠡᠷᠴᠡ ᠶᠢᠨ ᠪᠠᠶᠢᠳᠠᠯ᠂ ᠦᠨᠦᠷ᠂ ᠦᠨᠦᠷᠲᠦᠭᠳᠡᠬᠦ ᠬᠤᠭᠤᠴᠠᠭᠠ ᠵᠡᠷᠭᠡ ᠪᠠᠶᠢᠳᠠᠯ ᠢ ᠠᠵᠢᠭᠯᠠᠨᠠ᠃ ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠣᠣᠷᠠ ᠭᠤᠷᠪᠠᠨ ᠠᠯᠬᠤᠮ ᠢᠶᠠᠷ ᠦᠨᠦᠷᠯᠡᠳᠡᠭ᠂ ᠳᠠᠷᠤᠢ ᠬᠠᠯᠠᠭᠤᠨ ᠳᠤ ᠨᠢ ᠦᠨᠦᠷᠯᠡᠬᠦ᠂ ᠪᠦᠯᠢᠶᠡᠨ ᠳᠤ ᠨᠢ ᠦᠨᠦᠷᠯᠡᠬᠦ ᠪᠠ ᠬᠥᠷᠥᠭᠰᠡᠨ ᠤ ᠳᠠᠷᠠᠭᠠ ᠦᠨᠦᠷᠯᠡᠬᠦ᠂ ᠲᠤᠬᠠᠢᠯᠠᠪᠠᠯ ᠠᠳᠠᠯᠢ ᠪᠤᠰᠤ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠪᠠ ᠴᠠᠭ ᠬᠤᠭᠤᠴᠠᠭᠠ ᠳᠤ ᠴᠠᠢ ᠶᠢᠨ ᠠᠩᠬᠢᠯᠤᠮᠠ ᠦᠨᠦᠷ ᠤᠨ ᠣᠨᠴᠠᠯᠢᠭ ᠵᠢᠴᠢ ᠬᠤᠪᠢᠷᠠᠯᠲᠠ ᠶᠢ ᠲᠤᠰ ᠲᠤᠰ ᠠᠵᠢᠭᠯᠠᠨᠠ᠂ ᠡᠭᠦᠨ ᠳᠤ ᠬᠠᠯᠠᠭᠤᠨᠳᠤ ᠨᠢ ᠦᠨᠦᠷᠯᠡᠬᠦ ᠨᠢ ᠴᠡᠪᠡᠷᠴᠡ ᠶᠢᠨ ᠪᠠᠶᠢᠳᠠᠯ᠂ ᠪᠦᠯᠢᠶᠡᠨ ᠳᠤ ᠨᠢ ᠦᠨᠦᠷᠯᠡᠬᠦ ᠪᠣᠯ ᠦᠨᠦᠷ ᠤᠨ ᠲᠥᠷᠥᠯ ᠵᠦᠢᠯ᠂ ᠬᠥᠷᠥᠭᠰᠡᠨ ᠤ ᠳᠠᠷᠠᠭᠠ ᠦᠨᠦᠷᠯᠡᠬᠦ ᠨᠢ ᠦᠨᠦᠷᠲᠦᠭᠳᠡᠬᠦ ᠬᠤᠭᠤᠴᠠᠭᠠ ᠵᠡᠷᠭᠡ ᠶᠢ ᠢᠯᠭᠠᠨ ᠲᠠᠨᠢᠳᠠᠭ᠃ ᠡᠳᠦᠷ ᠲᠤᠲᠤᠮ ᠤᠨ ᠰᠣᠩᠭᠤᠨ ᠬᠤᠳᠠᠯᠳᠤᠨ ᠠᠪᠬᠤ ᠳᠤ ᠪᠠᠨ ᠪᠠᠭᠠ ᠬᠡᠮᠵᠢᠶᠡᠨ ᠤ ᠬᠠᠭᠤᠷᠠᠢ ᠴᠠᠢ ᠶᠢ ᠪᠤᠴᠠᠯᠤᠭᠰᠠᠨ ᠤᠰᠤ ᠪᠠᠷ ᠪᠦᠷᠢᠵᠦ ᠦᠨᠦᠷᠲᠦᠵᠦ ᠢᠯᠭᠠᠵᠤ ᠪᠣᠯᠣᠨᠠ᠃
ᠳᠥᠷᠪᠡ᠄ ᠠᠮᠰᠠᠬᠤ
ᠡᠳᠦᠷ ᠲᠤᠲᠤᠮ ᠴᠠᠢ ᠪᠦᠷᠢᠬᠦ ᠳᠤ ᠪᠤᠴᠠᠯᠤᠭᠰᠠᠨ ᠤᠰᠤ ᠶᠢ ᠬᠡᠷᠡᠭᠯᠡᠵᠦ᠂ ᠴᠠᠶ ᠶᠢᠨ ᠬᠡᠮᠵᠢᠶᠡ ᠪᠠᠨ ᠶᠡᠭᠡ ᠰᠢᠭ ᠪᠠᠶᠢᠯᠭᠠᠵᠤ᠂ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ ᠳᠡᠪᠲᠦᠭᠡᠬᠦ ᠬᠤᠭᠤᠴᠠᠭᠠ ᠶᠢ ᠦᠨᠡᠨᠬᠦ ᠪᠠᠲᠤᠯᠠᠵᠤ᠂ ᠡᠩ ᠤᠨ ᠪᠠᠶᠢᠳᠠᠯ ᠳᠤ 1 g᠄ 50mL ᠴᠠᠶ ᠤᠰᠤ ᠶᠢᠨ ᠬᠠᠷᠢᠴᠠᠯ ᠢᠶᠠᠷ᠂ ᠳᠡᠪᠲᠦᠭᠡᠬᠦ ᠬᠤᠭᠤᠴᠠᠭᠠ ᠶᠢ 3 ᠮᠢᠨᠦ᠋ᠲ ᠠᠴᠠ ᠳᠤᠲᠠᠭᠤ ᠦᠭᠡᠶ ᠪᠠᠶᠢᠯᠭᠠᠵᠤ᠂ ᠴᠠᠶ ᠶᠢᠨ ᠳᠣᠲᠣᠷᠠᠬᠢ ᠪᠣᠳᠠᠰ ᠢ ᠭᠦᠢᠴᠡᠳ ᠨᠡᠪᠴᠢᠭᠦᠯᠦᠨᠡ᠃ ᠠᠮᠲᠠᠯᠠᠬᠤ ᠳᠠᠭᠠᠨ ᠭᠤᠣᠯᠳᠠᠭᠤ ᠴᠠᠢ ᠤᠰᠤ ᠶᠢᠨ ᠠᠮᠲᠠ ᠶᠢᠨ ᠥᠳᠬᠡᠴᠡ᠂ ᠠᠮᠲᠠᠯᠢᠭ᠂ ᠰᠣᠷᠭᠤᠭ᠂ ᠭᠠᠰᠢᠭᠤᠨ ᠤ ᠬᠡᠮᠵᠢᠶᠡ ᠵᠡᠷᠭᠡ 4 ᠲᠠᠯᠠ ᠶᠢ ᠠᠩᠬᠠᠷᠳᠠᠭ᠃ ᠥᠳᠬᠡᠴᠡ ᠭᠡᠳᠡᠭ ᠨᠢ ᠴᠠᠢ ᠤᠰᠤᠨ ᠤ ᠠᠮᠲᠠ ᠶᠢᠨ ᠰᠡᠳᠡᠬᠦ ᠴᠢᠨᠠᠷ ᠢ ᠵᠢᠭᠠᠳᠠᠭ᠂ ᠠᠮᠲᠠᠯᠢᠭ ᠭᠡᠳᠡᠭ ᠨᠢ ᠴᠠᠢ ᠤᠰᠤᠨ ᠤ ᠰᠢᠬᠢᠷᠯᠢᠭ ᠪᠠ ᠰᠣᠷᠭᠤᠭ ᠠᠮᠲᠠᠯᠠᠭᠳᠠᠬᠤ ᠶᠢ ᠵᠢᠭᠠᠳᠠᠭ᠂ ᠭᠠᠰᠢᠭᠤᠨ ᠤ ᠬᠡᠮᠵᠢᠶᠡ ᠭᠡᠳᠡᠭ ᠨᠢ ᠭᠠᠰᠢᠭᠤᠨ ᠠᠮᠲᠠ ᠪᠣᠯᠣᠨ ᠡᠬᠡᠭᠦᠨ ᠠᠮᠲᠠ ᠶᠢ ᠵᠢᠭᠠᠳᠠᠭ᠃ ᠨᠡᠷᠡᠲᠦ ᠰᠢᠯᠢᠳᠡᠭ ᠰᠠᠶᠢᠨ ᠴᠠᠢ ᠶᠢᠨ ᠠᠮᠲᠠ ᠨᠢ ᠶᠡᠷᠦᠳᠡ ᠶᠢᠨ ᠪᠠᠶᠢᠳᠠᠯ ᠳᠤ ᠰᠢᠬᠢᠷᠯᠢᠭ ᠪᠠ ᠰᠣᠷᠭᠤᠭ ᠤᠨ ᠬᠡᠮᠵᠢᠶᠡ ᠨᠢ ᠥᠨᠳᠥᠷ ᠪᠠᠶᠢᠵᠤ᠂ ᠡᠬᠡᠭᠦᠨ ᠤ ᠬᠡᠮᠵᠢᠶᠡ ᠳᠣᠣᠷᠠ ᠪᠤᠶᠤ ᠡᠬᠡᠭᠦᠨ ᠠᠮᠲᠠ ᠦᠭᠡᠢ ᠪᠠᠶᠢᠳᠠᠭ᠃ ᠳᠡᠭᠡᠳᠦ ᠳᠡᠰ ᠤᠨ ᠴᠠᠢ ᠳᠤ ᠡᠬᠡᠭᠦᠨ ᠠᠮᠲᠠ ᠦᠭᠡᠢ ᠪᠠᠶᠢᠳᠠᠭ᠃ ᠥᠳᠬᠡᠴᠡ ᠶᠢᠨ ᠬᠡᠮᠵᠢᠶᠡ ᠪᠣᠯ ᠰᠠᠶᠢᠨ ᠴᠠᠢ ᠶᠢ ᠮᠠᠭᠠᠳᠯᠠᠬᠤ ᠪᠠᠷᠢᠮᠵᠢᠶᠠ ᠪᠢᠰᠢ᠂ ᠭᠡᠪᠡᠴᠦ ᠬᠡᠲᠦ ᠳᠣᠣᠷᠠ ᠥᠳᠬᠡᠴᠡ ᠶᠢᠨ ᠬᠡᠮᠵᠢᠶᠡ ᠲᠠᠢ ᠳᠣᠣᠷᠠ ᠪᠠᠶᠢᠵᠤ ᠪᠣᠯᠬᠤ ᠦᠭᠡᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠦᠨᠦᠷ ᠪᠣᠯᠤᠨ ᠠᠮᠲᠠ ᠨᠢ ᠡᠷᠬᠡᠪᠰᠢ ᠵᠣᠬᠢᠴᠠᠩᠭᠤᠢ ᠪᠠᠶᠢᠵᠤ᠂ ᠠᠮᠲᠠ ᠨᠢ ᠰᠤᠯᠠ ᠴᠠᠢ ᠶᠢᠨ ᠦᠨᠦᠷ ᠨᠢ ᠬᠡᠲᠦ ᠴᠢᠩᠭᠠ ᠪᠣᠯ ᠤᠤᠭᠤᠬᠤ ᠳᠤ ᠡᠪ ᠦᠭᠡᠢ ᠪᠠᠶᠢᠳᠠᠭ᠃ ᠰᠣᠩᠭᠤᠵᠤ ᠬᠤᠳᠠᠯᠳᠤᠨ ᠠᠪᠬᠤ ᠦᠶᠡᠰ ᠬᠡᠷᠡᠭᠯᠡᠭᠴᠢᠳ ᠪᠠᠰᠠ ᠥᠪᠡᠷ ᠢᠶᠠᠨ ᠠᠮᠰᠠᠵᠤ ᠥᠪᠡᠷ ᠤᠨ ᠲᠥᠷᠥᠭᠳᠡᠯ ᠢᠶᠠᠨ ᠦᠨᠳᠦᠰᠦᠯᠡᠬᠦ ᠬᠡᠷᠡᠭᠲᠡᠢ᠃