ᠵᠦᠭᠡᠷ ᠭᠠᠷ ᠤᠲᠠᠰᠤ ᠵᠠᠯᠭ᠋ᠠᠵᠤ ᠨᠡᠪᠳᠡᠷᠡᠭᠦᠯᠵᠦ ᠯᠡ ᠪᠠᠢ᠌ᠪᠠᠯ ᠨᠢᠭᠡ ᠴᠠᠭᠲᠤ 300 ᠲᠥᠭᠥᠷᠢᠭ ᠤᠯᠤᠨᠠ ᠭᠡᠪᠡᠯ ᠲᠠ ᠰᠡᠳᠬᠢᠯ ᠬᠥᠳᠡᠯᠦᠨᠡ ᠦᠦ？
ᠭᠡᠶᠡ ᠡᠨᠡ ᠬᠠᠷᠢᠨ ᠤᠨᠠᠭᠤᠯᠢ ᠪᠠᠢ᠌ᠵᠤ ᠮᠡᠳᠡᠨᠡ ᠰᠢᠦ᠂ ᠶᠠᠭ᠋ᠠᠬᠢᠭᠰᠠᠨ ᠴᠤ᠌ ᠰᠡᠷᠡᠮᠵᠢᠯᠡᠬᠦ ᠬᠡᠷᠡᠭᠲᠡᠢ！ ᠡᠨᠡ ᠤᠲᠠᠰᠤ ᠵᠢ ᠵᠠᠯᠭ᠋ᠠᠵᠤ ᠨᠡᠪᠲᠡᠷᠡᠭᠦᠯᠪᠡᠯ ᠴᠢ ᠳᠠᠷᠤᠢ ᠶᠠᠯᠠ ᠬᠢᠭᠰᠡᠨ ᠵᠶ᠋ᠡᠷ ᠰᠡᠵᠢᠭᠯᠡᠭᠳᠡᠨᠡ᠃
6 ᠰᠠᠷᠠ ᠵᠢᠨ ᠰᠡᠭᠦᠯᠴᠢᠪᠠᠷ ᠬᠤ᠌ ᠣᠪᠣᠭᠲᠤ ᠨᠠᠢ᠌ᠵᠠ ᠵᠢᠨ ᠲᠣᠭᠣᠷᠢᠭᠲᠠᠭᠠᠨ ᠬᠣᠶᠠᠷ ᠭᠠᠷ ᠤᠲᠠᠰᠤᠲᠠᠢ ᠯᠠ ᠪᠣᠯ ᠨᠢᠭᠡ ᠴᠠᠭᠲᠤ 300 ᠲᠥᠭᠥᠷᠢᠭ ᠣᠯᠵᠤ᠂ ᠴᠠᠯᠢᠩᠢ ᠡᠳᠦᠷᠲᠤ ᠨᠢ ᠪᠤᠳᠤᠵᠤ ᠥᠭᠳᠡᠭ ᠭᠡᠰᠡᠨ ᠵᠠᠷᠢ ᠣᠯᠵᠤ ᠦᠵᠡᠭᠡᠳ ᠡᠢ᠌ᠮᠦ ᠳᠥᠭᠥᠮ ᠮᠥᠷᠲᠡᠭᠡᠨ ᠵᠣᠭᠣᠰ ᠲᠦᠷᠭᠡᠨ ᠣᠯᠳᠠᠭ ᠠᠵᠢᠯᠳᠤ ᠰᠡᠳᠬᠢᠯ ᠬᠥᠳᠡᠯᠪᠡ᠃ ᠲᠡᠭᠡᠭᠡᠳ ᠰᠠᠨᠠᠭ᠋ᠠᠴᠢᠯᠠᠭᠠ ᠲᠠᠢᠪᠠᠷ ᠨᠥᠭᠥᠭᠡ ᠡᠲᠡᠭᠡᠳᠲᠠᠢ ᠬᠠᠷᠢᠯᠴᠠᠭᠰᠠᠨᠳᠤ ᠬᠤ᠌ ᠣᠪᠣᠭᠲᠤᠳᠤ ᠬᠣᠶᠠᠷ ᠭᠠᠷ ᠤᠲᠠᠰᠤ ᠥᠭᠴᠦ᠂ ᠲᠤᠰ ᠲᠤᠰᠲᠤ ᠨᠢ ᠤᠲᠠᠰᠤᠳᠠᠭᠰᠠᠨ ᠪᠣᠯᠪᠠᠴᠤ ᠲᠡᠷᠡ ᠥᠪᠡᠷ ᠵᠶ᠋ᠡᠨ ᠬᠠᠷᠢᠨ 《ᠦᠭᠡ ᠬᠡᠯᠡᠬᠦ ᠴᠢᠬᠤᠯᠠ ᠦᠭᠡᠢ》 ᠪᠠᠢ᠌ᠵᠤ᠂ 《ᠤᠲᠠᠰᠤ ᠨᠡᠪᠲᠡᠷᠡᠳᠡᠭ ᠯᠡ ᠶᠤᠮ ᠪᠣᠯ ᠨᠢᠭᠡ ᠤᠳᠠᠭ᠋ᠠᠨᠤ ᠡᠭᠦᠷᠭᠡ ᠵᠢ ᠪᠡᠶᠡᠯᠡᠭᠦᠯᠦᠭᠰᠡᠨᠳᠤ ᠲᠣᠭ᠋ᠠᠴᠠᠨᠠ》᠃ 《ᠪᠢ ᠪᠣᠯ ᠪᠠᠭᠠ ᠨᠠᠰᠤᠨᠤ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠪᠠᠢ᠌ᠭᠤᠯᠤᠮᠵᠢ ᠵᠢᠨ ᠦᠢ᠍ᠯᠡᠴᠢᠯᠡᠭᠴᠢ ᠪᠠᠢ᠌ᠨᠠ᠂ ᠲᠠᠨᠤ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠬᠢᠴᠢᠶᠡᠯᠤᠨ ᠵᠣᠭᠣᠰᠢ ᠪᠤᠴᠠᠭ᠋ᠠᠬᠤ ᠬᠡᠷᠡᠭᠲᠡᠢ ᠪᠣᠯᠵᠠᠢ》᠂ 《ᠪᠢ ᠪᠣᠯ ᠵᠠᠭᠤᠨ ᠲᠦᠮᠡᠨ ᠪᠠᠲᠤᠯᠠᠭᠠ ᠲᠠᠪᠴᠠᠩᠤᠨ ᠦᠢ᠍ᠯᠡᠴᠢᠯᠡᠭᠴᠢ ᠪᠠᠢ᠌ᠨᠠ᠂ ᠲᠠ ᠡᠨᠡᠬᠦ ᠦᠢ᠍ᠯᠡᠴᠢᠯᠡᠭᠡ ᠵᠢ ᠬᠠᠭ᠋ᠠᠬᠤ ᠦᠭᠡᠢ ᠪᠣᠯ ᠵᠣᠭᠣᠰᠢ ᠨᠢ ᠰᠠᠭᠤᠯᠭ᠋ᠠᠨ ᠠᠪᠤᠨᠠ》 ᠭᠡᠬᠦ ᠤᠲᠠᠰᠤᠨᠤ ᠴᠠᠭ᠋ᠠᠨᠠᠬᠢ ᠠᠳᠠᠯᠢ ᠪᠤᠰᠤ ᠦᠢ᠍ᠯᠡᠴᠢᠯᠡᠭᠴᠢ ᠵᠢᠨ ᠶᠠᠷᠢᠬᠤ ᠵᠢ ᠰᠣᠨᠣᠰᠤᠭ᠋ᠠᠳ ᠬᠤ᠌ ᠣᠪᠣᠭᠲᠤ ᠰᠠᠶᠢ ᠤᠤᠯᠨᠢ ᠬᠣᠶᠠᠷ ᠭᠠᠷ ᠤᠲᠠᠰᠤ ᠬᠡᠷᠡᠭᠡᠯᠳᠡᠭᠨᠢ ᠨᠥᠭᠥᠭᠡ ᠡᠲᠡᠭᠡᠳᠤᠨ ᠵᠶ᠋ᠡᠨ ᠳ᠋ᠢᠶᠠᠩᠬᠤᠸᠠ ᠵᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠭᠠᠵᠠᠷᠢ ᠳᠠᠯᠳᠠᠯᠠᠬᠤ ᠵᠢᠨ ᠲᠥᠯᠥᠭᠡ ᠨᠢᠭᠡ ᠭᠠᠷ ᠤᠲᠠᠰᠤᠪᠠᠷ ᠣᠪᠯᠠᠭᠰᠠᠨ ᠠᠳᠠᠯᠢ ᠪᠤᠰᠤ ᠦᠢ᠍ᠯᠡᠴᠢᠯᠡᠭᠴᠢᠲᠠᠢ ᠬᠠᠷᠢᠯᠴᠠᠵᠤ᠂ ᠨᠥᠭᠥᠭᠡ ᠨᠢᠭᠡ ᠭᠠᠷ ᠤᠲᠠᠰᠤᠪᠠᠷ ᠬᠣᠬᠢᠷᠠᠯ ᠠᠮᠰᠠᠭᠴᠢ ᠵᠢᠨ ᠤᠲᠠᠰᠤ ᠵᠢ ᠵᠠᠯᠭ᠋ᠠᠨᠠ᠃ ᠡᠢ᠌ᠮᠦ 《ᠳᠥᠭᠥᠮ》 ᠬᠢᠳᠡᠯᠢ ᠬᠠᠷᠠᠭ᠋ᠠᠳ ᠬᠤ᠌ ᠣᠪᠣᠭᠲᠤ ᠡᠨᠡ ᠭᠡᠨᠡᠨ ᠵᠠᠮᠢ ᠰᠣᠩᠭᠣᠵᠠᠢ᠃ 《ᠡᠬᠢᠯᠡᠩᠭᠦᠲᠡᠪᠠᠨ ᠪᠢ ᠴᠦ᠍ ᠡᠨᠡ ᠬᠦ᠌ ᠠᠵᠢᠯᠢ ᠬᠢᠬᠦᠨᠢ ᠠᠶᠤᠯ ᠲᠦᠭᠰᠢᠭᠦᠷᠢᠲᠠᠢ ᠭᠡᠵᠦ ᠪᠤᠳᠤᠭ᠋ᠠᠳ ᠶᠡᠬᠡ ᠠᠶᠤᠵᠤ ᠪᠠᠢ᠌ᠭᠰᠠᠨ᠃ ᠭᠡᠪᠡᠴᠦ ᠣᠷᠣᠯᠭᠠᠨᠢ ᠨᠡᠯᠢᠶᠡᠳ ᠥᠨᠳᠥᠷ᠂ ᠪᠢ ᠠᠷᠪᠠᠨ ᠬᠡᠳᠦᠨ ᠡᠳᠦᠷ ᠠᠵᠢᠯᠯᠠᠭ᠋ᠠᠳ ᠪᠠᠷᠤᠭ 3000 ᠲᠥᠭᠥᠷᠢᠭ ᠣᠯᠣᠭᠰᠠᠨ ᠪᠣᠯᠬᠣᠷ ᠲᠡᠶ᠋ᠢᠮᠦ ᠠᠷᠪᠢᠨ ᠶᠠᠭᠤᠮᠠ ᠪᠣᠳᠣᠭᠰᠠᠨ ᠦᠭᠡᠢ ᠁》 ᠭᠡᠵᠦ ᠬᠡᠯᠡᠪᠡ᠃
ᠣᠢ᠌ᠷᠠᠳᠤ᠂ ᠵᠣᠨᠤ ᠤᠯᠠᠷᠢᠯᠤᠨ ᠠᠮᠤᠷᠢ ᠬᠠᠮᠠᠭ᠋ᠠᠯᠠᠬᠤ ᠴᠣᠬᠢᠯᠲᠠ ᠥᠭᠴᠦ ᠴᠡᠭᠴᠡᠯᠡᠨ ᠵᠠᠰᠠᠬᠤ ᠠᠵᠢᠯᠯᠠᠭᠠ ᠳᠤᠮᠳᠠ ᠵᠧᠵᠢᠶᠠᠩᠤᠨ ᠵᠢᠶᠠᠰᠢᠩᠤᠨ ᠫᠢᠩ ᠬᠤ᠌ ᠵᠢᠨ ᠴᠠᠭᠳᠠᠭ᠋ᠠᠨᠤ ᠲᠠᠯᠠ ᠵᠢᠨᠬᠢᠨ ᠬᠠᠩᠭ᠋ᠠᠭᠰᠠᠨ ᠰᠦᠪᠡᠭᠴᠢ ᠵᠢ ᠦᠨᠳᠦᠰᠦᠯᠡᠨ ᠬᠤ᠌ ᠣᠪᠣᠭᠲᠤ ᠵᠢᠨ ᠬᠡᠷᠡᠭ ᠬᠢᠭᠰᠡᠨ ᠬᠣᠶᠠᠷ ᠭᠠᠷ ᠤᠲᠠᠰᠤᠨᠤ ᠺᠠᠷᠲ ᠪᠠ ᠬᠠᠤᠯᠢ ᠪᠤᠰᠤ ᠣᠷᠣᠯᠭᠠ ᠵᠢ ᠪᠦᠬᠦᠨᠢ ᠬᠣᠷᠢᠶᠠᠨ ᠠᠪᠴᠠᠢ᠃ ᠬᠤ᠌ ᠣᠪᠣᠭᠲᠤ ᠵᠢᠨ ᠣᠷᠣᠯᠴᠠᠭᠰᠠᠨ ᠡᠨᠡ ᠬᠦ᠌ ᠠᠵᠢᠯ ᠪᠣᠯ ᠦᠨᠡᠨᠳᠡᠭᠡᠨ ᠨᠢᠭᠡ ᠵᠦᠢ᠍ᠯᠤᠨ ᠰᠢᠨᠡ ᠬᠡᠯᠪᠡᠷᠢ ᠵᠢᠨ ᠮᠡᠬᠡᠯᠡᠬᠦ ᠠᠷᠭᠠ — 《ᠭᠠᠷ ᠤᠲᠠᠰᠤᠨᠤ ᠠᠮᠠᠰᠠᠷ》ᠢ ᠲᠠᠲᠠᠵᠤ ᠲᠠᠭ᠋ᠠᠷᠠᠭᠤᠯᠤᠭᠰᠠᠨ ᠶᠠᠪᠤᠳᠠᠯ ᠪᠣᠯᠣᠨᠠ᠃ ᠮᠡᠬᠡᠯᠡᠭᠴᠢ 《ᠥᠨᠳᠥᠷ ᠴᠠᠯᠢᠩ》 ᠵᠢᠡᠷ ᠥᠭᠶᠥᠭᠡ ᠪᠣᠯᠭ᠋ᠠᠵᠤ᠂ ᠠᠵᠢᠯ ᠡᠷᠢᠭᠴᠢ ᠬᠣᠶᠠᠷ ᠭᠠᠷ ᠤᠲᠠᠰᠤ ᠪᠡᠯᠡᠳᠬᠡᠵᠦ᠂ ᠨᠢᠭᠡᠨᠢ ᠮᠡᠬᠡᠯᠡᠭᠴᠢᠲᠠᠢ ᠨᠡᠪᠲᠡᠷᠡᠭᠦᠯᠵᠦ᠂ ᠨᠥᠭᠥᠭᠡ ᠨᠢᠭᠡᠨᠢ ᠮᠡᠬᠡᠯᠡᠭᠳᠡᠭᠴᠢ ᠵᠢᠨ ᠭᠠᠷ ᠤᠲᠠᠰᠤ ᠵᠢ ᠨᠡᠪᠲᠡᠷᠡᠭᠦᠯᠵᠦ᠂ ᠤᠲᠠᠰᠤᠨᠤ ᠨᠡᠪᠲᠡᠷᠡᠬᠦ ᠶᠠᠷᠢᠯᠴᠠᠭᠠ ᠵᠢ ᠭᠠᠳᠠᠭᠰᠢ ᠲᠠᠯᠪᠢᠬᠤ ᠪᠤᠶᠤ ᠬᠣᠶᠠᠷ ᠭᠠᠷ ᠤᠳᠠᠰᠤᠨᠤ ᠶᠠᠷᠢᠯᠴᠠᠭᠠ ᠵᠢ ᠬᠠᠷᠢᠯᠴᠠᠨ ᠰᠢᠩᠭᠡᠭᠡᠬᠦ ᠠᠷᠭᠠᠪᠠᠷ᠂ ᠬᠢᠯᠢ ᠵᠢᠨ ᠭᠠᠳᠠᠨᠠᠬᠢ ᠤᠲᠠᠰᠤ ᠵᠢ ᠤᠯᠤᠰᠤᠨ ᠳᠣᠲᠣᠭ᠋ᠠᠳᠤ ᠵᠢᠨ ᠤᠲᠠᠰᠤᠨᠤ ᠨᠣᠮᠧᠷ ᠪᠣᠯᠭ᠋ᠠᠵᠤ ᠮᠡᠬᠡᠯᠡᠯ ᠶᠠᠪᠤᠭᠤᠯᠳᠠᠭ᠂ ᠮᠡᠬᠡᠯᠡᠭᠴᠢ ᠶᠡᠷᠦᠳᠡᠭᠡᠨ 《ᠭᠠᠷ ᠤᠲᠠᠰᠤᠨᠤ ᠠᠮᠠᠰᠠᠷ》ᠤᠨ ᠲᠤᠬᠠᠢ᠌ᠯᠠᠭᠰᠠᠨ ᠠᠵᠢᠯᠢ 《ᠥᠨᠳᠥᠷ ᠴᠠᠯᠢᠩᠲᠠᠢ》 ᠬᠠᠪᠰᠤᠷᠭ᠋ᠠᠵᠤ᠂ ᠵᠣᠭᠣᠰᠤᠨ ᠬᠡᠷᠡᠭᠴᠡᠭᠡ ᠪᠠᠴᠢᠮ ᠪᠠᠢ᠌ᠬᠤ ᠰᠦᠯᠵᠢᠶᠡᠨᠤ ᠨᠠᠢ᠌ᠵᠠ ᠵᠢ ᠤᠷᠠᠬᠠᠨᠳᠤᠪᠠᠨ ᠣᠷᠣᠭᠤᠯᠳᠠᠭ᠃
ᠴᠠᠭᠳᠠᠭ᠋ᠠᠨᠤ ᠲᠠᠯᠠ ᠵᠢᠨᠬᠢᠨᠠᠴᠠ ᠪᠤᠰᠤᠳ ᠬᠥᠮᠥᠨᠤ ᠴᠠᠬᠢᠯᠭ᠋ᠠᠨ ᠬᠣᠯᠪᠣᠭᠠ ᠰᠦᠯᠵᠢᠶᠡᠨᠤ ᠮᠡᠬᠡᠯᠡᠯᠤᠨ ᠶᠠᠯᠠᠲᠤ ᠠᠵᠢᠯᠯᠠᠭᠠ ᠬᠢᠵᠦ ᠪᠠᠢ᠌ᠬᠤ ᠵᠢ ᠲᠣᠳᠣᠷᠬᠠᠢ ᠮᠡᠳᠡᠵᠦ ᠪᠠᠢ᠌ᠭ᠋ᠠᠳ ᠳᠠᠭᠤᠳᠠᠨ ᠳᠠᠮᠵᠢᠭᠤᠯᠬᠤ ᠲᠥᠬᠦᠭᠡᠷᠦᠮᠵᠢ ᠵᠢ ᠲᠠᠲᠠᠵᠤ ᠲᠠᠭ᠋ᠠᠷᠠᠭᠤᠯᠬᠤ᠂ ᠮᠡᠬᠡᠯᠡᠯᠤᠨ ᠤᠲᠠᠰᠤ ᠵᠢ ᠪᠥᠭᠡᠮ ᠵᠶ᠋ᠡᠷ ᠤᠲᠠᠰᠤᠳᠠᠬᠤ ᠪᠤᠶᠤ ᠭᠠᠷ ᠤᠲᠠᠰᠤᠨᠤ ᠺᠠᠷᠲ᠂ ᠴᠢᠮᠡᠭᠡ ᠬᠣᠯᠪᠣᠭ᠋ᠠᠨᠤ ᠪᠠᠭ᠋ᠠᠵᠢ ᠵᠢ ᠬᠠᠩᠭ᠋ᠠᠵᠤ ᠥᠭᠬᠦᠳᠤ ᠬᠠᠪᠰᠤᠷᠤᠯᠭᠠ ᠦᠵᠡᠭᠦᠯᠦᠭᠰᠡᠨ ᠪᠠᠢ᠌ᠪᠠᠯ ᠬᠠᠷᠠᠮᠵᠢ ᠣᠯᠣᠭᠰᠠᠨ ᠡᠰᠡᠬᠦ ᠲᠠᠢ ᠬᠠᠮᠢᠶᠠ ᠦᠭᠡᠢ᠂ ᠴᠥᠮ ᠬᠠᠤᠯᠢᠠᠴᠠ ᠵᠥᠷᠢᠴᠡᠭᠰᠡᠨ ᠶᠠᠯᠠᠲᠤ ᠠᠵᠢᠯᠯᠠᠭᠠ ᠬᠢᠭᠰᠡᠨ ᠰᠡᠵᠢᠭᠯᠡᠯᠲᠡᠢ ᠪᠠᠢ᠌ᠵᠤ᠂ ᠵᠣᠬᠢᠬᠤ ᠬᠠᠷᠢᠭᠤᠴᠠᠯᠭᠠ ᠵᠢ ᠬᠠᠤᠯᠢ ᠶᠣᠰᠣᠭ᠋ᠠᠷ ᠨᠡᠬᠡᠮᠵᠢᠯᠡᠨᠡ ᠭᠡᠵᠦ ᠰᠠᠨᠠᠭᠤᠯᠵᠤ ᠪᠠᠢ᠌ᠨᠠ᠃