ᠲᠦᠷᠦᠭᠦᠬᠡᠨ ᠸᠠᠩ ᠠᠪᠠᠬᠠᠢ ᠨᠢᠭᠡᠨ ᠠᠵᠢᠯᠲᠠᠨ ᠡᠯᠰᠡᠬᠦ ᠰᠦᠯᠵᠢᠶᠡᠨᠤ ᠲᠠᠪᠴᠠᠩ ᠳᠡᠭᠡᠷᠡ ᠲᠣᠪᠴᠢ
ᠨᠠᠮᠲᠠᠷ ᠵᠢᠡᠨ ᠲᠤᠰᠢᠶᠠᠭᠰᠠᠨᠤ ᠲᠠᠷᠠᠭᠠ᠂ ᠨᠢᠭᠡᠨ ᠺᠤᠮᠫᠠᠨᠢ ᠵᠢᠨ ᠦᠢ᠍ᠯᠡᠴᠢᠯᠡᠭᠴᠢ ᠬᠡᠮᠡᠭᠰᠡᠨ ᠬᠥᠮᠥᠨᠤ ᠤᠲᠠᠰᠤ ᠵᠢ ᠲᠤᠰᠪᠠ᠃ ᠤᠲᠠᠰᠤᠨ ᠳᠡᠭᠡᠷᠡ᠂ ᠦᠢ᠍ᠯᠡᠴᠢᠯᠡᠭᠴᠢᠠᠴᠠ ᠸᠠᠩ ᠠᠪᠠᠬᠠᠢᠳᠤ᠂ ᠰᠦᠯᠵᠢᠶᠡᠨᠤ ᠨᠡᠪᠲᠡᠷᠡᠭᠦᠯᠦᠭᠴᠢᠳᠤ ᠱᠠᠩᠨᠠᠯ ᠥᠭᠪᠡᠯ ᠬᠠᠷᠢᠭᠤ ᠣᠯᠭᠣᠮᠵᠢ ᠥᠭᠭᠦᠨᠡ ᠭᠡᠪᠡ᠃ ᠲᠤᠷᠰᠢᠵᠤ ᠦᠵᠡᠶᠡ ᠭᠡᠰᠡᠨ ᠪᠤᠳᠤᠯ ᠵᠢᠡᠷ ᠸᠠᠩ ᠠᠪᠠᠬᠠᠢ ᠨᠦᠭᠦᠭᠡ ᠡᠲᠡᠭᠡᠳᠤᠨ ᠵᠢᠡᠨ ᠱᠠᠭ᠋ᠠᠷᠳᠠᠯᠭᠠᠪᠠᠷ ᠨᠢᠭᠡᠨ ᠵᠣᠭᠣᠭᠳᠠᠬᠤ ᠵᠥᠭᠡᠯᠡᠨ ᠲᠤᠨᠤᠬᠢ ᠪᠠᠭᠤᠯᠭ᠋ᠠᠨ ᠤᠭᠰᠠᠷᠠᠪᠠ᠃
ᠲᠠᠷᠠᠭᠠᠨᠢ᠂ ᠸᠠᠩ ᠠᠪᠠᠬᠠᠢ ᠦᠢ᠍ᠯᠡᠴᠢᠯᠡᠭᠴᠢ ᠵᠢᠨ ᠵᠢᠯᠣᠭᠣᠳᠤᠯᠭᠠᠪᠠᠷ᠂ ᠰᠦᠯᠵᠢᠶᠡᠨᠤ
ᠨᠡᠪᠲᠡᠷᠡᠭᠦᠯᠦᠭᠴᠢᠳᠤ ᠪᠢᠯᠧᠲ ᠥᠭᠴᠦ᠂ ᠳᠠᠷᠠᠭ᠋ᠠᠯᠠᠨ ᠬᠡᠳᠦᠨ ᠡᠭᠦᠷᠭᠡ ᠵᠢ ᠪᠡᠶᠡᠯᠡᠭᠦᠯᠦᠭᠰᠡᠨᠤ ᠲᠠᠷᠠᠭᠠ᠂ ᠲᠡᠷᠡ ᠬᠠᠷᠢᠭᠤ ᠣᠯᠭᠣᠮᠵᠢ ᠣᠯᠵᠠᠢ᠃ ᠶᠠᠭ ᠡᠨᠡ ᠦᠶᠡᠳᠤ᠂ ᠦᠢ᠍ᠯᠡᠴᠢᠯᠡᠭᠴᠢᠠᠴᠠ ᠸᠠᠩ ᠠᠪᠠᠬᠠᠢᠳᠤ᠂ 《ᠣᠷᠣᠯᠠᠨ ᠥᠭᠬᠦ ᠬᠥᠷᠥᠩᠭᠡ ᠥᠭᠪᠡᠯ ᠨᠡᠩ ᠶᠡᠬᠡ ᠠᠰᠢᠭ ᠣᠯᠵᠤ ᠪᠣᠯᠣᠨᠠ》 ᠭᠡᠪᠡ᠃ ᠸᠠᠩ ᠠᠪᠠᠬᠠᠢ ᠤᠯᠠᠨ ᠶᠠᠭᠤᠮᠠ ᠪᠤᠳᠤᠯ ᠦᠭᠡᠢᠪᠠᠷ ᠨᠦᠭᠦᠭᠡ ᠡᠲᠡᠭᠡᠳᠤᠨ ᠵᠢᠡᠨ ᠱᠠᠭ᠋ᠠᠷᠳᠠᠯᠭᠠᠪᠠᠷ 10 ᠲᠦᠮᠡᠨ ᠲᠥᠭᠥᠷᠢᠭ ᠪᠡᠯᠡᠳᠬᠡᠨ ᠬᠦᠷᠭᠡᠬᠦᠪᠠᠷ ᠪᠣᠯᠪᠠ᠃
ᠡᠨᠡ ᠦᠶᠡᠳᠤ ᠴᠠᠭᠳᠠᠭᠠ ᠨᠠᠷᠠᠴᠠ ᠰᠦᠯᠵᠢᠶᠡᠨᠤ ᠮᠡᠬᠡᠯᠡᠯᠢ ᠡᠰᠡᠷᠭᠦᠴᠡᠬᠦ ᠰᠦᠪᠡᠭᠴᠢ ᠵᠢ ᠦᠨᠳᠦᠰᠦᠯᠡᠨ ᠸᠠᠩ ᠠᠪᠠᠬᠠᠢ ᠵᠢᠨ ᠪᠠᠢ᠌ᠳᠠᠯᠢ ᠮᠡᠳᠡᠵᠦ᠂ ᠤᠯᠠᠨ ᠭᠠᠵᠠᠷᠤᠨ ᠳᠣᠲᠣᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠪᠠᠢ᠌ᠭᠤᠯᠭᠠ ᠵᠢᠨ ᠬᠠᠮᠵᠢᠯᠴᠠᠭᠠᠪᠠᠷ᠂ ᠴᠠᠭᠳᠠᠭᠠ ᠨᠠᠷ ᠸᠠᠩ ᠠᠪᠠᠬᠠᠢᠲᠠᠢ ᠬᠠᠷᠢᠯᠴᠠᠵᠤ᠂ ᠨᠠᠷᠢᠨ ᠪᠠᠢ᠌ᠳᠠᠯᠢ ᠮᠡᠳᠡᠭᠦᠯᠬᠦᠪᠠᠷ ᠳᠠᠮᠵᠢᠨ᠂ ᠸᠠᠩ ᠠᠪᠠᠬᠠᠢ ᠥᠪᠡᠷᠤᠨ ᠮᠡᠬᠡᠯᠡᠭᠳᠡᠭᠰᠡᠨ ᠵᠢᠡᠨ ᠣᠯᠵᠤ ᠮᠡᠳᠡᠵᠡᠢ᠃
ᠴᠠᠭᠳᠠᠭᠠ ᠨᠠᠷᠤᠨ ᠬᠠᠮᠵᠢᠯᠴᠠᠭᠠᠪᠠᠷ ᠸᠠᠩ ᠠᠪᠠᠬᠠᠢ ᠮᠡᠬᠡᠯᠡᠯᠤᠨ 《ᠤᠨᠠᠭᠤᠯᠢ》ᠠᠴᠠ ᠵᠠᠢ᠌ᠯᠠᠪᠠ᠃ 《ᠡᠨᠡ ᠵᠣᠭᠣᠰᠢ ᠪᠢ ᠰᠦᠯᠵᠢᠶᠡᠨᠠᠴᠠ ᠵᠢᠭᠡᠯᠡᠭᠰᠡᠨ ᠶᠤᠮ᠂ ᠶᠡᠬᠡ ᠠᠰᠢᠭ ᠣᠯᠬᠤ ᠭᠡᠵᠦ ᠰᠢᠨᠤᠬᠠᠢ᠌ᠷᠠᠭ᠋ᠠᠳ ᠡᠰᠡᠯᠡ ᠮᠡᠬᠡᠯᠡᠭᠳᠡᠬᠦ ᠰᠢᠬᠠᠵᠠᠢ᠂ ᠴᠠᠭᠳᠠᠭᠠ ᠨᠠᠷᠤᠨ ᠵᠣᠭᠣᠰ ᠮᠥᠩᠭᠥ ᠵᠢ ᠡᠭᠡᠭᠦᠯᠦᠨ ᠠᠪᠴᠢᠷᠠᠵᠤ ᠥᠭᠭᠦᠭᠰᠡᠨᠳᠤ ᠪᠠᠶᠠᠷᠯᠠᠯᠠ》 ᠭᠡᠵᠦ ᠸᠠᠩ ᠠᠪᠠᠬᠠᠢ ᠰᠡᠳᠬᠢᠯ ᠳᠣᠭᠳᠣᠯᠤᠨ ᠶᠠᠷᠢᠨᠠ᠃
ᠴᠠᠭᠳᠠᠭᠠ ᠨᠠᠷᠠᠴᠠ᠄ 《ᠰᠦᠯᠵᠢᠶᠡᠨ ᠳᠡᠭᠡᠷᠡ ᠠᠵᠢᠯ ᠡᠷᠢᠬᠦᠳᠡᠭᠡᠨ ᠡᠷᠬᠡᠪᠰᠢ ᠠᠵᠢᠯᠲᠠᠨ ᠡᠯᠰᠡᠬᠦ ᠵᠢᠩᠬᠢᠨᠢ ᠰᠦᠯᠵᠢᠶᠡ ᠵᠢᠨ ᠲᠠᠪᠴᠠᠩ ᠵᠢᠡᠷ ᠲᠠᠮᠵᠢᠨ ᠠᠵᠢᠯ ᠡᠷᠢᠬᠦ ᠴᠢᠬᠤᠯᠠᠲᠠᠢ᠂ ᠠᠵᠢᠯᠲᠠᠨ ᠡᠯᠰᠡᠬᠦ ᠠᠵᠤ ᠠᠬᠤᠢ᠌ᠯᠠᠯᠤᠨ ᠠᠯᠪᠠᠨᠤ ᠰᠦᠯᠵᠢᠶᠡ᠂ ᠠᠯᠪᠠᠨᠤ ᠲᠠᠯᠠ ᠵᠢᠨ ᠤᠲᠠᠰᠤ ᠵᠡᠷᠭᠡ ᠵᠢ ᠬᠠᠷᠭᠤᠭᠤᠯᠬᠤᠪᠠᠷ ᠲᠠᠮᠵᠢᠨ ᠦᠨᠡᠨ ᠪᠣᠳᠠᠲᠠᠢ ᠡᠰᠡᠬᠦ ᠵᠢᠨᠢ ᠯᠠᠪᠯᠠᠬᠤ ᠴᠢᠬᠤᠯᠠᠲᠠᠢ᠃ ᠤᠯᠠᠨ ᠵᠢᠡᠷ ᠵᠢᠡᠨ ᠡᠯᠡ ᠵᠦᠢ᠍ᠯᠤᠨ ᠰᠦᠯᠵᠢᠶᠡᠨᠤ ᠮᠡᠬᠡᠯᠡᠯᠢ ᠢᠯᠭ᠋ᠠᠨ ᠲᠠᠨᠢᠬᠤ ᠮᠡᠳᠡᠯᠭᠡ ᠵᠢ ᠰᠤᠷᠤᠯᠴᠠᠨ᠂ ᠥᠪᠡᠷᠢᠪᠠᠨ ᠬᠠᠮᠠᠭ᠋ᠠᠯᠠᠬᠤ ᠤᠬᠠᠮᠰᠠᠷ ᠵᠢᠡᠨ ᠳᠡᠭᠡᠭᠰᠢᠯᠡᠭᠦᠯᠪᠡᠯ ᠵᠣᠬᠢᠨᠠ》 ᠭᠡᠵᠦ ᠰᠠᠨᠠᠭᠤᠯᠵᠤ ᠪᠠᠢ᠌ᠨᠠ᠃