ᠲᠦᠷᠦᠭᠦᠬᠡᠨ᠂ ᠭᠦᠭᠡᠬᠤᠳᠠ ᠵᠢᠨ ᠳᠣᠲᠣᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠲᠣᠪᠴᠢᠶᠠ ᠵᠢᠨ ᠠᠵᠤ ᠠᠬᠤᠢ
ᠮᠡᠷᠭᠡᠵᠢᠯᠤᠨ ᠨᠡᠭᠡᠭᠡᠯᠲᠡ ᠵᠢᠨ ᠲᠣᠭᠣᠷᠢᠭᠤᠨ ᠬᠤᠪᠢᠶᠠᠷᠢ ᠲᠣᠪᠴᠢᠶᠠ ᠵᠢᠨᠬᠢᠨ 《ᠮᠢᠨᠤ ᠭᠡᠷᠲᠤ ᠬᠤᠯᠠᠭ᠋ᠠᠢ᠌ᠴᠢ ᠣᠷᠣᠵᠤ᠂ ᠠᠯᠳᠠ ᠮᠥᠩᠭᠥ ᠵᠢᠨ ᠵᠠᠰᠠᠯ ᠴᠢᠮᠡᠭ ᠴᠥᠮ ᠠᠯᠠᠭᠠ ᠪᠣᠯᠴᠢᠬᠠᠵᠠᠢ》 ᠭᠡᠰᠡᠨ ᠨᠢᠭᠡᠨ ᠡᠮᠡᠭᠲᠡᠢ ᠵᠢᠨ ᠬᠡᠷᠡᠭᠤᠨ ᠮᠡᠳᠡᠭᠦᠯᠦᠯᠲᠡ ᠵᠢ ᠳᠤᠰᠪᠠ᠃
ᠬᠡᠷᠡᠭ ᠮᠡᠳᠡᠭᠦᠯᠦᠭᠴᠢ ᠴᠠᠩ ᠠᠪᠠᠬᠠᠢ᠄ 《ᠪᠢ ᠦᠨᠡ ᠪᠡᠨᠡᠲᠠᠢ ᠵᠠᠰᠠᠯ ᠴᠢᠮᠡᠭ ᠵᠢᠡᠨ ᠴᠥᠮ ᠵᠠᠰᠠᠯᠤᠨ ᠰᠢᠷᠡᠭᠡᠨ ᠳᠡᠭᠡᠷᠡᠪᠠᠨ ᠲᠠᠯᠪᠢᠳᠠᠭ᠂ ᠥᠨᠥ ᠣᠷᠣᠢ ᠭᠡᠷᠲᠡᠭᠡᠨ ᠬᠠᠷᠢᠬᠤᠳᠤ ᠬᠡᠳᠦᠨ ᠠᠯᠳᠠᠨ ᠵᠠᠰᠠᠯ ᠴᠢᠮᠡᠭ ᠴᠥᠮ ᠠᠯᠠᠭᠠ ᠪᠣᠯᠵᠠᠢ》 ᠭᠡᠵᠦ ᠶᠠᠷᠢᠨᠠ᠃
ᠴᠠᠭᠳᠠᠭᠠ ᠨᠠᠷ ᠠᠬᠤᠢ ᠲᠠᠯᠠᠪᠠᠢᠳᠤ ᠬᠠᠢ᠌ᠨ ᠪᠠᠢ᠌ᠴᠠᠭ᠋ᠠᠬᠤᠪᠠᠷ ᠲᠠᠮᠵᠢᠨ᠂ ᠬᠤᠯᠠᠭ᠋ᠠᠢ᠌ᠯᠠᠭᠳᠠᠭᠰᠠᠨ ᠠᠬᠤᠢ ᠲᠠᠯᠠᠪᠠᠢ ᠵᠢᠨ ᠡᠭᠦᠳᠡ ᠴᠣᠩᠬᠣ ᠡᠪᠳᠡᠷᠡᠭᠰᠡᠨ ᠦᠭᠡᠢ᠂ ᠥᠷᠥᠭᠡᠨ ᠳᠣᠲᠣᠷᠠᠬᠢ ᠡᠳ᠋ ᠪᠣᠳᠠᠰᠢ ᠡᠮᠬᠢ ᠴᠡᠭᠴᠡᠲᠡᠢ ᠲᠠᠯᠪᠢᠵᠤ᠂ ᠢᠯᠡᠷᠬᠡᠢ ᠣᠩᠭᠢᠴᠢᠭᠰᠠᠨ ᠪᠠᠢ᠌ᠳᠠᠯ ᠪᠠ ᠠᠯᠪᠠᠪᠠᠷ ᠣᠷᠣᠭᠰᠠᠨ ᠣᠷᠣ ᠮᠥᠷ ᠦᠭᠡᠢ ᠪᠠᠢ᠌ᠯᠠ᠃ ᠤᠯᠠᠨ ᠵᠢᠯᠤᠨ ᠬᠡᠷᠡᠭ ᠰᠢᠢ᠍ᠳᠪᠦᠷᠢᠯᠡᠭᠰᠡᠨ ᠲᠤᠷᠰᠢᠯᠭᠠᠲᠠᠢ ᠴᠠᠭᠳᠠᠭᠠ ᠸᠧᠢ ᠶᠦᠩ ᠭᠤᠸᠠᠩ᠄ 《ᠠᠬᠤᠢ ᠲᠠᠯᠠᠪᠠᠢ ᠵᠢᠨ ᠪᠠᠢ᠌ᠳᠠᠯᠠᠴᠠ ᠦᠵᠡᠪᠡᠯ᠂ ᠶᠠᠯᠠ ᠵᠢᠨ ᠰᠡᠵᠢᠭᠲᠡᠨ ᠪᠠᠷᠤᠭ ᠲᠠᠨᠢᠯ ᠬᠥᠮᠥᠨ ᠪᠠᠢ᠌ᠬᠤ ᠪᠣᠯᠣᠮᠵᠢᠲᠠᠢ》 ᠭᠡᠵᠦ ᠮᠠᠭ᠋ᠠᠳᠯᠠᠪᠠ᠃
ᠲᠠᠩᠨᠠᠨ ᠪᠠᠢ᠌ᠴᠠᠭ᠋ᠠᠬᠤ ᠴᠢᠭᠯᠡᠯ ᠵᠢᠡᠨ ᠲᠣᠳᠣᠷᠬᠠᠢ᠌ᠯᠠᠭᠰᠠᠨᠤ ᠲᠠᠷᠠᠭᠠ᠂ ᠴᠠᠭᠳᠠᠭᠠ ᠨᠠᠷ ᠬᠣᠶᠠᠷ ᠵᠠᠮ ᠬᠤᠪᠢᠶᠠᠨ ᠠᠵᠢᠯᠯᠠᠪᠠ᠃ ᠨᠢᠭᠡ ᠵᠠᠮᠤᠨ ᠴᠠᠭᠳᠠᠭᠠ ᠨᠠᠷ ᠠᠬᠤᠢ ᠲᠠᠯᠠᠪᠠᠢ ᠵᠢᠨ ᠡᠷᠭᠢᠨ ᠲᠣᠭᠣᠷᠢᠨᠤ ᠤᠯᠠᠨ ᠨᠡᠢ᠌ᠳᠡ ᠵᠢᠨ ᠸᠢᠳᠢᠤ᠋ ᠵᠢ ᠭᠠᠷᠭ᠋ᠠᠨ ᠠᠪᠴᠤ ᠦᠵᠡᠪᠡ᠃ ᠨᠦᠭᠦᠭᠡ ᠨᠢᠭᠡ ᠵᠠᠮᠤᠨ ᠴᠠᠭᠳᠠᠭᠠ ᠨᠠᠷ ᠴᠠᠩ
ᠠᠪᠠᠬᠠᠢ ᠵᠢᠨ ᠣᠢ᠌ᠷᠠ ᠵᠢᠨ ᠬᠤᠭᠤᠴᠠᠭ᠋ᠠᠨᠳᠤ ᠶᠠᠪᠤᠯᠴᠠᠵᠤ ᠥᠩᠭᠡᠷᠡᠭᠰᠡᠨ ᠨᠠᠢ᠌ᠵᠠ ᠨᠥᠬᠥᠳᠢ ᠪᠠᠢ᠌ᠴᠠᠭ᠋ᠠᠪᠠ᠃
4 ᠴᠠᠭ ᠭᠠᠷᠤᠢ ᠵᠢᠨ ᠪᠠᠢ᠌ᠴᠠᠭ᠋ᠠᠯᠲᠠᠪᠠᠷ ᠲᠠᠮᠵᠢᠨ᠂ ᠴᠠᠭᠳᠠᠭᠠ ᠨᠠᠷ ᠬᠡᠷᠡᠭ ᠭᠠᠷᠤᠭᠰᠠᠨ ᠴᠠᠭᠲᠤ ᠮᠠ ᠣᠪᠣᠭᠲᠤ ᠡᠷᠡᠭᠲᠡᠢ ᠴᠠᠩ ᠠᠪᠠᠬᠠᠢ ᠵᠢᠨ ᠭᠡᠷᠤᠨ ᠡᠷᠭᠢᠨ ᠲᠣᠭᠣᠷᠢᠨᠳᠤ ᠡᠷᠭᠢᠴᠡᠵᠦ ᠪᠠᠢ᠌ᠭᠠ ᠵᠢ ᠣᠯᠵᠤ ᠮᠡᠳᠡᠪᠡ᠃ ᠪᠠᠢ᠌ᠴᠠᠭ᠋ᠠᠭᠰᠠᠨ ᠵᠢᠡᠷ᠂ ᠮᠠ ᠣᠪᠣᠭᠲᠤ ᠨᠠᠢ᠌ᠵᠠᠪᠠᠷ ᠵᠢᠡᠨ ᠲᠠᠮᠵᠢᠨ ᠴᠠᠩ ᠠᠪᠠᠬᠠᠢᠲᠠᠢ ᠲᠠᠨᠢᠯᠴᠠᠵᠤ᠂ ᠴᠠᠩ ᠠᠪᠠᠬᠠᠢ ᠵᠢᠨ ᠭᠡᠷᠲᠤ ᠢᠷᠡᠵᠦ ᠥᠩᠭᠡᠷᠡᠵᠡᠢ᠃ ᠪᠠᠢ᠌ᠳᠠᠯᠠᠴᠠ ᠦᠵᠡᠪᠡᠯ᠂ ᠮᠠ ᠣᠪᠣᠭᠲᠤ ᠬᠦᠨᠳᠦ ᠶᠡᠬᠡ ᠬᠡᠷᠡᠭ ᠦᠢ᠍ᠯᠡᠳᠦᠭᠰᠡᠨ ᠰᠡᠵᠢᠭᠯᠡᠯᠲᠡᠢ ᠪᠠᠢ᠌ᠵᠤ᠂ ᠴᠠᠭᠳᠠᠭᠠ ᠨᠠᠷ ᠲᠡᠭᠦᠨᠢ ᠳᠠᠭᠤᠳᠠᠪᠠ᠃
ᠤᠤᠯᠨᠢ᠂ ᠮᠠ ᠣᠪᠣᠭᠲᠤ ᠨᠠᠢ᠌ᠵᠠᠪᠠᠨ ᠲᠠᠭ᠋ᠠᠵᠤ ᠴᠠᠩ ᠠᠪᠠᠬᠠᠢ ᠵᠢᠨ ᠭᠡᠷᠲᠤ ᠬᠦᠷᠴᠦ᠂ ᠰᠠᠨᠠᠮᠰᠠᠷ
ᠦᠭᠡᠢᠪᠠᠷ ᠵᠠᠰᠠᠯᠤᠨ ᠰᠢᠷᠡᠭᠡᠨ ᠳᠡᠭᠡᠷᠡᠬᠢ ᠠᠯᠳᠠᠨ ᠰᠣᠨᠳᠣᠷ ᠵᠡᠷᠭᠡ ᠦᠨᠡᠲᠠᠢ ᠡᠳ᠋ ᠪᠣᠳᠠᠰᠢ ᠣᠯᠵᠤ ᠬᠠᠷᠠᠨ᠂ ᠮᠠᠭᠤ ᠰᠠᠨᠠᠭᠠ ᠡᠭᠦᠰᠴᠦ᠂ ᠲᠡᠭᠦᠨᠤ ᠠᠩᠬᠠᠷᠤᠯ ᠦᠭᠡᠢ ᠵᠢ ᠳᠠᠯᠢᠮᠳᠠᠭᠤᠯᠤᠨ ᠭᠠᠷᠤᠨ ᠠᠶᠠᠪᠠᠷ ᠰᠢᠭᠦᠷᠡᠪᠡ᠃ ᠣᠳᠣᠬᠠᠨᠳᠤ᠂ ᠳᠤᠰ ᠬᠡᠷᠡᠭᠢ ᠴᠢᠨᠠᠭᠰᠢᠳᠠ ᠰᠢᠢ᠍ᠳᠪᠦᠷᠢᠯᠡᠵᠦ ᠪᠤᠢ᠃