ᠰᠤᠷᠪᠤᠯᠵᠢᠯᠠᠭ᠍ᠴᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠲᠢᠩᠬᠢᠮᠡᠴᠡ ᠣᠢᠯᠠᠭᠠᠭᠰᠠᠨᠢᠶᠠᠷ ᠂ ᠣᠢᠷᠠᠳᠤ ᠂ ᠠᠯᠠᠱᠠ ᠠᠢᠮᠠᠭᠤᠨ ᠡᠵᠡᠨᠡ ᠬᠣᠰᠢᠭᠤᠨᠤ ᠭᠠᠰᠢᠭᠤᠨ ᠨᠠᠭᠤᠷᠲᠤ ᠣᠢᠷᠠᠶᠢᠨ 5 ᠵᠢᠯᠦᠨ ᠲᠤᠷᠰᠢ ᠠᠩᠬᠠ ᠤᠳᠠᠭᠠ ᠤᠰᠤ ᠢᠷᠡᠵᠦ ᠂ ᠨᠠᠭᠤᠷᠤᠨ ᠬᠣᠲᠣᠭᠣᠷᠲᠤ ᠨᠣᠮᠢᠨ ᠤᠰᠤ ᠪᠢᠯᠬᠠᠵᠤ ᠂ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢᠶᠡᠨ ᠳᠠᠬᠢᠨᠲᠠ ᠢᠯᠡᠷᠡᠭᠦᠯᠪᠡ ᠃
ᠣᠢᠷᠠᠶᠢᠨ ᠵᠢᠯᠳᠦ ᠂ ᠡᠵᠡᠨᠡ ᠭᠣᠣᠯᠤᠨ ᠤᠰᠤ ᠦᠷᠭᠦᠯᠵᠢᠯᠡᠨ ᠬᠠᠲᠠᠩᠬᠢᠷᠠᠬᠤ ᠂ ᠪᠠᠢᠭᠠᠯᠢᠶᠢᠨ ᠣᠶ ᠰᠢᠭᠤᠢ ᠡᠪᠡᠰᠦᠲᠦ ᠭᠠᠵᠠᠷᠤᠨ ᠤᠰᠤᠯᠠᠯᠲᠠᠶᠢᠨ ᠳᠠᠷᠤᠯᠲᠠ ᠨᠡᠯᠢᠶᠡᠳ ᠶᠡᠬᠡ ᠪᠠᠢᠬᠤ ᠵᠡᠷᠭᠡ ᠪᠠᠢᠳᠠᠯᠢ ᠪᠦᠲᠦᠮᠵᠢᠲᠡᠶ ᠠᠷᠭᠠᠴᠠᠬᠤᠶᠢᠨ ᠲᠥᠯᠥᠭᠡ ᠂ ᠥᠪᠥᠷ ᠮᠣᠩᠭᠣᠯᠤᠨ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠰᠠᠯᠠᠭᠠ ᠮᠥᠴᠢᠷᠦᠨ ᠬᠢᠨ ᠬᠠᠲᠤᠨ ᠭᠣᠣᠯᠤᠨ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠵᠥᠪᠯᠡᠯᠦᠨ ᠡᠵᠡᠨᠡ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷᠤᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠣᠪᠴᠢᠶᠠ ᠂ ᠡᠵᠡᠨᠡ ᠭᠣᠣᠯᠤᠨ ᠳᠤᠮᠳᠠ ᠳᠡᠭᠡᠳᠦ ᠤᠷᠤᠰᠬᠠᠯᠤᠨ ᠭᠠᠵᠠᠷ ᠣᠷᠣᠨ ᠯᠤᠭᠠ ᠨᠡᠪᠲᠡᠷᠡᠯᠴᠡᠨ ᠵᠣᠬᠢᠴᠠᠭᠤᠯᠬᠤ ᠡᠷᠴᠢᠮᠢᠶᠡᠨ ᠦᠷᠭᠦᠯᠵᠢᠯᠡᠨ ᠴᠢᠩᠭᠠᠷᠠᠭᠤᠯᠵᠤ ᠂ ᠤᠰᠤᠨᠤ ᠬᠡᠮᠵᠢᠶᠡᠶᠢ ᠲᠣᠬᠢᠷᠠᠭᠤᠯᠬᠤ ᠭᠦᠢᠴᠡᠳᠬᠡᠯ ᠲᠣᠭᠠᠶᠢ ᠢᠳᠡᠪᠬᠢᠲᠡᠢ ᠲᠡᠮᠡᠴᠡᠨ ᠣᠯᠵᠤ ᠂ 《 ᠡᠵᠡᠨᠡ ᠬᠣᠰᠢᠭᠤᠨᠤ ᠠᠮᠢ ᠠᠬᠤᠢᠶᠢᠨ ᠤᠰᠤᠨᠤ ᠬᠡᠮᠵᠢᠶᠡᠶᠢ ᠲᠣᠬᠢᠷᠠᠭᠤᠯᠬᠤ ᠲᠥᠰᠥᠯ 》ᠢ ᠴᠢᠩᠭᠠ ᠬᠡᠷᠡᠭᠵᠢᠭᠦᠯᠦᠨ ᠂ 《 ᠤᠰᠤᠨᠤ ᠬᠡᠮᠵᠢᠶᠡᠶᠢ ᠲᠥᠪᠯᠡᠷᠡᠭᠦᠯᠬᠦ ᠂ ᠲᠣᠭᠣᠷᠢᠭ᠋ ᠬᠤᠪᠢᠶᠠᠨ ᠡᠭᠡᠯᠵᠢᠯᠡᠨ ᠤᠰᠤᠯᠠᠬᠤ 》 ᠵᠡᠷᠭᠡ ᠲᠣᠬᠢᠷᠠᠭᠤᠯᠬᠤ ᠠᠷᠭᠠ ᠬᠡᠮᠵᠢᠶᠡᠶᠢ ᠠᠪᠴᠤ ᠂ ᠤᠰᠤᠨᠤ ᠬᠡᠮᠵᠢᠶᠡᠶᠢ ᠬᠥᠳᠡᠯᠦᠩᠭᠦᠢᠪᠡᠷ ᠲᠣᠬᠢᠷᠠᠭᠤᠯᠬᠤᠶᠢ ᠨᠠᠷᠢᠯᠢᠭ᠋ ᠣᠨᠣᠴᠠᠲᠠᠢᠪᠠᠷ ᠬᠡᠷᠡᠭᠵᠢᠭᠦᠯᠵᠦ ᠂ ᠡᠵᠡᠨᠡ ᠪᠠᠶᠠᠨ ᠪᠦᠷᠢᠳᠦᠳᠦ ᠣᠷᠣᠬᠤ ᠬᠢᠵᠠᠭᠠᠷᠲᠠᠢ ᠤᠰᠤᠨᠤ ᠡᠬᠢ ᠪᠠᠶᠠᠯᠢᠭ᠋ᠢ ᠬᠠᠮᠤᠭᠤᠨ ᠶᠡᠬᠡ ᠴᠢᠷᠮᠠᠢᠯᠭᠠᠪᠠᠷ ᠰᠠᠢᠲᠤᠷ ᠬᠠᠮᠢᠶᠠᠷᠴᠤ ᠰᠠᠢᠲᠤᠷ ᠬᠡᠷᠡᠭᠯᠡᠭᠰᠡᠨ ᠪᠠᠢᠨᠠ ᠃ 9 ᠰᠠᠷᠠᠶᠢᠨ 2ᠤᠨ ᠡᠳᠦᠷ ᠂ ᠡᠵᠡᠨᠡ ᠭᠣᠣᠯᠤᠨ ᠭᠣᠣᠯ ᠤᠷᠤᠰᠬᠠᠯᠤᠨ 2024 ︱ 2025 ᠣᠨᠤ 9 ︱ 11 ᠰᠠᠷᠠᠶᠢᠨ ᠰᠢᠨᠡᠳᠢᠶᠡᠷ ᠤᠰᠤᠨᠤ ᠬᠡᠮᠵᠢᠶᠡᠶᠢ ᠲᠣᠬᠢᠷᠠᠭᠤᠯᠬᠤ ᠠᠵᠢᠯ ᠡᠬᠢᠯᠡᠵᠦ ᠂ 《 ᠪᠥᠬᠥ ᠱᠤᠭᠤᠮᠢᠶᠠᠷᠢᠶᠠᠨ ᠬᠠᠭᠠᠵᠤ ᠂ ᠲᠥᠪᠯᠡᠷᠡᠭᠦᠯᠦᠨ ᠳᠣᠷᠣᠭ᠍ᠰᠢ ᠤᠷᠤᠰᠬᠠᠬᠤ 》 ᠤᠰᠤ ᠲᠣᠬᠢᠷᠠᠭᠤᠯᠬᠤ ᠠᠷᠭᠠ ᠬᠡᠮᠵᠢᠶᠡᠶᠢ ᠬᠡᠷᠡᠭᠵᠢᠭᠦᠯᠵᠦ ᠂ 9 ᠰᠠᠷᠠ ᠂ 10 ᠰᠠᠷᠠᠳᠤ ᠵᠠᠯᠭᠠᠯᠳᠤᠭᠤᠯᠤᠨ ᠲᠣᠬᠢᠷᠠᠭᠤᠯᠬᠤ ᠠᠷᠭᠠᠪᠠᠷ ᠳᠣᠣᠷᠠᠳᠤ ᠤᠷᠤᠰᠬᠠᠯᠤᠨ ᠡᠵᠡᠨᠡ ᠣᠷᠣᠨᠳᠤ ᠤᠰᠤ ᠳᠠᠮᠵᠢᠭᠤᠯᠪᠠ ᠃ 2024 ᠣᠨᠤ 11 ᠰᠠᠷᠠᠠᠴᠠ 2025 ᠣᠨᠤ 9 ᠰᠠᠷᠠ ᠪᠣᠯᠲᠠᠯᠠ ᠂ ᠡᠵᠡᠨ ᠭᠣᠣᠯᠤᠨ ᠳᠣᠣᠷᠠᠳᠤ ᠤᠷᠤᠰᠬᠠᠯᠤᠨ ᠰᠠᠯᠪᠤᠷᠢ ᠪᠠᠷᠠᠭᠤᠨ ᠭᠣᠣᠯᠤᠨ ᠪᠥᠬᠥ ᠱᠤᠭᠤᠮᠢᠶᠠᠷ 3 ᠤᠳᠠᠭᠠ ᠤᠷᠤᠰᠤᠨ ᠥᠩᠭᠡᠷᠡᠵᠦ ᠂ ᠨᠡᠶ᠋ᠢᠲᠡ 1.8 ᠳ᠋ᠦᠩᠰᠢᠭᠤᠷ ᠪᠣᠰᠣᠭᠠ ᠳᠥᠷᠪᠡᠯᠵᠢᠨ ᠮᠧᠲᠷ ᠤᠰᠤᠨᠤ ᠬᠡᠮᠵᠢᠶᠡ ᠣᠷᠣᠭᠤᠯᠵᠤ ᠂ ᠭᠣᠣᠯ ᠳᠠᠭᠠᠤ ᠵᠢᠴᠢ ᠭᠠᠰᠢᠭᠤᠨ ᠨᠠᠭᠤᠷᠤᠨ ᠡᠷᠬᠢᠨ ᠲᠣᠭᠣᠷᠢᠨᠤ ᠪᠠᠢᠭᠠᠯᠢᠶᠢᠨ ᠣᠢᠲᠤ ᠡᠪᠡᠰᠦᠲᠦ ᠭᠠᠵᠠᠷᠢ 6.91 ᠲᠦᠮᠡᠨ ᠮᠦ᠍ ᠤᠰᠤᠯᠠᠵᠤ ᠂ ᠭᠠᠰᠢᠭᠤᠨ ᠨᠠᠭᠤᠷᠤᠨ ᠬᠣᠲᠣᠭᠣᠷᠤᠨ ᠪᠠᠭᠠ ᠨᠠᠭᠤᠷᠤᠨ ᠤᠰᠤᠨ ᠣᠷᠣᠨᠤ ᠲᠠᠯᠠᠪᠠᠶ 4.721 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷᠲᠦ ᠬᠦᠷᠴᠡᠢ ᠃
ᠰᠤᠪᠠᠨᠠᠭᠤᠷ ᠪᠣᠯ ᠮᠠᠨᠤ ᠤᠯᠤᠰᠤᠨ ᠬᠣᠶᠠᠳᠤᠭᠠᠷ ᠶᠡᠬᠡ ᠳᠣᠲᠣᠭᠠᠳᠤ ᠬᠠᠭᠤᠷᠠᠢᠶᠢᠨ ᠭᠣᠣᠯ ᠪᠣᠯᠬᠤ ᠡᠵᠡᠨᠡ ᠭᠣᠣᠯᠤᠨ ᠠᠳᠠᠭᠲᠤ ᠪᠦᠷᠢᠯᠳᠦᠭᠰᠡᠨ ᠨᠠᠭᠤᠷ ᠪᠣᠯᠣᠨᠠ ᠃ ᠴᠢ ᠯᠢᠶᠠᠨ ᠱᠠᠨ ᠠᠭᠤᠯᠠᠶᠢᠨ ᠭᠦᠨᠡᠴᠡ ᠡᠬᠢ ᠠᠪᠤᠭᠰᠠᠨ ᠡᠵᠡᠨᠡ ᠭᠣᠣᠯ ᠨᠢ ᠬᠥᠬᠡᠨᠠᠭᠤᠷ ᠂ ᠭᠠᠨᠰᠤ ᠪᠣᠯᠣᠨ ᠥᠪᠥᠷ ᠮᠣᠩᠭᠣᠯᠢᠶᠠᠷ ᠤᠷᠤᠰᠤᠨ ᠥᠩᠭᠡᠷᠡᠵᠦ ᠂ ᠪᠠᠳᠠᠢᠶᠢᠨ ᠵᠢᠷᠠᠨᠤ ᠡᠯᠡᠰᠦᠨᠦ ᠪᠠᠷᠠᠭᠤᠨ ᠬᠣᠢᠲᠤ ᠵᠠᠬᠠᠶᠢᠨ ᠬᠣᠶᠠᠷ ᠬᠡᠰᠡᠭ ᠭᠣᠪᠢᠶᠢᠨ ᠬᠣᠲᠣᠭᠣᠷ ᠭᠠᠵᠠᠷᠲᠤ ᠨᠡᠢᠯᠡᠨ ᠣᠷᠣᠵᠤ ᠂ ᠰᠤᠪᠠᠨᠠᠭᠤᠷ ᠪᠣᠯᠣᠨ ᠭᠠᠰᠢᠭᠤᠨ ᠨᠠᠭᠤᠷ ᠬᠣᠶᠠᠷ ᠶᠡᠬᠡ ᠨᠠᠭᠤᠷ ᠴᠥᠭᠥᠷᠥᠮᠢ ᠪᠤᠶ ᠪᠣᠯᠭᠠᠵᠤ ᠂ ᠤᠤᠯᠠᠴᠠᠪᠠᠨ 《 ᠡᠯᠡᠰᠦᠨ ᠴᠥᠯᠦᠨ ᠬᠣᠣᠰ ᠬᠠᠰ 》 ᠬᠡᠮᠡᠨ ᠠᠯᠳᠠᠷᠰᠢᠵᠠᠢ ᠃ ᠡᠷᠲᠡᠨᠡᠴᠡ ᠠᠪᠤᠭᠠᠳ ᠂ ᠰᠤᠪᠠᠨᠠᠭᠤᠷ ᠪᠣᠯ ᠳᠠᠷᠤᠢ ᠬᠠᠨ ᠤᠯᠤᠰᠤᠨ ᠦᠶᠡᠳᠦ ᠠᠲᠠᠷ ᠬᠠᠭᠠᠯᠪᠤᠷᠢᠯᠠᠨ ᠬᠢᠯᠢ ᠬᠢᠵᠠᠭᠠᠷᠢ ᠬᠠᠮᠠᠭᠠᠯᠠᠬᠤ 《 ᠪᠣᠭᠣᠮᠲᠠᠶᠢᠨ ᠤᠰᠤᠨ ᠬᠥᠮᠥᠷᠭᠡ 》 ᠪᠠᠢᠵᠤ ᠂ ᠡᠷᠲᠡᠨᠦ ᠲᠣᠷᠭᠠᠨ ᠵᠠᠮ ᠳᠡᠭᠡᠷᠡᠬᠢ ᠴᠢᠬᠤᠯᠠ ᠬᠠᠩᠭᠠᠯᠭᠠᠶᠢᠨ ᠥᠷᠲᠡᠭᠡ ᠪᠣᠯᠣᠨᠠ ᠃