ᠬᠣᠯᠪᠣᠭᠳᠠᠯ ᠪᠦᠬᠦᠢ ᠨᠢᠭᠡᠴᠢᠨᠦᠭᠦᠳ᠄
《 2025 ᠣᠨᠤ ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠢᠨᠵᠧᠨᠧᠷᠢᠩᠦᠨ ᠪᠠᠷᠢᠯᠭᠠᠶᠢᠨ ᠠᠵᠤ ᠠᠬᠤᠢᠯᠠᠯᠤᠨ ᠭᠣᠣᠯ ᠬᠠᠷᠢᠭᠤᠴᠠᠯᠭᠠᠲᠠᠨ ᠂ ᠲᠥᠷᠥᠯ ᠵᠦᠢᠯᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠪᠠ ᠲᠤᠰᠬᠠᠢ ᠲᠤᠰᠢᠶᠠᠯᠲᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠵᠢᠯᠲᠠᠨᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠰᠢᠯᠭᠠᠯᠲᠠᠶᠢᠨ ᠲᠥᠯᠥᠪᠯᠡᠭᠡᠶᠢ ᠨᠡᠢᠲᠡᠯᠡᠬᠦ ᠲᠤᠬᠠᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠲᠢᠩᠬᠢᠮᠦᠨ ᠮᠡᠳᠡᠭᠳᠡᠯ 》 （ ᠥᠪᠥᠷ ᠤᠰᠤᠨ ᠲᠡᠭᠡᠭᠡᠪᠦᠷᠢ ᠬᠠᠮᠢᠶᠠᠷᠤᠯᠲᠠ ［ 2025 ］ 10 ᠳ᠋ᠤᠭᠠᠷ ᠲᠣᠭᠠᠲᠤ ）ᠤᠨ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠱᠠᠭᠠᠷᠳᠠᠯᠭᠠᠶᠢ ᠦᠨᠳᠦᠰᠦᠯᠡᠨ ᠂ ᠡᠳᠦᠭᠡ 2025 ᠣᠨᠤ ᠬᠣᠶᠠᠳᠤᠭᠠᠷ ᠪᠦᠯᠦᠭᠦᠨ ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠢᠨᠵᠧᠨᠧᠷᠢᠩᠦᠨ ᠪᠠᠷᠢᠯᠭᠠᠶᠢᠨ ᠠᠵᠤ ᠠᠬᠤᠢᠯᠠᠯᠤᠨ ᠭᠣᠣᠯ ᠬᠠᠷᠢᠭᠤᠴᠠᠯᠭᠠᠲᠠᠨ ᠂ ᠲᠥᠷᠥᠯ ᠵᠦᠢᠯᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠪᠠ ᠲᠤᠰᠬᠠᠢ ᠲᠤᠰᠢᠶᠠᠯᠲᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠵᠢᠯᠲᠠᠨ （ ᠳᠣᠷᠣᠭ᠍ᠰᠢ 《 ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠵᠢᠯᠲᠠᠨ 》 ᠭᠡᠵᠦ ᠲᠣᠪᠴᠢᠯᠠᠨᠠ ）ᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠰᠢᠯᠭᠠᠯᠲᠠᠳᠤ ᠨᠡᠷᠡ ᠮᠡᠳᠡᠭᠦᠯᠬᠦ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠵᠦᠢᠯᠡᠰᠢ ᠳᠣᠣᠷᠠᠬᠢ ᠮᠡᠲᠦ ᠮᠡᠳᠡᠭᠳᠡᠶᠡ ᠃
ᠨᠢᠭᠡ ᠂ ᠰᠢᠯᠭᠠᠯᠲᠠᠶᠢᠨ ᠬᠡᠪᠴᠢᠶᠡ ᠵᠢᠴᠢ ᠨᠥᠬᠥᠴᠡᠯ
（ ᠨᠢᠭᠡ ） ᠰᠢᠯᠭᠠᠯᠲᠠᠳᠤ ᠨᠡᠷᠡ ᠮᠡᠳᠡᠭᠦᠯᠦᠭᠰᠡᠳᠦᠨ ᠬᠡᠪᠴᠢᠶᠡ
ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠢᠨᠵᠧᠨᠧᠷᠢᠩᠦᠨ ᠪᠠᠷᠢᠯᠭᠠᠶᠢᠨ ᠠᠵᠤ ᠠᠬᠤᠢᠯᠠᠯᠤᠨ ᠭᠣᠣᠯ ᠬᠠᠷᠢᠭᠤᠴᠠᠯᠭᠠᠲᠠᠨ （ A ᠲᠥᠷᠥᠯ ） ᠂ ᠲᠥᠷᠥᠯ ᠵᠦᠢᠯᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨ （ B ᠲᠥᠷᠥᠯ ） ᠂ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠤᠰᠬᠠᠢ ᠲᠤᠰᠢᠶᠠᠯᠲᠤ ᠠᠵᠢᠯᠲᠠᠨ （ C ᠲᠥᠷᠥᠯ ）ᠤ ᠦᠨᠡᠮᠯᠡᠯᠢ ᠰᠢᠨᠡᠪᠡᠷ ᠭᠤᠶᠤᠴᠢᠯᠠᠬᠤ ᠬᠠᠮᠢᠶᠠ ᠪᠦᠬᠦᠢ ᠠᠵᠢᠯᠲᠠᠨ ᠃ ᠨᠢᠭᠡᠨᠲᠡ ᠦᠨᠡᠮᠯᠡᠯ ᠣᠯᠣᠭᠰᠠᠨ ᠪᠠᠢᠵᠤ ᠦᠨᠡᠮᠯᠡᠯᠢᠶᠠᠨ ᠤᠷᠲᠤᠳᠬᠠᠬᠤ ᠴᠢᠬᠤᠯᠠᠲᠠᠢ ᠬᠥᠮᠥᠰ ᠲᠣᠰ ᠤᠳᠠᠭᠠᠨᠤ ᠰᠢᠯᠭᠠᠯᠲᠠᠳᠤ ᠣᠷᠣᠯᠴᠠᠬᠤ ᠴᠢᠬᠤᠯᠠ ᠦᠭᠡᠢ᠃
（ ᠬᠣᠶᠠᠷ ） ᠨᠡᠷᠡ ᠮᠡᠳᠡᠭᠦᠯᠦᠭᠰᠡᠳᠦᠨ ᠨᠥᠬᠥᠴᠡᠯ
1. ᠤᠷᠢᠭ᠍ᠳᠠᠭᠰᠠᠨ ᠪᠠᠷᠢᠯᠭᠠᠶᠢᠨ ᠠᠵᠤ ᠠᠬᠤᠢᠯᠠᠯ ᠯᠤᠭᠠ ᠵᠢᠩᠬᠢᠨᠢ ᠬᠥᠳᠡᠯᠮᠦᠷᠢᠶᠢᠨ ᠬᠠᠷᠢᠴᠠᠭᠠᠲᠠᠢ ᠪᠠᠢᠬᠤ；
2. ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠥᠮᠦᠵᠢᠯ ᠪᠣᠯᠪᠠᠰᠤᠷᠠᠯᠳᠤ ᠬᠢᠷᠢ ᠲᠡᠩᠴᠡᠭᠰᠡᠨ ᠪᠠᠢᠪᠠᠯ᠂ ᠦᠨᠡᠮᠯᠡᠯ ᠭᠤᠶᠤᠴᠢᠯᠠᠨ ᠠᠪᠬᠤ ᠣᠨᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠪᠣᠯᠪᠠᠰᠤᠷᠠᠯᠳᠤ 32 ᠬᠢᠴᠢᠶᠡᠯᠦᠨ ᠴᠠᠭᠠᠴᠠ ᠳᠤᠲᠠᠭᠤ ᠦᠭᠡᠢ ᠣᠷᠣᠯᠴᠠᠭᠰᠠᠨ ᠪᠠᠢᠬᠤ ；
3. ᠲᠥᠷᠥᠯ ᠵᠦᠢᠯᠡᠰᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨᠤ ᠨᠠᠰᠤᠶᠢ ᠪᠠᠷᠢᠯᠭᠠᠴᠢᠨᠤ ᠠᠵᠢᠯ ᠡᠷᠬᠢᠯᠡᠬᠦ ᠨᠠᠰᠤᠠᠴᠠ ᠬᠡᠲᠦᠷᠡᠭᠦᠯᠵᠦ ᠪᠣᠯᠬᠤ ᠦᠭᠡᠢ᠂ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠤᠰᠬᠠᠢ ᠲᠤᠰᠢᠶᠠᠯᠲᠤ ᠠᠵᠢᠯᠲᠠᠨᠤ ᠨᠠᠰᠤᠶᠢ ᠬᠠᠤᠯᠢᠪᠠᠷ ᠲᠣᠭᠲᠠᠭᠠᠭᠰᠠᠨ ᠠᠵᠢᠯᠠᠴᠠ ᠪᠠᠭᠤᠬᠤ ᠨᠠᠰᠤᠠᠴᠠ ᠬᠡᠲᠦᠷᠡᠭᠦᠯᠵᠦ ᠪᠣᠯᠬᠤ ᠦᠭᠡᠢ ；
4. ᠰᠤᠷᠤᠯᠭᠠᠶᠢᠨ ᠨᠠᠮᠲᠠᠷ᠂ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠬᠢᠷᠢ ᠬᠡᠮ ᠪᠠ ᠠᠵᠢᠯᠤᠨ ᠥᠩᠭᠡᠷᠡᠯᠲᠡᠶᠢᠨ ᠱᠠᠭᠠᠷᠳᠠᠯᠭᠠ᠄
（ 1 ） ᠲᠥᠷᠥᠯ ᠵᠦᠢᠯᠡᠰᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠨᠢ ᠪᠠᠷᠢᠯᠭᠠᠴᠢᠨᠤ ᠠᠵᠢᠯ ᠡᠷᠬᠢᠯᠡᠬᠦ ᠬᠢᠷᠢ ᠬᠡᠮᠲᠠᠢ ᠪᠠᠢᠬᠤ ；
（ 2 ） ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠤᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠤᠰᠬᠠᠢ ᠲᠤᠰᠢᠶᠠᠯᠲᠤ ᠠᠵᠢᠯᠲᠠᠨ ᠨᠢ ᠳᠤᠮᠳᠠ ᠵᠡᠷᠭᠡᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠰᠤᠷᠭᠠᠭᠤᠯᠢ ᠪᠤᠶᠤ ᠠᠳᠠᠯᠢ ᠲᠡᠰᠤᠨ ᠰᠤᠷᠤᠯᠭᠠᠶᠢᠨ ᠨᠠᠮᠲᠠᠷᠲᠠᠢ ᠮᠥᠷᠲᠡᠭᠡᠨ 3 ᠵᠢᠯ ᠪᠤᠶᠤ 3 ᠵᠢᠯᠡᠴᠡ ᠳᠡᠭᠡᠭᠰᠢᠬᠢ ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠪᠠᠷᠢᠯᠭᠠᠶᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ ᠠᠵᠢᠯᠤᠨ ᠥᠩᠭᠡᠷᠡᠯᠲᠡᠲᠠᠢ ᠪᠠᠢᠬᠤ ᠬᠡᠷᠡᠭᠲᠡᠢ᠂ ᠡᠰᠡᠬᠦᠯᠡ ᠳᠡᠭᠡᠳᠦ ᠵᠡᠷᠭᠡᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠵᠢᠴᠢ ᠲᠡᠭᠦᠨᠡᠴᠡ ᠳᠡᠭᠡᠭᠰᠢᠬᠢ ᠰᠤᠷᠤᠯᠭᠠᠶᠢᠨ ᠨᠠᠮᠲᠠᠷᠲᠠᠢ ᠮᠥᠷᠲᠡᠭᠡᠨ 2 ᠵᠢᠯ ᠪᠤᠶᠤ 2 ᠵᠢᠯᠡᠴᠡ ᠳᠡᠭᠡᠭᠰᠢᠬᠢ ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠪᠠᠷᠢᠯᠭᠠᠶᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ ᠠᠵᠢᠯᠤᠨ ᠥᠩᠭᠡᠷᠡᠯᠲᠡᠲᠠᠢ ᠪᠠᠢᠬᠤ ᠬᠡᠷᠡᠭᠲᠡᠢ᠃
ᠬᠣᠶᠠᠷ ᠂ ᠨᠡᠷᠡ ᠮᠡᠳᠡᠭᠦᠯᠬᠦ ᠠᠷᠭᠠ ᠬᠡᠯᠪᠡᠷᠢ ᠵᠢᠴᠢ ᠬᠢᠨᠠᠨ ᠰᠢᠯᠭᠠᠬᠤ ᠲᠠᠰ ᠳᠠᠷᠠᠭᠠᠯᠠᠯ
（ ᠨᠢᠭᠡ ） ᠨᠡᠷᠡ ᠮᠡᠳᠡᠭᠦᠯᠬᠦ ᠴᠠᠭ
2025 ᠣᠨᠤ 10 ᠰᠠᠷᠠᠶᠢᠨ 14ᠦ ᠡᠳᠦᠷ — 10 ᠰᠠᠷᠠᠶᠢᠨ 30ᠤ ᠡᠳᠦᠷ
（ ᠬᠣᠶᠠᠷ ） ᠨᠡᠷᠡ ᠮᠡᠳᠡᠭᠦᠯᠬᠦ ᠠᠷᠭᠠ ᠮᠠᠶᠢᠭ᠋
1. ᠰᠦᠯᠵᠢᠶᠡᠨ ᠳᠡᠭᠡᠷᠡ ᠨᠡᠷᠡ ᠮᠡᠳᠡᠭᠦᠯᠬᠦ ᠠᠷᠭᠠ ᠮᠠᠶᠢᠭ᠋ᠢ ᠬᠡᠷᠡᠭᠯᠡᠨᠡ ᠃ ᠲᠣᠰ ᠤᠳᠠᠭᠠ ᠨᠡᠷᠡ ᠮᠡᠳᠡᠭᠦᠯᠬᠦᠳᠦ ᠠᠩᠬᠠ ᠤᠳᠠᠭᠠ 《 ᠥᠨᠳᠥᠷ ᠪᠦᠲᠦᠮᠵᠢᠲᠡᠶᠪᠡᠷ ᠨᠢᠭᠡ ᠶᠠᠪᠤᠳᠠᠯᠢ ᠪᠦᠲᠦᠭᠡᠬᠦ 》 ᠦᠢᠯᠡᠴᠢᠯᠡᠭᠡᠨᠦ ᠵᠠᠭᠪᠤᠷᠢ ᠡᠬᠢᠯᠡᠨ ᠬᠡᠷᠡᠭᠯᠡᠨᠡ ᠂ ᠠᠮᠤᠷ ᠲᠦᠪᠰᠢᠨᠦ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠵᠢᠯᠲᠠᠨ ᠥᠪᠥᠷ ᠮᠣᠩᠭᠣᠯᠤᠨ ᠵᠠᠰᠠᠭᠤᠨ ᠶᠠᠪᠤᠳᠠᠯᠤᠨ ᠦᠢᠯᠡᠴᠢᠯᠡᠭᠡᠨᠦ ᠰᠦᠯᠵᠢᠶᠡ（https://zwfw.nmg.gov.cn/onething_nm/themeColumn） ᠪᠡᠷ ᠲᠠᠮᠵᠢᠨ 《 ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠢᠨᠵᠧᠨᠧᠷᠢᠩᠦᠨ ᠪᠠᠷᠢᠯᠭᠠᠶᠢᠨ ᠠᠵᠤ ᠠᠬᠤᠢᠯᠠᠯᠤᠨ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠵᠢᠯᠲᠠᠨᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠢᠨᠠᠨ ᠰᠢᠯᠭᠠᠯᠲᠠᠶᠢᠨ ᠨᠢᠭᠡ ᠶᠠᠪᠤᠳᠠᠯ》ᠢ ᠰᠣᠩᠭᠣᠵᠤ ᠰᠢᠯᠭᠠᠯᠲᠠᠳᠤ ᠨᠡᠷᠡ ᠮᠡᠳᠡᠭᠦᠯᠬᠦᠶᠢᠨ ᠬᠠᠮᠲᠤ ᠭᠤᠶᠤᠴᠢᠯᠠᠨ ᠠᠪᠬᠤ ᠦᠨᠡᠮᠯᠡᠯᠦᠨ ᠮᠠᠲᠧᠷᠢᠶᠠᠯᠢᠶᠠᠨ ᠲᠤᠰᠢᠶᠠᠨᠠ᠃
2. ᠨᠡᠷᠡ ᠮᠡᠳᠡᠭᠦᠯᠬᠦ ᠮᠠᠲᠧᠷᠢᠶᠠᠯ
（ 1 ） ᠨᠡᠷᠡ ᠮᠡᠳᠡᠭᠦᠯᠦᠭᠴᠢᠶᠢᠨ Jpg ᠵᠠᠭᠪᠤᠷᠤᠨ 20KB-200KB ᠬᠡᠮᠵᠢᠶᠡ ᠪᠦᠬᠦᠢ ᠣᠢᠷᠠᠶᠢᠨ ᠬᠤᠭᠤᠴᠠᠭᠠᠨᠤ ᠮᠠᠯᠠᠭᠠᠢ ᠦᠭᠡᠢ ᠨᠢᠭᠡ ᠢᠮᠠᠬᠤᠶᠢᠨ ᠥᠩᠭᠡᠲᠦ ᠬᠥᠬᠡ ᠳᠡᠪᠢᠰᠬᠡᠷᠲᠠᠢ ᠬᠥᠪᠡᠭᠡ ᠦᠭᠡᠢ ᠬᠡᠷᠡᠯ ᠵᠢᠷᠤᠭ ᠃
（ 2 ） ᠬᠥᠳᠡᠯᠮᠦᠷᠢᠶᠢᠨ ᠭᠡᠷᠡ ᠪᠠ 3 ᠰᠠᠷᠠ ᠰᠢᠬᠠᠮᠤᠨ ᠨᠡᠢᠭᠡᠮᠦᠨ ᠳᠠᠭᠠᠳᠬᠠᠯᠳᠤ ᠣᠷᠣᠯᠴᠠᠵᠤ ᠰᠦᠢᠳᠬᠡᠯ ᠲᠤᠰᠢᠶᠠᠭᠰᠠᠨ ᠮᠠᠲᠧᠷᠢᠶᠠᠯ （ ᠠᠵᠢᠯᠠᠴᠠᠪᠠᠨ ᠪᠠᠭᠤᠵᠤ ᠠᠮᠠᠷᠠᠭᠰᠠᠳ ᠠᠵᠢᠯᠠᠴᠠᠪᠠᠨ ᠪᠠᠭᠤᠵᠤ ᠠᠮᠠᠷᠠᠭᠰᠠᠨᠢ ᠭᠡᠷᠡᠴᠢᠯᠡᠬᠦ ᠬᠦᠴᠦᠨ ᠪᠦᠬᠦᠢ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠮᠠᠲᠧᠷᠢᠶᠠᠯ᠂ ᠬᠥᠳᠡᠯᠮᠦᠷᠢ ᠦᠢᠯᠡᠴᠢᠯᠡᠭᠡᠨᠦ ᠭᠡᠷᠡ ᠪᠠ ᠭᠡᠨᠡᠳᠲᠡᠶᠢᠨ ᠭᠡᠮᠲᠦᠯᠦᠨ ᠳᠠᠭᠠᠳᠬᠠᠯᠤᠨ ᠰᠦᠢᠳᠬᠡᠯ ᠲᠤᠰᠢᠶᠠᠭᠰᠠᠨ ᠮᠠᠲᠧᠷᠢᠶᠠᠯᠢᠶᠠᠨ ᠬᠠᠩᠭᠠᠬᠤ ᠬᠡᠷᠡᠭᠲᠡᠢ ）᠃
（ 3 ） B ᠲᠦᠷᠦᠯᠦᠨ ᠦᠨᠡᠮᠯᠡᠯ ᠭᠤᠶᠤᠴᠢᠯᠠᠬᠤ ᠠᠵᠢᠯᠲᠠᠨ ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠪᠠᠷᠢᠯᠭᠠᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠪᠠᠷᠢᠯᠭᠠᠴᠢᠨᠤ ᠠᠵᠢᠯ ᠡᠷᠬᠢᠯᠡᠭᠴᠢᠶᠢᠨ ᠠᠵᠢᠯ ᠡᠷᠬᠢᠯᠡᠬᠦ ᠬᠢᠷᠢ ᠬᠡᠮᠦᠨ ᠦᠨᠡᠮᠯᠡᠯᠢᠶᠠᠨ ᠬᠠᠩᠭᠠᠨᠠ ； C ᠲᠥᠷᠥᠯᠦᠨ ᠦᠨᠡᠮᠯᠡᠯ ᠭᠤᠶᠤᠴᠢᠯᠠᠬᠤ ᠠᠵᠢᠯᠲᠠᠨ ᠰᠤᠷᠤᠯᠭᠠᠶᠢᠨ ᠨᠠᠮᠲᠠᠷᠤᠨ ᠦᠨᠡᠮᠯᠡᠯᠢᠶᠠᠨ ᠬᠠᠩᠭᠠᠨᠠ ᠃
（ 4 ） ᠪᠠᠷᠢᠯᠭᠠᠶᠢᠨ ᠦᠢᠯᠡᠰᠦᠨ ᠠᠵᠤ ᠠᠬᠤᠢᠯᠠᠯᠤᠨ ᠬᠢᠷᠢ ᠬᠡᠮᠤᠨ ᠦᠨᠡᠮᠯᠡᠯ （ ᠤᠷᠢᠭ᠍ᠳᠠᠭᠰᠠᠨ ᠠᠵᠤ ᠠᠬᠤᠢᠯᠠᠯ ）᠃ ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠪᠠᠷᠢᠯᠭᠠᠶᠢᠨ ᠶᠡᠷᠦᠩᠬᠡᠢ ᠳᠠᠭᠠᠭᠠᠴᠢᠯᠠᠬᠤ ᠬᠣᠶᠠᠳᠤᠭᠠᠷ ᠳᠡᠰ （ ᠪᠠᠭᠲᠠᠨᠠ ） ᠠᠴᠠ ᠳᠣᠷᠣᠭ᠍ᠰᠢᠬᠢ ᠬᠢᠷᠢ ᠬᠡᠮᠲᠠᠢ ᠂ ᠲᠤᠰᠬᠠᠢ ᠳᠠᠭᠠᠭᠠᠴᠢᠯᠠᠬᠤ ᠬᠣᠶᠠᠳᠤᠭᠠᠷ ᠳᠡᠰ （ ᠪᠠᠭᠲᠠᠨᠠ ） ᠠᠴᠠ ᠳᠣᠷᠣᠭ᠍ᠰᠢᠬᠢ ᠬᠢᠷᠢ ᠬᠡᠮᠲᠠᠢ ᠪᠠᠢᠬᠤ ᠬᠡᠷᠡᠭᠲᠡᠢ ； ᠠᠵᠤ ᠦᠢᠯᠡᠳᠪᠦᠷᠢ ᠬᠤᠳᠠᠯᠳᠤᠭᠠᠶᠢᠨ ᠳᠠᠩᠰᠠᠯᠠᠭᠤᠯᠤᠭᠰᠠᠨ ᠭᠠᠵᠠᠷ ᠨᠢ ᠥᠪᠥᠷ ᠮᠣᠩᠭᠣᠯᠦᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠳᠤ ᠪᠠᠢᠬᠤ ᠬᠡᠷᠡᠭᠲᠡᠢ᠃
（ 5 ） ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠥᠮᠦᠵᠢᠯ ᠪᠣᠯᠪᠠᠰᠤᠷᠠᠯᠤᠨ ᠲᠡᠮᠳᠡᠭᠯᠡᠯ （ 32 ᠬᠢᠴᠢᠶᠡᠯᠦᠨ ᠴᠠᠭ ）᠃ ᠣᠨᠤ ᠬᠢᠴᠢᠶᠡᠯᠦᠨ ᠴᠠᠭᠢ 32 ᠬᠢᠴᠢᠶᠡᠯᠦᠨ ᠴᠠᠭᠠᠴᠠ ᠳᠤᠲᠠᠭᠤ ᠪᠠᠢᠯᠭᠠᠵᠤ ᠪᠣᠯᠬᠤ ᠦᠭᠡᠢ ； ᠰᠣᠷᠣᠭᠰᠠᠨ ᠠᠭᠤᠯᠭᠠ ᠨᠢ ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠢᠨᠵᠧᠨᠧᠷᠢᠩᠦᠨ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯ ᠯᠦ᠍ᠭᠡ ᠬᠣᠯᠪᠣᠭᠠᠲᠠᠢ ᠪᠠᠢᠵᠤ᠂ ᠪᠣᠯᠪᠠᠰᠤᠷᠠᠯᠤᠨ ᠪᠠᠢᠭᠤᠯᠤᠮᠵᠢᠳᠤ ᠨᠠᠢᠳᠠᠨ ᠪᠣᠯᠪᠠᠰᠤᠷᠠᠭᠰᠠᠨ ᠪᠠᠢᠪᠠᠯ ᠂ ᠪᠣᠯᠪᠠᠰᠤᠷᠠᠯᠤᠨ ᠪᠠᠢᠭᠤᠯᠤᠮᠵᠢᠶᠢᠨ ᠠᠯᠪᠠᠨ ᠲᠠᠮᠠᠭᠠᠲᠠᠢ ᠪᠠᠢᠬᠤ ᠬᠡᠷᠡᠭᠲᠡᠢ ； ᠠᠵᠤ ᠠᠬᠤᠢᠯᠠᠯ ᠪᠡᠶᠡᠪᠡᠨ ᠳᠠᠭᠠᠭᠠᠵᠤ ᠪᠣᠯᠪᠠᠰᠤᠷᠠᠭᠰᠠᠨ ᠪᠠᠢᠪᠠᠯ ᠂ ᠪᠣᠯᠪᠠᠰᠤᠷᠠᠯᠤᠨ ᠳᠦᠷᠢᠮ ᠂ ᠪᠣᠯᠪᠠᠰᠤᠷᠠᠯᠤᠨ ᠲᠥᠯᠥᠪᠯᠡᠭᠡ ᠂ ᠪᠣᠯᠪᠠᠰᠤᠷᠠᠯᠤᠨ ᠠᠭᠤᠯᠭᠠ ᠂ ᠪᠣᠯᠪᠠᠰᠤᠷᠠᠯᠤᠨ ᠠᠵᠢᠯᠲᠠᠨᠤ ᠨᠡᠷᠡᠰ ᠵᠢᠴᠢ ᠭᠠᠷᠤᠨ ᠥᠰᠥᠭ ᠵᠢᠷᠤᠭᠰᠠᠨ ᠬᠦᠰᠦᠨᠦᠭᠲᠦ ᠂ ᠪᠣᠯᠪᠠᠰᠤᠷᠠᠯᠤᠨ ᠰᠢᠯᠭᠠᠨ ᠬᠢᠨᠠᠭᠰᠠᠨ ᠦᠷᠡ ᠳ᠋ᠦᠩᠲᠠᠢ ᠪᠠᠢᠵᠤ᠂ ᠠᠵᠤ ᠠᠬᠤᠢᠯᠠᠯᠤᠨ ᠠᠯᠪᠠᠨ ᠲᠠᠮᠠᠭᠠᠶᠢ ᠳᠠᠷᠤᠬᠤ ᠬᠡᠷᠡᠭᠲᠡᠢ ᠃
（ 6 ） ᠦᠨᠡᠮᠯᠡᠯ ᠭᠤᠶᠤᠴᠢᠯᠠᠨ ᠠᠪᠬᠤ ᠠᠮᠠᠯᠠᠯᠲᠠᠶᠢᠨ ᠪᠢᠴᠢᠭ ᠪᠠ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠢᠨᠠᠨ ᠰᠢᠯᠭᠠᠯᠲᠠᠳᠤ ᠬᠢᠷᠢ ᠲᠡᠩᠴᠡᠭᠰᠡᠨ ᠦᠨᠡᠮᠯᠡᠯ ᠭᠤᠶᠤᠴᠢᠯᠠᠨ ᠠᠪᠬᠤ ᠭᠤᠶᠤᠴᠢᠯᠠᠯᠤᠨ ᠬᠦᠰᠦᠨᠦᠭᠲᠦ （ ᠨᠡᠷᠡ ᠮᠡᠳᠡᠭᠦᠯᠬᠦ ᠤᠷᠤᠴᠠᠳᠤ ᠬᠣᠭᠣᠰᠤᠨ ᠦᠯᠢᠭᠡᠷ ᠬᠦᠰᠦᠨᠦᠭᠲᠦ ᠬᠠᠩᠭᠠᠭᠰᠠᠨᠢ ᠪᠠᠭᠤᠯᠭᠠᠵᠤ ᠲᠠᠭᠯᠠᠨᠠ ）᠃
（ ᠭᠤᠷᠪᠠ ） ᠰᠦᠯᠵᠢᠶᠡᠨ ᠳᠡᠭᠡᠷᠡ ᠬᠢᠨᠠᠨ ᠬᠠᠷᠭᠤᠭᠤᠯᠬᠤ
ᠠᠮᠤᠷ ᠲᠦᠪᠰᠢᠨᠦ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠵᠢᠯᠲᠠᠨᠤ ᠰᠢᠨᠡᠪᠡᠷ ᠭᠡᠷᠡᠴᠢ ᠠᠪᠬᠤ ᠬᠢᠨᠠᠨ ᠰᠢᠯᠭᠠᠯᠲᠠᠳᠤ ᠨᠡᠷᠡ ᠮᠡᠳᠡᠭᠦᠯᠦᠭᠰᠡᠨ ᠮᠠᠲᠧᠷᠢᠶᠠᠯ ᠨᠢ ᠪᠦᠷᠢᠨ ᠪᠤᠰᠤ ᠪᠤᠶᠤ ᠬᠠᠤᠯᠢᠳᠤ ᠲᠣᠭᠲᠠᠭᠠᠭᠰᠠᠨ ᠬᠡᠯᠪᠡᠷᠢᠳᠦ ᠨᠡᠢᠴᠡᠬᠦ ᠦᠭᠡᠢ ᠪᠠᠢᠪᠠᠯ ᠂ ᠬᠢᠨᠠᠨ ᠰᠢᠯᠭᠠᠬᠤ ᠬᠠᠮᠢᠶᠠᠷᠤᠯᠲᠠᠶᠢᠨ ᠰᠠᠯᠠᠭᠠ ᠮᠥᠴᠢᠷ ᠨᠢ ᠭᠤᠶᠤᠴᠢᠯᠠᠭ᠍ᠴᠢᠳᠤ ᠨᠥᠬᠥᠪᠦᠷᠢᠯᠡᠨ ᠵᠠᠯᠠᠷᠠᠭᠤᠯᠬᠤ ᠴᠢᠬᠤᠯᠠᠲᠠᠢ ᠪᠥᠬᠥ ᠠᠭᠤᠯᠭᠠᠶᠢ ᠨᠢᠭᠡ ᠯᠡ ᠤᠳᠠᠭᠠᠳᠤ ᠮᠡᠳᠡᠭᠳᠡᠨᠡ ᠂ ᠭᠤᠶᠤᠴᠢᠯᠠᠭ᠍ᠴᠢ ᠨᠢ ᠬᠢᠨᠠᠨ ᠰᠢᠯᠭᠠᠬᠤ ᠬᠠᠮᠢᠶᠠᠷᠤᠯᠲᠠᠶᠢᠨ ᠰᠠᠯᠠᠭᠠ ᠮᠥᠴᠢᠷᠡᠴᠡ ᠮᠡᠳᠡᠭᠳᠡᠯ ᠭᠠᠷᠭᠠᠭᠰᠠᠨᠤ ᠳᠠᠷᠠᠭᠠ 3 ᠡᠳᠦᠷᠦᠨ ᠳᠣᠲᠣᠷᠠ ᠮᠠᠲᠧᠷᠢᠶᠠᠯᠢᠶᠠᠨ ᠨᠢᠭᠡ ᠯᠡ ᠤᠳᠠᠭᠠᠳᠤ ᠲᠡᠭᠦᠯᠳᠡᠷᠵᠢᠭᠦᠯᠬᠦᠶᠢᠨ ᠬᠠᠮᠲᠤ ᠳᠠᠭᠢᠵᠤ ᠲᠤᠰᠢᠶᠠᠬᠤ ᠬᠡᠷᠡᠭᠲᠡᠢ ᠂ ᠬᠠᠮᠤᠭ ᠡᠴᠦᠰᠦᠨ ᠬᠢᠨᠠᠨ ᠬᠠᠷᠭᠤᠭᠤᠯᠬᠤ ᠡᠳᠦᠷ ᠬᠤᠭᠤᠴᠠᠭᠠ ᠨᠢ 2025 ᠣᠨᠤ 10 ᠰᠠᠷᠠᠶᠢᠨ 31ᠦ ᠡᠳᠦᠷ ᠪᠣᠯᠣᠨᠠ ᠂ ᠬᠤᠭᠤᠴᠠᠭᠠᠠᠴᠠ ᠬᠡᠲᠦᠷᠡᠪᠡᠯ ᠰᠢᠨᠡᠪᠡᠷ ᠭᠡᠷᠡᠴᠢ ᠠᠪᠬᠤ ᠬᠢᠨᠠᠨ ᠰᠢᠯᠭᠠᠯᠲᠠᠳᠤ ᠨᠡᠷᠡ ᠮᠡᠳᠡᠭᠦᠯᠬᠦᠪᠡᠨ ᠪᠣᠯᠢᠭ᠍ᠰᠠᠨᠢᠶᠠᠷ ᠪᠤᠳᠤᠨᠠ ᠃
ᠭᠤᠷᠪᠠ ᠂ ᠰᠢᠯᠭᠠᠯᠲᠠ
（ ᠨᠢᠭᠡ ） ᠰᠢᠯᠭᠠᠯᠲᠠᠶᠢᠨ ᠴᠠᠭ
2025 ᠣᠨᠤ 11 ᠰᠠᠷᠠᠶᠢᠨ 13ᠤ ᠡᠳᠦᠷᠦᠨ ᠦᠳᠡᠶᠢᠨ ᠡᠮᠦᠨᠡ 9 ᠄ 00 ︱ 11 ᠄ 30
（ ᠬᠣᠶᠠᠷ ） ᠰᠢᠯᠭᠠᠯᠲᠠᠶᠢᠨ ᠭᠠᠵᠠᠷ
ᠬᠥᠬᠡᠬᠣᠲᠠ ᠄ ᠴᠠᠩ ᠴᠧᠨ ᠰᠤᠷᠭᠠᠨ ᠬᠥᠮᠦᠵᠢᠯ （ ᠢᠦᠢ ᠴᠢᠤᠸᠠᠨ ᠲᠣᠭᠣᠷᠢᠭ᠋ᠤᠨ ᠰᠢᠯᠢᠶᠢᠨ ᠭᠣᠣᠯ ᠡᠮᠦᠨᠡ ᠵᠠᠮᠤᠨ ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠹᠧᠢ ᠼᠦᠢ ᠴᠧᠩ ᠬᠣᠲᠠᠶᠢᠨ 10 ᠳ᠋ᠤᠭᠠᠷ ᠨᠣᠮᠧᠷᠲᠤ ᠠᠰᠠᠷ ）
ᠤᠯᠠᠭᠠᠨᠬᠠᠳᠠ ᠬᠣᠲᠠ ᠄ ᠴᠧᠨ ᠳᠧ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠰᠢᠯᠭᠠᠯᠲᠠᠶᠢᠨ ᠲᠥᠪ （ ᠬᠤᠩᠱᠠᠨ ᠲᠣᠭᠣᠷᠢᠭ᠋ᠤᠨ ᠲᠣᠭᠠᠴᠢᠯᠠᠭᠰᠠᠨ ᠪᠦᠲᠦᠭᠡᠯᠴᠢ ᠲᠥᠰᠥᠪᠯᠡᠯᠦᠨ ᠬᠦᠷᠢᠶᠡᠯᠡᠩ ᠲᠣᠭᠣᠷᠢᠭ᠋ᠤᠨ ᠴᠧᠨ ᠳᠧ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠰᠢᠯᠭᠠᠯᠲᠠᠶᠢᠨ ᠲᠥᠪᠦᠨ B ᠠᠰᠠᠷ ）
ᠣᠷᠳᠣᠰ ᠬᠣᠲᠠ ᠄ ᠣᠷᠳᠣᠰᠤᠨ ᠸᠠᠨ ᠷᠦᠩ ᠪᠠᠷᠢᠮᠵᠢᠶᠠᠵᠢᠭᠤᠯᠤᠯᠲᠠᠶᠢᠨ ᠰᠢᠯᠭᠠᠯᠲᠠᠶᠢᠨ ᠲᠠᠯᠠᠪᠠᠶ （ ᠳ᠋ᠦᠩᠱᠧᠩ ᠲᠣᠭᠣᠷᠢᠭ᠋ᠤᠨ ᠨᠡᠭᠦᠷᠡᠰᠦᠨᠦ ᠮᠡᠳᠡᠭᠡ ᠵᠠᠩᠭᠢᠶᠢᠨ ᠲᠣᠮᠣ᠌ ᠠᠰᠠᠷᠤᠨ 2 ᠳ᠋ᠤᠭᠠᠷ ᠠᠰᠠᠷ ）
ᠨᠡᠷᠡ ᠮᠡᠳᠡᠭᠦᠯᠬᠦᠳᠡᠭᠡᠨ ᠡᠷᠬᠡᠪᠰᠢ ᠰᠢᠯᠭᠠᠯᠲᠠᠶᠢᠨ ᠭᠠᠵᠠᠷ （ ᠬᠥᠬᠡᠬᠣᠲᠠ ᠂ ᠤᠯᠠᠭᠠᠨᠬᠠᠳᠠ ᠂ ᠣᠷᠳᠣᠰ ᠬᠣᠲᠠ ）ᠢ ᠥᠪᠡᠰᠦᠪᠡᠨ ᠰᠣᠩᠭᠣᠬᠤ ᠬᠡᠷᠡᠭᠲᠡᠢ ᠂ ᠨᠡᠷᠡ ᠮᠡᠳᠡᠭᠦᠯᠬᠦᠶᠢ ᠬᠢᠨᠠᠨ ᠬᠠᠷᠭᠤᠭᠤᠯᠤᠭᠰᠠᠨᠤ ᠳᠠᠷᠠᠭᠠ ᠰᠢᠯᠭᠠᠯᠲᠠᠶᠢᠨ ᠭᠠᠵᠠᠷᠢ ᠬᠤᠪᠢᠷᠠᠭᠤᠯᠵᠤ ᠪᠣᠯᠬᠤ ᠦᠭᠡᠢ ᠂ ᠡᠢᠮᠦᠡᠴᠡ ᠪᠣᠯᠭᠣᠮᠵᠢᠲᠠᠢᠪᠠᠷ ᠰᠣᠩᠭᠣᠭᠠᠷᠠᠢ ᠃
（ ᠭᠤᠷᠪᠠ ） ᠰᠢᠯᠭᠠᠯᠲᠠᠶᠢᠨ ᠠᠭᠤᠯᠭᠠ
ᠰᠢᠯᠭᠠᠯᠲᠠᠶᠢᠨ ᠠᠭᠤᠯᠭᠠᠳᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠮᠡᠳᠡᠯᠭᠡ ᠪᠠ ᠬᠠᠮᠢᠶᠠᠷᠤᠯᠲᠠᠶᠢᠨ ᠴᠢᠳᠠᠪᠤᠷᠢ ᠭᠡᠬᠦ ᠬᠣᠶᠠᠷ ᠬᠡᠰᠡᠭ ᠪᠠᠭᠲᠠᠨᠠ᠃
ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠮᠡᠳᠡᠯᠭᠡᠳᠦ᠄ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠠᠵᠢᠯᠤᠨ ᠦᠨᠳᠦᠰᠦᠨ ᠴᠢᠭᠯᠡᠯᠲᠡ ᠲᠥᠷᠥᠶᠢᠨ ᠪᠣᠳᠣᠯᠭᠠ᠂ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠲᠠᠯᠠᠶᠢᠨ ᠬᠠᠤᠯᠢ ᠴᠠᠭᠠᠵᠠ ᠬᠠᠤᠯᠢ ᠲᠣᠭᠲᠠᠭᠠᠯ᠂ ᠤᠯᠤᠰ ᠪᠠ ᠤᠰᠦᠠ ᠠᠰᠢᠭ᠍ᠯᠠᠯᠲᠠᠶᠢᠨ ᠠᠵᠢᠯ ᠲᠥᠷᠥᠯᠦᠨ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠳᠦᠷᠢᠮ ᠲᠣᠭᠲᠠᠭᠠᠯ᠂ ᠪᠠᠷᠢᠮᠵᠢᠶᠠᠶᠢᠨ ᠵᠢᠷᠤᠮᠵᠢᠯ᠂ ᠤᠰᠦᠠ ᠠᠰᠢᠭ᠍ᠯᠠᠯᠲᠠ ᠤᠰᠦᠠ ᠴᠠᠬᠢᠯᠭᠠᠨᠤ ᠪᠠᠷᠢᠯᠭᠠᠶᠢᠨ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠮᠡᠷᠭᠡᠵᠢᠯ ᠵᠡᠷᠭᠡ ᠪᠠᠭᠲᠠᠨᠠ᠃
ᠬᠠᠮᠢᠶᠠᠷᠤᠯᠲᠠᠶᠢᠨ ᠴᠢᠳᠠᠪᠤᠷᠢᠳᠤ ᠄ ᠠᠶᠤᠯᠤᠨ ᠡᠬᠢ ᠰᠤᠷᠪᠤᠯᠵᠢᠶᠢ ᠢᠯᠭᠠᠨ ᠲᠠᠨᠢᠵᠤ ᠦᠨᠡᠯᠡᠨ ᠵᠢᠱ᠌ᠢᠬᠦ ᠪᠠ ᠲᠦᠭᠰᠢᠭᠦᠷᠢᠶᠢ ᠬᠠᠮᠢᠶᠠᠷᠤᠨ ᠡᠵᠡᠮᠳᠡᠬᠦ ᠂ ᠳᠠᠯᠳᠠ ᠬᠡᠮᠢ ᠵᠢᠭ᠍ᠰᠠᠭᠠᠨ ᠪᠠᠢᠴᠠᠭᠠᠵᠤ ᠵᠠᠰᠠᠬᠤ ᠂ ᠡᠨᠳᠡᠯᠢ ᠮᠡᠳᠡᠭᠦᠯᠬᠦ ᠪᠠ ᠰᠢᠢᠳᠪᠦᠷᠢᠯᠡᠬᠦ ᠂ ᠪᠠᠴᠢᠮ ᠪᠠᠢᠳᠠᠯᠢ ᠠᠷᠭᠠᠴᠠᠬᠤ ᠬᠠᠮᠢᠶᠠᠷᠤᠯᠲᠠ ᠂ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠥᠮᠦᠵᠢᠯ ᠪᠣᠯᠪᠠᠰᠤᠷᠠᠯ ᠵᠡᠷᠭᠡ ᠪᠠᠭᠲᠠᠨᠠ ᠃
ᠰᠢᠯᠭᠠᠯᠲᠠᠶᠢᠨ ᠲᠥᠷᠥᠯ ᠵᠦᠢᠯ ᠨᠢ ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠢᠨᠵᠧᠨᠧᠷᠢᠩᠦᠨ ᠪᠠᠷᠢᠯᠭᠠᠶᠢᠨ ᠠᠵᠤ ᠠᠬᠤᠢᠯᠠᠯᠤᠨ ᠭᠣᠣᠯ ᠬᠠᠷᠢᠭᠤᠴᠠᠯᠭᠠᠲᠠᠨ （ A ᠲᠥᠷᠥᠯ ） ᠂ ᠲᠥᠷᠥᠯ ᠵᠦᠢᠯᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨ （ B ᠲᠥᠷᠥᠯ） ᠪᠠ ᠲᠤᠰᠬᠠᠢ ᠲᠤᠰᠢᠶᠠᠯᠲᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠵᠢᠯᠲᠠᠨ （ C ᠲᠥᠷᠥᠯ ） ᠵᠡᠷᠭᠡ ᠭᠤᠷᠪᠠᠨ ᠲᠥᠷᠥᠯ ᠪᠣᠯᠣᠨᠠ ᠃
ᠲᠣᠰ ᠤᠳᠠᠭᠠᠨᠤ ᠰᠢᠯᠭᠠᠯᠲᠠᠶᠢᠨ 80% ᠵᠢᠨ ᠰᠡᠳᠦᠪᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠢᠨᠵᠧᠨᠧᠷᠢᠩᠦᠨ ᠪᠠᠷᠢᠯᠭᠠ ᠪᠠᠷᠢᠬᠤ ᠠᠵᠤ ᠠᠬᠤᠢᠯᠠᠯᠤᠨ ᠭᠣᠣᠯ ᠬᠠᠷᠢᠭᠤᠴᠠᠯᠭᠠᠲᠠᠨ ᠂ ᠲᠥᠷᠥᠯ ᠵᠦᠢᠯᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠪᠠ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠤᠰᠬᠠᠢ ᠲᠤᠰᠢᠶᠠᠯᠲᠤ ᠠᠵᠢᠯᠲᠠᠨᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠢᠨᠠᠨ ᠰᠢᠯᠭᠠᠬᠤ ᠰᠡᠳᠦᠪᠦᠨ ᠬᠥᠮᠥᠷᠭᠡᠡᠴᠡ ᠰᠣᠩᠭᠣᠨ ᠠᠪᠤᠨᠠ ᠃ ᠰᠡᠳᠦᠪᠦᠨ ᠬᠥᠮᠥᠷᠭᠡᠶᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠲᠢᠩᠬᠢᠮᠦᠨ ᠠᠯᠪᠠᠨ ᠰᠦᠯᠵᠢᠶᠡᠳᠡᠬᠢ 《 ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯ 》ᠤᠨ ᠲᠤᠰᠬᠠᠢ ᠪᠤᠯᠤᠩ ᠂ 《 ᠶᠠᠰᠤ ᠴᠢᠨᠠᠷᠲᠤ ᠮᠡᠷᠭᠡᠵᠢᠯᠦᠨ ᠬᠢᠨᠠᠯᠲᠠ ᠲᠠᠯᠪᠢᠬᠤ ᠲᠥᠪ 》ᠤᠨ ᠲᠤᠰᠬᠠᠢ ᠪᠤᠯᠤᠩᠢᠶᠠᠷ ᠪᠠᠭᠤᠯᠭᠠᠨ ᠠᠪᠴᠤ ᠪᠣᠯᠬᠤ ᠪᠥᠭᠡᠳ ᠪᠠᠰᠠ ᠸᠢᠴᠠᠲᠤᠨ ᠨᠡᠶ᠋ᠢᠲᠡᠶᠢᠨ ᠳ᠋ᠤᠭᠠᠷ 《 ᠥᠪᠥᠷ ᠮᠣᠩᠭᠣᠯᠤᠨ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠶᠠᠰᠤ ᠴᠢᠨᠠᠷ ᠬᠢᠭᠡᠳ ᠠᠶᠤᠯᠭᠦᠢᠳᠦ ᠬᠢᠨᠠᠯᠲᠠ ᠲᠠᠯᠪᠢᠬᠤ 》 ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠲᠤᠰᠬᠠᠢ ᠪᠤᠯᠤᠩᠠᠴᠠ ᠠᠪᠴᠤ ᠪᠣᠯᠣᠨᠠ ᠃
（ ᠳᠥᠷᠪᠡ ） ᠰᠢᠯᠭᠠᠯᠲᠠᠶᠢᠨ ᠬᠡᠯᠪᠡᠷᠢ ᠵᠢᠴᠢ ᠰᠡᠳᠦᠪᠦᠨ ᠬᠡᠯᠪᠡᠷᠢ
ᠲᠣᠰ ᠤᠳᠠᠭᠠᠨᠤ ᠰᠢᠯᠭᠠᠯᠲᠠᠳᠤ ᠺᠣᠮᠫᠢᠦ᠋ᠲᠧᠷᠢᠶᠡᠷ ᠰᠢᠯᠭᠠᠬᠤ ᠠᠷᠭᠠᠶᠢ ᠬᠡᠷᠡᠭᠯᠡᠨᠡ ᠂ ᠰᠢᠯᠭᠠᠬᠤ ᠴᠠᠭ ᠨᠢ 150 ᠮᠢᠨᠦ᠋ᠲ ᠪᠣᠯᠣᠨᠠ ᠃ ᠰᠢᠯᠭᠠᠯᠲᠠᠶᠢᠨ ᠪᠦᠷᠢᠨ ᠬᠤᠪᠢ ᠨᠢ 100 ᠬᠤᠪᠢ ᠪᠠᠢᠵᠤ ᠂ 60 ᠬᠤᠪᠢᠶᠢᠨ ᠬᠢᠷᠢ ᠲᠡᠩᠴᠡᠭᠰᠡᠨ ᠬᠢᠷᠢ ᠪᠦᠲᠦᠮᠵᠢᠡᠴᠡ ᠳᠣᠣᠷᠠ ᠪᠠᠢᠵᠤ ᠪᠣᠯᠬᠤ ᠦᠭᠡᠢ ᠃ ᠰᠢᠯᠭᠠᠯᠲᠠᠶᠢᠨ ᠬᠠᠭᠤᠳᠠᠰᠤᠶᠢᠨ ᠭᠠᠷᠴᠠᠭᠲᠤ ᠭᠠᠭᠴᠠ ᠰᠣᠩᠭᠣᠬᠤ ᠰᠡᠳᠦᠪ᠂ ᠤᠯᠠᠨ ᠰᠣᠩᠭᠣᠬᠤ ᠰᠡᠳᠦᠪ ᠪᠠ ᠮᠠᠭᠠᠳᠯᠠᠬᠤ ᠰᠡᠳᠦᠪ ᠪᠠᠭᠲᠠᠨᠠ᠃
（ ᠲᠠᠪᠤ ） ᠰᠢᠯᠭᠠᠯᠲᠠᠶᠢᠨ ᠳᠦᠷᠢᠮ
1. ᠨᠡᠷᠡ ᠮᠡᠳᠡᠭᠦᠯᠬᠦ ᠠᠵᠢᠯᠲᠠᠨ ᠨᠡᠷᠡ ᠮᠡᠳᠡᠭᠦᠯᠬᠦ ᠰᠢᠰᠲᠧᠮᠳᠤ ᠨᠡᠷᠡ ᠮᠡᠳᠡᠭᠦᠯᠬᠦ ᠦᠨᠡᠨ ᠪᠣᠳᠠᠲᠠᠢ ᠣᠨᠣᠪᠴᠢᠲᠠᠶ ᠮᠡᠳᠡᠭᠡ ᠵᠠᠩᠭᠢᠶᠢᠨ ᠮᠠᠲᠧᠷᠢᠶᠠᠯᠢᠶᠠᠨ ᠲᠤᠰᠢᠶᠠᠬᠤ ᠬᠡᠷᠡᠭᠲᠡᠢ ᠃ ᠬᠤᠳᠠᠯ ᠬᠠᠭᠤᠷᠮᠠᠭ ᠮᠡᠳᠡᠭᠡ ᠵᠠᠩᠭᠢ ᠪᠠ ᠬᠤᠳᠠᠯ ᠬᠠᠭᠤᠷᠮᠠᠭ ᠮᠠᠲᠧᠷᠢᠶᠠᠯᠢ ᠵᠣᠷᠢᠭᠤᠳᠠ ᠲᠤᠰᠢᠶᠠᠭᠰᠠᠨ ᠪᠠᠢᠪᠠᠯ ᠂ 《 ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠤᠰᠤᠨ ᠴᠠᠬᠢᠯᠭᠠᠨᠤ ᠢᠨᠵᠧᠨᠧᠷᠢᠩᠦᠨ ᠪᠠᠷᠢᠯᠭᠠ ᠪᠠᠷᠢᠬᠤ ᠠᠵᠤ ᠠᠬᠤᠢᠯᠠᠯᠤᠨ ᠭᠣᠣᠯ ᠬᠠᠷᠢᠭᠤᠴᠠᠯᠭᠠᠲᠠᠨ ᠂ ᠲᠥᠷᠥᠯ ᠵᠦᠢᠯᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠪᠠ ᠲᠤᠰᠬᠠᠢ ᠲᠤᠰᠢᠶᠠᠯᠲᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠵᠢᠯᠲᠠᠨᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠢᠨᠠᠨ ᠰᠢᠯᠭᠠᠬᠤ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠷᠭᠠ 》 （ ᠤᠰᠤᠨᠤ ᠬᠢᠨᠠᠯᠲᠠ ［ 2022 ］ 326 ᠳ᠋ᠤᠭᠠᠷ ᠲᠣᠭᠠᠲᠤ ）ᠶᠢᠨ ᠶᠣᠰᠣᠭᠠᠷ ᠰᠢᠢᠳᠪᠦᠷᠢᠯᠡᠨᠡ ᠃
2. ᠰᠢᠯᠭᠠᠭᠤᠯᠤᠭ᠍ᠴᠢ ᠰᠢᠯᠭᠠᠯᠲᠠᠳᠤ ᠣᠷᠣᠯᠴᠠᠬᠤᠳᠠᠭᠠᠨ ᠡᠷᠬᠡᠪᠰᠢ ᠳᠣᠣᠷᠠᠬᠢ ᠳᠦᠷᠢᠮᠦᠳᠢ ᠵᠢᠷᠤᠮᠯᠠᠬᠤ ᠬᠡᠷᠡᠭᠲᠡᠢ᠄
（ 1 ） ᠰᠠᠭᠤᠭᠠᠯᠢ ᠠᠷᠠᠳᠤᠨ ᠪᠡᠶᠡᠶᠢᠨ ᠦᠨᠡᠮᠯᠡᠯ ᠵᠡᠷᠭᠡ ᠬᠦᠴᠦᠨ ᠪᠦᠬᠦᠢ ᠪᠡᠶᠡᠶᠢᠨ ᠦᠨᠡᠮᠯᠡᠯᠢᠶᠡᠷᠢᠶᠡᠨ ᠰᠢᠯᠭᠠᠯᠲᠠᠶᠢᠨ ᠲᠠᠯᠠᠪᠠᠢᠳᠤ ᠣᠷᠣᠬᠤᠳᠤ᠂ ᠪᠡᠶᠡᠶᠢᠨ ᠬᠢᠷᠢ ᠬᠡᠮᠤᠨ ᠮᠡᠳᠡᠭᠡ ᠵᠠᠩᠭᠢ ᠨᠢ ᠨᠡᠷᠡ ᠮᠡᠳᠡᠭᠦᠯᠬᠦ ᠦᠶᠡᠶᠢᠨ ᠲᠠᠭᠯᠠᠭᠰᠠᠨ ᠮᠡᠳᠡᠭᠦᠯᠦᠯᠲᠡᠲᠠᠢ ᠠᠳᠠᠯᠢ ᠪᠠᠢᠬᠤ ᠬᠡᠷᠡᠭᠲᠡᠢ᠃
（ 2 ） ᠰᠢᠯᠭᠠᠯᠲᠠᠳᠤ ᠪᠢᠲᠡᠭᠦᠮᠵᠢᠯᠡᠭᠰᠡᠨ ᠬᠠᠮᠢᠶᠠᠷᠤᠯᠲᠠᠶᠢ ᠬᠡᠷᠡᠭᠵᠢᠭᠦᠯᠵᠦ ᠂ ᠰᠢᠯᠭᠠᠯᠲᠠ ᠡᠬᠢᠯᠡᠭᠰᠡᠨᠦ ᠳᠠᠷᠠᠭᠠ 30 ᠮᠢᠨᠦ᠋ᠲᠦᠨ ᠳᠠᠷᠠᠭᠠ ᠰᠢᠯᠭᠠᠯᠲᠠᠶᠢᠨ ᠲᠠᠯᠠᠪᠤᠷᠲᠤ ᠣᠷᠣᠬᠤᠶᠢ ᠴᠥᠮ ᠴᠠᠭᠠᠵᠠᠯᠠᠨᠠ ； ᠰᠢᠯᠭᠠᠯᠲᠠ ᠡᠬᠢᠯᠡᠭᠡᠳ 90 ᠮᠢᠨᠦ᠋ᠲᠦᠨ ᠳᠣᠲᠣᠷᠠ ᠲᠠᠯᠠᠪᠤᠷᠠᠴᠠ ᠭᠠᠷᠴᠤ ᠪᠣᠯᠬᠤ ᠦᠭᠡᠢ ᠃
（ 3 ） ᠰᠢᠯᠭᠠᠯᠲᠠᠶᠢᠨ ᠲᠠᠯᠠᠪᠤᠷᠤᠨ ᠳᠦᠷᠢᠮᠢ ᠵᠢᠷᠤᠮᠯᠠᠨ ᠂ ᠰᠢᠯᠭᠠᠯᠲᠠᠶᠢᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠬᠠᠮᠢᠶᠠᠷᠤᠯᠲᠠᠶᠢ ᠳᠠᠭᠠᠵᠤ ᠂ ᠰᠢᠯᠭᠠᠯᠲᠠᠶᠢᠨ ᠰᠡᠳᠦᠪᠦᠨ ᠬᠠᠷᠢᠭᠤᠯᠲᠠᠶᠢᠨ ᠱᠠᠭᠠᠷᠳᠠᠯᠭᠠᠶᠢ ᠵᠢᠷᠤᠮᠯᠠᠨ ᠳᠠᠭᠠᠬᠤ ᠬᠡᠷᠡᠭᠲᠡᠢ᠃
（ 4 ） ᠰᠢᠯᠭᠠᠭᠤᠯᠤᠭ᠍ᠴᠢ ᠰᠢᠯᠭᠠᠯᠲᠠᠶᠢᠨ ᠶᠠᠪᠤᠴᠠᠳᠤ ᠰᠠᠬᠢᠯᠭᠠ ᠪᠠᠲᠤ ᠳᠦᠷᠢᠮ ᠲᠣᠭᠲᠠᠭᠠᠯᠢ ᠵᠥᠷᠢᠴᠡᠭᠰᠡᠨ ᠦᠶ᠋ᠯᠡ ᠠᠵᠢᠯᠯᠠᠭᠠᠲᠠᠢ ᠪᠠᠢᠪᠠᠯ ᠂ ᠰᠢᠯᠭᠠᠯᠲᠠᠶᠢᠨ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠲᠣᠭᠲᠠᠭᠠᠯ ᠶᠣᠰᠣᠭᠠᠷ ᠮᠠᠭᠠᠳᠯᠠᠨ ᠲᠣᠭᠲᠠᠭᠠᠬᠤ ᠪᠠ ᠰᠢᠢᠳᠪᠦᠷᠢᠯᠡᠨᠡ ᠃
ᠳᠥᠷᠪᠡ᠂ ᠦᠨᠡᠮᠯᠡᠯ ᠠᠪᠬᠤ
ᠰᠢᠯᠭᠠᠯᠲᠠ ᠳᠠᠭᠤᠰᠤᠭᠰᠠᠨᠤ ᠳᠠᠷᠠᠭᠠ ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠲᠢᠩᠬᠢᠮᠡᠴᠡ ᠰᠢᠯᠭᠠᠯᠲᠠᠳᠤ ᠬᠢᠷᠢ ᠲᠡᠩᠴᠡᠭᠰᠡᠨ ᠬᠥᠮᠥᠰᠢ ᠢᠯᠡ ᠨᠡᠢᠲᠡᠯᠡᠨᠡ ᠂ ᠢᠯᠡ ᠨᠡᠢᠲᠡᠯᠡᠬᠦ ᠬᠤᠭᠤᠴᠠᠭᠠ ᠨᠢ 5 ᠠᠵᠢᠯᠯᠠᠬᠤ ᠡᠳᠦᠷ ᠪᠣᠯᠣᠨᠠ ᠃ ᠢᠯᠡ ᠨᠡᠢᠲᠡᠯᠡᠵᠦ ᠳᠠᠭᠤᠰᠤᠭᠰᠠᠨᠤ ᠳᠠᠷᠠᠭᠠᠬᠢ 10 ᠠᠵᠢᠯᠯᠠᠬᠤ ᠡᠳᠦᠷᠦᠨ ᠳᠣᠲᠣᠷᠠ ᠂ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠢᠨᠠᠨ ᠰᠢᠯᠭᠠᠯᠲᠠᠳᠤ ᠬᠢᠷᠢ ᠲᠡᠩᠴᠡᠭᠰᠡᠨ ᠦᠨᠡᠮᠯᠡᠯᠢ ᠰᠢᠯᠭᠠᠭᠤᠯᠤᠭ᠍ᠴᠢᠶᠢᠨ ᠬᠤᠪᠢ ᠬᠥᠮᠥᠨᠦ ᠮᠥᠩᠬᠡ ᠰᠤᠪᠠᠭᠲᠦ ᠠᠶᠠᠨᠳᠠᠭᠠᠨ ᠬᠦᠷᠭᠡᠵᠦ ᠥᠭᠭᠦᠨᠡ ᠃
ᠲᠠᠪᠤ ᠂ ᠰᠢᠯᠭᠠᠯᠲᠠᠳᠤ ᠨᠡᠷᠡ ᠮᠡᠳᠡᠭᠦᠯᠬᠦᠳᠦ ᠡᠷᠬᠡᠪᠰᠢ ᠮᠡᠳᠡᠬᠦ ᠴᠢᠬᠤᠯᠠᠲᠠᠢ ᠵᠦᠢᠯᠡᠰ
（ ᠨᠢᠭᠡ ） ᠨᠡᠷᠡ ᠮᠡᠳᠡᠭᠦᠯᠬᠦᠳᠦ ᠰᠦᠢᠳᠬᠡᠯ ᠬᠤᠷᠢᠶᠠᠬᠤ ᠦᠭᠡᠢ ᠂ ᠰᠢᠯᠭᠠᠭᠤᠯᠤᠭ᠍ᠴᠢ ᠨᠢᠭᠡ ᠯᠡ ᠲᠥᠷᠥᠯᠳᠤ ᠨᠡᠷᠡ ᠮᠡᠳᠡᠭᠦᠯᠵᠦ ᠪᠣᠯᠣᠨᠠ ᠂ ᠣᠯᠠᠨ ᠲᠥᠷᠥᠯᠳᠦ ᠨᠡᠷᠡ ᠮᠡᠳᠡᠭᠦᠯᠬᠦᠶᠢ ᠴᠠᠭᠠᠵᠠᠯᠠᠨᠠ ᠃
（ ᠬᠣᠶᠠᠷ ） ᠨᠡᠷᠡ ᠮᠡᠳᠡᠭᠦᠯᠦᠭᠰᠡᠨ ᠮᠡᠳᠡᠭᠡ ᠵᠠᠩᠭᠢ ᠂ ᠮᠠᠲᠧᠷᠢᠶᠠᠯᠢᠶᠠᠨ ᠲᠤᠰᠢᠶᠠᠭᠰᠠᠨᠤ ᠲᠠᠷᠠᠭᠠ ᠬᠦᠴᠦᠨ ᠦᠭᠡᠢ ᠪᠣᠯᠭᠠᠬᠤ ᠪᠤᠶᠤ ᠵᠠᠰᠠᠪᠤᠷᠢ ᠣᠷᠣᠭᠤᠯᠵᠤ ᠪᠣᠯᠬᠤ ᠦᠭᠡᠢ ᠃
（ ᠭᠤᠷᠪᠠ ） ᠲᠣᠰ ᠤᠳᠠᠭᠠᠨᠤ ᠰᠢᠯᠭᠠᠯᠲᠠᠳᠤ ᠰᠢᠯᠭᠠᠭᠤᠯᠬᠤ ᠵᠥᠪᠰᠢᠶᠡᠷᠡᠯᠦᠨ ᠦᠨᠡᠮᠯᠡᠯᠢ ᠳᠠᠭᠢᠵᠤ ᠳᠠᠷᠤᠮᠠᠯᠯᠠᠬᠤ ᠦᠭᠡᠢ ᠂ ᠰᠢᠯᠭᠠᠯᠲᠠᠶᠢᠨ ᠲᠤᠬᠠᠢᠶᠢᠨ ᠡᠳᠦᠷᠲᠦ ᠰᠢᠯᠭᠠᠭᠤᠯᠤᠭ᠍ᠴᠢ ᠨᠡᠷᠡ ᠮᠡᠳᠡᠭᠦᠯᠬᠦ ᠦᠶᠡᠶᠢᠨ ᠰᠣᠩᠭᠣᠭᠰᠠᠨ ᠰᠢᠯᠭᠠᠯᠲᠠᠶᠢᠨ ᠭᠠᠵᠠᠷᠲᠤ ᠥᠪᠡᠰᠦᠪᠡᠨ ᠬᠦᠷᠴᠦ ᠰᠢᠯᠭᠠᠯᠲᠠᠳᠤ ᠣᠷᠣᠯᠴᠠᠨᠠ ᠃ ᠰᠢᠯᠭᠠᠯᠲᠠᠶᠢᠨ ᠲᠠᠯᠠᠪᠤᠷᠤᠨ ᠪᠣᠳᠠᠲᠠᠢ ᠮᠡᠳᠡᠭᠡ ᠵᠠᠩᠭᠢᠶᠢ ᠣᠬᠣᠷ ᠴᠢᠮᠡᠭᠡᠨᠦ ᠬᠡᠯᠪᠡᠷᠢᠪᠡᠷ ᠰᠢᠯᠭᠠᠯᠲᠠᠠᠴᠠ 3 ᠠᠵᠢᠯᠯᠠᠬᠤ ᠡᠳᠦᠷᠦᠨ ᠡᠮᠦᠨᠡ ᠢᠯᠡᠭᠡᠨᠡ ᠂ ᠰᠢᠯᠭᠠᠯᠲᠠᠳᠤ ᠨᠡᠷᠡ ᠮᠡᠳᠡᠭᠦᠯᠬᠦ ᠦᠶᠡᠳᠦ ᠲᠠᠭᠯᠠᠭᠰᠠᠨ ᠭᠠᠷ ᠤᠲᠠᠰᠤᠨᠤ ᠨᠣᠮᠧᠷ ᠂ ᠰᠢᠤᠳᠠᠨᠤ ᠬᠠᠢᠷᠴᠠᠭ ᠵᠡᠷᠭᠡ ᠮᠡᠳᠡᠭᠡ ᠵᠠᠩᠭᠢᠪᠠᠨ ᠵᠥᠪ ᠣᠨᠣᠪᠴᠢᠲᠠᠶ ᠪᠠᠢᠬᠤᠶᠢ ᠡᠷᠬᠡᠪᠰᠢ ᠪᠠᠲᠤᠯᠠᠬᠤ ᠬᠡᠷᠡᠭᠲᠡᠢ ᠃
（ ᠳᠥᠷᠪᠡ ） ᠣᠯᠠᠨ ᠨᠡᠶ᠋ᠢᠲᠡᠶᠢᠨ ᠡᠬᠢ ᠪᠠᠶᠠᠯᠢᠭ᠋ᠢ ᠪᠦᠷᠢᠯᠭᠡᠬᠦᠡᠴᠡ ᠵᠠᠢᠯᠠᠰᠬᠢᠬᠦᠶᠢᠨ ᠲᠥᠯᠥᠭᠡ ᠂ ᠰᠢᠯᠭᠠᠭᠤᠯᠤᠭ᠍ᠴᠢ ᠲᠣᠬᠢᠷᠠᠭᠤᠯᠤᠯᠲᠠ ᠶᠣᠰᠣᠭᠠᠷ ᠰᠢᠯᠭᠠᠯᠲᠠᠳᠤ ᠣᠷᠣᠯᠴᠠᠬᠤ ᠬᠡᠷᠡᠭᠲᠡᠢ ᠂ ᠰᠢᠯᠲᠠᠭᠠᠨ ᠦᠭᠡᠢᠪᠡᠷ ᠰᠢᠯᠭᠠᠯᠲᠠᠠᠴᠠ ᠰᠠᠭᠠᠲᠠᠵᠤ ᠪᠣᠯᠬᠤ ᠦᠭᠡᠢ ᠃ ᠵᠠᠯᠭᠠᠭᠠᠪᠠᠷ ᠬᠣᠶᠠᠷ ᠤᠳᠠᠭᠠ ᠰᠢᠯᠲᠠᠭᠠᠨ ᠦᠭᠡᠢᠪᠡᠷ ᠰᠢᠯᠭᠠᠯᠲᠠᠳᠤ ᠰᠠᠭᠠᠲᠠᠭᠰᠠᠨ ᠬᠥᠮᠥᠰ （ ᠲᠤᠬᠠᠢᠯᠠᠪᠠᠯ ᠲᠣᠰ ᠤᠳᠠᠭᠠᠨᠤ ᠰᠢᠯᠭᠠᠯᠲᠠᠳᠤ ᠰᠠᠭᠠᠲᠠᠭᠰᠠᠨ ᠵᠢᠴᠢ 2025 ᠣᠨᠤ ᠨᠢᠭᠡᠳᠦᠭᠡᠷ ᠪᠦᠯᠦᠭᠦᠨ ᠰᠢᠯᠭᠠᠯᠲᠠᠳᠤ ᠣᠷᠣᠯᠴᠠᠭᠰᠠᠳ ）ᠤᠨ 2026 ᠣᠨᠤ ᠨᠢᠭᠡᠳᠦᠭᠡᠷ ᠪᠦᠯᠦᠭᠦᠨ ᠰᠢᠯᠭᠠᠯᠲᠠᠳᠤ ᠣᠷᠣᠯᠴᠠᠬᠤ ᠬᠢᠷᠢ ᠬᠡᠮᠢ ᠨᠢ ᠬᠠᠰᠤᠨᠠ ᠃
ᠬᠠᠷᠢᠯᠴᠠᠬᠤ ᠬᠥᠮᠥᠨ ᠵᠢᠴᠢ ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ ᠄
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠶᠠᠰᠤ ᠴᠢᠨᠠᠷᠲᠤ ᠮᠡᠷᠭᠡᠵᠢᠯᠦᠨ ᠬᠢᠨᠠᠯᠲᠠ ᠲᠠᠯᠪᠢᠬᠤ ᠲᠥᠪ ᠄ ᠶᠠᠩ ᠢᠦᠢ ᠬᠤᠸᠠ （ 0471 ） 5259319
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠲᠢᠩᠬᠢᠮᠦᠨ ᠠᠵᠢᠯᠯᠠᠭᠠᠨᠤ ᠬᠠᠮᠢᠶᠠᠷᠤᠯᠲᠠᠶᠢᠨ ᠬᠢᠨᠠᠯᠲᠠ ᠲᠠᠯᠪᠢᠬᠤ ᠭᠠᠵᠠᠷ ᠄ ᠳ᠋ᠦᠩ ᠢᠦᠢ ᠯᠢᠶᠠᠩ （ 0471 ） 5259449
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠲᠢᠩᠬᠢᠮ
2025 ᠣᠨᠤ 10 ᠰᠠᠷᠠᠶᠢᠨ 12ᠤᠨ ᠡᠳᠦᠷ