6 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 12ᠤᠨ ᠡᠳᠦᠷ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠰᠣᠶᠣᠯ ᠪᠠ ᠵᠢᠭᠤᠯᠴᠢᠯᠠᠯᠤᠨ ᠲᠢᠩᠬᠢᠮᠠᠴᠠ ᠭᠣᠤᠯᠯᠠᠨ ᠡᠷᠭᠢᠯᠡᠭᠰᠡᠨ 《ᠬᠦᠯᠦᠭᠤᠨ ᠨᠢᠷᠣᠭᠣᠨᠳᠤ ᠮᠣᠷᠳᠠᠵᠣ ᠦᠪᠣᠷ ᠮᠣᠩᠭᠣᠯ ᠵᠶ᠋ᠠᠷ ᠵᠢᠭᠣᠯᠴᠢᠯᠠᠬᠣ》 ᠥᠪᠥᠷ ᠮᠣᠩᠭᠣᠯᠤᠨ ᠠᠳᠤᠭᠤᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠨᠠᠷᠠᠳᠬᠦᠨᠤ ᠰᠣᠨᠢᠨ ᠮᠡᠳᠡᠭᠡ ᠨᠡᠢ᠌ᠲᠡᠯᠡᠬᠦ ᠬᠤᠷᠠᠯ ᠬᠦᠬᠡᠬᠣᠳᠠᠳᠤ ᠶᠠᠪᠤᠭᠳᠠᠵᠤ᠂ ᠬᠤᠷᠠᠯ ᠳᠡᠭᠡᠷᠡ 2019 ᠣᠨᠤ 《ᠬᠦᠯᠦᠭᠤᠨ ᠨᠢᠷᠣᠭᠣᠨᠳᠤ ᠮᠣᠷᠳᠠᠵᠣ ᠦᠪᠣᠷ ᠮᠣᠩᠭᠣᠯ ᠵᠶ᠋ᠠᠷ ᠵᠢᠭᠣᠯᠴᠢᠯᠠᠬᠣ》 ᠠᠷᠪᠠᠨ ᠶᠡᠬᠡ ᠭᠣᠤᠯ ᠰᠡᠳᠦᠪᠲᠦ ᠨᠠᠷᠠᠳᠬᠦᠨᠢ ᠨᠡᠢ᠌ᠲᠡᠯᠡᠪᠡ᠃
《ᠬᠦᠯᠦᠭᠤᠨ ᠨᠢᠷᠣᠭᠣᠨᠳᠤ ᠮᠣᠷᠳᠠᠵᠣ ᠦᠪᠣᠷ ᠮᠣᠩᠭᠣᠯ ᠵᠶ᠋ᠠᠷ ᠵᠢᠭᠣᠯᠴᠢᠯᠠᠬᠣ》 ᠠᠷᠪᠠᠨ ᠶᠡᠬᠡ ᠭᠣᠤᠯ ᠰᠡᠳᠦᠪᠲᠦ ᠨᠠᠷᠠᠳᠬᠦᠨ ᠪᠣᠯ ᠵᠢᠩᠴᠢᠳ ᠮᠠᠶᠢᠭᠤᠨ ᠵᠢᠭᠤᠯᠴᠢᠯᠠᠯᠤᠨ ᠪᠡᠶᠡᠴᠢ ᠣᠢ᠌ᠯᠠᠭ᠋ᠠᠯᠳᠠ ᠵᠢᠨ ᠬᠡᠯᠪᠡᠷᠢᠪᠠᠷ ᠳᠠᠮᠵᠢᠨ᠂ ᠮᠣᠷᠢᠪᠠᠷ ᠠᠴᠢᠶᠠᠯᠠᠪᠣᠷᠢ ᠪᠣᠯᠭ᠋ᠠᠵᠣ᠂ ᠥᠪᠥᠷ ᠮᠣᠩᠭᠣᠯᠤᠨ ᠣᠯᠠᠨ ᠡᠰᠢᠲᠦ ᠲᠡᠦᠬᠡ ᠰᠣᠶᠣᠯ ᠵᠢᠴᠢ ᠪᠠᠢ᠌ᠭ᠋ᠠᠯᠢᠯᠢᠭ ᠠᠮᠢ ᠠᠬᠤᠶ ᠵᠢᠨ ᠮᠠᠯᠴᠢᠨ ᠠᠢ᠌ᠯ ᠡᠷᠦᠬᠡ᠂ ᠬᠤᠷᠢᠮ ᠨᠠᠢ᠌ᠷ᠂ ᠳᠠᠭᠤᠤ ᠬᠥᠭᠵᠢᠮ ᠵᠡᠷᠭᠡ ᠦᠨᠳᠦᠰᠦᠲᠡᠨᠤ ᠣᠨᠴᠠᠯᠢᠭ ᠪᠦᠬᠦᠢ ᠠᠮᠢᠳᠤᠷᠠᠯᠤᠨ ᠠᠷᠭᠠ ᠬᠡᠯᠪᠡᠷᠢ ᠵᠢ ᠠᠭᠣᠰᠣᠯᠴᠠᠭᠣᠯᠣᠨ ᠬᠤᠯᠪᠣᠵᠣ᠂ ᠵᠢᠭᠤᠯᠴᠢᠯᠠᠭᠴᠢᠳᠢ ᠪᠡᠶᠡᠳᠡᠨ ᠣᠷᠣᠯᠴᠠᠭᠣᠯᠣᠨᠠ᠃ ᠡᠨᠡ ᠬᠦ᠌ ᠠᠷᠪᠠᠨ ᠶᠡᠬᠡ ᠭᠣᠤᠯ ᠰᠡᠳᠦᠪᠲᠦ ᠨᠠᠷᠠᠳᠬᠦᠨ ᠪᠣᠯ᠄ ᠮᠣᠷᠢᠨ ᠨᠢᠷᠤᠭᠤᠨ ᠳᠡᠭᠡᠷᠡᠬᠢ ᠥᠪᠥᠷ ᠮᠣᠩᠭᠣᠯ · ᠬᠥᠯᠥᠨ ᠪᠤᠢ᠌ᠷᠤᠨ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠰᠣᠯᠢᠭᠳᠠᠯᠤᠨ ᠬᠦᠨᠵᠡᠬᠡᠢ ᠬᠠᠢ᠌ᠯᠳᠠ ᠵᠠᠮ᠂ ᠣᠯᠠᠭ᠋ᠠᠨᠪᠣᠳᠣᠩᠤᠨ ᠨᠢᠭᠣᠴᠠᠭ᠋ᠠᠢ ᠣᠷᠴᠢᠨᠢ ᠬᠠᠶ᠋ᠢᠨ ᠰᠦᠪᠡᠭᠴᠢᠯᠡᠬᠦ ᠠᠶᠠᠯᠠᠯ᠂ ᠬᠦᠬᠡᠬᠣᠳᠠ ᠵᠢᠨ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠦᠵᠡᠭᠦᠯᠦᠯᠭᠡ ᠵᠢᠨ ᠤᠷᠤᠯᠳᠤᠭ᠋ᠠᠨᠤ ᠪᠡᠶᠡᠴᠢ ᠣᠢ᠌ᠯᠠᠭ᠋ᠠᠯᠳᠠ ᠵᠢᠨ ᠠᠶᠠᠯᠠᠯ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠳᠣᠭᠣᠳᠣ ᠨᠣᠳᠣᠭ ᠰᠢᠯᠢ ᠵᠢᠨ ᠭᠣᠣᠯᠤᠨ ᠲᠠᠯᠠ ᠨᠤᠲᠤᠭ ᠵᠶ᠋ᠠᠷ ᠵᠢᠭᠣᠯᠴᠢᠯᠠᠨ ᠰᠡᠬᠦᠳᠡᠷᠯᠡᠬᠦ ᠪᠡᠶᠡᠴᠢ ᠣᠢ᠌ᠯᠠᠭ᠋ᠠᠯᠳᠠ ᠵᠢᠨ ᠠᠶᠠᠯᠠᠯ᠂ ᠰᠢᠯᠢ ᠵᠢᠨ ᠭᠣᠣᠯᠤᠨ ᠲᠠᠯᠠ ᠨᠤᠲᠤᠭᠤᠨ ᠠᠳᠤᠭᠤᠨ ᠵᠠᠮᠤᠨ ᠰᠣᠶᠣᠯᠤᠨ ᠪᠡᠶᠡᠴᠢ ᠣᠢ᠌ᠯᠠᠭ᠋ᠠᠯᠳᠠ ᠵᠢᠨ ᠠᠶᠠᠯᠠᠯ᠂ ᠲᠦᠩᠯᠢᠶᠣᠤ ᠬᠢᠩᠭ᠋ᠠᠨᠤ ᠠᠳᠤᠭᠤᠨ ᠰᠣᠶᠣᠯᠢ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠠᠶᠠᠯᠠᠯ᠂ ᠤᠯᠠᠭ᠋ᠠᠨᠴᠠᠪᠤᠨ ᠤᠤᠭ᠋ᠠᠯ ᠰᠤᠶᠤᠯᠤᠨ ᠪᠡᠶᠡᠴᠢ ᠣᠢ᠌ᠯᠠᠭ᠋ᠠᠯᠳᠠ ᠵᠢᠨ ᠠᠶᠠᠯᠠᠯ᠂ ᠬᠥᠯᠥᠨ ᠪᠤᠢ᠌ᠷᠤᠨ ᠮᠣᠩᠭᠣᠯᠤᠨ ᠭᠠᠷᠤᠯ ᠤᠭᠰᠠᠭ᠋ᠠᠨᠤ ᠰᠣᠶᠣᠯᠢ ᠬᠠᠶ᠋ᠢᠨ ᠰᠦᠪᠡᠭᠴᠢᠯᠡᠬᠦ ᠠᠶᠠᠯᠠᠯ᠂ ᠣᠷᠳᠣᠰᠤᠨ ᠠᠳᠣᠭᠣᠨ ᠰᠣᠶᠣᠯᠢ ᠮᠦᠷᠳᠡᠨ ᠰᠣᠷᠣᠯᠴᠠᠬᠣ ᠭᠡᠷ ᠪᠦᠯᠢ ᠵᠢᠨ ᠠᠶᠠᠯᠠᠯ᠂ ᠬᠦᠬᠡᠬᠣᠳᠠ ᠣᠷᠳᠣᠰᠤᠨ ᠪᠣᠳᠠᠰᠤᠨ ᠪᠣᠰᠤ ᠰᠤᠶᠤᠯᠤᠨ ᠦᠪᠤᠨ ᠬᠠᠶ᠋ᠢᠨ ᠰᠢᠨᠵᠢᠯᠡᠬᠦ ᠠᠶᠠᠯᠠᠯ ᠵᠡᠷᠭᠡ ᠪᠣᠯᠤᠨᠠ᠃
《ᠡᠨᠡ ᠪᠣᠯ ᠮᠠᠨᠤ ᠣᠷᠣᠨᠤ ᠰᠣᠶᠣᠯ ᠵᠢᠭᠣᠯᠴᠢᠯᠠᠯᠤᠨ ᠰᠠᠯᠠᠭᠠ ᠮᠥᠴᠢᠷ ᠠᠮᠢ ᠠᠬᠤᠢ ᠵᠢ ᠣᠷᠢᠳ ᠵᠶ᠋ᠠᠷ ᠪᠣᠳᠣᠯᠬᠢᠯᠠᠵᠣ ᠪᠣᠬᠢᠷᠲᠤᠯ ᠦᠭᠡᠢ ᠬᠦᠭᠵᠢᠯᠲᠡᠪᠠᠷ ᠤᠳᠤᠷᠢᠳᠤᠮᠵᠢ ᠪᠣᠯᠭ᠋ᠠᠭᠰᠠᠨ ᠴᠢᠨᠠᠷ ᠰᠠᠢ᠌ᠲᠠᠢ ᠬᠥᠭᠵᠢᠯᠲᠡ ᠵᠢᠨ ᠰᠢᠨᠡ ᠵᠠᠮ ᠵᠶ᠋ᠠᠷ ᠡᠷᠡᠰ ᠭᠤᠢ᠌ᠪᠢᠰᠢ ᠦᠭᠡᠢ ᠵᠠᠮᠨᠠᠵᠤ᠂ ᠦᠵᠡᠰᠬᠦᠯᠡᠩᠲᠦ ᠰᠠᠢ᠌ᠬᠠᠨ ᠥᠪᠥᠷ ᠮᠣᠩᠭᠣᠯ ᠵᠶ᠋ᠠᠨ ᠪᠦᠲᠦᠭᠡᠨ ᠪᠠᠢ᠌ᠭᠣᠯᠬᠣ᠂ ᠪᠦᠬᠦ ᠣᠷᠣᠨ ᠪᠦᠰᠡ ᠵᠢᠨ ᠵᠢᠭᠣᠯᠴᠢᠯᠠᠯ ᠪᠠ ᠳᠥᠷᠪᠡᠨ ᠤᠯᠠᠷᠢᠯᠤᠨ ᠵᠢᠭᠣᠯᠴᠢᠯᠠᠯᠤᠨ ᠬᠥᠭᠵᠢᠯᠲᠡ ᠵᠢ ᠠᠬᠢᠭᠤᠯᠬᠤ ᠴᠢᠬᠤᠯᠠ ᠠᠷᠭᠠ ᠪᠠᠷᠢᠯ ᠪᠣᠯᠤᠨᠠ᠃》 ᠭᠡᠵᠦ ᠥᠪᠥᠷ ᠮᠣᠩᠭᠣᠯᠤᠨ ᠰᠣᠶᠣᠯ ᠪᠠ ᠵᠢᠭᠣᠯᠴᠢᠯᠠᠯᠤᠨ ᠲᠢᠩᠬᠢᠮᠤᠨ ᠳᠠᠷᠤᠭᠠ ᠾᠧ ᡁᠢ ᠯᠢᠶᠠᠩ ᠬᠡᠯᠡᠪᠡ᠃
ᠮᠠᠨᠤ ᠣᠷᠣᠨᠳᠤ ᠠᠳᠤᠭᠤᠨ ᠰᠣᠶᠣᠯᠤᠨ ᠵᠢᠭᠣᠯᠴᠢᠯᠠᠯᠤᠨ ᠨᠠᠷᠠᠲᠤ ᠲᠡᠮᠳᠡᠭᠢ ᠡᠭᠦᠳᠬᠦ ᠥᠪᠡᠷᠮᠢᠴᠡ ᠳᠠᠪᠠᠭᠤᠯᠢᠭᠲᠠᠢ ᠪᠠᠢ᠌ᠳᠠᠭ᠃ ᠡᠬᠦᠨᠳᠤ᠂ ᠠᠳᠣᠭᠣᠨ ᠰᠣᠶᠣᠯᠤᠨ ᠡᠬᠢ ᠪᠠᠶᠠᠯᠢᠭ ᠡᠯᠪᠡᠭ ᠪᠠᠶᠠᠯᠢᠭ ᠪᠠᠢ᠌ᠵᠣ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠳᠣᠭᠣᠨ ᠰᠣᠶᠣᠯᠤᠨ ᠪᠦᠬᠦ ᠦᠵᠡᠮᠵᠢ ᠵᠢᠨ ᠮᠠᠶᠢᠭᠤᠨ ᠲᠣᠭᠯᠠᠯᠲᠠ 《ᠮᠢᠩᠭ᠋ᠠᠨ ᠣᠨᠤ ᠮᠣᠷᠢᠨᠤ ᠮᠠᠭᠲᠠᠭ᠋ᠠᠯ》᠂ ᠲᠡᠤᠬᠡᠨ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠪᠣᠳᠠᠲᠤ ᠦᠵᠡᠭᠳᠡᠯᠲᠦ ᠵᠦᠴᠦᠭᠡ 《ᠭᠣᠪᠢ ᠵᠢᠨ ᠡᠮᠦᠨᠡᠬᠢ ᠳᠣᠮᠣᠭ》᠂ ᠪᠠᠷᠭᠤ ᠮᠣᠩᠭᠣᠯ ᠠᠢ᠌ᠮᠠᠭᠤᠨ 《ᠮᠣᠷᠢᠨ ᠪᠥᠵᠢᠭ》 ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠲᠣᠭᠯᠠᠯᠲᠠ᠂ ᠪᠣᠳᠠᠲᠤ ᠦᠵᠡᠭᠳᠡᠯᠲᠦ ᠵᠦᠴᠦᠭᠡ 《ᠮᠣᠩᠭᠣᠯ ᠮᠣᠷᠢ》 ᠵᠡᠷᠭᠡ ᠲᠣᠮᠣ ᠬᠡᠯᠪᠡᠷᠢ ᠵᠢᠨ ᠠᠳᠣᠭᠣᠨ ᠰᠣᠶᠣᠯᠤᠨ ᠲᠣᠭᠯᠠᠯᠲᠠᠨᠢ ᠥᠪᠥᠷ ᠮᠣᠩᠭᠣᠯᠳᠤ ᠵᠠᠯᠭ᠋ᠠᠭᠠᠪᠠᠷ ᠶᠠᠪᠤᠭᠳᠠᠪᠠ᠃ ᠪᠠᠰᠠ᠂ ᠠᠳᠤᠭᠤᠨᠤ ᠭᠣᠣᠯ ᠰᠡᠳᠦᠪᠲᠦ ᠵᠢᠭᠤᠯᠴᠢᠯᠠᠯᠤᠨ ᠨᠠᠷᠠᠳᠬᠦᠨᠤ ᠣᠨᠴᠠᠯᠢᠭ ᠢᠯᠡᠷᠬᠡᠢ ᠪᠠᠢ᠌ᠵᠤ᠂ ᠠᠳᠤᠭᠤᠨ ᠰᠣᠶᠣᠯᠤᠨ ᠪᠠᠶᠠᠷ ᠳᠤᠷᠠᠰᠬᠠᠯᠤᠨ ᠤᠷᠤᠯᠳᠤᠭ᠋ᠠᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠤᠨᠳᠣᠷᠣᠨ ᠭᠠᠷᠴᠤ ᠪᠠᠢ᠌ᠨᠠ᠃ ᠡᠳᠡᠭᠡᠷ 《ᠮᠣᠩᠭᠣᠯ ᠮᠣᠷᠢᠨᠤ ᠵᠣᠷᠢᠭ ᠰᠠᠨᠠᠭᠠ》 ᠵᠢ ᠪᠠᠳᠠᠷᠠᠭᠤᠯᠬᠤᠪᠠᠷ ᠭᠣᠣᠯ ᠰᠡᠳᠦᠪ ᠪᠣᠯᠭ᠋ᠠᠭᠰᠠᠨ ᠰᠢᠷᠢᠰ ᠠᠵᠢᠯᠯᠠᠭᠠᠨᠢ ᠤᠳᠬᠠ ᠭᠦᠨᠵᠡᠭᠡᠢ᠂ ᠤᠷᠠᠯᠢᠭ ᠲᠡᠭᠦᠯᠳᠡᠷ᠂ ᠵᠣᠬᠢᠶᠠᠮᠵᠢ ᠨᠠᠷᠢᠯᠢᠭ ᠪᠦᠬᠦᠢ ᠲᠠᠯᠠ ᠨᠤᠲᠤᠭᠤᠨ ᠤᠷᠠᠯᠢᠭᠤᠨ ᠪᠦᠲᠦᠭᠡᠯ ᠪᠣᠯᠤᠨ ᠦᠨᠳᠦᠰᠦᠲᠡᠨᠤ ᠰᠣᠶᠣᠯᠤᠨ ᠰᠣᠳᠣᠨ ᠪᠦᠲᠦᠭᠡᠯ ᠪᠤᠯᠵᠤ᠂ ᠵᠢᠭᠣᠯᠴᠢᠯᠠᠭᠴᠢᠳᠲᠤ ᠡᠯᠪᠡᠭ ᠪᠠᠶᠠᠯᠢᠭ ᠣᠶᠣᠨ ᠰᠠᠨᠠᠭ᠋ᠠᠨᠤ ᠬᠦᠷᠲᠡᠬᠡᠯ ᠬᠠᠩᠭ᠋ᠠᠵᠤ ᠪᠠᠢ᠌ᠨᠠ᠃