ᠣᠢᠷᠠᠳ᠋ᠤ ᠂ ᠣᠷᠳᠣᠰ ᠬᠣᠲᠠᠶᠢᠨ ᠳᠠᠯᠠᠳ ᠬᠤᠱᠢᠭᠤᠨᠤ ᠶᠡᠬᠡ ᠲᠤᠬᠤᠢᠶᠢᠨ ᠨᠠᠢ᠍ᠮᠠᠯᠵᠢᠶᠢᠨ ᠸᠠᠩ ᠶᠡᠬᠡ ᠬᠠᠭ᠋ᠠᠯᠲᠠᠶᠢᠨ ᠨᠠᠢ᠍ᠮᠠᠯᠵᠢᠶᠢᠨ ᠠᠵᠤ ᠦᠢᠯᠡᠰᠤᠨ ᠬᠦᠷᠢᠶᠡᠯᠡᠩᠤᠨ ᠲᠥᠷᠥᠯ ᠵᠦᠢᠯᠦ᠋ᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ ᠶᠠᠭ ᠪᠠᠴᠢᠮ ᠶᠠᠭᠠᠷᠠᠯᠲᠠᠢ ᠶᠠᠪᠤᠭ᠍ᠳᠠᠵᠤ ᠪᠠᠢᠨᠠ᠃
2025 ᠤᠨᠤ 7 ᠳ᠋ᠤᠭ᠋ᠠᠷ ᠰᠠᠷᠡᠳᠤ ᠳᠠᠯᠠᠳ ᠬᠤᠱᠢᠭᠤ ᠵᠢᠶᠠᠩᠰᠦ ᠮᠤᠵᠢᠶ᠋ᠢᠨ ᠶᠠᠨ ᠴᠧᠩ ᠬᠤᠳᠠᠶ᠋ᠢᠨ ᠱᠤᠤ ᠤᠪᠤᠭ᠍ᠳᠤᠶ᠋ᠢᠨ ᠶᠡᠬᠡ ᠬᠠᠭ᠋ᠠᠯᠲᠠᠶᠢᠨ ᠨᠠᠢᠮᠠᠯᠵᠢᠶ᠋ᠢᠨ ᠬᠢᠵᠠᠭᠠᠷᠳᠤ ᠺᠤᠮᠫᠠᠨᠢᠶ᠋ᠢ ᠠᠮᠵᠢᠯᠳᠠᠲᠠᠢᠪᠠᠷ ᠳᠠᠳᠠᠨ ᠤᠷᠤᠭᠤᠯᠵᠤ᠂ ᠸᠠᠩ ᠠᠢ ᠵᠤᠤ ᠪᠠᠯᠭᠠᠰᠤᠨᠤ ᠳ᠋ᠧ ᠱᠧᠩ ᠶᠢᠩᠽᠢ ᠳᠤᠰᠭᠤᠨᠳᠤ ᠳᠠᠯᠠᠳ ᠬᠤᠱᠢᠭᠤᠨᠤ ᠶᠡᠬᠡ ᠲᠤᠬᠤᠢᠶᠢᠨ ᠨᠠᠢᠮᠠᠯᠵᠢᠶ᠋ᠢᠨ ᠸᠠᠩ ᠶᠡᠬᠡ ᠬᠠᠭ᠋ᠠᠯᠲᠠᠶᠢᠨ ᠨᠠᠢ᠍ᠮᠠᠯᠵᠢᠶᠢᠨ ᠠᠵᠥ᠍ ᠦᠢᠯᠡᠰᠤᠨ ᠬᠦᠷᠢᠶᠡᠯᠡᠩᠤᠨ ᠳᠦᠷᠦᠯ ᠵᠦᠢᠯᠢ ᠡᠬᠢᠯᠡᠨ ᠪᠠᠢᠭᠤᠯᠪᠠ᠃ ᠲᠣᠰ ᠲᠥᠷᠥᠯ ᠵᠦᠢᠯᠢ ᠥᠪᠥᠷ ᠮᠣᠩᠭᠤᠯᠤᠨ ᠱᠣᠤ ᠤᠪᠤᠭ᠍ᠳᠤᠶ᠋ᠢᠨ ᠠᠮᠢ ᠠᠬᠤᠶᠶ᠋ᠢᠨ ᠲᠠᠷᠢᠶᠠᠯᠠᠩᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠠᠴᠠ ᠪᠠᠯᠠ ᠣᠷᠣᠭᠤᠯᠤᠨ ᠪᠠᠢᠭᠤᠯᠵᠤ᠂ ᠲᠥᠷᠥᠯ ᠵᠦᠢᠯᠢ ᠭᠤᠷᠪᠠᠨ ᠬᠤᠭᠤᠴᠠᠭᠠ ᠬᠤᠪᠢᠶᠠᠨ ᠬᠡᠷᠡᠭ᠌ᠵᠢᠭᠦᠯᠦᠨᠡ᠃ ᠲᠥᠷᠥᠯ ᠵᠦᠶ᠋ᠯ ᠪᠥᠬᠦ᠌ ᠲᠠᠯᠠᠪᠠᠷ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠲᠣᠰ ᠭᠠᠵᠠᠷᠤᠨ ᠠᠵᠢᠯ ᠣᠯᠭᠤᠯᠲᠠᠶ᠋ᠢ ᠱᠢᠭᠤᠳ ᠠᠬᠢᠭᠤᠯᠵᠤ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠥᠬᠡᠶ ᠪᠠᠰᠠ ᠲᠡᠵᠢᠭᠡᠯ ᠪᠣᠷᠳᠣᠭᠠᠨᠤ ᠦᠶ᠋ᠯᠡᠳᠪᠦᠷᠢᠯᠡᠯ᠂ ᠪᠠᠷᠠᠭᠠᠨᠤ ᠭᠦᠶ᠋ᠯᠭᠡᠭᠡᠨᠤ ᠲᠡᠭᠡᠭᠡᠪᠦᠷᠢ᠂ ᠬᠥᠳᠡᠭᠡ ᠲᠣᠰᠭᠤᠨᠤ ᠵᠢᠭᠤᠯᠴᠢᠯᠠᠯ ᠵᠡᠷᠭᠡ ᠳᠡᠭᠡᠳᠦ ᠳᠣᠤᠷᠠᠳᠤ ᠤᠷᠤᠰᠭᠠᠯᠤᠨ ᠠᠵᠤ ᠦᠶ᠋ᠯᠡᠰᠤᠨ ᠬᠠᠮᠵᠢᠯᠴᠠᠨ ᠬᠥᠭ᠌ᠵᠢᠬᠦ᠌ᠶ᠋ᠢ ᠨᠥᠯᠥᠭᠡᠯᠡᠨ ᠳᠠᠢᠴᠢᠯᠠᠵᠤ᠂ 《ᠨᠢᠭᠡ ᠠᠵᠢᠯ ᠦᠢᠯᠡᠰ ᠮᠠᠨᠳᠤᠪᠠᠯ᠂ ᠠᠯᠢᠪᠠ ᠠᠵᠢᠯ ᠦᠢᠯᠡᠰ ᠬᠥᠭᠵᠢᠬᠦ》 ᠰᠠᠢᠨ ᠣᠷᠴᠢᠯᠢ ᠪᠤᠢ ᠪᠣᠯᠭᠠᠨᠠ᠃
《ᠣᠳᠣᠬᠠᠨᠳᠤ ᠨᠠᠢ᠍ᠮᠠᠯᠵᠢᠶ᠋ᠢᠨ ᠴᠥᠭᠦᠷᠥᠮᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ ᠨᠢᠭᠡᠨᠲᠡ 95% ᠶ᠋ᠢ ᠪᠡᠶᠡᠯᠡᠭᠦᠯᠵᠦ᠍᠂ ᠬᠤᠪᠢᠶᠠᠨ ᠢᠯᠭᠠᠬᠤ ᠲᠥᠪ᠂ ᠦᠵᠡᠭᠦᠯᠭᠡᠶ᠋ᠢᠨ ᠲᠢᠩᠬᠢᠮ᠂ ᠠᠵᠢᠯᠯᠠᠬᠤ ᠲᠣᠭᠤᠷᠢᠭ ᠵᠡᠷᠭᠡ ᠢᠵᠢ ᠪᠦᠷᠢᠳᠦᠭᠦᠯᠬᠦ᠌ ᠢᠨᠵᠸᠨ᠋ᠸᠷᠢᠩ ᠨᠢ ᠴᠤ᠌ ᠶᠠᠭ ᠲᠦᠷᠭᠡᠨ ᠠᠭᠢᠵᠤ᠂ ᠵᠢᠱ᠌ᠢᠯᠲᠡᠪᠠᠷ 12 ᠳ᠋ᠤᠭ᠋ᠠᠷ ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢᠪᠠᠷ ᠪᠦᠬᠦ᠌ ᠲᠠᠯᠠᠪᠠᠷ ᠪᠠᠷᠢᠵᠤ ᠳᠠᠭᠤᠰᠭᠠᠨᠠ᠃ ᠢᠷᠡᠬᠦ᠌ ᠵᠢᠯᠤᠨ 3 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠦᠷᠢ ᠬᠠᠶᠠᠵᠤ᠂ 9 ᠳ᠋ᠦ᠍ᠭᠡᠷ ᠰᠠᠷᠠᠳᠤ ᠲᠦᠷᠦᠭᠦᠦ ᠪᠦᠯᠦᠭ ᠲᠣᠮᠣ ᠨᠠᠢ᠍ᠮᠠᠯᠵᠢ ᠬᠤᠷᠢᠶᠠᠵᠤ ᠪᠣᠯᠤᠨᠠ᠃ ᠸᠠᠩ ᠠᠢ ᠵᠤᠤ ᠪᠠᠯᠭᠠᠰᠤᠨᠤ ᠰᠠᠭᠤᠷᠢᠨ ᠭᠠᠵᠠᠷᠠᠴᠠ ᠭᠠᠳᠠᠨᠠ᠂ ᠪᠢᠳᠡ ᠵᠡᠭᠡᠰᠦᠲᠡᠶ ᠪᠠᠯᠭᠠᠰᠤ᠂ ᠵᠦᠩ ᠾᠧ ᠪᠠᠷᠠᠭᠤᠨ ᠪᠠᠯᠭᠠᠰᠤᠨᠳᠤ ᠪᠠᠰᠠ 2200 ᠮᠦ᠍ ᠪᠠ 1500 ᠮᠦ᠍ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠲᠦᠷᠦᠯ ᠵᠦᠢᠯᠢ ᠲᠥᠯᠥᠪᠵᠢᠭᠦᠯᠵᠦ᠍᠂ 〈ᠡᠮᠦᠨᠡᠪᠠᠨ ᠶᠠᠩ ᠴᠧᠩ ᠬᠤ᠌ᠲᠠᠢ᠂ ᠬᠤᠢ᠌ᠨᠠᠪᠠᠨ ᠶᠡᠬᠡ ᠲᠣᠬᠤᠢ ᠲᠠᠢ〉 ᠠᠵᠤ ᠦᠢᠯᠡᠰᠤᠨ ᠬᠦᠰᠡᠯ ᠡᠷᠡᠮᠡᠯᠵᠡᠯᠢ ᠡᠷᠲᠡᠬᠡᠨ ᠪᠡᠶᠡᠯᠡᠭᠦᠯᠬᠦ᠌ᠪᠠᠷ ᠴᠢᠷᠮᠠᠢᠨᠠ》 ᠭᠡᠵᠦ᠍ ᠥᠪᠥᠷ ᠮᠣᠩᠭᠤᠯᠤᠨ ᠱᠤᠤ ᠤᠪᠤᠭ᠍ᠳᠤᠶ᠋ᠢᠨ ᠲᠠᠷᠢᠶᠠᠯᠠᠩᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ ᠯᠢ ᠶᠦᠩ ᠲᠠᠨᠢᠯᠴᠠᠭᠤᠯᠪᠠ᠃
ᠣᠢᠯᠠᠭᠠᠭ᠍ᠰᠠᠨᠢᠶᠠᠷ᠂ ᠲᠥᠷᠥᠯ ᠵᠦᠢᠯᠤᠨ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠶᠡᠷᠦᠩᠬᠡᠶ ᠪᠠᠯᠠ ᠣᠷᠣᠭᠤᠯᠤᠯᠲᠠᠨᠢ 5000 ᠲᠦᠮᠡᠨ ᠲᠥᠭᠦᠷᠢᠭ ᠪᠠᠢᠵᠤ᠂ 1675 ᠮᠥ᠍ ᠪᠠᠷᠢᠮᠵᠢᠶᠠᠵᠢᠭᠤᠯᠤᠭ᠍ᠰᠠᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠴᠥᠭᠦᠷᠥᠮᠢ ᠪᠠᠢᠭᠤᠯᠵᠤ᠂ ᠤᠶᠤᠨᠴᠢᠯᠠᠭ᠍ᠰᠠᠨ ᠤᠰᠤᠨᠤ ᠴᠢᠨᠠᠷᠢ ᠬᠢᠨᠠᠨ ᠬᠡᠮᠵᠢᠬᠦ᠂ ᠠᠦ᠋ᠲ᠋ᠣ᠋ ᠠᠱᠢᠭ᠍ᠯᠠᠯᠲᠠᠳᠤ ᠣᠷᠣᠭᠤᠯᠬᠤ ᠱᠢᠰᠲ᠋ᠧᠮ ᠪᠠ ᠪᠥᠬᠦ᠌ ᠶᠠᠪᠤᠴᠠᠶ᠋ᠢᠨ ᠶᠠᠰᠤ ᠴᠢᠨᠠᠷᠢ ᠮᠥᠷᠳᠡᠬᠦ᠌ ᠲᠤᠭᠲᠠᠯᠴᠠᠭᠠᠶᠢ ᠵᠡᠷᠭᠡᠪᠡᠷ ᠣᠷᠣᠭᠤᠯᠤᠨ ᠠᠪᠴᠢᠷᠠᠵᠤ᠂ ᠥᠪᠥᠷ ᠮᠣᠩᠭᠤᠯᠤᠨ ᠠᠩᠬᠠᠳᠠᠭ᠍ᠴᠢ ᠨᠠᠢ᠍ᠮᠠᠯᠵᠢᠶ᠋ᠢᠨ ᠭᠠᠳᠠᠭᠠᠳᠤᠳᠤ ᠭᠠᠷᠭᠠᠬᠤ ᠰᠠᠭᠤᠷᠢᠨ ᠭᠠᠵᠠᠷᠢ ᠪᠠᠢᠭᠤᠯᠵᠤ᠂ ᠵᠢᠱ᠌ᠢᠯᠲᠡᠪᠠᠷ 2026 ᠣᠨᠤ 7 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠪᠥᠬᠦ᠌ ᠲᠠᠯᠠᠪᠠᠷ ᠳᠠᠭᠤᠰᠭᠠᠨᠠ᠃ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠲᠥᠷᠥᠯ ᠵᠦᠢᠯᠢ ᠵᠢᠱ᠌ᠢᠯᠲᠡᠪᠠᠷ 2025 ᠣᠨᠤ 12 ᠳ᠋ᠤᠭᠠᠷ ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢᠠᠴᠠ ᠡᠮᠦᠨᠡ ᠭᠤᠤᠯ ᠴᠣᠭ᠍ᠴᠠᠶ᠋ᠢᠨ ᠪᠣᠷᠣ ᠲᠥᠯᠥᠪᠢ ᠪᠠᠢᠭᠤᠯᠵᠤ᠂ 2026 ᠣᠨᠤ ᠨᠠᠮᠤᠷᠤᠨ ᠤᠯᠠᠷᠢᠯᠤᠨ ᠠᠩᠬᠠᠳᠠᠭ᠍ᠴᠢ ᠪᠦᠯᠦᠭ ᠨᠠᠢᠮᠠᠯᠵᠢᠶ᠋ᠢ ᠵᠠᠬᠠ ᠳᠡᠯᠭᠡᠭᠦᠷᠲᠤ ᠭᠠᠷᠭᠠᠵᠤ᠂ ᠵᠢᠯᠳᠤ ᠪᠠᠷᠤᠭ 234 ᠲᠣᠨ ᠰᠢᠯᠢᠳᠡᠭ ᠲᠣᠮᠣ ᠨᠠᠢ᠍ᠮᠠᠯᠵᠢᠶᠢ ᠦᠶ᠋ᠯᠡᠳᠪᠦᠷᠢᠯᠡᠨᠡ᠃ ᠬᠤᠶᠠᠳᠤᠭᠠᠷ ᠬᠤᠭᠤᠴᠠᠭᠠ᠂ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠢᠨᠵᠧᠨᠧᠷᠢᠩᠢ ᠲᠤᠰ ᠲᠤᠰ 2028 ᠣᠨ᠂ 2030 ᠣᠨᠳᠤ ᠪᠠᠢᠭᠤᠯᠬᠤᠪᠠᠷ ᠲᠥᠯᠥᠪᠯᠡᠵᠦ᠍᠂ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠬᠡᠪᠴᠢᠶᠡᠶ᠋ᠢ ᠦᠷᠭᠦᠯᠵᠢᠯᠡᠨ ᠥᠷᠭᠡᠳᠭᠡᠭ᠌ᠰᠡᠨ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠲᠥᠪ ᠬᠢᠭᠡᠳ ᠨᠠᠷᠢᠯᠢᠭ ᠭᠦᠨᠵᠡᠭᠡᠶ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢᠶ᠋ᠢᠨ ᠲᠠᠰᠤᠭᠢ ᠭᠤᠤᠯᠳᠠᠯᠭᠠᠲᠠᠢ ᠪᠠᠢᠭᠤᠯᠵᠤ᠂ 3 ᠠᠴᠠ 5 ᠣᠷᠣᠨ ᠪᠦᠰᠡᠶ᠋ᠢᠨ ᠴᠢᠨᠠᠷᠲᠠᠶ ᠨᠠᠷᠠᠲᠤ ᠲᠡᠮᠳᠡᠭ ᠢ ᠪᠤᠢᠵᠢᠭᠤᠯᠤᠨ᠂ 《ᠦᠢᠯᠡᠳᠪᠦᠷᠢᠯᠡᠬᠦ᠌ — ᠪᠣᠯᠪᠠᠰᠤᠷᠠᠭᠤᠯᠬᠤ — ᠪᠣᠷᠣᠯᠠᠭᠤᠯᠬᠤ — ᠵᠢᠭᠤᠯᠴᠢᠯᠠᠯ》 ᠢ ᠨᠢᠭᠡ ᠴᠤᠭ᠍ᠴᠠᠵᠢᠭᠤᠯᠤᠨ ᠬᠥᠭ᠌ᠵᠢᠭᠦᠯᠬᠦ᠌ ᠱᠢᠨᠡ ᠪᠠᠢᠷᠢᠱᠢᠯᠢ ᠪᠠᠢᠭᠤᠯᠤᠨᠠ᠃
《ᠳᠠᠯᠠᠳ ᠬᠤᠱᠢᠭᠤᠨᠤ ᠶᠡᠬᠡ ᠲᠣᠬᠤᠢᠶᠢᠨ ᠨᠠᠢ᠍ᠮᠠᠯᠵᠢᠶᠢᠨ ᠸᠠᠩ ᠶᠡᠬᠡ ᠬᠠᠭ᠋ᠠᠯᠲᠠᠶᠢᠨ ᠨᠠᠢ᠍ᠮᠠᠯᠵᠢᠶᠢᠨ ᠠᠵᠤ ᠦᠢᠯᠡᠰᠤᠨ ᠬᠦᠷᠢᠶᠡᠯᠡᠩᠤᠨ ᠲᠦᠷᠦᠯ ᠵᠦᠢᠯᠢ ᠳ᠋ᠸ ᠱᠸᠩ ᠶᠢᠩᠽᠢ ᠲᠤᠰᠬᠤᠨᠳᠤ ᠪᠠᠢ᠌ᠷᠢᠰᠢᠭᠤᠯᠵᠤ᠂ ᠬᠤᠶᠠᠷ ᠮᠢᠩᠭᠠᠨ ᠮᠦ᠍ ᠰᠤᠯᠠ ᠲᠠᠯᠪᠢᠭᠳᠠᠵᠤ ᠪᠠᠢᠭᠠ ᠭᠠᠵᠠᠷ ᠱᠢᠷᠣᠢᠶ᠋ᠢ ᠠᠰᠢᠭᠯᠠᠭᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠤᠷᠳᠤᠰᠤᠨ ᠬᠡᠪᠴᠢᠶᠡᠪᠠᠷ ᠬᠠᠮᠤᠭᠤᠨ ᠶᠡᠭᠡ᠂ ᠪᠠᠷᠢᠮᠵᠢᠶᠠᠪᠠᠷ ᠬᠠᠮᠤᠭᠤᠨ ᠥᠨᠳᠥᠷ ᠨᠠᠢ᠍ᠮᠠᠯᠵᠢᠶ᠋ᠢᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠰᠠᠭᠤᠷᠢᠨᠢ ᠪᠠᠢᠭᠤᠯᠵᠤ᠂ ᠨᠡᠩ ᠴᠤ᠌ ᠬᠥᠳᠡᠭᠡ ᠲᠣᠰᠭᠤᠨᠢ ᠬᠥᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤᠳᠤ ᠦᠨᠡᠨ ᠪᠣᠳᠠᠲᠠᠢ ᠵᠠᠮᠢ ᠳᠡᠪᠢᠰᠴᠦ᠍ ᠥᠭ᠌ᠴᠡᠢ》 ᠭᠡᠵᠦ᠍ ᠬᠡᠯᠡᠪᠡ᠃ ᠸᠠᠩ ᠠᠢ ᠵᠤᠤ ᠪᠠᠯᠭᠠᠰᠤᠨᠤ ᠳ᠋ᠧ ᠱᠧᠩ ᠶᠢᠩᠽᠢ ᠲᠣᠰᠭᠤᠨᠤ ᠨᠠᠮᠤᠨ ᠬᠤᠷᠢᠶᠠᠨᠤ ᠱᠦᠵᠢ ᠾᠧ ᠱᠤᠤ ᠹᠧᠩ ᠢᠯᠡᠷᠬᠡᠢᠯᠡᠬᠦ᠌ᠳᠡᠭᠡᠨ᠂ 《ᠲᠣᠰᠭᠤᠨᠳᠤ ᠪᠠᠰᠠ ᠲᠦᠮᠡ ᠭᠠᠷᠤᠢ ᠮᠦ᠍ ᠬᠤᠵᠢᠷᠯᠢᠭ ᠭᠠᠵᠠᠷ ᠪᠠᠢᠨᠠ᠂ ᠲᠠᠷᠠᠭᠠᠴᠢᠶ᠋ᠢᠨ ᠠᠯᠬᠤᠮᠳᠤ ᠪᠠᠰᠠ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠤᠰᠤᠨ ᠭᠠᠷᠤᠯᠲᠠᠶ᠋ᠢᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ᠳᠤ ᠬᠡᠷᠡᠭ᠌ᠯᠡᠬᠦ᠌ ᠪᠣᠯᠤᠨᠠ᠃ ᠲᠥᠷᠥᠯ ᠵᠦᠢᠯ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠵᠢᠱ᠌ᠢᠯᠲᠡᠪᠠᠷ 300 - 500 ᠠᠵᠢᠯᠤᠨ ᠪᠠᠢᠷᠢ ᠬᠠᠩᠭᠠᠵᠤ᠂ ᠲᠣᠰ ᠭᠠᠵᠠᠷᠤᠨ ᠬᠥᠳᠡᠯᠮᠦᠷᠢ ᠬᠦᠴᠦᠨᠤ ᠠᠵᠢᠯ ᠣᠯᠭᠤᠯᠲᠠᠶ᠋ᠢ ᠱᠢᠢᠳᠪᠦᠷᠢᠯᠡᠵᠦ᠍ ᠴᠢᠳᠠᠬᠤ ᠮᠥᠷᠲᠡᠭᠡᠨ ᠪᠠᠰᠠ ᠪᠠᠢᠳᠠᠯᠢ ᠠᠱᠢᠭ᠍ᠯᠠᠨ ᠬᠥᠳᠡᠭᠡ ᠲᠣᠰᠭᠤᠨᠤ ᠵᠢᠭᠤᠯᠴᠢᠯᠠᠯᠢ ᠬᠥᠭ᠌ᠵᠢᠭᠦᠯᠵᠦ᠍᠂ ᠠᠷᠠᠳ ᠣᠯᠠᠨᠤ 〈ᠵᠣᠭᠤᠰᠣᠨ ᠤᠭᠤᠲᠠ〉 ᠶ᠋ᠢ ᠦᠨᠡᠨ ᠬᠦ᠌ ᠭᠦᠳᠦᠢ᠌ᠯᠭᠡᠬᠦ ᠪᠣᠯᠤᠨᠠ》 ᠭᠡᠵᠡᠶ᠃
ᠪᠠᠷᠢᠯᠭᠠᠶ᠋ᠢᠨ ᠠᠬᠤᠢ ᠲᠠᠯᠠᠪᠠᠢᠳᠤ᠂ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠠᠳᠡ ᠬᠥᠯᠥᠰᠥᠨ ᠠᠵᠢᠯ ᠬᠢᠵᠦ᠍ ᠪᠠᠢᠭᠠ ᠳ᠋ᠧ ᠱᠧᠩ ᠶᠢᠩᠽᠢ ᠲᠣᠰᠭᠤᠨᠤ ᠴᠢᠶᠣᠤ ᠯᠠᠢ ᠭᠧ ᠳ᠋ᠠᠨ ᠬᠤᠷᠢᠶᠠᠨᠤ ᠲᠣᠰᠭᠤᠨᠤ ᠠᠷᠠᠳ ᠷᠧᠨ ᠬᠠᠢ ᠯᠢᠶᠠᠩᠲᠠᠢ ᠠᠭᠤᠯᠵᠠᠪᠠ᠃ ᠷᠧᠨ ᠬᠠᠢ ᠯᠢᠶᠠᠩ᠄ 《ᠨᠢᠭᠡᠨ ᠰᠠᠢᠨ ᠲᠦᠷᠦᠯ ᠵᠦᠢᠯ ᠢᠷᠡᠪᠡ᠂ ᠰᠤᠯᠠ ᠲᠠᠯᠪᠢᠭᠳᠠᠵᠤ ᠪᠠᠢᠬᠤ ᠭᠠᠵᠠᠷ ᠱᠢᠷᠣᠢᠶ᠋ᠢ ᠠᠱᠢᠭ᠍ᠯᠠᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠢᠳᠡ ᠪᠠᠰᠠ ᠤᠢ᠍ᠢᠷᠠ ᠬᠠᠪᠢᠳᠠᠭᠠᠨ ᠬᠥᠯᠥᠰᠥᠨ ᠠᠵᠢᠯ ᠬᠢᠵᠦ᠍ ᠣᠷᠣᠯᠭᠠᠪᠠᠨ ᠨᠡᠮᠡᠭ᠌ᠳᠡᠭᠦᠯᠵᠦ᠍ ᠴᠢᠳᠠᠨᠠ᠃ ᠨᠠᠢ᠍ᠮᠠᠯᠵᠢᠶ᠋ᠢ ᠲᠡᠵᠢᠭᠡᠵᠦ᠍ ᠪᠠᠷᠠᠭ᠍ᠰᠠᠨᠤ ᠳᠠᠷᠠᠭᠠ ᠪᠢᠳᠡ ᠪᠠᠰᠠ ᠠᠵᠤ ᠠᠬᠤᠢᠯᠠᠯᠢ ᠳᠠᠭᠠᠵᠤ ᠮᠡᠷᠭᠡᠵᠢᠯ ᠰᠤᠷᠴᠤ᠌᠂ ᠪᠠᠭᠠ ᠰᠠᠭᠠ ᠤᠰᠤᠨ ᠭᠠᠷᠤᠯᠲᠠᠶ᠋ᠢᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠠᠵᠢᠯ ᠬᠢᠵᠦ᠍᠂ ᠣᠷᠣᠯᠭᠠᠪᠠᠨ ᠪᠠᠰᠠ ᠳᠡᠭᠡᠭᠰᠢᠯᠡᠭᠦᠯᠵᠦ ᠪᠣᠯᠤᠨᠠ》 ᠭᠡᠵᠡᠢ᠃
ᠳᠠᠯᠠᠳ ᠬᠤᠱᠢᠭᠤ ᠨᠢ ᠬᠠᠲᠤᠨ ᠭᠤᠤᠯᠤᠨ ᠶᠡᠬᠡ ᠲᠤᠬᠤᠢᠶᠢᠨ ᠬᠠᠮᠤᠭᠤᠨ ᠥᠨᠳᠥᠷ ᠬᠡᠰᠡᠭᠲᠤ ᠪᠠᠢᠷᠢᠯᠠᠵᠤ᠂ ᠬᠠᠲᠤᠨ ᠭᠤᠤᠯ 190 ᠭᠠᠷᠤᠶ ᠺᠢᠯᠣᠮᠧᠲᠷ ᠬᠢᠯᠢᠪᠡᠷ ᠦᠩᠭᠡᠷᠡᠵᠦ᠂ ᠳᠣᠲᠣᠭᠠᠳᠤ ᠬᠠᠭᠤᠷᠠᠶᠶ᠋ᠢᠨ ᠵᠢᠭᠠᠰᠤᠨ ᠠᠵᠤ ᠠᠬᠤᠶᠶ᠋ᠢ ᠬᠥᠭ᠌ᠵᠢᠭᠦᠯᠬᠦ᠌ ᠲᠠᠯᠠᠪᠠᠷ ᠥᠪᠡᠷᠮᠢᠴᠡ ᠡᠬᠢ ᠪᠠᠶᠠᠯᠢᠭᠤᠨ ᠳᠠᠪᠠᠭᠤᠯᠢᠭ ᠪᠠ ᠣᠷᠣᠨ ᠪᠠᠢᠷᠢᠶ᠋ᠢᠨ ᠳᠠᠪᠠᠭᠤᠯᠢᠭᠲᠠᠢ ᠶᠤᠮ᠃ ᠲᠣᠰ ᠲᠥᠷᠥᠯ ᠵᠦᠢᠯᠢ ᠨᠠᠢᠳᠠᠪᠤᠷᠢᠵᠢᠭᠤᠯᠤᠭ᠍ᠰᠠᠨᠨᠢ ᠳᠠᠯᠠᠳ ᠬᠤᠱᠢᠭᠤ ᠵᠢᠩᠬᠢᠨᠢᠪᠠᠷ 《ᠡᠮᠦᠨᠡᠲᠦ ᠣᠷᠣᠨᠤ ᠨᠠᠢ᠍ᠮᠠᠯᠵᠢᠶ᠋ᠢ ᠤᠮᠠᠷᠠᠲᠦ ᠤᠷᠤᠨᠳᠤ ᠲᠡᠵᠢᠭᠡᠬᠦ᠌》 ᠠᠵᠤ ᠦᠢᠯᠡᠰᠤᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠱᠢᠨᠡ ᠱᠠᠲᠤᠨᠳᠤ ᠣᠷᠣᠭ᠍ᠰᠠᠨᠢ ᠬᠠᠷᠠᠭᠤᠯᠵᠤ ᠪᠠᠢᠬᠤ ᠪᠥᠭᠡᠳ ᠪᠠᠰᠠ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠣᠷᠣᠨ ᠵᠠᠶᠶ᠋ᠢ ᠥᠷᠭᠡᠳᠭᠡᠬᠦ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠣᠷᠣᠯᠭᠠᠶ᠋ᠢ ᠨᠡᠮᠡᠭ᠌ᠳᠡᠭᠦᠯᠬᠦ᠌ ᠱᠢᠨᠡ ᠠᠷᠭᠠ ᠵᠠᠮᠢ ᠬᠠᠢᠨ ᠰᠦᠪᠡᠭ᠌ᠴᠢᠯᠡᠬᠦ᠌ᠳᠤ ᠠᠱᠢᠭ᠍ᠲᠠᠶ ᠲᠤᠷᠱᠢᠯᠲᠠ ᠪᠠ ᠰᠦᠪᠡᠭ᠌ᠴᠢᠯᠡᠯᠲᠡ ᠬᠠᠩᠭᠠᠭ᠍ᠰᠠᠨ ᠪᠠᠢᠨᠠ᠃
ᠺᠣᠳ᠋ᠶᠢ ᠱᠢᠷᠪᠢᠵᠦ᠍ ᠭᠠᠷ ᠤᠲᠠᠰᠤᠨ ᠳᠡᠭᠡᠷᠡ ᠣᠳᠣᠬᠢ ᠨᠢᠭᠤᠷᠢ ᠪᠠᠢᠴᠠᠭᠠᠨ ᠦᠵᠡᠭᠡᠷᠡᠢ