ᠥᠪᠥᠷ ᠮᠣᠩᠭᠣᠯᠤᠨ ᠬᠢᠨ ᠠᠮᠢᠳᠤ ᠪᠣᠳᠠᠰᠤᠨ ᠢᠨᠵᠧᠨᠧᠷᠢᠩᠦᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶᠢᠨ ᠭᠠᠳᠠᠷ ᠪᠣᠭᠣᠳᠠᠯ ᠪᠠᠭᠯᠠᠭᠠᠶᠢᠨ ᠦᠢᠯᠡᠳᠪᠦᠷᠢᠶᠢᠨ ᠲᠠᠰᠤᠭᠢ ᠲᠠᠬᠢᠨ ᠡᠷᠭᠢᠴᠡᠭᠦᠯᠬᠦᠳᠦ᠂ ᠠᠭᠠᠷ ᠦᠭᠡᠢ ᠪᠣᠭᠣᠳᠠᠯ ᠪᠠᠭᠯᠠᠭᠠᠶᠢᠨ ᠮᠠᠰᠢᠨᠤ ᠬᠦᠩᠭᠢᠨᠡᠮᠡ ᠳᠠᠭᠤᠨ ᠴᠢᠬᠢᠨᠳᠦ ᠲᠠᠰᠤᠷᠠᠰᠢ ᠦᠭᠡᠢ ᠰᠣᠨᠣᠰᠳᠠᠵᠤ᠂ ᠴᠡᠪᠡᠷ ᠠᠷᠢᠭᠤᠨ ᠦᠢᠯᠡᠳᠪᠦᠷᠢᠶᠢᠨ ᠲᠠᠰᠤᠭᠲᠤ ᠰᠡᠩᠭᠢᠨᠡᠮᠡ ᠰᠠᠢᠬᠠᠨ ᠵᠠᠮᠠᠭᠤᠨ ᠦᠨᠦᠷ ᠬᠠᠩᠬᠤᠯᠵᠤ ᠪᠠᠢᠯᠠ᠃
ᠠᠵᠢᠯᠲᠠᠳ ᠨᠢᠭᠡᠳᠦᠯᠲᠡᠶ ᠠᠵᠢᠯᠤᠨ ᠬᠤᠪᠴᠠᠰᠤ ᠬᠤᠨᠠᠷᠢᠶᠠᠨ ᠡᠮᠦᠰᠴᠦ᠍᠂ ᠠᠮᠠᠪᠴᠢ᠂ ᠮᠠᠯᠠᠭᠠᠶ᠂ ᠪᠡᠭᠡᠯᠡᠶ ᠪᠦᠷᠢᠨ ᠭᠦᠶ᠋ᠴᠡᠳ ᠵᠡᠭᠦᠵᠦ᠍᠂ ᠬᠥᠳᠡᠯᠭᠡᠭᠡᠨ ᠨᠢ ᠪᠣᠯᠪᠠᠰᠤᠷᠠᠩᠭᠤᠢᠪᠠᠷ ᠤᠯᠠᠨ ᠳᠠᠪᠬᠤᠷ ᠠᠶᠤᠯ ᠦᠭᠡᠢᠶᠢᠨ ᠪᠠᠢᠴᠠᠭᠠᠯᠲᠠᠶᠢ ᠥᠩᠭᠡᠷᠡᠭᠡᠭᠰᠡᠨ ᠡᠷᠭᠢᠭᠦᠯᠭᠡᠲᠦ ᠵᠠᠮᠠᠭᠤᠨ ᠨᠤᠨᠳᠠᠭᠢ ᠰᠠᠯᠭᠠᠨ ᠰᠠᠪᠠᠯᠠᠵᠤ ᠬᠦᠨᠳᠦᠶᠢ ᠨᠢ ᠵᠢᠩᠯᠡᠨᠡ᠂ 25 ᠺᠢᠯᠣᠭ᠌ᠷᠠᠮ ᠨᠢᠭᠡ ᠤᠭᠤᠲᠠ ᠲᠦᠭᠦᠬᠡᠶ ᠮᠠᠲ᠋ᠧᠷᠢᠶᠠᠯᠢ ᠬᠤᠭᠤᠰᠣᠨ ᠰᠠᠪᠠᠯᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠴᠠᠭᠠᠰᠤᠨ ᠰᠠᠪᠠᠨᠳᠤ ᠯᠠᠪᠳᠠᠭᠤᠨ ᠱᠢᠭᠢᠳᠭᠡᠭ᠌ᠰᠡᠨᠤ ᠳᠠᠷᠠᠭᠠ᠂ ᠳᠠᠪᠬᠤᠷ ᠳᠠᠪᠬᠤᠷ ᠲᠠᠯᠪᠢᠭ᠍ᠰᠠᠨ ᠪᠠᠷᠠᠭᠠᠨᠤ ᠣᠪᠣᠭᠠ ᠤᠳᠠᠯ ᠦᠭᠡᠢ ᠭᠧᠷᠮᠠᠨᠳᠤ ᠬᠦᠷᠬᠦ ᠠᠶᠠᠨ ᠵᠠᠮᠢᠶᠠᠨ ᠡᠬᠢᠯᠡᠭᠦᠯᠬᠦᠪᠡᠷ ᠪᠠᠢᠨᠠ᠃
《ᠣᠳᠣ ᠪᠣᠭᠣᠳᠠᠯᠯᠠᠭ᠍ᠰᠠᠨ ᠡᠨᠡ 18 ᠲᠣᠨ ᠪᠠᠷᠠᠭᠠ᠂ ᠬᠠᠭᠠᠰ ᠰᠠᠷᠠᠶ᠋ᠢᠨ ᠳᠠᠷᠠᠭᠠ ᠭ᠌ᠧᠷᠮᠠᠨᠤ ᠬᠡᠷᠡᠭᠯᠡᠭᠰᠡᠳᠦᠨ ᠭᠠᠷᠲᠤ ᠣᠷᠣᠨᠠ！》 ᠥᠪᠥᠷ ᠮᠣᠩᠭᠤᠯᠤᠨ ᠠᠩᠬᠠᠳᠠᠭ᠍ᠴᠢ ᠠᠮᠢᠳᠤ ᠪᠣᠳᠠᠰᠤᠨ ᠢᠨᠵᠧᠨᠧᠷᠢᠩᠤᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠪᠣᠷᠣᠯᠠᠭᠤᠯᠭᠠᠶ᠋ᠢᠨ ᠬᠡᠯᠲᠡᠰᠤᠨ ᠳᠠᠷᠤᠭᠠ ᠭᠦᠸᠧ ᠴᠦᠨ ᠢᠦᠶ ᠬᠡᠯᠡᠭ᠌ᠰᠡᠨᠨᠢ᠄ 《ᠣᠲᠣ ᠪᠣᠯᠲᠠᠯᠠ᠂ ᠮᠠᠨᠤ ᠡᠷᠭᠢᠭᠦᠯᠭᠡᠲᠦ ᠵᠠᠮᠠᠭᠤᠨ ᠪᠦᠲᠦᠭᠡᠭ᠌ᠳᠡᠬᠦᠨ ᠨᠡᠢᠲᠡ 2000 ᠭᠠᠷᠤᠶ ᠲᠣᠨᠢ ᠭᠠᠳᠠᠭᠠᠳᠤᠳᠤ ᠭᠠᠷᠭᠠᠵᠤ᠂ ᠧᠦ᠋ᠷᠣᠫᠠᠶ᠋ᠢᠨ ᠬᠤᠯᠪᠣᠭᠠ᠂ ᠠᠮᠧᠷᠢᠺᠠ᠂ ᠶᠠᠫᠣᠨ ᠵᠢᠴᠢ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ ᠵᠡᠷᠭᠡ ᠤᠯᠤᠰ ᠪᠠ ᠭᠠᠵᠠᠷ ᠣᠷᠣᠨᠳᠤ ᠪᠣᠷᠣᠯᠠᠭᠤᠯᠵᠤ᠂ 〈ᠣᠲᠤᠭᠤᠨ ᠦᠢᠯᠡᠳᠭᠡᠯ〉 ᠤᠨ ᠵᠠᠮᠠᠭᠤᠨ ᠦᠨᠦᠷ ᠠᠮᠲᠠᠶ᠋ᠢ ᠪᠦᠬᠦ᠌ ᠳᠡᠯᠡᠬᠡᠶᠳᠤ ᠬᠦᠷᠭᠡᠵᠡᠢ》 ᠭᠡᠪᠡ᠃
ᠡᠨᠡ ᠬᠦ᠌ ᠢᠳᠡ ᠬᠦᠴᠦ ᠨᠢ 《ᠣᠲᠣᠭᠤᠨ ᠡᠷᠭᠢᠭᠦᠯᠭᠡᠲᠦ ᠵᠠᠮᠠᠭ》ᠤᠨ ᠰᠠᠶᠢᠬᠠᠨ ᠣᠯᠣᠭᠰᠠᠨ ᠬᠦᠨᠳᠦ ᠶᠡᠬᠡ ᠢᠷᠠᠭᠤ ᠠᠯᠳᠠᠷᠠᠴᠠ ᠢᠷᠡᠯᠲᠡᠲᠠᠢ — ᠣᠢᠷᠠᠶ᠋ᠢᠨ ᠡᠳᠦᠷ᠂ ᠤᠯᠤᠰᠤᠨ ᠮᠡᠳᠡᠯᠭᠡᠶ᠋ᠢᠨ ᠦᠮᠴᠢᠯᠡᠯᠦᠨ ᠡᠷᠬᠡᠶ᠋ᠢᠨ ᠲᠣᠪᠴᠢᠶᠠᠶ᠋ᠢᠨ ᠲᠠᠸᠠᠷᠤᠨ ᠲᠡᠮᠳᠡᠭᠤᠨ ᠲᠣᠪᠴᠢᠶᠠ ᠠᠯᠪᠠᠨ ᠵᠠᠷ ᠨᠡᠢᠲᠡᠯᠡᠵᠦ᠍᠂ 《ᠣᠲᠤᠭᠤᠨ ᠡᠷᠭᠢᠭᠦᠯᠭᠡᠲᠦ ᠵᠠᠮᠠᠭ》 ᠤᠨ ᠭᠠᠵᠠᠷ ᠵᠦᠶᠶ᠋ᠢᠨ ᠪᠡᠯᠭᠡ ᠲᠡᠮᠳᠡᠭᠤᠨ ᠭᠡᠷᠡᠴᠢᠯᠡᠯᠤᠨ ᠲᠠᠸᠠᠷᠤᠨ ᠲᠡᠮᠳᠡᠭᠢ ᠤᠷᠤᠭ᠍ᠰᠢᠲᠠᠢᠪᠠᠷ ᠬᠢᠨᠠᠨ ᠵᠥᠪᠱᠢᠶᠡᠷᠡᠭᠦᠯᠵᠦ᠍ ᠳᠠᠩᠰᠠᠯᠠᠭᠤᠯᠪᠠ᠃ ᠢᠩᠭᠢᠭ᠌ᠰᠡᠨᠠᠴᠠ ᠲᠤᠰ ᠦᠢᠯᠡᠳᠭᠦᠨᠨᠢ ᠭᠠᠵᠠᠷ ᠵᠦᠢᠶ᠋ᠢᠨ ᠲᠡᠮᠳᠡᠭᠲᠠᠢ ᠦᠢᠯᠡᠳᠭᠦᠨᠤ ᠬᠠᠮᠠᠭᠠᠯᠠᠯᠲᠠ ᠪᠠ ᠭᠠᠵᠠᠷ ᠵᠦᠢᠶ᠋ᠢᠨ ᠲᠡᠮᠳᠡᠭᠲᠠᠢ ᠭᠡᠷᠡᠴᠢᠯᠡᠯᠤᠨ ᠲᠠᠸᠠᠷᠤᠨ ᠲᠡᠮᠳᠡᠭᠤᠨ ᠬᠠᠤᠯᠢ ᠴᠠᠭᠠᠵᠠᠶ᠋ᠢᠨ ᠬᠤᠶᠠᠳᠠᠬᠢ ᠪᠠᠲᠤᠯᠠᠭᠠ ᠪᠠᠢᠵᠤ᠂ ᠣᠲᠤᠭ ᠬᠤᠱᠢᠭᠤᠨᠤ 《ᠠᠷᠪᠠᠰᠤᠨ ᠢᠮᠠᠭᠠᠨ ᠨᠤᠤᠯᠤᠭᠤᠷ》 ᠢ ᠵᠠᠯᠭᠠᠮᠵᠢᠯᠠᠭ᠍ᠰᠠᠨᠤ ᠳᠠᠷᠠᠭᠠᠬᠢ ᠬᠤᠶᠠᠳᠤᠭᠠᠷ ᠤᠯᠤᠰᠤᠨ ᠭᠠᠵᠠᠷ ᠵᠦᠶᠶ᠋ᠢᠨ ᠪᠡᠯᠭᠡ ᠲᠡᠮᠳᠡᠭᠤᠨ 《ᠬᠤᠤᠰ ᠬᠠᠮᠠᠭᠠᠯᠠᠯᠲᠠ》 ᠶ᠋ᠢᠨ ᠦᠢᠯᠡᠳᠬᠦᠨ ᠪᠣᠯᠵᠣ᠂ 《ᠳᠡᠯᠡᠬᠡᠢᠶᠢᠨ ᠵᠠᠮᠠᠭᠤᠨ ᠬᠤᠳᠠ》 ᠵᠢᠨ ᠭᠣᠣᠯᠯᠠᠭ᠍ᠴᠢ ᠠᠵᠤ ᠦᠢᠯᠡᠰᠲᠦ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠶᠢᠨ ᠵᠢᠭᠦᠷ ᠤᠷᠭᠤᠭᠤᠯᠵᠠᠢ᠃
ᠥᠪᠡᠷᠮᠢᠴᠡ ᠢᠷᠠᠭᠤ ᠠᠯᠳᠠᠷᠤᠨ ᠠᠷᠤᠳᠤ᠂ ᠣᠲᠤᠭ ᠬᠤᠱᠢᠭᠤᠨᠤ ᠬᠠᠭᠤᠯᠪᠤᠷᠢᠯᠠᠵᠤ ᠪᠣᠯᠤᠰᠢ ᠥᠬᠡᠶ ᠭᠠᠵᠠᠷ ᠣᠷᠣᠨᠤ ᠳᠠᠪᠠᠭᠤᠯᠢᠭ ᠪᠠ ᠬᠤᠷᠢ ᠭᠠᠷᠤᠶ ᠵᠢᠯᠤᠨ ᠠᠵᠤ ᠦᠢᠯᠡᠰᠤᠨ ᠭᠦᠨ ᠲᠠᠷᠢᠶᠠᠯᠠᠯ ᠪᠣᠯᠤᠨᠠ᠃ ᠤᠮᠠᠷᠠᠲᠤ ᠥᠷᠭᠡᠷᠢᠭᠤᠨ 38° ᠤᠨ ᠱᠢᠵᠢᠷ ᠠᠯᠲᠠᠨ ᠥᠷᠭᠡᠷᠢᠭᠤᠨ ᠪᠦᠰᠡᠨᠳᠤ ᠪᠠᠢᠷᠢᠯᠠᠵᠤ ᠪᠠᠢᠭᠠ ᠣᠲᠤᠭ ᠬᠤᠱᠢᠭᠤ ᠪᠥᠬᠦ᠌ ᠵᠢᠯᠤᠨ ᠨᠡᠷᠡᠨᠤ ᠲᠤᠰᠤᠯᠲᠠᠶ᠋ᠢᠨ ᠴᠠᠭ 3000 ᠴᠠᠭ ᠦᠷᠭᠦᠯᠵᠢᠯᠡᠵᠦ᠍᠂ ᠡᠳᠦᠷ ᠰᠥᠨᠢᠶ᠋ᠢᠨ ᠳᠤᠯᠠᠭᠠᠨᠤ ᠵᠥᠷᠢᠶᠡ 15℃ ᠠᠴᠠ ᠳᠡᠭᠡᠭ᠌ᠰᠢ ᠲᠣᠭ᠍ᠲᠠᠪᠤᠷᠢᠵᠢᠵᠤ᠂ ᠴᠠᠭᠠᠨᠨᠠᠭᠤᠷᠤᠨ ᠴᠡᠪᠡᠷ ᠤᠰᠤᠨᠤ ᠪᠡᠶᠡᠲᠦ ᠣᠯᠠᠨ ᠵᠦᠢᠯᠤᠨ ᠡᠷᠦᠳᠡᠰᠦ ᠡᠯᠪᠡᠭ ᠠᠭᠤᠯᠤᠭ᠍ᠳᠠᠵᠤ᠂ ᠮᠤᠰᠭᠢᠷᠠᠭᠠ ᠵᠠᠮᠠᠭᠤᠨ ᠦᠰᠦᠨ ᠪᠤᠢᠵᠢᠬᠤᠳᠤ ᠴᠢᠨᠠᠷ ᠰᠠᠢᠲᠠᠶ ᠣᠷᠴᠢᠨ ᠲᠣᠭᠤᠷᠢᠨᠢ ᠬᠠᠩᠭᠠᠵᠤ᠂ ᠥᠨᠳᠥᠷ ᠤᠭᠤᠷᠠᠭ᠂ ᠥᠨᠳᠥᠷ ᠢᠳᠡᠪᠬᠢᠲᠦ ᠡᠯᠧᠮᠧᠨ᠋ᠲᠤᠨ ᠥᠪᠡᠷᠮᠢᠴᠡ ᠴᠢᠨᠠᠷᠢ ᠪᠣᠶ ᠪᠣᠯᠭᠠᠪᠠ᠃
2003 ᠣᠨᠳᠤ ᠲᠤᠷᠱᠢᠨ ᠲᠡᠵᠢᠭᠡᠵᠦ᠍ ᠡᠬᠢᠯᠡᠭ᠌ᠰᠡᠨᠠᠴᠠ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨᠬᠢᠨ ᠨᠢᠭᠡᠨᠲᠡ ᠪᠦᠬᠦ᠌ ᠪᠥᠮᠪᠥᠷᠴᠡᠭᠤᠨ ᠬᠠᠮᠤᠭᠤᠨ ᠶᠡᠭᠡ ᠡᠷᠭᠢᠭᠦᠯᠭᠡᠲᠦ ᠵᠠᠮᠠᠭᠤᠨ ᠬᠡᠪᠴᠢᠶᠡᠵᠢᠭ᠌ᠰᠡᠨ ᠠᠵᠤ ᠦᠢᠯᠡᠰᠤᠨ ᠪᠦᠯᠦᠭᠵᠢᠯᠢ ᠪᠠᠢᠭᠤᠯᠵᠤ᠂ ᠵᠢᠯᠳᠤ 5200 ᠲᠣᠨ ᠱᠢᠯᠢᠳᠡᠭ ᠰᠠᠢᠨ ᠡᠷᠭᠢᠭᠦᠯᠭᠡᠲᠦ ᠵᠠᠮᠠᠭᠤᠨ ᠨᠤᠨᠲᠠᠭ ᠦᠢᠯᠡᠳᠴᠦ᠍᠂ ᠪᠦᠬᠦ᠌ ᠪᠥᠮᠪᠥᠷᠴᠡᠭᠤᠨ ᠭᠠᠷᠤᠯᠲᠠᠶ᠋ᠢᠨ 40% ᠶ᠋ᠢ ᠡᠵᠡᠯᠡᠵᠦ᠍᠂ ᠦᠢᠯᠡᠳᠬᠦᠨᠨᠢ 20 ᠭᠠᠷᠤᠶ ᠲᠦᠷᠦᠯ ᠵᠦᠢᠯᠢ ᠬᠠᠮᠤᠷᠴᠤ᠌᠂ 2024 ᠣᠨᠳᠤ ᠲᠦᠷᠦᠯ ᠲᠡᠮᠳᠡᠭᠤᠨ ᠦᠨᠡ ᠥᠷᠲᠡᠭᠨᠢ ᠨᠢᠭᠡᠨᠲᠡ 5.68 ᠳ᠋ᠦᠩᠱᠢᠭᠤᠷ ᠲᠥᠭᠦᠷᠢᠭᠲᠤ ᠬᠦᠷᠴᠦ᠍᠂ 40 ᠭᠠᠷᠤᠶ ᠤᠯᠤᠰ ᠪᠠ ᠭᠠᠵᠠᠷ ᠣᠷᠣᠨᠳᠤ ᠪᠣᠷᠣᠯᠠᠭᠤᠯᠤᠭ᠍ᠳᠠᠵᠤ ᠪᠠᠢᠨᠠ᠃
ᠣᠳᠣᠬᠠᠨᠳᠤ᠂ 《ᠣᠲᠤᠭᠤᠨ ᠡᠷᠭᠢᠭᠦᠯᠭᠡᠲᠦ ᠵᠠᠮᠠᠭ》 ᠨᠢ ᠨᠢᠭᠡᠨᠲᠡ ᠳᠠᠩ ᠭᠠᠭ᠍ᠴᠠ ᠲᠦᠭᠦᠬᠡᠶ ᠮᠠᠲ᠋ᠧᠷᠢᠶᠠᠯ ᠪᠢᠰᠢ ᠪᠣᠯᠵᠠᠢ᠃ ᠵᠧᠵᠢᠶᠠᠩ ᠶᠡᠭᠡ ᠰᠤᠷᠭᠠᠭᠤᠯᠢᠯᠤᠭᠠ ᠠᠮᠢᠳᠤ ᠪᠣᠳᠠᠰᠤᠨ ᠡᠮ ᠡᠮᠨᠡᠯᠭᠡᠶ᠋ᠢᠨ ᠬᠠᠮᠲᠤᠷᠠᠭ᠍ᠰᠠᠨ ᠰᠤᠳᠤᠯᠭᠠᠨᠤ ᠲᠥᠪᠢ ᠬᠠᠮᠲᠤᠪᠠᠷ ᠪᠠᠢᠭᠤᠯᠬᠤᠪᠠᠷ ᠳᠠᠮᠵᠢᠭᠤᠯᠤᠨ᠂ ᠡᠷᠭᠢᠭᠦᠯᠭᠡᠲᠦ ᠵᠠᠮᠠᠭᠤᠨ ᠭᠠᠳᠠᠭᠠᠳᠤ ᠰᠢᠭᠦᠷᠡᠯᠦᠨ ᠪᠡᠶᠡᠶᠢᠨ ᠬᠡᠳᠦ ᠴᠡᠪᠡᠷ ᠰᠢᠩᠭᠡᠨ᠂ ᠨᠠᠨᠤ᠋ ᠡᠷᠭᠢᠭᠦᠯᠭᠡᠲᠦ ᠨᠢᠳᠦᠨᠳᠦ ᠳᠤᠰᠤᠭᠠᠬᠤ ᠰᠢᠩᠭᠡᠨ ᠵᠡᠷᠭᠡ ᠳᠡᠭᠡᠳᠦ ᠳᠡᠰᠤᠨ ᠦᠢᠯᠡᠳᠬᠦᠨᠢ ᠠᠮᠵᠢᠯᠲᠠᠲᠠᠢ ᠰᠤᠳᠤᠯᠤᠨ ᠪᠦᠲᠦᠭᠡᠵᠦ᠂ 《ᠡᠬᠢ ᠪᠠᠶᠠᠯᠢᠭ — ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯ — ᠡᠮᠴᠢᠯᠡᠭᠡ — ᠠᠵᠤ ᠦᠢᠯᠡᠰ》 ᠤᠨ ᠪᠦᠷᠢᠨ ᠪᠦᠲᠦᠨ ᠪᠢᠲᠡᠭᠦᠮᠵᠢᠯᠡᠯᠢ ᠪᠠᠢᠭᠤᠯᠵᠤ᠂ ᠤᠯᠤᠰᠤᠨ 11 ᠵᠦᠢᠯᠤᠨ ᠡᠭᠦᠳᠦᠯᠲᠡᠶ᠋ᠢᠨ ᠲᠤᠰᠭᠠᠶ ᠠᠱᠢᠭ ᠪᠠ ᠶᠠᠫᠤᠨᠤ 1 ᠵᠦᠢᠯᠤᠨ ᠲᠤᠰᠭᠠᠶ ᠠᠱᠢᠭᠢ ᠣᠯᠵᠤ᠂ ᠲᠦᠭᠦᠬᠡᠶ ᠮᠠᠲ᠋ᠧᠷᠢᠶᠠᠯ ᠭᠠᠷᠭᠠᠬᠤᠠᠴᠠ ᠠᠮᠢᠳᠤ ᠪᠣᠳᠠᠰᠤᠨ ᠡᠮ ᠡᠮᠨᠡᠯᠭᠡᠶ᠋ᠢᠨ ᠠᠵᠤ ᠦᠢᠯᠡᠰ ᠲᠡᠢᠰᠢ ᠳᠠᠪᠠᠯᠲᠠᠶ᠋ᠢ ᠪᠡᠶᠡᠯᠡᠭᠦᠯᠪᠡ᠃ ᠲᠣᠰ ᠤᠳᠠᠭᠠᠨᠤ ᠭᠠᠵᠠᠷ ᠵᠦᠶᠶ᠋ᠢᠨ ᠲᠡᠮᠳᠡᠭᠢᠶᠠᠷ ᠭᠡᠷᠡᠴᠢᠯᠡᠭ᠌ᠰᠡᠨ ᠲᠠᠸᠠᠷᠤᠨ ᠲᠡᠮᠳᠡᠭᠢ ᠵᠥᠪᠱᠢᠶᠡᠷᠡᠭᠦᠯᠵᠦ᠍᠂ 《ᠦᠢᠯᠡᠳᠬᠦᠨᠤ ᠬᠠᠮᠠᠭᠠᠯᠠᠯᠲᠠ + ᠲᠠᠸᠠᠷᠤᠨ ᠲᠡᠮᠳᠡᠭᠢ ᠬᠠᠮᠠᠭᠠᠯᠠᠬᠤ》 ᠳᠠᠪᠬᠤᠷ ᠬᠠᠯᠬᠠᠪᠴᠢᠶ᠋ᠢ ᠪᠣᠶ ᠪᠣᠯᠭᠠᠵᠤ᠂ ᠨᠠᠷᠠᠲᠤ ᠲᠡᠮᠳᠡᠭᠦᠨ ᠢᠯᠭᠠᠨ ᠲᠠᠨᠢᠬᠤ ᠬᠡᠮᠵᠢᠶᠡ ᠬᠢᠭᠡᠳ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠥᠷᠢᠰᠥᠯᠳᠦᠬᠦ᠌ ᠬᠦᠴᠦᠨᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠴᠢᠩᠭᠠᠷᠠᠭᠤᠯᠪᠠ᠃
ᠦᠢᠯᠡᠳᠪᠦᠷᠢᠶᠢᠨ ᠲᠠᠰᠤᠭᠲᠠᠬᠢ ᠮᠣᠷᠳᠠᠬᠤᠪᠠᠷ ᠪᠡᠯᠡᠬᠡᠨ ᠪᠠᠢᠭᠠ ᠭᠠᠳᠠᠭᠠᠳᠤᠳᠤ ᠭᠠᠷᠭᠠᠬᠤ ᠪᠠᠷᠠᠭᠠᠠᠴᠠ ᠲᠤᠷᠰᠢᠯᠲᠠᠶᠢᠨ ᠲᠠᠰᠤᠭᠲᠤ ᠲᠠᠰᠤᠷᠠᠯᠲᠠ ᠦᠭᠡᠢ ᠣᠷᠣᠯᠠᠭᠳᠠᠵᠤ ᠪᠠᠢᠭᠠ ᠰᠢᠨᠡᠶᠢ ᠡᠭᠦᠳᠦᠭᠰᠡᠨ ᠦᠢᠯᠡᠳᠬᠦᠨ ᠬᠦᠷᠲᠡᠯᠡ᠂ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠪᠥᠬᠦᠶ ᠪᠠᠢᠭ᠍ᠰᠠᠨᠠᠴᠠᠪᠠᠨ ᠡᠳᠦᠷᠠᠴᠠ ᠡᠳᠦᠷ ᠲᠡᠭᠦᠯᠳᠡᠷᠵᠢᠭ᠌ᠰᠡᠨ ᠠᠵᠤ ᠦᠶ᠋ᠯᠡᠰᠤᠨ ᠠᠮᠢ ᠠᠬᠤᠶ ᠬᠦᠷᠲᠡᠯᠡ᠂ 《ᠣᠲᠤᠭᠤᠨ ᠡᠷᠭᠢᠭᠦᠯᠭᠡᠲᠦ ᠵᠠᠮᠠᠭ》 ᠨᠢ ᠶᠠᠭ 《ᠬᠤᠤᠰ ᠬᠠᠮᠠᠭᠠᠯᠠᠯᠲᠠ》 ᠪᠠᠷ ᠱᠢᠨᠡ ᠭᠠᠷᠤᠭᠠ ᠪᠣᠯᠭᠠᠵᠤ᠂ ᠴᠢᠨᠠᠷ ᠰᠠᠢᠲᠠᠶ ᠬᠥᠭ᠌ᠵᠢᠯᠲᠡᠶ᠋ᠢᠨ ᠵᠠᠮᠢᠶᠠᠷ ᠲᠣᠮᠣ ᠠᠯᠬᠤᠮᠢᠶᠠᠷ ᠤᠷᠤᠭ᠍ᠰᠢᠯᠠᠵᠤ᠂ 《ᠳᠡᠯᠡᠬᠡᠶᠶ᠋ᠢᠨ ᠵᠠᠮᠠᠭᠤᠨ ᠬᠤᠲᠠ》 ᠠᠴᠠ ᠢᠷᠡᠭ᠌ᠰᠡᠨ 《ᠪᠣᠬᠢᠷᠲᠤᠯ ᠥᠬᠡᠶ ᠭᠡᠷᠡᠯᠲᠦ ᠰᠤᠪᠤᠳ》 ᠢ ᠪᠥᠬᠦ᠌ ᠪᠥᠮᠪᠥᠷᠴᠡᠭᠤᠨ ᠲᠠᠪᠴᠠᠩᠳᠤ ᠬᠡᠷᠡᠯ ᠭᠢᠯᠪᠠᠭᠠᠪᠠᠨ ᠰᠠᠴᠤᠷᠠᠭᠤᠯᠵᠤ ᠪᠠᠢᠨᠠ᠃
ᠺᠤᠳ᠋ᠢ ᠱᠢᠷᠪᠢᠵᠦ᠍ ᠭᠠᠷ ᠤᠲᠠᠰᠤᠨ ᠳᠡᠭᠡᠷᠡ ᠣᠳᠣᠬᠢ ᠨᠢᠭᠤᠷᠢ ᠪᠠᠢᠴᠠᠭᠠᠨ ᠦᠵᠡᠭᠡᠷᠡᠢ