11 ᠰᠠᠷᠠ ᠵᠢᠨ 18ᠤ ᠡᠳᠦᠷ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠪᠡᠶᠡ ᠵᠢᠨ ᠲᠠᠮᠢᠷᠤᠨ ᠲᠤᠪᠴᠢᠶᠡ ᠵᠢᠨ ᠲᠤᠪᠴᠢᠶᠠᠨ ᠲᠠᠷᠤᠭᠠ ᠲᠠᠨ ᠵᠢᠩ ᠹᠸᠩ᠂ ᠦᠪᠦᠷ ᠮᠤᠩᠭᠤᠯᠤᠨ ᠸᠸᠢ ᠮᠢᠩ ᠶᠠᠩ ᠰᠤᠶᠤᠯᠤᠨ ᠦᠢ᠍ᠯᠡᠰᠤᠨ ᠬᠢᠵᠠᠭ᠋ᠠᠷᠲᠦ ᠺᠤᠮᠫᠠᠨᠢ᠂ ᠦᠪᠦᠷ ᠮᠤᠩᠭᠤᠯᠤᠨ ᠨᠸᠢ ᠰᠢᠦ ᠯᠠᠩ ᠰᠤᠶᠤᠯᠤᠨ ᠬᠦᠭᠵᠢᠭᠦᠯᠦᠯᠳᠡ ᠵᠢᠨ ᠬᠢᠵᠠᠭ᠋ᠠᠷᠳᠦ ᠺᠤᠮᠫᠠᠨᠢ᠂ ᠦᠪᠦᠷ ᠮᠤᠩᠭᠤᠯᠤᠨ ᠮᠠᠭᠳᠠᠭ᠋ᠠᠯ ᠰᠤᠶᠤᠯᠤᠨ ᠦᠢ᠍ᠯᠡᠰᠤᠨ ᠬᠦᠭᠵᠢᠭᠦᠯᠦᠯᠳᠡ ᠵᠢᠨ ᠬᠢᠵᠠᠭ᠋ᠠᠷᠳᠦ ᠺᠤᠮᠫᠠᠨᠢ᠂ ᠦᠪᠦᠷ ᠮᠤᠩᠭᠤᠯᠤᠨ ᠴᠡᠩᠬᠡ ᠰᠤᠶᠤᠯ ᠤᠷᠠᠯᠢᠭᠤᠨ ᠬᠢᠵᠠᠭ᠋ᠠᠷᠳᠦ ᠺᠤᠮᠫᠠᠨᠢ ᠵᠡᠷᠭᠡ ᠺᠤᠮᠫᠠᠨᠢ ᠵᠶ᠋ᠠᠷ ᠬᠦᠷᠴᠦ᠂ 《ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠬᠤᠭᠤᠴᠠᠭ᠋ᠠᠨᠤ ᠪᠦᠬᠦ ᠤᠯᠤᠰᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨ》ᠤ ᠰᠤᠶᠤᠯᠤᠨ ᠪᠦᠳᠦᠭᠳᠡᠬᠦᠨᠢ ᠬᠤᠷᠰᠢᠨ ᠪᠦᠳᠦᠭᠡᠬᠦ ᠠᠵᠦ ᠠᠬᠤᠢ᠌ᠯᠠᠯ ᠵᠶ᠋ᠠᠷ ᠪᠠᠢ᠌ᠴᠠᠭ᠋ᠠᠨ ᠰᠤᠳᠤᠯᠤᠯᠳᠠ ᠬᠢᠪᠡ᠃
ᠲᠠᠨ ᠵᠢᠩ ᠹᠸᠩ ᠲᠤᠪᠴᠢᠶᠠᠨ ᠲᠠᠷᠤᠭᠠ ᠡᠯᠡ ᠬᠤᠷᠰᠢᠭᠴᠢ ᠠᠵᠦ ᠠᠬᠤᠢ᠌ᠯᠠᠯᠤᠨ ᠰᠤᠶᠤᠯᠤᠨ ᠪᠦᠳᠦᠭᠳᠡᠬᠦᠨᠤ ᠲᠦᠰᠦᠪᠯᠡᠯ᠂ ᠦᠢ᠍ᠯᠡᠳᠪᠦᠷᠢᠯᠡᠯ᠂ ᠪᠤᠷᠤᠯᠠᠭᠤᠯᠤᠯᠳᠠ ᠵᠡᠷᠭᠡ ᠵᠢᠨ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠳᠡ ᠵᠢ ᠰᠤᠨᠤᠰᠴᠦ᠂ ᠤᠳᠤᠬᠠᠨᠤ ᠭᠤᠤᠯᠳᠠᠯᠠᠭᠠᠲᠠᠢ ᠠᠵᠢᠯ ᠪᠤᠯᠤᠨ ᠤᠷᠤᠰᠢᠵᠦ ᠪᠠᠢ᠌ᠭᠠ ᠬᠦᠴᠢᠷᠳᠡᠯᠢ ᠨᠠᠷᠢᠯᠢᠭ ᠠᠰᠠᠭᠤᠨ ᠤᠢ᠌ᠯᠠᠭ᠋ᠠᠪᠠ᠃
ᠲᠠᠨ ᠵᠢᠩ ᠹᠸᠩ ᠴᠢᠩᠭ᠋ᠠᠳᠬᠠᠬᠤᠳᠠᠭᠠᠨ᠂ ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠬᠤᠭᠤᠴᠠᠭ᠋ᠠᠨᠤ ᠪᠦᠬᠦ ᠤᠯᠤᠰᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨ ᠪᠤᠯ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠪᠠᠢ᠌ᠭᠤᠯᠤᠭᠳᠠᠭᠰᠠᠨᠠᠴᠠ ᠨᠠᠰᠢᠬᠢ ᠠᠩᠬᠠ ᠤᠳᠠᠭᠠ ᠲᠠᠭ᠋ᠠᠭ᠋ᠠᠴᠢᠯᠠᠨ ᠡᠷᠬᠢᠯᠡᠵᠦ ᠪᠠᠢ᠌ᠭᠠ ᠲᠤᠮᠤ ᠬᠡᠯᠪᠡᠷᠢ ᠵᠢᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨ ᠪᠤᠯᠤᠨᠡ᠂ ᠦᠪᠦᠷ ᠮᠤᠩᠭᠤᠯᠢ ᠲᠠᠨᠢᠭᠤᠯᠬᠤ᠂ ᠤᠬᠠᠭᠤᠯᠬᠤ ᠴᠢᠬᠤᠯᠠ ᠶᠡᠬᠡ ᠲᠤᠬᠢᠶᠠᠯ᠂ ᠠᠵᠦ ᠠᠬᠤᠢ᠌ᠯᠠᠯᠤᠨ ᠪᠦᠳᠦᠭᠳᠡᠬᠦᠨᠤ ᠨᠡᠷᠡ ᠨᠦᠯᠦᠭᠡᠪᠠᠨ ᠲᠡᠭᠡᠭᠰᠢᠯᠡᠬᠦᠯᠬᠦ ᠴᠢᠬᠤᠯᠠ ᠲᠠᠪᠴᠠᠩ ᠮᠦᠨ᠂ ᠡᠯᠡ ᠬᠤᠷᠰᠢᠭᠴᠢ ᠠᠵᠦ ᠠᠬᠤᠢ᠌ᠯᠠᠯ ᠡᠨᠡᠬᠦ ᠰᠠᠢ᠌ᠨ ᠵᠠᠪᠰᠢᠶᠠᠨᠢ ᠠᠰᠢᠭᠯᠠᠵᠦ᠂ 《ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠬᠤᠭᠤᠴᠠᠭ᠋ᠠᠨᠤ ᠪᠦᠬᠦ ᠤᠯᠤᠰᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨ》ᠤ ᠰᠤᠶᠤᠯ ᠤᠨ ᠪᠦᠳᠦᠭᠳᠡᠬᠦᠨᠢ ᠨᠠᠷᠢᠯᠢᠭ ᠰᠠᠢ᠌ᠨ ᠬᠢᠵᠦ᠂ ᠠᠵᠦ ᠠᠬᠤᠢ᠌ᠯᠠᠯ ᠵᠶ᠋ᠠᠨ ᠤᠯᠠᠮ ᠪᠤᠵᠠᠭ᠋ᠠᠢ᠌ᠷᠠᠭᠤᠯᠬᠤ ᠬᠡᠷᠡᠭᠳᠡᠢ ᠭᠡᠪᠡ᠃
ᠲᠠᠨ ᠵᠢᠩ ᠹᠸᠩ ᠵᠢᠭ᠋ᠠᠬᠤᠳᠠᠭᠠᠨ᠂ ᠤᠳᠤᠬᠠᠨ ᠬᠠᠮᠢᠶᠡ ᠪᠦᠬᠦᠢ ᠰᠠᠯᠠᠭᠠ ᠮᠦᠴᠢᠷ ᠬᠦᠬᠡᠬᠤᠳᠠ᠂ ᠬᠦᠯᠦᠨ ᠪᠤᠢ᠌ᠷ᠂ ᠤᠯᠠᠭ᠋ᠠᠨᠬᠠᠳᠠ᠂ ᠤᠯᠠᠭ᠋ᠠᠴᠠᠪ᠂ ᠰᠢᠯᠢ ᠵᠢᠨ ᠭᠤᠤᠯ ᠵᠡᠷᠭᠡ ᠠᠢ᠌ᠮᠠᠭ ᠬᠤᠳᠠ ᠵᠢᠨ ᠤᠷᠤᠯᠳᠤᠭ᠋ᠠᠨᠤ ᠲᠠᠯᠠᠪᠠᠢ ᠵᠢᠨ ᠨᠢᠰᠭᠡᠯᠤᠨ ᠲᠠᠯᠠᠪᠠᠢ᠂ ᠲᠡᠷᠭᠡᠨ ᠦᠷᠳᠡᠭᠡ᠂ ᠬᠤᠳᠠᠯᠳᠤᠭ᠋ᠠᠨᠤ ᠭᠠᠵᠠᠷ᠂ ᠲᠤᠮᠤ ᠨᠤᠮᠤᠨ ᠲᠡᠯᠭᠡᠭᠦᠷ ᠵᠡᠷᠭᠡ ᠬᠦᠮᠦᠨ ᠬᠠᠷᠠ ᠤᠯᠠᠨ ᠭᠠᠵᠠᠷᠲᠤ ᠬᠤᠳᠠᠯᠳᠤᠬᠤ ᠭᠠᠵᠠᠷ ᠲᠤᠬᠢᠷᠠᠭᠤᠯᠵᠦ᠂ ᠠᠵᠦ ᠠᠬᠤᠢ᠌ᠯᠠᠯᠳᠤ ᠰᠤᠶᠤᠯᠤᠨ ᠪᠦᠳᠦᠭᠳᠡᠬᠦᠨ ᠵᠶ᠋ᠠᠨ ᠪᠤᠷᠤᠯᠠᠭᠤᠯᠬᠤ ᠵᠠᠮᠢ ᠴᠢᠳᠠᠬᠤ ᠵᠢᠨ ᠴᠢᠨᠡᠭᠡᠪᠠᠷ ᠨᠡᠪᠳᠡᠷᠡᠭᠦᠯᠵᠦ᠂ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨᠤ ᠰᠤᠶᠤᠯᠤᠨ ᠪᠦᠳᠦᠭᠳᠡᠬᠦᠨ ᠪᠤᠯᠤᠨ ᠮᠦᠰᠦ ᠴᠠᠰᠤᠨᠤ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠤ ᠰᠤᠶᠤᠯ᠂ ᠮᠡᠳᠡᠯᠭᠡ ᠵᠢ ᠨᠡᠩ ᠤᠯᠠᠨ ᠬᠦᠮᠦᠰᠲᠤ ᠮᠡᠳᠡᠭᠦᠯᠵᠦ ᠲᠦᠭᠡᠮᠡᠯᠵᠢᠭᠦᠯᠵᠦ ᠪᠤᠢ ᠭᠡᠵᠡᠢ᠃