★ ᠤ᠂ ᠲᠡᠮᠤᠷᠭᠤᠤᠯᠳᠤ
ᠡᠷᠬᠢᠴᠡᠬᠦᠯᠬᠦᠳᠤ 2018 ᠤᠨᠤ 6 ᠰᠠᠷᠠ ᠵᠢᠨ 1ᠤ ᠡᠳᠤᠷ᠂ ᠦᠪᠤᠷ ᠮᠤᠩᠭᠤᠯᠤᠨ ᠷᠠᠳᠢᠤ᠋ ᠲᠸᠯᠸᠢᠰ ᠬᠤᠷᠢᠶᠠ᠂ ᠰᠢᠯᠢ ᠵᠢᠨ ᠭᠤᠤᠯ ᠠᠢ᠌ᠮᠠᠭᠤᠨ ᠵᠠᠬᠢᠷᠭᠠᠠᠴᠠ ᠬᠠᠮᠳᠤᠷᠠᠨ ᠡᠷᠬᠢᠯᠡᠭᠰᠡᠨ 《ᠵᠢᠷᠭ᠋ᠠᠯᠠᠩᠳᠤ ᠲᠠᠯᠠ ᠨᠤᠳᠤᠭ᠂ ᠰᠢᠯᠢ ᠵᠢᠨ ᠭᠤᠤᠯ》 ᠮᠤᠩᠭᠤᠯ ᠪᠦᠬᠡ ᠵᠢᠨ ᠴᠦᠷᠬᠡᠯᠡᠭᠡ ᠤᠷᠤᠯᠳᠤᠭ᠋ᠠᠨᠨᠢ ᠠᠪᠠᠭᠠ ᠬᠤᠰᠢᠭᠤᠨᠳᠤ ᠴᠢᠩᠬᠢᠰ ᠬᠠᠭ᠋ᠠᠨᠤ ᠭᠡᠭᠡᠨ ᠲᠦᠷᠢ ᠵᠢ ᠰᠢᠩᠭᠡᠭᠡᠭᠰᠡᠨ ᠪᠤᠷᠬᠠᠨ ᠲᠠᠬᠢᠯᠭᠠᠲᠠᠢ ᠪᠤᠭᠳᠠ ᠠᠭᠤᠯᠠ ᠵᠢᠨ ᠡᠩᠭᠡᠷᠲᠤ ᠬᠡᠢ᠌ᠮᠤᠷᠢᠲᠠᠢ ᠰᠠᠢ᠌ᠬᠠᠨ ᠬᠦᠰᠢᠭᠡᠪᠠᠨ ᠰᠡᠬᠦᠭᠰᠡᠨ ᠪᠢᠯᠠ᠃ ᠲᠡᠷᠡ ᠤᠳᠠᠭᠠ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠱᠤᠤ ᠪᠠᠯᠭ᠋ᠠᠰᠤᠨᠤ ᠵᠠᠯᠠᠭᠤ ᠰᠤᠳᠤᠨ ᠪᠦᠬᠡ ᠮᠦᠩᠬᠡᠳᠦ᠋ᠭᠦᠷᠡᠩ᠂ ᠪᠦᠬᠦ ᠦᠪᠤᠷ ᠮᠤᠩᠭᠤᠯ ᠤᠷᠤᠨᠤ ᠠᠯᠳᠠᠷ ᠨᠡᠷᠡᠳᠠᠢ ᠤᠯᠠᠨ ᠰᠠᠢ᠌ᠨ ᠠᠪᠤᠷᠭᠤᠴᠤᠳᠢ ᠰᠢᠷᠤᠢ᠌ᠳᠠᠭᠤᠯᠵᠦ᠂ ᠨᠠᠢ᠍ᠮᠠᠳᠤᠭ᠋ᠠᠷ ᠨᠤᠭᠤᠯᠠᠭᠠᠳᠠᠭᠠᠨ ᠵᠡᠬᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨᠤ ᠦᠯᠵᠠᠢ᠌ᠪᠠᠭ᠋ᠠᠳᠤᠷᠢ ᠦᠢ᠍ᠴᠢᠭᠤᠯᠵᠤ᠂ 256 ᠪᠦᠬᠡᠳᠤ ᠲᠡᠷᠢᠭᠦᠯᠡᠪᠡ᠃ ᠲᠡᠷᠡ ᠤᠳᠠᠭ᠋ᠠᠨᠤ ᠴᠦᠷᠬᠡᠯᠡᠭᠡ ᠪᠠᠷᠢᠯᠳᠤᠭ᠋ᠠᠨᠢ ᠮᠡᠬᠦᠰ ᠪᠢ ᠷᠠᠳᠢᠤ᠋ ᠲᠸᠯᠸᠢᠰᠠᠴᠠ ᠦᠵᠡᠵᠦ ᠰᠤᠨᠢᠷᠬᠠᠭᠰᠠᠨ ᠰᠡᠳᠬᠢᠭᠳᠡᠯ ᠲᠦᠷᠦᠭᠳᠡᠯ ᠵᠶ᠋ᠠᠨ ᠮᠡᠳᠡᠭᠡ ᠵᠠᠭᠤᠴᠢᠯᠠᠭᠤᠷ ᠵᠶ᠋ᠠᠷ ᠮᠡᠳᠡᠭᠡᠯᠡᠭᠰᠡᠨ ᠪᠦᠬᠡᠳ ᠮᠢᠨᠤ 《ᠮᠤᠩᠭᠤᠯ ᠤᠨᠳᠤᠷᠤᠯ ᠮᠦᠩᠬᠡ ᠬᠤᠷᠸᠠ》 ᠭᠡᠰᠡᠨ ᠨᠤᠮᠳᠠᠭᠠᠨ ᠪᠢᠴᠢᠵᠤ ᠤᠷᠤᠭᠤᠯᠤᠭᠰᠠᠨ ᠪᠣᠯᠬᠤᠷ ᠲᠡᠷᠨᠨᠢ ᠲᠡᠤᠬᠡ ᠵᠢᠨ ᠲᠤᠷᠠᠰᠬᠠᠯ ᠲᠡᠮᠳᠡᠭᠯᠡᠯ ᠪᠤᠯᠤᠨ ᠦᠯᠡᠳᠡᠭᠰᠡᠨ ᠶᠤᠮ᠃
ᠬᠦᠯᠦᠨ ᠪᠤᠢ᠌ᠷᠤᠨ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠰᠤᠶᠤᠯ ᠵᠢᠭᠤᠯᠴᠢᠯᠠᠯᠤᠨ ᠨᠠᠢ᠌ᠷ ᠵᠢᠴᠢ ᠦᠪᠤᠷ ᠮᠤᠩᠭᠤᠯᠤᠨ ᠴᠦᠷᠬᠡᠯᠡᠭᠡ ᠪᠠᠷᠢᠯᠳᠤᠭ᠋ᠠᠨᠤ ᠬᠤᠶᠠᠳᠤᠭ᠋ᠠᠷ ᠲᠠᠯᠠᠪᠠᠢ ᠤᠷᠤᠯᠳᠤᠭ᠋ᠠᠨ 2022 ᠤᠨᠤ 7 ᠰᠠᠷᠠ ᠵᠢᠨ 30ᠤ ᠡᠳᠤᠷ — 8 ᠰᠠᠷᠠ ᠵᠢᠨ 1ᠤ ᠡᠳᠤᠷ ᠪᠤᠯᠳᠠᠯᠠ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠲᠦᠪ ᠠᠯᠳᠠᠨ ᠡᠮᠡᠭᠡᠯ ᠪᠠᠯᠭ᠋ᠠᠰᠤᠨᠳᠤ ᠨᠢᠵᠢᠭᠡᠷ ᠰᠠᠢ᠌ᠬᠠᠨ ᠶᠠᠪᠤᠭᠳᠠᠵᠤ᠂ 512 ᠪᠦᠬᠡ ᠵᠤᠳᠤᠭᠯᠠᠭᠰᠠᠨ ᠶᠤᠮ᠃ ᠲᠤᠰ ᠤᠳᠠᠭ᠋ᠠᠨᠤ ᠴᠦᠷᠬᠡᠯᠡᠭᠡ ᠪᠠᠷᠢᠯᠳᠤᠭ᠋ᠠᠨᠢ ᠪᠢ ᠦᠪᠤᠷ ᠮᠤᠩᠭᠤᠯᠤᠨ ᠷᠠᠳᠢᠤ᠋ ᠲᠸᠯᠸᠢᠰ ᠬᠤᠷᠢᠶᠠᠨᠤ ᠰᠢᠭᠤᠳ ᠨᠡᠪᠳᠡᠷᠡᠭᠦᠯᠭᠡᠠᠴᠠ ᠴᠠᠭ ᠲᠤᠬᠠᠢᠳᠤᠨᠢ ᠲᠡᠢ᠌ᠮᠤ ᠰᠠᠢ᠌ᠬᠠᠨ ᠤᠯᠵᠦ ᠰᠤᠨᠢᠷᠬᠠᠭᠰᠠᠨ ᠦᠬᠡᠢ ᠪᠤᠯᠪᠠᠴᠦ᠂ ᠸᠢᠴᠠᠲ ᠲᠠᠪᠴᠠᠩ ᠵᠶ᠋ᠠᠷ ᠲᠠᠰᠤᠭ ᠪᠤᠰᠤᠭ ᠵᠶ᠋ᠠᠷ ᠰᠤᠨᠢᠷᠬᠠᠨ ᠦᠵᠡᠯᠡ᠃ ᠲᠤᠰ ᠤᠳᠠᠭ᠋ᠠᠨᠤ ᠴᠦᠷᠬᠡᠯᠡᠭᠡ ᠪᠠᠷᠢᠯᠳᠤᠭ᠋ᠠᠨᠳᠤ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠪᠦᠬᠡᠴᠤᠳ᠂ ᠬᠤᠰᠢᠭᠤᠨᠤ ᠪᠦᠬᠡ ᠵᠢᠨ ᠨᠡᠢ᠌ᠭᠡᠮᠯᠢᠭᠤᠨ ᠲᠡᠷᠢᠭᠦᠯᠡᠭᠴᠢ ᠲᠠᠯᠠᠨᠳᠠᠢ ᠵᠢᠨ ᠲᠠᠭ᠋ᠠᠭᠤᠯᠭᠠᠪᠠᠷ ᠬᠤᠷᠢᠨ ᠬᠡᠳᠤᠨ ᠰᠢᠯᠢᠳᠡᠭ ᠪᠦᠬᠡᠴᠤᠳ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨᠳᠤ ᠬᠦᠷᠦᠯᠴᠡᠨ ᠤᠴᠢᠵᠦ ᠤᠷᠤᠯᠴᠠᠭ᠋ᠠᠳ᠂ ᠲᠤᠩ ᠰᠠᠢ᠌ᠨ ᠦᠷᠡ ᠪᠦᠳᠤᠮᠵᠢ ᠵᠢ ᠤᠯᠵᠦ ᠴᠢᠳᠠᠪᠠ᠃
ᠨᠠᠢ᠌ᠷᠢ ᠰᠤᠨᠢᠷᠬᠠᠨ ᠦᠵᠡᠬᠦ ᠵᠢᠨ ᠳᠠᠭ᠋ᠠᠤ ᠮᠡᠬᠦᠰ ᠪᠢ ᠠᠷᠪᠠᠭ᠋ᠠᠳ ᠵᠢᠯᠤᠨ ᠡᠮᠤᠨᠡᠬᠢ ᠶᠠᠪᠤᠳᠠᠯ ᠤᠴᠢᠷᠢ ᠰᠠᠨᠠᠵᠦ ᠤᠯᠪᠠ᠃ ᠬᠤᠷᠢᠨ ᠨᠢᠬᠡᠳᠤᠭᠡᠷ ᠵᠠᠭᠤᠨᠤ ᠠᠷᠪᠠᠭ᠋ᠠᠳ ᠤᠨᠤ ᠡᠬᠢᠨ ᠵᠢᠡᠷ ᠮᠠᠨᠤ ᠬᠤᠰᠢᠭᠤᠨᠢ 《ᠪᠦᠬᠡ ᠵᠢᠨ ᠨᠡᠢ᠌ᠭᠡᠮᠯᠢᠭ》ᠢ ᠪᠠᠢ᠌ᠭᠤᠯᠵᠦ᠂ ᠲᠤᠬᠠᠢ ᠵᠢᠨ ᠦᠶᠡ ᠬᠤᠰᠢᠭᠤᠨ ᠤᠯᠤᠰ ᠲᠦᠷᠦ ᠵᠢᠨ ᠵᠦᠪᠯᠡᠯᠭᠡᠨᠤ ᠲᠡᠳ᠋ ᠲᠡᠷᠢᠭᠦᠯᠡᠭᠴᠢ ᠪᠠᠢ᠌ᠭᠰᠠᠨ ᠮᠠᠨᠳᠤᠯᠠ ᠨᠦᠬᠦᠷ ᠬᠤᠰᠢᠭᠤᠨᠤ ᠪᠦᠬᠡ ᠵᠢᠨ ᠠᠵᠢᠯᠢ ᠭᠤᠤᠯᠴᠢᠯᠠᠨ ᠬᠠᠮᠢᠶᠠᠷᠴᠦ ᠪᠠᠢ᠌ᠪᠠ᠃ ᠮᠠᠨᠳᠤᠯᠠ ᠨᠦᠬᠦᠷᠤᠨ ᠰᠠᠨᠠᠭ᠋ᠠᠴᠢᠯᠠᠭᠠᠪᠠᠷ ᠪᠢ ᠬᠤᠰᠢᠭᠤᠨ ᠪᠦᠬᠡ ᠵᠢᠨ ᠨᠡᠢ᠌ᠭᠡᠮᠯᠢᠭᠲᠤ ᠴᠤᠯᠭᠤᠢ ᠠᠷᠠᠰᠤᠨ ᠵᠤᠳᠤᠭ ᠤᠨ ᠨᠢᠷᠤᠭᠤᠨ ᠲᠡᠭᠡᠷᠡ ᠬᠡᠳᠤᠨ ᠲᠢᠭᠤᠨ 《ᠠᠷᠤ ᠬᠤᠷᠴᠢᠨ》 ᠭᠡᠰᠡᠨ ᠲᠠᠷᠤᠮᠠᠯ ᠦᠰᠦᠭ ᠪᠤᠶᠤ ᠪᠣᠯᠢᠭ᠋ᠠᠷᠢᠨ ᠠᠷᠠᠰᠤᠨ ᠲᠣᠪᠤᠷᠤᠤᠳᠦ ᠵᠤᠳᠤᠭ ᠲᠡᠭᠡᠷᠡ ᠲᠡᠮᠤᠷ ᠵᠶ᠋ᠠᠷ ᠲᠠᠪᠳᠠᠭᠰᠠᠨ 《ᠠᠷᠤ ᠬᠤᠷᠴᠢᠨ》 ᠭᠡᠰᠡᠨ ᠬᠡᠳᠤᠨ ᠬᠡᠯᠪᠡᠷᠢ ᠵᠢᠨ ᠦᠰᠦᠭ ᠪᠢᠴᠢᠨ ᠦᠭᠴᠦ᠂ ᠬᠤᠰᠢᠭᠤᠨᠳᠠᠭᠠᠨ ᠪᠠᠷᠢᠮᠵᠢᠶᠠᠳᠤ ᠵᠤᠳᠤᠭ ᠬᠢᠭᠰᠡᠨ ᠶᠤᠮ᠃ ᠦᠨᠤ ᠨᠠᠢ᠌ᠷᠢ ᠰᠤᠨᠢᠷᠬᠠᠨ ᠦᠵᠡᠬᠦᠳᠤ ᠨᠡᠯᠢᠶᠡᠳ ᠤᠯᠠᠨ ᠵᠠᠯᠠᠭᠤ ᠪᠠᠭ᠋ᠠᠴᠤᠳ ᠪᠤᠶᠤ ᠢᠳᠡᠷ ᠵᠠᠯᠠᠭᠤ ᠪᠦᠬᠡᠴᠤᠳ ᠤᠯᠳᠤᠢ ᠮᠢᠨᠤ ᠪᠢᠴᠢᠨ ᠦᠭᠭᠦᠭᠰᠡᠨ 《ᠠᠷᠤ ᠬᠤᠷᠴᠢᠨ》 ᠭᠡᠰᠡᠨ ᠦᠰᠦᠭᠲᠠᠢ ᠵᠤᠳᠤᠭᠢ ᠡᠮᠤᠰᠤᠨ᠂ ᠨᠠᠢ᠌ᠷᠤᠨ ᠲᠠᠯᠠᠪᠠᠢᠳᠤ ᠤᠮᠤᠭ ᠲᠡᠭᠦᠯᠳᠡᠷ ᠵᠶ᠋ᠠᠷ ᠮᠠᠭᠰᠢᠨ ᠤᠷᠤᠬᠤᠳᠤ ᠡᠪᠤᠭᠡᠨ ᠪᠢ ᠨᠤᠳᠤᠭ ᠤᠰᠤᠨᠳᠠᠭᠠᠨ ᠪᠠᠭᠠ ᠰᠠᠭᠠ ᠴᠦ᠍ ᠭᠡᠰᠡᠨ ᠲᠤᠰᠠᠳᠠᠢ ᠶᠠᠪᠤᠳᠠᠯ ᠬᠢᠭᠰᠡᠨ ᠴᠦ᠍ ᠪᠢᠯᠢᠤ ᠭᠡᠵᠦ ᠬᠦᠭᠰᠡᠵᠦ ᠰᠠᠭᠤᠳᠠᠭ᠃ ᠤᠳᠤ ᠮᠦᠩᠬᠡᠳᠦ᠋ᠭᠦᠷᠡᠩᠤᠨ ᠡᠮᠦᠰᠴᠤ ᠪᠠᠢ᠌ᠭᠠ ᠪᠦᠬᠡ ᠵᠢᠨ ᠲᠤᠤᠬᠤᠤ ᠵᠢᠨ ᠲᠡᠭᠡᠷᠡᠬᠢ 《ᠠᠷᠤ ᠬᠤᠷᠴᠢᠨ》 ᠭᠡᠰᠡᠨ ᠮᠤᠩᠭᠤᠯ ᠡᠪᠬᠡᠮᠡᠯ ᠦᠰᠦᠭ ᠪᠤᠯ ᠮᠦᠨᠴᠤ ᠮᠢᠨᠤ ᠲᠡᠷᠡ ᠦᠶᠡᠳᠤ ᠪᠢᠴᠢᠨ ᠦᠭᠭᠦᠭᠰᠡᠨ ᠦᠰᠦᠭ ᠪᠢᠯᠠ᠃ ᠮᠦᠩᠬᠡᠳᠦ᠋ᠭᠦᠷᠡᠩᠤᠨ ᠵᠶ᠋ᠠᠨ ᠨᠠᠢ᠌ᠷ ᠪᠤᠯᠭ᠋ᠠᠨᠳᠤ ᠠᠮᠵᠢᠯᠳᠠᠲᠠᠢ ᠰᠠᠢ᠌ᠨ ᠪᠠᠷᠢᠯᠳᠤᠬᠤ ᠵᠢᠨᠢ ᠬᠠᠷᠠᠭ᠋ᠠᠳ ᠡᠪᠤᠭᠡᠨ ᠪᠢ ᠴᠦ᠍ ᠪᠠᠬᠠᠳᠤᠨ ᠪᠠᠶᠠᠷᠯᠠᠵᠦ ᠰᠠᠭᠤᠨᠠ᠃
8 ᠰᠠᠷᠠ ᠵᠢᠨ1ᠤ ᠡᠳᠤᠷ᠂ ᠸᠢᠴᠠᠲ ᠲᠠᠪᠴᠠᠩᠤᠨ ᠮᠡᠳᠡᠭᠡᠯᠡᠯ ᠵᠶ᠋ᠠᠷ ᠦᠵᠡᠪᠡᠯ᠄ ᠲᠡᠭᠡᠷᠡ ᠲᠦᠷᠪᠡ ᠵᠢᠨ ᠨᠤᠭᠤᠯᠤᠭ᠋ᠠᠨᠳᠤ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠮᠦᠩᠬᠡᠳᠦ᠋ᠭᠦᠷᠡᠩ᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠰᠤᠳᠤᠪᠢᠯᠢᠭ᠌ᠲᠠᠢ ᠲᠠᠭ᠋ᠠᠷᠠᠯᠳᠤᠵᠦ᠂ ᠮᠦᠩᠬᠡᠳᠦ᠋ᠭᠦᠷᠡᠩ ᠪᠠᠷᠠᠭᠤᠨ ᠲᠠᠯᠠᠪᠠᠷ ᠵᠶ᠋ᠠᠨ ᠴᠤᠬᠢᠨ ᠡᠯᠭᠦᠵᠦ᠂ ᠰᠤᠳᠤᠪᠢᠯᠢᠭ᠌ ᠵᠶ᠋ᠠᠷ ᠲᠠᠪᠠᠵᠦ᠂ ᠲᠡᠳ᠋ ᠲᠡᠷᠢᠭᠦᠨᠤ ᠪᠠᠷᠢᠯᠳᠤᠭ᠋ᠠᠨᠳᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠰᠸᠩᠭᠡᠭ᠋ᠠᠷᠪᠤᠤ ᠲᠠᠢ ᠬᠤᠶᠠᠭᠤᠯᠨ ᠰᠢᠯᠭ᠋ᠠᠷᠠᠨ ᠦᠯᠡᠳᠡᠪᠡ᠃ ᠲᠡᠷᠢᠭᠦᠨ ᠲᠡᠳ᠋ ᠵᠢᠨ ᠪᠠᠷᠢᠯᠳᠤᠭ᠋ᠠᠨᠳᠤ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠵᠠᠯᠠᠭᠤ ᠰᠤᠳᠤᠨ ᠪᠦᠬᠡ ᠮᠦᠩᠬᠡᠳᠦ᠋ᠭᠦᠷᠡᠩ᠂ ᠰᠸᠩᠭᠡᠭ᠋ᠠᠷᠪᠤᠤᠳᠤ ᠨᠠᠢ᠌ᠷ ᠲᠠᠯᠪᠢᠵᠦ᠂ ᠰᠸᠩᠭᠡᠭ᠋ᠠᠷᠪᠤᠤ ᠲᠡᠷᠢᠭᠦᠯᠡᠵᠦ᠂ ᠮᠦᠩᠬᠡᠳᠦ᠋ᠭᠦᠷᠡᠩ ᠲᠡᠳ᠋ᠯᠡᠪᠡ᠃
ᠵᠠᠷᠢᠮ ᠦᠵᠡᠭᠴᠢᠳ 《ᠮᠦᠩᠬᠡᠳᠦ᠋ᠭᠦᠷᠡᠩᠤᠨ ᠤᠳᠤ ᠵᠢᠨ ᠪᠠᠷᠢᠯᠳᠤᠭ᠋ᠠᠨᠤ ᠪᠠᠢ᠌ᠳᠠᠯ ᠵᠶ᠋ᠠᠷ ᠦᠵᠡᠪᠡᠯ᠂ ᠰᠸᠩᠭᠡᠭ᠋ᠠᠷᠪᠤᠤ ᠵᠢ ᠬᠠᠶᠠᠵᠦ ᠪᠤᠯᠬᠤ ᠪᠤᠯᠤᠮᠵᠢ ᠲᠤᠩ ᠶᠡᠬᠡ᠂ ᠭᠡᠳᠡᠯᠡ ᠮᠦᠩᠬᠡᠳᠦ᠋ᠭᠦᠷᠡᠩ ᠪᠤᠰᠤᠳ ᠬᠤᠰᠢᠭᠤᠨᠤ ᠨᠠᠢ᠌ᠷᠲᠤ ᠤᠴᠢᠪᠠᠯ᠂ ᠶᠡᠷᠤᠳᠡᠭᠡᠨ ᠨᠠᠢ᠌ᠷ ᠲᠠᠯᠪᠢᠳᠠᠭ᠂ ᠲᠡᠭᠡᠵᠦ ᠪᠤᠯᠬᠤ ᠦᠬᠡᠢ᠂ ᠵᠠᠪᠠᠯ ᠦᠪᠡᠷᠤᠨ ᠬᠦᠴᠦᠨ ᠴᠢᠳᠠᠯ ᠵᠶ᠋ᠠᠨ ᠦᠵᠡᠭᠦᠯᠬᠦ ᠬᠡᠷᠡᠭᠳᠠᠢ》 ᠭᠡᠵᠦ ᠶᠠᠷᠢᠵᠦ ᠪᠠᠢ᠌ᠨᠠ᠃ ᠬᠡᠬᠦᠳᠤ ᠮᠢᠨᠤ ᠦᠵᠡᠬᠦᠪᠠᠷ᠄ ᠤᠳᠤ ᠵᠢᠨ ᠪᠠᠢ᠌ᠳᠠᠯ᠂ ᠤᠳᠤ ᠵᠢᠨ ᠵᠠᠷᠢᠮ ᠨᠦᠭᠦᠴᠡᠯ ᠲᠤᠤᠷᠠ᠂ ᠬᠤᠷᠢᠳᠤᠭ᠋ᠠᠷ ᠵᠠᠭᠤᠨᠤ ᠲᠠᠯᠠᠭ᠋ᠠᠳ ᠤᠨᠤ ᠦᠶᠡᠳᠤ ᠮᠠᠤ ᠽᠸ ᠳ᠋ᠦᠩ ᠲᠡᠷᠢᠭᠦᠯᠡᠭᠴᠢ ᠵᠢᠨ ᠲᠤᠷᠠᠳᠤᠭᠰᠠᠨ 《ᠨᠦᠬᠦᠷᠯᠡᠯ ᠨᠢᠭᠡᠳᠤᠭᠡᠷ᠂ ᠤᠷᠤᠯᠳᠤᠭ᠋ᠠᠨ ᠬᠤᠶᠠᠳᠤᠭ᠋ᠠᠷ》 ᠭᠡᠰᠡᠨ ᠵᠢᠭ᠋ᠠᠪᠤᠷᠢᠪᠠᠷ ᠠᠯᠢ ᠤᠯᠠᠨ ᠤᠷᠤᠯᠳᠤᠭ᠋ᠠᠨ ᠵᠶ᠋ᠠᠨ ᠡᠷᠬᠢᠯᠡᠨ ᠶᠠᠪᠤᠭᠳᠠᠭᠤᠯᠪᠠᠯ ᠵᠦᠪ ᠪᠠᠢ᠌ᠬᠠ ᠭᠡᠵᠦ ᠪᠤᠳᠤᠳᠠᠭ᠃ ᠤᠳᠤ ᠰᠢ ᠵᠢᠨ ᠫᠢᠩ ᠲᠡᠷᠢᠭᠦᠯᠡᠭᠴᠢ 《ᠡᠶᠡ ᠵᠤᠬᠢᠴᠠᠯᠳᠤ ᠨᠡᠢ᠌ᠭᠡᠮᠢ ᠪᠦᠳᠤᠭᠡᠨ ᠪᠠᠢ᠌ᠭᠤᠯᠬᠤᠪᠠᠷ ᠪᠦᠭᠦᠳᠡᠭᠡᠷ ᠬᠠᠮᠳᠤᠷᠠᠨ ᠲᠡᠮᠡᠴᠡᠬᠦ ᠬᠡᠷᠡᠭᠳᠠᠢ》᠂ 《ᠪᠦᠬᠦᠢ᠌ᠯᠡ ᠬᠦᠮᠤᠨ ᠲᠦᠷᠦᠯᠬᠢᠳᠡᠨᠤ ᠬᠠᠮᠳᠤ ᠵᠢᠨ ᠴᠤᠭᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠤᠢ ᠪᠤᠯᠭ᠋ᠠᠬᠤ ᠬᠡᠷᠡᠭᠳᠠᠢ》 ᠭᠡᠵᠦ ᠤᠷᠢᠶᠠᠯᠠᠵᠦ ᠪᠠᠢ᠌ᠨᠠ᠃ ᠦᠩᠭᠡᠷᠡᠭᠰᠡᠨᠳᠤ 《ᠨᠦᠬᠦᠷᠯᠡᠯ ᠨᠢᠭᠡᠳᠤᠭᠡᠷ᠂ ᠤᠷᠤᠯᠳᠤᠭ᠋ᠠᠨ ᠬᠤᠶᠠᠳᠤᠭ᠋ᠠᠷ 》 ᠭᠡᠰᠡᠨ ᠤᠷᠢᠶᠠᠯᠠᠯ ᠵᠶ᠋ᠠᠷ 《ᠪᠠᠭᠠ ᠪᠦᠮᠪᠤᠭᠡᠪᠠᠷ ᠶᠡᠭᠡ ᠪᠦᠮᠪᠤᠷᠴᠡᠭ》 ᠵᠢ ᠡᠷᠭᠢᠭᠦᠯᠵᠦ᠂ ᠲᠤᠮᠳᠠᠳᠤ ᠠᠮᠸᠷᠢᠺᠠ ᠵᠢᠨ ᠬᠠᠷᠢᠴᠠᠭᠠ ᠵᠢ ᠰᠠᠢ᠌ᠵᠢᠷᠠᠭᠤᠯᠤᠭᠰᠠᠨ᠂ ᠠᠯᠢ ᠤᠯᠠᠨ ᠬᠦᠭᠵᠢᠵᠦ ᠪᠠᠢ᠌ᠭᠠ ᠤᠯᠤᠰ ᠤᠷᠤᠨᠲᠠᠢ ᠬᠠᠮᠵᠢᠯᠴᠠᠭᠠᠪᠠᠨ ᠰᠠᠢ᠌ᠵᠢᠷᠠᠭᠤᠯᠤᠭᠰᠠᠨ᠂ ᠡᠨᠡᠨᠢ ᠮᠦᠨ ᠣᠯᠢᠮᠫᠢᠺᠤᠨ ᠵᠤᠷᠢᠭ ᠰᠠᠨᠠᠭᠠᠲᠠᠢ ᠴᠦ᠍ ᠨᠡᠢ᠌ᠴᠡᠵᠦ ᠪᠠᠢ᠌ᠳᠠᠭ᠃ ᠡᠮᠤᠨᠡ ᠨᠢᠭᠡ ᠬᠤᠭᠤᠴᠠᠭ᠋ᠠᠨᠳᠤ ᠵᠠᠷᠢᠮ ᠲᠠᠮᠢᠷᠴᠢᠳ ᠨᠠᠢ᠌ᠷᠤᠨ ᠮᠠᠢ᠌ᠮᠠᠢ ᠬᠡᠯᠡᠯᠴᠡᠵᠦ᠂ ᠬᠡᠷᠪᠡ ᠪᠠᠭᠤᠵᠦ ᠦᠭᠪᠡᠯ ᠲᠡᠷᠢᠭᠦᠨ ᠱᠠᠩᠠᠴᠠᠪᠠᠨ ᠬᠡᠳᠤᠨ ᠬᠤᠪᠢ ᠵᠢᠨ ᠬᠠᠷᠢᠴᠠᠯ ᠵᠶ᠋ᠠᠷ ᠪᠠᠭᠤᠵᠦ ᠦᠭᠭᠦᠭᠰᠡᠨ ᠡᠳᠡᠭᠡᠳᠳᠡᠭᠡᠨ ᠪᠡᠯᠡᠭ ᠪᠤᠯᠭ᠋ᠠᠨ ᠦᠭᠴᠦ᠂ ᠬᠡᠢ ᠬᠤᠭᠤᠰᠤᠨ ᠨᠡᠷᠡ ᠵᠢ ᠲᠡᠮᠡᠴᠡᠨ ᠤᠯᠳᠠᠭ ᠤᠴᠢᠷᠤᠳ ᠭᠠᠷᠴᠦ ᠦᠩᠭᠡᠷᠡᠭᠰᠡᠨ᠃ ᠦᠨᠤ ᠬᠠᠷᠢᠨ ᠡᠨᠡᠬᠦ ᠦᠵᠡᠭᠳᠡᠯ ᠲᠤᠢ᠌ᠯ ᠵᠶ᠋ᠠᠷ ᠪᠠᠭ᠋ᠠᠰᠪᠠ᠃ ᠤᠳᠤ ᠪᠦᠬᠦ ᠦᠪᠤᠷ ᠮᠤᠩᠭᠤᠯ ᠤᠷᠤᠨ ᠵᠶ᠋ᠠᠷ ᠴᠦᠷᠬᠡᠯᠡᠭᠡ ᠪᠠᠷᠢᠯᠳᠤᠭ᠋ᠠᠨᠢ 《ᠱᠠᠳᠤᠯᠵᠢᠨ ᠤᠨᠤᠭᠠ》 ᠪᠤᠶᠤ ᠲᠡᠭᠡᠷᠡ 16ᠠᠴᠠ ᠲᠡᠭᠡᠭᠰᠢᠭᠢ ᠪᠦᠬᠡᠴᠤᠳᠲᠤ 《ᠢᠯᠡ ᠰᠢᠪᠠᠭᠠ》ᠪᠠᠷ ᠤᠨᠤᠭᠠ ᠲᠤᠯᠭ᠋ᠠᠵᠦ ᠪᠠᠢ᠌ᠨᠠ᠃ ᠡᠨᠡᠨᠢ ᠮᠠᠰᠢ ᠲᠦᠪ ᠴᠢᠭᠡᠴᠢ᠂ ᠮᠠᠰᠢ ᠰᠠᠢ᠌ᠨ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠭᠡᠬᠦᠳᠤ ᠠᠯᠢ ᠨᠢᠭᠡᠨ ᠭᠠᠵᠠᠷ ᠤᠷᠤᠨᠤ ᠨᠠᠢ᠌ᠷ ᠨᠠᠭ᠋ᠠᠳᠤᠮ ᠴᠦ᠍ ᠪᠤᠯᠤᠭ᠂ ᠲᠡᠷᠡᠬᠦ ᠭᠠᠵᠠᠷ ᠤᠷᠤᠨᠤ ᠦᠵᠡᠭᠴᠢᠳ᠂ ᠰᠤᠨᠢᠷᠬᠠᠭᠴᠢᠳ᠂ ᠨᠠᠭ᠋ᠠᠳᠤᠮᠴᠢᠳ ᠪᠦᠷ ᠦᠪᠡᠷᠤᠨ ᠨᠤᠳᠤᠭ ᠤᠰᠤᠨᠤᠪᠠᠨ ᠪᠦᠬᠡᠴᠤᠳ᠂ ᠤᠶᠠᠭ᠋ᠠᠴᠢᠨ᠂ ᠬᠠᠷᠪᠤᠭ᠋ᠠᠴᠢᠳ ᠵᠶ᠋ᠠᠨ ᠦᠵᠤᠭᠦᠷ ᠲᠡᠷᠢᠭᠦᠨᠳᠤ ᠤᠷᠤᠵᠦ᠂ ᠨᠤᠳᠤᠭ ᠤᠰᠤᠨᠳᠠᠭᠠᠨ ᠠᠯᠳᠠᠷ ᠨᠡᠷᠡ ᠠᠪᠴᠢᠷᠠᠵᠦ ᠦᠭᠬᠦ ᠵᠢ ᠬᠦᠰᠡᠵᠦ ᠪᠠᠢ᠌ᠳᠠᠭ᠃ ᠠᠯᠢ ᠨᠢᠬᠡ ᠬᠤᠰᠢᠭᠤ ᠰᠤᠮᠤᠨᠢ ᠭᠡᠳ ᠨᠢᠭᠡ ᠨᠠᠢ᠌ᠷ ᠨᠠᠭ᠋ᠠᠳᠤᠮ ᠡᠷᠬᠢᠯᠡᠬᠦᠨᠢ ᠲᠡᠢ᠌ᠮᠤ ᠠᠮᠤᠷ ᠪᠤᠰᠤ᠂ ᠲᠡᠢ᠌ᠮᠤᠠᠴᠠ ᠠᠯᠢ ᠭᠠᠵᠠᠷ ᠤᠷᠤᠨᠨᠢ ᠭᠡᠳ᠂ ᠨᠠᠢ᠌ᠷᠤᠨ ᠱᠠᠩ ᠵᠶ᠋ᠠᠨ ᠪᠤᠰᠤᠳ ᠤᠷᠤᠨᠳᠤ ᠦᠭᠬᠦ ᠲᠤᠷᠠ ᠦᠬᠡᠢ ᠪᠠᠢ᠌ᠳᠠᠭᠨᠢ ᠦᠨᠡᠨ᠃ ᠦᠩᠭᠡᠷᠡᠭᠰᠡᠨᠳᠤ ᠬᠦᠮᠤᠨᠤ ᠭᠠᠵᠠᠷ᠂ ᠬᠦᠨᠳᠡᠯᠡᠨ ᠬᠤᠰᠢᠭᠤᠨᠳᠤ ᠤᠴᠢᠭ᠋ᠠᠳ ᠲᠡᠷᠢᠭᠦᠨ ᠱᠠᠩᠢᠨᠢ ᠠᠪᠴᠢᠷᠠᠵᠦ ᠪᠠᠢ᠌ᠭᠰᠠᠨ ᠰᠠᠢ᠌ᠨ ᠪᠦᠬᠡᠴᠤᠳ ᠪᠠᠢ᠌ᠯᠠ ᠭᠡᠬᠦᠳᠤ ᠪᠠᠰᠠ ᠪᠦᠬᠡᠴᠤᠳ ᠬᠤᠭᠤᠷᠤᠨᠳᠤᠪᠠᠨ ᠨᠠᠢ᠌ᠷ ᠵᠢᠷᠤᠮ ᠪᠤᠶᠤ ᠪᠠᠭᠰᠢ ᠱᠠᠪᠢ ᠵᠢᠨ ᠬᠠᠷᠢᠴᠠᠭᠠ᠂ ᠤᠢ᠌ᠷᠠ ᠲᠦᠷᠦᠯᠤᠨ ᠬᠠᠷᠢᠴᠠᠭᠠ ᠵᠡᠷᠭᠡ ᠤᠯᠠᠨ ᠲᠠᠯᠠ ᠵᠢᠨ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠵᠢ ᠪᠤᠳᠤᠯᠬᠢᠯᠠᠵᠦ᠂ ᠵᠠᠷᠢᠮᠳᠠᠭᠠᠨ ᠡᠨᠡ ᠤᠳᠠᠭᠠ ᠴᠢ ᠨᠠᠢ᠌ᠷ ᠲᠠᠯᠪᠢᠭᠰᠠᠨ ᠪᠤᠯ ᠲᠠᠷᠠᠭᠠ ᠤᠳᠠᠭᠠ ᠪᠢ ᠨᠠᠢ᠌ᠷ ᠲᠠᠯᠪᠢᠬᠤ ᠤᠴᠢᠷ ᠶᠠᠪᠤᠳᠠᠯ ᠵᠦᠩᠳᠡᠭᠡᠨ ᠭᠠᠷᠳᠠᠭ᠃ ᠡᠢ᠌ᠮᠤᠷᠬᠦ ᠪᠤᠯᠪᠠᠰᠤᠨ ᠰᠠᠢ᠌ᠬᠠᠨ ᠵᠠᠩ ᠰᠤᠷᠳᠠᠯᠢ ᠶᠠᠭ ᠲᠠᠭ᠋ᠠᠷᠠᠬᠤ ᠦᠬᠡᠢ ᠭᠡᠵᠦ ᠬᠡᠯᠡᠬᠦ ᠵᠢᠨ ᠠᠷᠭᠠ ᠦᠬᠡᠢ ᠪᠠᠢ᠌ᠬᠠ᠃ ᠭᠡᠪᠡᠴᠦ ᠨᠠᠢ᠌ᠷᠤᠨ ᠲᠦᠷᠢᠮᠠᠴᠠ ᠵᠦᠷᠢᠴᠡᠬᠦ ᠦᠬᠡᠢ ᠪᠠᠢ᠌ᠳᠠᠯ ᠲᠤᠤᠷᠠ᠂ ᠵᠦᠪ ᠶᠤᠰᠤᠨᠤ ᠲᠦᠯᠦᠭᠡ ᠦᠪᠡᠷᠤᠨ ᠤᠷᠠ ᠮᠡᠷᠭᠡᠵᠢᠯ᠂ ᠬᠦᠴᠦ ᠴᠢᠳᠠᠯ᠂ ᠠᠷᠭᠠ ᠰᠠᠮᠪᠠᠭᠠᠪᠠᠷ ᠵᠶ᠋ᠠᠨ ᠨᠡᠷᠡ ᠲᠦᠷᠦ᠂ ᠢᠷᠠᠭᠤ ᠠᠯᠳᠠᠷᠢ ᠲᠡᠮᠡᠴᠡᠨ ᠣᠯᠬᠤᠨᠢ ᠵᠦᠢ ᠶᠤᠰᠤᠨᠤ ᠤᠴᠢᠷ ᠪᠢᠯᠡ᠃
8 ᠰᠠᠷᠠ ᠵᠢᠨ 5 — 6ᠤ ᠡᠳᠤᠷ 《ᠤᠯᠠᠭ᠋ᠠᠨᠬᠠᠳᠠ ᠬᠤᠳᠠ ᠵᠢᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠰᠤᠶᠤᠯᠤᠨ ᠨᠠᠢ᠌ᠷ᠂ ᠯᠤᠤ ᠭᠠᠷᠤᠳᠢ ᠵᠢᠨ ᠨᠤᠳᠤᠭ ᠤᠩᠨᠢᠭᠤᠳᠤᠨ ᠵᠤᠭ᠋ᠠᠴᠠᠯᠤᠨ ᠨᠠᠢ᠌ᠷ》᠂ ᠮᠦᠨᠴᠦ ᠪᠦᠬᠦ ᠤᠷᠤᠨᠤ ᠡᠨᠡ ᠵᠢᠯᠤᠨ ᠴᠦᠷᠬᠡᠯᠡᠭᠡ ᠪᠠᠷᠢᠯᠳᠤᠭ᠋ᠠᠨᠤ ᠭᠤᠷᠪᠠᠳᠡᠬᠢ ᠲᠠᠯᠠᠪᠠᠢ ᠤᠷᠤᠯᠳᠤᠭ᠋ᠠᠨ᠂ ᠤᠩᠨᠢᠭᠤᠳ ᠬᠤᠰᠢᠭᠤᠨᠤ ᠭᠡᠷᠰᠡᠩ ᠰᠤᠮᠤᠨᠤ ᠠᠭᠤᠳᠠᠮ ᠰᠠᠷᠠᠭᠤᠯ ᠨᠤᠮᠢᠨ ᠨᠤᠭᠤᠭ᠋ᠠᠨ ᠲᠡᠨᠵᠢᠨ ᠲᠡᠭᠡᠷᠡ ᠦᠪᠡᠳᠡᠭᠰᠢ ᠶᠡᠬᠡᠪᠡᠷ ᠶᠠᠪᠤᠭᠳᠠᠪᠠ᠃ ᠲᠤᠰ ᠤᠳᠠᠭ᠋ᠠᠨᠤ ᠪᠦᠬᠦ ᠤᠷᠤᠨᠤ ᠴᠦᠷᠬᠡᠯᠡᠭᠡ ᠪᠠᠷᠢᠯᠳᠤᠭ᠋ᠠᠨᠤ ᠲᠡᠭᠡᠷᠡ ᠨᠠᠢ᠍ᠮᠠᠳᠤ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠮᠦᠩᠬᠡᠳᠦ᠋ᠭᠦᠷᠡᠩ ᠲᠡᠷᠢᠭᠦᠯᠡᠵᠦ᠂ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨᠤ ᠲᠦᠷᠦᠰᠠᠴᠤᠷᠠᠯ ᠲᠡᠳ᠋ᠯᠡᠵᠦ᠂ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨᠤ ᠨᠠᠷᠬᠢᠶᠠ ᠭᠤᠷᠪᠠᠳᠤᠭ᠋ᠠᠷᠲᠤ ᠂ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠰᠢᠨᠢᠨᠢᠭᠡᠨ ᠲᠦᠷᠪᠡᠳᠤᠭᠡᠷᠲᠤ᠂ ᠵᠡᠭᠦᠨ ᠰᠦᠨᠢᠳ ᠬᠤᠰᠢᠭᠤᠨᠤ ᠮᠠᠩᠯᠠᠢ ᠲᠠᠪᠤᠳᠤᠭ᠋ᠠᠷᠲᠤ᠂ ᠠᠪᠠᠭᠠ ᠵᠢᠨ ᠴᠠᠭ᠋ᠠᠨᠵᠠᠭ᠋ᠠᠨ ᠵᠢᠷᠭᠤᠳᠤᠭ᠋ᠠᠷᠲᠤ᠂ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨᠤ ᠰᠡᠴᠡᠨᠪᠢᠯᠢᠭ ᠲᠤᠯᠤᠳᠤᠭ᠋ᠠᠷᠲᠤ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨᠤ ᠴᠠᠭ᠋ᠠᠨᠵᠠᠭ᠋ᠠᠨ ᠨᠠᠢ᠍ᠮᠠᠳᠦᠭ᠋ᠠᠷᠲᠤ ᠲᠤᠰ ᠲᠤᠰ ᠲᠤᠳᠤᠷᠠᠪᠠ᠃
8 ᠰᠠᠷᠠ ᠵᠢᠨ19 — 20 ᠪᠤᠯᠳᠠᠯᠠ ᠤᠯᠠᠭ᠋ᠠᠨᠬᠠᠳᠠ ᠬᠤᠳᠠ ᠵᠢᠨ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠬᠠᠷᠠ ᠪᠠᠷᠰ ᠵᠢᠯᠤᠨ ᠬᠠᠪᠤᠳᠤ ᠬᠠᠰᠠᠷᠤᠨ ᠤᠪᠤᠭ᠋ᠠᠨ ᠲᠠᠬᠢᠯᠭᠠ᠂ ᠪᠠᠶᠠᠠᠠᠦ᠋ᠨᠳᠤᠷ ᠰᠤᠮᠤᠨᠤ ᠠᠷᠪᠠᠨ ᠲᠦᠷᠪᠡᠳᠤᠭᠡᠷ ᠤᠳᠠᠭ᠋ᠠᠨᠤ ᠮᠠᠯᠴᠢᠨ ᠨᠠᠭ᠋ᠠᠳᠤᠮ ᠵᠢᠴᠢ ᠪᠦᠬᠦ ᠤᠷᠤᠨᠤ ᠡᠨᠡ ᠵᠢᠯᠤᠨ ᠲᠦᠷᠪᠡᠳᠤᠭᠡᠷ ᠲᠠᠯᠠᠪᠠᠢ ᠮᠤᠩᠭᠤᠯ ᠪᠦᠬᠡ ᠵᠢᠨ ᠴᠦᠷᠬᠡᠯᠡᠭᠡ ᠪᠠᠷᠢᠯᠳᠤᠭ᠋ᠠᠨᠢ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠪᠠᠶᠠᠠᠠᠦ᠋ᠨᠳᠤᠷ ᠰᠤᠮᠤᠨᠤ ᠲᠠᠷᠬᠠᠨ ᠭᠠᠴᠠᠭᠠ ᠵᠢᠨ ᠤᠪᠤᠭ᠋ᠠᠨ ᠪᠤᠯᠠᠭᠤᠨ ᠲᠠᠯᠠ᠂ ᠬᠠᠬᠢᠷᠤᠨ ᠭᠤᠤᠯᠤᠨ ᠲᠤᠷᠭ᠋ᠠᠨ ᠨᠤᠭᠤᠭ᠋ᠠᠨ ᠲᠡᠨᠵᠢᠨ ᠲᠡᠭᠡᠷᠡ ᠨᠢᠵᠢᠭᠡᠷ ᠰᠠᠢ᠌ᠬᠠᠨ ᠬᠢᠯᠡ᠃ ᠲᠤᠰ ᠤᠳᠠᠭ᠋ᠠᠨᠤ ᠨᠠᠢ᠌ᠷᠲᠤ 《ᠮᠤᠩᠭᠤᠯ ᠦᠨᠳᠤᠰᠤᠳᠡᠨᠤ ᠴᠠᠭ᠋ᠠᠨ ᠢᠳᠡᠭᠡ ᠵᠢᠨ ᠦᠵᠡᠭᠦᠯᠦᠯᠭᠡ》ᠢ ᠡᠷᠬᠢᠯᠡᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠪᠦᠭᠡᠳ ᠪᠠᠰᠠ ᠰᠤᠷ ᠬᠠᠷᠪᠤᠯᠳᠠ᠂ ᠨᠠᠢ᠍ᠮᠠᠨ ᠲᠦᠷᠦᠯᠤᠨ ᠮᠤᠷᠢᠨ ᠤᠷᠤᠯᠳᠤᠭ᠋ᠠᠨ᠂ 512 ᠪᠦᠬᠡ ᠵᠢᠨ ᠪᠠᠷᠢᠯᠳᠤᠭ᠋ᠠᠨ ᠵᠡᠷᠭᠡ ᠨᠠᠭ᠋ᠠᠳᠤᠮᠤᠨ ᠠᠭᠤᠯᠭᠠᠪᠠᠷ ᠶᠠᠪᠤᠭᠳᠠᠭᠤᠯᠵᠠᠢ᠃ ᠬᠦᠴᠦᠳᠤ ᠪᠦᠬᠡ ᠵᠢᠨ ᠪᠠᠷᠢᠯᠳᠤᠭ᠋ᠠᠨ ᠳᠤ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠮᠦᠩᠬᠡᠳᠦ᠋ᠭᠦᠷᠡᠩ ᠲᠡᠷᠢᠭᠦᠯᠡᠵᠦ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠵᠶ᠋ᠠᠷ ᠱᠠᠩᠨᠠᠭᠳᠠᠵᠦ᠂ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤᠨᠤ ᠰᠢᠯᠤᠭᠤᠨ ᠲᠡᠳ᠋ᠯᠡᠵᠦ᠂ ᠠᠷᠠᠳᠤᠨ ᠵᠤᠭᠤᠰ 2 ᠲᠦᠮᠡᠨ ᠲᠦᠭᠦᠷᠢᠭ ᠵᠶ᠋ᠠᠷ ᠱᠠᠩᠨᠠᠭᠳᠠᠵᠦ᠂ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨᠤ ᠪᠠᠶᠠᠯᠢᠭ ᠭᠤᠷᠪᠠᠳᠤᠭ᠋ᠠᠷᠲᠤ᠂ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠨᠠᠴᠢᠨ ᠲᠦᠷᠪᠠᠳᠤᠭᠡᠷᠲᠤ ᠲᠤᠳᠤᠷᠠᠵᠤ ᠲᠤᠰ ᠪᠦᠷᠢ ᠠᠷᠠᠳᠤᠨ ᠵᠤᠭᠤᠰ ᠲᠦᠮᠡᠨ ᠲᠦᠭᠦᠷᠢᠭ ᠵᠶ᠋ᠠᠷ ᠱᠠᠩᠨᠠᠭᠳᠠᠪᠠ᠃ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠰᠸᠩᠭᠡᠭ᠋ᠠᠷᠪᠤᠤ ᠲᠠᠪᠤᠳᠤᠭ᠋ᠠᠷᠲᠤ᠂ ᠬᠡᠰᠢᠭᠳᠡᠨ ᠬᠤᠰᠢᠭᠤᠨᠤ ᠬᠢᠯᠪᠠᠭᠠ ᠵᠢᠷᠭᠤᠳᠤᠭ᠋ᠠᠷᠲᠤ᠂ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠡᠷᠬᠢᠮᠪᠡᠳᠤ ᠲᠤᠯᠤᠳᠤᠭ᠋ᠠᠷᠲᠤ᠂ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨᠤ ᠡᠷᠬᠢᠮᠰᠦ᠋ᠯᠳᠡ ᠨᠠᠢ᠍ᠮᠠᠳᠤᠭ᠋ᠠᠷᠲᠤ ᠲᠤᠳᠤᠷᠠᠵᠦ᠂ ᠲᠤᠰ ᠪᠦᠷᠢ 5000 ᠲᠦᠭᠦᠷᠢᠭ ᠵᠶ᠋ᠠᠷ ᠱᠠᠩᠨᠠᠭᠳᠠᠪᠠ᠃
ᠮᠦᠩᠬᠡᠳᠦ᠋ᠭᠦᠷᠡᠩ ᠡᠨᠡ ᠵᠢᠯᠤᠨ ᠪᠦᠬᠦ ᠤᠷᠤᠨᠤ ᠨᠢᠭᠡᠳᠤᠭᠡᠷ ᠲᠠᠯᠠᠪᠠᠢ ᠴᠦᠷᠬᠡᠯᠡᠭᠡ ᠪᠠᠷᠢᠯᠳᠤᠭ᠋ᠠᠨᠳᠤ ᠤᠷᠤᠯᠴᠠᠭᠰᠠᠨ ᠦᠬᠡᠢ᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨᠳᠤ ᠡᠷᠬᠢᠯᠡᠭᠰᠡᠨ ᠬᠤᠶᠠᠳᠤᠭ᠋ᠠᠷ ᠲᠠᠯᠠᠪᠠᠢ ᠤᠷᠤᠯᠳᠤᠭ᠋ᠠᠨᠳᠤ ᠲᠡᠳ᠋ᠯᠡᠵᠦ᠂ ᠤᠩᠨᠢᠭᠤᠳ ᠬᠤᠰᠢᠭᠤᠨᠳᠤ ᠪᠤᠯᠤᠭᠰᠠᠨ ᠭᠤᠷᠪᠠᠳᠤᠭ᠋ᠠᠷ ᠲᠠᠯᠠᠪᠠᠢ ᠤᠷᠤᠯᠳᠤᠭ᠋ᠠᠨᠳᠤ ᠲᠡᠷᠢᠭᠦᠯᠡᠵᠦ᠂ ᠶᠡᠷᠦᠩᠬᠡᠢ ᠬᠤᠪᠢᠪᠠᠷ ᠪᠦᠬᠦ ᠤᠷᠤᠨᠳᠤ ᠭᠤᠷᠪᠠᠳᠤᠭ᠋ᠠᠷᠲᠤ ᠵᠢᠭᠰᠠᠭ᠋ᠠᠭᠳᠠᠵᠦ᠂ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠪᠠᠶᠠᠠᠠᠦ᠋ᠨᠳᠦᠷ ᠰᠤᠮᠤᠨᠳᠤ ᠪᠤᠯᠤᠭᠰᠠᠨ ᠲᠦᠷᠪᠡᠳᠤᠭᠡᠷ ᠲᠠᠯᠠᠪᠠᠢ ᠤᠷᠤᠯᠳᠤᠭ᠋ᠠᠨᠳᠤ ᠮᠦᠨᠴᠦ ᠲᠡᠷᠢᠭᠦᠯᠡᠵᠦ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠵᠶ᠋ᠠᠷ ᠱᠠᠩᠨᠠᠭᠳᠠᠨ᠂ ᠲᠤᠯᠤᠳᠡᠬᠢ ᠤᠳᠠᠭᠠ 512 ᠪᠦᠬᠡ ᠵᠢᠨ ᠮᠠᠩᠯᠠᠢ ᠪᠣᠯᠵᠤ᠂ ᠲᠤᠰ ᠤᠳᠠᠭᠠᠪᠠᠷ ᠮᠦᠩᠬᠡᠳᠦ᠋ᠭᠦᠷᠡᠩᠤᠨ ᠶᠡᠷᠤᠩᠬᠡᠢ ᠬᠤᠪᠢ ᠲᠡᠭᠡᠭᠰᠢᠯᠡᠵᠦ᠂ 26 ᠶᠡᠷᠦᠩᠭᠡᠢ ᠬᠤᠪᠢᠪᠠᠷ ᠴᠦᠷᠬᠡᠯᠡᠭᠡ ᠤᠷᠤᠯᠳᠤᠭ᠋ᠠᠨᠤ ᠲᠡᠷᠢᠭᠦᠨᠳᠤ ᠵᠢᠭᠰᠠᠭ᠋ᠠᠭᠳᠠᠵᠠᠢ᠃
ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠮᠦᠩᠬᠡᠳᠦ᠋ᠭᠦᠷᠡᠩ ᠪᠤᠯ ᠬᠤᠰᠢᠭᠤ ᠨᠤᠳᠤᠭ ᠴᠢᠨᠠᠭᠰᠢᠯᠠᠨ ᠤᠷᠤᠨ ᠬᠤᠳᠠ ᠵᠢᠨ ᠵᠢᠠᠨ ᠨᠡᠷᠡ ᠠᠯᠳᠠᠷᠢ ᠲᠠᠶᠠᠭ᠋ᠠᠷ ᠤᠯᠠᠨᠳᠤ ᠮᠠᠨᠳᠤᠭᠤᠯᠤᠨ ᠶᠠᠪᠤᠭᠠ ᠮᠠᠭᠳᠠᠭ᠋ᠠᠯᠲᠠᠢ ᠰᠠᠢ᠌ᠬᠠᠨ ᠰᠤᠳᠤᠨ ᠪᠦᠬᠡ ᠶᠤᠮ᠃ ᠪᠦᠬᠡᠴᠢᠨ ᠵᠠᠯᠠᠭᠤ ᠵᠢᠨ ᠵᠢᠠᠨ ᠨᠡᠷᠡᠳᠡᠭᠡᠨ ᠠᠳᠠᠯᠢ ᠮᠦᠩᠭᠡᠳᠡ ᠳᠦᠭᠦᠷᠡᠩ ᠠᠮᠵᠢᠯᠳᠠᠲᠠᠢ᠂ ᠬᠡᠢ᠌ᠮᠦᠷᠢᠯᠢᠭ ᠵᠢᠪᠬᠤᠭᠠᠲᠠᠢ ᠶᠠᠪᠤᠬᠤ ᠵᠢ ᠢᠷᠦᠭᠡᠨ ᠵᠦᠩᠨᠡᠶᠡ！
2022 ᠤᠨᠤ 8 ᠰᠠᠷᠠ ᠵᠢᠨ 20ᠤ ᠡᠳᠤᠷ ᠬᠦᠬᠡᠬᠤᠳᠠᠨᠠ