★ ᠲᠡᠮᠤᠷᠵᠢᠷᠦᠬᠡ ᠠᠷᠣᠣᠬᠠᠨ
ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯ ᠮᠤᠩᠭᠤᠯᠴᠤᠳᠤᠨ ᠳᠤᠮᠳᠠ ᠤᠷᠳᠤ ᠤᠳᠠᠭ᠋ᠠᠨ ᠬᠤᠭᠤᠴᠠᠭᠠᠪᠠᠷ ᠤᠯᠠᠮᠵᠢᠯᠠᠬᠳᠠᠨ ᠢᠷᠡᠭᠰᠡᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭᠲᠠᠢ ᠲᠤᠭᠯᠠᠭ᠋ᠠᠮ ᠶᠤᠮ᠃ ᠦᠩᠭᠡᠷᠡᠭᠰᠡᠨᠳᠤ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠨᠢᠭᠡᠳᠦᠯᠳᠡᠢ ᠲᠦᠷᠢᠮ ᠪᠠᠢ᠍ᠢ᠍ᠭᠰᠠᠨ ᠦᠭᠡᠢ ᠪᠤᠯᠬᠤᠷ ᠡᠯᠡ ᠠᠢ᠍ᠢ᠍ᠮᠠᠭ᠂ ᠬᠤᠰᠢᠭᠤ ᠬᠤᠭᠤᠷᠤᠨᠳᠤᠪᠠᠨ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠲᠦᠷᠢᠮᠢ ᠬᠡᠷᠡᠭᠵᠢᠭᠦᠯᠳᠡᠭ ᠪᠠᠢ᠍ᠢ᠍ᠪᠠ᠃
1982 ᠤᠨᠤ ᠪᠦᠬᠦ ᠤᠷᠤᠨᠤ ᠲᠡᠪᠤᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠪᠡᠶᠡ ᠵᠢᠨ ᠲᠠᠮᠢᠷᠤᠨ ᠴᠤᠭᠯᠠᠭ᠋ᠠᠨ ᠲᠡᠭᠡᠷᠡ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠲᠦᠷᠢᠮᠢ ᠲᠡᠯᠡᠬᠡᠢ ᠵᠢᠨ ᠰᠢᠳᠠᠷᠠ ᠵᠢᠨ ᠲᠦᠷᠢᠮᠯᠦᠭᠡ ᠨᠢᠭᠡᠳᠭᠡᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠪᠠᠢ᠍ᠢ᠍ᠨᠠ᠃ ᠡᠨᠡᠨᠢ ᠬᠤᠵᠢᠮᠤᠨ ᠲᠡᠯᠡᠭᠡᠢ ᠵᠢᠨ ᠰᠢᠳᠠᠷᠠ ᠵᠢᠨ ᠤᠷᠤᠯᠳᠤᠭ᠋ᠠᠨᠳᠤ ᠤᠷᠤᠯᠴᠠᠬᠤᠳᠤ ᠰᠠᠭᠤᠷᠢ ᠲᠠᠯᠪᠢᠵᠤ ᠦᠭᠭᠦᠭᠰᠡᠨ ᠶᠤᠮ᠃
ᠡᠷᠡ ᠵᠢᠨ ᠭᠤᠷᠪᠠᠨ ᠨᠠᠭ᠋ᠠᠳᠤᠮᠢ ᠶᠠᠪᠤᠭᠳᠠᠭᠤᠯᠬᠤ ᠪᠦᠷᠢ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠤᠷᠤᠯᠳᠤᠭ᠋ᠠᠨ ᠢ ᠲᠠᠭ᠋ᠠᠯᠳᠤᠭᠤᠯᠤᠨ ᠶᠠᠪᠤᠭᠳᠠᠭᠤᠯᠤᠭᠰᠠᠭ᠋ᠠᠷ ᠢᠷᠡᠵᠡᠢ᠂ ᠮᠤᠩᠭᠤᠯᠴᠤᠳ ᠪᠠᠶᠠᠷ ᠲᠤᠷᠠᠰᠬᠠᠯᠤᠨ ᠡᠳᠦᠷ᠂ ᠬᠤᠷᠢᠮ ᠴᠤᠭᠯᠠᠭ᠋ᠠᠨᠤ ᠨᠠᠢ᠍ᠢ᠍ᠷᠲᠤ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠤᠷᠤᠯᠳᠤᠭ᠋ᠠᠨᠢ ᠦᠷᠭᠦᠯᠵᠢ ᠶᠠᠪᠤᠭᠤᠯᠳᠠᠭ ᠪᠢᠯᠡ᠃
ᠨᠢᠭᠡ᠂ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠡᠭᠦᠰᠦᠯ ᠪᠠ ᠤᠨᠴᠠᠯᠢᠭ
ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯᠤᠨ ᠲᠡᠯᠡᠭᠡᠢ ᠵᠢᠨ ᠰᠢᠳᠠᠷᠠ ᠵᠢᠨ ᠡᠭᠦᠰᠦᠯᠨᠢ ᠠᠳᠠᠯᠢ ᠪᠠᠢ᠍ᠢ᠍ᠳᠠᠭ᠃ ᠬᠠᠮᠤᠭ ᠡᠷᠳᠡᠳᠤ ᠡᠷᠳᠡᠨᠤ ᠡᠨᠡᠳᠬᠡᠭᠲᠤ ᠲᠦᠷᠪᠡᠨ ᠬᠦᠮᠦᠨᠤ ᠨᠠᠭ᠋ᠠᠳᠬᠤ 《ᠱᠠᠳᠠᠷᠠᠰ》 ᠭᠡᠵᠦ ᠪᠠᠢ᠍ᠢ᠍ᠵᠠᠢ᠃ ᠡᠨᠡᠨᠢ ᠨᠢᠭᠡᠨᠳᠡ ᠬᠤᠶᠠᠷ ᠮᠢᠩᠭ᠋ᠠᠨ ᠤᠨᠤ ᠲᠡᠤᠬᠡᠲᠠᠢ ᠪᠤᠯᠪᠠ᠃ ᠲᠦᠷᠪᠡᠳᠦᠭᠡᠷ ᠵᠠᠭᠤᠨᠤ ᠦᠶᠡᠳᠤ ᠠᠷᠠᠪᠲᠤ ᠤᠯᠠᠮᠵᠢᠯᠠᠭᠳᠠᠨ ᠤᠷᠤᠭ᠋ᠠᠳ ᠲᠡᠭᠦᠨᠤ ᠨᠡᠷᠡ ᠵᠢ 《ᠰᠢᠳᠠᠷᠠᠰ》 ᠭᠡᠵᠦ ᠰᠢᠨᠡᠪᠠᠷ ᠦᠭᠡᠷᠡᠴᠢᠯᠡᠨ ᠲᠠᠭᠤᠳᠠᠬᠤ ᠪᠤᠯᠵᠠᠢ᠃ ᠠᠷᠪᠠᠨ ᠲᠠᠪᠤᠳᠤᠭ᠋ᠠᠷ ᠵᠠᠭᠤᠨᠠᠴᠠ ᠠᠷᠪᠠᠨ ᠵᠢᠷᠭᠤᠳᠤᠭ᠋ᠠᠷ ᠵᠠᠭᠤᠨᠤ ᠦᠶᠡ ᠪᠤᠯᠬᠤᠳᠤ ᠡᠧᠤᠢ᠍ᠷᠤᠫᠡ ᠲᠢᠪᠲᠤ ᠤᠯᠠᠮᠵᠢᠯᠠᠭᠳᠠᠨ ᠬᠦᠷᠪᠡ᠃ ᠢᠩᠭᠢᠵᠦ ᠤᠯᠠᠷᠢᠨ ᠲᠠᠷᠬᠠᠵᠤ ᠤᠯᠠᠨᠳᠠ ᠦᠭᠡᠷᠡᠴᠢᠯᠡᠭᠳᠡᠭᠰᠡᠭᠡᠷ ᠪᠠᠢ᠍ᠢ᠍ᠭ᠋ᠠᠳ ᠦᠨᠦ ᠵᠢᠨ ᠲᠡᠯᠡᠭᠡᠢ ᠵᠢᠨ ᠰᠢᠳᠠᠷᠠ ᠪᠤᠯᠤᠭᠰᠠᠨ ᠪᠠᠢ᠍ᠢ᠍ᠨᠠ᠃
ᠲᠡᠯᠡᠬᠡᠢ ᠵᠢᠨ ᠰᠢᠳᠠᠷᠠ ᠮᠤᠩᠭᠤᠯᠤᠨ ᠲᠠᠯᠠ ᠨᠤᠳᠤᠭᠲᠤ ᠤᠯᠠᠮᠵᠢᠯᠠᠬᠳᠠᠨ ᠢᠷᠡᠭᠰᠡᠨᠨᠢ ᠡᠧᠤᠢ᠍ᠷᠤᠫᠡ ᠲᠢᠪᠠᠴᠠ ᠡᠷᠳᠡ ᠶᠤᠮ᠃ ᠮᠤᠩᠭᠤᠯᠴᠤᠳ ᠠᠷᠪᠠᠨ ᠭᠤᠷᠪᠠᠳᠤᠭ᠋ᠠᠷ ᠵᠠᠭᠤᠨᠤ ᠭᠤᠴᠢᠭ᠋ᠠᠳ ᠤᠨᠤ ᠦᠶᠡᠳᠤ ᠦᠨᠦ ᠵᠢᠨ ᠢᠷᠡᠨ᠂ ᠢᠷᠠᠺ ᠤᠯᠤᠰᠲᠠᠢ ᠠᠷᠠᠯᠵᠢᠶᠠ ᠮᠠᠢ᠍ᠢ᠍ᠮᠠᠢ ᠬᠢᠵᠦ ᠪᠠᠢ᠍ᠢ᠍ᠭᠠ ᠦᠶᠡᠰ ᠲᠡᠯᠡᠬᠡᠢ ᠵᠢᠨ ᠰᠢᠳᠠᠷᠠ ᠮᠤᠩᠭᠤᠯᠤᠨ ᠨᠤᠳᠤᠭᠲᠤ ᠤᠯᠠᠮᠵᠢᠯᠠᠬᠳᠠᠨ ᠢᠷᠡᠭᠰᠡᠨ ᠪᠠᠢ᠍ᠢ᠍ᠨᠠ᠃ ᠲᠡᠷᠡ ᠦᠶᠡᠠᠴᠠ ᠡᠬᠢᠯᠡᠭᠡᠳ ᠮᠤᠩᠭᠤᠯᠤᠨ ᠲᠠᠯᠠ ᠨᠤᠳᠤᠭᠲᠤ ᠲᠠᠷᠬᠠᠨ ᠲᠡᠯᠭᠡᠷᠡᠪᠡ᠃ ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯᠤᠨ ᠲᠡᠯᠡᠬᠡᠢ ᠵᠢᠨ ᠰᠢᠳᠠᠷᠠ ᠵᠢᠨ ᠬᠦᠯᠭᠡᠨᠢ ᠨᠢᠭᠡᠨ ᠠᠳᠠᠯᠢ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢᠲᠠᠢ᠂ ᠬᠦᠯᠭᠡ ᠵᠢ ᠬᠠᠷᠠ ᠴᠠᠭ᠋ᠠᠨ ᠦᠩᠭᠡ ᠵᠢᠨ ᠬᠤᠶᠠᠷ ᠪᠦᠯᠦᠭ ᠬᠤᠪᠢᠶᠠᠨᠠ᠃
ᠰᠢᠳᠠᠷᠠ ᠵᠢᠨ ᠪᠤᠳᠠ ᠬᠦᠦᠨᠦᠭᠦᠳᠨᠢ ᠨᠡᠢ᠍ᠢ᠍ᠳᠡ 32 ᠪᠠᠢ᠍ᠢ᠍ᠨᠠ᠂ ᠴᠠᠭ᠋ᠠᠨ ᠬᠠᠷᠠ ᠦᠩᠭᠡ ᠪᠦᠷᠢᠳᠤ ᠨᠢᠭᠡ ᠨᠤᠶᠠᠨ᠂ ᠬᠤᠶᠠᠷ ᠬᠠᠰᠠᠭ᠂ ᠬᠤᠶᠠᠷ ᠮᠤᠷᠢ᠂ ᠬᠤᠶᠠᠷ ᠲᠡᠮᠡᠭᠡ᠂ ᠨᠢᠭᠡ ᠪᠠᠷᠰ᠂ ᠨᠠᠢ᠍ᠮᠠᠨ ᠬᠦᠦᠲᠠᠢ᠃ ᠨᠡᠢ᠍ᠢ᠍ᠳᠡ 64 ᠰᠠᠭᠤᠳᠠᠯᠲᠠᠢ᠂ ᠲᠦᠷᠪᠡᠨ ᠲᠠᠯᠠ ᠪᠦᠷᠢᠳᠤ ᠨᠠᠢ᠍ᠮᠨ ᠨᠠᠢ᠍ᠮᠠᠨ ᠵᠢᠵᠢᠭ ᠲᠦᠷᠪᠡᠯᠵᠢᠨ ᠰᠠᠭᠤᠳᠠᠯ ᠵᠢᠡᠷ ᠬᠦᠯᠭᠡᠪᠠᠨ ᠪᠦᠳᠦᠭᠡᠪᠡ ᠃
ᠲᠡᠯᠡᠭᠡᠢ ᠵᠢᠨ ᠰᠢᠳᠠᠷᠠ ᠮᠤᠩᠭᠤᠯ ᠤᠷᠤᠨᠳᠤ ᠤᠯᠠᠮᠵᠢᠯᠠᠬᠳᠠᠨ ᠢᠷᠡᠭᠰᠡᠨᠤ ᠲᠠᠷᠠᠭᠠ ᠮᠤᠩᠭᠤᠯᠴᠤᠳ ᠦᠪᠡᠷᠤᠨ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠬᠤ ᠵᠠᠩ ᠳᠠᠳᠬᠠᠯ ᠵᠶ᠋ᠠᠨ ᠦᠨᠳᠦᠰᠦᠯᠡᠨ ᠬᠦᠯᠭᠡ ᠵᠢᠨ ᠨᠤᠶᠠᠨᠢ ᠨᠤᠶᠠᠨ ᠮᠡᠳᠦ ᠲᠡᠷᠭᠡᠨᠡ ᠪᠤᠶᠤ ᠰᠠᠭᠤᠳᠠᠯᠳᠤ ᠰᠠᠭᠤᠯᠭ᠋ᠠᠵᠤ ᠰᠡᠢ᠍ᠢ᠍ᠯᠪᠡ ᠃ ᠪᠠᠷᠰᠢ ᠨᠤᠶᠠᠨᠤ ᠬᠠᠳᠤᠨ ᠪᠤᠯᠭ᠋ᠠᠨ ᠴᠢᠮᠡᠭᠯᠡᠨ ᠰᠡᠢ᠍ᠢ᠍ᠯᠵᠤ ᠨᠤᠶᠠᠨ ᠵᠢᠡᠨ ᠬᠠᠮᠠᠭ᠋ᠠᠯᠠᠨ ᠲᠦᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠤᠪᠬᠢᠰᠲᠤ ᠲᠠᠢ᠍ᠢ᠍ᠨ ᠬᠢᠬᠦ ᠬᠠᠮᠤᠭᠠᠴᠠ ᠬᠡᠴᠡᠭᠦᠦ ᠵᠠᠩᠵᠤᠨ ᠪᠤᠯᠭ᠋ᠠᠪᠠ᠃ ᠦᠨᠡᠨᠳᠤᠪᠠᠨ ᠵᠢᠨᠤᠩ ᠮᠦᠨ᠃ ᠬᠠᠰᠠᠭᠢ ᠮᠤᠩᠭᠤᠯ ᠤᠷᠤᠨᠤ ᠬᠠᠰᠠᠭᠤᠨ ᠪᠦᠷᠢᠨ ᠬᠡᠯᠪᠡᠷᠢᠲᠠᠢ ᠰᠠᠢ᠍ᠢ᠍ᠯᠵᠦ ᠭᠠᠷᠭ᠋ᠠᠪᠠ᠃ ᠮᠤᠷᠢ ᠵᠢ ᠲᠡᠯᠡᠬᠡᠢ ᠵᠢᠨ ᠰᠢᠳᠠᠷᠠᠲᠠᠢ ᠠᠳᠠᠯᠢ ᠭᠠᠭᠴᠠ ᠬᠦ᠌ ᠲᠤᠯᠤᠭ᠋ᠠᠢ ᠵᠢᠨᠢ ᠦᠭᠡᠷᠡᠴᠢᠯᠡᠨ ᠮᠤᠩᠭᠤᠯ ᠮᠤᠷᠢ ᠵᠢᠨ ᠬᠡᠯᠪᠡᠷᠢᠪᠠᠷ ᠰᠡᠢ᠍ᠢ᠍ᠯᠵᠤ ᠭᠠᠷᠭ᠋ᠠᠪᠠ᠃ ᠬᠦᠦ ᠵᠢ ᠠᠩ ᠬᠦᠷᠦᠭᠡᠳᠤ ᠶᠠᠪᠤᠬᠤ ᠭᠠᠷᠮᠠᠭ᠋ᠠᠢ ᠨᠤᠬᠠᠢᠪᠠᠷ ᠰᠡᠢ᠍ᠢ᠍ᠯᠦᠭᠰᠡᠨ ᠪᠠᠢ᠍ᠢ᠍ᠨᠠ᠃
ᠡᠭᠦᠨᠠᠴᠠ ᠭᠠᠳᠠᠨᠠ 《ᠰᠢᠳᠠᠷᠠᠰ》 ᠭᠡᠳᠡᠭᠢ ᠮᠤᠩᠭᠤᠯ ᠬᠡᠯᠡᠪᠠᠷ ᠰᠢᠳᠠᠷᠠ ᠭᠡᠮᠡᠨ ᠲᠠᠭᠤᠳᠠᠨ ᠨᠡᠷᠡᠯᠡᠵᠡᠢ᠃ ᠡᠨᠡ ᠮᠡᠳᠦᠴᠢᠯᠡᠨ ᠬᠡᠯᠪᠡᠷᠢᠨᠢ ᠦᠭᠡᠷᠡᠴᠢᠯᠡᠭᠳᠡᠭᠰᠡᠨ ᠪᠤᠯᠪᠠᠴᠤ ᠲᠡᠭᠦᠨᠤ ᠨᠡᠭᠦᠳᠡᠯ ᠪᠠ ᠢᠷᠡᠯᠳᠡᠨᠢ ᠦᠨᠳᠦᠰᠦᠨᠳᠤᠪᠠᠨ ᠠᠳᠠᠯᠢ ᠶᠤᠮ᠃ ᠭᠡᠪᠡᠴᠦ ᠮᠤᠩᠭᠤᠯ ᠰᠢᠳᠠᠷᠠᠳᠤ ᠢᠰᠯᠠᠮᠤᠨ ᠱᠠᠰᠢᠨᠳᠠᠨ ᠢᠷᠡᠨ ᠤᠯᠤᠰᠠᠴᠠ ᠤᠷᠤᠵᠤ ᠢᠷᠡᠭᠰᠡᠨ ᠨᠠᠭ᠋ᠠᠳᠬᠤ ᠠᠷᠭᠠ ᠵᠢ ᠤᠳᠠᠭ᠋ᠠᠨ ᠵᠢᠯ ᠤᠯᠠᠮᠵᠢᠯᠠᠭᠰᠠᠭ᠋ᠠᠷ ᠢᠷᠡᠭᠰᠡᠨ ᠲᠤᠯᠠ ᠲᠡᠯᠡᠭᠡᠢ ᠵᠢᠨ ᠰᠢᠳᠠᠷᠠ ᠵᠢᠨ ᠤᠷᠤᠯᠳᠤᠭ᠋ᠠᠨᠤ ᠲᠦᠷᠢᠮᠠᠴᠠ ᠨᠡᠯᠢᠶᠡᠳ ᠤᠨ ᠬᠤᠵᠢᠮᠳᠠᠭᠰᠠᠨᠨᠢ ᠶᠠᠷᠢᠶᠠᠨ ᠦᠭᠡᠢ ᠶᠤᠮ᠃
ᠮᠤᠩᠭᠤᠯᠴᠤᠳ ᠪᠤᠯ ᠡᠷᠳᠡᠨᠤ ᠪᠤᠯᠪᠠᠰᠤᠨ ᠦᠨᠳᠦᠰᠦᠳᠡᠨᠤ ᠨᠢᠭᠡ ᠪᠤᠯᠬᠤ ᠲᠤᠯᠠ ᠡᠪᠦᠭᠡ ᠲᠡᠭᠡᠳᠦᠰᠤᠨ ᠦᠶᠡᠠᠴᠠᠪᠠᠨ ᠲᠠᠮᠢᠷ ᠤᠷᠠᠯᠢᠭᠲᠤ ᠠᠪᠢᠶᠠᠰᠲᠠᠢ᠃ ᠡᠷᠡ ᠵᠢᠨ ᠭᠤᠷᠪᠠᠨ ᠨᠠᠭ᠋ᠠᠳᠤᠮᠠᠴᠠ ᠭᠠᠳᠠᠨᠠ ᠪᠦᠵᠢᠭ ᠪᠦᠵᠢᠭᠯᠡᠬᠦ᠂ ᠬᠤᠯᠠ ᠬᠦᠶᠦᠬᠦ ᠮᠡᠳᠦ ᠵᠢᠨ ᠬᠦᠳᠡᠯᠭᠡᠭᠡᠨᠳᠤ ᠪᠦᠷ ᠪᠠᠬᠠᠳᠠᠢ ᠶᠤᠮ᠃ ᠲᠡᠷᠡᠴᠢᠯᠡᠨ ᠮᠦᠷᠭᠦᠭᠡ᠂ ᠵᠢᠷᠭᠢᠭᠡ᠂ ᠱᠠᠭᠠ ᠮᠡᠳᠦ ᠵᠢᠨ ᠲᠤᠭᠯᠠᠭ᠋ᠠᠮᠢ ᠴᠦᠮ ᠦᠷᠨᠢᠩᠭᠦᠢ ᠰᠠᠢ᠍ᠢ᠍ᠨ ᠨᠠᠭ᠋ᠠᠳᠴᠤ ᠪᠠᠢ᠍ᠢ᠍ᠵᠠᠢ᠃ ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯ ᠲᠡᠭᠦᠨᠤ ᠲᠤᠳᠤᠷᠠᠬᠢ ᠨᠢᠭᠡ ᠵᠦᠢ᠍ᠯ ᠪᠤᠯᠬᠤ ᠪᠦᠭᠡᠳ ᠮᠤᠩᠭᠤᠯᠴᠤᠳᠤᠨ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠪᠠ ᠬᠡᠪ ᠨᠠᠮᠪᠠ ᠵᠢ ᠬᠠᠷᠠᠭᠤᠯᠤᠭᠰᠠᠨ ᠦᠨᠳᠦᠰᠦᠳᠡᠨᠤ ᠬᠡᠯᠪᠡᠷᠢ ᠵᠢᠨ ᠤᠶᠤᠨᠤ ᠮᠦᠷᠦᠢ᠍ᠢ᠍ᠴᠡᠭᠡᠨ ᠪᠤᠯᠤᠨᠠ᠃ ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠨᠡᠢ᠍ᠢ᠍ᠭᠡᠮᠤᠨ ᠪᠤᠳᠠᠰᠤᠨ ᠠᠮᠢᠳᠤᠷᠠᠯ ᠪᠠ ᠤᠶᠤᠨᠤ ᠪᠤᠯᠪᠠᠰᠤᠨᠢ ᠪᠦᠬᠦ ᠲᠠᠯᠠᠪᠠᠷ ᠲᠦᠪᠯᠡᠷᠡᠭᠦᠯᠦᠨ ᠲᠤᠰᠬᠠᠭᠰᠠᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭᠲᠠᠢ ᠪᠠᠢ᠍ᠢ᠍ᠳᠠᠭᠠᠴᠠ ᠮᠤᠩᠭᠤᠯᠤᠨ ᠦᠨᠳᠦᠷᠯᠢᠭᠤᠨ ᠨᠡᠢ᠍ᠢ᠍ᠭᠡᠮᠤᠨ ᠠᠮᠢᠳᠤᠷᠠᠯᠢ ᠦᠨᠡᠨ ᠪᠤᠳᠠᠳᠠᠢᠪᠠᠷ ᠬᠠᠷᠠᠭᠤᠯᠵᠠᠢ᠃
ᠨᠤᠶᠠᠨ᠄ ᠮᠤᠩᠭᠤᠯᠤᠨ ᠦᠨᠳᠦᠷᠯᠢᠭᠲᠤ 《ᠲᠡᠪᠡᠯ ᠵᠠᠬᠠᠲᠠᠢ᠂ ᠬᠦᠮᠦᠨ ᠠᠬᠠᠲᠠᠢ》 ᠭᠡᠵᠦ ᠰᠠᠢ᠍ᠢ᠍ᠨ᠂ ᠮᠡᠷᠭᠡᠨ᠂ ᠪᠠᠭ᠋ᠠᠳᠤᠷ᠂ ᠬᠠᠨ ᠮᠡᠳᠦᠪᠠᠷ ᠠᠢ᠍ᠢ᠍ᠮᠠᠭ ᠬᠤᠯᠪᠤᠭ᠋ᠠᠨᠤᠪᠠᠨ ᠲᠦᠷᠦᠬᠦᠦ ᠪᠤᠶᠤ ᠴᠡᠷᠢᠭ ᠲᠠᠢ᠍ᠢ᠍ᠨᠤ ᠤᠳᠤᠷᠢᠳᠤᠭᠴᠢᠪᠠᠨ ᠨᠡᠷᠡᠯᠡᠵᠦ᠂ ᠲᠡᠭᠦᠨᠤ ᠵᠢᠯᠤᠭᠤᠳᠤᠯᠭᠠᠪᠠᠷ ᠲᠠᠢ᠍ᠢ᠍ᠰᠤᠨ ᠵᠢᠡᠨ ᠲᠠᠷᠤᠵᠤ ᠲᠠᠷᠬᠠᠨ ᠴᠤᠯᠠᠪᠠᠨ ᠮᠠᠨᠳᠤᠭᠤᠯᠳᠠᠭ ᠪᠠᠢ᠍ᠢ᠍ᠯᠠ᠃ ᠡᠢ᠍ᠢ᠍ᠮᠦᠠᠴᠠ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ 《ᠨᠤᠶᠠᠨ》 ᠢ ᠬᠤᠶᠠᠭ ᠲᠤᠭᠤᠯᠠᠭᠠ ᠬᠡᠳᠦᠷᠦᠭᠰᠡᠨ ᠮᠤᠷᠢᠳᠠᠢ ᠵᠠᠩᠵᠤᠨ ᠪᠤᠶᠤ ᠠᠷᠠᠯᠳᠤ ᠲᠡᠷᠬᠡᠨᠳᠤ ᠲᠦᠪᠯᠡᠨ ᠰᠠᠭᠤᠭᠰᠠᠨ ᠵᠢᠯᠠᠭᠠ ᠵᠢᠩᠰᠡᠲᠠᠢ ᠨᠤᠶᠠᠨ ᠮᠠᠶᠢᠭ ᠵᠢᠡᠷ ᠰᠡᠢ᠍ᠢ᠍ᠯᠦᠭᠰᠡᠨ ᠪᠠᠢ᠍ᠢ᠍ᠳᠠᠭ᠃ 《ᠨᠤᠶᠠᠨ》ᠨᠢ ᠲᠦᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠤᠪᠬᠢᠰ ᠪᠦᠬᠦ ᠤᠯᠤᠰᠤᠨ ᠬᠡᠪᠴᠢᠶᠡᠨᠡ 64 ᠰᠠᠭᠤᠳᠠᠯᠳᠤ ᠬᠠᠮᠢᠭᠠᠨᠢ ᠪᠤᠯᠪᠠᠴᠤ ᠬᠦᠷᠴᠤ ᠴᠢᠳᠠᠨᠠ᠃
ᠪᠠᠷᠰ᠄ ᠪᠠᠷᠰ ᠪᠤᠯ ᠨᠤᠶᠠᠨᠤ ᠬᠠᠳᠤᠨ ᠪᠤᠯᠬᠤᠷ ᠲᠠᠢ᠍ᠢ᠍ᠨ ᠪᠠᠢ᠍ᠢ᠍ᠯᠳᠤᠭ᠋ᠠᠨᠳᠤ ᠨᠤᠶᠠᠨᠤ ᠡᠮᠦᠨᠡᠠᠴᠠ ᠠᠮᠢ ᠴᠦᠯᠡᠨ ᠪᠠᠢ᠍ᠢ᠍ᠯᠳᠤᠳᠠᠭ ᠡᠷᠡᠯᠭᠡᠭ ᠪᠠᠭ᠋ᠠᠳᠤᠷᠯᠢᠭ ᠡᠮᠡᠭᠳᠡᠢ ᠵᠠᠩᠵᠤᠨ ᠮᠦᠨ᠃ ᠠᠷᠤ ᠭᠠᠵᠠᠷᠤᠨ ᠮᠤᠩᠭᠤᠯᠴᠤᠳ ᠠᠩ ᠭᠦᠷᠦᠭᠡ ᠬᠢᠵᠦ ᠠᠷᠢᠶᠠᠳᠠᠨ ᠵᠢᠭᠦᠷᠳᠡᠨᠢ ᠬᠠᠷᠪᠤᠵᠤ ᠨᠠᠮᠨᠠᠵᠤ ᠪᠠᠢ᠍ᠢ᠍ᠭᠰᠠᠨ ᠪᠤᠯᠬᠤᠷ ᠡᠨᠡ ᠬᠦ᠌ ᠡᠮᠡᠭᠳᠡᠢ ᠪᠠᠭ᠋ᠠᠳᠤᠷᠢ ᠪᠠᠷᠳᠠᠭ᠋ᠠᠳᠤ ᠠᠭᠤᠯᠠᠨᠳᠤ ᠤᠷᠤᠰᠢᠳᠠᠭ ᠬᠦᠴᠦᠷᠭᠡᠭ ᠠᠷᠢᠶᠠᠳᠠᠨ ᠪᠠᠷᠰ ᠪᠤᠯᠭ᠋ᠠᠨ ᠰᠡᠢ᠍ᠢ᠍ᠯᠤᠵᠡᠢ᠃ ᠪᠠᠷᠰᠨᠢ ᠮᠤᠷᠢᠨᠤ ᠨᠡᠭᠦᠳᠡᠯᠠᠴᠠ ᠪᠤᠰᠤᠳ ᠨᠡᠭᠦᠳᠡᠯᠢ ᠪᠦᠷ ᠶᠠᠪᠤᠵᠤ ᠴᠢᠳᠠᠳᠠᠭ᠃ ᠶᠤᠰᠤᠳᠠᠢ ᠡᠷᠳᠡᠮ ᠴᠢᠳᠠᠯ ᠬᠤᠤᠰᠯᠠᠭᠰᠠᠨ ᠪᠠᠭ᠋ᠠᠳᠤᠷ ᠪᠠᠢ᠍ᠢ᠍ᠵᠤ᠂ ᠬᠦᠨᠳᠡᠯᠡᠨ ᠭᠤᠯᠳᠤ ᠵᠢᠰᠢᠬᠦᠦᠪᠠᠷ ᠬᠤᠯᠠ ᠤᠢ᠍ᠢ᠍ᠷᠠ ᠭᠡᠰᠡᠨ ᠦᠭᠡᠢ ᠰᠢᠪᠳᠤ ᠲᠠᠭ᠋ᠠᠷᠢᠨ ᠤᠷᠤᠭᠰᠢᠯᠠᠳᠠᠭ᠃ ᠡᠨᠡᠨᠢ ᠮᠡᠬᠡᠳᠦ ᠪᠠᠭ᠋ᠠᠳᠤᠷ ᠮᠡᠷᠬᠡᠨ ᠪᠤᠳᠤᠯᠭ᠋ᠠᠳᠠᠢ ᠵᠠᠩᠵᠤᠨᠢ ᠵᠦᠢ᠍ᠷᠯᠡᠭᠰᠡᠨ ᠶᠤᠮ᠃
ᠮᠤᠷᠢ᠄ ᠮᠤᠷᠢ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠮᠤᠯᠤᠷ ᠡᠷᠳᠡᠨᠢ᠂ ᠠᠷᠤ ᠭᠠᠵᠠᠷᠤᠨ ᠠᠵᠢᠨᠠᠢ ᠬᠦᠯᠦᠭ᠂ ᠮᠠᠯᠴᠢᠨ ᠬᠦᠮᠦᠨᠤ ᠬᠡᠢ᠍ᠢ᠍ᠮᠤᠷᠢ ᠰᠦᠯᠳᠡ᠂ ᠴᠡᠷᠢᠭ ᠡᠷᠡ ᠵᠢᠨ ᠲᠠᠢ᠍ᠢ᠍ᠴᠢᠨ ᠬᠠᠨᠢ ᠮᠦᠨ᠃ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠮᠤᠷᠢ ᠵᠢ ᠬᠤᠷ ᠲᠡᠯᠲᠠᠢ ᠬᠠᠩᠭ᠋ᠠᠯ ᠠᠵᠢᠷᠭᠠ ᠪᠤᠶᠤ ᠬᠤᠷᠳᠤᠨ ᠭᠦᠶᠦᠳᠡᠯᠲᠠᠢ ᠰᠦᠳᠦ ᠭᠡᠭᠦᠦ ᠤᠨᠠᠭᠠᠪᠠᠨ ᠬᠦᠬᠦᠭᠦᠯᠵᠦ ᠪᠠᠢ᠍ᠢ᠍ᠬᠤᠪᠠᠷ ᠰᠡᠢ᠍ᠢ᠍ᠯᠦᠭᠰᠡᠨ ᠪᠠᠢ᠍ᠢ᠍ᠳᠠᠭ᠃ ᠡᠨᠡᠨᠢ ᠠᠯᠤᠰ ᠬᠤᠯᠠ ᠵᠢᠨ ᠠᠶᠠᠨ ᠲᠠᠢ᠍ᠢ᠍ᠨᠳᠤ ᠠᠶᠤᠯ ᠲᠦᠭᠰᠢᠭᠦᠷᠢ ᠵᠢ ᠬᠠᠢ᠍ᠢ᠍ᠬᠤᠷᠤᠯ ᠦᠭᠡᠢ ᠲᠠᠪᠬᠢᠳᠠᠭ ᠮᠤᠩᠭᠤᠯ ᠮᠤᠷᠢ ᠵᠢᠨ 《ᠭᠠᠩ ᠲᠤᠭᠤᠷᠠᠢ》 ᠵᠢᠨ ᠴᠢᠳᠠᠯᠢ ᠲᠦᠷᠰᠦᠯᠡᠵᠡᠢ᠃ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠮᠤᠷᠢᠨᠤ ᠬᠦᠨᠡ ᠤᠷᠤᠵᠤ ᠠᠴᠠ ᠰᠠᠯᠠᠭᠠ ᠬᠢᠵᠦ᠂ ᠴᠦᠮᠦᠷᠡᠯᠳᠦᠨ ᠲᠠᠭ᠋ᠠᠷᠢᠯᠳᠠ ᠬᠢᠬᠦ ᠤᠨᠴᠠᠯᠢᠭᠨᠢ ᠮᠤᠩᠭᠤᠯ ᠮᠤᠷᠢᠳᠤ ᠴᠡᠷᠢᠭᠤᠨ ᠮᠤᠷᠢᠨ ᠵᠢᠭᠰᠠᠭ᠋ᠠᠯᠤᠨ ᠰᠦᠷ ᠵᠢᠪᠬᠤᠯᠠᠩᠲᠠᠢᠪᠠᠷ ᠤᠬᠤᠷᠢᠵᠤ ᠰᠠᠬᠢᠬᠤ᠂ ᠤᠷᠤᠬᠰᠢᠯᠠᠬᠤ᠂ ᠲᠠᠭ᠋ᠠᠷᠢᠬᠤ ᠬᠦᠳᠡᠯᠭᠡᠭᠡᠨᠳᠤ ᠲᠠᠢ᠍ᠢ᠍ᠨᠤ ᠪᠤᠳᠤᠯᠭᠠ ᠵᠢ ᠲᠦᠪᠯᠡᠷᠡᠭᠦᠯᠦᠨ ᠲᠤᠰᠬᠠᠵᠠᠢ᠃
ᠲᠡᠮᠡᠭᠡ᠄ ᠲᠡᠮᠡᠭᠡ ᠪᠤᠯ ᠮᠤᠩᠭᠤᠯ ᠭᠠᠵᠠᠷᠤᠨ ᠨᠡᠭᠦᠳᠡᠯ ᠠᠵᠤ ᠠᠬᠤᠢᠳᠤ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠠᠴᠢᠶᠠ ᠵᠦᠭᠡᠭᠡᠪᠦᠷᠢ ᠵᠢᠨ ᠬᠡᠷᠡᠭᠰᠡᠯ ᠮᠦᠨ᠃ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠲᠡᠮᠡᠭᠡ ᠵᠢ ᠰᠢᠯᠢᠪᠠᠨ ᠬᠠᠨᠳᠠᠷᠴᠤ ᠰᠡᠭᠦᠯ ᠵᠢᠡᠨ ᠰᠠᠪᠠᠵᠤ ᠪᠠᠢ᠍ᠢ᠍ᠭᠠ ᠭᠠᠯᠵᠠᠭᠤ ᠪᠤᠤᠷᠠ ᠪᠤᠶᠤ ᠠᠴᠢᠶᠠ ᠬᠦᠰᠭᠡᠲᠠᠢ ᠠᠯᠤᠰ ᠭᠠᠵᠠᠷ ᠠᠶᠠᠯᠠᠨ ᠶᠠᠪᠤᠳᠠᠭ ᠠᠳᠠᠨ ᠲᠡᠮᠡᠭᠡᠪᠠᠷ ᠰᠡᠢ᠍ᠢ᠍ᠯᠦᠭᠰᠡᠨ ᠪᠠᠢ᠍ᠢ᠍ᠳᠠᠭ᠃ ᠡᠨᠡᠨᠢ ᠴᠠᠰᠤ ᠪᠤᠷᠤᠭ᠋ᠠᠨ ᠬᠦᠢ᠍ᠳᠡᠨ ᠬᠠᠭᠰᠠᠷᠠᠭᠠ ᠪᠠ ᠦᠯᠦᠰᠴᠤ ᠦᠯᠪᠡᠷᠬᠦᠠᠴᠠ ᠠᠶᠤᠬᠤ ᠦᠭᠡᠢ᠂ ᠨᠡᠯᠢᠶᠡᠳ ᠡᠳᠦᠷ ᠬᠤᠨᠤᠭ ᠵᠢᠡᠷ ᠲᠡᠰᠪᠤᠷᠢᠯᠡᠨ ᠶᠠᠪᠤᠵᠤ ᠴᠢᠳᠠᠳᠠᠭ ᠮᠤᠩᠭᠤᠯ ᠤᠷᠤᠨᠤ ᠤᠷᠳᠤ ᠬᠦᠯᠲᠠᠢ ᠤᠳᠠᠭ᠋ᠠᠨ ᠲᠠᠭ᠋ᠠᠭ᠋ᠠᠮᠠᠭ᠋ᠠᠢ ᠲᠡᠮᠡᠭᠡ ᠵᠢᠨ ᠲᠦᠷᠢ ᠵᠢ ᠦᠵᠡᠭᠦᠯᠵᠡᠢ᠃
ᠬᠠᠰᠠᠭ᠄ ᠬᠠᠰᠠᠭ ᠲᠡᠷᠭᠡ ᠪᠤᠯ ᠮᠤᠩᠭᠤᠯᠤᠨ ᠦᠨᠳᠦᠷᠯᠢᠭᠲᠤ ᠠᠯᠢ ᠡᠷᠳᠡᠨᠠᠴᠠ ᠬᠡᠷᠡᠭᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠵᠦᠭᠡᠭᠡᠪᠤᠷᠢ ᠵᠢᠨ ᠭᠤᠤᠯ ᠪᠠᠭ᠋ᠠᠵᠢ ᠮᠦᠨ᠃ ᠬᠠᠩᠭ᠋ᠠᠢ ᠲᠡᠷᠭᠡ᠂ ᠬᠠᠰᠠᠭ ᠲᠡᠷᠭᠡ᠂ ᠦᠨᠳᠦᠷ ᠲᠡᠷᠭᠡ᠂ ᠦᠵᠢᠶᠡᠨ ᠲᠡᠷᠭᠡ᠂ ᠦᠯᠴᠢᠭᠡᠳᠡᠢ ᠲᠡᠷᠭᠡ ᠪᠤᠯ ᠮᠤᠩᠭᠤᠯᠤᠨ ᠨᠡᠭᠦᠳᠡᠯ ᠠᠮᠢᠳᠤᠷᠠᠯᠤᠨ ᠪᠦᠳᠦᠭᠡᠯ ᠶᠤᠮ᠃ ᠬᠦᠰᠭᠡ ᠲᠡᠷᠭᠡᠪᠠᠨ ᠬᠦᠳᠦᠯᠵᠦ ᠬᠦᠯᠦᠭ ᠮᠤᠷᠢᠪᠠᠨ ᠤᠨᠤᠵᠤ ᠶᠠᠪᠤᠳᠠᠭ ᠮᠤᠩᠭᠤᠯᠴᠤᠳᠲᠤ ᠲᠡᠷᠭᠡ ᠪᠤᠯ ᠶᠠᠷᠤᠠᠴᠠ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠦᠢ᠍ᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠤᠨ ᠬᠡᠷᠡᠭᠰᠡᠯ ᠮᠦᠨ᠃ ᠡᠢ᠍ᠢ᠍ᠮᠦᠠᠴᠠ ᠮᠤᠩᠭᠤᠯ ᠰᠢᠳᠠᠷᠠᠳᠤ ᠬᠠᠰᠠᠭ ᠲᠡᠷᠭᠡ ᠪᠤᠶᠤ ᠬᠠᠮ ᠲᠡᠷᠭᠡ ᠵᠢ ᠰᠡᠢ᠍ᠢ᠍ᠯᠦᠭᠰᠡᠨ ᠪᠠᠢ᠍ᠢ᠍ᠳᠠᠭ᠃
ᠬᠦᠦ᠄ ᠮᠤᠩᠭᠤᠯᠴᠤᠳ ᠦᠷᠡ ᠬᠡᠤᠬᠡᠳ ᠵᠢᠨᠨ ᠠᠷᠠᠳᠤᠨ ᠦᠨᠳᠦᠰᠦ᠂ ᠠᠮᠢᠳᠤ ᠡᠷᠳᠡᠨᠢ ᠪᠤᠯᠭ᠋ᠠᠨ ᠦᠵᠡᠳᠡᠭ᠃ ᠡᠢ᠍ᠢ᠍ᠮᠦᠠᠴᠠ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠨᠠᠢ᠍ᠮᠠᠨ ᠰᠠᠭᠤᠳᠠᠯᠢ ᠲᠦᠭᠦᠷᠡᠩ ᠡᠵᠡᠯᠡᠭᠦᠯᠦᠨ ᠠᠷᠠᠳ ᠢᠷᠭᠡᠳ ᠠᠴᠢ ᠦᠷᠡᠪᠠᠨ ᠲᠦᠯᠦᠭᠡᠯᠡᠭᠦᠯᠪᠡ᠃ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠬᠦᠦ ᠵᠢ ᠤᠷᠤᠯᠳᠤᠭ᠋ᠠᠨᠤ ᠮᠤᠷᠢ ᠤᠨᠤᠭᠰᠠᠨ ᠪᠤᠶᠤ ᠪᠦᠬᠡ ᠪᠠᠷᠢᠯᠳᠤᠵᠤ ᠪᠠᠢ᠍ᠢ᠍ᠭᠠ ᠬᠡᠤᠬᠡᠳᠤᠨ ᠶᠠᠩᠵᠤᠪᠠᠷ ᠤᠷᠠᠯᠠᠨ ᠰᠡᠢ᠍ᠢ᠍ᠯᠦᠭᠰᠡᠨ ᠶᠤᠮ᠃ ᠡᠳᠡᠭᠡᠷ ᠬᠡᠤᠬᠡᠳ ᠨᠢ ᠦᠵᠦᠭᠦᠷᠲᠤ ᠬᠦᠷᠪᠡᠯ᠂ ᠵᠢᠰᠢᠭᠦᠦ ᠱᠤᠭᠤᠮ ᠵᠢᠡᠷ ᠨᠢᠳᠤ ᠲᠠᠢ ᠬᠠᠩᠭ᠋ᠠᠢ ᠪᠤᠶᠤ ᠪᠠᠷᠰ ᠪᠤᠯᠭ᠋ᠠᠨ ᠬᠤᠪᠢᠷᠠᠭᠤᠯᠳᠠᠭ᠃
ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠤᠯᠠᠷᠢᠨ ᠬᠤᠪᠢᠰᠬᠤᠨᠢ ᠲᠤᠩ ᠤᠷᠠᠨ ᠨᠠᠷᠢᠨ ᠪᠦᠭᠡᠳ ᠪᠤᠳᠤᠯᠢᠶᠠᠨᠲᠠᠢ ᠪᠠᠢ᠍ᠢ᠍ᠳᠠᠭ᠃ ᠤᠷᠤᠭᠰᠢᠯᠠᠬᠤ᠂ ᠤᠬᠤᠷᠢᠬᠤ᠂ ᠲᠤᠪᠳᠤᠯᠬᠤ᠂ ᠬᠤᠷᠢᠭᠯᠠᠬᠤ᠂ ᠭᠡᠳᠡᠷᠭᠦ ᠲᠠᠭ᠋ᠠᠷᠢᠬᠤ᠂ ᠭᠡᠨᠡᠳᠳᠡᠪᠠᠷ ᠴᠦᠮᠦᠷᠡᠨ ᠤᠷᠤᠬᠤ᠂ ᠬᠠᠯᠬᠠᠯᠠᠬᠤ᠂ ᠵᠠᠢ᠍ᠢ᠍ᠯᠠᠭᠤᠯᠬᠤ᠂ ᠬᠠᠭᠤᠷᠤᠨ ᠮᠡᠭᠡᠯᠡᠵᠦ᠂ ᠪᠤᠴᠠᠵᠤ ᠪᠤᠷᠤᠭᠤᠯᠠᠬᠤ᠂ ᠪᠡᠬᠢᠯᠠᠵᠦ ᠰᠠᠬᠢᠬᠤ᠂ ᠬᠠᠷᠰᠢ ᠰᠠᠭ᠋ᠠᠳ ᠬᠢᠬᠦ᠂ ᠪᠤᠭᠤᠭᠳᠠᠭᠤᠯᠬᠤ᠂ ᠪᠤᠳᠠ ᠬᠠᠶᠠᠵᠤ ᠦᠳᠦᠭᠡᠬᠦ᠂ ᠵᠡᠭᠦᠨᠢ ᠵᠢᠭ᠋ᠠᠵᠤ ᠪᠠᠷᠠᠭᠤᠨᠢ ᠴᠤᠬᠢᠬᠤ᠂ ᠤᠷᠤᠨ ᠰᠤᠯᠠᠯᠠᠵᠤ ᠵᠠᠮ ᠨᠡᠭᠡᠭᠡᠬᠦ ᠵᠡᠷᠭᠡ ᠤᠯᠠᠨ ᠠᠷᠭᠠ ᠰᠠᠮᠪᠠᠭᠠ ᠵᠢ ᠬᠡᠷᠡᠭᠯᠡᠵᠦ ᠪᠠᠢ᠍ᠢ᠍ᠭ᠋ᠠᠳ ᠨᠦᠬᠦᠭᠡ ᠡᠳᠡᠭᠡᠳᠤᠨ ᠪᠤᠳᠠ ᠬᠦᠦ ᠵᠢ ᠤᠰᠠᠳᠬᠠᠨ᠂ ᠪᠡᠬᠢᠯᠡᠯᠳᠡ ᠵᠢ ᠡᠪᠳᠡᠵᠦ᠂ ᠪᠤᠭᠤᠮᠳᠠ ᠵᠢ ᠡᠵᠡᠯᠡᠨ ᠢᠯᠠᠯᠳᠠ ᠤᠯᠬᠤᠳᠤ ᠬᠦᠷᠭᠡᠳᠡᠭ᠃ ᠲᠡᠭᠦᠨᠤ ᠰᠤᠨᠢᠨ ᠨᠢᠭᠤᠴᠠ ᠠᠷᠭᠠ ᠪᠤᠳᠤᠯᠭᠠ ᠵᠢ ᠰᠦᠪᠡᠭᠴᠢᠯᠡᠨ ᠪᠤᠳᠤᠳᠠᠭᠨᠢ ᠬᠦᠮᠦᠰᠲᠤ ᠲᠠᠷᠤᠤ ᠬᠢᠴᠢᠶᠡᠩᠭᠦᠢ ᠪᠠᠷᠳᠠᠮᠨᠠᠬᠤ ᠦᠭᠡᠢ᠂ ᠪᠠᠰᠤᠬᠤ ᠦᠭᠡᠢ᠂ ᠪᠠᠭ᠋ᠠᠳᠤᠷᠯᠢᠭ ᠪᠦᠭᠡᠳ ᠪᠤᠳᠠᠰᠴᠢ ᠬᠤᠪᠢᠰᠤᠩᠭᠤᠢ ᠦᠵᠡᠯ ᠵᠢᠡᠷ ᠠᠰᠠᠭᠤᠳᠠᠯᠢ ᠦᠵᠡᠬᠦ ᠠᠷᠭᠠ ᠵᠢ ᠡᠵᠡᠮᠰᠢᠭᠦᠯᠬᠦ᠂ ᠪᠤᠳᠤᠯᠢᠶᠠᠨᠲᠠᠢ ᠪᠠᠢ᠍ᠢ᠍ᠳᠠᠯᠢ ᠠᠵᠢᠭᠯᠠᠨ ᠰᠢᠨᠵᠢᠬᠦ᠂ ᠵᠦᠢ᠍ᠴᠢᠯᠡᠨ ᠮᠠᠭ᠋ᠠᠳᠯᠠᠬᠤ ᠴᠢᠳᠠᠪᠤᠷᠢ ᠵᠢᠨᠢ ᠲᠡᠭᠡᠭᠰᠢᠯᠡᠭᠦᠯᠳᠡᠭ᠃
ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠬᠦᠦ ᠲᠠᠢ᠍ᠢ᠍ᠰᠤᠨᠤ ᠠᠷᠤ ᠬᠠᠯᠬᠠᠪᠴᠢᠳᠤ ᠭᠠᠷᠤᠭᠰᠠᠨᠤ ᠰᠡᠭᠦᠯᠡᠷ ᠬᠠᠮᠤᠭ ᠡᠴᠦᠰᠤᠨ ᠬᠦᠨᠳᠡᠯᠡᠨ ᠱᠤᠭᠤᠮᠳᠤ ᠬᠦᠷᠪᠡᠯ ᠲᠡᠷᠡ ᠲᠤᠤᠷᠠᠪᠠᠨ ᠶᠠᠮᠠᠷ ᠨᠢᠭᠡᠨ ᠪᠤᠳᠠ ᠦᠭᠡᠢ ᠭᠠᠵᠠᠷ ᠪᠠᠢ᠍ᠢ᠍ᠪᠠᠯ ᠲᠡᠭᠦᠨᠢ ᠨᠦᠬᠦᠪᠦᠷᠢᠯᠡᠨᠡ᠃ ᠡᠨᠡᠨᠢ ᠰᠤᠯᠠ ᠴᠡᠷᠢᠭ ᠪᠤᠯᠪᠠᠴᠤ ᠭᠠᠪᠢᠶᠠ ᠪᠠᠢ᠍ᠢ᠍ᠭᠤᠯᠵᠤ ᠲᠠᠢ᠍ᠢ᠍ᠰᠤᠨᠤ ᠠᠷᠤ ᠪᠡᠬᠢᠯᠡᠯᠳᠡᠳᠤ ᠬᠦᠷᠦᠭᠰᠡᠨ ᠲᠤᠯᠠ ᠲᠠᠢ᠍ᠢ᠍ᠨ ᠪᠠᠢ᠍ᠢ᠍ᠯᠳᠤᠭ᠋ᠠᠨᠤ ᠲᠤᠮᠳᠠ ᠶᠠᠮᠠᠷ ᠨᠢᠭᠡᠨ ᠦᠬᠦᠭᠰᠡᠨ ᠵᠠᠩᠵᠤᠨᠢ ᠤᠷᠤᠯᠠᠵᠤ ᠲᠠᠢ᠍ᠢ᠍ᠨ ᠪᠠᠢ᠍ᠢ᠍ᠯᠳᠤᠭ᠋ᠠᠨᠢ ᠤᠳᠤᠷᠢᠳᠤᠨ ᠶᠠᠪᠤᠭᠤᠯᠵᠤ ᠪᠠᠢ᠍ᠢ᠍ᠭᠠ ᠶᠠᠪᠤᠳᠠᠯ ᠪᠤᠯᠤᠨᠠ᠃
ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠢᠯᠠᠭᠰᠠᠨ ᠡᠳᠡᠭᠡᠳᠨᠢ ᠶᠠᠮᠠᠷ ᠶᠡᠬᠡ ᠱᠦᠭᠦᠳᠡᠯ ᠵᠢᠡᠷ ᠢᠯᠠᠭᠰᠠᠨ ᠪᠤᠯᠪᠠᠴᠤ ᠨᠦᠭᠦᠬᠡ ᠡᠳᠡᠭᠡᠳᠲᠤᠪᠠᠨ ᠵᠠᠪᠠᠯ ᠨᠢᠭᠡ ᠬᠦᠦ ᠦᠯᠡᠳᠡᠭᠡᠨ ᠦᠭᠬᠦ ᠶᠤᠰᠤᠳᠠᠢ᠂ ᠡᠨᠡᠨᠢ ᠮᠤᠩᠭᠤᠯᠴᠤᠳ ᠠᠮᠢᠳᠤᠷᠠᠯ ᠪᠠ ᠲᠠᠢ᠍ᠢ᠍ᠨ ᠪᠠᠢ᠍ᠢ᠍ᠯᠳᠤᠭ᠋ᠠᠨᠤ ᠲᠤᠮᠳᠠᠪᠠᠨ ᠡᠰᠡᠷᠬᠦ ᠲᠠᠢ᠍ᠢ᠍ᠰᠤᠨᠳᠤᠪᠠᠨ ᠵᠠᠪᠠᠯ ᠨᠢᠭᠡ ᠬᠦᠦ ᠦᠯᠡᠳᠡᠭᠡᠨ ᠦᠭᠬᠦ ᠶᠤᠰᠤ ᠵᠢ ᠵᠢᠷᠤᠮᠯᠠᠨ ᠬᠦᠮᠦᠨᠢ ᠦᠷᠡ ᠠᠴᠢ ᠨᠠᠷ ᠦᠭᠡᠢ ᠪᠤᠯᠳᠠᠯᠠ ᠦᠨᠳᠦᠰᠦ ᠵᠢᠨᠢ ᠲᠠᠰᠤᠯᠬᠤ ᠵᠢ ᠤᠨᠴᠠ ᠴᠡᠭᠡᠷᠯᠡᠳᠡᠭ ᠵᠠᠩᠰᠢᠯᠠᠴᠠ ᠢᠷᠡᠭᠰᠡᠨ ᠲᠦᠷᠢᠮ ᠪᠤᠯᠤᠨᠠ ᠃
ᠮᠤᠷᠢᠪᠠᠷ ᠱᠦᠭᠦᠳᠡᠯᠤᠨ ᠨᠢᠭᠡᠨ ᠪᠠᠭ᠋ᠠᠵᠢ ᠪᠤᠯᠭ᠋ᠠᠨ ᠱᠠᠯᠠᠵᠤ ᠦᠩᠭᠡᠷᠡᠭᠦᠯᠬᠦᠠᠴᠠ ᠪᠢᠰᠢ ᠬᠠᠮᠤᠭ ᠲᠡᠭᠦᠰᠭᠡᠯᠤᠨ ᠱᠠᠯᠠᠭᠠ ᠬᠢᠬᠦ ᠵᠢ ᠴᠡᠭᠡᠷᠯᠡᠨᠡ᠃ ᠡᠨᠡᠨᠢ ᠮᠤᠩᠭᠤᠯᠤᠨ ᠠᠮᠢᠳᠤᠷᠠᠯᠤᠨ ᠲᠤᠮᠳᠠ᠂ ᠬᠦᠮᠦᠨᠢ ᠮᠤᠷᠢᠨ ᠴᠢᠳᠤᠷ ᠵᠢᠡᠷ ᠴᠢᠳᠦᠷᠯᠡᠬᠦ ᠦᠭᠡᠢ ᠵᠠᠩᠰᠢᠯᠠᠴᠠ ᠢᠷᠡᠯᠲᠠᠢ ᠪᠠᠢ᠍ᠢ᠍ᠵᠤ ᠮᠡᠳᠡᠨᠡ ᠃
ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠬᠠᠮᠤᠭ ᠶᠡᠬᠡ ᠱᠦᠭᠦᠳᠡᠯ ᠳ᠋ᠠᠮᠳᠠᠭ᠋ᠠᠷ ᠪᠤᠯ ᠨᠡᠢ᠍ᠢ᠍ᠳᠡ ᠲᠠᠪᠤᠨ ᠱᠠᠯᠠᠭᠠᠪᠠᠷ ᠱᠠᠯᠠᠵᠤ ᠲᠡᠭᠦᠰᠬᠡᠨᠡ᠃ ᠱᠠᠯᠠᠭᠠ ᠪᠦᠷᠢ ᠵᠢᠨ ᠲᠤᠭᠳᠠᠭᠰᠠᠨ ᠦᠭᠡᠰᠨᠢ ᠄
ᠲᠡᠭᠷᠢ ᠵᠢᠨ ᠬᠦᠦ ᠳ᠋ᠠᠮᠳᠠᠭ᠋ᠠᠷ ᠲᠡᠷᠢᠭᠦᠨ
ᠲᠡᠭᠡᠷᠡ ᠴᠢᠨᠢ ᠨᠢᠷᠭᠢᠨᠡ ᠱᠠ᠂
ᠬᠠᠰᠠᠭ ᠲᠡᠷᠭᠡᠪᠠᠷ ᠲᠠᠭ᠋ᠠᠷᠢᠭᠤᠯᠤᠨᠠ ᠱᠠ᠂
ᠬᠠᠷᠠ ᠪᠤᠤᠷᠠᠪᠠᠷ ᠲᠡᠪᠰᠡᠭᠦᠯᠦᠨᠡ ᠱᠠ᠂
ᠦᠷᠦᠭᠡᠯᠳᠦ ᠮᠤᠷᠢᠪᠠᠷ ᠢᠰᠭᠦᠯᠦᠭᠦᠯᠦᠨᠡ ᠱᠠ᠂
ᠦᠨᠦᠴᠢᠨ ᠬᠦᠦᠪᠠᠷ ᠦᠬᠦᠬᠦᠯᠦᠨᠡ ᠱᠠ ᠭᠡᠮᠡᠨ ᠲᠡᠭᠦᠰᠭᠡᠨᠡ᠃
《ᠱᠠ》 ᠭᠡᠭᠴᠢᠨᠢ ᠱᠠᠯᠠᠭᠠ ᠵᠢ ᠲᠦᠭᠦᠮᠴᠢᠯᠡᠭᠰᠡᠨ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠲᠤᠰᠬᠠᠢ ᠨᠡᠷᠡᠰ᠃
ᠬᠤᠶᠠᠷ᠂ ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯᠤᠨ ᠲᠡᠯᠡᠭᠡᠢ ᠵᠢᠨ ᠰᠢᠳᠠᠷᠠ ᠵᠢᠨ ᠵᠦᠷᠢᠶᠡ
ᠮᠤᠩᠭᠤᠯ ᠰᠢᠳᠠᠷᠠ 800 ᠤᠨᠤ ᠲᠡᠤᠬᠡᠲᠠᠢ᠂ ᠲᠡᠯᠡᠭᠡᠢ ᠵᠢᠨ ᠰᠢᠳᠠᠷᠠ 13 ᠳ᠋ᠤᠭ᠋ᠠᠷ ᠵᠠᠭᠤᠨᠤ ᠦᠶᠡᠠᠴᠠ ᠡᠭᠦᠰᠦᠭᠰᠡᠨ ᠲᠡᠤᠬᠡᠲᠠᠢ᠂ ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯᠤᠨ ᠲᠡᠯᠡᠭᠡᠢ ᠵᠢᠨ ᠰᠢᠳᠠᠷᠠ ᠵᠢᠨ ᠬᠦᠯᠬᠡ᠂ ᠰᠠᠭᠤᠳᠠᠯ᠂ ᠬᠦᠦ ᠪᠤᠳᠠ ᠵᠢᠨ ᠲᠤᠭᠠ ᠨᠢᠭᠡᠨ ᠠᠳᠠᠯᠢ ᠵᠦᠪᠬᠡᠨ ᠨᠡᠭᠦᠳᠡᠯᠯᠡᠬᠦ ᠠᠷᠭᠠᠨᠢ ᠵᠦᠷᠢᠶᠡᠲᠠᠢ᠃ ᠲᠡᠯᠡᠬᠡᠢ ᠵᠢᠨ ᠰᠢᠳᠠᠷᠠ ᠪᠤᠯ ᠨᠤᠶᠠᠨ ᠪᠠ ᠲᠡᠷᠭᠡ ᠬᠦᠳᠡᠯᠦᠭᠰᠡᠨ ᠦᠭᠡᠢ ᠪᠤᠯ ᠬᠤᠶᠠᠭᠤᠯᠠ ᠰᠠᠭᠤᠳᠠᠯ ᠵᠢᠡᠨ ᠰᠤᠯᠢᠵᠤ ᠪᠤᠯᠤᠨᠠ᠃
ᠮᠤᠩᠭᠤᠯ ᠰᠢᠳᠠᠷᠠ ᠬᠦᠳᠡᠯᠭᠦ ᠡᠰᠡᠬᠦ ᠵᠢ ᠬᠠᠮᠢᠶᠠᠷᠬᠤ ᠦᠭᠡᠢ᠂ ᠨᠤᠶᠠᠨ᠂ ᠲᠡᠷᠭᠡ ᠵᠢᠨ ᠰᠠᠭᠤᠳᠠᠯᠢ ᠶᠠᠷᠦ ᠰᠤᠯᠢᠵᠤ ᠪᠤᠯᠬᠤ ᠦᠭᠡᠢ᠃
ᠲᠡᠯᠡᠬᠡᠢ ᠵᠢᠨ ᠰᠢᠳᠠᠷᠠ ᠡᠬᠢᠯᠡᠨ ᠨᠡᠭᠦᠭᠦ ᠦᠶᠡᠳᠤ ᠪᠤᠳᠠ ᠪᠤᠶᠤ ᠬᠦᠦ ᠵᠢᠨ ᠠᠯᠢᠨᠢ ᠴᠤ᠌ ᠪᠦᠷ ᠤᠷᠢᠳᠴᠢᠯᠡᠨ ᠨᠡᠭᠦᠵᠦ ᠪᠤᠯᠤᠨᠠ᠃ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠡᠬᠢᠯᠡᠯᠤᠨ ᠨᠡᠭᠦᠳᠡᠯ ᠡᠷᠬᠡᠪᠰᠢ ᠪᠠᠷᠰᠤᠨ ᠡᠮᠦᠨᠡᠬᠢ ᠬᠦᠦ ᠤᠷᠤᠭᠰᠢ ᠨᠡᠬᠦᠬᠦ ᠪᠤᠶᠤ ᠬᠤᠶᠠᠷ ᠡᠳᠡᠭᠡᠳ ᠬᠠᠷᠢᠯᠴᠠᠨ ᠲᠤᠭᠳᠠᠭᠰᠠᠨ ᠪᠠᠢ᠍ᠢ᠍ᠪᠠᠯ ᠨᠤᠶᠠᠨᠤ ᠡᠮᠦᠨᠡᠬᠢ ᠬᠦᠦᠠᠴᠠ ᠡᠬᠢᠯᠡᠨ ᠨᠡᠬᠦᠬᠦ ᠵᠠᠩᠰᠢᠯ ᠲᠠᠢ᠃ ᠭᠡᠪᠡᠴᠦ ᠪᠤᠰᠤᠳ ᠪᠤᠳᠠ ᠪᠠ ᠬᠦᠦ ᠠᠴᠠ ᠡᠬᠢᠯᠡᠨ ᠨᠡᠭᠦᠵᠦ ᠪᠤᠯᠬᠤ ᠦᠭᠡᠢ᠃
ᠲᠡᠯᠡᠭᠡᠢ ᠵᠢᠨ ᠰᠢᠳᠠᠷᠠ ᠵᠢᠨ ᠬᠦᠦ ᠡᠬᠢᠯᠡᠨ ᠤᠷᠤᠭᠰᠢ ᠨᠡᠭᠦᠭᠦᠳᠤᠪᠠᠨ ᠨᠢᠭᠡ ᠪᠤᠶᠤ ᠬᠤᠶᠠᠷ ᠰᠠᠭᠤᠳᠠᠯ ᠵᠢᠡᠷ ᠪᠦᠷ ᠤᠷᠤᠭᠰᠢ ᠨᠡᠭᠦᠵᠦ ᠪᠤᠯᠤᠨᠠ᠃ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠨᠤᠶᠠᠨ ᠪᠤᠶᠤ ᠪᠠᠷᠰᠤᠨ ᠡᠮᠦᠨᠡᠬᠢ ᠬᠦᠦ ᠡᠬᠢᠯᠡᠨ ᠨᠡᠭᠦᠭᠦᠳᠤᠪᠠᠨ ᠨᠢᠭᠡ ᠪᠤᠶᠤ ᠬᠤᠶᠠᠷ ᠰᠠᠭᠤᠳᠠᠯ ᠨᠡᠭᠦᠵᠤ ᠪᠤᠯᠬᠤᠠᠴᠠ ᠭᠠᠳᠠᠨᠠ᠂ ᠪᠤᠰᠤᠳ ᠬᠦᠦᠨᠢ ᠪᠦᠷ ᠨᠢᠭᠡ ᠨᠢᠭᠡ ᠰᠠᠭᠤᠳᠠᠯ ᠵᠢᠡᠷ ᠨᠡᠬᠦᠬᠦ ᠶᠤᠰᠤᠲᠠᠢ᠃
ᠲᠡᠯᠡᠬᠡᠢ ᠵᠢᠨ ᠰᠢᠳᠠᠷᠠᠳᠤ ᠮᠤᠷᠢ ᠪᠤᠶᠤ ᠲᠡᠮᠡᠭᠡ ᠲᠤᠬᠢᠶᠠᠯᠲᠠᠢ ᠪᠤᠯ ᠰᠢᠭᠤᠳ ᠨᠤᠶᠠᠨᠢ ᠱᠠᠯᠠᠵᠤ ᠲᠡᠭᠦᠰᠬᠡᠨᠡ᠃ ᠮᠤᠩᠭᠤᠯ ᠰᠢᠳᠠᠷᠠ ᠵᠢᠨ ᠮᠤᠷᠢ ᠲᠡᠮᠡᠭᠡ ᠵᠦᠪᠬᠡᠨ ᠱᠠᠯᠠᠵᠤ ᠦᠩᠭᠡᠷᠡᠬᠦᠯᠬᠦᠠᠴᠠ ᠪᠢᠰᠢ ᠰᠢᠭᠤᠳ ᠱᠠᠯᠠᠵᠤ ᠦᠬᠦᠬᠦᠯᠵᠦ ᠪᠤᠯᠬᠤ ᠦᠭᠡᠢ᠃ ᠡᠨᠡᠨᠢ ᠠᠮᠢᠳᠠᠨ ᠬᠦᠮᠦᠨᠢ ᠠᠯᠠᠵᠤ ᠪᠤᠯᠬᠤ ᠦᠭᠡᠢ ᠭᠡᠰᠡᠨ ᠵᠠᠩᠰᠢᠯᠠᠴᠠ ᠢᠷᠡᠭᠰᠡᠨ ᠪᠠᠢ᠍ᠢ᠍ᠨᠠ᠃
ᠲᠡᠯᠡᠬᠡᠢ ᠵᠢᠨ ᠰᠢᠳᠠᠷᠠᠳᠤ ᠵᠠᠪᠰᠢᠶᠠᠨᠲᠠᠢ ᠪᠤᠯ ᠪᠤᠳᠠ ᠪᠠ ᠬᠦᠦ ᠵᠢ ᠪᠦᠷ ᠢᠳᠡᠬᠦ ᠵᠢ ᠬᠢᠵᠠᠭ᠋ᠠᠷᠯᠠᠬᠤ ᠦᠭᠡᠢ᠂ ᠮᠤᠩᠭᠤᠯ ᠰᠢᠳᠠᠷᠠᠳᠤ ᠪᠤᠯ ᠨᠢᠭᠡ ᠪᠤᠳᠠ ᠪᠤᠶᠤ ᠨᠢᠭᠡ ᠬᠦᠦ ᠦᠯᠡᠳᠡᠭᠡᠬᠦ ᠶᠤᠰᠤᠲᠠᠢ᠃ ᠨᠢᠭᠡ ᠪᠤᠳᠠ ᠦᠯᠡᠳᠡᠭᠡᠬᠦᠨᠢ ᠬᠦᠮᠦᠨᠤ ᠠᠮᠢᠳᠤᠷᠠᠯᠢ ᠬᠤᠭᠤᠰᠤᠷᠠᠳᠠᠯᠠ ᠦᠭᠡᠢ ᠪᠤᠯᠭ᠋ᠠᠬᠤ ᠵᠢ ᠴᠡᠭᠡᠷᠯᠡᠭᠰᠡᠨ ᠮᠤᠩᠭᠤᠯ ᠵᠠᠩᠰᠢᠯᠠᠴᠠ ᠢᠷᠡᠭᠰᠡᠨ ᠪᠠᠢ᠍ᠢ᠍ᠨᠠ᠃