ᠠᠷᠠᠳ᠎ᠤᠨ ᠰᠦᠯᠵᠢᠶᠡᠨ᠎ᠤ ᠰᠠᠨᠶᠠ ᠵᠢᠨ 11 ᠰᠠᠷ᠎ᠠ ᠵᠢᠨ 28᠎ᠤ ᠡᠳᠦᠷ᠎ᠤᠨ ᠮᠡᠳᠡᠭᠡ （ᠵᠢᠨ ᠬᠣᠩ ᠬᠤᠸᠠ᠂ ᠮᠠᠨᠠᠹᠦ᠋᠂ ᠮᠧᠩ ᠹᠠᠨ ᠱᠧᠩ） 12 ᠤᠳᠠᠭ᠎ᠠ ᠤᠷᠢᠳᠴᠢᠯᠠᠨ ᠰᠠᠵᠢᠯᠠᠵᠤ᠂ ᠬᠥᠳᠡᠯᠦᠯ ᠪᠠᠷᠢᠯ᠎ᠨᠢ ᠬᠦᠴᠦᠲᠡᠢ᠂ ᠠᠢ᠌ᠵᠠᠮ ᠴᠣᠬᠢᠯᠭ᠎ᠠ᠎ᠨᠢ ᠢᠯᠭᠤᠮ ᠲᠣᠳᠣ ᠪᠥᠭᠡᠳ 10.5 ᠮᠧᠲᠷ᠎ᠤᠨ ᠬᠣᠩᠬᠣᠨ᠎ᠤ ᠡᠰᠢ ᠵᠢᠨ ᠥᠨᠳᠥᠷ᠎ᠲᠤ ᠬᠦᠷᠴᠦ᠂ ᠬᠣᠩᠬᠣ ᠵᠢ ᠳᠤᠤᠭ᠋ᠠᠷᠭ᠋ᠠᠬᠤ ᠠᠭᠱ᠌ᠠᠨ ᠵᠠᠭᠤᠷ᠎ᠠ ᠨᠢᠵᠢᠭᠢᠨᠡᠭᠰᠡᠨ ᠠᠯᠠᠭ᠎ᠠ ᠲᠡᠰᠢᠯᠲᠡ ᠵᠢᠨ ᠳᠠᠭᠤᠨ ᠪᠠ ᠤᠷᠠᠢ᠌ᠯᠠᠨ ᠬᠠᠰᠬᠢᠷᠬᠤ ᠳᠠᠭᠤᠨ ᠪᠦᠬᠦ ᠲᠠᠯᠠᠪᠠᠶ᠎ᠪᠠᠷ ᠳᠦᠭᠦᠷᠡᠯ᠎ᠡ᠃ ᠭᠢᠷᠢᠨ᠎ᠤ ᠠᠩᠭᠢ ᠵᠢᠨ ᠵᠣᠣ ᠢ ᠮᠧᠩ ᠠᠷᠪᠠᠨ ᠬᠣᠶᠠᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨ᠎ᠤ ᠪᠥᠬᠥ ᠤᠯᠤᠰ᠎ᠤᠨ ᠴᠥᠭᠡᠨ ᠲᠣᠭ᠋ᠠᠲᠤ ᠦᠨᠳᠦᠰᠦᠲᠡᠨ᠎ᠤ ᠤᠯᠠᠮᠵᠢᠯᠠᠯᠲᠤ ᠪᠡᠶ᠎ᠡ ᠵᠢᠨ ᠲᠠᠮᠢᠷ᠎ᠤᠨ ᠴᠤᠭᠯᠠᠭ᠋ᠠᠨ᠎ᠤ ᠳᠡᠭᠦᠵᠢᠩ ᠤᠷᠤᠯᠳᠤᠭ᠋ᠠᠨ᠎ᠤ ᠵᠦᠢ᠍ᠯ᠎ᠤᠨ 55 ᠺᠢᠯᠣᠭ᠌ᠷᠠᠮ᠎ᠤᠨ ᠲᠠᠰ᠎ᠤᠨ ᠭᠠᠭᠴᠠ ᠬᠥᠮᠥᠨ᠎ᠤ ᠤᠷᠤᠯᠳᠤᠭ᠋ᠠᠨ᠎ᠤ ᠨᠢᠭᠡᠳᠦᠭᠡᠷ ᠳᠡᠰ᠎ᠤᠨ ᠱᠠᠩᠨᠠᠯ᠎ᠢ ᠠᠮᠵᠢᠯᠲᠠᠲᠠᠢ ᠭᠥᠷᠳᠡᠪᠡ᠃
    ᠬᠤᠨᠠᠨ᠎ᠤ ᠠᠩᠭᠢ ᠵᠢᠨ ᠲᠠᠨ ᠸᠸᠨ ᠮᠧᠶ᠂ ᠾᠧᠪᠧᠢ ᠵᠢᠨ ᠠᠩᠭᠢ ᠵᠢᠨ ᠵᠠᠩ ᠺᠧ ᠮᠢᠩ᠂ ᠭᠢᠷᠢᠨ᠎ᠤ ᠠᠩᠭᠢ ᠵᠢᠨ ᠱᠧᠨ ᠹᠧᠢ ᠲᠣᠰ ᠲᠣᠰ ᠬᠣᠶᠠᠳᠤᠭ᠋ᠠᠷ ᠳᠡᠰ᠎ᠤᠨ ᠱᠠᠩᠨᠠᠯ ᠭᠥᠷᠳᠡᠪᠡ； ᠭᠢᠷᠢᠨ᠎ᠤ ᠠᠩᠭᠢ ᠵᠢᠨ ᠯᠢ ᠮᠧᠶ ᠵᠧᠨ᠂ ᠶᠦᠨᠨᠠᠨ᠎ᠤ ᠠᠩᠭᠢ ᠵᠢᠨ ᠪᠢ ᠶᠦᠩ ᠯᠢ᠂ ᠾᠧᠪᠧᠢ ᠵᠢᠨ ᠠᠩᠭᠢ ᠵᠢᠨ ᠵᠠᠩ ᠰᠢᠨ ᠪᠥᠸᠧ᠂ ᠵᠢᠶᠠᠩᠰᠤ ᠵᠢᠨ ᠠᠩᠭᠢ ᠵᠢᠨ ᠯᠢᠦ ᠴᠧᠩ ᠮᠧᠶ᠎ᠨᠢ ᠭᠤᠷᠪᠠᠳᠤᠭ᠋ᠠᠷ ᠳᠡᠰ᠎ᠤᠨ ᠱᠠᠩᠨᠠᠯ ᠭᠥᠷᠳᠡᠪᠡ᠃

    ᠳᠡᠭᠦᠵᠢᠩ ᠭᠡᠳᠡᠭ ᠡᠨᠡ ᠬᠦ᠌ ᠡᠷᠲᠡᠨ᠎ᠤ ᠤᠯᠠᠮᠵᠢᠯᠠᠯ᠎ᠲᠠᠢ ᠪᠥᠭᠡᠳ ᠡᠯᠪᠡᠭ ᠪᠠᠶᠠᠯᠢᠭ ᠰᠣᠶᠣᠯ᠎ᠤᠨ ᠠᠭᠤᠯᠤᠭᠳᠠᠬᠤᠨ᠎ᠲᠠᠢ ᠦᠨᠳᠦᠰᠦᠲᠡᠨ᠎ᠤ ᠤᠯᠠᠮᠵᠢᠯᠠᠯᠲᠤ ᠪᠡᠶ᠎ᠡ ᠵᠢᠨ ᠲᠠᠮᠢᠷ᠎ᠤᠨ ᠵᠦᠢ᠍ᠯ᠎ᠨᠢ ᠤᠯᠠᠮᠵᠢᠯᠠᠯᠲᠤ ᠪᠡᠶ᠎ᠡ ᠲᠠᠮᠢᠷ᠎ᠤᠨ ᠬᠥᠳᠡᠯᠭᠡᠭᠡᠨ᠎ᠤ ᠬᠡᠯᠪᠡᠷᠢ᠎ᠪᠠᠨ ᠬᠠᠳᠠᠭ᠋ᠠᠯᠠᠭᠰᠠᠨ᠎ᠤ ᠰᠠᠭᠤᠷᠢᠨ ᠳᠡᠭᠡᠷ᠎ᠡ ᠲᠠᠰᠤᠷᠠᠯᠲᠠ ᠦᠭᠡᠢ ᠰᠢᠨ᠎ᠡ ᠠᠮᠢᠵᠢᠷᠠᠯ᠎ᠤᠨ ᠬᠦᠴᠦᠨ᠎ᠲᠠᠢ ᠪᠣᠯᠵᠤ᠂ ᠪᠡᠶ᠎ᠡ ᠴᠢᠭᠢᠷᠠᠭᠵᠢᠭᠤᠯᠤᠯ᠎ᠤᠨ ᠴᠢᠨᠠᠷ᠂ ᠥᠷᠢᠰᠦᠯᠳᠦᠭᠡᠨ᠎ᠤ ᠴᠢᠨᠠᠷ᠂ ᠵᠤᠭ᠎ᠠ ᠴᠡᠩᠭᠡᠯ᠎ᠤᠨ ᠴᠢᠨᠠᠷ ᠪᠠ ᠰᠣᠨᠢᠷᠬᠠᠯ᠎ᠤᠨ ᠴᠢᠨᠠᠷ ᠵᠶ᠋ᠠᠷ ᠴᠢᠩᠭ᠎ᠠ᠎ᠪᠠᠷ ᠵᠶ᠋ᠡᠨ ᠥᠷᠭᠡᠨ ᠲᠦᠮᠡᠨ᠎ᠤ ᠪᠠᠬᠠᠷᠬᠠᠯ᠎ᠢ ᠲᠠᠲᠠᠵᠤ ᠪᠠᠢ᠌ᠨ᠎ᠠ᠃