ᠸᠠᠩ ᠬᠣ᠌ ᠨᠢᠩ ᠼᠠᠢ ᠴᠢ ᠨᠢᠰᠭᠡᠯᠢᠶᠡᠷ ᠬᠠᠮᠳᠤ ᠬᠦᠷᠴᠠᠢ
ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠶᠢᠨ ᠶᠡᠷᠦᠩᠬᠡᠶ ᠱᠦᠵᠢ᠂ ᠤᠯᠤᠰᠤᠨ ᠲᠡᠷᠢᠭᠦᠯᠡᠭ᠌ᠴᠢ᠂ ᠲᠥᠪᠦᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠶᠢᠨ ᠲᠡᠷᠢᠭᠦᠯᠡᠭ᠌ᠴᠢ ᠰᠢᠵᠢᠨᠫᠢᠩ ᠲᠥᠪᠦᠨ ᠲᠥᠯᠥᠭᠡᠯᠡᠭ᠌ᠴᠢᠳᠦᠨ ᠪᠦᠯᠬᠦᠮᠢ ᠳᠠᠭᠠᠭᠤᠯᠤᠨ 23 ᠤ᠋ ᠦᠳᠡᠶ᠋ᠢᠨ ᠬᠣᠢᠨᠠ ᠲᠤᠰᠭᠠᠶ ᠨᠢᠰᠭᠡᠯᠢᠶᠡᠷ ᠦᠷᠦᠮᠴᠢᠳᠦ ᠬᠦᠷᠴᠦ᠍᠂ ᠱᠢᠨᠵᠢᠶᠠᠩᠤᠨ ᠤᠢᠭᠤᠷᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ 70 ᠵᠢᠯᠦᠨ ᠣᠶᠶ᠋ᠢ ᠪᠡᠯᠭᠡᠯᠡᠬᠦ᠌ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠬᠤ ᠪᠤᠯᠤᠨᠠ᠃ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠶᠢᠨ ᠶᠡᠷᠦᠩᠬᠡᠢ ᠱᠦᠵᠢ᠂ ᠤᠯᠤᠰᠤᠨ ᠲᠡᠷᠢᠭᠦᠯᠡᠭ᠌ᠴᠢ᠂ ᠲᠥᠪᠦᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠶᠢᠨ ᠲᠡᠷᠢᠭᠦᠯᠡᠭ᠌ᠴᠢᠶᠢᠨ ᠬᠤᠪᠢᠪᠡᠷ ᠰᠢᠵᠢᠨᠫᠢᠩ ᠲᠥᠪᠦᠨ ᠲᠥᠯᠥᠭᠡᠯᠡᠭ᠌ᠴᠢᠳᠦᠨ ᠪᠦᠯᠬᠦᠮᠢ ᠳᠠᠭᠠᠭᠤᠯᠤᠨ ᠱᠢᠨᠵᠢᠶᠠᠩᠳᠤ ᠬᠦᠷᠴᠦ᠍ ᠱᠢᠨᠵᠢᠶᠠᠩᠤᠨ ᠤᠢᠭᠤᠷᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠢ ᠪᠡᠯᠭᠡᠯᠡᠬᠦ᠌ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠵᠤ ᠪᠠᠢᠭᠠ ᠶᠠᠪᠤᠳᠠᠯ ᠨᠢ ᠨᠠᠮ ᠪᠠ ᠲᠦᠷᠦᠶᠢᠨ ᠲᠡᠦᠬᠡᠨ ᠳᠡᠭᠡᠷᠡ ᠠᠩᠬᠠ ᠤᠳᠠᠭᠠ ᠪᠠᠢᠵᠦ᠂ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠡᠴᠡ ᠱᠢᠨᠵᠢᠶᠠᠩᠤᠨ ᠠᠵᠢᠯᠢ ᠳᠡᠭᠡᠳᠦ ᠬᠡᠮᠵᠢᠶᠡᠪᠡᠷ ᠴᠢᠬᠤᠯᠠᠴᠢᠯᠠᠵᠤ᠂ ᠱᠢᠨᠵᠢᠶᠠᠩᠤᠨ ᠦᠨᠳᠦᠰᠦᠲᠡᠨ ᠨᠦᠭᠦᠳᠦᠨ ᠺᠠᠳ᠋ᠷ ᠤᠯᠠᠨ ᠲᠦᠮᠡᠨᠢ ᠳᠣᠲᠣᠨᠣᠪᠠᠷ ᠬᠠᠯᠠᠮᠵᠢᠯᠠᠵᠤ ᠪᠠᠢᠬᠤᠶ᠋ᠢ ᠭᠦᠢᠴᠡᠳ ᠢᠯᠡᠷᠡᠬᠦᠯᠪᠠ᠃
9 ᠰᠠᠷᠠᠶᠢᠨ 23 ᠤ᠋ ᠦᠳᠡᠶᠢᠨ ᠬᠤᠢᠨᠠ᠂ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠶᠢᠨ ᠶᠡᠷᠦᠩᠬᠡᠶ ᠱᠦᠵᠢ᠂ ᠤᠯᠤᠰᠤᠨ ᠲᠡᠷᠢᠭᠦᠯᠡᠭ᠌ᠴᠢ᠂ ᠲᠥᠪᠦᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠶᠢᠨ ᠲᠡᠷᠢᠭᠦᠯᠡᠭ᠌ᠴᠢ ᠰᠢᠵᠢᠨᠫᠢᠩ ᠲᠥᠪᠦᠨ ᠲᠥᠯᠥᠭᠡᠯᠡᠭ᠌ᠴᠢᠳᠦᠨ ᠪᠦᠯᠬᠦᠮᠢ ᠳᠠᠭᠠᠭᠤᠯᠤᠨ ᠲᠤᠰᠭᠠᠶ ᠨᠢᠰᠭᠡᠯᠢᠶᠡᠷ ᠦᠷᠦᠮᠴᠢᠳᠦ ᠬᠦᠷᠴᠦ᠍᠂ ᠱᠢᠨᠵᠢᠶᠠᠩᠤᠨ ᠤᠢᠭᠤᠷᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ 70 ᠵᠢᠯᠦᠨ ᠣᠶᠶᠢ ᠪᠡᠯᠭᠡᠯᠡᠬᠦ᠌ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠬᠤ ᠪᠤᠯᠤᠨᠠ᠃ ᠵᠢᠷᠤᠭ ᠪᠤᠯ ᠰᠢᠵᠢᠨᠫᠢᠩ ᠤᠭᠲᠤᠬᠤ ᠪᠡᠷ ᠢᠷᠡᠭᠰᠡᠨ ᠤᠯᠠᠨᠤ ᠵᠦᠭ ᠭᠠᠷ ᠳᠠᠯᠠᠯᠤᠨ ᠮᠠᠨᠳᠤᠴᠢᠯᠠᠵᠦ ᠪᠠᠢᠭᠠ ᠨᠢ᠃
ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠶᠢᠨ ᠤᠯᠤᠰ ᠲᠦᠷᠦ᠍ᠶ᠋ᠢᠨ ᠲᠣᠪᠴᠢᠶᠠᠨᠤ ᠪᠠᠢᠩᠭᠤᠶ᠋ᠢᠨ ᠭᠡᠱᠢᠭᠦᠨ᠂ ᠪᠦᠬᠦ᠌ ᠤᠯᠤᠰᠤᠨ ᠤᠯᠤᠰ ᠲᠦᠷᠦ᠍ᠶᠢᠨ ᠵᠥᠪᠯᠡᠯᠭᠡᠨ ᠦ ᠲᠡᠷᠢᠭᠦᠯᠡᠭ᠌ᠴᠢ᠂ ᠲᠥᠪᠦᠨ ᠲᠥᠯᠥᠭᠡᠯᠡᠭ᠌ᠴᠢᠳᠦᠨ ᠪᠦᠯᠬᠦᠮᠦᠨ ᠳᠠᠷᠤᠭᠠ ᠸᠠᠩ ᠬ᠍ᠤ ᠨᠢᠩ᠂ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠶᠢᠨ ᠤᠯᠤᠰ ᠲᠦᠷᠦ᠍ᠶ᠋ᠢᠨ ᠲᠣᠪᠴᠢᠶᠠᠨᠤ ᠪᠠᠢᠩᠭᠤᠶᠢᠨ ᠭᠡᠱᠢᠭᠦᠨ᠂ ᠨᠠᠮᠤᠨ ᠲᠥᠪ ᠬᠤᠷᠢᠶᠠ ᠵᠢᠨ ᠠᠯᠪᠠᠨ ᠲᠢᠩᠬᠢᠮᠦᠨ ᠡᠷᠬᠢᠯᠡᠭ᠌ᠴᠢ ᠼᠠᠢ ᠴᠢ ᠨᠢᠰᠭᠡᠯ ᠵᠢᠡᠷ ᠬᠠᠮᠲᠤ ᠬᠦᠷᠪᠡ᠃
ᠠᠯᠲᠠᠨ ᠨᠠᠮᠤᠷᠤᠨ ᠤᠯᠠᠷᠢᠯᠳᠤ ᠱᠢᠨᠵᠢᠶᠠᠩᠤᠨ ᠡᠬᠡ ᠭᠠᠵᠠᠷᠲᠤ ᠡᠯᠪᠡᠭ ᠬᠤᠷᠢᠶᠠᠯᠲᠠᠶ᠋ᠢᠨ ᠪᠠᠶᠠᠷ ᠪᠠᠬᠠᠳᠤᠯᠢᠶᠠᠷ ᠪᠢᠯᠬᠠᠨᠠ᠃ ᠦᠷᠦᠮᠴᠢᠶ᠋ᠢᠨ ᠲᠩᠷᠢ ᠠᠭᠤᠯᠠ ᠣᠯᠠᠨ ᠤᠯᠤᠰᠤᠨ ᠨᠢᠰᠭᠡᠯᠦᠨ ᠪᠠᠭᠤᠳᠠᠯᠳ᠋ᠤ ᠬᠡᠩᠭᠡᠷᠭᠡ ᠨᠢᠵᠢᠭᠢᠨᠡᠵᠦ᠍᠂ ᠬᠥᠷ ᠬᠥᠭ᠌ᠵᠢᠶᠡᠨᠢᠶᠡᠷ ᠪᠢᠯᠬᠠᠨᠠ᠃
14 ᠴᠠᠭ 20 ᠮᠢᠨᠦ᠋ᠲᠦᠨ ᠦᠶᠡᠪᠡᠷ᠂ ᠰᠢᠵᠢᠨᠫᠢᠩᠦᠨ ᠰᠠᠭᠤᠭ᠍ᠰᠠᠨ ᠲᠤᠰᠭᠠᠢ ᠨᠢᠰᠭᠡᠯ ᠲᠩᠷᠢ ᠠᠭᠤᠯᠠ ᠤᠯᠠᠨ ᠤᠯᠤᠰᠤᠨ ᠨᠢᠰᠭᠡᠯᠦᠨ ᠪᠠᠭᠤᠳᠠᠯᠳᠤ ᠭᠠᠵᠠᠷᠳᠠᠪᠠ᠃ ᠨᠢᠰᠭᠡᠯᠦᠨ ᠵᠣᠭ᠍ᠰᠣᠭᠠᠯ ᠳᠡᠭᠡᠷᠡ ᠬᠦᠯᠢᠶᠡᠵᠦ᠍ ᠪᠠᠢᠭ᠍ᠰᠠᠨ ᠱᠢᠨᠵᠢᠶᠠᠩᠤᠨ ᠡᠯᠡ ᠦᠨᠳᠦᠰᠦᠲᠡᠨ ᠡᠯᠡ ᠡᠲᠡᠭᠡᠳᠦᠨ ᠤᠯᠠᠨ ᠲᠦᠮᠡᠨ ᠪᠠᠶᠠᠷᠯᠠᠯᠳᠤᠨ ᠤᠤᠬᠠᠢᠯᠠᠯᠳᠤᠵᠤ ᠬᠠᠯᠠᠭᠤᠨ ᠵᠢᠡᠷ ᠤᠬᠳᠤᠪᠠ᠃ ᠰᠢᠵᠢᠨᠫᠢᠩ ᠨᠢᠰᠭᠡᠯᠦᠨ ᠦᠷᠦᠬᠡᠡᠴᠡ ᠭᠠᠷᠴᠤ᠌ ᠤᠯᠠᠨ ᠲᠦᠮᠡᠨᠦ ᠵᠦᠭ ᠭᠠᠷ ᠳᠠᠯᠠᠯᠤᠨ ᠮᠡᠨᠳᠦᠴᠢᠯᠡᠯ ᠳᠡᠪᠱᠢᠭᠦᠯᠪᠡ᠃
ᠱᠢᠨᠵᠢᠶᠠᠩᠤᠨ ᠤᠢᠭᠤᠷᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠨᠠᠮᠤᠨ ᠬᠣᠷᠢᠶᠠᠶᠢᠨ ᠱᠦᠵᠢ ᠴᠧᠨ ᠱᠢᠶᠤᠤ ᠵᠢᠶᠠᠩ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠲᠡᠷᠢᠭᠦᠯᠡᠭ᠌ᠴᠢ ᠠᠢ᠌ᠷᠺᠸᠨ · ᠲᠦᠨᠢᠶᠠᠽᠢ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠲᠥᠯᠥᠭᠡᠯᠡᠭ᠌ᠴᠢᠳᠦᠨ ᠶᠡᠬᠡ ᠬᠤᠷᠠᠯᠤᠨ ᠪᠠᠢᠩᠭᠤᠶᠢᠨ ᠬᠣᠷᠢᠶᠠᠶᠢᠨ ᠡᠷᠬᠢᠯᠡᠭ᠌ᠴᠢ ᠽᠦᠮᠦ᠋ᠷᠸᠲ · ᠦᠪᠦ᠋ᠯᠢ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠯᠤᠰ ᠲᠦᠷᠦ᠍ᠶᠢᠨ ᠵᠥᠪᠯᠡᠯᠭᠡᠨᠦ ᠲᠡᠷᠢᠭᠦᠯᠡᠭ᠌ᠴᠢ ᠨᠦᠷᠯᠠᠨ · ᠠᠪᠦ᠋ᠳᠦᠮᠠᠨᠵᠢᠨ᠂ ᠱᠢᠨᠵᠢᠶᠠᠩᠤᠨ ᠦᠢᠯᠡᠳᠪᠦᠷᠢᠯᠡᠯ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠪᠢᠩᠲ᠋ᠤᠸᠠᠨᠤ ᠺᠣᠮᠢᠰᠰᠠᠷ ᠾᠧ ᠵᠦᠩ ᠶᠢᠦ ᠨᠠᠷ ᠨᠢᠰᠭᠡᠯᠡᠴᠡ ᠪᠠᠭᠤᠬᠤ ᠱᠠᠲᠤᠨᠤ ᠳᠣᠣᠷᠠ ᠵᠤᠬᠰᠤᠨ ᠤᠭ᠍ᠲᠤᠪᠠ᠃ ᠰᠢᠵᠢᠨᠫᠢᠩ ᠨᠢᠰᠭᠡᠯᠦᠨ ᠱᠠᠲᠤᠨᠡᠴᠡ ᠪᠠᠭᠤᠵᠤ ᠢᠷᠡᠬᠦ ᠦᠶᠡᠳᠦ ᠪᠠᠭᠠᠴᠤᠳᠤᠨ ᠬᠣᠱᠢᠭᠤᠴᠢ ᠠᠩᠭᠢᠶ᠋ᠢᠨ ᠭᠡᠱᠢᠭᠦᠳ ᠰᠣᠷᠭᠣᠭ ᠴᠡᠴᠡᠭ ᠬᠦᠷᠭᠡᠪᠡ᠃ ᠦᠨᠳᠦᠰᠦᠲᠡᠨ ᠨᠦᠭᠦᠳᠦᠨ ᠤᠯᠠᠨ ᠲᠦᠮᠡᠨ ᠦᠨᠳᠦᠰᠦᠲᠡᠨᠦ ᠬᠤᠪᠴᠠᠰᠤ ᠵᠠᠰᠠᠯᠢᠶᠠᠷᠢᠶᠠᠨ ᠭᠤᠶᠤᠯᠠᠵᠤ᠂ ᠳᠠᠭᠤᠯᠠᠨ ᠪᠥᠵᠢᠭ᠌ᠯᠡᠵᠦ᠍᠂ ᠶᠡᠷᠦᠩᠬᠡᠢ ᠱᠦᠵᠢᠶ᠋ᠢᠨ ᠬᠦᠷᠴᠦ᠍ ᠢᠷᠡᠭ᠌ᠰᠡᠨᠢ ᠪᠠᠶᠠᠷᠯᠠᠨ ᠤᠭ᠍ᠲᠤᠵᠤ᠂ ᠶᠡᠷᠦᠩᠬᠡᠢ ᠱᠦᠵᠢᠳᠦ ᠴᠢᠩ ᠰᠡᠳᠭᠢᠯᠦᠨ ᠵᠥᠩᠨᠡᠯ ᠳᠡᠪᠱᠢᠭᠦᠯᠵᠦ᠍ ᠪᠠᠢᠬᠤᠪᠠᠨ ᠢᠯᠡᠳᠭᠡᠪᠡ᠃
ᠦᠷᠦᠮᠴᠢ ᠬᠣᠲᠠ ᠪᠠᠶᠠᠷᠤᠨ ᠡᠳᠦᠷᠦᠨ ᠠᠭᠤᠷ ᠠᠮᠢᠰᠭᠤᠯ ᠢᠶᠠᠷ ᠪᠢᠯᠬᠠᠨᠠ᠃ ᠨᠢᠰᠭᠡᠯᠦᠨ ᠪᠠᠭᠤᠳᠠᠯ ᠡᠴᠡ ᠰᠠᠭᠤᠬᠤ ᠭᠠᠵᠠᠷᠤᠨ ᠭᠣᠣᠯ ᠵᠡᠭᠡᠯᠢ ᠭᠤᠳᠤᠮᠵᠢ ᠬᠦᠷᠳᠡᠯᠠ ᠵᠡᠭᠡᠯᠢ ᠵᠢᠨ ᠬᠣᠶᠠᠷ ᠬᠠᠵᠠᠭᠤ ᠪᠡᠷ ᠴᠡᠴᠡᠭ ᠬᠤᠸᠠᠷ ᠮᠢᠷᠠᠯᠵᠠᠨ ᠳᠡᠯᠭᠡᠷᠡᠵᠦ᠍᠂ ᠥᠩᠭᠡᠲᠦ ᠲᠤᠭ ᠨᠠᠮᠢᠷᠠᠨ᠂ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠤᠯᠠᠨ ᠲᠦᠮᠡᠨ ᠭᠠᠷᠲᠠᠭᠠᠨ ᠤᠯᠠᠭᠠᠨ ᠲᠤᠭ ᠠᠳᠭᠤᠵᠤ᠂ ᠬᠠᠮᠳᠤᠪᠠᠷ ᠪᠠᠶᠠᠷᠯᠠᠯᠳᠤᠨ ᠤᠤᠬᠠᠢᠯᠠᠯᠳᠤᠵᠤ᠂ ᠬᠠᠯᠠᠭᠤᠨᠢᠶᠠᠷ ᠤᠭ᠍ᠲᠤᠵᠤ ᠪᠠᠢᠬᠤ ᠪᠠ ᠲᠠᠯᠠᠷᠬᠠᠵᠤ ᠪᠠᠢᠬᠤ ᠰᠡᠳᠭᠢᠯᠭᠡᠪᠡᠨ ᠢᠯᠡᠳᠭᠡᠪᠡ᠃ ᠰᠢᠵᠢᠨᠫᠢᠩ ᠲᠡᠷᠭᠡᠨ ᠴᠤᠨᠭᠬᠤᠪᠠᠨ ᠨᠡᠭᠡᠭᠡᠵᠤ᠂ ᠵᠠᠮ ᠳᠠᠭᠠᠤᠶᠢᠨ ᠤᠯᠠᠨ ᠲᠦᠮᠡᠨᠦ ᠵᠦᠭ ᠲᠠᠬᠢᠨ ᠲᠠᠬᠢᠨ ᠭᠠᠷ ᠳᠠᠯᠠᠯᠤᠨ ᠲᠤᠳᠤᠨᠤᠪᠠᠷ ᠮᠡᠨᠳᠤᠴᠢᠯᠡᠪᠠ᠃
ᠲᠥᠪᠦᠨ ᠲᠥᠯᠥᠭᠡᠯᠡᠭ᠌ᠴᠢᠳᠦᠨ ᠪᠦᠯᠬᠦᠮᠦᠨ ᠳᠡᠳ᠋ ᠳᠠᠷᠤᠭᠠᠶ᠋ᠢᠨ ᠲᠤᠱᠢᠶᠠᠯᠢ ᠡᠭᠦᠷᠭᠡᠯᠡᠵᠦ᠍ ᠪᠠᠢᠭᠠ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠶᠢᠨ ᠤᠯᠤᠰ ᠲᠦᠷᠦ᠍ᠶ᠋ᠢᠨ ᠲᠣᠪᠴᠢᠶᠠᠨᠤ ᠭᠡᠱᠢᠭᠦᠨ᠂ ᠲᠥᠪᠦᠨ ᠨᠢᠭᠡᠳᠦᠮᠡᠯ ᠹᠷᠣᠨᠲᠤᠨ ᠬᠡᠯᠲᠡᠰᠦᠨ ᠳᠠᠷᠤᠭᠠ ᠯᠢ ᠭᠠᠨ ᠵᠢᠶ᠍ᠸ᠂ ᠪᠦᠬᠦ᠌ ᠤᠯᠤᠰᠤᠨ ᠠᠷᠠᠳᠤᠨ ᠲᠥᠯᠥᠭᠡᠯᠡᠭ᠌ᠴᠢᠳᠦᠨ ᠶᠡᠬᠡ ᠬᠤᠷᠠᠯᠤᠨ ᠪᠠᠢᠩᠭᠤᠶᠢᠨ ᠬᠣᠷᠢᠶᠠᠶᠢᠨ ᠳᠡᠳ᠋ ᠬᠤᠷᠢᠶᠠᠨ ᠳᠠᠷᠤᠭᠠ ᠱᠢᠤᠸᠠᠢ᠌ᠺᠸᠯᠠᠢ᠌ᠲ · ᠵᠠᠺᠸᠯ᠂ ᠲᠦᠷᠦ᠍ᠶ᠋ᠢᠨ ᠶᠠᠪᠤᠳᠠᠯᠤᠨ ᠭᠡᠱᠢᠭᠦᠨ ᠱᠸᠨ ᠢ ᠴᠢᠨ᠂ ᠪᠦᠬᠦ᠌ ᠤᠯᠤᠰᠤᠨ ᠤᠯᠤᠰ ᠲᠦᠷᠦ᠍ᠶᠢᠨ ᠵᠥᠪᠯᠡᠯᠭᠡᠨᠦ ᠳᠡᠳ᠋ ᠲᠡᠷᠢᠭᠦᠯᠡᠭ᠌ᠴᠢ ᠸᠠᠩ ᠳ᠋ᠦᠩ ᠹᠸᠩ᠂ ᠲᠥᠪᠦᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠶᠢᠨ ᠭᠡᠱᠢᠭᠦᠨ ᠯᠢᠦ ᠵᠧᠨ ᠯᠢ᠂ ᠪᠠᠷᠠ ᠪᠤᠯᠵᠤ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠬᠤ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠶᠢᠨ ᠤᠯᠤᠰ ᠲᠦᠷᠦ᠍ᠶ᠋ᠢᠨ ᠲᠣᠪᠴᠢᠶᠠᠨᠤ ᠭᠡᠱᠢᠭᠦᠨ᠂ ᠲᠦᠷᠦ᠍ᠶ᠋ᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠶᠢᠨ ᠳᠡᠳ᠋ ᠶᠡᠷᠦᠩᠬᠡᠢ ᠰᠠᠢᠳ ᠾᠧ ᠯᠢ ᠹᠸᠩ᠂ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠶᠢᠨ ᠱᠦᠵᠢᠨᠡᠷᠦᠨ ᠭᠠᠵᠠᠷᠤᠨ ᠱᠦᠵᠢ᠂ ᠲᠦᠷᠦ᠍ᠶ᠋ᠢᠨ ᠶᠠᠪᠤᠳᠠᠯᠤᠨ ᠭᠡᠱᠢᠭᠦᠨ ᠸᠠᠩ ᠱᠢᠶᠤᠤ ᠬᠣᠩᠨᠠᠷ ᠨᠢᠰᠭᠡᠯᠢᠶᠡᠷ ᠬᠠᠮᠲᠤ ᠬᠦᠷᠪᠡ᠃
ᠲᠥᠪᠦᠨ ᠲᠥᠯᠥᠭᠡᠯᠡᠭ᠌ᠴᠢᠳᠦᠨ ᠪᠦᠯᠬᠦᠮᠦᠨ ᠪᠦᠷᠢᠯᠳᠦᠬᠦᠨ ᠨᠠᠷ ᠬᠠᠮᠳᠤ ᠪᠡᠷ ᠬᠦᠷᠪᠡ᠂ ᠪᠦᠷᠢᠯᠳᠦᠬᠦᠨᠳᠦ ᠲᠥᠪᠦᠨ ᠪᠠ ᠲᠦᠷᠦ᠍ᠶᠢᠨ ᠪᠠᠢᠭᠤᠯᠭᠠᠶ᠋ᠢᠨ ᠬᠣᠯᠪᠣᠭ᠍ᠳᠠᠯ ᠪᠦᠬᠦᠢ ᠰᠠᠯᠠᠭᠠ ᠮᠥᠴᠢᠷ᠂ ᠴᠡᠷᠢᠭ ᠠᠩᠭᠢᠶᠢᠨ ᠬᠣᠯᠪᠣᠭ᠍ᠳᠠᠯ ᠪᠦᠬᠦᠢ ᠨᠢᠭᠡᠴᠢ᠂ ᠥᠪᠥᠷ ᠮᠣᠩᠭᠣᠯ᠂ ᠭᠤᠸᠠᠩᠰᠢ᠂ ᠲᠥᠪᠡᠳ᠂ ᠨᠢᠩᠱᠢᠶᠠ ᠵᠡᠷᠭᠡ 4 ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠪᠣᠯᠤᠨ ᠠᠵᠢᠯ ᠲᠦᠷᠦᠯᠢᠶᠡᠷ ᠱᠢᠨᠵᠢᠶᠠᠩᠢ ᠲᠤᠰᠠᠯᠠᠨ ᠲᠡᠮᠵᠢᠵᠤ ᠪᠠᠢᠭᠠ ᠬᠣᠯᠪᠣᠭ᠍ᠳᠠᠯ ᠪᠦᠬᠦᠢ ᠮᠤᠵᠢ ᠬᠤᠲᠠᠶ᠋ᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠨᠥᠬᠥᠳ ᠵᠡᠷᠭᠡ ᠪᠠᠭ᠍ᠲᠠᠨᠠ᠃
ᠱᠢᠨᠬᠤᠸᠠ ᠬᠣᠷᠢᠶᠠᠶᠢᠨ ᠦᠷᠦᠮᠴᠢᠶᠢᠨ 9 ᠰᠠᠷᠠᠶᠢᠨ 23 ᠤ᠋ ᠴᠠᠬᠢᠯᠭᠠᠨ ᠮᠡᠳᠡᠭᠡ