ᠬᠥᠮᠦᠨᠤ ᠶᠢᠷᠲᠢᠨᠴᠦ ᠵᠢᠨ ᠬᠠᠮᠤᠭᠤᠨ ᠦᠵᠡᠰᠭᠦᠯᠡᠩᠲᠦ ᠴᠠᠭ ᠳᠦᠷᠪᠡᠳᠦᠭᠡᠷ ᠰᠠᠷᠠ ᠪᠢᠯᠡ᠂ ᠬᠠᠪᠤᠷ ᠰᠠᠭ᠋ᠠᠲᠤᠨ ᠴᠡᠴᠡᠭ ᠳᠡᠯᠭᠡᠷᠡᠵᠦ᠂ ᠲᠦᠮᠡᠨ ᠪᠣᠳᠠᠰ ᠠᠮᠢᠯᠠᠨ ᠰᠡᠷᠭᠦᠵᠦ᠂ ᠶᠠᠭ ᠲᠤᠭᠤᠷᠤᠨ ᠴᠡᠴᠡᠭ᠂ ᠭᠦᠢ᠍ᠯᠡᠰᠦᠨ ᠴᠡᠴᠡᠭ᠂ ᠠᠯᠢᠮᠠ ᠵᠢᠨ ᠴᠡᠴᠡᠭ ᠪᠠᠳᠠᠷᠠᠨ ᠴᠡᠴᠡᠭᠯᠡᠵᠦ᠂ ᠪᠢᠯᠬᠠᠨ ᠲᠦᠭᠡᠭᠰᠡᠨ ᠠᠩᠬᠢᠯᠤᠮᠠ ᠦᠨᠦᠷᠨᠢ ᠬᠥᠮᠦᠨᠢ ᠰᠤᠭᠲᠤᠷᠠᠭᠤᠯᠤᠨᠠ᠃ ᠬᠠᠷᠢᠨ ᠣᠷᠳᠣᠰ ᠬᠣᠲᠠ ᠵᠢᠨ ᠨᠣᠮᠤᠨ ᠰᠠᠩᠳᠤ ᠦᠶᠡ ᠦᠶᠡᠬᠡᠨ ᠰᠡᠪᠡᠯᠵᠡᠬᠦ ᠪᠢᠴᠢᠭᠤᠨ ᠦᠨᠦᠷᠨᠢ ᠠᠳᠠᠯᠢᠬᠠᠨ ᠬᠥᠮᠦᠨᠤ ᠰᠡᠳᠬᠢᠯᠢ ᠲᠠᠲᠠᠨᠠ᠃
4 ᠳ᠋ᠤᠭᠡᠷ ᠰᠠᠷᠠ ᠵᠢᠨ 3ᠤ ᠡᠳᠦᠷᠤᠨ ᠥᠷᠯᠥᠭᠡ ᠵᠢᠨ 7 ᠴᠠᠭ ᠭᠠᠷᠤᠶᠳᠤ᠂ ᠣᠷᠳᠣᠰ ᠬᠣᠲᠠ ᠵᠢᠨ ᠨᠣᠮᠤᠨ ᠰᠠᠩᠤᠨ ᠡᠭᠦᠳᠡᠨ ᠡᠮᠦᠨᠡ ᠣᠷᠳᠣ ᠡᠩᠨᠡᠭᠡ ᠮᠥᠷᠯᠡᠵᠦ᠂ ᠬᠢᠵᠢᠭᠤᠨ ᠪᠠᠢ᠌ᠳᠠᠯᠢ ᠰᠡᠷᠭᠡᠢ᠌ᠯᠡᠨ ᠡᠵᠡᠮᠳᠡᠬᠦ ᠱᠠᠭ᠋ᠠᠷᠳᠠᠯᠭᠠ ᠶᠣᠰᠣᠭ᠋ᠠᠷ᠂ ᠠᠮᠠᠪᠴᠢ ᠵᠡᠭᠦᠬᠦ᠂ ᠨᠢᠭᠡ ᠮᠧᠲᠷᠤᠨ ᠱᠤᠭᠤᠮ᠂ ᠭᠤᠷᠪᠠᠨ ᠺᠣᠳ᠋ᠢ ᠪᠠᠢ᠌ᠴᠠᠭ᠋ᠠᠬᠤ᠂ ᠤᠩᠰᠢᠭᠴᠢ ᠵᠢᠨ ᠦᠨᠡᠮᠯᠡᠯᠢ ᠰᠢᠯᠭ᠋ᠠᠬᠤ᠂ ᠪᠡᠶᠡ ᠵᠢᠨ ᠬᠠᠯᠠᠭᠤᠨᠢ ᠬᠡᠮᠵᠢᠬᠦ᠂ ᠤᠷᠤᠰᠬᠠᠯᠢ ᠬᠢᠵᠠᠭ᠋ᠠᠷᠯᠠᠬᠤ ᠡᠯᠡ ᠭᠣᠭᠴᠣᠭᠠ ᠵᠢ ᠴᠢᠩᠭᠠ ᠡᠵᠡᠮᠳᠡᠨᠡ᠃ ᠡᠭᠦᠨᠤ ᠬᠠᠮᠲᠤ ᠨᠢᠭᠡ ᠮᠧᠲᠷᠤᠨ ᠱᠤᠭᠤᠮᠤᠨ ᠰᠡᠷᠭᠡᠢ᠌ᠯᠡᠨ ᠡᠵᠡᠮᠳᠡᠬᠦ ᠱᠠᠭ᠋ᠠᠷᠳᠠᠯᠭᠠ ᠵᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠨᠠᠢ᠌ᠳᠠᠪᠤᠷᠢᠵᠢᠭᠤᠯᠬᠤ ᠵᠢᠨ ᠲᠥᠯᠥᠭᠡ᠂ ᠬᠣᠲᠠ ᠵᠢᠨ ᠨᠣᠮᠤᠨ ᠰᠠᠩ ᠤᠩᠰᠢᠯᠭᠠ ᠵᠢᠨ ᠰᠠᠭᠤᠳᠠᠯᠢ ᠠᠯᠤᠰᠯᠠᠨ ᠰᠠᠭᠤᠬᠤᠪᠠᠷ ᠲᠣᠬᠢᠷᠠᠭᠤᠯᠪᠠ᠃ ᠦᠳᠡ ᠵᠢᠨ ᠡᠮᠦᠨᠡᠬᠢ 10 ᠴᠠᠭᠲᠤ ᠦᠪᠡᠰᠦᠪᠡᠨ ᠰᠤᠩᠭᠤᠬᠤ ᠨᠣᠮᠤᠨ ᠰᠠᠩ᠂ ᠪᠠᠭ᠋ᠠᠴᠤᠳᠤᠨ ᠤᠩᠰᠢᠯᠭᠠ ᠵᠢᠨ ᠬᠡᠯᠲᠡᠰ᠂ ᠬᠢᠲᠠᠳ ᠬᠡᠯᠡᠨᠤ ᠵᠢᠭᠡᠯᠡᠭᠡ ᠵᠢᠨ ᠬᠡᠯᠲᠡᠰ ᠵᠢᠴᠢ 5 ᠳ᠋ᠤᠭ᠋ᠠᠷ ᠳᠠᠪᠬᠤᠷᠭᠠ ᠵᠢᠨ ᠳᠠᠪᠲᠠᠯᠭᠠ ᠵᠢᠨ ᠭᠡᠷᠲᠤ ᠪᠠᠷᠤᠭ ᠬᠣᠭᠣᠰᠣᠨ ᠰᠠᠨᠳᠠᠯᠢ ᠦᠭᠡᠢ ᠪᠣᠯᠵᠠᠶ᠃ ᠰᠤᠷᠤᠭᠴᠢᠳ᠂ ᠠᠰᠫᠢᠷᠠᠨᠲ ᠰᠢᠯᠭ᠋ᠠᠭᠤᠯᠤᠭᠰᠠᠳ᠂ ᠠᠵᠢᠯᠳᠤ ᠭᠠᠷᠤᠭᠰᠠᠳ᠁ ᠵᠡᠷᠭᠡ ᠴᠥᠭᠡᠨ ᠪᠤᠰᠤ ᠵᠠᠯᠠᠭᠤᠴᠤᠳ ᠠᠮᠠᠷᠠᠯᠲᠠ ᠵᠢᠨ ᠬᠤᠭᠤᠴᠠᠭᠠᠪᠠᠨ ᠠᠰᠢᠭᠯᠠᠨ ᠡᠨᠳᠡ ᠥᠪᠡᠷᠤᠨ ᠪᠡᠶᠡ ᠲᠡᠭᠦᠯᠳᠡᠷᠵᠢᠭᠦᠯᠵᠦ ᠪᠠᠢ᠌ᠯᠠ᠃ ᠲᠣᠭᠠ ᠪᠠᠷᠢᠮᠲᠠ ᠵᠢᠨ ᠪᠦᠷᠢᠳᠬᠡᠭᠰᠡᠨ ᠵᠶ᠋ᠡᠷ ᠬᠠᠩᠰᠢ ᠵᠢᠨ ᠠᠮᠠᠷᠠᠯᠲᠠ ᠵᠢᠨ ᠠᠩᠬᠠᠨᠤ ᠡᠳᠦᠷ᠂ ᠬᠣᠲᠠ ᠵᠢᠨ ᠨᠣᠮᠤᠨ ᠰᠠᠩᠳᠤ ᠢᠷᠡᠭᠰᠡᠨ ᠬᠥᠮᠦᠨ ᠤᠳᠠᠭᠠ 2963 ᠪᠠᠢ᠌ᠵᠤ᠂ ᠵᠢᠭᠡᠯᠡᠨ ᠪᠤᠴᠠᠭ᠋ᠠᠭᠰᠠᠨ ᠨᠤᠮ 2548 ᠳᠡᠪᠲᠡᠷᠲᠤ ᠬᠦᠷᠴᠦ᠂ ᠵᠢᠭᠡᠯᠡᠨ ᠪᠤᠴᠠᠭ᠋ᠠᠭᠰᠠᠨ ᠲᠤᠭᠠ 779 ᠬᠥᠮᠦᠨ ᠤᠳᠠᠭᠠᠳᠤ ᠬᠦᠷᠴᠡᠢ᠃
ᠬᠢᠶᠠ ᠪᠠᠭᠰᠢ ᠲᠣᠭᠣᠷᠢᠭᠤᠨ ᠲᠤᠷᠰᠢᠯᠲᠠ ᠵᠢᠨ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠤᠭᠴᠢ ᠶᠢᠨ ᠽᠢ ᠬᠠᠨ᠄《ᠪᠠᠭᠠ ᠰᠤᠷᠭ᠋ᠠᠭᠤᠯᠢᠠᠴᠠᠪᠠᠨ ᠪᠢ ᠨᠣᠮᠤᠨ ᠰᠠᠩᠳᠤ ᠢᠷᠡᠬᠦ ᠶᠡᠬᠡ ᠳᠤᠷᠠᠲᠠᠶ᠂ ᠤᠴᠢᠷᠨᠢ ᠡᠨᠳᠡ ᠮᠠᠰᠢ ᠣᠯᠠᠨ ᠨᠣᠮ ᠪᠢᠴᠢᠭᠢ ᠤᠩᠰᠢᠵᠤ ᠪᠣᠯᠤᠨᠠ᠂ ᠦᠪᠡᠰᠦᠪᠡᠨ ᠰᠤᠩᠭᠤᠬᠤ ᠨᠣᠮᠤᠨ ᠰᠠᠩᠤᠨ ᠰᠤᠷᠤᠯᠴᠠᠬᠤ ᠠᠭᠤᠷ ᠠᠮᠢᠰᠬᠤᠯ ᠴᠤ᠌ ᠮᠠᠰᠢ ᠰᠠᠢ᠌ᠨ᠂ ᠣᠯᠠᠨ ᠵᠶ᠋ᠠᠷ ᠵᠶ᠋ᠠᠨ ᠨᠠᠮ ᠵᠢᠮ ᠰᠤᠷᠤᠯᠴᠠᠵᠤ᠂ ᠬᠠᠷᠢᠯᠴᠠᠨ ᠬᠠᠷᠰᠢᠯᠠᠬᠤ ᠥᠬᠡᠶ᠃ ᠡᠨᠳᠡᠬᠢ ᠰᠤᠷᠤᠯᠭᠠ ᠵᠢᠨ ᠦᠷᠡ ᠪᠦᠲᠦᠮᠵᠢ ᠪᠠᠰᠠ ᠮᠠᠰᠢ ᠥᠨᠳᠥᠷ᠂ ᠭᠠᠷᠠᠭᠤᠨ ᠰᠡᠭᠦᠯᠴᠢ ᠪᠣᠯᠬᠤ ᠪᠦᠷᠢ ᠪᠢ ᠬᠠᠮᠲᠤ ᠰᠤᠷᠤᠯᠭ᠋ᠠᠲᠠᠨ ᠵᠶ᠋ᠠᠨ ᠪᠣᠯᠵᠣᠵᠤ ᠡᠨᠳᠡ ᠪᠠᠶᠠᠷ ᠬᠥᠷᠲᠠᠢ ᠰᠤᠷᠤᠯᠴᠠᠬᠤ ᠴᠠᠭ ᠮᠥᠴᠡ ᠵᠢ ᠥᠩᠭᠡᠷᠡᠭᠡᠨᠡ》ᠭᠡᠵᠦ ᠬᠡᠯᠡᠨᠡ᠃ ᠤᠩᠰᠢᠭᠴᠢᠳᠤᠨ ᠬᠡᠷᠡᠭᠴᠡᠭᠡ ᠵᠢ ᠬᠠᠩᠭ᠋ᠠᠬᠤ ᠵᠢᠨ ᠲᠥᠯᠥᠭᠡ ᠣᠷᠳᠣᠰ ᠬᠣᠲᠠ ᠵᠢᠨ ᠨᠣᠮᠤᠨ ᠰᠠᠩ ᠪᠠᠶᠠᠷ ᠳᠤᠷᠠᠰᠬᠠᠯᠤᠨ ᠡᠳᠦᠷ ᠬᠡᠪᠤᠨ ᠶᠣᠰᠣᠭ᠋ᠠᠷ ᠨᠡᠭᠡᠭᠡᠬᠦ ᠵᠢ ᠪᠠᠷᠢᠮᠲᠠᠯᠠᠭᠰᠠᠭ᠋ᠠᠷ ᠢᠷᠡᠵᠡᠶ᠂ ᠠᠵᠢᠯᠲᠠᠳ ᠬᠢᠵᠢᠭᠤᠨ ᠪᠠᠢ᠌ᠳᠠᠯᠢ ᠰᠡᠷᠭᠡᠢ᠌ᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠢ ᠰᠠᠢ᠌ᠲᠤᠷ ᠬᠢᠬᠦ ᠵᠢᠨ ᠬᠠᠮᠲᠤ ᠤᠩᠰᠢᠭᠴᠢᠳᠲᠤ ᠴᠢᠨᠠᠷ ᠰᠠᠢ᠌ᠲᠠᠶ ᠣᠯᠠᠨ ᠨᠡᠢ᠌ᠲᠡ ᠵᠢᠨ ᠰᠣᠶᠣᠯᠤᠨ ᠦᠢᠯᠡᠴᠢᠯᠡᠭᠡ ᠬᠠᠩᠭ᠋ᠠᠵᠤ᠂ ᠬᠣᠲᠠ ᠵᠢᠨ ᠠᠷᠠᠳᠤᠨ ᠡᠯᠡ ᠵᠦᠢᠯᠤᠨ ᠤᠩᠰᠢᠯᠭᠠ ᠵᠢᠨ ᠬᠡᠷᠡᠭᠴᠡᠭᠡ ᠵᠢ ᠬᠠᠩᠭ᠋ᠠᠵᠤ ᠪᠠᠢ᠌ᠨᠠ᠃ ᠪᠢᠳᠡ ᠬᠠᠮᠲᠤᠪᠠᠷ ᠳᠡᠯᠭᠡᠷᠡᠬᠦ ᠬᠠᠪᠤᠷᠤᠨ ᠪᠠᠳᠠᠷᠠᠯᠲᠤ ᠤᠯᠠᠷᠢᠯᠳᠤ ᠢᠯᠡᠭᠦᠬᠡᠨ ᠨᠣᠮ ᠤᠩᠰᠢᠵᠤ᠂ ᠣᠷᠳᠣᠰᠤᠨ ᠪᠢᠴᠢᠭᠤᠨ ᠦᠨᠦᠷᠢ ᠦᠢ ᠲᠦᠮᠡᠨᠳᠤ ᠲᠦᠭᠡᠭᠡᠶᠡ᠃