（ᠰᠤᠷᠪᠤᠯᠵᠢᠯᠠᠭᠴᠢ ᠯᠢᠦᠢ ᠬᠤᠢ ᠱᠧᠩ） ᠣᠶ᠋ᠢᠷᠠ ᠵᠢᠨ ᠡᠳᠦᠷ᠂ 《ᠨᠠᠢ᠍ᠮᠠᠨ ᠰᠠᠷᠠᠪᠠᠷ ᠰᠡᠳᠬᠢᠯ ᠲᠡᠷᠭᠡᠯᠰᠢᠨ᠂ ᠤᠯᠤᠰ ᠳᠠᠶᠠᠭ᠋ᠠᠷ ᠨᠠᠶ᠋ᠢᠷᠯᠠᠨ ᠴᠤᠭᠯᠠᠷᠠᠨᠠ》 — 2024 ᠣᠨᠤ ᠬᠥᠬᠡᠬᠤᠲᠠ ᠵᠢᠨ 《ᠮᠠᠨᠤ ᠪᠠᠶᠠᠷᠤᠨ ᠡᠳᠦᠷ · ᠨᠠᠢ᠍ᠮᠠᠨ ᠰᠠᠷᠠ ᠵᠢᠨ ᠲᠡᠷᠭᠡᠯ ᠪᠠᠶᠠᠷ》ᠤᠨ ᠭᠤᠣᠯ ᠰᠡᠳᠦᠪᠲᠦ ᠠᠵᠢᠯᠯᠠᠭᠠ ᠢᠦᠢ ᠴᠢᠤᠸᠠᠨ ᠲᠣᠭᠤᠷᠢᠭᠲᠤ ᠶᠠᠪᠤᠭᠳᠠᠪᠠ᠃ ᠲᠣᠰ ᠤᠳᠠᠭ᠋ᠠᠨᠤ ᠠᠵᠢᠯᠯᠠᠭᠠ ᠵᠢ ᠬᠤᠲᠠ ᠵᠢᠨ ᠨᠠᠮᠤᠨ ᠬᠤᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠲᠡᠰ᠂ ᠬᠤᠲᠠ ᠵᠢᠨ ᠣᠶᠤᠨᠤ ᠪᠣᠯᠪᠠᠰᠤᠨᠤ ᠪᠠᠶ᠋ᠢᠭᠤᠯᠤᠯᠲᠠ ᠵᠢᠨ ᠠᠯᠪᠠᠨ ᠭᠡᠷᠠᠴᠠ ᠭᠤᠤᠯᠯᠠᠨ ᠡᠷᠬᠢᠯᠡᠵᠦ᠂ ᠬᠤᠲᠠ ᠵᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠪᠡᠯᠡ ᠣᠷᠣᠭᠤᠯᠤᠯᠲᠠ ᠵᠢᠨ ᠪᠦᠯᠦᠭᠯᠡᠯ᠂ ᠢᠦᠢ ᠴᠢᠤᠸᠠᠨ ᠲᠣᠭᠤᠷᠢᠭᠤᠨ ᠨᠠᠮᠤᠨ ᠬᠤᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠲᠡᠰ᠂ ᠢᠦᠢ ᠴᠢᠤᠸᠠᠨ ᠲᠣᠭᠤᠷᠢᠭᠤᠨ ᠣᠶᠤᠨᠤ ᠪᠣᠯᠪᠠᠰᠤᠨᠤ ᠠᠯᠪᠠᠨ ᠭᠡᠷ ᠳᠠᠭ᠋ᠠᠭ᠋ᠠᠴᠢᠯᠠᠨ ᠡᠷᠬᠢᠯᠡᠪᠡ᠃ ᠠᠵᠢᠯᠯᠠᠭᠠᠳᠤ᠂ ᠨᠠᠶ᠋ᠢᠷᠠᠯ ᠬᠥᠭᠵᠢᠮ 《ᠴᠡᠴᠡᠭᠡᠰ ᠰᠠᠶ᠋ᠢᠬᠠᠨ ᠰᠠᠷᠠᠨ ᠲᠡᠷᠭᠡᠯ》᠂ ᠪᠥᠵᠢᠭ 《ᠴᠠᠩ ᠧ ᠰᠠᠷᠠᠨᠳᠤ ᠳᠡᠭᠦᠯᠢᠭᠰᠡᠨᠨᠢ》᠂ ᠳᠠᠭᠤᠤ 《ᠠᠮᠤᠭᠤᠯᠠᠩ ᠲᠠᠶ᠋ᠢᠪᠤᠩ》᠂ ᠣᠬᠤᠷ ᠵᠦᠴᠦᠭᠡ 《ᠲᠡᠷᠭᠡᠯ ᠰᠠᠷᠠᠨᠠ ᠵᠢᠷᠭ᠋ᠠᠬᠤ》 ᠵᠡᠷᠭᠡ ᠲᠣᠭᠯᠠᠯᠲᠠᠨᠢ ᠦᠵᠡᠭᠴᠢᠳᠤᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯᠢ ᠣᠯᠵᠤ᠂ ᠤᠷᠠᠯᠢᠭᠴᠢᠳ ᠨᠠᠢ᠍ᠮᠠᠨ ᠰᠠᠷᠠ ᠵᠢᠨ ᠲᠡᠷᠭᠡᠯ ᠪᠠᠶᠠᠷ ᠵᠶ᠋ᠠᠷ ᠰᠡᠳᠦᠪᠯᠡᠵᠦ ᠵᠣᠬᠢᠶᠠᠭᠰᠠᠨ ᠤᠷᠠᠨ ᠪᠢᠴᠢᠯᠭᠡ ᠬᠢᠭᠡᠳ ᠴᠠᠭ᠋ᠠᠰᠤᠨ ᠬᠠᠶ᠋ᠢᠴᠢᠯᠠᠮᠠᠯᠤᠨ ᠪᠦᠲᠦᠭᠡᠯ ᠵᠶ᠋ᠠᠨ ᠣᠯᠠᠨᠠ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠲᠡᠨᠤ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠤᠨ ᠷᠢᠳᠢ ᠰᠢᠳᠢ ᠵᠢ ᠭᠠᠶ᠋ᠢᠬᠠᠭᠤᠯᠪᠠ᠃ ᠡᠭᠦᠨᠠᠴᠠ ᠭᠠᠳᠠᠨᠠ᠂ ᠠᠵᠢᠯᠯᠠᠭᠠ ᠵᠢᠨ ᠲᠤᠬᠠᠢ ᠵᠢᠨ ᠲᠠᠯᠠᠪᠠᠢᠳᠤ ᠬᠥᠬᠡᠬᠤᠲᠠ ᠵᠢᠨ ᠡᠯᠡ ᠠᠵᠢᠯ ᠲᠦᠷᠦᠯᠤᠨ ᠶᠣᠰᠣ ᠰᠤᠷᠲᠠᠬᠤᠨᠤ ᠵᠢᠱ᠌ᠢᠶᠡᠴᠢ᠂ ᠳᠡᠷᠭᠡᠳᠡᠬᠢ ᠰᠠᠶ᠋ᠢᠨ ᠬᠥᠮᠦᠨ᠂ ᠪᠣᠯᠪᠠᠰᠤᠨ ᠭᠡᠷ ᠪᠦᠯᠢ ᠪᠣᠯᠤᠨ ᠦᠨᠳᠦᠰᠦᠨ ᠱᠠᠲᠤᠨᠤ ᠤᠶᠤᠨᠤ ᠪᠣᠯᠪᠠᠰᠤᠨᠤ ᠪᠠᠶ᠋ᠢᠭᠤᠯᠤᠯᠲᠠ ᠵᠢᠨ ᠲᠡᠷᠢᠭᠦᠨᠤ ᠠᠵᠢᠯᠳᠠᠨ ᠨᠠᠷᠢ ᠤᠷᠢᠵᠤ᠂ ᠪᠠᠶᠠᠷᠤᠨ ᠡᠳᠦᠷᠤᠨ ᠵᠥᠩᠨᠡᠯ ᠳᠡᠪᠰᠢᠭᠦᠯᠵᠦ᠂ ᠲᠡᠷᠢᠭᠦᠨᠤ ᠨᠡᠶ᠋ᠢᠲᠡᠯᠢᠭ ᠵᠢᠱ᠌ᠢᠶᠡᠴᠢ ᠵᠢ ᠶᠤᠰᠤᠴᠢᠯᠠᠨ ᠰᠤᠷᠲᠠᠯᠴᠢᠯᠠᠬᠤᠪᠠᠷ ᠳᠠᠮᠵᠢᠨ᠂ ᠦᠯᠢᠭᠡᠷ ᠳᠠᠭᠤᠷᠢᠶᠠᠯᠤᠨ ᠬᠦᠴᠦᠨᠢ ᠪᠠᠳᠠᠷᠠᠭᠤᠯᠪᠠ᠃ ᠤᠷᠠᠨ ᠰᠠᠶ᠋ᠢᠬᠠᠨᠤ ᠲᠣᠭᠯᠠᠯᠲᠠᠠᠴᠠ ᠭᠠᠳᠠᠨᠠ᠂ ᠠᠵᠢᠯᠯᠠᠭᠠᠨᠢ ᠪᠠᠰᠠ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠤᠨ ᠬᠠᠷᠢᠯᠴᠠᠨ ᠬᠥᠳᠡᠯᠦᠯᠴᠡᠬᠦ ᠭᠤᠭᠴᠤᠭᠠ ᠵᠢ ᠲᠣᠬᠢᠷᠠᠭᠤᠯᠤᠨ᠂ ᠬᠤᠲᠠ ᠵᠢᠨ ᠠᠷᠠᠳ ᠶᠧᠪᠡᠩ ᠠᠮᠰᠠᠵᠤ᠂ ᠴᠠᠭ᠋ᠠᠰᠤᠨ ᠬᠠᠶ᠋ᠢᠴᠢᠯᠠᠮᠠᠯ᠂ ᠰᠢᠬᠢᠷᠤᠨ ᠵᠢᠷᠤᠭ ᠵᠡᠷᠭᠡ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠢ ᠪᠡᠶᠡᠴᠢᠯᠡᠨ ᠣᠶ᠋ᠢᠯᠠᠭ᠋ᠠᠵᠤ᠂ ᠤᠯᠠᠮᠵᠢᠯᠠᠯᠲᠤ ᠪᠠᠶᠠᠷᠤᠨ ᠡᠳᠦᠷᠤᠨ ᠥᠪᠡᠷᠮᠢᠴᠡ ᠷᠢᠳᠢ ᠰᠢᠳᠢ ᠵᠢ ᠮᠡᠳᠡᠷᠡᠵᠡᠢ᠃