ᠰᠤᠳᠠᠯ ᠬᠠᠳᠠᠭᠤᠷᠡᠪᠡᠯ ᠬᠥᠮᠥᠨ ᠴᠤ᠌ ᠥᠳᠡᠯᠳᠡᠭ᠃ ᠬᠥᠮᠥᠨᠤ ᠪᠡᠶᠠ ᠨᠢᠭᠡ ᠪᠥᠳᠥᠭᠦᠨ ᠮᠤᠳᠤ ᠰᠢᠬ ᠮᠥᠷᠳᠡᠭᠡᠨ ᠴᠢᠰᠤᠨ ᠰᠤᠳᠠᠯᠨᠢ ᠶᠠᠭ ᠯᠠ ᠮᠤᠳᠤᠨ ᠥᠨᠳᠤᠰᠤ ᠰᠤᠷᠪᠤᠯᠵᠢ ᠮᠡᠳᠤ ᠪᠠᠶ᠋ᠢᠵᠤ᠂ ᠴᠢᠰᠤᠨ ᠰᠤᠳᠠᠯ ᠵᠠᠯᠠᠭᠤ ᠳᠠᠩᠬᠢᠯ ᠪᠠᠶ᠋ᠢᠮᠠᠨᠵᠢᠨ ᠬᠥᠮᠥᠨ ᠰᠠᠶ᠋ᠢ ᠠᠮᠢᠵᠢᠷᠠᠯᠤᠨ ᠬᠥᠴᠥᠨ ᠵᠶ᠋ᠠᠨ ᠡᠭᠦᠷᠢᠳᠡ ᠪᠠᠳᠤᠯᠠᠵᠤ ᠴᠢᠳᠠᠨᠠ᠃
ᠢᠳᠡᠭᠡᠨᠤ ᠰᠢᠷᠬᠡᠭᠯᠢᠭ ᠴᠢᠰᠤᠨ ᠳᠠᠷᠤᠯᠳᠠ ᠵᠢ ᠬᠢᠵᠠᠭ᠋ᠠᠷᠯᠠᠵᠤ᠂ ᠴᠢᠰᠤᠨᠤ ᠥᠭᠡᠬᠦ ᠵᠢ ᠵᠤᠬᠢᠴᠠᠭᠤᠯᠳᠠᠭ᠃ ᠢᠳᠡᠭᠡᠨᠤ ᠰᠢᠷᠬᠡᠭᠯᠢᠭ ᠤᠨᠴᠠᠭ᠋ᠠᠢ᠍ᠢ᠍ᠯᠠᠨ ᠤᠰᠤᠨᠳᠤ ᠠᠭᠤᠰᠬᠤ ᠴᠢᠨᠠᠷᠳᠡᠢ ᠢᠳᠡᠭᠡᠨᠤ ᠰᠢᠷᠬᠡᠭᠯᠢᠭᠨᠢ ᠴᠢᠰᠤᠨ ᠳᠤᠳᠤᠷᠠᠬᠢ ᠰᠥᠰᠥᠨᠤ ᠭᠤᠤᠨᠠᠨ ᠠᠯᠺᠥᠤᠯᠢ ᠪᠠᠭᠤᠷᠠᠭᠤᠯᠳᠠᠭ᠃ ᠳᠡᠯᠭᠡᠷᠡᠮᠡᠯ ᠡᠪᠡᠳᠴᠢᠨᠤ ᠰᠤᠳᠤᠯᠤᠯᠳᠤ ᠭᠡᠷᠡᠴᠢᠯᠡᠭᠰᠡᠨ ᠵᠶ᠋ᠠᠷ᠂ ᠭᠥᠢ᠍ᠴᠡᠳ ᠢᠳᠡᠭᠡᠨᠤ ᠰᠢᠷᠬᠡᠭᠯᠢᠭᠨᠢ ᠲᠢᠳᠢᠮᠯᠢᠭ ᠵᠢᠷᠤᠬᠡᠨ ᠡᠪᠡᠳᠴᠢᠨ᠂ ᠯᠤᠭᠰᠢᠭᠤᠨ ᠰᠤᠳᠠᠯᠤᠨ ᠥᠭᠡᠬᠦᠵᠢᠬᠦ ᠴᠢᠨᠠᠷᠳᠡᠢ ᠬᠠᠳᠠᠭᠤᠷᠠᠯ ᠵᠡᠷᠭᠡ ᠵᠢᠷᠤᠬᠡ ᠳᠠᠷᠢᠬᠢᠨ ᠰᠤᠳᠠᠯᠤᠨ ᠡᠪᠡᠳᠴᠢᠨᠤ ᠲᠥᠭᠰᠢᠭᠦᠷᠢ ᠵᠢ ᠳᠤᠷᠤᠭᠰᠢᠯᠠᠭᠤᠯᠤᠨᠠ᠃ ᠬᠥᠮᠥᠨ ᠡᠳᠤᠷ ᠪᠥᠷᠢ 25 ᠭ᠋ᠷᠠᠮ ᠢᠳᠡᠭᠡᠨᠤ ᠰᠢᠷᠬᠡᠭᠯᠢᠭᠢ ᠰᠢᠩᠭᠡᠭᠡᠪᠡᠯ ᠪᠡᠶᠠ ᠵᠢᠨ ᠡᠷᠡᠭᠦᠯᠳᠤ ᠠᠰᠢᠬᠳᠡᠢ᠃ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠳᠡᠢ ᠢᠳᠡᠭᠡᠨᠳᠤ ᠪᠤᠷᠴᠠᠭ᠂ ᠵᠥᠷᠵᠢ᠂ ᠠᠯᠮᠤᠷᠠᠳ᠂ ᠠᠯᠢᠮᠠ ᠵᠡᠷᠭᠡ ᠵᠢᠮᠢᠰ ᠨᠤᠭᠤᠭᠠ᠂ ᠬᠠᠯᠢᠰᠤᠲᠠᠢ ᠰᠢᠷᠠ ᠪᠤᠷᠴᠠᠭ ᠪᠠ ᠨᠤᠭᠤᠭ᠋ᠠᠨ ᠪᠤᠷᠴᠠᠭ᠂ ᠬᠠᠪᠳᠠᠭ᠋ᠠᠢ ᠪᠤᠷᠴᠠᠭ ᠪᠠ ᠸᠨᠨᠳᠧᠤ ᠵᠡᠷᠭᠡ ᠬᠤᠯᠢᠮᠠᠭ ᠪᠤᠷᠴᠠᠭ᠂ ᠪᠤᠭᠤᠳᠠᠢ ᠵᠡᠷᠭᠡ ᠨᠠᠷᠢᠮᠤ ᠵᠢᠨ ᠵᠥᠢ᠍ᠯᠡᠰ᠂ ᠳᠤᠮᠤ ᠭᠥᠢ᠍ᠯᠡᠰᠤᠨ ᠴᠥᠮᠠ᠂ ᠬᠤᠰᠢᠭᠠ᠂ ᠯᠤᠬᠠᠱ᠌ᠧᠩ ᠵᠡᠷᠭᠡ ᠬᠠᠳᠠᠭᠤ ᠬᠠᠯᠢᠰᠤᠳᠤ ᠵᠢᠮᠢᠰᠲᠤ ᠢᠳᠡᠭᠡᠨᠤ ᠰᠢᠷᠬᠡᠭᠯᠢᠭ ᠮᠠᠰᠢ ᠡᠯᠪᠡᠭ ᠪᠠᠶ᠋ᠢᠳᠠᠭ᠃
ᠹᠤᠰᠹᠤᠷᠳᠤ ᠥᠭᠡᠬᠦ ᠰᠤᠳᠠᠯ ᠬᠠᠳᠠᠭᠤᠷᠠᠬᠤ ᠵᠢ ᠰᠡᠷᠭᠡᠶ᠋ᠢᠯᠡᠳᠡᠭ᠃ ᠹᠤᠰᠹᠤᠷᠳᠤ ᠥᠭᠡᠬᠦ ᠪᠤᠯ ᠤᠭᠤᠷᠠᠭᠤᠨ ᠪᠥᠷᠢᠯᠳᠥᠭᠦᠨᠤ ᠨᠢᠭᠡᠨᠢ ᠪᠠᠶ᠋ᠢᠵᠤ᠂ ᠤᠭᠤᠷᠠᠭ ᠶᠠᠭ ᠯᠠ ᠰᠥᠰᠥᠨᠤ ᠭᠤᠤᠨᠠᠨ ᠠᠯᠺᠥᠤᠯᠢ ᠠᠴᠢᠭᠰᠠᠨ 《ᠵᠢᠵᠢᠭ ᠰᠠᠯ》 ᠰᠢᠬ ᠵᠶ᠋ᠠᠷ ᠰᠥᠰᠥᠨᠤ ᠭᠤᠤᠨᠠᠨ ᠠᠯᠺᠥᠤᠯᠤᠨ ᠳᠤᠬᠢᠷᠠᠮᠵᠢᠳᠡᠢ ᠡᠷᠭᠢᠯᠳᠡ ᠪᠠ ᠰᠤᠯᠢᠭᠳᠠᠯᠢ ᠠᠬᠢᠭᠤᠯᠵᠤ᠂ ᠰᠥᠰᠥᠨᠤ ᠭᠤᠤᠨᠠᠨ ᠠᠯᠺᠥᠤᠯ ᠰᠤᠳᠠᠯᠤᠨ ᠬᠠᠨᠠᠨ ᠳᠡᠭᠡᠷᠠ ᠬᠤᠷᠠᠬᠤ ᠵᠢ ᠰᠡᠷᠭᠡᠶ᠋ᠢᠯᠡᠳᠡᠭ᠃ ᠡᠩᠤᠨ ᠬᠥᠮᠥᠨ ᠡᠳᠤᠷ ᠪᠥᠷᠢ 6 - 8 ᠭ᠋ᠷᠡᠮ ᠹᠤᠰᠹᠤᠷᠳᠤ ᠥᠭᠡᠬᠦ ᠰᠢᠩᠭᠡᠭᠡᠪᠡᠯ ᠳᠤᠬᠢᠷᠠᠮᠵᠢᠳᠡᠢ᠃ ᠡᠷᠡᠭᠦᠯᠵᠢᠯᠤᠨ ᠱᠠᠭ᠋ᠠᠷᠳᠠᠯᠭᠠᠠᠴᠠ ᠪᠤᠯᠵᠤ᠂ 15 - 25 ᠭ᠋ᠷᠡᠮ ᠰᠢᠩᠭᠡᠭᠡᠭᠰᠡᠨ ᠴᠤ᠌ ᠪᠤᠯᠤᠨᠠ᠃ ᠹᠤᠰᠹᠤᠷᠳᠤ ᠥᠭᠡᠬᠦᠨᠢ ᠥᠨᠳᠡᠭᠡᠨ ᠰᠢᠷᠠ᠂ ᠪᠤᠷᠴᠠᠭᠲᠤ ᠡᠯᠪᠡᠭ ᠠᠭᠤᠯᠤᠭᠳᠠᠳᠠᠭ᠃ ᠡᠭᠦᠨᠠᠴᠠ ᠭᠠᠳᠠᠨᠠ᠂ ᠬᠠᠷᠠ ᠮᠢᠬᠠ᠂ ᠠᠮᠢᠳᠠᠨᠤ ᠡᠯᠢᠭᠡ᠂ ᠨᠠᠷᠠᠨ ᠬᠤᠸᠠᠷᠤᠨ ᠥᠷᠠ᠂ ᠮᠠᠭ᠋ᠠᠯᠢᠩᠭᠤ ᠵᠢᠨ ᠥᠷᠠ ᠪᠠ ᠮᠠᠭ᠋ᠠᠵᠢ ᠵᠢᠨ ᠳᠤᠳᠤᠷᠠ ᠴᠤ᠌ ᠨᠡᠯᠢᠶᠡᠳ ᠡᠯᠪᠡᠭ ᠪᠠᠶ᠋ᠢᠳᠠᠭ᠃
ᠸᠢᠲ᠋ᠠᠮᠢᠨ C ᠪᠤᠯ ᠨᠢᠭᠡ ᠵᠥᠢ᠍ᠯᠤᠨ ᠴᠢᠩᠭᠠ ᠢᠰᠥᠯᠳᠤᠬᠦ ᠵᠢ ᠬᠤᠷᠢᠭᠯᠠᠬᠤ ᠡᠳ᠋ ᠶᠤᠮ᠃ ᠲᠡᠷᠡᠨᠢ ᠡᠯᠠ ᠵᠥᠢ᠍ᠯᠤᠨ ᠴᠢᠯᠥᠭᠡᠳᠤ ᠭᠧᠨ ᠪᠠ ᠰᠢᠯᠵᠢᠩᠭᠦᠢ ᠬᠥᠴᠢᠯᠳᠦ᠋ᠷᠥᠭᠴᠢ ᠵᠢ ᠢᠯᠭ᠋ᠠᠨ᠂ ᠰᠤᠳᠠᠯᠳᠠᠬᠢ ᠥᠭᠡᠬᠦ ᠢᠰᠥᠯᠳᠥᠬᠦ ᠵᠢ ᠰᠡᠷᠬᠡᠶ᠋ᠢᠯᠡᠵᠤ᠂ ᠯᠤᠭᠰᠢᠭᠤᠨ ᠰᠤᠳᠠᠯ ᠥᠭᠡᠬᠦᠵᠢᠬᠦ ᠬᠠᠳᠠᠭᠤᠷᠠᠬᠤ ᠵᠡᠷᠭᠡ ᠵᠢᠷᠤᠬᠡ ᠳᠠᠷᠢᠬᠢᠨ ᠰᠤᠳᠠᠯᠤᠨ ᠡᠪᠡᠳᠴᠢᠨᠢ ᠪᠠᠭ᠋ᠠᠰᠬᠠᠳᠠᠭ᠃ ᠸᠢᠲ᠋ᠠᠮᠢᠨ Cᠨᠢ ᠳᠤᠯᠤᠨᠤ᠂ ᠴᠢᠪᠠᠭᠠ᠂ ᠳᠤᠰᠢᠯᠤᠭ᠂ ᠨᠤᠭᠤᠭ᠋ᠠᠨ ᠴᠡᠴᠡᠭᠳᠤ ᠨᠤᠭᠤᠭᠠ᠂ ᠴᠠᠭ᠋ᠠᠨ ᠨᠤᠭᠤᠭᠠ ᠵᠡᠷᠭᠡ ᠰᠢᠨᠠ ᠰᠤᠷᠭᠤᠭ ᠵᠢᠮᠢᠰ ᠨᠤᠭᠤᠭᠠᠳᠤ ᠡᠯᠪᠡᠭ ᠠᠭᠤᠯᠤᠭᠳᠠᠨ᠂ ᠢᠯᠠᠩᠭᠤᠶᠠ ᠳᠤᠯᠤᠨᠤ᠂ ᠰᠤᠷᠭᠤᠭ ᠴᠢᠪᠠᠭᠠ᠂ ᠳᠤᠰᠢᠯᠤᠭᠲᠤ ᠮᠠᠰᠢ ᠡᠯᠪᠡᠭ ᠪᠠᠶ᠋ᠢᠵᠤ᠂ ᠡᠳᠤᠷ ᠪᠥᠷᠢ ᠲᠤᠯᠤᠭᠠ ᠨᠠᠢ᠍ᠮᠠᠨ ᠴᠢᠪᠠᠭᠠ ᠢᠳᠡᠪᠡᠯ ᠸᠢᠲ᠋ᠠᠮᠢᠨ C ᠵᠢᠨ ᠱᠠᠭ᠋ᠠᠷᠳᠠᠯᠭᠠ ᠵᠢ ᠥᠨᠳᠤᠰᠤᠨᠳᠡᠭᠡᠨ ᠬᠠᠩᠭ᠋ᠠᠴᠢᠬᠠᠨᠠ᠃
ᠺᠠᠯᠢ ᠵᠢ ᠪᠠᠶ᠋ᠢᠭ᠋ᠠᠯᠢᠯᠢᠭ ᠴᠢᠰᠤᠨ ᠳᠠᠷᠤᠯᠳᠠ ᠪᠠᠭᠤᠷᠠᠭᠤᠯᠬᠤ ᠡᠮ ᠭᠡᠳᠡᠭ᠃ ᠺᠠᠯᠢᠨᠢ ᠰᠤᠳᠠᠯᠢ ᠳᠡᠯᠡᠵᠤ᠂ ᠰᠤᠳᠠᠯ ᠳᠤᠳᠤᠷᠠᠬᠢ ᠬᠠᠷᠰᠢ ᠰᠠᠭ᠋ᠠᠳᠢ ᠪᠠᠭ᠋ᠠᠰᠬᠠᠬᠤ᠂ ᠰᠢᠩᠭᠡᠨ ᠨᠠᠳ᠋ᠷᠢ ᠵᠢ ᠭᠠᠳᠠᠭᠰᠢᠯᠠᠭᠤᠯᠬᠤ ᠥᠢ᠍ᠯᠡᠳᠤᠯᠲᠠᠢ᠃ ᠺᠠᠯᠢ ᠵᠢ ᠡᠳᠤᠷ ᠪᠥᠷᠢ 3500 ᠮᠢᠯᠢᠭᠷᠡᠮ ᠰᠢᠩᠭᠡᠬᠡᠪᠡᠯ ᠪᠤᠯᠴᠢᠬᠠᠨᠠ᠃ ᠢᠳᠡᠰᠢᠨ ᠨᠤᠭᠤᠭᠠ᠂ ᠢᠯᠠᠩᠭᠤᠶᠠ ᠨᠤᠭᠤᠭ᠋ᠠᠨ ᠨᠠᠪᠴᠢᠳᠤ ᠢᠳᠡᠰᠢᠨ ᠨᠤᠭᠤᠭᠠ᠂ ᠮᠥᠭᠦ ᠵᠢᠨ ᠲᠥᠷᠥᠯ᠂ ᠲᠥᠮᠤᠰᠤᠨᠤ ᠲᠥᠷᠥᠯ ᠵᠢᠴᠢ ᠵᠢᠮᠢᠰ ᠪᠠ ᠪᠤᠷᠴᠠᠭᠲᠤ ᠡᠯᠪᠡᠭ ᠪᠠᠶ᠋ᠢᠳᠠᠭ᠃