ᠦᠷᠡᠵᠢᠯᠤᠨ ᠳᠠᠭᠠᠳᠭᠠᠯᠨᠢ ᠨᠡᠢᠭᠡᠮᠤᠨ ᠳᠠᠭᠠᠳᠭᠠᠯᠤᠨ ᠲᠣᠭᠲᠠᠯᠴᠠᠭᠠᠶᠢᠨ ᠴᠢᠬᠤᠯᠠ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠳᠤᠨ ᠬᠠᠤᠯᠢ ᠶᠣᠰᠣᠨᠤ ᠡᠷᠬᠡ ᠠᠱᠢᠭᠢ ᠬᠠᠮᠠᠭᠠᠯᠠᠬᠤ᠂ ᠠᠵᠢᠯ ᠣᠯᠭᠤᠯᠲᠠᠶ᠋ᠢᠨ ᠲᠥᠪ ᠭᠤᠣᠯᠴᠢᠶ᠋ᠢ ᠠᠬᠢᠭᠤᠯᠬᠤ᠂ ᠬᠥᠮᠦᠨ ᠬᠡᠷᠡᠭ᠌ᠯᠡᠬᠦ᠌ ᠨᠢᠭᠡᠴᠢᠶ᠋ᠢᠨ ᠳᠠᠷᠤᠭᠠᠰᠤᠶ᠋ᠢ ᠲᠡᠩᠴᠡᠭᠦᠷᠢᠲᠡᠶ ᠪᠠᠢᠯᠭᠠᠬᠤᠳᠤ ᠴᠢᠬᠤᠯᠠ ᠦᠢᠯᠡᠳᠦᠯᠲᠠᠢ ᠶᠤᠮ᠃ ᠭᠡᠪᠡᠴᠦ᠍ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠣᠨᠴᠠ ᠵᠠᠷᠢᠮ ᠨᠢᠭᠡᠴᠢ ᠪᠠ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠴᠢ ᠬᠤᠳᠠᠯᠢᠶᠠᠷ ᠵᠣᠬᠢᠶᠠᠬᠤ᠂ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠴᠢᠶ᠋ᠢᠨ ᠮᠡᠳᠡᠭᠡ ᠵᠠᠩᠭᠢᠶ᠋ᠢ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠬᠤ᠂ ᠬᠥᠳᠡᠯᠮᠦᠷᠢᠶ᠋ᠢᠨ ᠬᠠᠷᠢᠴᠠᠭᠠᠶ᠋ᠢ ᠬᠠᠭᠤᠷᠮᠠᠭᠢᠶᠠᠷ ᠵᠣᠬᠢᠶᠠᠬᠤ ᠵᠡᠷᠭᠡᠪᠠᠷ ᠳᠠᠮᠵᠢᠭᠤᠯᠤᠨ ᠦᠷᠡᠵᠢᠯᠤᠨ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠪᠠ； ᠦᠷᠡᠵᠢᠯᠤᠨ ᠳᠠᠭᠠᠳᠭᠠᠯᠤᠨ ᠰᠦᠢᠳᠭᠡᠯ ᠲᠤᠱᠢᠶᠠᠬᠤ ᠰᠠᠭᠤᠷᠢ ᠲᠤᠭᠠᠶ᠋ᠢ ᠬᠠᠤᠯᠢ ᠶᠣᠰᠣᠭᠠᠷ ᠦᠨᠡᠨ ᠪᠣᠳᠠᠲᠠᠶᠪᠠᠷ ᠮᠡᠳᠡᠭᠦᠯᠦᠭ᠌ᠰᠡᠨ ᠥᠬᠡᠶ； ᠬᠠᠭᠣᠷᠮᠠᠭᠢᠶᠠᠷ ᠵᠣᠬᠢᠶᠠᠬᠣ᠂ ᠡᠪᠡᠳᠴᠢᠨᠤ ᠲᠡᠤᠬᠡ᠂ ᠫᠢᠶᠣᠣ ᠪᠠᠷᠢᠮᠲᠠᠶ᠋ᠢ ᠬᠤᠪᠢᠷᠠᠭᠤᠯᠤᠨ ᠵᠣᠬᠢᠶᠠᠬᠤ ᠵᠡᠷᠭᠡ ᠭᠤᠶᠤᠴᠢᠯᠠᠨ ᠵᠣᠬᠢᠶᠠᠭ᠍ᠰᠠᠨ ᠮᠠᠲ᠋ᠧᠷᠢᠶᠠᠯᠢᠶᠠᠷ ᠦᠷᠡᠵᠢᠯᠤᠨ ᠳᠠᠭᠠᠳᠭᠠᠯᠤᠨ ᠰᠠᠭᠤᠷᠢ ᠮᠥᠩᠭᠦᠶ᠋ᠢ ᠮᠡᠬᠡᠯᠡᠨ ᠠᠪᠴᠤ᠌᠂ ᠦᠷᠡᠵᠢᠯᠤᠨ ᠪᠠᠲᠤᠯᠠᠭᠠᠶ᠋ᠢᠨ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠡᠮᠬᠢ ᠵᠢᠷᠤᠮᠢ ᠬᠦᠨᠳᠦ ᠨᠣᠴᠢᠲᠠᠶ ᠰᠠᠮᠠᠭᠤᠷᠠᠭᠤᠯᠵᠤ᠂ ᠤᠯᠠᠨ ᠨᠡᠢᠲᠡᠶ᠋ᠢᠨ ᠠᠱᠢᠭ ᠲᠤᠰᠠ ᠪᠠ ᠰᠠᠭᠤᠷᠢ ᠮᠥᠩᠭᠦᠶ᠋ᠢᠨ ᠠᠮᠤᠷ ᠲᠦᠪᠱᠢᠨᠢ ᠬᠤᠬᠢᠷᠠᠭᠤᠯᠵᠤ᠂ ᠬᠠᠤᠯᠢ ᠲᠣᠭ᠍ᠲᠠᠭᠠᠯ ᠶᠣᠰᠣᠭᠠᠷ ᠴᠢᠩᠭᠠ ᠱᠢᠢᠳᠪᠦᠷᠢᠯᠡᠬᠦ᠌ ᠬᠡᠷᠡᠭ᠌ᠲᠡᠶ᠃ ᠰᠡᠷᠡᠮᠵᠢᠯᠡᠭᠦᠯᠬᠦ᠌ ᠬᠥᠮᠦᠵᠢᠯᠤᠨ ᠦᠢᠯᠡᠳᠦᠯᠢ ᠪᠠᠳᠠᠷᠠᠭᠤᠯᠬᠤᠶ᠋ᠢᠨ ᠲᠥᠯᠥᠭᠡ᠂ ᠤᠯᠤᠰᠤᠨ ᠡᠮᠴᠢᠯᠡᠭᠡᠨᠦ ᠪᠠᠲᠣᠯᠠᠭᠠᠶᠢᠨ ᠲᠣᠪᠴᠢᠶᠠᠠᠴᠠ ᠲᠤᠰ ᠬᠤᠭᠤᠴᠠᠭᠠᠨᠳᠤ ᠦᠷᠡᠵᠢᠯᠤᠨ ᠳᠠᠭᠠᠳᠭᠠᠯᠤᠨ ᠰᠠᠭᠤᠷᠢ ᠮᠥᠩᠭᠦᠶ᠋ᠢ ᠮᠡᠬᠡᠯᠡᠨ ᠠᠪᠤᠭ᠍ᠰᠠᠨ 5 ᠨᠡᠢᠲᠡᠯᠢᠭ ᠬᠡᠷᠡᠭᠤᠨ ᠵᠢᠱ᠌ᠢᠶᠡᠶ᠋ᠢ ᠰᠣᠩᠭᠤᠨ ᠭᠠᠷᠭᠠᠵᠤ᠂ ᠥᠷᠭᠡᠨ ᠣᠯᠠᠨ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠨᠢᠭᠡᠴᠢ ᠪᠣᠯᠤᠨ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠴᠢᠶ᠋ᠢ ᠬᠠᠤᠯᠢ ᠶᠣᠰᠣᠨᠤ ᠠᠷᠭᠠ ᠵᠠᠮᠢᠶᠠᠷ ᠰᠠᠨᠠᠭᠤᠯᠵᠤ᠂ ᠦᠷᠡᠵᠢᠯᠤᠨ ᠳᠠᠭᠠᠳᠭᠠᠯᠳᠤ ᠬᠠᠤᠯᠢ ᠶᠣᠰᠣᠨᠤ ᠠᠷᠭᠠ ᠵᠠᠮᠢᠶᠠᠷ ᠣᠷᠣᠯᠴᠠᠭᠤᠯᠵᠤ᠂ ᠦᠷᠡᠵᠢᠯᠤᠨ ᠨᠡᠮᠡᠭᠦᠷᠢ ᠪᠠ ᠦᠷᠡᠵᠢᠯᠤᠨ ᠡᠮᠴᠢᠯᠡᠭᠡᠨᠤ ᠵᠠᠷᠤᠳᠠᠯᠢ ᠦᠨᠡᠨ ᠪᠣᠳᠠᠲᠠᠶ᠂ ᠣᠨᠣᠪᠴᠢᠲᠠᠶ᠂ ᠪᠦᠷᠢᠨ ᠪᠦᠲᠦᠨ ᠬᠠᠩᠭᠠᠵᠤ᠂ ᠦᠷᠡᠵᠢᠯᠤᠨ ᠳᠠᠭᠠᠳᠭᠠᠯᠤᠨ ᠰᠠᠭᠤᠷᠢ ᠮᠥᠩᠭᠦᠶ᠋ᠢᠨ ᠠᠮᠤᠷ ᠲᠦᠪᠱᠢᠨᠢ ᠬᠠᠮᠲᠤᠪᠠᠷ ᠬᠠᠮᠠᠭ᠋ᠠᠯᠠᠨᠠ᠃
ᠬᠡᠷᠡᠭᠤᠨ ᠵᠢᠱ᠌ᠢᠶᠡ ᠨᠢᠭᠡ ᠶᠦᠨᠨᠠᠨ ᠮᠤᠵᠢᠶ᠋ᠢᠨ ᠺᠦᠨᠮᠢᠩ ᠬᠤᠲᠠᠶ᠋ᠢᠨ ᠶᠦᠨᠨᠠᠨᠤ ᠲᠦᠩ ᠱᠧᠩ ᠴᠠᠢᠶ᠋ᠢᠨ ᠠᠷᠠᠯᠵᠢᠶᠠᠨᠤ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠦᠷᠡᠵᠢᠯᠤᠨ ᠨᠡᠮᠡᠭᠦᠷᠢ ᠮᠡᠬᠡᠯᠡᠨ ᠠᠪᠤᠭ᠍ᠰᠠᠨ ᠬᠡᠷᠡᠭ
ᠶᠦᠨᠨᠠᠨ ᠮᠤᠵᠢᠶ᠋ᠢᠨ ᠺᠦᠨᠮᠢᠩ ᠬᠤᠲᠠᠶ᠋ᠢᠨ ᠡᠮᠴᠢᠯᠡᠭᠡᠨᠦ ᠪᠠᠲᠤᠯᠠᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷ ᠲᠣᠰ ᠭᠠᠵᠠᠷᠤᠨ ᠥᠩᠭᠡᠷᠡᠭᠰᠡᠨᠦ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠮᠡᠳᠡᠭᠡ ᠵᠠᠩᠭᠢᠶ᠋ᠢᠨ ᠵᠠᠳᠠᠯᠤᠯᠲᠠᠪᠠᠷ ᠳᠠᠮᠵᠢᠭᠤᠯᠤᠨ᠂ ᠶᠦᠨᠨᠠᠨᠤ ᠲᠦᠩ ᠱᠧᠩ ᠴᠠᠢᠶ᠋ᠢᠨ ᠠᠷᠠᠯᠵᠢᠶᠠᠨᠤ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ 30 ᠠᠵᠢᠯᠲᠠᠨ ᠠᠵᠢᠯᠴᠢᠨᠤ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠳᠡᠩᠰᠡᠯᠡᠯᠲᠡᠶ᠋ᠢ ᠭᠦᠢᠴᠡᠳᠭᠡᠵᠦ᠍᠂ ᠰᠠᠷᠠᠶ᠋ᠢᠨ ᠳᠤᠮᠳᠠᠴᠢ ᠰᠦᠢᠳᠭᠡᠯ ᠲᠤᠱᠢᠶᠠᠬᠤ ᠰᠠᠭᠤᠷᠢ ᠲᠤᠭᠠᠨᠢ ᠴᠥᠮ 1.7 ᠲᠦᠮᠡᠨ ᠲᠥᠭᠦᠷᠢᠭᠠᠴᠠ ᠳᠡᠭᠡᠭ᠌ᠰᠢ ᠪᠠᠢᠬᠤᠶ᠋ᠢ ᠪᠠᠲᠤᠯᠠᠵᠤ᠂ ᠤᠷᠢᠳ ᠬᠤᠵᠢᠳ 24 ᠬᠥᠮᠦᠨ ᠦᠷᠡᠵᠢᠯᠤᠨ ᠨᠡᠮᠡᠭᠦᠷᠢ ᠠᠪᠬᠤᠪᠠᠷ ᠭᠤᠶᠤᠴᠢᠯᠠᠵᠤ᠂ ᠨᠡᠢᠲᠡ 227.1 ᠲᠦᠮᠡᠨ ᠲᠥᠭᠦᠷᠢᠭ ᠪᠠᠢᠵᠤ᠂ 24 ᠬᠥᠮᠦᠨ ᠴᠥᠮ ᠬᠥᠩᠭᠡᠵᠢᠯᠤᠨ ᠡᠮᠦᠨᠡ 2 ᠡᠴᠡ 3 ᠰᠠᠷᠠ ᠪᠣᠯᠬᠣᠳᠤ ᠲᠣᠰ ᠺᠣᠮᠫᠠᠨᠢᠳᠤ ᠱᠢᠯᠵᠢᠭᠦᠯᠦᠨ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭᠤᠯᠵᠤ᠂ ᠦᠷᠡᠵᠢᠯᠤᠨ ᠨᠡᠮᠡᠭᠦᠷᠢ ᠠᠪᠬᠤᠪᠠᠷ ᠭᠤᠶᠤᠴᠢᠯᠠᠭ᠍ᠰᠠᠨᠤ ᠳᠠᠷᠠᠭᠠ ᠲᠣᠰ ᠺᠣᠮᠫᠠᠨᠢ ᠳᠠᠭᠠᠳᠭᠠᠯᠢ ᠵᠣᠭ᠍ᠰᠣᠭᠠᠵᠤ᠂ ᠳᠠᠷᠠᠭᠠᠨᠢ ᠪᠠᠰᠠ ᠪᠤᠰᠤᠳ ᠨᠢᠭᠡᠴᠢᠳᠤ ᠱᠢᠯᠵᠢᠭᠦᠯᠦᠨ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭᠤᠯᠬᠤ ᠪᠤᠶᠤ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠥᠬᠡᠶᠶᠢ ᠣᠯᠵᠤ ᠮᠡᠳᠡᠪᠡ᠃ ᠪᠠᠢᠴᠠᠭᠠᠭ᠍ᠰᠠᠨᠢᠶᠠᠷ᠂ ᠲᠣᠰ ᠺᠣᠮᠫᠠᠨᠢ ᠵᠢᠴᠢ ᠬᠠᠮᠢᠶᠠ ᠪᠥᠬᠦᠶ ᠬᠥᠮᠦᠰ ᠬᠤᠳᠠᠯ ᠬᠠᠭᠤᠷᠮᠠᠭᠢᠶᠠᠷ ᠠᠵᠢᠯᠳᠤ ᠣᠷᠣᠬᠤ᠂ ᠬᠤᠳᠠᠯ ᠬᠠᠭᠤᠷᠮᠠᠭᠢᠶᠠᠷ ᠭᠣᠶᠣᠴᠢᠯᠠᠨ ᠮᠡᠳᠡᠭᠦᠯᠬᠦ᠌ ᠵᠡᠷᠭᠡ ᠠᠷᠭᠠ ᠮᠠᠶᠢᠭᠢᠶᠠᠷ ᠳᠠᠮᠵᠢᠭᠤᠯᠤᠨ ᠦᠷᠡᠵᠢᠯᠤᠨ ᠨᠡᠮᠡᠭᠦᠷᠢᠶ᠋ᠢ ᠮᠡᠬᠡᠯᠡᠨ ᠠᠪᠤᠭ᠍ᠰᠠᠨ ᠰᠡᠵᠢᠭ᠌ᠲᠡᠶ᠂ ᠬᠡᠷᠡᠭᠲᠤ ᠬᠤᠯᠪᠣᠭ᠍ᠳᠠᠭ᠍ᠰᠠᠨ ᠲᠤᠭᠠ ᠬᠡᠮᠵᠢᠶᠡᠨᠢ ᠯᠤᠲᠤ ᠶᠡᠭᠡ᠂ ᠦᠢᠯᠡ ᠪᠠᠢᠳᠠᠯᠨᠢ ᠲᠦᠢᠯᠤᠨ ᠬᠦᠨᠳᠦ ᠨᠣᠴᠢᠲᠠᠶ ᠪᠠᠢ᠌ᠪᠠ᠃
ᠣᠳᠣᠬᠠᠨᠳᠤ᠂ ᠲᠣᠰ ᠰᠦᠪᠡᠭ᠌ᠴᠢᠶ᠋ᠢ ᠡᠮᠴᠢᠯᠡᠭᠡᠨᠦ ᠪᠠᠳᠣᠯᠠᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷᠠᠴᠠ ᠳᠣᠲᠣᠭᠠᠳᠤᠶ᠋ᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠᠳᠤ ᠱᠢᠯᠵᠢᠭᠦᠯᠦᠨ ᠬᠦᠷᠭᠡᠵᠦ᠍ ᠬᠠᠤᠯᠢ ᠶᠣᠰᠣᠭᠠᠷ ᠱᠢᠢᠳᠪᠦᠷᠢᠯᠡᠵᠦ᠍᠂ ᠬᠡᠷᠡᠭᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠳᠡᠩᠨᠡᠨ ᠱᠢᠶ᠋ᠳᠪᠦᠷᠢᠯᠡᠵᠦ᠍ ᠪᠠᠢᠨᠠ᠃
ᠬᠡᠷᠡᠭᠦ᠋ᠨ ᠵᠢᠱ᠌ᠢᠶᠡ ᠬᠣᠶᠠᠷ ᠾᠧᠪᠧᠢ ᠮᠣᠵᠢᠶᠢᠨ ᠵᠠᠩ ᠵᠢᠶᠠ ᠺᠧᠦ ᠬᠣᠲᠠᠶᠢᠨ ᠬᠣᠶᠠᠷ ᠺᠣᠮᠫᠠᠨᠢ ᠬᠥᠳᠡᠯᠮᠦᠷᠢᠶᠢᠨ ᠬᠠᠷᠢᠴᠠᠭᠠᠶᠢ ᠬᠠᠭᠤᠷᠮᠠᠭᠢᠶᠠᠷ ᠵᠣᠬᠢᠶᠠᠵᠤ ᠦᠷᠡᠵᠢᠯᠦ᠋ᠨ ᠨᠡᠮᠡᠭᠦᠷᠢ ᠮᠡᠬᠡᠯᠡᠨ ᠠᠪᠤᠭ᠍ᠰᠠᠨ ᠬᠡᠷᠡᠭ
ᠾᠧᠪᠧᠢ ᠮᠣᠵᠢᠶᠢᠨ ᠵᠠᠩ ᠵᠢᠶᠠ ᠺᠧᠦ ᠬᠣᠲᠠᠶᠢᠨ ᠡᠮᠴᠢᠯᠡᠭᠡᠨᠦ ᠪᠠᠳᠣᠯᠠᠭᠠᠶᠢᠨ ᠲᠣᠪᠴᠢᠶᠠ ᠲᠤᠰ ᠭᠠᠵᠠᠷᠤ᠋ᠨ ᠳ᠋ᠠᠢ᠌ᠲ᠋ᠠᠶᠢᠨ ᠬᠢᠨᠠᠨ ᠪᠠᠢᠴᠠᠭᠠᠯᠲᠠᠪᠠᠷ ᠳᠠᠮᠵᠢᠨ ᠸᠧᠢ ᠰᠢᠶᠠᠨᠤ ᠰᠧᠨ ᠲᠠᠢ ᠠᠳᠠᠯ ᠠᠬᠤᠢᠶᠢᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ᠂ ᠸᠧᠢ ᠰᠢᠶᠠᠨᠤ ᠶᠤᠸᠠᠨ ᠱᠧᠩ ᠰᠦᠯᠵᠢᠶᠡᠨᠦ᠌ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠦ᠋ᠨ ᠬᠢᠵᠠᠭᠠᠷᠲᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠣᠮᠫᠠᠨᠢᠶᠢᠨ ᠳᠠᠭᠠᠳᠭᠠᠯᠳ᠋ᠤ ᠣᠷᠣᠭ᠍ᠰᠠᠨ ᠠᠵᠢᠯᠲᠠᠨ ᠠᠵᠢᠯᠴᠢᠨ᠂ ᠣᠯᠠᠨ ᠬᠥᠮᠦᠨ ᠠᠵᠢᠯᠲᠠᠨ ᠠᠵᠢᠯᠴᠢᠨᠤ᠋ ᠦᠷᠡᠵᠢᠯᠦ᠋ᠨ ᠨᠡᠮᠡᠭᠦᠷᠢ ᠠᠪᠤᠭ᠍ᠰᠠᠨᠤ᠋ ᠳᠠᠷᠠᠭᠠ ᠳᠠᠷᠤᠢᠬᠠᠨ ᠠᠵᠢᠯᠲᠠᠨ ᠠᠵᠢᠯᠴᠢᠨᠤ᠋ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯ ᠲᠣᠰᠢᠶᠠᠬᠣᠪᠠᠨ ᠵᠣᠭᠰᠣᠭᠰᠠᠨ ᠬᠡᠪᠦ᠋ᠨ ᠪᠤᠰᠤ ᠪᠠᠢᠳᠠᠯᠢ᠋ ᠢᠯᠡᠷᠡᠭᠦᠯᠵᠡᠢ᠃ ᠪᠠᠢᠴᠠᠭᠠᠭ᠍ᠰᠠᠨᠢᠶᠠᠷ᠂ ᠬᠤᠶᠠᠷ ᠺᠣᠮᠫᠠᠨᠢᠶ᠋ᠢᠨ ᠬᠠᠤᠯᠢᠶ᠋ᠢᠨ ᠡᠷᠬᠡᠲᠡᠨᠤ ᠲᠥᠯᠥᠭᠡᠯᠡᠭ᠌ᠴᠢ ᠴᠥᠮ ᠦᠷᠡᠵᠢᠯᠦᠨ ᠨᠡᠮᠡᠭᠦᠷᠢ ᠠᠪᠤᠭ᠍ᠰᠠᠨ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠳ ᠪᠠᠢ᠌ᠵᠤ ᠬᠡᠳᠦ᠋ᠢᠪᠡᠷ ᠠᠵᠤ ᠠᠬᠤᠢᠯᠠᠯᠢᠶᠠᠷ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠪᠣᠯᠪᠠᠴᠤ᠌ ᠪᠣᠳᠠᠲᠠᠶ ᠣᠯᠠᠩᠬᠢᠨᠢ ᠺᠣᠮᠫᠠᠨᠢᠳᠤ ᠠᠵᠢᠯᠯᠠᠵᠤ ᠳᠡᠢᠯᠦᠭ᠌ᠰᠡᠨ ᠦᠭᠡᠢ ᠪᠥᠭᠡᠳ ᠴᠠᠯᠢᠩ ᠥᠭ᠌ᠴᠦ ᠪᠣᠯᠬᠤ ᠦᠭᠡᠢ᠂ ᠬᠥᠳᠡᠯᠮᠦᠷᠢᠶ᠋ᠢᠨ ᠬᠠᠷᠢᠴᠠᠭᠠᠶ᠋ᠢ ᠬᠤᠳᠠᠯᠢᠶᠠᠷ ᠵᠣᠬᠢᠶᠠᠵᠤ ᠦᠷᠡᠵᠢᠯᠦᠨ ᠨᠡᠮᠡᠭᠦᠷᠢ ᠮᠡᠬᠡᠯᠡᠨ ᠠᠪᠤᠭ᠍ᠰᠠᠨ ᠰᠡᠵᠢᠭᠲᠠᠢ ᠭᠡᠳᠡᠭᠢ ᠮᠡᠳᠡᠷᠡᠪᠡ᠃ ᠡᠭᠦᠨᠳᠤ᠂ ᠸᠧᠶ ᠱᠢᠶᠠᠨᠤ ᠰᠧᠨᠲᠠᠢ ᠠᠳᠠᠯ ᠠᠬᠤᠶᠶ᠋ᠢᠨ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠳ᠋ᠢᠩ ᠣᠪᠣᠭ᠍ᠲᠤ ᠵᠡᠷᠭᠡ 8 ᠬᠥᠮᠦᠨ 2023᠂ 2024 ᠣᠨᠤ ᠬᠤᠶᠠᠷ ᠵᠢᠯᠦᠨ ᠬᠤᠭᠤᠷᠣᠨᠳᠣ 25.4 ᠲᠦᠮᠡᠨ ᠲᠥᠭᠦᠷᠢᠭᠤᠨ ᠦᠷᠡᠵᠢᠯᠤᠨ ᠨᠡᠮᠡᠭᠦᠷᠢ ᠠᠪᠤᠪᠠ； ᠸᠧᠶ ᠰᠢᠶᠠᠨᠤ ᠶᠤᠸᠠᠨ ᠱᠧᠩ ᠰᠦᠯᠵᠢᠶᠡᠨᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠢᠵᠠᠭᠠᠷᠲᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠣᠮᠫᠠᠨᠢᠶ᠋ᠢᠨ ᠬᠤᠸᠠᠩ ᠣᠪᠣᠭ᠍ᠲᠤ ᠵᠡᠷᠭᠡ 8 ᠬᠥᠮᠦᠨ 2024᠂ 2025 ᠣᠨᠦ ᠬᠤᠶᠠᠷ ᠵᠢᠯᠤᠨ ᠬᠣᠭᠣᠷᠣᠨᠲᠣ 25.3 ᠲᠦᠮᠡᠨ ᠲᠥᠭᠦᠷᠢᠭᠤᠨ ᠦᠷᠡᠵᠢᠯᠤᠨ ᠨᠡᠮᠡᠭᠦᠷᠢ ᠠᠪᠴᠤ᠌᠂ ᠬᠤᠶᠠᠷ ᠺᠣᠮᠫᠠᠨᠢ ᠨᠡᠢᠲᠡ 50.7 ᠲᠦᠮᠡᠨ ᠲᠥᠭᠦᠷᠢᠭᠤᠨ ᠦᠷᠡᠵᠢᠯᠤᠨ ᠨᠡᠮᠡᠭᠦᠷᠢ ᠠᠪᠣᠪᠠ᠃
ᠣᠳᠣᠬᠠᠨᠳ᠋ᠤ᠂ ᠵᠠᠩ ᠵᠢᠶᠠ ᠺᠧᠦ ᠬᠣᠲᠠᠶᠢᠨ ᠸᠧᠢ ᠰᠢᠶᠠᠨᠤ᠋ ᠡᠮᠴᠢᠯᠡᠭᠡᠨᠦ ᠪᠠᠲᠣᠯᠠᠭᠠᠶᠢᠨᠲᠣᠪᠴᠢᠶᠠ ᠬᠡᠷᠡᠭᠲᠦ᠍ ᠬᠣᠯᠪᠣᠭ᠍ᠳᠠᠭ᠍ᠰᠠᠨ ᠦᠷᠡᠵᠢᠯᠦ᠋ᠨ ᠪᠦᠬᠦ᠌ ᠨᠡᠮᠡᠭᠦᠷᠢᠶᠢ ᠪᠦᠯᠦᠭ ᠬᠤᠪᠢᠶᠠᠨ ᠨᠡᠬᠡᠵᠦ᠍ ᠠᠪᠴᠢᠷᠠᠭ᠍ᠰᠠᠨ ᠪᠥᠭᠡᠳ ᠬᠡᠷᠡᠭᠢ᠋ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠰᠠᠯᠠᠭᠠ ᠮᠥᠴᠢᠷᠲᠦ᠍ ᠰᠢᠯᠵᠢᠭᠦᠯᠦᠨ ᠲᠣᠰᠢᠶᠠᠵᠤ ᠬᠡᠷᠡᠭ ᠪᠣᠯᠭᠠᠨ ᠳᠠᠩᠰᠠᠯᠠᠵᠤ ᠲᠠᠩᠨᠠᠨ ᠪᠠᠢᠴᠠᠭᠠᠪᠠ᠃
ᠬᠡᠷᠡᠭᠦ᠋ᠨ ᠵᠢᠱ᠌ᠢᠶᠡ ᠭᠤᠷᠪᠠ ᠹᠦᠵᠢᠶᠠᠨ ᠮᠣᠵᠢᠶᠢᠨ ᠴᠢᠤᠸᠠᠨ ᠵᠧᠦ ᠬᠣᠲᠠᠶᠢᠨ ᠴᠤᠤ ᠢ ᠡᠳ᠋ᠦ᠋ᠨ ᠵᠠᠰᠠᠭ ᠭᠠᠢᠯᠢᠶᠢᠨ ᠶᠠᠪᠤᠳᠠᠯᠤ᠋ᠨ ᠠᠰᠠᠭᠤᠨ ᠯᠠᠪᠯᠠᠯᠲᠠᠶᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠦᠷᠡᠵᠢᠯᠦᠨ ᠨᠡᠮᠡᠭᠦᠷᠢ ᠮᠡᠬᠡᠯᠡᠨ ᠠᠪᠤᠭ᠍ᠰᠠᠨ ᠬᠡᠷᠡᠭ
ᠹᠦᠵᠢᠶᠠᠨ ᠮᠣᠵᠢᠶᠢᠨ ᠴᠢᠤᠸᠠᠨ ᠵᠧᠦ ᠬᠣᠲᠠᠶᠢᠨ ᠡᠮᠴᠢᠯᠡᠭᠡᠨᠦ ᠪᠠᠲᠣᠯᠠᠭᠠᠶᠢᠨ ᠲᠣᠪᠴᠢᠶᠠᠨᠤ᠋ ᠨᠠᠨ ᠠᠨ ᠬᠤᠪᠢᠶᠠᠷᠢ ᠲᠣᠪᠴᠢᠶᠠ ᠲᠤᠰ ᠭᠠᠵᠠᠷᠤ᠋ᠨ ᠡᠮᠴᠢᠯᠡᠭᠡᠨᠦ ᠪᠠᠳᠣᠯᠠᠭᠠᠶᠢᠨ ᠲᠣᠮᠣ ᠳ᠋ᠠᠢ᠌ᠲ᠋ᠠᠶᠢ ᠬᠢᠨᠠᠨ ᠰᠢᠯᠭ᠋ᠠᠬᠤ ᠠᠵᠢᠯ ᠥᠷᠨᠢᠭᠦᠯᠵᠦ᠍᠂ ᠴᠢᠤᠸᠠᠨ ᠵᠧᠦ ᠬᠣᠲᠠᠶᠢᠨ ᠴᠤᠤ ᠢ ᠡᠳ᠋ᠦ᠋ᠨ ᠵᠠᠰᠠᠭ ᠭᠠᠢᠯᠢᠶᠢᠨ ᠶᠠᠪᠣᠳᠠᠯᠤᠨ ᠠᠰᠠᠭᠤᠨ ᠯᠠᠪᠯᠠᠯᠲᠠᠶᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠳ᠋ᠤ ᠳᠠᠭᠠᠳᠭᠠᠯᠳ᠋ᠤ ᠣᠷᠣᠯᠴᠠᠭ᠍ᠰᠠᠨ ᠬᠥᠮᠦᠨᠦ᠌ ᠲᠣᠭᠠᠶᠢᠨ ᠬᠡᠪᠦ᠋ᠨ ᠪᠤᠰᠤ ᠨᠡᠮᠡᠭ᠌ᠳᠡᠯᠦ᠋ᠨ ᠪᠠᠢᠳᠠᠯ ᠣᠷᠣᠰᠢᠵᠤ ᠪᠠᠢᠬᠤᠶᠢ ᠣᠯᠵᠤ ᠮᠡᠳᠡᠪᠡ᠃ ᠬᠢᠨᠠᠨ ᠪᠠᠢᠴᠠᠭᠠᠭ᠍ᠰᠠᠨᠢᠶᠠᠷ᠂ ᠲᠣᠰ ᠺᠣᠮᠫᠠᠨᠢᠶ᠋ᠢᠨ 4 ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠳ ᠲᠦᠱᠢᠬᠦ᠌ ᠬᠡᠯᠪᠡᠷᠢᠪᠠᠷ ᠬᠥᠳᠡᠯᠮᠦᠷᠢᠶ᠋ᠢᠨ ᠬᠠᠷᠢᠴᠠᠭᠠᠶ᠋ᠢ ᠵᠣᠬᠢᠶᠠᠵᠤ ᠪᠠᠢᠭᠠᠳ 7.1 ᠲᠦᠮᠡᠨ ᠲᠥᠭᠦᠷᠢᠭᠤᠨ ᠦᠷᠡᠵᠢᠯᠦᠨ ᠨᠡᠮᠡᠭᠦᠷᠢ ᠮᠡᠬᠡᠯᠡᠨ ᠠᠪᠴᠠᠢ᠃ ᠡᠮᠴᠢᠯᠡᠭᠡᠨᠦ ᠪᠠᠲᠤᠯᠠᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷ ᠨᠢᠭᠡᠨᠲᠡ ᠲᠤᠰ ᠶᠠᠯᠠᠲᠤ ᠠᠵᠢᠯᠯᠠᠭᠠᠶ᠋ᠢᠨ ᠰᠦᠪᠡᠭ᠌ᠴᠢᠶ᠋ᠢ ᠳᠣᠲᠣᠭᠠᠳᠤᠶ᠋ᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠᠳᠤ ᠱᠢᠯᠵᠢᠭᠦᠯᠦᠨ ᠬᠦᠷᠭᠡᠵᠦ᠍ ᠪᠠᠢᠴᠠᠭᠠᠨ ᠱᠢᠢᠳᠪᠦᠷᠢᠯᠡᠭᠦᠯᠪᠡ᠃
ᠣᠳᠣᠬᠠᠨᠳᠤ᠂ ᠨᠠᠨ ᠠᠨ ᠬᠤᠲᠠᠶ᠋ᠢᠨ ᠠᠷᠠᠳᠤᠨ ᠱᠢᠭᠦᠬᠦ᠌ ᠬᠤᠷᠢᠶᠠ ᠲᠣᠰ ᠺᠣᠮᠫᠠᠨᠢᠶ᠋ᠢᠨ ᠬᠠᠤᠯᠢᠪᠠᠷ ᠲᠣᠭ᠍ᠲᠠᠭᠠᠭ᠍ᠰᠠᠨ ᠲᠥᠯᠥᠭᠡᠯᠡᠭ᠌ᠴᠢ ᠸᠠᠩ ᠣᠪᠣᠭ᠍ᠲᠤ ᠪᠣᠯᠤᠨ ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠠᠵᠢᠯᠲᠠᠨ ᠱ᠌ᠢ ᠣᠪᠣᠭ᠍ᠲᠤᠶ᠋ᠢ 10 ᠰᠠᠷᠠ ᠬᠤᠭᠤᠴᠠᠭᠠᠲᠠᠢ ᠬᠤᠷᠢᠬᠤᠪᠠᠷ ᠰᠢᠢ᠍ᠳᠭᠡᠵᠦ᠂ 1 ᠵᠢᠯ ᠡᠷᠡᠭᠦᠦ ᠰᠢᠢ᠍ᠳᠬᠡᠯ ᠬᠣᠢ᠌ᠰᠢᠯᠠᠭᠤᠯᠵᠤ᠂ ᠠᠷᠠᠳᠤᠨ ᠵᠣᠭᠤᠰ 3 ᠲᠦᠮᠡᠨ ᠲᠥᠭᠦᠷᠢᠭ ᠵᠣᠭᠤᠰᠢᠶᠠᠷ ᠲᠣᠷᠭ᠋ᠠᠨᠠ； ᠳᠠᠬᠢᠭᠰᠠᠨ ᠬᠡᠷᠡᠭᠲᠡᠨ ᠶᠠᠩ ᠣᠪᠣᠭ᠍ᠲᠤᠶ᠋ᠢ ᠮᠡᠬᠡᠯᠡᠭ᠌ᠰᠡᠨ ᠶᠠᠯᠠᠪᠠᠷ 4 ᠰᠠᠷᠠ ᠬᠣᠷᠢᠬᠤᠪᠠᠷ ᠰᠢᠢ᠍ᠳᠭᠡᠵᠦ᠂ 8 ᠰᠠᠷᠠ ᠡᠷᠡᠭᠦᠦ ᠰᠢᠢ᠍ᠳᠬᠡᠯ ᠬᠤᠢᠱᠢᠯᠠᠭᠤᠯᠵᠤ᠂ ᠠᠷᠠᠳᠤᠨ ᠵᠣᠭᠤᠰ 6.2 ᠲᠦᠮᠡᠨ ᠲᠥᠭᠦᠷᠢᠭ ᠵᠣᠭᠤᠰᠢᠶᠠᠷ ᠲᠣᠷᠭ᠋ᠠᠨᠠ； ᠬᠤᠩ ᠣᠪᠣᠭ᠍ᠲᠤ ᠵᠡᠷᠭᠡ 3 ᠬᠦᠮᠦᠨ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠬᠡᠷᠡᠭᠢᠶᠠᠨ ᠬᠦᠯᠢᠶᠡᠭ᠌ᠰᠡᠨ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠳᠢ ᠮᠡᠬᠡᠯᠡᠭ᠌ᠰᠡᠨ ᠶᠠᠯᠠᠪᠠᠷ ᠵᠣᠭᠤᠰ ᠲᠣᠷᠭᠠᠪᠠ᠃
ᠬᠡᠷᠡᠭᠦ᠋ᠨ ᠵᠢᠱ᠌ᠢᠶᠡ ᠳᠥᠷᠪᠡ ᠵᠢᠶᠠᠩᠰᠢ ᠮᠣᠵᠢᠶᠢᠨ ᠳᠡ ᠢᠦᠢ ᠬᠣᠩ ᠢ ᠯᠧᠦ ᠵᠠᠰᠠᠯ ᠴᠢᠮᠡᠭ᠌ᠯᠡᠯᠦ᠋ᠨ ᠵᠢᠷᠣᠭ ᠲᠥᠯᠥᠪᠯᠡᠭᠡᠶᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠰᠦᠢᠳᠭᠡᠯ ᠲᠣᠰᠢᠶᠠᠬᠣ ᠰᠠᠭᠤᠷᠢ ᠲᠣᠭᠠᠶᠢ ᠬᠤᠳᠠᠯᠢᠶᠠᠷ ᠮᠡᠳᠡᠭᠦᠯᠵᠦ᠍ ᠪᠠᠷᠢᠮᠵᠢᠶᠠᠶᠢ ᠳᠡᠭᠡᠭ᠌ᠱᠢᠯᠡᠭᠦᠯᠦᠨ ᠦᠷᠡᠵᠢᠯᠦ᠋ᠨ ᠨᠡᠮᠡᠭᠦᠷᠢ ᠮᠡᠬᠡᠯᠡᠨ ᠠᠪᠤᠭ᠍ᠰᠠᠨ ᠬᠡᠷᠡᠭ
ᠵᠢᠶᠠᠩᠰᠢ ᠮᠣᠵᠢᠶᠢᠨ ᠭᠠᠨᠵᠧᠦ ᠬᠣᠲᠠᠶᠢᠨ ᠡᠮᠴᠢᠯᠡᠭᠡᠨᠦ ᠪᠠᠲᠣᠯᠠᠭᠠᠶᠢᠨ ᠲᠣᠪᠴᠢᠶᠠᠨᠤ᠋ ᠳᠡ ᠢᠦᠢ ᠬᠤᠪᠢᠶᠠᠷᠢ ᠲᠣᠪᠴᠢᠶᠠ ᠨᠢ ᠬᠠᠷᠢᠶᠠᠲᠤ ᠲᠣᠭᠣᠷᠢᠭᠤ᠋ᠨ ᠳᠠᠭᠠᠳᠭᠠᠯᠳ᠋ᠤ ᠣᠷᠣᠯᠴᠠᠭᠰᠠᠳᠤᠨ ᠦᠷᠡᠵᠢᠯᠦᠨ ᠨᠡᠮᠡᠭᠦᠷᠢᠶᠢᠨ ᠪᠠᠢᠳᠠᠯᠢ᠋ ᠵᠢᠭ᠍ᠰᠠᠭᠠᠨ ᠪᠠᠢᠴᠠᠭᠠᠬᠤ ᠦᠶᠡᠰ᠂ ᠳᠠ ᠢᠦᠢ ᠬᠣᠩ ᠢ ᠯᠧᠦ ᠵᠠᠰᠠᠯ ᠴᠢᠮᠡᠭ᠌ᠯᠡᠯᠦ᠋ᠨ ᠵᠢᠷᠤᠭ ᠲᠥᠯᠥᠪᠯᠡᠭᠡᠶᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠨᠢ ᠵᠥᠪᠬᠡᠨ 2 ᠠᠵᠢᠯᠲᠠᠨ ᠠᠵᠢᠯᠴᠢᠨᠤ᠋ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯ （ ᠦᠷᠡᠵᠢᠯᠦᠨ ᠳᠠᠭᠠᠳᠭᠠᠯ ᠪᠠᠭ᠍ᠲᠠᠨᠠ ） ᠲᠣᠰᠢᠶᠠᠬᠤ ᠰᠠᠭᠤᠷᠢ ᠲᠣᠭᠠ ᠨᠢ ᠴᠥᠮ 14580 ᠲᠥᠭᠥᠷᠢᠭ ᠪᠠᠢᠵᠤ᠂ ᠪᠣᠳᠠᠲᠠᠢ ᠴᠠᠯᠢᠩᠤ᠋ᠨ ᠬᠢᠷᠢ ᠲᠥᠪᠰᠢᠨᠡᠴᠡ ᠢᠯᠡᠳᠲᠡ ᠥᠨᠳᠥᠷ ᠪᠠᠢ᠌ᠬᠤᠶᠢ ᠣᠯᠵᠤ ᠮᠡᠳᠡᠪᠡ᠃ ᠡᠭᠦᠨᠳᠤ 1 ᠠᠵᠢᠯᠲᠠᠨ ᠢᠦᠶ ᠣᠪᠣᠭ᠍ᠲᠤ ᠪᠣᠯ ᠺᠣᠮᠫᠠᠨᠢᠶ᠋ᠢᠨ ᠬᠠᠤᠯᠢᠶ᠋ᠢᠨ ᠡᠷᠬᠡᠲᠡᠨᠤ ᠡᠬᠡᠨᠡᠷ ᠮᠥᠨ᠂ ᠬᠥᠩᠭᠡᠵᠢᠭ᠌ᠰᠡᠨᠤ ᠳᠠᠷᠠᠭᠠ ᠨᠢᠭᠡ ᠰᠠᠷᠠ ᠳᠠᠷᠤᠶ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠬᠤᠶ᠋ᠢ ᠵᠣᠭ᠍ᠰᠣᠭᠠᠵᠤ᠂ ᠦᠷᠡᠵᠢᠯᠤᠨ ᠨᠡᠮᠡᠭᠦᠷᠢ ᠮᠡᠬᠡᠯᠡᠨ ᠠᠪᠤᠭ᠍ᠰᠠᠨ ᠰᠡᠵᠢᠭᠲᠠᠢ ᠪᠠᠢᠳᠠᠯ ᠣᠷᠣᠱᠢᠵᠤ ᠪᠠᠢ᠌ᠪᠠ᠃ ᠪᠠᠢᠴᠠᠭᠠᠭ᠍ᠰᠠᠨᠢᠶᠠᠷ᠂ ᠢᠦᠶ ᠣᠪᠣᠭ᠍ᠲᠤ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠬᠤᠭᠤᠴᠠᠭᠠᠨᠳᠤ ᠬᠤᠪᠢ ᠬᠥᠮᠦᠨᠤ ᠠᠱᠢᠭ ᠣᠷᠣᠯᠭᠠᠶ᠋ᠢᠨ ᠭᠠᠢᠯᠢᠪᠠᠨ ᠮᠡᠳᠡᠭᠦᠯᠬᠦ᠌ ᠳᠤᠪᠠᠨ ᠴᠠᠯᠢᠩᠤᠨ ᠰᠠᠭᠤᠷᠢ ᠲᠤᠭᠠᠨᠢ ᠵᠥᠪᠬᠡᠨ 3000 ᠲᠥᠭᠦᠷᠢᠭ ᠪᠠᠢᠵᠤ᠂ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤᠨ ᠰᠦᠢᠳᠭᠡᠯ ᠲᠤᠱᠢᠶᠠᠬᠤ ᠰᠠᠭᠤᠷᠢ ᠲᠤᠭᠠᠲᠠᠢ ᠬᠦᠨᠳᠦ ᠨᠣᠴᠢᠲᠠᠶ ᠨᠡᠢᠴᠡᠬᠦ᠌ ᠥᠬᠡᠶ᠂ ᠲᠣᠰ ᠺᠣᠮᠫᠠᠨᠢ ᠬᠤᠳᠠᠯ ᠬᠠᠭᠤᠷᠮᠠᠭ ᠴᠠᠯᠢᠩ ᠣᠯᠭᠤᠬᠤ᠂ ᠰᠦᠢᠳᠭᠡᠯ ᠲᠤᠱᠢᠶᠠᠬᠤ ᠰᠠᠭᠤᠷᠢ ᠲᠤᠭᠠᠶ᠋ᠢ ᠬᠤᠳᠠᠯᠢᠶᠠᠷ ᠮᠡᠳᠡᠭᠦᠯᠬᠦ᠌ ᠵᠡᠷᠭᠡ ᠠᠷᠭᠠ ᠮᠠᠶᠢᠭᠢᠶᠠᠷ ᠳᠠᠮᠵᠢᠭᠤᠯᠤᠨ ᠦᠷᠡᠵᠢᠯᠤᠨ ᠨᠡᠮᠡᠭᠦᠷᠢᠶ᠋ᠢ ᠮᠡᠬᠡᠯᠡᠨ ᠠᠪᠴᠤ᠌᠂ ᠡᠭᠦᠨᠳᠤ ᠬᠤᠯᠪᠣᠭ᠍ᠳᠠᠭ᠍ᠰᠠᠨ ᠵᠣᠭᠤᠰᠤᠨ ᠲᠤᠭᠠᠨᠢ 8.4 ᠲᠦᠮᠡᠨ ᠲᠥᠭᠦᠷᠢᠭ ᠪᠣᠯᠣᠨᠠ᠃
ᠣᠳᠣᠬᠠᠨᠳᠤ᠂ ᠳᠣᠲᠣᠭᠠᠳᠤᠶ᠋ᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠ ᠲᠣᠰ ᠬᠡᠷᠡᠭᠢ ᠬᠡᠷᠡᠭ ᠪᠣᠯᠭᠠᠨ ᠳᠠᠩᠰᠠᠯᠠᠵᠤ ᠲᠠᠩᠨᠠᠨ ᠪᠠᠢᠴᠠᠭᠠᠭ᠍ᠰᠠᠨ ᠪᠥᠭᠡᠳ ᠬᠡᠷᠡᠭᠲᠤ ᠬᠤᠯᠪᠣᠭ᠍ᠳᠠᠭ᠍ᠰᠠᠨ ᠢᠦᠢ ᠣᠪᠣᠭ᠍ᠲᠤᠳᠤ ᠡᠷᠡᠭᠦᠦ᠍ᠶ᠋ᠢᠨ ᠬᠡᠷᠡᠭᠤᠨ ᠠᠯᠪᠠᠳᠠᠯᠭᠠᠶ᠋ᠢᠨ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠤ᠌᠂ ᠶᠠᠯᠠ ᠬᠢᠭ᠌ᠰᠡᠨ ᠰᠡᠵᠢᠭ᠌ᠯᠡᠯᠲᠡᠢ ᠢᠦᠢ ᠣᠪᠣᠭ᠍ᠲᠤ ᠨᠢᠭᠡᠨᠲᠡ ᠦᠷᠡᠵᠢᠯᠦᠨ ᠨᠡᠮᠡᠭᠦᠷᠢᠪᠠᠨ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠪᠤᠴᠠᠭᠠᠪᠠ᠃
ᠬᠡᠷᠡᠭᠦᠨ ᠵᠢᠱ᠌ᠢᠶᠡ ᠲᠠᠪᠣ ᠰᠧᠴᠤᠸᠠᠨ ᠮᠤᠵᠢᠶ᠋ᠢᠨ ᠳ᠋ᠧᠶᠠᠩ ᠬᠤᠲᠠᠶ᠋ᠢᠨ ᠮᠠ ᠣᠪᠣᠭ᠍ᠲᠤ᠂ ᠶᠤᠸᠠᠨ ᠣᠪᠣᠭ᠍ᠲᠤ᠂ ᠯᠢᠦ ᠣᠪᠣᠭ᠍ᠲᠤ ᠦᠷᠡᠵᠢᠯᠦᠨ ᠨᠡᠮᠡᠭᠦᠷᠢ ᠮᠡᠬᠡᠯᠡᠨ ᠠᠪᠤᠭ᠍ᠰᠠᠨ ᠬᠡᠷᠡᠭ
ᠰᠧᠴᠤᠸᠠᠨ ᠮᠤᠵᠢᠶ᠋ᠢᠨ ᠳ᠋ᠧᠶᠠᠩ ᠬᠤᠲᠠᠶ᠋ᠢᠨ ᠵᠢᠩ ᠶᠠᠩ ᠲᠣᠭᠤᠷᠢᠭᠤᠨ ᠡᠮᠴᠢᠯᠡᠭᠡᠨᠦ ᠪᠠᠲᠣᠯᠠᠭᠠᠶᠢᠨ ᠲᠣᠪᠴᠢᠶᠠ ᠡᠳᠦᠷ ᠲᠤᠲᠤᠮᠤᠨ ᠬᠢᠨᠠᠨ ᠬᠠᠷᠭᠤᠭᠤᠯᠤᠯᠲᠠᠳᠦᠪᠡᠨ᠂ ᠰᠧᠴᠤᠸᠠᠨ ᠮᠤᠵᠢᠶ᠋ᠢᠨ ᠬᠤᠩ ᠢᠦᠶ ᠴᠦᠨ ᠹᠠᠨ ᠲᠠᠷᠢᠶᠠᠯᠠᠩᠤᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠠᠵᠢᠯᠲᠠᠨ ᠮᠠ ᠣᠪᠣᠭ᠍ᠲᠤ᠂ ᠶᠤᠸᠠᠨ ᠣᠪᠣᠭ᠍ᠲᠤᠶ᠋ᠢᠨ ᠦᠷᠡᠵᠢᠯᠤᠨ ᠡᠮᠴᠢᠯᠡᠭᠡᠨᠦ ᠵᠠᠷᠣᠳᠠᠯ ᠵᠢᠴᠢ ᠨᠡᠮᠡᠭᠦᠷᠢᠪᠠᠷ ᠮᠡᠳᠡᠭᠦᠯᠦᠭ᠌ᠰᠡᠨ ᠨᠢ ᠰᠡᠵᠢᠭ᠌ᠯᠡᠯᠲᠡᠶ᠂ ᠠᠵᠢᠯᠲᠠᠨ ᠮᠠ ᠣᠪᠣᠭ᠍ᠲᠤ᠂ ᠶᠤᠸᠠᠨ ᠣᠪᠣᠭ᠍ᠲᠤ ᠴᠥᠮ ᠵᠢᠷᠮᠦᠰᠦᠯᠡᠭ᠌ᠰᠡᠨᠤ ᠳᠠᠷᠠᠭᠠ ᠲᠣᠰ ᠺᠣᠮᠫᠠᠨᠢᠶᠢᠨ ᠠᠵᠢᠯᠳᠤ ᠤᠷᠤᠭ᠍ᠰᠠᠨ ᠪᠥᠭᠡᠳ ᠠᠩᠬᠠ ᠤᠳᠠᠭᠠ ᠠᠵᠢᠯᠲᠠᠨ ᠠᠵᠢᠯᠴᠢᠨᠤ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠪᠥᠭᠡᠳ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠵᠤ ᠰᠦᠢᠳᠭᠡᠯ ᠲᠤᠱᠢᠶᠠᠬᠤ ᠰᠠᠭᠤᠷᠢ ᠲᠤᠭᠠ ᠬᠡᠲᠦ ᠥᠨᠳᠥᠷ ᠪᠠᠢᠵᠤ᠂ ᠺᠣᠮᠫᠠᠨᠢᠶ᠋ᠢᠨ ᠬᠠᠤᠯᠢᠶ᠋ᠢᠨ ᠡᠷᠬᠡᠲᠡᠨ ᠯᠢᠦ ᠣᠪᠣᠭ᠍ᠲᠤᠶ᠋ᠢᠨ 5 ᠳᠠᠬᠢᠨ ᠪᠠᠢ᠌ᠪᠠ； ᠲᠣᠰ ᠺᠣᠮᠫᠠᠨᠢᠶ᠋ᠢᠨ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠵᠤ ᠰᠦᠢᠳᠭᠡᠯ ᠲᠤᠱᠢᠶᠠᠬᠤ ᠰᠠᠭᠤᠷᠢ ᠲᠤᠭᠠ ᠵᠢᠴᠢ ᠠᠵᠢᠯᠴᠢᠨ ᠬᠡᠷᠡᠭ᠌ᠯᠡᠬᠦ᠌ ᠦᠨᠡᠨ ᠪᠣᠳᠠᠲᠤ ᠴᠢᠨᠠᠷᠲᠤ ᠬᠦᠨᠳᠦ ᠶᠡᠭᠡ ᠰᠡᠵᠢᠭ᠌ᠯᠡᠯᠲᠡᠶ ᠪᠠᠢ᠌ᠬᠤᠶᠢ ᠣᠯᠵᠤ ᠮᠡᠳᠡᠪᠡ᠃ ᠬᠢᠨᠠᠨ ᠪᠠᠢᠴᠠᠭᠠᠭ᠍ᠰᠠᠨᠢᠶᠠᠷ᠂ ᠮᠠ ᠣᠪᠣᠭ᠍ᠲᠤ᠂ ᠶᠤᠸᠠᠨ ᠣᠪᠣᠭ᠍ᠲᠤᠶ᠋ᠢᠨ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠬᠤᠭᠤᠴᠠᠭᠠᠨᠳᠠᠬᠢ ᠠᠵᠢᠯᠯᠠᠭᠠᠨᠤ ᠵᠠᠮ ᠮᠥᠷ᠂ ᠡᠪᠡᠳᠴᠢᠨ ᠦᠵᠡᠭᠦᠯᠬᠦ᠌ ᠪᠠ ᠦᠷᠡᠵᠢᠯ ᠨᠢ ᠴᠥᠮ ᠣᠨᠳᠣᠤ ᠭᠠᠵᠠᠷᠲᠤ ᠪᠠᠢ᠌ᠪᠠ᠃ ᠰᠧᠴᠤᠸᠠᠨ ᠮᠤᠵᠢᠶ᠋ᠢᠨ ᠬᠤᠩ ᠢᠦᠶ ᠴᠦᠨ ᠹᠠᠨ ᠲᠠᠷᠢᠶᠠᠯᠠᠩᠤᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠠᠵᠢᠯᠲᠠᠨ ᠮᠠ ᠣᠪᠣᠭ᠍ᠲᠤ᠂ ᠶᠤᠸᠠᠨ ᠣᠪᠣᠭ᠍ᠲᠤ ᠨᠢᠭᠡᠴᠢ ᠪᠡᠨ ᠲᠦᠰᠢᠭᠯᠡᠨ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ᠂ ᠬᠥᠳᠡᠯᠮᠦᠷᠢᠶ᠋ᠢᠨ ᠬᠠᠷᠢᠴᠠᠭᠠ ᠪᠠ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤᠨ ᠰᠦᠢᠳᠭᠡᠯ ᠲᠤᠱᠢᠶᠠᠬᠤ ᠰᠠᠭᠤᠷᠢ ᠲᠤᠭᠠᠶ᠋ᠢ ᠬᠠᠭᠤᠷᠮᠠᠭᠢᠶᠠᠷ ᠵᠣᠬᠢᠶᠠᠭ᠍ᠰᠠᠨ ᠦᠷᠡᠵᠢᠯᠤᠨ ᠳᠠᠭᠠᠳᠭᠠᠯᠤᠨ ᠬᠠᠷᠠᠭᠠᠯᠵᠠᠯᠤᠨ ᠬᠦᠨᠳᠦ ᠶᠡᠭᠡ ᠰᠡᠵᠢᠭᠲᠠᠢ᠃
ᠣᠳᠣᠬᠠᠨᠳ᠋ᠤ᠂ ᠵᠢᠩ ᠶᠠᠩ ᠲᠣᠭᠣᠷᠢᠭᠤ᠋ᠨ ᠡᠮᠴᠢᠯᠡᠭᠡᠨᠦ ᠪᠠᠲᠣᠯᠠᠭᠠᠶᠢᠨ ᠲᠣᠪᠴᠢᠶᠠ ᠨᠢ ᠲᠤᠰ ᠺᠣᠮᠫᠠᠨᠢᠶᠢᠨ ᠦᠷᠡᠵᠢᠯᠦ᠋ᠨ ᠡᠮᠴᠢᠯᠡᠭᠡᠨᠦ ᠵᠠᠷᠤᠳᠠᠯ ᠵᠢᠴᠢ ᠨᠡᠮᠡᠭᠦᠷᠢ 22.9 ᠲᠦᠮᠡᠨ ᠲᠥᠭᠥᠷᠢᠭ ᠭᠣᠶᠣᠴᠢᠯᠠᠭᠰᠠᠨᠢ ᠥᠭᠬᠦ ᠦᠭᠡᠢ᠂ ᠺᠣᠮᠫᠠᠨᠢᠶᠢᠨ ᠬᠠᠤᠯᠢᠶᠢᠨ ᠡᠷᠬᠡᠲᠡᠨᠦ᠌ ᠲᠥᠯᠥᠭᠡᠯᠡᠭ᠌ᠴᠢ ᠯᠢᠦ ᠣᠪᠣᠭ᠍ᠲᠤᠶᠢ ᠳᠠᠭᠠᠳᠭᠠᠯᠳ᠋ᠤ ᠣᠷᠣᠯᠴᠠᠭ᠍ᠰᠠᠨ ᠭᠠᠵᠠᠷᠤ᠋ᠨ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠᠳ᠋ᠤ ᠰᠢᠯᠵᠢᠭᠥᠯᠥᠨ ᠲᠣᠰᠢᠶᠠᠵᠦ ᠤᠯᠠᠮ ᠨᠢᠭᠡ ᠠᠯᠬᠤᠮ ᠰᠢᠢ᠍ᠳᠪᠤᠷᠢᠯᠡᠭᠥᠯᠥᠨᠡ᠃