ᠪᠠᠭᠠ ᠬᠡᠷ ᠪᠦᠯᠢ ᠱᠢᠨᠡ ᠠᠮᠢ ᠨᠠᠰᠤᠶ᠋ᠢ ᠤᠭ᠍ᠲᠤᠬᠤ ᠶᠠᠪᠤᠴᠠᠳᠤ᠂ ᠦᠷᠡᠵᠢᠯᠤᠨ ᠡᠮᠴᠢᠯᠡᠭᠡᠨᠦ ᠵᠤᠭᠤᠰ ᠨᠢ ᠪᠠᠭᠠ ᠪᠤᠰᠤ ᠵᠠᠷᠤᠳᠠᠯ ᠪᠣᠯᠤᠨᠠ᠃ ᠣᠢᠷᠠᠶ᠋ᠢᠨ ᠵᠢᠯᠤᠳᠲᠤ᠌᠂ ᠥᠪᠥᠷ ᠮᠣᠩᠭᠤᠯ ᠣᠯᠭᠤᠮᠵᠢᠶ᠋ᠢᠨ ᠪᠠᠷᠢᠮᠵᠢᠶᠠᠶ᠋ᠢ ᠳᠡᠭᠡᠭ᠌ᠰᠢᠯᠡᠭᠦᠯᠬᠦ᠂ ᠭᠠᠷᠲᠠᠨ ᠭᠦᠢᠴᠡᠳᠭᠡᠬᠦ᠌ ᠦᠢᠯᠡᠴᠢᠯᠡᠭᠡᠶ᠋ᠢ ᠱᠢᠯᠢᠳᠡᠭ᠌ᠵᠢᠭᠦᠯᠬᠦ᠌ ᠵᠡᠷᠭᠡ ᠠᠷᠭᠠ ᠬᠡᠮᠵᠢᠶᠡᠪᠠᠷ ᠳᠠᠮᠵᠢᠭᠤᠯᠤᠨ᠂ ᠡᠮᠴᠢᠯᠡᠭᠡᠨᠤ ᠳᠠᠭᠠᠳᠭᠠᠯᠢᠶᠠᠷ ᠬᠡᠤᠬᠡᠳ ᠠᠪᠬᠤᠶ᠋ᠢ ᠳᠡᠮᠵᠢᠬᠦ᠌ ᠰᠠᠭᠤᠷᠢ ᠴᠢᠨᠠᠷᠲᠠᠶ᠂ ᠣᠷᠳᠣ ᠬᠤᠭᠤᠴᠠᠭᠠᠨᠤ ᠴᠢᠨᠠᠷᠲᠠᠶ ᠲᠦᠷᠢᠮᠤᠨ ᠪᠠᠲᠤᠯᠠᠭᠠᠶ᠋ᠢᠨ ᠴᠢᠳᠠᠮᠵᠢᠶ᠋ᠢ ᠪᠠᠳᠠᠷᠠᠭᠤᠯᠵᠤ᠂ ᠵᠣᠬᠢᠬᠤ ᠨᠠᠰᠤᠨᠤ ᠬᠥᠮᠦᠰᠲᠤ 《 ᠲᠦᠷᠦᠵᠦ ᠳᠡᠢ᠌ᠯᠬᠦ᠂ ᠵᠣᠷᠢᠭ᠍ᠲᠠᠶᠪᠠᠷ ᠲᠦᠷᠦᠬᠦ ᠂ ᠱᠢᠯᠢᠳᠡᠭ ᠲᠥᠷᠥᠬᠦ᠌》 ᠰᠥᠰᠥ᠍ ᠵᠣᠷᠢᠭᠢ ᠭᠦᠢᠴᠡᠳ ᠬᠥᠭ᠌ᠵᠢᠭᠡᠪᠡ᠃
《 ᠵᠢᠷᠮᠦᠰᠦᠯᠡᠭᠰᠡᠨᠡᠴᠡ ᠠᠪᠤᠭᠠᠳ ᠬᠡᠦᠬᠡᠳᠢᠶᠡᠨ ᠲᠦᠷᠦᠭᠦ ᠪᠣᠯᠲᠠᠯᠠ ᠥᠪᠡᠷᠢᠶᠡᠨ ᠪᠠᠷᠤᠭ ᠵᠣᠭᠣᠰ ᠵᠠᠷᠤᠭᠰᠠᠨ ᠦᠭᠡᠢ ᠭᠡᠳᠡᠭᠢ ᠲᠥᠰᠥᠭᠡᠯᠡᠬᠦᠶᠢᠨ ᠠᠷᠭᠠ ᠦᠭᠡᠢ ᠶᠤᠮ》 ᠃ 8 ᠳ᠋ᠤᠭ᠋ᠠᠷ ᠰᠠᠷᠠᠶ᠋ᠢᠨ ᠡᠬᠢᠪᠠᠷ᠂ ᠯᠢᠦ ᠴᠢᠶᠠᠨ ᠥᠪᠥᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠡᠮᠨᠡᠯᠭᠡᠶ᠋ᠢᠨ ᠬᠤᠷᠢᠶᠠᠨᠳᠤ ᠬᠥᠩᠭᠡᠵᠢᠵᠦ᠍᠂ ᠡᠨᠡ ᠬᠡᠳᠦᠨ ᠡᠳᠦᠷ ᠪᠦᠬᠦ᠋ᠢᠯᠡ ᠬᠡᠤᠬᠡᠳᠤᠨ ᠦᠶᠡᠯᠡᠯᠤᠨ ᠬᠤᠭᠤᠴᠠᠭᠠᠨᠤ ᠡᠮᠴᠢᠯᠡᠭᠡᠨᠤ ᠵᠠᠷᠤᠳᠠᠯᠢ ᠲᠣᠭᠠᠴᠠᠭᠠ ᠬᠢᠭ᠌ᠰᠡᠨᠤ ᠳᠠᠷᠠᠭᠠ᠂ ᠬᠤᠪᠢ ᠬᠥᠮᠦᠨᠤ ᠡᠭᠦᠷᠭᠡᠯᠡᠬᠦ᠌ ᠵᠠᠷᠤᠳᠠᠯᠢ ᠪᠠᠷᠤᠭ ᠣᠮᠲᠣᠭᠠᠢᠯᠠᠵᠤ ᠪᠣᠯᠣᠨᠠ ᠭᠡᠳᠡᠭᠢ ᠲᠡᠷᠡ ᠶᠡᠬᠡᠳᠡ ᠭᠠᠢᠬᠠᠪᠠ᠃ 《 ᠵᠢᠷᠮᠦᠰᠦᠯᠡᠭᠡᠳ 6 ᠭᠠᠷᠠᠭ ᠪᠤᠯᠵᠦ ᠲᠠᠩᠰᠠ ᠡᠪᠬᠡᠮᠡᠯ ᠪᠠᠢᠭᠤᠯᠤᠭ᠍ᠰᠠᠨᠠᠴᠠ 37 ᠭᠠᠷᠠᠭ ᠪᠤᠯᠤᠭ᠋ᠠᠳ ᠬᠡᠥᠬᠡᠳ ᠭᠠᠷᠴᠦ ᠢᠷᠡᠬᠦ ᠬᠦᠷᠲᠡᠯᠡ᠂ 8 ᠤᠳᠠᠭᠠᠨᠤ ᠬᠥᠩᠭᠡᠵᠢᠭ᠌ᠰᠡᠨ ᠪᠠᠢᠴᠠᠭᠠᠯᠲᠠᠶ᠋ᠢᠨ ᠵᠠᠷᠤᠳᠠᠯᠨᠢ 6081.59 ᠲᠥᠭᠦᠷᠢᠭ᠂ 6041.59 ᠲᠥᠭᠦᠷᠢᠭᠤᠨ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤᠨ ᠳᠠᠩᠰᠠ ᠲᠠᠢ᠌ᠯᠠᠭᠰᠠᠨ ᠪᠠᠢᠨᠠ᠃ 3 ᠡᠳᠦᠷ ᠬᠡᠦᠬᠡᠳ ᠡᠮᠨᠡᠯᠭᠡᠳᠦ ᠰᠠᠭᠤᠭ᠍ᠰᠠᠨ ᠰᠦᠢᠳᠭᠡᠯ ᠨᠡᠢᠲᠡ 3192.05 ᠲᠥᠭᠥᠷᠢᠭ ᠂ 3131.05 ᠲᠥᠭᠦᠷᠢᠭᠤᠨ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤᠨ ᠳᠠᠩᠰᠠ ᠲᠠᠢ᠌ᠯᠠᠭᠰᠠᠨ ᠪᠠᠢᠨᠠ ᠃ ᠦᠯᠡᠳᠡᠭᠰᠡᠨ 101 ᠲᠥᠭᠥᠷᠢᠭ ᠢ᠋ ᠴᠦ᠍ ᠴᠥᠮ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠬᠠᠯᠤᠨ ᠬᠤᠪᠢ ᠬᠥᠮᠥᠨᠦ ᠳᠠᠩᠰᠠᠨ ᠡᠷᠦᠬᠡᠡᠴᠡ ᠭᠠᠷᠭᠠᠭᠰᠠᠨ ᠶᠤᠮ ᠂ ᠡᠨᠡ ᠨᠢ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠬᠠᠷᠮᠠᠨ ᠠ᠋ᠴᠠᠪᠠᠨ ᠨᠢᠭᠡ ᠮᠥᠩᠭᠥ ᠴᠦ᠍ ᠭᠠᠷᠭᠠᠭᠰᠠᠨ ᠦᠭᠡᠢᠲᠠᠢ ᠲᠡᠩᠴᠡᠨᠡ ᠭᠡᠪᠡ ᠃
ᠥᠪᠥᠷ ᠮᠣᠩᠭᠣᠯ ᠬᠥᠩᠭᠡᠵᠢᠯᠲᠡᠶᠢᠨ ᠡᠪᠡᠳᠬᠦᠶᠢ ᠵᠣᠭᠰᠤᠭᠠᠬᠤ᠂ ᠲᠥᠷᠥᠯ ᠰᠠᠳᠤᠨ ᠬᠥᠩᠭᠡᠵᠢᠯᠲᠡᠳᠦ ᠪᠠᠷᠠ ᠪᠣᠯᠬᠤ᠂ ᠬᠥᠭᠵᠢᠮ ᠬᠥᠲᠥᠯᠵᠦ ᠬᠥᠩᠭᠡᠵᠢᠭᠦᠯᠬᠦ ᠵᠡᠷᠭᠡ ᠡᠮᠴᠢᠯᠡᠭᠡᠨᠦ ᠦᠢᠯᠡᠴᠢᠯᠡᠭᠡᠨᠦ ᠲᠥᠷᠥᠯ ᠵᠦᠢᠯᠢ ᠰᠢᠨᠡᠪᠡᠷ ᠲᠣᠬᠢᠷᠠᠭᠤᠯᠵᠤ ᠂ ᠬᠥᠩᠭᠡᠵᠢᠭᠴᠢᠶᠢᠨ ᠣᠯᠠᠨ ᠡᠰᠢᠲᠦ ᠦᠢᠯᠡᠴᠢᠯᠡᠭᠡᠨᠦ ᠬᠡᠷᠡᠭᠴᠡᠭᠡᠶᠢ ᠬᠠᠩᠭ᠋ᠠᠪᠠ᠃ ᠡᠭᠦᠨᠤ ᠬᠠᠮᠲᠤ᠌᠂ ᠬᠤᠢᠲᠤᠬᠢᠶ᠋ᠢᠨ ᠥᠰᠥᠯᠲᠡᠶ᠋ᠢᠨ ᠦᠷᠡᠵᠢᠯᠢ ᠪᠠᠢᠴᠠᠭᠠᠨ ᠱᠢᠯᠭᠠᠬᠤ᠂ ᠭᠧᠨᠢ ᠪᠠᠢᠴᠠᠭᠠᠨ ᠱᠢᠯᠭᠠᠬᠤ ᠵᠡᠷᠭᠡ ᠬᠥᠩᠭᠡᠵᠢᠬᠦ᠌ᠠᠴᠠ ᠡᠮᠦᠨᠡᠬᠢ ᠪᠠᠢᠴᠠᠭᠠᠯᠲᠠᠶ᠋ᠢᠨ ᠲᠥᠷᠥᠯ ᠵᠦᠢᠯ ᠪᠠ ᠬᠥᠩᠭᠡᠵᠢᠬᠦ᠌ᠶ᠋ᠢ ᠪᠠᠯᠭᠠᠰᠤᠨᠤ ᠲᠥᠷᠥᠯ ᠵᠦᠢᠯᠢ ᠡᠮᠴᠢᠯᠡᠭᠡᠨᠤ ᠳᠠᠭᠠᠳᠭᠠᠯᠤᠨ ᠲᠣᠭᠠᠴᠠᠭᠠ ᠬᠢᠬᠦ᠌ ᠬᠡᠪᠴᠢᠶᠡᠨᠳᠤ ᠣᠷᠣᠭᠤᠯᠵᠤ᠂ ᠡᠮᠴᠢᠯᠡᠭᠡᠶ᠋ᠢ ᠳᠡᠮᠵᠢᠵᠦ᠍ ᠪᠠᠢᠭᠠᠳ ᠬᠡᠪᠡᠯᠢᠳᠠᠬᠢ ᠬᠡᠦᠬᠡᠳᠤᠨ ᠵᠡᠷᠡᠮᠳᠡᠭ ᠲᠦᠷᠦᠭᠦᠶ᠋ᠢ ᠰᠡᠷᠭᠡᠢᠯᠡᠬᠦ᠌ ᠴᠢᠳᠠᠪᠤᠷᠢᠶ᠋ᠢ ᠳᠡᠭᠡᠭ᠌ᠰᠢᠯᠡᠭᠦᠯᠵᠦ᠍᠂ ᠬᠥᠩᠭᠡᠵᠢᠭ᠌ᠰᠡᠨ ᠡᠮᠡᠭ᠌ᠲᠡᠢᠴᠦᠳᠤᠨ ᠳᠠᠷᠤᠭᠠᠰᠤᠶ᠋ᠢ ᠬᠥᠩᠭᠡᠯᠡᠬᠦ᠌ ᠮᠥᠷᠲᠡᠭᠡᠨ ᠡᠪᠡᠳᠬᠦ᠌ᠶ᠋ᠢ ᠬᠥᠩᠭᠡᠷᠡᠭᠦᠯᠵᠦ᠍᠂ ᠰᠠᠢᠨ ᠲᠥᠷᠥᠵᠤ ᠰᠠᠢᠬᠠᠨ ᠬᠥᠭ᠌ᠵᠢᠬᠦ᠌ ᠬᠢᠷᠢ ᠲᠦᠪᠱᠢᠨᠢ ᠳᠡᠭᠡᠭ᠌ᠰᠢᠯᠡᠭᠦᠯᠦᠨᠡ᠃
ᠡᠭᠦᠨᠠᠴᠠ ᠡᠮᠦᠨᠡ᠂ ᠥᠪᠥᠷ ᠮᠣᠩᠭᠤᠯ ᠡᠮᠴᠢᠯᠡᠭᠡᠨᠤ ᠳᠠᠭᠠᠳᠭᠠᠯᠤᠨ ᠲᠣᠭᠠᠴᠠᠭᠠ ᠬᠢᠬᠦ᠌ ᠬᠡᠪᠴᠢᠶᠡᠪᠠᠨ ᠲᠠᠰᠤᠷᠠᠯᠲᠠ ᠥᠬᠡᠶ ᠥᠷᠭᠡᠳᠭᠡᠵᠦ᠍᠂ ᠦᠨᠳᠦᠰᠦᠨᠳᠡᠭᠡᠨ ᠦᠷᠭᠦᠯᠵᠢ ᠬᠡᠷᠡᠭ᠌ᠯᠡᠳᠡᠭ ᠪᠣᠶ ᠪᠥᠬᠦᠶ ᠦᠷᠡᠵᠢᠯᠤᠨ ᠡᠮᠴᠢᠯᠡᠭᠡᠨᠤ ᠦᠢᠯᠡᠴᠢᠯᠡᠭᠡᠨᠤ ᠲᠥᠷᠥᠯ ᠵᠦᠢᠯᠢ ᠬᠠᠮᠤᠷᠴᠠᠶ᠃ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠣᠰ ᠱᠠᠲᠤ᠌᠂ ᠬᠥᠯᠥᠨ ᠪᠤᠢᠷ᠂ ᠤᠯᠠᠭᠠᠨᠬᠠᠳᠠ᠂ ᠪᠠᠶᠠᠨᠨᠠᠭᠤᠷ᠂ ᠣᠷᠳᠣᠰ᠂ ᠱᠢᠯᠢᠶ᠋ᠢᠨ ᠭᠤᠤᠯ ᠵᠡᠷᠭᠡ ᠨᠢᠭᠡᠳᠦᠯᠲᠡᠶ ᠲᠥᠯᠥᠪᠯᠡᠬᠦ᠌ ᠣᠷᠣᠨᠨᠢ ᠦᠷᠡᠵᠢᠯᠤᠨ ᠳᠠᠭᠠᠳᠭᠠᠯᠤᠨ ᠡᠮᠴᠢᠯᠡᠭᠡᠨᠤ ᠬᠠᠷᠠᠭᠠᠯᠵᠠᠯᠢ ᠵᠠᠯᠭᠠᠭᠠᠪᠠᠷ ᠳᠣᠭᠢᠷᠠᠭᠤᠯᠤᠨ ᠱᠢᠯᠢᠳᠡᠭ᠌ᠵᠢᠭᠦᠯᠪᠡ᠃ ᠡᠮᠨᠡᠯᠭᠡᠳᠤ ᠰᠠᠭᠤᠬᠤ ᠲᠠᠯᠠᠪᠠᠷ᠂ ᠠᠵᠢᠯᠲᠠᠨ ᠠᠵᠢᠯᠴᠢᠨᠤ ᠬᠥᠩᠭᠡᠵᠢᠯᠤᠨ ᠡᠮᠨᠡᠯᠭᠡᠳᠤ ᠰᠠᠭᠤᠭ᠍ᠰᠠᠨ ᠵᠠᠷᠤᠳᠠᠯᠢ ᠡᠮᠴᠢᠯᠡᠭᠡᠨᠤ ᠳᠠᠭᠠᠳᠭᠠᠯᠤᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠬᠡᠪᠴᠢᠶᠡᠨᠳᠤ ᠨᠡᠢᠴᠡᠬᠦ᠌ ᠵᠠᠷᠤᠳᠠᠯᠢ ᠬᠢᠵᠠᠭᠠᠷᠯᠠᠭ᠍ᠰᠠᠨ ᠲᠤᠭᠠᠪᠠᠷ ᠥᠭ᠌ᠬᠦᠠᠴᠠ ᠪᠣᠳᠠᠲᠠᠶᠪᠠᠷ ᠥᠭ᠌ᠬᠦ ᠪᠣᠯᠭᠠᠨ ᠳᠣᠭᠢᠷᠠᠭᠤᠯᠵᠤ᠂ ᠡᠬᠢᠯᠡᠵᠦ᠍ ᠥᠭ᠌ᠬᠦ ᠱᠤᠭᠤᠮ ᠭᠠᠷᠭᠠᠬᠤ ᠥᠬᠡᠶ᠃ ᠬᠥᠩᠭᠡᠵᠢᠬᠦ᠌ ᠪᠠᠢᠴᠠᠭᠠᠯᠲᠠᠶ᠋ᠢᠨ ᠲᠠᠯᠠᠪᠠᠷ᠂ ᠡᠮᠡᠭ᠌ᠲᠡᠶ ᠠᠵᠢᠯᠲᠠᠨ ᠠᠵᠢᠯᠴᠢᠨᠤ ᠵᠢᠷᠮᠦᠰᠦᠨ ᠬᠤᠭᠤᠴᠠᠭᠠ᠂ ᠬᠥᠩᠭᠡᠵᠢᠬᠦ᠌ ᠬᠤᠭᠤᠴᠠᠭᠠ᠂ ᠬᠥᠩᠭᠡᠵᠢᠬᠦ᠌ ᠳᠡᠪᠢᠰᠭᠡᠷᠤᠨ ᠬᠤᠭᠤᠴᠠᠭᠠᠨᠳᠤ ᠭᠠᠷᠤᠭ᠍ᠰᠠᠨ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠬᠡᠪᠴᠢᠶᠡᠨᠳᠤ ᠨᠡᠢᠴᠡᠬᠦ᠌ ᠡᠭᠦᠳᠡᠨ ᠡᠮᠨᠡᠯᠭᠡᠶ᠋ᠢᠨ ᠬᠥᠩᠭᠡᠵᠢᠯᠲᠡᠶ᠋ᠢᠨ ᠪᠠᠢᠴᠠᠭᠠᠯᠲᠠᠶ᠋ᠢᠨ ᠵᠠᠷᠤᠳᠠᠯᠢ ᠬᠢᠵᠠᠭᠠᠷᠯᠠᠭ᠍ᠰᠠᠨ ᠲᠤᠭᠠ 1000 ᠲᠥᠭᠦᠷᠢᠭ / ᠬᠥᠪᠦᠷᠡᠯ ᠪᠦᠷᠢᠶ᠋ᠢ ᠪᠣᠳᠠᠲᠤ ᠪᠠᠢᠳᠠᠯᠢ ᠦᠨᠳᠦᠰᠦᠯᠡᠨ ᠲᠥᠯᠥᠬᠦ᠌ᠶ᠋ᠢᠨ ᠬᠠᠮᠲᠤ ᠡᠬᠢᠯᠡᠵᠦ᠍ ᠥᠭ᠌ᠬᠦ ᠱᠤᠭᠤᠮ ᠵᠢᠴᠢ ᠳᠡᠭᠡᠷᠡ ᠲᠠᠯᠠᠶ᠋ᠢᠨ ᠬᠢᠵᠠᠭᠠᠷ ᠪᠣᠯᠭᠠᠨ ᠲᠣᠬᠢᠷᠠᠭᠤᠯᠵᠤ᠂ ᠠᠵᠢᠯᠲᠠᠨ ᠠᠵᠢᠯᠴᠢᠨᠤ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤᠨ ᠡᠩᠤᠨ ᠡᠭᠦᠳᠡᠨ ᠡᠮᠨᠡᠯᠭᠡᠶ᠋ᠢᠨ ᠨᠢᠭᠡᠳᠦᠯᠲᠡᠶ ᠲᠥᠯᠥᠪᠯᠡᠬᠦ᠌ ᠰᠠᠭᠤᠷᠢ ᠮᠥᠩᠭᠦᠶ᠋ᠢ ᠪᠠᠰᠠ ᠬᠥᠩᠭᠡᠵᠢᠯᠲᠡᠶ᠋ᠢᠨ ᠪᠠᠢᠴᠠᠭᠠᠯᠲᠠᠳᠤ ᠬᠡᠷᠡᠭ᠌ᠯᠡᠵᠦ᠍ ᠪᠣᠯᠤᠨᠠ᠂ ᠬᠤᠪᠢ ᠬᠥᠮᠦᠨᠤ ᠡᠭᠦᠷᠭᠡᠯᠡᠬᠦ᠌ ᠡᠮᠴᠢᠯᠡᠭᠡᠨᠦ ᠵᠠᠷᠤᠳᠠᠯᠢ ᠪᠠᠰᠠ ᠬᠤᠪᠢ ᠬᠥᠮᠦᠨᠤ ᠲᠠᠩᠰᠠᠨ ᠡᠷᠦᠬᠡᠪᠠᠷ ᠳᠠᠮᠵᠢᠭᠤᠯᠤᠨ ᠲᠥᠯᠥᠵᠦ᠍᠂ ᠦᠨᠳᠦᠰᠦᠨᠳᠡᠭᠡᠨ 0 ᠲᠥᠭᠦᠷᠢᠭᠤᠨ ᠬᠥᠩᠭᠡᠵᠢᠯᠲᠡᠶ᠋ᠢ ᠪᠡᠶᠡᠯᠡᠭᠦᠯᠦᠨᠡ᠃ ᠪᠤᠰᠤᠳ ᠭᠠᠵᠠᠷ ᠣᠷᠣᠨᠤ ᠳᠣᠲᠣᠷᠠ ᠂ ᠤᠯᠠᠭᠠᠨᠴᠠᠪ ᠬᠣᠲᠠ ᠂ ᠮᠠᠨᠵᠤᠤᠷ ᠬᠣᠲᠠ ᠮᠥᠨ ᠬᠦ᠌ ᠬᠢᠵᠠᠭᠠᠷᠯᠠᠭ᠍ᠰᠠᠨ ᠲᠣᠭᠠᠪᠠᠷ ᠣᠯᠭᠣᠬᠤᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠬᠦ᠌ᠡᠴᠡ ᠪᠤᠰᠤᠳ᠂ ᠴᠥᠮ ᠪᠣᠳᠠᠲᠠᠶ ᠵᠠᠷᠤᠳᠠᠯ ᠪᠣᠯᠭᠠᠨ ᠲᠣᠬᠢᠷᠠᠭᠤᠯᠵᠤ ᠪᠠᠢᠭᠠᠳ ᠬᠠᠷᠢᠴᠠᠯ ᠶᠣᠰᠣᠭᠠᠷ ᠳᠠᠩᠰᠠ ᠲᠠᠢᠯᠵᠤ᠂ ᠳᠠᠩᠰᠠ ᠲᠠᠢᠯᠬᠤ ᠬᠠᠷᠢᠴᠠᠯ ᠨᠢ 90% ᠡᠴᠡ ᠳᠡᠭᠡᠭ᠌ᠰᠢᠳᠦ ᠬᠦᠷᠪᠡ ᠃
《 ᠦᠩᠭᠡᠷᠡᠭᠰᠡᠨᠦ 〈ᠥᠨᠳᠥᠷ ᠬᠡᠷᠡᠭ᠌ᠯᠡᠭᠡ〉 ᠶᠢ ᠣᠲᠣ ᠮᠠᠨᠤ ᠡᠩᠤᠨ ᠬᠦᠮᠦᠰ ᠪᠠᠰᠠ ᠡᠭᠦᠷᠭᠡᠯᠡᠵᠦ᠍ ᠳᠡᠢ᠌ᠯᠦᠨᠡ ᠭᠡᠵᠦ ᠪᠤᠳᠤᠵᠦ ᠤᠯᠤᠭᠰᠠᠨ ᠦᠭᠡᠢ》᠃ ᠬᠠᠨ ᠵᠢᠶᠦ᠋ᠨ （ ᠬᠠᠭᠤᠷᠮᠠᠭᠯᠠᠭᠰᠠᠨ ᠨᠡᠷᠡ ） ᠡᠷᠡ ᠡᠮᠡ ᠬᠣᠶᠠᠭᠤᠯᠠ ᠰᠠᠶᠢ ᠲᠤᠰᠠᠯᠠᠬᠤ ᠦᠷᠡᠵᠢᠯᠦ᠋ᠨ ᠮᠡᠷᠭᠡᠵᠢᠯ ᠢᠶᠠᠷ ᠳᠠᠮᠵᠢᠨ ᠠᠮᠵᠢᠯᠲᠠᠲᠠᠢᠪᠠᠷ ᠬᠡᠦᠬᠡᠳ ᠤᠯᠤᠭᠰᠠᠨ ᠪᠠᠢᠨᠠ᠃ ᠡᠭᠦᠨᠡᠴᠡ ᠡᠮᠦᠨᠡ ᠨᠠᠢᠵᠠ ᠨᠠᠷᠤ᠋ᠨ ᠬᠡᠯᠡᠬᠦ᠌ᠪᠡᠷ ᠲᠤᠰᠠᠯᠠᠬᠤ ᠦᠷᠡᠵᠢᠯᠦ᠋ᠨ ᠨᠢᠭᠡ ᠦᠶᠡᠯᠡᠯᠦ᠋ᠨ ᠬᠤᠭᠤᠴᠠᠭᠠ ᠨᠢ 4 ᠡᠴᠡ 5 ᠲᠦᠮᠡᠨ ᠲᠥᠭᠥᠷᠢᠭ ᠬᠡᠷᠡᠭ᠌ᠰᠡᠨᠡ ᠭᠡᠨᠡ ᠂ ᠡᠨᠡ ᠨᠢ ᠲᠤᠬᠠᠢ ᠶ᠋ᠢᠨ ᠦᠶᠡᠳᠦ ᠰᠠᠶᠢᠬᠠᠨ ᠭᠡᠷ ᠪᠦᠯᠢ ᠪᠠᠢᠭᠤᠯᠤᠭᠰᠠᠨ ᠬᠠᠨ ᠵᠢᠶᠦ᠋ᠨ ᠡᠷᠡ ᠡᠮᠡ ᠬᠣᠶᠠᠭᠤᠯᠠ ᠶ᠋ᠢ ᠵᠣᠷᠢᠭ ᠮᠣᠬᠤᠭ᠋ᠠᠭᠰᠠᠨ ᠪᠠᠢ᠌ᠵᠠᠢ᠃ ᠥᠪᠥᠷ ᠮᠣᠩᠭᠤᠯᠤᠨ ᠡᠮᠴᠢᠯᠡᠭᠡᠨᠤ ᠳᠠᠭᠠᠳᠭᠠᠯᠨᠢ ᠲᠤᠰᠠᠯᠠᠬᠤ ᠦᠷᠡᠵᠢᠯᠢ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤᠨ ᠲᠣᠭᠠᠴᠠᠭᠠ ᠬᠢᠬᠦ᠌ ᠬᠡᠪᠴᠢᠶᠡᠨᠳᠤ ᠣᠷᠣᠭᠤᠯᠤᠭ᠍ᠰᠠᠨᠢ ᠮᠡᠳᠡᠭ᠌ᠰᠡᠨᠤ ᠳᠠᠷᠠᠭᠠ᠂ ᠬᠠᠨ ᠵᠢᠶᠦ᠋ᠨ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠲᠡᠷᠡ ᠳᠠᠷᠤᠶᠳᠤᠨᠢ ᠡᠮᠴᠢᠯᠡᠭᠡ ᠭᠥᠯᠢᠶᠡᠨ ᠠᠪᠴᠤ᠌᠂ ᠪᠦᠬᠦ᠋ᠢᠯᠡ ᠡᠮᠴᠢᠯᠡᠭᠡᠨᠤ ᠦᠶᠡᠯᠡᠯᠤᠨ ᠵᠠᠷᠤᠳᠠᠯᠨᠢ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤᠨ ᠲᠠᠩᠰᠠ ᠲᠠᠢ᠌ᠯᠠᠭᠰᠠᠨᠤ ᠳᠠᠷᠠᠭᠠ᠂ ᠥᠪᠡᠷᠢᠶᠠᠨ ᠵᠥᠪᠬᠡᠨ ᠬᠤᠶᠠᠷ ᠲᠦᠮᠡᠨ ᠲᠥᠭᠦᠷᠢᠭ ᠣᠷᠴᠢᠮ ᠡᠭᠦᠷᠭᠡᠯᠡᠪᠡ᠃
2024 ᠣᠨᠠᠴᠠ ᠡᠬᠢᠯᠡᠨ᠂ ᠥᠪᠥᠷ ᠮᠣᠩᠭᠤᠯ ᠤᠤᠯᠤᠨ 37 ᠵᠦᠢᠯᠤᠨ ᠲᠤᠰᠠᠯᠠᠬᠤ ᠦᠷᠡᠵᠢᠯᠤᠨ ᠲᠥᠷᠥᠯᠤᠨ ᠡᠮᠴᠢᠯᠡᠭᠡᠨᠤ ᠦᠢᠯᠡᠴᠢᠯᠡᠭᠡᠨᠤ ᠲᠥᠷᠥᠯ ᠵᠦᠢᠯᠢ 12 ᠵᠦᠢᠯ ᠪᠣᠯᠭᠠᠨ ᠡᠮᠬᠢᠯᠡᠨ ᠨᠡᠢᠯᠡᠭᠦᠯᠵᠦ᠍᠂ ᠦᠨᠡ ᠲᠣᠭ᠍ᠲᠠᠭᠠᠬᠤ ᠵᠠᠭ᠍ᠪᠤᠷᠢ ᠡᠮᠴᠢᠯᠡᠭᠡᠨᠤ ᠪᠠᠢᠭᠤᠯᠤᠮᠵᠢᠶ᠋ᠢᠨ ᠪᠡᠶᠡᠪᠠᠨ ᠳᠠᠭᠠᠭᠠᠵᠤ ᠦᠨᠡ ᠲᠣᠭ᠍ᠲᠠᠭᠠᠵᠤ ᠪᠠᠢᠭ᠍ᠰᠠᠨᠠᠴᠠ ᠵᠠᠰᠠᠭᠤᠨ ᠣᠷᠳᠣᠨᠤ ᠵᠢᠯᠣᠭᠤᠳᠭᠤ ᠦᠨᠡ ᠪᠣᠯᠭᠠᠨ ᠳᠣᠭᠢᠷᠠᠭᠤᠯᠵᠤ᠂ ᠦᠨᠡ ᠬᠠᠩᠰᠢᠶ᠋ᠢ ᠲᠣᠬᠢᠷᠠᠭᠤᠯᠤᠭ᠍ᠰᠠᠨᠤ ᠳᠠᠷᠠᠭᠠ ᠳᠤᠮᠳᠠᠴᠢᠪᠠᠷ 20% ᠪᠠᠷ ᠪᠠᠭᠤᠷᠠᠭᠤᠯᠪᠠ᠃ ᠡᠭᠦᠨᠤ ᠬᠠᠮᠲᠤ ᠥᠨᠳᠡᠭᠡ ᠠᠪᠬᠤ ᠮᠡᠷᠭᠡᠵᠢᠯ᠂ ᠬᠦᠪᠦᠷᠡᠯ ᠬᠥᠮᠦᠵᠢᠭᠦᠯᠬᠦ᠌ ᠵᠡᠷᠭᠡ 8 ᠵᠦᠢᠯᠤᠨ ᠲᠤᠰᠠᠯᠠᠬᠤ ᠦᠷᠡᠵᠢᠯᠤᠨ ᠲᠥᠷᠥᠯ ᠵᠦᠢᠯᠢ ᠡᠮᠴᠢᠯᠡᠭᠡᠨᠤ ᠳᠠᠭᠠᠳᠭᠠᠯᠤᠨ ᠲᠠᠩᠰᠠ ᠲᠠᠢᠯᠬᠤ ᠬᠡᠪᠴᠢᠶᠡᠨᠳᠤ ᠣᠷᠣᠭᠤᠯᠵᠤ᠂ ᠡᠮᠴᠢᠯᠡᠭᠡᠨᠤ ᠳᠠᠭᠠᠳᠭᠠᠯᠤᠨ ᠬᠥᠬᠡ ᠲᠥᠷᠥᠯᠤᠨ ᠬᠠᠮᠢᠶᠠᠷᠤᠯᠲᠠ ᠶᠣᠰᠣᠭᠠᠷ᠂ ᠡᠭᠦᠳᠡᠨ ᠡᠮᠨᠡᠯᠭᠡᠶ᠋ᠢᠨ ᠠᠰᠲᠤᠨᠢ ᠲᠣᠭᠠᠴᠠᠭᠠ ᠬᠢᠬᠦ᠌ᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠡᠬᠢᠯᠡᠵᠦ᠍ ᠳᠥᠯᠥᠬᠦ᠌ ᠱᠤᠭᠤᠮ ᠭᠠᠷᠭᠠᠬᠤ ᠦᠭᠡᠢ᠂ ᠠᠵᠢᠯᠲᠠᠨ ᠠᠵᠢᠯᠴᠢᠨᠤ ᠡᠮᠴᠢᠯᠡᠭᠡᠨᠤ ᠳᠠᠭᠠᠳᠭᠠᠯ᠂ ᠬᠤᠲᠠ ᠬᠥᠳᠡᠭᠡᠶ᠋ᠢᠨ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠡᠮᠴᠢᠯᠡᠭᠡᠨᠤ ᠳᠠᠭᠠᠳᠭᠠᠯᠤᠨ ᠲᠠᠩᠰᠠ ᠲᠠᠢᠯᠬᠤ ᠬᠠᠷᠢᠴᠠᠯ ᠨᠢ ᠲᠣᠰ ᠲᠣᠰ 70%᠂ 50% ᠪᠣᠯᠤᠨᠠ᠃ ᠡᠨᠡ ᠵᠢᠯᠤᠨ 7 ᠳ᠋ᠤᠭᠠᠷ ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢ ᠪᠣᠯᠲᠠᠯᠠ᠂ ᠪᠥᠬᠦ᠌ ᠣᠷᠣᠨᠳᠤ ᠲᠤᠰᠠᠯᠠᠬᠤ ᠦᠷᠡᠵᠢᠯᠤᠨ ᠬᠠᠷᠠᠭᠠᠯᠵᠠᠯ 2.68 ᠲᠦᠮᠡᠨ ᠬᠥᠮᠦᠨ ᠤᠳᠠᠭᠠᠳᠤ ᠬᠦᠷᠴᠦ᠍᠂ ᠰᠠᠭᠤᠷᠢ ᠮᠥᠩᠭᠦᠶ᠋ᠢᠨ ᠵᠠᠷᠤᠯᠭᠠ ᠨᠢ 5415 ᠲᠦᠮᠡᠨ ᠲᠥᠭᠦᠷᠢᠭ ᠪᠣᠯᠤᠨᠠ᠃
《 ᠶᠡᠬᠡ ᠬᠡᠥᠬᠡᠳᠢ ᠲᠦᠷᠦᠬᠦ ᠦᠶᠡᠳᠦ ᠂ ᠬᠥᠩᠭᠡᠵᠢᠯᠦᠨ ᠨᠥᠬᠥᠪᠦᠷᠢ ᠮᠥᠩᠭᠥ᠌ ᠭᠤᠶᠤᠴᠢᠯᠠᠬᠤ ᠂ ᠬᠡᠦᠬᠡᠳᠲᠦ ᠡᠷᠦᠬᠡ ᠠᠮᠠ ᠣᠷᠣᠭᠤᠯᠬᠤ ᠂ ᠡᠮᠴᠢᠯᠡᠭᠡᠨ ᠦ ᠳᠠᠭᠠᠳᠭᠠᠯ ᠲᠤᠱᠢᠶᠠᠬᠤ ᠵᠡᠷᠭᠡ ᠲᠠᠯᠠᠪᠠᠷ ᠬᠡᠳᠦ ᠬᠡᠳᠦᠨ ᠰᠠᠯᠠᠭᠠ ᠮᠥᠴᠢᠷᠲᠤ ᠨᠠᠭ᠋ᠠᠰᠢ ᠴᠠᠭ᠋ᠠᠰᠢ ᠬᠦᠶᠦᠯᠳᠦᠵᠦ ᠪᠠᠢ᠌ᠪᠠ᠃ ᠣᠲᠣ ᠬᠤᠶᠠᠳᠤᠭᠠᠷ ᠬᠡᠦᠬᠡᠳ ᠲᠥᠷᠥᠭ᠌ᠰᠡᠨᠤ ᠳᠠᠷᠠᠭᠠ᠂ ᠬᠥᠩᠭᠡᠵᠢᠯᠤᠨ ᠨᠥᠬᠦᠪᠥᠷᠢ ᠮᠥᠩᠭᠦᠶ᠋ᠢ ᠱᠢᠭᠤᠳ ᠮᠠᠨᠤ ᠬᠤᠪᠢ ᠬᠥᠮᠦᠨᠤ ᠪᠠᠩᠬᠢᠶ᠋ᠢᠨ ᠺᠠᠷᠲᠲᠤ ᠤᠷᠤᠭᠤᠯᠵᠦ᠂ ᠡᠷᠦᠬᠡ ᠠᠮᠠᠶ᠋ᠢᠨ ᠳᠡᠪᠲᠡᠷ᠂ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤᠨ ᠺᠠᠷᠲ᠂ ᠬᠥᠩᠭᠡᠵᠢᠯᠤᠨ ᠦᠨᠡᠮᠯᠡᠯ᠂ ᠸᠠᠺᠼᠢᠨᠢ ᠱᠢᠭᠤᠳ ᠬᠡᠷᠲᠤ ᠭᠣᠪᠢᠭᠤᠯᠪᠠ》᠃ ᠬᠥᠬᠡᠬᠣᠲᠠᠶᠢᠨ ᠠᠷᠠᠳ ᠯᠢᠦ ᠰᠠᠢ᠌ᠨ ᠪᠣᠯ ᠬᠣᠶᠠᠷ ᠬᠡᠥᠬᠡᠳᠦᠨ ᠡᠵᠢ ᠪᠤᠯᠤᠨᠠ᠂ ᠬᠣᠶᠠᠷ ᠬᠡᠦᠬᠡᠳᠢ ᠲᠥᠷᠥᠭᠰᠡᠨᠦ ᠳᠠᠷᠠᠭᠠᠬᠢ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠢ ᠭᠦᠢᠴᠡᠳᠬᠡᠬᠦᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠲᠡᠭᠦᠨᠳᠦ ᠨᠡᠯᠢᠶᠡᠳ ᠳᠥᠭᠥᠮ ᠪᠣᠯᠤᠭᠰᠠᠨ ᠨᠢ ᠢᠯᠡᠷᠬᠡᠢ ᠰᠠᠨᠠᠭᠳᠠᠨᠠ᠃
《 ᠲᠥᠷᠥᠭᠰᠡᠨᠦᠪᠡᠨ 21 ᠡᠳᠦᠷᠲᠦ ᠡᠮᠨᠡᠯᠭᠡᠳᠦ ᠬᠦᠷᠴᠦ ᠳᠠᠬᠢᠨ ᠪᠠᠢᠴᠠᠭᠠᠯᠭᠠᠬᠤ ᠦᠶᠡᠳᠦ ᠂ ᠬᠡᠦᠬᠡᠳᠦᠨ ᠰᠢᠷᠠᠯᠠᠯᠭᠠ ᠨᠢ ᠬᠦᠨᠳᠦ ᠨᠣᠴᠢᠲᠠᠢ ᠪᠠᠢᠬᠤᠶᠢ ᠣᠯᠵᠤ ᠮᠡᠳᠡᠭᠡᠳ ᠡᠮᠨᠡᠭᠦᠯᠬᠦ ᠴᠢᠬᠤᠯᠠᠲᠠᠢ ᠪᠠᠢᠬᠤᠶᠢ ᠡᠮᠴᠢᠡᠴᠡ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠬᠠᠯᠳᠤ ᠲᠦᠷᠭᠡᠨ ᠣᠷᠣᠵᠤ᠂ ᠨᠢᠭᠡᠨᠲᠡ ᠵᠠᠷᠤᠭ᠍ᠰᠠᠨ ᠬᠠᠮᠢᠶᠠ ᠪᠥᠬᠦᠶ ᠵᠠᠷᠤᠳᠠᠯᠢ ᠪᠠᠰᠠ ᠲᠠᠩᠰᠠ ᠲᠠᠢᠯᠵᠤ ᠪᠣᠯᠤᠨᠠ ᠭᠡᠵᠦ᠍ ᠰᠠᠨᠠᠭᠤᠯᠪᠠ》᠃ ᠠᠩᠬᠠ ᠡᠵᠢ ᠪᠣᠯᠤᠭᠰᠠᠨ ᠮᠠ ᠯᠢ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠬᠠᠯᠤᠨ ᠰᠠᠯᠠᠭᠠ ᠮᠥᠴᠢᠷᠡᠴᠡ ᠯᠠᠪᠯᠠᠨ ᠠᠰᠠᠭᠤᠬᠤᠪᠠᠷ ᠳᠡᠮᠵᠢᠨ ᠣᠯᠵᠤ ᠮᠡᠳᠡᠭᠰᠡᠨ ᠨᠢ ᠂ ᠤᠤᠯᠤᠨ ᠱᠢᠨᠡ ᠲᠥᠷᠥᠭ᠌ᠰᠡᠨ ᠬᠡᠤᠬᠡᠳᠤᠨ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠢ ᠬᠡᠵᠢᠶᠡ ᠴᠦ᠍ ᠭᠡᠰᠡᠨ ᠭᠦᠶ᠋ᠴᠡᠳᠭᠡᠬᠦ᠌ᠪᠠᠷ ᠭᠤᠶᠤᠴᠢᠯᠠᠵᠤ ᠪᠣᠯᠤᠨᠠ᠂ ᠲᠥᠪᠯᠡᠷᠡᠭᠦᠯᠦᠨ ᠰᠦᠶ᠋ᠳᠭᠡᠯ ᠲᠤᠱᠢᠶᠠᠬᠤ ᠬᠤᠭᠤᠴᠠᠭᠠᠨᠳᠤ ᠬᠦᠯᠢᠶᠡᠬᠦ᠌ ᠥᠬᠡᠶ ᠮᠥᠷᠲᠡᠭᠡᠨ ᠬᠡᠷᠪᠡ 90 ᠡᠳᠦᠷᠤᠨ ᠳᠣᠲᠣᠷᠠ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠪᠠᠯ ᠲᠥᠷᠥᠭ᠌ᠰᠡᠨ ᠡᠳᠦᠷᠠᠴᠠ ᠡᠬᠢᠯᠡᠨ ᠰᠠᠶᠢ ᠲᠥᠷᠥᠭ᠌ᠰᠡᠨ ᠬᠡᠤᠬᠡᠳᠤᠨ ᠡᠮᠴᠢᠯᠡᠭᠡᠨᠤ ᠵᠠᠷᠤᠳᠠᠯᠨᠢ ᠲᠠᠩᠰᠠ ᠲᠠᠢᠯᠬᠤᠪᠠᠷ ᠭᠤᠶᠤᠴᠢᠯᠠᠵᠤ ᠪᠣᠯᠤᠨᠠ᠃
ᠥᠪᠥᠷ ᠮᠣᠩᠭᠤᠯ ᠲᠥᠷᠥᠭ᠌ᠰᠡᠨ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠭᠡᠷᠡᠴᠢ᠂ ᠰᠡᠷᠭᠡᠢᠯᠡᠬᠦ᠌ ᠲᠠᠷᠢᠯᠭᠠᠶ᠋ᠢᠨ ᠦᠨᠡᠮᠯᠡᠯ᠂ ᠡᠷᠦᠬᠡ ᠠᠮᠠᠶ᠋ᠢᠨ ᠳᠡᠩᠰᠡᠯᠡᠯᠲᠡ᠂ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠬᠤ᠂ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤᠨ ᠰᠦᠢᠳᠭᠡᠯ ᠲᠤᠱᠢᠶᠠᠬᠤ᠂ ᠨᠡᠢᠭᠡᠮᠤᠨ ᠳᠠᠭᠠᠳᠭᠠᠯᠤᠨ ᠺᠠᠷᠲᠢ ᠭᠤᠶᠤᠴᠢᠯᠠᠨ ᠠᠪᠬᠤ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢᠪᠠᠷ ᠬᠡᠤᠬᠡᠳ ᠪᠤᠢᠵᠢᠭᠤᠯᠬᠤᠶ᠋ᠢ ᠵᠢᠯᠣᠭᠤᠳᠭᠤ ᠦᠢᠯᠡᠴᠢᠯᠡᠭᠡ ᠵᠡᠷᠭᠡ 7 ᠵᠦᠢᠯᠤᠨ ᠲᠤᠬᠠᠢᠯᠠᠭ᠍ᠰᠠᠨ ᠠᠵᠢᠯᠤᠨ ᠬᠢᠨᠠᠨ ᠵᠥᠪᠱᠢᠶᠡᠷᠡᠬᠦ᠌ ᠭᠤᠭ᠍ᠴᠤᠭᠠᠶ᠋ᠢ 22 ᠪᠠᠢᠭ᠍ᠰᠠᠨᠠᠴᠠ 2 ᠪᠣᠯᠭᠠᠨ ᠪᠠᠭᠠᠰᠭᠠᠵᠤ᠂ ᠬᠢᠨᠠᠨ ᠵᠥᠪᠱᠢᠶᠡᠷᠡᠬᠦ᠌ ᠴᠠᠭᠤᠨ ᠬᠢᠵᠠᠭᠠᠷᠢ 90 ᠡᠳᠦᠷᠠᠴᠠ 7 ᠡᠳᠦᠷ ᠪᠣᠯᠭᠠᠨ ᠪᠠᠭᠠᠰᠭᠠᠵᠤ᠂ ᠲᠤᠱᠢᠶᠠᠬᠤ ᠮᠠᠲ᠋ᠧᠷᠢᠶᠠᠯᠢ 24 ᠬᠤᠪᠢ ᠪᠠᠢᠭ᠍ᠰᠠᠨᠠᠴᠠ 6 ᠬᠤᠪᠢ ᠪᠣᠯᠭᠠᠨ ᠪᠠᠭᠠᠰᠭᠠᠵᠤ᠂ ᠬᠤᠲᠠᠶ᠋ᠢᠨ ᠠᠷᠠᠳ ᠴᠣᠩᠬᠤᠪᠴᠢᠳᠤ ᠬᠦᠷᠴᠦ᠍ ᠭᠦᠶ᠋ᠴᠡᠳᠭᠡᠬᠦ᠌ ᠤᠳᠠᠭᠠᠶ᠋ᠢ 6 ᠤᠳᠠᠭᠠ ᠪᠠᠢᠭ᠍ᠰᠠᠨᠠᠴᠠ 《ᠬᠠᠮᠤᠭ ᠣᠯᠠᠨᠳᠠᠭᠠᠨ ᠨᠢᠭᠡ ᠯᠡ ᠤᠳᠠᠭᠠ ᠭᠦᠶᠦᠯᠭᠡᠬᠦ᠌》 ᠪᠣᠯᠭᠠᠨ ᠪᠠᠭᠠᠰᠭᠠᠵᠤ᠂ ᠨᠢᠷᠠᠢ ᠬᠡᠤᠬᠡᠳᠢ ᠲᠥᠷᠥᠭᠦᠯᠬᠦ᠌ 《ᠨᠢᠭᠡ ᠶᠠᠪᠤᠳᠠᠯ》 ᠢ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠣᠯᠠᠨ ᠰᠠᠯᠠᠭᠠ ᠮᠥᠴᠢᠷ ᠬᠠᠮᠲᠤᠷᠠᠨ ᠭᠦᠢᠴᠡᠳᠭᠡᠬᠦ᠌ᠶ᠋ᠢ ᠪᠡᠶᠡᠯᠡᠭᠦᠯᠪᠡ᠃ ᠲᠣᠰ ᠭᠠᠵᠠᠷᠲᠤ ᠲᠥᠷᠥᠭ᠌ᠰᠡᠨ ᠨᠢᠷᠠᠶ ᠬᠡᠤᠬᠡᠳᠤᠨ ᠡᠴᠢᠭᠡ ᠡᠬᠡᠨᠢ ᠡᠮᠨᠡᠯᠭᠡᠶ᠋ᠢᠨ ᠬᠤᠷᠢᠶᠠᠨᠳᠤ 《ᠨᠢᠭᠡ ᠥᠷᠲᠡᠭᠡᠨᠤ ᠮᠠᠶᠢᠭ》 ᠢᠶᠠᠷ ᠲᠤᠬᠠᠢᠯᠠᠭ᠍ᠰᠠᠨ ᠠᠵᠢᠯᠢᠶᠠᠨ ᠭᠦᠢᠴᠡᠳᠭᠡᠵᠦ᠍ ᠪᠣᠯᠤᠨᠠ᠂ ᠡᠮᠨᠡᠯᠭᠡᠠᠴᠠ ᠭᠠᠷᠤᠭ᠍ᠰᠠᠨᠤ ᠳᠠᠷᠠᠭᠠ ᠬᠠᠮᠢᠶᠠ ᠪᠥᠬᠦᠶ ᠭᠡᠷᠡᠴᠢ ᠮᠠᠲ᠋ᠧᠷᠢᠶᠠᠯᠢ ᠳᠠᠷᠤᠶ ᠭᠤᠶᠤᠴᠢᠯᠠᠬᠤ ᠦᠶᠡᠳᠤ ᠤᠷᠢᠳᠴᠢᠯᠠᠨ ᠦᠯᠡᠳᠡᠭᠡᠭ᠌ᠰᠡᠨ ᠬᠡᠷ ᠪᠦᠯᠢᠶ᠋ᠢᠨ ᠰᠠᠭᠤᠭᠠ ᠭᠠᠵᠠᠷᠲᠤ ᠱᠢᠦᠳᠠᠨᠢᠶᠠᠷ ᠢᠯᠡᠭᠡᠵᠦ᠍ ᠪᠣᠯᠤᠨᠠ᠃ ᠣᠷᠣᠨᠤ ᠳᠣᠲᠣᠷᠠ ᠣᠨᠳᠣᠤ ᠭᠠᠵᠠᠷ ᠦᠢᠯᠡᠳᠪᠦᠷᠢᠯᠡᠬᠦ᠌ᠶ᠋ᠢ ᠪᠠᠢᠴᠠᠭᠠᠬᠤ᠂ ᠬᠥᠩᠭᠡᠵᠢᠬᠦ᠂ ᠲᠥᠯᠥᠪᠯᠡᠭᠡᠲᠦ ᠦᠷᠡᠵᠢᠯ ᠵᠡᠷᠭᠡ ᠵᠠᠷᠤᠳᠠᠯᠢ ᠳ᠋ᠦᠩᠨᠡᠨ ᠪᠣᠳᠣᠬᠤᠳᠤ 《ᠪᠦᠬᠦ᠌ ᠣᠷᠣᠨᠳᠤ ᠨᠡᠢᠳᠡᠮ ᠭᠦᠢᠴᠡᠳᠭᠡᠬᠦ᠌》 ᠶ᠋ᠢ ᠪᠡᠶᠡᠯᠡᠭᠦᠯᠵᠦ᠍᠂ ᠴᠥᠮ ᠴᠡᠭ ᠲᠣᠭ᠍ᠲᠠᠭᠠᠭ᠍ᠰᠠᠨ ᠡᠮᠴᠢᠯᠡᠭᠡᠨᠦ ᠪᠠᠢᠭᠤᠯᠤᠮᠵᠢᠳᠤ ᠱᠢᠭᠤᠳ ᠳ᠋ᠦᠩᠨᠡᠨ ᠪᠣᠳᠣᠵᠤ᠂ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠣᠯᠠᠨ ᠲᠦᠮᠡᠨᠦ 《ᠣᠢᠷᠠ᠂ ᠳᠥᠭᠥᠮ ᠳᠦᠳᠡ᠂ ᠥᠨᠳᠥᠷ ᠦᠷᠡ ᠪᠦᠲᠦᠮᠵᠢᠲᠡᠶ》 ᠪᠠᠢᠬᠤ ᠬᠡᠷᠡᠭ᠌ᠴᠡᠭᠡ ᠱᠠᠭᠠᠷᠳᠠᠯᠭᠠᠶ᠋ᠢ ᠬᠠᠩᠭᠠᠨᠠ᠃
ᠡᠳ᠋ᠦᠨ ᠵᠠᠰᠠᠭᠤᠨ ᠪᠤᠰᠤ ᠠᠰᠠᠷᠠᠨ ᠲᠡᠵᠢᠭᠡᠬᠦ᠌ ᠨᠢᠭᠡᠴᠢᠶ᠋ᠢᠨ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠡᠮᠡᠭ᠌ᠲᠡᠶ ᠠᠵᠢᠯᠲᠠᠨ ᠠᠵᠢᠯᠴᠢᠨ ᠤᠯᠤᠰᠠᠴᠠ ᠲᠣᠭ᠍ᠲᠠᠭᠠᠭ᠍ᠰᠠᠨ 98 ᠡᠳᠦᠷᠦᠨ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ ᠬᠡᠦᠬᠡᠳ ᠠᠪᠬᠤ ᠳᠠᠭᠠᠳᠭᠠᠯᠠᠴᠠ ᠦᠷᠡᠵᠢᠯᠦᠨ ᠨᠡᠮᠡᠭᠦᠷᠢ ᠣᠯᠭᠣᠵᠤ ᠪᠣᠯᠤᠨᠠ᠃ 2024 ᠣᠨᠤ 5 ᠳ᠋ᠤᠭ᠋ᠠᠷ ᠰᠠᠷᠠᠳᠤ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠥᠩᠭᠡᠵᠢᠯᠤᠨ ᠨᠥᠬᠦᠪᠥᠷᠢ ᠮᠥᠩᠭᠦᠶ᠋ᠢ 《 ᠳᠠᠷᠤᠢ ᠭᠤᠶᠤᠴᠢᠯᠠᠵᠤ ᠳᠠᠷᠤᠶ ᠭᠥᠷᠳᠡᠬᠦ᠌》᠂ ᠬᠤᠪᠢ ᠬᠥᠮᠦᠨᠢ ᠱᠢᠭᠤᠳ ᠲᠠᠷᠬᠠᠭᠠᠬᠤᠶ᠋ᠢ ᠪᠡᠶᠡᠯᠡᠭᠦᠯᠵᠦ᠍᠂ ᠬᠥᠩᠭᠡᠵᠢᠯᠤᠨ ᠡᠮᠡᠭ᠌ᠲᠡᠶ ᠠᠵᠢᠯᠲᠠᠨ ᠠᠵᠢᠯᠴᠢᠨᠤ ᠲᠣᠭ᠍ᠲᠠᠭ᠍ᠰᠠᠨ ᠡᠮᠴᠢᠯᠡᠭᠡᠨᠤ ᠪᠠᠢᠭᠤᠯᠤᠮᠵᠢᠳᠤ ᠬᠥᠩᠭᠡᠵᠢᠯᠤᠨ ᠡᠮᠨᠡᠯᠭᠡᠳᠤ ᠰᠠᠭᠤᠭ᠍ᠰᠠᠨ ᠡᠮᠴᠢᠯᠡᠭᠡᠨᠤ ᠵᠠᠷᠤᠳᠠᠯᠢ ᠳ᠋ᠦᠩᠨᠡᠨ ᠪᠤᠳᠤᠬᠤᠶ᠋ᠢ ᠪᠡᠶᠡᠯᠡᠭᠦᠯᠦᠭ᠌ᠰᠡᠨᠤ ᠳᠠᠷᠠᠭᠠ᠂ ᠬᠠᠮᠢᠶᠠ ᠪᠥᠬᠦᠶ ᠬᠥᠩᠭᠡᠵᠢᠯᠤᠨ ᠮᠡᠳᠡᠭᠡ ᠵᠠᠩᠭᠢᠶ᠋ᠢ ᠡᠮᠴᠢᠯᠡᠭᠡᠨᠤ ᠳᠠᠭᠠᠳᠭᠠᠯᠤᠨ ᠮᠡᠳᠡᠭᠡ ᠵᠠᠩᠭᠢᠶ᠋ᠢᠨ ᠲᠠᠪᠴᠠᠩᠢᠶᠠᠷ ᠳᠠᠮᠵᠢᠭᠤᠯᠤᠨ ᠴᠠᠭ ᠲᠤᠬᠠᠶᠳᠤᠨᠢ ᠭᠠᠷᠲᠠᠨ ᠭᠦᠢᠴᠡᠳᠭᠡᠬᠦ᠌ ᠪᠠᠢᠭᠤᠯᠤᠮᠵᠢᠳᠤ ᠬᠦᠷᠭᠡᠵᠦ᠍᠂ ᠱᠢᠰᠲ᠋ᠧᠮᠤᠨ ᠠᠦ᠋ᠲ᠋ᠣ᠋ ᠬᠢᠨᠠᠨ ᠱᠢᠯᠭᠠᠯᠲᠠᠪᠠᠷ ᠨᠥᠬᠦᠴᠡᠯᠳᠤ ᠨᠡᠢᠴᠡᠬᠦ᠌ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠳᠤᠨ ᠮᠡᠳᠡᠭᠡ ᠵᠠᠩᠭᠢᠶ᠋ᠢ ᠬᠠᠷᠭᠤᠭᠤᠯᠤᠨ ᠱᠢᠯᠭᠠᠬᠤᠶ᠋ᠢᠨ ᠬᠠᠮᠲᠤ ᠬᠥᠩᠭᠡᠵᠢᠯᠤᠨ ᠨᠡᠮᠡᠭᠦᠷᠢᠶ᠋ᠢ ᠲᠣᠭᠠᠴᠠᠭᠠ ᠬᠢᠵᠦ᠍᠂ 10 ᠠᠵᠢᠯᠯᠠᠬᠤ ᠡᠳᠦᠷᠤᠨ ᠳᠣᠲᠣᠷᠠ ᠨᠡᠮᠡᠭᠦᠷᠢᠶ᠋ᠢ ᠰᠠᠯᠭᠠᠨ ᠥᠭ᠌ᠬᠦᠶ᠋ᠢ ᠪᠡᠶᠡᠯᠡᠭᠦᠯᠵᠦ᠍᠂ ᠶᠠᠮᠠᠷᠪᠠ ᠮᠠᠲ᠋ᠧᠷᠢᠶᠠᠯᠢ ᠲᠤᠱᠢᠶᠠᠬᠤ ᠴᠢᠬᠤᠯᠠ ᠥᠬᠡᠶ ᠶᠤᠮ᠃
ᠡᠨᠡ ᠵᠢᠯᠤᠨ 6 ᠳ᠋ᠤᠭᠠᠷ ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢ ᠪᠣᠯᠲᠠᠯᠠ᠂ ᠪᠥᠬᠦ᠌ ᠣᠷᠣᠨᠤ ᠦᠷᠡᠵᠢᠯᠤᠨ ᠳᠠᠭᠠᠳᠭᠠᠯᠤᠨ ᠬᠠᠷᠠᠭᠠᠯᠵᠠᠯᠢ 33.67 ᠲᠦᠮᠡᠨ ᠬᠥᠮᠦᠨ ᠤᠳᠠᠭᠠ ᠬᠦᠷᠲᠡᠪᠡ᠂ ᠡᠭᠦᠨᠳᠤ ᠡᠮᠨᠡᠯᠭᠡᠳᠤ ᠰᠠᠭᠤᠵᠤ ᠬᠥᠩᠭᠡᠵᠢᠬᠦ᠌ᠠᠴᠠ ᠡᠮᠦᠨᠡ 2.48 ᠲᠦᠮᠡᠨ ᠬᠥᠮᠦᠨ ᠤᠳᠠᠭᠠ᠂ ᠬᠥᠩᠭᠡᠵᠢᠬᠦ᠌ᠠᠴᠠ ᠡᠮᠦᠨᠡ ᠪᠠᠢ᠌ᠴᠠᠭ᠋ᠠᠯᠲᠠ 24.83 ᠲᠦᠮᠡᠨ ᠬᠥᠮᠦᠨ ᠤᠳᠠᠭᠠ᠂ 3. 53 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠ ᠶ᠋ᠢᠨ ᠨᠥᠬᠥᠪᠦᠷᠢ ᠮᠥᠩᠭᠥ ᠭᠥᠷᠳᠡᠪᠡ； ᠡᠮᠴᠢᠯᠡᠭᠡᠨᠤ ᠵᠠᠷᠤᠳᠠᠯᠤᠨ ᠵᠠᠷᠤᠯᠭᠠ 1.68 ᠳ᠋ᠦᠩᠱᠢᠭᠤᠷ ᠲᠥᠭᠦᠷᠢᠭ᠂ ᠦᠷᠡᠵᠢᠯᠤᠨ ᠨᠥᠬᠦᠪᠥᠷᠢ ᠶᠢᠨ ᠵᠠᠷᠤᠯᠭᠠ ᠨᠢ 5.07 ᠳ᠋ᠦᠩᠱᠢᠭᠤᠷ ᠲᠥᠭᠦᠷᠢᠭ ᠪᠤᠯᠤᠨᠠ᠃
《ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠮᠴᠢᠯᠡᠭᠡᠨᠤ ᠪᠠᠲᠤᠯᠠᠭᠠᠶ᠋ᠢᠨ ᠲᠣᠪᠴᠢᠶᠠ ᠤᠯᠤᠰᠤᠨ ᠱᠠᠭᠠᠷᠳᠠᠯᠭᠠ ᠶᠣᠰᠣᠭᠠᠷ᠂ ᠰᠠᠭᠤᠷᠢ ᠮᠥᠩᠭᠦᠶ᠋ᠢᠨ ᠳᠠᠭᠠᠭᠠᠬᠤ ᠴᠢᠳᠠᠪᠤᠷᠢ᠂ ᠣᠷᠣᠯᠭᠠᠶ᠋ᠢᠨ ᠬᠢᠷᠢ ᠲᠦᠪᠱᠢᠨ ᠪᠠ ᠦᠷᠡᠵᠢᠯᠤᠨ ᠡᠮᠴᠢᠯᠡᠭᠡᠨᠤ ᠬᠡᠷᠡᠭ᠌ᠯᠡᠭᠡᠶ᠋ᠢᠨ ᠬᠡᠷᠡᠭ᠌ᠴᠡᠭᠡ ᠱᠠᠭᠠᠷᠳᠠᠯᠭᠠᠶ᠋ᠢ ᠭᠦᠢᠴᠡᠳ ᠪᠣᠳᠣᠯᠬᠢᠯᠠᠵᠤ᠂ ᠦᠷᠡᠵᠢᠯᠤᠨ ᠳᠡᠮᠵᠢᠯᠭᠡᠶ᠋ᠢᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠳᠣᠭᠢᠷᠠᠭᠤᠯᠤᠨ ᠱᠢᠯᠢᠳᠡᠭ᠌ᠵᠢᠭᠦᠯᠦᠨᠡ᠃ ᠠᠮᠢᠳᠤᠯᠢᠭᠢᠶᠠᠷ ᠠᠵᠢᠯ ᠣᠯᠤᠭ᠍ᠰᠠᠳ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠬᠦᠴᠦ᠍ ᠶᠠᠪᠤᠭ᠍ᠰᠠᠳ᠂ ᠱᠢᠨᠡ ᠠᠵᠢᠯ ᠣᠯᠭᠤᠯᠲᠠᠶ᠋ᠢᠨ ᠬᠡᠯᠪᠡᠷᠢᠶ᠋ᠢᠨ ᠬᠥᠮᠦᠰ ᠵᠡᠷᠭᠡ ᠬᠠᠮᠲᠦᠶᠢ ᠦᠷᠡᠵᠢᠯᠤᠨ ᠳᠠᠭᠠᠳᠭᠠᠯᠤᠨ ᠪᠠᠲᠤᠯᠠᠭᠠᠶ᠋ᠢᠨ ᠬᠡᠪᠴᠢᠶᠡᠨᠳᠤ ᠣᠷᠣᠭᠤᠯᠬᠤᠶ᠋ᠢ ᠰᠦᠪᠡᠭ᠌ᠴᠢᠯᠡᠨᠡ； ᠪᠥᠬᠦ᠌ ᠣᠷᠣᠨᠤ ᠡᠭᠦᠳᠡᠨ ᠡᠮᠨᠡᠯᠭᠡ᠂ ᠡᠮᠨᠡᠯᠭᠡᠳᠤ ᠰᠠᠭᠤᠬᠤ ᠬᠥᠩᠭᠡᠵᠢᠯᠤᠨ ᠣᠯᠭᠤᠮᠵᠢᠶ᠋ᠢᠨ ᠨᠢᠭᠡᠳᠦᠯᠲᠡᠶ ᠪᠠᠢᠬᠤᠶ᠋ᠢ ᠠᠬᠢᠭᠤᠯᠵᠤ᠂ ᠭᠠᠵᠠᠷ ᠣᠷᠣᠨᠤ ᠬᠤᠭᠤᠷᠣᠨᠳᠣᠬᠢ ᠬᠠᠷᠠᠭᠠᠯᠵᠠᠯᠤᠨ ᠵᠥᠷᠢᠶᠡᠶ᠋ᠢ ᠪᠠᠭᠠᠰᠭᠠᠨᠠ》᠃ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠮᠴᠢᠯᠡᠭᠡᠨᠤ ᠪᠠᠲᠤᠯᠠᠭᠠᠶ᠋ᠢᠨ ᠲᠣᠪᠴᠢᠶᠠᠶ᠋ᠢᠨ ᠬᠠᠮᠢᠶᠠ ᠪᠥᠬᠦᠶ ᠬᠠᠷᠢᠭᠤᠴᠠᠯᠭᠠᠲᠠᠨ ᠢᠯᠡᠷᠬᠡᠢᠯᠡᠬᠦ᠌ᠳᠦᠪᠡᠨ᠂ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠰᠦᠪᠡᠭ᠌ᠴᠢᠯᠡᠨ ᠲᠡᠭᠦᠯᠳᠡᠷᠵᠢᠭᠦᠯᠵᠦ᠍᠂ ᠳᠠᠭᠠᠳᠭᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠬᠦᠮᠦᠰᠦᠨ ᠠᠮᠢᠳᠤᠷᠠᠯᠤᠨ ᠦᠷᠡᠵᠢᠯᠤᠨ ᠪᠠᠲᠤᠯᠠᠭᠠᠶ᠋ᠢᠨ ᠡᠷᠬᠡ ᠠᠱᠢᠭᠢ ᠨᠠᠩ ᠰᠠᠢᠲᠤᠷ ᠬᠠᠮᠠᠭᠠᠯᠠᠨ᠂ ᠦᠷᠡᠵᠢᠯᠤᠨ ᠨᠥᠬᠦᠷᠰᠡᠭ ᠬᠡᠯᠪᠡᠷᠢᠶ᠋ᠢᠨ ᠨᠡᠢᠭᠡᠮᠢ ᠪᠠᠢᠭᠤᠯᠬᠤᠶ᠋ᠢ ᠠᠬᠢᠭᠤᠯᠤᠨᠠ ᠭᠡᠵᠡᠶ᠃
